Tibetan
བརྟན་ཐོབ་ཅིང་༔ འཁོར་ལོ་ལྔ་པོའི་མདུད་པ་རབགྲོལ་ནས༔ ཁ་སྦྱོར་བདུན་ལྡན་རིག་སྐུ་མངོན་གྱུར་ཤོག༔ ཨ་ཏི་ཡོ་ག་ཉམས་སུ་བླང་ཙམ་གྱིས༔ སྐུ་གསུམ་ཡེ་ཤེས་ཆེན་པོ་མངོན་གྱུར་ཅིང་༔ རང་རིག་འགྱུར་བ་མེད་པའི་གདིང་ཐོབ་ནས༔ གཞོན་ནུ་བུམ་སྐུར་ཡང་དག་སངས་རྒྱས་ཤོག༔ ཐོད་རྒལ་གསང་ལམ་ཉམས་སུ་བླང་ཙམ་གྱིས༔ སྣང་བ་བཞི་ཡི་ཉམས་རྩལ་རབ་རྫོགས་ནས༔ མ་དག་སྣང་བ་དག་དབྱིངས་དྭངས་མ་རུ༔ གོ་འཕོས་འཇའ་ལུས་འཕོ་ཆེན་འགྲུབ་པར་ཤོག༔ ནམ་ཞིག་ཚེ་ཡི་འདུ་བྱེད་དབྱིངས་ནུབ་ཚེ༔ འཆི་བ་དང་པོར་ཀ་དག་རང་དབང་ཐོབ༔ གཉིས་པས་རང་གདངས་ཡེ་ཤེས་མངོན་དུ་གྱུར༔ གསུམ་པས་ངང་ནས་གཏན་སྲིད་ཟིན་པར་ཤོག༔ གལ་ཏེ་བར་དོའིསྣང་བ་ཤར་བའི་ཚེ༔ མཁའ་སྤྱོད་དབང་མོའི་ཐུགས་རྗེའི་འོད་ཟེརགྱིས༔ རྗེས་དྲན་དྲུག་ལ་བརྟན་པ་རབ་ཐོབ་ནས༔ བཟང་ངན་འབྲེལ་བཅས་འགྲོ་བ་མ་ལུས་པ༔ འོག་མིན་མཁའ་སྤྱོད་ཞིང་དུ་འདྲེན་ནུས་པའི༔ དེད་དཔོན་མཆོག་ཏུ་བདག་ཉིད་འགྱུར་བར་ཤོག༔ དཀོན་མཆོག་རྩ་གསུམ་ བདེན་པའི་བྱིན་རླབས་དང་༔ ཆོས་ཉིད་རྣམ་པར་དག་པའི་བདེན་པ་དང་༔ མཁའ་སྤྱོད་གསང་བ་ཡེ་ཤེས་ཐུགས་རྗེའི་མཐུས༔ སྨོན་བཞིན་གེགས་མེད་ཡིད་བཞིན་འགྲུབ་པར་ཤོག༔ དེ་ལྟར་མོས་གུས་དྲག་པོ་ཡིས༔ སྨོན་ལམ་འདི་ལ་བརྩོན་གྱུར་ན༔ ནམ་ཞིག་འཆི་བའི་དུས་བབས་ཚེ༔ མཁའ་སྤྱོད་རྡོ་རྗེ་རྣལ་འབྱོར་མས༔ ལག་པའི་མཁྲིག་མ་ནས་བཟུང་སྟེ༔ དག་པའི་ཞིང་དུ་འདྲེན་པར་ངེས༔ བདེན་རྫུན་ལག་ཏུ་ལོངས་དང་གསལ༔ ཐེ་ཚོམ་ཅན་ལ་སྐལ་བ་ཆད༔ ལས་སྐལ་ལྡན་དང་འདི་འཕྲད་ཤོག༔ སྐལ་མེད་རྣམས་ལ་གུ་ཧྱ་རྒྱ༔ བཀའ་སྲུང་ཚེ་རིང་མཆེད་ལྔས་སྲུངས༔ ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ སྦས་རྒྱ༔ གུ་ཧྱ༔ བརྡ་ཐིམ༔ ༔ ཅེས་པ་འདི་ཡང་ཤཱཀྱའི་དགེ་བཙུན་དམ་པ་བདེ་འབྱུང་གི་དུས་རིང་མོ་ནས་ནན་ཆེར་ཡང་ཡང་བསྐུལ་ངོ་མི་ལྡོག་ཙམ་དུ་སེར་དགོན་དབེན་གནས་མཚམས་ཁྲོད་འོད་གསལ་ལྗོངས་ཀྱི་ཉེ་འདབས་ནས་སྤྲང་འཁྱམས་ཀུན་བཟང་ཆོས་ཉིད་བདེ་སྐྱོང་དབང་མོས་འཁྲུལ་སྣང་ཡིག་རིས་སུ་བྲིས་པའོ། དགེའོ།། །། ༈ འཁྲུལ་ཡིག་ལས་གཡུ་ལོ་བཀོད་དུ་སྐྱེ་བའི་སྨོན་ལམ་ཕན་བདེའི་མྱུ་གུ་བཞུགས། ན་མོ་གུ་རུ་ཨཪྻ་ཏཱ་ར་ཡེ༔ རང་སྣང་རྣམ་པར་དག་པའི་ཞིང་ཁམས་མཆོག༔ རང་བྱུང་ལྷུན་གྲུབ་གསེར་གྱི་ས་གཞི་བརྡལ༔ ཡན་ལག་བརྒྱད་ལྡན་ཁྲུས་དང་རྫིང་བུ་འཁྱིལ༔ ཤིང་དང་མེ་ཏོག་འབྲས་བུ་སྣ་ཚོགས་སྨིན༔ བྱ་དང་རི་ 鄂肖དྭགས་མང་པོས་ཆོས་སྒྲ་སྒྲོགས༔ ཕྱོགས་རྣམས་ཐམས་ཅད་དྲི་བསུང་སྤོས་ངད་ལྡང་༔ ལྷ་ཡི་བུ་དང་བུ་མོའི་ཚོགས་རྣམས་ཀྱིས༔ མཆོད་པ་དུ་མས་རྟག་ཏུ་མཆོད་ཅིང་བསྟོད༔ དེ་དབུས་རིན་ཆེན་སྣ་ཚོགས་གཅལ་བཀྲམ་དབུས༔ བེེཌཱུཪྻ་ལས་གྲུབ་པའི་གཞལ་ཡས་ཁང་༔ རང་བྱུང་ཕོ་བྲང་ཉམས་དགའ་ལྟ་ན་སྡུག༔ ཕྱི་གསལ་ནང་གསལ་གྲུ་བཞི་སྒོ བཞི་པ༔ རྟ་བབས་ཆོས་འཁོར་རྒྱལ་མཚན་གདུགས་དང་ནི༔ རྒྱན་དང་འཁོར་ཡུག་མཚན་ཉིད་རབ་རྫོགས་དབུས༔ མ་ཆགས་སྐྱོན་བྲལ་པད་ཟླ་རྒྱས་པའི་སྟེང་༔ རྒྱལ་བའི་ཐུགས་རྗེ་ལས་འཁྲུངས་འཕགས་མ་སྒྲོལ༔ སྔོ་ལྗང་ཞལ་གཅིག་ཕྱག་གཉིས་མྱུར་ཞིང་དཔལ༔ ལྷང་ངེ་ལྷན་ནེ་ལྷམ་མེར་བཞུགས་པ་ལ༔ འཁོར་དུ་སངས་རྒྱས་བྱང་ཆུབ་སེམས་དཔའ་དང་༔ སྒྲོལ་མ་ཉེར་གཅིག་འབུམ་ཕྲག་མཁའ་འགྲོས་བསྐོར༔ གསང་སྔགས་ཆོས་སྒྲ་རྒྱུན་ཆད་མེདཔར་སྒྲོགས་༔ ཐུགས་རྗེ་བརྩེ་བ་ཆེན་པོས་དགོངས་ཏེ་རོལ༔ བདག་སོགས་དེང་ནས་ཚེ་རབས་ཐམས་ཅད་དུ༔ རྗེ་བཙུན་མ་ཁྱེད་ལྷག་པའི་ལྷར་བཟུང་ནས༔ སྒོ་གསུམ་གཅིག་དྲིལ་དད་པས་གསོལ་བ་འདེབས༔ ཕྱི་ན་སོ་བྱང་སྤྱོད་པ་སྐྱོང་ཚུལ་དང་༔ ནང་ན་ཟབ་མོ་རྡོ་རྗེ་ཐེག་པ་ཡི༔ མ་ནོར་རིམ་གཉིས ལམ་མཆོག་མངོན་གྱུར་ནས༔ མྱུར་དུ་བདུད་བཞིའི་གཡུལ་ལས་རྒྱལ་བར་མཛོད༔ སྐྱིད་དམ་སྡུག་གམ་ལེགས་ཉེས་ཅི་བྱུང་ཡང་༔ རྗེ་བཙུན་སྒྲོལ་མ་ཁྱེད་རང་མཁྱེན་ལགས་པས༔ བདག་རྒྱུད་སྨིན་ཅིང་གྲོལ་བའི་མཐུ་ནུས་སྩོལ༔ བླ་མེད་ཐེག་པའི་ལམ་མཆོག་ལ་ཞུགས་ཚེ༔ ཉམས་རྟོགས་ཡོན་ཏན་གོང་དུ་འཕེལ་བ་དང་༔ གོལ་འཆུག་མེད་པའི་ས་ལམ་མངོན་གྱུར་ནས༔ རང་རིག་འོད་གསལ་ངང་ལས་མི་གཡོ་བར༔ ཀ་དག་ཀུན་ཏུ་བཟང་པོར་སངས་རྒྱས་ཤོག༔ མདོར་ན་བདག་དང་མཐའ་ཡས་སེམས་ཅན་ཀུན༔ རྗེ་བཙུན་མ་ཁྱེད་ཡིད་ལ་བསམ་པ་ཡིས༔ སྐྱེ་བ་གཞན་གྱིས་བར་མ་ཆོད་པ་རུ༔ ཞིང་མཆོག་གཡུ་ལོ་བཀོད་དུ་སྐྱེ་བར་ཤོག༔ ཞིང་དེར་སྐྱེས་ནས་ལུང་བསྟན་རབ་ཐོབ་སྟེ༔ གདུལ་དཀའ་འདུལ་ཕྱིར་ཕྲིན་ལས་རྒྱ་མཚོ་ཡིས༔ གང་ལ་གང་འདུལ་དེ་ལ་དེར་མཐུན་གྱིས༔ ཁམས་གསུམ་འཁོར་བ་དོང་ནས་སྤྲུགས་ནུས་ཤོག༔ ཆོས་ཉིད་རྣམ་པར་དག་པའི་བདེན་པ་དང་༔ ཆོས་ཅན་རྒྱུ་འབྲས་བསླུ་མེད་བདེན་པ་ཡིས༔ སྨོན་པའི་དོན་ལ་བར་ཆད་མི་འབྱུང་ཞིང་༔ མྱུར་དུ་རེ་འབྲས་ཡོངས་སུ་འགྲུབ་གྱུར་ཅིག༔ འདི་ལ་རྒྱུན་དུ་བརྩོན་གྱུར་ན༔ ལྷ་མོ་མཆོག་གིས་རྗེས་བཟུང་ནས༔ འཆི་བའི་ལམ་ལ་མི་ལྟོས་བར༔ འོད་གསལ་དགོངས་པ་མངོན་ 八鄂商གྱུར་ནས༔ ཆོས་སྐུའི་གཏན་སྲིད་ཟིན་གྱུར་རོ༔ བཀའ་སྲུང་རེ་མ་ཏཱི་ཡིས་སྲུངས༔ ལས་སྐལ་ལྡན་པའི་དཔལ་དུ་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨྠི༔ ཅེས་པ་འདི་ཡང་རྡོ་རྗེ འཛིན་པ་མཚམས་པ་ལྷུན་འགྲུབ་རིག་འཛིན་དང་༔ རིགས་ལྡན་མ་དབང་མོ། དད་ལྡན་སློབ་བུ་ཆོས་དབྱིངས་རྡོ་རྗེ་སོགས་ཀྱིས་ནམ་མཁའི་མདངས་འཛིན་གྱི་ཕྲེང་བ་དང་ལྷ་རེག་བཅས་ནན་ཆེར་ཡང་ཡང་བསྐུལ་ངོར་ཞལ་ངོ་མི་ལྡོག་ཙམ་དུ་སྙོམས་ལས་པ་འཆོལ་མོ་ཀུན་བཟང་ཆོས་ཉིད་དབང་མོ་འམ་བདེ་བའི་རྡོ་རྗེས་སེར་དགོན་དབེན་ཁྲོད་ནས་གཏན་ལ་ཕབས་པའི་ཡི་གེ་པ་ནི་ལུང་ཟིན་སྐྱེས་བུ་ཚུལ་ཁྲིམས་རྡོ་རྗེས་བགྱིས་པའོ།། །། ༸ TI1397-101 TI1397-102 ༅་འ༔ དག་སྣང་ལས་རྗེ་བཙུན་བཞད་པ་རྡོ་རྗེའི་གསོལ་འདེབས་ཐུགས་རྗེའི་མྱུ་གུ་བཞུགས་སོ༔ ན་མོ་གུ་རུ་བྷྱཿ དད་དམ་མོས་གུས་ལྡན་པའི་སྐྱེས་བུ་ཡིས༔ ཕྱག་འཚལ་ཐལ་སྦྱར་གསོལ་འདེབས་འདིར་བརྩོན་བྱ༔ ཨེ་མ་ཧོཿ རྒྱལ་ཀུན་ཐུགས་རྗེའི་རང་གཟུགས་པད་དཀར་འཆང་༔ འགྲོ་ལ་རྗེས་བརྩེ་ཡེ་ཤེས་སྒྱུ་མའི་གར༔ རླུང་སེམས་དབང་ཐོབ་མཐུ་སྟོབས་མངའ་བདག་དཔལ༔ རྗེ་བཙུན་བཞད་པ་རྡོ་རྗེར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་རྗེས་བཟུང་སྟེ༔ ཚེ་འདིར་ཡང་དག་ལམ་ལ་བློ་དྲངས་ནས༔ བློ་ལྡོག་བཞི་ཡིས་བདག་རྒྱུད་གྲོལ་བ་དང་༔ སྨོན་འཇུག་སེམས་ཀྱི་མྱུ་གུས་རྒྱུད་བརླན་ཏེ༔ སྲིད་པ་འཁོར་བའི་རྒྱ་མཚོ་བརྒལ་ནུས་ཤོག༔ ཁྱད་པར་འོད་གསལ་རྡོ་རྗེ་སྙིང་པོའི་དོན༔ བརྒྱུད་ལྡན་བླ་མའི་མན་ངག་ལ་བརྟེན་ནས༔ ལམ་གྱི་གནད་ལ་གོལ་འཆུག་མེད་པ་རུ༔ སྐུ་གསུམ་འབྲས་བུ་མཉམ་སྦྱོར་དགོངས་པའི་དོན༔ རང་རིག་ཆོས་སྐུའི་གཏན་སྲིད་ཟིན་པར་ཤོག༔ གལ་ཏེ་རང་རིག་ཀློང་དུ་མགྱུར་ན༔ རྗེ་བཙུན་བླ་མ་ཁྱེད་དང་དབྱེར་མེད་པར༔ དག་པ་མཁའ་སྤྱོད་ཞིང་དུ་འདྲེན་པར་ཤོག༔ ཞིང་དེར་སྐྱེས་ནས་རིག་འཛིན་སྟོན་འཁོར་གྱི༔ དགོངས་པ་དབྱེར་མེད་ཀློང་དུ་གྲོལ་ནས་ཀྱང་༔ སླར་ཡང་གང་འདུལ་འགྲོ་བའི་དོན་གཉིས་ཀུན༔ འབད་མེད་ཡོངས་སུ་འགྲུབ་པར་བྱིན་གྱིས་རློབས༔ ཞེས་པ་འདི་ལ་བརྩོན་གྱུར་ན༔ བྱིན་རླབས་རྒྱུད་ལ་འཇུག་པར་ངེས༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་དགེ་བཙུན་དམ་པ་འབྲོག་བན་གྱིས་བསྐུལ་ངོར་བདེ་བའི་རྡོ་རྗེས་བྲིས་པའོ།། དགེའོ།། །། 8 ལ་ཚ་པ་ཅུ་ཁམས་འི་ཐོས་ཀྱི་ང་ལ་ཚ་པ་ཅུ་ཁམས་འི་ཐོས་ཀྱི་ང་TI1397-104 ༄༅། །ཆོས་ཉིད་དགོངས་པའི་ཀློང་མཛོད་ལས༔ སྐྱེ་ཕྲེང་གསོལ་འདེབས་བསྡུས་པ་བྱིན་རླབས་སྤྲིན་ཕུང་བཞུགས༔ ཨེ་མ་ཧོཿ ཆོས་དབྱིངས་འདུས་མ་བྱས་པའི་མཁའ་ཀློང་ནས༔ གདངས་སྣང་མ་འགགས་སྟོང་གསལ་ཐུགས་རྗེའི་གར༔ རྣམ་ཀུན་མཆོག་ལྡན་རྡོ་རྗེ་རྣལ་འབྱོར་མ༔ གདུལ་བྱའི་སྣང་ངོར་ཆུ་ཟླའི་རྣམ་རོལ་གར༔ གང་འདུལ་སྐུར་བཞེངས་མཛད་པ་མཐའ་ཡས་པ༔ འགྲོ་ཁམས་ཡོངས་སྒྲོལ་མཆོག་ལ་གསོལ་བ་འདེབས༔ རྒྱ་གར་འཕགས་ཡུལ་གྲུབ་པའི་དབང་ཕྱུག་དཔལ༔ འབྱུང་ལྔར་དབང་ཐོབ་རོ་ལངས་དམར་མོ་དང་༔ རིམ་བརྒྱུད་བོད་ཡུལ་གུ་རུ་པད་འབྱུང་དྲུང་༔ སྐུ་ཡི་གཟུངས་མ་ཤེལ་དཀར་རྡོ་རྗེ་མཚོ༔ མི་བརྗེད་གཟུངས་ཐོབ་དེ་ལ་གསོལ་བ་འདེབས༔ མཚོ་རྒྱལ་བྱིན་ཐོབ་ཟབ་པའི་གཏེར་ལ་དབང་༔ ཀུན་དགའ་འབུམ་མ་བྱང་ཆུབ་ཆོས་སྒྲོན་སོགས༔ སྐུ་ཕྲེང་རིམ་པར་བརྒྱུད་པར་གསོལ་བ་འདེབས༔ བོད་ཡུལ་དབུས་སུ་སྦས་པའི་རྣལ་འབྱོར་པ༔ ཐ་མལ་ཚུལ་འཛིན་ཟབ་པའི་གཏེར་ལ་དབང་༔ སྣ་ཚོགས་ཐབས་ཀྱིས་གཏེར་གཉིས་གདུལ་བྱ་སྐྱོངས༔ གང་འབྲེལ་པདྨ་འོད་ཀྱི་ཞིང་དུ་འདྲེན༔ བདེ་ཆེན་བདེ་བའི་རྡོ་རྗེར་གསོལ་བ་འདེབས༔ འདི་ཕྱི་བར་གསུམ་འབྲལ་མེད་ རྗེས་བཟུང་ནས༔ འོད་གསལ་རྫོགས་ཆེན་དགོངས་པ་མངོན་གྱུར་ཏེ༔ ཀ་དག་ཀུན་ཏུ་བཟང་པོར་བྱང་ཆུབ་ཤོག༔ ཅེས་པ་འདི་ཡང་དམ་ལྡན་གྱི་སློབ་བུ་དམ་ཆོས་ཞེས་པས་བསྐུལ་ལྕག་བྲབ་པ་ནན་ཆགས་ཆེ་བ་དང་། གཞན་ཡང་བུ་སློབ་རྣམས་ཀྱིས་ཡང་ཡང་བསྐུལ་ངོར་དམ་པ་གོང་མ་རྣམས་ཀྱིས་རྡོ་རྗེའི་ལུང་གིས་བསྔགས་པ་དུས་མཐའི་གཏེར་མིང་འཛིན་པ་སུ་ཁ་བཛྲ་གྱིས་བྲིས་པའོ།། དགེའོ།། །། E2 工NN