Tibetan
THE COLLECTED REVELATIONS(GTER CHOS)OF SE-RAMKHA'-'GRO BDE-CHEN-RDO-RJE VOLUMEVI Published by Bartsham Chador Lhakhang SangdagGyepailing TI1400-001 SKYABS RJE THAMS CHED MKHYEN PAGRUB PAI DBAN PHYUG ZAB GTER RGYA MTSHOTMNA'BDAG RINPO CHE PADMA'GRO'DUL GSAN SNAGS PAI RNAM PAR THAR PASNINGIMUN SEL DAD PA'I SIN RTA RATNA'I CHUN'PHYAN UTPALA'I'PHREN BA A biograpgy of Thugs-sras Dri-med, the son of Bdud-'joms-glin-pa by Mkha'-'gro Bde-skyon-dban-mo TI1400-002 ༄༅། །ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་སྡེ་ལས་གླེགས་བམ་བདུན་པ་བཞུགས་སོ། TI1400-004 ༄༅། །ཨོཾ་སྭསྟི། ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་སྡེའི་གླེགས་བམ་ཛ༽ རྟགས་ཅན་འདིར་སྐྱབས་རྗེ་ཐམས་ཅད་མཁྱེན་པ་གྲུབ་པའི་དབང་ཕྱུག་ཟབ་གཏེར་རྒྱ་མཚོའི་མངའ་བདག་རིན་པོ་ཆེ་པདྨ་འགྲོ་འདུལ་གསང་སྔགས་གླིང་པའི་རྣམ་པར་ཐར་པ་སྙིང་གི་མུན་སེལ་དད་པའི་ཤིང་རྟ་ར་རྣའི་ཆུན་འཕྱང་ཨུཏྤལའི་ཕྲེང་བ་ཞེས་བྱ་བ་ལྡེབ་གྲངས་༡༩༡ དང་། གླེགས་བམ་གྱི་དཀར་ཆག་རང་ཉིད་ལྡེབ་༡ བཅས་བསྡོམས་ལྡེབ་གྲངས་༡༩༢ ་བཞུགས། ༈ མཚུངས་མེད་ཌཱ་ཀི་བདེ་སྐྱོང་དབང་མོའི་ཡི། ཟབ་གཏེར་མཁའ་འགྲོའི་གསང་མཛོད་ཆོས་སྡེའི་གཞུང་། །བར་མཚམས་སྒོམ་སྡེས་པར་དུ་བཏབ་སྤེལ་མཐུས། །ཟབ་ཆོས་ཕྲིན་ལས་མི་ནུབ་མཐར་རྒྱས་ཤོག། ༈ སྒྲུབ་བརྙེས་རིག་འཛིག་ཌཱ་ཀིའི་འཁོར་ལོས་བསྒྱུར། །སྔོན་མེད་གདམས་ཟབ་མཁའ་འགྲོའི་གསང་མཛོད་བདག །མཁའ་སྤྱོད་དབང་མོ་བདེ་བའི་རྡོ་རྗེ་ཡི། །རིང་ལུགས་ཕྱོགས་མཐར་འཕེལ་རྒྱས་རྟག ཁྱབ་ཤོག །ཛྙཱ་ནས་སོ།། །། TI1400-006 ༄༅། །སྐྱབས་རྗེ་ཐམས་ཅད་མཁྱེན་པ་གྲུབ་པའི་དབང་ཕྱུག་ཟབ་གཏེར་རྒྱ་མཚོའི་མངའ་བདག་རིན་པོ་ཆེ་པདྨ་འགྲོ་འདུལ་གསང་སྔགས་གླིང་པའི་རྣམ་པར་ཐར་པ་སྙིང་གི་མུན་སེལ་དད་པའི་ཤིང་རྟ་ར་རྣའི་ཆུན་འཕྱང་ཨུཏྤ་ལའི་ཕྲེང་བ་བཞུགས་སོ།། ལམ་ལོ་ཚ་མ་ཐམ་ཆུ་ཚེས་དུ་ན་མོ་གུ་རུ་བྷྱཿ གདོད་ནས་རྣམ་དག་སེམས་ཉིད་བདེ་བ་ཆེ། །རིག་དབྱིངས་མི་འགྱུར་ཀུན་བཟང་ཆོས་ཀྱི་སྐུ། །ངོ་བོ་རང་བཞིན་ཐུགས་རྗེའི་ཀུན་གྱི་བདག །དགོངས་བརྒྱུད་རིག་འཛིན་བླ་མའི་ཚོགས་ལ་འདུད། །རང་བཞིན་མི་འགགས་ཡོན་ཏན་ལྷུན་རྫོགས་པ། །སྣང་སྟོང་གཉིས་མེད་རྡོ་རྗེ་སེམས་དཔའ་ཆེ། །ཡེ་ཤེས་ཇི་སྙེད་དུ་མར་འཆར་བའི་གཟུགས། །བརྡའ་བརྒྱུད་རིག་འཛིན་བླ་མའི་ཚོགས་ལ་འདུད། །མཁྱེན་གཉིས་ཤེས་རབ་མ་འགགས་དོན་གྱི་དབྱིངས། །གསལ་ཁྱབ་རང་གྲོལ་རིག་གསུམ་འགྲོ་བའི་མགོན། །རིག་སྟོང་སྒྱུ་འཕྲུལ་སེམས་དཔའ་མཆོག་གི་གཟུགས། 3 སྙན་བརྒྱུད་རིག་འཛིན་བླ་མའི་ཚོགས་ལ་འདུད། །རིགས་ཀུན་ཡོངས་འདུས་སངས་རྒྱས་ཀུན་དངོས་འཆང་། །བདེན་གཉིས་ལམ་མཆོག་དམ་ཆོས་རྒྱུད་སྡེའི་མཛོད། །རྟོགས་གྲོལ་གཉིས་ལྡན་དགེ་འདུན་ཀུན་གྱི་རྗེ། །མཆོག་གསུམ་ངོ་བོ་པདྨ་སཾ་བྷར་འདུད། །རང་བྱུང་པད་སྡོང་ལས་འཁྲུངས་མཚོ་སྐྱེས་རྗེ། །བླ་མེད་བླ་མ་མི་འགྱུར་རྡོ་རྗེ་འཆང་། །ཡི་དམ་རྒྱ་མཚོ་སྒྱུ་འཕྲུལ་དྲྭ་བའི་སྤྲིན། །འཁོར་འདས་མཁར་སྡུད་ཀློང་ཆེན་དགོངས་པའི་མཛོད། །འགྲོ་བའི་མུན་སེལ་གང་འདུལ་སྐུར་བཞེངས་པ། །དཀྱིལ་འཁོར་འཁོར་ལོའི་སྤྱི་དཔལ་མཆོག་ལ་འདུད། །ངོ་བོ་མི་གྱུར་བདེ་ཆེན་ཀུན་3 བཟང་མོ། །རང་བཞན་མི་འགགས་རྡོ་རྗེ་རྣལ་འབྱོར་མ། །ཐུགས་རྗེའི་བདག་ཉིད་ཛྙཱ་ན་ས་ག་ར། མཁའ་འགྲོའི་རྗེ་མོ་མཁར་ཆེན་བཟའ་ལ་འདུད། །རྩ་གསུམ་དྷཱུ་ཏིའི་འཁོར་ལོ་གསུམ་པའི་དབུས། །དྭངས་བཅུད་འོད་ལྔའི་ཐིག་ལེ་བྱང་ཆུབ་སེམས། །བརྗོད་མེད་རང་གདངས་བཞི་ལྡན་ནམ་མཁའི་རླུང་ལ་འབྱུང་བཞིའི་རླུང་འདུས་པ་ཡེ་ཤེས་རླུང་། །རྣམ་དག་ངོ་བོ་སྐུ་གསུམ་མཁའ་འགྲོར་འདུད། །ཨོ་རྒྱན་མཚོ་སྐྱེས་རྡོ་རྗེའི་ཕྲིན་ལས་གར། །ལོག་རྟོག་ཚར་གཅོད་བཛྲ་གྲོ་བོ་ལོད། །བདུད་འཇོམས་རྡོ་རྗེའི་ཞབས་ལ་གུས་པས་འདུད། །བྱང་ཆུབ་བར་དུ་རིགས་ཀྱི་བདག་པོར་རོལ། །རབ་འབྱམས་ཞིང་གི་རྒྱལ་བ་མ་ལུས་པའི། །མཁྱེན་བརྩེ་ཡེ་ཤེས་གཅིག་ཏུ་འདུས་པའི་དངོས། །གཏེར་ཆེན་བླ་མ་པདྨ་ལས་འབྲེལ་ལ། །སྒོ་གསུམ་མི་ཕྱེད་དད་པས་རྟག་ཏུ་འདུད། །ཐུགས་རྒྱུད་བྱིན་རླབས་སྙིང་ལ་འཕོས་ནས་ཀྱང་། །ཚེ་རབས་ཀུན་ཏུ་འབྲལ་མེད་ཐུགས་རྗེས་ཟུངས། །གང་གིས་རང་བཞིན་བདེ་ཆེན་འདུས་མ་བྱས། །གདུལ་བྱའི་མོས་ངོས་གང་འདུལ་སྤྲུལ་པའི་སྐུ། །སྣ་ཚོགས་ཐབས་ཀྱིས་བསྟན་འགྲོའི་གསོས་སུ་སྨན། །གཏེར་ཆེན་བླ་མའི་མཛད་པ་ཕྲིན་ལས་ཀྱི། །རྣམ་པར་ཐར་པ་སྙིང་གི་མུན་སེལ་འདི། །ལྷག་བསམ་དག་ ༈ པས་བྲི་བར་བརྩམ་པ་ཡི། །ཆོས་བདག་དཔའ་བོ་མཁའ་འགྲོའི་གནང་བ་སྩོལ། །དེ་ལ་འདིར་ཨོ་རྒྱན་མཚོ་སྐྱེས་རྡོ་རྗེ་དང་དངོས་ཞལ་མི་གཉིས་པ་ཀློང་ཆེན་རྡོ་རྗེ་གཟི་བརྗིད་པདྨ་ལས་འབྲེལ་རྩལ་ལམ་རིག་འཛིན་པདྨ་འགྲོ་འདུལ་གསང་སྔགས་གླིང་པ་དེ་ཉིད་བསྟན་དང་འགྲོ་བའི་དཔལ་དུ་ཡེ་ཤེས་སྒྱུ་མའི་སྐུར་བཞེངས་ནས་མཛད་པ་ཚུལ་བཞི་དང་མཐུནཔས་བསྟན་འགྲོའི་གསོས་སུ་སྨན་པ་ནི། ཐོག་མར་ཕྱི་རབས་ཀྱི་གདུལ་བྱ་རྣམས་དང་བ་འདྲེན་པ་དང་ཡིད་ཆེས་རྙེད་པའི་ཕྱིར་དུ། སྔོན་བྱོན་གྱི་རྒྱལ་བ་རྣམས་ཀྱི་ལུང་གིས་བསྔགས་པའི་ལོ་རྒྱུས་ཅུང་ཟད་བརྗོད་ན། པདྨ་དབང་རྒྱལ་གཏེར་ལུང་གབ་སྦས་ཡང་བྱང་ལས། ཀློང་ཆེན་སྤྲུལ་པ་གསང་སྔགས་མི་མཐའ་ཅན། །མདོ་སྨད་ལྕགས་སྦྲུལ་ནག་པོའི་ལྟོ་བར་འཁྱིལ། །ཞེས་དང་། རཏྣ་གླིང་པའི་ཐུགས་སྒྲུབ་ཁ་བྱང་ལས། ང་མིན་ང་ཡི་ཐུགས་ཀྱི་སྲས། །སྦྲུལ་ལོ་རིསྨའི་མིང་ཅན་འབྱུང་། །ཐུགས་སྒྲུབ་རྣམ་གསུམ་ཆོས་སྒོ་འབྱེད། །ཅེས་དང་། རོག་རྗེ་གླིང་པའི་གཏེར་ལུང་ལས། ཤར་སྨད་སྨུག་པའི་ཉེ་ཆར་ན། །ཀློང་གསལ་སྤྲུལ་པ་རསྨི་པ། །ཁྱིའམ་འབྲུག་གི་གྲོགས་དང་འཕྲད། །སྙིང་ཐིག་མ་བུའི་ཆོས་སྐལ་འབྱེད། །ཅེས་དང་། སངས་ རྒྱས་གླིང་པའི་རྩི་དམར་ཡང་བྱང་ལས། ཤར་སྨད་རྡོ་རྗེ་ཁྲོ་ལོད་འབྱུང་། །རིགས་ཀྱི་མྱུ་གུ་རསྨིའི་མིང་། །དགོངས་འདུས་སྐོར་གསུམ་ཆོས་ལ་དབང་། །ང་ཡི་བསྟན་པ་དེ་ཡིས་འཛིན། །ཅེས་དང་། རིག་འཛིན་བདུད་འཇོམས་རྡོ་རྗེ་འཇམ་དཔལ་གསང་འདུས་ཁ་བྱང་ལས། རིག་འཛིན་གཡུ་སྒྲ་སྙིང་པོ་ཡི། །སྤྲུལ་པ་དྲི་མེད་འོད་ཟེར་འབྱུང་། །ཞེས་གསུངས་པ་ལྟར་སྔོན་བྱོན་གྱི་གྲུབ་པའི་དབང་ཕྱུག་རྣམས་ཀྱིས་རྡོ་རྗེའི་ལུང་གིས་གསལ་བར་མཛད་པས་སོམ་ཉི་དང་བྲལ་ཞིང་། དོན་ལ་ཁྱབ་དག་གདོད་མའི་མགོན་པོ་དང་རྣམ་དབྱེར་མ་མཆིས་པ་གཏེར་ཆེན་ཆོས་ཀྱི་རྒྱལ་པོ་དེ་ཉིད་གདུལ་བྱའི་དོན་དུ་གང་འདུལ་གྱི་ཡེ་ཤེས་སྒྱུ་མའི་རང་བཞིན་སྐུར་བཞེངས་པའི་ཚུལ་ནི་བརྗོད་དུ་མི་ནུས་ཀྱང་། ཅུང་ཟད་བརྗོད་ན་སྔོན་ཐུབ་པའི་དྲུང་དུ་དགེ་སློང་ཆེན་པོ་ཀུན་དགའ་བོ། འོ་མ་ཅན་ལ་གྲུབ་པའི་དབང་ཕྱུག་དྷརྨ་ལཀྵི་པ། རྒྱ་གར་མཁན་པོ་བི་མ་མི་ཏྲ། བསམ་ཡས་སུ་རྒྱལ་པོའི་སྲས་མོ་ལྷ་ལྕམ་པདྨ་གསལ། རྒྱལ་མོ་ཚ་རོང་དུ་པདྨའི་རྗེས་བཟུང་གཡུ་སྒྲ་སྙིང་པོ། རྒྱ་བལ་གྱི་མཚམས་སུ་འདར་འཕྱར་པ། ཡར་ལྷ་ཤམ་པོར་པདྨ་ལས་འབྲེལ་རྩལ། བོད་ཡུལ་བསྒྲགས་མངའ་སྒྲོགས་མོ་ཆེར་ཀློང་ཆེན་རྡོ་རྗེ་གཟི་བརྗིད། བུམ་ཐང་ཐར་ ༈ པ་གླིང་དུ་པདྨ་གླིང་པ། ཡར་ལུང་དུ་ཨོ་རྒྱན་བསམ་གཏན་གླིང་པ། ཡར་ལྷ་ཤམ་པོར་རྦ་ནམ་མཁའ་རྡོ་རྗེ། ཀོང་པོའི་ལ་སྣང་བཞད་པ་རྡོ་རྗེ། འཕྲང་འགོར་འགྲོ་འདུལ་གླིང་པ། སྤོ་བདེ་ཆེན་གླིང་དུ་ཧཱུྃ་ནག་མེ་འབར། ལྷོ་ཀ་ནམ་དུ་ཆོས་རྒྱལ་ནམ་མཁའ་འཇིགས་མེད། ཀཿཐོག་ཏུ་ཀློང་གསལ་སྙིང་པོ། ཁམས་སྡེ་དགེར་རྔོག་བདེ་ཆེན་གླིང་པ། འབྲི་གོང་དུ་བྲག་སྒོམ་པ་ཆོས་ཉིད་རང་གྲོལ། རྒྱ་ནག་མཁན་པོ་ཤཱཀྱ་དེ་ཝ། མདོ་སྨད་ཁམས་སུ་མཉྫུ་ཤྲཱི་པ་དེ་ཉིད་རིག་འཛིན་ཆེན་པོ་པདྨ་འགྲོ་འདུལ་གསང་སྔགས་གླིང་པ་ཉིད་དུ་སྣང་ནས་བསྟན་འགྲོའི་དཔལ་དུ་ཤར་བ་ནི། མདོ་ཁམས་བདུད་སྡེ་སྲིན་པོའི་ཡུལ་དུ་ནག་ཕྱོགས་གདུག་པ་ཅན་རྣམས་འདུལ་བར་གཟིགས་པ་དང་། སྟོད་ནོར་གྱི་མཐའ་མིའི་རྫས་སྦྱོར་དམོད་ངན་གྱིས་སངས་རྒྱས་ཀྱི་བསྟན་པ་ནུབ་རི་ལ་ཉེ་བར་དགོངས་ནས་བསྟན་འགྲོའི་དོན་དུ་ཆོས་ཀྱི་དབྱིངས་ལས་མ་གཡོས་བཞིན་དུ་ཡེ་ཤེས་སྒྱུ་མའི་སྐུ་གཟུགས་སྐུར་བཞེངས་པའི་ཚུལ་ནི། ཐོག་མར་རུས་ཀྱི་ཚུལ་བཟུང་བ་ལ། ཡུལ་ཟལ་མོ་སྒང་དྲུག་གི་ནང་ནས་དགེ་བསྙེན་རྡོ་རྗེ་ལེགས་པའི་ས་འཛིན་ཡུལ་ཆེན་སུ་ཝརྞ་ཞེས་པའི་ཉེ་ཆར་དུ། གདུངས་རིགས་ལྕགས་ཁུང་ཞེས་པའི་རུས་ཆེན་དུ། ཡབ་ གཏེར་རིགས་བདུད་འདུལ་གསུམ་པ་ཁྲག་འཐུང་བདུད་འཇོམས་རྡོ་རྗེ་དང་། ཡུམ་ཌཱཀྐིའི་རིགས་ཅན་སྐེ་གཟའ་སངས་རྒྱས་མཚོ་ཞེས་པའི་སྲས་སུ་སྐྱེ་སྲིད་བཟུང་ནས། ལྕགས་སྦྲུལ་ལོའི་ས་ག་ཟླ་བའི་ཡར་ཚེས་ལ་སྐུ་འཁྲུངས་པའི་དུས་རྟགས་མཚན་ཁྱད་པར་ཅན་འབྱུང་བས། ཡབ་ཀྱི་ཞལ་ནས་ང་ཡི་བསྟན་པ་འཛིན་པའི་བུ་གཅིག་འདུག་གསུངས། དེ་ནས་ཟླ་བ་གསུམ་ཙམ་ལོན་ཚེ་མའི་མནལ་ལམ་ལ་མཁའ་འགྲོ་རུས་པའི་རྒྱན་དྲུག་གསོལ་བ་ཞིག་གིས་བུ་འདི་ང་རང་གི་ཡིན་ཁྱོད་ལ་བུ་འདི་མི་དབང་ཟེར་བ་ལན་མང་པོར་རྨིས་པས། ཡུམ་གྱིས་བུ་འདི་འཆི་འགྲོ་བ་ཨེ་ཡིན་སྙམ་ནས་བླ་མ་ལ་ཞུས་པས། འོ་སྐྱོན་མེད་བུ་འདི་སྐྱེ་བ་བཟང་པོ་ཞིག་འདུག་པས། ཚེ་རིང་མས་བདག་བྱེད་པ་ཡིན་ཏེ་ཁྱོད་ཀྱི་དེའི་གསོལ་ཁ་རེ་འདོན་དང་སྐྱོན་མེད་གསུངས། མཚན་དྲི་མེད་འོད་ཟེར་དུ་གསོལ། གཉིས་པ་གླེང་གཞིའི་ཚུལ་ནི། དེ་ནས་དགུང་ལོ་གསུམ་ཙམ་ཡིན་དུས་སྐད་རིགས་མི་འདྲ་བ་དང་མི་རིགས་མི་འདྲ་བ་མང་པོ་ཐུགས་ལ་འཆར་ཀྱང་ནར་ཆུང་བས་བཏང་སྙོམས་སུ་ལུས། ལོ་ངོ་དྲུག་ལོན་དུས་སྐུ་མཆེད་ཆེ་བ་རྡོ་གྲུབ་རིན་པོ་ཆེ་སྤུན་ཟླ་ཐམས་ཅད་ཡབ་ཀྱི་དྲུང་དུ་ཡོད་པས། རྩང་ཆེན་དགོན་དུ་ང་རང་གཅིག་པུ་ཡིན་པས་སྤུན་ཟླ་རྣམས་ཀྱི་ནང་ནས་རྗེ་དེ་ཉིད་ཁོང་ ལ་གནང་དགོས་ཡབ་ལ་ཞུས་ནས་དེ་ལ་གནང་སྟེ་སྒྲུབ་སྒར་དུ་ཕེབ། ཨ་ཁུ་བློ་གྲོས་ཞེས་པ་གྲུབ་རྒན་གྱི་ཡོངས་འཛིན་བྱང་ཆུབ་སེམས་དཔའི་རྣམ་འཕྲུལ་ཞིག་ཡོད་པ་དེས་གཅེས་སྤྲས་སུ་བསྐྱང་ནས་བཞུགས་ཚེ། ནུབ་གཅིག་མནལ་ལམ་ལ་མི་བྱོལ་སོང་གི་མགོ་ཅན་ཞིག་གིས། ཁྱོད་ཀློང་ཆེན་བའི་དུས་ང་ལ་སྡུག་གཏད་པ་དེ་ལེན་ཟེར་ཞིང་རལ་གྲིས་ལན་གསུམ་གཡུག་ཀྱང་མ་ཕོག་པར། ཐུགས་དམ་གྱི་དཔེ་ཆ་ཞིག་ཡོདཔ་དེ་རླུང་འཚུབས་ཀྱིས་གཏོར་བར་རྨིས་པས་མནལ་སདཔ་དང་། ཨ་ཁུ་བློ་ལི་ལ་དེ་ལྟར་འབྱུང་འདུག་སྨྲས་པས། ངམ་རིན་པོ་ཆེ་ལ་ཞུ་དང་ཅང་ཨེ་ཡིན་ཟེར་ཞིང་བཏང་སྙོམས་སུ་ལུས། ཕྱིན་ཆད་ཀློག་སློབ་པ་ཤིན་ཏུ་ཐུགས་རིགས་ཞན་པ་ལྟར་བྱུང་ནས་ལོ་འགའ་ལའོ་རྒྱལ་ཆེ་བ་ཙམ་མཛད། དེའི་སྐབས་སུ་མི་སློབ་པའི་རིགས་གསང་སྙིང་དང་ངལ་གསོ་སོགས་རིན་པོ་ཆེས་བུ་སློབ་གཞན་ལ་གསུངས་པ་རྣམས་ནི་རང་བཞིན་གྱིས་ཐུགས་སུ་ཆུད་པར་བྱུང་ནས་གཞན་དགེ་རྒན་རྣམས་ལ་གྲུབ་མཐའི་འདོད་ཚུལ་རྣམས་དེ་ལྟར་རེད་གསུངས་པས། རིན་པོ་ཆེས་སྙན་ཏེ་ཁྱོད་ཀྱིས་ཡི་གེ་མི་ཤེས་པར་འདུག་པས་སློབ་གཉེར་ཤེས་པ་ལྟ་ཞོག །ད་དུང་ཁྱོད་བྱིས་པ་ཡིན་པས་སློབ་མ་བསྐྱང་ནས་ཆོས་འཆད་གྲབ་ཀྱི་དགོས་3 