Tibetan
།བདག་ཀྱང་དེར་བགྲོད་འདུན་པ་ཡང་ཡང་ཆེ། །བདག་ལ་འབྲེལ་ཐོགས་བཟང་ངན་ཅི་མཆིས་པ། །བདག་གིས་འཁོར་གྱི་ཐོག་མར་སྐྱེ་སྨོན་འདེབས །བདག་གཞན་དོན་གཉིས་ཞིང་ནས་ལྷག་པར་ཡོང་། །ཨ་ཅང་ཀུ་རེ་ཡིན་ནོ་སྙིང་གི་བུ །འདུས་བྱས་ཆོས་ལ་ཅི་ཆ་ངེས་མེད་ཀྱང་།ལོ་ཤས་ཙམ་དུ་བདག་ནི་འདུག་འདུན་ཆེ། །ས་ག་ཟླ་བས་འབོད་པ་མ་འཐོན་ན །ཡུན་དུ་མི་འབྲལ་འུ་ཅག་ལྷན་དུ་འཚོགས། གཏེར་གཉིས་བསྟན་པ་མཐའ་ནས་རྒྱས་པར་ཤོག །གཏེར་བདག་སྐྱེས་བུའི་སྐུ་ཚེ་རིང་བར་ཤོག །གཏེར་ཆོས་ཟབ་མོས་ས་སྟེང་ཁྱབ་པར་ཤོག །གཏེར་སྲུང་རྣམས་ཀྱིས་ཕྲིན་ལས་མྱུར་སྒྲུབ ༄༅། །ཤོག །དེ་སྐད་སྒྱུ་མའི་བུ་མོས་སྐྱོ་གཏམ་འདི། །དེ་ལྟར་འཕྲུལ་གྱི་བུ་མཆོག་ཁྱོད་ལ་ཕུལ། །དེ་བཞིན་དྲྭ་བའི་སྤྲིན་གྱི་རིས་མོ་འདྲ། །དེ་དག་སྒྱུ་འཕྲུལ་དྲྭ་བའི་རྫུན་ཚིག་འདི། །ཧ་ཧ་སྨྱོ་གཏམ་ཡིན་ནོ་སྙིང་གི་བུ། །ཧེ་ཧེ་འཁྲུལ་ཚིག་ཡིན་ནོ་མཆེད་གྲོགས་ལགས །ཧོ་ཧོ་འཆལ་གཏམ་ཡིན་ནོ་བརྩེ་བའི་བུ །དེ་སྐད་བདེ་སྐྱོང་དབང་མོ་སྨྱོ་བའི་གཏམ། །ཨ་མཚར་ཙམ་དུ་ཤཱི་ལ་བཛྲ་ལ། །བཞད་གད་ཀུ་རེའི་གནས་སུ་ཕུལ་བ་དགེ། དགེའོ།། །། དམ་ལྡན་སློབ་བུ་ལ་ཞུ་བྱ། །ཁྲེགས་ཆོད་སྐབས་དོན། སྣ་ཚོགས་ཆོས་ཁམས་རྒྱ་མཚོའི་སྣང་བ་ཐམས་ཅད་རིག་པ་ཡེ་ཤེས་ཆེན་པོའི་ཆོ་འཕྲུལ་དུ་ཐག་ཆོད་ངེས་ཆེ། རིག་པ་གཞིར་བཞེངས་ཡིན་པས་ས་བོན་དྲུངས་འབྱིན་ནུས་མ་ནུས་ལ་མི་ལྟོས ཕྱི སྣང་བའི་ཡུལ་ལ་ཕར་མ་དཔྱོད། ནང་ཀུན་གཞིའི་ཀློང་དུ་ཚུར་མི་བསྡུ། བར་སེམས་ཉིད་རིག་སྟོང་བློས་མ་བཅོས། གང་སྣང་གང་ཤར་ཐམས་ཅད་ལ་རྩིས་གདབ་མི་བྱེད་པར་བསྐྱར་ཐོངས གང་ལྟར་ཤར་ཡང་ཆོས་དབྱིངས་ངང་ལས་འདའ་བའི་ཡུལ་མེད་དོ། །ལྷ་བསྒོམ་མི་དགོས་བློ་བཅོས་ཡིན སྔགས་གསོག་མི་དགོས་རྣམ་རྟོག་ཡིན སེམས་འཛིན་གྱི་ཏིང་ངེ་འཛིན་བསྒོམ མི་དགོས། གཉིས་འཛིན་གྱིས་ཆོས་ཉིད་གུད་དུ་བཅད་པ་ཡིན རང་བྱུང་ཡེ་ཤེས་ལ་སྤང་གཉེན་གྱི་ཡུལ་ལས་འདས་པས་སྒོ་གསུམ་མ་བཅོས་པར་རང་སར་ཀློད། སྣང་བ་ཐམས་ཅད་སྤྲུལ སྐུའི་ཡེ་ཤེས་ཡིན་པས་སྤང་བླང་མི་དགོས གསལ་སྒོ་མ་འགགས་པ་ཅིར་ཡང་འཆར་དུ་རུང་བ་དེ་ལོངས་སྐུའི་ཡེ་ཤེས་ཡིན་པས་དགག་སྒྲུབ་མི་དགོས། རང་རིག་ཡེ་ནས་འདུས་མ་བྱས་པ སྟོང་དབྱིངས་བསམ་བརྗོད་ལས་འདས་པ་ཆོས་སྐུའི་ཡེ་ཤེས་ཡིན་པས་ཐོབ་བྱའི་འབྲས་བུ་འབད་རྩོལ་མི་དགོས། མདོར་ན་འཁོར་འདས་སྐུ་གསུམ་མཉམ་ཉིད་དུ་ཐག་ཆོད་ཐོག་དེ་ཀར་གདིང་འཆོས་ལ་ཞོག །རླུང་གི་འཕེལ་འགྲིབ་འབྱུང་འདུས་འཁྲུགས་རྐྱེན་སོགས་ལ་བརྟེན་ནས་ཆོས་ཉིད་ལ་ལྷན་པོ་མ་བྱེད། ཐམས་ཅད་ཡེ་ཤེས་ཀྱི་རྩལ་སྦྱོང་ཡིན། ཆོས་ཅན་ཆོས་ཉིད་དུ་མ་ཟད་བར་ལ་སྣང་ཙམ་རིག་ཙམ་ལ་ཉེར་ལེན་ལྟར་སྣང་བ་མ་འགགས་པར་ལོས་ཤར། ཐམས་ཅད་རང་སྣང་དུ་ས་བཟུང་ན་རིག་པའི་རྒྱན་ཡེ་ཤེས་ཀྱི་རོལ་པ་སྣང་བའི་རྩལ་ཡིནཔས་དབྱེ་བསལ་མི་དགོས་པར་རང་བབས་སུ་ཞོག །ཐོད་རྒལ་སྐབས་དོན། འདུག་སྟངས་སོགས་གང་བདེར་གྱིས་ལ་དབྱིངས་སྣང་མངོན་དུ་བྱས་པ་ཙམ་གྱིས་ཆོས་ཉིད་མངོན་གསུམ་ཡིན་པས་དེའི་ངང་ལ་སྤང་བླང་མི་ ༄༅། །དགོས། ལུས་ཀྱི་བྱ་བ་བཟོ་རིག་དང་ཡི་གེ་འབྲི་བ་སོགས་མ་བྱེད། ངག་གི་བྱ་བ་ངག་འཁྱལ་དང་ཁ་ཏོན་བཟླས་བརྗོད། སེམས་ཀྱི་བྱ་བ་ཟིན་མེད་ཀྱི་བསམ གཏན་བསྒོམ་པ་སོགས་ཆམས་སེ་ཞོག་ལ དབྱིངས་སྣང་ལམ་དུ་བྱས་ན་ལྷུན་གྲུབ་སྐུ་དང་ཡེ་ཤེས་ཐམས་ཅད་མངོན་དུ་གསལ་ལོས་ཡོང་། ཐམས་ཅད་རིག་པའི་ཡེ་ཤེས་སུ་ངེས་པའི་ཕྱིར་ན འབད་རྩོལ་བྱེད་མི་དགོས། མདོར་ན་དུས་རྣམ་པ་ཀུན་ཏུ་རང་བྱུང་གི་རིག་པ་སྐྱེ་འགགས་གནས་གསུམ་དང་བྲལ་བ་ཡེ་གཞི་ཀུན་ཏུ་བཟང་པོའི་ཀློང་དུ་གདིང་འཆོས་ཤིག །དེས་ན་དབྱིངས་མི་འགྱུར་བའི་ངོ་བོ་དང་བདག་གཉིས་འདུ་འབྲལ་ནམ་ཡང་མེད་པས། ཁྱོད་ལ་ཐུགས་གཏད་དང་བོགས་འདོན་དེ་ལས་མེད་པས་མཉམ་བཞག་འོད་གསལ་གྱི་ཀློང་དུ་ལ་ཟློས་ཤིགཅེས་པ་འདིའང་དམ་ལྡན་རྣལ་འབྱོར་དྲི་མེད་རྣམ་བདག་གི་བཞེད་དོན་དུ་མདོ་མེད་འཆོལ་མོ་བདེ་བའི་རྡོ་རྗེས་གླེན་གཏམ་ནག་འགྲོས་ཉམས་ལེན་གསལ་འདེབས་ཀྱི་ཚུལ་དུ་སེར་དགོན་དབེན་ཁྲོད་ནས་དུས་འཛིན་མེ་སྟག་ལོའི་ཟླ ༧ ཚེས་༢༥ དགེ་བར་གང་ཤར་ཡིག་རིས་སུ་བྲིས་པའོ། དགེའོ།། །། ཨེ་མ་གསོན་དང་སྐལ་ལྡན་མཆེད་གྲོགས་ལགས །ཀ་དག་རིག་པ་ ཟང་ཐལ་སྤྲོས་དང་བྲལ། །ཁ་དོག་མཚན་མ་ལས་འདས་འོད་གསལ་དབྱིངས། །ག་ལེར་མ་བཅོས་ངོ་བོའི་ངང་སྐྱོང་དང་། །ང་བདག་གཟུང་འཛིན་མཉམ་ཉིད་དབྱིངས་སུ་གྲོལ །ཡུལ་ལ་མ་སྤྲོ་སེམས་ཀྱིས་སེམས་མ་ཚོལ །ནང་དུ་མ་བསྡུ་རྟོག་པའི་འཕྲོ་མ་མཐུད། །བར་དུ་རེ་དོགས་རྐྱེན་དབང་མི་གཏོང་བར། །རང་རིག་མ་བཅོས་རང་བབས་ངང་དུ་སྐྱོངས། །བཞི་ཆ་གསུམ་བྲལ་དགོངས་པ་དེ་ཀའོ། །བློ་བྲལ་གཉིས་མེད་དོན་དམ་མ་རྟོགས་ན། །བློས་བྱས་བྱིས་པའི་ཆོས་ཀྱིས་སངས་མི་རྒྱ། །བློ་ཆུང་བདག་གིས་ཨ་དོན་མི་ཤེས་ཀྱང་། །བློ་ངོར་གང་ཤར་གསལ་འདེབས་ཚུལ་དུ་ཕུལ། །བློ་གྲོས་ཡངས་པའི་སྤྱན་གྱིས་རབ་གཟིགས་ནས །ཐུགས་དམ་གསོས་སུ་སྨན་པའི་རྒྱུར་གྱུར་ཅིག །དེ་སྐད་དགེ་བཙུན་དམ་པ་གང་གི་དྲུང་། །མདོ་མེད་འཆོལ་མོ་སུ་ཁ་བཛྲ་གྱིས། །སུག་རྩེ་རླུང་གིས་བསྐུལ་ཏེ་བྲིས་པ་དགེ དགེའོ།། །། རྒྱལ་ཀུན་འདུས་ཞལ་བདག་ཅག་འགྲོ་བའི་མགོན། །འཁོར་ལོའི་མགོན་པོ་པདྨ་ལས་འབྲེལ་རྩལ། །འབྲལ་མེད་བདེ་ཆེན་འཁོར་ལོའི་རྒྱན་དུ་རོལ །བདག་རྒྱུད་ཆོས་དང་འདྲེས་པར་བྱིན་གྱིས་རློབས །རང་བྱུང་རིག་པ་ཀ་དག་རྩ་བ་བྲལ། །གཟུང་འཛིན་ཡེ་གྲོལ ད ༄༅། །འཁོར་འདས་མཉམ་པ་ཉིད། །སྤང་བླང་ཡེ་ཟད་འཁྲུལ་གྲོལ་གཞི་ལ་སངས། །གང་སྣང་མ་བཅོས་རིག་པ་བྱང་ཆུབ་སེམས །མ་རིག་རྨོངས་པ་ཀུན་སངས་ས ལེ་བ། །གནས་ལུགས་ངང་ཞག་མ་བཅོས་ཧྲིག་གེ་བ། །སྟོང་གསལ་འཛིན་པ་བྲལ་བས་སང་ངེ་བ། །སེམས་འཛིན་ཡུལ་མེད་དག་པས་ཝལ་ལེ་བ། །བཞི་ལྡན་མ་བཅོས་ངང་དུ་ཉམས བླངས་ན། །སངས་རྒྱས་ཀུན་ཏུ་བཟང་པོའི་རང་ཞལ་མཐོང་། །འབྲས་བུ་རང་བྱུང་ཡེ་ཤེས་མངོན་གྱུར་ནས། །གཞོན་ནུ་བུམ་སྐུར་ཚེ་འདིར་གྲོལ་བ་ཐོབ། །དེ་སྐད་བཙུན་པ་གང་དེས་བསྐུལ་བའི་ངོར། །ཆོས་མེད་སྤྲང་མོ་བདེ་བའི་རྡོ་རྗེ་ཡིས། །ཞལ་གདམས་མི་ཤེས་གང་ཤར་ཡི་གེར་བྲིས། དགེའོ།། །། རང་རིག་འོད་གསལ་དོན་དམ་ཧེ་རུཀ །པདྨ་ལས་འབྲེལ་བདེ་ཆེན་འཁོར་ལོར་བཞུགས །བདག་རྒྱུད་སྨིན་ཅིང་གྲོལ་བར་མཛད་དུ་གསོལ། །ཀ་དག་རིག་པ་བསམ་བརྗོད་བློ་ལས་འདས། །གང་ཤར་མ་བཅོས་འཛིན མེད་ངང་དུ་ཞོག །གཉིས་འཛིན་འཁྲུལ་སྣང་བློ་ཡི་མདུད་པ་བོར །ངང་ནས་ཡེ་ཤེས་ཆེན་པོའི་དགོངས་པ་འདི། །མ་བཅོས་རང་རིག་གཞི་མེད་རྩ་བ་བྲལ། །ཕྱི་ཡུལ་མ་འཛིན་གང་ཤར ཀློང་དུ་སྐྱོངས། །ནང་རྐྱེན་སེམས་བྱུང་རྟོག་པ་ཆོས་སྐུ་ཡི །རང་ཞལ་སོ་མ་གཉུག་སེམས་ཡེ་ཤེས་ངང་། །རིག་དབྱིངས་སྤྲོས་བྲལ་མི་འགྱུར་ངང་གདངས་སྐྱོངས། །གཅེར་གྲོལ་རིག་པ ཀུན་བཟང་དགོངས་པའོ། །དེ་སྐད་དམ་པ་སེང་གེའི་བཞེད་དོན་དུ། །མདོ་མེད་སྤྲང་འཁྱམས་སུ་ཁའི་མིང་གིས་བྲིས། དགེའོ།། །། ཀ་དག་རིག་པ་ཟང་ཐལ། །བཅོས་བསྒྱུར་འཛིན་པས་མ་བཅིང་།གསལ་སྟོང་འཛིན་མེད་ངང་དུ། །རིག་པ་རང་བྱུང་ཡེ་ཤེས །བློ་འདས་ཡེ་གྲོལ་དགོངས་པ། །མ་བཅོས་གཉུག་མར་སྐྱོང་མཛོད། །ཆོས་སྐུའི་གཏན སྲིད་ཟིན་ཡོང་། །སུ་ཁ་བཛྲ་གྱིས་བྲིས་པའོ།། ཨེ་མ་གསོན་དང་མཆེད་གྲོགས་དམ་པ་ལགས །ཁ་ཏ་སྟོང་པས་དགོས་མེད་ངལ་བའི་རྒྱུ། །ཤབ་ཤུབ་རྣམ་རྟོག་རྩིས་གྲངས་དགོས་པ་མེད། །རང་སེམས་མི་འགྱུར་རྡོ་རྗེའི་ངོ་བོ་སྐྱོང་།ཆོས་སྐུའི་རྒྱལ་ས་ད་རེས་ཟིན་པར་མཛོད། །འདོད་ལུགས་གྲུབ་མཐའ་མང་པོས་ཅི་ཞིག་བྱེད། །ཀུན་རྫོབ་བྱིས་པའི་ཆོས་ཀྱིས་སངས་མི་རྒྱ། །དོན་དམ་རང་ལུགས་རྫོགས་ཆེན་སྙིང་པོ་བསྒོམ །རི་ཁྲོད་དབེན་པར་བསམ་པ་གཏན་ལ་ཕོབས །རང་རིག་ངོ་བོ་དྲི་མེད་མཁའ་ལྟར་དག །བློ་བྲལ་འོད་གསལ་རྫོགས་པ་ཆེན་པོའི་ ༄༅། །དོན། །མ་ནོར་ལམ་མཆོག་འདི་ལ་ནན་ཏན་མཛོད། །རང་སེམས་མ་བཅོས་ལྷོད་དེ་ཤིག་གེར་ཞོག །འོད་གསལ་རིག་པའི་ཡེ་ཤེས་ངང་གིས་མཇལ །ལྟ་བ་གཏད་མེད་གཉིས་འཛིན་ཡུལ་ལས་འདས །སྒོམ་པ་འཛིན་མེད་འོད་གསལ་ཆོས་སྐུའི་ངང་།སྤྱོད་པ་བླང་དོར་གཉིས་མེད་རང་གྲོལ་ཀློང་། །འབྲས་བུ་རང་རིག་མངོན་གྱུར་ཀུན་ཏུ བཟང་། །རྩོལ་བྲལ་ཆོས་སྐུའི་རྒྱལ་ས་ཟིན་པར་མཛོད །དེ་སྐད་རང་སློབ་ཀུན་བཟང་སྣང་མཛད་ཀྱིས །ཞལ་གདམས་དགོས་ཞེས་ངག་གསལ་ཕེབས་པའི་ངོར། །སྤྲང་འཁྱམས་མདོ་མེད་བདེ་བའི་རྡོ་རྗེ་ཡིས །གང་དྲན་གསལ་འདེབས་ཚུལ་དུ་ཕུལ་བའོ།། དགེའོ།། །། ཨེ་མ་སྐལ་ལྡན་ལྷ་གྲོགས་ལགས། །ཆོས་ཉིད་འདུས་མ་བྱས་པའི་མཁའ་ཀློང་།རང་རིག་མ་བཅོས་བླ་མ་ཀུན་བཟང་བཞུགས། །རང་རྩལ་འགགས་མེད་མཚན་དཔེའི་ཡོན་ཏན་རྫོགས། །རང་སྣང་དཔའ་བོ་དཔའ་མོའི་འཁོར་ཚོགས་དབུས། །རིག་སྟོང་བརྗོད བྲལ་ཞི་ཁྲོའི་དཀྱིལ་འཁོར་ཤར། །གསལ་སྟོང་འགགས་མེད་བརྡ་ཡི་དབང་བསྐུར་མཛད། །ཉོན་ཤེས་སྒྲིབ་པ་ཡེ་ཤེས་ངང་དུ་བཀྲུས །དམིགས་མེད་ཀ་དག་ཆེན་པོས་ཡེ་མཚམས 