Tibetan
པ༔ སྣང་བ་བདེན་མེད་ཀྱི་འཁྲུལ་ཁང་ན༔ གཟུགས་སྣང་མ་ངེས་པའི་རི་མོ་ཤར༔ འཕྲུལ་བྱ་ལྔ་ལྡན་གྱི་འོད་ཅན་ཁྱོད༔ གནས་གང་ནས་འོང་དང་ད་གང་འགྲོ༔ དོན་ཅི་ཕྱིར་འདིར་ཡོང་བདག་ལ སྨོས༔ ང་གྲོགས་པོ་ཁྱོད་ཀྱིས་དགོས་པ་མེད༔ དོན་སྣང་སྟོང་གཉིས་མེད་ཀྱི་ཡེ་ཤེས་འདི༔ ལྷན་སྐྱེས་ཀྱི་ཕོ་ཉ་བདེ་ཆེན་མཆོག༔ དེས་མི་མཆོག་གྲོགས་པོས་ཅི་ཞིག་བྱེད༔ ང་འདུས་བྱས་ཆོས་ལ་སྐྱོ་བ་སྐྱེས༔ ཕ་བླ་མས་བོར་ནས་ལོ་གསུམ་སོང་༔ བཤེས་མེད་ཀྱི་དྭའུ་གཅིག་པུར་ལུས༔ ལས་ཅི་ལ་ཐུག་ཀྱང་སྐྱབས་མགོན་མེད༔ མཛེ་ནད་ཀྱིས་ཐེབས་པའི་སྐྱེས་བུ བཞིན༔ འཁོར་སློབ་མས་བསྐྱུར་ནས་ལོ་གསུམ་ཡིན༔ སེམས་སྡུག་གིས་མྱོས་ཀྱང་རེ་ས་མེད༔ ནག་ཅན་གྱི་མི་བཞིན་ས་མཐར་ཕུད༔ ཕའི་གདན་སར་མ་ཐོན་ལོ་གསུམ་སོང་༔ དམ་ལྡན་པའི་མཆེད་གྲོགས་དང་མ་འཕྲད༔ སྐྱིད་སྡུག་གི་རྣམ་གྲངས་བཤད་ས་མེད༔ སེམས་སྡུག་གིས་ཟིན་ནས་ལོ་གསུམ་སོང་༔ སྐྱོ་རོགས་ཀྱི་གྲོགས་པོ་མི་བསམ་དེ༔ སྙིང་རླུང་གིས་ཟིན་ནས་ལོ་གསུམ་སོང་༔ འདིར་སྣང་ལ་འདུག་ན་མི་སྙམ་གི༔ མི་གྲལ་ནས་ཕུད་ནས་ལོ་གསུམ་ཡིན༔ གཞན་དོན་ཞིག་ཨེ་འགྲུབ་མི་བསམ་གྱི༔ སེམས་འཁྲི་ཤིང་གི་བུ་ཡིས བསྐྱུར་ནས་སོང་༔ ད་བརྒྱུད་འཛིན་ཞིག་བྱུང་ན་མི་སྙམ་གི༔ རྒྱབ་ཕ་མིང་མེད་པའི་རྐྱེན་དབང་གིས༔ མི་ཀུན་གྱིས་དོར་ནས་ལོ་གསུམ་ཡིན༔ ད་ཆོས་བརྒྱད་ཞིག་ཨེ་འགྲུབ་མི་བསམ གི༔ ལས་ཇི་ལྟར་བྱས་ཀྱང་སྡུག་བསྔལ་རྒྱུ༔ ད་བསམ་ཞིང་བསམ་ན་སྐྱོ་བ་འཕེལ༔ ཡུལ་གང་དུ་བསྡད་ཀྱང་བླ་མ་བསྟེན༔ ཆོས་གདམས་ངག་གསལ་ཚེ་བླ་མ་དྲན༔ ཤར་རྟ་བདུན་དཀྱིལ་འཁོར་མཐོང་བའི་ཚེ༔ ཕ་བླ་མའི་ཞལ་གྱི་དཀྱིལ་འཁོར་དྲན༔ འོད་ཟེར་གྱི་མུན་ཁང་སངས་པའི་དུས༔ ཕ་བླ་མའི་གསང་གསུམ་ཡོན་ཏན་དྲན༔ ཉི་འོད་ཀྱིས་འགྲོ་བའི་བདེ་སྐྱིད་བྱེད༔ ཕ་བླ་མའི་ཐུགས་རྗེའི་འོད་ཟེར་གྱིས༔ གདམས་ངག་གི་བྱིན་རླབས་སྩོལ་བ་དྲན༔ དེ་དགུང་མོ་ནུབ་རིར་ཕྱོགས་པའི་དུས༔ ཕ་བདག་གི་མགོན་དུ་བྱོན་པ་འདི༔ ༄༅། ་སླར་མི་གནས་མྱ་ངན་འདས་པ་དྲན༔ ད་དེ་སོགས་ལས་དང་བྱ་བྱེད་ཀུན༔ ཕ་བླ་མ་དྲན་པའི་གསོས་སུ་གྱུར༔ ང་གཅིག་པུར་སེམས་གཅོང་དེ་ཡིས་བྱེད༔ ཁྱོད་འཕྲུལ་བྱ་ཤེས་རབ་བློ་ལྡན་པ༔ སེམས་བག་ཕེབས་བདག་གི་ངག་གསལ་ཉོན༔ ཕ་པདྨ་ལས་འབྲེལ་ཆོས་སྐུ་དང་༔ ང་ཆོས་ཉིད་བདེ་སྐྱོང་དབང་མོ་གཉིས༔ དོན་བདེ་སྟོང་མཆོག ཏུ་མི་འགྱུར་ཀློང་༔ དབྱིངས་ཡེ་ཤེས་འདུ་འབྲལ་མེད་མོདཀྱང་༔ གང་འདུལ་གྱི་གདུལ་བྱའི་འགྲོ་བའི་ངོར༔ ཐུགས་རྗེ་ཡི་ཕྲིན་ལས་ཤར་བའི་ཚེ༔ དུས་ནམ་ཡང་འབྲལ་མེད་སྨོན་ལམ་བཏབ༔ དེ་དེ་བཞིན་འགྲུབ་པའི་དཔང་པོ་རུ༔ ཁྱོད་ཡེ་ཤེས་ལྷ་ཡིས་མཛད་དུ་གསོལ༔ ཐབས་ཤེས་རབ་འཛོམ་པའི་རྟེན་འབྲེལ་གྱིས༔ ཟབ་གཏེར་གྱི་བསྟན་པས་ས་སྟེང་ཁྱབ༔ ལུས་ཅན་གྱི་འགྲོ་བ་མ་ལུས་པ༔ མི་གནས་ཀྱི་གཏན་སྲིད་མྱུར་ཟིན་ནས༔ གནས་ཟངས་མདོག་དཔལ་རིར་སྐྱེ་བར་ཤོག༔ དོན་གོའམ་འཕྲུལ་ལྡན་ལྷ་ཡི་བྱ༔ ཞེས་སྨྲས་པས༔ ཁོ་ན་རེ༔ ཏིང་ཏིང་གོ༔ ཏིང་ཏིང་གོ༔ པ་ར་མི་ཏའི་ཙིཏྟའི་མནྟྲ༔ ཨ་ནུ་རཱ་ག་ཡ་མི་ཧོ་སྟྭཾ༔ ཧེ་ས་ཡ་ན་ས་མ་ར་ས༔ བིདྱཱ་ར་ཛ་ཨ་ན་ཡ་ཧོཿ དེ་དོན་ཁྲོལ་ན༔ གབ་སྦས་ཚིག་ ཡིན༔ ནུབ་ཀྱི་རྒྱ་སྟག༔ རྟེན་འབྲེལ་རི་མོ༔ ཨ་དརྴ་ཡི༔ གཟུགས་ལ་ངོམས་དུས༔ ཚེ་ཆོས་གདུལ་བྱ༔ ལྷག་མ་སྐྱོང་དང་༔ མ་ངེས་དུས་བཞི༔ རྟགས་ཚད་རྫོགས་དུས༔ དཔལ་རིའི་ཞིང་དུ༔ ལས་འབྲེལ་རྩལ་གྱིས༔ བསུ་བ་བརྩམ་ནས༔ མ་དང་མཁའ་འགྲོས༔ ཡེ་ཤེས་དར་ལམ༔ འཕྲུལ་ལྡན་ང་ཡིས༔ སྣ་ལ་དྲངས་ཡོང་༔ ད་དུང་ཡིད་ལ༔ བཅག་པའི་ཡུལ་དེར༔ ཡུན་རིང་སྡོད་གྲབ༔ མ་བྱེད་ཨི་གོ༔ བྱང་གི་དུག་སྦྲུལ༔ ལྕེ་གཉིས་ངོམས་དུས༔ བརྡ་དོན་གསལ་ཡོང་༔ ཀ་ལིའི་འཕྲུལ་གྱི༔ གོ་ཆ་མ་ཞན༔ འཕྲལ་འཕྲལ་ལེགས་ཉེས༔ དེ་ཡིས་སེལ་ངེས༔ བྲག་གི་སྤྲེའུས༔ སྒྱུ་རྩལ་ངོམས་དུས༔ བྱང་ཕྱོགས་མུན་པའི༔ ཁྲོད་དུ་མ་བཞུགས༔ གྱི་ནའི་ཚུལ་གྱིས༔ མ་ངེས་ངེས་པའི༔ གནས་གསུམ་འགྲིམ་ན༔ བཞི་བཅུར་འཕེན་སྲིད༔ ཨཀྵ་ཤྲཱིས༔ སྨོན་ལམ་བསྡུས་ན༔ ཨ་ནནྟ་ཡིས༔ ཟློས་གར་རོལ་ནས༔ བསྟན་འགྲོའི་བདེ་སྐྱིད༔ ནུབ་ནས་ཤར་ངེས༔ ལྷོ་ནས་ཆས་པའི༔ ཡལ་ཀའི་རི་དྭགས༔ རྨ་བྱའི་འཕྲུལ་གྱི༔ རང་མདངས་ངོམས་ན༔ རང་ནོར་མ་ཕོག༔ མི་རིང་རྙེད་འོང་༔ སྨོན་ལམ་ལས་ཀྱི༔ ༄༅། །འབྲེལ་ཟབ་ཡོད་པའི༔ རིགས་ལྡན་འབྱུང་ཚེ༔ བཏང་སྙོམས་མ་མཛད༔ ཚེ་ཆོས་གདུལ་བྱ༔ དེ་ལ་རག་ལས༔ ཕན་ཚུན་ཐབས་མཁས༔ ཤེས་རབ་མ་ཞན༔ འཇིག་རྟེན་མི་ཡི༔ ངོ་བསྲུང་བོར་ལ༔ བརྟུལ་ཞུགས་སྤྱོད་པས༔ བསྟན་འགྲོའི་དོན་མཛོད༔ དེ་དང་དེ་སོགས༔ སྟབས་ལྡན་མེད་ཚེཿ སྒྱུ་མའི་བུ་མོས༔ སྒྱུ་འཕྲུལ་བཤིག་ནས༔ སྒྱུ་རྩལ་ལྡན་པས༔ དབྱིངས་ལ་བཞུད་དོ༔ གབ་སྦས་ཚིག་འདི༔ ཙིཏྟར་གུཧྱ༔ རིག་པས་དཔྱོད་ལ༔ རྟེན་དང་འབྲེལ་འབྱུང་༔ གཞན་རྐྱེན་སབྟའི༔ དབང་དུ་མ་གཏོང་༔ གཏེར་གཉིས་བསྟན་པ༔ ཁྱོད་ལ་དབང་བས༔ ལེགས་ཉེས་གང་བྱུང་༔ ཐད་ཀར་ཆོད་ལ༔ ཕ་གཅིག་བླ་མའི༔ ཐུགས་ཀྱིས་མ་གཏོང་༔ དུས་ཀུན་བརྩེ་བས༔ བརྡ་བྱང་གསལ་འོང་༔ མ་ངེས་དཔལ་རི༔ པདྨ་འོད་དུ༔ ཐབས་ཤེས་དབྱེར་མེད༔ ལྷན་དུ་འཚོགས་ངེས༔ དེ་སོགས་རིག་པས༔ དཔྱོད་ཤེས་མཛོད་དང་༔ དུས་དུས་ང་ཡིས༔ བརྡ་གསལ་ངོམས་ཡོང་༔ ང་འགྲོ་བདེ་བདེ༔ མཁའ་འགྲོའི་གླིང་ན༔ ཤུགས་ལྡན་རྩལ་གྱིས༔ གནམ་འཕང་བཅད་ནས༔ དབྱིངས་ཀྱི་སྤྲུལ་པ༔ དབྱིངས་ལ་བཞུད་དོ༔ ཅེས་ཟེར་བ་དང་མཉམ་དུ༔ འོད་དཀར་དམར་གཉིས་སུ་གྱུར་ནས་བདག་གི་དྲན་འདུས་ཀྱི་འཁོར་ལོར་ཐིམ་མོ༔ ས་མ་ཡ༔ གཏམ་འདི་ཚོ་དགོས་མེད་ངེས་པའི་ཚིག༔ གནས་ཙིཏྟར་རྒྱ་ཡིས་བཏབ་ཡོད་ཀྱང་༔ ཁོང་ཤཱི་ལ་བཛྲ་ཐུགས་གླེན་པས༔ བསྐུལ་ལྕག་གིས་འདུག་ཏུ་མ་སྟེར་ནས༔ བཞེད་སྐོང་དུ་བརྫུན་ཚིག་ཡི་གེར་བྲིས༔ ད་རང་གཞན་ལེ་ལོའི་རྒྱུ་ཡིན་ཕྱིར༔ ཐབས་གང་དྲག་བྱས་ནས་རང་ཁ་བཟུང་༔ ང་དགོངས་པ་མི་འགྱུར་གབ་སྒྲོམ་ལ༔ ཆོས་སྣ་ཚོགས་སྣང་བའི་རི་མོ་ཤར་༔ མཇུག་རྫོགས་པའི་དུས་མེད་ངལ་བའི་རྒྱུ༔ སྐུལ་ལྕག་གིས་རྫོགས་ཐབས་བྱེད་པ་དབེན༔ དོན་གོའམ་ཤཱི་ལ་བཛྲ་ལགས༔ དེ་ལྟར་དགོས་མེད་གཏམ་འདིས་ཐུན་བཅག་གི་རྒྱུ་བྱེད༔ བྲི་བར་མི་འདོད་ཙིཏྟའི་ག་འུ་རུ་སྦ་སྙམ༔ ཟུར་ཙམ་ཤཱི་ལ་བཛྲ་ཐུགས་བཞེད་དེ་སྐོང་ཕྱིར༔ དུག་ལྔ་འཆོལ་ཉོག་སྤྱོད་པ་མདོ་མེད་ཀྱི་སྤྲང་མོ༔ འཁྲུལ་ཞིག་ཀུན་བཟང་བདེ་སྐྱོང་ཆོས་ཉིད་ཀྱི་དབང་མོས༔ སུག་རྩེ་རླུང་ལ་བསྐྱོན་ནས ཤོག་དཀར་གྱི་ངོས་ལ༔ སེར་དགོན་དབེན་རིའི་གཡས་ཟུར་མཁའ་འགྲོ་ཡི་འདུ་ར༔ བཀྲ་ཤིས་དགའ་བའི་ཚལ་ནས་ཡིག་རིས་སུ་བགྱིས་སོ༔ དགེའོ། །དགེའོ། ། ར༄༅། །དགེའོ།། ལི་登 WD§ " TI1397-217 TI1397-217 TI1397-218 ZY7U.e.7k ༄༅། ཡ་མ་ཙ་པ་ཆུ་ཚང་ཟི་ཐོས་གྱི་ཅིང་། ༄༅། །ཨེ་མ་ཧོཿ རིགས་ཀུན་ཡོངས་འདུས་བདག་ཅག་འགྲོ་བའི་མགོན། །ཀུན་ཏུ་བཟང་པོ་དགེ་བའི་བཤེས་གཉེན་ཚུལ །འཁོར་ལོའི་མགོན་པོ་པདྨ་ལས་འབྲེལ་རྩལ །བྱང་ཆུབ་བར་དུ་རིགས་ཀྱི་བདག་པོར་བཞུགས། །བདག་རྒྱུད་ཆོས་དང་འདྲེས་པར་བྱིན་གྱིས་རློབས། །དེ་ལ་འདིར་ངག་ཚབ་ཡི་གེའི་ལམ་ནས་ཞུ་བ་ནི སྙན་སྙན་ཚིག་གི་ལེགས་བཤད་དང་སྤྲོས་པ་བདག་གིས་མི་ཤེས་ཀྱང་གླེན་གཏམ་གནད་ཅིག་རྒན་མོ་མཛུབ་ཁྲིད་ལྟ་བུའི་ངང་ནས་ཁྱེད་ཅག་གི་ཐུགས་དམ་གསལ་འདེབས་ཀྱི་གཏམ་ཉོབ་ཅུང་ཟད་ཞུ་བ་ལ། སེམས་ཁྲིད་ཉམས་ལེན་མཛད་པ་ལ་སྔར་ཞུས་ལྟར་བློ་ལྡོག་རྣམ་པ ཐོརྒྱ 112V ༄༅། །བཞིའི་དོན་དྲན་བཞིན་འཇིག་རྟེན་ཆོས་བརྒྱད་ཀྱི་བྱ་བ་བློས་བཏང་ནས་དབེན་རིར་སྒྲུབ་ཚུགས་བཟུང་བ་གལ་ཆེ་བ་དང་། ཉམས་རྟོགས་ཀྱི ཡོན་ཏན་ཀྱང་སྙིང་རུས་ལ་རག་ལས་པ་ཡིན་པ་དེ་གཞིར་བཞག་དང་བཅས་པས། དུས་དང་རྣམ་པ་ཀུན་ཏུ་རང་རྒྱུད་ལ་བརྟག་དཔྱད་ཞིབ་པར་བྱས་ནས་ལུས་ངག་ཡིད་གསུམ་གྱི་བྱ་བ་ཐམས་ཅད་ཡང་དག་པའི་ལམ་ལ་ཁ་ཕྱོགས་པ་ནི་གནད་གལ་པོ་ཆེ་ཡིན་ནོ །རང་རྒྱུད་ཆོས་དང་འགལ་ཡོད་ཕྱིན་ཆད་ལྟ་བ་མཐོ་མཐོ་དང་༔ སྒོམ་པ་ཟབ་ཟབ་ཡིན་མདོག་བྱས་ཀྱང་དཔེར་ན་ཤིང་སྡོང་པོའི་ཁོག་པ་རུལ་བ་དང་འདྲ་སྟེ། གཞན་དོན་ཕར་ཞོག་རང་དོན་ཀྱང་ཆུད་ཟོས་སུ་འགྲོ་བ ལས་མེད་པས་ན། ཐོག་མར་བྱང་ཆུབ་ཀྱི་སེམས་རྣམ་པ་གཉིས་ཀྱིས་རང་རྒྱུད་ལེགས་པར་སྦྱངས་ནས། བདག་བས་གཞན་གཅེས་ཀྱི་བསམ་པས་བྱང་ཆུབ་སེམས་ཀྱི་གཞི་བཟུང་། ཡང་དག་པའི་ཆོས་དང་བླ་མ་ལ་མཉེས་པ་གསུམ་གྱི་སྒོ་ནས་དག་སྣང་དང་མོས་གུས་དད་པ་བརྟན་པོས་བླ་མའི་ཐུགས་རྒྱུད་ཀྱི་ཡེ་ཤེས་ཡོན་ཏན་ཐམས་ཅད་སཱཙྪའི་བསྐོས་ཕོར་བཞིན་དུ་རང་རྒྱུད་ལ་ལེན་ངེས་ཀྱི་བརྩོན་འགྲུས་དང་སྡུག་བསྲན་དགོས་པ་མ་གཏོགས། མོས་གུས་དང་དད་བརྩོན་སྙིང་སྟོབས་མེད་ཚེ་བླ་མ་སངས་རྒྱས་དངོས་སྤྲུལ་ཡིན་ཀྱང་བྱིན་རླབས་འཇུག་པ་ཤིན་ཏུ་དཀའ་བ་དཔེར་ན་རྡོ་ཐོག་ན་མྱུ་གུ་སྨིན་པ་མི་སྲིད་པ་དང་། སྣོད་ཞབས་རྡོལ་གྱིས་བཅུད་མི་འཛིན་པ་ལྟར་རང་རྒྱུད་ལོག་ལྟ་དང་ཐེ་ཚོམ་གྱིས་བསླད་ཕྱིན་ཆད་ཡང་དག་པའི་ཆོས་ལམ་ལོན་པ་ཤིན་ཏུ་དཀའ་བའི་རྒྱུ་མཚན་ལ་བསམ་ནས་སྒོ་གསུམ་གཅིག་འདྲིལ་གྱི་དད་པའི་སྒོ་