མེད། ཁ་རོག་སྡོད་ལ་ཡི་གེ་འདི་བློ་རུ་ཚུད་པར་གྱིས་གསུངས་ནས་ཀུན་བཟང་བླ་མའི་ཞལ་ལུང་གི་དཔེ་ཆ་ཞིག་གནང་ནས། རྗེ་དེ་ཉིད་ཀྱིས་བླ་མའི་བཀའ་བཞིན་སྙིང་རུས་མཛོད་དེ་ཟླ་བ་གཅིག་གི་དབུ་ཞབས་མེད་པར་ཐུགས་སུ་ཆུད་པར་མཛད། དེ་ནས་དགུང་ལོ་བདུན་བརྒྱད་ནས་མཁའ་འགྲོའི་ལུང་བསྟན་གྱི་སྐོར་དང་། ཨོ་རྒྱན་རིན་པོ་ཆེ་ཞལ་མཇལ་བ་སོགས་བྱུང་ཡང་ཨ་ཁུ་ལ་གསུངས་པ་མ་གཏོགས་རིན་པོ་ཆེ་ལ་ཞུ་མ་ཕོད། དེ་ནས་རིན་པོ་ཆེས་གཙུག་ཕུད་བཞེས་ནས་མཚན་འཇིགས་མེད་ཕྲིན་ལས་ཀུན་བཟང་རྣམ་རྒྱལ་དུ་གསོལ། གསར་རྙིང་རིས་མེད་ཀྱི་སློབ་གཉེར་རེ་དགོངས་ཉམས་སུ་བཞེས་པར་མཛད། དགུང་ལོ་དགུ་ཙམ་ལོན་དུས་གཟིམས་ཁང་རྩེགས་བཞི་པའི་ཡང་ཐོག་ཏུ་རྗེ་དེ་ཉིད་བཞུགས་ཡོད་པ་ལ། ཡུལ་དེའི་རྒྱལ་པོ་ཞིག་གིས་བྱ་ཁ་ཏ་ཞིག་ཏུ་སྤྲུལ་ནས་གནོད་བསྐྱལ་བས། གཞན་དགེ་རྒན་རྣམས་ཀྱིས་མཐོང་ལམ་ལ་རྗེ་དེ་ཉིད་ཁང་སྟེང་ནས་ལྷུང་སོང་སྣང་བ་འཆར་ཡང་། དོན་ལ་རྒྱལ་པོ་དམ་ལ་བཏགས་ནས་བྱ་ལྟར་དུ་འཕུར་ཏེ་ཁང་པའི་ཕྱི་རོལ་དང་རྩ་བར་བྱོན། སྣང་བ་ལ་དབང་ཐོབ་པས་སྒོ་དང་ཐེམ་སྐས་ལ་མ་ལྟོས་པར་ཟང་ཐལ་དུ་ནང་དུ་བྱོན་པ་སོགས་མཛད་ཀྱང་། ཨ་ཁུ་དང་རིན་པོ་ཆེ་རྣམ་པ་གཉིས་ཀ་ཁུ་འཕྲིག་ཞིག་ཀྱང་ མ་སོང་བས་སྦས་པའི་ཚུལ་མཛད། རྗེས་སོར་དུ་དགེ་རྒན་མཐོང་མི་རྣམས་ཀྱིས་དེ་ལྟར་ལོ་རྒྱུས་ཞིབ་པ་རིན་པོ་ཆེ་ལ་ཞུས་པས་བཀའ་བཀྱོན་ཕྱག་འབེབ་མཛད་ནས་ཁྱོད་ཁང་སྟེང་འོག་ཏུ་འགགས་དགོས་པ་དོན་ཅི་ཡོད། གསུངས་ནས་བཀའ་བཀྱོན་དྲག་ཏུ་གནང་ཡང་དོན་ཞུ་མ་སྤོབ། ཨ་ཁུ་བློ་ལི་ལ་དེ་ལྟར་རེད་ཅེས་ཞིབ་པར་སྨྲས་ཚེ། ཁྱོད་རིགས་པ་སད་མ་རེད་ཟེར་ཞིང་དགའ་སྤྲོ་ཆེན་པོ་མཛད། དགུང་ལོ་བཅུ་གཉིས་ལོར་མནལ་ལམ་ལ་མཁའ་འགྲོ་བདེ་བའི་གོ་ཆ་ཡིན་སྐད་པས་བུ་མོ་སྔོ་སང་རུས་པའི་རྒྱན་དྲུག་སྤྲས་པ་ཞིག་གིས་འདི་སྐད་ཟེར། ཧེ་ཧེ། གསོན་དང་རྣལ་འབྱོར་དབང་ཕྱུག །ང་ཉིད་སུ་ཡིན་ཨེ་ཤེས། །སྐྱེ་འཕྲེང་དུ་མར་འབར་བའི། །ལས་སྨོན་རྟེན་འབྲེལ་མཐུ་ཡིས། །ཁྱོད་ལ་ངག་གསལ་སྒྲོན་འོང་། །རྟ་བདུན་དཀྱིལ་འཁོར་རྒྱས་པར། །མུན་པའི་སྐྱོན་གྱིས་མི་གོས། །སེང་དཀར་རང་ལ་ཟུང་དང་། །དབྱར་རྔས་རར་སྐད་གཞོམ་ནུས། །གསེར་དང་ར་གན་མ་ནོར། །རང་ཡུལ་བྱོན་ན་ལེགས་བསམ། །པདྨའི་སྨོན་ལམ་མཐུ་ཡིས། །ཕ་བུ་འབྲེལ་ཟབ་ཆེ་ཡང་། །རང་ནོར་མཁའ་འགྲོའི་གསང་མཛོད། །དུས་དང་དུས་སུ་ལོན་བསམ། །ད་ནི་མི་འགྱང་མྱུར་དུ། །རང་ཡུལ་3 