Tibetan
འཕེལ༔ སྣོད་བཅུད་ཡོངས་ཀྱི་རྒུད་པ་མཐའ་བདག་སེལ༔ དམག་འཁྲུགས་མུ་གེའི་བསྐལ་ངན་ཀུན་ཞི་ནས༔ ཟབ་གཏེར་བསྟན་པ་ཕྱོགས་བཅུར་དར་བ་དང་༔ དེར་འཛིན་སྐྱེས་བུའི་མཛད་ཕྲིན་རྒྱས་པར་ཤོག༔ སྦྱིན་བདག་མངའ་ཐང་ལོངས་སྤྱོད་གོང་འཕེལ་རྒྱས༔ སེམས་ཅན་བདེ་སྐྱིད་ཕུན་ཚོགས་ཆོས་ལ་སྤྱོད༔ ཀུན་ཀྱང་བདག་གི་གདུལ་བྱའི་ཞིང་གྱུར་ནས༔ རྔ་ཡབ་པདྨ་འོད་ཀྱི་ཕོ་བྲང་དུ༔ རིག་འཛིན་དཔའ་བོ་ཌཱ་ཀྐིས་མདུན་བསུས་ཏེ༔ གུ་རུ་སིདྡྷིའི་གླུ་དབྱངས་ལེན་བཞིན་དུ༔ པདྨ་འགྲོ་འདུལ་གླིང་དང་དབྱེར་མེད་པར༔ ཨོ་རྒྱན་མཁའ་འགྲོའི་གླིང་དུ་སྐྱེས་ནས་ཀྱང་༔ སྟོན་འཁོར་དགོངས་པ་དབྱེར་མེད་སངས་རྒྱས་ཤོག༔ ཅེས་པ་ཀུ་སུ་ལུའི་ཉམས་བྱུང་གི་གཏམ་འདིའང་སྐྱབས་རྗེ་ཐམས་ཅད་མཁྱེན་པ་མཚན་བརྗོད་པར་དཀའ་ནའང་དོན་གྱིསླད་དུ་སྨོས་ན་གྲུབ་པའི་དབང་ཕྱུག་རིག་པ་འཛིན་པ་ཆེན་པོ་དགེ་ལེགས་དཔལ་བཟང་པོའི་དངོས་སློབ་རྡོ་རྗེའི་སྤུན་གྲོགས་ཤཱཀྱའི་དགེ་བཙུན་དམ་པ་རྟོག་བྲལ་ནམ་མཁའི་རྣལ་འབྱོར་པ་དོན་ལི་དང་། རང་བྱུང་གཉིས་ནས་རིན་ཆེན་གཉིས་པ་དང་ལྷ་རེག་དྲི་བྲལ་བཅས་དུས་རིང་མོ་ནས་ནན་ཆེར་བསྐུལ་བ་དང་རང་སློབ་བྱ་བྲལ་ཤེས་རབ་འོད་ཟེར་ནས་ཀྱང་ཟབ་གཏེར་གསུམ་གྱི་རྟེན་བཞེངས་དང་། ཚེ་འདིར་དབེན་ཁྲོད་ཁོ་ནར་འདུག་ཅིང་ཟབ་ཆོས་འཛིན་སྐྱོང་ཅི་ནུས་བྱེད་པ་དང་། ཁྱད་པར་སྒོ་གསུམ་བླ་མའི་ཕྱོགས་སུ་འབུལ་ཞིང་ཆོས་མིན་གྱི་བྱ་བ་རིང་དུ་སྤངས་ནས་སྒྲུབ་པ་ལྷུར་ལེན་བྱེད་པ་སོགས་ཀྱིས་ཡང་ཡང་ནན་ཏན་ཆེན་པོས་བསྐུལ་བ་དང་། གཞན་ཡང་ 八༡༡ ངྒཾ༔ རིག་བཟང་འགྱུར་མེད་ཕྲིན་ལས་སོགས་དད་ལྡན་བུ་སློབ་རྣམས་ཀྱིས་ནན་ཆེར་ཡང་ཡང་བཀའ་བསྐུལ་ཟབ་ཕྱིར་མི་ལྡོག་ཙམ་དུ་སྐྱབས་རྗེ་ཐམས་ཅད་མཁྱེན་པའི་སློབ་འབངས་ཡོངས་ཀྱི་ཐ་ཤལ་བ་ཀུན་བཟང་བདེ་སྐྱོང་ཆོས་ཉིད་དབང་མོས་རང་ལོ་སོ་བརྒྱད་ས་སྦྲུལ་ལོའི་ཟླ་ཚེས་དགེ་བར་སེར་དགོན་དབེན་གནས་མཚམས་ཁྲོད་ལྗོངས་ནས་བྲིས་པ་ཡི་གེའི་མཐུན་རྐྱེན་རང་གི་ཉེ་གནས་ཤཱཀྱའི་དགེ་བཙུན་ཚུལ་ཁྲིམས་རྡོ་རྗེས་བགྱིས་པའོ། །ཕྱོགས་དུས་གནས་སྐབས་ཀུན་ཏུ་དར་ཞིང་བཀྲ་ཤིས་པར་གྱུར་ཅིག སརྦ་མངྒ་ལཾ། །། 3 TI1397-133 TI1397-133 TI1397-134 ༄༅། །ནང་གསལ་གྱི་ཆོས་སྐུ་དེ་ལས་མ་གཡོས་བཞིན་དུ གསལ་བའི་ཆ་དེ་ལས་ལོངས་སྐུར་བཞེངས་ནུས་པ་ཙམ་དང་། དེ་ལས་ཕྱེད་སྤྲུལ་ལོངས་སྐུ དེ་ལས་ཐུགས་རྗེ་སྤྲུལ་སྐུར་བཞེངས། དེ་ནས་འགྲོ་བ་གང་ལ་གང་འདུལ་གྱི་སྟོན་པར་སྣང་བ་ཡིན གདུལ་བྱའི་སེམས་ཅན་མ་ཟད་ཀྱི་བར་དུ། གདུལ་བྱེད་ཀྱི་སྟོན་པ་རྒྱུན་མི་ཆད་པར་འབྱུང་བ་ཡིན སྣང་བའི་ཆོས་བདག་ལུས་ཕུང་པོ་དང་བཅས་པ་སྣང་བའི་རྒྱན ཡེ་ཤེས་ཀྱི་རོལ་པ། མ་འགགས་པའི་རྩལ། དེ་དག་ཐམས་ཅད་ཤར་ཡང་རིག་པའི་ངང་ལས་ཤར། སྣང་ཡང་རིག་པའི་ངོ་བོར་སྣང་། གྲོལ་ཡང་རིག་པའི་ངང་དུ་གྲོལ རང་གི་རིག་པ་དེ་རང་སྣང་གི་སྟོན་པ་ཡིན རང་རིག་ལས་གཞན་པའི་བླ་མ་མེད་དོ་གསུངས། བདེ་བའི་རྡོ་རྗེའི་རྨི་ལམ་མོ། །། གཏེར་སྟོན་ལ་རྩ་བའི་གཟུངས་མ་མིག་གཡས་པ་ལྟ་བུ། རྩ་བའི་ཆོས་བདག་མིག་གཡོན་པ་ལྟ་བུ། སྲས་སམ། ཆོས་བདག་གམ། ཡོངས་རྫོགས་བཀའ་བབ་ལ་སྙིང་ལྟ་བུ ཡི་གེའི་འདུ་བྱེད་ལག་གཡས་ལྟ་བུ ལོངས་སྤྱོད་འདུ་བྱེད་ལག་གཡོན་ལྟ་བུ ཆོས་བདག་ཀྭ་བ་བཞི་རྐང་གཡས་ལྟ་བུ གདུང་མ་བརྒྱད་དམ། གྲལ་གཤམ་རྐང་གཡོན་ལྟ་བུའོ། །སྟོང་པའི་ ཆ་མཁའ་འགྲོའི་སྐུར་བཞེངས་པ་མཆོག་གི་གཟུངས་མ་གཅིག །ནང་དོན་ཡེ་ཤེས་ལྔའི་བརྡ་རྟགས་གཙོ་བོ་ལྔ། སྟོང་ཉིད་བཅུ་དྲུག་གི་བརྡར་ཡན་ལག་གི་གཟུངས་མ་བཅུ་དྲུག །འབྲས་ཆོས་ཉེར་ལྔའི་བརྡ་མཚོན་ཕྲིན་ལས་ཀྱི་གཟུངས་མ་ཉེར་ལྔའོ། །ཞེས་པའང་ཤཱི་ལ་བཛྲ་གྱི་ངོར། དགོངས་འདུས་མཚོ་རྒྱལ་དཀར་ཆག་ལས་བདེ་བའི་རྡོ་རྗེས་བྲིས་པའོ། དགེའོ།། །། 32 ་ད&་ཅུ་ཀྱིའི TI1397-136 77U.gE.7 ༄༅། །ཞལ་གདམས་བསླབ་བྱའི་སྐོར་བཞུགས་སོ། ཡ་ཙ་ལ་ཆུ་ཚང་ཡིམ་ཐོག་ཀྱི་ང་༄༅། །བླ་མ་ལ་ཕྱག་འཚལ་ལོ༔ དེ་ལ་འདིར་ཉམས་ལེན་གྱི་གནས་ཚུལ་སྤྱིར་བཞག་ཙམ་ལ། སྣང་སྲིད་འཁོར་འདས་ཐམས་ཅད་ཡེ་སྟོང་རྩ བྲལ་ཆེན་པོའི་དགོངས་པ་ཇི་བཞིན་པར་ཤེས་པའི་ངང་ནས་ཕྱི་ནང་ལུང་མ་བསྟན་གྱི་གནས་སུ་མགོ་མ་རྨོངས་པར་སྔོན་སོང་རྟོག་པའི་རྗེས་མི་མཐུད་པར་རང་གསལ་སལ་ལེ་བཞག །མ་འོངས་རྟོག་པའི་མདུན་མི་བསུ་བར་གང་སྣང་ཡེ་ཤེས་ཆེན་པོར་སང་ངེ་བར་བཞགལྟའི་རྟོག་པའི་རྐྱེན་དབང་དུ་མི་གཏོང་བར་ཤར་ཆ་ཐམས་ཅད་འཛིན་མེད་འོད་གསལ་གྱི་ཀློང་དུ་ཝལ་ལེར་བཞག །བཞི་ཆ་གསུམ་བྲལ་གྱི་རིག་པ་མ་བཅོས་ཟང་ཐལ་ཆེན་པོར་ཧྲིག་གེར་གནས་པ་ལ་ 丑ང་ཚུང་77eVE ༄༅། །ཁྱད་ཆོས་བཞི་ལྡན་གྱི་རིག་པ་ཞེས་རྫོགས་ཆེན་རང་ལམ་གྱི་གསུང་སྲོལ་ཡིན་ལགས། མདོར་ན་མཉམ་བཞག་ལ་བཅས་བཅོས་མེད་པ། རྗེས་ཐོབ་ལ་དགག་སྒྲུབ་མེད་པ། འབྲས་བུ་ལ་ཐོབ་ལེན་མེད་པ་གསུམ་ནི་རྣལ་འབྱོར་ལམ་གྱི་ཆ་རྐྱེན་མཆོག་དང་། འཁོར་འདས་གཞི་མེད་རྩ་བྲལ་དུ་རྟོགས་པ་ལྟ་བ་དང་། ལམ་དང་འབྲས་བུའི་ཆོས་དང་སྐུ་དང་ཡེ་ཤེས་ཡོན་ཏན་གྱིས་བསྡུས་པ་ཐམས་ཅད་རང་གསལ་ཆོས་སྐུའི་ཡེ་ཤེས་སུ་ཤེས་པ་སྒོམ་པ། སྲིད་ཞིའི་ཆོས་ཁམས་རྒྱ་མཚོའི་སྣང་བ་ཐམས་ཅད་གཞིའི་རོལ་རྩལ་ལས་མ་འདས་ཤིང་འབད་རྩོལ་བཟོ་བཅོས་དང་བྲལ་བར་མཐོང་བ་སྤྱོད་པ་དང་། རང་རིག་ གཞི་མེད་རྩ་བྲལ་སྐུ་གསུམ་མཉམ་ཉིད་ཆེན་པོའི་དབྱིངས་ཇི་ལྟ་བ་བཞིན་མངོན་དུ་གྱུར་ཅིང་། ཕྱི་དབྱིངས་ནམ་མཁའ་སྟོང་པ། ནང་དབྱིངས་རང་སེམས་སྟོང་པ། གསང་དབྱིངས་རིག་པ སྟོང་པ་སྟེ། དབྱིངས་གསུམ་དབྱེར་མེད་ཆེན་པོར་གཞི་ལ་རྫོགས་པ་ནི་འབྲས་བུ་ཞེས་བརྗོད་པའོ། །དེའི་ཕྱིར་ན་ལྟ་སྒོམ་གྱི་གནད་མང་དུ་བརྗོད་ཀྱང་དོན་རང་སེམས་གཞི་མེད་རྩ་བྲལ་འཁོར་འདས་ཀུན་ཁྱབ་ཀྱི་བདག་ཉིད་ཆེན་པོར་ཤེས་ནས། རང་གི་བླ་མའི་མན་ངག་ལ་གཞི་བྱས་ཏེ། གང་སྣང་གང་ཤར་ལ་སྤང་བླང་དང་བཅས་བཅོས་མེད་པར་རང་བབ་ལ་བཞག་པའི་ཚེ་ན། ཇི་ཞིག་ནས་རིག་པ་བརྟན་ཆ་ཐོབ་ནས་སྐུ་གསུམ་མཉམ་ཉིད་ཀྱི་དབྱིངས་མངོན་དུ་གྱུར་ཏེ་འབྲས་བུའི་སར་འཕེན་པར་ངེས་སོ། །དམ་པ་གང་གི་བཞེད་དོན་དུ་སུ་ཁ་བཛྲ་གྱིས་བྲིས་པའོ།། དགེའོ།། །། བླ་མ་ལ་ཕྱག་འཚལ་ལོ །འདིར་གཞི་ཁྲེགས་ཆོད་དང་ལམ་ཐོད་རྒལ་གྱི་གནས་ལུགས་ཉམས་སུ་ལེན་པ་ལ་མན་ངག་མདོར་བསྡུས་ཙམ་བརྗོད་ན། ཡེ་གཞི་ཀུན་ཏུ་བཟང་པོའི་གནས་ལུགས་བློས་མ་རེག་ཅིང་འཁྲུལ་པའི་དྲི་ཙམ་གྱིས་ཀྱང་མ་གོས་ཤིང་སྤྲོས་པའི་མཐའ་བརྒྱད་དང་བྲལ་བ་རྣམ་པར་ཐར་པའི་སྒོ་གསུམ་དང་ལྡན་པའི་བདག་ཉིད་རང་རིག་སྨྲ་བསམ་བརྗོད་པ་ ༄༅། །དང་བྲལ་བའི་ངང་མངོན་གྱུར་དུ་འཇོག་པ་ལས། རིག་རྩལ་གྱི་ཆ་གང་ལའང་སྤང་བླང་མི་བྱེད་པ་གནད་ཡིན་ནོ། །དེ་ལྟར་རིག་པའི་གནས་ཚུལ་དང་ཡིན་ལུགས