Tibetan
འདྲིས་ཀྱི་སྒོ་ནས་ཉམས་སུ་བླང་བར་བྱའོ། །ས་མ་ཡ༔ རྒྱ་རྒྱ་རྒྱ༔ དེ་ལྟར་མྱུར་ལམ་གསང་ཆེན་དགོངས་པའི་བཅུད། །སྣོད་ངན་བདག་གི་ཡུལ་དུ་མ་གྱུར་ཀྱང་། །གཏེར་ཆེན་ཆོས་ཀྱི་རྒྱལ་པོའི་བཀའ་དྲིན་ལས། །ཁྱི་ཡི་ཁ་ནས་སེང་དཀར་འོ་མ་ཐོན །ལས་ཅན་བུ་ཡིས་ཚུལ་བཞིན་ཉམས་བླངས་ན། །ས་དང་ལམ་བགྲོད་རིམ་པར་མི་ལྟོས་པར། །ཟུང་འཇུག་རྡོ་རྗེ་འཆང་གི་ས་ཐོབ ངེས། །ཞེས་པ་འདི་སྔགས་ཀྱི་རྣལ་འབྱོར་པ་ཆོས་སྤྲུལ་བྷ་དྲའི་མཚན་ཅན་གྱིས་ནན་ཏན་ཆེན་པོས་ཡང་ཡང་ལན་གྲངས་དུ་མར་བཀས་བསྐུལ་ངོར། ལས་འབྲེལ་པའི་སློབ་འབངས་ཀུན་གྱི་ཐ 8མ ཤལ་མདོ་མེད་འཆོལ་མོ་སྙིགས་དུས་གཏེར་མིང་འཛིན་པ་བདེ་ཆེན་བདེ་བའི་རྡོ་རྗེའམ་ཀུན་བཟང་བདེ་སྐྱོང་དབང་མོས་བྲིས་པའོ།། དགེའོ།། །། ལ་ལ་ཕྱི་མ་ཆུ་ཚས་ཟི་ཐོམས་གྱི་ང་242 TI1397-246 ལ་ལ་ཕྱི་མ་ཆུ་ཚས་ཟི་ཐོམས་གྱི་ང་TI1397-246 ༄༅། །དུས་གསུམ་མཁྱེན་པའི་རྒྱལ་སྲས་སྤྲུལ་པའི་སྐུ །ཀུན་བཟང་པད་འབྱུང་ཉིད་ལས་བཀའ་དྲིན་ལྷག །རྣམ་ཀུན་མཆོག་ལྡན་ཁྱོད་འདྲ་བདག་གིས་རྙེད །དུས་འདི་ནས་བཟུང་ཚེ་རབས་ཐམས་ཅད་དུ། །འབྲལ་མེད་ལྷན་དུ་འཚོགས་པའི་སྨོན་ལམ་ཞུ། །བདག་གིས་མ་དག་སྒོ་གསུམ་ཆོས་སྐུའི་ཞིང་། །འབད་རྩོལ་མེད་པར་དག་པ་རབ་འབྱམས་སུ། །རང་ཞལ་མཐོང་ཡང་ཤེས་རབ་མིག་ཞན་པས །ཤེས་སྒྲིབ་ཕྲ་བས་རང་ངོར་མ་གསལ་བསྒྲིབས །བཀའ་དྲིན་གསུམ་ལྡན་ཐབས་མཆོག་ཡིད་བཞིན་ནོར། །ཁྱོད་ཀྱིས་གདམས་པ་ཚིག་ཉུང་དོན་འདུས་ཤིང་། །མན་ངག་གསེར་ཐུར་ལྟ་བུའི་ཁྱད་འཕགས་པ །བསྐྱེད་རྫོགས་སྙིང་པོའི་བཅུད་བསྡུས་ཟབ་མོ་འདི། །ཐུགས་བརྩེས་ཁོ་མོ་བདག་ལ་སོན་པའི་མཐུས། ། བདག་གིས་ཡེ་ཤེས་གསལ་བའི་མིག་ཐོབ་ནས །སྣང་སྲིད་དག་པ་རབ་འབྱམས་གཞལ་ཡས་ཁང་། །ཆུ་རླབས་རིས་བཞིན་སྣང་ཡུལ་ཆོས་སྐུར་གྲོལ། །གཟུགས་སྣང་དག་པ་རབ་འབྱམས་ལྷ་ཡི་སྐུ། །བསྐྱེད་བསྟིམ་མི་དམིགས་རིག་སྟོང་ཆོས་སྐུར་གྲོལ །སྒྲ་གྲགས་དག་པ་རབ་འབྱམས་རྡོ་རྗེའི་གསུང་།གྲགས་སྟོང་སྐྱེ་མེད་རང་བྱུང་ཆོས་སྐུར་གྲོལ །དྲན་རྟོག དག་པ་རབ་འབྱམས་འོད་གསལ་ཀློང་། །གདོད་ནས་ཀ་དག་མངོན་གྱུར་ཆོས་སྐུར་གྲོལ །ཀུན་ཁྱབ་ནམ་མཁའ་ལྟ་བུར་འཁོར་ཡུག་འདྲེས། །ནམ་མཁའི་རང་བཞིན་སྣ་ཚོགས་རོལ་པའི