ཕྱོགས་ལ་ཆས་ཞུ། །ཞེས་ཟེར་རྨི་ལམ་པ་ལ་རྐྱེན་བྱས་ནས་དེ་ཕྱིན་ཆདཕ་ཡབ་ཤིན་ཏུ་དྲན་ནས་ཡུལ་ཕྱོགས་སུ་བྱོན་པའི་འདུན་པ་ཡང་ཡང་ཆེ་སྐབས། མ་གསུམ་གཡུ་ཐོག་དགོན་དུ་མཚོ་བྱེད་སྨན་པའི་མདུན་སར་ཕེབས་པ་གསན་ནས། རིན་པོ་ཆེ་ལ་ཕ་ཡུལ་དུ་བྱོན་དགོས་པར་གནང་བ་ཞུས་ཀྱང་སྐུ་མཆེད་ཐུགས་འདུན་ཆེ་བས་མངགས་པར་མི་མཛད་ཀྱང་། ཨ་ཁུ་བློ་ལིའི་སེམས་ཀྱིས་མ་བཟོད་ནས་ཁྱོད་ཀྱི་ཕ་ཡབ་དྲན་པ་ཁག་མེད་ཟེར་ནས་གསང་ཐབས་སུ་མངགས།དེ་ནས་ཡབ་ཀྱི་མདུན་སར་ཕེབས་ནས་ཡབ་སྲས་མཇལ་འཕྲད་བྱེད་སྐབས་བླ་མའི་ཐུགས་དགྱེས་པར་མཛད་ནས་བརྩེ་བས་རྗེས་སུ་བཟུང་སྟེ་ཞག་ཆ་ཤས་སུ་བཞུགས། དེ་ནས་ཉིན་གཅིག་བྱིས་པ་རྣམས་ཀྱི་རྩེ་གྲལ་དུ་རྗེ་དེ་ཉིད་བཞུགས་ཡོད་པ་ལ་ཐུགས་ཉམས་སུ། བླ་མ་ནི་སངས་རྒྱས་ཀུན་འདུས་ཀྱི་ངོ་བོ། དམ་ཆོས་རྒྱུད་སྡེ་རྒྱ་མཚོའི་འབྱུང་གནས། ཐར་པའི་ལམ་སྟོན་གྱི་དེད་དཔོན་ཆེན་པོ་ཡིན་པར་འདུག་པས། སྔ་སོར་ཡབ་ཡུལ་དུ་བྱོན་ཁར་རིན་པོ་ཆེའི་བཀའ་གནང་མ་ཐོབ་པ་ཡིན་པས། ད་ཕྱིར་བྱོན་ནས་ཅི་གསུང་བསྒྲུབ་དགོས་དགོངས་ཏེ། མ་ཡུམ་ལ་དེ་ལྟར་ལོ་རྒྱུས་ཞུས་པས་ཡབ་ལ་ཞུ་དང་ཅི་གསུང་མི་ཤེས་ཟེར། ཡབ་ལ་ཞུས་པས་ཡར་ཐོན་ན་མར་འགྲོ་བསམ། མར་ཕྱིན་ན་ ཡར་འོང་བསམ། ཁྱོད་བྱིས་པ་ཡིན་པས་བློ་མང་བ་རེད་གསུངས་ཏེ་བཀའ་བཀྱོན་གྱི་ཚུལ་མཛད་ཀྱང་། རྗེ་ཉིད་ཀྱིས་ཡང་ཡང་གསོལ་བའི་ལན་དུ་བླ་མའི་དྲིན་གོ་ན་བུ་རབ་རེད། བླ་མའི་ཐུགས་མི་མཉེས་པ་སྒྲུབ་མི་ཉན་གསུངས་ནས། ཁལ་རྟ་གྲྭ་པ་རྣམས་ནས་སྟ་གོན་མཛད་ནས་གྲོགས་འགའ་དང་བཅས་གྲུབ་སྒར་དུ་བྱོན་ནས། ཐོག་མར་ཨ་ཁུ་བློ་ལི་ལ་མཇལ་འཕྲད་མཛད་ཚེ་གཤིན་གསོན་འཕྲད་པ་ལྟར་དགའ་སྤྲོ་ཆེན་པོ་མཛད། དེ་ནས་རིམ་བཞིན་རིན་པོ་ཆེའི་སྐུ་མདུན་དུ་ཕེབས་ཚེ་ཐུགས་ཆུང་བའི་ཚུལ་མཛད་དེ་ང་མི་རྒན་ནད་རོ་གཅོང་སྒོག་ཏུ་སོང་ཚེ། ཁྱེད་ཀྱིས་ང་དགོས་མེད་བྱས་ནས་ལྐོག་བྲོས་བྱས་ཏེ་སོང་བ་ཅི་འདྲ་འདྲ་གསུངས། རྗེ་ཉིད་ཀྱིས་ང་རང་ཕ་ཡབ་དྲན་ཆེ་བ་དང་། རྟོགས་པ་ཅུང་