Tibetan
བཟང་པོ་ལ་བན་ཡག་དབེན ཁྲོད་ནས་བྲིས་པའོ། དགེའོ།། །།བེེ་ཕུག་ཆོས་སྒར་ལ་འཕྲིན་ཡིག་བསྐུར་བའི་སྐབས་དོན། བདག་གིས་མན་ངག་རྫོགས་པ་ཆེན་པོའི་གདམས་པའི་གནད་རྣམས་ཚངས་སྤྲུགས་སུ་བྱིན་ཡོད་པས། དེར་ལྷུན་གྲུབ་རང་སྣང་དུ་ངོ་ཤེས་པར་བྱ་ཞིང་རིག་པ་ཀ་དག་ལ་གདིང་ཐོབ་པར་མཛོད་དང་། བླ་མ་ཆོས་སྐུའི་རྒྱལ་ས་ལ་ཐོན་ལོས་འགྲོ་ལགས། ཕྲན་ཀྱང་ད་སྐབས་ཉོན་མོངས་ལྔའི་རྫོང་མཁར་དུ་ཀུན་བརྟགས་འཁྲུལ་པའི་དམག་སྒར་ཆགས་ནས་ཉོན་ཡིད་ཀྱིས་ཉིན་འཐབ་མཚན་འཐབ་བྱེད་འདུག་ཀྱང་། བླ་མའི་མན་ངག་གིས་ངར་བླུད་ནས་གཟུང་འཛིན་རང་གྲོལ་གྱི་མེ བཙའ་དེ་མ་རིག་རྒན་མོའི་མགོ་ལ་བཞག་ནས་འོདགསལ་མཉམ་བརྡལ་གྱི་མལ་ས་རུ་བཅོས་མེད་བདེ་ལུགས་སུ་ཉལ་ནས་ཚོགས་དྲུག་རང་གྲོལ་དུ་ཡན་པའི་སྐབས་ཡིན་པས་བདེ་བར་གནས། ༄༅། །བདེ་བའི་རྡོ་རྗེས་སོ། །།རྩང་སྒར་དབེན་ཁྲོད་ཀྱི་རང་སློབ་དམ་པ་རྣམས་ལ་སྤྲིང་ཡིག་ཏུགདམས་པ། ཁྱོད་བུ་སློབ་མཆོག་དམན་ཀུན་གྱིས་མལ་ས་བདེ མོའི་ནང་ནས་ཤ་མར་ཐུད་སོགས་ཟས་གང་དགའ་ལ་ལོངས་སྤྱོད་ཅིང་ཚབ་ཚུབ་ཀྱི་བླ་རྣམ་རེ་གསུངས་པ་ཡུས་ཆེ་མི་མཛད་པར། ཀ་དག་དང་ལྷུན་གྲུབ་ཀྱི་ཉམས་ལེན་ལ་རང་རྐྱ་ཐུབ་ཐབས་རེ་མ་འཆུགས་རེམ་རེམ། ཡུལ་སྣང་གི་འགྱུར་བ་ལ་ངེས་པ་མེད་པ་དགོངས་བཞིན འཁྲུལ་སྣང་འཁྲུལ་གཟུགས་ཀྱི་སྣང་བ་ཐམས་ཅད་རང་ལ་བདེན་མེད་སྒྱུ་མའི་རང་བཞིན་དུ་སྟོན་པའི་སློབ་དཔོན་ཡིནཔས། དེ་གར་རིག་པའི་བཙན་ས་ཟིནཔ་དགོས་མ་གཏོགས་དེ་ཙམ་མ་གོ་ན་ཆོས་ཐམས་ཅད་སྒྱུ་མ་རེད རྨི་ལམ་རེད། རང་སྣང་ཡིན་ཟེར་བ་ཐམས་ཅད་རི་མོའི་རྟ་གླང་ལྟ་བུའི་ཕྱོགས་སུ ངེས་པས ཕྱིན་ཆད་བར་དོའི་སྣང་བའང་དེ་དང་འདྲ་མཚུངས་པས་ཆོད་དཀའ་བར་སྣང་ལགས དེས་ན་སྔར་ཁྲིད་ཀྱི་སྐབས་སོགས་དུས་ཀུན་ཏུ་བདག་གིས་ཁྱོད་རྣམས་ལ་ཞུས་པ་ལྟར་རིག་པ་ཀ་དག་ལ་གདིང་ཐོབ་པར་བྱེད་ཅིང་ལྷུན་གྲུབ་རང་སྣང་དུ་ཤེས་ནས་རྩལ་རྫོགས་དགོས། དེ་ལྟར་ཟུང་འཇུག་གི་ལམ་ལ་བརྟན་པ་ཐོབ་ནས་སླར་གདིང་དང་དྲོད་ཚད་རྟོགས་པ་ཐམས་ཅད་མངོན་དུ་གྱུར་ པ་ལ། མཉམ་རྗེས་སྤྱོད་ལམ་རྐྱེན་བཟང་ངན་སེམས་བདེ་སྡུག་ཡིད་དགའ་སྐྱོ་ལ་སོགས་གང་གི་སྐབས་སུའང་ལྟ་བའི་སྟངས་མ་ཤོར། སྒོམ་པའི་གདིང་དང་མ་བྲལ། སྤྱོད་པ་བག་མེད་དུ་སྐད་ཅིག་ཙམ་ཡང་མི་བཏང་བར་རང་གི་རིག་པའི་ཆོས་ཉིད་ལ་གོམས་འདྲིས་བྱེད་ཅིང་། ཆོས་ཅན་ཆོས་ཉིད་དུ་གྲོལ་བའི་ཚད་ལ་གཏུག་དགོས་ཞེས་ཞུས་བཞིན་མཆོག་དམན་ཀུན་གྱིས་ཉམས་ལེན་གྱི་མཐའ་བསྐྱངས་ནས་སྒོ་གསུམ་ཆོས་མིན་གྱི་བྱ་བ་རྒྱང་ནས་སྤངས་ཏེ། ཐུགས་མཐུན་ཁྲིམས་གཙང་གི་སྒོ་ནས་ཞག་བརྒྱ་མཐར་ཕྱིན་གྱི་དགོངས་སྤྱོད་མི་ཆུང་བར་ཞུ། ཞེས་ས་ཡོས་ཟླ་༡༢ ཚེས་༡༧ ལ་རི་ཆེའི་ཞབས་དྲུང་གི་གསེར་ཁང་ཤར་གྱི་ཉི་མཐོང་ནས་བདེ་བའི་རྡོ་རྗེས་ཕུལ།། དགེའོ།། །།རྒྱལ་ཀུན་འདུས་ཞལ་མཚོ་སྐྱེས་རྗེ། །དབྱེར་མེད་དཔལ་ལྡན་བླ་མ ལ། །གསོལ་བ་འདེབས་སོ་ཐུགས་རྗེས་གཟིགས །བདག་རྒྱུད་བྱིན་གྱིས་བརླབ་ཏུ་གསོལ །ཀ་ཡེ་གསོན་དང་རིགས་ལྡན །ཁ་དོག་མེད་པའི་སེམས་ཉིད །ག་ལེར་གཏན་ལ ཕེབས་དང་། །ང་བདག་བརྫུན་ཕུག་སྟོང་འགྲོ། །ཅ་ཙོའི་ཚིག་ཙམ་ཤེས་ཀྱང་། །ཆ་མཐུན་ཉམས་ལེན་མེད་ན། །ཇ་སོགས་འདོད་ཡོན་རྒྱ་མཚོར། །ཉ་མོ་གསེར་མིག་ལྡན་ཡང་། །ཏ་ ༄༅། །ཐཱ་ག་ཏའི་བསྟན་ཆོས །ཐ་མལ་གནས་སུ་གོལ་འགྲོ། །ད་ནས་བྱང་ཆུབ་བར་དུ། །ན་མོ་དད་པའི་གཙུག་རྒྱན། །པ་ར་མི་ཏའི་སྙིང་བཅུད། །ཕ་ནོར་བཞིན དུ་བརྟེན་མཛོད། །བ་གམ་ལྟ་བུའི་གོ་ས །མ་རབས་སྤྱོད་དང་མ་བསྲེ །ཙ་ཟན་ཅང་ཤེས་རྟ་མཆོག །ཚ་གྲང་བདེ་སྡུག་གོ་བཞིན། །ཛགྲོགས་འཁོར་འབངས་མངའ་རིས། །ཝ་ལེར་བྱམས་བརྩེས་བསྐྱངས་ཏེ །ཞྭ་དམར་བསྟན་པའི་རྒྱན་དུ། །ཟ་འོག་མཛེས་ལྡན་དཔེ་བཞིན། །འ་འུར་རོལ་མོའི་དབྱངས་སྙན། །ཡ་རབས་སྤྱོད་པའི་རྗེས་བསྟུན། །ར་མེ་ཤྭ་རའི་གནས་བདག །ལ་འུར་མ་འགྱང་གསོལ་ན། །ཤ་ཟ་སྲིན་པོའི་འཕྲུལ་ཞི། །ས་ཐོབ་སེམས་དཔའི་དཔལ་ནོར །ཧ་ལོའི་འབྲས་བཞིན་སྨིན་ངེས། །ཨ་ལ་ཀུ་རེ་ཡིན་ནོ། །བདེན་མིན་རྫུན་མིན་ཚིག་འདི། །སུ་ཁ་མིང་གིས་བྲིས་སོ། ཨ་ཧོ། ཀ་དག་རིག་པ་སྨྲ་བསམ་བརྗོད་པ་བྲལ། །ཁ་དོག་མ་ངེས་ལྷུན་གྲུབ་ཡོན་ཏན་རྫོགས། །ག་ལེར་མ་བཅོས་རང་བབས་ངང་སྐྱོང་དང་། །ངར་འཛིན་འཁྲུལ་པ་གཉིས་མེད་དབྱིངས་སུ་གྲོལ། །ཆོས་ཅན་མཚན་མར་འཛིན་པའི་ཆོས་རྣམས་ཀྱང་། །ཆོས་ཉིད་སྤྲོས་མཐའ་བྲལ་བའི་ངང་དུ་དག །གང་སྣང་གང་ཤར་ཡེ་ཤེས་ ཆེན་པོའི་རྩལ། །ཡེ་གྲོལ་བློ་འདས་ཆོས་སྐུའི་དགོངས་པར་མཉམ། །དེ་ལ་དབྱེ་བསལ་སྤང་བླང་བྱར་མེད་པས། །མངོན་གྱུར་ངང་གནས་གཏན་སྲིད་ཟིན་པར་མཛོད། །དེ་ལྟར་འཁྲུལ་མེད གནས་ལུགས་ཆེན་པོའི་དོན །སྐྱེ་དམན་བདག་འདྲས་བརྗོད་པའི་གནས་མིན་ཀྱང་། །སློབ་བུའི་ཐུགས་བཞེད་སྐོང་ཕྱིར་ཟུར་ཙམ་ཞུ། །དཔེ་རུ་མ་བཞག་གནད་དོན་ཉམས་ལེན་རེམ ཞེས་བདེ་བའི་རྡོ་རྗེས་གང་དྲན་ཡིག་རིས་སུ་བྲིས་པའོ། དགེའོ།། །། 38 rKZ7UEZk TI1397-392 ༄༅། །སེམས་མེད་སྤྲང་མོའི་རྨོངས་གླུ་བཞུགས། ཡིད་ཀྱི་འཁྲི་ཤིང་དཔའ་བོ། །ཆ་མེད་ཡུལ་ལ་བྱོན་ཐལ། །གནས་གསུམ་མཁའ་འགྲོའི་ཚོགས་ཀྱིས །མཐུན་རྐྱེན་ལམ་གྲོགས་མཛོད་ཅིག །སེམས་མེད་བདེ་བའི་རྡོ་རྗེ །གྲོགས་མེད་ཤུལ་ལ་ལུས་འདུག །བཟའ་བ་ཟས་ཀྱིས་ཅི་བྱེད །མགྲིན་པ་རླུང་གིས་གང་སོང་། །བཏུང་བ་ཇ་ཆང་དགོས མེད། །སེམས་མེད་བེམ་པོ་སྟོང་སོང་།གཡོག་འཁོར་ནོར་གྱིས་ཅི་བྱེད། །སྙིང་རླུང་སྟོད་དུ་འཚང་འདུག །ལྷ་རྗེ་བརྒྱ་ཡིས་མི་ཕན། །ཡིད་ཀྱི་འཁྲི་ཤིང་དྲན་བྱུང་། །སྙིང་དང་འདྲ་བའི་དཔའ་བོ། །ད་ཙམ་གང་དུ་བྱོན་ཡོད། །སེམས་མེད་བདེ་བའི་རྡོ་རྗེ །གྲོགས་མེད་ཤུལ་ལ་ཡིད་མུག །བརྩེ་བས་བསྐྱངས་པ་དྲན་དུས། །མིག་ནས་མཆི་མ་ཐར་ཐར། །སྡུག་བསྔལ་མུན་ནག་ཐིབ་ཐིབ། །དོན་སྙིང་མེད་པའི་མི་བཞིན། །གཏད་མེད་ཧད་པོར་སོང་འདུག །ལྷ་ལམ་ཡངས་པའི་མཁའ་ནས། །བྱ་རྒྱལ་འཕུར་ལྡིང་གཡོ་བ། །གསལ་བྱེད་སྒོ་རུ མངོན་དུས། །ཐང་དཀར་རྒོད་ལས་སྐྱིད་ཞིག །ས་སྟེང་འདི་ན་མི་འདུག །ང་ཡི་སྙིངགྲོགས་དམ་པ། །གར་བཞུགས་གར་བྱོན་ལོས་རིག །འབྲལ་མེད་འགྲོགས་ན་ཆོག་གམ། །གོ་ མིན་གནས་མིན་ཡུལ་ནས། །སེམས་མེད་བདེ་བའི་རྡོ་རྗེས། །ཡི་མུག་གླུ་རུ་དྲངས་ནས། །སྡུག་སྒུར་མི་བྱེད་ཀ་མེད། །བགྲོད་པའི་ནུས་པ་མེད་དོ། །ཧ་ཧ་བདེ་བའི་རྡོ་རྗེས། །རང་སེམས་གཏན་ལ་ཕབས་འདུག །འཁྲུལ་སྣང་དངོས་པོར་མ་འཛིན །རིག་པ་མི་འགྱུར་རྡོ་རྗེ། །སྟོང་དབྱིངས་ཤེས་རབ་བཙུན་མོ། །གདངས་སྣང་མ་འགགས་དཔའ་བོ། །དབྱེར་མེད་མཉམ་ཉིད་རོ་གཅིག །འདུ་འབྲལ་ཡུལ་ལས་འདས་སོང་།ཡེ་གཞི་གདོད་མའི་མཁའ་ལ །འཛིན་བྲལ་ཐང་དཀར་རྒོད་པོས། །འཁྲུལ་སྣང་དབྱིངས་སུ་བཤིག་ནས། །རིག་པ་མི་འགྱུར་བྲག་ལ། །རང་ས་ཟིན་པ་ཨེ་མ། །སྣང་སྟོང་བདེ་བ་ཆེན་པོའི། །ཟག་མེད་བཅུད་ལ་རོལ་དང་། །དོན་གྱི་དཔའ་བོ་མཆོག་ཡིན། །རིག་སྟོང་དབྱེར་མེད་འོད་གསལ། །འདའ་མེད་གཏན་སྲིད་ཟིན་འོང་། །ཅེས་པའང་ཡིད་བཞིན་ནོར་བུ་བྱོན་ནས་ང་རང་ཤུལ་དུ་ལྷག་པས་རྐྱེན་བྱས་ཏེ་ཉེར་བརྒྱད་ཀྱི་ཉིན་ཐུན་བར་ཞིག་ལ་འཆོལ་གཏམ་ཡིག་རིས་སུ་བྲིས་པའོ།། དགེའོ།། །། སྐུ་གསུམ་རིགས་འདུས་པདྨ་ཐོད་ཕྲེང་རྩལ། །དབྱེར་མེད་རིག་འཛིན་འཇིགས་བྲལ་ཆོས་ཀྱི་དབང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས །ཨེ་མ་ ༄༅། །གསོན་དང་ལྷ་གྲོགས་དམ་པ་རྣམས། །འཇིག་རྟེན་འཁོར་བའི་ལས་ལ་སྙིང་པོ་མེད། །སྙིང་པོ་ཡོད་པ་དམ་པའི་ལྷ་ཆོས་ཡིན། །ཚེ་གཅིག་སྒྲུབ་ལ་གཞོལ་ཞིག མཆེད་གྲོགས་རྣམས། །ཨོ་རྒྱན་དངོས་སྤྲུལ་འཇིགས་བྲལ་ཆོས་ཀྱི་དབང་། །འབྲལ་མེད་ཉིན་མཚན་དུས་དྲུག་གསོལ་བ་ཐོབ། །ཡེ་ཤེས་རང་ཞལ་མཇལ་འོང་མཆེད་གྲོགས་རྣམས། །ང་དང་མི་ཐུག་བསམ་ནས་ཡིད་མ་སྐྱོ །ང་དང་ནམ་ཡང་འབྲལ་བ་ག་ལ་ཡོད །སྐྱེ་མེད་སྤྲོས་བྲལ་མ་བཅོས་ཁྱབ་བརྡལ་ཀློང་། །ཡེ་སྟོང་ཀུན་བཟང་དབང་མོ་ང་ཉིད་ནི །བསམ་བརྗོད་བྲལ 1མ བའི་ངང་ནས་རང་ཞལ་མཇལ །མ་འགགས་རང་བྱུང་ལྷུན་གྲུབ་རོལ་རྩལ་ལས། །རིག་སྟོང་བདེ་བའི་རྡོ་རྗེ་ང་ཉིད་ནི། །སྟོང་གསལ་འགགས་མེད་ཀློང་ནས་རང་ཞལ་མཇལ། །ཐུགས་རྗེའི་རྩ་ལ་སྣང་སྒྱུ་མའི་ཆོ་འཕྲུལ་ལས །མཐའ་བྲལ་བདེ་སྐྱོང་དབང་མོ་ང་ཉིད་ནི། །ཆོས་ཉིད་འགྱུར་བ་མེད་པའི་ངང་དུ་མཇལ །གཞི་སྣང་ལྷུན་གྲུབ་བདེ་ཆེན་འདུས་མ་བྱས། །ལམ་སྣང་མཁའ་སྤྱོད་དབང་མོ་ང་ཉིད་དང་། །གཉིས་མེད་ཡེ་རྫོགས་ཆེན་པོའི་རང་ཞལ་མཇལ །ནམ་ཡང་འབྲལ་བ་མེད་དོ་མཆེད་གྲོགས་རྣམས །ཆོས་མེད་དགེ་མེད་བདེ་བའི་རྡོ་རྗེ་ང་། །མི་ ཚེའི་ལྷག་མ་ཆོས་ལ་དྲིལ་སྙིང་འདོད། །ཚེ་དང་སྒྲུབ་པ་མཉམ་ན་ཞེ་བློ་བདེ། །ནོར་མེད་ཟས་མེད་བདེ་བའི་རྡོ་རྗེ་ང་། །བློ་ཕུག་སྤྲང་གཏད་དཀའ་སྤྱད་བྱེད་སྙིང་འདོད། །མི་ཐབས་ལྷ་ཐབས མེད་ཀྱང་ཞེ་བློ་བདེ། །ཆ་མེད་རྒྱུས་མེད་བདེ་བའི་རྡོ་རྗེང་། །ངེས་མེད་དབེན་རིར་སྒྲུབ་ཚུགས་ཟིན་ན་སྙམ། །བྱ་སྤྱོད་བློ་མང་ཟེར་ཡང་ཞེ་བློ་བདེ། །གོ་མིན་གནས་མིན་བདེ་བའི་རྡོ་རྗེ་ང་། །གཅིག་པུར་བག་ཡངས་བསམ་གཏན་བསྒོམ་སྙིང་འདོད །གནས་ས་མ་ཆོད་ཟེར་ཡང་ཞེ་བློ་བདེ། །པདྨའི་རྒྱལ་ཚབ་ཐབས་གྲོགས་ཡིན་སྙམ་རུང་།རང་ཉིད་བསོད་ནམས་དམན་པས་འཐབ་གྲོགས་གྱུར །འཐབ་འཁོན་ཚེ་རོགས་ངན་པས་དགོས་པ་ཆུང་།སྣང་ཆ་བདེ་ཆེན་དཔའ་བོ་ཡབ་དང་འགྲོགས། །གྲོགས་མེད་གཅིག་པུ་ཟེར་ཡང་ཞེ་བློ་བདེ། །སྐྱབས་ཀྱི་ཕ་མེད་མགོན་གྱི་མ་ཡང་མེད། །མཛའ་བའི་གྲོགས་མེད་བདེ་བའི་རྡོ་རྗེ་ང་།ཡིད་ཀྱི་འཁྲི་ཤིང་དཔའ་བོ་རྒུད་དུ་བཅུག །བདེ་ཆེན་པདྨ་འོད་དུ་འགྲོ་སྙིང་འདོད །ཕ་མིང་བཙན་པོ་མེད་ཀྱང་ཞེ་བློ་བདེ། །ཨ་ཅང་ཀུ་རེ་ཡིན་ནོ་མཆེད་གྲོགས་རྣམས། །སྐྱིད་སྐྱིད་བུ་མོ་ང་ལས་སྐྱིད་པ་མེད། །མི་ཡི་ངོ་བསྲུང་མདུན་མ་གཡོག་ལ་སོགས །གཅིག་ཀྱང་མི་དགོས་རང་མགོ་འཐོན་ན ༄༅། །ཆོག །རང་གཞན་དོན་གཉིས་གདན་ཐོག་འདི་རུ་འགྲུབ །སྡུག་སྡུག་བུ་མོ་ང་ལས་སྡུག་པ་མེད། །ཚེ་རོགས་དགྲར་ལང་མི་འདོད་སྣ་འདྲེན་བྱེད། །སྣ་ཚོགས ཐབས་ཀྱིས་དབང་མེད་ཡུལ་གཞན་སྤྱུགས། །བགྲོད་པའི་རྐང་མེད་ཞྭ་གྲུམ་གོམ་པར་སོང་།དྭ་ཕྲུག་མིང་སྲིང་ཁས་ཉམ་ཆུང་བ་ཡིས །ཕ་ཡི་ནོར་སྐལ་བཅད་ནས་བཀའ་བཀྱོན་ཆེ། །ཤ་ཚ་ཡི་མུག་སྙིང་རླུང་སྟོད་ལ་འཚུབས། །ངེད་ཅག་མ་བུའི་སྡུག་བསྔལ་སུ་ཡིས་བཟོད། །གཅེས་པའི་སྲོག་དང་མཚུངས་པའི་མིང་སྲིང་གཉིས། །ཆ་མེད་ཡུལ་དུ་རྒྱུས་མེད་ཁྱི་བཞིན་འཁྱམས། །སྙིང་མེད་ཨ་ཕ་ཤུལ་ལ་ཞེ་རེ་ཁྲེལ། །འདིར་སྣང་སྒྱུ་མ་རྨི་ལམ་ཡིན་ཡང་ཐང་།ཕྱི་མ་ལས་འབྲས་བསླུ་མེད་འོ་རེ་བརྒྱལ། །བརྩེ་ལྡན་མཆེད་གྲོགས་རྣམས་ཀྱི་སྙན་དྲུང་དུ། །བདེ་བའི་རྡོ་རྗེས་སྐྱོ་གཏམ་ཡི་གེར་ཕུལ །འུ་ཅག་མི་འགྱངས་དངོས་མཇལ་སྨོན་ལམ་ཞུ། །ཞེས་པ་འདི་ཡང་རིག་འཛིན་ཆེན་པོ་འཇིགས་བྲལ་ཆོས་ཀྱི་བློ་གྲོས་ཀྱི་དངོས་སློབ་དམ་པ་རྣམས་ཀྱི་ངག་གསལ་སྤྱི་བོར་སོན་ཚེ་བདེ་ཆེན་བདེ་བའི་རྡོ་རྗེས་ཡི་མུག་གང་དྲནགླུ་རུ་དྲངས་པའོ།། དགེའོ།། །། ཕྱོགས་དུས་རྒྱལ་བ་སྲས་བཅས་འདུས་པའི དཔལ། །རིགས་བརྒྱའི་ཁྱབ་བདག་འགྲོ་མགོནཔདྨ་འབྱུང་། །ཤེས་རབ་ཕུལ་ཕྱིན་མ་གཅིག་མཚོ་རྒྱལ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས །སྙིང་མེད་བདེ་བའི་རྡོ རྗེ་ཚུར་ཉོན་དང་།ཁྱོད་འདྲའི་ལས་ངན་ལུས་དམན་སུ་ཞིག་ཡོད། །མོ་ལོ་བཅོ་ལྔ་ནས་བཟུང་སུམ་ཅུའི་བར། །མི་ཡི་མདུན་ལ་གཡོག་སོགས་ཆོས་བརྒྱད་བསྐྱངས། །ངལ་བ་དོན་མེད་མི་ཚེ་སྡུག་ལ་ཟད། །རང་སེམས་རྩེ་མོ་འཁོར་བའི་བྱ་བར་ཕྱོགས། །ཅོལ་ཆུང་གཡེང་བ་ཆེ་ཞིང་ཚུགས་མི་ཐུབ །ཆེ་འདོད་གྲགས་འདོད་དགྲ་གཉེན་ཉེར་ལེན་ཞིབ། །ལོག་ལམ་ཆོས་འགལ་དམྱལ་བའི་གཏིང་རྡོ་བྱེད། །ཐར་པ་ཕར་ཞོག་འཕྲལ་བདེ་ཙམ་ཡང་མེད། །མི་རྟག་འཆི་བ་སྙིང་ནས་མི་སེམས་པར། །ཆོས་ལ་ཕྱི་བཤོལ་གཟོད་བྱ་ལོང་ཡོད་བསམ། །འཆི་བ་ཐོན་དུས་སྟོང་ལོག་ཡི་རེ་མུག །གང་ལ་དབང་ཡོད་དེ་ལ་སེར་སྣ་ཡོད །རང་གཞན་བདག་བཟུང་མི་དགེའི་ལས་ངན་བསགས། །སེར་སྣའི་མདུད་པ་མ་ཁྲོལ་གཏོང་ཕོད་ཆུང་། །སུ་དང་འགྲོགས་ཀྱང་འཐབ་འཁོན་རྩོད་པའི་གཞི། །དུག་ལྔ་མེ་འབར་རང་རྒྱུད་རྭ་ལྟར་གྱོང་།དད་མོས་ཆུང་ཞིང་ཐོས་བསམ་སྒོམ་པ་ཞན། །བསྐྱེད་རྫོགས་གནད་དོན་མི་ཤེས་ཁ་ཕོ་མཐོ། །གཉིས་འཛིན་ ༄༅། །མདུད་རྒྱ་མ་གྲོལ་ཕོ་ཚོད་ཆེ། །སྣང་སྲིད་སེམས་སུ་མི་ཤེས་རས་ཆོད་བྱེད། །རང་སེམས་རང་གིས་མི་ནོན་ཁོང་ཁྲོ་གསོགས། །བྱ་བྲལ་བསམ་ནས་འཁོར་ཆེན་རེས་མོས་འཛིན། །གཅིག་པུར་ཟེར་ནས་བུ་བརྒྱུད་འཚོ་སྐྱོང་བྱེད །ཆོག་ཤེས་དགོས་ཟེར་ཚོང་ཁེ་རྒྱུན་མི་བཅད །བླ་མ་བསྟེན་ཟེར་སྡོམ་བསླབ་དམ་མི་བསྲུངས། །མཆེད་གྲོགས་ཡིན་ཟེར་རྒྱུད་དཀྲུགས་དམའཕབ་བྱེད །མཚམས་སྒྲུབ་ཡིན་ཟེར་ཚོགས་ངན་འཁོར་ལོ་བསྐོར། །ཡོན་ཏན་ཀུན་ཟད་སྐྱོན་ཀུན་ལུས་ལ་ཚང་། །ཁྱོད་འདྲའི་ལས་ངན་འདི་འདྲ་མཐོང་ཙམ་ན། ཡེ་ཤེས་སྤྱན་ལྡན་རྣམས་ཀྱང་ཐུགས་ཁྲེལ་ནས །འཇིག་འདས་སྲུང་མས་བཀའ་ཡི་ཆད་པ་ཡོང་། །ཀྱི་ཧུད་ཀྱི་ཧུད་ལས་ངན་སྙིང་སྟོབས་ཅན། །ད་ནི་ལ་འུར་དམ་པའི་ཆོས་ལ་བརྩོན། ཆགས་སྡང་དུག་གི་མེ་ཏོག་བསྐྱུར་ལ་ཐོངས །བསམ་པ་གཏན་ཕོབ་མ་ཎི་ཡིག་དྲུག་འདོན། །གཉིས་འཛིན་འཁོར་བའི་བརྟོད་ཕུར་ཕུད་ལ་ཐོངས། །བསམ་པ་གཏན་ཕོབ་མ་ཎི་ཡིག་དྲུག འདོན།༈ །བསོགས་འཇོག་སེར་སྣའི་མདུད་པ་ཁྲོལ་ལ་ཞོག །བསམ་པ་གཏན་ཕོབ་མ་ཎི་ཡིག་དྲུག་འདོན། །ཚོང་ཁེ་མི་དགེའི་ལས་སྣ་བསྐྱུར་ལ་ཐོངས །བསམ་པ་གཏན་ཕོབ་མ་ཎི་ཡིག