Tibetan
THE COLLECTED REVELATIONS(GTERCHOS)OFSE-RAMKHA'-'GRO BDE-CHEN-RDO-RJE VOLUME IV Published by BartshamChador LhakhangSangdag Gyepailing 2017 TI1397-001 The fourth volumeof the revelationsof the Se-ra Mkha'-gro continueste visions f theChos nid Mkhat 'gro'i thugthig begun in the previous volume. This is followed by the Khrid matrial for which the Mkha'-'gro was famous TI1397-002 ༄༅། །ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་ཐུགས་ཐིག་གི་གླེགས་བམ་བཞི་པ་བཞུགས་སོ། TI1397-004 ༄༅། །ཨོཾ་སྭ་སྟི། ཌཱ་ཀི་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་ཐུགས་ཐིག་གི་གླེགས་བམ་ཕྱི་མ། ༤༽རྟགས་ཅན་འདིར མཁའ་འགྲོའི་སྒྲུབ་ཐབས་བྱིན་རླབས་སྤྲིན་ཕུང་དང་དེའི་བསྙེན་དམིགས མཆོད་བསྟོད་བཅས་ལྡེབ་༤ བླ་མ་མཁའ་འགྲོའི་ཚོགས་མཆོད་སྤྲོས་མེད་རྒྱུན་ཁྱེར་ལྡེབ་༡ ཕུར་པོ་མཆོད་སྦྱིན་ཚོགས་གཉིས་ཆུ་གཏེར་ལྡེབ་༡ བདེ་བའི་རྡོ་རྗེའི་ཕྱག་རྒྱ་བསྡུས་པ་བྱིན་རླབས་དཔལ་སྟེར་ལྡེབ་༢ དག་སྣང་ལས་རིག་འཛིན་བླ་མའི་གསོལ་འདེབས་བྱིན་བརླབས་གཏེར་མཛོད་ལྡེབ ༡ བླ་མའི་རྣལ་འབྱོར་ན་མོ་རྒྱལ་ཀུན་ཡུམ་སོགས་ལྡེབ ༡ སྐུ་གསུམ་ཌཱ་ཀིའི་གསོལ་འདེབས་དངོས་གྲུབ་བང་མཛོད་ལྡེབ ༢ ཡང་བླ་མའི་རྣལ་འབྱོར་རང་མདུན་གྱི་སོགས་ལྡེབ ༡ བླ་མ་མཁའ་འགྲོའི་གསོལ་འདེབས་བྱིན་རླབས་བུམ་བཟང་ལྡེབ་༡ ཟབ་གཏེར་ཆོས་སྒོ་འབྱེད་པའི་གསོལ་འདེབས་ཐུགས་དམ་གནད་བསྐུལ་ལྡེབ་༢ ནོར་ལྷའི་སྒྲུབ་ཐབས་དངོས་གྲུབ་བུམ་བཟང་ལྡེབ་༥ དམ་རྫས་དུག་བསྒྱུར་ཕྲིན་ལས་མྱུར་མགྱོགས་སྤུ་གྲིའི་འཁོར་ལོ་ཟབ་པའི་རྒྱ་ཅན་ལྡེབ་༣ སྲུང་མའི་གསོལ་མཆོད་བསྡུས་པ་ལྡེབ ༡ ཨེ་མ་ཧོ་ རྒྱལ་བའི་ཡུམ་མཆོག་སོགས་གསོལ་འདེབས་ལྡེབ ༡ བཅས། ཉམས་སྣང་སྐོར་ལ་ལྷག་པའི་ལྷ་ལ་གསོལ་འདེབས་ཐུགས་བརྒྱུད་གནད་བསྐུལ་གྱིས་ཐོག་དྲངས གསོལ འདེབས་ནང་གསེས་ཞེ་བདུན་ལ་ལྡེབ་༡༧ འོག་མིན་མཁའ་སྤྱོད་ཞིང་དུ་སྐྱེ་བའི་སྨོན་ལམ་དྲི་མེད་ནོར་བུ་དང་གཡུ་ལོ་བཀོད་དུ་སྐྱེ་བའི་སྨོན་ལམ་ཕན་བདེའི་མྱུ་གུ་བཅས་ལྡེབ་༤ རྗེ་བཙུན་བཞད་པ་རྡོ་རྗེའི་གསོལ་འདེབས་ཐུགས་རྗེའི་མྱུ་གུ་ལྡེབ ༡ སྐྱེ་ཕྲེང་གསོལ་འདེབས་བསྡུས་པ་བྱིན་བརླབས་སྤྲིན་ཕུང་ལྡེབ ༡ ཀུ་སུ་ལུའི་ཉམས་བྱུང་གནས་ཚུལ་མདོར་བསྡུས རྡོ་རྗེའི་སྤུན་གྱིས་དྲིས་ལན་མོས་པའི་ལམ་བཟང་ལྡེབ་༡༤ དོན་དམ་བླ་མའི་ངོ་སྤྲོད་དང་གཏེར་སྟོན་གྱི་གཟུངས་མའི་རྣམ་དབྱེ་བཅས་ལྡེབ་༡ ཞལ་གདམས་བསླབ་བྱའི་རིམ་པ་ནང་གསེས་ལེ་ཚན་ཉེར་གསུམ་ལ་ལྡེབ ༢༡ བསྐལ་པ་ཤིང་བྱ་ལོའི་ཟླ་བ་བཅུ་པའི་ཚེས་བཅུ་དགུ་སོགས་གསང་བའི་རྣམ་ཐར་གྱི་ཐོག་དྲངས། དུས་འཛིན་མེ་སྟག་ཅེས་པའི་བར་ནང་གསེས་དགུ་ལ་ལྡེབ་༢༠ ལས་ལྡན་བུ་སློབ་རྣམས་ལ་སྤྲིངས་པའི་ཞལ་གདམས་སྙིང་པོའི་དོན་བསྡུས་གསལ་བའི་མེ་ལོང་ལྡེབ་༦ ཨ་ནུ་ཡོ་གའི་དམིགས་རིམ་བསྡུས་པ་ལྡེབ ༣ ༄༅། །བསྐྱེད་རྫོགས་གཏུམ་མོའི་གེགས་སེལ་འདོད་གསལ་སྤྱི་དོན་བསྡུས་པ་ལྡེབ་༥ དུས་གསུམ་མཁྱེན་པའི་རྒྱལ་སྲས་སོགས་ཐབས་གྲོགས་དཔའ་བོར་ཕུལ་བའི་སྙིང་གཏམ་ནང་གསེས་གཉིས་ལ་ལྡེབ་༥ ཞལ་གདམས་རྣམ་ཕྱོགས་གཅིག་ཏུ་བསྡུས་པ་མཐོང་བ་དོན་ལྡན་སྣ་ཚོགས་རང་གྲོལ་ནང་གསེས་སོ་དྲུག་ལ་ལྡེབ་༢༥ ཀློང་ཆེན་རབ འབྱམས་སོགས་ཞལ་གདམས་ནང་གསེས་བཞི་ལ་ལྡེབ 2 ཀྱེ་མ་རྒྱལ་ཀུན་འདུས་ཞལ་སོགས་བླ་མའི་ཐུགས་བརྒྱུད་བསྐུལ་བའི་གསོལ་འདེབས་ལྡེབ་༢ དུས་གསུམ་རྒྱལ་ཀུན་འདུས་ཞལ་སོགས་ཐབས་གྲོགས་བླ་མ་དྲན་པའི་གདུང་དབྱངས་དང་ཞལ་གདམས་བཅས་ནང་གསེས་བཅུ་དྲུག་ལ་ལྡེབ ༡༣ ཕ་རྡོ་རྗེ་འཆང་དབང་སོགས་ཞལ་གདམས་ནང་གསེས་བཅུ་བདུན་ལ་ལྡེབ་༡༤ དུས་གསུམ་རྒྱལ་བའི་སྤྱི་གཟུགས་སོགས་ཞལ་གདམས་གསུང་མགུར་ནང་གསེས་བརྒྱད་ལ་ལྡེབ་དབང་གི་རྣམ་བཤད་ལྡེབ ༡ མཆོག་སྤྲུལ་དོན་འགྲུབ་རྡོ་རྗེ་ལ་ཞུ་ཡིག་ཏུ་ཕུལ་བ་བླུན་གཏམ་རིག་པའི་འདྲ་འབག་ལྡེབ ༢ གདོད་ནས་རྣམ་དག་སོགས་ཞལ་གདམས་དང་ཐུན་དུང་རྣམ་གྲངས་སྤྲིང་ཡིག་སོགས་ནང་གསེས་དྲུག་ལ ལྡེབ་༤ སེམས་མེད་སྤྲང་མོའི་རྨོངས་གླུ་དང་རང་ལ་རང་གིས་གྲོས་འདེབས་ཞལ་གདམས་སོགས་ནང་གསེས་བཅུ་བཞི་ལ་ལྡེབ་༡༣ རྨི་ལམ་རང་གྲོལ་གྱི་གདམས་པ་གསལ་བའི་སྒྲོན་མེ་ལྡེབ་༥ རྨི་ཁྲིད་ཀྱི་ས་བཅད་ལྡེབ་༡ དབྱིངས་མི་འགྱུར་ནམ་མཁའི་སོགས་དུས་བཟང་མཆོད་པའི་སྐབས་ཀྱི་ཚོགས་གླུ་དང་ཉམས་སྣང་ལུང་བསྟན་སྣ་ཚོགས་རྟ་མགྲིན་མངོན་རྟོགས་བཅས་ནང་གསེས་བཅུ་གཅིག་ལ་ལྡེབ ཕུར་སྒྲུབ་ཀྱི་འདོན་འགྲིགས་ཐེག་ཆེན་ལམ་འཇུག་ལྡེབ ༡༠ སྐུ་ཕྲེང་གསོལ་འདེབས་བྱིན་བརླབས་དབྱིག་ཐོབ་ལྡེབ་༡ སྐྱེ་ཕྲེང་གསོལ་འདེབས་ཐུགས་རྗེའི་ལྕགས་ཀྱུ་ལྡེབ ༡ རྩ་གསུམ་ལྷ་ཚོགས་ཀྱི་དབང་སྒྲུབ་སྐབས་ཀྱི་གསལ་བྱེད་ཟིན་བྲིས་ལྡེབ་༢ རྡོ་རྗེ་ཕག་མོའི་སྒྲུབ་ཐབས་ཀྱི་མཚམས་ལུགས་ལས་འགྲིགས་བསྡུས་པ་གསལ་བར་བཀོད་པ་ལྡེབ་༢༡ ཟབ་གཏེར་དབང་གི་འདོན་འགྲིགས་གསལ་བའི་མེ་ལོང་སྐལ་བཟང་འཇུག་ངོགས་ལྡེབ་༩ རྡོར་བསོར་དང་སྒྱུ གུའི་ལག་ལེན་ཟུར་བྱང་ལྡེབ་༡ ཕག་མོའི་ནང་སྒྲུབ་དང་འབྲེལ་བར་སྦྱིན་སྲེག་གི་སྤྲོས་མེད་རྣལ་འབྱོར་ཟིན་བྲིས་ལྡེབ་༡ རིགས་འདུས་རྟ་མགྲིན ཕུར་པ་སོགས་ཀྱི་ཟིན་བྲིས ༄༅། །མདོར་བསྡུས་ལྡེབ ༢ རྩ་གསུམ་གཏོར་མའི་དཔེའུ་རིས་དངོས་གྲུབ་འབྱུང་གནས་སྐལ་ལྡན་གསར་པའི་མེ་ལོང་ལྡེབ་( ལས་བཞིའི་སྦྱིན་སྲེག་གི་དཀྱིལ་འཁོར་དཔེ་རིས་ལྡེབ་༤ བཅས་ལེ་ཚན་བཞི་བཅུ་ཞེ་དགུ་དང་༤༩ གླེག་བམ་གྱི་དཀར་ཆག་རང་ཉིད་ལྡེབ ༣ བཅས་བསྡོམས་ལྡེབ་གྲངས་༥༦༣བཞུགས། མཚུངས་མེད་ཌཱ་ཀི་བདེ་སྐྱོང་དབང་མོ་ཡི། །ཟབ་གཏེར་མཁའ་འགྲོའི་གསང་མཛོད་ཆོས་སྡེའི་གཞུང་། །བར་མཚམས་སྒོམ་སྡེས་པར་དུ་བཏབ་སྤེལ་མཐུས །ཟབ་ཆོས་ཕྲིན་ལས་མི་ནུབ་མཐར་རྒྱས་ཤོག །གྲུབ་བརྙེས་རིག་འཛིན་ཌཱ་ཀིའི་འཁོར་ལོས་བསྒྱུར སྔོན་མེད་གདམས་ཟབ་མཁའ་འགྲོའི་གསང་མཛོད་བདག །མཁའ་སྤྱོད་དབང་མོ་བདེ་བའི་རྡོ་རྗེ་ཡི། །རིང་ལུགས་ཕྱོགས མཐར་འཕེལ་རྒྱས་རྟབ་ཁྱབ་ཤོག །ཛྙཱ་ནས་སོ། །། TI1397-010 2༽ མ ༦2༡ གཾ མཁའ་འགྲོའི་ཐུགས་ཏིག་ལས༔ བླ་མ་མཁའ་འགྲོའི་སྒྲུབ་ཐབས་བྱིན་རླབས་སྤྲིན་ཕུང་བཞུགས་སོ༔ ལ་ཀྱི་ངས་ཅུ་ཚས་ཀྱི་ཐོམ་ཀྱི་ང་གཾ ན་མོ་ཛྙཱ་ན་ཌཱ་ཀྐི་ཡེ༔ རྣལ་འབྱོར་ལྟ་སྤྱོད་དམ་ལྡན་པས༔ དབྱིངས་སྣང་མཁའ་འགྲོ་སྒྲུབ་པའི་ཐབས༔ བྱིན་རླབས་སྤྲིན་ཕུང་དེ་ཁོ་ན༔ སྐལ་ལྡན་བུ་ཡི་དོན་དུ་བསྟན༔ ས་མ་ཡ༔ ཐོག་མར་རང་རྒྱུད་སྦྱོང་བ་ནི༔ ན་མོ༔ སྐུ་གསུམ་ཡེ་ཤེས་མཁའ་འགྲོ་ཡོངས་འདུས་དཔལ༔ རྒྱལ་བའི་ཡུམ་གྱུར་ཁྱེད་ལ་སྐྱབས སུ་མཆི༔ མ་རིག་འཁོར་བར་འཁྱམས་པའི་བདག་གཞན་འགྲོ༔ གཉིས་མེད་ཡེ་ཤེས་རྟོགས་པར་སེམས་བསྐྱེད་དོ༔ ཨ༔ རང་བྱུང་རིག་པ་བྱང་ཆུབ སེམས༔ གདོད་ནས་རྣམ་དག་སྤྲོས་དང་བྲལ༔ སྟོང་གསལ་མ་འགགས་ཡེ་ཤེས་ངང་༔ རང་བྱུང་ལྷུན་གྲུབ་གཞལ་ཡས་དབུས༔ ཆུ་སྐྱེས་གེ་སར་ ག་༔ བཞད་པའི་སྟེང་༔ ཐབས་ཤེས་གདན་ལ་བླ་མ་རྗེ༔ རྗེ་བཙུན་རྡོ་རྗེ་རྣལ་འབྱོར་མ༔ བདེ་ཆེན་བདེ་བའི་རྡོ་རྗེ་ནི༔ དམར་གསལ་ཞལ་གཅིག་སྤྱན་ཟུང་ལྡན༔ ཕྱག་གཉིས་གཡས་པས་གྲི་གུག་འཕྱར༔ གཉིས་སྣང་འཛིན་པ་དབྱིངས་སུ་བསྒྲལ༔ གཡོན་པས་བྷན་ཐོད་ཐུགས་ཀར འཛིན༔ སྒྲུབ་ལ་དངོས་གྲུབ་འབད་མེད་སྩོལ༔ དབུ་སྐྲ་ཐོར་ཅོག་སྤྱི་བོར་བཅིངས༔ ལྷག་མ་སྐུ་རྒྱབ་སིལ་བུར་གྲོལ༔ རིན་པོ་ཆེ་ཡི་རྩེ་བྲན་དང་༔ གཙུག་གཡུ་ཨུཏྤལ་ཐོད་དཀྲིས་མཛེས༔ སྙན་ཆ་གསེར་གྱི་ཝཾ་མིག་དང་༔ ཕྱག་ཞབས་རིན་ཆེན་གདུ་བུས་བརྒྱན༔ དར་དམར་གསེར་རིས་སྟོདགཡོགས དང་༔ རྨ་བྱའི་སྨད་ཤམ་མཛེས་པར་གསོལ༔ རུས་པའི་རྒྱན་དྲུག་དྲིལ་གཡེར་འཁྲོལ༔ ཞབས་གཉིས་མཉམ་པའི་སྟབས་ཀྱིས་བཞེངས༔ ནུ་མ་འབུར་ཞིང་ཆུ་སྐྱེས་རྒྱས༔ བཅུ་དྲུག གཞོན་ནུའི་ལང་ཚོ་ལྡན༔ ཡེ་ཤེས་འཇའ་འོད་འཁྱིལ་བའི་ཀློང་༔ སྣང་སྟོང་སྒྱུ་མའི་སྐུ་རུ་གསལ༔ སྤྱི་བོར་རིགས་ཀྱི་བདག་པོ་ནི༔ རྣལ་འབྱོར་བི་མ་རསྨི་སྨུག༔ ཞལ་གཅིག་ཕྱག་གཉིས རྡོར་དྲིལ་བསྣོལ༔ སྟག་ཤམ་རུས་པའི་རྒྱན་དྲུག་གསོལ༔ ཡེ་ཤེས་འོད་ལྔ་འཁྱིལ་བའི་ཀློང་༔ བརྟུལ་ཞུགས་ཆ་ལུགས་ལྡན་པར་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་ཡེ་ཤེས་དབྱིངས་བཞུགས་རྣམས༔ རྣལ་འབྱོར་དབང་མོའི་རྣམ་པ་རུ༔ སྤྱན་དྲངས་དམ་ཡེ་གཉིས་མེདགྱུར༔ ཧཱུྃ༔ རང་སྣང་དག་པའི་ཞིང་ཁམས་ནས༔ རིགས་ཀུན་ཁྱབ་བདག་བླ་མ་རྗེ༔ བདེ་ཆེན་ཡེ་ཤེས་བསྐྱེད་པའི་མ༔ བདེ་སྟོང་རོལ་པའི་རྣལ་འབྱོར་དབང་༔ རྣམ་ཀུན་མཆོག་ལྡན་རྡོ་རྗེ་བཙུན༔ ཐུགས་རྗེ་ཞི་བར་མི་གཟིམས་པར༔ བརྒྱུད་འཛིནབྱིན གྱིས་བརླབ་ཕྱིར་གཤེགས༔ ཐུགས་རྒྱུད་བྱིན་རླབས་འཕོ་བ་དང་༔ མི་འགྱུར་བདེ་ཆེན་དངོས་གྲུབ་སྩོལ༔ གུ་རུ་ཛྙཱ་ན་ཌཱ་ཀྐི་ནི་ཨེ་ཨ་རལླི་ཕེཾ་ཕེཾ་སརྦ་ས་མ་ཡ་ཛ་ཛཿ རང་བཞིན་ཡེ་ཤེས་ གྃ་༔ དཀྱིལ་འཁོར་དུ༔ གཉིས་མེད་ངང་དུ་བརྟན་པར་བཞུགས༔ བརྡ་དང་བརྡ་ལན་ཡེ་ཕྱག་འཚལ༔ ཡོངས་གྲུབ་རིག་པའི་རྒྱན་གྱིས་མཆོད༔ སྐུ་གསུམ་མཉམ་རྫོགས་ཆེན་པོར་བསྟོད༔ གཉིས་འཛིན་འཁྲུལ་སྣང་དབྱིངས་སུ་བཤགས༔ མཁའ་འགྲོའི་ཐུགས་ཀར་པདྨའི་སྟེང་༔ ཉི་ཟླའི་གྭའུ་ཁ་སྦྱོར་ནང་༔ ཐུགས་སྲོག་བྃ་དམར་མཐའ་སྐོར་དུ༔ སྔགས་ཕྲེང་གཡོན་དུ་འཁོར་བར་བསྒོམ༔ འོད་འཕྲོས་རིགས་བདག་ཐུགས་རྒྱུད་བསྐུལ༔ རྒྱལ་ཀུན་མཆོད་ཅིང་བྱིན་རླབས་བསྡུས༔ མར་འཕྲོས་འགྲོ་བའི་ལས་ཉོན་སྦྱངས༔ ཐམས་ཅད་ཆོས་ཉིད་ཆེན་པོར་རོལ༔ རིགས་བདག་སྐུ་ལས་བདུད་རྩིའི་རྒྱུན༔ ཟག་མེད་བདེ་བ་ཆེན་པོར་བབས༔ དགའ་བ་བཞི་ཡི་ཡེ་ཤེས་རྙེད༔ དབང་བཞིའི་ཡེ་ཤེས་མཆོག་ཐོབ་ནས༔ དཀྱིལ་འཁོར་གསུམ་དུ་ཡེ་སངས་རྒྱས༔ འཁོར་འདས་བདག་མཉམ་བདེ་ཆེན་ངང་༔ ཨོཾ་གུ་རུ་ཛྙཱ་ན་ཌཱ་ཀི་ནི་སུ་ཁ་བཛྲ་སརྦཔྲ་ཛྙཱ་སིདྡྷི་ཕ་ལ་ཧཱུྃ༔ ཅེས་བཟླས་གནས་ལུགས་རང་ཞལ་སྐྱོངས༔ ཐུགས་རྒྱུད་བྱིན་རླབས་ཐོབ་ནས་ཀྱང་༔ དོན་གཉིས་འབྲས་བུ་ཚེ་འདིར་འགྲུབ༔ བདེན་རྫུན་ལག་ཏུ་ལོངས་དང་གསལ༔ ཐེ་ཚོམ་མེད་དོ་ས་མ་ཡ༔ ཚེ་རིང་མཆེད་ལྔས་གཉེར་གྱིས་ཤིག༔ སྐལ་ལྡན་བུ་ཡི་དཔལ་དུ་ཤོག༔ ལོག་ལྟ་ཅན་ལ་འདི་མ་ འཕྲད༔ ཐུབ་པར་སྲུངས་ཤིག་ན་ར་ཀན༔ ༔ ཅེས་པ་འདི་ཡང་གཏེར་ཆེན་རིན་པོ་ཆེའི་དངོས་སློབ་དམ་ལྡན་སྙིང་གི་བུ་མཆོག་ཤཱི་ལ་བཛྲ་གིས་བསྐུལ་ངོར་དུས་མཐའི་གཏེར་མིང་པདྨ་སྒྲོལ་དཀར་རམ་ཆོས་ཉིད་དབང་མོས་བྲིས་པའོ།། །། བསྙེན་དམིགས་ནི། རང་ཉིད་མཁའ་འགྲོའི་ཐུགས་ཀའི་སྔགས་ཕྲེང་ལས་བདེ་བ་ཆེན་པོའི་སྒྲ་དང་ལྡན་པའི་འོད་ཟེར་འོདཟེར་དམར་པོ་འཕྲོ་ཚུལ་དབུ་མའི་ལམ་བརྒྱུད་ཀྱི་སྤྱི་བོ་ནས་འཐོན། མཆན། གྱིས་རིགས་བདག་གི་ཐུགས་རྒྱུད་བསྐུལ་བས། རིགས་བདག་གི་ཐུགས་ལས་འོད་ཟེར་འཕྲོས ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་རྣམས་ཀྱི་སྐུ་གསུང་ཐུགས་ལ་མཉེས་པའི་མཆོད་པ་འབུལ༔ ཐུགས་རྗེ་གཟི་བྱིན་དབང་དང་དངོས་གྲུབ་ཐམས་ཅད་འོད་ཕུང་གི་རྣམ་པར་རང་གི་སྤྱི་བོ་ནས་ཞུགས། གནས་ལྔར་ཁྱབ་པས་དུག་ལྔའི་ལས་དང་བག་ཆགས་ཐམས་ཅད་སྦྱངས་ནས། རྒྱལ་བའི་སྐུ་གསུང་ཐུགས་ཡོན་ཏན་ཕྲིན་ལས་དང་གཉིས་སུ་མེད་པར་བསམ། ཡང་རིག་བདག་བླ་མའི་སྐུ་ལས་འོད་ཟེར་མར་འཕྲོས་པས་ཁམས་གསུམ་སེམས་ཅན་ཐམས་ཅད་ཀྱི་གནས་ལུས་ཡུལ་སྣང་ཐམས་ཅད་སྟོང་པར་སྦྱངས་ནས་མི་གནས་བདེ་བ་ཆེན་པོའི་ཀློང་དུ་རོ་གཅིག་ཏུ་གྱུར་པར་བསམ། བླ་མའི་སྐུ་ལས་འོད་ཟེར་བདེ་སྐྱོང་འཁོར་ལོ། མཆན། དཀར་དམར་གྱི་རྣམ་པས་བདུད་རྩི་བྱུང་ནས་རང་གི་སྤྱི་བོར་མགྲིན་པ་སྙིང་ག་གསང་གནས་རྣམས་སུ་རིམ་གྱིས་ཐིམ་པས། དགའ་བ། སྤྱི་བོ། མཆོག་དགའམགྲིན་པ། དགའ་བྲལ་སྙིང་ག