ཟད་ལ་བརྟེན་ནས་སོང་བ་ཡིན་པས། ཁྱེད་ཀྱི་ཐུགས་ལ་འགལ་བ་ཡོད་ན་ཅི་གསུང་གི་བཀའ་བསྒྲུབ་ངེས་པ་དང་། ད་ལན་གྱི་ཐད་ནས་བཤགས་སྦྱང་ཇི་ལྟར་དགོས་གསུངས་ཀྱང་ངེས་པར་བསྒྲུབ་ལགས་ཐུགས་མི་ཁྲེལ་བ་ཞུ་ཞུས་པས། ཨ་ཁུས་ཀྱང་དེ་ལྟར་ཞུ་བ་ཕུལ་རོགས་བྱས། རིན་པོ་ཆེའི་འུ་ཅག་སྤུན་ཟླ་ལ་བཤགས་སྦྱང་མི་གོས་ཀྱང་། ང་རང་གིས་ཁྱོད་ཤིན་ཏུ་སྤྲས་གཅེས་ཀྱིས་བསྐྱངས་པ་དང་སེམས་ཕྲེང་བ་ཡིན་མ་3 གཏོགས་གནད་བཤད་མིན་པས་བཤད་པ་མི་དགོས་གསུངས། དེ་ནས་ཐུགས་བརྩེ་བརྩེ་མཛད་ནས། ཁྱོད་ད་ལན་འོང་དོན་གྱི་བསམ་པ་ཇི་ལྟར་ཡིན། བླ་མས་སོང་གསུངས་སམ། མ་དང་སྤུན་ཟླ་རྣམས་ཀྱིས་སོང་གསུངས་སམ། ཁྱོད་ཀྱི་དྲན་པ་ཨེ་ཡིན་གསུངས་ཚེ། ཡབ་ཡུམ་སྤུན་ཟླ་རྣམས་ཀྱིས་གསུངས་པ་མིན། བདག་རང་རྩེད་མོ་བྱེད་ཅིང་བྱིས་པ་རྣམས་དང་ལྷན་དུ་འཚོགས་ཡོད་སྐབས་བསམ་མནོ་ལ། ཉིད་ཀྱི་གཅེས་པར་བསྐྱངས་ནས་ཟས་གོས་སོགས་གང་བཟང་གནང་བ་དང་། ཁྱད་པར་དམ་པའི་ཆོས་ཀྱི་ལུགས་ནས་ཐུགས་རྩེ་བས་རྗེས་སུ་བཟུང་སྟེ་དབང་ཁྲིད་སོགས་གཅེས་ནོར་ཟབ་མོ་རྣམས་གབ་སྦས་མེད་པར་གནང་བ་དྲན་ཚེ། ང་ཕ་ཡུལ་དུ་འོང་སྐབས་ཁམས་བདེ་ཙམ་མ་ཞུས་པ་རེད་བསམ་ནས་གློ་བུར་དུ་ཡབ་ལང་འགྲོ་དགོས་ཞུས་པས། དང་པོ་བཀའ་མི་གནང་། དེ་ནས་ཡང་ཡང་ཞུས་ཚེ་བཀའ་གནང་ཐོབ་ནས་འོང་བ་ཡིན་ལགས། སྔ་སོར་ཡུལ་ཕྱོགས་སུ་འགྲོ་སྐབས་ཉམས་སྣང་འབྱུང་ཚུལ་ཙུང་ཟད་ཞུས་ཚེ། རིན་པོ་ཆེས་ཁྱོད་ངའི་བསྟན་པ་འདིར་ཕན་པ་ཞིག་ཨེ་ཡོང་བསམ་པའི་འདུན་པ་ཡོད་ཀྱང་། ང་བསྟན་པ་གང་ལ་ཕན་ཐོགས་འབྱུང་ན་ཁྱད་མེད་པས། ཕརྒན་གྱི་བཀའ་བཞིན་དུ་བསྒྲུབ་དང་དོན་ལྡན་རེ་འོང་ཐང་ ༈ གསུངས་དེ་ཀར་ཞག་ཆ་ཤས་རེ་བཞུགས། ཡང་ཕྱིར་ཡབ་ཡུལ་ལ་ཕེབ་ཁར། རིན་པོ་ཆེས་གོས་ཆེན་པདྨ་ཅོད་པན་ལས་གྲུབ་པའི་རྟེན་ཁེབས་དང་། དངོས་པོ་རིན་ཐང་ཆེ་བ་སྣ་རེ་གནང་སྦྱིན་མཛད་དེ་ལུགས་གཉིས་ཀྱི་ཐད་ནས་ཞལ་ཏ་དུ་མ་མཛད། ཨ་ཁུ་བློ་ལིས་ཀྱང་ང་རང་ན་སོ་ལོན་པས་ད་ཕྱིན་ཆད་འུ་ཅག་ཨེ་འཕྲད་མི་ཤེས་ཟེར་ནས་ཐུགས་ངལ་མཛད་བཞིན་དངོས་རྫས་རེགནང་ནས། རིན་པོ་ཆེ་དང་ཁྱོད་གཉིས་ཐུགས་ནང་མཐུན་པ་དང་དམ་ཚིག་གཙང་བ་ཡིན་པས། ད་ཕན་གནས་འདིར་བྱོན་ཐབས་རེ་ལྡན་ན་མ་