Tibetan
དྲུག་ཡེ་ནས་ལྷ་རུ་ཤར། །མྱོང་ཚོར་དང་རེག་ཐོས་མཐོང་ཆོས རྣམས། །བདེ་སྟོང་གི་ཡེ་ཤེས་བདུད་རྩི་ཆེ། །རང་སྣང་དང་རང་གྲོལ་རང་ཤར་ཀློང་། །ན་ར་ཀར་ལྟུང་བའི་དོན་མ་གོ །སྣང་སྲིད་ཀུན་ཡེ་ནས་དག་མཉམ་ངང་། །གདིང་བཞི་ཡི་དྲོད་ཚད་སྟོབས་ལྡན་ན། །འདོད་ཡོན་གྱི་སྒྲིབ་པ་སོགས་ཡུལ་དབེན། །ཆོས་ཉིད་ཀྱི་བདེན་པ་མཐོང་གྱུར་ནས །གང་སྣང་བ་ཡེ་ཤེས་རྒྱན་དུ་ཤར། །བླང་དོར་དང་རེ་དོགས་གཉིས་འཛིན བྲལ། །གཉིས་མེད་ཀྱི་ཡེ་ཤེས་ཞལ་མཐོང་ན། །ན་ར་ཀ་རྡོ་རྗེ་སེམས་དཔའི་ཞིང་། །སྤྲང་དེ་རུ་བགྲོད་ན་ཅི་མ་རུང་། །གྲོགས་རྣམ་གཉིས་གསུང་བཟང་ཕེབས་པ་ལ །སྤྲང་བདག་གིས གོ་བ་མ་ལོན་ནས། །རང་གནས་ཀྱི་སྤྱོད་པ་མ་བཅོས་ཕུལ། །གྲོགས་མཆེད་ཚོགས་རྒྱམ་དང་པད་དབང་གཉིས་ལ་འདོད་ཡོན་གོལ་ཤོར་གྱི་ལན་དུ་བདེ་བའི་རྡོ་རྗེས་ཨ་མཚར་དུ་ཕུལ།། ༄༅། །དགེའོ།། །། རབ་འབྱམས་རྒྱལ་བའི་ཕྲིན་ལས་འགྲོ་བའི་མགོན། །བཀའ་དྲིན་འཁོར་མེད་པདྨ་ལས་འབྲེལ་ལ། །གསོལ་བ་འདེབས་སོ་ཐུགས རྗེའི་སྤྱན་གྱིས་གཟིགས། །མི་འབྲལ་བདེ་ཆེན་འཁོར་ལོའི་རྒྱན་དུ་བཞུགས །བདག་རྒྱུད་སྨིན་ཅིང་གྲོལ་བར་མཛད་དུ་གསོལ། །ཡང་གཅིག་གསོན་དང་སྐལ་ལྡན་རིགས་ཀྱི་བུ །དེང་སང་སྙིགས་དུས་འགྲོ་བློ་བདུད་ཀྱིས་བསྒྱུར། །དགོས་མེད་གཏམ་གྱིས་ལོག་ལྟའི་སྣ་འདྲེན་བྱེད། །དེ་ལ་ཐུགས་སུན་མ་མཛད་རོ་སྙོམས་མཛོད། །ནག་པོའི་བདུད་ནི་རྭ་ཅན་མི་འབྱུང་ཞིང་། །ཉེ་དུར་འབྲེལ་ཞིང་གཡོ་དང་བརྫུ་བས་འོང་། །དེ་ལ་དགའ་སྤྲོའི་ཞེན་པ་རྒྱང་ནས་སྤོངས། །མིག་འཕྲུལ་འཁོར་བའི་ཆོས་ལ་ཟིན་དུས་མེད། །རྙེད་ཚོལ་འདུ་འཕྲོ་ཆོས་བརྒྱད་བྱ་བ་སྤོངས། །གཅིག་པུར་དབེན་རིར་སྒྲུབ་ཚུགས་ཟིན་པར་མཛོད །དགྲ་གཉེན་ཆགས་སྡང་ཆུ་ཡི་གཉེར་མ་འདྲ །མགོ་སྙོམས་དུས་མེད་རང་སེམས་ངལ་བའི་རྒྱུ། །དགའ་སྡུག་ཆགས་སྡང་རང་གྲོལ་རྒྱ་ཡིས་ཐོབ །མདོར་ན་འཁོར་བའི་བྱ་བ་ཐམས་ཅད་ཀུན །སྲིན་བུའི་ཁ་ཆུས་རང་ཉིད་འཆིང་བ་བཞིན། །དགོས་མེད་སྡུག་བསྔལ་རིན་གྱིས་ཉོས་པ་འདྲ །དེ་ལ་རིང་དུ་ སྤངས་ནས་དམ་ཆོས་སྒྲུབས། །རང་བྱུང་རིག་པ་དྲི་མེད་མེ་ལོང་ལ། །འཁོར་འདས་ཆོས་ཀུན་རང་གསལ་ས་ལེ་བ །མ་བཅོས་མ་བསྒྱུར་ངང་ནས་སང་ངེ་བ། །ཐམས་ཅད་དག་མཉམ་བློ་བྲལ་ཝལ་ལེ་བ། །སྐུ་གསུམ་མཉམ་ཉིད་མངོན་གྱུར་ཧྲིག་གེ་བ། །མ་བཅོས་བཞི་ལྡན་གནས་ལུགས་རྫོགས་པ་ཆེ །རང་བྱུང་རིག་པ་ཀ་དག་དེ་ཀའོ། །མ་བཅོས་སེམས་ཉིད་རང་བབས ངང་ལ་ཞོག །ཡེ་གྲོལ་འོད་གསལ་ཆོས་སྐུའི་རང་ཞལ་མཐོང་། །མི་གནས་ཡེ་ཤེས་ཆེན་པོའི་གཏན་སྲིད་ཟིན །དོན་གཉིས་མ་འབད་རང་བྱུང་ལྷུན་གྲུབ་ངེས། །མདོར་ན་དུས་དང་རྣམ་པ་ཐམས་ཅད་དུ། །ཆོས་བརྒྱད་འདམ་རྫབ་ཁྲོད་ལ་མི་དགྱེས་པར། །སྔོན་བྱོན་རྒྱལ་བའི་རྣམ་ཐར་ཇི་བཞིན་དུ། །མི་མེད་དབེན་རིར་བྲག་ཕུག་ཞྭ་ལྟར་བརྟེན། །ཉེ་འབྲེལ་འཁོར་བའི་ལྕགས སྒྲོག་རྒྱང་སྤངས་ནས། །གཅིག་པུར་གུ་ཡངས་བློ་བདེ་རི་སུལ་འགྲིམས། །དམ་ཆོས་སྒྲུབ་བློ་ཕྱི་བཤོལ་མི་མཛད་པར། །མྱུར་བར་དམ་པའི་ལྷ་ཆོས་སྒྲུབ་ལ་བརྩོན །རང་ཡུལ་སྲིན་གླིང་འདྲ་འདི་སྤངས་ནས་སུ། །སྤང་རི་རྫ་རི་གངས་རིའི་དབེན་གནས་སུ། །བག་ཡངས་ངང་ནས་དོན་གཉིས་བསྒྲུབ་ལ་རེམ །བླ་མ་མཉེས་པའི་ཞབས་ཏོག་དེ་ལས་མེད། །རིགས་དྲུག ༄༅། །སེམས་ཅན་དྲིན་ལན་དེ་ཡིས་གསོ །འདི་ཕྱི་གཉིས་སྐྱིད་འབྲས་བུ་དེ་ཡིས་ཐོབ། །དེ་སྐད་ལུས་དམན་ལོག་ལྟའི་གཞིར་གྱུར་པ། །ཀུན་བཟང་བདེ་སྐྱོང་ཆོས་ཉིད དབང་མོ་ཡིས། །རིགས་ལྡན་དྲག་སྔགས་མཐུ་སྟོབས་དབང་པོ་ལ །སེར་དགོན་དབེན་རིའི་ཁྲོད་ནས་སྤེལ་བ་འདི །ཡི་གེའི་རིས་བྱེད་ཚུལ་ཁྲིམས་རྡོ་རྗེས་བགྱིས །བདག་གཞན་མྱུར་དུ་ཡང་དག་ལམ་གནས་ཤོག། དགེའོ།། །། ཆོས་དབྱིངས་ཡེ་ཤེས་ཁོག་ཡངས་དབུ་འཕང་མཐོ། །ཁྱི་རྒན་ས་མིག་ཅན་གྱིས་ཅི་ལ་མཐོང་། །མེ་ལོང་ཡེ་ཤེས་གསལ་དྭངས་འོད་པོ་ཆེ། །རྨོངས་མུན་ནགས་ཁྲོད་གནས་པས་མཐོང་ཡུལ་དཀའ། །མཉམ་ཉིད་ཡེ་ཤེས་ཀློང་ཡངས་ཁྱབ་ཆེ་བས །བདག་འདྲའི་རྒྱུ་རྒོད་བློ་རུ་ཆུད་མི་སྲིད། །སོར་རྟོག་ཡེ་ཤེས་སྒྱུ་རྩལ ཆགས་ཐོགས་མེད། །ཅོལ་ཆུང་བྱིས་པའི་སེམས་ཀྱིས་ཅི་ལ་ནོན །བྱ་གྲུབ་ཡེ་ཤེས་མྱུར་ཞིང་ཀུན་ཏུ་འགྲོ །རྐང་མེད་བདག་འདྲས་ཟིན་པའི་སྐབས་མ་མཆིས །དུག་ལྔ་རང་གར་སྤྱོད་ལ་དོན་ཡོད་ན། །ཁམས་གསུམ་འཁོར་བའི་སེམས་ཅན་ཅི་ལ་འཁྲུལ། །འབྲས་བུ་ངན་སོང་སྡུག་བསྔལ་མྱོང་དོན་མེད །དོན་དང་འགལ་བའི་ཚིག་མང་དགོས་པ་མེད། །ཀུན་རྫོབ་རྒྱུ་འབྲས