Tibetan
ཙམ༔ དཀོར་ནག་ལོག་འཚོའི་ཟས་ལ་སྨན་བཞིན་མཐོང་༔ རང་མགོ་མི་ཐོན་གཞན་མགོ་གཡོ་སྒྱུས་བསྐོར༔ གཤིན་པོའི་རོ་དོམ་གསོན་པོའི་དད་ཟས་ལེན༔ ལས་འབྲས་ཁྱད་གསད་མི་དགེ་སྣ་ཚོགས་སྤྱོད༔ དེ་འདྲའི་སྙིགས་དུས་རང་རྟགས་ངོམས་པའི་ཚེ༔ བདག་འདྲས་བསྟན་འགྲོའི་རྒུད་པ་ཅིའི་ཕྱིར་སེལ༔ མི་རྣམས་རྒྱུད་གྱོང་ལོག་ལྟ་ཆེ་བ་ཡིས༔ ཕར་ལ་གཅེས་པར་བསྐྱངས་ཀྱང་ཚུར་ལ སྡང་༔ ཆོས་དང་མཐུནཔར་སྤྱད་ན་གླེན་པ་ཟེར༔ རྒྱལ་བའི་བཀའ་བཞིན་བདག་བས་གཞན་གཅེས་ཀྱི༔ བཟང་ངན་རོ་སྙོམས་བཟོད་པའི་གོ་བགོས་ཀྱང་༔ བཟང་ངན་མི་ཤེས་མི་ངན་ཁྱི་ ༡3 འདྲ་ཟེར༔ དེ་ལ་སོགས་པའི་ངན་སྨོད་སྣ་ཚོགས་ཀྱིས༔ བདག་ལ་ཡོན་ཏན་མེད་པའི་ཚུལ་མཐོང་སྟེ༔ བརྙས་དམོད་ལོག་པར་ལྟ་བའི་གཞིར་གྱུར་པས༔ འགྲོ་དོན་ཕར་ཞོག་རང་གཞནཕུང་བའི་རྒྱུ༔ དེ་ཕྱིར་བདག་གིས་ལུས་ངན་འདི་བོར་ནས༔ ཆོས་ལྡན་སྐྱེས་པའི་ལུས་སུ་བདག་སྨོན་ཏེ༔ གུ་རུ་ཡབ་ཡུམ་ཐུགས་བཞེད་འགྲུབ་པ་དང་༔ ཌཱ་ཀྐིའི་བཀའ་བཞིན་བསྟན་འགྲོར་སྨན་ཐབས་བརྩོན༔ ཡེ་ཤེས་དབྱིངས་བཞུགས་རྣམས་ཀྱིས་ད་དགོངས་འཚལ༔ ཅེས་པའི་འོ་དོད་དྲག་པོས་འབོད་པའི་མཐུས༔ དབྱིངས་ཀྱི་སྤྲུལ་པ་དབྱིངས་ཀྱི་རྒྱན་ཤར་བ༔ དབྱིངས་ཀྱི་ཡུམ་ཆེན་དབྱིངས་ཕྱུག་ཀུན་གསལ་མས༔ དབྱིངས་སྣང་ཌཱ་ཀྐིའི་བརྡགསང་འདི་སྐད་ངོམས༔ ཨེ་ཨེ་ཡཱ༔ ཤར་ནམ་མཁའི་ནོར་བུ་འོད་གསལ བ༔ འགྲོ་བའི་མུན་པ་བསལ་བར་ཕྱོགས་རིས་མེད༔ མ་མཁའ་འགྲོས་བསྐུལ་བའི་ཕོ་ཉ་ལ༔ ལུས་བཟང་ངན་ཕྱོགས་རིས་ཅིལ་སྲིད༔ རང་གདུལ་ཞིང་དང་སྨོན་ལམ་འཕྲོ་ལ་རག༔ ཁྱོད་ཐུགས་ངལ་སྐྱོ་སུན་མ་མཛད་དང་༔ ཁྱོད་རང་ལོ་བརྒྱད་ནས་བཅུ་བཞི་བར༔ སྔོན་པདྨ་མཚོ་སྐྱིད་སྨོན་ལམ་མཐུས༔ ལྷ་འདྲེ་ཡི་འགྲོ་དོན་ཅུང་ཟད་སྨིན༔ དེ་རང་མཐོང་མ་ཆེ་སྔོན་出 ལས་ཡིན༔ བཅོ་ལྔ་ནས་ཉི་ཤུ་ལ་བབས་ཚེ༔ ལས་སྡུག་བསྔལ་བཟོད་དཀའ་དུ་མ་མྱོང་༔ ཡིད་མ་ཞུམ་ལས་ཀྱི་མཐའ་མ་ཡིན༔ རྩ་གཅིག་ནས་རྩ་བརྒྱད་ལ་ཐུགས་ཚེ༔ ཡུལ་གདུལ་ཞིང་སྙིགས་པའི་རྐྱེན་དབང་གིས༔ ངན་འབྲེལ་ལས་བཟང་འབྲེལ་ཤིན་ཏུ་དཀོན༔ བློ་ཡིད་གཉིས་མེད་པར་པད་འབྱུང་དང་༔ མ་མཚོ་རྒྱལ་གསོལ་འདེབས་བརྩོན་ནུས་ན༔ དེ་ཕན་ཆད་རང་སྐལ་གཏེར་གྲོགས་དང་༔ ལས་ལྡན་གྱི་ཆོས་འཛིན་དང་འཕྲད་ནས༔ བསྟན་འགྲོ་བའི་དོན་ཆེན་རིམ་གྱིས་འབྱུང་༔ བཟང་འབྲེལ་ལས་ངན་འབྲེལ་རིམ་གྱིས་ཉུང་༔ སླར་བཟང་ངན་གང་གིས་འབྲེལ་གྱུར་ཀྱང་༔ དེ་ཁྱོད་ཀྱི་གདུལ་བྱའི་ཞིང་ཡིན་པས༔ ཆགས་སྡང་དང་དགའ་སྡུག་སྤྱོད་པ་སྤོངས༔ མཉམ་ཉིད་ཀྱི་རྫོང་མཁར་མ་ཞན་དགོས༔ མ་མཁའ་འགྲོས་མངགས་པའི་ཕོ་ཉ་ལ༔ རྟེན་འབྲེལ་གྱི་ཆོས་ལ་རག་ལས་པས༔ ཐབས་མཁས་པའི་ཚུལ་གྱིས་གཟབ་གལ་ཆེ༔ རང་གཏེར་སྟོན་ཨེ་འོང་རང་གིས་ཤེས༔ དབྱིངས་ཌཱ་ཀྐིའི་བཀའ་བཞིན་མ་བསྒྲུབ་ན༔ ཆོས་གཏེར་ལ་དབང་ཡང་སཔྟས་བསྒྲིབས༔ ལས་མི་འདོད་སྣ་འདྲེན་རང་གིས་བྱེད༔ ཁྱོད་གཏེར་ལ་དབང་ཡང་གཞན་རྐྱེན་སོང་༔ ཆོས་མི་ངོར་ཤོར་ནས ༡༠ ངྒཾ༔ ཁྱིམ་ཐབས་འཛིན༔ རང་གཏེར་གྱི་བྱ་བ་ཕག་ཏུ་ཡིབས༔ ལས་འདི་འདྲ་བྱེད་པ་ཨ་རེ་སྡུག༔ མ་མཁའ་འགྲོའི་ཞལ་ལུང་བཞིན་བསྒྲུབ་ན༔ ཁྱོད་ཚེ་འདིར་དོན་གཉིས་འབྱུང་བར་ངེས༔ བརྡ་གོའམ་རིགས་ལྡན་གཞོན་ནུ་མ༔ ང་དབྱིངས་ཀྱི་སྤྲུལ་པ་དབྱིངས་སུ་ཨ༔ ཟེར་བར་སྣང་ཞིང་དབྱིངས་སུ་འོད་དུ་ཡལ༔ བཅུ་དགུ་ནས་བཟུང་ཉི་ཤུ་རྩ་བརྒྱད་བར༔ སྐྱིད་སྡུག་མ་ངེས་ཆུ་ཡི་གཉེར་མ་བཞིན༔ བྱུང་ཞིང་ཕྱེད་ཀ་ཆོས་ཀྱི་ཕྱིར་དང་ནི༔ ཕྱེད་ཆ་འཇིག་རྟེན་ཕྱོགས་སུ་སྡུག་བསྔལ་མྱོང་༔ ཁྱད་པར་དབང་ཐོབ་བླ་མའི་བཀའ་བཞིན དུ༔ ཁྱིམ་ཐབས་བཟུང་ཞིང་འཁོར་བའི་བྱ་བར་བརྩོན༔ མི་ངོ་ལོན་པའི་དུས་ནི་ངས་མ་བྱུང་༔ རྐྱེན་དེས་བསྐུལ་ནས་འཁོར་བར་བློ་སུན་ཏེ༔ མི་མངོན་དཔལ་རིའི་ཞིང་དུ་འགྲོ་སྙམ་ཚེ༔ མི་མིན་ཡུལ་གྱི་བུ་མོ་མཛེས་མ་གཉིས༔ རིན་ཆེན་དུ་མས་བརྒྱན་ཅིང་ངག་སྙན་སྒྲས༔ ཨེ་མ་གསོན་དང་གྲོགས་མོ༔ ངེདགཉིས་ཁྱེད་ཀྱིས་ཤེས་སམ༔ མི་མངོན་ཞིང་ནས་འོང་བའི༔ བཞིན་མཛེས་ཌཱ་ཀྐི་ངེད་གཉིས༔ ཁྱོད་ལ་ངག་གསལ་བསྒྲོན་ཡོང་༔ བདེ་བདེ་མཁའ་འགྲོའི་གྲོང་ན༔ གྲོགས་ཁྱོདབྱོན་ན་ལེགས་བསམ༔ དུས་ངན་མི་ཡི་བློ་སེམས༔ བདུད་དབང་ གྱུར་པ་ཨེ་ནམ༔ གྲོགས་ལ་འཐབ་འཁོན་མ་བྱེད༔ ཉམས་པའི་གྲིབ་ཀྱིས་འཚེ་བས༔ ཁྱོད་ལ་སྡང་འོང་ཨེ་ནམ༔ མི་མོ་གསལ་གྱི་མིང་ཅན༔ ཁྱོདཀྱི་དགེ་བའི་བསྐུལ་མ༔ དེ་ལ་ཆགས་སྡང་སྤོངས་ལ༔ གང་དགར་བཞག་པ་ཨེ་ནམ༔ ལྷོ་ཡི་ལྕགས་སྦྲུལ་སྨུག་ཆུང་༔ སྒྲ་བརྒྱའི་གཙུག་ཏུ་འཆང་ན༔ རིང་མིན་ཉེ་ནས་དོན་གཉིས༔ ནོར་བུ་ལོན་པ་ཨེ་ནམ༔ ད་ལན་ངེད་ཅག་གནས་སུ༔ ཁྱོད་བགྲོད་སྟབས་ལྡན་མེད་ཚེ༔ ཅང་ཤེས་ཅང་ཤེས་ལོ་འཛིན༔ སྐྱེས་བུ་དེ་ཡིས་བསྐུལ་ནས༔ བཛྲ་མིང་གི་མཐུན་རྐྱེན༔ དུས་སུ་འཛོམས་པ་ཨེ་ནམ༔ ལོ་གསུམ་ཟླ་གསུམ་བར་དུ༔ མི་ཡི་རྒྱུད་འགྲུལ་སྤངས་ནས༔ སྒྲུབ་པ་ཉམས་ལེན་བརྩོན་ན༔ མཁའ་འགྲོའི་དུས་ཚིགས་འཆུག་མེད༔ ས་ག་ཟླ་བའི་འབོད་པ༔ ཕྲན་བུ་དེས་སེལ་ཨེ་ནམ༔ ལས་དང་བྱ་བ་གང་བྱེད༔ ཌཱ་ཀྐིའི་ཞལ་ལུང་ཇི་བཞིན༔ ཁྱོད་ཀྱིས་ལེགས་པར་བསྒྲུབ་ན༔ གཏེར་གཉིས་བསྟན་པའི་བ་དན༔ ཁྱོད་ལ་དབང་བ་ཨེ་ནམ༔ དུས་དང་དུས་སུ་འབྱུང་འགྱུར༔ བརྡ་དོན་ཁྱོད་ལ་སྨྲ་འོང་༔ གཞན་ལ་མ་སྨྲ་གསང་རྒྱ༔ ཙིཏྟའི་ཀློང་དུ་སྦ་མཛོད༔ ཅེས་ཟེར་ནམ་མཁའི་ཀློང་དུ་འཇའ་ལྟར་ཡལ༔ རྐྱེན་དེས་འབྱུང་འདུས་ཅུང་ 公” ཟད་འཁྲུགས་པ་དང་༔ གཏེར་ཆེན་ཀརྨ་གླིང་པའི་སྤྲུལ་པ་དངོས༔ འཇིགས་བྲལ་ཆོས་ཀྱི་བློ་གྲོས་རིན་པོ་ཆེ༔ མཁྱེན་བཞིན་ཆོས་དམ་གཉན་པོའི་བཀའ་ནན གྱིས༔ བདག་ནི་མཁའ་འགྲོའི་བཀའ་བཞིན་འགྲོ་ཐབས་དབེན༔ དེ་སྐབས་ཤིག་ལ་གུ་རུ་ཡིན་སྐད་པའི༔ པཎྜི་ཏ་ཡི་ཆ་བྱད་དགེ་བཙུན་ཞིག༔ བདག་ནི་ཕྱུགས་རྫིར་ཡོད་པ་དེར་བྱོན་ནས༔ ཁྱོད་ཀྱིས་ང་ནི་ཨེ་ཤེས་ལན་གསུམ་ཟེར༔ བདག་གིས་སྨྲས་པ་གུ་རུ་ཁྱོད་ཡིན་ན༔ དུས་གསུམ་མཁྱེན་པའི་མངོན་ཤེས་ཁྱོད་ལ་མངའ༔ མཛད་པ་བསམ་ཡས་རྫུ་འཕྲུལ་ཐོགས པ་མེད༔ དངོས་གྲུབ་མཆོག་བརྙེས་འདྲེན་པ་ཀུན་གྱི་གཙོ༔ བླ་མེད་བླ་མ་ཁྱོད་ལ་གུས་ཕྱག་འཚལ༔ བདག་དང་བདག་ལ་འབྲེལ་བཅས་འགྲོ་བ་ཀུན༔ ཚེ་འདིའི་སྣང་བ་ནུབ་པར་གྱུར་མ་ཐག༔ རྗེ་བཙུན་གུ་རུ་ཁྱོད་དང་དབྱེར་མེད་པར༔ ཆོས་དབྱིངས་གདོད་མའི་ཀློང་དུ་བྱང་ཆུབ་ཤོག༔ ཅེས་གསོལ་དགེ་སྦྱོང་ཞལ་ནས་འདི་སྐད་གསུངས༔ ང་ནི་རྒྱུ་མེད་རྐྱེན་མེད་སྤྲུལ་པའི་སྐུ༔ འགྲོ་བའི་དོན་དུ་རང་བྱུང་ལྷུན་གྱིས་གྲུབ༔ དགེ་སྦྱོང་བདག་ལ་འགྲོ་བའི་དོན་ལས་མེད༔ ལུས་མེད་ལུས་མཆོག་རྡོ་རྗེའི་སྐུ་བརྙེས་ཕྱིར༔ སོ་སྐྱེས་རྣམས་ཀྱིས་པད་འབྱུང་ཞལ་∽品 རྒྱང་རིང་༔ སྔོན་སྨོན་སྟོབས་དང་མོས་པས་རྒྱུད་བསྐུལ་ན༔ དད་པ་ཅན་གྱིས་པད་འབྱུང་དུས་དྲུག་ཏུ༔ ཞལ་མཇལ་གསུང་ཐོས་དགོངས་བརྒྱུད་བྱིན་རླབས་ཐོབ༔ ཁྱོད་ཀྱང་ལས་འཕྲོ་ལྡན་པས་ང་དང་མཇལ༔ ཐབས་ཀྱི་གྲོགས་སྤངས་སྔགས་ལ་ཐེ་ཚོམ་པས༔ ང་ཉིད་ཐ་མལ་ལུས་ཅན་དགེ་སྦྱོང་མཐོང་༔ ད་ནི་རང་སྐལ་གཏེར་ལ་སྤྱོད་འདོད་ན༔ འདི་ནས་ཉི་མ་ལྷོ་ཕྱོགས ཉེ་ཆ་ན༔ ང་མིན་ང་དང་གཉིས་མེད་གཏེར་སྤྱོད་མཁན༔ རྡོ་རྗེའི་རིགས་ཅན་སེམས་དཔའ་རསྨིའི་མིང་༔ དཔའ་བོ་དེ་དང་ཁྱོད་གཉིས་ལྷན་འཛོམ་ན༔ ལྷོ་ནས་ལྷོ་རུ་གཏེར་གཉིས་བསྟན་པ་དར༔ ལྕགས་སྦྲུལ་ནག་པོ་འབྲུག་གི་ལྟོ་བར་སྙན༔ ངང་པའི་ཁྱུ་ཚོགས་ཕྱོགས་ནས་སྤྲིན་བཞིན་འདུ༔ ཁྭ་ཏ་ནག་པོས་དུག་ཆར་མ་བཏང་ན༔ དྲུག་ཅུའི་བར་དུ་མཐའ་དམག་དུས་འཁྲུགས་གཞོམ༔ བོད་ཁམས་བདེ་སྐྱིད་ཉི་མ་ཅུང་ཞིག་ཤར༔ རང་གཏེར་ཁ་བྱང་བཞིན་དུ་དུས་རྟགས་དང་༔ རྟེན་འབྲེལ་ལ་སོགས་གནད་ཟབ་གལ་ཆེའོ༔ ཞེས་གསུངས་རྐྱེན་དེས་སྣང་བ་གནས་འགྱུར་ཏེ༔ དག་པ་མཁའ་འགྲོའི་ཚོགས་གྲལ་ལ་སླེབས་ནས༔ ཀ་ལ་པིང་ཀའི་བརྡ་ཡི་རྒྱུད་མངས་ལས༔ ཟབ་གཏེར་ཆོས་ཀྱི་ཁ་བྱང་འབྲིང་པོ་ལོན༔ འཕྲལ་དུ་བི་མ་ ༡3རསྨིས་རྗེས་བཟུང་ནས༔ གངས་རི་གཉིས་པ་རྨ་ཆེན་སྤོམ་ར་ཡི༔ ནུབ་སྒོ་དབང་ཕྱུག་མ་བདུན་ཉེ་འཁོར་ནས༔ ཆོས་ཉིད་མཁའ་འགྲོའི་གསང་མཛོད་ཟབ གཏེར་དྲངས༔ གཞན་ཡང་སྨོན་འགྲུབ་ཨ་ཤྭའི་མཆོད་སྡོང་དང་༔ ལྕགས་རི་འོད་འབར་དང་ནི་སྡོང་རྫོང་གནས༔ ཁྱུང་དྲག་རྩེ་དང་པདྨ་རི་མཐོ་དང་༔ སྤྲེལ་རྫོང་ལ་སོགས་གནས་ཆེན་གནས་ཕྲན་ནས༔ རེས་འགའ་ཆོས་གཏེར་རེས་འགའ་རྫས་གཏེར་བཏོན༔ དེ་དག་རྣམས་ཀྱི་སྐབས་སུ་ལུང་བསྟན་སོགས༔ དུ་མ་སྣང་ཡང་གདུལ་ཞིང་སྙིགས་རྐྱེན་གྱིས༔ རྟེན་དང་འབྲེལ་འབྱུང་སབྟའི་དབང་དུ་སོང་༔ དུས་བབས་རྟེན་འབྲེལ་ལྡན་པའི་ཟབ་ཆོས་ནི༔ དཔེར་ན་ཆུ་རྡོལ་ས་ཡིས་མི་ཁེགས་ལྟར༔ རྐྱེན་ངན་རླུང་ལྟར་འཚུབ་ཀྱང་ཡང་མེད༔ སྐལ་ལྡན་ཆོས་བརྒྱུད་འཛིན་པའང་ངང་གིས་འཕྲད༔ ཆོས་བརྒྱད་བྱ་བ་ཐབས་ཀྱིས་སྤངས་ནུས་བྱུང་༔ རྩ་དགུ་ནས་བཟུང་སུམ་ཅུ་རྩ་གཉིས་བར༔ འཕྲལ་གྱི་རྐྱེན་དང་སྔོན་གྱི་ལས་སྨིན་ནས༔ གྲོགས་ཀྱིས་དོར་ནས་དགོས་མེད་ཁྱི་བཞིན་ཕུད༔ མི་བཟོད་ནདགཞི་དྲག་པོས་རྐྱེན་བསྐུལ་ཏེ༔ སྐྱབས་རྗེ་འཁོར་ལོའི་མགོན་པོ་ལས་འབྲེལ་པས༔ རྗེས་བཟུང་སྨིན་གྲོལ་གདམས་པའི་°品 ཆོས་མཛོད་ཀྱིས༔ བདག་བློའི་མ་རིག་མུན་པ་དྲུང་འབྱིན་ནས༔ ཤེས་རབ་ཡེ་ཤེས་སྒོ་བརྒྱའི་གསང་མཛོད་ཕྱེས༔ ཐོས་བསམ་ཡོན་ཏན་ནོར་གྱིས་ཕྱུག་པར་མཛད༔ ཁྱད་པར་ནང་དོན ཡེ་ཤེས་མངོན་སུམ་དུ༔ སད་ཅིང་ཟུང་འཇུག་ཕྱག་རྒྱའི་གྲོལ་ལམ་ཐོབ༔ དེའི་མཐུས་ཕྱི་ཡི་གདུལ་ཞིང་སྙན་གྲགས་རྒྱས༔ ནང་དུ་དབུ་མགྲིན་རྩ་ཡི་མདུད་རྒྱ་ཁྲོལ༔ གསང་བ་མི་རྟོག ཡེ་ཤེས་མངོན་གྱུར་ནས༔ ཟབ་གཏེར་བྲིས་སྤེལ་བསྟན་པ་ཆེས་ཆེར་རྒྱས༔ འགྲོ་དོན་གདུལ་བྱ་འབད་མེད་ངང་གིས་དར༔ ལྷ་དང་མཁའ་འགྲོ་ཆོས་སྐྱོང་གཏེར་བདག་ཚོགས༔ ལུས་དང་གྲིབ་བཞིནའགྲོགས་ནས་མཐུན་རྐྱེན་བསྒྲུབ༔ ལུང་བསྟན་བསླབ་བྱ་གསུངས་པ་གཞན་དུ་གསལ༔ སྐབས་ཤིག་འགྲོ་འདུལ་དཔའ་བོའི་བཀས་བསྐུལ་ནས༔ ཁྲོམ་གྱི་སྟེང་ར་བྲག དཀར་ཉེ་ཆ་ན༔ གནས་བཅས་ཡོད་སྐབས་མི་མིན་བུ་མོ་བཞི༔ སྟག་སེང་དོམ་དང་སྨྲ་མཁས་གདོང་ཅན་བཞིས༔ མགྲིན་གཅིག་སྙན་པའི་དབྱངས་ཀྱིས་འདི་སྐད་ཟེར༔ ཧ་ཡ་ཧི༔ གསོན་དང་རྣལ་འབྱོར་དབང་མོ༔ ཏི་གྲོ་མཁའ་འགྲོའི་རྫོང་ནས༔ ཀུན་གཟིགས་ཡེ་ཤེས་དབང་མོས༔ ཁྱོད་ལ་ངག་གསལ་བསྐུར་ཡོད༔ གནས་མཆོག་རྡོ་རྗེ་བྲག་རྫོང་༔ རྡོ་རྗེ་ ༡3༡3 མཁའ་འགྲོའི་འདུ་རར༔ ཟབ་ཆོས་དགོངས་པ་འདུས་པ༔ ཌཱ་ཀྐིའི་ཐུགས་ཀྱི་ཏི་ཀ༔ དུས་བབས་རྟེན་འབྲེལ་ལེགས་པས༔ ཨཀྵའི་དཔལ་དུ་ཤར་བ༔ དུས་ནི་ཅང་ཤེས་ངོམས་དུས༔ ཉེ་མིན་རིང་ནས་སྲུང་མས༔ ཁྱོད་ལ་རང་གཏེར་སྤྲད་ངེས༔ ཟབ་ཕྱིར་འཚུབས་ལྷོངས་ཆེ་བས༔ དེ་ལ་སྟབས་ཀ་གཟབ་དགོས༔ ཀུན་གསལ་རྟ་བདུན་དཀྱིལ་འཁོར༔ ས་འཛིན་འཁུན་པའི་སྒྲ་ཡིས༔ ཆུ་འཛིན་ནག་པོས་བསྐུལ་ནས༔ གསལ་བྱེད་གཟི་མདངས་ཉམས་སྲིད༔ དེ་ལ་ཤེས་རབ་མ་ཞན༔ སྙན་སྙན་ཚིག་གིས མདུན་བསུས༔ མི་སྙིང་གདོན་གྱིས་བསྒྱུར་ནས༔ མི་འདོད་ཡོ་ལངས་སྣ་ཚོགས༔ སྨྲ་མིང་འཛིནགྱིས་བསྐུལ་ལ༔ ཅི་ཆ་ཅི་འགྱུར་ཅི་ཡོད༔ དུས་སུ་འབྱུང་འགྱུར་ངེས་ཚིག༔ ཌཱ་ཀྐིའི་བརྡགསར་ངོམས་འོང་༔ ཨེ་གོ་ཨེ་གོ་གྲོགས་མོ༔ ཞེས་ཟེར་ལན་དུ་བདག་གིས༔ ཁྱོད་ཅག་སུ་ཡིན་དྲིས་ཚེ༔ གཏམ་མཇུག་མ་རྫོགས་གཞན་རྐྱེན་ཞིག་གིས་ནི༔ གཉིད་ལས་སད་ཅིང་ཉམས་སྣང་རང་སར་ཡལ༔ འོན་ཀྱང་ཌཱ་ཀྐིའི་བརྡ་བྱང་ཇི་བཞིན་དུ༔ ཟབ་གཏེར་སྤྱན་དྲངས་བྲི་སྤེལ་གསལ་ཁྱབ་བྱས༔ དེ་སྐབས་གོ་འཇོའི་རྒྱལ་པོ་ཡིན་སྐད་པའི༔ མི་ནག་ལྭ། °品 བ་དཀར་པོ་ཅན་ཞིག་གིས༔ འཇིགས་པའི་ངར་སྐད་ཆེན་པོས་འདི་སྐད་ཟེར༔ ཁྱོད་ནི་མ་ངེས་པ་ཡི་བུད་མེད་ཞིག༔ ཡུལ་འདིར་འོང་དོན་ཅི་ཡིན་གང་ནས་ཡིན༔ འདི་རུ་མ་འདུག་འུ་ཅག རྩོད་པ་ཡོང་༔ དེ་བས་བདེ་སྐབས་ཁྱོད་རང་ཡུལ་གཞན་སོང་༔ ཞེས་ཟེར་ཨམ་གཙིགས་བསྡམས་ནས་ཞེ་སྡང་ངོམས༔ བདག་གིས་སྨྲས་པ་ཁྱོད་འདྲའི་ལས་ངན་གྱི༔ མ་ངེས་པ་ཡི་མི་ཞིག་ངས་མ་མཐོང་༔ ཁྲོམ་ཁོག་འདི་ནི་རྒྱ་བོད་ཀུན་གྱི་ལམ༔ ཁྱོད་རང་གཅིག་པུར་ཐོབ་པ་ངས་མ་གོ༔ འོན་ཀྱང་ང་ནི་ཡུལ་དང་ཕ་མ་མེད༔ གཅིག་པུར་རྒྱལ་ཁམས་གང་བདེར་འགྲོ་བ་ཡིན༔ ལུས་དང་ལོངས་སྤྱོད་གཅེས་འཛིན་བདག་ལ་མེད༔ ལས་སྣང་འཁྲུལ་པའི་ལྷ་འདྲེར་འགྱེད་དུ་བཏང་༔ གཟུགས་ཅན་གཟུགས་མེད་ཀུན་ལ་སྙེམས་ཐག་ཆོད༔ གང་ཤར་གང་སྣང་སེམས་ཀྱི་ཆོ་འཕྲུལ་ཤེས༔ གཅེས་འཛིན་འཁྲུལ་སྣང་བཤིག་པའི་གདམས་པ་ཡོད༔ གློ་བུར་རྐྱེན་ལས་ཁྱོད་འདྲའི་ཡིད་གཟུགས་ཤར༔ ཕན་དང་གནོད་མེད་ཐམས་ཅད་ཆོས་སྐུའི རྩལ༔ ཡེ་གྲོལ་སྐྱེ་མེད་ཡུམ་ཆེན་དགོངས་ཀློང་ཕཊ༔ ཅེས་བརྗོད་རིག་སྟོང་མཐའ་བྲལ་ཆེན་པོའི་ངང་༔ དག་མཉམ་དབྱིངས་སུ་ཅུང་ཞིག་ངལ་གསོས་ཚེ༔ འཁྲུལ་སྣང་རྨི་ལམ་ལྟ་བུ་ ༡༠ ངྒཾ༔ དབྱིངས་སུ་ཡལ༔ སོ་གསུམ་ནས་བཟུང་ད་ལ་ཐུག་གི་བར༔ རང་ཉིད་བསོད་ནམས་ཆུང་བའི་རྐྱེན་དབང་གིས༔ སྐྱབས་རྗེ་ཐམས་ཅད་མཁྱེན་པ་སྙིང་གི་ནོར༔ པདྨ་ལས་འབྲེལ་མཁའ་འགྲོའི་གླིང་དུ་གཤེགས༔ ཁོ་མོ་བདག་ནི་མགོན་མེད་ཤུལ་དུ་བོར༔ གནས་དང་གྲོགས་མེད་ས་མཐར་སྤྱུགས་ནས་ཀྱང་༔ ཀུན་གྱི་མིག་ལ་ཚེར་མ་ལྟ་བུར་གཟན༔ སྐྱབས་རྗེ་བླ་མའི་ཐུགས་ཀྱི་སྲས་གཅིག་པུ༔ རྡོ་རྗེའི་མཆེད་པོ་སྣ་ཚོགས་རང་གྲོལ་པས༔ ཁྱོད་ནི་བཀའ་དྲིན་ཅན་གྱི་གཟུངས་མ་མཆོག༔ ཡིན་ཕྱིར་ཐག་རིང་ཡུལ་དུ་སྤྱགས་ས་དབེན༔ གསུངས་ཏེ་ཆོས་དམ་གཉེན་པོ་དཔང་བཞག་མཛད༔ རྐྱེན་དེས་ལོ་ཤས་སེར་དགོན་གནས་སུ་བསྡད༔ གཏེར་ཆེན་ཡབ་སྲས་གཉིས་ཀྱི་ཟབ་ཆོས་རྣམས༔ འཛིན་སྐྱོང་སྤེལ་སོགས་སྐྱབས རྗེའི་བཀས་གནང་ལྟར༔ ཉེ་རིང་ཀུན་ལ་ཟབ་གཏེར་དར་རྒྱས་སྤེལ༔ ཁྱད་པར་ཆོས་བདག་པྲཛྙཱ་རསྨིའི་གཙོས༔ ལས་ཅན་རྣམས་ལ་གཏེར་གཉིས་ཕ་ཕོགས་གཏད༔ གཞན་ཡང་སྐལ་ལྡན་གྲངས་ལས་འདས་པ་ཡིས༔ ཟབ་ཆོས་ཉམས་བླངས་དབེན་སར་སྒྲུབ་ཚུགས་བཟུང་༔ དོན་གཉིས་མཛད་པས་གཏེར་གཉིས་བསྟན་པ་བསྐྱངས༔ སྐྱབས་རྗེ་བླ་མའི་ཡང་སྲིད་ཁྲིར་ འཁོད་ཚེ༔ བདག་གི་སེམས་ཀྱི་སྡུག་བསྔལ་ཅུང་ཟད་ཞི༔ འོན་ཀྱང་བདག་འདྲ་ནོར་སྐྱོངགྱི་ན་བར༔ གཡུ་རལ་ལྡན་པའི་སེང་གེའི་མིང་ཐོགས་པ༔ སྐྱབས་རྗེའི་ཡིད་བཞིན་ནོར་བུའི་དྲིན ལས་བྱུང་༔ དེ་དོན་བསམ་ན་སེམས་སྐྱོ་དྭངས་དུས་མེད༔ ཀུན་གསལ་རྟ་བདུན་དཀྱིལ་འཁོར་འཆར་བའི་ཚེ༔ སྐྱབས་རྗེ་ཡིད་བཞིན་ནོར་བུའི་སྐུ་དཀྱིལ་དྲན༔ འོད་ཀྱིས་ཕྱོགས་ཀུན མུན་པ་སེལ་བའི་དུས༔ ཐུགས་རྗེ་ཕྱོགས་རིས་མེད་པའི་ཡོན་ཏན་དྲན༔ སྟེང་ཕྱོགས་ནམ་མཁའི་ཀློང་ནས་ནུབ་རིར་ཕྱོགས༔ རྗེ་ཉིད་བདག་ཅག་འགྲོ་བའི་མགོན་བྱོན་ནས༔ གཟུགས་སྐུ་མྱ་ངན་འདས་པའི་བཀོད་པ་དྲན༔ མཁའ་ཀློང་ཡངས་པའི་དབྱིངས་ཉིད་མཐོང་བའི་ཚེ༔ གཞི་དབྱིངས་དག་པ་ཆོས་སྐུའི་ཀློང་ཉིད་ནས༔ རང་བྱུང་ལྷུན་གྲུབ་གཟུགས་སྐུའི་སྣང་བ་དྲན༔ བརྡ་རྟགས་ཅི་དང་ཅི་མཐོང་ཅི་ཤར་ཡང་༔ སྐྱབས་རྗེ་བླ་མ་ཡིད་བཞིན་ནོར་བུ་དྲན༔ དབེན་དགོན་གང་དུ་བསྡད་ཀྱང་བླ་མ་དྲན༔ ཉམས་ལེན་གདམས་ངག་བསམ་ཚེ་བླ་མ་དྲན༔ གཞུང་བཟང་མཆེད་གྲོགས་མཐོང་ཚེ་བླ་མ་དྲན༔ ཅི་དང་ཅི་ལ་བསམ་ཀྱང་བླ་མ་དྲན༔ འདྲེནསྟོན་པདྨ་ལས་འབྲེལ་ཁོང་རང་དྲན༔ དྲན་ནས་དུས་ཀུན་གསལ་བྱེད་ཆུ་རྒྱུན་འབེབས༔ བློ་ ༡༡ སེམས་གདུང་བས་སྐྱོ་ནས་དྲན་པ་འཁྲུལ༔ རྟག་ཏུ་བསྟེན་ཀྱང་སྐད་ཅིག་ཡུད་ཙམ་འདྲ༔ སྨིན་གྲོལ་ཐོབ་པ་མང་ཡང་སྐད་ཅིག་ཙམ༔ འདི་འདྲའི་བཀོད་པ་དྲན ཚེ་ཀྱེ་མ་ཧུད༔ སྐུ་ཞལ་མཐོང་ཚེ་དད་མོས་གཏིང་ནས་སྐྱེས༔ གསུང་ཐོས་ཙམ་གྱིས་སྨིན་གྲོལ་ལམ་སྣ་ཟིན༔ ཐུགས་ཀྱི་དགོངས་པས་གསང་མཛོད་སྒོ་བརྒྱ་འབྱེད༔ འགྲོ་བའི་ཁམས དབང་དང་བསྟུན་ཆོས་ཆར་འབེབས༔ འགྲོ་རྣམས་འཁོར་བའི་འཕྲང་ལས་ཐར་བར་མཛད༔ གཏན་བདེའི་བླ་མེད་གོ་འཕང་མཆོག་བརྙེས་ནས༔ གདོད་མའི་དབྱིངས་སུ་གྲོལ་བའི་དེད་དཔོན་མཛད༔ བཀའ་དྲིན་བསམ་ལས་འདས་ཤིང་འཁོར་ཐབས་བྲལ༔ དེ་དོན་བསམ་ཞིང་གདུང་བས་རྒྱུད་བསྐུལ་ནས༔ རྗེ་བཙུན་བླ་མ་དྲན་པའི་སྨྲེ་བསྔགས་ཤོར༔ འོན་ཀྱང་བླ་མའི་སྐུ་དྲིན་གསོབ་ཕྱིར་དུ༔ རང་དོན་ཡིད་བྱེད་བློ་ངན་རྒྱང་སྤངས་ནས༔ སྐལ་ལྡན་རྣམས་ལ་ཟབ་གཏེར་འཆད་སྤེལ་དང་༔ སྒོ་གསུམ་བྱ་བ་ཆོས་དང་མཐུན་བྱས་ཏེ༔ བསེ་རུ་ལྟ་བུར་དབེན་སར་སྒྲུབ་ཚུགས་བཟུང་༔ གཏེར་ལ་དབང་ཡང་གཏེར་སྤྱོད་ངས་མི་ཐོན༔ ཕ་ཆོས་བུ་ཡིས་འཛིན་ན་དེས་མཆོག་སྙམ༔ རང་གཏེར་ཟབ་མོ་ས་ཡི་གཏེར་གནས་ནི༔ སྐུ་ཡི་གནས་གསུམ °品 ཐུགས་ཀྱི་གནས་གསུམ་དང་༔ བྲག་དཀར་གསུམ་དང་རྫོང་གསུམ་སྦས་གནས་གཉིས༔ དེ་དག་གཏེར་གྱི་གནས་སུ་བཤད་པ་ཡིན༔ ཟབ་པའི་ཆོས་ཀྱང་རྩ་བ་སྡོང་པོ་དང་༔ ཡལ་ག་མེ ཏོག་དང་ནི་འབྲས་བུའི་ཆོས༔ ས་གཞི་ལྟ་བུའི་དགོངས་པ་མི་འགྱུར་གཏེར༔ ཕྲིན་ལས་ཁ་ཚར་གཏེར་ནི་བསམ་མི་ཁྱབ༔ གཏེར་གྱི་གྲོགས་ཀྱང་མཆོག་གཉིས་རབ་གསུམ་དང་༔ རིགས་ལྔའི་ཆར་གཏོགས་སེམས་དཔའ་ཆེན་པོ་ལྔ༔ ཆོས་ཀྱི་བདག་པོ་བཀའ་བབས་བུ་བཞི་དང་༔ མཆོག་བརྒྱད་དང་ནི་ཉེར་ལྔ་བརྒྱ་རྩ་སོགས༔ འབྱུང་གནས་རིམ་གཉིས་འབྲས་བུ་ཚེ་འདིར་ལོན༔ ཆོས་གཏེར་འབྱེད་པའི་དུས་རྟགས་རྟེན་འབྲེལ་པོ༔ ཁ་བྱང་དང་ནི་ཡང་བྱང་སྙིང་བྱང་དང་༔ ཟུརབྱང་ལ་སོགས་སྐབས་དོན་ཌཱ་ཀྐིས་སྤྲད༔ འགྲོ་དོན་གདུལ་ཞིང་ཡུལ་ལྔ་ཁྱད་པར་དུ༔ ཤར་གྱི་ཕྱོགས་དང་ལྷོ་རུ་དར་བར་བསྟན༔ དེ་ལྟར་རང་གཏེར་རྩ་ཚིག་མདོར་བསྡུས་འདི༔ སྐལ་བཟང་བུ་སློབ་རྣམས་ཀྱི་བཞེད་སྐོང་ཕྱིར༔ དོན་ཆེ་ཚེགས་ཆུང་ཕྲིན་ལས་ཡིག་གཟུགས་བཀོད༔ ཐ་མལ་སོ་སྐྱེས་ལུས་དམན་བདག་ལྟ་བུར༔ ལེགས་བཤད་གསང་བའི་ཡོན་ཏན་ཅིའི་ཕྱིར་སྣང་༔ འོན་ཀྱང་བརྒྱུད་ལྡན་བླ་མའི་ཐུགས་རྗེ་དང་༔ ཚོགས་གཉིས་ ངྒཾཿ འབྲས་བུར་སྨིན་པའི་དོན་དམ་གྱིས༔ སྐྱེ་ཕྲེང་དུ་མར་ཆོས་ལྡན་ལུས་ཐོབ་ནས༔ རིགས་ཅན་རྣམས་ཀྱི་ཐུགས་ཀྱི་དགྱེས་པ་བསྐྱེད༔ ཟབ་གཏེར་མངའ་བདག པདྨ་གླིང་པ་ཡིས༔ རྗེས་བཟུང་སྨིན་གྲོལ་ཆོས་ཀྱི་དབུགས་དབྱུང་བས༔ སྔོན་གྱི་འཕྲོ་སད་ཟབ་གཏེར་ཕྲན་བུར་དབང་༔ དེ་ནས་རིམ་བརྒྱུད་སྐྱེ་ཕྲེང་ཆ་ཤས་སུ༔ ཟབ་མོ་གཏེར་གྱི་དངོས་གྲུབ་ཕྲན་རེར་དབང་༔ འཁོར་སློབ་གདུལ་བྱ་སྐྱོང་འདོད་བློ་མེད་ཀྱང་༔ སྨོན་ལམ་དབང་གིས་གདུལ་བྱ་ཐབས་ཀྱིས་བསྐྱངས༔ ལེགས་བཤད་གསང་བའི་ཡོན་ཏན་ཆེར་མེད་ཀྱང་༔ རང་གི་གནས་ཚུལ་མདོར་བསྡུས་ཕྱོགས་ཙམ་འདི༔ ཐོབ་ཐང་ཆོས་བརྒྱད་སྔོན་བསུ་བྱས་པ་མིན༔ སྐལ་བཟང་བུ་སློབ་རྣམས་ཀྱི་ཞལ་མ་བཅག༔ རྫུན་ཚིག་ཡི་གེའི་རིས་སུ་བྲིས་པ་ཡི༔ དགེ་འདིས་བསྟན་འཛིན་སྐྱེས་བུའི་ཞབས་པད་བརྟན༔ ཕྱི་ནང་རྟེན་འབྲེལ་ལེགས་འགྲིགས་བསོད་ནམས་