Tibetan
ཚོགས་ཐབས་མང་གང་འདུལ་མཛད་པ་ཡི །བགྲང་ཡས་ཆོས་ཁམས་རྒྱ་མཚོའི་སྤྲིན་དུ་ཤར །ཡང་ཟབ་མན་ངག་རྨི་ཁྲིད་གདམས་པའི་སྐོར། །སྐལ་ལྡན་བུ་ཡི་དོན་དུ་འདི་རུ་བསྟན། །དེ་ལ་འདིར་རྨི་ལམ་ཆོས་སྐུར ༒ གྲོལ་བའི་གདམས་པ་ཉམས་སུ་ལེན་པ་ལ གཞི་ཁྲེགས་ཆོད་ཀྱི་ལྟ་བ་ཇི་བཞིན་པར་ཉམས་སུ་བླངས་ནས་ལམ་སྣང་རྨི་ལམ་སྦྱོང་བ་ལ། དང་པོ་འབྱུང་བ་ལྔ་པོའིཐིམ་རིམ་ངོས་བཟུང་བ་དང་། གཞིའི་འོད་གསལ་སྐྱོན་གསུམ་དང་བྲལ་བར་ངོ་སྤྲོད་པ། ཁམས་ཀྱི་བྱེ་བྲག་དབྱེ་ཞིང་གེགས་སེལ་བ། འོད་གསལ་ཕྱི་ནང་གི་ངོ་བོ་བསྟན་ཅིང་འབྱུང་བ་གོ་འཕོས་ནས། གཉིས་མེད་དུ་འགགས་བསྡམས་པའོ། །དེ་ནས་དང་པོ་རྨི་ལམ་གཉིད་དུ་ཕྱོགས་པའི་ཚེ ན ནང་འབྱུང་ལྔ་ཕྱི་རུ་འཕོས། ཤ་ཁམས་ས་ལ་ཐིམ་པའི་རྟགས་སུ་ལུས་ལྕི་ཞིང་འགུལ་སྙིང་མི་འདོད་པ་དང་། ཁྲག་ཁམས་ཆུ་ལ་ཐིམ་པའི་རྟགས་སུ་ཁ་དང་སྣ་ལ སོགས་པའི་ཆུ་རང་འབྱུང་ཞིང་ཚག་མི་ཐུབ་པ་དང་། དྲོད་ཁམས་མེ་ལ་ཐིམ་པའི་རྟགས་སུ་ཚ་ནད་ཀྱིས་གདུང་བ་བཞིན་མགོ་མཇུག་མེད་པར་དྲོད་འབར་བ། དབུགས་ཁམས་རླུང་ལ་ཐིམ་པའི རྟགས་སུ་རླུང་ཕྱོགས་གཅིག་ཏུ་འདུས་ཤིང་དབུགས་འབྱིན་འཇུག་གི་རྒྱུན་ཧ་ཅང་ཐུང་ལ་ཤུགས་དྲག་པ། སེམས་ཁམས་ནམ་མཁའ་ལ་ཐིམ་པའི་རྟགས་སུ་ཉིན་སྣང་གི་རྟོག་པའི་འཕྲོ་ཆད་ནས་རྨི སྣང་གི་ཡུལ་ལ་མཆེད་པའི་བར་དུ་འོད་གསལ་གྱི་ངོ་བོ་བཟོད་མེད་དུ་འཆར་བ་ཡང་འབྱུང་ངོ་། །དེ་ལ་ཉིན་སྣང་གི་རྟོག་པས་མ་བསླད་རྨི་སྣང་གི་ཡུལ་མ་འཛིན་ཉིང་འཁྲུལ་གྱི་རྐྱེན་དང་བྲལ་བའི་བར་དུ་གཞིའི་འོད་གསལ་བཟོད་མེད་དུ་ཤར་བ། དེ་ལ་ཡང་ཡང་གོམས་འདྲིས་སོང་བས་ཉིན་མཚན་འོད་གསལ་ཁོར་ཡུག་ཏུ་གྲོལ་བའི་གདིང་རྙེད་དོ། །དེའི་སྐབས་སུ་རང་བཞིན་ས་རྣམས་ལ་ཁམས་ཀྱི་བྱེ་བྲག་གིས་ས་ཁམས་པ་རྣམས་ལ་སྣང་བ་སེར་ཐོམ་ཐོམ་བྱེད་ཅིང་། འོད་གསལ་ངོས་མ་ཟིན་པའི་ཆ་ནས། ཉམས་མ་ངེས་པ་དུ་མ་འབྱུང་ངོ། །ཆུ་ཁམས་པ་ལ་སྣང་བ་སྐྱ་རིབ་རིབ་འཆར་ཞིང་གསལ་ཉམས་ལ་སོགས་པ་གཞན་རྒྱུད་ཤེས་པ་ཡང་ཕྲན་བུ་རེ་འབྱུང་། མེ་ཁམས་པ་ལ་སྣང་བ་འོད་དམར་གྱི་ལེ་བ་ཤར་ཞིང་ཉམས་ཀྱང་རྩུབ་ཅིང་འགྱུར་ཆ་ཆེ་བའོ། །རླུང་ཁམས་པ་ལ་སྣང་བ་ 2119 