Tibetan
ཆེན་མོ་བསྐུར་བའི་དུས་ལ་བབ་པ་ཡིན་པས། གསང་བ་སྤྲོས་མེད་ཀྱི་མཎྜལ་ཤོམ་ཞིག་གསུངས་ནས་སྤྱན་བར་སྣང་ལ་ཧྲིག་གེར་གཟིགས་འདུག །རྗེས་ཀྱང་མ་བཅོས་རང་བྱུང་འོད་གསལ་གྱི་མཎྜལ་ཕུལ་ནས་སྐུ་གསུམ་མཉམ་ཉིད་ཀྱི་དབྱིངས་ལས་མ་གཡོས་པར་བཞུགས་པས། སྔོན་ཆད་རིག་འཛིན་དགའ་རབ་རྡོ་རྗེས་བྲམ་ཟེའི་འཇམ་དཔལ་བཤེས་གཉེན་ལ་དགོངས་པའི་གཏད་རྒྱ་ཐོབ་པ། ཤྲྀ། དག་སྣང་ཆོས་ཉིད་འོད་ཟེར་དང་། འཇམ་དཔལ་བཤེས་གཉེན་ཕྱི་མའི་ཤྲཱི་སིང་ཧ་དང་གཞོན་ནུ་ཛྙཱ་ན་བཛྲ་ལ་བརྡ་བརྒྱུད་དུ་གནང་བ། རྒྱོ༹ཾ།ཿ དག་སྣང་འོད་གསལ་འཁོར་ལོ་དང་། ཡེ་ཤེས་མདོས་བཱི་མ་ལར་ སྙན་བརྒྱུད་དུ་སྤེལ་བའི། བྷཾ་དགསྣང་ཡེ་ཤེས་འཁོར་ལོ་དང་། དེ་དག་གི་རྩ་བར་གྱུར་པ་ཕལ་ཆེར་གསང་བ་ཆེན་པོའི་རྒྱུད་བཅུ་བདུན་གྱི་ཏནྟྲ་ཕལ་མོ་ཆེ་ལ་སོགས་པ་པུསྟི་ཀ་བཅུའི་བཀའ་དབང་ཡོངས་སུ་རྫོགས་པ་བསྩལ་ནས། རྗེའི་མགྲིན་པར་ཐིམ་པ་དང་མཉམ་དུ་མནལ་ལས་སད། ནང་སྔ་མོ་དག་སྣང་སྐོར་གསུམ་གྱི་བརྡ་ཁྲོལ་སདབྱུང་བས། ཆོས་ཀྱི་བདག་པོ་ཡི་གེའི་འདུ་བྱེད་ཉེ་གནས་ཤཱི་ལ་བཛྲ་ལ་རྟེན་འབྲེལ་ཙམ་སྤེལ་བར་མཛད་ནས་དེ་ཙམ་མ་གཏོགས་མཇུག་མཐར་ཕྱིན་པ་དཀའ་དགོངས། དེ་སྐབས་རྡོ་རྗེགཡུ་སྒྲོན་མ་ཡིན་སྐད་པའི་མི་མོའི་ཆ་བྱད་ཅན་ཞིག་གིས་ཆང་ཀཱ་པཱ་ལ་གང་སྦྱིན་ནས། འདི་དཔལ་རིའི་ཚོགས་སྐལ་ཁྱེད་ལ་འོང་བ་ཡིན་པས་ལྷག་མེད་དུ་གསོལ་དང་། ཁྱེད་ཀྱིས་དེ་ཙམ་ཐུགས་བསམ་ཅིའི་ཕྱིར་བྱེད། སྐུ་ཚེའི་བར་ཆད་སེལ་བ་ལ་ཐབས་ཡོད་ཟེར། རྗེའི་ཞལ་ནས་ཅི་ཡོདང་རང་གིས་ད་དུང་ཡབ་རྗེ་བླ་མའི་ཟབ་གཏེར་རྣམས་མཇུག་མ་རྫོགས་པ་དང་། ཙཀ་ལི་སོགས་སྤུས་བཟང་ཞིག་ཨེ་ལྡན་སྙམ་པ་ཡོད་པས། རྟེན་འབྲེལ་སོགས་གནས་དུས་ཀྱི་དབང་དུ་མ་སོང་ན་ལོ་བར་ཆ་ཤས་ལ་འདུག་སྙམ་ཡོད་གསུངས། ཌཱཀྐིས་ན་རེ་སྐུ་ཚེ་བསྲིང་ཐབས་ལ་སུ་ཁ་བཛྲ་འདི་ང་ཡི་སྤྲུལ་པ་ཡིན་པས། དེ་དང་སྔར།ཁྱོད་ ༈ ཀློང་ཆེན་པའི་དུས་ནས་འབྲེལ་བ་ཡོད་པས་འབྲལ་མེད་དུ་རྟེན་འབྲེལ་འཛོམས་ན་ཟབ་གཏེར་དུ་མའི་སྒོ་འཕར་འབྱེད་ནས་ཕྲིན་ལས་ཕྱོགས་རྣམས་ཀུན་ཏུ་དར་རྒྱས་སུ་འབྱུང་ངེས་ཟེར་བ་དང་ལུང་བསྟན་དུ་མ་གསུངས། དེ་ནས་ལྷོ་བྲག་མཁར་ཆུའི་ཟབ་གཏེར་རེད་ཟེར་ནས། ཟབ་དོན་གསང་བ་སྙིང་ཁྲག་གི་ཆོས་སྐོར་རིག་འཛིན་བླ་མའི་ཕྱི་སྒྲུབ་དངོས་གྲུབ་སྙེ་མ། ནང་སྒྲུབ་ལུས་དཀྱིལ་ཆེན་མོ། གསང་སྒྲུབ་དངོས་གྲུབ་ཀུན་འབྱུང་ཡིད་བཞིན་ནོར་བུ་ལ་སོགས་པའི་གཏེར་ཤོག་ཐམས་ཅད་གནམ་གཏེར་གྱི་ཚུལ་དུ་གཏད་ནས་མི་སྣང་བར་གྱུར་ཏོ། །དེ་ནས་རིམ་གྱི་སྐུ་མཚམས་གྲོལ་ནས་རང་གཏེར་གྱི་ཆོས་སྒོ་དུ་མ་གསར་ཕབ་སོགས་མཐའ་རྒྱས་སུ་མཛད་དོ། །དེ་ནས་དགུང་ལོར་བཞི་བཅུར་ཕེབས་སྐབས་སྔར་གྱི་མཁའ་འགྲོའི་ལུང་བསྟན་བཞིན་བསོ་སྤྲུལ་རིན་པོ་ཆེ་དང་། སྐུ་ནུའི་སྤྲུལ་སྐུ་རྡོ་རྗེ་དགྲ་འདུལ་འཁོར་དང་བཅས་པ་དང་། རྗེའི་ཕུ་བོ་མཁྱེན་སྤྲུལ་འཛམ་གླིང་དབང་རྒྱལ་གྱི་ཡང་སྤྲུལ་དང་། གཞན་བུ་སློབ་འདུས་སྡེ་རྒྱ་མཚོ་ལ། ཡབ་རྗེ་བླ་མའི་གསུང་ཆོས་ཁ་ཚང་གི་དབང་ལུང་དང་། རང་གཏེར་གྱི་ཟབ་ཆོས་སོགས་ཀྱི་དབང་ལུང་ཁྲིད་དང་བཅས་པ་ཞིབ་རྒྱས་སུ་གསུངས། དེའི་སྐབས་སུ་བདེ་བའི་རྡོ་རྗེས་ཡིག་ཕྲིན་ཐོན་ བྱུང་བས། རྗེས་གཟིགས་པར་མཛད་ཚེ་འདི་ལྟར་འདུག །ཨེ་ཡིག་རྒྱ་མཚོ་འཁྱིལ་བའི་མཁའ་ཀློང་དུ། །ཝཾ་ཡིག་རྡོ་རྗེ་ཐུར་མའི་རླབས་ཀྱིས་གཡོས། །ཟུང་འཇུག་རྟ་ལྗང་དཀྱིལ་འཁོར་རྒྱས་པ་ལ། །ཐུགས་གཏད་སྐྱབས་འཇུག་བཀའ་དྲིན་མི་ཆུང་ཞུ་། །རིགས་དང་མཐུན་པའི་མིང་གི་ཅོད་པན་སྩོལ། །ཅེས་སོགས་འདུག་པས། རྗེའི་ཐུགས་ལ་མགར་རགཏེར་ཆེན་དང་། སྒོ་སྤྲུལ་གཉིས་གང་ཡིན་ཆ་མི་ཆོད་ཀྱང་། སྔརསྒོ་སྤྲུལ་གྱི་གསུང་ལྟར་ན་དེ་ཀའི་སྤྲུལ་པ་ཞིག་ཡིན་པ་འདྲ། ད་གང་ལྟར་ན་རིག་པ་འཛིན་པའི་སྐྱེས་བུ་ཞིག་ཡིན་ངེས་པ་རེད་དགོངས་ནས། མིང་གི་ཅོད་པན་རིག་འཛིན་འགྱུར་མེད་རྡོ་རྗེ་རུ་གནང་ནས་རིམ་གྲོ་སོགས་ཞིབ་པར་གསུངས། དེ་ནས་ཆོས་བདག་བུ་སློབ་རྣམས་ལ་རང་སྐལ་གྱི་ཟབ་གཏེརཕབ་ནས་སྒྲུབ་པ་ཉམས་ལེན་བྱེད་དུ་བཅུག་པས་རང་འབྲས་ཀྱི་དངོས་གྲུབ་འཕྲལ་དུ་འབྱུང་བ་མཐོང་ཆོས་སུ་གྱུར། རྗེའི་དངོས་སློབ་ཆོས་ཀྱི་བདག་པོ་པདྨ་འོད་གསལ་ལ་ཁྱོད་གསང་བ་ཡེ་ཤེས་མའི་སྒྲུབ་སྐོར་གྱི་བསྐྱེད་རྫོགས་ཆ་ཚང་ཕབ་ནས་ངོ་མཚར་བའི་རྟེན་འབྲེལ་བདུན་མ་བསྒྲིགས་རང་བྱུང་དུ་ཕུན་སུམ་ཚོགས་པ་བྱུང་། དེ་སྐབས་སྤྲིན་གསེབ་ནས་སེང་ལྕམ་འབྲུག་མོ་ཡིན་སྐདཔས་ཤོག་སེར་གཅིག་གཏད་པ། དེའི་ ༈ གཏད་རྒྱ་སད་ནས་ཕྱི་སྒྲུབགེ་སར་ནོར་བུ་དགྲ་འདུལ་གྱི་སྒྲུབ་པ། ནང་སྒྲུབ་ཨོ་རྒྱན་ནོར་ལྷའི་ཆོས་སྐོར་རྣམས་གཏན་ལ་ཕབ་ནས། བླ་བྲང་ལ་ཧོར་གྱི་གནོད་འཚེ་བྱུང་ཞིང་ཕྱུགས་ཉམས་སོང་བས། དེར་གེ་སར་གྱི་གཡང་སྒྲུབ་གསུངས་པས་གོང་འཕེལ་དུ་གྱུར། བར་སྐབས་ཞིག་ལ་གཞན་རྐྱེན་ཤུགས་དྲག་པ་ཞིག་དང་། གཞན་ཡང་ཐུགས་སུན་གྱི་གཏམ་མང་པོ་གསན་པ་ལ་རྐྱེན་ནས་གངས་རི་ཐོད་དཀར་ལ་བྱོན་འགྲོ་དགོངས་ཏེ། ཡིག་ཆ་སོགས་སྤྲོས་མེད་ཆུང་ངུ་ཤ་སྟག་འཚག་ནས་བུ་སློབ་རྣམས་ལ་ཞལ་ཏ་བསླབ་བྱ་སོགས་སྐབས་སྐབས་སུ་རང་རང་དང་འཚམས་པ་གསུངས། ཕྱག་རྫས་སོགས་ཅི་འབྱོར་ཐམས་ཅད་གསོལ་ཞབས་ཀྱི་རྟེན་རེ་མ་གཏོགས་བླ་བྲང་ལ་གནང་བ་སོགས་མཛད་ཡོད་སྐབས། བདེ་བའི་རྡོ་རྗེ་གློ་བུར་དུ་ཐོན་བྱུང་བས། རྗེའི་ཐུགས་ལ་ཁོ་རང་ལ་མཁའ་འགྲོའི་ལུང་བསྟན་འོང་ཡོད་ཐང་དང་། ང་རང་འགྲོ་གྲབ་བྱེད་པ་འདི་གསང་དགོས་དགོངས། དེ་ནས་རིམ་གྱིས་བདེ་སྐྱོང་དབང་མོས་ཕྱག་ཕུལ་ཏེ། རྗེའི་མདུན་དུ་འོང་ནས་སྐུ་ཁམས་བཟང་ཞུས་ཚེ། རྗེས་ཀྱང་ཁྱོད་འོ་མ་བརྒྱལ་ལམ་གསུངས། མོ་ན་རེ་ང་རང་དཀའ་མ་བྱུང་དང་། ཁྱོད་དང་མཇལ་རྒྱུ་ཨེ་ཡོད་སྙམ་ནས་སྡུག་བསྔལ་ཆེན་པོ་ འོང་ཞུས་པས། རྗེའི་ཞལ་ནས་ཁྱེད་མ་བྱོན་པ་རེད་མ་གཏོགས། ང་རང་འདི་ཀར་མི་འདུག་པར་གཞན་དུ་འགྲོ་ཚུལ་མེད་པས་མཚམས་དམ་རྒྱ་ཡིན་གསུངས། མོ་ན་རེ་ཁྱོད་གདུལ་བྱར་བྱོན་གྱི་བསམ་པ་མིན། དབེན་ཁྲོད་དུ་ལོས་བཞུགས་དང་། ངེས་མེད་ཀྱི་གནས་ས་ཐག་རིང་པོ་ཞིག་ཏུ་ཕེབས་འགྲོ་སྙམ་ནས་བདག་འདུག་ཐབས་མེད་པའི་སྡུག་བསྔལ་ཆེན་པོ་འོང་ལགས། ད་ཁྱོད་བྱོན་རྒྱུ་བྱེད་པ་མ་ཡིན་རྒྱབ་ང་རང་ལ་འཆི་ལྟས་འོང་བ་ཡིན་ཐང་ཧ་མི་གོ་གི་ལགས་ཞུས། དེ་ནས་རྗེའི་ཐུགས་ལ་སྦ་གསང་མི་ཐུབ་ངེས་པ་ཡིན་འདུག་པས། ལོ་རྒྱུས་ཞིབ་པར་བཤད་ན་ཁོ་རང་ངའི་རྩར་མེད་པ་ཡིན་པས་བཤོལ་མ་མི་བྱེད་དགོངས་ཏེ། ཐོག་མཐའ་བར་གསུམ་གྱི་ལོ་རྒྱུས་རྣམས་ཞིབ་པར་གསུངས་ཚེ།མོ་ན་རེ་འོ་ལེགས་སོ་ལོས་ཡིན་གཏེར་སྟོན་བླ་བྲང་ལ་ཁྱེད་ཀྱི་ཐབས་མ་ཆགས་ཀྱང་། སྤྱིར་སངས་རྒྱས་ཀྱི་བསྟན་པ་སེམས་ཅན་གྱི་བདེ་སྐྱིད་དང་། ཁྱད་པར་ཡབ་རྗེ་བླ་མའི་ཟབགཏེར་འཛིན་སྐྱོང་སྤེལ་གསུམ་ཁྱེད་ལ་རག་ལས་པ་དང་། ཡང་སྒོས་སུ་ཝ་ཤུལ་གསེར་ཐལ། ཨ་སྐྱོགས་ཁག་གསུམ། པདྨ་འབུམ་དཔོན་ཁག་བདུན་ལ་སོགས་པའི་ཡུལ་སྡེ་ཀུན་གྱིས་ཤི་བུའི་རྣམ་ཤེས་གཏད་ས། གསོན་པོའི་སྐྱབས་གནས་ཞུས། འདི་ཕྱིའི་རེ་ལྟོས་ ༈ བཅས་ས་ཁྱེད་ཡིན་པ་དང་། ཡང་སྒོས་དོན་གྱི་སྤྲང་མོ་བདག་གིས་འདི་ཕྱི་བར་དོ་གསུམ་གྱི་སྐྱབས་གནས་སྤྲུལ་སྐུ་ཡིད་བཞིན་ནོར་བུ་ཁྱེད་གཅིག་པུ་འདི་ལས་མེད་པས། ས་ཐག་རིང་པོ་ཞིག་ལ་མི་བྱོན་པར་ཡུལ་ཕྱོགས་འདིའི་གང་བདེ་ཞིག་ལ་བཞུགས་ནས། སྐུ་ཚེ་བརྟན་ཐབས་ཀྱི་བྱ་བ་ཅི་དགོས་ལ་སྦས་གསང་མེད་པར་བུ་སློབ་རྣམས་ལ་གསུངས་ཏེ། སྐུ་ཚེ་བརྟན་ཐབས་རེ་མ་མཛད་དུས། འུ་ཅག་ཡབ་ཡུམ་གྱི་ཆོས་དམ་ཚིག་དང་འདུན་པ་ཐམས་ཅད་ལ་ཁྱེད་ཀྱི་ཐུགས་འདང་མ་རྒྱས་པ་ཡིན་ཟེར་ནས་ཤིན་ཏུ་ངུས་ཤིང་ཡང་ཡང་ཞུས་ཚེ། རྗེའི་ཐུགས་ཀྱིས་མ་བཟོད་ནས་ཁྱོད་ཀྱིས་འདི་ལྟར་མ་མཛད་དང་། འུ་ཅག་གཉིས་གྲོས་འོང་གསུངས་ནས། ཡབ་ཡུམ་གཉིས་ཀས་ཕན་ཚུན་གྱི་དམ་ཚིག་ལ་གནས་ཏེ། ས་ཐག་རིང་པོར་མི་བྱོན་པ་དང་། སྐུ་ཚེ་གཞན་དབང་ལ་མི་གཏོང་བ་སོགས་མཛད་ནས། བདེ་བའི་རྡོ་རྗེས་ཟབ་གཏེར་ཕག་མོའི་ཆོས་སྐོར་གྱི་དབང་ལུང་རྣམས་རྗེ་ལ་གཅིག་བརྒྱུད་དུ་ཕུལ། ཁྱད་པར་མོ་རང་གི་གཏེར་རྫས་མཁའ་འགྲོའི་བླ་རྡོ་ཐིག་བརྒྱ་མ་དང་། མཚོ་རྒྱལ་གྱི་རཀྟ། གཡུ་རྩེའི་བྱིའི་མཚོ་ནས་དྲངས་པའི་གུ་རུའི་བྱང་སེམས་བཅས་སྐུ་ཚེ་བརྟན་ཕྱིར་ཕུལ་ནས་རྟེན་འབྲེལ་ཕུན་སུམ་ཚོགས་པ་བྱུང་བ་དང་། རྗེ་ ནས་ཀྱང་བདེ་བའི་རྡོ་རྗེ་ལ་རང་གཏེར་མཚོ་རྒྱལ་སྒྲུབ་པ་དཔལ་རི་མངོན་བྱེད་ཀྱི་དབང་ལུང་ཐམས་ཅད་ཞིབ་རྒྱས་སུ་བསྩལ་ནས། ཡབ་ཡུམ་མི་འབྲལ་བའི་རྟེན་དུ་གཏེརབྱོན་རྡོ་རྗེ་རྩེ་ལྔ་པ་དང་། རྡོར་དྲིལ། བུམ་པ། སྨན་རཀ་ལ་སོགས་པའི་རྒྱུ་རྫས་རིན་ཐང་ཆེ་བ་དུ་མ་གནང་། ཁྱད་པར་མོ་རང་གི་སྲས་ཡ་མ་ཡིན་འདུག་པས། དེ་ལ་བསྲུང་འཁོར་དང་སྐྱབས་འཇུག་མཛད་སྐབས། རྗེའི་ཞལ་ནས་ཁྱོད་ཀྱི་སྲས་འདིའི་ཕ་ཡབ་རྒྱལ་སྲས་སང་ལོས་ཡིན་ཨེ་རེད་གསུངས། བདེ་བའི་རྡོ་རྗེས་མ་རེད་ལགས། ངའི་བུ་འདི་ལ་དངོས་བཅས་ཀྱི་ཕ་མེད། ན་ནང་སྤྲེལ་ཟླའི་ཚེས་བཅུའི་ཉིན་དུས་མཆོད་ཚོགས་ཡོད་སྐབས་ཚོགས་ཀྱི་སྤྱན་འདྲེན་ནང་དུ་ཐོན་ཚེ་བདག་གི་སྣང་བ་འགྱུར་ནས། ལན་རེ་ས་ར་ཧ་པ་ཡིན་ཟེར། ལན་རེ་ཤ་མི་གོ་ཆ་ཡིན་ཟེར་བའི་དཔའ་བོ་སྟག་ཤམ་རུས་རྒྱན་གསོལ་བ་ཞིག་གིས་བདེ་སྦྱོར་ལ་རོལ་བའི་རྐྱེན་གྱིས། དེ་མ་ཐག་པར་ང་རང་གི་ལུས་མ་བདེ་བར་སོང་བ་དེར་འདུས་ཐམས་ཅད་ཀྱིས་ཧ་གོ་བ་ལྟར་བྱུང་བས། རྒྱལ་སྲས་དང་། སྐུ་ནུ་འཇིགས་མེད་དཀོན་མཆོག་དང་གྲྭ་པ་ལ་སོགས་པ་ཀུན་གྱིས་ཅང་ན་ནམ་ཨེ་རེད་ཟེར་བས། བདག་གིས་ང་ཅི་ན་ཚོགས་འདོན་གྱི་ཡོད་སྨྲས་ནས་ཤིན་ཏུ་ན་ཡང་སྦས་གསང་བྱས་ཡོད་སྐབས། བྱ་ ཟླའི་ཚེས་གསུམ་ཉིན་སྒོ་སྤྲུལ་གདན་སར་བྱོན་ཡོད་པའི། དེའི་སརང་རང་ཤོག་གསུངས་ནས་གྲྭ་པ་ཞིག་དང་ང་རང་བཅས་སྐུ་མདུན་དུ་སོང་བས། སྒོ་སྤྲུལ་རིན་པོ་ཆེས་ཁྱོད་ཅི་ན་འདུག་གི་གསུངས་པས། ང་རང་གིས་ཅི་ཡང་ཞུ་མ་ཕོད་པར་ཁ་རོག་ལ་བསྡད་པས། ཡང་སྒོ་སྤྲུལ་གྱི་ཞལ་ནས་སྔ་སོར་ང་རང་སྤྲེལ་ཟླའི་ཚེས་བཅུ་གསུམ་ཉིན་ནད་གཞི་ཇེ་འཁྲུག་ཏུ་སོང་བ་ཡིན་པས།ཁྱེད་ཚེས་བཅུའི་ཉིན་ན་ཟེར་ཨ་གསུངས། ང་རང་གིས་ཡིན་ཞུས་ནས་ལོ་རྒྱུས་ཐམས་ཅད་ཞིབ་པར་ཞུས་ཚེ། ཐུགས་བརྩེ་བརྩེ་མཛད་ནས་འོ་ད་སྒོས་གཏེར་གྱི་སྲས་དྲི་མེད་ཀྱི་མདུན་ལ་སྐྱོལ་དང་། ང་རང་གི་རྣམ་ཤེས་རེ་ཡིན་པར་ལ་ཐང་མེད་གསུངས་པ་སོགས་ཞིབ་རྒྱས་སུ་ཞུས་ཚེ། རྗེའི་ཞལ་ནས་སྔར་ཞུས་པ་ལྟར་རིགས་ཀྱི་བུ་ཞིག་རེད་གསུངས། དེ་ནས་བདེ་བའི་རྡོ་རྗེ་ལ་མཁའ་འགྲོའི་བརྡ་བྱང་ཞིག་ཡོད་པ་དེ་རྗེའི་ཕྱག་ཏུ་ཕུལ་ནས་འདིའི་དོན་ཁྱོད་ཀྱིས་དགོངས་སམ་ཞུས་ཚེ། རྗེས་གཟིགས་པར་མཛད་ནས་ཁྱེད་ཀྱི་གཏེར་སྐལ་ཞིག་བདག་གིས་ལོན་པར་འདུག་གསུངས། བདེ་བའི་རྡོ་རྗེས་ན་རེ་དེ་ཅིའི་ཕྱིར་ཡིན་ལགས་ཞུས། རྗེའི་ཞལ་ནས་འུག་ཅག་གཏེར་ཁ་མ་བུ་ཡིན་པ་དང་། ཁྱད་པར་ང་རང་ལ་གཏེར་འཁོར་བཞི། གཏེར་ལ་ཕན་པའི་3 གྲོགས་གསུམ་ཡོད་པའི་ལུང་བསྟན་འདུག་སྟེ། དེ་དག་གི་ནང་ནས་གཏེར་ལ་ཕན་པའི་གྲོགས་ཁྱད་པར་བ་ང་དང་མཉམ་པ་ཞིག་ལུང་དུ་གསལ་བོར་ཡོད་པ་འདི་ཁྱེད་ཡིན་པས། དེའི་རྐྱེན་ལས་གཅིག་གྲོགས་གཅིག་གིས་བྱེད་པ་རེད་གསུངས། བདེ་བའི་རྡོ་རྗེས་དམན་པ་བདག་ལྟ་བུའི་སྤྲུལ་སྐུ་རིན་པོ་ཆེ་དང་མི་མཉམ་ངེས་པ་ཡིན་ཀྱང་། རྟེན་འབྲེལ་གྱི་དགོས་ཆེད་དུ་ཅི་ཡང་མ་ཞུས་པར་ལགས་སོ་ཞུས། དེ་ནས་ཡབ་ཡུམ་གཉིས་ཀྱིས་ལུགས་གཉིས་ཀྱི་གསུང་གྲོས་ཞལ་ཏ་སོགས་ཞིབ་པར་མཛད་ནས་བདེ་བའི་རྡོ་རྗེ་ཕར་བྱོན། དེའི་སྐབས་སུ་མནལ་ལམ་ལ་མཁའ་འགྲོ་ཡེ་ཤེས་མཚོ་རྒྱལ་མས་ཞལ་གཟིགས་ནས་འདི་སྐད་གསུངས། ཀྱེེ་རིགས་ཀྱི་བུ་སང་སྔ་མོ་ནེེ་རིང་སེང་གེ་རྫོང་གི་ཟབ་གཏེར་དགོངས་འདུས་སྐོར་གསུམ་གྱི་གཏེར་སྒྲོམ་ཁྱོད་ལ་གཏེར་སྲུང་གིས་སྤྲད་འོང་བ་ཡིནཔས། དེ་དུས་ངོ་མཚར་བའི་ལྟས་ཞིག་ཡོད་པས། དེ་ཁྱེད་ཀྱི་ཉེ་འཁོར་སློབ་མ་སུས་མཐོང་ནའང་ཚེ་འཕོས་མ་ཐག་ཏུ་ཟངས་མདོག་དཔལ་རིའི་ཕོ་བྲང་དུ་བསྒྲོད་པར་ངེས་སོ་གསུངས་ནས་མི་སྣང་བར་གྱུར། ནམ་གྱི་ཐོ་རང་དུས་མཁའ་འགྲོ་ཀློང་ཡངས་སྨན་ཞེས་པས་གཏེར་སྒྲོམ་ངོ་མཚར་ཅན་དང་། བྱུང་དང་འབྱུང་འགྱུར་གྱི་ལུང་བསྟན་རྣམས་གསལ་བོར་སྨྲས། ནང་སྔ་ནམ་ ༈ ལང་ནས་ཉི་མ་ཡུལ་ལ་མ་ཤར་དུས་རྗེའི་ཉེ་གནས་ཡི་གེའི་འདུ་བྱེད་དུ་གུ་རུ་པདྨའི་ལུང་གིས་བསྔགས་པའི་ཚུལ་ཁྲིམས་རྡོ་རྗེ་ཞེས་པས་གསོལ་ཇ་སྐོལ་གྲབ་བྱས་ནས་འབུད་ཤིང་ལེན་དུ་སྒོར་སོང་བའི་ཚེ། རྗེའི་གཟིམ་གུར་གྱི་སྟེང་ན་རྒྱུ་རྐྱེན་མེད་པའི་འཇའ་ཀོར་ཡིད་དུ་འོང་བ་ཞིག་གནམ་ལ་འགྲེང་ངེར་གནས་པ་མཐོང་བས། ད་ལྟ་རྗེ་ལ་གསོལ་ཇ་དྲང་དུས། རྗེའི་ཞལ་ནས་ད་ནང་ཁྱོད་ཀྱིས་ཅང་མི་མཐོང་གསུངས། ཁོང་ན་རེ་ཁྱོད་ཀྱི་གཟིམགུར་གྱི་སྟེང་ན་འཇའ་ཀོར་ཞིག་ཤར་ཡོད་པ་མཐོང་ལགས། དེ་མིན་ཅི་ཡང་མ་མཐོང་ཞུས། རྗེས་ངོ་མཚར་ཨེ་ཆེ་གི་གསུངས། ཁོང་ན་རེ་རྒྱུ་རྐྱེན་གང་ཡང་མེད་པས་འཇའ་ཚོན་འདི་ངོ་མཚར་ཆེ་ཟེར། དེ་ནས་རྗེའི་ཐུགས་ལ་སྡོང་ཁྲོམ་ན་བདེ་བའི་རྡོ་རྗེས་ཟབ་གཏེར་ཞིག་ཡོད་པ་དེ་བདག་གིས་ལེན་པའི་དུས་ལ་བབ་འདུག་པས། རྟེན་འབྲེལ་ཞིག་ལ་རག་ལས་དགོངས་ནས་བཞུགས་ཚེ། རྗེའི་མདུན་གཡོག་པ་ཉེ་གནས་གཉིས་ཀྱིས་རྩེ་མཚར་དུ་ཚིག་གི་བརྡ་གོང་འོག་བསྣོག་པ་སོགས་ཀྱིས། རྗེས་ད་ལན་ཡུམ་གཏེར་ཡབ་ཀྱིས་མི་ལོན་པ་འདྲ་དགོངས་ནས་རྟེན་འབྲེལ་བཏང་སྙོམས་ལ་སོང་། དེ་ནས་ཐག་གཏེར་རིན་པོ་ཆེ་ལས་གླིང་བྱོན་ནས་གཏེར་ལ་ཕན་པའི་མཚོ་རྒྱལ་གྱི་སྒྲུབ་སྐོར་དང་། རྟེན་འབྲེལ་ཉེས་སེལ་གྱི་ཆོ་ག་སོགས་ཀྱི་དབང་ལུང་ཁྲིད་གསུམ་གསན་པར་མཛད། ཁྱད་པར་ཐུགས་མཐུན་གྱི་གསུང་མཛད་ཆོས་ཀྱི་བགྲོས་གླེང་མང་པོ་མཛད་ནས་ཐུགས་ཡིད་གཅིག་པ་ལྟ་བུར་གྱུར། དེ་སྐབས་སུ་མཁའ་འགྲོའི་ལུང་བསྟན་བྱུང་ནས་སྡོང་ཁྲོམ་གྱི་