Tibetan
རྒྱལ་པོ་ཚ་བའི་ནད །སྨད་ནས་གཟུང་འཛིན་འདྲེ་མོ་གྲང་བའི་ནད། །ཚ་གྲང་འཐབ་པའི་ཀུན་བཏགས་ཕུང་པོ་ལ ། གདོན་ལ་ཕོ་གདོན་མོ་གདོན་གཉིས་སུ་སྣང་། །ཕོ་གདོན་ཡུལ་འཛིན་ཤེས་པ་རྒྱལ་པོས་གནོད། །མོ་གདོན་རང་གར་འཁྲུལ་པའི་འདྲེ་མོས་གནོད། །སྣང་བ་གསོན་འདྲེ་སྟོང་པ་ཤི་འདྲེ ༄༅། །དང་། །ལྷན་ཅིག་སྐྱེས་པའི་འདྲེ་ཆེན་དེ་རྣམས་ཀྱིས །དུག་ལྔའི་མེ་རོ་ལངས་ནས་ཕུང་པོ་འཇོམས། །འབྱུང་ལྔའི་བདག་ཉིད་སྐུ་ལྔ་ཡིན་ནའང་། །སྐུ་ལྔ་ལྷུན་གྲུབ་ཀློང་དུ་བཞུད་ནས་ཐལ། །དུག་ལྔ་ལས་ནི་ཉོན་མོངས་འཕེལ་སྟོབས་ཆེ། །བདག་འཛིན་རྒྱལ་པོ་མི་ཐུབ་ཐག་ཆོད་རེད། །ཀུན་འཛིན་དམ་སྲི་ཀུན་སྣང་དབང་དུ་ཤོར །ཀུན་བཏགས་ཕུང་པོ་ཉོན་མོངས་པ་ཡིས་བརླབས། །ཀུན་གཞིའི་བག་ལ་ཞ་ནས་དུག་ལྔས་བསླུས། །དེ་ལས་ལྷག་པའི་འདྲེ་ཆེན་མེད་ན་ཡང་། །དེ་རྣམས་འདུལ་བའི་གདམས་ངག་གནང་དུ་གསོལ། ། རང་སེམས་འདྲེ་ཆེན་འདུལ་ན་ལྟ་བ་ལགས། །ཕུང་ལྔ་སྐུ་ལྔར་དག་ན་སྒོམ་པ་འདྲ། །དུག་ལྔ་དང་དུ་བླང་ན་སྤྱོད་པ་ལགས། །ཅེས་པ་སྤྲང་མོ་རང་གིས་རང་ལ་བརྟགས་པ་ཡིན་ལགས། ཡིན་མིན་ཡོད་ཐང་བདག་རང་དེ་འདྲ་བ་རེད་ལགས། རྒྱལ་གདོན་དེ་རྣམས་འདུལ་བའི་ཐབས་ལ་ཐུགས་གཏད་བཀའ་འདྲིན་མི་ཆུང་བར་ཞུ་ལགས། ཨེ་མ་རྣལ་འབྱོར་དབང་ཕྱུག་ལགས །ཀ་དག་རིག་པ་ཟང་ཐལ་འདི། །ཁ་དོག་མཚན་མ་ལས་འདས་ཀྱང་། །ག་ལེར་ཀུན་གཟིགས་རྒྱལ་པོ་ཡིས །ང་བདག་གཉིས་ཀྱི་རྫུན་ཕུག་སྟོང་། །ལྟ་བ་གཏད་མེད་ནམ་མཁའ་ལ། ། TI1397-279 གཏད་སོའི་ཡུལ་ལས་ཡེ་ནས་འདས། །བསྒོམ་པ་མ་བཅོས་རང་བབས་ངང་། །གནས་ལུགས་གཉུག་མ་གཞི་ལ་རྫོགས །སྤྱོད་པ་ཤར་གྲོལ་དབྱེར་མེད་འདི། །སྤང་བླང་དགག་སྒྲུབ་བྲལ་བའོ། །གཞི་ཡི་རིག་པ་ཟང་ཐལ་བརྗོད་མེད། །ལམ་གྱི་གནས་ལུགས་སྟོང་གསལ་ཀ་དག །འབྲས་བུ་འོད་གསལ་ཁྱད་ཆོས་དྲུག་ལྡན །རང་རིག་ཀུན་བཟང་ཀློང་དུ་རྫོགས་ནས། །གཞོན་ནུ་བུམ་པའི་སྐུ་མཆོག་བརྙེས་སོང་། ཀུན་བཟང་དགོངས་པ། མ་སྐྱེས་མི་འགགས ཁྱབ་བརྡལ་ཀློང་ཡངས རྡོ་རྗེ་བདུན་ལྡན ཐིག་ལེ་ཉག་གཅིག །ཆོས་ཉིད་རིག་པ ཟང་ཐལ་འགྱུར་མེད། མ་ཡེངས་མི་བསྒོམ གཟུང་འཛིན་རང་དག །འཁྲུལ་མེད་འཁྲུལ་བྲལ སྣང་བཞིན་སྟོང་ལ། སྟོང་བཞིན་འགགས་མེད། སྣང་སྟོང་ཟུང་འཇུག །གཤིས་ལུགས་མ་བཅོས རང་བབས་སོ་མར། སྣང་སྲིད་ཆོས་ཀུན། ཆུ་ནང་ཟླགཟུགས། རང་ཤར་རང་ཐིམ། གཞི་སྣང་ཟུང་འཇུག །ཡེ་གཞི་ཀ་དག །ཡེ་བབས་གཉུག་མ། གང་ཤར་རང་གྲོལ ལྟ་བའི་རྫོང་མཁར། དགའ་བཞིའི་སྟོང་བཞི། ཨེ་ཝཾ་ཟུང་འཇུག །ཁ་སྦྱོར་བདུན་ལྡན མི་ཤིགཐིག་ལེ། སྟོང་དབྱིངས་བཙུན་མོའི། བྷ་ག་ ༄༅། །ཡངས་པ། རྩ་བྲལ་གསུམ་གྱི། ངང་ལ་འཇུག་ནས། རང་རིག་ཆོས་སྐུའི། རང་ཞལ་མཇལ་བྱུང་། ཞེས་པ་རང་གི་ཕ་ལྟར་བྱམས་བརྩེས་བསྐྱངས་པའི་བཀའ་དྲིན་དྲན་ནས་བླ་མ་དགེ་བའི་བཤེས་གཉེན་ཝཱ་གིའི་མཚན་ཅན་ལ་སྤྲང་མོས་རྒྱུ་རྫས་ཀྱི་མཆོད་པ་མེད་ཀྱང་ལྟ་བའི་ཕྱོགས་ཙམ་གླུ་ལ་དྲངས་ནས་སྐྱོན་ཀུན་ལྡན་པ་བདག་གིས་ཕུལ་བའོ།། ཨེ་མ་སྙིང་གི་བུ་མཆོག་ཉོན །གཞི་མེད་རྩ་བྲལ་ཆོས་སྐུའི་མཁའ་ཀློང་ནས། །ལམ་གྱི་རྩ་ལ་སྣང་ལྷུན་འགྲུབ་བཀོད་པ་མཛེས །འབྲས་བུ་གཞན་ལ་མི་རེ་རང་ཐག་ཆོད། །སྤྲང་མོའི་ལག་རྩེད་དོ།། ཨེ་མ་ཧོ། དུས་གསུམ་སངས་རྒྱས་ཀུན་དངོས་པདྨ་འབྱུང་།ཐུགས་ཀྱི་སྤྲུལ་པ་བདུད་འདུལ་དབང་ཕྱུག་གླིང་།གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཀ་ཡེགསོན་དང་སྙིང་གྲོགས་དམ་པ་ལགས། །ང་ཡི་ཉམས་ལེན་རྩ་བ་འདི་ལྟར་ཡིན །བླ་མ་གཅིག་ཆོག་པདྨ་འབྱུང་གནས་དངོས། །བྱིན་རླབས་རྒྱུན་ཆད་མེད་དོ་སྙིང་གི་བུ། །གདམས་ངག་གཅིག་ཆོག་རྫོགས་ཆེན་དམར་ཁྲིད་ཡིན །སངས་རྒྱས་གཞན་དུ་མི་ཚོལ་སྙིང་གི་བུ། །གྲོགས་པོ་གཅིག་ཆོག་དཔའ་བོ་མཁའ་འགྲོའི་ཚོགས །བརྩེ་གདུང་ཐང་ལྷོད་མེད་དོ་སྙིང་གི །རང་སྣང་ཞིང་ཁམས་ལྷུན་གྱིས་གྲུབ་པ་ལས །ཞིང་ཁམས་གཞན་ན་མ་གྲུབ་སྙིང་གི་བུ །རང་ལུས་ལྷ་ཡི་དཀྱིལ་འཁོར་ཡེ་ནས་གྲུབ །བསྐྱེད་རིམ་གཞན་དུ་མི་རེ་སྙིང་གི་བུ། རང་སེམས་རྩ་བྲལ་ཀ་དག་གཉུག་མ་ལ། །གཟུང་འཛིན་སྒྲོག་ཏུ་མ་བཙུད་སྙིང་གི་བུ །བླ་མའི་གདམས་ངག་བྱིན་རླབས་ཆེ་བ་དང་།རང་གི་མོས་གུས་ཅུང་ཞིག་ལ་བརྟེན་ནས། །འདི་ཕྱི་གཉིས་སུ་སྐྱིད་ཉལ་བྱེད་པར་འདོད། །བུ་མཆོག་ཁྱོད་ཀྱི་ཐུགས་ལ་དེ་ལྟར་ཞོག །ཁྱོད་ཀྱི་ཐུགས་ཁྲེལ་མ་བཏང་སྙིང་གི་བུ །ཞེས་པ་སྤྲང་མོའི་བརྫུན་རིས་སོ། ཨ་ཧོ་ཀ་དག་རིག་པ་སོ་མ་ངས། །བཅོས་བསྒྱུར་འཛིནཔས་མ་བཅིང་བར། །གསལ་སྟོང་འཛིན་མེད་ཆོས་སྐུའི་ངང་། །མཐའ་བྲལ་བློ་འདས་གཤིས་སུ་རྫོགས །ངོ་བོ་སྐྱེ་མེད་ཆོས་སྐུ་དང་། །རང་བཞིན་གསལ་སྟོང་ལོངས་སྤྱོད་རྫོགས། །ཐུགས་རྗེ་ཀུན་ཁྱབ་སྤྲུལ་པའི་སྐུ །སྐུ་གསུམ་དབྱེར་མེད་གཞི་ལ་རྫོགས། །ཅེས་པའང་བདེ་བའི་རྡོ་རྗེས་སོ། །། ཨ་ཧོ་ཀ་དག་རིག་པ་ཟང་ཐལ། །བཅོས་བསྒྱུར་བློ་ཡིས་མ་བྱེད །གསལ་སྟོང་ངང་ལ་བཞག་ན །ཆོས་སྐུའི་རང་ཞལ་མངོན་ནོ །རང་བབས་དྲན་པའི་ངང་ནས། །རང་རིག་ཁྱབ་བརྡལ་བརྗོད་འདས། ། ༦2 ༄༅། །སྤྲོས་པའི་མཐའ་བརྒྱད་བྲལ་བ། །དབྱིངས་གསུམ་དབྱེར་མེད་འུབ་ཆུབ །རང་མདངས་མ་འགགས་འོད་གསལ། །མ་ཡེངས་མི་བསྒོམ་འཛིན་བྲལ། །མ་བཅོས་ངང་ལ་བཞག་དགོས། །ཅེས་པ་འདི་བླ་མ་དམ་པ་ཉིད་ཀྱིས་ཞལ་གདམས་དགོས་ཞེས་དར་བཅས་བཀའ་ཕེབས་ཚེ་མི་ལྡོག་ཙམ་དུ་བདེ་བའི་རྡོ་རྗེས་ཕུལ་བའོ།། ཨེ་མ་གསོན་དང་ལྷ་གྲོགས་དམ་པ་ལགས། །བདག་གི་སྙིང་ནས་ཁྱེད་ལ་གསལ་ཞིག་འདེབས། །གཟའ་ཚང་མི་རྟག་ཚོང་འདུས་མགྲོན་པོ་འདྲ། །སྔ་མོར་ཡོད་ཀྱང་ཕྱི་དྲོ་བྲལ་ངེས་སོ། །རང་ཉིད་མི་རྟག ནགས་གསེབ་སྟག་མོ་འདྲ། །ནགས་མཐའ་མེ་ཡིས་བསྐོར་ནས་འཇིགས་པ་བཞིན །རང་གཞན་མི་རྟག་སྒྱུ་མའི་འཁྲུལ་འཁོར་འདྲ །དེ་ལ་བསམ་ནས་རང་ཉིད་གཅིག་པུ་རུ། །མི་ཚེ་ལྷག་མ་དམ་པའི་ཆོས་ལ་དྲིལ། །གཉིས་འཛིན་སྒྱུ་མ་ལྟ་བུའི་བསླུ་བྲིད་ལ །གདུང་སེམས་མ་ཆེ་བླ་མའི་བཀའ་བཞིན་སྒྲུབས །གཡེང་བ་མ་ཆེ་དམ་པའི་ཆོས་ལ་འབད། །འདི་ཕྱི་གཉིས་ཀྱི་བློ་གཏད་བླ་མ་ཡིན །འབྲལ་མེད་གཙུག་ཏུ་བསྒོམ་ལ་གསོལ་བ་ཐོབ། །ཕྱི་ནང་བར་ཆད་ཀུན་སེལ་བསམ་པ་འགྲུབ །འཆི་བདག་བདུདཔོ་ནམ་ཡོང་ཆ་མེད་པས། །འཆི་བའི་ ནངས་པར་སུས་ཀྱང་ཕན་པ་མེད། །སྙིང་པོ་རང་རིག་བཙན་ས་བཟུང་བར་མཛོད །ལྟ་བ་མཐོན་པོས་རྒྱུ་འབྲས་ཁྱད་མ་བསད། །གཏད་མེད་རྒྱ་ཡན་ངང་དུ་ལྷུག་པར་ཞོག །སྒོམ་པ་གཞན སྐྱོན་ཁོ་ནར་མ་བསམ་པར། །ཡེངས་མེད་འཛིན་མེད་རང་བབས་ངང་དུ་སྐྱོངས། །སྤྱོད་པ་ཁྱི་ཕག་བཞིན་དུ་མ་འཆོལ་བར། །གང་ཤར་རང་གྲོལ་སྤང་བླང་མེད་པར་ཞོག །གཞི་ཡི་རིག་པ ཟང་ཐལ་བརྗོད་པ་བྲལ །ཀུན་གཞིའི་བག་ལ་མ་སྒྲིབ་སྤྲོས་བྲལ་དབྱིངས །ལམ་སྣང་མ་བཅོས་གཉུག་མའི་རང་བཞིན་ལ །འཇུར་དྲན་སྒྲོག་ཏུ་མ་བཅིངས་སྟོང་གསལ་ངང་། །འབྲས་བུ་རང་རིག་ཡེ་སངས་རྒྱས་པ་ལ། །སངས་རྒྱས་གཞན་དུ་མ་སྒྲུབ་ཡེ་གྲོལ་ཀློང་།རང་རིག་ཀ་དག་ཟང་ཐལ་དེ་ཀའོ། །སྐྱེ་མེད་བློ་འདས་བརྗོད་བྲལ་ཆོས་ཀྱི་སྐུ། །རྩལ་སྣང་མ་འགགས་ལྷུན་གྲུབ་ལོངས་སྤྱོད་རྫོགས། །ཐུགས་རྗེ་ཀུན་ལ་ཁྱབ་པ་སྤྲུལ་པའི་སྐུ །སྐུ་གསུམ་དབྱེར་མེད་རང་རིག་གཞི་ལ་རྫོགས། །ཟང་ཐལ་རྒྱ་ཡན་ཆོས་སྐུའི་རང་ཞལ་མཇལ། །ཀུན་བཟང་རང་བྱུང་རྒྱལ་པོ་འགྲུབ་པར་མཛོད །ཅེས་པ་སྐྱེས་མཆོག་དམ་པ་འཇིགས་མེད་དཀོན་མཆོག་ལ་སྤྲང་འཁྱམས་པ་ཏཱ་རེའི་མིང་གིས་ཕུལ་བའོ།། རང་སྣང་དག་པ་སྐུ་གསུམ་ཞིང་ན །སྐྱབས་ ༄༅། །གནས་ཀུན་འདུས་པདྨ་འབྱུང་གནས། །དབྱེར་མེད་དྲིན་ཅན་རྩ་བའི་བླ་མར། །སྒོ་གསུམ་གུས་པས་ཞབས་ལ་འདུད་དོ། །ཀ་ཡེ་གསོན་དང་བཙུན་མ་ཁྱོད། སེམས་ཞེས་བྱ་བ་དེ་ཉིད་ནི། །ཉམས་ལེན་གནད་ལ་འཇུག་པ་ལ། །བླ་མ་དགེ་བའི་བཤེས་གཉེན་བསྟེན །བློ་ལྡོག་རྣམ་བཞིས་རང་རྒྱུད་སྦྱངས། །སྐྱབས་སུ་འགྲོ་དང་སེམས་བསྐྱེད་ཅིང་། །ཚོགས་གཉིས་བསགས་ཤིང་སྟོབས་བཞིས་བཤགས །བླ་མའི་རྣལ་འབྱོར་ལ་བརྩོན་ཏེ། །དབང་བཞི་བླང་ནས་ཐུགས་ཡིད་བསྲེས །མཉམ་པར་བཞག་པ་ལྟ་བའི་གནད། ། བྱུང་གནས་འགྲོ་གསུམ་ལ་སོགས་བརྟགས། །བྱུང་བ་མ་རིག་གཉིས་ལས་བྱུང་། །གནས་པ་ཙིཏྟའི་སྦུབས་སུ་གནས །འགྲོ་བ་ཚོགས་དྲུག་ཡུལ་ལ་འགྲོ། །དེ་ལ་བྱུང་གནས་འགྲོ་གསུམ་ཟེར། །ཚིག་གིས་སྒྲོ་བཏགས་ཙམ་ཞིག་འདྲ། །དོན་ལ་བྱུང་གནས་འགྲོ་གསུམ་བྲལ། །ལྟ་བ་ཀ་དག་རྩ་བ་བྲལ། །སྒོམ་པ་མ་བཅོས་བློ་འདས་གཤིས། །སྤྱོད་པ་ཆུ་དང་རྦ་རླབས་བཞིན། །གང་ཤར་རང་གྲོལ་ལྟ་བ་སྐྱོངས །གཞི་ཡི་གནས་ལུགས་འཁྲུལ་པ་མེད། །ལམ་ལ་འབད་རྩོལ་ལས་འདས་པའི །འབྲས་བུ་ཀུན་བཟང་དགོངས་པའི་ཀློང་། །རེ་ དོགས་མེད་པར་གནས་ལུགས་སྐྱོངས། །འདི་ཕྱི་གཉིས་ཀ་བདེ་མོར་གདའ། །ཞེས་པ་བཙུན་མ་ཆོས་སྒྲོན་ནས་ཞལ་ངོ་མི་ལྡོག་ཙམ་དུ་སྤྲང་མོ་ཏཱ་རེའི་མིང་གི་རྫུན་རིས་སོ། ཨ་ཧོ་གསོན་དང སྙིང་གི་བུ། །རང་སེམས་མ་བཅོས་ཀློང་ཡངས་ལ །གཟུང་འཛིན་སྒྲོག་ཏུ་མ་བཅིངས་ཨང་། །མཚན་ལྡན་དགེ་བའི་བཤེས་གཉེན་བསྟེན། །ལོག་སྒྲིབ་དབང་དུ་མ་ཤོར་ཨང་། །སྡོམ་གསུམ་གཙང་མའི་ས་གཞི་ལ། །དུག་གི་ས་བོན་མ་བཏབ་ཨང་། །ཟབ་ཆོས་མཁའ་འགྲོའི་ཐུགས་བཅུད་འདི། །ལེ་ལོའི་སད་ལ་མ་བསྐུར་ཨང་། །དམ་ཚིག་གསེར་ཐག་འབྲེལ་བའི་དུས། །གྲོགས་ངན་རྐྱེན་ལ་མ་ཤོར་ཨང་། །ཡི་དམ་བཛྲ་ཀཱི་ལ་ཡ། །ཙིཏྟའི་གའུར་སྦོས་ཤིག་ཨང་། །ཕ་ཡིས་གདམས་པ་ཇི་བཞིན་དུ། །ཉམས་ལེན་གནད་ལ་འཇུག་དགོས་ཨང་། །དུས་དང་རྣམ་པ་ཐམས་ཅད་ཀུན། །དམ་པ་གསུམ་ལ་བརྩོན་དགོས་ཨང་། །ཞེས་པའི་ཨང་ཚིག་བརྒྱད་པོ་འདི། །སྐྱོན་ཀུན་ལྡན་པའི་སྤྲང་མོ་ཡིས །ཤྲཱི་དྷྭ་ཛ་ཉིད་ལ་ཕུལ། །ཐུགས་ལ་ཟུངས་དང་ཨ་མཚར་ཡིན།། ཡང་ཅིག་གསོན་དང་སྙིང་གི་བུ། །ལྟ་བ་གཏད་མེད་ནམ་མཁའ་འདྲ། །བློ་ཡི་བཅོས་མས་མ་བསླད་བུ། །བློ་བྲལ་རྒྱ་ཡན་ཆེན་པོར་ ༄༅། །ཞོག །སྒོམ་པ་རང་གསལ་དེར་འཛིན་བྲལ། །ཨ་འཐས་གཟུང་འཛིན་མ་བཅིང་བར། །གཉུག་མ་རང་བབས་ངང་དུ་སྐྱོངས། །སྤྱོད་པ་གང་ཤར་རང་གྲོལ་ཆེ། །རེ་དོགས་མཚན་མས་མ་བཅོས་པར། །འཛིན་ཞེན་བྲལ་བའི་ཀློང་དུ་ཞོག །བུ་རང་བྱུང་རིག་པཀ་དག་ལ། །འཇུར་དྲན་བཅོས་མས་མ་བསླད་བུ། །རང་ལུས་ལྷ་ཡི་དཀྱིལ་འཁོར་ལ། །ཨ་འཐས་བསྐྱེད་རིམ་མི་དགོས་བུ །རང་སྣང་དོན་གྱི་འོག་མིན་གནས །འཕོ་བས་སྐྱེལ་བསུ་མི་དགོས་བུ། །ཟང་ཐལ་རིག་པ་བརྗོད་པ་བྲལ། །ཡེ་ཤེས་སྣང་བ་ལྷུན་གྱིས གྲུབ། །གསལ་སྟོང་འགགས་མེད་ཀུན་ལ་ཁྱབ། །སྐྱེ་འགགས་གནས་གསུམ་བྲལ་བ་ཡི། །འདི་དང་ཕྱི་མ་མེད་དོ་བུ། །ཀུན་རྫོབ་དོན་དམ་དབྱེར་མེད་པར། །ཆོས་ཉིད་རིག་པའི་རྒྱན་དུ་ཤར། །རེ་དོགས་གཉིས་ཀྱི་རྫུན་ཕུག་རྡིབས། །བུ་ན་དགའ་འཆི་སྐྱིད་གདམས་པ་ལོངས །ཞེས་ཨ་མའི་བུ་ལ་གསལ་འདེབས་ཀྱི་ཚུལ་དུ་བྲིས་པའོ།། དགེའོ།། །། ཨེ་མ་གསོན་དང་སྐལ་ལྡན་ལགས། །རང་བྱུང་རིག་པ་ཀ་དག་ལ །ཀུན་བརྟགས་འཁྲུལ་པའི་ཡུལ་ལས་འདས། །ལྷ་འདྲེ་གཉིས་མེད་སེམས་ཀྱི་འཕྲུལ། །རེ་དོགས་མ་བྱེད་རིགས་ཀྱི་བུ། ། རང་ལུས་ལྷ་ཡི་བཀོད་པ་གསལ། །ང་བདག་མཚན་མ་ཡེ་ནས་འདས། །འཛིན་ཞེན་བྲལ་བ་སོ་མའི་ངང་། །འཁོར་འདས་ཆོས་ཀུན་རྩ་ལ་སྣང་ཤར། །སྐྱེ་འཆི་བྲལ་བ་བརྗོད་མེད