བདག །ཡེ་གནས་རང་བྱུང་དཀྱིལ་འཁོར་ལྷུན་གྱིས་གྲུབ །མ་དག་མིང་མེད་དག་སྨིན་ཡེ་ནས་རྫོགས། །རང་རིག་རང་གསལ་སྐུ་གསུམ་གཞི་ལགྲོལ །རི་བོ་བཞིན་དུ་འཕོ་འགྱུར་གཉིས་མེད་པར། །ནམ་མཁའ་ལྟ་བུར་བཅིང་མེད་གྲོལ་དུ་མེད །རྒྱ་མཚོ་བཞིན་དུ་དྭངས་གསལ་སྒྲིབ་གཡོག་བྲལ །ཉི་འོད་བཞིན་དུ་ཡེ་ཤེས་རང་ངོར་གསལ། །མ་རིག་སྒྲིབ་པའི་སྤྲིན་ཚོགས་དབྱིངས་སུ་སངས །ཡེ་ནས་མ་འཁྲུལ་ངང་བཞག་ཆོས་སྐུར་རྒྱས །གཞི་གནས་རིག་པ་སྐུ་དང་ཡེ་ཤེས་མཛོད། །ནང་གསལ་གཞོན་ནུ་བུམ་སྐུ་མངོན་དུ་གྱུར། །དོན་གཉིས་མཐར་ཕྱིན་འབྲས་བུའི་གཞི་རུ་སད། །ཆོས་ཅན་སྣང་བ་ཆོས་ཉིད་ཀློང་དུ་ཆུབ །ཐུན་དང་ཐུན་མཚམས་མེད་པར་ཕྱམ་བརྡལ་ལེ །ཆོས་སྐུ་ཐིག་ལེ་ཉག་གཅིག་ཀློང་དུ་གྲོལ །བདེ་བའི་རྡོ་རྗེ་གདོད་མའི་ཟད་སར་འཁྱོལ། །བདག་གི་རྗེས་སུ་འཇུག་པའི་སྐལ་ལྡན་རྣམས། །བསྐྱེད་རྫོགས་ཉེ་ལམ་དེ་ལྟར་མཐར་ཕྱིན་མཛོད། །དག་པ་གཉིས་ལྡན་ཐབས་མཆོག་རྣལ་འབྱོར་དྲུང་། ༄༅། །ཤེས་རབ་རྡོ་རྗེ་བཙུན་མོས་གུས་པས་ཕུལ། དགེའོ།། །།ཨེ་མ། དུས་གསུམ་རྒྱལ་བ་ཀུན་གྱི་རྒྱལ་ཚབ་མཆོག །བདག་གི་ཚེ་རབས་ཀུན་ཏུ་གསང་བའི གྲོགས། །དཔའ་བོ་མཆོག་ཉིད་བདག་ལ་དགོངས་སུ་གསོལ། །བདག་ནི་སྔོན་བསགས་ཞན་པས་རང་དབང་ཆུང་། །གཞན་གྱི་དབང་སོང་ས་མཐར་འགྲིམ་དགོས་པས། །བློ་སེམས་སྐྱོ་ངེ་བ་ལ་དྭངས་དུས་མེད། །བདག་གི་སྙིང་མིག་སྲོག་དང་མཚུངས་པའི་གྲོགས། །འབྲལ་འདོད་བསམ་པ་ཡིད་ལ་ཡོད་མ་ཡིན། །སྨོན་ལོག་དབང་བཙན་རེ་ཞིག་བྲལ་དགོས་ཚེ །སྙིང་གཏམ་ཞལ་ཆེམས་གང་དྲན་སྙན་དུ་གསོལ། །ཐུགས་རྗེ་ཆེན་པོར་མ་ཎིའི་ལུང་གིས་དཔེ། །སངས་རྒྱས་མདུན་ལ་སེམས་ཅན་ཆོས་བཤད་མིན། །འུ་ཅག་རྣམ་གཉིས་ཐུགས་ཡིད་མཐུན་པ་དང་༏ །བརྩེ་གདུང་ཆེ་ཞིང་དམ་ཚིག་ལྡན་པ་ཡིས །གང་དྲན་ཚུལ་འཆོས་སྦ་གསང་མེད་པར་ཞུ། །ཕ་བླ་མ་དུས་གསུམ་སངས་རྒྱས་དངོས། །བདུད་འཇོམས་རྡོ་རྗེ་གྲོ་ལོད་རྩལ། འབྲལ་མེད་སྤྱི་བོའི་གཙུག་ཏུ་བསྒོམ། །བླ་མ་བརྒྱ་ཡིས་དོ་ཟླ་མིན། །གཞན་བླ་མ་མང་བས་དགོས་པ་མེད། །དམ་ཚིག་ལ་ཆགས་ཉམས་འགྲོ་ཉེན་ཡོད། །ལྷ་ཡི་དམ་སྣང་སྟོང་ལྷ་རུ་ ཤར། །རྟེན་བརྟེན་པ་རང་བྱུང་ཀློང་དུ་རྫོགས །སྣང་ཞེན་གྱི་བསྐྱེད་རིམ་དགོས་པ་མེད། །ཨ་འཐས་ཀྱི་ཐེར་ཟུག་གོལ་ཉེན་ཡོད། །སྔགས་གྲགས་སྟོང་སྐྱེ་མེད་སྒྲ་སྐད སྒྲ་སྐདཇི་སྙེད ཐམས་ཅད་སྔགས་ཀྱི་རང་བཞིན། སྔགས། །རླུང་ཕྱི་ནང་འབྱིན་འཇུག་སྔགས་འཁོར་ལོ། །ཀུན་རྟོག་གི་རྩིས་གདབ་དགོས་པ་མེད། །ཟུར་ཆག་དང་ངག་འཁྱལ་འདྲེས་ཉེན་ཡོད། །སེམས་རང་བྱུང་རྒྱུ་རྐྱེན་ཀུན་ལས་འདས །ཡེ་རྫོགས་ཀྱི་དགོངས་པར་ལྷུན་གྱིས་འགྲུབ །སྤང་བླང་གི་གཉེན་པོས་དགོས་པ་མེད །ཡི་ཤེས་ཀྱི་གདངས་མཁྱེན་གཟིགས། གཉིས་སྒྲིབ་ཉེན་ཡོད། །དབྱིངས་རིག་པ་ལྷུན་འགྲུབ་འདུས་མ་བྱས །རྩལ་སྐུ་དང་འོད་ལྔ་ཐིག་ལེར་ཤར། །སྣང་བཞི་སྒྲོན་དྲུག་གི་རང་གདངས་མངོན་དུ་གྱུར། །ཀུན་རྫོབ་རྟེན་འབྲེལ་ཙམ་གྱིས་དགོས་པ་མེད། །གསལ་བའི་སྒོ་ཡི་འོད་ཟེར་ཉམས་ཉེན་ཡོད །མཁའ་འགྲོ་སྒྱུ་འཕྲུལ་སེམས་ཀྱི་ཆོ་འཕྲུལ་ལ །ལྷན་སྐྱེས་ཡེ་ཤེས་མཁའ་འགྲོ་རང་རྩལ་ཤར། །ཐ་དད་སོ་སོར་འཆང་བས་དགོས་པ་མེད། །བཀའ་ཆད་མི་འདོད་སྣ་འདྲེན་བྱེད་ཉེན་ཡོད །ཆོས་སྐྱོང་དྲེགས་པ་དྲག་རྩལ་ཆོ་འཕྲུལ་ལ། །གང་དམིགས་དགྲ་བོའི་སྲོག་གི་ཆོམ་རྐུན་བྱེད །ར་བཤའ་རྔ་བརྡུང་བྱེད་པས ༄༅། །དགོས་པ་མེད། །ཕོ་ཉ་གོ་ལོག་རང་གཤེད་འགྲོ་ཉེན་ཡོད། ཐབས་མཆོག་རྒྱལ་པོ་རྡོ་རྗེ་སྐུ་ཁྲོས་ཚེ། །མཁའ་དབྱིངས་འགྱུར་མེད་ཡུམ་གྱི་བྷ་གར་སྦྱོར། ། མཛེས་མཛེས་ཆོམ་རྐུན་མི་མོའི་དགོས་པ་མེད། །རྩ་རླུང་ཐིག་ལེའི་ནུས་པ་ཉམས་ཉེན་ཡོད། །མཆོག་གི་གྲུབ་རྟགས་ཟབ་མོའི་གཏེར་ལ་དབང་། །ཁྱད་གསོད་མེད་པར་གཅེས་པའི་སྲོག་ལྟར་འཆང་། །རྟོག་གེའི་ཐ་སྙད་ཚིག་རྩོམ་དགོས་པ་མེད །ཟབ་ཆོས་ཉམས་པའི་ལག་ཏུ་ཤོར་ཉེན་ཡོད །རང་བྱུང་སྣང་སྲིད་གསལ་བའི་མེ་ལོང་ངོར། །མ་དང་མཁའ་འགྲོའི་བརྡ་ཚིག་རི་མོར་ཤར། །མཁའ་འགྲོའི་ཞལ་ལུང་ཇི་བཞིན་ཉམས་ལེན་མཛོད །འཁྲུལ་སྣང་ཚབ་ཚུབ་སྲ་མོས་དགོས་པ་མེད །ནག་པོ་བདུད་ཀྱི་བསླུ་བྲིད་བཟོ་ཉེན་ཡོད། །སྨོན་ལམ་དབང་གིས་ཆོས་འཛིན་སྐྱེས་བུ་རྣམས །འབྱོར་ལྡན་འབྱོར་རྒུད་ཚུལ་དུ་སྒོ་རྩར་འོང་། །ཤེས་རབ་སྤྱན་གཟིགས་རྗེས་བཟུང་སྨིན་གྲོལ་སྩོལ། །གཞན་ངོ་དཀར་ནག་འཚོ་བས་དགོས་པ་མེད། །སྨོན་ལོག