Tibetan
གསུམ་ཞི་ཞིང་བག ཡོད་ཚུལ་ལྡན་མཛོད། །དམན་པའི་ས་བཟུང་འགྲན་སེམས་ཕྲག་དོག་སྤངས །ཆོས་བརྒྱད་ཚེ་འདིའི་བྱ་བ་མ་དྲན་པར། སྡོད་ཚུགས་རང་སེམས་སྣང་བ་ནང་དུ་སྐྱོངས །ཡུལ་གྲོང་དགོན་གསེབ་ཁྱི་བཞིན་མ་ཉུལ་བར། །མཚམས་བཅད་སྒོ་གསུམ་བྱ་བ་ཆོས་དང་བསྟུན །བླ་མའི་གདམས་ངག་འོད་གསལ་རྫོགས་ཆེན་བསྒོམ །འདྲེ་འདུལ་གྲོང་ཆོག་འར་འུར་དགོས་པ མེད། །ཐོས་བསམ་སྒོམ་པའི་ལམ་ལ་སློབ་པའི་དུས །རང་མཐོང་ང་རྒྱལ་ཆེ་འདོད་མ་བསམ་པར། །རིམ་བཞིན་ཉམས་ལོངས་རང་རྒྱུད་ཆོས་དང་བསྟུན །ཉམས་ཆུང་མཛོད་ལ་ཀུན་དང་ མཐུན་པར་གྱིས །དུས་གསུམ་རྒྱལ་ཀུན་ལས་ལྷག་བླ་མ་ཡིས། །བརྩེ་བས་རྗེས་བཟུང་སྨིན་གྲོལ་ཕ་ཕོག་སྩལ། །དོན་མེད་ཆུད་ཟོས་མ་བྱེད་རིམ་གཉིས་བསྒོམ །རང་དོན་མཐར་ཕྱིན གཞན་དོན་ངལ་མེད་མཛོད །ལྷག་བསམ་དག་པའི་ས་གཞི་ཁོད་སྙོམས་བརྡལ། །སྡོམ་གསུམ་སྐྱོན་མེད་རྣམ་དག་ས་བོན་ཐོབས། །བསླབ་གསུམ་ཡོན་ཏན་འབྲས་བུ་རིས་མེད ལོངས། །རྒྱལ་སྲས་སྤྱོད་པ་རླབས་ཆེན་མཐར་སོན་མཛོད། །མདོར་ན་དུས་ཀུན་རི་ཁྲོད་དབེན་རི་ཟུངས། །རྙེད་བཀུར་ཞབས་ཏོག་ཕྱིར་དུ་མི་འབྲང་བར། །དཀའ་སྤྱད་གྱིས་ལ་དམན་པའི་ཟས་གོས་བརྟེན། །དཀོར་ནག་ལོག་འཚོའི་ཟས་ལ་དུག་བཞིན་སྤོངས། །ཤ་ཆང་བུད་མེད་ཐར་པའི་གཤེད་མ་ཡིན །རང་ཉིད་གཅིག་པུ་དབེན་རིར་བཙན་ས་ཟུངས། །གཉིས་འཛིན་འཁོར་བའི་སྡིག་གྲོགས་རྒྱང་ནས་སྤོངས། །གྲྭ་འཁོར་གཉེར་པ་ལ་སོགས་དགོས་པ་མེད། །ཕར་ལ་གཅེས་སྤྲས་བྱས་ཀྱང་ཚུར་ལ་སྡང་། །རང་དབང་གཞན་ལ་ཤོར་བའི་སྔ་ལྟས་ཡིན །རང་སྡུག རང་གིས་རིན་གྱིས་ཉོས་པ་འདྲ། །གྲོགས་མེད་གཅིག་པུ་བག་ཡངས་བློ་བདེ་མཛོད། །ཡང་གཅིག་གསོན་དང་སྙིང་གི་བུ་མཆོག་ཁྱོད། །གདམས་ངག་རྩ་བ་རྫོགས་ཆེན་དམར་ཁྲིད་ཡིན ། ༄༅། །ཉམས་ལེན་སྙིང་པོ་གཅིག་དྲིལ་འདི་ལ་བརྩོན། །ཆོས་བརྒྱད་བྱ་བས་དགོས་མེད་སྙིང་གི་བུ། །གྲོགས་ཀྱི་མཆོག་གྱུར་རང་བྱུང་རིག་པ་ཡིན །གཉིས་འཛིན མཐུན་འཁོན་གྲོགས་ཀྱིས་དགོས་མེད་བུ། །གོས་ཀྱི་མཆོག་གྱུར་གཏུམ་མོ་རང་བྱུང་ཡིན །སྒྱུ་མའི་རྫས་ཀྱིས་དགོས་མེད་སྙིང་གི་བུ །ལམ་གྱི་མཆོག་གྱུར་ཐབས་ཤེས་ལྟོ་སྦྱོར་ཡིན། ཡོག་གསུམ་ལྡན་ལམ་མཆོག་ཁྱད་དུ་འཕགས །ཚུལ་འཆོས་གཙང་སྤྱོད་ཀུན་སྤངས་མཚན་ལྡན་བསྟེན །རག་པ་མཉམ་སྦྱོར་ལྷར་སྣང་འདུ་འབྲལ་མེད །སྐད་ཅིག་དྲན་རྫོགས་དག་པ་འོད་ཀྱི་ལུས། །བསྐྱེད་པ་མ་ཧཱ་ཡོ་གར་ལྷུན་གྱིས་གྲུབ །དགའ་བཞིས་ཉེར་དྲངས་སྟོང་བཞིའི་འོད་གསལ་མངོན །གདོས་བཅས་ཟག་ཟད་ཟག་མེད་འོད་སྐུར་སྨིན །བདེ་ཆེན་ཨ་ནུ་ཡོ གར་ལྷུན་གྱིས་གྲུབ། །དབྱིངས་ཡེ་གཉིས་མེད་དབུ་མར་རླུང་སེམས་ཚུད །ཅིག་ཆར་རིག་པ་ལྷུན་རྫོགས་ཡེ་ཤེས་མཐོང་། །ཉོན་གསུམ་རྟོག་པ་དབྱིངས་བཅོམ་འཛིན་པ་བྲལ། །དོན་དམ ཨ་ཏིའི་ཡོ་གར་ལྷུན་གྱིས་འགྲུབ །བུ་ཁྱོད་གསང་ཞིང་གསང་བར་ཉམས་སུ་ལོངས །གསང་བའི་དངོས་གྲུབ་ཐམས་ཅད་འདི་ལས་ཐོབ །འབྲས་བུ་ཚེ་གཅིག་དོན་གྱིས་སངས་རྒྱས བརྙེས། །འདོད་ལུགས་གྲུབ་མཐའ་མང་པོས་དགོས་པ་མེད། །ལམ་མཆོག་འདི་ལ་བརྩོན་གཅིག་སྙིང་གི་བུ །རང་རིག་ཡེ་གཞི་མི་འགྱུར་བྱང་ཆུབ་སེམས། །གདོད་ནས་རྣམ་དག་སྐུ གསུམ་ལྷུན་གྱིས་འགྲུབ། །མ་བཙལ་རང་ལ་གནས་པའི་ཡེ་ཤེས་ཆེ། །བློ་བྲལ་རྣམ་ཐར་གསུམ་ལྡན་ཨེ་མ་ཧོ། །རང་བཞིན་མ་འགགས་སྐུ་ལྔ་ཡེ་ཤེས་ལྔ། །ཞིང་ལྔ་མཁའ་འགྲོ་ལྔ་སོགས་ལྷུན་གྱིས་འགྲུབ། །ཡོན་ཏན་རང་ཆས་རྫོགས་པ་ཨེ་མ་ཧོ། །ཡེ་གྲོལ་ཀ་དག་ཕྱིས་ནས་གྲོལ་མི་དགོས། །གང་ཤར་རང་གྲོལ་འཛིན་མེད་ཆེན་པོར་གྲོལ། །ཉོན་མོངས་གནས་དག་ཡེ་ཤེས ངང་དུ་གྲོལ། །ཐམས་ཅད་དག་མཉམ་ལྷུན་གྲུབ་ཆེན་པོར་གྲོལ། །སྤང་བླང་གཉིས་མེད་གང་སྣང་ཡེ་ཤེས་གྲོལ །གཟུང་འཛིན་ལས་འདས་ཁྱབ་བརྡལ་ངང་དུ་གྲོལ། །མ་རིག་མིང་མེད འོད་གསལ་ངང་དུ་གྲོལ། །དགག་སྒྲུབ་ཞེན་བྲལ་ཀ་དག་ལྷུན་འབྱམས་གྲོལ། །རེ་དོགས་གཉིས་མེད་རོ་སྙོམས་ངང་དུ་གྲོལ །ཁམས་གསུམ་སེམས་ཅན་ཀུན་བཟང་ཀློང་དུ་གྲོལ། ཐམས་ཅད་ཡེ་གྲོལ་མ་གྲོལ་གཅིག་ཀྱང་མེད །ད་ནི་སེམས་བདེ་བློ་བདེར་ཉོལ་ལ་སྡོད །བཅས་བཅོས་མི་དགོས་གང་དགར་བསྐྱུར་ལ་ཐོངས །གཏད་མེད་རྒྱ་ཡན་ནམ་མཁའི་རྣལ་འབྱོར ༄༅། །མཛོད། །ཀུན་རྫོབ་བྱིས་པའི་ཆོས་ཀྱིས་དགོས་པ་མེད། །མདོར་ན་དུས་དང་རྣམ་པ་ཐམས་ཅད་དུ། །ཡེངས་མེད་འཛིན་མེད་སྤྲོས་བྲལ་ངང་དུ་ཞོག །ཕྱོགས ལྷུང་བྲལ་བའི་འོད་གསལ་ངང་གིས་འཆར། །རྩ་བྲལ་ཀློང་ཡངས་རིག་པ་དེ་བཞིན་ཉིད། །ཁྱད་ཆོས་དྲུག་ལྡན་གཞོན་ནུ་བུམ་པའི་སྐུར །སྤྲོས་མཐའ་བརྒྱད་བྲལ་བློ་འདས་རྫོགས་པ་ཆེ། འབྲས་བུ་ཕྱི་དུས་མི་རེ་རང་ཐག་ཆོད། །རང་རིག་ཀུན་ཏུ་བཟང་པོ་ཨེ་མ་ཧོ །སྤྲུལ་པའི་སྐུ་མཆོག་འཇིགས་མེད་མཚན་ཅནགྱིས། །དེ་སྐད་དགོས་ཞེས་ནན་ཆེར་བཀས་བསྐུལ་ངོར། མདོ་མེད་འཆོལ་མོ་སུ་ཁ་བཛྲ་གྱིས །ཞལ་གདམས་མི་ཤེས་གང་དྲན་ནེ་ཙོའི་གཏམ །འཆལ་འཆོལ་ཡི་གེའི་རིས་སུ་བྲིས་པའོ།། དགེའོ།། དགེའོ།། །། ཕ་དུས་གསུམ་ཀུན མཁྱེན་པདྨ་འབྱུང་། །དོན་དབྱེར་མེད་རིག་འཛིན་ཀུན་སྐྱོང་གླིང་།མཚུངས་མེད་རྗེ་ལ་གསོལ་བ་འདེབས །བདག་རྒྱུད་སྨིན་ཅིང་གྲོལ་བར་མཛོད། །ཨེ་མ་གསོན་དང་སྙིང་གི་བུ། ། ལུས་རྟེན་བཟང་པོ་ཡིད་བཞིན་ནོར་ལས་ལྷག །ཆུད་ཟོས་མ་བྱེད་མཚན་ལྡན་བླ་མ་བསྟེན །བླ་མ་མཇལ་ཚེ་སྐྱོན་དུ་མ་བཏགས་བུ །བཏགས་ན་སྐྱོན་གྱི་རང་བཞིན་རྣམ་རྟོག་རྒྱུ །དག སྣང་གྱིས་ལ་དབང་བཞིས་ཐུགས་ཡིད་བསྲེས། །ཐོས་བསམ་སྒོམ་པའི་ལམ་ལ་སློབ་པའི་དུས །རང་མཐོང་ང་རྒྱལ་ཆེ་འདོད་མ་བསམ་པར། །སྒོ་གསུམ་ཞི་ཞིང་དུལ་བའི་བག་ཡོད དགོས། །རིམ་བཞིན་ཉམས་སུ་ལོངས་ལ་གནད་དང་བསྟུན །མཆེད་གྲོགས་རྡོ་རྗེའི་སྤུན་དང་འགྲོགས་པའི་ཚེ། །འགྲན་སེམས་ཕྲག་དོག་ཆོས་བརྒྱད་བྱ་བ་སྤོངས། །ཁོང་ཁྲོ་དམ་ཚིག ཉམས་པའི་རྒྱུ་ཡིན་བུ །ཉམས་ཆུང་གྱིས་ལ་ཀུན་དང་མཐུན་པར་གྱིས །རི་ཁྲོད་དབེན་པར་སྒྲུབ་པ་བྱེད་པའི་དུས །ཡུལ་གྲོང་དགོན་གསེབ་ཁྱི་བཞིན་མ་འགྲིམ་པར། །འདུག་ཚུགས་སེམས་ཉིད་སྣང་བ་ནང་དུ་ཁུག །བསམ་གཏན་བསྒོམ་ལ་སྙིང་རུས་བསྐྱེད་དུས་སུ །ཆོས་བརྒྱད་ཚེ་འདིའི་བྱ་བ་མ་དྲན་བུ། །དྲན་ན་རྙེད་བཀུར་ཞབས་ཏོག་ཕྱིར་དུ་རྒྱུགས །དཀའ་སྤྱད་གྱིས་ལ་དམན་པའི་ཟས་གོས་བརྟེན། །འོད་གསལ་གསང་ལམ་རྫོགས་ཆེན་སྒོམ་དུས་སུ། །འདྲེ་འདུལ་གྲོང་ཆོག་ཅ་ཅོ་འུར་མ་བྱེད། །རང་རྒྱུད་མི་གྲོལ་བསྒོམ་ལ་བར་ཆད་མང་། ། མཚམས་བཅད་སྒོ་གསུམ་གནད་དང་བསྟུནགལ་ཆེ །ཉམས་རྟོགས་ཡོན་ཏན་རྒྱུད་ལ་སྐྱེ་བའི་ཚེ །སྣོད་མིན་དམ་ཉམས་རྣམས་ལ་མ་བཤད་བུ། །བཤད་ན་ལམ་རྟགས་ཡོན་ཏན་སྒྲིབ་ཉེན ༄༅། །ཡོད། །མ་ཡེངས་མ་བསྒོམས་ཡེངས་མེད་ངང་ལ་ཞོག །མདོར་ན་དུས་དང་རྣམ་པ་ཐམས་ཅད་དུ། །ཉམས་ཆུང་གྱིས་ལ་རི་ཁྲོད་དབེན་རི་ཟུངས། །ཉམས་ལེན་རྩ་བ་བླ་མའི་གདམས་ངག་སྒོམས། །ཆོས་བརྒྱད་བྱ་བས་དགོས་མེད་འཁྲུལ་པའི་རྒྱུ །གྲོགས་ཀྱི་མཆོག་གྱུར་རང་བྱུང་ཡེ་ཤེས་ཡིན། །གཉིས་འཛིན་འཁོར་བའི་སྡིག་གྲོགས་རྒྱང་ནས སྤོངས། །གོས་སུ་རྩོལ་བྲལ་གཏུམ་མོའི་སྒྲོན་མེ་སྤོར །མིག་འཕྲུལ་སྒྱུ་མའི་རྫས་ཀྱིས་དགོས་པ་མེད །ཟག་མེད་བཅུད་མཆོག་སྲོག་རྩོལ་རླུང་ལ་སློབ། །ཟག་བཅས་འདོད་པའི་ཟས་ཀྱི་ཆགས་པ་སྤོངས །རང་སྣང་དག་པ་གནས་མཆོག་ཡིད་འོང་ལྡན །འཐབ་འཁོན་འཇིག་རྟེན་གྲོང་དགོན་ཞེ་སྡང་རྒྱུ །དགོས་མེད་གཅིག་པུར་དབེན་རིའི་བཙན་ས་ཟུངས །ལོངས་སྤྱོད་རྒྱུ ནོར་འཕགས་པའི་ནོར་བདུན་ཡོད། །འདི་ཕྱིའི་བློ་ཕུག་གཏད་ས་བཞི་ལ་གྱིས །རྒྱུན་དུ་ལུས་རྟེན་ཐ་མལ་མ་འདུག་བུ། །ལུས་སྣང་ལྷར་གསལ་ངག་ཀྱང་སྔགས་ཀྱི་སྒྲ དྲན་རྟོག་ཆོས་སྐུའི་ཀློང་དུ་གཡོ་མེད་ཞོག །དེ་སྐད་ཉམས་ལེན་མཛོད་ཅིག་སྙིང་གི་བུ། །གཞི་སྐྱེ་མེད་སྟོང་པའི་ནམ་མཁའ་ལ། །ཚིག་གི་བརྗོད་བྱས་གཞལ་མ་ནུས །དཔེ་མཚོན་ན་མེ་ལོང་གསལ་བ བཞིན། །ཕྱི་ནང་གསལ་སྒྲིབ་མེད་པ་ཡི། །ཆོས་སྐུ་སྐྱེ་མེད་ཉི་མའི་སྙིང་། །འོད་ལ་གསལ་སྒྲིབ་མེད་དོ་བུ། །རྣམ་རྟོག་ཆུ་ནང་རལ་གྲི་བཞིན །དོན་ལ་ཁེ་ཉེན་མེད་དོ་བུ །རིག་པ་ཀ དག་ཟང་ཐལ་ལ། །ཐོགས་རྡུགས་མེད་དོ་སྙིང་གི་བུ །ལྟ་བ་གཏད་མེད་རྒྱ་ཡན་ལ། །མ་ལྟ་ལྟ་བ་ལྟ་བའི་མཆོག །སྒོམ་པ་རྩོལ་བྲལ་གཉུག་མ་ལ། །མ་བསྒོམས་སྒོམ་པ་སྒོམ་པའི་མཆོག །སྤྱོད་པ་རང་གྲོལ་བླང་དོར་བྲལ། །མ་སྤྱོད་སྤྱོད་པ་སྤྱོད་པའི་མཆོག །གཞི་ཀ་དག་ཟང་ཐལ་ཆོས་ཀྱི་སྐུ། །ལམ་མ་འགགས་ལོངས་སྤྱོད་རྫོགས་པའི་སྐུ །རྩ་ལ་ཐུགས་རྗེ་སྤྲུལ་སྐུས་འགྲོ་དོན་མཛད། །དེའི་འབྲས་བུ་རང་རིག་བཙན་ས་ཟིན། གསོན་དང་སྐལ་ལྡན་བུ་ཁྱོད། །ཕ་གཅིག་བླ་མའི་ཞལ་ནས། །གསུང་བཞིན་གདམས་པ་ཟབ་མོ། །མྱུར་ལམ་སྙིང་པོའི་ཁྱད་ཆོས། །རྫོགས་ཆེན་གསང་བའི་ལམ་མཆོག །ཁྲེགས་ཐོད་དབྱེར་མེད་ཟུང་འཇུག །རིམ་བཞིན་ཉམས་སུ་བླངས་ན། །རང་རིག་སྐྱེ་མེད་ཆོས་སྐུའི །རང་ཞལ་ངང་གིས་མཇལ ཡོང་། །ཀ་དག་ཟང་ཐལ་ཆོས་སྐུ །བསམ་བརྗོད་བྲལ་བ་བློ་འདས། །སྟོང་གསལ་འགགས་མེད་རང་བྱུང་།མཐའ་དབུས་མེད་པའི་ཁྱབ་བརྡལ། །གཏད་མེད་རྒྱ་ཡན་ནམ ༄༅། །མཁའ་འ །གཞི་མེད་རྩ་བྲལ་ཀ་དག །གསལ་སྟོང་འཛིན་མེད་རང་གྲོལ། །གཉུག་མ་ཤུགས་འབྱུང་རོལ་པ། །སྨྲ་མེད་ཀློང་ཡངས་ཆེན་པོ། །རང་བྱུང་རིག པ་ཆོས་སྐུ། །རེ་དོགས་བྲལ་བའི་སོ་མ། །ཡེངས་འཁྲུལ་མེད་པའི་འོད་གསལ། །འཛིན་མེད་སྤྲོས་བྲལ་ཟང་ཐལ། །འགྱུར་མེད་ཡེ་གྲོལ་ཆེན་པོ །སྐུ་གསུམ་རང་ཆས་རྫོགས པའི། །རྣལ་འབྱོར་དམ་པ་མཛོད་ཅིག །འཆི་བ་དང་པོའི་འོད་གསལ །མ་པང་བུ་རུ་འཇུག་དུས། །རིག་པའི་བཙན་ས་ཟུངས་ལ། །དབྱིངས་གསུམ་དབྱེར་མེད་ངང་དུ། །འུ་ཅག་མཆེད་ལྕམ་མཇལ་ཡོང་། །དེ་མིན་ཞལ་གདམས་མི་ཤེས །འཁོར་བར་འཁྱམས་པའི་སྤྲང་མོར། །གདམས་ངག་མེད་པ་ཐག་ཆོད། །ཁྱོད་ཀྱིས་ནན་ཏན་བསྐུལ་ཕྱིར། །ཞལ་ངོ་མི་ལྡོག ཙམ་དུ། །ཅ་ཅོ་ནེ་ཙོའི་གཏམ་བཞིན །སུ་ཁའི་མིང་གིས་བྲིས་པ། །བྷ་དྲའི་ཐུགས་ལ་ཟུངས་དང་། །ཅུང་ཞིག་གོ་རྒྱུ་ཡོད་ཐང་། །ཕྱི་མ་དག་པའི་ཞིང་ནས། །སྟོན་འཁོར་ཚུལ་དུ་མཇལ་ཡོང་། །ཅེས་པ་ནེ་ཙོའི་གཏམ་འདི་ཡང་ཆོས་མེད་སྤྲང་མོ་སུ་ཁའི་མིང་གིས་བྲིས་པ་དགེ་ལེགས་འཕེལ།། རང་བྱུང་རིག་པ་ཀ་དག་རྩ་བ་བྲལ །བཅོས་བསྒྱུར་འཛིན་པས་མ་བཅིང་རང བབས་ངང་། །གསལ་སྟོང་གཉིས་མེད་ཡེ་ཤེས་ངང་དུ་སྐྱོངས །ཀུན་བཟང་རང་ཞལ་སོ་མའི་རང་མདངས་ངོམས། །རྫོགས་ཆེན་དགོངས་པ་སྨྲ་བསམ་བརྗོད་པ་བྲལ །གཉིས་འཛིན་བློ་ཡིས་མ་བཅོས་ངང་ལ་ཞོག །དེ་སྐད་དད་ལྡན་བཙུན་པ་རྣམ་དག་ལ། །མདོ་མེད་ཆོས་མེད་བདེ་བའི་རྡོ་རྗེ་ཡིས། །གསལ་འདེབས་ཁ་ཏའི་ཚུལ་དུ་བྲིས་པ་འདི། །བཏང་སྙོམས་མ་བྱེད ཉམས་ལེན་སྣ་གཅིག་རེམ །རང་རིག་ལས་གཞན་སངས་རྒྱས་ཡོད་མི་སྲིད། །ཀུན་ཏུ་བཟང་པོའི་ས་མཆོག་ཨེ་མ་ཧོ། །འཇིག་རྟེན་ཆོས་བརྒྱད་བྱ་བས་དགོས་པ་མེད། །ཟིན་དུས་མི་འབྱུང་རང་གཞན་ཕུང་བའི་རྒྱུ། །དུག་བཞིན་སྤོངས་ལ་དབེན་རིར་བཙན་ས་ཟུངས། །ཕ་གཅིག་བླ་མའི་གདམས་པ་ཉམས་ལེན་རེམ །དགོས་མེད་བྱ་བ་མ་དྲན་སེམས་ལ་ཟུངས། །དལ་བ་དོན་མེད་དལ་འབྱོར་ཆུད་ཟོས་འགྲོ། །དེ་དོན་སེམས་ལ་ཟུངས་དང་གོ་རྒྱུ་ཡོད །མདོ་མེད་སྤྲང་མོས་ཁ་ཆེམས་ཚུལ་དུ་བྲིས །ཕྱི་མ་རང་རེ་མཇལ་བའི་སྨོན་ལམ་ཡོད།། དགེའོ།། །། ཀྱེ་མ། བརྩེ་ཆེན་ཐུགས་ཀྱིས་བསྐྱང་བའི་མཆེད་གྲོགས་ལགས། །བདེ་བའི་རྡོ་རྗེའི་གནས་ཚུལ་རྣམས །སྦས་གསང་མེད་པར་ཞུ་ལགས་ན །ཁྱོད་རྣམས་བདག་གི ༄༅། །སྐྱོ་གྲོགས་མཛོད། །སེར་དགོན་དབེན་རིའི་གཡས་ཟུར་ན། །མགོན་མེད་དབུས་མོ་གཅིག་པུར་ཕུད། །སྐྱོ་ཆད་དེ་བ་ལ་དྭངས་དུས་མེད། །མགོན་དུས་གསུམ་སངས་རྒྱས་དབྱིངས་སུ་གཤེགས །ཡིད་དུང་ངེ་བ་ལ་བརྗེད་དུས་མེད། །ཁྱུང་དཀར་པོས་ནམ་ཟླའི་ཚད་བཟུང་བྱེད། །སྐད་སྙན་པོས་ཀྲིང་ཀྲིང་ཟེར་ཞིང་འགྲོ །དེས་ཀྱང་རྗེ་བཙུན་བླ་མ་དྲན། །ཤིང་རྩ་བ་མེད་པའི་རྩེ་མོ་ནས། །བྱ་བྱིའུ་མང་པོས་ཅ་ཅོའི་སྒྲ། །རང་སྐད་ཀྱི་སྙན་དབྱངས་ལྷང་ལྷང་བྱེད། །དེས་ཀྱང་རྗེ་བཙུན་བླ་མ་དྲན། །སོས་རྩི་དམར་གྱིས་ལ་ལུང་ཀུན་ཏུ་གང་། །ས་སེར་པོའི་ཁ་དོག་སྣུམ་ལ་མཛེས། །དེས་ཀྱང་རྗེ་བཙུན་བླ་མ་དྲན། །དཔྱིད་ཉི་མ་དུས་ངན་ཚེ་ལས་རིང་། །བྲིས་བེའུ་ཁྱུར་ཁྲིད་རྩེད་འཇོ་བྱེད། །དེས་ཀྱང་རྗེ་བཙུན་བླ་མ་དྲན། །མི་ཕལ་གྱིས་སེམས་སྤྲོའི་གླུ་ལེན་བྱེད །རྟ་རྒོད་པོའི་བང་ལ་མགྱོགས་ངོམ་བྱས། །ང་སྡུག་མོའི་སེམས་རྩ་རླུང་གིས་བསྐྱོད། །དེས་ཀྱང་རྗེ་བཙུན་བླ་མ་དྲན། །མགོན་དུས གསུམ་སངས་རྒྱས་ཡིད་བཞིན་ནོར །འགྲན་བྲལ་གྱི་གསང་གསུམ་ཡོན་ཏན་དང་། །མན་ངག་གི་གདམས་ཁྲིད་གནང་བ་དང་།བྱམས་བརྩེ་བའི་ཐུགས་ཀྱིས་བསྐྱང་བ་སོགས །དེ བསམ་ཞིང་ཡང་ཡང་བླ་མ་དྲན །སྤྱིར་སྒྱུ་མ་རྨི་ལམ་ཡིན་མོད་ཀྱང་། །ང་སྒྱུ་མའི་ནང་གི་སྒྱུ་རྒོད་བྱུང་། །རྗེ་དངོས་སུ་བཞུགས་ཚེ་འཁོར་ཚོགས་མང་། །ལུས་སྲོག་ལ་མི་ལྟོས་ཅི་དགའ ཕུལ། །རྗེ་དབྱིངས་སུ་གཤེགས་ཚེ་རང་ས་འཚོ། །རྒྱུ་ཆེ་ཆུང་ཅི་འབུལ་རང་བདག་བྱེད། །ང་མགོན་མེད་བུ་མོའི་སེམས་བསད་ཚེ། །དེས་ཀྱང་རྗེ་བཙུན་བླ་མ་དྲན། །རྗེས་གཅེས་པར་བསྐྱང་བའི་རིགས་བཟང་མ །འཁོར་ཀུན་གྱི་ནང་ནས་སྐལ་བར་ལྡན །འབངས་བུ་སློབ་རྣམས་ཀྱིས་གཅེས་པས་བསྐྱངས །ད་ནག་ཅན་མི་བཞིན་ས་མཐར་སྤྱུགས། །དེས་ཀྱང་རྗེ་བཙུན་བླ་མ་དྲན། །སྐྱོ་སྐྱོ་བུ་མོའི་བསམ་པ་སྐྱོ། །སྡུག་སྡུག་མགོན་མེད་ང་རང་སྡུག །དྲན་དྲན་དྲིན་ཆེན་བླ་མ་དྲན། །བསམ་བསམ་འདིར་སྣང་འགགས་ན་བསམ། །ཡང་གཅིག་གསོན་དང་བརྩེ་བའི་བུ། །བསྒོམ་བསྲན་ཅན་གྱི་སྒོམ་པ་དང་།སྡུག་བསྲན་ཅན་གྱི་བུ་མོ་ང་། །འདྲ་དང་འདྲ་སྟེ་ནོར་ས་ཡོད། །བསྒོམ་པས་ཆོས་ཉིད་རང་ཞལ་མཐོང་། །སྡུག་གིས་སྙིང་རླུང་སྟོད་ལ་འཚངས། །དེས་ཀྱང་རྗེ་བཙུན་བླ་མ་དྲན། །ཁོང་ངེས་མེད་འགྲིམས་པའི་རྣལ་འབྱོར་དང་། །ང་ཡུལ་མེད་སྤངས་པའི་བདག་མེད་གཉིས། །འདྲ་དང་འདྲ་སྟེ་ནོར་ས་ཡོད། །ངེས་མེད ༄༅། །ཀྱིས་དོན་གཉིས་མཛད་པ་འགྲུབ། །ཡུལ་མེད་ཀྱིས་སྡུག་བསྔལ་མཐའ་དེད་བྱེད། །དེས་ཀྱང་རྗེ་བཙུན་བླ་མ་དྲན། །ཁོང་བྱ་བ་བཏང་བའི་བྱ་བྲལ་དང་། །ང་སྐྱབས་མགོན་མེད་པའི་སྤྲང་མོ་གཉིས །འདྲ་དང་འདྲ་སྟེ་ནོར་ས་ཡོད། །བྱ་བྲལ་གྱི་སྣང་བ་རྒྱན་དུ་ཤར། །སྤྲང་མོ་ཡི་སྣང་བས་འཁྲུལ་གཞི་བྱེད། །དེས་ཀྱང་རྗེ་བཙུན་བླ་མ་དྲན། །ཁོང་རྟོགས་ལྡན་དབེན་རི་འཛིན་པ་དང་། །ངས་དབེན་པར་སྡུག་སྒུར་བྱེད་པ་དེ། །འདྲ་དང་འདྲ་སྟེ་ནོར་ས་ཡོད། །རྟོགས་ལྡན་ཚོ་དབེན་རིར་ཉམས་རྟོགས་རྒྱས །ང་དབེན་པར་འདུག་ཀྱང་སྡུག་བསྔལ་སྐྱེད། །དེས་ཀྱང་རྗེ་བཙུན་བླ་མ་དྲན །ཁོང་བཟོད་པ་ཐོབ་པའིབྱང་སེམས་དང་། །ཁ་ཉམས་ཆུང་བའི་བུ་མོ་གཉིས །འདྲ་དང་འདྲ་སྟེ་ནོར་ས་ཡོད། །བཟོད་པས་བྱང་ཆུབ་ལམ་བཟང་རྙེད། །ཁས་ཞན་ངར་ཀུན་གྱིས་བརྙས་སྨོད་བྱེད། །དེས་ཀྱང་རྗེ་བཙུན་བླ་མ་དྲན། །གནས་ཚུལ་འདི་ལ་ཐུགས་བསམ་མཛོད། །སྡུག་བསྔལ་འདི་འདྲ་བཟོད་པར་དཀའ། །འགྲོ་བསམ་འགྲོ་བ་བདག་ལ་མེད། །མཆེད་གྲོགས་སྣ་ཚོགས་རང་གྲོལ། རྣམས་ཀྱི་ཞལ་མ་བཅོག །འདུག་བསམ་འདུག་སྤྲོ་བདག་ལ་མེད། །སྙིང་མེད་ང་ཡིས་ཅི་ཞིག་བྱེད། །ཕ་བླ་མ་དྲན་ པའི་རྨོངས་གླུ་འདི །སེམས་གཏིང་ནས་སྡུག་གིས་མ་བཟོད་ནས། །དབང་མེད་ཁ་ནས་འགགས་མེད་ཤོར། །སྙིང་བརྩེ་བའི་མཆེད་གྲོགས་རྣམས་ལ་ཕུལ། །ཅེས་སེར་དགོན་དབེན་རིའི ཉེ་འདབ་ནས་ཀུ་ས་ལི་བདེ་སྐྱོང་དབང་མོས་དམ་ལྡན་གྱི་མཆེདགྲོགས་རྣམས་ཀྱི་དྲུང་དུ་དུས་འཛིན་ཤིང་གླང་ལོའི་ཟླ་༡ཚེས་༢༨ལ་བཀྲ་ཤིས་ལྷ་རེག་བཅས་གུས་ཕུལ།། དགེའོ།། །། ་ལ་ཚེ་ལམ་མ་ཚ་པ་ལ་ཐ་ཅུ་ཁས་འི་ཐོས་ཀྱི་དང་TI1397-308 ༄༅། །ཀྱེ་མ་རྒྱལ་ཀུན་འདུས་ཞལ་པད་འབྱུང་མཚོ་རྒྱལ་དེ་མཁྱེན་ནོ །མགོན་མེད་ཉམ་ཐག་བདག་ལ་ཐུགས་རྗེས་ཀྱང་གཟིགས་མཛོད། །སྔོན་གྱི་འཕྲོ་དང་མཚོ་རྒྱལ ཐུགས་རྗེ་ཡི་སྟོབས་ཀྱིས །ཀློང་ཆེན་སྒྱུ་མའི་སྐུར་བཞེངས་དུས་གསུམ་གྱི་སངས་རྒྱས། །ཆོས་ཉིད་དྲི་བྲལ་དོན་གཟིགས་འཁོར་ལོ་ཡི་མགོན་པོ། །སྐྱེ་བ་མེད་པའི་ནང་དོན་ཡེ་ཤེས་ཉིད་གསལ་མཛད། །འོད་གསལ་ཆོས་ཉིད་ཀློང་དུ་དག་མཉམ་དུ་རོལ་ཡང་། །ཐུགས་རྗེའི་ཚ་ཟེར་བདག་ཅག་འགྲོ་མགོན་གྱི་བླ་མ། བདག་གི་བསོད་ནམས་དཔལ་དུ་ལེགས་པར་དུ་ཤར་ཡང་། །ད་རེས་འདུས་བྱས་རང་མཚང་རྟེན་འབྲེལ་ལ་ལྟོས་ནས། །མཐོང་ཐོས་ཙམ་ཡང་མེད་པར་བྲལ་བ་དེ་ཀྱི་ཧུད། །ཤར་རིའི་རྩེ་ནས་ཀུན་གསལ་བཞིན་རས་དེ་ངོམས་དུས། །བརྩེ་བའི་འཛུམ་གྱིས་སྐྱོང་བའི་ཞལ་བཟང་དེ་དྲནབྱུང་། །འོད་ཟེར་འགྲོ་བའི་མུན་པ་རང་སངས་ལ་སོང་དུས །བྱམས་པའི་གསུང་གིས་གདམས་པའི་ཆོས་གསུངས་དེ་དྲན་བྱུང་།བར་སྣང་ལྷ་ཡི་བདུད་རྩི་ཟིལ་མ་དེ་བབས་དུས། །བརྩེ་བའི་ཐུགས་ཀྱི་དགོངས་པའི་གནད་གསང་དེ་བཙལ་ནས། །ཐུགས་ཡིད་གཅིག་དྲིལ་ཕ་ཕོག་གནང་བ་དེ་དྲན་བྱུང་། །ས་གཞི་མེ་ཏོག་རྩི་ཤིང་སྣ ཚོགས་སུ་རྒྱས་དུས། །གང་འདོད་གདམས་པའི་གསང་མཛོད་ཆོས་སྒོ་དེ་འབྱེད་ནས། །ཁམས་དབང་དང་བསྟུན་དམ་ཆོས་བསྩལ་བ་དེ་དྲན་བྱུང་། །འབྲས་དྲུག་ལོ་ཏོག་སྨིན་ནས་ལོངས སྤྱོད་དུ་གྱུར་དུས། །རང་རིག་མ་བཅོས་འོད་གསལ་རང་ངོ་དེ་སྤྲད་ནས །རང་བྱུང་ཡེ་ཤེས་སྟོན་པའི་ཟབ་ལམ་དེ་དྲན་བྱུང་།ལྷ་ལམ་ཉི་ཟླའི་དཀྱིལ་འཁོར་རྒྱས་པ་དེ་མཐོང་དུས། ། གཉིས་མེད་ཡེ་ཤེས་སྦྱོར་བའི་རླབས་ཤུགས་ཀྱི་སྟོབས་ཀྱིས། །ཀུན་རྟོག་བརྒྱད་ཅུའི་རྟོགས་པ་རང་གྲོལ་དུ་སོང་བས །ཟུང་འཇུག་ཕྱག་རྒྱ་ཆེན་པོའི་ལམ་མཆོག་དེ་དྲན་བྱུང་།བར་སྣང་སྐར་མའི་ཁྱུ་ཚོགས་གསལ་སྒོ་རུ་མངོན་དུས །འཁོར་སློབ་མཆེད་གྲོགས་འཚོགས་པའི་རྣམ་དཔྱོད་དེ་དྲན་བྱུང་།ཤར་གྱི་རྟ་བདུན་ནུབ་རིའི་ཕྱོགས་ཆ་ལ་བྱོན་དུས །ཡིད་ཀྱི་འཁྲི་ཤིང་སྙིང་གི་དྭངས་མ་དེ་དྲན་བྱུང་། །འབྲལ་མེད་འབྲལ་བའི་སྣང་བ་སྟོན་པ་དེ་དྲན་བྱུང་། །ཀྱེ་ཧུད་ཀྱེ་ཧུད་མཆོག་གསུམ་རྩ་གསུམ་དེ་མཁྱེན་ནོ། །དྲན་ནོ་དྲན་ནོ་བདག་གི་བླ་མ་ཉིད་དྲན་ནོ །དནི་ལ འུར་དམ་པའི་ལྷ་ཆོས་ལ་དེངས་འགྲོ། །གསོགས་ཚད་ཟད་པའི་སྒྱུ་མའི་ནོར་རྫས་དེས་ཅི་བྱེད །འདུས་ཚད་བྲལ་བས་འཁོར་སློབ་མངའ་ཐང་དེས་ཅི་བྱེད། །སྐྱེས་ཚད་འཆི་ན་གཅེས་པའི་བུ་ ༄༅། །ཕྲུག་དེས་ཅི་བྱེད། །བཤད་ཚད་བརྫུན་པའི་ཕན་ཚུན་འཐབ་འཁོན་དེས་ཅི་