གཤིས། །བདག་བཟུང་མ་བྱེད་རིགས་ཀྱི་བུ། །ན་དགའ་འཆི་སྐྱིད་གདམས་པ་ལོངས། །གཟེར་ཆེན་ཆོས་སྐུའི་ངང་དུ་ཞོག །གཟེར་འབྲིང་ལོངས་སྐུའི་ངོ་བོ་སྐྱོངས །གཟེར་ཆུང་སྤྲུལ སྐུའི་རྣམ་པ་ཡིན །སྐུ་གསུམ་དབྱེར་མེད་ནད་ངོས་བཟུང་། །རང་བྱུང་རིག་པ་ལྷ་རྗེ་ལ། །ཡེ་ཤེས་ལྔ་ཡི་སྨན་ཆས་རྫོགས། །དུག་ལྔའི་ནད་གདོན་ངོས་བཟུང་བྲལ །སྣང་སྲིད་འཁོར་འདས་རྒྱན་དུ་ཤར། །ཆོས་ཀུན་སྒྱུ་མའི་རོལ་པ་ལ། །སྤང་བླང་མ་བྱེད་རིགས་ཀྱི་བུ། །སྣང་སྟོང་དབྱེར་མེད་ངང་དུ་ཞོག །ཕྱི་ཚུལ་འདུལ་བའི་བསླབ་པ་ལྟར། །དང་བ་འདྲེན་པའི་དེད་དཔོན་མཛོད། །ནང་ཚུལ་བྱང་ཆུབ་ལམ་བཟང་ལ། །འགྲོ་ཀུན་བརྩེ་བས་བསྐྱང་དུ་གསོལ། །གསང་བ་འཁོར་འདས་ཀ་དག་ལ །རོ་སྙོམས་རྟོགས་པའི་རྣལ་འབྱོར་མཛོད། །རྩེ་མཚར་ཡིན་ནོ་ཐུགས་མ་ཁྲེལ། །གོ་དོན་ཡོད་ཐང་ནེ་ཙོའི་གཏམ། །མདོ་མེད་རྫུན་རྐྱལ་བདག་གིས་ཕུལ། །གཞན་གྱིས་གཟིགས་ན་ཐུགས་ཁྲེལ་རྒྱུ །སུ་ཁ་བཛྲས་སོ།། དགེའོ། །། ༄༅། །ཨེ་མ་ཧོ། རྒྱལ་ཀུན་ཡུམ་གྱུར་རྡོ་རྗེ་རྣལ་འབྱོར་མ། །དབྱེར་མེད་བདེ་ཆེན་བདེ་བའི་རྡོ་རྗེ་ལ །དུས་གསུམ་རྒྱུན་ཆད་མེད་པར་གསོལ་བ་འདེབས། །བསམ་དོན་ཆོས་བཞིན་འགྲུབ་པར་བྱིན་གྱིས་རློབས། །ཅེས་པའང་དད་ལྡན་བྱང་ཆུབ་སྒྲོན་མའི་ངོར་སུ་ཁ་བཛྲ་གྱིས་སོ། དགེའོ།། །། ཀ་ཡེ་གསོན་དང་དད་ལྡན་བྱང་ཆུབ་སྒྲོན། །ཁ་ཏ་ཚིག་གསུམ་བཤད་ཀྱི་ཡིད་ལ་ཟུངས །ག་ལེར་རང་སེམས་བསམ་པ་གཏན་ལ་ཕོབས །ང་བདག་འཛིན་པ་མ་ཆེ་ངལ་བའི་རྒྱུ །ཅ་ཅོ་མང་པོས་དགོས་མེད་ཡིག་དྲུག་ཐོན། །ཆ་ལུགས་ཆོས་དང་བསྟུན་ཏེ་བསམ་བཟང་གྱིས །ཇ་ཆང་ལ་སོགས་འདོད་སྲེད་འཕེལ་བའི་གཞི །ཉ་མོ་རོ་ལ་ཆགས་བཞིན་བསླུས་པ་མང་། །ཏ་ཐ་ག་ཏའི་ཡང་བཅུད་རྫོགས་པ་ཆེ། །ཐ་མལ་ཚུལ་དུ་མ་བསྒྱུར་ཉམས་ལེན་རེམ། །ད་ནས་བྱང་ཆུབ་སྙིང་པོ་མ་ཐོབ་བར། །ན་མར་དད་བརྒྱས་བླ་མར་གསོལ་བ་ཐོབས །པ་སངས་ལྟ་བུར་བསམ་པ་རྒྱ་ཆེར་གྱིས། །ཕ་གཅིག་བླ་མའི་གདམས་པ་ཉམས་སུ་ལོངས །བ་གམ་བཞིན་དུ་སྣང་བ་མ་མཐོ་བར། །མ་རབས་མ་བྱེད་ཕྱག་བསྐོར་ཉམས་སུ་ལོངས། །ཙ་ར་ལ་སོགས་འཚོ་སྐྱོང་ངལ་བའི་རྒྱུ །ཚ་གདུང་སེལ་བྱེད་ དམ་པའི་ལྷ་ཆོས་བརྩོན། །ཛ་བའི་གྲོགས་ལ་ཚིག་རྩུབ་ཁོང་ཁྲོ་སྤོངས། །ཝ་མོ་བཞིན་དུ་ཀུན་ལ་མཐུན་པར་གྱིས །ཞྭ་གོས་སོགས་ལ་སྲེད་པ་མ་ཆེ་བར། །ཟ་མི་ཉེ་འབྲེལ་ཕ་མ་ཐབས་ཀྱིས སྐྱོངས། །འ་འུར་ཅ་ཅོ་མང་པོ་མ་སྨྲ་བར། །ཡ་རབས་ཆོས་མཐུན་སྐྱབས་འགྲོ་སྒྲོལ་མ་ཐོན། །རྭ་འདྲའི་རང་སེམས་འདུལ་བ་ཆོས་པ་རབ །ལ་ལ་མ་གཏོགས་རང་སེམས་འདུལ་བར་དཀའ། །ཤ་ཚའི་གཏམ་འདི་དད་ལྡན་བྱང་སྒྲོན་ལ །ས་མཐའི་སྤྲང་མོ་བདེ་བའི་རྡོ་རྗེ་ཡིས །ཧ་ཅང་ཁ་ཏ་མང་པོ་མེད་ན་ཡང་། །ཨ་མཚར་ཚིག་ལ་གོ་རྒྱུ་ཡོད་ཀྱང་ཐང་། །དུས་དང་རྣམ་པ་ཀུན་ཏུ་འདི་ལ་གཟིགས། །ས་མཐའི་སྤྲང་མོ་ས་མཐར་ཁྱི་བཞིན་དུ། །མི་འགྲོ་ཀ་མེད་ཚོགས་ན་འཁོར་ལོ་བསྐོར། །ད་རེས་འུ་ཅག་མཇལ་བའི་སྐལ་བ་མེད། །མ་འོངས་ཞིང་དུ་འདུ་འབྲལ་མེདཔར་མཇལ། ། ཧ་ཧ་ཧ། ཞེས་པ་སྤྲང་མོའི་མཚར་གཏམ་ཡིན་ལགས།། ཨེ་མ་གསོན་དང་གསང་སྔགས །འོད་གསལ་གསེང་ལམ་གདམས་པ། །མ་ཡེངས་ཉམས་སུ་ལོངས་དང་། །རིག་པ་ཀ་དག་རྩ་བྲལ། །བློ་འདས་འོད་གསལ་ངང་དུ། །ཀུན་བཟང་རང་ཞལ་མི་རིང་། །རང་བྱུང་ཀློང་ནས་མཇལ་བྱུང་། །མ་བཅོས་སོ་མ་ཁྱབ་བརྡལ། །སེམས་ ༄༅། །ཉིད་རང་བྱུང་རིག་པ། །མ་ཡེངས་འཛིན་མེད་ངང་དུ། །མཉམ་བཞག་ལྷོད་མེད་མཛོད་དང་། །ཀུན་བཟང་རྒྱལ་ས་ཟིན་ཡོང་། །དེ་སྐད་བདེ་བའི་རྡོ་རྗེས ། བསམ་བཟང་ཁ་ཏ་ཡིན་པས །འདི་དོན་སེམས་ལ་བཟུང་ནས། །ཉམས་སུ་ལེན་པར་མཛོད་ཅིག །ཕྱི་མ་རྔ་ཡབ་དཔལ་རིར། །མཇལ་བའི་སྨོན་ལམ་འདེབས་ཡོང་། །ཅེས་སུ་ཁ་བཛྲ་གྱིས་བྲིས་པའོ།། ཨེ་མ་གསོན་དང་རྒྱལ་བའི་སྲས་པོ་ལགས །སྔ་སོར་ཞུ་ཚིག་ཡལ་བར་མ་འདོར་བར །ཐུགས་དགོངས་དམ་བཅའ་དབེན་པའི་རི་ལ་མཛོད། །ཆོས་བརྒྱད་བྱ་བ་མི དགོས་སྐྱིད་གཅིག་གདའ །རང་བྱུང་རིག་པ་སྐྱེ་འགགས་གནས་གསུམ་བྲལ །བློ་བྲལ་ཡེ་ཤེས་ཆེན་པོའི་ངང་དུ་ཞོག །འཁོར་འདས་ཆོས་སྐུར་རྟོགས་པའི་སྐྱིད་གཅིག་གདའ། །ཟབ་ཟབ་དམ་ཆོས་མང་པོས་དགོས་པ་མེད །ཕ་ཡི་ཟབ་མོའི་ཐུགས་བཅུད་ཉམས་སུ་ལོངས །ཕ་ཕོག་དངོས་གྲུབ་ཐོབ་པའི་སྐྱིད་གཅིག་གདའ། །དཀོར་ཟས་རྣམ་སྨིན་ལྕི་བའི་དུག་བཞིན་སྤོངས། །དབེན་རིར་སྒྲུབ་པ་ཕ་མཐར་སོན་པར་མཛོད །རང་གཞན་དོན་གཉིས་འགྲུབ་པའི་སྐྱིད་གཅིག་གདའ །མཐུན་མཐུན་འགྲོགས་པའི་དགོས་མེད་ཚོགས་ངན་གཞི། །གཅིག་པུར་ དབེན་རིར་འོད་གསལ་གསང་ལམ་བསྒོམ། །གཉིས་འཛིན་ཕྲག་དོག་མི་དགོས་སྐྱིད་གཅིག་གདའ། །ཅ་ཅོའི་ལོང་གཏམ་སྣ་ཚོགས་དགོས་པ་མེད། །རྩ་གསུམ་ཡི་དམ་བསྙེན་སྒྲུབ་རྟག་ཏུ བརྩོན། །མཆོག་ཐུན་དངོས་གྲུབ་སྩོལ་བའི་སྐྱིད་གཅིག་གདའ། །ཡུལ་གྲོང་དགོན་གསེབ་ཀུན་ཏུ་མ་ཉུལ་བར །སྡོད་ཚུགས་རང་སེམས་སྣང་བ་ནང་དུ་ཁུག །རྩ་རླུང་ཐིག་ལེའི་ཉམས་ལེན་གནད་དུ་བསྣུན །རླུང་སེམས་དབུ་མར་ཚུད་པའི་སྐྱིད་གཅིག་གདའ །འདི་ཕྱི་གཉིས་སྐྱིད་དམ་ཆོས་ཟབ་མོ་སྒྲུབས །དོན་གཉིས་ནོར་བུ་ལག་ཏུ་ལོན་ཀྱང་སྲིད །དེ་ཕྱིར་འདི་དོན་ཉམས་སུ་ལེན་པར་མཛོད། །དེ་སྐད་སྤྲང་འཁྱམས་མདོ་མེད་འཆོལ་མོ་ཡིས །རང་ལ་ཡོན་ཏན་སྤུ་ཙམ་མེད་ན་ཡང་། །བསམ་བཟང་ཁ་ཏ་གང་དྲན་ཡི་གེར་བྲིས། །ཐུགས་ལ་ཟུངས་དང་དོན་ཆེན་ཡོད་ཀྱང་ཐང་། །དེ་མིན་འུ་ཅག་མཇལ་བའི་སྐལ་བ་དབེན །ཕྱི་མ་དཔལ་རི་པདྨ་འོད་གླིང་དུ། །སྟོན་འཁོར་ཚུལ་དུ་འཁོད་པའི་རྟེན་འབྲེལ་ཡོད། །ཅེས་པ་སུ་ཁའི་མིང་གིས་བྲིས པའོ།། དགེའོ།། །། ཨེ་མ་གསོན་དང་དད་ལྡན་བཙུན་མ་ཁྱོད། །བླ་མའི་གདམས་པ་འོད་གསལ་རྫོགས་ཆེན་བསྒོམ །རང་བྱུང་རིག་པ་བཅོས་བསྒྱུར་བློ་ལས་འདས །མ་ 八༄༅། །བསྒོམས་མི་ཡེངས་འཛིན་མེད་ངང་དུ་བསྐྱང་།རང་བྱུང་རིག་པ་ཀུན་བཟང་རང་ཞལ་མཇལ། །འོད་གསལ་གཉུག་མའི་ངང་དུ་ང་དང་འཕྲད། །ནམ་ཡང་འབྲལ་བ་མེད་དོ་ཆོས་ཕྲེང་ལགས། །ཅེས་པ་བདེ་བའི་རྡོ་རྗེས་བྲིས་པའོ། དགེའོ།། །། N1VL6MFlm¤ 289 TI1397-293 ལམ་མ་ཆོས་ལ་ལོ་བུ་ཆོས་འི་ཐོས་སྤྱི་དང་TI1397-294 TI1397-294 ༄༅། །ཀློང་ཆེན་རབ་འབྱམས་ཡེ་ཤེས་སྒྱུ་མའི་གར། །བདེ་ཆེན་རྒྱལ་ཀུན་འདུས་པའི་ངོ་བོ་ཉིད། །མཚུངས་མེད་བཀའ་དྲིན་གསུམ་ལྡན་བླ་མ་རྗེ །འགྲོ་འདུལ་གསང་སྔགས་གླིང་པའི་ཞབས་ལ་འདུད། །འབྲལ་མེད་སྤྱི་བོ་བདེ་ཆེན་འཁོར་ལོར་བཞུགས། །བདག་རྒྱུད་ཆོས་དང་འདྲེས་པར་བྱིན་གྱིས་རློབས། །ཨེ་མ་གསོན་དང་སྙིང་གི་བུ་མཆོག ལགས། །ལུས་བརྟེན་བཟང་པོ་ཡིད་བཞིན་ནོར་ལས་ལྷག །དལ་བའི་རྟེན་བཟང་ཆུད་ཟོས་མ་བཏང་བར། །མཚན་ལྡན་བླ་མའི་བཀའ་བཞིན་དབེན་རི་བསྟེན །སྒོ་