ནས་བླ་མ་སངས་རྒྱས་སུ་མཐོང་བ་གལ་ཆེ། སྔོན་གྱི་གྲུབ་པའི་དབང་ཕྱུག་ནཱ་རོ། མར་པ། མི་ལ་རྣམས་ཀྱིས་ཀྱང་བླ་མ་ལ་དད་པ་དང་མོས་གུས་ཐང་ལྷོད་མེད་པར་དུས་དང་རྣམ་པ་ཐམས་ཅད་དུ་སངས་རྒྱས་དངོས་སུ་བལྟ་བ་དང་། ཡང་དག་པའི་ཆོས་ལ་བརྩོན་འགྲུས་སྙིང་སྟོབས་ཆེན་པོའི་སྒོ་ནས་ཉམས་སུ་ལེན་པར་མཛད་ནས་བླ་མའི་ ༄༅། །ཐུགས་རྒྱུད་ཀྱི་ཡེ་ཤེས་ཡོན་ཏན་ཐམས་ཅད་བུམ་པ་གང་བྱོས་ཀྱི་ཚུལ་དུ་ཐོབ་པ་ལྟར། རང་ཅག་རྣམས་ཀྱིས་ཀྱང་དབེན་རི་ལ་སྒྲུབ་ཚུགས་བཟུང་སྟེ། རྣམ་གཡེང་དང་ལེ་ལོ་སྤངས་ནས་བླ་མ་ལ་མོས་གུས་མཆེད་གྲོགས་ལ་དག་སྣང་། ཆོས་ལ་བརྩོན་འགྲུས་བྱས་ནས་ཚེ་འདིར་རྫོགས་པའི་སངས་རྒྱས་ཀྱི་གོ་འཕང་ཐོབ་པ་ཞིག་བྱ་སྙམ་པའི་རང་སེམས་ལ་དམ་བཅའ་བརྟན་པོ་སྙིང་ལ་བཟུང་ནས་འཁོར་བར་རྒྱབ་ཀྱིས་ཕྱོགས་པ་གལ་ཆེ། སྔོན་ཐུབ་པའི་དབང་པོས་ཀྱང་ཤཱཀྱའི་རྒྱལ་སྲིད་སྤངས་ནས་ཁྱིམ་ནས་ཁྱིམ་མེད་པར་རྫོགས་སངས་རྒྱས་པ་དང་། སློབ་དཔོན་སངས་རྒྱས་གཉིས་པས་ཟ་ཧོར་གྱི་རྒྱལ་སྲིད་མཆིལ་མའི་ཐལ་བ་བཞིན་དུ་སྤངས་ནས་དུར་ཁྲོད་བརྒྱད་ལ་སོགས་པར་བརྟུལ་ཞུགས་ཀྱི་ཕྲིན་ལས་མཛད་ནས་མཐར་འཇའ་ལུས་གཞོན་ནུ་བུམ་སྐུར་མངོན་པར་རྫོགས་པར་སངས་རྒྱས་པ་དང་། གཞན་ཡང་རིམ་བྱོན་གྱི་གྲུབ་པའི་རིག་འཛིན་ཐམས་ཅད་ཀྱིས་ཀྱང་རང་ཡུལ་རྒྱབ་ཏུ་ཕྱོགས། མི་ཡུལ་དང་དུ་བླང་། དཀའ་བ་ཁྱད་དུ་བསད། ལུས་སྲོག་ཕ་མར་མ་བལྟས་པར་གོང་མའི་ལམ་སྲོལ་གཏད་ས་བཞི་ལ་མཛད་ནས་དོན་གཉིས་འགྲུབ་པ་ཤ་སྟག་ཡིན་པས་ན། རང་ཅག་རྣམས་ཀྱིས་འཁོར་བ་དང་དམ་པའི་ལྷ་ཆོས གཉིས་ལྷན་དུ་ཅི་ཕྱིར་འགྲུབ། དེའི་ཕྱིར་ན་འཁོར་བ་རྒྱབ་ཏུ་ཕྱོགས་ནས་དབེན་པའི་གནས་སུ་རང་ཉིད་གཅིག་པུར་ཚུགས་ཐུབ་པ་ལ་གཞི་བཅའ། བརྒྱུད་ལྡན་བླ་མ་དམ་པའི་མན་ངག་ལ་སྒོ གསུམ་གཅིག་དྲིལ་དུ་བློ་གཏད་ནས ཡིད་ཁྱེད་ཤེས་དྲག་པོས་བླ་མ་ལ་གསོལ་བ་བཏབ་སྟེ་ལུས་ངག་ཡིད་གསུམ་གྱི་རུ་ཤན་དབྱེ་བ་དང་། སེམས་བྱུང་གནས་འགྲོ་གསུམ་གཟུགས་དབྱིབས་ཁ་དོག་བརྟགས་པ་སོགས་སྔོན་དུ་སྦྱངས་པའི་དོན་རྣམས་ལེགས་པར་བསྒོམ་པ་གལ་ཆེ། ལབ་སྒྲོན་ཞལ་ལུང་ལས། ཆོས་བཤོལ་བྱེད་ན་ཕ་མ་གྲོགས་ཀྱང་བདུད ཉེ་འབྲེལ་འཁོར་བའི་ལྕགས་སྒྲོག་རྒྱང་སྤངས་ནས