Tibetan
ཕྱོགས་མཐའ་བྲལ་བའི་རང་བཞིན་དུ༔ རིགས་བདག་བླ་མའི་ངོ་བོར་ཡོངས་ཤར་བ༔ རང་རིག་དབྱེར་མེད་གུ་རུ་པདྨ་ལ༔ རང་སེམས་མ་བཅོས་དད་པས་གསོལ་བ་འདེབས༔ རང་བྱུང་ཡེ་ཤེས་རྟོགས་པར་བྱིན་གྱིས་རློབས༔ ཅེས་སྤྲང་མོས་རྫུན་རིས་སོ།། །། ཨ་ཧོ། རང་རིག་མ་བཅོས་ཁྱབ་བརྡལ༔ འོད་གསལ་སྣང་བ་ཡེ་ཤེས༔ སྤྲོས་པའི་མཐའ་བརྒྱད་བྲལ་བ༔ གནས་ལུགས་ངང་དུ་སྐྱོང་མཛོད༔ ཧ་ཧ། ཨེ་མ་ཧོཿ གཞི་དབྱིངས་རྣམ་དག་འོད་གསལ་ཕོ་བྲང་ནས༔ གཞི་སྣང་མ་འགགས་ལྷུན་གྲུབ་བཀོདཔ་ངོམས༔ གཞི་རྩལ་རིག་སྟོང་པདྨ་ཐོད་ཕྲེང་རྩལ༔ གཞི་ཀློང་མི་འགྱུར་མཚོ་རྒྱལ་འབངས་ཉེར་ལྔར༔ རང་རིག་འདུ་འབྲལ་མེད་པར་གསོལ་བ་འདེབས༔ རང་སེམས་མ་བཅོས་འོད་གསལ་མངོན་གྱུར་ནས༔ རང་བྱུང་ཡེ་ཤེས་རྟོགས་པར་བྱིན་གྱིས་རློབས༔ རང་གནས་ཆོས་སྐུའི་གཏན་སྲིད་ཟིན་པ་དང་༔ འདི་ཕྱིའི་མི་མཐུན་རྒུད་པ་ཀུན་བསལ་ནས༔ བསམ་དོན་ཆོས་བཞིན་འགྲུབ་པར་མཛད་དུ་གསོལ༔ ཨོཾ་ཨཱཿཧཱུྃ་བཛྲ་གུ་རུཔདྨ་སིདྡྷི་ཧཱུྃ༔ དེ་ལྟར་རྒྱུན་དུ་གསོལ་བ་བཏབ་ནུས་ན༔ བསམ་དོན་ཡིད་བཞིན་འགྲུབ་པར་ཐེ་ཚོམ་མེད༔ དེ་སྐད་ཐུགས་སྲས་བསྐུལ་བ་ཟབ་ཕྱིར་དུ༔ བསྐལ་བཟང་ དུས་སྡེ་རྒྱ་མཚོའི་བཞེད་སྐོང་དུ། །མ་ནུས་སྤྲང་འཁྱམས་སུ་ཁ་བཛྲ་གྱིས། །དགོངས་པ་མི་འགྱུར་བརྡ་ལས་བྲིས་པ་དགེ། དགེའོ།། །། ཨེ་མ་ཧོཿ རང་རིག་འགྱུར་མེད་བདེ་ཆེན་ཕོ་བྲང་ནས༔ རྣམ་ཀུན་མཆོག་ལྡན་རྡོ་རྗེ་རྣལ་འབྱོར་མ༔ གང་འདུལ་སྤྲུལ་པའི་རྣམ་རོལ་མཚོ་རྒྱལ་མར༔ གསོལ་བ་འདེབས་སོ་བྱིན་གྱིས་བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ འོད་གསལ་རྫོགས་ཆེན་དགོངས་པ་མངོན་གྱུར་ཅིང་༔ དོན་གཉིས་ལྷུན་གྱིས་འགྲུབ་པར་མཛད་དུ་གསོལ༔ དེ་ལྟར་གསོལ་བཏབ་བྱིན་རླབས་ཀྱིས༔ བར་ཆད་ཀུན་ཞི་བསམ་པ་འགྲུབ༔ ཐེ་ཚོམ་མེད་དོ་ས་མ་ཡ༔ ཞེས་པ་འདི་ཡང་སྤྲུལ་པའི་སྐུ་རཏྣ་དང་འདུས་སྡེ་རྣམས་ཀྱིས་དར་བཅས་བཀའ་བསྐུལ་ཕེབས་ཚེ་སྤྲང་འཁྱམས་མདོ་མེད་འཆོལ་མོ་སུ་ཁ་བཛྲ་འམ། ག་ག་བྷ་དྲས་བརྡ་ལས་བསྒྱུར་བའོ། དགེའོ།། །། ཨེ་མ་ཧོཿ སྐུ་གསུམ་རིགས་འདུས་པདྨ་ཐོད་ཕྲེང་རྩལ༔ དབྱིངས་ཡུམ་མཁའ་འགྲོ་ཡེ་ཤེས་མཚོ་རྒྱལ་མ༔ གསོལ་བ་འདེབས་སོ་བྱིན་གྱིས བརླབ་ཏུ་གསོལ༔ ཕྱི་ནང་གསང་བའི་བར་ཆད་ཞི་བ་དང་༔ བསམ་པ་ཆོས་བཞིན་འགྲུབ་པར་མཛད་དུ་གསོལ༔ ཨོཾ་ཨཱཿཧཱུྃ༔ ཨེ་མ་ཧོཿ ཀ་དག་སྤྲོས་བྲལ་ཆོས་སྐུ་ཀུན་བཟང་མོ༔ ༄༅། །ལྷུན་གྲུབ་རང་གདངས་ལོངས་སྐུ་ཝཱ་ར་ཧི༔ ཐུགས་རྗེ་ཀུན་ཁྱབ་སྤྲུལ་སྐུ་མཚོ་རྒྱལ་མ༔ སྐུ་གསུམ་མཁའ་འགྲོའི་ཕྲིན་ལས་རོལ་པའི་གར༔ ཟབ་གཏེར་མཛོད་འཛིན་སྦས་པའི་རྣལ་འབྱོར་མ༔ ཀུན་བཟང་བདེ་སྐྱོང་དབང་མོར་གསོལ་བ་འདེབས༔ འདི་ཕྱི་ཀུན་ཏུ་འབྲལ་མེད་རྗེས་བཟུང་ནས༔ སྨིན་གྲོལ་རིམ་གཉིས་ཟབ་མོ་མཐར་ཕྱིན་མཛོད༔ རིག་སྟོང་དབྱེར་མེད་རྡོ་རྗེ་རྣལ་འབྱོར་མས༔ དབུགས་དབྱུང་ལུང་བསྟན་བརྩེ་བས་རྗེས་བཟུང་ནས༔ མ་དག་སྒྱུ་ལུས་ལྷ་སྐུའི་ཕྱག་རྒྱར་དག༔ རྩ་ཐིག་རླུང་གསུམ་འོད་གསལ་བཅུད་དུ་སྨིན༔ རང་རིག་མི་འགྱུར་རྫོགས་པ་མཐར་ཕྱིན་ནས༔ ནང་གསལ་གཞོན་ནུ་བུམ་སྐུར་གྲོལ་བར་ཤོག༔ མདོར་ན་འདི་ནས་ཚེ་རབས་ཐམས་ཅད་དུ༔ ལས་རྐྱེན་ངན་པའི་དབང་དུ་མི་འགྲོ་ཞིང་༔ རྡོ་རྗེ་ཐེག་པའི་ལམ་ཟབ་བཅུད་རོལ་ནས༔ དཔལ་ལྡན་བླ་མའི་ཐུགས་དགོངས་རྫོགས་ནུས་ཤོག༔ སྐྱེ་བ་ཀུན་ཏུ་བླ་མ་ཡབ་ཡུམ་དང་༔ འབྲལ་མེད་ཟབ་ཆོས་བདུད་རྩིའི་དཔལ་ལ་སྤྱོད༔ མཉེས་པ་གསུམ་གྱི་ཞབས་ཏོག་ཕུལ་ཕྱིན་ནས༔ རང་གཞན་དོན་གཉིས་ལྷུན་གྱིས་འགྲུབ་པར་ཤོག༔ བདག་དང་བདག་ལ་འབྲེལ་ཐོགས་སེམས་ཅན་ཀུན༔ ཕྱི་མ་འོག་མིན་དག་པའི་ཞིང་ཁམས་སུ༔ རིག་འཛིན་ཡབ་ཡུམ་གཉིས་དང་དབྱེར་མེད་པར༔ འཁོར་གྱི་ཐོག་མར་བདག་སོགས་སྐྱེ་བར་ཤོག༔ སྐྱེས་ནས་ཐེག་ཆེན་ཆོས་ཀྱི་དགའ་སྟོན་འགྱེད༔ འབྲས་བུའི་ཆོས་དང་ཡེ་ཤེས་ཡོན་ཏན རྒྱས༔ རང་རིག་ཀུན་ཏུ་བཟང་པོར་སངས་རྒྱས་ནས༔ གཞོན་ནུ་བུམ་སྐུའི་གཏན་སྲིད་ཟིན་པར་ཤོག༔ ས་མ་ཡ༔ རྒྱ་རྒྱ་རྒྱ༔ ༔ ཅེས་པའང་སྤྲུལ་པའི་སྐུ་མཆོག་འཇིགས་མེད་ཀྱིས་བསྐུལ་ངོར། མདོ་མེད་འཆོལ་པོ་སུ་ཁ་བཛྲ་གྱིས་བྲིས་པའོ།། དགེའོ།། །། ཨེ་མ་ཧོཿ ཆོས་དབྱིངས་འདུས་མ་བྱས་པའི་ཕོ་བྲང་ནས༔ ལྷུན་འགྲུབ་འགྱུར་མེད་རྒྱལ་ཀུན་བརྩེ་བའི་ཡུམ༔ རྣལ་འབྱོར་ཝཱ་ར་ཧི་དང་དབྱེར་མེད་པ༔ གསང་འཛིན་རྣལ་འབྱོར་བདེ་བའི་རྡོ་རྗེ་ལ༔ རང་རིག་གཉིས་མེད་ངང་ནས་གསོལ་བ་འདེབས༔ འདི་ཕྱི་བརགསུམ་འབྲལ་མེད་རྗེས་བཟུང་ནས༔ ཉོན་ཤེས་སྒྲིབ་པ་དག་པར་བྱིན་གྱིས་རློབས༔ ཅེས་པའང་ཆོས་མཆོག་གི་ངོར༔ སྤྲང་སུ་ཁའི་མིང་གིས་རྫུན་རིས་བྲིས་པའོ།། དགེའོ།། །། མི་མཐུན་ཕྱོགས་ཞི་མཐུན་རྐྱེན་རྒྱས༔ མོས་པ་དབང་འདུས་དགྲ་བགེགས་ཐུལ༔ ཡིད་ལ་འདོད་པའི་ལས་རྣམས་ཀུན༔ བདག་གིས་མྱུར་དུ་འགྲུབ་པར་མཛོད༔ ཅེས་སོ།། ༈ ཀུན་གཞི་སྤྲོས་པ་བྲལ་བའི་ཀློང་ཡངས་ནས༔ ཀུན་མཁྱེན་ཡབ་སྲས ༄༅། །བརྒྱུད་འཛིན་དཔའ་བོ་མཆོག༔ ཀུན་བཟང་ཐུགས་ཀྱི་དགོངས་པ་མངོན་དུ་གྱུར༔ ཀུན་གྱི་རྗེ་བོ་བླ་མ་རིན་པོ་ཆེ༔ ཀུན་གཞི་མ་བཅོས་ངང་ནས་གསོལ་བ་འདེབས༔ ཀུན་སྣང་རང་སར་གྲོལ་བར་བྱིན་གྱིས་རློབས༔ ཅེས་སྤྲང་མོའི་མཚར་གཏམ་མོ། ཨེ་མ་ཧོཿ སངས་རྒྱས་ཀུན་འདུས་རྒྱལ་སྲས་པདྨ་འབྱུང་༔ ཐུགས་ཀྱི་རྣམ་འཕྲུལ་བདུད་འདུལ་དབང་ཕྱུག གླིང་༔ རིགས་སྲས་གསུང་འཛིན་འཇི༵གས་མེ༵༵ད་དཔའ་བོའི་སྐུ༔ དཀོ༵ན་མཆོག་ཀུན་འདུས་འགྲོ་བའི་དཔལ་དུ་ཤར༔ རྒྱལ་སྲས་དབང་ཕྱུག་སེམས་དཔར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་ནས༔ དོན་གཉིས་ལྷུན་གྱིས་འགྲུབ་པར་བྱིན་གྱིས་རློབས༔ ཅེས་པ་གསོལ་འདེབས་འདི་ཡང་སྐྱེས་མཆོག་དམ་པ་ཐུབ་བསྟན་བཟང་པོ་དང་བཙུན་མ་རྣམས་ཀྱི་བཞེད་སྐོང་དུ་བྷ་དྲའི་མིང་གིས་བྲིས་པ་དགེ། ཨེ་མ་ཧོཿ རྒྱལ་བ་ཀུན་ཡུམ་བདེ་ཆེན་དཀར༔ རྣལ་འབྱོར་གར་བསྒྱུར་ཡེ་ཤེས་སྐུ༔ འགྱུར་མེད་ཡུན་དུ་བརྟན་ནས་ཀྱང་༔ མཛད་པ་ཕྲིན་ལས་མཐར་རྒྱས་ཤོག༔ ཅེས་དད་དམ་འཆང་བའི་ངོར་དེ་ཝའི་མིང་གིས་བྲིས་པའོ། ཨེ་མ་ཧོཿ རྒྱལ་ཀུན་ཡེ་ཤེས་གཅིག་བསྡུས་རྗེ་བཙུན་མའི༔ སྒྱུ་འཕྲུལ་སྦས་པའི་རྣལ་འབྱོར་བདེ་བའི་མཚན༔ འགྲོ་ཀུན་བུ་བཞིན་སྐྱོང་བའི་ མ་གཅིག་པུ༔ འཁོར་འདས་དབང་བསྒྱུར་ཛྙཱ་ན་སྭཱ་ག་ར༔ མ་མོ་མཁའ་འགྲོ་ཡོངས་འདུས་སྤྱི་དཔལ་མཆོག༔ སྐུ་ཚེ་མི་ནུབ་ཞབས་པད་རབ་བརྟན་ནས༔ བསྟན་པའི་གཞི་བཟུང་འགྲོ་རྣམས་སྨིན་གྲོལ་འགོད༔ ཡང་གསང་སྙིང་པོའི་བསྟན་པ་རབ་རྒྱས་ཤོག༔ ཅེས་པ་འདིའང་དད་ལྡན་ཀལྤ་ལའི་མིང་གིས་ནན་ཆེར་བསྐུལ་ངོར་དེ་ཝའི་མིང་གིས་རྫུན་རིས་སོ།། ༈ ཆོས་ཉིད་མཁའ་འགྲོའི་གསང་མཛོད་ལས༔ གསོལ་འདེབས་དུས་ངན་འཇིགས་སྐྱོབ་བསམ་པ་མྱུར་འགྲུབ་མ་བཞུགས་སོ༔ ཨེ་མ་ཧོཿ དུས་གསུམ་རྒྱལ་བ་མ་ལུས་འདུས་པའི་དཔལ༔ སངས་རྒྱས་ཀུན་ལས་ཐུགས་རྗེ་མྱུར་བའི་ལྷ༔ འགྲོ་བའི་སྐྱབས་མགོན་ཨོ་རྒྱན་རིན་པོ་ཆེ༔ ལོག་འདྲེན་ཚར་གཅོད་རྡོ་རྗེ་ཐོདཕྲེང་རྩལ༔ གདུག་པ་འདུལ་མཛད་ཡང་ཁྲོས་གྲོ་བོ་ལོད༔ མི་བཟོད་དུས་ཀྱི་གཡུལ་ངོ་འགྱེད་པའི་ཚེ༔ སྐྱབས་དང་རེ་ས་གཞན་ན་མ་མཆིས་པས༔ ཡིདགཉིས་ཐེ་ཚོམ་མེད་པར་གསོལ་བ་འདེབས༔ མི་མངོན་དབྱིངས་ནས་ཐུགས་ཀྱིས་དགོངས་མཛོད་ལ༔ མཐའ་དམག་དུས་འཁྲུགས་མཚོན་གྱི་བསྐལ་པ་བཟློག༔ ལོ་ཉེས་སད་སེར་མུ་གེའི་འཇིགས་པ་སྐྱོབས༔ མི་ཕྱུགས་ལ་འཚེ་ནད་དང་སྡུག་བསྔལ་སེལ༔ རྒྱལ་བའི་བསྟན་དང་བསྟན་འཛིན་ལ་གནོད་པའི༔ རྒྱ་འདྲེ་འབྱུང་པོ་མི་དང་མི་མིན ༄༅། །གདོན༔ མ་རུངས་བསྟན་ལ་འཚེ་བྱེད་དམ་སྲིའི་རིགས༔ མཁྱེན་བརྩེ་ནུས་པའི་མཐུ་རྩལ་མ་ཞེན་པར༔ ཐམས་ཅད་ཟློག་ཅིང་བཏུལ་བའི་དུས་ལ་བབས༔ འདི་ཕྱིའི་མི་མཐུན་ཉེར་འཚེ་ཀུན་ཞི་ནས༔ བྱང་ཆུབ་སྒྲུབ་ལ་བར་ཆད་མི་འབྱུང་ཞིང་༔ བསམ་དོན་མྱུར་དུ་འགྲུབ་པར་བྱིན་གྱིས་རློབས༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔ རྩེ་གཅིག་འདི་ལ་བརྩོན འགྱུར་ན༔ མི་མཐུན་རྒུད་པ་ཀུན་བསལ་ནས༔ འཇིགས་པ་ཀུན་ལས་སྐྱོབ་པར་ངེས༔ ཐེ་ཚོམ་མེད་དོ་ས་མ་ཡ༔ སྐལ་ལྡན་བུ་ཡི་དཔལ་དུ་སྤྱོད༔ སྐལ་མེད་རྣམས་ལ་གུ་ཧྱ་རྒྱ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཞེས་པ་དད་ལྡན་དཀོན་མཆོག་གིས་ཡང་ཡང་བསྐུལ་ངོར་དུས་མཐའི་གཏེར་མིང་མ་ཀུན་བཟང་བདེ་སྐྱོང་དབང་མོའམ་བདེ་ཆེན་བདེ་བའི་རྡོ་རྗེས་མཁའ་འགྲོའི་གསང་མཛོད་ལས་བསྒྱུར་བ་ཡོངས་སུ་དགེ་བར་གྱུར་ཅིག། ཨེ་མ་ཧོཿ རང་སྣང་དག་པ་རྔ་ཡབ་དཔལ་གྱི་ཞིང་༔ རང་བྱུང་བདེ་ཆེན་པདྨ་ཐོད་ཕྲེང་རྩལ༔ རང་རིག་འདུ་འབྲལ་མེད་པར་གསོལ་བ་འདེབས༔ རང་བྱུང་ཡེ་ཤེས་རྟོགས་པར་བྱིན་གྱིས་རློབས༔ ཨོཾ་ཨཱཿཧཱུྃ བཛྲ་གུ་རུཔདྨ་སིདྡྷི་ཧཱུྃ༔ སུ་ཁ་བཛྲ་གྱིས་བྲིས་པའོ། ཨེ་མ་ཧོཿ སྐུ་གསུམ་ཡོངས་འདུས་པདྨ་ཐོད་ཕྲེང་རྩལ༔ ཐུགས་ཀྱི་རྣམ་འཕྲུལ་པདྨ་ལས་འབྲེལ་རྩལ༔ བདེ་སྐྱོང་ཌཱ་ཀྐི་སུ་ཁ་བཛྲ་ལ༔ འབྲལ་མེད་རྩེ་གཅིག་དད་པས་གསོལ་བ་འདེབས༔ ཐུགས་རྗེས་ནམ་ཡང་མ་འདོར་རྗེས་འཛིན་ཅིང་༔ སྨིན་གྲོལ་ལམ་བཟང་གདམས་པའི་ཆོས་བསྩལ་ཏེ༔ ཚེ་འདིར་དོན་གཉིས་འབྲས་བུ་ཐོབ པ་དང་༔ ཕྱི་མ་དཔལ་རི་པདྨ་འོད་གླིང་དུ༔ ཡབ་རྗེ་ཨོ་རྒྱན་ཆེན་པོའི་ཞབས་དྲུང་དུ༔ ཚོམ་བུ་གཅིག་ཏུ་སྟོན་འཁོར་དབྱེར་མེད་ཅིང་༔ དཔའ་བོ་མཁའ་འགྲོའི་ཚོགས་ཀྱིས་མདུན་བསུས་ཏེ༔ མ་ཧཱ་གུ་རུའིགླུ་དབྱངས་སྒྲ་དང་བཅས༔ ཞིང་མཆོག་པདྨ་འོད་དུ་སྐྱེ་བར་ཤོག༔ ཅེས་པའང་རང་སློབ་པདྨ་ཐུབ་བསྟན་བཟང་པོ་དང་རིགས་སྲས་དབྱངས་ཅན་ལྷ་མོས་ཡང་ཡང་བསྐུལ་ངོར་བདེ་བའི་རྡོ་རྗེས་བྲིས་པའོ།། དགེའོ།། །། ཨེ་མ་ཧོཿ རྒྱལ་ཀུན་འདུས་ཞལ་པདྨ་ལས་འབྲེལ་རྩལ༔ ཟུང་འཇུག་བདེ་སྐྱོང་མཁའ་སྤྱོད་དབང་མོའི་ཞབས༔ རང་རིག་འདུ་འབྲལ་མེད་པར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་བྱིན་གྱིས་རློབས༔ ཅེས་བདེ་བའི་རྡོ་རྗེས་སོ།། །། ཨེ་མ་ཧོཿ རྒྱལ་བ་ཀུན་ཡུམ་རྡོ་རྗེ་རྣལ་འབྱོར་མའི༔ སྒྱུ་འཕྲུལ་སྦས་པའི་རྣལ་འབྱོར་བདེ་བའི་མཚན༔ རང་རིག་འདུ་འབྲལ་མེད་པར་གསོལ་བ་འདེབས༔ འོད་གསལ་རྫོགས་ཆེན་རྟོགས་པར་བྱིན་གྱིས་རློབས༔ དགེའོ།། །། ཨེ་མ་ཧོཿ རང་སྣང་དག་པ་པདྨ་འོད་ཀྱི་གནས༔ རང་བྱུང་ ༄༅། ་ལྷུན་གྲུབ་ཞིང་ཁམས་མ་ལུས་རྫོགས༔ རིག་པའི་ངོ་བོ་པདྨ་རྒྱལ་པོའི་སྐུ༔ མ་བཅོས་བློ་ལས་འདས་པར་གསོལ་བ་འདེབས༔ ཀ་དག་སྤྲོས་བྲལ་རྟོགས་པར་བྱིན་གྱིས་རློབས༔ གཉུག་མའི་རང་ས་ཟིན་པར་བྱིན་གྱིས་རློབས༔ འོད་གསལ་གནས་ལུགས་ལྟ་བ་མངོན་གྱུར་ནས༔ བདག་གཞན་དོན་གཉིས་འགྲུབ་པར་མཛད་དུ་གསོལ༔ བདེ་བའི་རྡོ་རྗེས་སོ།། །། ཨེ་མ་ཧོཿ རང་སྣང་དག་པ་ཟངས་མདོག་དཔལ་གྱི་གནས༔ རང་རིག་མ་བཅོས་ཨོ་རྒྱན་ཐོད་ཕྲེང་རྩལ༔ རང་གསལ་འཛིན་མེད་ངང་དུ་གསོལ་བ་འདེབས༔ རང་བྱུང་ཡེ་ཤེས་རྟོགས་པར་བྱིན་གྱིས་རློབས༔ བདེ་བའི་རྡོ་རྗེས་སོ།། །། ཨེ་མ་ཧོཿ བདེ་སྟོང་འདུ་འབྲལ་མེད་པའི་གཞི་ཀློང་ནས༔ རྒྱལ་བའི་ཡུམ་གྱུར་ཛྙཱ་ན་སྭཱ་ག་ར༔ རྡོ་རྗེ་རྣལ་འབྱོར་ཡེ ཤེས་སྒྱུ་མའི་སྐུ༔ རྗེ་བཙུན་མཁའ་སྤྱོད་དབང་མོ་འགྲོ་བའི་མགོན༔ ཆོས་ཉིད་དོན་གཟིགས་ཀུན་བཟང་དབང་མོ་ལ༔ བདག་ནི་གུས་པའི་ཡིདཀྱིས་གསོལ་བ་འདེབས༔ ལུས་ལ་འགྱུར་མེད་སྐུ་ཡི་བྱིན་གྱིས་རློབས༔ ངག་ལ་འགགས་མེད་གསུང་གི་བྱིན་གྱིས་རློབས༔ ཡིད་ལ་འཁྲུལ་མེད་ཐུགས་ཀྱི་བྱིན་གྱིས་རློབས༔ འོད་གསལ་རྫོགས་ཆེན་དགོངས་པ་མངོན་གྱུར་ནས༔ ཚེ་ འདིར་འཆི་བའི་ལམ་ལ་མ་ལྟོས་པར༔ ཀ་དག་ལྷུན་གྲུབ་རིམ་གཉིས་ལམ་བསྒོམས་མཐུས༔ གཞོན་ནུ་བུམ་སྐུར་འཇའ་ལུས་འགྲུབ་པར་ཤོག༔ ཅེས་རང་སློབ་དད་ལྡན་མཁས་དབང་གིས་བསྐུལ་ངོར་སུ་ཁ་བཛྲ་གྱིས་སོ།། །། ཨེ་མ་ཧོཿ རང་རིག་དོན་སྟོན་གཏན་གྱི་སྐྱབས་གཅིག་པོ༔ རིག་སྐུ་མངོན་གྱུར་པདྨ་ལས་འབྲེལ་གྱི༔ དགོངས་རྒྱུད་བྱིན་དང་སྐུ་གསུང་ཐུགས་ཡོན་ཏན༔ ཕྲིན་ལས་མ་ལུས་བདག་རྒྱུད་ལ་ཞུགས་ནས༔ ཟབ་གཏེར་རྒྱ་མཚོ་སྨོན་ལམ་འཕྲོ་ལྡན་ཅིང་༔ བླ་མའི་བསྟན་ལ་བྱ་བ་བྱེད་ནུས་ཤོག༔ ཞག་ལ་མི་འགྱངས་མྱུར་དུ་འགྲུབ་པ་རུ༔ རྩ་གསུམ་མཁའ་འགྲོས་མཐུ་སྟོབས་རྩལ་ཕྱུངས་མཛོད༔ མྱུར་བར་ད་ལྟ་གདན་ཐོག་འདི་ཉིད་དུ༔ བླ་མ་ཁྱེད་དང་དབྱེར་མེད་འགྲུབ་པར་ཤོག༔ བླ་མ་མཁྱེན༔ ཅེས་པ་ཉིན་བཞིན་སྟོང་རྩ་རེ༔ མ་ཆགས་རྒྱུན་དུ་བརྩོན་གྱུར་ན༔ མྱུར་དུ་བླ་མས་རྗེས་བཟུང་ནས༔ དོན་གཉིས་འགྲུབ་པར་གདོན་མི་ཟ༔ པདྨ་ལས་འབྲེལ་མནོག་ཆོས་འདི༔ ཤཱི་ལ་བཛྲ་དཔལ་དུ་ཤོག༔ སྤྲང་འཁྱམས་སུ་ཁ་བཛྲ་གྱིས༔ འཁྲུལ་ཉམས་ཡིག་རིས་བྲིས་པ་དགེའོ།། །། ཨོཾ་སྭསྟི། རྩ་གསུམ་སྲུང་མའི་བདེན་མཐུ་ཡིས །རྒྱལ་སྲས་སྤྲུལ་པའི་མྱུ་གུ་ནི །བསླབ་གསུམ་འབྲས་བཟང་རབ་རྒྱས་པ། །རྙེད་ནས་དོན་གཉིས་ལྷུན་གྲུབ་ ༄༅། །ཤོག །ཀློང་ཆེན་རབ་འབྱམས་ཡེ་ཤེས་སྒྱུ་མའི་གར། །བདེ་གཤེགས་རྒྱལ་བའི་ཐུགས་གསང་མཛོད་འཛིན་པ། །ཨོ་རྒྱན་དངོས་སྣང་པདྨ་ལས་འབྲེལ་རྩལ། ། གཟུགས་སྐུ་དབྱིངས་ཐིམ་མྱ་ངན་འདས་སྟོན་ཀྱང་། །སླར་ཡང་ཐུགས་རྗེའི་ཟློས་གར་སྒྱུ་མའི་སྐུ །བདག་ཅག་རྗེས་འཇུག་བསྟན་འགྲོའི་དོན་ཆེད་དུ། །མ་འགྱངས་མྱུར་དུ་འབྱོན་པར་མཛད་དུ་གསོལ༔ དུས་འདི་ནས་བཟུང་བྱང་ཆུབ་སྙིང་པོའི་བར༔ འགྲོ་འདུལ་གསང་སྔགས་གླིང་དང་མི་འབྲལ་ཞིང་༔ རབ་དངོས་འབྲིང་ཉམས་ཐ་ན་རྨི་ལམ་དུ༔ ཞལ་མཇལ་གསུང་ཐོས་དགོངས་རྒྱུད་བྱིན་རླབས་སྩོལ༔ འཆད་རྩོད་རྩོམ་པའི་ཤེས་རབ་དབང་འབྱོར་ནས༔ བླ་མའི་ཐུགས་ཀྱི་དགྱེས་པ་ཀུན་འགྲུབ་ཅིང་༔ མཐར་ཐུག་སྟོན་འཁོར་དགོངས་པ་དབྱེར་མེད་པར༔ ཚོམ་བུ་གཅིག་ཏུ་འཁོད་པར་མཛད་དུ་གསོལ༔ ཞེས་པའང་སྤྲུལ་པའི་སྐུ་མཆོག་སྣ་ཚོགས་རང་གྲོལ་གྱིས་བཀྲ་ཤིས་ལྷ་གོས་བཅས་བཀས་བསྐུལ་སོན་ཚེ་འཁོར་འབངས་ཐཤལ་བ་སུཁ་བཛྲ་གྱིས་བྲིས་པ་སྨོན་འདུན་ཡིད་བཞིན་དུ་འགྲུབ་པར་གྱུར་ཅིག། དགེའོ།། །། ཨེ་མ་ཧོཿ སྐུ་གསུམ་རིགས་འདུས་པདྨ་ཐོད་ཕྲེང་རྩལ། །ཐུགས་ཀྱི་རྣམ་འཕྲུལ་དཔའ་བོ་ཧེ་རུ་ཀ །བསྟན་པའི་སྒྲོན་མེ་དྲི་མེད་རྒྱལ་བའི་སྲས། །འགྲོ་བའི་མུན སེལ་འོད་གསལ་འོད་ཟེར་གྱིས། །བསྟན་འགྲོའི་མཛདཕྲིན་ཕྱོགས་བཅུར་རྒྱས་པ་དང་། །སྐུ་ཚེ་བསྐལ་པའི་བར་དུ་རབ་བརྟན་ནས། །རྒྱལ་བསྟན་དར་ཞིང་རྒྱས་པའི་བཀྲ་ཤིས་སྩོལ །ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཿ སོགས། སྭཱ་ཧཱ། ཞེས་པ་འདི་ཡང་བསོད་ནམས་དབང་ཕྱུག་གིས་བསྐུལ་ངོར་ཀུ་ས་ལའི་བརྫུན་རིས་སོ།། དགེའོ།། །། ཨོཾ་སྭསྟི། རབ་འབྱམས་རྒྱལ་བ་ཀུན་གྱི་ཡེ་ཤེས་སྐུ། །བདུད་སྡེ་འཇོམས་མཛད་ཕྲིན་ལས་དཔལ་མངའ་བ། །མཚོ་སྐྱེས་རྡོ་རྗེའི་གསང་གསུམ་ཡོན་ཏན་འཛིན། །འཇིགས་བྲལ་གཞོམ་མེད་རྒྱལ་ཀུན་འདུས་པའི་དཔལ །ཡེ་ཤེས་གཅིག ཉིད་དུ་མར་སྣང་བའི་སྐུ། །རྡོ་རྗེ་འཆང་དངོས་རིག་འཛིན་གྲུབ་པའི་རྗེས །སྐུ་ཚེ་མི་འགྱུར་ཞབས་པད་རབ་བརྟན་ནས། །མཛད་པ་ཕྲིན་ལས་ཕྱོགས་མཐར་རྒྱས་གྱུར་ཅིག །འཆི་མེད་པད་འབྱུང་རིག་འཛིན་རྒྱ་མཚོ་དང་། །ཡེ་ཤེས་མཁའ་འགྲོ་རྣམས་ཀྱི་ཐུགས་རྗེ་ཡིས །བདག་ཅག་ལྷག་བསམ་རྣམ་དག་སྨོན་པའི་འབྲས །བསླུ་མེད་ཡིད་བཞིན་འགྲུབ་པར་མཛད་དུ་གསོལ །སྐྱེ་ཞིང་སྐྱེ་བ་ཚེ་རབས་ཐམས་ཅད་དུ། །དཔལ་མགོན་བླ་མའི་ཐུགས་དགོངས་རབ་བསྒྲུབ་ནས །བསྐྱེད་རྫོགས་རིམ་གཉིས་ས་ལམ་མཐར་ཕྱིན་ཏེ །བསྟན་འགྲོའི་ཕན་བདེ་མ་ལུས་ཡོངས་འགྲུབ ༄༅། །ཅིང་། །ཚེ་འདིར་གདོད་མའི་གཏན་སྲིད་ཟིན་པར་ཤོག །ཅེས་པ་འདི་ཡང་རང་སློབ་དམ་པ་ཁམས་རི་བོ་ཆེའི་བླ་མ་ཚེ་དབང་རིག་འཛིན། བཀྲ་ཤིས་ཚེ་རིང་། འགྱུར་མེད་ཚུལ་ཁྲིམས། བསམ་གཏན་རྒྱ་མཚོ་རྣམས་ཀྱིས་དྲི་བྲལ་ལྷ་རེག་བཅས་བསྐུལ་ངོར། ཀུན་བཟང་བདེ་སྐྱོང་དབང་མོས་ལྷག་བསམ་རྣམ་པར་དག་པས་བླ་མ་རིན་པོ་ཆེའི་སྐུ་ཚེ་ཞབས་པད་བརྟན་ཕྱིར་དབེན་གནས་མཁའ་འགྲོ་འདུ་གླིང་ནས། ཟླ༦ ཚེས་དགེ་བར་བྲིས་པ་སྨོན་དོན་ཡིད་བཞིན་དུ་འགྲུབ་པར་གྱུར་ཅིག། དགེའོ།། །། 89 འདེབས TI1397-093 TI1397-094 鄂商合ཆོས་ཉིད་མཁའ་འགྲོའི་ཐུགས་ཐིག་ལས༔ འོག་མིན་མཁའ་སྤྱོད་ཞིང་དུ་སྐྱེ་བའི་སྨོན་ལམ་དྲི་མེད་ནོར་བུ་བཞུགས་སོ༔ ན་མོ་བཛྲ་ཛྙཱ་ན་ཌཱ་ཀྐི་ཡེ༔ རང་སྣང་ལྷུན་འགྲུབ་འོག་མིན་དག་པའི་གནས༔ མཁའ་སྤྱོད་སྒྱུ་འཕྲུལ་ཡེ་ཤེས་ལས་གྲུབ་པའི༔ ཞིང་དང་གཞལ་ཡས་བཀོད་པ་རབ་རྫོགས་དབུས༔ སྣ་ཚོགས་པདྨ་ཉི་མ་འབར་བའི་སྟེང་༔ འཇིགས་བྱེད་དུས་མཚན་ཕོ་མོའི་རོ་གདན་ལ༔ རྣམ་ཀུན་མཆོག་ལྡན་དོན་གྱི་རྣལ་འབྱོར་མ༔ མཁའ་སྤྱོད་དབང་མོ་ཞི་འཛུམ་མཚན་དཔེ་ལྡན༔ དམར་གསལ་ཞལ་གཅིག་ཕྱག་གཉིས་གཡས་པ་ཡིས༔ རྡོ་རྗེས་མཚན་པའི་གྲི གུག་འཐུར་དུ་འཕྱར༔ གཡོན་པས་ཐོད་པ་ཁྲག་བཀང་ཕྲག་གཡོན་སྟེང་༔ རྔུབས་ཚུལ་མཛད་ཅིང་ཞབས་གཉིས་མཉམ་སྟབས་བཞེངས༔ སྤྱན་གསུམ་མཁར་གཟིགས་དབུ་སྐྲ་ཟར་བུ་འཁྲོལ༔ ཐོད་སྐམ་རྩེ་བྲན་རིན་ཆེན་དར་དཔྱངས་འཕྱང་༔ ཕྱག་རྒྱ་ལྔ་དང་རུས་པའི་རྒྱན་གྱིས་སྤྲས༔ ཐོད་རློན་དོ་ཤལ་མཆན་གཡོན་ཁ་ཊཾ་བརྟེན༔ ཡེ་ཤེས་འཇའ་འོད་མེ་རིས་འཁྱིལ་བའི་ཀློང་༔ སྣང་སྟོང་ཡེ་ཤེས་སྒྱུ་མའི་སྐུ་རུ་བཞུགས༔ འཁོར་དུ་ཡེ་ཤེས་དབྱིངས་ཀྱི་མཁའ་འགྲོ་དང་༔ ཕྱོགས་བཅུའི་དཔའ་བོ་དཔའ་མོ་རྣལ་འབྱོར་མ༔ གྲུབ་ཐོབ་རིག་འཛིན་རྒྱ་མཚོའི་ཚོགས་ཀྱིས་བསྐོར༔ རྡོ་རྗེ་རྣལ་འབྱོར་མ་ལ་གསོལ་བ་འདེབས༔ ཚེ་འདི་འཕོས་ཚེ་ལྷ་ཚོགས་མཇལ་བར་ཤོག༔ མདོར་ན་འོག་མིན་མཁའ་སྤྱོད་ཞིང་ཁམས་ཀྱི༔ རྟེན་དང་བརྟེན་པར་བཅས་པ་ཐམས་ཅད་དང་༔ རྒྱལ་དང་རྒྱལ་སྲས་མ་ལུས་འཁོར་བཅས་ལ༔ ཕྱག་འཚལ་སྐྱབས་མཆི་སྙིང་ནས་གསོལ་བ་འདེབས༔ ཐུགས་རྗེས་དགོངས་ལ་སྨོན་ལམ་འགྲུབ་པར་མཛོད༔ བདག་སོགས་དེང་ནས་ཚེ་རབས་ཐམས་ཅད་དུ༔ མཁའ་སྤྱོད་དབང་མོའི་མྱུར་ལམ་ལ་བརྟེན་ནས༔ རིམ་གཉིས་ཟབ་མོའི་མྱུར་ལམ་འཇུག་པའི་མཐུས༔ དལ་འབྱོར་བཅོ་བརྒྱད་ལྡན་པའི་ལུས་ཐོབ་སྟེ༔ མཚན་ལྡན་དགེ་བའི་བཤེས་དང་མི་འབྲལ་ཞིང་༔ བསླབ་པ་གསུམ་གྱི་གནད་ལ་རབ་བརྩོན་ནས༔ སྡོམ་གསུམ་དྲི་མས་མགོས་བསྲུང་ནུས་ཤོག༔ ཡོན་ཏན་ཀུན་གྱི་གཞིར་གྱུར་བླ་མ་ལ༔ མཉེས་པ་གསུམ་གྱི་ཞབས་ཏོག་ཕུལ་ཕྱིན་ནས༔ ཐུགས་རྒྱུད་དགོངས་པའི་བྱིན་རླབས་འཇུག་པའི་ཐབས༔ སྨིན་གྲོལ་གཉིས་ཀྱི་སྣོད་དུ་རུང་བར་ཤོག༔ ཐེག་པ་ཀུན་གྱི་མཆོག་གྱུར་གསང་བ་སྔགས༔ ཡོ་ག་གསུམ་གྱི་དགོངས་པའི་གནད་ཀྱི་མཆོག༔ མ་ཧཱ་ཡོ་ག་ཉམས་སུ་བླང་ཙམ་གྱིས༔ སྣོད་བཅུད་རྣམ་དག་གཟུགས་སྣང་ལྷ་སྐུར་སྨིན༔ སྒྲ་གྲགས་སྔགས་དང་དྲན་རྟོག་ཆོས་ཉིད་ངང་༔ 鄂商合དག་རྫོགས་སྨིན་གསུམ་འབྲས་བུ་མཐར་ཕྱིན་ཤོག༔ ཨ་ནུ་ཡོ་ག་ཉམས་སུ་བླང་ཙམ་གྱིས༔ རླུང་བཅུ་ལས་རུང་བོགས་འབྱིན་