Tibetan
ག་རྒྱས༔ དབུ་སྐྲ་ཐོར་ཅོག་ཟར་བུ་འཁྲོལ༔ རིན་པོ་ཆེ་ཡི་རྩེ་བྲན་བརྗིད༔ དར་དང་རིན་ཆེན་རྒྱན་གྱིས་སྤྲས༔ མེ་ཏོག་པདྨའི་ཆུན་འཕྱང་མཛེས༔ ཡེ་ཤེས་འཇའ་སྐུ་སྟོང་གསལ་གྱི༔ སྐུ་དབུས་རྩ་གསུམ་འཁོར་ལོ་ལྔར༔ གནས་གསུམ་མཁའ་འགྲོའི་དཀྱིལ་འཁོར་རྫོགས༔ རིགས་བདག་ཨོ་རྒྱན་ཐོད་ཕྲེང་རྩལ༔ རྡོ་རྗེ་བྷནྡྷ་ཚེ་བུམ་འཛིན༔ ཧེ་རུ་ཀ་པའི་ཆས་སུ་བཞུགས༔ འབུམ་ཕྲག་ཡངས་པའི་མཁའ་འགྲོས་བསྐོར༔ སྣང་སྟོང་སྒྱུ་མའི་སྐུ་རུ་བསྒོམ༔ གནས་གསུམ་རྡོ་རྗེ་སྙིང་པོ་ལས༔ འོད་འཕྲོས་དབྱིངས་བཞུགས་ཡེ་ཤེས་ལྷ༔ སྤྱན་དྲངས་དམ་ཡེ་དབྱེར་མེད་པར༔ གདན་གསུམ་དཀྱིལ་འཁོར་ཆེན་པོར་བཞུགས༔ རང་ངོ་རང་ཞལ་མཇལ་ཕྱག་འཚལ༔ གང་ཤར་ཡེ་ཤེས་རྒྱན་གྱིས་མཆོད༔ མ་སྐྱེས་ཡེ་ནས་བཅོམ་ལྡན་མ༔ གསལ་ཁྱབ་རིགསྟོང་ཌཱ་ཀྐི་རྗེ༔ བདེ་ཆེན་འགྱུར་མེད་བདེ་བའི་བདག༔ རྡོ་རྗེ་རྣལ་འབྱོར་མ་ལ་བསྟོད༔ རང་སྣང་ཡེ་ཤེས་དབྱེར་མེད་ངང་༔ འདུ་འབྲལ་མེད་པར་རང་ཞལ་སྤྲོད༔ ཟུང་འཇུག་ཡེ་ཤེས་ཆོ་འཕྲུལ་གར༔ ཀུན་དཱ་རྡོ་རྗེའི་མདུད་རྒྱ་ཁྲོལ༔ སྣང་བ་བརྡ་དང་དཔེ་ཆར་ཤར༔ ཟབ་མོ་གཏེར་གྱི་ ཐ དངོས་གྲུབ་སྩོལ༔ མ་གཡེལ་འཕགས་མ་ཚེ་རབས་ལྷ༔ བརྩེ་བ་ཆེན་པོས་བདག་རྗེས་ཟུངས༔ བདག་ཉིད་ཐུགས་རྗེས་བཏང་གྱུར་ན༔ མོས་གུས་འོ་དོད་སུ་ལ་འབོད༔ བདེ་ཆེན་ཡེ་ཤེས་བསྐྱེད་མཛད་གང་༔ མྱུར་དུ་བདག་ཉིད་རྗེས་སུ་ཟུངས༔ དགོངས་བརྒྱུད་བྱིན་རླབས་འཕོ་བར་མཛོད༔ མཁའ་འགྲོའི་ཐུགས་ཀར་ཟླ་གདན་ལ༔ ར་གའི་བུམ་པར་བྃ་ཡིག་དམར༔ མཐའ་མར་སྔགས་ཀྱི་ཕྲེང་བས་བསྐོར༔ བཟླས་པས་འཁོར་འདས་གཉིས་སྣང་སེམས༔ རང་གྲོལ་ཆོས་དབྱིངས་ཆེན་པོར་སངས༔ ལྷན་སྐྱེས་ཡེ་ཤེས་བདེ་བ་ཆེ༔ ཨོཾ་པདྨ་ཛྙཱ་ན་ཌཱ་ཀྐི་ནི་མ་ཧཱ་སུ་ཁ་བཛྲ་ཛྙཱ་ན་པྲཛྙཱ་གུ་ཎ་སརྦ་སིདྡྷི་ཕ་ལ་ཧཱུྃ༔ དམིགས་མེད་ཆོས་དབྱིངས་ངང་ནས་བཟླ༔ མཁའ་འགྲོ་བདེ་སྟོང་ཡེ་ཤེས་རྩལ༔ རྣམ་རྟོག་ཆོས་ཉིད་འཁོར་ལོ་སྟེ༔ འདི་ལ་བསལ་བཞག་གང་ཡང་མེད༔ ཕྱི་ལྟར་འབྱུང་ལྔ་ཡུམ་ལྔ་སྟེ༔ ནང་ལྟར་རིགས་ལྔའི་ཌཱ་ཀྐི་མ༔ གསང་བ་རྡོ་རྗེ་ཕག་མོ་དངོས༔ ཀུན་འདུས་འོད་གསལ་བྱང་ཆུབ་སེམས༔ སོ་མ་མ་བཅོས་རིག་པ་འདིའོ༔ ཤེས་པར་གྱིས་ཤིག་སྙིང་གི་བུ༔ ས་མ་ཡ༔ ༦༣ རྒྱ་རྒྱ་རྒྱ༔ བརྡ་ཐིམ༔ སྔགས་ཀྱི་བདག་མོས་སྲུངས་ཤིག༔ རྨི་ལམ་སྣང་ཆར་སྔོན་འབྲེལ་གྱིས༔ ཌཱ་ཀྐི་བདེ་བའི་རྡོ་རྗེ་བྱོན༔ རང་གི་སྒྲུབས་ཐབས་འདི་གནང་ནས༔ འོད་ཐིག་རྣམ་པར་རང་ལ་ཐིམ༔ བདེ་ཆེན་ཡེ་ཤེས་rTm 8 མཆོག་ཏུ་འབར༔ ས་མ་ཡ༔ པདྨ་ལས་འབྲེལ་རྩལ་གྱིས་གསང་བ་འོད་གསལ་གྱི་བྲག་ནས་བཏོན་པའོ།། །། ཧཱུྃ༔ གཟུང་འཛིན་རྟོག་པ་རྣམ་པར་གཅོད༔ ཤེས་རབ་ཆེན་པོས་མ་རིག་འཇོམས༔ ཀུན་ཁྱབ་མི་འགྱུར་བདེ་བའི་བདག༔ རྡོ་རྗེ་ཡེ་ཤེས་མཆོག་ལ་འདུད༔ སྒོམ་བྱུང་ཤེས་རབ་ཀྱི་རྩལ་ལས་བི་མས་བྲིས་པ་དགེ། །། 2LS་ELH་B་ཐོ་གྱི TI1397-026 ༣ཨོཾ དག་སྣང་ལས་རིག་འཛིན་བླ་མའི་གསོལ་འདེབས་བྱིན་རླབས་གཏེར་མཛོད་བཞུགས༔ ན་མོ་གུ་རུ་བྷྱཿ གང་དག་རྣལ་འབྱོར་དམ་ལྡན་པས༔ དད་མོས་གདུང་ཤུགས་དྲག་པོ་ཡིས༔ དྲིན་ཅན་བླ་མར་གསོལ་འདེབས་ཐབས༔ བྱིན་རླབས་གཏེར་མཛོད་འདི་བསྟན་བྱ༔ ཨེ་མ་ཧོ༔ གཞི་དབྱིངས་ཐོག་མའི་མགོན་པོ་ཀུན་ཏུ་བཟང་༔ གཞི་སྣང་མ་འགགས་སྒྱུ་འཕྲུལ་རྡོ་རྗེ་སེམས༔ གཞི་རྩལ་རང་བྱུང་དཔའ་བོ་དགའ་རབ་རྗེ༔ དབྱེར་མེད་འཇའ་ལུས་སྐུ་བརྙེས་བི་མ་ལ༔ ཡེ་ཤེས་སྒྱུ་མའི་གར་བསྒྱུར་རིག་པ་འཛིན༔ གཞན་ཕན་འགྲོ་ལ་ཐུགས་རྗེའི་འོད་ཟེརགྱི༔ དགའ་བའི་རང་གཟུགས་སེམས་དཔའ་མཆོག་གི་སྐུ༔ མཐའ་ཡས་འགྲོ་བ་ཡོངས་ཀྱི་གཉེན་གཅིག་པུ༔ དྲིན་ཅན་བླ་མ་ཁྱོད་ལ་གསོལ་བ་འདེབས༔ ཐུགས་རྗེ་ཞི་བའི་དབྱིངས་སུ་མི་གཟིམས་པར༔ བདག་ཅག་རྗེས་འཇུག་རྗེས་འབྲངས་སློབ་བུ་ལ༔ ལུས་ལ་འགྱུར་མེད་སྐུ་ཡི་བྱིན་གྱིས་རློབས༔ ངག་ལ་ཚངས་དབྱངས་གསུང་གི་བྱིན་གྱིས་རློབས༔ སེམས་ལ་འཁྲུལ་བྲལ་ཐུགས་ཀྱི་བྱིན་གྱིས་རློབས༔ མཆོག་ཐུན་དངོས་གྲུབ་མ་ལུས་མྱུར་སྩལ་ནས༔ དོན་གཉིས་ལྷུན་འགྲུབ་འབྱུང་བར་བྱིན་གྱིས་རློབས༔ འདི་ལ་རྒྱུན་དུ་རྩོན་གྱུར་ན༔ བྱིན་རླབས་རྒྱུད་ལ་འཇུག་པར་ངེས༔ ས་མ་ཡ༔ ཅེས་པ་ འདི་ཡང་མཁན་པོ་ནོར་བུ་དབང་རྒྱལ་གྱི་བཞེད་སྐོང་དུ་སྙོམས་ལས་པ་བདེ་བའི་རྡོ་རྗེས་ཤར་མར་བྲིས་པ་དགེའོ།། 24 མ་ལམ་དུ་པོ་མ་ཅུ་ཐམས་ཛི་ཐོས་ཀྱི་ང་TI1397-028 མ་ལམ་དུ་པོ་མ་ཅུ་ཐམས་ཛི་ཐོས་ཀྱི་ང་TI1397-028 ཧོ་ཿ བླ་མའི་རྣལ་འབྱོར་ནི༔ ན་མོ༔ རྒྱལ་བ་ཀུན་ཡུམ་རྣལ་འབྱོར་མ༔ བྱང་ཆུབ་བར་དུ་སྐྱབས་སུ་མཆི༔ འགྲོ་ཀུན་སངས་རྒྱས་ལ་འགོད་ཕྱིར༔ སྨོན་འཇུག་དོན་དམ་བྱང་སེམས་བསྐྱེད༔ ཨ༔ རང་ཉིད་ཐ་མལ་གནས་པའི་སྤྱི་བོ་རུ༔ མི་ཕྱེད་དད་བརྒྱའི་གེ་སར་བཞདཔའི་སྟེང་༔ རྒྱལ་བའི་ཡུམ་གྱུར་ཤེས་རབ་ཕ་རོལ་ཕྱིན༔ སུ་ཁ་བཛྲ་ཡེ་ཤེས་སྒྱུ་མའི་སྐུ༔ བདེ་ཆེན་རྒྱལ་མོ་དམར་གསལ་ཞལ་གཅིག་པ༔ ཕྱག་གཉིས་གཡས་པས་ཅང་ཏེའུ་སྙན་ཐད་དཀྲོལ༔ ཕྱག་གཡོན་གྲི་གུག་དཀུར་བརྟེན་མཉམ་སྟབས་འགྱིང་༔ ནུ་འབུར་པདྨོ་རྒྱས་དང་ལང་ཚོ་མཛེས༔ སྐུ་ལ་མཁའ་འགྲོའི་ཆས་རྣམས་མ་ལུས་རྫོགས༔ སྤྱི་བོར་རིགས་བདག་པདྨ་ལས་འབྲེལ་ནི༔ རྣལ་འབྱོར་ཧེ་རུ་ཀ་པའི་ཚུལ་དུ་བཞུགས༔ ཡེ་ཤེས་འཇའ་འོད་འཁྱིལ་པའི་ཀློང་དུ་གསལ༔ སྐྱབས་ཀུན་རྒྱལ་བ་ཡོངས་འདུས་ངོ་བོར་བསྐྱེད༔ ཀྱེ་མ་བླ་མ་རིན་པོ་ཆེ༔ བདག་རྒྱུད་བྱིན་གྱིས་བརླབ་ཏུ་གསོལ༔ སྒོ་གསུམ་གུས་པས་ཕྱག་འཚལ་ལོ༔ སྣང་སྲིད་རྣམ་དག་མཆོད་པ་འབུལ༔ མི་དགེའི་ལས་ཀུན་མཐོལ་ལོ་བཤགས༔ རང་གཞན་དགེ་ལ་རྗེས་ཡི་རངས༔ ཟབ་རྒྱས་ཆོས་འཁོར་བསྐོར་བར་བསྐུལ༔ རྒྱལ་ཀུན་མྱ་ངན་མི་འདའ་ བཞུགས༔ དགེ་ཚོགས་རྒྱ་མཚོ་འགྲོ་ལ་བསྔོ༔ གདོད་མའི་གཞི་ལ་སངས་རྒྱས་ཤོག༔ ཨེ་མ་རྗེ་བཙུན་རྣལ་འབྱོར་མ༔ རྒྱལ་ཀུན་གསང་གསུམ་འདུས་པའི་དཔལ༔ སངས་རྒྱས་ཀུན་ལས་བཀའ་དྲིན་ལྷག༔ ཁྱོད་ལ་གུས་པས་གསོལ་བ་འདེབས༔ ས་ལམ་ཡོན་ཏན་མངོན་གྱུར་ནས༔ གདོད་མའི་གཏན་སྲིད་ཟིན་པར་ཤོག༔ ཨོཾ་པདྨོ་ཡོ་གཱི་ནི་སུ་ཁ་བཛྲ་སརྦ་སིདྡྷི་ཕ་ལ་ཧཱུྃ༔ དེ་ནས་དབང་བཞི་བླང་བ་ནི༔ སྤྱི་བོའི་བླ་མའི་གནས་བཞིའི་འཁོར་ལོ་ལས༔ འོད་ཟེར་དཀར་དམར་མཐིང་སེར་རྣམ་པར་འཕྲོས༔ བདག་གི་གནས་བཞིར་ཐིམ་པས་སྒྲིབ་བཞི་དག༔ དབང་བཞི་ཐོབ་ཅིང་སྐུ་བཞིའི་ས་ཐོབ་གྱུར༔ བླ་མ་འོད་ཞུ་རང་རིག་གཉིས་མེད་འདྲེས༔ མཐའ་བྲལ་བློ་འདས་ཆེན་པོའི་ངང་དུ་ཨ༔ ཞེས་ཆོས་ཉིད་བརྗོད་བྲལ་གྱི་ངང་དུ་མཉམ་པར་བཞག༔ ཅེས་པ་འདི་ཡང་དད་ལྡན བསླབ་གསུམ་ལྡན་པ་བསྟན་རྒྱམ་གྱིས་ཡང་ཡང་བསྐུལ་ངོར་མདོ་མེད་སྤྲང་འཁྱམས་ཀུན་བཟང་བདེ་སྐྱོང་དབང་མོས་བྲིས་པའོ།། དགེའོ།། དགེའོ།། དགེའོ།། །། ༔ དག་སྣང་ཆོས་ཉིད་འཁོར་ལོ་ལས༔ སྐུ་གསུམ་ཌཱ་ཀྐིའི་གསོལ་འདེབས་དངོས་གྲུབ་བང་མཛོད་བཞུགས༔ ན་མོ་པདྨ་ཀཱ་ར་ཡེ༔ གང་དག་གསང་སྔགས་ལམ་ཞུགས་ཀྱི༔ སྐལ་ལྡན་ཕོ་མོ་གང་སུ་དག༔ དངོས་གྲུབ་རྣམ་གཉིས་ཐོབ་པ་དང་༔ རིམ་གཉིས་ལམ་མཐར་ཕྱིན་པའི་ཕྱིར༔ སྐུ་གསུམ་མཁའ་འགྲོའི་ལྷ་ཚོགས་ལ༔ གསོལ་འདེབས་ཐུགས་རྒྱུད་བསྐུལ་བའི་ཐབས༔ དངོས་གྲུབ་བང་མཛོད་འདི་རུ་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ ཁ་ཙམ་ཚིག་ཙམ་མ་ཡིན་པར༔ སྒོ་གསུམ་གཅིག་འདྲིལ་དད་པ་ཡིས༔ གསོལ་འདེབས་བྱིན་རླབས་བསྐུལ་བ་ནི༔ ཨེ་མ་ཧོཿ ཀ་དག་སྤྲོས་པ་བྲལ་བའི་ཞིང་ཁམས་ནས༔ ཆོས་སྐུ་ཡུམ་ཆེན་ཀུན་ཏུ་བཟང་མོ་ལ༔ གཉིས་མེད་འཛིན་བྲལ་ངང་ནས་གསོལ་བ་འདེབས༔ ཐུགས་རྒྱུད་དགོངས་པའི་ཡེ་ཤེས་ཡོན་ཏན་ཀུན༔ བདག་གི་རྒྱུད་ལ་འཕོས་ཤིང་སྨིན་གྲོལ་ནས༔ སྐུ་གསུམ་དག་མཉམ་རོལ་པར་བྱིན་གྱིས་རློབས༔ འགགས་མེད་རང་གསལ་ལྔ་ལྡན་ཞིང་ཁམས་ནས༔ རྡོ་རྗེ་ཕག་མོ་མཁའ་སྤྱོད་རྣལ་འབྱོར་མར༔ ཟུང་འཇུག་བདེ་ཆེན་ངང་ནས་གསོལ་བ་འདེབས༔ ཐུགས་རྒྱུད་དགོངས་པའི་ཡེ་ཤེས་ཡོན་ཏན་ཀུན༔ བདག་གི་རྒྱུད་ལ་འཕོས་ཤིང་སྨིན་གྲོལ་ནས༔ ལྷུན་འགྲུབ་ལོངས་སྤྱོད་རྫོགས་སྐུར་བྱིན་གྱིས་རློབས༔ ཐུགས་རྗེའི་ཡེ་ཤེས་རང་ གསལ་ཞིང་ཁམས་ནས༔ རྣམ་ཀུན་མཆོག་ལྡན་ཡེ་ཤེས་མཚོ་རྒྱལ་ལ༔ རང་རིག་འདུ་འབྲལ་མེད་པར་གསོལ་བ་འདེབས༔ ཐུགས་རྒྱུད་དགོངས་པའི་ཡེ་ཤེས་ཡོན་ཏན་ཀུན༔ བདག་གི་རྒྱུད་ལ་འཕོས་ཤིང་སྨིན་གྲོལ་ནས༔ དགའ་བཞིའི་ཡེ་ཤེས་འཆར་བར་བྱིན་གྱིས་རློབས༔ རང་སྣང་དག་པའི་གེ་སར་བཞད་པ་ནས༔ སྐུ་གསུམ་ཡེ་ཤེས་ཌཱ་ཀྐིའི་སྒྱུ་འཕྲུལ་གར༔ གང་འདུལ་ཐབས་ཀྱིས་འགྲོ་རྣམས་བདེ་ལ་བཀོད༔ སྦས་པའི་རྣལ་འབྱོར་སུ་ཁ་བཛྲ་ལ༔ སྒོ་གསུམ་མི་ཕྱེད་དད་པས་གསོལ་བ་འདེབས༔ ཐུགས་རྒྱུད་དགོངས་པའི་ཡེ་ཤེས་ཡོན་ཏན་ཀུན༔ བདག་གི རྒྱུད་ལ་འཕོས་ཤིང་སྨིན་གྲོལ་ནས༔ འདི་ཕྱི་བར་གསུམ་འབྲལ་མེད་རྗེས་བཟུང་སྟེ༔ ཁྲེགས་ཆོད་གཞི་ཡི་གནས་ལུགས་རྟོགས་པ་དང་༔ ཐོད་རྒལ་སྣང་བཞིའི་ཉམས་ལེན་མཐར་ཕྱིན་ནས༔ རང་གཞན་དོན་གཉིས་ལྷུན་གྱིས་གྲུབ་པ་དང་༔ ཡང་དག་རྫོགས་པའི་སངས་རྒྱས་ཐོབ་པར་ཤོག༔ དེ་ལྟར་ཚེ་འདིར་གྲོལ་བ་མ་ཐོབ་ན༔ འཆི་བ་དང་པོར་ཀ་དག་རང་དབང་ཐོབ༔ གཉིས་པར་རང་གནས་ཡེ་ཤེས་མངོན་གྱུར་ཞིང་༔ གསུམ་པར་རང་རིག་བཙན་ས་ཟིན་པར་ཤོག༔ གལ་ཏེ་ལས་རླུང་དྲག་པོས་རྒྱུད་བསྐུལ་ནས༔ བག་ཆགས་ངན་པའི་དབང་དུ་གྱུར་སྲིད་ན༔ བརྒྱུད་ བྱོན ༔ ལྡན་རིག་འཛིན་བླ་མའི་བྱིན་བརླབས་དང་༔ སྐུ་གསུམ་ཌཱ་ཀྐི་རྒྱ་མཚོའི་ཐུགས་རྗེ་ཡིས༔ རྗེས་དྲན་དྲུག་ལ་བརྟན་པ་རབ་ཐོབ་ནས༔ རང་སྣང་དག་པའི་ཞིང་དུ་སྐྱེ་བར་ཤོག༔ སླར་ཡང་འཁོར་བའི་རྒྱ་མཚོ་མ་སྟོང་བར༔ གང་ལ་གང་འདུལ་ཐབས་ཀྱིས་འགྲོ་བ་ཀུན༔ འདྲེན་པའི་དེད་དཔོན་མཆོག་ཏུ་བདགགྱུར་ནས༔ གུ་རུ་ཡབ་ཡུམ་ཐུགས་བཞེད་བསྒྲུབ་ནུས་ཤོག༔ མཆོག་གསུམ་རྩ་གསུམ་སྐུ་གསུམ་ཐུགས་རྗེ་དང་༔ བདེན་གཉིས་བསླུ་བ་མེད་པའི་བདེན་སྟོབས་ཀྱིས༔ གནས་གསུམ་ཌཱ་ཀྐི་རྒྱ་མཚོས་རྗེས་བཟུང་ནས༔ བསམ་དོན་ཆོས་བཞིན་འགྲུབ་པར་བྱིན་གྱིས་རློབས༔ དེ་ལྟར་རྒྱུན་དུ་བརྩོན་གྱུར་ན༔ ཡེ་ཤེས་ཌཱ་ཀྐིས་རྗེས་བཟུང་ནས༔ ཕྱི་ནང་བར་ཆད་སེལ་བ་དང་༔ དགོངས་བརྒྱུད་བྱིན་རླབས་ཐོབ་པར་ངེས༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་པའང་དད་དམ་ནོར་གྱིས་ཕྱུག་པ་ལྷ་སྲས་དཔལ་ཆེན་རྣམ་རྒྱལ་ནས་འདི་ལྟར་དགོས་ཞེས་ནན་ཆེར་བསྐུལ་ངོར་སྙིགས་དུས་གཏེར་མིང་འཛིན་པ་སྤྲང་མོ་སུ་ཁ་བཛྲ་གྱིས་ཉམས་ཆོས་ཡིག་རིས་སུ་བྲིས་པའོ།། དགེའོ།། TI1397-034 ༄༅། །བླ་མའི་རྣལ་འབྱོར་ནི༔ ངེས་འབྱུང་བྱང་སེམས་མོས་པའི་བློ་བསྐྱེད་ལ༔ དད་དང་མོས་གུས་གདུང་ཤུགས་དྲག་པོ་ཡིས༔ བླ་མ་སྤྱི་བོར་བསྒོམས་ལ་འདི་སྐད་དོ༔ རང་མདུན་གྱི་ནམ་མཁའི་སྤྱི་བོ་རུ༔ ཡིད་དད་པའི་གེ་སར་བཞད་པའི་སྟེང་༔ མ་ཡེ་ཤེས་མཚོ་རྒྱལ་རྣམ་རོལ་གར༔ སྐྱབས་ཀུན་འདུས་སུ་ཁ་བཛྲ་རྩལ༔ དུས་འབྲལ་མེད་རྟག་པར་བཞུགས་ནས་ཀྱང་༔ བདག་སྒོ་གསུམ་རྡོ་རྗེ་གསུམ་དུ་རློབས༔ ཀྱེེ༔ མ་ཡེ་ཤེས་མཁའ་འགྲོ་ཁྱེད་མཁྱེན་ནོ༔ ཆོས་ཀུན་གྱི་སྙིང་པོ་རྫོགས་པ་ཆེའི༔ དོན་མ་ནོར་འོད་གསལ་རིག་པའི་གནད༔ སེམས་འཁྲུལ་པའི་དྲི་མས མ་བསླད་པར༔ གཞི་ཀ་དག་སྐྱེ་མེད་ཆེན་པོ་རུ༔ དུས་ད་ལྟ་གྲོལ་བར་བྱིན་གྱིས་རློབས༔ མགོན་ཁྱོད་ཀྱི་ཐུགས་དང་དབྱེར་མེད་པར༔ དབང་བྱིན་རླབས་ཅིག་ཅར་ཐོབ་ནས་ཀྱང་༔ ཚེ་འདི་ལ་དོན་གཉིས་དཔལ་ཐོབ་ཤོག༔ ཀཱ་ཡ་ཝ་ཀཱ་ཙིཏྟ་སརྦ་སིདྡྷི་ཕ་ལ་ཧཱུྃ་ཨཱཿ ཞེས་བརྗོད་མ་བཅོས་དེ་བཞིན་ཉིད་དབྱིངས་སུ་ངལ་བསོ་བར་བྱའོ༔ ས་མ་ཡ༔ རྒྱ་རྒྱ་རྒྱ༔ ༔ འདི་ལྟར་དགོས་ཞེས་རིག་འཛིན་སྐྱེས་བུ་ཡིས༔ དྲི་ཞིམ་བདུག་སྤོས་དང་ནི་ལྷ་རེག་བཅས༔ བཀའ་བསྐུལ་སྤྱི་བོར་ཕེབས་ཚེ་མི་ལྡོག་ཙམ༔ རིག་པའི་སྒྲོམ་ལས་རིག་རྩལ་ཡི་གེའི་རིས༔ ཀུན་བཟང་ཆོས་ཉིད་བདེ་སྐྱོང་དབང་མོས་བྲིས།། དགེའོ།། །། TI1397-036 གཾ་༔ མཁའ་འགྲོ་ཐུགས་ཏིག་ལས༔ བླ་མ་མཁའ་འགྲོའི་གསོལ་འདེབས་བྱིན་རླབས་བུམ་བཟང་བཞུགས༔ ཨེ་མ་ཧོཿ ཆོས་ཉིད་མངོན་སུམ་རང་བྱུང་ཙིཏྟའི་དབུས༔ དྭངས་མ་ལྔ་འདུས་འོད་ཀྱི་གཞལ་ཡས་ནས༔ ཉམས་སྣང་གོང་འཕེལ་མ་བཅོས་ལྷུན་འགྲུབ་སྐུ༔ སུ་ཁ་བཛྲ་བི་མ་རསྨི་ལ༔ ཆོས་ཟད་བློ་འདས་ཆེན་པོར་གསོལ་བ་འདེབས༔ འོད་གསལ་གསང་ལམ་ཡེ་ཤེས་བྱན་ཚུད་ནས༔ གཞོན་ནུ་བུམ་པའི་སྐུ་རུ་གྲོལ་བ་དང་༔ འཇའ་ལུས་མཁའ་སྤྱོད་བགྲོད་པར་བྱིན་གྱིས་རློབས༔ ཅེས་པ་འདི་ཡང་དགེ་བཙུན་དམ་པ་ཆོས་ཀྱི་བདག་པོ་ཤཱི་ལ་བཛྲ་གྱི་བཀའ་བསྐུལ་ཟབ་ཕྱིར་ཀུན་བཟང་བདེ་སྐྱོང་དབང་མོས་སེར་དགོན་དབེན་ཁྲོད་ནས་བྲིས་པའོ།། །། TI1397-038 商合དག་སྣང་ལས་ཟབ་གཏེར་ཆོས་སྒོ་འབྱེད་པའི་གསོལ་འདེབས་ཐུགས་དམ་གནད་བསྐུལ་བཞུགས་སོ༔ དགོངས་ཤིག་སྐྱབས་གནས་མཁའ་འགྲོའི་ཚོགས༔ གསོན་ཅིག་མ་གཅིག་མཚོ་རྒྱལ་མ༔ མགོན་མེད་བདག་ལ་ཐུགས་རྗེས་གཟིགས༔ དུས་ངན་སྙིགས་མའི་ཡང་མཐའ་འདིར༔ ཆོས་སྒྲུབ་བུ་དམན་རྒྱལ་བསྟན་ཉམས༔ འགྲོ་ཀུན་ལོག་ལམ་བདུད་ཀྱིས་བསླུས༔ གསང་སྔགས་ཆོས་ལ་སྐུར་པ་བཏབ༔ ལོག་ལྟའི་འདམ་ཚུད་མི་དགེ་བསགས༔ པད་འབྱུང་སྤྲུལ་པས་འདུལ་དཀའ་འབྱུང་༔ འགྲོ་བའི་ལོག་སྒྲུབ་དབང་གིས་ནི༔ ཟབ་གཏེར་སྒོ་འབྱེད་གསང་བའི་གྲོགས༔ གཞན་གྱི་དབང་དུ་འགྱུར་སྲིད་པས༔ མ་རྣམས་ཐུགས་དམ་དབྱིངས་ནས་བཞེངས༔ ཐུགས་རྗེས་མཐུ་དཔུང་རབ་བསྐྱེད་ནས༔ ཚེ་རབས་གཏན་གྱི་གསང་བའི་གྲོགས༔ རྟེན་འབྲེལ་ལེགས་བསྒྲིགས་བདག་ལ་དབང་༔ སྔོན་གྱི་སྨོན་ལམ་མཐུ་སྟོབས་ཀྱིས༔ ཁབ་ལེན་རྡོ་ཡིས་ལྕགས་བླང་བཞིན༔ བློ་ཡིད་སེམས་གསུམ་དབང་དུ་བསྡུས༔ འབྲལ་མི་ཕོད་པའི་དད་པ་ཡིས༔ གསང་སྔགས་རིམ་བཞིན་ཉམས་སུ་བླང་༔ གུ་རུ་པད་འབྱུང་ཡབ་ཡུམ་གྱིས༔ གསང་གསུམ་བྱིན་རླབས་བདག་སྨིན་མཛོད༔ རིམ་གཉིས་མཐར་ཕྱིན་ བསྟན་འགྲོའི་དོན༔ གསང་མཛོད་ཟབ་མོའི་གཏད་རྒྱ་ཁྲོལ༔ ཟབ་གསང་ཆོས་ཀྱི་བསྟན་པ་རྒྱས༔ ཐབས་ཤེས་མཛད་པ་ཕྲིན་ལས་ཀུན༔ ཡིད་བཞིན་ནོར་བུ་མཚོ་རྒྱལ་གྱི༔ ཐུགས་བཞེད་ཡོངས་སུ་འགྲུབ་པར་ཤོག༔ པདྨ་ཐོད་ཕྲེང་བཀའ་དམ་བཞིན༔ གནས་པའི་ཆོས་སྐྱོང་གཏེར་བདག་རྣམས༔ བདག་དབང་ཟབ་གཏེར་གནས་གང་ཡོད༔ དུས་བབས་རྟེན་འབྲེལ་མི་འཛོལ བར༔ བདག་གི་ཕྲིན་ལས་བཅོལ་བཞིན་སྒྲུབས༔ བར་ཆད་བདུད་དཔུང་ཚར་བཅད་ནས༔ ཆོས་འཛིན་སྐྱེས་བུ་མྱུར་དུ་ཁུག༔ ཟབ་གཏེར་བསྟན་པ་མཐའ་རྒྱས་མཛོད༔ བདག་ལ་མ་དད་མ་གུས་ཤིང་༔ སྐུར་འདེབས་ལོག་སྨོན་བྱེད་པ་རྣམས༔ ཕྲིན་ལས་དྲག་པོས་ཚར་བཅད་ནས༔ གང་གི་གདུལ་བྱའི་ཞིང་དུ་གྱུར༔ མདོར་ན་ཆོས་དང་གྲོགས་ཡོ་བྱད༔ ཆོས་འཛིན་སྐྱེས་བུ ལ་སོགས་པ༔ པད་འབྱུང་ཡབ་ཡུམ་བཀའ་བསྒོས་བཞིན༔ བདུད་ཀྱི་དབང་དུ་མི་འགྲོ་ཞིང་༔ མཁའ་འགྲོ་ཆོས་སྐྱོང་མཐུ་སྟོབས་ཀྱིས༔ རྟེན་འབྲེལ་ཡོངས་སུ་འགྲུབ་གྱུར་ཅིག༔ ས་མ་ཡ༔ རྒྱ་རྒྱ་རྒྱ༔ ཅེས་པའང་རང་ལོ་ཉེར་ལྔའི་དུས་མཁའ་འགྲོའི་འདུ་ཚོགས་ཀྱི་སྐབས་ཨ་མ་མཚོ་རྒྱལ་གྱིས་བདག་ལ་ཁྱོད་མཁའ་འགྲོའི་ཕོ་ཉ་ཡིན་པས་ཕྱིར་ལོག་དང་བསྟན་འགྲོའིདོན་འོང་གསུངས་ནས་ཆང་ཐོད་པ་གང་གནང་ནས་ཕྱག་གཡས་ 商合བདག་གི་མགོར་བཞག་ནས་ཆོས་དང་དམ་ཚིག་གི་ཞལ་ཏ་མང་དུ་མཛད༔ བདག་གིས་ཀྱང་གང་དྲན་སྙན་གསན་འདོད་དོན་དུ་གསོལ་བ་འདི་འདྲ་བ་ཞིག་བཏབ་ནས་བདག་དང་བདག་ལྟ་བུ་མ་གཏོགས་གཞན་གཅིག་ལ་དགོས་མེད་སྙམ་ནས་གསང་རྒྱ་དམ་པོ་བྱས་ཡོད་སྐབས་གསང་གྲོགས་ལས་འབྲེལ་རྩལ་གྱི་བཀའ་བཙན་ལྡོག་ཏུ་མ་སྤོབས་པར་བསྡུས་ཙམ་བྲིས་པའོ། །ཤེས་རབ་ཀྱིས་ཐབས་ལ་ཕུལ་བ་དགེ། ཨོཾཿ ཀ་དག་སྤྲོས་པ་བྲལ་བ་ལ༔ ལྷུན་འགྲུབ་ཡེ་ཤེས་མ་འགགས་པའི༔ ཐུགས་རྗེ་རང་གསལ་མཚོ་རྒྱལ་མར༔ གསོལ་བ་འདེབས་སོ་བྱིན་གྱིས་རློབས༔ ཤེས་རབ་ཡེ་ཤེས་དངོས་གྲུབ་སྩོལ༔ ཨོཾ་ཨཱཿཧཱུྃ པདྨ་ཛྙཱ་ན་ཌཱ་ཀྐི་ནི་སཱ་ར་ཛ་ཡ་པྲཛྙཱ་སརྦ་སིདྡྷི་ཕ་ལ་ཧཱུྃ༔ སུ་ཁ་བཛྲ་གྱིས་སོ།། །། .KCL¤¤Ⅲ TI1397-042 ༢ མ རུ ལམ་ཚ་ཆུ་བོ་མ་སུ་ཁམ་འི་ཐོས་གྱི་ང་ཟཿ ན་མོ་པདྨ་ཀཱ་ར་ཡེ༔ དུས་གསུམ་རྒྱལ་བའི་ཕྲིན་ལས་དཔལ༔ ཡོན་ཏན་ཡིད་བཞིན་དཔལ་མངའ་བ༔ འགྲོ་འདུལ་ཨཱརྻ་ཛམ་བྷ་ལའི༔ རྩ་སྒྲུབ་ཟབ་མོ་འདི་རུ་བསྟན༔ ས་མ་ཡ༔ སྔོན་འགྲོ་དངོས་གཞི་རྗེས་གསུམ་ལས༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ བདག་དང་མཁའ་མཉམ་སེམས་ཅན་ཀུན༔ བྱང་ཆུབ་སྙིང་པོ་མ་ཐོབ་བར༔ སྐྱབས་གནས་རྣམས་ལ་སྐྱབས་སུ་མཆི༔ འགྲོ་རྣམས་སྲིད་ལས་སྒྲོལ་བའི་ཕྱིར༔ སྨོན་འཇུག་དོན་དམ་བྱང་སེམས་བསྐྱེད༔ ལན་གསུམ་དང་ཡན་བདུན་ནི༔ ཧོཿ རབ་འབྱམས་རྒྱལ་བའི་དཀྱིལ་འཁོར་ལ༔ ཕྱག་འཚལ་མཆོད་འབུལ་སྡིག་པ་བཤགས༔ དགེ་ལ་ཡི་རངས་ཆོས་ ༡༽དཿ འཁོར་བསྐུལ༔ དམ་པ་མྱ་ངན་མི་འདར་བཞུགས༔ དགེ་ཚོགས་འགྲོ་བ་ཡོངས་ལ་བསྔོ༔ འགྲོ་ཀུན་སངས་རྒྱས་ས་ཐོབ་ཤོག༔ དེ་ནས་བགེགས་སྲུང་ནི༔ ཧཱུྃ༔ ང་བདག་གཟུང་འཛིན་འཁྲུལ་པའི་བགེགས༔ ཆོས་དབྱིངས་མཐའ་བྲལ་ཀློང་དུ་ཕཊཿ ཡེ་ཤེས་རང་གདངས་རྡོ་རྗེའི་གུར༔ མི་འགྱུར་མི་ཤིགས་ཀློང་རྒྱས་གདབ༔ ཨུ་ཙ་ཏ་ཡ་ཕཊཿ བཛྲ་རཀྵ་བྷཱ༔ བྱིན་དབབ་མཆོད་རྫས་བྱིན་བརླབས་ནི༔ ཧཱུྃ༔ དབྱིངས་དང་དབྱིངས་བཞུགས་ཡེ་ཤེས་ལྷ༔ མི་གནས་ཆོས་སྐུའི་ཀློང་ནས་བཞེངས༔ སྐུ་དང་ཡེ་ཤེས་དབང་དངོས་གྲུབ༔ སྒོ་གསུམ་བུམ་པའི་སྣོད་དུ་བསྐྱིལ༔ སྐུ་ གསུང་ཐུགས་ཀྱི་དབང་བྱིན་ཕོབས༔ ཕྱི་ནང་གསང་བའི་མཆོད་པའི་སྤྲིན༔ ཀུན་བཟང་མཆོད་སྤྲིན་ལྟ་བུར་གྱུར༔ ཕེཾ་ཛ་མ་ཧཱ་པཱུ་ཛ་ཧོཿ གཉིས་པ་དངོས་གཞི་བསྒོམ་པ་ནི༔ ཨ༔ ཆོས་རྣམས་མི་དམིགས་དེ་བཞིན་ཉིད༔ ཀུན་སྣང་གདངས་ལས་སྙིང་རྗེའི་རྩལ༔ བྷྲཾ་ཡིག་ཡོངས་སུ་གྱུར་པ་ལས༔ ལྷུན་འགྲུབ་བདེ་ཆེན་ཞིང་ཁམས་སུ༔ རིན་ཆེན་སྣ་ཚོགས་གཞལ་ཡས་ཁང་༔ ཚད་དང་མཚན་ཉིད་རབ་རྫོགས་དབུས༔ རིན་ཆེན་ཁྲི་སྟེང་པད་ཟླ་དང་༔ ཉི་སྟེང་དབུལ་སྲི་བསྣོལ་གདན་དུ༔ རང་རིག་ཡི་གེ་ཛཾ་མཐིང་ནག༔ དེ་ལས་འོད་ཟེར་རབ་འཕྲོས་པས༔ རྒྱལ་བ་མཆོད་ཅིང་དབང་བྱིན་བསྡུས༔ འགྲོ་བའི་སྒྲིབ་དག་བདེ་ལ་བཀོད༔ དཔལ་ཡོན་དྭངས་བཅུད་མ་ལུས་བསྡུས༔ ཡོངས་གྱུར་རང་ཉིད་སྐད་ཅིག་གིས༔ ཨཱཪྻ་ཛི་བྷ་ལ་ནག་པོ༔ ཞལ་གཅིག་ཞི་མ་ཁྲོ་འཛུམ་བརྗིད༔ ཕྱག་གཉིས་གཡས་ཀྱིས་བྷན་དམར་དང་༔ གཡོན་པས་ནོར་སྐྱགས་ནེའུ་ལེ་འཛིན༔ དབུ་སྐྲ་དམར་སེར་སྐུ་རྒྱབ་འཕྱངས༔ ཐོད་སྐམ་དར་སྣའི་ཅོད་པན བཅིངས༔ སྐུ་ལ་དར་དང་རིན་ཆེན་བརྒྱན༔ ཞབས་གཉིས་གྱད་ཀྱི་འདོར་སྟབས་བགྲད༔ ལིངྒ་སྒྲེང་ཞིང་འོད་དམར་གྱིས༔ འཁོར་འདས་གཟི་བྱིན་དཔལ་ཡོན་བསྡུས༔ ཡེ་ཤེས་འཇའ་ ༢༽ ཧོཿ འོད་འཁྲིགས་པའི་ཀློང་༔ སྣང་ལ་རང་བཞིན་མེད་པར་གསལ༔ གནས་གསུམ་རྡོ་རྗེའི་སྙིང་