Tibetan
རང་གྲོལ་ངང་། །གཞི་རིག་གསལ་སྟོང་ནམ་མཁའ་གསུམ་དང་ལྡན། །སྐུ་གསུམ་རང་རིག་ཀློང་རྫོགས་ཨེ་མ་ཧོ །ལམ་སྣང་ཁྱད་ཆོས་དྲུག་ལྡན་ཡེ་གདངས་ཆེ། །དབྱིངས་རིག་ཀུན་བཟང་དགོངས་པ་ཨེ་མ་ཧོ །འབྲས་བུ་ གཞོན་ནུ་བུམ་པའི་སྐུ་མཆོག་བརྙེས །ཡེ་གཞི་ཡེ་གྲོལ་ཀ་དག་ཨེ་མ་ཧོ །རོལ་རྩལ་འཁོར་འདས་ཆོས་ཀུན་རྒྱན་དུ་ཤར། །སྣང་སྲིད་དགྲ་རུ་ལྡང་ཡང་རེ་དོགས་མེད། །རང་རིག་ཀུན་ཏུ་བཟང་པོ་ཨེ་མ་ཧོ། །འབྲས་བུ་ཕྱི་དུས་མི་རེ་རང་ཐག་ཆོད །ཆོས་མེད་སྤྲང་མོ་སུ་ཁ་བཛྲ་གྱིས །འཁྲུལ་གཏམ་འཁྲུལ་ཚིག་ཡི་གེའི་རིས་སུ་བྲིས། ཀུན་ཏུ་བཟང་དང་དབྱེར་མེད པ། །འདྲེན་མཆོག་པདྨ་ལས་འབྲེལ་ལ། །གསོལ་བ་འདེབས་སོ་བྱིན་རླབས་ཀྱིས །བདག་རྒྱུད་སྨིན་ཅིང་གྲོལ་བར་མཛོད། །ཀ་དག་རིག་པ་ཆོས་ཀྱི་སྐུ། །ཁ་དོག་རང་གསལ་ལོངས སྤྱོད་རྫོགས། །ཀུན་རིག་ཀུན་གསལ་སྤྲུལ་པའི་སྐུ། །སྐུ་གསུམ་མཉམ་ཉིད་གཞི་ལ་རྫོགས །ཐོབ་བྱའི་འབྲས་བུརང་མི་རེ །རང་བྱུང་རིག་པ་བཅོས་མེད་འདི། །ཀུན་བཟང་དགོངས་པ་ཨེ་མ་ཧོ། །སུ་ཁ་བཛྲ་གྱིས་སོ། ཀ་དག་ཆོས་སྐུའི་དགོངས་པ། །བློས་བྱས་ཡུལ་ལས་འདས་སོང་། །ཁ་དོག་ཅི་ཡང་མ་གྲུབ། །འཛིན་མེད་འོད་གསལ་རིག་པ། །ག་ལེར་མཉམ་བཞག་སྐྱོངས་དང་། །ང་བདག་རྩ་བ་ཆོད་ནས། །གཉུག་མའི་རང་ཞལ་མཇལ་ཡོང་། །ཞེས་པའང་རྫུན་རྐྱལ་སྤྲང་མོས་བྲིས་པ་དགེ་བར་གྱུར་ཅིག ཧེ་ཧེ། དྲེད་པོ་ ༄༅། །བདེ་བའི་རྡོ་རྗེས། །སེམས་རྒོད་སྲབ་ཁ་མ་ཐུབ། །ལེ་ལོའི་དམག་ལ་རྒྱུགས་ནས། །ཐོས་བསམ་མཁའ་ལ་ཡལ་སོང་། །སྣང་ཞེན་དར་གྱི་མདུད་པ། ། ལྷོད་མེད་རྒྱ་ཡིས་བཏབ་ནས། །འདོད་ཆགས་སྦྲ་ཁང་ནང་ན །ཞེ་སྡང་གནས་མལ་བདེ་བདེ། །ང་རྒྱལ་གདན་ཁྲིའི་སྟེང་ན། །ཕྲག་དོག་གོས་བཟང་གྱོན་ནས། །གཏི་མུག་རོ་ཉལ་བྱེད་ཅིང་། །དུག་ལྔ་རང་གར་སྤྱོད་པ །བདེ་བའི་རྡོ་རྗེ་ལོས་ཡིན། །ཐོས་བསམ་སྒོམ་པའི་བརྩོན་འགྲུས །ཁྱོད་ལ་ཡོད་པ་མ་མཐོང་།བུ་དང་བུ་མོའི་བརྩོན་འགྲུས །ཁྱོད་ལ་ཡོད་པ་ལོས་བདེན། །དགོས་མེད་རྒྱུད་ལ་སྐྱེས་ན །ཁྱོད་ཀྱི་བྱ་བྲལ་ལོས་ཡོང་། །འཁོར་ཆེན་འཁོར་ཆུང་འདོར་ལེན། །བྱ་བྲལ་མི་ཡོང་ཐག་ཆོད །ངེས་འབྱུང་དད་པ་ཟབ་ཟིབ། །ཁྱོད་ལ་ཡོད་པ་ལོས་བདེན། །བླ་མའི་མན་ངག་ཟབ་བཅུད། །ཉམས་སུ་མ་ལོན་ཐག་ཆོད། །ལྟ་བ་ནམ་མཁའ་མདུང་བསྐོར། །ཁྱོད་ཀྱི་ཤེས་པ་བདེན་ན། །དུག་ལྔའི་དམག་དང་འཕྲད་དུས། །ཐ་མལ་བ་དང་ཁྱད་མེད། །གཡུལ་ངོའི་བུ་ཆུང་ལོས་བདེན། །གོ་མིན་གནས་མིན་ས་མཐའ། །མི་མིན་ནོར་མིན་བུ་མོ། །བདེ་ཆེན་བདེ་བའི་རྡོ་རྗེས། །གཏེར་མིན་གཏེར་ འདྲའི་སྒོ་ཕྱེས །ཐེག་མིན་ཐེག་ཆེན་རློམས་ནས། །ཅི་མིན་ཆལ་ཆོལ་སྨྲས་འདུག །ཡུལ་ངན་མགོ་ལོག་ཡུལ་ན། །སྐྱེ་ངན་བདེ་བའི་རྡོ་རྗེ། །བསམ་ངན་བདུད་ཀྱི་དབང་གིས། ། གྲོགས་ངན་རྐྱེནགྱིས་བསྐུལ་ནས །ཚོགས་ངན་འཁོར་ལོའི་རྒྱུན་བཟུང་། །འཐབ་འཁོན་བྱ་བ་བྱེད་ཅིང་། །འགྲོ་དོན་ཡིན་པ་ལོས་བདེན། །ལུས་ངན་བདེ་བའི་རྡོ་རྗེ། །ལས་ངན་བྱ་བ་མ་མང་། །བསམ་ངན་གདུག་སེམས་སྤོངས་ལ །རྭ་འདྲའི་རང་རྒྱུད་གཏན་ཕོབས། །ཟབ་བཅུད་ཉམས་སུ་ལོན་དགོས །མཚན་ལྡན་གྲོགས་དང་འཕྲད་དུས། །མཉེས་གསུམ་ཞབས ཏོག་བསྒྲུབ་དགོས། །རང་སྣང་དགྲ་རུ་ལངས་དུས། །རྐྱེན་སྣང་རང་སར་གྲོལ་དགོས །རང་རྒྱུད་དུག་གི་སྒྱེ་འདྲ། །གཞན་ལ་ཆོས་བཤད་མ་བྱེད། །མི་མིན་རང་སྣང་སྟོན་པས། སྨིན་གྲོལ་ལམ་མཆོག་སྩལ་དུས། །རང་སྐལ་ཉམས་སུ་ལོངས་ལ། །ལེ་ལོའི་དབང་དུ་མ་བསྐྱུར། །གྲོགས་ངན་རྐྱེནགྱིས་བསྐུལ་ཚེ། །བཟོད་པའི་གོ་ཆ་བརྟན་དགོས། །འཁོར་དང་འཐབ་འཁོན་མ་བྱེད། །རང་ཁ་ཟུངས་ལ་ཉོལ་སྡོད །བསྐྱེད་རྫོགས་སྣ་གཅིག་མེད་པའི། །གཞན་གནོད་ཁོང་ཁྲོ་བསྐྱུར་ཐོངས །རང་རྒྱུད་ཆོས་དང་མི་མཐུན། །གཞན་དོན་མི་ཡོང་ཉོལ ༄༅། །སྡོད། །དེ་ལྟར་སེམས་ལ་ཟུངས་དང་། །ཁྱོད་ལ་གོ་རྒྱུ་ཡོད་དོ། །སྐྱོན་ཚང་ཡོན་ཏན་ཀུན་ཟད། །སྤྲང་མོ་བདེ་བའི་མིང་གིས། །རང་ལ་གདམས་པ་ཨེ་གོ །ཧ་ཧ་ཧེ་ཧེ་ཧོ་ཧོ། །བྲིས་ངན་བདེ་བའི་རྡོ་རྗེས །ཤོག་ངན་ཤོག་མཐའི་ངོས་ལ། །ཚིག་ངན་རང་སྐྱོན་སྣ་ཚོགས །སྣག་ངན་སོལ་ཁུས་བྲིས་ཡོད། །སློབ་ངན་ཐུབ་བསྟན་བཟང་པོས། །ཁ་ངན་ཁུས་མོ་སྡེབ་སྡེབ། །མ་བྱེད་རང་ཁ་ཟུངས་སྡོད། །ང་ལ་ཡོན་ཏན་མེད་པས །རང་སྐྱོན་ཡོད་པ་ལོས་གོ། །ང་རང་ལྟ་བུའི་ལས་ངན། །གཅིག་ཀྱང་ཡོད་པ་མ་མཐོང་། །སྐྱབས་གནས་དཀོན་མཆོག་གསུམ་གྱིས །བདག་གི་བློ་སྣ་བསྒྱུར་མཛོད། །ཅེས་པའང་ཡུལ་མི་རྣམས་ཀྱིས་དྲེད་པོ་ཟེར་བ་ལ་ཡིད་ཚིམས་ནས་རང་སྐྱོན་ཟུར་ཙམ་བྲིས་པའོ།། ཧ་ཧ། ཀ་དག་རིག་པ་སྨྲ་བསམ་བརྗོད་པ་བྲལ། །ཁ་དོག་མ་ངེས་ལྷུན་གྲུབ་ཡོན་ཏན་རྫོགས། །ག་ལེར་མ་བཅོས་རང་བབས་ངང་སྐྱོང་དང་། །ངར་འཛིན་འཁྲུལ་པ་གཉིས་མེད་དབྱིངས་སུ་གྲོལ། །ཆོས་ཅན་མཚན་མར་འཛིན་པའི་ཆོས་རྣམས་ཀྱང་།ཆོས་ཉིད་སྤྲོས་མཐའ་བྲལ་བའི་ངང་དུ་དག །གང་སྣང་གང་ཤར་ཡེ་ཤེས་ཆེན་པོའི་རྩལ །ཡེ་གྲོལ་བློ་འདས་ཆོས་སྐུའི དགོངས་པར་མཉམ། །དེ་ལ་དབྱེ་བསལ་སྤང་བླངབྱར་མེད་པས། །མངོན་གྱུར་ངང་གནས་གཏན་སྲིད་ཟིན་པར་མཛོད། །དེ་ལྟར་འཁྲུལ་མེད་གནས་ལུགས་ཆེན་པོའི་དོན །སྐྱེ་དམན བདག་འདྲས་བརྗོད་པའི་གནས་མིནཀྱང་། །སློབ་བུའི་ཐུགས་བཞེད་སྐོང་ཕྱིར་ཟུར་ཙམ་ཞུ། །དཔེ་རུ་མ་བཞག་གནད་དོན་ཉམས་ལེན་རེམ། །ཅེས་བདེ་བའི་རྡོ་རྗེས་གང་དྲན་ཡིག་རིས་སུ་བྲིས་པའོ།། དགེའོ།། །། ཆོས་དབྱིངས་ཁྱབ་བརྡལ་མཉམ་པར་རོལ་པ་ལས །འགྲོ་བའི་དོན་དུ་སྒྱུ་མའི་སྐུར་སྣང་བ། །ཧེ་རུ་ཀ་དཔལ་པདྨ་ལས་འབྲེལ་རྩལ། །རྡོ་རྗེ་བཙུན་མོ་བདེ་ཆེན་བདེ་བའི་དབང་།རེག་པ་མཉམ་སྦྱོར་ལྷ་སྐུའི་ཕྱག་རྒྱར་བཞེངས། །དྲན་རྫོགས་མ་ཧཱ་ཡོ་གར་ལྷུན་གྱིས་གྲུབ། །ནང་དབྱིངས་ཐབས་མཆོག་དཔའ་བོ་ཧེ་རུ་ཀ །ཡེ་སྟོང་ཤེས་རབ་མཆོག་གྱུར་བདེ་ཆེན་དཀར། །དགའ་བཞིའི་སྟོང་བཞིའི་འོད་གསལ་ཀློང་དུ་སྦྱོར། །གདོས་བཅས་ཟག་ཟད་ཟག་མེད་འོད་སྐུར་གྲོལ །དོན་དམ་ཨ་ནུ་ཡོ་གར་ལྷུན་གྱིས་གྲུབ། རིག་པ་བདེ་ཆེན་ཡེ་ཤེས་རོ་མ་དཀར། །སྟོང་པ་གསལ་བའི་ཡེ་ཤེས་རྐྱང་མ་དམར། །རང་བྱུང་རླུང་གི་ཡེ་ཤེས་རླབས་གཡོས་པས །ཀུན་འདར་དབུ་མའི་དབྱིངས་སུ་གཉིས་མེད ༄༅། །སྦྱར། །གདོད་ནས་སངས་རྒྱས་ཡེ་གྲོལ་རང་གནད་མཐོང་། །གཉིས་མེད་ཨ་ཏི་ཡོ་གར་ལྷུན་གྱིས་གྲུབ། །ཆགས་མེད་ཆགས་ལམ་ལྟར་སྣང་རྟེན་འབྲེལ་ཙམ། །དབྱིངས་དང་ཡེ་ཤེས་མཉམ་སྦྱོར་གཟུང་འཛིན་བྲལ། །ཉོན་མོངས་ཀུན་ཏུ་རྟོག་པ་དབྱིངས་སུ་བཅོམ །རྒྱུ་འབྲས་ས་ལམ་རིམ་པར་མི་ལྟོས་པར། །བཅུ་གསུམ་རྡོ་རྗེ་འཛིན་པའི་ས རྙེད་ནས། །ནང་གསལ་གཞོན་ནུ་བུམ་སྐུ་མངོན་དུ་གྱུར། །དོན་གྱི་རྟ་ཕག་ཡབ་ཡུམ་ཨེ་མ་ཧོ། །སྙིང་གི་བཅུད་འདྲའི་གསང་ཁྲིད་ཟབ་མོ་འདི། །སྙིང་གི་བུ་ལ་སྦ་གསང་མེད་པར་སྤེལ། །སྙིང་གི་དཀྱིལ་ཟུང་གསང་བར་ཉམས་སུ་ལོངས། །སྙིང་བཅུད་ཟབ་མོ་ཡལ་བར་མ་དོར་བར། །བཀའ་སྲུང་དྲེགས་པའི་ཚོགས་ཀྱིས་ཐུབ་པར་སྲུངས །ས་མ་ཡ། སྐུ་གསུང་ཐུགས་ཀྱི་རྒྱ་ཡོད་དོ། །ཅེས་པའང་སྔགས་ཀྱི་རྣལ་འབྱོར་དུ་འབོད་པ་ཀུན་བཟང་བདེ་སྐྱོང་དབང་མོས་ཉམས་ལེན་ཟུར་ཙམ་སྙིང་གི་བུ་ལ་གདམས་པའོ།། དགེའོ།། །། སྔོན་བསགས་ལས་འཕྲོ་དག་པའི་སྨོན་ལམ་མཐུས །ཤེལ་དཀར་མཚོ་དང་ཀུན་དགའ་དིཔཾ་སོགས །ཟབ་གཏེར་བདག་པོའི་སྐྱེ་སྲིད་མང་དུ་བླངས །ཐབས་གྲོགས་ཆོས་བདག་རྟེན་འབྲེལ ལེགས་འགྲིགས་ནས། །འགྲོ་དོན་མཐར་ཕྱིན་གྲུབ་བརྙེས་དངོས་གྲུབ་ཐོབ། །ད་ལྟ་ཡུལ་ངན་མགོ་ལོག་ཕྱོགས་སུ་འཕེན། །ལོག་ལམ་ཆོས་འགལ་གྲོགས་དང་བུ་སློབ་འཕྲད། །ལོག ལྟའི་གནས་མཐོང་མི་འདོད་ཆར་རྒྱུན་ཕབ །ཁ་ནས་དད་གུས་མོས་པ་ལྷང་ལྷང་བྱེད། །ལྐོག་ཏུ་འབར་གཤེ་སྨ་ཕབ་བརྙས་དམོད་རྩོམ །བསམ་ངན་དུག་གི་མེ་ཏོག་ཞེ་རེ་ཁྲེལ། མཁའ་འགྲོས་ལུང་བསྟན་འགྲོ་དོན་ཞིང་ས་དང་། །ཐབས་གྲོགས་ཆོས་བདག་ཟབ་གཏེར་ཆོས་སྐོར་སོགས། །ཚུལ་བཞིན་སྤྱོད་པའི་གནད་བྱང་ཡོད་ན་ཡང་། །བན་ནག་བདུད་ཀྱི་གྲོང་ནས་བར་ཆད་རྩོམ། །དམ་སེལ་རྐྱེན་གྱིས་རྟེན་འབྲེལ་དུ་མ་འཆུག །གཏེར་བཅུད་བྱིན་རླབས་མཁའ་འགྲོའི་གླིང་དུ་དྲངས། །ཐུན་མོང་ལས་ཕྲན་ཙམ་ལས་ཆེར་མ་འབྱུང་།མགའ་ར་བན་ནག་ཞིང་ས སྙོག་པའི་ཡུལ །ཡེ་ཤེས་སྤྱན་ལྡན་རྣམས་ཀྱིས་མི་གཟིགས་སམ། །བདག་གིས་སྔོན་ནས་བསྒྲུབ་པའི་མཐུ་རྩལ་ཅན། །བཀའ་སྲུང་མྱུར་མགྱོགས་རྣམས་ཀྱིས་གྲོགས་རེ་རན། །དམ་ཉམས་དགྲ་བོའི་སྲོག་རྩ་དམར་པོ་མི་བཅད་དམ །བཀའ་ཡི་ཆད་པ་དྲག་པོ་མི་གཏོང་ངམ། །རྟགས་མཚན་གསལ་པོ་ད་ལྟ་ཉིད་དུ་སྟོན །ཟ་སྐལ་ཡིན་པས་མ་འགྱང་ཕྲིན་ལས་མཛོད ། ༄༅། །དམ་ཉམས་འདི་རྣམས་བརྟེན་དང་གྲོགས་པ་དང་། །ཟབ་གནད་འབྱིན་དང་གཏེར་ཆོས་སྤེལ་བ་སོགས། །མི་བགྱིད་དམ་བཅའ་སྙིང་གི་དཀྱིལ་དུ་བཟུང་། 可 ཀྱང་ཤེལ་དཀར་སྨོན་ལམ་འཕྲོ་ལྡན་པས། །ནམ་མཁའི་སྙིང་པོ་བི་མ་མི་ཏྲ་ཡི། །ཐུགས་སྤྲུལ་རྣལ་འབྱོར་གསང་སྔགས་གླིང་པ་ཡིས། །རྗེས་བཟུང་ཟབ་དགུའི་གདམས་པའི་ཕ་ཕོག སྩལ། །བློ་བཅོས་དཔྱད་སྒོམ་ཙམ་ལ་གདིང་མི་བཅའ །རང་གསལ་ཡེ་ཤེས་འདུ་འབྲལ་མེད་པར་འཆར །སྟོང་ཆེན་རིག་པའི་དབྱིངས་ལ་རང་ས་ཟིན། །དུ་མ་རོ་གཅིག་དག་མཉམ་ཆེན་པོར་གྲོལ། །རང་བྱུང་རིག་པ་ཀུན་བཟང་རང་ཞལ་མཇལ། །འབྲས་བུ་ཕྱི་དུས་མི་རེ་གཏན་སྲིད་ཟིན །དེ་སྐད་སྨྱོན་མ་མདོ་མེད་གཏེར་བརྫུན་མཁན། །འཁྲུལ་ཞིག་བདེ་ཆེན་བདེ་བའི་རྡོ་རྗེ ཡིས། །ནཻ་གྲོ་གསང་ཕུག་རྡོ་རྗེ་རྫོང་ནས་བྲིས །ཡི་གེ་པ་ནི་སྣང་སེམས་རང་གྲོལ་ལོ།། དགེའོ།། །། རྡོ་རྗེ་འཆང་དང་དབྱེར་མེད་པའི། །ལས་འབྲེལ་རྩལ་ལ་གུས་པས་འདུད། །བྱང་ཆུབ་བར་དུ་བདག་སྐྱོང་ལ། །འབྲལ་མེད་བདེ་ཆེན་འཁོར་ལོར་བཞུགས། །ཨེ་མ་ངོ་མཚར་རྨད་ཀྱི་ཆོས། །ཟུང་འཇུག་ཐབས་གྲོལ་ཟབ་མོའི་ལམ། །སྔགས་ཀྱི་ཁྱད་ ཆོས་གསང་ཆེན་སྙིང་། །རྣལ་འབྱོར་ལྡན་པའི་དཔལ་གྱུར་ཀྱང་།ཚུལ་བཞིན་སྤྱོད་པ་དཀོན་པར་མཐོང་། །འོན་ཀྱང་དུས་འདིར་སྔོན་སྨོན་མཐུས །རྣལ་འབྱོར་དཔའ་བོ་ཁྱོད་དང་འཕྲད། །མྱུར་ལམ་རྟོགས་བརྗོད་མན་ངག་དང་། །ས་ལམ་གཅིག་རྫོགས་ཚུལ་རྣམས་ཀུན། །དངོས་དང་ཡི་གེའི་ལམ་ནས་གསུངས། །དེས་མཐུས་སྐྱེས་དམན་ཁོ་མོ་བདག །སྙིང་ནས་ཡི་རང་ངོ་མཚར་ཆེ། །ད་དུང་གསང་སྤྱོད་མྱུར་ལམ་གནད། །ཁྱོད་ཐུགས་འོད་གསལ་སྒྲོམ་ནས་ཕྱུངས །སྦ་གསང་གཅུས་ཀྲུགས་མི་མཛད་པར། །བདག་གི་དཔལ་དུ་བཀའ་དྲིན་སྩོལ། །བདག་ཀྱང་ལུས་དམན་རྐྱེན་དབང་གིས །ཤེས་རབ་གསུམ་གྱི་ནོར་ཆུང་བས། །བཤད་བྱ་གཞུང་དོན་ཆེར་དབེན་ཀྱང་།རང་རེའི་ལྟ་སྤྱོད་ལམ་མཐུན་པའི། །རང་གི་གསང་སྤྱོད་ཅུང་ཞིག་ཞུ། །ལུས་དབང་རྣམ་པར་དག་པའིགཞི །ཡན་ལག་ཞིང་གི་བཀོད་པ་རྫོགས། །རྩ་གསུམ་འཁོར་ལོའི་གཞལ་ཡས་སུ། །རབ་འབྱམས་དཀྱིལ་འཁོར་ལྷུན་གྱིས་གྲུབ། །རྩ་གནས་དཔའ་བོ་མཁའ་འགྲོའི་གྲོང་། །བདེ་བ་ཆེན་པོའི་གར་དུ་རོལ། །སྣང་བ་ཡབ་ལ་སྟོང་པ་ཡུམ། །བདེ་ཆེན་པདྨ་འཁོར་འདས་གཞི། །མཆོག་གི་བདེ་བསྐྱོད་གྷནྡེ་ ༄༅། །ཡི། །རྐྱེན་བསྐུལ་ཉེ་རྒྱུའི་ལམ་སྦྱོར་བས །དཔའ་བོའི་རྒྱུ་བསླང་སེམས་སྤྲིན་གཡོས །འོད་ཀྱིས་མཁའ་ཁྱབ་ཞིང་ཀུན་གྱི། །རྒྱལ་མཆོད་བྱིན་རླབས་ནུས་པ བསྡུས། །དྭངས་མའི་ཐིག་ལེར་རོ་གཅིག་བཅིངས། །ཚོགས་ཆེན་ཡེ་རྫོགས་ངང་གིས་རྫོགས །སླར་ཡང་སེམས་སྤྲིན་གནས་ལྔར་ཁྱབ །ལུས་དཀྱིལ་སྐྱེ་མཆེད་ལྷ་རྣམས་ཀུན། བདེ་ཆེན་ཟག་མེད་རོ་ཡིས་མཉེས །དགའ་མཆོག་ཁྱད་ལྡན་དགའ་བྲལ་གྱི །གཞིར་དྲངས་ཡེ་ཤེས་མངོན་གྱུར་པ །མི་སློབ་ལམ་མཐར་སོན་པ་ཡི །ལམ་རྣམས་ཀུན་གྱི་འབྲས་རྫོགས་པ། །ཡས་བརྟན་ཐབས་ཀྱི་དགའ་བར་བརྗོད །རླུང་ཤེས་དམིགས་པའི་གནད་གཅུན་ནས །སེམས་སྤྲིན་ལྡོག་ཁྱབ་བཅིང་བ་ཡིས །དགའ་བ་དང་ནི་མཆོག་དགའ་དང་། ཁྱད་པར་དགའ་དང་ལྷན་དགའ་ཡི །ཡེ་ཤེས་བཞི་ཡི་ངང་བརྟན་པ། །མས་བརྟན་ཤེས་རབ་དགའ་བར་བརྗོད། །ཐབས་ཤེས་དགའ་བདེའི་སྟོབས་ཤུགས་ཀྱིས །དུས་སྦྱོར་བཅུ་གཉིས་གནས་སྟོངས་ནས། །རྡོ་རྗེ་འཛིན་པའི་ས་མཆོག་ཉིད། །དོན་གྱིས་ཐོབ་པ་ལམ་འདིའི་ཁྱད། །མཆོག་ཏུ་མི་འགྱུར་བདེ་བ་ཆེ། །རྣམ་ཀུན་མཆོག་ལྡན་དོན་གྱི་དབྱིངས། །ལྷ་དང་སྣང་བ་ ཆོས་ཉིད་གསུམ །དབྱེར་མེད་ཆེན་པོ་མངོན་གྱུར་པས། །ཕྱི་ནང་གཞན་གསུམ་ཆོས་ཁམས་ཀུན། །ཡེ་ནས་ཡེ་ཤེས་ལྷ་ཡི་ངང་། །རྡོ་རྗེ་གསུམ་དུ་དག་སྨིན་རྫོགས། །མཐར་ཕྱིན ཐབས་ཤེས་དབྱེར་མེད་པར །རིག་སྐུ་མངོན་དུ་གྱུར་པའི་ཐབས། །ལམ་གྱི་ལམ་མཆོག་དེ་ཀའོ། །ཧེ་ཧེ། བདེ་སྟེར་དཔའ་བོའི་བདེ་བའི་རྒྱུས་བསྐུལ་ནས །བདེ་སྐྱོང་དབང་མོའི་བདེ་ཆེན་ཐབས་ཀྱི་གནད། །བདེ་སྟོང་སྙོམས་འཇུག་ལམ་གྱི་ཁྱད་ཆོས་འདི། །བདེ་བའི་འབྱུང་གནས་དཔའ་བོ་ཁྱེད་དྲུང་ཕུལ །བདེ་སྐྱོང་ཌཱཀྐིས་བརྩེ་བས་རྗེས་བཟུང་ནས །ཟུང་འཇུག་ལམ་གྱི་ཕོ་ཉར་བདག་འགྱུར་ཤོག །དེའི་མཐུས་མཆོག་ཁྱོད་སྐུ་ཚེ་རབ་བརྟན་ནས །ཟབ་གཏེར་བསྟན་པ་མཐའ་རུ་རྒྱས་པ་དང་། །བསྟན་འགྲོའི་བདེ་སྐྱིད་སྣང་བ་གོང་འཕེལ་ནས །པད་འབྱུང་ཡབ་ཡུམ་ཐུགས་བཞེད་བསྒྲུབ་ནུས་ཤོག །དེ་ལྟར་བཀའ་ལུང་ཀུན་ལ་མི་གསལ་བའི། །རང་ལུགས་ཉོན་མོངས་རང་གར་སྤྱོད་པའི་ལམ། །གྲོགས་ཀྱི་གསུང་གི་དབུགས་དབྱུང་ཕེབས་པའི་ངོར། །ཨ་མཚར་མཚར་གཏམ་ཉམས་རིས་ཡི་གེ་རུ །བདེ་ཆེན་བདེ་བའི་རྡོ་རྗེས་བྲིས་ཏེ་ཕུལ །དགེ་འདིས་ཐབས་ཤེས་དབྱེར་མེད་ལྷན་འཛོམ་ནས། །ཁ་སྦྱོར་བདུན་ལྡན ༄༅། །ཟུང་འཇུག་སྐུ་ཐོབ་ཤོག དགེའོ།། །། སྙིང་ལས་རབ་བརྩེ་དཔའ་བོ་མཆོག་ཁྱེད་གསོན །སྙིང་རྗེའི་ཡུལ་གྱུར་ཁོ་མོ་བདག་ཉིད་ལ། །སྒོ་གསུམ་ཡོན་ཏན་སྤུ་ཙམ་མ་མཆིས་ཀྱང་། །ཁྱེད་ཐུགས་དག་པའི་སྣང་ངོར་གསལ་བ་ཡི །ཀུ་ཀུར་སེང་གེའི་མིང་གི་སྒྲར་འབོད་པ །གཞན་གྱིས་མཐོང་ཚེ་ཡིད་ཁྲེལ་སྨད་གཞིར་མངོན། འོན་ཀྱང་ཚེ་སྔོན་སྨོན་ལམ་འཕྲོ་ལྡན་པས། །ཚེ་མཇུག་མཐུན་པའི་གྲོགས་བཟང་ཁྱེད་དང་འཕྲད །ཟུང་འཇུག་ལམ་གྱི་ཕོ་ཉར་བདག་གྱུར་མཐུས། །བོགས་འབྱིན་བརྟན་པ་གསུམ་དུ་བཅིངས་པ་ཡིས། །འཁོར་ལོ་ལྔ་པོའི་མདུད་པ་རབ་གྲོལ་ནས། །ནང་དོན་ཡེ་ཤེས་རྟོགས་པ་མངོན་གྱུར་ཅིང་། །ཐབས་ཤེས་དབྱེར་མེད་རིག་སྐུ་འགྲུབ་པ་དང་། །ཚེ་རབས་ཀུན་ཏུ་འབྲལ་མེད་ལྷན་འཛོམ་ཤོག །ཨེ་མ་ཀུ་རེ་ཡིན་ནོ་སྙིང་གི་གྲོགས །ཁོ་མོའི་གནས་ཚུལ་ཟུར་ཙམ་ཞུ་བ་ཕུལ། །ཆུང་ནས་ཆོས་ལ་མོས་པ་རབ་ཐོབ་པས །ལོ་ལྔ་ལོན་དུས་ཆོས་ཀྱི་བསམ་པ་སྐྱེས། །ལོ་བདུན་ནས་བཟུང་མཁའ་འགྲོས་རྗེས་བཟུང་ནས། །ཐུན་མོང་དང་ནི་ཐུན་མིན་ཆོས་རྣམས་ཐོབ། །བཅུ་གཉིས་ལོ་ལ་སྔགས་ཀྱི་སྒོར་ཞུགས་ནས། །སྟོང་ར་གསུམ་གྱི་ལམ་ལ་རབ་ཏུ་ སྦྱངས། །འཁོར་ལོ་བཞི་པའི་མན་ངག་རིམ་བཞིན་ཐོབ །བཅུ་གསུམ་ལོན་ཚེ་བླ་མེད་ནང་རྒྱུད་ཀྱི །འཁོར་ལོ་ལྔ་པའི་མན་ངག་གཅིག་བརྒྱུད་དུ །ཐོབ་འབྲས་རྩ་རླུང་ཐིག་ལེ་ཅུང་སྨིན ནས། །ཐོག་མའི་གཏེར་གྱི་ཁ་བྱང་ཕྲན་བུ་རྙེད། །རྨི་ལམ་འཁྲུལ་ངོར་མཁའ་འགྲོས་རྗེས་བཟུང་ནས། །བྱུང་དང་འབྱུང་འགྱུར་དུ་མ་ལུང་བསྟན་མཐུས། །བཅོ་ལྔ་ལོན་དུས་ཕྱོགས་མེད་ཕྱོགས་འདིར་འཁྱམས། །བཅུ་དྲུག་ལོན་དུས་སྔོན་འབྲེལ་ཆོས་དང་འཕྲད་།བཅུ་དགུའི་ལོ་ནས་བླ་མའི་བཀའ་བཞིན་དུ། །མིང་དང་དོན་མཚུངས་མགོ་ལོག་ཡུལ་དུ་བགྲོད །སྔོན་ལས་བཟང་དང་འཕྲལ་རྐྱེན་གཉིས་འཛོམས་མཐུས །ཡུན་རིང་བར་དུ་འཁོར་བའི་ཆོས་ཀྱིས་གོས། །འཕྲལ་འཕྲལ་གཏེར་དང་གཏེར་གྲོགས་དང་འཕྲད་ཀྱང་། །གཞན་རྐྱེན་ངོ་བསྲུང་ཕྱིར་དུ་སབྟས་བསྒྲིབས། །རྩ་དགུ་ནས་བཟུང་རང་གཏེར་དང་འཕྲད་ཅིང་།གྲོགས་དང་ཆོས་འཛིན་སྨོན་ལམ་སྐལ་ལྡན་ནས། །རེ་ཞིག་བར་དུ་བསྟན་འགྲོའི་ཕན་བདེ་རྒྱས །སུམ་ཅུ་རྩ་གསུམ་ལོ་ནས་རྐྱེན་ངན་ལྡང་། །མགོན་དང་སྐྱབས་བྲལ་གཅིག་པུར་ངེས་མེད་དུ། །སེང་གེ་ཡུལ་བགྲོད་བཞིན་དུ་ཉུལ་ཞིང་འཁྱམས །བདེ་སྡུགངལ་བ་ཆུ་ཡི་རིས་བཞིན་བྱུང་།འོན་ ༄༅། །ཀྱང་པད་འབྱུང་ཡབ་ཡུམ་ཐུགས་རྗེ་དང་། །སྐྱབས་གནས་གཏེར་ཆེན་ཡབ་སྲས་བྱིན་རླབས་ཀྱིས། །བསྟན་འགྲོའི་ཕན་བདེ་ཕྱོགས་ཙམ་འབྱུང་སྲིད་ཀྱང་། གྲོགས་ཀྱིས་ཕོངས་ནས་འབྱུང་འདུས་ཉེར་འཚེ་མང་། །རྐྱེན་དེས་བསྐུལ་ནས་བཞི་བཅུ་རྩ་ལྔའི་ལོར། །སྒྱུ་ལུས་འདུ་ཁང་གཡར་པོ་ཞིག་ན་སྙམ། །འོན་ཀྱང་སྔོན་འབྲེལ་ཆེ་དང་སྨོན་ལམ་མཐུས། །བཞི་བཅུ་རྩ་བཞིའི་ལོ་དེར་ཁྱེད་དྲུང་སླེབས །རང་ཉིད་ཉམས་ཆུང་ཀུན་ལ་དོགས་ཆེ་བས །རྐྱེན་མིན་རྐྱེན་འདྲའི་དབང་དུ་ཉེ་བའི་ཚེ །ཁྱེད་ཐུགས་ཡེ་ཤེས་གསལ་བའི་འོད་བརྒྱ་ཡིས། །ཐུགས་རྗེའི་མཐུ་ཡིས་བདག་ཡིད་རེ་བ་བསྐང་། །བདེ་སྟོང་སྙོམས་འཇུག་ཟག་མེད་སྤྲིན་གྱི་མཆོག །ཟླ་གཞོན་ཐིག་ལེས་གྷནྡྷེའི་ནུས་པ་བསྐྱེད། །རྩ་རླུང་སོར་ཆུད་འབྱུང་འདུས་ནད་ལས་གྲོལ། །སྐུ་དྲིན་ཡོན་ཏན་ཆེའོ་སྙིང་གི་གྲོགས །ཁོ་མོ་འདོད་སྲེད་རོ་ཡིས་མྱོས་པ་མིན། །རིགས་ཀྱི་ཁྱད་པར་གསང་སྔགས་ལམ་ཞུགས་པའི། །རྐྱེན་དེའི་དབང་གིས་གྲོགས་ཀྱི་དུས་ཐབས་ཀྱིས །ཕྱི་ནང་གཞན་གསུམ་འཁོར་ལོ་ལྔའི་བཀོད་པ། །དག་སྨིན་རྫོགས་གསུམ་ཡེ་ཤེས་ལྔ་ཡི་དབྱིངས །དགའ་མཆོག་ཁྱད་ལྡན་དགའ་བྲལ་ཡེ་ཤེས་ཆེ། ། མངོན་གྱུར་རིག་དབྱིངས་གཞོན་ནུ་བུམ་པའི་སྐུར །སྒྱུ་ལུས་མ་སྤང་འོད་གསལ་མཆོག་གི་ལམ། །ཚེ་འདིར་བགྲོད་པའི་མྱུར་ལམ་ཨེ་མ་ཧོ། །དེ་ལྟར་མོས་པའི་ལམ་གྱིས་ཉེར་དྲངས ནས། །དུས་ཐབས་རྟེན་འབྲེལ་གནད་ཀྱང་དེ་ལ་ཐུག །ཚུལ་བཞིན་འབྱུང་བའི་ཐུགས་བསྐྱེད་སྨོན་ལམ་ཞུ། །དེ་སྐད་གང་དེའི་གསུང་གསང་གིས། །ཝ་སྤྱང་སེང་གེར་འབོད་མཐོང་ཚེ །མགོ་མེད་མཇུག་མེད་གནས་ཚུལ་རྣམས །ཇོ་མིན་ནག་མིན་བདེ་བའི་མིང་། །སྔགས་སྨྱོན་སྔགས་ནག་མདོ་མེདཔ། །ཀུན་བཟང་ཆོས་ཉིད་དབང་མོ་ཡིས །ཡིད་མཚོ་དྭངས གསལ་སྒྲོམ་ལས་བཤུས། །སུག་རྩེ་རླུང་གི་རྟར་བསྐྱོན་ནས། །ཡིག་རིས་ཚིག་ནག་རིས་སུ་བཀོད། དགེའོ།། །། TI1397-418 2119 彝 " 0 ལམ་ཙ་ལ་ལོ་པ་བྱ་ཐོས་གྱིང་商དཔལ་ལྡན་རྡོ་རྗེ་ཕག་མོ་ལ་ཕྱག་འཚལ་ལོ། །གང་གི་རང་བཞིན་འོད་གསལ་འདུས་མ་བྱས །རྣམ་ཐར་གསུམ་ལྡན་སྤྲོས་པའི མཐའ་དང་བྲལ། །རྣམ་ཀུན་མཆོག་ལྡན་དག་པ་གཉིས་ངོ་བོ་ཡེ་དག རང་བཞིན་རྣམ་དག་ཀྱི་བདག །དབྱིངས་ལ་གཤེགས རིག་པ་གཞི་བཞེངས བཞུགས་ཞི་གནས བརྗོད་པ་མི་མངའ་ཡང་། །འགགས་མེད་རང་གསལ་ཡེ་ཤེས་ཆོ་འཕྲུལ་ལས །སྣ་