前འཚུབས་ཆེ་ཞིང་སྲིད་པ་འཇིག་པ་དང་རི་ཉིལ་བ་ལྟ་བུའི་ཉམས་སྣང་འབྱུང་། ནམ་མཁའི་ཁམས་ལ་གཉིད་མཐུག་ཅིང་རྟོག་ཚོགས་བཟང་ངན་གང་ལའང་ཆ་སྙོམས་ཤིང་སྐབས་རེར་འོད་གསལ་དང་པོའི་སྣང་བ་འོད་ཀྱི་རྣམ་པར་སྔོ་ཀྱི་ལེ་ཤར་རོ། །ལྷ་དང་བླ་མའི་ཞལ་གཟིགས་དངོས་མེད་འགྲོ་བའི་ཤེས་རྒྱུད་ཕྲན་བུ་རེ་མཁྱེན་པ་འབྱུང་ངོ་། །དེ་དག་གང་སྣང་ཐམས་ཅད་སེམས་ཀྱི། རོལ་པ་དང ཡེ་ཤེས་ཀྱི། འཕྲུལ་པ་ཡིན་པས་བདེན་ཞེན་དང་སྤང་གཉེན་མེད་པར་རང་གྲོལ་དུ་ངོ་ཤེས་པར་གྱིས་ཤིག །ས་འབྱུང་བ་ས་ལྟ་བུ་ལ་འབྱུང་བ་ལྔ་ལྡན་པས་དེ་དག་གི་རྒྱུ་རྐྱེན་དགྲ་གྲོགས་རྣམས་དེའི་ཁྱདཔར་གྱིས་འབྱུང་བའོ།། འབྱུང་བ་ཀུན་གྱི་སྙིགས་མ་ཡིན་པས་འགྱུ་ཆ་དཀའ་ཞིང་ལྡོག་སླ་བས་སྣང་བ་མི་མངོན་ཅིང་མ་ངེས་པའོ། །ཆུ་འབྱུང་བ་ཀུན་གྱི་གསོས་ལྟ་བུ་ཡིན་པས་འགྱུ་ཆ་མྱུར་གསལ་དང་ལྡན་ཅིང་སྣང་བ་བཟང་ངན་བར་གསུམ་འགགས་མེད་དུ་འཆར་ཞིང་གསལ་བའོ། །མེ་འབྱུང་བ་ཀུན་གྱི་གྲོགས་ལྟ་བུ་ཡིན་པས་ཕྲ་རག་གི་རྟོག་པ་ཐམས་ཅད་མངོན་དུ་བྱུང་ཞིང་སྣང་བ་མི་འཛིན་པར་འོད་གསལ་འཆར་བའི་རྒྱུ་བྱེད་དོ །རླུང་འབྱུང་བ་ཀུན་གྱི་རྒྱུ་ཡིན་པས་འགྱུ་ཆ་ཤིན་ཏུ་འཕྲོ་སླ་ཞིང་མྱུར་ལ་ཚུགས་མི་ཐུབ་ཅིང་མ་ངེས་སོ། །ནམ་མཁའ་འབྱུང་བ་ཀུན་གྱི་གཞི ཡིན་པས་འགྱུ་ཆ་ཟིན་སླ་བ་ལྡོག་སླ་བ་ངལ་དུབ་མེད་པར་རང་གྲོལ་དུ་འགྲོ་བའོ། །དེ་དག་ངོ་ཤེས་ཤིང་དོན་རྟོགས་པའི་རྨི་ལམ་གྱི་སྐབས་རྟོག་ཚོགས་བཟང་ངན་བར་གསུམ་ཐམས་ཅད་ལ་གསལ་སྒྲིབ་མེད་ཀྱང་ཡིད་དཔྱོད་དང་འབྲལ་ཞིང་འོད་གསལ་བའི་འོདགསལ་ཕྱི་མ། གསལ་ཆོས་ཉིད་ཀྱི་རང་བཞིན་དུ་གོ་འཕོས་ནས་གཉིས་འཛིན་ཞེན་རྟོག་ཐམས་ཅད་ཐད་ཀ་རང་གྲོལ་དུ་ཞིག་པ་དང་། མཐུག་པོའི་འོད་གསལ་ནངལ། མངོན་དུ་གྱུར་ནས་བདག་གཞན་གཉིས་སུ་མེད་ཅིང་དབྱིངས་སུ་ཟད་ནས་ཆགས་སྡང་འཁྲུལ་རྟོག་ཐམས་ཅད་ཡེ་གྲོལ་ཆེན་པོའི་ངང་དུ་རྒྱ་ཡན་དུ་གནས་པས་བདག་འཛིན་གྱི་རྩ་བ་སྟོང་རྟོག་གཉིས་ཀྱི་སེམས་ཟད། གཟུང་ཡུལ་འཛིན་པ་བྲལ་བའི་ཉིན་སྣང་དང་རྨི་སྣང་གཉིས་དག་མཉམ་དུ་གྲོལ། མ་རིག་པ་གཞི་ལ་མི་ལྡན་ཞིང་རིག་པ་རང་བྱུང་གི སངས་རྒྱས་ཆོས་ཉིད་མི་འགྱུར་བའི་གདིང་རྨི་ལམ་འོད་གསལ་ཉམས་སུ་བླང་པས། ཚེ་འདིར་ཐོབ་པར་འགྱུར་རོ༔ འབྱུང་བ་དེ་དག་ཀྱང་ཐ་དད་དུ་ཡོད་པ་མ་ཡིན་ཏེ་ངོ་བོ་ཡེ་ཤེས་ལྔ་ལས་མ་འདས་ཤིང་རྣམ་པ་ཡེ་ནས་མཐའ་གྲོལ་གཉིས་སུ་མེད་པ་རང་བྱུང་ལྷུན་རྫོགས་ཆེན་པོ་ནི༔ ས་ཁམས་སེར་པོར་སྣང་བ་དེ་ཤེས་རབ་སྟོང་པ་ཡུམ་གྱི་རང་བཞིན། སྙིགས་མ་ས་རུ་སྣང་བ་དེ་ཐབས་བདེ་ 2119 ༒ ཆེན་ཡབ་ཀྱི་རང་བཞིན། ཆུ་ཁམས་དཀར་པོར་སྣང་བ་དེ་ཤེས་རབ་སྟོང་པ་ཡུམ་གྱི་རང་བཞིན། སྙིགས་མ་ཆུ་རུ་སྣང་བ་དེ་ཐབས་བདེ་ཆེན་ཡབ་ཀྱི་རང་བཞིན༔ མེ་ཁམས་དམར་པོར་སྣང་བ་དེ་ཤེས་རབ་ཡུམ་གྱི་རང་བཞིན༔ སྙིགས་མ་མེ་རུ་སྣང་བ་དེ་ཐབས་བདེ་ཆེན་ཡབ་ཀྱི་རང་བཞིན༔ རླུང་ཁམས་ལྗང་གུར་སྣང་བ་དེ་ཤེས་རབ་སྟོང་པ་ཡུམ་གྱི་རང་བཞིན། སྙིགས་མ་རླུང་དུ་སྣང་བ་དེ་ཐབས་བདེ་ཆེན་ཡབ་ཀྱི་རང་བཞིན། ནམ་མཁའི་ཁམས་མཐིང་གར་སྣང་བ་དེ་ཤེས་རབ་སྟོང་པ་ཡུམ་གྱི་རང་བཞིན ནམ་མཁའ་བེམ་སྟོང་དུ་སྣང་བ་དེ་ཐབས་བདེ་ཆེན་ཡབ་ཀྱི་རང་བཞིན ཤེས་རབ་ཀྱི་རོལ་པ་དོན་དམ་པ། ཐབས་ཀྱི་རོལ་པ་ཀུན་རྫོབ་ཏུ་ཁ་དྲང་བ་ཡིན་ནོ། །མ་རིག་པའི་དབང་གིས་འབྱུང་བ་ལ་བདེན་ཞེན་དང་དངོས་པོར་བལྟས་པས་བྱུང་དང་འབྱུང་འགྱུར་དུ་སྣང་ཡང་དོན་ལ་ཁ་དོག་ལྔ་འབྱུང་ལྔ་ཡབ་ལྔ་ཡུམ་ལྔ་ཡེ་ཤེས་ལྔ་ཤེས་རབ་ལྔ་ལ་སོགས་པ་ཐམས་ཅད་ཡེ་ནས་གཉིས་མེད་ལྷ་རུ་ཤེས་པར་བྱ་བ་གནད་ཀྱི་གདམས་པ་ཡིན་པས་བརྟག་དཔྱད་གོམས་དྲིས་ཀྱི་སྒོ་ནས་ཉམས་སུ་ལེན་པར་བྱའོ། །དེ་ལྟར་གནད་དང་ལྡན་ན་རབ་འབྱུང་བ་ཐིམ་རིམ་ལ་མི་ལྟོས་ཤིང་ནམ་མཁའ་ནམ་མཁའ་ལ་ཐིམ་པ་ལྟར་འོད་གསལ་ཀ་ དག་ཆོས་སྐུར་གྲོལ་བ་དང་། འབྲིང་གིས་འབྱུང་བའི་སྙིགས་མ་དྭངས་མ་རུ་གོ་འཕོས་ནས་རྨི་ལམ་ངོས་འཛིན་ཅིང་སྤྲུལ་བསྒྱུར་སོགས་ལ་དབང་ཞིང་ལོངས་སྐུར་གྲོལ་བ་དང་། ཐ་མས་ཀྱང་འབྱུང་བ་རང་ངོ་འཕྲོད་ནས་བདེན་མེད་རང་སྣང་དུ་རྟོགས་ཤིང་རྨི་ལམངན་གོམས་ཀྱི་རྒྱུན་ཆད་ཅིང་དག་པའི་སྣང་བལྷ་དང་དཀྱིལ་འཁོར་ཞིང་ཁམས་སོགས་མཐོང་བར་བྱེད་ཅིང་སྤྲུལ་སྐུར་གྲོལ་བར་འགྱུར་རོ། །ཡང་ཟབ་རྨི་ཁྲིད་ཀྱི་མན་ངག་རྫོགས་སོ། ས་མ་ཡ༔ རྒྱ་རྒྱ་རྒྱ༔ ཞེས་པ་འདི་ཡང་གཏེར་ཆེན་པདྨ་འགྲོ་འདུལ་གསང་སྔགས་གླིང་པའི་དངོས་སློབ་དམ་པར་གྱུར་པ་དགེ བཙུན་ཆོས་གསལ་གྱིས་ཡང་ཡང་བསྐུལ་ངོ་མི་ལྡོག་ཙམ་དུ་སློབ་འབངས་ཀུན་གྱི་ཐ་ཤལ་བ་བདེ་བའི་རྡོ་རྗེས་གང་ཤར་རྫུན་རིས་སུ་བྲིས་པའོ།། དགེའོ།། །། ཧ་ཧ། ཤ་ཟིན་སྤུ་ཟིན་གཏེར་མིན་གཏེར་ཆོས་འདི། །ཇོ་མིན་ནག་མིན་བདེ་བའི་མིང་གིས་བྲིས །འདོད་ལུགས་གྲུབ་མཐའ་མང་པོ་ངས་མི་ཤེས །བཀའ་མིན་གཏེར་མིན་ཟོབ་ཆོས་ཡིན་ཡང་ཐང་། །སུ་མི་འཐད་ན་རང་གར་སྐྱུར་ལ་ཞོག །ཕ་གཅིག་རྟོགས་ལྡན་བླ་མའི་བཀའ་དྲིན་གྱིས། །སྣང་སྲིད་ཆོས་སྐུར་རྟོགས་པའི་གདིང་ཞིག་ཡོད། །སྟོང་གསུམ་དགྲ་རུ་ལྡང་ཡང་བག་ཚ 2119 ༒ མེད། །འཁོར་འདས་སྒྱུ་མར་ཤེས་པས་ཞེ་བློ་བདེ། །སྣང་བ་དཔེ་རུ་ཤར་བ་ཡིག་རིས་སུ། །འབྲི་བར་མི་འདོད་ཁ་རོག་ཉོལ་ལ་སྡོད། །ཤོག་ཟད་སྤྲང་མོས གང་ཤར་བྲིས་པ་དགེ། ཧ་ཧ་ཧ།། 八42 ' ལྔ་བྱོན། 八 TI1397-427 TI1397-428 ༄༅། །རྨི་ཁྲིད་ཀྱི་ས་བཅད་ནི། དེ་ལ་དང་པོ་འབྱུང་བ་ལྔ་པོའི་ཐིམ་རིམ་ངོས་བཟུང་བ་ནི། དེ་ནས་དང་པོ་རྨི་ལམ་སོགས། འཆར་བ་ཡང་འབྱུང་ངོ་། །གཉིས་པ་གཞིའི འོད་གསལ་སྐྱོན་གསུམ་དང་བྲལ་བར་ངོ་སྤྲད་པ་ནི། དེ་ལ་ཉིན་སྣང་སོགས། གདིང་རྙེད་དོ། །གསུམ་པ་ཁམས་ཀྱི་བྱེ་བྲག་དབྱེ་ཞིང་ངོ་བསྟན་པ་ནི། དེའི་སྐབས་སུ་རང་བཞིན་ས་སོགས ཤེས་པར་གྱིས་ཤིག །བཞིཔ་འབྱུང་ཁམས་ཀྱི་བྱེ་བྲག་རྣམས་ཀྱིགེགས་སེལ་བ་ནི དེ་ལ་ས་འབྱུང་བ་སོགས། འགྲོ་བའོ། །ཞར་བྱུང་འཕྲོས་དོན་ནི། གཉིད་སད་དུས་ཕྱི་འབྱུང་ནང་དུ་ལྡོག་པའི་རྟགས་སུ་ས་ཁམས་ཤ་ལ་ཐིམ་པས་ལུས་མི་བདེ་བ་མེད་པའི་ཆ་སྙོམས་པ་དང་། ཆུ་ཁམས་ཁྲག་ལ་ཐིམ་པའི་རྟགས་སུ་དྲོད་སྙོམས་ཤིང་ཤེས་པ་གསལ་བ། མེ་ཁམས་དྲོད་ལ་ཐིམ་པའི་རྟགས་སུ་འགྱུ་འཕྲོའི་རྟོགས་ཚོགས་གསལ་ཞིང་ཡན་ལག་འཕེན་སྡུད་སླ་བ རླུང་ཁམས་དབུགས་ལ་ཐིམ་པའི་རྟགས་སུ་ཤེས་པ་གསལ་ཞིང་བསིལ་དྲོད་སྙོམས་པ། ནམ་མཁའི་ཁམས སེམས་ལ་ཐིམ་པའི་རྟགས་སུ་སྣང་བའི་སྐབས་འབྱེད་མྱུར་ཞིང་ལྡོག་སླ་བའོ། །གློ་བུར་དུ་གཉིད་སད་ཙ་ན་འབྱུང་བ་ཆ་མ་སྙོམས་པའི་རྟགས་སུ་ས་ཁམས་ཞན་པས་ལུས་ཀྱིས་ས་མི་ནོན། ཆུ་ ཁམས་མ་སྙོམས་པས་ཤེས་པ་མི་གསལ མེ་ཁམས་ཞན་པས་སྣང་བའི་སྐབས་མི་འབྱེད། རླུང་ཁམས་ཞན་པས་མཐོང་ལམ་མི་མངོན། སེམས་ཁམས་ཞན་པས་འགྱུ་འཕྲོའི་རྟོག་ཚོགས ཀྱི་སྐབས་འབྱེད་མི་ནུས་པ་སོགས་འབྱུང་བ་ཡིན་ནོ །ལྔ་པ་འོད་གསལ་ཕྱི་ནང་འབྱུང་ཚུལ་གྱི་ངོ་སྤྲད་པ་ནི དེ་དག་ངོ་ཤེས་ཤིང་སོགས། པར་འགྱུར་རོ། །དྲུག་པ་འབྱུང་བ་ཡེ་ཤེས་སུ་གོ འཕོས་ནས་གཉིས་མེད་དུ་འགགས་བསྡམས་པ་ནི་དེ་ལྟ་བུའི་འབྱུང་བ་དེ་དག་སོགས། ལེན་པར་བྱའོ། །བདུན་པ་མཐར་ཕྱིན་པ་འབྲས་བུའི་གནད་བསྟན་པ་ནི། དེ་ལྟར་གནད་དང་ལྡན་ན་སོགས་རྫོགས་སོ། སུ་ཁ་བཛྲས་སོ། །། TI1397-430 ༄༅། །དབྱིངས་མི་འགྱུར་ནམ་མཁའི་ཀློང་དཀྱིལ་ནས། །གིང་དཀར་དམར་གཉིས་ཀྱིས་གར་འཆམ་བྱེད། །རིན་ཆེན་གྱི་སྣོད་དུ་ཤ་ཆེན་དང་། །ཡིད་འོང་གི་ཚོགས་རྫས སྣ་ཚོགས་ཐོགས། །གདངས་སྙན་པའི་དབྱངས་ཀྱིས་གླུ་འདི་དྲངས།། ཨ་ཧོཿ སྣང་སྲིད་དག་པ་རབ་འབྱམས་རྔ་ཡབ་དཔལ་རི་ཡི་ཞིང་ཁམས༔ གཟུང་འཛིན་དག་པ་རབ་འབྱམས་བླ མ་རིག་འཛིན་གྱི་ཚོམ་བུ། །སྒྲ་གྲགས་དག་པ་རབ་འབྱམས་གྲགས་སྟོང་སིངྡྷི་ཡི་དབྱངས་སྙན། །དྲན་རྟོག་དག་པ་རབ་འབྱམས་འོད་གསལ་ཆོས་ཉིད་ཀྱི་རོལ་པ༔ རྩལ་སྣང་དག་པ་རབ་འབྱམས་དཔའ་བོ་དཔའ་མོ་ཡི་རོལ་གར །འདོད་ཡོན་དག་པ་རབ་འབྱམས་ཚོགས་ཀྱི་དགའ་སྟོན་ལ་འདུ་བའི། །གསལ་སྟོང་དག་པ་རབ་འབྱམས་བྱང་ཆུབ་སེམས་སྤྲིན་གྱི་མཆོད་པ། རྩོལ་བྲལ་དག་པ་རབ་འབྱམས་དཀྱིལ་འཁོར་གྱི་མངའ་བདག །རིག་སྟོང་དག་པ་རབ་འབྱམས་ཚོགས་རྗེ་ཚོགས་བདག་ལ་འབུལ་ལོ། །ཞེན་བྲལ་དག་པ་རབ་འབྱམས་མཉམ་ཉིད་ཆེན་པོ་རུ རོལ་ནས། །བདེ་སྟོང་དག་པ་རབ་འབྱམས་མཆོག་གི་དངོས་གྲུབ་ཀྱང་ཞུའོ། །མ་ཧཱ་སུ་ཁ་སིདྡྷི་ཏྲཾ་ཨ་ལ་ལ་ཧོཿ ཞེས་གསུངས་ནས་འོད་ཐིག་དཀར་དམར་གྱི་རྣམ་པས་མི་སྣང་བར་གྱུར་ རོ། །ཞེས་པའང་དུས་བཟང་ཉེར་ལྔའི་ཉིན་ཉམས་སྣང་ཆལ་ཆོལ་དུ་ཤར་བ་_UNK༔ ཡིད་བཞིན་ནོར་བུའི་སྐུ་དྲུང་དུ་བདེ་བའི་རྡོ་རྗེས་གུས་ཕུལ།། ཨ་ཧོཿ གཞི་དབྱིངས་ཀ་དག སྤྲོས་བྲལ་ཆོས་སྐུ་ཡི་ཞིང་ནས༔ དག་པ་གཉིས་ལྡན་སྐྱེ་མེད་རང་བྱུང་གི་ཚོམ་བུ༔ ཡེ་གྲོལ་ཞེན་བྲལ་ཚོགས་ཀྱི་འདུ་བ་ལ་ཕེབས་ནས༔ བདག་ཅག་མཆེད་ལྕམ་དགའ་སྟོན་གླུ་གར་ལ་རོལ གས༔ ནང་གསལ་གཞོན་ནུ་བུམ་སྐུའི་དངོས་གྲུབ་ཀྱང་ཞུའོ༔ རང་གསལ་ལྷུན་གྲུབ་བདེ་ཆེན་དག་པ་ཡི་ཞིང་ནས༔ འོད་གསལ་གདངས་ལྔ་རིག་སྟོང་ཡེ་ཤེས་ཀྱི་ཚོམ་བུ༔ ཤར་གྲོལ་བདེ་ཆེན་ཚོགས་ཀྱི་འདུ་བ་ལ་ཕེབས་ནས༔ བདག་ཅག་མཆེད་ལྕམ་དགའ་སྟོནགླུ་གར་ལ་རོལ་པས༔ འཇའ་ལུས་འཕོ་ཆེན་དྭངས་མའི་དངོས་གྲུབ་ཀྱང་ཞུའོ༔ རང་སྣང་དག་པ་རྔ་ཡབ་ཀྱིདཔལ་རི་ཡི་ཞིང་ནས༔ རྒྱལ་ཀུན་འདུས་ཞལ་པད་འབྱུང་རིག་འཛིན་གྱི་ཚོམ་བུ༔ སྣང་སྲིད་དག་མཉམ་ཚོགས་ཀྱི་འདུ་བ་ལ་ཕེབས་ནས༔ བདག་ཅག་མཆེད་ལྕམ་དགའ་སྟོན་གླུ་གར་ལ་གྲོལ་པས༔ དགོངས་བརྒྱུད་ཕ་ཕོག་ཐོབ་པའི་དངོས་གྲུབ་ཀྱང་ཞུའོ༔ རྣམ་དག་བཀྲ་ཤིས་ཕུན་ཚོགས་ཡིད་འོང་གི་གནས་ན༔ ཐབས་ཤེས་གཉིས་མེད་དཔའ་བོ་ཡབ་ཡུམ་གྱི་ཚོམ་བུ༔ ༤ ༄༅། ་འདོད་ཡོན་བདེ་སྟོང་ཚོགས་ཀྱི་འདུ་བ་ལ་ཕེབས་ནས༔ སྐལ་ལྡན་ལས་ཅན་རིམ་གཉིས་ཕ་ཕོག་དེ་སྩལ་བྱུང་༔ ཤར་ཆ་མ་འགགས་ལོངས་སྤྱོད་ཟག་མེད་ཀྱི ཚོགས་མཆོད༔ མྱོང་གྲོལ་རྫས་མཆོག་འདུ་བ་མཆེད་ལྕམ་གྱིས་རོལ་ནས༔ དགའ་བཞི་བདེ་བ་ཆེན་པོའི་དངོས་གྲུབ་ཀྱང་ཞུའོ༔ འཇའ་ལུས་ཟང་ཐལ་སྐུ་གསུམ་མངོན་གྱུར་ཀྱང་ཤོག ཅིག༔ ཅེས་ཟེར་ནས་སྐུས་གར་བསྒྱུར་ཏེ་དབྱིངས་ལ་ཐིམ་མོ༔ བསྐལ་པ་ལྕགས་ཁྱི་ལོའི་ཟླ་བ་གཉིས་པའི་ཚེས་བཅུའི་ཉིན་ཡབ་ཡུམ་ལྷན་དུ་འཚོགས་ནས་དུས་མཆོད་ཀྱི་དགའསྟོན་ལ་རོལ་སྐབས་དབྱིངས་སྣང་མཁའ་འགྲོས་དངོས་སུ་གསུངས་པ་ལས་འབྲེལ་རྩལ་གྱི་བཞེད་སྐོང་དུ་ཀུན་བཟང་ཆོས་ཉིད་དབང་མོས་བྲིས་པའོ།། །། སྐུ་ཡི་ཕྱག་རྒྱས་སྣང་སྲིད་ལྷ་སྐུར་དག །གསུང་གི་ཕྱག་རྒྱས་གཏུམ་མོ་བདུད་རྩིར་སྨིན །ཐུགས་ཀྱི་ཕྱག་རྒྱས་རླུང་སྔགས་རིག་པར་རྫོགས། དབྱེར་མེད་ཕྱག་རྒྱ་གསུམ་ལྡན་སྦྱོང་བ་ནི། །ཨ་བུའི་དགོངས་པ་ཟབ་པའི་ཁྱད་ཆོས་ལགས།། ཨ་ཧོ། ཨེ་མ་ཧོ། ཞེས་ཟེར་སྐས་གར་མཛད་ནས་སྨན་ཕུད་ལ་རོལ་ཏེ་མི་སྣང་བར་ཡལ་ལོ། །བདེ་བའི་རྡོ་རྗེའི་སྣང་ཆར་བདེ་ཆེན་དཀར་མོས་དངོས་སུ་གསུངས པའོ།། དགེའོ།། །། ཨ་ཧོ། དག་པ་གཉིས་ལྡན་ཆོས་སྐུ་སངས་རྒྱས་ཀྱི་བདག་ཉིད། །འདྲེན་མཆོག་བླ་མ་དཔའ་བོ་ཆེན་པོ་ཡི་དྲུང་དུ །འདོད་ཡོན་མ་སྤངས་ཟག མེད་ཐབས་ཤེས་ཀྱི་རྫས་མཆོག །ལོངས་སྤྱོད་ཚོགས་ཀྱི་མཆོད་པའི་དགའ་སྟོན་ལ་རོལ་ནས། །ཟུང་འཇུག་ཕྱག་རྒྱ་ཆེན་པོའི་དངོས་གྲུབ་ཀྱང་ཞུའོ །ཟབ་ཆོས་བདུད་རྩི་འཐུང་བའི་སྐལ་ལྡན