དྲུག་འདོན། །གཞན་སེམས་དཀྲུགས་པའི་ཚིག་ངན་མི་སྨྲ་ཞིང་། །རང་སྐྱོན་ངོས་བཟུང་གཉེན་པོ་དྲན་ཤེས་བརྟེན །བསམ་པ་གཏན་ཕོབ་མ་ཎི་ཡིག་དྲུག་འདོན། །ཅོལ་ཆུང་སྣང་བ་མ མཐོ་དམན་ས་ཟུངས། །མི་ཚེའི་ལྷག་མ་བློ་ཕུག་ཆོས་ལ་གཏོད། །བསམ་པ་གཏན་ཕོབ་མ་ཎི་ཡིག་དྲུག་འདོན། །གནོད་སེམས་ཚོགས་ངན་འཁོར་ལོས་དགོས་པ་ཆུང་། །ཕན་སེམས་བྱང་ཆུབ་སེམས་ལ་བློ་སྦྱོང་ནས། །བསམ་པ་གཏན་ཕོབ་མ་ཎི་ཡིག་དྲུག་འདོན །ད་ནི་ཅི་བྱས་ཆོས་དང་བསྟུན་གལ་ཆེ། །འཕྲལ་བདེ་གཏན་བདེ་མ་བརྗེ་སྙིང་མེད་མ། །ཁྱོད་འདྲའི་ལས་ངན་སེམས་ཅན་གཅིག་ཀྱང་མེད། །ད་དུང་ཁ་ཕོ་སྣང་བ་རི་བས་མཐོ། །ཚེ་རབས་མང་པོར་ལས་ངན་བསགས་པའི་འབྲས། །ད་རེས་ལུས་ལ་ན་ཚ་རྒྱུན་ཆད་མེད། །སེམས་ལ་སྡུག་བསྔལ་མི འདོད་སྣ་ཚོགས་འབྱུང་། །སྐྱིད་སྡུག་བྱ་བ་རང་ལ་རག་ལས་པས། །བསམ་པ་གཏན་ཕོབ་མ་ཎི་ཡིག་དྲུག་འདོན། །མཚན་ལྡན་བླ་མར་མཉེས་གསུམ་ཞབས་ཏོག་སྒྲུབ །གདམས་ངག་ཆུད་ཟོས་མ་བཏང་ཉམས་ལེན་རེམ །བྱ་སྤྱོད་བློ་སྣ་མ་རིང་རང་ཚུགས་ཟུངས། །གྲོགས་ལ་མཐུན་འཁོན་མ་བྱེད་དགེ་བར་འབུངས། །བསམ་པ་གཏན་ཕོབ་མ་ཎི་ཡིག་དྲུག་འདོན། །རང་ ༄༅། །མགོ་མ་ཐོན་གཤིན་པོའི་དོམ་མ་ཁུར། ཆོས་བརྒྱད་བྱ་བས་དགོས་མེད་དམ་ཆོས་སྒྲུབས །བསམ་པ་གཏན་ཕོབ་མ་ཎི་ཡིག་དྲུག་འདོན །དེ་སྐད་ཆོས་མེད་མདོ ཤོར་ཐ་ཤལ་བ། །སྤྲང་མོ་ཀལྤ་བྷ་དྲ་ཏཱ་རེ་ཡིས །རང་སྐྱོན་དྲན་པའི་ལྕགས་ཀྱུས་སྣར་དྲངས་ནས །རང་ལ་གདམས་པ་ཚིག་སྙན་མེད་མོད་ཀྱང་། །རང་གི་བླུན་ཚིག་སེམས་ལ་ཕན་ཕྱིར་དང་། །རང་ལ་ཡོན་ཏན་མེད་པའི་གཞི་མཐོང་ནས །བདེ་བའི་རྡོ་རྗེས་རང་གིས་རང་ལ་སྨྲས། ཧ་ཧ། བློས་བྱས་བྱིས་པའི་ཆོས་ལ་ཡ་མི་ང་། །གང་ཤར་ཤར་ཆུག་གང་ཡིན་ཡིན་དུ། ཆུག །སྤང་བླང་གཉེན་པོ་མི་ཚོལ་ཆོས་ཉིད་རྒྱན། །ཟབ་ཟབ་འདོད་ལུགས་གྲུབ་མཐས་ཅི་ཞིག་བྱ །རང་སེམས་མི་ནོན་ཆགས་སྡང་འཕེལ་བའི་གཞི། །གཅིག་ཤེས་ཀུན་གྲོལ་རིག་པ་བྱང་ཆུབ་སེམས། །ཡེ་གྲོལ་བློ་བྲལ་འདུས་མ་བྱས་པའི་ཆོས །མི་འགྱུར་རྡོ་རྗེ་བདུན་ལྡན་ཡེ་སངས་རྒྱས། །ཆོས་རྣམས་ཀུན་གྱི་རྩ་བ་དེ་བཞིན་ཉིད །སྙིང་པོ་དོན་དམ་རང་བྱུང་རིག་པར་རྫོགས། །བརྡལ་ཁྱབ་ཀློང་ཆེན་དགོངས་པའི་བཙན་ས་ཟིན། །སྒྱུ་མའི་འཕྲུལ་ལ་ཡ་ང་བག་ཚ་མེད། །སྒྱུ་མའི་རྣལ་འབྱོར་སུ་ཁ་བཛྲ་གྱིས །སྒྱུ་མའི་རྩལ་སྣང་ཡི་གེའི་རིས་སུ་བྲིས། ། སུ་མི་འཐད་ཀྱང་རང་ཉིད་ཞེ་བློ་བདེ །འཁོར་འདས་སྒྱུ་མའི་ཆོ་འཕྲུལ་ཨེ་མ་ཧོ། །ཅེས་སྤྲང་སྨྱོན་འདུ་ཤེས་གསུམ་པས་རང་ལ་སྨྲས་པ་དགེ། དགེའོ།། །། ཧ་ཧ། བསྒྲུབཔས་འགྲུབ་པ་སངས་རྒྱས་ངས་མ་མཇལ། །བློ་འདས་གཉུག་མ་རང་གདངས་མ་ཐོབ་ན །ཁུང་ཕུག་བྱི་བ་ཉལ་འདྲས་སངས་མི་རྒྱ། །གུ་ཡངས་བཏང་བཞག་མེད་པའི་ངང་དུ་བཞག །བཟླས་བརྗོད་ཆོས་ཉིད་རང་སྒྲར་མ་རྟོགས་ན །ལན་མེད་ལྐུག་པ་ལྟ་བུས་སངས་མི་རྒྱ། །གང་ཤར་སྨྲ་བརྗོད་སྤང་བླང་མེད་པར་བཞག །བླ་མའི་མན་ངག་དགོངས་པ་མ་ལོན་ན། །ཟབ་ཟབ་མན་ངག་མང་པོའི་དོན་མི་གོ། །གོ་ཡུལ་ཙམ་གྱིས་ཡེ་ཤེས་ངོ་མི་མཐོང་། །སྤྱོད་ལམ་གང་ཤར་མཉམ་རྗེས་དབྱེར་མེད་པར། །མན་ངག་འོད་གསལ་གསང་ལམ་ཇི་བཞིན བཞག །བསྐྱེད་རྫོགས་བཟླས་བརྗོད་ཐུན་བཅད་ཐུགས་དམ་སོགས། །མཚན་མར་འཛིན་པ་རྣམ་རྟོག་འཕེལ་བའི་རྒྱུ། །རྣམ་རྟོག་སྤངས་ནས་སྤྲང་མོ་ཉལ་སྙིང་འདོད། །ཞེན་བྲལ་ཡངས པའི་ཐང་ལ་མལ་ས་བདེ། །འཛིན་མེད་རང་གསལ་མཐའ་བྲལ་གདན་ཁྲི་རྫོགས །གང་ཤར་རང་གྲོལ་ཤུགས་འབྱུང་བག་ཡངས་ངང་།ཀུན་བཟང་ལྷུན་གྲུབ་བདེ་སྐྱོང་དབང་མོ་ང་། །ཡེ་ ༄༅། །གྲོལ་སྤང་ཐོབ་བྲལ་བའི་ཀློང་དུ་ཉལ །འབྲས་བུ་ཕྱི་དུས་མི་རེ་རང་ཐོག་གྲོལ། །ཀ་དག་ཆོས་སྐུའི་ངང་དུ་ཨེ་མ་ཧོ། །ཆོས་མེད་སྤྲང་མོས་ཉལ་ཉམས་གླུ་རུ བླངས། །ཡིད་རྟེན་ཐབས་མཆོག་དཔའ་བོའི་སྙན་དུ་གསོལ། །ནོར་འཁྲུལ་སོང་ན་ཆོས་དབྱིངས་ཀློང་དུ་བཤགས །བདེ་ཆེན་བདེ་བའི་རྡོ་རྗེས་རང་ལ་གདམས །ཉལ་གྲོས་གདམས པས་འགྲོ་ཀུན་སངས་རྒྱས་ཤོག། དགེའོ།། །། དུས་གསུམ་རྒྱལ་བའི་ཡུམ་གྱུར་མཚོ་རྒྱལ་མ། །མི་འབྲལ་སྤྱི་གཙུག་བདེ་ཆེན་འཁོར་ལོར་བཞུགས། །བདག་རྒྱུད་ཆོས་དང་འདྲེས་པར་བྱིན་གྱིས་རློབས། །རང་ཡུལ་སྲིན་གླིང་འདྲ་སྟེ་སྤངས་ནས་སུ །ངེས་མེད་གནས་སུ་ཚེ་གཅིག་སྒྲུབ་ལ་བརྩོན །སྙིང་པོ་ཕྱིར་མི་ལྡོག་པའི་ས་ལ་སྙེགས། །ལྟ་བ་ཀ་དག་རྩ་བྲལ་བློ་ལས་འདས། །སྒོམ་པ་མ་བཅོས་འཛིན་ཞེན་ཡུལ་ལས་གྲོལ །སྤྱོད་པ་གང་ཤར་སྦྲུལ་མདུད་ཇི་བཞིན་དུ། །རེ་དོགས་མཚན་མ་ལས་འདས་