17 བཅད། །གྲགས་སྟོང་བསམ་བརྗོད་བྲལ་བའི་རང་སྒྲ་ཡིས །རྒྱལ་བ་དགོངས་བརྡ་སྙན་བརྒྱུད་ཚུལ་དུ་ནི །མཛད་པ་བརྗོད་ལས་འདས་ཀྱང་དོན་དུ་ཡང་།ཆོས་ཉིད་གཤིས་ལ་ཡེ་ཤེས ཀློང་དུ་འདུས། །རིག་འཛིན་རྣམ་བཞི་ཡེ་ནས་ལྷུན་གྱིས་གྲུབ །དབང་བཞི་སྟན་ཐོག་གཅིག་ཏུ་ཐོབ་ལགས་བསམ། །སྣང་བ་ཡབ་ལ་སྟོང་པ་ཤེས་རབ་ཡུམ། །ཟུང་འཇུག་ཟག་མེད་བདེ་ཆེན་དཔལ་ལ་སྤྱོད །འཁོར་འདས་ཆོས་ཀུན་དག་པ་མཉམ་ཉིད་ཀློང་།རྡོ་རྗེ་བདུན་ལྡན་ཆོས་སྐུའི་རང་ཞལ་མཇལ། །དོན་དམ་སྐྱེ་མེད་རིག་པའི་དབང་མཆོག་ཐོབ །བསྲུང་དུ་མེད་པའི་དམ་ཚིག་ཆེན་པོ་ནི། །བློ་འདས་རྫོགས་པ་ཆེན་པོའི་ངང་དུ་ནི། །བསྲུང་དང་སྲུང་མཚམས་ལས་འདས་ཡེ་བསྲུངས་ཆེ། །མི་འདའ་འགྱུར་མེད་ཆེན་པོའི་ངང་དུ་གནས །རྩལ་སྣང་འགགས་མེད་ཡེ་ཤེས་ཆོ་འཕྲུལ་ལས །གསལ་བ་གསུམ་ལྡན་རྫོང་འཕྲང་སྲོག་གསུམ་འཚེངས །ཡེ་ནས་མི་འབྲལ་གཉིས་འཛིན་རུ་ཏྲ་བསྒྲལ །དུག་ལྔ་དུག་གསུམ་སྐུ་གསུམ་ཡེ་ཤེས འཆར། །མནན་སྲེགས་འཕང་གསུམ་ཆོས་ཉིད་ཀློང་དུ་སྒྲོལ །རང་རིག་འགྱུར་མེད་འོད་གསལ་ལྷ་ལ་འབུལ །མཆོག་ཐུན་དངོས་གྲུབ་འབྲས་བུ་རང་ཆས་རྫོགས། སྐུ་གསུམ་དབྱེར་ རྟ ༄༅། །མེད་དགོངས་པ་གཞི་དབྱིངས་སུ། །ཡོངས་གྲུབ་རིག་པའི་བཙན་ས་ཟིན་པ་དང་། །རང་རིག་ཀུན་བཟང་བླ་མ་དབྱེར་མེད་པར། །རང་སྣང་དོན་གྱི་གནས་སུ་འཁོད པར་ངེས། །སྤྲང་མདོ་མེད་འཆོལ་མོའི་ཆོས་ལུགས་ཡིན །གཞན་གཞུང་ལུགས་ཀུན་དང་མི་མཐུན་པས། །ཐུགས་ཁྲེལ་མ་མཛད་ལྷ་གྲོགས་རྣམས། །ཨ་མཚར་ཡིན་ནོ་མཆེད་གྲོགས རྣམས། །གཞན་ལ་མ་སྟོན་ཨ་ཐཾ་རྒྱ། དམ་ཚིག་རྒྱ། ཞེས་སྣང་གསལ་ངོས་ལ་དི་པཾ་ཏཱ་རེས་བྲིས་པའོ།། དགེའོ།། །། ཀ་དག་རིག་པ་རྩ་བྲལ་འོད་གསལ་གྱི་གནས ལུགས། །བཅས་བཅོས་ཚིག་གི་སྦུན་པའི་དྲི་མ་དང་བྲལ་བས །གང་སྣང་ཡེ་ཤེས་ཆེན་པོའི་རོལ་པ་ལས་མ་འདས། །མི་རྟོག་སེམས་ངོ་བྲལ་བའི་ངང་བཞག་ལ་སྐྱོངས་དང་།ཆོས་དབྱིངས་འགྱུར་བ་མེད་པའི་གནས་ལུགས་དེ་མཐོང་ནས། །རང་བྱུང་ཡེ་ཤེས་ཆེན་པོ་རང་ས་ནས་ཐོབ་ངེས། །དེ་སྐད་བཙུན་པ་དད་ལྡན་གང་དེ་ཡིས་བསྐུལ་ངོར། །མདོ་མེད་སྤྲང་འཁྱམས་སུ་ཁ་བཛྲ་གྱིས་སྤེལ་ལོ། དགེའོ།། །། TI1397-366 ༄༅། །དུས་གསུམ་རྒྱལ་བའི་སྤྱི་གཟུགས་ཧེ་རུ་ཀ །གཏན་གྱི་སྐྱབས་མགོན་པདྨ་ལས་འབྲེལ་རྩལ །བྱང་ཆུབ་བར་དུ་རིགས་ཀྱི་བདག་པོར་བཞུགས །བདག་རྒྱུད་ཆོས་དང་འདྲེས་པར་མཛད་དུ་གསོལ །ཉོན་དང་སྔོན་སྨོན་ལས་འཕྲོ་ཅན། །ཡང་དག་ལམ་ལ་འཇུག་སྤྲོ་ན །མཚན་ལྡན་དགེ་བའི་བཤེས་གཉེན་བསྟེན །མཉེས་གསུམ་བསྒྲུབ་ལ དགོངས་སྤྱོད་སློབ །བློ་ལྡོག་བཞི་ཡིས་རང་རྒྱུད་སྦྱངས །བླང་དོར་གནས་ལ་མཁས་པར་གྱིས །ཕ་ཡུལ་སྲིན་པོའི་གླིང་དང་མཚུངས། །བྱས་ཚད་ངན་སོང་འཁོར་བའི་རྒྱུ། །བདེ་མེད་སྡུག་བསྔལ་རིན་གྱིས་ཉོ། །ཕུང་བྱེད་དུག་སྦྲུལ་ཚང་ལྟ་བུར། །ལས་འབྲས་བསླུ་མེད་རང་ལ་སྨིན། །དེ་ཕྱིར་འཁོར་བའིབྱ་བ་ལ། །སྙིང་པོ་མེད་པའི་དོན་ལ་སོམས། །རྐྱེན་བྲལ ཡོན་ཏན་འབྱུང་བའི་གནས །མི་མེད་དབེན་པའི་རི་སུལ་དུ། །སྙིང་ནས་ཆོས་ཤིག་བསྒྲུབ་ནུས་ན །སྙིང་པོའི་དོན་དེ་མཐོང་ལགས་བསམ །རང་རིག་འོད་གསལ་འདུས་མ་བྱས། ། བཅོས་བསྒྱུར་བློ་ཡིས་མ་བྱེད་པར །རིག་སྟོང་བརྗོད་བྲལ་ངང་དུ་ཞོག །མངོན་གྱུར་ཆེན་པོ་ལྟ་བའི་གནད། །ཆོས་ཉིད་གཏིང་གསལ་དབུས་མཐའ་བྲལ། །སྐུ་དང་ཡེ་ཤེས་གཞི་རུ་ རྫོགས། །འབད་རྩོལ་སྤྲོས་པ་བྲལ་བ་ཡི། །འཁོར་འདས་ཆོས་རྣམས་རིག་པའི་བབས །གསལ་སྟོང་གཉིས་མེད་ཡེ་ཤེས་ཆེ། །སྒོམ་འཛིན་ལས་འདས་སྒོམ་པའི་གནད། །གང་ཤར་སྤང་བླང་ཡུལ་ལས་འདས། །ཡེ་ཤེས་ཆེན་པོའི་རོལ་པར་ཤར། །གཟུང་འཛིན་གཉིས་སྣང་དབྱིངས་སུ་ནུབ །མ་བཅོས་བཞག་པ་སྤྱོད་པའི་གནད །དོན་ལ་རང་བྱུང་ཡེ་ཤེས་ཉིད། བློ་འདས་ཡེ་གྲོལ་ཆེན་པོ་ལ། །ལྟ་སྒོམ་སྤྱོད་པའི་ཚིག་ལས་འདས། །སྐུ་གསུམ་མཉམ་ཉིད་འོད་གསལ་ཀློང་། །རང་རིག་མངོན་གྱུར་འབྲས་བུའི་གནད། །དེ་བཞིན་རྒྱུན་དུ་ཉམས་ལེན་王།མི་གནས་གཏན་སྲིད་ཚེ་འདི་རུ། །ཟིན་པར་འགྱུར་བ་གདོན་མི་ཟ། །དེ་སྐད་དད་ལྡན་ཨ་སྟག་གིས །བསྐུལ་བ་ཟབ་ཕྱིར་སྙོམས་ལས་པ །བདེ་ཆེན་བདེ་བའི་རྡོ་རྗེས བྲིས། །དགེའོ།། །། ཀ་དག་རིག་པ་ཟང་ཐལ་འདི། །ཁ་དོག་ལས་འདས་འོད་གསལ་ངང་། །ག་ལེར་མ་བཅོས་རང་བབས་ཀློང་། །ངར་འཛིན་མདུད་རྒྱ་དབྱིངས་སུ་བོར། །མ་བཅོས་མ་བསྒྱུར་རང་བྱུང་གི །ཡེ་ཤེས་ཆེན་པོར་ཉམས་བླངས་ན། །ཀུན་བཟང་དགོངས་པ་མངོན་གྱུར་ནས །རང་གནས་འབྲས་བུ་ཨེ་མ་ཧོ། །དེ་སྐད་བླ་མ་སྐྱབས་ཀྱི་ངོར། །སུ་ཁའི་ ༄༅། །མིང་གིས་བྲིས་པའོ།། དགེའོ།། །། ཀུན་ཏུ་བཟང་དང་དབྱེར་མེད་པའི། །འདྲེན་མཆོག་པདྨ་ལས་འབྲེལ་ལ། །གསོལ་བ་འདེབས་སོ་ཐུགས་རྗེས གཟིགས། །བདག་རྒྱུད་སྨིན་གྲོལ་བྱིན་གྱིས་རློབས། །ཨེ་མ་གསོན་དང་སྐལ་ལྡན་ལགས །རང་བྱུང་རིག་པ་བྱང་ཆུབ་སེམས། །སྤྲོས་བྲལ་རྣམ་ཐར་གསུམ་དང་ལྡན །སྐུ་དང་ཡེ ཤེས་བདག་ཉིད་དཔལ། །འཁོར་འདས་གཉིས་མེད་འུབ་ཆུབ་ཀློང་། །ཇི་བཞིན་རྟོགས་པ་ལྟ་བ་ལགས །མ་བཅོས་ཐ་མལ་ཤེས་པ་འདི། །ཟང་ཐལ་འབད་རྩོལ་བློ་བྲལ་ངང་། །གང་སྣང་ཡེ་ཤེས་ཆེན་པོའི་གཤིས །རང་བབས་མངོན་གྱུར་སྒོམ་པ་ལགས། །གང་ཤར་མ་བཅོས་གཉུག་མའི་ཀློང་། །སྤང་བླང་ཡེ་ཟད་རྟོག་གཉིས་བྲལ། །ཡུལ་སྣང་ཐུག་ཕྲད་རྗེན་པར་ཀློད། །ཤར་ཆ་ཡེ་ཤེས་ལམ་དུ་ཁྱེར། །འཛིན་ཞེན་རང་གྲོལ་ནམ་མཁའ་ཆེ། །མ་བཅོས་ངང་བཞག་སྤྱོད་པ་ལགས །ནང་གསལ་ཐིམ་ལ་མ་རྨུགས་པའི །ངོ་བོ་རང་བཞིན་ཐུགས་རྗེའི་བདག །རང་བྱུང་རིག་པ་ཆོས་ཀྱི་སྐུ །མི་གནས་མི་འགྱུར་ཡེ་ཤེས་ངང་། །སྤང་ཐོབ་བྲལ་བ་འབྲས་བུ་ལགས། །ངོ་བོ་གཅིག་ལ་ལྡོག་པའི་ཚུལ། །ལྟ་སྒོམ་སྤྱོད་འབྲས་ལམ་གནད་ འདི། །བྱ་བྲལ་ཤེས་རབ་འོད་ཟེར་གྱིས། །དབང་མདོག་རིན་ཆེན་སྐྱེས་བཅས་ངོར། །མདོ་མེད་འཆོལ་མོ་སྤྲང་འཁྱམས་པ། །སུ་ཁ་བཛྲ་རྩལ་གྱིས་བྲིས།། དགེའོ།། །། ཀྱེ་མ་གསོན་དང་ཤཱི་ལ་བཛྲ །སྡུག་བསྔལ་འཁོར་བའི་གྲོང་ཁྱེར། །འཇིག་ལུགས་འདི་ལ་ལྟོས་དང་། །སྔ་སོར་ཡོད་པའི་དཔའ་བོ། །ད་ནི་མཐོང་ཐོས་ཙམ་མེད། །ན་ནིང་ཡོད་པའི་སྙིང་སྡུག །ད་ལོ་མི་སྣང་ཡིབས་སོང་།ཞལ་གྱི་དཀྱིལ་འཁོར་དྲན་ཚེ། །གསལ་བྱེད་ཆུ་རྒྱུན་འབེབས་བྱུང་།གསུང་གིས་བྱམས་སྐྱོང་དྲན་དུས། །འདུག་ཐབས་མེདཔ་ཨོ་ཨོ། ། ཐུགས་ཀྱི་བརྩེ་གདུང་དྲན་དུས། །འདིར་སྣང་བྱ་བ་ཅི་བྱེད། །དཔའ་བོ་ཉིད་དང་དབྱེར་མེད། །འཁོད་པའི་སྨོན་ལམ་དྲན་འདུག །འཁོར་སློབ་གདུལ་བྱའི་ཞིང་ས། ད་ནི་འདུས་བྱས་གྱུར་འདུག །ཚེ་གང་འགྲོགས་པའི་གཏན་གྲོགས །ད་ནི་ཚེ་སྡུག་སོང་འདུག །ཆོས་མཐུན་གཞུང་བཟང་བསམ་པ། ད་ནི་སྡུག་སེམས་གང་འདུག །ཅི་དང་ཅི་ལ་བསམ་ཡང་། །ད་ནི་དགོས་པ་མ་བྱུང་ས་ག་ཟླ་བ་འབོད་པའི། དུས་སུ་མི་སྣང་ཡིབས་བསམ། །ལས་དབང་ངན་པ་མ་ཟད། །ད་དུང་ཡུན་རིང་འདུག་ཐང་། །ཨ་ལ་ཀུ་རེ་ཡིན་ནོ། །སྙིང་གི་བུ་མཆོག ༄༅། །ཁྱོད་དང་། །འབྲལ་མེད་ལོ་ཤས་འདུག་སྙམ། །ཡང་ཡང་སེམས་ལ་བཅག་ཡོད། །སྣང་སྲིད་འཁོར་འདས་ཆོས་ཀུན །གཉིས་མེད་རིག་པར་རྟོགས་ན། ། ཚད་ལྡན་དཔའ་བོ་མཆོག་ཉིད། །ཐག་རིང་ཞིག་ལ་མི་སྣང་། །རང་བྱུང་རིག་པ་དེ་ཀ །ཐབས་མཆོག་རྒྱལ་པོ་ལོས་ཡིན །རིག་སྟོང་བདེ་བ་ཆེན་པོར། །ནམ་ཡང་འབྲལ་བ་མེད་དོ། །དེ་སྐད་སྙིང་མེད་བུ་མོ། །སུ་ཁ་བཛྲ་རྩལ་གྱིས །ཤཱི་ལ་བཛྲའི་དྲུང་དུ། །ཡི་མུག་གླུ་རུ་དྲངས་ནས །ཡི་གེའི་རིས་སུ་ཕུལ་ལོ།། དགེའོ།། །། ཀྱེ་མ་ཀྱི་ཧུད་འཇིག རྟེན་འཁོར་བའི་ཆོས། །གང་ལ་བསམ་ཡང་སྐྱོ་བ་སྐྱེ་བའི་རྒྱུ། །ཅི་ལ་བསམ་ཡང་མི་རྟག་འཇིག་པའི་ཆོས། །སྔ་སོར་བཟའ་ཚང་ཚོང་འདུས་མགྲོན་པོ་འདྲ། །འདུས་པའི་མཐའ་མ་བྲལ ལུགས་འདི་ལ་ལྟོས །རྒྱུ་ནོར་ལོངས་སྤྱོད་རྩྭ་ཁའི་ཟིལ་པ་འདྲ། །གསོགས་པའི་མཐའ་མ་འཛད་ལུགས་འདི་ལ་ལྟོས །བརྩེ་བའི་སྙིང་གྲོགས་ནམ་མཁའི་འཇའ་ཚོན་འདྲ། །འགྲོགས པའི་མཐའ་མ་བྲལ་ལུགས་འདི་ལ་ལྟོས །གཅེས་པའི་བུ་ཕྲུག་ལ་ཁའི་ན་བུན་འདྲ །བསྐྱངས་པའི་མཐའ་མ་བྲལ་ཚུལ་འདི་ལ་ལྟོས །དགའ་བའི་མཆེད་གྲོགས་དབྱར་གྱི་མེ་ཏོག་འདྲ། ། འཚོགས་པའི་མཐའ་མ་འཐོར་ལུགས་འདི་ལ་ལྟོས །འུ་ཅག་མ་བུ་སྔོན་གྱི་ལས་ཀྱིས་འདུས། །ཅི་ཡོང་ཆ་མི་ཆོད་པའི་དུས་ལ་ལྟོས །ད་ནི་ཅིས་ཀྱང་འཁོར་བར་སྙིང་པོ་མེད། །སྙིང་པོ་ཡོད་པ་དམ་པའི་ལྷ་ཆོས་རེམ །རང་རིག་བླ་མར་རྟོགས་པའི་གདམས་པ་འདི །ཕ་གཅིག་རྟོགས་ལྡན་བླ་མའི་དྲིན་གྱིས་ཐོས། །ད་ནི་ཡལ་བར་མ་དོར་ཉམས་ལེན་མཛོད། །མི་ཚེའི་ལྷག་མ་སྙིང་པོའི་ཆོས་ལ་དྲིལ། །རང་གཞན་དོན་གཉིས་འགྲུབ་པའི་དཔལ་ཆོས་སྒྲུབས །བླ་མའི་སྐུ་ཡི་བྱིན་རླབས་ལུས་ལ་ཞུགས །ལུས་སྣང་ལྷ་སྐུར་སྨིན་པའི་གདམས་པ་ཐོབ། །བླ་མའི་གསུང་གི་བྱིན་རླབས་ངག་ལ་ཞུགས །འབྱིན་འཇུག་རླུང་སྔགས་ཡི་གེའི་རོལ་པར་ཤར། །བླ་མའི་ཐུགས་ཀྱི་བྱིན་རླབས་ཡིད་ལ་ཞུགས །ཆོས་ཉིད་བདེན་མཐོང་ཐུགས་ཡིད་གཅིག་དྲིལ་ངང་། །འཁོར་འདས་དག་མཉམ་ཆེན་པོའི་གདིང་ཞིག་ཐོབ །དེ་སྐད་