Tibetan
ཤིག་ཨཱཪྻ་ཏཱ་རེ་མ། །བསླབ་པ་གསུམ་དང་ལྡན་པར་བྱིན་གྱིས་རློབས། །རང་བྱུང་ཡེ་ཤེས་ལྐོག་འགྱུར་ལུང་མ་བསྟན །གསལ་སྟོང་ཉམས་ལ་ཞེན་ནས་རང་ཉིད་བསླུས །གསོལ་བ་འདེབས་སོ་འཕགས་མཆོག་སྤྱན་རས་གཟིགས ༄༅། །ཐུགས་རྗེ་ཟུངས་ཤིག་ཨཱཪྻ་ཏཱ་རེ་མ རང་བྱུང་ཡེ་ཤེས་རྟོགས་པར་བྱིན་གྱིས་རློབས། །ལམ་ལ་སྦྱང་རྩོལ་མི་དགོས་ལྷུན་གྲུབ་ལ། །གཉིས་འཛིན་ཆགས་སྡང་གདུང་སེམས་དྲག་པོས་བསྡམས། །གསོལ་བ་འདེབས་སོ་འཕགས་མཆོག་སྤྱན་རས་གཟིགས །ཐུགས་རྗེ་ཟུངས་ཤིག་ཨཱཪྻ་ཏཱ་རེ་མ། །ལམ་ལ་གོལ་འཕྱུགས་བྲལ་བར་བྱིན་གྱིས་རློབས། འབྲས་བུ་ཀུན་བཟང་དགོངས་པ་འོད་གསལ་དབྱིངས །ཁྱད་ཆོས་དྲུག་ལྡན་གཞོན་ནུ་བུམ་པའི་སྐུ། །སྤྲོས་པའི་མཐའ་བརྒྱད་མ་ཆོད་དུག་ལྔས་ཟིན། །གསོལ་བ་འདེབས་སོ་འཕགས་མཆོག་སྤྱན་རས་གཟིགས། །ཐུགས་རྗེ་ཟུངས་ཤིག་ཨཱཪྻ་ཏཱ་རེ་མ སྐུ་བཞིའི་རྒྱལ་ས་ཟིན་པར་བྱིན་གྱིས་རློབས། །མདོར་ན་བདག་དང་སེམས་ཅན་ཐམས་ཅད་ཀྱིས །འཁོར་བར་བློ་ལྡོག་བླ་མ་དམ་པ་བསྟེན། །བསླབ་པ་གསུམ་དང་ཐེག་པ་སོ་སོ་ཡི །མདོ་སྔགས་གཞུང་ལུགས་ཁྱད་ཆོས་སྣ་ཚོགས་སོགས། །མ་ལུས་ཐམས་ཅད་མ་ནོར་རིམ་བཞིན་དུ། །དཀའ་བ་དང་བླང་ངལ་བ་ཁྱད་བསད་ནས། །བདག་ཅག་བརྩོན་འགྲུས་དྲག་པོས་ཉམས་བླང་ཞིང་། །རང་གཞན་དོན་གཉིས་ལྷུན་གྱིས་འགྲུབ་པ་དང་། །མ་རིག་དུག་ལྔའི་གཉེན་པོར་གྱུར་ནས་ཀྱང་། །བདག་རྒྱུད་སྨིན་གྲོལ་སྣོད་དུ་Z〖UU རུང་བར་ཤོག །རང་རྒྱུད་གྲོལ་ནས་གཞན་ཕན་བྱང་སེམས་ལ། །འཕགས་པ་ཉིད་དང་མཚུངས་པར་བྱིན་གྱིས་རློབས། །གལ་ཏེ་ལས་རླུང་དྲག་པོའི་མཐུ་བཙན་པས། །མ་རིག་ཉོན་མོངས་དབང་དུ་གྱུར་ན་ཡང་། །རྒྱལ་བའི་ཡུམ་མཆོག་འཕགས་མ་སྒྲོལ་མ་ཡིས། །དུག་ལྔ་གྲོགས་སུ་འཆར་བར་བྱིན་གྱིས་རློབས། །བདག་ལ་བཟང་ངན་འབྲེལ་ཐོགས་མ་ལུས་པ། །ཕྱི་མ་འོག མིན་པོ་ཏ་ལ་ཡི་ཞིང་། །མ་དང་དབྱེར་མེད་འཕགས་པའི་ཞབས་དྲུང་དུ། །ཚོམ་བུ་གཅིག་ཏུ་མངོན་པར་སངས་རྒྱས་ཤོག །ཅེས་གསོལ་འདེབས་འདི་ཡང་འཁོར་བ་ཉམས་ལེན་བྱེད་པའི་སྤྲང་མོ་སྐྱོན་ཀུན་ལྡན་པ་བདག་གིས་འཕགས་མཆོག་གངས་རིའི་མགོན་པོ་དང་རྒྱལ་བའི་ཡུམ་མཆོག་གཉིས་ཀྱི་འོད་ཟེར་ཅུང་ཟད་མཇལ་བ་ལ་བརྟེན་ནས། གསོལ་འདེབས་སྨོན་ལམ་གྱི་ཚུལ་དུ་རང་གཞན་ལ་ཕན་པའི་སེམས་ཀྱིས་ཀལྤ་མ་བྷ་དྲ་ཏཱ་རེའམ་དེ་ཝའི་མིང་གིས་རྨི་ལམ་འཁྲུལ་སྣང་ལ་བརྟེན་ནས་བྲིས་པ་མཁས་པ་རྣམས་ཀྱིས་གཟིགས་ན་ཐུགས་ཁྲེལ་རྒྱུ། རང་ལ་མོས་པ་རྣམས་ཀྱིས་འདི་གཟིགས་པ། ནེ་ཙོ་འུག་པ་གཉིས་ཀྱི་དཔེ་དང་མཚུངས། །སྤྲང་མོ་ཏཱ་རེའི་མིང་གིས་ཤོག་བརྫད་ཡིན། །སེམས་ཅན་ཐམས་ཅད་གཡུ་ལོ་བཀོད་དུ་སྐྱེ། །ཚོགས་གཉིས་རྫོགས་ནས་སྐུ་གཉིས་ཐོབ་པར་ཤོག །དགེའོ།། །། ༈ ཆོས་ཉིད་མཁའ་འགྲོའི་གསང་མཛོད་ལས༔ གསོལ་འདེབས་བར་ཆད་ལམ་སེལ་བསམ་པ་མྱུར་འགྲུབ ༄༅། །བཞུགས༔ ཨེ་མ་ཧོཿ སྤྲོས་བྲལ་ཆོས་དབྱིངས་ཆེན་པོའི་ཞིང་ཁམས་ནས༔ སྐྱེ་འགགས་འགྱུར་མེད་རྒྱལ་ཀུན་འདུས་པའི་སྐུ༔ ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཕྱི་ནང་གསང་བའི་བར་ཆད་ཞི་བ་དང་༔ བསམ་དོན་ལྷུན་གྱིས་འགྲུབ་པར་བྱིན་གྱིས་རློབས༔ གནས་སྐབས་འཕྲལ་རྐྱེན་ངན་པ་ཀུན་བསལ་ནས༔ མཐར་ཐུག་ས་ལམ་བར་ཆད་མི་འབྱུང་ཞིང་༔ རྔ་ཡབ་བཟང་མདོག་དཔལ་རིར་སྐྱེ་བར་ཤོག༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ ཞེས་པ་བརྒྱ་སྟོང་ཁྲི་སོགས་བཟླ༔ ས་ལམ་བར་ཆད་ཀུན་སེལ་ནས༔ བསམ་དོན་མ་ལུས་འགྲུབ་པར་ངེས༔ ཚིག་ཉུང་དོན་འདུས་ཟབ་པའི་ཆོས༔ དྲེགས་པ་རྣམ་གསུམ་གཉེར་གྱིས་ཤིག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ རྐརྐ ཌཱ་ཀྐིའི་རྒྱ༔ ཅེས་པ་བར་ཆད་ལམ་སེལ་འདི་ཡང་དགེ་བཙུན་དྷརྨའི་མིང་ཅན་གྱི་ངོར་སུ་ཁ་བཛྲ་གྱིས་བྲིས་པའོ།། དགེའོ།། །།ཨེ་མ་ཧོཿ རང་རིག་མ་བཅོས་པདྨ་ཐོད་ཕྲེང་རྩལ༔ རང་གསལ་འཛིན་མེད་ངང་ནས་གསོལ་བ་འདེབས༔ རང་བྱུང་ཡེ་ཤེས་རྟོགས་པར་བྱིན་གྱིས་རློབས༔ ཨོཾ་ཨཱཿཧཱུྃ་བཛྲ་གུ་རུཔདྨ་སིདྡྷི་ཧཱུྃ༔ ཅེས་བདེ་བའི་རྡོ་རྗེས་སོ།། །། ཨེ་མ་ཧོཿ སྐུ་གསུམ་མཁའ་འགྲོའི་གཙོ་མོ་ཝཱ་ར་ཧི༔ ཡེ་ཤེས་སྒྱུ་མའི་སྐུར་བཞེངས་རིག་པ་འཛིན༔ སྦས་པའི་རྣལ་འབྱོར་སུ་ཁ་བཛྲ་ལ༔ རང་རིག་འདུ་འབྲལ་མེདཔར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ འོད་གསལ་གནས་ལུགས་རྟོགས་པ་མངོན་གྱུར ཅིང་༔ རང་གཞན་དོན་གཉིས་འགྲུབ་པར་བྱིན་གྱིས་རློབས༔ ཞེས་པ་འདི་ཡང་ཤཱི་ལའི་མཚན་འཆང་གིས་ཡང་ཡང་བསྐུལ་ངོ་མི་ལྡོག་ཙམ་དུ་སྙོམས་ལས་པ་མདོ་མེད་འཆོལ་མོ་པཱ་ཤཾ་མིང་གིས་བྲིས་པའོ།། དགེའོ།། ༈ ཆོས་ཉིད་མཁའ་འགྲོའི་གསང་མཛོད་ལས༔ གསོལ་འདེབས་ཐུགས་རྗེས་མྱུར་འཛིན་འོད་གསལ་རང་གྲོལ་བཞུགས༔ ཨེ་མ་ཧོཿ ཀུན་བཟང་རྡོར་འཆང་རྡོར་སེམས་དགའ་རབ་རྗེ༔ ཤྲཱི་སེང་འཇམ་དཔལ་བཤེས་གཉེན་བི་མ་ལ༔ པདྨ་འབྱུང་གནས་ཡེ་ཤེས་མཚོ་རྒྱལ་དང་༔ བཻ་རོ་ལང་གྲོ་ནམ་མཁའི་སྙིང་པོ་སོགས༔ དགོངས་བརྡ་སྙན་བརྒྱུད་བླ་མར་གསོལ་བ་འདེབས༔ ཐུགས་རྒྱུད་བྱིན་རླབས་སྙིང་ལ་འཕོས་ནས་ཀྱང་༔ རང་རིག་མ་བཅོས་ཡེ་ཤེས་མངོན་གྱུར་ནས༔ ཀ་དག་སྤྲོས་བྲལ་རྟོགས་པར་བྱིན་གྱིས་རློབས༔ གཉུག་མའི་རང་ས་ཟིན་པར་བྱིན་གྱིས་རློབས༔ གཉིས་འཛིན་འཁྲུལ་པ་ཞིག་པར་བྱིན་གྱིས་རློབས༔ བློ་འདས་འོད་གསལ་རིག་པ་བྱང་ཆུབ་སེམས༔ སྐུ་བཞིའི་བདག་ཉིད་ངོ་བོ་མཐར་སོན་ཏེ༔ ལྷུན་གྲུབ་རང་གདངས་ཉམས་ལེན་རྩལ་རྫོགས་ནས༔ ༄༅། ཆོས་ཟད་བློ་འདས་གདོད་མའི་གཞི་དབྱིངས་སུ༔ འཁྲུལ་བྲལ་ཡེ་ཤེས་ཆེན་པོའི་ས་ཐོབ་ཤོག༔ འདི་ལ་རྒྱུན་དུ་བརྩོན་ནུས་ན༔ ཡེ་ཤེས་རང་ཞལ་མངོན་གྱུར་ནས༔ གདོད་མའི་གཏན་སྲིད་ཟིན་པར་ངེས༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་འདི་ཡང་དད་ལྡན་བློ་ཤེར་གྱིས་ཡང་ཡང་ནན་ཆེར་བསྐུལ་ངོར་འཆོལ་མོ་བདེ་བའི་རྡོ་རྗེས་ཆོས་ཉིད་དགོངས་པའི་ཀློང་ནས་དག་པར་ཕབ་པའོ། །དགེའོ།། །།ཀྱེ་མ་ཐུགས་རྗེའི་བདག་ཉིད་རྒྱལ་བ་འོད་དཔག་མེད། །ཡེ་ཤེས་སྤྱན་ལྡན་རྒྱལ་སྲས་བྱང་ཆུབ་སེམས །གསོལ་བ་འདེབས་སོ་ཐུགས་རྗེའི་ལྕགས་ཀྱུ་ཡིས །བྱི་ལ་རིགས་དྲུག་གནས་ནས་དྲང་དུ་གསོལ། །པདྨ་འབྱུང་གནས་ཡེ་ཤེས་མཚོ་རྒྱལ་མ། །ལང་གྲོ་ལོ་ཙཱ་བདུད་འདུལ་དབང་ཕྱུག་གླིང་། །བདག་གིས་མོས་གུས་གདུང་བས་གསོལ་བ་འདེབས། །བྱི་ལ་རིགས་དྲུག་སྐྱེ་སྒོ་བཅད་དུ་གསོལ། །ཀུན་མཁྱེན་གཉིས་པ་དྲི་མེད་འོད་ཟེར་དང་། །པདྨ་མ་ཏི་རྩ་བརྒྱུད་བླ་མའི་ཚོགས། །གསོལ་བ་འདེབས་སོ་ཐུགས་རྗེའི་ལྕགས་ཀྱུ་ཡིས །བྱི་ལ་ངན་སོང་སྡུག་བསྔལ་དྲག་པོ ལས། །ཐར་ནས་རྣམ་མཁྱེན་ལམ་སྣ་ཟིན་པ་དང་། །བདེ་བ་ཅན་དུ་སྐྱེ་བར་བྱིན་གྱིས་རློབས། །གལ་ཏེ་བདེ་ཆེན་ཞིང་དུ་མ་སྐྱེས་ན །གནས་ངན་གཅོང་རོང་འཇིགས་ལས་ཐར་ནས་ཀྱང་། ། མཐར་ཐུག་འཕགས་པའི་ཞབས་དྲུང་སྐྱེ་བར་ཤོག །ཅེས་པ་འདི་ཡང་བྱི་ལ་རིགས་དྲུག་གི་སྡུག་བསྔལ་མྱོང་བའི་དུས་སུ་རང་ཉིད་སྙིང་རྗེ་བཟོད་གླགས་མེད་པའི་མཆི་མ་བྱུང་བའི་དུས་ཕྱོགས་བཅུའི་རྒྱལ་བ་སྲས་བཅས་དང་རང་གི་རྩ་བརྒྱུད་ཀྱི་བླ་མ་རྣམས་ལ་འོ་དོད་ཀྱི་ཚུལ་དུ་ཏཱ་རེའི་མིང་གིས་བྲིས་པས་བྱི་ལ་རྣམ་མཁྱེན་རྫོགས་པའི་སངས་རྒྱས་ཐོབ་པར་ཤོག། །།ཨེ་མ་ཧོཿ རང་སྣང་རྣམ་དག་དོན་གྱི་འོག་མིན་ན༔ རྒྱལ་ཀུན་ཡུམ་གྱུར་རྣལ་འབྱོར་ཝཱ་ར་ཧི༔ ཡེ་ཤེས་སྒྱུ་མའི་གར་བསྒྱུར་རིག་པ་འཛིན༔ སྦས་པའི་ཚུལ་འཆང་སུ་ཁ་བཛྲ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ བློ་ལྡོག་བཞི་ཡིས་རང་རྒྱུད་གྲོལ་ནས་ཀྱང་༔ འཁྲུལ་སྣང་འཁོར་བའི་གནས་ལས་རབ་ལྡོག་སྟེ༔ ཚེ་འདིར་དོན་གཉིས་ཡིད་བཞིན་འགྲུབ་པ་དང་༔ ཁྱད་པར་གསང་སྔགས་རིམ་གཉིས་གནད་སྨིན་ནས༔ མཐར་ཐུག་འོདགསལ་རྫོགས་ཆེན་མངོན་གྱུར་ཤོག༔ ཅེས་དད་ལྡན་བསོད་གཅེས་ཀྱི་ངོར་སྤྲང་འཁྱམས་སུ་ཁ་བཛྲ་གྱིས་བྲིས་པའོ། །དགེའོ།། །།ཨེ་མ་ཧོཿ སྐྱེ་མེད་ཆོས་སྐུའི་དབྱིངས་ན་ཀུན་བཟང་མོ༔ འགགས་མེད་རང་བྱུང་རྡོ་རྗེ རྣལ་འབྱོར་མ༔ ཐུགས་རྗེ་ཀུན་ཁྱབ་ཛྙཱ་ན་སྭཱ་ག་ར༔ དབྱེར་མེད་ཡེ་ཤེས་སྒྱུ་མའི་གར་བསྒྱུར་བ༔ བདེ་ཆེན་བདེ་བའི་རྡོ་རྗེར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་ ༄༅། །ནས༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ བློ་སྣ་ཆོས་ལ་བསྒྱུར་བར་མཛད་དུ་གསོལ༔ ཅེས་པའང་དད་ལྡན་སྐྱིད་ལྷའི་ངོར་སུ་ཁ་བཛྲ་གྱིས་བྲིས་པའོ། །དགེའོ།། །། ཨེ་མ་ཧོཿ ངོ་བོ་ཀ་དག་འོད་གསལ་ཆོས་ཀྱི་སྐུ༔ རང་བཞིན་མ་འགགས་རྡོ་རྗེ་རྣལ་འབྱོར་མ༔ ཐུགས་རྗེའི་བདག་ཉིད་ཛྙཱ་ན་སྭཱ་ག་ར༔ ཡེ་ཤེས་སྒྱུ་མའི་གར་བསྒྱུར་རིག་པ་འཛིན༔ སྦས་པའི་རྣལ་འབྱོར་སུ་ཁ་བཛྲ་ལ༔ རྣམ་གསུམ་དད་པའི་སྒོ་ནས་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་སྟེ༔ བསམ་དོན་ཡིད་བཞིན་འགྲུབ་པར་མཛད་དུ་གསོལ༔ ཁྱད་པར་བསྐྱེད་རྫོགས་གནད་ལ་རབ་གོམས་ནས༔ འོད་གསལ་རྫོགས་ཆེན་རིག་པ་མངོན་གྱུར་ཏེ༔ ཀ་དག་ཀུན་ཏུ་བཟང་པོར་བྱང་ཆུབ་ཤོག༔ ཅེས་པ་འདི་ཡང་དད་ལྡན་དགེ་བཙུན་ཕྲིན་ལས་བཟང་པོས་དར་བཅས་ནན་ཆེར་བསྐུལ་ངོར་སྤྲང་འཁྱམས་བདེ་བའི་རྡོ་རྗེས་བྲིས་པའོ།། །།ཨེ་མ་ཧོཿ སྐུ་གསུམ་མཁའ་འགྲོའི་གཙོ་མོ་ཝཱ་ར་ཧིཿ ཡེ་ཤེས་སྒྱུ་མའི་གར་བསྒྱུར་རིག་པ་འཛིན༔ སྦས་པའི་ཚུལ་འཛིན་སུ་ཁ་བཛྲ་ལ༔ སྒོ་གསུམ་དད་པའི་ཡིད་ཀྱིས་གསོལ་བ་འདེབས༔ འདི་ཕྱི་བར་གསུམ་འབྲལ་མེད་ཐུགས་རྗེ་ཟུངས༔ བློ་ལྡོག་རྣམ་བཞིས་རང་རྒྱུད་ལེགས་གྲོལ་ནས༔ རིམ་པ་གཉིས་ཀྱི ལམ་མཆོག་མངོན་གྱུར་ཏེ༔ རྔ་ཡབ་ཟངས་མདོག་དཔལ་རིར་སྐྱེ་བར་ཤོག༔ ཅེས་པ་འདི་ཡང་འདུས་སྡེ་རྒྱ་མཚོའི་བཞེད་སྐོང་དུ་དུས་མཐའི་གཏེར་མིང་འཛིན་པ་བདེ་བའི་རྡོ་རྗེས་བྲིས་པའོ། །དགེའོ།། །།ཨེ་མ་ཧོཿ རིག་དབྱིངས་མི་འགྱུར་འོད་གསལ་འདུས་མ་བྱས༔ ལྷུན་གྲུབ་གདངས་ལས་ཡེ་ཤེས་རོལ་པའི་གར༔ རྡོ་རྗེ་ཕག་མོ་ཛྙ་ན་སྭཱ་ག་ར༔ དབྱེར་མེད་རྣལ་འབྱོར་སུ་ཁ་བཛྲ་ལ༔ རང་རིག་འདུ་འབྲལ་མེད་པར་གསོལ་བ་འདེབས༔ ཚེ་རབས་ཀུན་ཏུ་རྗེས་སུ་བཟུང་ནས་ཀྱང་༔ འོད་གསལ་རྫོགས་ཆེན་དགོངས་པ་མངོན་གྱུར་ནས༔ ཚེ་འདིར་དོན་གཉིས་འགྲུབ་པར་བྱིན་གྱིས རློབས༔ ཞེས་པའང་ཝ་ཤུལ་མི་དབང་དད་ལྡན་གྲགས་རྒྱལ་གྱི་ངོར་བདེ་བའི་རྡོ་རྗེས་བྲིས་པའོ། །དགེའོ།། །། ཨེ་མ་ཧོཿ རྣམ་དག་རྒྱལ་བའི་དཀྱིལ་འཁོར་ཡོངས་རྫོགས་དཔལ༔ རྣམ་ཀུན་མཆོག་ལྡན་པདྨ་ལས་འབྲེལ་རྩལ༔ ཀུན་བཟང་དབང་མོ་བདེ་བའི་རྡོ་རྗེ་ལ༔ སྒོ་གསུམ་དད་པའི་ཡིད་ཀྱིས་གསོལ་བ་འདེབས༔ འཁྲུལ་སྣང་བར་དོའི་འཇིགས་སྐྲག་མི་འབྱུང་ཞིང་༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ ཀུན་བཟང་པདྨ་འབྱུང་གནས་ཞབས་དྲུང་དུ༔ སྟོན་འཁོར་ཚོམ་བུ་གཅིག་ཏུ་འཁོད་པར་ཤོག༔ ཅེས་པ་འདི་ཡང་དད་ལྡན་རིག་འཛིན་གྱིས་བསྐུལ་ངོར་སུ་ཁ་བཛྲ ༄༅། །གྱིས་སོ།། དགེའོ།། །།ཨེ་མ་ཧོཿ སྐྱེ་མེད་དབྱིངས་ཡུམ་བདེ་ཆེན་ཀུན་བཟང་མོ༔ འགགས་མེད་རང་བྱུང་རྡོ་རྗེ་རྣལ་འབྱོར་མ༔ ཀུན་ཁྱབ་རང་གསལ་ཛྙཱ་ན་སཱ་ག་ར༔ ཡེ་ཤེས་སྒྱུ་མའི་གར་བསྒྱུར་རིག་པ་འཛིན༔ བདེ་ཆེན་བདེ་བའི་རྡོ་རྗེར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ བསམ་དོན་ཆོས་བཞིན་འགྲུབ་པར་མཛད་དུ་གསོལ༔ ཅེས་པའང་དད་ལྡན་རིན་ཆེན་དོན་འགྲུབ་ཀྱི་ངོར་སུ་ཁ་བཛྲ་གྱིས་སོ།། །།ཨེ་མ་ཧོཿ བདེ་ཆེན་མགོན་པོ་སྣང་མཐའ་ཡས༔ པད་དཀར་འཆང་བ་སྤྱན་རས་གཟིགས༔ བྱིན་རླབས་ཡེ་ཤེས་སྒྱུ་མའི་སྐུ༔ རྒྱལ་ཡུམ་འཕགས་མ་ཏཱ་རེ་མ༔ དབྱེར་མེད་སུ་ཁ་བཛྲ་ལ༔ ལུས་ངག་ཡིད་གསུམ་གུས་པ་ཡིས༔ རྩེ་གཅིག་དདཔས་གསོལ་བ་འདེབས༔ ཕྱི་ནང་གསང་བའི་བར་ཆད་སོལ༔ བློ་སྣ་རྟག་ཏུ་ཆོས་ལ་བསྒྱུར༔ ཡང་དག་བདེ་ཆེན་ས་ཐོབ་ཤོག༔ ཅེས་པ་འདི་ཡང་དད་ལྡན་མདོ་སྔགས་རྒྱ་མཚོས་བསྐུལ་ངོར་སུ་ཁ་བཛྲ་གྱིས་བྲིས་པའོ།། དགེའོ།། །། ༈ བླ་མ་རྒྱང་འབོད་ཐུགས་རྗེའི་འོད་ཟེར་བཞུགས༔ སངས་རྒྱས་ཐམས་ཅད་ཀྱི་ངོ་བོ༔ ཐོས་གྲོལ་དམ་ཆོས་ཀྱི་འབྱུང་གནས༔ འདྲེན་སྟོན་དགེ་འདུན་གྱི་རྗེ་བོ༔ མཆོག་གསུམ་ཀུན་འདུས་ཀྱི་བདག་ཉིད༔ པདྨ་ལས་ འབྲེལ་དེ་མཁྱེན་ནོ༔ ཐུགས་རྗེས་མྱུར་དུ་ཡང་གཟིགས་ནས༔ བདག་རྒྱུད་བྱིན་གྱིས་རང་རློབས་ཤིག༔ བྱིན་རླབས་ཡོངས་འདུས་ཀྱི་བླ་མ༔ དངོས་གྲུབ་ཀུན་འབྱུང་གི་ཡི་དམ༔ བར་ཆད་སེལ་མཛད་ཀྱི་མཁའ་འགྲོ༔ རྩ་གསུམ་ཀུན་འདུས་ཀྱི་ངོ་བོ༔ པདྨ་ལས་འབྲེལ་དེ་མཁྱེན་ནོ༔ ཐུགས་རྗེས་མྱུར་དུ་ཡང་གཟིགས་ནས༔ བདག་རྒྱུད་བྱིན་གྱིས་རང་རློབས་ཤིག༔ སྐྱེ་མེད་ཆོས་སྐུ་ཡི་ངོ་བོ༔ འགགས་མེད་གསལ་ཁྱབ་ཀྱི་རང་བཞིན༔ ཐུགས་རྗེ་ཀུན་སྣང་གི་བདག་ཉིད༔ སྐུ་གསུམ་ཡོངས་འདུས་ཀྱི་རྒྱ་མཚོ༔ པདྨ་ལས་འབྲེལ་དེ་མཁྱེན་ནོ༔ ཐུགས་རྗེས་མྱུར་དུ་ཡང་གཟིགས་ནས༔ བདག་རྒྱུད་བྱིན་གྱིས་རང་རློབས་ཤིག༔ འདས་པའི་རྒྱལ་ཀུན་གྱི་རྒྱལ་ཚབ༔ མ་འོངས་རྒྱལ་ཀུན་གྱི་སྤྱི་དཔལ༔ ད་ལྟའི་རྒྱལ་ཀུན་གྱི་ངོ་བོ༔ དུས་གསུམ་རྒྱལ་བ་ཡི་རྒྱལ་ཚབ༔ པདྨ་ལས་འབྲེལ་དེ་མཁྱེན་ནོ༔ ཐུགས་རྗེས་མྱུར་དུ་ཡང་གཟིགས་ནས༔ བདག་རྒྱུད་བྱིན་གྱིས་རང་རློབས་ཤིག༔ ཐར་པའི་ལམ་སྟོན་གྱི་དེད་དཔོན༔ མ་རིག་མུན་སེལ་གྱི་སྒྲོན་མེ༔ གཟུང་འཛིན་གཅོད་བྱེད་ཀྱི་རལ་གྲི༔ སྡུག་བསྔལ་ཞི་བྱེད་ཀྱི་སྨན་མཆོག༔ རང་རིག་དོན་སྟོན་གྱི་བླ་མ༔ བཀའ་དྲིན་མཚུངས་མེད་ཀྱི་འགྲོ་མགོན༔ པདྨ་ལས་འབྲེལ་དེ ༄༅། །མཁྱེན་ནོ༔ ཐུགས་རྗེས་མྱུར་དུ་ཡང་གཟིགས་ནས༔ བདག་རྒྱུད་བྱིན་གྱིས་རང་རློབས་ཤིག༔ སངས་རྒྱས་ཀུན་འདུས་ཀྱི་ངོ་བོ༔ ཐུགས་གསང་དམ་ཆོས་ཀྱི གཏེར་མཛོད༔ ཡེ་ཤེས་སྒྱུ་མ་ཡི་སྐུ་བརྙེས༔ བདག་གི་འདྲེན་སྟོན་གྱི་བླ་མ༔ པདྨ་ལས་འབྲེལ༴ འདི་ཕྱི་བར་གསུམ་དུ་འབྲལ་མེད༔ རྗེས་བཟུང་སྨིན་གྲོལ་གྱི་ལམ་མཆོག༔ གང་འདོད་བགོ་སྐལ་ཆོས་བསྩལ་ནས༔ དོན་གཉིས་ལྷུན་གྲུབ་ཀྱི་སངས་རྒྱས༔ ད་ལྟ་མངོན་སུམ་དུ་ཐོབ་པར༔ རྗེ་བཙུན་བླ་མ་ཁྱེད་མཁྱེན་ནོ༔ ཞེས་པའང་རིག་འཛིན་ཆེན་པོའི་དངོས་སློབ་ཡོངས་ཀྱི་ཐ་ཤལ་བ་སུ་ཁ་བཛྲ་གྱིས་ཡིད་སྐྱོ་བས་བྱེད་ཐབས་དང་བྲལ་ཡང་བླ་མ་ལ་འོ་དོད་འབོད་པའི་ཚུལ་དུ་བྲིས་ནས་ཤཱི་ལ་བཛྲ་ལ་ཕུལ། །དགེའོ།། །།སྐྱེ་བཀུན་ཏུ་པདྨ་ལས་འབྲེལ་དང་༔ འབྲལ་མེད་ཟབ་ཆོས་དཔལ་ལ་ལོངས་སྤྱོད་ཅིང་༔ ས་དང་ལམ་བགྲོད་རིམ་པར་མ་ལྟོས་ཤིང་༔ ཀུན་བཟང་པད་འབྱུང་རྗེ་དང་དབྱེར་མེདཔར༔ རྔ་ཡབ་པདྨ་འོད་དུ་སྐྱེ་བར་ཤོགཿ ཅེས་དགེ་བཙུན་ཆོས་གསལ་ངོར་གང་གི་འབངས་སུ་གྱུར་པ་ཀུན་གྱི་ཐ་ཤལ་བ་སུ་ཁ་བཛྲ་གྱིས་བྲིས་པའོ།། དགེའོ།། །། ༈ ཆོས་ཉིད་མཁའ་འགྲོའི་ཐུགས་ཏིག་ལས༔ གསོལ་འདེབས་ཡིད་བཞིན་ནོར་བུ་བཞུགས༔ ཨེ་མ་ཧོཿ སྐྱེ་མེད་ཆོས་སྐུའི་ཞིང་ན་ཀུན་བཟང་མོ༔ འགགས་མེད་ལོངས་སྐུའི་ཞིང་ན་ཝཱ་ར་ཧི༔ ཀུན་ཁྱབ་སྤྲུལ་སྐུའི་ཞིང་ན་མཚོ་རྒྱལ་མ༔ སྐུ་གསུམ་ངོ་བོ་བདེ་བསྐྱེད་གསང་བའི་ཡུམ༔ བདེ་ཆེན་འགྱུར་མེད་བདེ་བའི་རྡོ་རྗེ་ལ༔ འདུ་འབྲལ་མེད་པའི་ངང་ནས་གསོལ་བ་འདེབས༔ མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས༔ རང་བྱུང་བདེ་བ་ཆེན་པོའི་རང་ཞལ་སྤྲོད༔ འགྱུར་མེད་སྐུ་ཡི་བྱིན་རླབས་ལུས་ལ་སྩོལ༔ ལུས་ལ་བདེ་ཆེན་ཡེ་ཤེས་སྦར་དུ་གསོལ༔ འགགས་མེད་གསུང་གི་བྱིན་རླབས་ངག་ལ་སྩོལ༔ ངག་ལ་ཡན་ལག་དྲུག་ཅུའི་དབྱངས་ལྡན་སྩོལ༔ འཁྲུལ་སྣང་ཐུགས་ཀྱི་བྱིན་རླབས་ཡིད་ལ་སྩོལ༔ ཡིད་ལ་རྩོལ་བྲལ་ཡེ་ཤེས་བསྐྱེད་དུ་གསོལ༔ ཡོན་ཏནཕྲིན་ལས་བདག་རྒྱུད་ལ་ཞུགས་ནས༔ ཟབ་གཏེར་སྒོ་འཕར་སྨིན་གྲོལ་རིམ་གཉིས་ཀྱི༔ མཛད་པ་མཐར་ཕྱིན་བསྟན་འགྲོའི་དོན་བྱེད་ཤོག༔ སྐྱེ་བ་ཀུན་ཏུ་སུ་ཁ་བཛྲ་དང་༔ འབྲལ་མེད་བདེ་བའི་དཔལ་ལ་ལོངས་སྤྱོད་ནས༔ ཁ་སྦྱོར་བདུན་ལྡན་དག་པ་ཡེ་སངས་རྒྱས༔ ཆོས་ཉིད་དོན་གྱི་རྣལ་འབྱོར་མངོན་གྱུར་ནས༔ དབྱེར་མེད་འོག་མིན་ཞིང་ལ་སྤྱོད་པར་ཤོག༔ དཀོན་མཆོག་རྩ་གསུམ་བདེན་པའི་བྱིན་རླབས་དང་༔ ཆོས་ཉིད་ཀ་དག་དོན་དམ་བདེན་པ་དང་༔ མཁའ་སྤྱོད་དབང་མོའི་ཐུགས་རྗེའི་ནུས་པ་ཡིས༔ སྨོན་དོན་ ༄༅། །མྱུར་དུ་མ་ལུས་འགྲུབ་པར་མཛོད༔ ཅེས་པའང་གསང་གྲོགས་ཆོས་ཀྱི་བདག་པོ་བི་མ་ལའི་བཞེད་སྐོང་དུ་མདོ་མེད་འཆོལ་མོ་པྲཛྙཱའི་མིང་གིས་བྲིས་པའོ། །དགེའོ།། །། ཀ་ནས་དག་པ་བཞིའི་རྡོ་རྗེ། །མི་འགྱུར་བདེ་ཆེན་ཡེ་ཤེས་སྐུ །དགའ་བ་བཞི་ཡི་རང་གཟུགས་གར། །ལྷན་སྐྱེས་ཕོ་ཉའི་དབང་ཕྱུག་མོ །རྣལ་འབྱོར་ཀུན་གཟིགས་སྒྱུ་མའི་འཕྲུལ །སྐད་ཅིག་མི་འབྲལ་བདེ་སྟོང་ལམ། །ཐབས་ཤེས་སྦྱོར་བའི་རྟེན་འབྲེལ་ལས། །མངོན་གྱུར་རླུང་སེམས་དབུ་མར་ཐིམ། །སྣང་སྲིད་བརྡ་དང་དཔེ་ཆར་ཤར། །ཟབ་གཏེར་གཉིས་ལ་མངའ་དབང་འབྱོར །པདྨའི་ཕྲིན་ལས་མཐར་ཕྱིན་ནས། །རྔ་ཡབ་དཔལ་རིའི་ཞིང་ཁམས་སུ། །ཚོམ་བུ་གཅིག་ཏུ་འཁོད་པར་ཤོག །།ཨེ་མ་ཧོ། ཡེ་སྟོང་སྤྲོས་དང་བྲལ་བའི་མཁའ་དབྱིངས་སུ། །མདུན་མཁར་ཆོས་ཉིད་མངོན་སུམ་སྣང་བའི་ཞིང་། །ཉམས་སྣང་གོང་འཕེལ་གཞལ་ཡས་མཚན་ཉིད་རྫོགས །རིག་པ་ཚད་ཕེབས་རྗེ་བཙུན་རྣལ་འབྱོར་མ །ཆོས་ཟད་བློ་འདས་སུ་ཁ་བཛྲ་རྩལ། །མཉམ་ཉིད་བདེ་སྟོང་ཆེན་པོར་གསོལ་བ་འདེབས། །སྣང་སྟོང་ལྷུན་གྲུབ་རོལ་པ་མཐར་ཕྱིན་ནས། །རིག་སྟོང་དབྱེར་མེད་ཆེན་པོའི་ས་ལ་སྦྱོར །གསལ་སྟོང་འགགས་པ་མེད་པའི་ཡེ་ཤེས་ཉིད། །མངོན་ གྱུར་དང་པོའི་འོདགསལ་གདིང་ཐོབ་སྟེ། །རང་རིག་མི་འགྱུར་གཏན་སྲིད་རབ་ཟིན་ནས། །ནང་གསལ་གཞོན་ནུ་བུམ་སྐུར་སངས་རྒྱས་ཤོག །དེ་སྐད་དགེ་བཙུན་ཚེ་འཕེལ་གྱིས་བསྐུལ་ངོར། ཀུན་བཟང་བདེ་སྐྱོང་དབང་མོས་ཡི་གེར་བྲིས དགེའོ།། །།ཨེ་མ་ཧོཿ སྐུ་གསུམ་མཁའ་འགྲོའི་གཙོ་མོ་ཝཱ་ར་ཧི༔ ཡེ་ཤེས་སྒྱུ་མའི་སྐུར་སྣང་རིག་པ་འཛིན༔ རྣལ་འབྱོར་བདེ་ཆེན་བདེ་བའི་རྡོ་རྗེ་ལ༔ རྣམ་གསུམ་དད་པ་ཆེན་པོས་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ ཕྱི་ནང་གསང་བའི་བར་ཆད་ཞི་བ་དང་༔ བསམ་དོན་ཆོས་བཞིན་འགྲུབ་པར་བྱིན་གྱིས རློབས༔ ཅེས་པ་དད་ལྡན་སྔགས་བཙུན་དམ་པའི་ངོར༔ སུ་ཁ་བཛྲ་གྱིས་བྲིས་པའོ། །དགེའོ།། །།ཨེ་མ་ཧོཿ གཞི་དབྱིངས་འགྱུར་མེད་རྫོགས་པ་ཆེན་པོའི་ཀློང་༔ སྐུ་དང་ཡེ་ཤེས་ཆེན་པོའི་མཛོད་འཛིན་པ༔ རིག་འཛིན་ཆེན་པོ་པདྨ་ཐོད་ཕྲེང་རྩལ༔ རང་རིག་འདུ་འབྲལ་མེད་པར་གསོལ་བ་འདེབས༔ རང་སེམས་འཁྲུལ་པའི་དབང་དུ་མི་འཁྱམས་པར༔ རིག་པ་འོད་གསལ་ཡེ་ཤེས་དོན་རྟོགས་ནས༔ ཨོ་རྒྱན་ཆེན་པོའི་ཞབས་དྲུང་སྐྱེ་བར་ཤོག༔ ཨོཾ་ཨཱཿཧཱུྃ་བཛྲ་གུ་རུཔདྨ་སིདྡྷི་ཧཱུྃ༔ ཞེས་པ་བརྒྱ་སྟོང་ལ་སོགས་བཟླ༔ ས་མ་ཡ༔ ཞེས་པའང་སུ་ཁ་བཛྲ་གྱིས་རྫུན་རིས་སུ་བྲིས་པའོ། །དགེའོ།། །། ༄༅། །ཨེ་མ་ཧོཿ རང་རིག་མ་བཅོས་གཉུག་མའི་ཡེ་ཤེས་རྩལ༔ ཁྱབ་བརྡལ་