བར་ཆད་རྐྱེན་ཁར་འཆོར་ཉེན་ཡོད། །ཟབ་ཆོས་སྤེལ་བསྡམས་ཆོས་ཉིད་མཁའ་འགྲོས་བཟུངས །མི་ཡི་ངོ་བསྲུང་འདུན་མའི་དགོས་པ་མེད །དུས་དང་དུས་མིན་ནོར་བ་འགྲོ་ཉེན་ ཡོད། །ཕ་ནོར་བུ་ཡིས་ལོན་པའི་གཏེར་འདོན་ཚེ །རིག་སྟོང་ཡེ་ཤེས་མཁའ་འགྲོ་གྲོགས་ཀྱི་མཆོག །ཐབས་ཤེས་འདུ་འབྲལ་མེད་པའི་དངོས་གྲུབ་ལེན། །ཉེ་རྒྱུའི་ཆ་འཕེལ་མི་མོའི་དགོས་པ་མེད། །ཐབས་གྲོགས་མ་ཡིན་འཐབ་གྲོགས་བྱེད་ཉེན་ཡོད །ཐུགས་ཀྱི་སྲས་གཅིག་སྣ་ཚོགས་རང་གྲོལ་མཚན །འདི་ཕྱིའི་སྐྱབས་གནས་བློ་གཏད་ཁྱོད་ལས་མེད །བརྩེ་བས་རྗེས་བཟུང་ཟབ་ཆོས་བཀའ་དྲིན་སྩོལ །གངས་རི་ཐོད་དཀར་བྱོན་རྒྱུ་དགོས་པ་མེད །སྐུ་སྣ་ཚོགས་རང་གྲོལ། ན་ལོན་པས་འདས་རྐྱེན་འགྲོ་ཉེན་ཡོད །འཁོར་སློབ་ཆོས་སྲིད་བསྟན་པ་སྐྱོང་བའི་དུས། །ཞི་བས་མ་འདུལ་དྲག་པོས་འདུལ་སྐལ་དང་། །དྲག་པོས་མ་འདུལ་ཞི་བས་འདུལ་སྐལ་ཡིན། །བརྟུལ་ཞུགས་སྤྱོད་པས་འགྲོ་རྣམས་རྗེས་སུ་འཛིན །ཚུལ་འཆོས་རེ་དོགས་བྱེད་པའི་དགོས་པ་མེད། །ངོ་བསྲུང་རང་མགོ་གཞན་གྱིས་གཡོག་ཉེན་ཡོད། །ཞི་དྲག་གཉིས་ཀྱིས་མ་ཐུལ་དམ་ཉམས་ནི །རྩལ་སྣང་དྲེགས་པའི་ཆོས་སྐྱོང་གཤེད་དུ་བསྐལ མིང་ཙམ་མེད་པར་ལྷག་མེད་ཟ་ངུར་བཅོལ། །ལབ་ལོབ་མང་པོ་བྱེད་པའི་དགོས་པ་མེད། །དམ་ཉམས་དགྲ་བོ་ཡན་པར་ཤོར་ཉེན་ཡོད། །གསོལ་བའི་ཟས་དང་མནབ་པའི་གོས་རྒྱན ༄༅། །རྣམས། །ཚོགས་གཉིས་འཁོར་ལོ་ལོངས་སྤྱོད་རྒྱན་དུ་དབང་། །རིན་ཆེན་གོས་དང་གཙང་མའི་ཟས་སྣ་གསོལ །དབུལ་པོ་ལྟ་བུའི་ཟས་གོས་དགོས་པ མེད། །ལུས་དཀྱིལ་ལྷ་ཚོགས་ཉེས་པར་འགྲོ་ཉེན་ཡོད། །བསྟན་དང་འགྲོ་བའི་དོན་ཆེན་མཛད་པའི་དུས །གནས་དབེན་རིར་བཞུགས་ན་དོན་གཉིས་འགྲུབ །གྲོང་ཆོག་གི་རྟ་རྒྱུག དགོས་པ་མེད། །རྣམ་སྨིན་གྱི་ལོག་སྒྲིབ་ཕོག་ཉེན་ཡོད །རང་གཅིག་པུ་མ་གཏོགས་བློ་མ་གཏོད། །དགྲ་གཉེན་གྱི་འཐབ་འཁོན་དགོས་པ་མེད །ཁ་གསེར་ཁ་རྙིང་ནག་དུད་ཁུ་ཡིན། ། ཁྱོད་རང་དབང་གཞན་ལ་ཤོར་ཉེན་ཡོད། །སྐྱོན་མང་བས་ཐུགས་སུན་མ་མཛད་པར། །བསྟན་འགྲོ་བའི་དོན་ལ་དགོངས་པ་གཏོད། །འཆི་ཟེར་བ་ཚིག་གི་སྤུ་བ་རེད། །རང་སྣང་བ་ལྷུན་གྲུབ ཞིང་དུ་ཤར། །ཐུགས་དེ་རུ་གཏད་པའི་དགོས་པ་མེད །འུ་ཅག་གཉིས་དམ་ཚིག་དོར་ཉེན་ཡོད། །དུས་ནམ་ཡང་རང་ཐག་རང་གིས་ཆོད །དབང་གཞན་ཤོར་སྡུག་བསྔལ་རང་གིས ཉོས། །མི་ངོ་བསྲུང་འདུན་མ་སྐྱུར་ལ་ཐོངས །བློ་གཅིག་དྲིལ་ངང་ནས་རང་ཚུགས་ཟུངས། །ཐབས་མཁས་པས་བློ་སྣ་མ་ཤོར་དགོས །བསམ་ངན་དང་བསམ་བཟང་ནོར་ཉེན་ཡོད། ། རང་དབང་རང་ལ་ཡོད་པ་རྒྱལ་པོ་འདྲ། །གནམ་སྔོན་པོ་མན་ན་གཅིག་ཀྱང་མེད །དབང་གཞན་ཤོར་ཚེ་སྡུག་རང་གིས་བྱེད། །དམའ་ས་ལས་དམན་པ་གཅིག་ཀྱང་མེད། །གང་བསམ་བསམ་བློ་ཐག་རང་གིས་ཆོད། །ཁྱེད་ཕལ་པའི་མི་དང་མི་འདྲ་བས། །མ་མཁའ་འགྲོས་ཁ་འཛིན་སྡོང་གྲོགས་བྱེད། །བློ་ཕལ་པར་དྲིས་པས་དགོས་པ་མེད། །རང་དོན་ཆེན་རྒྱབ་ནས་ཤོར་ཉེན་ཡོད། །གཏམ་དེ་སོགས་བསམ་བཟང་སྙིང་གཏམ་ཡིན །ཆོས་འཇིག་རྟེན་བྱ་བ་ངས་མི་ཤེས། །གང་དྲན་པ་ཐད་དཀར་ཞུས་པ་ཡིན །ཚིག་འཆལ་པར་སོང་ན་མཐོལ་ལོ་བཤགས། །ཐུགས་འགལ་བ་ཡོད་ན་བཟོད་པར་གསོལ། །དཔའ་བོ་མཆོག་ཉིད་ཐུགས་ལ་དེ་ལྟར་ཟུངས། །ང་འགྲོ་ངེས་མེད་གནས་ཡུལ་ཉུལ་བསམ་ཡང་། །རིག་འཛིན་པདྨའི་མཐུ་བཙན་མི་འགྱུར་བས། །སྐྱེས་ཕྲེང་ཆ་ཤས་ཐབས་ཤེས་དབྱེར་མེད་འབྲེལ། །ཡེ་ཤེས་རྡོ་རྗེའི་རང་གཟུགས་ངོམས་པའི་ཚེ། །ཐབས་མང་མཁས་པའི་ལྕགས་ཀྱུས་སྣ་དྲངས་ནས། །དཔའ་བོ་མཆོག་གི་ཐུགས་རྗེས་བཟློག་པར་མཛད །སྙན་གྲགས་ཆོས་བརྒྱད་བྱ་བྱེད་དགོས་པ་མེད །གཏད་ས་བཞི་ལ་རང་བློ་གཅིག་དྲིལ་ཡིན། །ནོར་གྱིས་དགོས་མེད་ཏིལ་ཙམ་ཁྱེར་དབང་ ༄༅། །མེད། །འཕགས་པའི་ནོར་བདུན་འགྱུར་མེད་ནོར་གྱི་མཆོག །ཟས་གོས་དགོས་མེད་འཁྲུལ་སྣང་འཕེལ་བའི་རྒྱུ །གཅིག་པུར་ཟག་མེད་འབྱུང་ལྔའི་ཟས་མཆོག བརྟེན། །གྲོགས་ཀྱིས་དགོས་མེད་མཁོ་ཉིན་ཡོད་པར་དཀའ། །གཅིག་པུར་རིག་རྩལ་མཁའ་འགྲོ་གྲོགས་སུ་བརྟེན། །བུ་ཡིས་དགོས་མེད་ཆགས་སྡང་འཕེལ་བའི་རྐྱེན །རང་བྱུང་ཡེ་ཤེས་རིག་པའི་ཁྱེའུ་ཆུང་མཛེས། །ཐབས་ཀྱིས་དགོས་མེད་དམ་ཚིག་ཉམས་པའི་གཞི། །སྣང་བའི་ཡིད་རྟེན་དཔའ་བོ་ཁྱོད་ཉིད་ཡིན། །འོད་གསལ་ལམ་ནས་བདེ་ཆེན་འབྲལ་མེད མཆོག །འཁོར་སློབ་དགོས་མེད་ཁོང་ཁྲོ་ལྡང་བའི་རྒྱུ །དངོས་མེད་ལྷ་འདྲེ་གདུལ་བྱ་འཁོར་སློབ་ཡིན །གང་ཡང་དགོས་མེད་རང་གཞན་ཕུང་བའི་རྒྱུ །གཅིག་ཀྱང་དགོས་མེད་སྐྱིད ཉལ་བྱེད་པའི་མཆོག །རོལ་པ་གང་ཤར་ལོངས་སྤྱོད་ལྷུན་གྱིས་གྲུབ། །སེར་སྣས་བསགས་པའི་ཟས་གོས་ཨ་རེ་སྡུག །ང་འགྲོ་དབུས་ཕྱོགས་ལྷ་ལྡན་གནས་སུ་འགྲོ། །སྔོན་གྱི་སྨོན་ལམ་གངས་རི་ཐོད་དུ་ཡོད། །ལུས་མེད་མཁའ་འགྲོས་ཁ་འཛིན་སྡོང་གྲོགས་མཛོད། །ལུས་སེམས་ངལ་དུབ་མེད་པར་འགྲོ་བ་ཡིན། །དཔའ་བོ་འཁོར་བཅས་ཐུགས་ངལ་མ་མཛད་ཨང་། ། ཚོགས་ཀྱི་འཁོར་ལོའི་སྐབས་སུ་དངོས་སུ་མཇལ །སྨོན་ལམ་མཐུ་ཡིས་ཐབས་ཤེས་ཟུང་འབྲེལ་ནས། །ཡང་ཡང་མཇལ་བའི་སྨོན་ལམ་བཀྲ་ཤིས་ཤོག །བསམ་མེད་བདག་ནི་ས་མཐར་ཁྱི བཞིན་འགྲིམ །བསམ་བཟང་སྙིང་གཏམ་ཞལ་ཆེམས་ཚུལ་དུ་ནི །སྙིང་མིག་སྲོག་དང་མཚུངས་པའི་དཔའ་བོ་མཆོག །ཉིད་ལ་ཕུལ་བས་ཐུགས་ལ་བཟུང་བར་འཚལ། །འབྲལ་མེད སྨོན་ལམ་བཀའ་འདྲིན་ཡང་ཡང་ཞུ་ཞུ་ཞུ། །ཅེས་པ་འདི་ཡང་སྤྲང་མོ་མདོ་མེད་འཆོལ་མོ་འདུ་ཤེས་གསུམ་མས་བྲིས་པའོ།། དགེའོ།། །། 22 Y7@ⅢZ Y7@ⅢZ TI1397-256 7U.g.7 ༄༅། ཡ་ཀྱི་ཙ་ལོ་ཤུ་ཚངས་ཟི་ཐོས་གྱི་ཅིང་༄༅། །ཨེ་མ་ཧོཿ གནས་སྤྱི་གཙུག་པདྨ་ཉི་ཟླའི་སྟེང་། །སྐྱབས་ཀུན་འདུས་བདུད་འདུལ་དབང་ཕྱུག་གླིང་། །དོན་དབྱེར་མེད་རྩ་བའི་བླ་མ མཆོག །སྐུ་དམར་སྨུག་གཟི་བརྗིད་འོད་དུ་འབར། །གསུང་ཚངས་དབྱངས་དྲུག་ཅུའི་ཆོས་སྒྲ་སྒྲོགས །ཐུགས་འཁྲུལ་པ་མེད་པ་སྤྲོས་བྲལ རྟོགས། །ཆོས་ཟབ་པ་སྐོར་བཞིའི་དོན་སྟོན་པ། །རྗེ་བླ་མ་ཡིད་བཞིན་ནོར་བུ་ལ། །ཡིད་མོས་གུས་དད་པས་གསོལ་བ་འདེབས། །བྱིན་རླབས་ཀྱི་དབང་བཞིས་སྨིན་ནས་ཀྱང་། །སེམས་ཆོས་སྐུར་གྲོལ་བར་བྱིན་གྱིས་རློབས །གནས་མ་དག་འཁོར་བའི་འདམ་རྫབ་འདི། །དུས་ད་ལྟ་དག་པའི་ཞིང 丑ཤུ N1VL ༄༅། །ཁམས་བསྒྱུར། །ལུས་གདོས་བཅས་མི་གཙང་ཕུང་པོ་འདི། །དུས་ད་ལྟ་འོད་ལུས་འགྲུབ་པར་ཤོག །ངག་ཅ་ཅོས་ཕོངས་པའི་ལོང་གཏམ་འདི། །དུས་ད་ལྟ་སྒྲ་གྲགས་སྔགས་སུ་གྱུར། །ཡིད་མ་རིག་གཟུང་འཛིན་འཁྲུལ་པ་འདི། །དུས་ད་ལྟ་ཡེ་ཤེས་ཀློང་གྲོལ་ཤོག །མགོན་ཁྱོད་ཀྱི ཐུགས་རྗེས་བཟུང་ནས་ཀྱང་། །གནས་ཕྱིར་མི་ལྡོག་པའི་ས་ཐོབ་ཤོག །ཅེས་པ་འདིའང་ཏཱ་རེའི་མིང་གིས་བྲིས་པ་དགེའོ། །། ཧ་ཧ། བླ་མ་ནི་ཨོ་རྒྱན་པདྨ། གྲོགས་པོ་ནི་མ་དང་མཁའ་འགྲོ། དམ་ཆོས་ནི་རྫོགས་པ་ཆེན་པོ། སྐྱིད་པའི་ནི་གླུ་ཆུང་ལོས་བླང་ཏཱ་རེའི་མིང་གིས་སོ། །། ཨ་ཧོཿ ནམ་མཁའ་དྭངས་དྭངས་གི་ངང་ནས། །སྦྲང་ཆར་ཟ་ཟི་ནི་བབས་ཀྱང། །དྲིན་ཆེན་བླ་མ་དེ་མཇལ་བྱུང་། །ཁུ་བྱུག་སྔོན་མོ་དེ་གྲགས་དུས། །ཡི་མུག་མཆི་མ་རང་བྱུང་འདུག །ད་ནི་ཨ་མ་ཡི་དྲིན་ལན །ང་ཡི་ལུས་ཐོག་ཏུ་སྒྲུབ་སྙམ། །ཕ་ཡུལ་རྒྱབ་ཏུ་ཡང་བསྐྱུར་ནས། །མི་ཡུལ་དང་དུ་ཡང་བླང་འདུག །ཨོ་རྒྱན་པདྨ་ཡི་རྒྱལ་ཚབ། །པད་ཡག་དགའ་ཚལ་དུ་བཞུགས་ཡོད། །བླ་མའི་དྲུང་དུ་ཡང་འགྲོ་སྙམ །གསང་སྔགས་རྫོགས་ཆེན་ཞིག་བསྒོམ་བསམ །བདུད་དང་དམ་སྲི་ཡིས་འཚེ་ནས །བླ་མ་ཞིང་ཁམས་སུ་གཤེགས ཐལ། །སྤྲང་མོ་ཡི་མུག་ཀྱང་ལས་ངན། །རང་སེམས་གཏན་ལ་ནི་ཕབས་འདུག །བསམ་པ་རྣམ་དག་གི་སྒོ་ནས། །གཞན་ཕན་སྙིང་རྗེ་ཡི་ངང་ནས །ཁ་ཏོན་བཟླས་བརྗོད་རེ་བསམ ཡང་། །ང་ཡི་རང་ལུས་འདི་དམན་པས། །སྐྱེ་བ་མཐོ་བ་ཡིས་ཅི་བྱེད། །བླ་མ་ཞིང་ཁམས་སུ་བྱོན་ཀྱང་། །ཐུགས་སྲས་རྗེས་སུ་ཡང་འཛིན་པའི། །གདམས་ངག་གསེར་གྱི་ནི་ཐིག པ། །དབེན་པའི་གནས་སུ་ནི་འདུག་ནས །འོད་གསལ་རྫོགས་ཆེན་ཞིག་བསྒོམ་ན །ཚེ་གཅིག་སངས་རྒྱས་ནི་ཐོབ་བོ། །ཕྱི་མ་རྔ་ཡབ་ཀྱི་དཔལ་རི། །རིག་འཛིན་བླ་མ་ཡི་ཞབས་ ༄༅། །དྲུང་། །ཐེ་ཚོམ་མེད་པ་རུ་བགྲོད་དོ། །ཞེས་པ་འདིའང་རིག་འཛིན་བླ་མ་མཇལ་བས་རྐྱེན་བྱས་ཏེ་སྤྲང་མོ་བསྐལ་བཟང་སྒྲོལ་མས་རང་ལོ་བཅོ་བརྒྱད་དུས་འཇིག་རྟེན་པའི་གླུ་ལྟར་བླང་བ་དགེའོ།། །། ཨེ་མ་ཧོཿ ནམ་མཁའ་ཡངས་པ་ཡི་མཐའ་ནས། །སྤྲིན་དཀར་གཞོན་ནུ་ཞིག་མཐོང་བས །དུས་གསུམ་སངས་རྒྱས་ལས་ལྷག་པའི། བའི་བླ་མ་དེ་དྲན་བྱུང་། །ཨོ་རྒྱན་པདྨ་ཡི་རྒྱལ་ཚབ །གཏེར་ཆེན་བླ་མ་ཡི་ཐུགས་སྲས །ལས་འབྲེལ་རྩལ། འགྲོ་ཀུན་ཐམས་ཅད་ཀྱི་སྐྱབས་གནས །མ་རིག་མུན་སེལ་གྱི་ཉི་མ། དཀོན་མཆོག་ཀུན་འདུས་ཀྱི་ངོ་བོ། །དགོས་འདོད་ཀུན་འབྱུང་གི་ནོར་བུ །ཐར་པའི་ལམ་སྟོན་གྱི་བླ་མ །སྙིང་ནས་གསོལ་བ་རང་འདེབས་སོ། །ཐུགས་རྗེའི་སྤྱན་གྱིས་ནི་གཟིགས ནས། །ནམ་ཡང་འབྲལ་མེད་དུ་སྐྱོངས་ཤིག །ལུས་ངག་ཡིད་གསུམ་གྱིས་གཙོར་བྱས །དངོས་འབྱོར་ཡིད་སྤྲུལ་གྱི་མཆོད་པ །ཁྱོད་ལ་རྟག་ཏུ་ནི་འབུལ་བས། །འབྲལ་མེད་སྤྱི་བོ་རུ་བཞུགས་ནས། །གཅིག་བཟླུམས་ཕ་མ་ཡི་ཐོག་དྲངས། །བཟང་ངན་འབྲེལ་ཚད་ཀྱི་སེམས་ཅན །འདྲེན་པའི་དེད་དཔོན་དུ་མཛོད་ཅིག །ཁྱད་པར་ཆོས་མེད་ཀྱི་བདག་སོགས། །ནམ་ ཡང་འབྲལ་མེད་དུ་ཟུངས་མཛོད། །ཅེས་པ་འདིའང་ཆོས་མེད་སྤྲང་མོ་དུད་འགྲོ་ལྟ་བུས་རང་ལོ་བཅོ་བརྒྱད་དུས་བླ་མའི་ཡོན་ཏན་དྲན་ནས་བྲིས་པའོ། །དགེའོ།། །། ཨ་ཧོ། དུས་གསུམ་སངས་རྒྱས་མ་ལུས་འདུས་པའི་སྐུ །འགྲོ་བའི་མགོན་གྱུར་བདུད་འདུལ་དབང་ཕྱུག་གླིང་།དབྱེར་མེད་རིག་འཛིན་ཀུན་སྐྱོང་གླིང་པར་འདུད། །བདག་སོགས་བློ་ཁ་ཆོས་ལ་སྒྱུར་དུ་གསོལ། །རྙེད་དཀའི་དལ་འབྱོར་ལུས་བཟང་ཐོབ་པའི་དུས །སྙིང་པོ་དམ་པའི་ཆོས་ལ་ལེགས་པར་བརྩོན། །མི་རྟག་སྒྱུ་མའི་རང་བཞིན་འཁོར་བའི་ཆོས །ཆགས་ཞེན་འཁྲི་བ་སྤོངས་ལ་གཅིག་པུ་རུ །ནམ་འཆི་ཆ་མེད་སེམས་ལ་ལྷ་ཆོས་སྒྲུབས །ལས་འབྲས་བསླུ་བ་མེད་པ་རྒྱལ་བའི་གསུང་། །དཀར་ནག་འབྲས་བུ་རང་ལ་སྨིན་ངེས་པས། །བླང་དོར་མ་ནོར་ཕྲ་ཞིང་ཞིབ་པར་གྱིས། །འཁོར་བ་མི་གཙང་འདམ་ཁྲོད་ལྟ་བུ་ལ། །སྡུག་བསྔལ་མི་བཟོད་རང་གཞན་གཉིས་ཕུང་བསགས། །དེ་ལ་བསམ་ནས་རང་ཉིད་གཅིག་པུ་རུ། །དབེན་པའི་རི་ལ་བསམ་པ་གཏན་ལ་ཕོབས། །བླ་མ་དཀོན་མཆོག་གསུམ་ལ་གསོལ་བ་ཐོབ །ལུས་ངག་ཡིད་གསུམ་དགེ་བའི་ལམ་ལ་སྦྱོར །ཚོགས་བསགས་སྒྲིབ་སྦྱངས་ཚེ་ཐར་སྲོག་སྐྱོབ་འབད །རང་དབང་ ༄༅། །ཡོད་དུས་རང་དོན་མ་བསྒྲུབས་ན། །ཕྱི་མའི་ཡུལ་ལ་སུས་ཀྱང་ཕན་པ་མེད། །བཟའ་ཚང་ཉེ་འབྲེལ་ཐམས་ཅད་ཤུལ་དུ་བོར། །བསགས་པའི་ནོར་དང་གཅེས པའི་ལུས་ཀྱང་དོར། །རྣམ་ཤེས་བར་དོའི་འཕྲང་རིང་འགྲིམ་པའི་ཚེ། །སྐྱབས་མགོན་མཆོག་གྱུར་བླ་མ་དཀོན་མཆོག་ཡིན། །དད་པ་དག་སྣང་གསོལ་འདེབས་སྨོན་ལམ་བརྩོན། །རང་གཞན་དོན་དུ་ཡི་གེ་དྲུག་མ་འདོན །གྲོགས་ངན་རྐྱེན་དེ་དུག་སྦྲུལ་ཚང་ལྟ་བུ །རང་གཞན་གཉིས་ཕུང་མི་དགེའི་ལས་ལ་བརྩོན། །གྲོགས་མེད་གཅིག་པུར་དབེན་པའི་རི་ལ་འདུག །ལྟ་བས་རང་སེམས་དྲན་པ་ལྕགས་ཀྱུས་བཟུང་།སྒོམ་པས་ལས་འབྲས་ཡིད་ཆེས་བླང་དོར་ཞིབ། །སྤྱོད་པས་འགྲོ་དྲུག་བུ་བཞིན་བརྩེ་བས་སྐྱོངས། །གཞི་ཡིས་བྱང་ཆུབ་སེམས་བསྐྱེད་རྩ་བ བརྟན། །ལམ་གྱིས་འགྲོ་བའི་དོན་དུ་ལྷ་ཆོས་སྒྲུབས །འབྲས་བུས་རང་གཞན་ཐར་པའི་ཞིང་དུ་སྐྱོལ །