ཤེས་པའི་ངང་ནས། སྒོ་ཡུལ་རླུང་རིག་གི་གནད་ལ་བརྟེན་ནས་ལམ་སྣང་ལྷུན་གྲུབ་ཀྱི་གདམས་པ་ཉམས་སུ་ལེན་པ་ལ། སྒྲོན་མ་བཞིའི་གསང་ལམ་ནས་སྣང་བ་བཞིའི་ལམ་རྟགས་དབྱིངས་དང་ཐིག་ལེ་རིག་གདངས་ཀྱི་སྣང་བ་ཇི་ལྟར་ཤར་ཡང་དེ་ལ་བཟང་རྟོག་ངན་རྟོག་ལུང་མ་བསྟན་གསུམ་དང་བྲལ་བའི་ངང་ནས་ནམ་མཁའ་དྭངས་གསལ་གྱི་ཆ་དང་འགྲོགས་པ་ལྟ་བུར་རིག་གདངས་ལྷུན་གྲུབ་ཀྱི་ཡོན་ཏན་ཐམས་ཅད་མངོན་དུ་གྱུར་པ་དེའི་ངང་དུ་ལྷན་ནེར་བཞག་པས། ཇི་ཞིག་ནས་སྣང་བཞི་ཚད་ལ་ཕེབས་ནས་གདོད་མའི་སར་ཕྱིན་པར་ངེས་སོ། །ཅེས་པ་ལྷག་མཐོང་གིས་བསྐུལ་ངོར་བདེ་བའི་མིང་གིས་སོ། །། ༈ རང་རིག་འོད་གསལ་འདུས་མ་བྱས། །ངོ་བོ་ཀ་དག་ཆོས་ཀྱི་སྐུ། །རང་གདངས་མ་འགགས་ལོངས་སྤྱོད་རྫོགས། །ཐུགས་རྗེ་ཀུན་ཁྱབ་སྤྲུལ་པའི་སྐུ། །སྐུ་གསུམ་དབྱེར་མེད་མཉམ་པ་ཉིད །རང་བྱུང་རིག་པའི་ངོ་བོར་རྫོགས །སྒོམ་ཞེས་གཞན་ནས་མ་ཚོལ་ལ། །རང་རིག་ངོ་བོ་མ་བཅོས་པར། །སལ་ལེ་སང་ངེ་ཝལ་ ལེ་བ། །རིག་གེར་ངང་གནས་ཆེན་པོར་ཞོག །དེ་ཡིས་གནས་ལུགས་མངོན་གྱུར་ནས། །གདོད་མའི་གཏན་སྲིད་ཟིན་པར་ངེས། །དེ་སྐད་བཙུན་མ་ཤེར་ལྷའི་ངོར། །སུ་ཁའི་མིང་གིས་བྲིས་པའོ།། དགེའོ།། །། ༈ བླ་མ་ཐུབ་བསྟན་རྒྱ་མཚོ་ལ་གདམས་པའི་ཉམས་ལེན་གྱི་གསལ་འདེབས་སེམས་དང་རིག་པའི་ཁྱད་པར་ནི། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་ཆོས་ཉིད་ཆེན་པོ་གཅིག་གི་ངང་དུ་རོ་གཅིག་ཅིང་། མེད་མཉམ་དག་མཉམ་གྱི་ངང་ཚུལ་ཇི་ལྟ་བ་བཞིན་དུ་ཤེས་པ་ཇི་ལྟ་བ་མཁྱེན་པའི་ཤེས་རབ་དང་། རིག་པའི་ངོ་བོ་སྟོང་གསལ་འདུས་མ་བྱས་པར་གནས་ཀྱང་། ཐོམ་ཡོ་རེ་བ་ཅི་ཡང་མི་གོ་བ་ཞིག་མ་ཡིན་པར།ཡུལ་གྱིས་མི་གོས་པ། ཡུལ་མི་འཛིན་པ། ཡུལ་མི་གཅོད་པ། ཡུལ་དབང་དུ་མི་འགྱུར་བ་དེ་ནི་ཇི་སྙེད་པ་གཟིགས་པ་སྟེ རིག་པ་རང་འབྱུང་གི་ཡེ་ཤེས་ཡིན་པས་ཀུན་ཤེས་ཀུན་རིག་གི་ཤེས་པ་གོ་མ་འགགས་པར་རང་བྱུང་བ་ཡུལ་ལ་མི་འཇུག་པ། དཔེར་ན་དངུལ་ཆུ་ཐང་ལ་ལྷུང་བ་ལྟ བུའོ། །སེམས་ནི་འཁོར་འདས་རང་རྒྱུད་ཅན་བདེན་གྲུབ་པར་བལྟ་ཞིང་སྣང་བ་དངོས་པོར་འཛིན་པའི་གཞི་མ་རིག་པ་ཡིན། དེ་ལས་སེམས་བྱུང་གི་རྟོག་པ་ནི་སྐྱེ་འགགས་ཅན ཡུལ་དང་ ༄༅། །འདྲེས་པ། ཡུལ་གྱིས་གོས་པ། ཡུལ་འཛིན་པ། ཡུལ་གྱི་དབང་དུ་གྱུར་པ་དེ་ནི་དཔེར་ན་ས་སྐམ་དུ་ཆུ་ཐིགས་ལྷུང་བ་ལྟ་བུའོ། །མདོར་ན་རིག་པ་ནི། སྤྲོས་བྲལ་རྣམ་ཐར་གསུམ་ལྡན་གྱི་བདག་ཉིད་འཁོར་འདས་ཡོངས་ལ་ཁྱབ་ཅིང་བརྡལ་བའོ། །སེམས་ནི་གཞི་མ་རིག་པ། རྩལ་སེམས་བྱུང་དང་། གདངས་སྣོད་བཅུད་རང་རྒྱུད་པར་བལྟ་ཞིང་སྐྱེ འགགས་ཅན་ནོ།། །། ༈ ཐོད་རྒལ་ལ། མི་འགུལ་བ་གསུམ་ལ་གཞི་བཅས་ནས སྒོ་ཡུལ་རླུང་རིག་བཞིའི་གནད་འཚོལ་བར་ཤེས་པར་བྱས་ཏེ། ལུས་བཞུགས་སྟངས་རྣམ་གསུམ་གང་རུང་དང་། མིག་གིས་ཀྱང་གཟིགས་སྟངས་གསུམ་དང་མི་འབྲལ་བར། དབྱིངས་ནམ་མཁའ་རྣམ་དག་གི་སྒྲོན་མ་མངོན་དུ་བྱེད་པ་ནི་གལ་པོ་ཆེའོ། །དེ་ལྟར་བརྩོན་པས་དབྱིངས་དེའི་ཀློང་དུ་ཐིག་ལེ་སྟོང་པའི་སྒྲོན་མ་དང་། ཤེས་རབ་རང་བྱུང་གི་སྒྲོན་མ་གཉིས་ཀྱི་རྩལ་རིམ་གྱིས་རྫོགས་ནས་ཐིག་ལེ་སུམ་འབྲེལ་ཚུན་ཆད་ལ་ཆོས་ཉིད་མངོན་སུམ་དང་། སྐུ་རྐྱང་ཤར་བ་སོགས་གོང་འཕེལ། རིགས་ལྔ་ཟུང་འབྲེལ་འཁོར་དང་བཅས་པ་ཤར་བ་ཚད་ཕེབས། དེ་དག་རྩལ་རྫོགས་ནས་ནང་དབྱིངས་སུ་ནུབ་སྟེ། འོད་ཟེར་ཆེན་པོའི་དབང་ནོད་པ་སོགས་ནི་ཆོས་ཉིད ཟད་པའི་ས་མཚམས་ཡིན་ནོ། །མདོར་ན་སྣང་བ་བཞི་གོང་ལྟར་དང་སྒྲོན་མ་དྲུག་ནི། ཙིཏྟ་ཤའི་སྒྲོན་མ་སྙིང་། དཀར་འཇམ་རྩའི་སྒྲོན་མ་ནི་རྒྱལ་མཆོག་གསེར་གྱི་ཉི་མ། རྒྱངས་ཞགས་ཆུའི་སྒྲོན་མ་ནི་དཀར་ནག་ཕྱེད་མ་ཆུའི་དཀྱིལ་འཁོར་ཏེ། དེ་གསུམ་སྣོད་ཀྱི་སྒྲོན་མ་རྣམ་གསུམ་མོ། །ཡང་ཕྱི་འབྱུང་ལྔའི་དྭངས་མ་དབྱིངས་ནམ་མཁའ་རྣམ་དག་གི་སྒྲོན་མ་དང་། ནང་འབྱུང་ལྔའི་དྭངས་མ་ཐིག་ལེ་སྟོང་པའི་སྒྲོན་མ། སེམས་ཀྱི་དྭངས་མ་ཤེས་རབ་རང་བྱུང་གི་སྒྲོན་མའམ་རིག་གདངས་རྡོ་རྗེ་ལུ་གུ་བརྒྱུད་དེ། དེ་གསུམ་བཅུད་ཀྱི་སྒྲོན་མ་རྣམ་གསུམ་དུ་བརྗོད་པ་ཡིན་ནོ། །མདོར་ན་ཁྲེགས་ཆོད་སྟོང་པའི་འོད་གསལ་དང་། ཐོད་རྒལ་སྣང་བའི་འོད་གསལ་ཡིན་པས་དོན་གཅིག་པར་གོ་དགོས། ཉམས་སུ་ལེན་སྐབས་དབྱིངས་དང་ཐིག་ལེའི་ཤར་ཆགང་ལ་བླང་དོར་དགག་སྒྲུབ་མི་བྱེད་པར་ཆོས་ཉིད་ངང་བཞག་ཆེན་པོར་ལ་བཟླ་བ་ནི་གནད་མཆོག་ཏུ་གཅེས་པ་ཡིན་ནོ། །ཅེས་བླ་མ་ཐུབ་བསྟན་རྒྱ་མཚོའི་བཞེད་དོན་ལྟར་བདེ་བའི་རྡོ་རྗེས་བྲིས་པའོ།། དགེའོ།། །། ཐོད་རྒལ་སྐབས་འཕྲོས་དོན། ཇི་ལྟ་བ་མཁྱེན་པའི་ཡེ་ཤེས་ཀྱིས་གཞི་ལ་དབང་བསྒྱུར་ཏེ སྒྲོན་མ་དྲུག་གི་འཆར་གཞི་མ་འགགས་པར་མཁྱེན ཇི་སྙེད་པ་གཟིགས་པའི་ ༄༅། །ཡེ་ཤེས་ཀྱིས་ལམ་ལ་དབང་བསྒྱུར་ཏེ། དབྱིངས་དང་ཐིག་ལེའི་འཕེལ་ཚད་ཟིན། ཇི་ལྟ་ཇི་སྙེད་ཀྱི་ཡེ་ཤེས་མངོན་དུ་གྱུར་པས་སྐུ་གསུམ་མཉམ་པ་ཉིད་ཀྱི་གནས ལུགས་ཆོས་ཉིད་མངོན་སུམ་དུ་མཐོང་བའོ། །ཇི་ལྟ་བ་མཁྱེན་པ་ཞེས་རྣམ་པ་ཐམས་ཅད་མཁྱེན་པའི་ཡེ་ཤེས། ཇི་སྙེད་གཟིགས་པ་ནི་ཆགས་ཐོགས་མེད་པའི་ཤེས་རབ་ཆེན་པོ། ཡེ་ཤེས་ཞེས པ་ནི་དེ་གཉིས་ཀྱི་མཚན་ཉིད་མཐོང་ཞིང་གཟུང་འཛིན་གྱི་དྲི་མས་མ་བསླད་པའོ། །ཅེས་པའང་བླ་མ་ཆོས་གྲགས་ཀྱིས་དྲིས་ལན་དུ་བདེ་བའི་རྡོ་རྗེས་བྲིས་པའོ།། དགེའོ།། དགེའོ།། །། ཆོས་བཀའ་གཏེར་ཀུན་གྱི་སྙིང་པོ་འོད་གསལ་རྫོགས་པ་ཆེན་པོ་ལས་ལྷག་པ་ཅི་ཡོད་སྙམ། དེ་དོན་ལ་ལྟ་བས་ཐག་བཅད། སྒོམ་པས་ངང་བསྐྱངས། སྤྱོད་པས་ལ་དོར་ནས་རིག་པ་སྨྲ་བསམ་བརྗོད་མེད་ཀྱི་ངང་དུ་གནས་པ་ངོ་བོས་ཤན་འབྱེད་གསལ་སྟོང་མྱོང་ཞེན་མེད་པ། འཕྲོ་བ་རྩལ་གྱི་ཤན་བྱེད་གང་ཤར་ལ་ངོས་བཟུང་བྲལ་བ། བཞག་ཐབས་གནད་ཀྱི་ཤན་འབྱེད་གཏད་སོ་དང་ཞེན་པ་མེད་པའི་ངང་དུ། སྐུ་གསུམ་མཉམ་ཉིད་ཀྱི་དབྱིངས་སུ་གདིང་འཆོས་ནས་ལྷུན་གྲུབ་སྐུ་དང་ཡེ་ཤེས་ཀྱི་ལམ་སྣང་སྣང་བ་བཞིའི་ཡོན་ཏན་ལ་ལོངས་སྤྱོད་པ་དེ་ཀས་ཆོག་པར་སྣང་ལགས། ཞེས་ པའང་མགོ་ཚའི་མཁན་ཆེན་གྱི་དྲིས་ལན་དུ་བདེ་བའི་རྡོ་རྗེས་སོ། ༈ ཆོས་རབ་ལ་གདམས་པ། རིག་པ་སྐུ་བཞི་ཡེ་ཤེས་ལྔར་ངོ་སྤྲོད་པའི་བསྡུས་དོན་ནི། སེམས་ཀྱི་ངོ་བོ་སྟོང་གསལ འདུས་མ་བྱས་པ་དེ་ཀའི་ངང་དུ་ཤིག་གེར་འདུག་པ་ལ་གནས་པ་དང་། དེ་ཀ་ངོ་ཤེས་པའི་ངང་དུ་རྟོག་པ་སྣ་ཚོགས་འཕྲོ་བ་ལ་འགྱུ་བ་དང་འགྱུ་བ་དེའི་ངོ་བོ་གསལ་སྟོང་རྗེན་པར་ཤེས་པ་ལ་རིག པ་ཟེར། དོན་ལ་གནས་འགྱུ་རིག་གསུམ་ཐ་དད་དུ་མེད་ལ། རང་གི་གནས་ལུགས་ཀྱི་ངོ་བོ་སྟོང་པ་སྤྲོས་པ་དང་བྲལ་བ་དེ་ལ་ཆོས་སྐུ་སྐྱེ་བ་མེད་པ་དང་། རང་བཞིན་རང་གསལ་གྱི་ཤེས་པ་གོ མ་འགགས་པའི་ཆ་དེ་ལ་ལོངས་སྐུ གཟུགས་སྒྲ་དྲི་རོ་སོགས་ཀྱི་སྣང་བའི་ཡུལ་མི་འཛིན་ཅིང་རང་གྲོལ་དུ་གནས་པ་ལ་སྤྲུལ་སྐུའོ། །རང་གི་རིག་པ་འདི་འཁོར་འདས་ཀུན་གྱི་གཞིར་གྱུར་པས་ན་ངོ་བོ་ཉིད་སྐུ་སྟེ་སྐུ་བཞི་དང་། ཕྱི་ནང་སྣོད་བཅུད་བདག་ལུས་ཕུང་ཁམས་ལ་སོགས་པ་གཏན་ལ་ཕབ་ནས་དངོས་པོ་མཚན་མར་མགྲུབ་པ། ཆོས་ཉིད་དེ་བཞིན་ཉིད་ཀྱི་དབྱིངས་སུ་རོ་གཅིག་པའི་ངང་ཚུལ་ཤེས་པ་ནི་ཆོས་དབྱིངས་ཡེ་ཤེས། སྟོང་པ་སྟོང་རྐྱང་དུ་མ་སོང་བར་དྭངས་གསལ་མེ་ལོང་ལྟ་བུ་ཅིར་ཡང་འཆར་དུ་རུང་བ་མེ་ལོང་ཡེ་ཤེས། འཁོར་འདས་དག་མཉམ་དུ་གཞི་རང་ངོར་ ༄༅། །རྫོགས་པས་མཉམ་ཉིད་ཡེ་ཤེས། རིག་རྩལ་གྱི་གོ་འགགས་པ་མེད་པ་སོར་རྟོག་ཡེ་ཤེས། འཁོར་འདས་ཀྱི་ཆོས་ཐམས་ཅད་བྱ་བས་མ་བྱས། རྩོལ་བས་མ་བསྒྲུབ་པར་རང་བྱུང་དུ་གནས་པ་ལ་བྱ་གྲུབ་ཡེ་ཤེས་ཏེ་ཡེ་ཤེས་ལྔའོ། །མདོར་ན་རང་གི་རིག་པའི་ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་རང་གྲོལ་སྤྲུལ་སྐུ དེ གསུམ་དབྱེར་མེད་པ་ལ་ངོ་བོ་ཉིད་སྐུའོ །གཞིའི་ངོ་བོ་སྟོང་པ་ཆོས་དབྱིངས། བག་ཆགས་ཀྱི་དྲི་མ་བྲལ་བས་མེ་ལོང་། སྣང་སྲིད་གཞི་རུ་རྫོགས་པས་མཉམ་ཉིད། འཁོར་འདས་རང་སྣང་དུ་ཤེས་པ་སོར་རྟོག །བྱ་རྩོལ་བློ་ལས་འདས་པས་བྱ་གྲུབ་ཡེ་ཤེས་རྣམས་སོ། །ཅེས་པ་འདི་ཡང་ཆོས་རབ་ཀྱི་བཞེད་དོན་ལྟར་གོ་སླ་བའི་ཕྱིར་དུ་སུ་ཁ་བཛྲ་གྱིས་སོ།། དགེའོ།། །། ཨེ་མ་གསོན་དང་རྣལ་འབྱོར་ལགས། །ཉག་གཅིག་རྩད་ནས་གཅོད་འདོད་ན། །འཁོར་འདས་གཉིས་ཀྱི་དུར་ས་དེ། །རང་གི་སེམས་ཉིད་གཅིག་པུར་ཐུག །སེམས་ཀྱི་གནས་ལུགས་གཉིས་མེད་དོན། །ཡེ་ཤེས་རང་ངོ་ཤེས་གྱུར་ན །གཅད་དང་གཅོད་བྱེད་ཡུལ་ལས་འདས །བློ་བྲལ་ཟང་ཐལ་ངང་དུ་ཞོག །གལ་ཏེ་རྩེ་ཅིག་བྱེད་འདོད་ན། །སྙེམས་བྱེད་ཉོན་མོངས་འཁྲུལ་པའི་ བདུད། །མི་རྟོག་ཡེ་ཤེས་ཆེན་པོར་གཅོད །འཁྲུལ་སྣང་སྒྱུ་ལུས་ཕུང་པོའི་བདུད། །གཅེས་འཛིན་ཞེན་བྲལ་ངང་དུ་གཅོད། །རྣམ་གཡེང་བསླུ་བྱེད་ལྷ་བདུད་ནི། །ཚོགས་དྲུག་རང་གྲོལ ངང་དུ་གཅོད། །ཕུང་བྱེད་འཆི་བདག་བདུད་ཕོ་ནི །སྐྱེ་འགགས་འགྱུར་མེད་དགོངས་པར་གཅོད །དེ་ལྟར་བདུད་བཞི་དབྱིངས་སྒྲོལ་ཐབས། །མན་ངག་མཆོག་གྱུར་རང་རིག་འདི། དུས་གསུམ་འགྱུར་མེད་ངང་དུ་སྐྱོངས །དེ་ཡིས་འཁོར་འདས་མཐའ་རྒྱ་ཆོད། །དེ་ལས་གཞན་པའི་གཅོད་ཅིག་ནི། །ཁོ་མོ་བདག་གི་ལུགས་ན་མེད། །སྤྲོས་མེད་དོན་གྱི་གཅོད་ལུགས་ཡིན། །གཏི་མུག་གཉིད་ཀྱིས་ནོན་པའི་དུས །དགོས་མེད་ཚིག་འདི་ཐོལ་དུ་ཤོར །ཀུན་ཆོས་ཐུགས་དམ་བསྐང་ཕྱིརཕུལ། །བདེ་བའི་མིང་གིས་འཁྲུལ་གཏམ་མོ། ༈ སྣང་སྲིད་སྣོད་བཅུད་སྣང་ཙམ་ཕྱིའི་ནམ་མཁའ། །རང་བཞིན་སྟོང་པ་ནང་གི་ནམ་མཁའ་དང་། །དེ་གཉིས་སྣང་སྟོང་གཉིས་མེད་ངོ་བོ་ཉིད། །གསང་བ་རྣམ་པར་མི་རྟོག་ནམ་མཁའ་ཟེར། དོན་ལ་ནམ་མཁའ་ནམ་མཁའ་ཞེས་བརྗོད་ཀྱང་། །ནམ་མཁའི་ངོ་བོ་ཅིར་ཡང་གྲུབ་པ་མེད། །ཡོད་དང་མེད་སོགས་ཁས་ལེན་ཀུན་དང་བྲལ། །ཡོད་མིན་མེད་མིན་གཉིས་མེད་མཉམ་པ་ ༄༅། །ཉིད། །ནམ་མཁའི་མཚན་ཉིད་མི་ཆོད་མི་ཤིགས་པ །བདེན་པ་སྲ་བ་མི་གཡོ་འགྱུར་བ་མེད། །གང་ལ་ཐོགས་མེད་ཀུན་ཏུ་ཁྱབ་པར་བརྡལ། །དོན་དམ་མི་འགྱུར་རྡོ་རྗེའི་ཆོས་བདུན་དང་། །དམ་བཅའ་བཞི་ལྡན་མན་ངག་ཟབ་མོའོ། །དོན་ལ་ཕྱི་དང་ནང་མེད་གཉིས་མེད་དབྱིངས །རང་བྱུང་རིག་པ་སྐུ་གསུམ་འདི་ལ་འདུས། །དེ་ཡི་གནས ལུགས་ཡིན་ཚུལ་ཤེས་གྱུར་ན། །ནམ་མཁའ་གསུམ་སྤྲུགས་གདམས་པ་གཞན་ན་མེད། །སྤྲོས་བྲལ་རྣམ་ཐར་གསུམ་ལྡན་ངང་ཉིད་དུ །མ་བཅོས་མ་བསྒྱུར་ལྷན་ནེར་ཡེངས་མེད་ཞོག ། དེ་ཡིས་ཚེ་འདིར་ཆོས་སྐུའི་གཏན་སྲིད་ཟིན །དེ་སྐད་ལྷ་རྗེ་ཀུན་བཟང་ཆོས་འཕེལ་གྱིས །དར་བཅས་བསྐུལ་ངོར་བདེ་བའི་མིང་གིས་བྲིས། ༈ སེམས་སྐྱེ་འགགས་གནས་གསུམ་དང བྲལ་བ་ཞེས་པ། སེམས་ཀྱི་ངོ་བོ་ཡེ་ནས་སྟོང་ཞིང་བདག་མེད་པ་དེ་ལ་སྐྱེ་བ་མེད་པ། སྟོང་པ་དེ་སྟོང་པ་ཕྱང་ཆད་པ་ལྟ་བུ་མ་ཡིན་པར་གདངས་སྣ་ཚོགས་སུ་འཆར་བ་ལ་འགགས་པ་མེད་པ་དང་། ཡེ་ནས་གནས་ལུགས་ཡེ་གྲོལ་ཆེན་པོ་འདུས་མ་བྱས་པ་ཉིད་གནས་པ་དང་བྲལ་བ་ཡིན་ནོ། །ཅེས་བླ་མ་འཇིགས་དཔལ་གྱི་དོགས་སེལ་ཕྱིར་བདེ་བའི་མིང་གིས་གང་ཤར་རྫུན་རིས་སུ་བྲིས་པའོ།། །། རང་རིག་དོན་སྟོན་གཏན་གྱི་སྐྱབས་གཅིག་པུ། །འཁོར་ལོའི་མགོན་པོ་པདྨ་ལས་འབྲེལ་ལ། གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བྱང་ཆུབ་བར་དུ་རིགས་ཀྱི་བདག་པོར་བཞུགས །ཨེ་མ་གསོན་དང་སྐལ་ལྡན་དད་བརྩོན་ཅན། །སྙིང་ནས་དམ་པའི་ལྷ་ཆོས་བརྩོན་པ་ལ། །འཁོར་བར་ངེས་