ལྷན་དགའི་གསང་གནས། འོད་གསལ་མངོན་དུ་གྱུར་ནས་སྒྲིབ་པ་བཞི་ལས་ 豇 དང་། སྒྲིབ་པའམ་བག་ཆགས་ཉོན་མོངས། ཤེས་སྒྲིབ། དག་ནས་རིག་གཞི་རྣམ་པ་བཞིའི་གོ་འཕང་མཆོག་ཏུ་ཐོབ་པར་བསམ། ཤཱི་ལ་བཛྲ་གྱི་བཞེད་དོན་དུ་སུ་ཁ་བཛྲ་གྱིས་བགྱིས་པའོ། །། ༔ ཀ་དག་ཀློང་ལས་ལྷུན་གྲུབ་རྩལ༔ ཕྱི་ནང་གསང་བའི་མཆོད་པའི་སྤྲིན༔ ཡེ་ཤེས་མཁའ་འགྲོའི་ཚོགས་ལ་འབུལ༔ བཞེས་ནས་དབང་དང་དངོས་གྲུབ་སྩོལ༔ ཨོཾ་བཛྲ་ཨརྒྷཾ ཤཔྟ་རཱུ་པ་སྤཪྴ་དྷརྨ་མ་ཧཱ་སརྦ་པཉྩ་ཨ་མྲྀ་ཏ་བ་ལིང་ཏ་རཀྟ་ལ་ཁཱ་ཧི༔ ཞེས་པས་མཆོད་ཅིང་བསྟོད་པ་ནི ཧཱུྃ༔ ཆོས་སྐུ་སྐྱེ་བ་མེད་པ་ལས༔ མ་འགགས་རང་གསལ་ལོངས་སྤྱོད་རྫོགས༔ ཐུགས་རྗེ་ཀུན་ཁྱབ་སྤྲུལ་པའི་སྐུ༔ སྐུ་གསུམ་ལྷུན་གྲུབ་རྗེ་མོར་བསྟོད༔ སྐྱེ་དང་ཚེ་རབས་ཐམས་ཅད་དུ༔ ཡེ་ཤེས་མཁའ་འགྲོས་རྗེས་བཟུང་སྟེ༔ བདག་དང་འབྲེལ་བཅས་འགྲོ་བ་ཀུན༔ བདེ་ཆེན་ཞིང་ལ་སྤྱོད་པར་ཤོག༔ ཅེས་པ་འདི་ཡང་བྱ་བྲལ་རྣལ་འབྱོར་དམ་པ་ཤེས་རབ་འོད་ཟེར་གྱིས་ཡང་ཡང་ནན་ཆེར་བསྐུལ་ངོར་མདོ་མེད་ཀུན་བཟང་ཆོས་ཉིད་དབང་མོས་ཉམས་ཆོས་ཡིག་རིས་སུ་བྲིས་པའོ།། །། ༦ TI1397-018 ག་༔ མཁའ་འགྲོའི་ཐུགས་ཐིག་ལས༔ བླ་མ་མཁའ་འགྲོའི་ཚོགས་མཆོད་སྤྲོས་མེད་རྒྱུན་ཁྱེར་བཞུགས༔ ན་མོ་པདྨ་ཀཱ་ར་ཡེ༔ རྣལ་འབྱོར་དམ་ཚིག་ལྡན་པའི་བུས༔ བླ་མ་མཁའ་འགྲོའི་དཀྱིལ་འཁོར་དུ༔ བསོད་ནམས་ཚོགས་ཆེན་བསགས་པའི་ཐབས༔ རྒྱུན་ཁྱེར་ཟབ་མོ་འདི་རུ་བཀོད༔ ས་མ་ཡ༔ ཐབས་ཤེས་རྫས་དང་ཅི་འབྱོར་གྱི༔ ལོངས་སྤྱོད་ཟས་སྣ་ལ་སོགས་བསགས༔ ཏིང་ངེ་འཛིན་གྱི་བདུད་རྩིར་བརླབས༔ ཐོད་རྔའི་སྒྲ་དང་དབྱངས་སྙན་པོས༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ཚོགས་སྣོད་ཡེ་ཤེས་ཀ་པཱ་ལར༔ ཚོགས་རྫས་ཤ་ལྔ་བདུད་རྩི་ལྔ༔ ཀུན་བཟང་འདོད་ཡོན་བླ་ན་མེད༔ རྒྱལ་བའི་ཞིང་ཁམས་ཡོངས་ཁེངས་གྱུར༔ བཛྲ་སྥ་ར་ཎ་ཁ༔ ཧཱུྃ་ཧྲཱིཿ ཆོས་དབྱིངས་སྐྱེ་མེད་ཕོ་བྲང་ནས༔ རིག་སྟོང་བསམ་བརྗོད་བྲལ་བ་ཡི་༔ ཡེ་ཤེས་མཁའ་འགྲོའི་དཀྱིལ་འཁོར་ལྷ༔ གནས་འདིར་ཚོགས་ལ་གཤེགས་སུ་གསོལ༔ དམ་ཚིག་ཆེན་པོའི་གདན་ལ་བཞུགས༔ སྒོ་གསུམ་དད་པས་ཕྱག་འཚལ་ལོ༔ དངོས་ཡིད་ཏིང་འཛིན་དག་པ་ཡི༔ ཐབས་ཤེས་ཚོགས་ཀྱི་མཆོད་པ་འབུལ༔ བདེ་སྟོང་ཀློང་ཡངས་ངང་དུ་བཞེས༔ ལྟ་བ་མཐའ་བྲལ་ཆེན་པོར་བསྐང་༔ སྒོམ་པ་མ་བཅོས་གཉུག་མར་བསྐང་༔ སྤྱོད་པ་བྱ་རྩོལ་བྲལ་བར་བསྐང་༔ འབྲས་བུ་ཡེ་གྲོལ་ཆེན་πRm པོར་བསྐང་༔ ཉམས་ཆག་ཆོས་ཉིད་དབྱིངས་སུ་བཤགས༔ བདག་སྣང་གཉིས་འཛིན་རཱུ་ཏྲ་བཀུག༔ བདག་མེད་ཤེས་རབ་མཚོན་གྱིས་བསྒྲལ༔ རང་བྱུང་ཡེ་ཤེས་ཀློང་དུ་བསྟབ༔ ཁ་རཾ་ཁཱ་ཧི༔ ཐབས་ཤེས་རྫས་མཆོག་བླ་མེད་རྫས༔ ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ཧོཿ དཔལ་ཆེན་སྤྱན་སྔར་ཁས་བླངས་པའི༔ ལྷག་སྐྱོང་ཕོ་མོ་ལྷག་ལ་རོལ༔ ཨུཙྪིཥྞ་བ་ལི་ཏ་ཁཱ་ཧི༔ བླ་མ་མཁའ་འགྲོའི་དཀྱིལ་འཁོར་དུ༔ ཚོགས་ཀྱི་མཆོད་པ་ཕུལ་བའི་མཐུས༔ རང་བྱུང་ཡེ་ཤེས་མངོན་གྱུར་ནས༔ མི་གནས་གཏན་སྲིད་ཟིན་པར་ཤོག༔ དེ་ལྟར་རྒྱུན་དུ་བརྩོན་གྱུར་ན༔ ཉམས་ཆག་མ་ལུས་ཀུན་བྱང་ནས༔ ཚེ་འདིར་རྐྱེན་ཞི་ཚོགས་གཉིས་རྫོགས༔ ཕྱི་མ་དཔལ་རི་མཁའ་འགྲོའི་གྲོང་༔ བགྲོད་འགྱུར་འདི་ལ་ཐེ་ཚོམ་མེད༔ ས་མ་ཡ༔ སྐུ་གསུང་ཐུགས་ཀྱི་རྒྱ་ཡོད་དོ༔ བརྡ་ཐིམ༔ ༔ ཞེས་པའང་རྣལ་འབྱོར་ཤཱི་ལ་བཛྲ་གྱིས་བསྐུལ་ལྕག་ཟབ་ཕྱིར་མི་ལྡོག་ཙམ་དུ་དུས་མཐའི་གཏེར་གཟུགས་འཆང་བ་པདྨ་སྒྲོལ་དཀར་རམ། བདེ་བའི་རྡོ་རྗེས་ཀློང་བརྡ་འཕྲུལ་ཡིག་ལས་ཞལ་བཤུས་པའོ།། དགེའོ།། །། ༦༣ རོཾ མཁའ་འགྲོའི་ཐུགས་ཏིག་ལས༔ ཕུང་པོ་མཆོད་སྦྱིན་ཚོགས་གཉིས་ཆུ་གཏེར་བཞུགས༔ ན་མོ་ཛྙཱ་ན་ཌཱ་ཀྐི་ཡེ༔ རྣལ་འབྱོར་ལམ་གྱི་ཚོགས་རྫོགས་ཕྱིར༔ སྒྱུ་ལུས་མཆོད་སྦྱིན་འདི་བསྟན་བྱ༔ ས་མ་ཡ༔ ཕཊཿ སྐྱབས་གནས་དམ་པ་རྣམས་ལ་སྐྱབས་སུ་མཆི༔ འགྲོ་རྣམས་བྱང་ཆུབ་ཐོབ་ཕྱིར་བྱང་སེམས་བསྐྱེད༔ ཕཊཿ རང་ལུས་ཆེ་ཚོ་སྣུམ་བརྗིད་ལྡན་པར་གྱུར༔ ལུས་དབུས་དབུ་མ་མཚན་ཉིད་བཞི་ལྡན་སྦུབས༔ སྙིང་གར་རླུང་སེམས་འདུས་པའི་ཐིག་ལེ་བསྒོམ༔ ཕཊཿབརྗོད་སྤྱི་བོ་ནས་ཐོན་ནམ་མཁར་སྤར༔ ཕཊ་ཕཊ་ཕཊཿ དབྱིངས་དང་ཡེ་ཤེས་དབྱེར་མེད་ཁྲོས་མར་བཞེངས༔ ཕྱག་གཡས་གྲི་གུག་བེམ་པོར་ཚད་ཙམ་གྱིས༔ ཤ་ཁྲག་རུས་པ་ཐར་གྱིས་ཞིག་པ་ལས༔ རང་བྱུང་ཐོད་སྣོད་ཡངས་ཤིང་རྒྱ་ཆེའི་ནང་༔ ངོ་བོ་བདེ་སྟོང་ཡེ་ཤེས་བདུད་རྩི་ལ༔ རྣམ་པ་ཕྱི་ནང་མཆོད་པའི་སྤྲིན་དུ་སྤེལ༔ ཨོཾ་ཨཱཿཧཱུྃ༔ ཕཊཿ དཀོན་མཆོག་རྩ་གསུམ་དམ་ཅན་རྒྱ་མཚོ་མཆོད༔ མཉེས་ཚིམ་བདག་གཞན་ཚོགས་རྫོགས་སྒྲིབ་དག་ཤོག༔ ཕཊཿ རིགས་དྲུག་ཕ་མ་ལན་ཆགས་མགྲོན་ལ་བསྔོ༔ ཐམས་ཅད་ངོམས་ཤིང་སྡུག་བསྔལ་ཀུན་བྲལ་ནས༔ སྲིད་པའི་མཚོ་ལས་འགྲོ་རྣམས་སྒྲོལ་བར་ཤོག༔ ཕཊཿ བདག་དང་སྣང་བ་གཉིས་མེད་ འོད་གསལ་ཀློང་༔ སྒྱུ་མའི་འཁྲུལ་འཁོར་དབྱིངས་སུ་ཞིག་པ་ལྟར༔ ཡུམ་ཆེན་ཆོས་སྐུའི་དགོངས་པའི་དབྱིངས་སུ་ཨ༔ ཕཊཿཕཊཿཕཊཿ ཅེས་བརྗོད་འཁོར་གསུམ་ཡོངས་དག་ཆེན་པོས་རྒྱས་གདབ པར་བྱའོ། །ཅེས་པ་དབོན་ཛྙཱ་ནའི་མཚན་ཅན་གྱིས་ནན་ཆེར་བསྐུལ་ངོ་མི་ལྡོག་ཙམ་དུ་དཱི་པཾ་ཏཱ་རེས་ཉམས་ཆོས་ཡིག་རིས་སུ་བྲིས་པའོ།། དགེའོ།། །། 1 SNདP&་H་བསནི་ཐོས SNདP&་H་བསནི་ཐོས TI1397-022 ཐད། བདེ་བའི་རྡོ་རྗེའི་ཕྱག་རྒྱ་བསྡུས་པ་བྱིན་རླབས་དཔལ་སྟེར་བཞུགས་སོ༔ ན་མོ་གུ་རུ་པདྨ་ཀཱ་ར་ཡེ༔ དབྱིངས་དང་ཡེ་ཤེས་དབྱེར་མེད་པ༔ རིག་སྟོང་ལྷན་སྐྱེས་བདེ་བའི་ཡུམ༔ མཚོ་བྱུང་སྤྲུལ་པ་ལ་བརྒྱུད་ནས༔ དེ་ཡི་སྒྲུབ་ཐབས་ཟབ་མོ་བྲི༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ ཀ་དག་དབྱིངས་སུ་ཀུན་བཟང་མོ༔ ལོངས་སྐུ་རྣལ་འབྱོར་ཝཱ་ར་ཧི༔ སྤྲུལ་སྐུ་བདེ་བའི་རྡོ་རྗེ་ལ༔ རྣམ་ཀུན་དད་པས་སྐྱབས་སུ་མཆི༔ རང་བཞིན་མ་རྟོགས་སེམས་ཅན་རྣམས༔ འོད་གསལ་ངང་དུ་བསྒྲལ་བའི་ཕྱིར༔ བདེ་ཆེན་དཀྱིལ་འཁོར་ཉམས་བླངས་ནས༔ སངས་རྒྱས་ཐོབ་པར་སེམས བསྐྱེད་དོ༔ དེ་ནས་དངོས་གཞི་ལྷ་བསྐྱེད་ནི༔ ཨ༔ ཆོས་རྣམས་རང་བཞིན་སྟོང་པ་ཉིད༔ རྣམ་ཐརགསུམ་ལྡན་ངོ་བོ་ཉིད༔ མ་འགགས་འོད་གསལ་ཆོས་སྐུའི་ཀློང་༔ བདེ་ཆེན་རྒྱུ་ཡི་ཡི་གེ བྃ༔ འཕྲོ་འདུས་ཡོངས་སུ་གྱུར་པ་ལས༔ ཕྱི་སྣོད་མཁའ་སྤྱོད་འོག་མིན་ཞིང་༔ ནང་བཅུད་དཔའ་བོ་མཁའ་འགྲོའི་དལ༔ མི་འགྱུར་ཆོས་སྐུའིཕོ་བྲང་དབུས༔ བདེ་སྟོང་ཐབས་ཤེས་གདན་སྟེང་དུ༔ རིག་པ་ཆོས་ཉིད་དོན་གྱི་ལྷ༔ དགའ་ཆེན་བདེ་བའི་རྡོ་རྗེ་ནི༔ དམར་གསལ་ཞལ་གཅིག་ཕྱག་གཉིས་པ༔ ཞི་འཛུམ་མཚན་དཔེའི་ལང་ཚོ་འབར༔ ཕྱག་གཉིས་སྣང་སྟོང་རྡོར་དྲིལ་ བསྣོལ༔ གཅེར་མོ་མཉམ་པའི་སྟབས་ཀྱིས་བཞེངས༔ ནུ་མ་འབུར་ཞིང་བྷ་