Tibetan
མེད་ཐུགས་གསང་འཁོར་ལོའི་དབང་༔ རིག་པའི་བུ་ལ་བསྐུར་བ་ཡིས༔ བདག་གི་ཐུགས་དང་གཉིས་མེད་པའི༔ བསྐུར་ཐོབ་བྲལ་བའི་དབང་ཐོབ་ཤོག༔ ངྷརྨ་ཙིཏྟ་ཨ་བྷི་ཥིཉྩ་ཧཱུྃ༔ ཨ་ཨ་ཨ༔ ཞེས་གསུངས་མ་ཐག་ཏུ་བདག་ཐ་མལ་གྱི་རྟོག་པ་གློ་ ༄༅། །བུར་དུ་འགགས་ནས་སྔར་གྱི་བག་ཆགས་འགའ་སད་ནས༔ སྐད་ཅིག་གིས་རྡོ་རྗེ་ཕག་མོའི་སྐུར་ལམ་གྱིས་གསལ་ནས་ཡབ་ཀྱི་སྐུར་འཁྲིལ་ནས་བསམ་གྱིས་མི་ཁྱབ པའི་རིག་སྐུ་མངོན་དུ་གྱུར་ནས་ཡབ་ཡུམ་གཉིས་མེད་ཀྱི་དགོངས་པ་ཡུན་གཅིག་སྐབས༔ འཁོར་གྱི་དཔའ་བོ་མཁའ་འགྲོ་མ་རྣམས་ཀྱིས་མགྲིན་གཅིག་དབྱངས་གཅིག་ཏུ་འདི་སྐད་གསུངས༔ ཨ་ཧཾ་སིདྡྷི་སུ་ཁ་སྟྭཾ༔ ཨ་ལ་ལ་ཧོ་ངོ་མཚར་ཆེ༔ གསང་སྔགས་བདག་པོ་ཧེ་རུ་ཀ༔ ཡེ་ཤེས་སྐུ་བརྙེས་རྡོ་རྗེ་འཆང་༔ ངོ་མཚར་རྨད་དུ་བྱུང་བའི་ཆོས༔ དཀྱིལ་འཁོར་ཀུན་གྱི་འབྱུང་གནས་ཆེ༔ དཔའ་བོ་ཡབ་ཡུམ་གསང་ཆེན་མཛོད༔ དངོས་གྲུབ་འབྱུང་གནས་ཁྱོད་ལ་བསྟོད༔ གསང་སྔགས་ལམ་མཆོག་བླ་ན་མེད༔ རྒྱལ་ཀུན་ཐུགས་གསང་ཉེ་ལམ་མཆོག༔ མངོན་གྱུར་གདིང་ཐོབ་རིག་སྐུ་བརྙེས༔ རྡོ་རྗེ་འཆང་དབང་ཉིད་ལ་བསྟོད༔ ལྷ་ལས་ལྷག་གྱུར་ཟུང་འཇུག་སྐུ༔ སྒྱུ་འཕྲུལ་དཀྱིལ་འཁོར་ཀུན་གྱི་རྗེ༔ སྐུ་དང་ཡེ་ཤེས་དབྱིངས་སུ་ཟླུམ༔ མངོན་རྫོགས་རྒྱལ་པོ་ཁྱོད་ལ་བསྟོད༔ ཅེས་གསུངས་ནས་ཚོགས་ཀྱི་འཁོར་ལོ་རྒྱ་ཆེན་པོ་བཤམས་ནས་དཀྱིལ་འཁོར་གཙོ་བོ་བདུད་འཇོམས་ཧེ་རུ་ཀ་ཡབ་ཡུམ་འོད་ཀྱི་རྣམ་པར་གྱུར་ཏེ་དཔའ་བོ་ ཉིད་ལ་ཐིམ་མ་ཐག་ཏུ་སྐུས་གར་བསྒྱུར་ནས་ཧེ་རུ་ཀ་ཅང་ཏེའུ་བྷན་ཐོད་འཛིན་པ་རྣལ་འབྱོར་རོལ་པའི་ཆ་བྱད་ཅན་དུ་གྱུར་ནས༔ ཨ་ཧཾ༔ ཡབ་ཡུམ་རེག་པ་འཕྲད་པ་སྐུ་རྡོ་རྗེ༔ སྣང་སྟོང་དབྱེར་མེད་བུམ་དབང་ངོ་བོར་རྫོགས༔ བྱང་སེམས་བདུད་རྩིའི་རྒྱུན་བབས་གསུང་རྡོ་རྗེ༔ གསལ་སྟོང་དབྱེར་མེད་གསང་དབང་ངོ་བོར་རྫོགས༔ དཀར་དམར་ཐིག་ལེ་ཞལ་མཇལ་ཐུགས་རྡོ་རྗེ༔ བདེ་སྟོང་དབྱེར་མེད་ཤེར་དབང་ངོ་བོར་རྫོགས༔ ལྷན་སྐྱེས་ཡེ་རིག་ཡེ་ཤེས་རྡོ་རྗེར་སྨིན༔ རིག་སྟོང་དབྱེར་མེད་ཚིག་དབང་ངོ་བོར་རྫོགས༔ བསྐུར་ཐོབ་བྲལ་བ་དོན་དམ་གསང་བའི་དབང་༔ རིགས་ལྡན་ཌཱ་ཀྐི་ཁྱོད་ལ་བསྐུར་བ་ཡིས༔ རགས་པ་ལུས་དང་ཕྲ་བ་རྩ་ཁམས་དག༔ རགས་པ་ངག་དང་ཕྲ་བ་རླུང་ཁམས་སྨིན༔ རགས་པ་སེམས་དང་ཕྲ་བ་ཐིག་ལེ་རྫོགས༔ སྒོ་གསུམ་བག་ཆགས་རྟོག་སྒྲིབ་ཀུན་བྲལ་ནས༔ རྣམ་སྨིན་ཚེ་དབང་ཕྱག་ཆེན་ལྷུན་གྲུབ་ཀྱི༔ གོ་འཕང་མངོནགྱུར་དོན་གྱི་དབང་ཐོབ་ཤོག༔ ཅེས་གསུངས་ནས་སྤྱན་ཧྲིག་གེར་བདག་ལ གཟིགས་ནས་ཅུང་ཟད་དགོངས་པ་གཏད་པའི་མཐར༔ འདི་ནི་ཐབས་ཤེས་སྙིང་པོ་དོན་དམ་པ་གསང་བའི་དབང་བཞི་པ་བསྐུར་བ་ཡིན་པས་གཞན་ལ་མ་བསྟནཅིག༔ དུས་ལ་བབས་ཚེ་འོ་ཅག ༄༅། །གཉིས་འཛོམ་འོང་༔ དེའི་བར་དུ་སྣང་བ་རང་བཞིན་མེད་པར་རྟོགས་པའི་ཐབས་མཆོག་ཏུ་མི་འགྱུར་བའི་བདེ་བ་ཆེན་པོའི་ཡབ་དང་འགྲོགས་ཤིག་གསུངས༔ དེ་ནས་རྡོ་རྗེ་ཀརྨ་མཁའ་འགྲོ་ཞི་བ་མཚོས་དཀྱིལ་འཁོར་གྱི་ཤར་ནས་ཚོགས་ཀྱི་དྲང་བ་ཐོགས་ནས་དབྱངས་སྙན་གདངས་ཀྱིས༔ ཨ་ཧོཿ སྐྱེ་མེད་རང་བྱུང་དོན་དམ་ཆོས་སྐུ་ཡི་ཞིང་ན༔ གཟུགས་སྣང་དག་པར་རབ་འབྱམས་ཐབས་ཤེས་ཀྱི་དཀྱིལ་འཁོར༔ ཟག་མེད་བདེ་བ་ཆེན་པོའི་བདུད་རྩི་ལ་རོལ་ནས༔ བདེ་སྟོང་དག་པ་རབ་འབྱམས་དངོས་གྲུབ་ཀྱང་ཞུའོ༔ རྩལ་སྣང་དག་པ་རབ་འབྱམས་དཔའ་བོ་དང་མཁའ་འགྲོ༔ འདོད་ཡོན་དག་པ་རབ་འབྱམས་བདུད་རྩི་ལ་རོལ་ནས༔ ཞེན་བྲལ་དག་པ་རབ་འབྱམས་དངོས་གྲུབ་ཀྱང་ཞུའོ༔ སྣོད་བཅུད་དག་པ་རབ་འབྱམས་དཀྱིལ་འཁོར་གྱི་བཀོད་པ༔ རང་བྱུང་དག་པ་རབ་བྱམས་བདུད་རྩི་ལ་རོལ་ནས༔ སྣང་རྟོག་དག་པ་རབ་བྱམས་དངོས་གྲུབ་ཀྱང་ཞུའོ༔ རང་སྣང་དག་པ་འོག་མིན་ཉམས་དགའ་ཡི གནས་ན༔ མཆེད་ལྕམ་དམ་ཚིག་གཅིག་པའི་རྡོ་རྗེ་ཡི་སྤུན་གྲོགས༔ ཐབས་ཤེས་མྱང་གྲོལ་བདུད་རྩིའི་ཚོགས་མཆོད་ལ་རོལ་ནས༔ སྣང་སྲིད་དག་པ་རབ་བྱམས་དངོས་གྲུབ་དེ་ཞུའོ༔ སྟོན་འཁོར་དགོངས་པ་དབྱེར་མེད་རོ་གཅིག་ཏུ་འདྲེས་ནས༔ འཇའ་ལུས་ཆོས་སྐུ་འགྲུབ་པའི་གདམས་པ་རང་ཞུའོ༔ ཞེས་གསུངས་ནས་ཐམས་ཅད་ཀྱིས་རང་རང་གི་རིགས་དང་གཟུངས་མ རྣམས་ཀྱིས་ཀྱང་གླུ་གར་མཛད་ནས་ཚོགས་ཀྱི་དགའ་སྟོན་ལ་རོལ༔ དེ་ནས་བདག་གི་བསམ་པ་ལ་འདི་རྣམས་ཡིད་བཞིན་ནོར་བུའི་སྐུའི་བཀོད་པ་ཡིན་པར་འདྲ༔ ད་དུང་ཞིང་ཁམས་སུ་ཞིག གཞན་དུ་ཨེ་ཡོད༔ བདག་ཀྱང་ཕྱིར་མི་འགྲོ་ཞིང་འདིར་ལྷགས་དགོས་བསམ་པས༔ ཉིད་ཀྱི་ཞལ་ནས༔ ཨེ་མ་གསོན་དང་རིགས་ལྡན་མ༔ ཞིང་དང་གཞལ་ཡས་ལྷའི་རྣམ་རོལ༔ ཆོས་ཉིད་དེ་བཞིན་ཉིད་ཀྱི་རྩལ༔ རང་བྱུང་ཡེ་ཤེས་དེ་ཀའོ༔ ལོག་ན་མེད་དོ་ཤེས་པར་མཛོད༔ ཅེས་གསུངས་ནས་སྐུ་གཅིག་གིས་བཀོད་པ་ལྔ་མཛད་ནས་དབུས་སུ་རྡོ་རྗེ་ཧེ་རུ་ཀ་ཡབ་ཡུམ༔ ཤར་དུ་བུདྡྷ་ཧེ་རུ་ཀ་ཡབ་ཡུམ༔ ལྷོ་རུ་རཏྣ་ཧེ་རུ་ཀ་ཡབ་ཡུམ༔ ནུབ་ཏུ་པདྨ་ཧེ་རུ་ཀ༔ བྱང་དུ་ལས་ཀྱི་ཧེ་རུ་ཀ་རྣམས་རང་རང་གི་ཡུམ་དང་སྲས་འཁོར་ཐམས་ཅད་དཀྱིལ་འཁོར་རོལ་པ་བསམ་གྱིས་མི་ཁྱབ་པ་དུ་མར་སྤྲོས་ནས་བཞུགས་པ་ལ༔ བདག་གིས་ཤིན་ཏུ་དད་མོས་དྲག་པོས་ཕྱག་འཚལ་ནས་འདི་སྐད་ཞུས༔ སྐྱེ་བ་འདི་ནས་ཚེ་རབས་ཐམས་ཅད་དུ༔ རིག་འཛིན་བླ ༄༅། །མ་ཁྱོད་དང་མི་འབྲལ་ཞིང་༔ རིམ་པ་གཉིས་ཀྱི་ལམ་མཆོག་མཐར་ཕྱིན་ནས༔ བདེ་སྟོང་ཕྱག་རྒྱ་ཆེན་པོའི་ས་ཐོབ་ཤོག༔ ཐབས་ཤེས་ཟུང་འཇུག་ཏིང་འཛིན་ལ བརྟེན་ནས༔ འདི་ནས་འཇིག་རྟེན་འོག་ཏུ་བདག་ཉིད་ཀྱང་༔ མཁའ་འགྲོ་མི་ཡི་གཟུགས་ཅན་ཉེ་རྒྱུའི་གྲོགས༔ དཔའ་བོ་ཁྱོད་ཀྱི་དགྱེས་པ་བསྐྱེད་པའི་ཡུམ༔ བདག་གྱུར་སྨོན་ལམ་མཐུ་ཡིས་འཕྲད་པར་ཤོག༔ འཕྲད་ནས་བར་ཆད་རྐྱེན་དབང་མི་འགྲོ་ཞིང་༔ སྐུ་ཚེ་མཐར་ཕྱིན་བསྟན་འགྲོའི་དོན་སྒྲུབ་ནས༔ རྒྱལ་བའི་མཛད་པ་ཡོངས་སུ་འགྲུབ་པར་ཤོག༔ གསང་གཏེར་ལྡེ་མིག་རྩ་བའི་ཆོས་བདག་དང་༔ ལས་ལྡན་བུ་སློབ་སྐྱེས་བུ་ལ་སོགས་པ༔ ལྷན་འཛོམས་བར་ཆད་འགལ་ཟླ་མེད་པ་རུ༔ བདེན་གཉིས་བསླུ་མེད་ནུས་པས་འགྲུབ་པར་ཤོག༔ བདག་ལ་བཟང་ངན་འབྲེལ་བཅས་འགྲོ་བ་ཀུན༔ དུས་འདི་ནས་བཟུང་བྱང་ཆུབ་མ་ཐོབ་བར༔ རིག་འཛིན་བླ་མ་ཁྱོད་དང་མི་འབྲལ་ཞིང་༔ ཟབ་གཏེར་རྒྱ་མཚོའི་དཔལ་ལ་ལོངས་སྤྱོད་ནས༔ འཇའ་ལུས་ཆོས་སྐུ་འགྲུབ་པར་བྱིན་གྱིས་རློབས༔ ཞེས་གསོལ་བ་བཏབ་པའི་མཐར་ཨ་ཨ་ཨ༔ གསུངས་ནས་བཀོད་པ་རྣམས་གཅིག་ཏུ་བསྡུས་ཏེ༔ ལྷ་ཉིད་རང་ལ་རང་ཉིད་ལྷ༔ ཐམས་ཅད་ཡེ་ཤེས་གཅིག་གི་འཕྲུལ༔ ང་ཡི་བཀོད་པ་བརྗོད་ལས་འདས༔ སྣང་རྟོག་ལྷ་ཡི་ཕྱག་རྒྱར་རྫོགས༔ སྒྲ་གྲགས་བདེ་ཆེན་རྡོ་རྗེའི་གསུང་༔ དྲན་རྟོག་ཆོས་ཉིད་དེ་བཞིན་ཉིད༔ གཉིས་མེད་ཐུགས་ཀྱི་ཐིག་ལེར་ཆུབ༔ ཐ་དད་མེད་དོ་རིགས་ཀྱི་བུ༔ ཞེས་གསུངས་ནས་ཤོག་དྲིལ་གཅིག་གནང་སྟེ༔ དེ་གསང་བ་མཁའ་འགྲོའི་ཆོས་སྐོར་རེད༔ དུས་བབས་རྟེན འབྲེལ་ལྡན་ན་བརྡ་ཁྲོལ་ཤིན་ཏུ་ཟབ་འོང་གསུངས་མ་ཐག་མཁའ་འགྲོ་གཉིས་ཀྱིས་བདག་གི་ལག་པ་གཡས་གཡོན་དུ་འཇུས་ནས་འདི་སྐད་ཟེར༔ ཨེ་མ་རིགས་ལྡན་ཌཱ་ཀྐི་ལྷ་ཡི་ལྕམ༔ ཁྱོད་ཐུགས་སུན་སྐྱོ་ངལ་ཆེ་བ་ཡིས༔ ཞིང་འདིར་བྱོན་ན་ངས་གྲོགས་བྱེད༔ ངེད་ཅག་མཆེད་ལྕམ་དམ་ཚིག་ལྡན༔ ཟབ་བཅུད་གདམས་པ་འདི་ན་ལྷག༔ བདེ་སྐྱིད་ཕུན་སུམ་ཚོགས་པ་ཡོད༔ དམ་ཉམས་གྲིབ་ཀྱི་སྐྱོན་དང་བྲལ༔ དཔའ་བོ་དང་ནི་མཁའ་འགྲོ་ཡི༔ གྲོགས་བཟང་ཞིང་འདིར་ལྷག་པར་ཡོད༔ འོ་ཅག་མཆེད་ལྕམ་དམ་རེ་གཙང་༔ ཉེས་པའི་སྐྱོན་གྱིས་གོས་པ་མེད༔ གནས་འདིར་ཡོན་ཏན་བསམ་མི་ཁྱབ༔ འགྲོ་དོན་བསྟན་པ་ཞིང་དུ་ལྷག༔ འདི་རུ་བཞུགས་ན་དོན་གཉིས་པོ༔ མ་འབད་རང་བྱུང་གྲུབ་པར་ལེགས༔ འཇིག་རྟེན་མི་སེམས་བདུད་ཀྱིས ༄༅། །བསྒྱུར༔ ཆོས་བཞིན་བསྒྲུབ་པ་ཉིན་སྐར་ཙམ༔ བླ་སློབ་དམ་ཚིག་སྡོམ་མི་བསྲུང་༔ བདེ་སྐྱིད་ལ་ཁའི་ན་བུན་འདྲ༔ འགྲོ་དོན་འོང་བ་ལྟ་ཞོག་དང་༔ རང་གཞན་ཉམས་པའི་སྐྱོན་གྱིས་གོས༔ དེ་སོགས་འཕྲལ་རྐྱེན་དུ་མ་ཡིས༔ སྐྱོ་སུན་ཐུགས་ངལ་རྒྱུན་ཆད་མེད༔ དེའི་ཕྱིར་ང་ནི་ཞིང་དུ་བྱོན༔ ཞེས་ཟེར༔ བདག་གི་བསམ་པ་དགའ་ཡ་ལེར་སོང་ནས་ད་ཕྱིར་མི་འགྲོ་བར་དཔའ་བོ་ཉིད་ཀྱི་དྲུང་དུ་འདུག་དགོས་སྙམ་ཡང་ལན་ཅི་ཡང་མ་སྨྲས་པར་ཡུད་ཅིག་གནས་པས༔ ཡང་ང་རང་གི་གྲོགས སྣ་ཚོགས་རང་གྲོལ་ཤཱི་ལ་བཛྲ་མཆེད་དང་གྲོགས་སུ་ཏིཥྛ་བཛྲ་གྱུར་པ་འགས་མགྲིན་གཅིག་ཏུ་འདི་སྐད་ཟེར༔ ཀྱེེ༔ ཡེ་ཤེས་དབྱིངས་ཀྱི་མཁའ་འགྲོ་དགོངས༔ བདག་ཅག་རྣམས་ཀྱི་སྐྱབས་གཅིག་པུ༔ གཏེར་ཆེན་བླ་མ་ཞིང་དུ་འདྲེན༔ མི་རེའི་ཁོག་ནས་སྙིང་རེ་ཕྱུངས༔ མགོན་མེད་བདག་ཅག་ཤུལ་དུ་བོར༔ ཆོས་དང་གདམས་པ་ཞུ་ས་མེད༔ ད་རེས་མཁའ་འགྲོ་ཞིང་དུ་འདྲེན༔ ངེད་ཅག་རྣམས་ཀྱིས་ཇི་ལྟར་བྱེད༔ ཟབ་པའི་དམ་ཆོས་སུ་ལ་ཞུ༔ ཟབ་གཏེར་འཛིན་སྐྱོང་སུ་ཡིས་བྱེད༔ སྐྱབས་དང་རེ་ས་སུ་ལ་འཆའ༔ ཞིང་དུ་བྱོན་པའི་འོས་མེད་པས༔ མཁའ་འགྲོའི་ཚོགས་ཀྱིས་ བཞུགས་གསོལ་ཞུ༔ ཞེས་བརྗོད་པ་དང་༔ ཡང་མཁའ་འགྲོ་གཉིས་ཀྱིས༔ གསོན་དང་རྡོ་རྗེའི་མཆེད་པོ་རྣམས༔ ཁྱེད་རྣམས་དམ་ཚིག་ལྡན་པ་ཡིས༔ ད་རེས་ཞིང་འདིར་ལྷན་དུ འཚོགས༔ སྨོན་ལམ་ལྡན་པའི་སྤྲོ་བ་བསྐྱེད༔ ད་ལན་ཁྱོད་རྣམས་ཞུ་བ་བཞིན༔ གཅིག་གམ་གཉིས་གསུམ་བཞི་འཕྲུལ་ཡིན༔ དེ་ཕན་ཞིང་འདིར་དུས་བབས་ཡིན༔ མཁའ་འགྲོའི