TI1397-106 TI1397-106 ད་ན་ཀུ་སུ་ལུའི་ཉམས་བྱུང་གི་གནས་ཚུལ་མདོར་བསྡུས་རྡོ་རྗེའི་སྤུན་གྱིས་དྲིས་ལན་མོས་པའི་ལམ་བཟང་བཞུགས་སོ༔ #་ཆུ་_་ཐོ་གྱི་ཅིང་གཾ༔ ཨེ་མ་ཧོཿ ཆོས་སྐུའི་ཞིང་ན་སྟོན་པ་ཀུན་ཏུ་བཟང་༔ ལོངས་སྐུའི་ཞིང་དུ་རིགས་ལྔ་གངས་ཆེན་མཚོ༔ སྤྲུལ་སྐུ་རིགས གསུམ་མགོན་པོ་པདྨ་འབྱུང་༔ གདུལ་བྱའི་ཁམས་སུ་འདྲེན་སྟོན་ཆོས་ཀྱི་རྗེ༔ འཁོར་ལོའི་མགོན་པོ་པདྨ་ལས་འབྲེལ་ལ༔ གསོལ་བ་འདེབས་སོ་བདག་རྒྱུད་སྨིན་གྲོལ་ནས༔ བདེ་ཆེན་འཁོར་ལོར་རིགས་ཀྱི་བདག་པོ་རུ༔ བཞུགས་ལ་རབ་གསལ་བློ་གྲོས་སྣང་བ་སྩོལ༔ ཆོས་སྐུ་ཀུན་བཟང་ལོངས་སྐུ་ཝཱ་ར་ཧི༔ སྤྲུལ་སྐུ་མཁར་ཆེན་ཡེ་ཤེས་མཚོ་རྒྱལ་མའི༔ གསུང་གི་ཐུགས་སྤྲུལ་རྡོ་རྗེ་ཞི་བ་མཚོའི༔ སྒྱུ་འཕྲུལ་ཙམ་དུ་སྔོན་བྱོན་སྐྱེས་ཆེན་འགས༔ 公”རྡོ་རྗེའི་ཞལ་ལུང་རྣམས་སུ་གསལ་མོད་ཀྱང་༔ ཁོ་མོ་རང་ནི་སྐྱེ་ལུས་དམན་པ་དང་༔ ཤེས་རབ་ཆུང་ཞིང་ཐ་མལ་པ་ཡི གཟུགས༔ ཐོས་བསམ་སྒོམ་པའི་ཡོན་ཏན་ཅུང་ཟད་མེད༔ ལེ་ལོས་གཡེང་བའི་དམག་གིས་རྒྱུན་དུ་མནར༔ དེ་འདྲའི་ལུས་དམན་སྐྱེ་ངན་བདག་ལྟ བུར༔ ལེགས་བཤད་ཡོན་ཏན་འབྱུང་ཚུལ་གསང་བའི་གཏམ༔ ནམ་མཁའི་པདྨོའི་དཔེ་བཞིན་ཀུན་ལ་གསལ༔ འོན་ཀྱང་རྡོ་རྗེའི་མཆེད་པོ་རྣམ་གཉིས་ཀྱིས༔ གསུང་བསྐུལ་ནན་ཆེར་ཕེབས་པ་མི་ལྡོག་ཙམ༔ སྔོན་བསགས་བསོད་ནམས་མཐུ་ལས་འཁྲུངས་པ་ཡི༔ ལེགས་བཤད་གནས་ཚུལ་ཅུང་ཞིག 逃 འདི་ན་སྤྲོ༔ དབྱིངས་སྤྱོད་ཌཱ་ཀྐིའི་ཚོགས་ཀྱིས་གནང་བ་སྩོལ༔ སྔོན་ཚེ་ཐུབ་པའི་སྤྱན་སྔར་ཨུཏྤལ་མ༔ རྒྱ་གར་ཡུལ་དུ་རོ་ལངས་བདེ་རོལ་དང་༔ པདྨའི་དུང་དུ་རྡོ་རྗེ་ཞི་བ་མཚོ༔ ལི་ཡི་ཡུལ་དུ་བལ་མོ་བྱང་ཆུབ་སྒྲོན༔ དེ་ནས་རིམ་བརྒྱུད་བོད་ཡུལ་ལྷ་ལྡན་དུ༔ ཀུན་བཟང་བདེ་སྐྱོང་ཆོས་ཉིད་དབང་མོ་བདག༔ རིགས་བཟང་འབྱོར་ལྡན་ཝང་གི་རིགས་ལས་མཆེད༔ ཆུང་ནས་ཆོས་ལ་མོས་ཤིང་བྱང་སེམས་ལྡན༔ ཆོས་བརྒྱད་བྱ་བར་སྙིང་པོ་མེད་མཐོང་ནས༔ རྟག་ཏུ་དཀོན་མཆོག་གསུམ་ལ་གསོལ་བ་བཏབ༔ དེའི་མཐུས་ལོ་བརྒྱད་དུས་སུ་མཁའ་འགྲོ་མས༔ རྗེས་བཟུང་བྱིན་བརླབས་གཅེས་པའི་བུ་བཞིན་བསྐྱངས༔ རྗེ་བཙུན་སྒྲོལ་མ་དགེ་མའི་གཟུགས་སྤྲུལ་ནས༔ བདག་རྗེས་བཟུང་སྟེ་སེམས་བསྐྱེད་བསླབ་བྱ་མཛད༔ ཀུན་དགའ་འབུམ་མས་སྐྱབས་སྡོམ་ལ་སོགས་ཀྱི༔ ཆོས་ཀྱི་སྒོར་བཙུད་ཐར་པའི་ལམ་སྟོན་མཛད༔ ཕ་མ་རིགས་བཟང་ཆོས་ལ་བློ་དཀར་ཡང་༔ ཐོབ་ཀྱིས་ལེན་པ་དཔོན་གྱི་རིགས་ཡིན་ཕྱིར༔ ལུགས་གཉིས་འདྲེས་མར་སྤྱོད་པའི་ཆས་སུ་ནི༔ ཞུགས་ནས་ལོ་ཤས་འབངས་སྡེ་གཡོག་འཁོར་བསྐྱངས༔ ཕ་ཡིས་བཀའ་ཕེབས་ཁྱིམ་པའི་གནས་ལམ་བསྟན༔ ཤིན་ཏུ་བཟོད་དཀའི་ ༡3ངྒཾ སྡུག་བསྔལ་གྱིས་མནར་བས༔ གདུང་བའི་དབྱངས་ཀྱིས་པད་འབྱུང་མཚོ་རྒྱལ་དང་༔ དབྱིངས་དང་དབྱིངས་བཞུགས་དཔའ་བོ་མཁའ་འགྲོ་ལ༔ གསོལ་བཏབ་མཐུ་ཡིས་འཁོར་བའི་རྐྱེན་ལས་བཟློག༔ བཅུ་གཉིས་དུས་སུ་ལས་ཀྱི་རིགས་སད་ནས༔ ས་ར་ཧ་པས་རྗེས་བཟུང་སྨིན་གྲོལ་གྱི༔ ལམ་བསྟན་འཁོར་ལོ་བཞི་པའི་མན་ངག་སྐོར༔ གདམས་པ་ཚང་སྤྲུགས་གཅེས་ནོར་ཚུལ་དུ་བསླབཿ སྦྱངས་པས་རྩ་རླུང་སྒྲིབ་པ་ཅུང་ཟད་སྲབ༔ རྟགས་དྲུག་ཞུགས་གནས་ཐིམ་པའི་དྲོད་ཚད་མཐོང་༔ དངོས་དང་དངོས་མེད་ལྷ་འདྲེའི་ཆོ་འཕྲུལ་གྱིས༔ རྟོགས་པའི་བོགས་ཐོན་རིག་པའི་ཡེ་ཤེས་མཇལ༔ སྣང་སེམས་ལྷ་འདྲེའི་གཟུགས་སུ་ཤར་ཤེས་ནས༔ རྟོག་པའི་འདྲ་འབག་སེམས་ཀྱིས་བཅོས་མ་དགོས༔ ལྷ་འདྲེ་གདུལ་བྱའི་ཚུལ་དུ་རེ་ཞིག་བསྐྱངས༔ བཅུ་གསུམ་དུས་སུ་སྔོན་བསགས་སྨོན་ལམ་མཐུས༔ གྲུབ་པའི་དབང་ཕྱུག་ཀུ་ཀུ་པ་དང་མཇལ༔ རྩ་རླུང་གེགས་སེལ་མན་ངག་ངོ་སྤྲོད་དང་༔ འཁོར་ལོ་ལྔ་ལ་བརྟེན་ནས་ཕྱི་ནང་གི༔ ཕྱག་རྒྱའི་ལམ་རིམ་གསང་བའི་ཆོས་རྣམས་བསྟན༔ སྙིང་གའི་རྩ་མདུད་གྲོལ་བའི་མཐུས་བསྐུལ་ནས༔ མ་དང་མཁའ་འགྲོས་བརྡ་བྱང་འཆུག་མེད་ སྤྲད༔ པད་འབྱུང་མཚོ་རྒྱལ་རྣམས་ཀྱི་ཞལ་དངོས་མཇལ༔ མ་དང་མཁའ་འགྲོས་ཕོ་ཉར་མངའ་གསོལ་ནས༔ འགྲོ་དོན་དུས་བབ་ཡོད་པའི་ལུང་བསྟན་ཅིང་༔ དོན་གཉིས་རིམ་གྱིས འབྱུང་བའི་བསླབ་བྱ་མཛད༔ མདོ་ཁམས་བདུད་སྡེ་སྲིན་པོའི་ཡུལ་ཕྱོགས་སུ༔ གྲོགས་དང་ཆོས་བདག་གདུལ་བྱ་དེ་ན་ཡོད༔ དམན་པའི་ཚུལ་གྱིས་ཡུལ་གསུམ་ཐབས་ཀྱིས་འདྲེན༔ ཞེས་སོགས་ལུང་བསྟན་སླབ་བྱ་དུ་མ་མཛད༔ མཁའ་འགྲོའི་གསང་མཛོད་གཉིས་ཀྱི་བཀའ་དབང་ཐོབ༔ བྱུང་དང་འབྱུང་འགྱུར་ལུང་བསྟན་བརྡ་བྱང་གཏད༔ མ་འོངས་འབྲེལ་ཐོགས་དང་བཅས་མཁའ་འགྲོའི་གླིང་༔ རང་སྣང་དག་པའི་ཞིང་དུ་འདྲེན་ནུས་ཞེས༔ བཀའ་ཡི་ཞལ་ཚབ་བརྡ་ཡི་རིས་སུ་གནང་༔ གཡུ་སྒྲོན་མ་ཡིས་དངོས་སུ་གྲོགས་བྱས་ཏེ༔ འབྱུང་འགྱུར་བརྡ་བྱང་ཡི་གེའི་རིས་སུ་མཛད༔ ཁྱད་པར་རིགས་ལྔའི་སེམས་དཔའ་བརྟགས་ཐབས་དང་༔ འགུགས་སྦྱངས་སྨིན་པའི་ལས་ཀྱི་བསླབ་བྱ་མཛད༔ རིག་འཛིན་ང་ནི་ཨོ་རྒྱན་ཟངས་གླིང་དང་༔ མཁའ་འགྲོའི་བརྡ་སོགས་ཡིག་རིས་དཔེ་སྤྲད་ནས༔ བྱུང་དང་འབྱུང་འགྱུར་བརྡ་ཡི་མན་ངག་གནང་༔ དེས་མཐུས་གཟུགས་མེད་ལྷ་འདྲེའི་འགྲོ་དོན་བྱུང་༔ གཉན་ཆེན་ལ་སོགས་བོད་སྐྱོང་ 公”གཞི་བདག་གིས༔ མཐུན་རྐྱེན་བསྒྲུབས་ཤིང་གཏེར་ཁ་ཕྲན་བུ་རེ༔ སྤྲོད་ཀྱང་བོད་ཁམས་བདེ་ཕྱིར་ཡང་གཏེར་སྦས༔ དེ་སྐབས་དགེ་སློང་ཀུན་དགའ་འབུམ་མ ཞེས༔ ཡིན་པར་སྐད་པའི་བཙུན་མ་ཞིག་ན་རེ༔ ཁྱོད་ཀྱིས་སྟོང་པ་ཉིད་ཀྱི་དོན་ཨེ་ཤེས༔ སྟོང་པ་ཉིད་ཀྱི་དོན་དེ་མ་རྟོགས་ན༔ ལུས་ངག་དགེ་ལ་བསྐུལ་ཡང་དོན་འབྲས་ཆུང་༔ གཅེས་འཛིན་འཆིང་བ་དམ་པོས་ཀུན་དཀྲིས་ནས༔ ཚེ་འདིར་དགེ་སྡིག་ཆ་མཉམ་སྤྱད་པ་ཡིས༔ འབྲས་བུ་མཐོ་རིས་གསུམ་དང་ངན་སོང་རྣམས༔ རེས་མོས་སྤྱོད་ཅིང་འཁོར་བའི་མཐའ་ལ་གནས༔ དེ་ཕྱིར་ཁྱོད་ཀྱི་ཤེས་རབ་མིག་མ་ལོང་༔ བླང་དོར་མཁས་པས་སེམས་ཀྱི་གསང་ཆེན་པོ༔ རང་ལ་གནས་པའི་ཡེ་ཤེས་ཉམས་སུ་ལོངས༔ ཞེས་གསུངས་དེ་ལ་བདག་གིས་འདི་སྐད་ཞུས༔ སྐུ་གསུམ་མཁའ་འགྲོའི་གཙོ་མོ་ཝཱ་ར་ཧིའི༔ ཡེ་ཤེས་སྒྱུ་མའི་གར་བསྒྱུར་རྣལ་འབྱོར་མ༔ ཁྱོད་ལ་མི་ཕྱེད་དད་པས་གསོལ་བ་འདེབས༔ བདག་ལ་སེམས་ཀྱི་གསང་བ་བསྟན་དུ་གསོལ༔ ཚེ་འདིར་སྲིད་པ་འཁོར་བར་མི་གནས་པར༔ རྗེ་བཙུན་ཁྱེད་རང་ལྟ་བུར་བྱིན་གྱིས་རློབས༔ ཞེས་ཞུས་རྗེ་བཙུན་མ་ཡིས་འདི་སྐད་གསུངས༔ ཨེ་མ་ཉོན་དང་སྐལ་ལྡན 逃 སྦྱངས་འཕྲོ་ཅན༔ སེམས་ཀྱི་གསང་བའི་མན་ངག་བསྟན་པ་ནི༔ དང་པོ་སྒོ་གསུམ་རྣལ་དུ་དབབ་བྱེད་པ༔ ལུས་གནད་རྣམ་པར་སྣང་མཛད་ཆོས་བདུན་དང་༔ ངག་གནད་སྨྲ་བཅད་རྒྱུད་མངས་སྒྲ་ཆད་ལྟར༔ སྨྲ་བར་མི་བརྩོན་ངག་རླུང་རང་སོར་བཞག༔ སེམས་གནད་མ་བཅོས་གསལ་སྟོང་ངང་ལ་ཞོག༔ ངོ་བོ་སྟོང་པ་ཆོས་སྐུ་སྤྲོས་དང་བྲལ༔ གསལ་བ་ལོངས་སྐུར་རང་གསལ་འགགས་པ་མེད༔ འཕྲོ་འདུའི་རྩལ་སྣང་གང་ཤར་སྤྲུལ་པའི་སྐུ༔ སྐུ་གསུམ་དབྱེར་མེད་རིག་པ་གཞི་ལ་རྫོགས༔ དབང་རབ་རིག་པ་རང་སྣང་བློ་ཅན་གྱི༔ སྤྱོད་ཡུལ་མན་ངག་འདི་ཉིད་མཆོག་ཏུ་ཟབ༔ དབང་འབྲིང་དབང་པོ་ཡུལ་གྱི་བློ་ཅན་ལ༔ སྒོ་གསུམ་རུ་ཤན་ནས་བཟུང་བྱུང་གནས་སོགས༔ སེམས་ཀྱི་ཁང་བུ་བཤིག་པའི་མན་ངག་དགོས༔ ཁྱོད་ནི་བྱིས་པ་ལེ་ལོ་མ་ཆེ་བར༔ བདག་གིས་གདམས་པའི་མན་ངག་ཟབ་མོ་རྣམས༔ ཡལ་བར་མ་དོར་རང་རྒྱུད་ལོནཔར་མཛོད༔ སྟོང་ཉིད་ལྟ་བ་ཟེར་ཡང་དེ་ལས་མེད༔ སྐུ་གསུམ་རིག་པ་ཟེར་ཡང་དེ་ཀ་ཡིན༔ རང་བྱུང་ཡེ་ཤེས་ཆེན་པོ་དེ་ཉིད་དོ༔ དེ་ལས་ལྷག་པའི་སེམས་ཀྱི་གསང་བ་ནི༔ སྟོང་གསུམ་ཀུན་ཏུ་བཙལ་ཀྱང་རྙེད་མི་འགྱུར༔ རང་སེམས་རྫོགས་པའི་སངས་རྒྱས་དངོས་ 公ཡིན་ཕྱིར༔ སངས་རྒྱས་ཞེས་པ་གཞན་དུ་མ་ཚོལ་ཨང་༔ དེ་སྐད་གསུངས་ནས་ནམ་མཁར་འཇའ་ལྟར་ཡལ༔ བདག་གིས་མཁའ་འགྲོའི་བཀའ་བཞིན་ཉམས ལེན་ལ༔ ཤི་མཐར་ཐུག་གི་བར་དུ་བརྩོན་པར་ཆད༔ རང་ལོ་བཅུ་བཞི་ནས་བཟུང་བཅོ་བརྒྱད་བར༔ ཆོས་ཕྱིར་ལུས་དང་ངག་གི་དཀའ་བ་སྤྱད༔ ཟླ་བ་རེ་ཙམ་ཟས་ཁམ་གཅིག་མེད་ཀྱང་༔ ཆོས་མིན་བྱ་བ་བདག་གིས་བྱས་པ་མེད༔ ཆུང་ནས་བླ་མ་དཀོན་མཆོག་གསུམ་དང་ནི༔ ལྷག་པའི་ལྷ་ལ་བློ་གཏད་ལིང་གིས་བཀལ༔ སྡུག་བསྔལ་བཟོད་དཀའ་ཅི་དང་ཅི་བྱུང་ཡང་༔ ཐམས་ཅད་རང་གིས་སྔོན་བསགས་ལས་ཡིན་བསམ༔ ཚེ་འདིར་དམ་ཆོས་རྣམ་དག་ཞིག་མེད་ན༔ སྤྱིར་ན་སེམས་ཅན་སྒོས་སུ་ཕ་མ་ཡི༔ དྲིན་ཅན་དྲིན་ལན་བདག་གིས་འཁོར་ཐབས་བྲལ༔ བསམ་ཞིང་རང་ཡུལ་སྲིན་པོའི་གླིང་འདྲ་བ༔ སྤངས་ནས་དཀའ་སྤྱད་སྙིང་རུས་ཆེན་པོ་ཡིས༔ མདོ་སྨད་ཤར་ཕྱོགས་མགོ་ལོག་ཡུལ་གླིང་དུ༔ སྔོན་གྱི་སྨོན་ལམ་ལས་འཕྲོའི་སྟོབས་ཀྱིས་འཕངས༔ རང་ཉིད་ལུས་དམན་ལོངས་སྤྱོད་དབུལ་བ་ཡིས༔ འགྲོ་བ་ཀུན་གྱིས་བརྙས་དམོད་སྣ་ཚོགས་བྱེད༔ ཟབ་པ་ས་ཡི་གཏེར་ལ་དབང་ན་ཡང་༔ གྲོགས་དང་逃？。 ཆོས་བདག་གཞན་རྐྱེན་སཔྟས་བསྒྱུར༔ དེ་ལྟར་རྐྱེན་ངན་དུ་མས་མནར་བའི་ཚེ༔ བདགགིས་དབྱིངས་སྤྱོད་ཌཱ་ཀྐིའི་དཀྱིལ་འཁོར་ལ༔ ཚོགས་ཀྱི་མཆོད་པ་ཕུལ་ནས་འདི་སྐད་བསྐུལ༔ ཀྱེ་མ་ཀྱི་ཧུད་ཡེ་ཤེས་མཁའ་འགྲོ་རྣམས༔ ཐུགས་རྗེ་ཞི་བའི་དབྱིངས་སུ་མི་གཟིམས་པར༔ ལས་ངན་ཁོ་མོ་བདག་ལ་ཐུགས་རྗེས་གཟིགས༔ ཇི་ལྟར་བྱས་ཀྱང་མཁའ་འགྲོའི་བཀའ་ལུང་བཞིན༔ བདག་གིས་བསྟན་འགྲོའི་དོན་དེ་འབྱུང་བར་དཀའ༔ སྙིགས་དུས་འགྲོ་བ་ལོག་སྤྱོད་བདུད་ཀྱིས་བསླུས༔ ཆོས་བཞིན་སྤྱོད་པ་ཉིན་མོའི་སྐར་མ་