དབེན་རིར་བློ་ཚུགས་བྱར་མེད་བྱ་བཏང་གིས སེམས་རྩར་བཅད་ནས་སྟོང་ཉིད་ཉམས་སུ་ལོངས། །གསུངས་པ་བཞིན་ནོ། །དེས་ན་དང་པོ་གཞི་ལྟ་བ་ཟབ མོས་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་གཏན་ལ་ཕབས་ནས་ཡེ་སྟོང་རྩ་བྲལ་ཆེན་པོའི་དོན་ཁོང་དུ་ཆུད་པར་བྱས། ལམ་བསྒོམ་པས་ཉམས་ལེན་གྱི་གནད་མ་ནོར་བར་གསལ་སྟོང་གཉིས་སུ་མེད་པའི་ཡེ་ཤེས་མངོན་དུ་གྱུར་པར་བྱས་ནས་ངང་གནས་རང་བྱུང་གི་ཡེ་ཤེས་བློས་ཕར་མ་བཅད། སེམས་ཀྱིས་ནང་དུ་མི་བསྡུ ཀུན་རྟོག་གིས་བཅས་བཅོས་གང་ཡང་མི་བྱེད་ ༄༅། །པར་རང་བབས་དེ་ཁར་འཇོག་པ་ནི་ངོ་བོས་ངོ་བོ་ལམ་བྱེད་དུ་འདོད་པ་ཡིན་པས། སྔོན་སོར་ཁྱེད་ཅག་རྣམས་ལ་ཞུས་པ་ལྟར་དུས་དང་རྣམ་པ་ཀུན་ཏུ་རང་བྱུང་གི་རིག པའམ། ངང་གནས་ཀྱི་བསམ་གཏན་དེ་ཀ་བློས་བཅོས་བསླད་གང་ཡང་མི་བྱེད་པར་སྐུ་གསུམ་མཉམ་པ་ཉིད་ཀྱི་དབྱིངས་ཇི་ལྟ་བ་བཞིན་དུ་དད་བརྩོན་སྙིང་སྟོབས་ཆེན་པོས་ཉམས་སུ་བླངས་ནས་གོ་བ་ཙམ་དུ་མ་བཞག་པར་དོན་རང་རྒྱུད་ལ་ལོན་ངེས་རེ་མཛད་པར་མ་འཆུགས་རེམ་རེམ། དེ་ཉིད་ལས། རང་རིག་སྐུ་གསུམ་ལྷུན་གྲུབ་ངོ་བོ་ལ །དགག་སྒྲུབ་བཅོས་མའི་ཆིངས་སུ་མ་བཅིང་བར། །རང་བབས་ངང་ལ་བློ་འདས་དོན་མཐོང་ན །གཉིས་མེད་ཡེ་ཤེས་ཆེན་པོའི་གཏད་སྲིད་ཟིན །ཞེས་གསུངས་པ་བཞིན་ནོ། །ལྟ་སྒོམ་གྱི་གྲོགས་སྤྱོད་པའི་ཚུལ་ནི། ཕྱིའི་སྤྱོད་པ་གྲོང་ཆོག་སོགས་ལ་སྨྱོ་ཆུ་འཐུང་ནས་ཤེས་པ་བག་མེད་དུ་མི་གཏོང་བར་ཞི་བ་དུལ་བ་དྲན་ཤེས་བག་ཡོད་དང་ལྡན་ཅིང་། སོ་ཐར་འདུལ་ཁྲིམས་ཀྱི་ཚུགས་མ་ཉམས་པ་དང་། ནང་གི་སྤྱོད་པ་མི་དགེ་བ་བཅུའི་རྣམ་པར་སྨིན་པའི་རྒྱུ་འབྲས་གོ་མ་མྱོང་བ་ལྟ་བུར་མ་བྱེད་པར་སྨོན་པ་དང་འཇུག་པའི་དོན་ལ་གཞི་བྱས་ཏེ། རབ་སེམས་ཅན་ཐམས་ཅད་ཀྱི་དོན་ལ་རྒྱལ་པོ་སྙིང་སྟོབས་ཅན་ལྟ་བུ་དང་། མིན་ཀྱང་བྱང་ཆུབ་སེམས་ཀྱིས་ཀུན་ནས་བསླངས་པའི་སྤྱོད་པས་བྱང་སེམས་ཀྱི་བསླབ་པ་དང་མི་འགལ་བ་དང་། གསང་སྔགས་དབང་གི་དམ་ཚིག་སློབ་དཔོན་དྲུག །མཆེད་བཞི། སྔགས་གསུམ། ཕྱག་རྒྱ་བཞི གསང་བ་བཅུ་དང་། ཁྱད་པར་མདོར་བསྡུ་ན་བླ་མའི་སྐུ་གསུང་ཐུགས་ཀྱི་དམ་ཚིག་རྣམས་སྲོག་ལ་བབས་ཀྱང་དཔྲལ་བའི་མིག་ལྟར་བསྲུང་བ་ནི་སྔགས་ཀྱི་དམ་ཚིག་གི་རྩ་བ་ཡིན་པས་འགལ་འདས་ཞིག་རལ་མེད་པར་བསྲུངས་ནས་ཟབ་མོ་འོད་གསལ་གྱི་དོན་ལ་ཐང་ལྷོད་མེད་པར་བསྒོམ་པ་དང་། གསང་བའི་སྤྱོད་པ་ནི། རྐྱེན་ངན་ཐོག་ཏུ་བབས་དུས་ཐ་མལ་རང་ག་མ་ལྟ་བུར་མ་ཡིན་པར། ཁྱུང་དཀར་གྱི་གཤོག་རྩལ་རྫོགས་པ་ལྟར་ཉོན་མོངས་པའི་རྐྱེན་ལས་དབེན་ཅིང་གང་སྣང་ཐམས་ཅད་རྒྱུ་རྐྱེན་འབྲེལ་བའི་ཆོས་ཉིད་ཙམ་མ་གཏོགས་དོན་ལ་བདེན་མེད་སྒྱུ་མ་དང་རྨི་ལམ་ལྟ་བུར་གཞིའི་རང་གདངས། ཡེ་ཤེས་ཀྱི་རོལ་པ། རིག་པའི་རྒྱན་ཡིན་པར་ངོ་ཤེས་ངང་གནས་ཀྱི་གདིང་གྲོལ་ཐོག་དེ་ཀར་བཅའ་བ་དང་། འགྱུ་འཕྲོའི་རྟོག་ཚོགས་ཐམས་ཅད་སྤང་བླང་རེ་དོགས་གང་ཡང་མི་བྱེད་པརགང་སྣང་ཐམས་ཅད་ཆོས་ཉིད་ཀྱི་རོལ་པར་ཤེས་ནས་སྣང་སྲིད་དག་མཉམ་ཆེན་པོར་རང་ཤར་རང་གྲོལ་དུ་གདིང་ཐོབ་པར་བྱ་བ་ནི་ལྟ་སྒོམ་གྱི་གྲོགས་སྤྱོད་པ་ ༄༅། །ཡ་བྲལ་དུ་མ་སོང་བ་ཡིན་ནོ། །ཨོ་རྒྱན་ཆེན་པོས། ང་ལྟ་བ་ནམ་མཁའ་བས་ཀྱང་མཐོ། ལས་རྒྱུ་འབྲས་བག་ཕྱེ་བས་ཀྱང་ཞིབ། གསུངས་པ་དང་། ཞལ་ལུང་ལས། ལྟ་དང་སྒོམ་པ་སྤྱོད་པ་གསུམ། །རྣལ་འབྱོར་པ་ཡི་ལམ་གྲོགས་ཡིན། །ཆོས་དབྱིངས་ཀློང་དུ་ཐ་དད་མེད། །ཅེར་གྲོལ་དགོངས་པར་ལ་བཟླའོ། །ཞེས་གསུངས་པ་བཞིན་ནོ། །དེ་ལྟར་ལམ་ཟབ་མོ་ལྟ་སྒོམ་སྤྱོད་པའི་ལམ་གྱི་རིམ་པ་རྣམས་གོ་ལོ་དང་ཐོས་ལོར་མ་བཞག་པར་དོན་ཐམས་ཅད་གཞན་ལ་སྒྲོ་འདོགས་གཅོད་མི་དགོས་པར་རང་རྒྱུད་ལ་ལོན་ངེས་པ་ཞིག་མ་བྱས་ན་ཆོས་ཉིད་ཀྱི་དོན་གོ་བ་ཙམ་དུ་ལུས་ན་རྒྱུ་འབྲས་ལ་སྐུར་པ་བཏབ་ནས་ལམ་ལོག་པར་འགྲོ་ཉེན་ཡོད་པས། དུས་དང་རྣམ་པ་ཀུན་ཏུ་གནས་ལུགས་ཀྱི་དོན་ཕྱིན་ཅི་མ་ལོག་པར་ལྟ་སྒོམ་གྱི་ཕུ་ཐག་ནང་ནས་ཆོད་པ་ཞིག་གལ་ཆེ་རེམ་རེམ ཐུབ་པའི་དབང་པོས བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །ཞེས་གསུངས་པ་བཞིན་ནོ མདོར་ན་དུས་རྣམ་པ་ཀུན་ཏུ་ཤེས་པ་བག་མེད་ཁ་ཡན་དུ་མ་བཏང་བར་དྲན་པའི་ལྕགས་ཀྱུས་བཟུང་ལ། ཕྱིའི་སྤྱོད་པ། ནང་གི་བསམ་པ། གསང་བའི་ཉམས་ལེན་ཐམས་ཅད་རང་བབས་ཀྱི