ཡང་སྨོན་ནོ། །ཨ་ལ་ལ་ཧོ། རྣལ་འབྱོར་མ་སུ་ཁ་བཛྲ་ཐབས་ཀྱི་དྲུང་དུ་ཕུལ་བ་དགེའོ།། །།ཉམས་སྣང་ལ་མཁའ་འགྲོ་ཞིག་གིས་འདི་སྐད་ཟེར། དབྱིངས་མི་འགྱུར་ཐིག་ལེའི་དྲྭ་བ་ནས། །མདངས་སྣ་ཚོགས་སྒྱུ་མའི་རོལ་པར་ཤར། །རྩལ་འགགས་མེད་ཌཱཀྐིའི་བརྡ་རུ་བསྟན༔ ཐ།ཆ།།ཿ གནས་མི་རིང་རང་གནས་ཉེ་བའི་སར༔ སྔོན་སྨོན་གྱིས་འབྲེལ་བའི་རསྨིའི་མིང་༔ རྐྱེན་དམ་སྲིས་བརླབས་པའི་བཙུན་མའི་གཟུགས༔ རྡོ་རྗེ་ཡི་མདུད་པ་རིམ་གྱིས་ཉམས༔ དེའི་རྐྱེན་གྱིས་དཔའ་བོའི་རྩ་ཁམས་འཁྲུགས༔ ཐུགས་ཀ་དག་ཀློང་དུ་འོད་གསལ་དེངས༔ མ་མཁའ་འགྲོའི་ཚོགས་ཀྱིས་བསུ་མ་བྱོན༔ བསྟན་པ་ནི་གཟུགས་བརྙན་ཙམ་དུ་གྱུར༔ འདིསེལ་ཐབས་རྡོ་རྗེའི་རང་གདེངས་ཕུབ། །མི་འཇིག་པའི་དཔའ་བོ་གོ་ཆ ༄༅། །བརྟན༔ གནས་ངེས་མེད་དབེན་པར་སྒྲུབ་ཚུགས་ཟུངས༔ ཕས་གཏད་པའི་གདམས་པ་ཉམས་སུ་ལོངས༔ རིགས་ཅན་གྱི་བུ་ལ་རིམ་གྱིས་སྤེལ །ཆོས་ཟབ་མོའི་བསྟན་པས་ཕྱོགས་ཀུན་ཁྱབ༔ གསེར་ལྡན་གྱི་ཁྱུ་ཚོགས་བཅུད་ལ་རོལ༔ གཡུ་འབྲུག་གི་གཙུག་ནོར་ལག་ཏུ་ལོན༔ ལྷོ་ལྗོན་པའི་རྩ་བ་རབ་ཏུ་རྒྱས། །ཁུ་རྒྱུག་གི་རྒྱུ་རྩལ དབྱིངས་ནས་ངོམས༔ ཁྱུང་ཆེན་རྣམས་རིམ་གྱིས་གཤོག་རྩལ་རྫོགས༔ རུས་སྦལ་གྱི་རྒྱལ་པོ་མཁའ་ལ་ཐིམ༔ སྐྱོན་བྲལ་བའི་ཀུ་མུཏྟ་ཚལ་རྒྱས། །རྐང་དྲུག་གི་བུང་བས་སྐྱེད་ཚལ་ངོམས༔ དབྱིངས་མཁའ་འགྲོའི་བརྡ་དོན་མ་ནོར་བར༔ བུ་རིག་པས་དཔྱོད་ལ་ཐད་ཀ་རུ༔ བརྟུལ་ཞུགས་ཀྱི་སྤྱོད་པས་དཔའགདིང་བསྐྱེད། །ཆོས་བརྒྱད་ཀྱི་དུག་གི་མེ་ཏོག་ལ༔ སྦྲུལ་ནག་པོའི་ཞགས་པས་བཅིངས་ཉེན་གདའ༔ སྟག་ཁྲ་བོའི་ངར་སྐད་མ་བསྒྲགས་ན༔ རིམ་བཞིན་དུ་དབེན་པར་བཙན་ས་ཟུངས༔ དུས་སྙིགས་མའི་མི་ལ་བློ་གཏད་མེད༔ རང་ཕ་བུ་ཡིནཀྱང་དགྲ་ལྟར་མཐོང་༔ ཆོས་བརྒྱུད་པ་གཅིག་ཀྱང་དམ་ཚིག་མེད༔ ཆོས་བརྒྱད་ཀྱི་དོན་གཉེར་གྲུབ་ཐོབ་མང་༔ ཚུལ་འཆོས་ཀྱི་ཟོག་པོ་མགོ་བསྐོར་ནི༔ དགེ་སློང་དང་བཙུན་པའི་ ཚུལ་འཛིན་པ༔ སྐལ་དམན་ཀུན་ལོག་པའི་ལམ་དུ་ཁྲིད༔ འབྲེལ་ཚད་ཀུན་ངན་སོང་གནས་སུ་སྐྱེ༔ དཔལ་པདྨས་མངགས་པའི་ཕོ་ཉ་ཡིས༔ གསེར་ར་གན་མ་ནོར་རིག་པས་དཔྱོད༔ འདིས་དོན་གཉིས་ཡིད་བཞིན་ལྷུན་གྲུབ་ནས༔ དྲུག་བཅུའི་དུས་དཔལ་རིའི་ཕོ་བྲང་འགོད༔ 卅5དབྱིངས་མཁའ་འགྲོའི་བརྡ་དོན་ཨི་ཐི་རྒྱ༔ ཞེས་པ་འདི་ཡང་རྨི་ལམ་འཁྲུལ་སྣང་ལ བརྟེན་ནས་བདེ་བའི་རྡོ་རྗེས་བྲིས་པའོ།། ཧེ་ཧེ། ཤར་ཉི་ཟླའི་དཀྱིལ་འཁོར་རྒྱན་དུ་མཛེས༔ བྱང་ཕག་ནག་གི་ངུར་སྒྲས་སྡེ་གསུམ་བཅོམ༔ སྟག་འཛིན་པའི་མི་དཔོན་ལྔ་ལམ་འགྲིམས༔ ལྷོ་འབྲས་ལྡན་གྱི་བསྟན་པ་རེ་ཞིག་ཏུ༔ བདུད་མི་རུ་བརྫུ་བས་བསྒྱུར་ཡང་སྲིད༔ མ་ཧཱ་ཀཱ་ལའི་བཟློག་བསྒྱུར་མདོས་ལ་བརྩོན༔ མགོན་པདྨའི་སྤྲུལ་པས་སྐྱོབ་པར་ངེས༔ དེ་རིག་པས་དཔྱོད་ལ་གཟབ་གལ་ཆེ༔ ཞེས་ཟེར་ཡལ། བདེ་བའི་རྡོ་རྗེས་སོ། དགེའོ།། །། རང་མདུན་གྱི་ནམ་མཁའི་དབྱིངས་ཀློང་དུ༔ ཟེར་ཐག་གི་འོད་ཟེར་སྣ་ཚོགས་འཕྲོ༔ འོད་མཐིང་གསལ་ཆོས་འབྱུང་དགའ་འཁྱིལ་དབུས༔ མ་ཡིད་བཞིན་འཁོར་ལོ་དཀར་གསལ་མཛེས༔ སྤྱི་གཙུག་ཏུ་རིགས་བདག་སྣང་མཐའ་ཡས༔ གཡས་འཇམ་དཔལ་དམར་པོ་རལ་ ༄༅། །གྲི་འཛིན༔ གཡོན་གང་གའི་ལྷ་མོ་རྔ་ཡབ་འཛིན༔ འཇའ་འོད་ཕུང་འཁྲིགས་པའི་ཀློང་དཀྱིལ་དུ༔ སྐུ་སྣང་ལ་རང་བཞིན་མེད་པར་མཐོང་༔ བདག་མོས གུས་གསོལ་བ་འདི་ལྟར་བཏབ༔ བདག་གིས་ཚེ་རབས་སྔོན་ནས་བསྒྲུབ་པའི་ལྷ༔ དུས་གསུམ་སངས་རྒྱས་ཀུན་གྱི་ཕྲིན་ལས་དཔལ༔ བཅོམ་ལྡན་ཡིད་བཞིན་འཁོར་ལོ་ཚེ་འཕེལམ༔ སྐུ་མདོག་དཀར་མོ་སྟོན་ཟླའི་དཔལ་ལས་མཛེས༔ དྲི་བྲལ་པད་དཀར་ཟླ་བའི་གདན་སྟེང་དུ༔ ཟླ་བའི་རྒྱབ་ཡོལ་སྐྱིལ་ཀྲུང་བཅས་མཛད་མ༔ སྐུ་ཡི་འོད་ཀྱིས་འཇིགས་པ་མ་ལུས་སེལ༔ མཆོག་སྦྱིན་ལྷ་མོ་ཁྱོད་ལ་ཕྱག་འཚལ་བསྟོད༔ ཞལ་གྱི་པདྨའི་འདབ་ཕྲེང་ལས་འཁྲུངས་པའི༔ ཚངས་དབྱངས་ཡན་ལག་དྲུག་ཅུའི་ཆོས་སྒྲ་སྒྲོགས༔ ཏཱ་ར་གཉིས་བརྗོད་སྲིད་ཞི་དབང་སྒྱུར་མཛད༔ རྒྱལ་བའི་སྲས་ཀྱིས་རབ་ཏུ་བསྟོད་ཅིང་འདུད༔ ཤེས་རབ་དབང་ཕྱུག་ཁྱོད་ལ་ཕྱག་འཚལ་བསྟོད༔ མ་ལུས་ཕ་རོལ་ཕྱིན་མཛད་རྒྱལ་བའི་ཡུམ༔ རྣམ་ཀུན་མཆོག་ལྡན་རྡོ་རྗེའི་ཐུགས་གསང་འཛིན༔ སྣ་ཚོགས་ཐབས་ཀྱི་མཛད་པ་ཅིར་ཡང་སྟོན༔ གནས་གསུམ་ཌཱཀྐིའི་གཙོ་མོ་ཁྱོད་ལ་བསྟོད༔ པདྨའི་རིགས་འཆང་སོར་རྟོགས་ཡེ་ཤེས་ཏེ༔ གསུང་གི་རྡོ་རྗེ་ཁྱོད་ལ་ ཕྱག་འཚལ་བསྟོད༔ བྱང་ཆུབ་སེམས་དཔའ་སྲས་ཀྱི་ཐུ་བོ་འཛིན༔ སྨྲ་བའི་སེང་གེ་ཁྱོད་ལ་ཕྱག་འཚལ་བསྟོད༔ ངག་གི་དབང་ཕྱུག་ཤེས་རབ་ཚུལ་འཆང་བ༔ གངྒཱའི་ལྷ་མོ་ཁྱོད་ལ་ཕྱག འཚལ་བསྟོད༔ ཅེས་གསོལ་བ་བཏབ་མཐག་ཏུ་སྐུ་མི་སྣང་བར་