བསླུ་མེད་རྒྱལ་བའི་གསུང་། །རྒྱུ་མེད་འབྲས་བུ་འབྱུང་དོན་ཅི་ལ་ཡོད །དུག་ལྔ་ལས་གཞན་རྒྱུད་སྲེག་ངས་མ་མཐོང་། །ཡེ་ཤེས་སྤྱན་ལྡན་གྲོགས་མཆེད་རྣམ་གཉིས་ཀྱིས །དུག་ལྔ་རང་གར་སྤྱོད་པ་ཆོས་སུ་གཟིགས །སྔོན་བྱོན་གོང་མ་རྣམས་ཀྱིས་གསུངས་པ་བཞིན། །དུག་ལྔ་མི་སྤང་མི་བསྒྱུར་གྲོགས་འཆར་བའི །མན་ངག་གདམས་ཁྲིད་དབང་རྣོན་རྣམས་ལ གསུངས། །དེ་འདྲའི་གདམས་པ་རྨད་པོ་ཆེ་བསམ་ཡང་། བདག་འདྲའི་བློ་ལ་མི་ཆུད་ཐ་དད་འགྲོ། །ཁྱི་ལ་སྐར་མ་བསྟན་པའི་དཔེ་ཇི་བཞིན །ཐེག་དམན་བདག་འདྲས་གོ་བར་མི་ནུས་ཤིང་། །འོན་ཀྱང་ཁྱོད་གཉིས་བཞེད་དོན་ཇི་བཞིན་དུ། །རང་ལུགས་གདམས་པའི་གནད་དོན་འདི་དང་མཚུངས། །བློ་ཆུང་རྣམས་ཀྱི་ཐུགས་སུ་མི་ཆུད་པས། །དྲང་ངེས་གཏམ་འདི་བདེ་བའི་རྡོ་རྗེས་སྨྲས །ཅེས་མཆེད་གྲོགས་ཚུལ་ཁྲིམས་རྡོ་རྗེ་དང་ཚོགས་རྒྱམ་གཉིས་ལ་རྩེད་མཚར་གྱི་ལན་དུ་ཕུལ།། །། ཧེ་ཧེ། དུག་ལྔ་རང་གར་སྤྱོད་པའི་སྤྲང་མོ་བདག །རྡོ་རྗེ་ཕག་མོ་མི་གཟུགས་ཅིལ་སྲིད། །འགྲོ་བའི་མིག་ངོར་ལིང་ཐོག་དང་མཚུངས་པའི། །ཁམས་དབང་མོས་པའི་གདམས་པ་ཅི་ལ་ཡོད། །རྒྱུ་རྫས་ལོངས་སྤྱོད་བསོད་ནམས་དབུལ་བ་ལ །ཟབ་མོ་ས ༄༅། །ཡི་གཏེར་ཚོགས་ཅི་ཕྱིར་དབང་། །རང་མགོ་མི་ཐོན་མུ་གེས་ཉེན་པ་ན། །ཁྱེད་ཅག་སྐྱོབ་པའི་དངོས་གྲུབ་ཅི་ལ་ལྡན །འོན་ཀྱང་རྒན་མོ་ཁྱི་སོས་སངས་རྒྱས དཔེ། །ཇི་བཞིན་ཁྱེད་ཅག་མོས་གུས་དད་ཡོད་ན། །རྒྱལ་བའི་བཀའ་ལ་བསླུ་བྲིད་མེད་མོད་ཀྱང་།དད་པའི་སྟོབས་ཀྱིས་བྱིན་རླབས་འབྱུང་ཡང་ཐང་། །དེ་སྐད་གྲོགས་གཉིས་གསུང་བཟང་ཕེབས་ལན་དུ། །བདེ་ཆེན་བདེ་བའི་རྡོ་རྗེས་ཕུལ་བའོ། །། སྐྱབས་འཁོར་ལོའི་མགོན་པོ་ལས་འབྲེལ་ལ །བདག་གསོལ་བ་འདེབས་སོ་བྱིན་གྱིས་རློབས། །དུས་འབྲལ་མེད་བདེ་ཆེན་འཁོར་ལོར་རོལ །ཀྱེ་གསོན་དང་མཆེད་གྲོགས་རྣམ་གཉིས་ལགས། །སྤྲང་མདོ་ཤོར་བདེ་སྐྱོངདབང་མོ་ངས། །ཉམས་ལེན་གྱི་གནད་གསང་མ་ལུས་པ། །སྦ་གསང་དང་ཚུལ་འཆོས་མེད་པར་ཞུ། །གྲོགས་ཡིད་བཞིན་ནོར་བུ་དང་འཕྲད་ནས། །གང་དགོས་ཀྱི་གདམས་ཁྲིད་མང་གསུངས་ཀྱང་། །རང་བློ་ཆུང་ཤེས་རབ་དམན་པ་ཡིས། །དོན་གོ་བ་རྒྱུད་ལ་མ་ཁེལ་བས། །ལས་ཉོན་མོངས་དུག་ལྔ་རང་གར་སྤྱོད །ངས་གཏི་མུག་མུན་པ་ལྷུན་རེ་འཐུག །ཆོས་དབྱིངས་ཀྱི་འོད་གསལ་ཤས་ཆུང་བས། །ཁོ་སྲིན་བུ་མེ་ཁྱེར་ཇི་བཞིན་དུ། །རང་ ངོ་ནི་གསལ་བའི་དུས་མ་བྱུང་།ངས་ཞེ་སྡང་ན་བུན་འཐུག་ལ་མྱུར། །མེ་ལོང་གི་འོད་གསལ་གཡའ་ཡིས་བསྒྲིབས །ཁྱིམ་བྱ་བཞིན་གཤོག་རྩལ་ཞེན་པ་ཡིས །འཁོར་བ་ཡི་གནས ལས་ཐར་དུས་མེད། །ངས་ང་རྒྱལ་རྒྱ་མཚོ་གཏིང་རེ་ཟབ། །མཉམ་ཉིད་ཀྱི་འོད་གསལ་སྨག་དང་འཕྲད། །གྲོང་མཐའ་ཡི་ཁྱི་མོ་ཚང་མ་བཞིན། །ལས་ངན་གྱི་བྱ་འཕྲོ་མཉམ་དུས་མེད། ངས་འདོད་ཆགས་མེ་དཔུང་ཚ་ངར་ལྡན །སོར་རྟོག་ཀྱི་འོད་གསལ་མདའ་མོ་ཞན། །བྱ་ལོང་བ་ཇི་བཞིན་བགྲོད་ལམ་དཀའ། །འཁོར་བ་ཡི་གནས་ལས་ཐར་དུས་མེད། །ངས་ཕྲག་དོག རླུང་ནག་འཚུབས་མ་ཆེ། །བྱ་གྲུབ་ཀྱི་འོད་གསལ་བག་ལ་ཤོར། །ཤིང་སྡོང་པོ་རུལ་བའི་ཁོག་པ་བཞིན། །གཞན་དོན་གྱི་ནུས་པའི་དུས་མ་མཆིས། །ད་ཇི་ལྟར་བཤད་ཀྱང་དུག་ལྔས་བསླུས། །ལས་འབྲས་བུ་ཁམས་གསུམ་འཁོར་བར་འཁྱམས། །དོན་དེ་དང་ལྡན་པའི་སྤྲང་མོ་ལ། །མཚོ་རྒྱལ་དང་ཕག་མོ་ཅི་ལ་མཐོང་།ཁྱོད་རྣམ་གཉིས་ཐུགས་བསམ་ཡང་ཡང་བཞེས། །ལུས་ངན་པ་བདག་འདྲར་སྐྱབས་བརྟེན་ན །ཁོང་མཁས་པ་བློ་གྲོས་ལྡན་རྣམས་ཀྱིས །ཐུགས་ཁྲེལ་དང་གླེང་མོའི་གནས་སུ་བྱེད། །དེ་སེམས་ལ་སྤྲང་མོ་སྤངས་ན ༄༅། །བསམ། །ཞེས་མཆེད་གྲོགས་དམ་པ་ཚོགས་རྒྱམ་དང་ཚུལ་ཁྲིམས་རྡོ་རྗེ་གཉིས་ལ་སྤྲང་མོ་རང་ལ་ཡོན་ཏན་མེད་ཅིང་དུག་ལྔ་རང་གར་སྤྱོད་པའི་ཉམས་ལེན་སྦ་གསང་མེད་པར་སྣང་གསལ་མཐོང་ནས་བདེ་བའི་རྡོ་རྗེས་བྲིས་པའོ།། །། གདོད་མའི་མགོན་པོ་ཀློང་ཆེན་རབ་འབྱམས་དང་། །དབྱེར་མེད་རིག་འཛིན་པདྨ་ལས་འབྲེལ་ལ །གསོལ་བ་འདེབས སོ་བདེ་ཆེན་འཁོར་ལོར་བཞུགས །བདག་རྒྱུད་སྨིན་ཅིང་གྲོལ་བར་མཛད་དུ་གསོལ། །གསོན་དང་སློབ་བུ་ཐུབ་བསྟན་བཟང་པོ་ལགས །སྤྲང་མོ་བདག་ལ་ཁྱོད་ཀྱིས་སྨྲས་པའི་དོན། དགོས་མེད་ལམ་ཁའི་རྡོ་བཞིན་བོར་བ་མིན །བདག་གི་ངེས་པའི་གནས་ཚུལ་ཟུར་ཙམ་བརྗོད། །རྣམ་ཀུན་མཆོག་ལྡན་པདྨ་ལས་འབྲེལ་རྩལ །མཐོང་བའི་མོད་ལ་བདེ་སྟོང་ཡེ་ཤེས་བསྐྱེད། །དགའ་བཞིས་ཉེར་དྲངས་སྟོང་བཞིའི་འོད་གསལ་མངོན། །ལྷན་སྐྱེས་གཉུག་མའི་ཡེ་ཤེས་སྦྱིན་མཛད་པའི། །བདེ་བའི་འབྱུང་གནས་དཔའ་བོ་ཡོངས་ཀྱི་གཙོ །རིག་སྟོང་དབུ་མའི་དབྱིངས་སུ་འདུ་འབྲལ་མེད། །མཁའ་གསང་མཉམ་ཉིད་བདེ་བ་ཆེན་པོའི་ཀློང་།ཐབས་མཆོག་རྨད་བྱུང་རྡོ་རྗེའི་གར་གྱིས་རོལ །ཟུང་འཇུག་མཉམ་སྦྱོར་ཐབས་མཆོག་ཟབ་མོའི ལམ། །མ་ནོར་ཚུལ་བཞིན་བསྟེན་པས་རིག་སྐུ་འགྲུབ །དེ་ལས་ལྷག་པ་གྲོགས་ཀྱིས་དགོས་པ་ཆུང་། །ལྟར་སྣང་ལེགས་ལེགས་འདྲ་ཡང་ཕུག་མི་བརྟན །ཐིག་ལེ་དབབ་འདྲེན་ལྡོག བཀྲམ་ཕར་ལ་ཞོག །ཆགས་མྱོས་རྒྱུད་བསླངས་རང་གཞན་ཕུང་ལ་སྦྱོར། །ལན་ཆགས་བུ་རྒྱུད་འཚོ་སྐྱོངས་ངས་མི་ཐུབ །གྲོགས་ངན་ཆོས་བརྒྱད་བྱ་བའི་སྣ་འདྲེན་ལ །མི་ངོ་དཀར་ནག ལོན་ཐབས་ངས་མི་ཐོན །ཅོལ་ཆུང་གྲོགས་པོ་བྱ་སྤྱོད་བློ་སྣ་མང་། །བློ་བབས་ཁྱིམ་བདག་ཁ་འཛིན་ངས་མི་ཡོང་།དེ་དོན་བསམ་ནས་གྲོགས་མེད་གཅིག་པུ་རུ། །བག་ཡང་ངང་དུ་དབེན་རིར་སྐྱིད་ཉལ་བྱེད། །ཕ་གཅིག་ལས་འབྲེལ་རྩལ་གྱི་བཀའ་དྲིན་གྱིས། །འདི་ཕྱི་གཉིས་ལ་སྐྱིད་ཉལ་བྱེད་སྙིང་འདོད། །དེ་ཙམ་མ་གཏོགས་ངག་འཁྱལ་དགོས་མེད་གཏམ། །སྣག་ཤོག འཛད་པའི་རྒྱུ་ཡིན་དགོས་པ་ཆུང་། །དེ་སྐད་རང་སློབ་ཐུབ་བཟང་ཞེས་པ་ཡིས། །ཁྱོད་ཀྱི་གཏེར་ལུང་ཇི་བཞིན་ཐབས་གྲོགས་དང་། །སྐུ་ཚེ་བརྟན་ཕྱིར་རིགས་ལྡན་དཔའ་བོར་རེ། །ཐུགས་ལྷོད་མེད་པར་དགོངས་ཉམས་བཞེས་དགོས་ཞེས། །ནན་ཆེར་བསྐུལ་ངོར་མདོ་མེད་ཞལ་རྫུན་མཁན། །ཀུན་བཟང་ཆོས་ཉིད་དབང་མོས་འཆོལ་གཏམ་འདི །སེར་དགོན་དབེན་རིའི་ཁྲོད ༄༅། །ནས་བྲིས་པའོ།། དགེའོ།། །། ཧེ་ཧེ། ཉོན་དང་སློབ་བུ་ཐུབ་བསྟན་བཟང་པོ། །ཁྱོད་ཀྱིས་བསམ་བློ་རང་གི་ལུས་ངག་ལ་གཏོང་མཛོད། །སྤྲུལ་སྐུ་ཡིད་བཞིན་ནོར་བུའི་མཛད་སྤྱོད་ལ་ལྟོས་ནས། །རང་རེའི་ལས་དང་བྱ་སྤྱོད་ལུང་མ་བསྟན་མ་བྱེད། །ཡིད་བཞིན་ནོར་བུའི་སྐུ་དཀྱིལ་ཡེ་གྲུབ་ཀྱི་ལྷ་སྐུ །བསྙེན་མཚམས་ཞེས་པ་ཨ་འཐས་ཐེར་ཟུག་ནི་མ་དགོས །གདུལ་བྱའི་སྣང་ངོར་ཡེ་ཤེས་སྒྱུ་མ་ཡི་སྐུར་སྣང་། །སྒྲ་གྲགས་སྔགས་སུ་དགོངས་པའི་སྨྲ་བཅད་དང་བྲལ་བས །འབྱུང་འཇུག་རླུང་གི་འཕྲོ་འདུ་བཟླས་པ་ཡི་འཁོར་ལོ། །ངག་མཚམས་ཞེས་པ་རྟོགས་པའི་ཚད་བཟུང་ལ་མ་ལྟོས། །གང་འདུལ་འགྲོ་ངོར་སྨིན་གྲོལ་ཆོས་ཆར་དེ་སྩལ་བྱུང་། །ཐུགས་གསང་མི་འགྱུར་འོད་གསལ་ཆེན་པོ་ཡི་ཀློང་ན །འཁོར་འདས་ཐམས་ཅད་མཉམ་པ་ཉིད་དུ་ནི་ལྷུན་རྫོགས །ཇི་ལྟ་ཇི་སྙེད་ཡེ་ཤེས་ཆགས་ཐོགས་དང་བྲལ་བའི །རྩོལ་བཅས་གསལ་དག་བརྟན་སོགས་སྤྲོས་པ་ནི་མ་དགོས དེ་ལྟར་དགོངས་སྤྱོད ལྡན་པའི་སངས་རྒྱས་ལ་འགྲན་པ། །ནོར་སྐྱོང་སེང་གེར་རློམས་པའི་གཏམ་དཔེ་དང་མཚུངས་ལགས། ཁོང་དང་དགོངས་པ་མཉམ་ན་ཅི་དགའ་རང་མཛོད་ཅིག །དེ་མིན་བྱ་སྤྱོད་ཐམས་ཅད སྟབས་གཟབ་རེ་དགོས་ལགས། རྣམ་སྨིན་རྒྱུ་འབྲས་འཁོར་དུས་ཅི་བྱེད་ནི་དཀའ་ཡོང་། །དེ་ཕྱིར་རང་གི་ཉམས་རྟོགས་ཤེས་རབ་ཀྱིས་དཔྱོད་མཛོད། །ཁོ་མོ་བདག་ནི་རྩོལ་བཅས་བསྐྱེད་རིམ ལ་རེ་བས །བསྙེན་ཡིག་གཞུང་བཞིན་གསལ་དག་བརྟན་གསུམ་ལ་གཞི་བཅས། སྨྲ་བཅད་མི་ཚིག་མ་འདྲེས་ཡང་སྙིང་དེ་བཟླས་པ། །གྲོལ་སྡོམ་ལ་སོགས་དཀའ་སྤྱད་བྱེད་པ་ནི་བཟོད པ། །མངོན་རྟོགས་ཇི་བཞིན་མ་ནོར་བརྩོན་པ་ནི་བརྩོན་འགྲུས །སྣང་གྲགས་རིག་གསུམ་གཅིག་དྲིལ་སྡོམ་པ་ནི་ཚུལ་ཁྲིམས། །སྦྱང་བྱ་སྦྱོང་བྱེད་སྦྱངས་འབྲས་མངོན་གྱུར་ནི་ཤེས་རབ། །སྒོ་གསུམ་དཀྱིལ་འཁོར་གསུམ་དུ་འཕོས་པ་ནི་བསམ་གཏན། །དམིགས་བཅས་རྫས་ཀྱི་འབྲས་བུས་ཚོགས་བསགས་ནི་སྦྱིན་པ། །དེ་ལྟར་སྙམ་ནས་འབྲས་བུ་གཞན་ཚོལ་ལ་རེ་བས། །བཀའ་དྲིན་ཅན་གྱི་སྐུ་ཡི་ཆ་ཙམ་གྱི་ཡོན་ཏན། །བདག་ལུས་ཧྲིལ་བུར་བསྡུས་ཀྱང་མཉམ་པ་ནི་ཕར་ཞོག །བ་སྤུའི་ཁུང་བུ་གཅིག་གི་ཡོན་ཏན་ལ་བསམ་ན། །བདག་གི་སྒོ་གསུམ་བྱ་བས་ཁོང་ལ་འགྲན་པ་ནི་མི་ནུས །ཕྱི་ཚུལ་ལུས་དམན་དབང་གིས་ཀུན་གྱི་ལོག་ལྟ་ཡི་གཞིར་གྱུར། །ནང་ཚུལ་ཉོན་མོངས་རག་པས་བསླབ་སྡོམ་སྣ་གཅིག་ནི་ང་མེད། །གསང་བ་ཤེས་རབ ༄༅། །ཆུང་བས་བསྐྱེད་རྫོགས་སྙིང་པོ་ནི་མ་ལོན། །སྒོ་གསུམ་བཅོས་མའི་ལམ་གྱིས་ལྷ་སྔགས་ཏིང་འཛིན་ལ་བརྩོན་ནས། །ཨ་འཐས་ཐེར་ཟུག་ཙམ་ཞིག་ཨེ་ཤེས་ནི་སྙམ སྟེ། །དལ་མེད་འདོན་སྒོམ་བྱེད་པའི་དགོས་པ་ནི་དེ་ཡིན། །རང་ལ་ཡོན་ཏན་མེད་པ་མ་རིག་གི་སེམས་ཅན །རྣམ་སྨིན་སྒྱུ་ལུས་བག་ཆགས་མངལ་རྒྱ་རུ་འཐུམས་ཀྱང་། །བྱ་སྤྱོད་དཀྱིལ འཁོར་གསུམ་ལྡན་སངས་རྒྱས་ལ་འགྲན་པ །རྩལ་ལྡན་སྟག་ལ་ཝ་མོས་འགྲན་པ་དང་འདྲ་མཚུངས །དེ་ཕྱིར་རང་རྒྱུད་རང་གིས་ལེགས་པར་དུ་དཔྱད་ནས །སྒོ་གསུམ་ཆོས་དང་མཐུན་པའི་བྱ་བ་རེ་མཛོད་དང་། །ལུང་མ་བསྟན་གྱི་གནས་ལས་གྲོལ་ཐབས་རེ་ལོས་ཡོད། །ལུས་ངག་ཡིད་གསུམ་མདོར་ཞིག་ཁ་ཡན་ལ་བཏང་ནས། །མཛད་སྤྱོད་སངས་རྒྱས་མཉམ་ཟེར་རང་མགོ་ནི་མ་བསྐོར། །སྔོན་བྱོན་རྒྱལ་བ་རྣམས་ཀྱི་རྣམ་ཐར་ལ་ལྟོས་དང་། །མདོར་ཞིག་ལུང་མ་བསྟན་གྱིས་སངས་རྒྱས་ནི་མ་འགྲུབ །ལུས་ངག་དགེ་ལ་བསྐུལ་ནས་བསམ་གཏན་ཞིག་བསྒོམ་ན། །ཚེ་གཅིག་སངས་རྒྱས་ཐོབ་པའི་གདམས་པ་ཞིག་ལོན་ངེས །དེ་སྐད་བུ་ངན་ཐུབ་བསྟན་བཟང་པོ་ཡི་ཚིག་ལན། །ཁ་ངན་མ་ཡིན་ངག་ཚབ་ཡི་གེ་རུ་བྲིས་ཡོད །ཅེས་ཐུབ་བཟང་གིས་ ཁྱེད་མཚམས་ཤིན་ཏུ་དམ་ཆེ་བར་འདུག །སྤྲུལ་སྐུ་རིན་པོ་ཆེ་ནི་ཁྱེད་ལྟ་བུ་གུ་དོགས་མི་དགོས་ཚུལ་རྡོར་གྱིས་ཟེར་འདུག་སྨྲས་པ་ལ། བདེ་བའི་རྡོ་རྗེས་རང་གི་རྒྱུད་ལ་བརྟགས་དཔྱད་ཞིབ་པར་བྱས་ཏེ་དེའི་ཚིག་ལན་དུ་བྲིས་པའོ།། དགེའོ།། །། རང་བྱུང་རིག་པ་ཀ་དག་ཆོས་སྐུ་ཡི་དགོངས་པ། །རང་མདངས་མ་འགགས་ལྷུན་གྲུབ་ཡེ་ཤེས་ཀྱི་བདག་ཉིད །རང་རིག་འགྱུར་བ་མེད་པའི་ངང་མདངས་དེ་སྐྱོང་དང་། །རང་སྣང་དོན་གྱི་བླ་མའི་རང་ཞལ་དེ་མཇལ་ནས །རང་བྱུང་ཡེ་ཤེས་ཆེན་པོའི་གདམས་པ་དེ་སྩལ་འོང་།རང་གཞན་དོན་གཉིས་འགྲུབ་པའི་ལམ་བཟང་དེ་རྙེད་ནས །རང་སྣང་ཟངས་མདོག་དཔལ་རིར་བླ་མ་དང་དབྱེར་མེད། །རང་རིག་ཀུན་བཟང་རྒྱལ་ས་ཟིན་པ་རང་མཛོད་ཅིག །འུ་ཅག་མི་འགྱང་མྱུར་མཇལ་སྨོན་ལམ་ཡང ཞུའོ། །ཅེས་སྒྲུབ་སྡེ་བ་རྣམས་ལ་མཁའ་འགྲོ་སུ་ཁ་བཛྲ་གྱིས་བརྩེ་བས་ཕུལ་ལོ།། དགེའོ།། །། TI1397 - 338 ༄༅། །ཕ་རྡོ་རྗེ་འཆང་དབང་ལས་འབྲེལ་རྩལ། །ཐུགས་ཞི་བའི་དབྱིངས་སུ་མ་གཟིམས་པར། །ངེད་འཁོར་འབངས་རྣམས་ལ་ཐུགས་རྗེས་གཟིགས །བདག་བསོད་ནམས་དམན་པའི་ལས་དབང་གིས། །ཕ་དངོས་སུ་བཞུགས་པའི་སྐལ་དབེན་ཀྱང་། །ཐུགས་རྗེ་ལ་ཉེ་རིང་མ་མཆིས་པས །དུས་རྟག་པར་བདེ་ཆེན་འཁོར་ལོར་བཞུགས། །སླར་བསམ་ཞིང་བསམ་ནས་སྐྱོ་བ་འཕེལ། །དུས་སྙིགས་མའི་རང་མཚང་ངོམས་པ་ལ། ང་རྒན་མོའི་ཁ་མང་དགོས་མེད་ཀྱང་། །ལུས་དང་ལས་ཀྱི་འབྲེལ་བའི་མིང་སྲིང་ལ། །སེམས་གཏིང་ནས་དཀར་བའི་ཁ་ཏ་ཚིག་གསུམ་ཞུ། །སྒྲ་འཛིན་དབང་སྒོར་དྲན་པས་གཟེར་ཐོབ་ལ། །ཨ་མའི་ཁ་ལ་ཁྱེད་ཅག་ཉན་གྱུར་ན །སྔོན་རྒྱ་གར་རྒྱལ་པོ་དཔལ་རྒྱལ་གྱིས། །མ་ཡི་བཀའ་བསྒྲུབས་ཅི་དགོས་བགྱིས་པའི་འབྲས། །ཏེེ་ལོས་རྗེས་བཟུང་མཆོག་གི་དངོས་གྲུབ་བརྙེས། །དེ་ཕྱིར་ལས་འབྲས་བསླུ་བ་མེད་པ་ཡིས། །ཁྱེད་ཅག་རྣམས་ཀྱང་ཆོས་དང་མཐུན་པར་འགྱུར། །མ་ཡི་ཁ་ཏ་ཚིག་གསུམ་འདི་ལྟར་ཡིན །དུས་རྣམ་ཀུན་ཏུ་སྤྱོད་ལམ་ནམ་བགྱི་སྐབས། །དྲན་དང་ཤེས་བཞིན་བག་ཡོད་ལྡན་པ་དགོས། །སོ་ཐར་བྱང་སེམས་གསང་སྔགས་ཟུང་འཇུག་ལམ། །དེ་ ལ་སྤང་བླང་ཡོད་པ་ངས་མ་མཐོང་། །དེ་ཕྱིར་དྲན་པ་འགྱུར་མེད་ལྕགས་སྡོང་ལ། །རིན་ཆེན་བྱང་ཆུབ་སེམས་ཀྱི་རྩིས་བསྒྱུར་ཞིང་།ལྕགས་ཁམས་གསེར་དུ་བསྒྱུར་བ་ཇི་བཞིན་དུ། །དྲན་ཤེས་བག་ཡོད་གདམས་པ་མཆོག་ཏུ་ཟུངས། །དྲན་པ་འགྱུར་མེད་མེ་ལོང་གཞི་བཟང་ལ། །ཤེས་རབ་རྩོལ་བ་བྱི་དོར་མཁས་པ་བཞིན། །བག་ཡོད་བྱང་ཆུབ་སེམས་ཀྱིས་ལེགས་ཕྱིས ནས། །ཡང་དག་ལམ་མཆོག་བརྙེས་ལ་བཀའ་ཚེགས་མེད། །དེ་ཕྱིར་དུས་ཀུན་དྲན་ཤེས་བག་ཡོད་དགོས། ། ཧ་ཧ། ཚུལ་རྡོར་དྲན་པ་ཤིང་རྩེའི་བྱིའུ་འདྲ །སྐབས་རེ་ཡོད་ཀྱང་སྐབས་རེར་གར་སོང་མེད། །དེ་འདྲ་མ་བྱེད་དྲན་ཤེས་བག་ཡོད་མཛོད། །ཐུབ་བཟང་དྲན་པ་སོག་ཞབས་ཆུ་སོང་འདྲ །འཁོར་བར་ཡོད་ཀྱང་དམ་པའི་ཆོས་ལ་དཀོན། །དེ་འདྲ་མ་བྱེད་དྲན་ཤེས་བག་ཡོད་མཛོད། །ཆོས་སྒྲོན་དྲན་པ་གཡག་རྭ་རླུང་འབོད་འདྲ། །སྐབས་རེ་རྒོད་ཀྱང་དུས་ཡུན་བརྟན་གནས་མེད །དེ་འདྲ་མ་བྱེད་དྲན་ཤེས་བག་ཡོད་མཛོད། །ཁིས་སྒྲོན་དྲན་པ་ཆུ་ནང་ཉ་མོ་འདྲ། །གཏིང་ན་ཡོད་ཀྱང་ཤེས་པའི་རྩེར་མི་མངོན །དེ་འདྲ་མ་བྱེད་དྲན་ཤེས་བག་ཡོད་མཛོད། །ཨ་ཙག་དྲན་པ་ས་འོག་བྱི་ལོང་འདྲ། །རྒྱུད་ལ་ཤར་ཡང་ཤེས་པའི་ཁར་མི ༄༅། །ཕུད། །དེ་འདྲ་མ་བྱེད་དྲན་ཤེས་བག་ཡོད་མཛོད། །བདེ་བའི་རྡོ་རྗེ་ཚེར་མའི་སྡོང་པོ་འདྲ། །ཉེ་རིང་ཀུན་ལ་ཁ་ངན་སྣ་ཚོགས་སྨྲ །འདི་འདྲའི་མ་བུ་འཛོམ་པ མཚར་རེ་ཆེ། །དེ་དོན་སེམས་ལ་དུས་ཀུན་དྲན་པས་སྐྱོངས །ཨ་མ་ང་ལ་ཉམས་ལེན་དེ་ལས་མེད། །ཁྱེད་ཅག་དགོངས་པ་མཐོ་ཡང་དེ་བཞིན་མཛོད། །དྲན་པས་དགོངས་པར་མི་གནོད་ཅིས་ཕྱིར་གནོད །དྲན་པ་རྣམ་དག་ནམ་མཁའ་ཡངས་པའི་ཀློང་། །དྲན་སྣང་སྣ་ཚོགས་ཆོས་ཉིད་འཁོར་ལོར་ཤར། །ཡང་དག་དྲན་