Tibetan
ནག་པོས་བསྒྲིབས༔ རྐྱེན་དེས་ཀ་ན་ཀ་ཡི་འབྱུང་པོ་དར༔ བོད་ཁམས་བདེ་སྐྱིད་ཆུ་ཡི་གཉེར་དང་མཚུངས༔ བསོད་ནམས་ལོངས་སྤྱོད་དབང་ཐང་རིམ་གྱིས་ཉམས༔ ཆ་ལུགས་མ་ངེས་ཀྱ་སོག་ཧོར་ཕུའི་ཆས༔ སྤྱོད་པ་མི་དགེ་སྣ་ཚོགས་ཐབས་ཀྱིས་བསགས༔ རང་གཞན་གཉིས་ཕུང་ངན་འགྲོའི་ས་བོན་འདེབས༔ དཀོན་མཆོག་ལྷ་ཁང་གསུང་རབས་རྟེན་བཞེངས་སོགས༔ རྩིས་མེད་ལམ་ཁའི་རྡོ་བཞིན་རྒྱང་དུ་བོར༔ དུས་ངན་ཕུང་རྫས་གཅེས་པའི་སྲོག་དང་བསྡོ༔ བདེ་འདོད་སྡུག་བསྔལ་ལས་ལ་རྟག་ཏུ་སྤྱོད༔ ཤི་ཚད་ཐམས་ཅད་རྒྱལ་བཙན་འདྲེ་རིགས་སྐྱེ༔ དམ་སྲི་བུད་མེད་སྙིང་ལ་ཞུགས་པ་ཡིས༔ བསྟན་པའི་གཞི་མ་དགེ་འདུན་འདུལ་ཁྲིམས་ཉམས༔ དལ་མེད་ལོག་འཚོའི་ཟས་ལ་རྟག་ཏུ་སྤྱོད༔ བསླབ་གསུམ་ཚུལ་ཁྲིམས་ན་བུན་བཞིན་དུ་ཡལ༔ མདོ་སྔགས་གཉིས་པོ་མེ་ཆུ་འཕྲད་བཞིན་དུ༔ ཡ་མ་ཟུང་གིས་བསྟན་པའི་ཆོམ་རྐུན་བྱེད༔ སྔགས་པས་མགོ་རེག་རབ་བྱུང་ཆས་ཙམ་འཛིན༔ བསྐྱེད་རྫོགས་གདེང་བྲལ་གྲོང་གསེབ་ཁྱི་བཞིན ཧུལ༔ དགེ་སྦྱོང་སྐྱ་ཆས་དམག་ཇག་ལས་ལ་བརྩོན༔ བསྟན་པའི་ལག་དམར་དམ་སྲི་གྲོགས་སུ་འགྲོགས༔ མཐའ་མི་ཀྱ་སོག་འབོད་པ་རང་གིས་བྱེད༔ མི་འདོད་ལ་ཡོག་སྣ་ཚོགས ༄༅། །རང་ལ་སྡང་༔ དུས་ངན་ཟེར་ཞིང་སྤྱོདངན་མི་དགེ་བསྒྲུབ༔ དེ་མཐུས་བོད་ཁམས་སྐྱེ་འགྲོ་ཐམས་ཅད་ཀུན༔ མི་བདེའི་སྡུག་བསྔལ་ན་ར་ཀ་དང་མཚུངས༔ ལོངས་སྤྱོད་བསོད་ནམས་སྲོག་གི་གཤེད་དུ་བབས༔ ཡུལ་མི་ཉེ་འབྲེལ་རྩོད་དང་འཁྲུགས་པའི་གཞི༔ ཆགས་སྡང་གོ་ལྡོག་ཕ་མར་བློ་མི་འཁེལ༔ བྱ་བ་ཐམས་ཅད་མཐའ་མེད་ངན་སོང་རྒྱུ༔ དེ་འདྲའི་དུས་ངན་སྙིགས་མ་སྙིགས་མའི་དུས༔ སྤྱན་གཟིགས་ཕྱག་རྡོར་པད་འབྱུང་སྒྲོལ་མ་དང་༔ ཡི་དམ་ཕུར་གཤིན་གྲོ་ལོད་ཀུན་འདུས་མཁའ་འགྲོ་ཕག་ཁྲོས་སེང་གསུམ་ཀུན་འདུས་དང་ཿ བཀའ་སྲུང་ལྷ་ཆེན་དམར་ནག་གནོད་སྦྱིན་སྲོག་བདུད་ནག ཀུན་འདུས་སེང་ཆེན་དཔའ་བོ་སོགས༔ དེ་དག་རང་རང་སྒྲུབ་ཕྲིན་དྲག་པོའི་ལས༔ མནན་སྲེག་ཟློག་སྒྱུར་ལས་མཐའ་མན ངག་རྣམས༔ ལག་ལེན་གནད་རྣམས་མ་ནོར་ཚུལ་བཞིན་དུ༔ ཡུལ་སྡེ་གཅིག་མིན་ཀུན་གྱིས་བསྒྲུབ་ནུས་ན༔ ཡུལ་གྲུ་རང་རང་སྒོས་ཀྱི་རྐྱེན་ངན་དང་༔ ཁྱད་པར་དུས་ཀྱི་འཁྲུགས་པ་ཀུན་ཞི་ནས༔ བོད་འབངས་བདེ་བའི་གོ་སྐབས་ཅུང་ཞིག་ཤར༔ ཁྱདཔར་རིགས་གསུམ་མགོན་དང་པདྨ་འབྱུང་༔ འཇིགས་སྒྲོལ་འཕགས་མ་ཏཱ་རེ་ཉེར་གཅིག་གི༔ སྐུ་བརྙན་བཞེངས དང་སྙིང་པོ་རྡོ་ལ་བརྐོ༔ ས་དཔལ་ཕུན་སུམ་ཚོགས་པའི་གནས་ཉིད་དུ༔ རིན་ཆེན་གཏེར་གྱི་བུམ་པའི་སྙིང་པོ་བཅས༔ ཡུལ་གྲུའི་རང་ཕྱོགས་ནུབ་དང་བྱང་ངོས་སུ༔ ས་ཡི་བཅུད་གསོ་མན་ངག་ཨ་ཐཾ་རྒྱ༔ སིདྡྷི་ཡིག་དྲུག་ཏཱ་རེ་སྙིང་པོ་དང་༔ དུས་ངན་འཇིགས་སྐྱོབས་གསོལ་འདེབས་ལ་སོགས་དང་༔ སྐྱབས་འགྲོ་སྒྲོལ་མ་ལེའུ་བདུན་མ་སོགས༔ རས་སམ་ཤིང་ཤུན རྣམས་སུ་ལེགས་བྲིས་ཏེ༔ རི་བོའི་རྩེ་དང་གྲོང་ངམ་གྲོང་ཁྱེར་དང་༔ གནས་དགོན་དབེན་ཁྲོད་ལ་སོགས་ཐམས་ཅད་དུ༔ རླུང་དར་བཙུགས་ན་འཇིགས་དང་སྡུག་བསྔལ་ཀུན༔ མ་ལུས་ཞི་བར་འགྱུར་རོ་བོད་འབངས་རྣམས༔ ལུས་དལ་མ་བྱེད་ཕྱག་བསྐོར་སྒྲིབ་སྦྱོང་རེམ༔ ངག་གིས་འཁྱལ་ཚིག་སྤོངས་ལ་སྐྱབས་འགྲོ་དང་༔ རིགས་གསུམ་སྙིང་པོ་དང་ནི་སིདྡྷི་སྒྲོངས༔ བློ་སེམས་མི་དགེ་སྣ་ཚོགས་མདུན་མ་བསུ༔ སྙིགས་དུས་འགྲོ་བ་ཡོངས་ཀྱི་མགོན་གཅིག་པུ༔ སངས་རྒྱས་གཉིས་པ་པདྨ་འབྱུང་གནས་ལ༔ སྒོ་གསུམ་མི་ཕྱེད་དད་པ་དྲག་པོ་ཡིས༔ གསོལ་བ་ཐོབ་ལ་སྒོམ་སྒྲུབ་ཉམས་ལེན་འབུངས༔ མི་དགེ་ཚུལ་བཞིན་སྤངས་པའི་བདེན་འབྲས་ཀྱིས༔ སྦས་གནས་ལྷུན་གྲུབ་ལྗོངས་སུ་གནས་ཐོབ་ནས༔ ཚེ་འདིར་མི་གནས་གཏན་སྲིད་ ༄༅། །ལེགས་ཐོབ་ངེས༔ པདྨའི་བརྒྱུད་འཛིན་གཏེར་བདག་རྣལ་འབྱོར་ཚོགས༔ ཆོས་བརྒྱད་བློས་བོར་དབེན་པར་སྒྲུབ་ཚུགས་ཟུངས༔ ཌཱ་ཀྐིའི་བཀའ་བཞིན་བསྟན འགྲོ་རིས་མེད་སྐྱོངས༔ གངས་གསུམ་ལྗོངས་གསུམ་གནས་གསུམ་གསང་ཕུག་ཏུ། བྲག་གི་སྤྲེའུའི་ལོ་རུ་དུས་བབས་གནད༔ སྨོན་ལོག་九རྐྱེན་གྱིས་མ་བསྒྱུར་ན༔ ཚེ་ཡི གེགས་རྐྱེན་སེལ་ཞིང་བདུན་ཅུར་འཚོ༔ ཁྭ་ཏ་རོག་པོ་དམར་སེར་ཚོས་ཀྱིས་བསྒྱུར༔ རྐྱེན་དེས་ཡུལ་གཉིས་མི་བདེའི་འཁྲུགས་པ་བགྱིད༔ ཅང་ཤེས་འཛིན་པའི་སྐྱེ་བུས་མ་དཔྱོད་ན༔ ནོར་བུའི་འོད་མདངས་ཉམས་པའི་གྲིབ་ཀྱིས་གོས༔ མཆེ་ལྡན་འཛིན་མ་སྒྱུ་མའི་བུ་མོ་དེས༔ དབང་གཞུའི་འཕྲུལ་གྱིས་བདུད་རྩི་དུག་ཏུ་འགྱུར༔ ལྷོ་རྒྱུད་ནགས་ཁྲོད་གནས་པའི་གདོང་ལྔ་པས༔ བརྟུལ་ཞུགས་མ་ངེས་དམར་སེར་མདངས་འཛིན་པའི༔ སེང་དཀར་ཁྱུ་གཅིག་སྨོན་ལམ་དབང་གིས་འཛོམ༔ ཟབ་པའི་མན་ངག་ལས་ལྡན་དཔལ་དུ་ཤར༔ དུས་ཚིགས་དུས་ཀྱི་རྟེན་འབྲེལ་མ་ལོག་ཅིང་༔ ཚུལ་བཞིན་གནད་དང་ལྡན་པར་འཛོམས་གྱུར་ན༔ གཡུ་འབྲུག་གཙུག་གི་ནོར་བུ་ལོན་པར་ངེས༔ ཉག་ལ་སྔར་མེད་གསེར་གྱི་མེ་ཏོག་འཁྲུངས༔ འབྲས་བུའི་ བསྟན་པ་གྱད་ཀྱི་གཙུག་ནོར་བཞིན༔ མི་མངོན་གབ་པའི་གནས་སུ་གྱུར་པ་ཡི༔ རྐྱེན་དེས་སྲིན་མོ་སྤུན་གསུམ་ཁ་དར་ནས༔ ཡུལ་གྲུ་གསུམ་ལ་ཁྲག་གི་མཚོ་མོ་འཁྱིལ༔ པད་འབྱུང་སྤྲུལ་པའི་མཐུ་ཡིས་མ་འདུལ་ན༔ ཐ་མ་བོད་ཁམས་ཕུང་བའི་ཆོམ་རྐུན་བྱེད༔ ནམ་མཁའི་ཁྲི་གདུགས་མུན་པའི་སྨག་དང་འཕྲད༔ སེ་ཕུང་སྤྲུལ་པས་རྒྱལ་བསྟན་ཐབས་ཀྱིས་བཤིག༔ ས་ཡི་བཅུད་ཉམས་ལོ་ཐོག་འབྲས་མི་འབྱུང་༔ དམག་འཁྲུག་མུ་གེ་ནད་ཡམས་ལ་སོགས་དང་༔ སྡེ་འཁྲུགས་ནང་དམེའི་འཐབ་རྩོད་རྒྱུན་མི་ཆད༔ པདྨའི་མཚོ་ལ་གསེར་གྱི་ངང་ཁྱུ་འཁོར༔ གསེར་མིག་འཛིན་པ་མི་གཙང་འདམ་དུ་བྱིངས༔ མདོ་གསུམ་ཐང་དུ་ཉ་མོ་བྱེ་ཚན་ཐོན༔ འོད་དཀར་ཟླ་བའི་བདུད་རྩིའི་བསིལ་ཆབ་ཀྱིས༔ མི་བསྲུན་སྲིན་མོ་ཕྲིན་ལས་དབལ་གྱིས་གཞོམ༔ ཁྱེའུ་ཆུང་འབྲོག་མི་བེེ་རོ་གཡུ་སྒྲ་དང་༔ ལང་གྲོ་ལ་སོགས་རྗེ་འབངས་སྤྲུལ་པ་ཡིས༔ ཐབས་རྣམས་དུ་མས་བོད་ཁམས་རེ་ཞིག་སྐྱོབ༔ སྙིགས་དུས་སེམས་ཅན་གཏེར་དང་མ་འཕྲད་ན༔ རང་བཟོའི་ཆོས་ཀྱིས་གྲོལ་བ་ཐོབ་མི་སྲིད༔ དེ་ཕྱིར་པདྨའི་བརྒྱུད་འཛིན་རྗེས་འཇུག་རྣམས༔ འཆི་བ་དྲན་ན་གཏེར་ཆོས་ཉམས་སུ་ལོངས༔ འཁོར་བར་མི་གནས་དབེན་རིར་སྒྲུབ་ཚུགས ༄༅། །ཟུངས༔ དཀོར་ནག་ལོག་འཚོའི་ཟས་སྤོངས་སློང་མོར་བརྟེན༔ ཆོས་བརྒྱད་འཁྲུལ་པའི་ལས་ལ་མགོ་མ་འཁོར༔ བློ་སྣ་རྩེ་གཅིག་གུ་རུ་པད་འབྱུང་དང་༔ མཆོག་གསུམ་བླ་མ་ཡི་དམ་མཁའ་འགྲོར་གཏོད༔ ཚེ་གཅིག་སངས་རྒྱས་ཐོབ་བོ་སྐལ་ལྡན་རྣམས༔ ལེགས་ཉེས་གསལ་བའི་བརྡ་འདི་ཁྱོད་ལ་གདམས༔ ཡལ་བར་མ་དོར་ཙིཏྟའི་ཀློང་དུ་སྦོས༔ འཕྲུལ་གྱི་རྫུ་བག་འཕྲུལ་བཞིན་ངོམས་པའི་ཚེ༔ ཁྱོད་ཀྱང་ཡུལ་འདིར་སྡོད་པའི་གནས་དབེན་ཀྱང་༔ ས་མ་ར་ཐིའི་རྟེན་འབྲེལ་གྱིས་བསྐུལ་ནས༔ ཕྱོགས་མིན་ཕྱོགས་སུ་བགྲོད་ལ་ཅི་ཆ་ཡོད༔ སྐལ་ལྡན་ཆོས་བརྒྱུད་འཛིན་པ་དེ་རུ་འདུས༔ སྲིན་བྱ་ནག་པོས་ངར་སྐད་མ་སྒྲོགས་ན༔ ཡུལ་དེར་རེ་ཞིག་གནས་ན་འགྲོ་དོན་འབྱུང་༔ གསང་གྲོགས་བྱ། འཕྲད་གྱུར་ན༔ ཚེ་ཡི་བར་ཆད་རེ་ཞིག་སེལ་བར་ངེས༔ ས་མ་ཡ༔ རྒྱ་རྒྱ་རྒྱ༔ ཞེས་ཤིང་མོ་ཕག་གི་ལོའི་ཟླ་ཚེས་ལ་མཁའ་འགྲོ་ཀུན་གསལ་དབང་མོ་ཡིན་སྐད་པས་དེ་ལྟར་ཟེར་སྣང་འཆར་ཡང་སྣང་ཆ་ལ་བདེན་རྫུན་ཆ་ཆོད་དཀའ་བས་བཏང་སྙོམས་སུ་བཞག་ཡོད་སྐབས་མི་མཁོ་དགུ་མཁོའི་རྣལ་འབྱོར་པ་རང་གི་ཉེ་གནས་ཤཱཀྱའི་དགེ་བཙུན་ཚུལ་ཁྲིམས་རྡོ་རྗེས་ཡང་ཡང་ནན་ཆེར་བསྐུལ་ ངོར་བདེ་བའི་རྡོ་རྗེས་འཁྲུལ་སྣང་ཡིག་རིས་སུ་བྲིས་པའོ༔ དགེའོ།། །། ༈ དུས་འཛིན་ཤིང་གླང་ལོའི་ཟླ་བ་གསུམ་པའི་གནམ་གང་ཉིན་ཕྱེད་ཡོལ་དུས་སུ་ཡོད སྐབས༔ དབྱིངས་ཐིག་ལེ་འོད་དཀར་གསལ་བའི་ཀློང་༔ སྐྱབས་འཁོར་ལོའི་མགོན་པོ་ལས་འབྲེལ་རྩལ༔ དཔལ་ཧེ་རུ་ཀ་པའི་ཆས་ལྡན་པ༔ མ་མཁའ་འགྲོ་གཉིས་བཅས་དབྱིངས་སྣང་ཤར༔ ཞལ་འཛུམ་པའི་ཚུལ་གྱིས་འདི་སྐད་གསུངས༔ ཚུར་གསོན་དང་བརྩེ་ལྡན་སྙིང་གི་གྲོགས༔ ལམ་ཟབ་མོ་ལྷུན་གྲུབ་འོད་གསལ་ལ༔ གོལ་ཤོར་དང་ནོར་སའི་འཕྲང་མེད་ཀྱང་༔ རྩ་རླུང་ཐིག་རྒྱས་བཏབ་གནད་གསང་ལ༔ ཐབས་མཁས་པས་ཉམས་ལེན་འདི་ལྟར་མཛོད༔ མི་གཞན་ལ་བློ་གྲོས་གསལ་མི་དགོས༔ ངེད་ཐབས་ཤེས་སྔོན་གྱི་དམ་བཅས་བཞིན༔ དུས་དུས་སུ་ཉམས་ལེན་གབ་འཁྲུགས་རྣམས༔ ངས་ཁྱོད་ལ་སྨྲའོ་ཡིད་ལ་བཟུངས༔ རང་རིག་མི་འགྱུར་དབུས་མཐའ་བྲལ༔ སྟོང་དབྱིངས་ཆོས་སྐུ་བྱང་ཆུབ་སེམས༔ འགྱུ་བ་དངོས་མེད་ཡེ་ཤེས་གསལ༔ བདེ་སྟོང་སྤྲོས་བྲལ་བློ་ལས་འདས༔ ཟུང་འཇུག་རྟོགས་པ་མཁའ་ལྟར་ཁྱབ༔ ཉོན་མོངས་སྐྱོན་བྲལ་ངང་དེར་གྲོལ༔ གང་ཤར་ཆོས་ཉིད་འཁོར་ལོ་ ༄༅། །སྟེ༔ བསལ་བཞག་མི་དགོས་གདོད་ནས་དག༔ འདིར་སྣང་སྒྱུ་མའི་དཔེ་བཅུ་བཞིན༔ ཆགས་ཞེན་འཁྲུལ་འཛིན་གཞི་ལ་སངས༔ ཆོས་ཉིད་དོན་ལ་སོམ་ཉི བྲལ༔ འཁྲུལ་སྣང་འཁྲུལ་བྱེད་ཡུལ་ལས་འདས༔ གོལ་ཤོར་ནོར་བའི་འཛིན་ཞེན་བོར༔ ཐམས་ཅད་རོ་སྙོམས་ཆོས་སྐུར་རྟོགས༔ སྐུ་གསུམ་མཉམ་ཉིད་ངང་དུ་ཀློད༔ དེ་ནི་ཁྲེགས ཆོད་གསལ་འདེབས་ཡིན༔ ལུས་གནད་གང་བདེར་ཤིག་གེར་ཞོག༔ རྩ་གནད་ལུས་ལ་གདབ་པར་མཛོད༔ སྒྱུ་ལུས་འོད་སྐུར་གྲོལ་བའི་གནད༔ ངག་རླུང་མ་བཅོས་རང་སར་འཕེན༔ རླུང་གནད་ངག་ལ་གདབ་པར་མཛོད༔ ལས་རླུང་ཡེ་ཤེས་རླུང་དུ་འཕོས༔ སེམས་ཉིད་མ་བཅོས་ངང་དུ་སྐྱོངས༔ རིག་གནས་སེམས་ལ་གདབ་པར་མཛོད༔ སེམས་ཉིད་འོད་གསལ སྨིན་པར་བྱེད༔ འཆར་བ་ཡུལ་གྱི་གནད་གཟེར་ན༔ དབྱིངས་ཀྱི་ཡེ་ཤེས་ལམ་དུ་མངོན༔ གཟིགས་པ་སྒོ་ཡི་གནད་བརྩོན་ན༔ དབྱིངས་སྣང་ཐིག་ལེའི་སྐབས་འབྱེད་བྱེད༔ གཟིར་བ རིག་པའི་གནད་ལྡན་ན༔ གང་སྣང་ཡེ་ཤེས་གྲོགས་སུ་འཆར༔ ངག་རླུང་རང་སོར་འཕེན་པ་ཡིས༔ དག་དང་མ་དག་རླུང་སྐབས་འབྱེད༔ སེམས་དང་སེམས་བྱུང་ཤུགས་སུ་འཕེན༔ སྣང་སེམས་རིག་པར་གྲོལ་བའི་གནད༔ ཆོས་ཉིད་འོད་གསལ་དབྱིངས་སུ་འཕེན༔ རིག་པ་དབྱིངས་ཐིག་མི་འབྲལ་གནད༔ ལས་རླུང་དབུ་དམར་བཅིང་བ་ཡིས༔ རླུང་བཅུ་ལས་སུ་རུང་བའི་གནད༔ སེམས་རྟོག་རིག་པར་བཅིང་བ་ཡིས༔ སྣང་སེམས་ཆོས་སྐུར་གྲོལ་བའི་གནད༔ དབྱིངས་དང་ཡེ་ཤེས་ཐིག་ལེ་གསུམ༔ ཅི་བཞིན་མ་ནོར་གནད་ལ་རེམ༔ གང་སྣང་གཉིས་འཛིན་བློ་བོར་ལ༔ ཆོས་ཉིད་མི་འགྱུར་དགོངས་པ་སྐྱོངས༔ ལྷུན་འགྲུབ་འོད་གསལ་ངང་གིས་འཆར༔ དེ་སོགས་ཆེ་ལོང་ཙམ་ཡིན་པས༔ སྐབས་སྐབས་གསལ་འདེབས་ང་ཡིས་སྨྲ༔ ཡང་བདག་གིས་སྨྲེ་སྔགས་ཀྱིས་མཆི་མ་འཁྲུགས་ནས་འདི་སྐད་ཞུས༔ དབྱིངས་དང་ཡེ་ཤེས་དབྱེར་མེད་རིག་པའི་སྐུ༔ རང་རིག་དོན་གྱི་བླ་མ་ཧེ་རུ་ཀ༔ སྙིགས་དུས་འགྲོ་བའི་མགོན་པོ་ལས་འབྲེལ་རྩལ༔ ཐུགས་རྗེ་ཞི་བའི་དབྱིངས་སུ་མི་གཟིམས་པར༔ མགོན་མེད་ཉམ་ཐག་བདག་ལ་ཐུགས་རྗེ་གཟིགས༔ སྔོན་སྨོན་ལས་འབྲེལ་བཟང་པོས་གཏེར་ལ་དབང་༔ ཡིད་བཞིན་ནོར་བུ་ལྟ་བུའི་ཁྱོད་དང་འཕྲད༔ མྱུར་ལམ་གསང་སྔགས་སྤྱོད་པའི་སྐལ་བར་ལྡན༔ འབོགས་བྱིན་བརྟན་ཐོབ་རླུང་སེམས་དབུ་མར་དྲངས༔ ནང་དབྱིངས་འོད ༄༅། གསལ་སྣང་བཞི་མཐའ་རུ་ཕྱིན༔ ཟུང་འཇུག་རིག་སྐུ་མངོན་གྱུར་ལམ་མཆོག་བརྙེས༔ འོན་ཀྱང་བསོད་ནམས་དམན་དང་བདུད་དབང་གིས༔ རྗེ་ཁྱོད་ཡུལ་དུ་མི་བཞུགས་ཞིང་དུ་ཡིབས༔ མགོན་མེད་བདག་ནི་གཅིག་པུར་ཤུལ་དུ་བོར༔ ཉིན་མཚན་བར་མེད་སེམས་རྩ་སྡུག་གིས་ནོན༔ གསལ་བྱེད་དབང་སྒོར་ཆུ་རྒྱུན་བར་མེད་འབེབས༔ དེ་འདྲའི་སྡུག་བསྔལ་བསམ་ཚེ་སྐྱོ་བ་སྐྱེ༔ མན་ངག་གདམས་ཁྲིད་གནད་གསང་ཞུ་ས་མེད༔ གོལ་ཤོར་ནོར་གསུམ་གེགས་སེལ་སུ་ཡིས་བྱེད༔ ཁོ་མོའི་ལས་མཐའ་དེ་ལྟར་དགོས་པ་ཡིན༔ སྔོན་ལས་ངན་པའི་རྐྱེན་དབང་ཅི་ལས་བྱུང་༔ ཡེ་ཤེས་སྤྱན་ལྡན་ཁྱོད་ཀྱིས་བསྟན་དུ་གསོལ༔ ད་ནི་མྱུར་དུ་འབྲལ་མེད་ཐུགས་རྗེས་ཟུངས༔ ཞེས་དང་༔ ཡང་བདག་གིས་ཉིད་སྐུ དབྱིངས་སུ་བསྡུས་ནས་ཉིན་ཞག་བཅོ་ལྔ་ཙམ་སོང་སྐབས་ཡང་སྤྲུལ་གྱི་དགོངས་པ་གཏད་པ་ཨེ་ཡིན་བསམ་པའི་རྟགས་མཚན་རེ་བྱུང་བས་གསལ་པོ་ཞིག་གསུང་དུ་གསོལ་ཞུས་པས༔ ཡང་དཔའ་བོའི་ཞལ་ནས་བདག་ནམ་ཡང་ཁྱོད་དང་འདུ་འབྲལ་མེད་པས༔ ང་སྤྲུལ་བྱིས་པ་ཆུང་ངུས་ཁྱེད་ལ་དགོས་པ་ཨེ་ཡོད་མི་ཤེས་གསུངས༔ ཡང་བདག་གིས་ཉིད་ཀྱིས་ཞལ་བཞེས་ལྟར་ བསོད་སྤྲུལ་རིན་པོ་ཆེའི་ཐུགས་རྟེན་དུ་ཉིད་འབྱོན་པར་ཞལ་གྱིས་བཞེས་པ་དེའི་དོན་དང་ལྡན་པར་བཀའ་དྲིན་མི་ཆུང་བར་ཞུ་ཞུས་པས༔ ཡང་ཌཱ་ཀྐིའི་ཞལ་ནས་འདི་སྐད་ཟེར༔ ཧེ་ཧེ༔ ལྷོ་གསེར་གྱི་བ་དན་འོད་པོ་ཆེ༔ བྱང་མུན་པའི་ཁྲོད་དུ་སྐུ་བསྐྱོད་ན༔ ལུང་ཆེན་གཉིས་འདུས་པའི་གཡོན་ཟུར་ན༔ རི་ཁྲོ་བོ་འགྱིང་འདྲའི་གཡས་ཟུར་ན༔ ཁོང་སངས་རྒྱས་གླིང་པའི་རྣམ་རོལ་གར༔ གཏེར་འཛིན་པ་ཤསྟྲའི་མིང་གིས་བརྒྱན༔ ཆོས་ཟབ་པའི་རང་སྐལ་དུས་སུ་སྤྲོད༔ དེའི་གནད་དང་ལྡན་པར་མ་གྱུར་ན༔ འཛུམ་དྲུག་གིས་ཁུར་ལ་ཅི་ཆ་ཡོད༔ སྐུ་ཡེ་ཤེས་སྒྱུ་མའི་ཟློས་གར་ནི༔ སྔོན་ཚེ་རབས་ལས་འཕྲོའི་འབྲེལ་བ་ཅན༔ ཐོག་མ་ཡི་མིང་ཅན་མི་མོ་ལ༔ སྒྱུ་འཕྲུལ་གྱི་ཟླ་ཟེར་ནིརྨ་ཀ༔ གཡུ་འབྲུག་གི་ཟེར་དང་མ་འཕྲད་ན༔ ཐབས་མཁས་ན་བསྟན་པའི་ཉི་གཞོན་ཤར༔ བློ་རིག་པ་དཔྱོད་ཤེས་མཁས་གྱུར་ན༔ དུས་ནམ་ཞིག་མི་འགྱང་རང་ནོར་རྙེད༔ ད་དེ་དང་དེ་སོགས་རིག་པས་དཔྱོད༔ ཡུལ་ལྡན་པའི་སྐྱེས་བུ་མ་གཏོགས་པའི༔ ཁྱོད་གང་ཤར་ཡུལ་དུ་མི་འདོམས་པར༔ སྦས་གསང་དང་ངག་སྒོ་བསྡམས་པ་གནད༔ ཅེས་ཟེར་ནས་ཐམས་ཅད་དབྱིངས་སྣང་ཐིག་ལེའི་རོལ་པར་མི་སྣང་བར་གྱུར་ཏོ༔ ཅེས་པ་ ༄༅། །འདིའང་འཁྲུལ་སྣང་གབ་སྦས་སུ་ཡོད་སྐབས་གཞན་ཚིག་གི་རྗེས་སུ་འབྲངས་ནས་ལུང་བསྟན་འཆལ་ཚིག་ཏུ་ཤོར་བའི་རྐྱེན་གྱིས་སྐལ་ལྡན་གྱི་སྐྱེས་བུ་དམ་པ་ཚུལ་ཁྲིམས རྡོ་རྗེ་དང་ཚོགས་རྒྱམ་གཉིས་ཀྱིས་ནན་ཆེར་བསྐུལ་ངོར་ཀུན་བཟང་བདེ་སྐྱོང་དབང་མོས་འཁྲུལ་སྣང་ཡིག་རིས་སུ་བྲིས་པ་དགེའོ།། །། ༈ ཧེ་ཧེ། ཉམ་ཆུང་གི་རྒན་མོའི་བསམ་ཚོད་ལ་སྦྱར་ན༔ གཏེར་མིན་གྱི་གཏེར་འདྲའི་ཡིག་རིས་ཀྱིས་ཅི་བྱེད༔ དུས་ངན་གྱི་རང་མཚང་མི་འགྱང་བར་ངོམས་དུས༔ ལས་ངན་གྱི་སེམས་ཅན་བདག་འདྲ་ཡིས་མི་ཐུལ༔ མདོ་སྔགས་ལ་མི་གནས་སློབ་ངན་རེ་ཡོད་ཀྱང་༔ རང་གཞན་ཀུན་ངན་སོང་ས་བོན་དེ་རེད་ན༔ མཚོ་སྐྱེས་ཀྱི་བླ་མ་པད་འབྱུང་གི་ཞལ་ནས༔ ཆོས་ལམ་དུ་ཞུགས་ཀྱང་ཆོས་དྲེད་དུ་སོང་བའི༔ སྐྱོན་ལྡན་གྱི་འཁོར་སློབ་སྤང་བ་དེ་གནད་ཡིན༔ རང་གཞན་ཀུན་དུག་ཆུའི་འདམ་རྫབ་ལ་ལྷུང་ངེས༔ ཞེས་གསུངས་ཀྱི་རྡོ་རྗེའི་ཚིག་ཞོར་ལ་བལྟས་ན༔ ཡུལ་དེ་དང་དེ་ཡི་ཕྱོགས་སུ་ནི་ཉེ་བས༔ སྔོན་ལས་དབང་དྲག་པོའི་སྟོབས་ཤུགས་ཞིག་མེད་ཚེ༔ རང་གཅིག་པུར་ངེས་མེད་གནས་ཡུལ་དུ་འགྲོ་སྙམ༔ གནས་ཀ་ལིང་ཀ་ཡི་འབྱུང་པོ་དེས་བསྐུལ་ནས༔ ལྷོ་གསེར་གྱི་བ དན་ཅི་འགྱུར་ནི་མི་ཤེས༔ གྲོགས་བི་མའི་སྤྲུལ་པའི་འཕྲུལ་ལྡན་ཞིག་མེད་ན༔ གྲངས་ལྔ་ཕྲག་དགུ་ཡོལ་དབང་གཞུ་བཞིན༔ དབྱིངས་ནམ་མཁར་ཐིམ་ལ་ཅི་ཆ་ཡོད༔ སེང་དཀར་མོའི གཡུ་རལ་འབྲུག་གིས་ལོན༔ དཔའ་བོ་ཡོས་ཁུར་ར། དེ་སོགས་འབྱུང་འགྱུར་བྱ་བ་ལ༔ ཡིད་འཁུམས་ནས་གང་ཤར་རྫུན་རིས་སུ༔ སྤྲང་སུ་ཁ་བཛྲ་མིང་གིས་བྲིས༔ ༈ གཉིད་འོད་གསལ་འདྲེས་པའི་སྣང་ཆ་ལ༔ ཡུལ་ཞིང་ཁམས་ཕུན་ཚོགས་རྣམ་དག་དབུས༔ འོད་ལྔ་ལྡན་གཟི་བརྗིད་འཁྲིགས་པའི་ཀློང་༔ ངའི་སྐྱབས་གཅིག་འདྲེན་སྟོན་ཆོས་ཀྱི་རྗེ༔ ཕ་པདྨ་ལས་འབྲེལ་ཡུད་ཙམ་མཇལ༔ ལེགས་ཉེས་ཀྱི་བརྡ་དོན་སྣ་ཚོགས་ཞུས༔ གྲངས་མང་བས་ཡིད་ངོར་མི་གསལ་ཀྱང་༔ བུ་ཤཱི་ལ་བཛྲ་འདོད་དོན་དུ༔ བརྡ་འཕྲུལ་གྱི་རོལ་མོ་འདི་སྐད་གསུངས༔ ཡ་ཡ༔ ཙནྡན་སྡོང་པོའི་རྩེ་ན༔ གསུང་སྙན་རྨ་བྱའི་བསྒྱུར་མཁན༔ མཁའ་ལྡིང་གཞོན་ནུའི་སྟོབས་ཀྱིས༔ རང་ནོར་ཅུང་ཞིག་ལོན་པར༔ དྲི་བསུང་ངད་པའི་རོ་ལ༔ སྐལ་ལྡན་བུང་བའི་ཚོགས་འདུ༔ གཏེར་གཉིས་བསྟན་པ་གསལ་བ༔ བྲག་གི་སྤྲེ་འུས་བསུ་ན༔ སྒྲ་བརྒྱའི་གཟི་མདངས་དེ་ཙམ༔ ཟུར་བབ སྔོན་སྨོན་ལས་འཕྲོ་ལྡན་པས༔ ༄༅། གཏེར་གཉིས་ལས་གཉེར་དབང་བ༔ ཕ་ཡི་བཀའ་ལྟར་སྒྲུབས་དང་༔ མི་རིང་དོན་གཉིས་འབྱུང་ངེས༔ ངུར་སྨྲིག་བསྟན་ལ་འཇུག་ནས༔ མ་བཅོས་ལྕང་ལོ་ལྡན་ན༔ གནས་སྐབས་འཕྲལ་རྐྱེན་དེས་སེལ༔ འདི་འོག་ཆུ་གསུམ་འདུས་པ༔ ཨ་ཡིས་བརྒྱན་པའི་ཡུལ་དུ༔ ཁྲིམས་ལྡན་དཔའ་བོའི་མིང་ཅན༔ དག་སྣང་ཆོས་སྐོར་འབྱེད་པའི༔ རྟེན་འབྲེལ་གནད་ཟབ་ལེགས་འོང་༔ དམ་སྲིའི་ཆོ་འཕྲུལ་ངོམས་པས༔ ལོ་འདིར་ཅུང་ཞིག་འཚེ་བས༔ སེལ་བྱེད་ཀུན་གུ་རུ་འདུས་འཇིགས་ཟློག༔ ཚེ་ལྷ་རྣམ་གསུམ་སེང་གདོང་རྣམས་སྐུ་འབུམ་ཐེར་རེ་གདབ་འབྱུང་བཞི་གང་ལ་བྱས་ཀྱང་༔ ས་དཔལ་གནད་ལ་བརྟེན་དགོས༔ མི་འགྱུར་རྡོ་རྗེའི་སྒྲུབ་པ༔ ཚེ་སྒྲུབ་འཆི་བསླུ་འཕྲུལ་གྱི་ཆོ་ག་ཟབ་དགོས༔ གནད་ལྡན་ཚུལ བཞིན་བསྒྲུབ་ན༔ འཕྲལ་རྐྱེན་དེ་ཡིས་སེལ་ངེས༔ གཡུ་འབྲུག་དུང་གི་རྭ་ལ༔ ཧ་ལོའི་ཀུ་མུཏ་བཞད་པས༔ བློ་ལྡན་རིག་པས་དཔྱོད་ལ༔ སྟབས་ཀ་གཟབ་པ་གལ་ཆེ༔ བྱང་གི་མི་སྡུག་བདག་པོས༔ ཙནྡན་དྲི་བསུང་བཅོམ་པས༔ ཁྲིམས་ཀྱི་བ་གམ་གཡོ་ཚེ༔ བློ་ངན་ཁྭ་ཏ་རོག་པོས༔ གཟི་མདངས་རྨ་བྱར་འགྲན་འོང་༔ དེ་དུསང་ཡི་ཟབ་སྒྲུབ༔ རྟ་ཕག་རྣམ་ བརྩོན་འགྲུས་ལྕག་གིས་བསྐུལ་ནས༔ ཟབ་གསུམ་གནད་དུ་བསྣན་ན༔ རྐྱེན་ངན་གཡུལ་ལས་རྒྱལ་ངེས༔ དེ་དང་དེ་སོགས་སྤྱོད་དང་༔ འཕྲལ་འཕྲལ་བརྡ་དོན་གསལ་འོང་༔ གཞན་ལ་གུ་ཧྱ་ཨ་ཐཾ༔ ཅེས་པ་འདི་ཡང་སྙིང་གི་བུ་གཅིག་ཤཱི་ལ་བཛྲ་གྱི་བཞེད་དོན་དུ་འཁྲུལ་འབྱམས་མདོ་མེད་སུ་ཁ་བཛྲ་གྱིས་སེར་དགོན་དབེན་ཁྲོད་ནས་བྲིས་པའོ༔ ༈ དུས་འཛིན་མེ་སྟག་ལོར༔ ཟླ་བ་གཉིས་པའི་ཚེས་བཅུ་གསུམ་ཉིན་ཕྱིའི་གླིང་བུའི་སྒྲ་ཚོར་བ་ལ་རྐྱེན་བྱས་ཏེ་བླ་མ་ཡིད་བཞིན་ནོར་བུ་ཤིན་ཏུ་དྲན་ནས་ངུ་ཞིང་བསྡད་ཡོད་པས༔ གཏོར་སྒྲོམ་གྱི་སྟེང་ནས་བྱ་ཟེ མོ་ལྟ་བུའི་གཙུག་སྒྲོ་ཤིན་ཏུ་རིང་བ་ཁ་དོག་སྣ་ཚོགས་སུ་བཀྲ་བ་ཞིག་བྱུང་ནས་འདི་སྐད་ཟེར༔ ཡ་ཡ་ཨ་ལྕམ་བཞིན་ལེགས་མ༔ ཁྱེད་གཅིག་པུར་སེམས་གཅོང་ཅིའི་ཕྱིར་དགོས༔ ང་བདེ་བདེ་མཁའ་འགྲོའི་གྲོང་ཁྱེར་ནས༔ མདངས་ལྔ་ལྡན་ཐིག་ལེར་བརྫུས་ཏེ་འོང་༔ ཁྱོད་ཡིད་གཅོང་མི་དགོས་ངས་གྲོགས་བྱེད༔ གནས་ལྔ་ཡི་མཁའ་འགྲོ་དགྱེས་སྐོང་ཕྱིར༔ བཅུད་འཛིན་གྱི་བུ་མོ་བཅུས་ཉེར་དྲངས༔ བཞིན་ལྡན་གྱི་སྟོབས་རྩལ་ཡུལ་ལྟར་བགྲོད་༔ སོ་གཉིས་ཀྱི་ཟླ་བའི་འོད་ཟེར་དང་༔ བཅུ་ཕྲག་བཞི་ནི་ཉི་མའི་སྙིང་པོ་གཉིས༔ དེ་བརྡ་དང་བརྡ་ལན་རྟེན ༄༅། །འབྲེལ་བསྒྲིགས༔ ཟུང་འཇུག་གི་ཕོ་ཉའི་རྩལ་རྫོགས་ཏེ༔ མདངས་གཅིག་གྲོགས་གཅིག་གིས་བྱེད་ལགས་སམ༔ དེའི་སྟོབས་ཀྱིས་འཁྲུལ་སྣང་གནས་སུ དག༔ རྣམ་སྨིན་གྱི་ལུས་དྭངས་སྐུ་རུ་སྨིན༔ སྐུ་གསུམ་གྱི་འབྲས་བུ་གཅིག་ཆར་རྫོགས༔ དོན་གོའམ་སྔགས་ཀྱི་རྣལ་འབྱོར་མ༔ ཞེས་ཟེར་བས༔ བདག་གིས་སྨྲས་