དྲན་པའི་ངང་མ་བོར་བ་རེ་མ་བྱས་ན། བདགགིས་ཁྱེད་ཅག་རྣམས་ལ་འོད་གསལ་རྫོགས་པ་ཆེན་པོའི་ལམ་གྱི་གནད་གསང་རྣམས་བསྟན་ཀྱང་གོ་ཡུལ་དུ་ཤོར་ནས་ལུས་ན་རང་གཞན་མཚམས་མེད་པའི་ལས་གསོག་བྱེད་དུ་འགྲོ་བ་ལ་ཚེགས་མེད་པ་ལྟ་བུ་ཡིན་པས། དྲན་ཤེས་བག་ཡོད་ཀྱི་སྒོ་ནས་གོ་དོན་རྒྱུད་ལ་ལོན་ཐབས་རེ་སྙིང་རུས་མཛད་པར་མ་འཆུགས་རེམ་རེམ། རིག་འཛིན འཇིགས་མེད་གླིང་པས། ཉམས་ན་བུན་འདྲ་སྟེ་ཡལ་ནས་འགྲོ། །གོ་བ་ལྷན་པ་འདྲ་སྟེ་གོག་ནས་འགྲོ །གསུངས་པ་བཞིན་ནོ། །དེ་དག་གི་མཐར་ཐུག་འཇོག་མཚམས་ནི རང་བྱུང་གི རིག་པ་སྐྱེ་འགགས་གནས་གསུམ་དང་བྲལ་བ་དེ་ཀ་གཉིས་འཛིན་འཁྲུལ་པའི་དབང་དུ་མ་བཏང་བར་གནས་ལུགས་ཀྱི་ངོ་བོར་གང་དུ་མ་གྲུབ་པའི་སྟོང་གསལ་འདུས་མ་བྱས་པ་དེ་ཆོས་སྐུ། རང་བཞིན་འགགས་པ་མེད་པ་སྲིད་ཞི་གཉིས་ཀྱི་ཡོན་ཏན་ཐམས་ཅད་མ་བཙལ་ཡོངས་གྲུབ་ཆེན་པོར་ཡེ་ལྡན་དུ་ལྷུན་གྱིས་གྲུབ་པའི་ཆ་ལ་ལོངས་སྐུ། ཐུགས་རྗེ་གསལ་ལ་འཛིན་པ་མེད་པ་རང་གྲོལ་ཀུན ཁྱབ་ཆེན་པོའི་ཆ་ལ་སྤྲུལ་སྐུ་སྟེ སྐུ་གསུམ་མཉམ་པ་ཉིད་ཀྱི་ངོ་བོ་ནི་རང་རིག་འགྱུར་བ་མེད་པ་རྣམ་ཐར་སྒོ་གསུམ་དང་ལྡན་པ་སྤྲོས་པའི་མཐའ་བརྒྱད་དང་བྲལ་བ་དེ་ལ་ལྟ་བས་ཐག་བཅད། སྒོམ་ ༄༅། །པས་ངང་བསྐྱངས། སྤྱོད་པས་ལ་དོར། འབྲས་བུ་རང་ས་ཟིན་པར་བྱ་བ་ནི་གནད་ཀྱི་མན་ངག་ལགས་སོ། །ཞལ་ལུང་ལས། མི་འགྱུར་མི་ཤིགས་རིག་པའི ཀློང་། །སྐུ་དང་ཡེ་ཤེས་འདུ་འབྲལ་མེད། །རྣམ་པར་མི་རྟོག་འོད་གསལ་དབྱིངས །རང་ཀློང་རང་གྲོལ་འབྲས་བུའོ། །ཞེས་གསུངས་པ་བཞིན་ནོ། །དེ་ལྟར་མན་ངག་གསལ་འདེབས གླེན་གཏམ་འདི། །སྐལ་ལྡན་ལས་འཕྲོ་ལྡན་པའི་བུ་སློབ་ལ །མདོ་མེད་འཆོལ་མོ་སུ་ཁ་བཛྲ་གྱིས །སྙིང་ནས་སེམས་དཀར་ངག་ཚབ་ཡི་གེར་ཕུལ། །སྙིང་འདྲའི་སྐལ་ལྡན་རེས་འགའ མ་གཏོགས་པའི། །སྙིང་ཆུང་ཐ་མལ་ཡོངས་ལ་བཀའ་རྒྱ་མཛོད །སྙིང་པོའི་དོན་འདི་ཡལ་བར་མ་དོར་བར། །སྙིང་སྟོབས་དྲག་པོས་རྩེ་གཅིག་ཉམས་བླངས་ན། །སྙིང་ཐིག་ཆོས་ཀྱི་ལམ་ཟབ་འདི་ཡིས་ལོན། །རང་གཞན་དོན་གཉིས་མ་འབད་ལྷུན་གྲུབ་ནས །རང་རིག་ཀུན་བཟང་རྒྱལ་སར་ཚེ་འདིར་བགྲོད །རང་ཅག་རྣམས་ཀྱི་ཟབ་ལམ་ཁྱད་ཆོས་ལགས །རང་ལ་དེ་ཙམ མ་གཏོགས་ཆོས་གཞན་མེད། །སྐལ་ལྡན་ཁྱེད་ཅག་རྣམས་ཀྱི་དཔལ་དུ་ཤར། །བསྐལ་པར་འབད་པ་མི་དགོས་གྲོལ་བའི་ལམ། །སྐད་ཅིག་གཅིག་གིས་རྫོགས་