བཀའ་ལ་འདའ་བ་མེད༔ ཟེར་ནས་དཔའ་བོ་ཆེན་པོའི་ཕྱག་གཡས་གཡོན་ལ་ཐིམ༔ དེ་ནས་རིམ་བཞིན་ཡོངས་རྫོགས་སྐུ་ལ་ཐིམ་ནས་གྲོགས་མཁའ་འགྲོ་གཉིས་དང་དཔའ་བོ་ཉིད་རང་དང་བཅས་ཡུད་ཙམ་བཞུགས་པར་བདག་གིས་ཕྱག་ཕུལ་ནས་འདི་སྐད་ཞུས༔ ཀྱེ་མ་ཀྱི་ཧུད་འགྲོ་འདུལ་ཐུགས་རྗེ་ཅན༔ མགོན་མེད་ཉམ་ཐག་བདག་ལ་བརྩེ་བས་ཟུངས༔ བདག་ནི་འཇིག་རྟེན ཡུལ་དུ་ཅི་ཕྱིར་འགྲོ༔ སྐྱབས་དང་རེ་ས་མགོན་དང་དཔུང་གཉེན་མེད༔ དུས་དང་རྟེན་འབྲེལ་བདུད་དབང་རྐྱེན་ཁར་འཆོར༔ རང་གྲིབ་མ་གཏོགས་ཀུན་གྱིས་བརྙས་དམོད་བྱེད༔ དམ་གཙང་བུ་སློབ་རྣམས་ལ་སྐུར་པ་འདེབས༔ གཏེར་གཉིས་འགྲོ་དོན་འོང་བ་ཕར་ལ་ཞོག༔ ཀུན་གྱིས་ལོག་ལྟའི་གཞི་རུ་གྱུར་པ་ལས༔ འཛིན་སྐྱོང་སྤེལ་བའི་ནུས་པ་བདག་ལ་མེད༔ སྙིང་ ༄༅། །གི་དྭངས་མ་རྗེ་ཁྱོད་ཞིང་དུ་བྱོན༔ སྙིང་རྗེའི་ཡུལ་གྱུར་བདག་འདྲས་ཇི་ལྟར་བྱེད༔ མན་ངག་ཟབ་པའི་གདམས་པ་ཞུས་ས་མེད༔ ཁོ་མོའི་སྙིང་གཏམ་ཉམས ལེན་སུ་ལ་ཞུ༔ སྡུག་བསྔལ་མི་བཟོད་སྲོག་ལ་ཐུག་པ་བྱུང་༔ ད་ནི་ཅིས་ཀྱང་འགྲོ་མི་དགོས་པར་ཞུས༔ འཇིག་རྟེན་ཡུལ་དུ་བདག་འདྲས་འགྲོ་དོན་དཀའ༔ ཟབ་གཏེར་རྟེན་འབྲེལ་སྣ་ཁ བདུད་ཀྱིས་བསྒྱུར༔ གྲོགས་དང་ཆོས་བདག་གཞན་རྐྱེན་ཁོ་ནར་སོང་༔ གལ་ཏེ་རྟེན་འབྲེལ་དབང་གིས་གྲོགས་འཕྲད་ཀྱང་༔ དཔའ་བོ་ཁྱོད་འདྲ་ལྟ་བུ་ལྟ་ཞོག་དང་༔ ཐིག་ལེ་དབབ་འདྲེན་དོན་ལྡན་གོ་བར་དཀའ༔ ཐབས་ཤེས་ཟུང་འཇུག་རིག་སྐུ་ལྟ་ཞོག་དང་༔ ལན་ཆགས་བུ་བརྒྱུད་ས་བོན་རྒྱུན་ཆད་མེད༔ མྱུར་ལམ་ཟབ་མོའི་དགོས་དོན་ཕར་ཞོག་དང་༔ གཟུགས་བྱད་ཙམ་ལ་ཆགས་ཤིང་འཁོར་བར་སྐྱེ༔ དག་སྨིན་རྫོགས་པའི་འབྲས་བུ་ཕར་ཞོག་དང་༔ ཉིན་མཚན་བར་མེད་ཆགས་སེམས་རྒྱུན་ཆད་མེད༔ སྣང་སྟོང་དབྱེར་མེད་སྙིང་པོ་ཕར་ཞོག་དང་༔ ལོ་ཤས་ཟླ་ཤས་ཙམ་གྱིས་གཉིས་ཕུང་འགྲུབ༔ དེ་འདྲར་བསམ་ན་བདག་འདྲས་འགྲོ་དོན་དཀའ༔ གུ་རུ་པདྨའི་སྨོན་ལམ་མཐུ་བཙན་པས༔ བཅོ་ལྔ་ནས་བཟུང་རང་ཡུལ་རྒྱབ་ཏུ་བོར༔ དཔའ་བོ་ཁྱོད་ཉིད་རིགས་ཀྱི་བདག་པོར་ཁུར༔ རྩ་བརྒྱད་དུས་སུ་ཉིད་ཀྱིས་རྗེས་སུ་བཟུང་༔ རིམ་པ་གཉིས་ཀྱི་ལམ་མཆོག་མཐར་ཕྱིན་མཛད༔ ཁྱད་པར་ནང་དོན་ཡེ་ཤེས་མངོན་སུམ་དུ༔ སད་ཅིང་ཟབ་གཏེར་ཆོས་སྒོ་དུ་མ་འབྱེད༔ གཏེར་གཉིས་བསྟན་པ་མཐར་རྒྱས་འགྲོ་བའི་དོན༔ རྒྱ་ཆེན་ཡོང་བ་སྨོན་ལམ་འཕྲོ་ལྡན་ཀྱང་༔ དུས་དབང་སྨོན་ལོག་བདུད་ཀྱི་དབང་དུ་སོང་༔ ད་ནི་བསམ་ཞིང་བསམ་ན་སྐྱོ་བསྐྱེས༔ འགྲོ་དོན་མི་འོང་འཁོར་བའི་བསྣོན་པ་བྱེད༔ གྲོགས་ཀྱང་མི་བསམ་ཁྱེད་འདྲ་ཤིན་ཏུ་དཀོན༔ དཔའ་བོ་ཁྱོད་ཀྱིས་མྱུར་དུ་རྗེས་བཟུང་ནས༔ སྔོན་གྱི་རྗེས་བརྩེ་ཡལ་བར་མ་དོར་བར༔ བདེ་སྐྱོང་དབང་མོ་ཐུགས་རྗེས་བཟུང་དུ་གསོལ༔ འཇིག་རྟེན་ཁམས་སུ་མི་འགྲོ་བཀའ་གནང་ཞུ༔ ཞེས་ཕྱག་ལ་འཇུས་ནས་དྲག་ཏུ་ངུས་ཤིང་ཞུས པས་ཐུགས་བརྩེ་བརྩེ་མཛད་ནས་འདི་སྐད་གསུངས༔ ཨེ་མ་རིགས་ལྡན་བརྩེ་བའི་གྲོགས༔ ཐུགས་སུན་སྐྱོ་ངལ་མ་མཛད་ཨང་༔ ང་འགྲོ་དང་འོང་མེད་ཆོས་སྐུའི་ངང་༔ དུས་ནམ་ཡང་འདུ་འབྲལ་ག་ལ་ཡོད༔ ཀློང་རིག་དབྱིངས་འོད་གསལ་ངང་སྐྱོང་དང་༔ ང་ཆོས་དབྱིངས་མཁའ་ཀློང་ཡངས་པར་ཤར༔ ད་དབྱིངས་ཀྱི་རོལ་པར་དབྱིངས་ལ་བཞུད༔ གསུངས་ནས་ ༄༅། །གཙོ་འཁོར་གསུམ་པོ་འོད་ཐིག་གི་རྣམ་པར་གྱུར་ནས་རང་གི་སྙིང་གར་ཐིམ་པར་སྣང་༔ ས་མ་ཡ༔ ཧ་ཧ༔ གང་གི་སློབ་འབངས་ཀུན་གྱི་ཐ་ཤལ་བ༔ མདོ་མེད་ཆོས་མེད་བདེ་སྐྱོང་དབང་མོ་ཡིས༔ འཁྲུལ་སྣང་ཟད་མེད་ཉིན་མཚན་བར་མེད་པས༔ འཁྲུལ་ཚིག་ཡིག་རིས་བྲིས་པ་དགོས་མེད་ཀྱང་༔ ཤཱི་ལ་བཛྲ་ནན་ཆགས་ཆེས་བསྐུལ་ངོར༔ མདོ་མེད་འཆོལ་མོས་འཁྲུལ་སྣང་ཡིག་རིས་བྲིས༔ རང་ལ་དད་མོས་ཡོད་པའི་བུ་སློབ་མཆོག༔ ཤཱི་ལ་བཛྲ་ལ་སོགས་མཆེད་གྲོགས་རྣམས༔ ཐུགས་ཀྱི་བཞེད་དོན་ཅུང་ཞིག་ཕུལ་བ་དགེ༔ དགེའོ། །དགེའོ། །དགེའོ།། །། ༈ མཏཊནནཿ དབྱིངས་མི་འགྱུར་ཐིག་ལེའི་མཁའ་ཀློང་ནས༔ གདངས་རང་བྱུང་འཕྲུལ་གྱི་བརྡ་དོན་ངོམས༔ ཤར་རྟ་བདུན་དཀྱིལ་འཁོར་ལྷོ་རུ་འཕེན༔ ཕག་ནག་པོའི་འཁུན་པས་ཡུལ་གསུམ་འཇིགས༔ དབྱར་རྔ་ཡི་རང་ནོར་གཙུག་ཏུ་མཛེས༔ སྲིན་བྱ་ཡི་མདངས་ལྟར་འགྲན་ལ་ཆས༔ བྱང་མུན་པའི་ཁྲོད་ནས་གློག་དམར་འཕྱོ༔ གཉིས་སྐྱེས་ཀྱི་མདངས་དང་མ་བྲལ་གལ༔ བྲག་སྤྲེའུས་ཡལ་ཀའི་རི་དྭགས་ལ༔ མདོག་དམར་སེར་རྫས་ཀྱིས་བསླུ་བྲིད་ངོམས༔ གདོང་ལྔ་ཡི་རང་ ཚུགས་མ་ཟིན་ན༔ ལྷ་དམར་པོས་རྒོལ་བ་རང་ལ་སྡང་༔ གནས་ཆུ་གཉིས་འདུས་པའི་གཡས་ཟུར་ན༔ བྱ་ཐང་དཀར་འགྱིང་འདྲའི་གཡོན་ངོས་སུ༔ ཆོས་པུ་སྟི་བརྩེགས་པའི་ལྟེ་བ་རུ༔ དཔལ་རྟ་མགྲིན་ལྷ་དགུའི་ཟབ་སྒྲུབ་ནི༔ གནམ་ལྕགས་ཀྱི་སྒྲོམ་དང་རྡོར་ཕུར་ཡོད༔ དུས་རི་མོ་ཅན་གྱི་མཇུག་ཏུ་གསལ༔ དཔའ་བོ་མིང་དང་ལས་ཀྱིས་འཕྲད༔ གནད་དེ་དང་སྟབས་ལྡན་སྲིད་གྱུར་ན༔ ཁྱེད་ཚེ་ཆོས་གདུལ་བྱ་རིམ་གྱིས་འབྱུང་༔ ཡུལ་གསུམ་ལ་གཏེར་གཉིས་བསྟན་གཞི་འཛུགས༔ དོན་གཉིས་ཀྱི་མཛད་པ་མཐར་རྒྱས་ངེས༔ བརྡ་གོའམ་བདེ་བའི་འབྱུང་གནས་མ༔ ཞེས་ཟེར་བར་སྣང་༔ རི་བོ་ཆེའི་བླ་སེར་རྣམས་ཀྱི་ཞལ་ངོ་མི་ལྡོག་ཙམ་དུ་འཁྲུལ་སྣང་ཡིག་རིས་སུ་བདེ་བའི་རྡོ་རྗེས་བྲིས་པའོ།། །། ༈ དུས་འཛིན་མེ གླང་ལོའི་ཟླ་བ་གསུམ་པའི་ཚེས་བཞིའི་དགུང་མོ་ཐུན་གསེང་ཞིག་ཏུ། བྱིའུ་ཆུང་གདོང་དམར་ཞིག་གིས༔ ཡ་ཡ༔རྣལ་འབྱོར་བདེ་སྐྱོང་དབང་མོ༔ ཚུལ་མཐུན་ཡིད་ཀྱི་བཀོད་པའི་གནས དེར༔ བགྲོད་པའི་དུས་ནི་བྲག་འཛིན་སྤྲེའུ༔ གནམ་སྨན་སྤྲུལ་པའི་མི་མོས་བསླུ་བྲིད༔ རང་གཞན་སྟབས་ཀ་གཟབ་པ་གལ་ཆེ༔ ཐུགས་ཀྱི་མིང་ཆགས་གནས་སུ་གཉིས་སྐྱེས༔ ལ་ ༄༅། །འུར་ལ་འུར་རང་ཆོས་བསྒྲུབ་ཚེ༔ ནམ་མཁའི་དབང་གཞུའི་མདངས་ལ་མ་ཞེན༔ ལས་འབྲེལ་ཐུགས་བཅུད་སྙིང་པོའི་ཉམས་ལེན༔ དུས་བབས་པདྨ་རི་ནས ལོན་མཛོད༔ ཀ་ལིའི་སྒྲ་ཡིས་ས་གསུམ་གཡོ་ཚེ༔ རང་གཏེར་གསང་བ་སྐོར་གསུམ་ཟབ་གཏེར༔ ཉེ་མིན་རིང་ནས་པདྨའི་མིང་གིས༔ བརྡ་དོན་གསལ་ལ་ཅི་ཆ་ཅི་ཡོད༔ ཆོས་བདག་བུ་ལྔ་ལས་ཀྱིས་བསྐུལ་ནས༔ བྱི་བའི་འཛུམ་གྱི་དུས་དང་འཕྲད་ངེས༔ དེ་ལ་ཟབ་པའི་གདམས་ཁྲིད་ཡོངས་རྫོགས༔ སྦས་གསང་མེད་པར་བུ་ལ་སྤྲོད་དང་༔ གཏེར་གཉིས་བསྟན་པ་དེའི་ཕྱོགས་དར་ངེས༔ དེ་སོགས་རིག་པས་རྟོག་དཔྱོད་མཛོད་དང་༔ འཕྲལ་འཕྲལ་བྱ་བ་ངང་གིས་གསལ་ངེས༔ ཞེས་ཟེར་སྣང་འཆར༔ བདེ་བའི་རྡོ་རྗེས་སོ༔ ༈ བང་བང་༔ ང་འོང་བ་པདྨ་ལྗོངས་ནས་འོང་༔ གཤོག་དྲུག་ལ་ངལ་བ་ཅང་མ་མཆིས༔ ལྷོ་སྤོ་རོང་གི་གསང་གཏེར་ཁྱོད་ལ་དབང་༔ མ་ཌཱ་ཀྐིའི་ངག་གསལ་ཁྱོད་ལ་དབང་༔ ཡ་ཡ༔ ཤར་ཁུ་བྱུག་སྔོན་མོ་ལྷོ་རུ་བརྒྱུད༔ དཔལ་རྟ་མགྲིན་སྤྲུལ་པའི་སེམས་དཔའ་དེ༔ ངློ་ཐ་མིང་འཛིན་པ༔ དཔྲལ་བ་ལ་ཧྲཱིཿཡིག་དམར་པོ་བཀྲ༔ ཆོས་འཛིན་གྱི་སྐྱེས་བུ་ཨ་ཙར་དང་༔ འབྲོག་བན་དང་ནམ་སྙིང་བེེ་རོ་དང་༔ རྨ་ཐོག་དང་གཡུ་སྒྲ་ལང་གྲོ་སོགས༔ ལས་ཅན་གྱི་ཆོས་བདག་བུ་དགུར་འཕྲད༔ བསྟན་འགྲོ་བའི་བདེ་སྐྱིད་རིམ་གྱིས་སྨན༔ སྨད་དུ་བ་སྔོན་པོ ནུབ་ལ་འཕྱོ༔ ནུབ་ཁུ་འཕང་རྩེ་དྲུག་ཕྱོགས་ནས་འགྱེད༔ མི་བདུད་སྤྲུལ་ཞིག་གིས་མ་བསླུས་ན༔ མགོན་འཕགས་པའི་སྤྲུལ་པས་བོད་ཁམས་སྐྱོང་༔ སྤོ་རོང་གི་གཏེར་སྒོ་དེ་དུས་འབྱེད༔ ཨ་ཙར་ལ་མཁའ་འགྲོའི་ཐུགས་བཅུད་གཏོད༔ འབྲོག་བན་གྱི་སྐྱེ་བརྒྱུད་ཨཀྵ་རར༔ རྫོགས་རིམ་དང་མ་རྒྱུད་སྙིང་པོ་གཏོད༔ གཡུ་སྒྲ་དང་བེེ་རོ་ཟུང་སྤྲུལ་ལ༔ ཚེ་སྒྲུབ་དང་མན་ངག་གསང་ཁྲིད་གཏོད༔ རྨ་ཐོག་གི་སྤྲུལ་པ་ལོཀའི་མིང་༔ དཔལ་དེ་ལ་རྟ་མགྲིན་ལྷ་དགུ་གཏོད༔ གཡུ་སྒྲ་ཡི་སྤྲུལ་པ་བཛྲ་མིང་༔ དཔལ་དེ་ལ་མཁའ་འགྲོའི་སྒྲུབ་པ་གཏོད༔ དཔལ་དབྱངས་ཀྱི་སྤྲུལ་པ་ཀཱིརྟིའི་མིང་༔ དཔལ་དེ་ལ་སེམས་དཔའི་ཐུགས་སྒྲུབ་གཏོད༔ ཨ་ཙ་ར་དང་ལང་གྲོ་ཟུང་སྤྲུལ་ལ༔ སུརྻའི་མིང་མཐའ་འཛུམ་དྲུག་འཛིན༔ དཔལ་དེ་ལ་ཟབ་ཆོས་ཡོངས་རྫོགས་གཏོད༔ མཚོ་རྒྱལ་གྱི་བྱིན་ཐོབ་པདྨའི་མིང་༔ དཔལ་དེ་ལ་བཀའ་སྲུང་ཆོས་སྐོར་གཏོད༔ ད་དེ་སོགས་ཆོས་བདག་སྐྱེས་བུ་རྣམས༔ སྦྲང་མ་ཡིས་རྩིས་བཅུད་རོལ་ ༄༅། །བ་བཞིན༔ རང་སྐལ་གྱི་ཆོས་དང་འཕྲད་པར་ངེས༔ རིམ་གཉིས་ཀྱི་ཉམས་ལེན་གནད་ཟབ་ན༔ དོན་གཉིས་ཀྱི་མཛད་པ་ཚེ་འདིར་འགྲུབ༔ དོན་གོའམ་བདེ་བའི་འབྱུང་གནས་མ༔ ང་འགྲོ་དང་འོང་མེད་རང་སྣང་བ༔ མ་མཁའ་འགྲོའི་བརྡ་དོན་ཁྱོད་ལ་གདམས༔ དེ་གསང་ཞིང་གསང་བ་ཨ་ཐཾ་རྒྱ༔ ཞེས་ཟེར་སྣང་ཤར༔ མེ་གླང་ཟླ་ཚེས་ལ་བདེ་བའི་རྡོ་རྗེས་བྲིས་པའོ༔ ༈ འབྱུང་འགྱུར་ལུང་བྱང་ཟུར་གསལ་མཁའ་འགྲོ་ཀུན་གསལ་མས་གདམས་པ༔ ལྷོ་ཕྱོགས་མངྒའི་མིང་འཛིན་གནས་ཀྱི་སར༔ ཆུ་བོ་རྦ་ཀློང་འཁྲུགས་པའི་ཉེ་ཆ་རུ༔ ཁྱོད་ཀྱི་གདུལ་བྱའི་ལྷག་མ་དེ་རུ་བབས༔ ཁྱེའུ་ཆུང་བེེ་རོའི་བྱིན་ཐོབ་ཅང་ཤེས་འཛིན༔ པདྨ་དྷྭ་ཛ་ཕྲིན་ལས་དཔལ་གྱིས་ཕྱུག༔ སླུ་བྱེད་མི་མོས་བརྫུ་བག་རྨ་བྱར་འགྲན༔ ཀཱི་ལ་ཡ་ཡི་སྲོག་བཅུད་ཉམས་བླངས་ན༔ སྨོན་ལོག་སབྟའི་རྐྱེན་ངན་དབྱིངས་སུ་ཞི༔ ས་འཛིན་དམར་པོས་དུག་སྦྲུལ་ཁ་རླངས་འཕྱོ༔ སྨད་ཀྱི་དུ་བ་སྔོན་པོས་ཡུལ་གསུམ འཇིག༔ ནུབ་ཀྱི་ཁུ་འཕང་རང་གི་ཕྱོགས་སུ་འཐོར༔ བདུད་སྤྲུལ་༈ དང་༔ སྨོན་ལམ་ལོག་པའི་སྐྱེས་བུ་གསུམ་གྱི་མཐུས༔ འཛམ་གླིང་ཉི་ཟླ་ཆུ་འཛིན་