བྲག་སྲིན་མོ་འདྲ་བའི་ལྟོ་བར་མཐའ་དམག་ཀླ་ཀློ་འཇོམས་བྱེད་ཀྱི་གསང་གཏེར་ཟབ་མོ་ཞིག་ཡོད་ཀྱང་ཐབས་གྲོགས་དང་མ་ལྡན་ནས་རྟེན་འབྲེལ་བཏང་སྙོམས་སུ་སོང་། དེ་ནས་རྗེའི་བཞུགས་གནས་སྤར་ནས་ནོར་ལྷའི་གནས་སྨེན་ནེ་ཞེས་པའི་རི་ངོགས་ལ་བཞུགས་ཏེ། ཟབ་གཏེར་གཉིས་ཀྱི་ཆོས་སྲིད་དར་རྒྱས་སུ་མཛད། ཁྱད་པར་ཡབ་རྗེའི་བླ་མའི་ཟབ་ཆོས་མ་བསྒོམ་སངས་རྒྱས་ཀྱི་འགྲེལ་པ་ཟབ་དོན་སྙིང་པོ་འབྲི་བར་མཛད་ཀྱིན་ཡོདཔ་དེ་མཇུག་མ་རྫོགས་པས། རྗེའི་དངོས་སློབ་དམ་པ་དགེ་བཙུན་མཁྱེན་དཔལ་ལེགས་པས་ནན་ཆེར་བསྐུལ་བ་ལ་བརྟེན་ནས་བྲི་ཕབ་མཛད་སྐབས། ཡང་གཞན་རྐྱེན་ཤུགས་དྲག་པ་ཞིག་གིས་བསླང་བའི་རྐྱེན་གྱིས། རྗེ་ཉིད་ཀྱི་ཐུགས་སུན་ནས་གློ་བུར་དུ་བསྙུན་དྲག་པོ་ཐེབས་འདུག་པས། བསོ་སྤྲུལ་རིན་པོ་ཆེ་དང་། ཚུལ་ཁྲིམས་བཟང་མོ་ལ་སོགས་པའི་བུ་སློབ་རྣམས་ཀྱིས་མྱ་ངན་བྱས་ཏེ། ད་ལན་ཞིང་དུ་ཕེབས་འགྲོ་ངེས་པ་རེད་ཟེར་ནས་སྡུག་བསྔལ་ཆེནཔོ་ ༈ བསོགས། དེ་སྐབས་རྗེས་ཁྱེད་ཅག་རྣམས་ཀྱིས་དེ་ལྟར་མ་བྱེད། ང་རང་གཅིག་པུར་སྐྱུར་ཞོག་དང་། ཚེས་བཅོ་བརྒྱད་ཀྱི་ཉིན་བདེ་ཁ་སྐོར་འོང་སོགས་གསུངས། བུ་སློབ་རྣམས་ཀྱིས་ཞེ་མ་བདེ་ཡང་རྗེ་ལ་ཅི་ཡང་ཞུས་མ་ཕོད། བསོ་སྤྲུལ་རིན་པོ་ཆེའི་ཞལ་ནས་རྗེ་ལ་ཞུས་ཕོད་ཡོད་པ་ལ་པཱ་ཤཾ་ཏ་རེ་དགའགསུངས་ནས། བླ་བྲང་ནས་པཱ་ཤཱ་ཏ་རེ་འབོད་མི་བཏང་བས་བྱོན་ཏེ། རྗེའི་སྐུ་མདུན་དུ་སོང་བས་རྗེའི་བསྙུན་གཞི་བབ་ལྕི་བས་དབུ་ཡར་བཏེག་མ་ཐུབ་པར་སྤྱན་ཟུར་གྱིས་གཟིགས་པས་པཱ་ཤཾ་ཏ་རེ་ཐོན་ཡོད་པས། རྗེས་ཁྱོད་ཅིའི་ཕྱིར་འོང་གསུངས། ཁོ་ན་རེང་ཁྱེད་བསྙུན་དྲག་པོ་བྱུང་འདུག་ཟེར་བ་དེས་འོང་བ་ཡིན་པས། ཁྱེད་ཀྱི་བསྙུན་དེངས་ཐབས་ལ་རིམ་གྲོ་སོགས་ཅི་དགོས་བཀའ་གནང་ལྟར་བུ་སློབ་རྣམས་དང་ངེད་ཚོས་བསྒྲུབ་ངེས་ཡིན་སོགས་ཞུས་པས། རྗེའི་ཞལ་ནས་འདིར་སྣང་ལ་ཐུགས་སུན་ནས་ཞིང་དུ་ཕེབས་འགྲོ་བའི་ལོ་རྒྱུས་རྣམས་གསུངས་ཚེ། ཡང་པཱ་ཤཾ་ཏ་རེས་སྤྲུལ་སྐུ་ཁྱེད་ཀྱིས་འདི་ལྟར་མ་གསུངས་དང་། ཁྱེད་ཀྱི་སྐུ་ཚེ་བརྟན་ཐབས་ཀྱི་མཐུན་རྐྱེན་ཅི་འདྲ་ཡོད་ཀྱང་དེ་ལ་བར་ཆད་བྱེད་པར་ལྟ་ཞོག ལས་དང་བྱ་བ་ཅི་དགོས་ཀྱང་ཁྱོད་ཀྱིས་གསུངས་པ་བཞིན་དུ་བདག་གིས་ཀྱང་བསྒྲུབ་ངེས་པ་ཡིན་སོགས་ཀྱི་ཞུ་ བ་ཕུལ་ཞིང་། ཁྱད་པར་རྗེ་ཉིད་ཀྱིས་མི་བྱོན་པར་ཐབས་གང་དྲག་གི་སྒོ་ནས་བདག་ཅག་གི་དོན་དུ་བཞུགས་པར་གསོལ་བ་ཡང་ཡང་བཏབ་པས། རྗེས་རིག་མའི་དམ་ཚིག་ལ་དགོངས་ནས་ཞིང་དུ་མི་ཕེབས་པ་ཞལ་གྱིས་བཞེས། པཱ་ཤཾ་ཏ་རེས་ཀྱང་རྗེའི་ཐུགས་བབ་ཅི་ཡོད་ཀྱི་ཞབས་ཞུ་དང་། ཁྱད་པར་སུ་ཁ་བཛྲ་སྐུ་རྩར་བཅར་ཀྱང་ཚིག་གཅིག་མི་ཟེར་བའི་དམ་བཅའ་ཕུལ། རྗེའི་སྐུ་ཚབ་ཏུ་གདུལ་བྱར་བསོ་སྤྲུལ་རིན་པོ་ཆེ་བྱོན་རྒྱུ་བྱས་པ་ལ་སོགས་པའི་ནང་གྲོས་ཞིབ་རྒྱས་སུ་བྱས་ཤིང་། རྗེའི་བསྙུན་གཞི་རིམ་གྱིས་དེངས་ནས་ཡབ་རྗེ་བླ་མའི་ཟབ་གཏེར་གྱི་ཕུར་པ་བདེ་གཤེགས་སྙིང་པོའི་ཟླ་སྒྲུབ་ལ་བཞུགས་ནས་འདུས་པ་རྣམས་ལ་རང་རང་དང་འཚམས་པའི་བསྐྱེད་རིམ་རྒྱས་འབྲིང་བསྡུས་གསུམ་གྱི་ཁྲིད་དང་། ཁྱད་པར་དགོངས་པ་མི་འགྱུར་བའི་གནད་ཁྲིད་རྣམས་བསྩལ་ནས་བུ་སློབ་རྣམས་ཀྱི་ཐུགས་སུ་ཆུད་པར་བྱུང་། དེ་ནས་ཉིན་ཞག་བཅོ་ལྔ་ཙམ་འགྲོ་སྐབས་མནལ་ལམ་ལ་ཐབས་གྲོགས་བདེ་བའི་རྡོ་རྗེས་རིན་ཆེན་སྣ་ཚོགས་དང་། གོས་རིགས་ལྔས་བཟོས་པའི་རྒྱལ་མཚན་ཞིག་ཕྱག་ལ་བཟུང་ནས། ཐང་ཆེན་པོ་ཞིག་གི་དཀྱིལ་དུ་གཅིག་པུར་འགྲོ་འདུག་པ་གཟིགས་ཚེ། རྗེའི་ཐུགས་ལ་ཅི་ཡིན་དགོངས་ཏེ། ཁྱེད་ས་སྟེང་འདིར་ཅིའི་ཕྱིར་བྱོན་པ་ཡིན་གསུངས། ༈ ཁོང་ན་རེ་ང་གྲུབ་ཆེན་ས་ར་ཧ་པ་མཇལ་དུ་འགྲོ་བ་ཡིན། ཁྱེད་ཨེ་བྱོན་ལགས་ཟེར། རྗེའི་ཐུགས་ལ་ས་ར་ཧ་པ་སྔོན་བྱོན་གྱི་གྲུབ་ཐོབ་ཡིན་པས། ད་ལན་མཇལ་དུ་འགྲོ་ས་མེད་ཀྱང་། ཁོ་རང་གཏེར་སྟོན་ཡིན་པས་རྟེན་འབྲེལ་ལ་ཡོད་པས་འགྲོ་ན་ཆོག་ཟེར་དགོས་དགོངས་ནས་དེ་ལྟར་གསུངས་པས། ཡང་ཁོང་ན་རེ་ཁྱོད་ཀྱི་མཇལ་རྟེན་ཅི་ཡོད་ཟེར། རྗེའི་ཞལ་ནས་ངེད་མཇལ་རྟེན་ཁྱོད་ཀྱི་ལག་གི་རིན་པོ་ཆེ་འདི་རྣམས་ཀྱིས་བྱེད་གསུངས། ཁོང་ན་རེ་ཨེ་ཆོག་གི་དང་། དེ་ཙམ་ཁྱོད་ཀྱིས་ཕྱག་བསྣམས་མི་ཐུབ་ཟེར་ནས་རྒྱལ་མཚན་དེ་སྤྲད། དེ་ནས་སོང་བའི་ཆུ་ཆེན་པོ་ཞིག་གི་ཕ་རོལ་ན་ཉི་ཟླ་མེད་པའི་མཆོད་རྟེན་དཀར་པོ་ཞིག་འདུག་པས། རྗེའི་ཞལནས་ཕ་གི་ཅི་རེད་གསུངས། བདེ་བའི་རྡོ་རྗེས་ཕ་གི་ནི་ས་ར་ཧ་པའི་བཞུགས་གནས་རེད་ཟེར། ཡང་རྗེས་མཆོད་རྟེན་ལ་ཉི་ཟླ་མེད་པ་ཅི་ལན་གསུངས། ཁོང་ན་རེ་ཐེག་པའི་མཐོ་དམན་