Tibetan
སངས་རྒྱས་པར་ངེས ། ཞེས་པ་འདི་ཡང་མདོ་སྨད་གསང་ལུང་ཡང་དགོན་གྱི་བླ་སེར་འདུས་སྡེ་སྐལ་བཟང་རྣམས་ལ་ཐུགས་དམ་གསལ་འདེབས་སུ་སྙོམས་ལས་པ་མདོ་མེད་འཆོལ་མོ་སུ་ཁ་བཛྲ་གྱིས་སེར་དགོན་དབེན་ཁྲོད་དགའ་བའི་ཚལ་ནས་ཟླ ༡ ཚེས་༢༥ དགེ་བར་པཉྩ་ནམ་མཁའི་མདངས་འཛིན་དང་དྲི་བྲལ་ལྷ་རེག་གི་སྐྱེས་བཅས་གུས་ཕུལ།། དགེའོ།། །། ལ་ཆོས་ཅུ་ཅུ་ཁས་འི་ཐོས་སྤྱིང་TI1397-230 ༄༅། །དབྱིངས་དང་ཡེ་ཤེས་གཉིས་སུ་མེད་པའི་ལྷ། །བདེ་ཆེན་ཡེ་ཤེས་མཆོག་གི་རང་གཟུགས་གར། །རྣམ་ཀུན་མཆོག་ལྡན་དོན་གྱི་ཕག་མོ་ལ །རྣམ་པ་ཀུན་ནས་དད་པས་ཕྱག་བགྱིའོ། །དེ་ལ་འདིར་ཡང་གསང་བླ་ན་མེད་པའི་དགོངས་དོན་མྱུར་ལམ་ཨ་ནུ་ཡོ་གའི་དམིགས་རིམ་བསྡུས་པ་ལྷན་སྐྱེས་ཡེ་ཤེས་མངོན་དུ་བྱེད་པའི་ཐབས་དང་། རླུང་བཅུ་ལས་སུ་རུང་སྟེ་སྒྱུ་ལུས་སྟོང་རར་སྦྱོང་བ་ལ། ཐོག་མར་ལུས་གནད་རྡོ་རྗེའི་ཆོས་བདུན་ནམ་མིན་ཀྱང་སྒྱུ་ལུས་ལྷ་སྐུའི་གསལ་སྣང་མངོན་པ་ལ་གང་བདེར་འདུག་ཅིང་། དེ་ནས་རང་ཉིད་སྐད་ཅིག་གིས་གསང་བ་ཡེ་ཤེས་ཀྱི་མཁའ་འགྲོ་མ་བདེ་ཆེན་རྒྱལ་མོའི་རྣམ་དག་༼པ༽ཇི་བཞིན་པར་གསལ་གདབ། དེའི་སྐུ་དབུས་སུ་རྩ་གསུམ་འཁོར་ལོ་ལྔ་དང་བཅས་པ་མཚན་ཉིད་དང་ལྡན་པར་བསྐྱེད་ཅིང་། དབུ་མའི་ཡར་སྣ་སྤྱི་བོ་བདེ་ཆེན་འཁོར་ལོའི་འོག་ཏུ་ཟླ་བ་ཉ་གང་བ་ཧཾ་ཡིག་གིས་མཚན་པ་དང་། མར་སྣ་ལྟེ་བར་ཉི་མ་ཉགང་བ་ཨ་ཤད་དམར་པོས་མཚན་པ་ཅན་དུ་གསལ་གདབ། དབུས་རྩ་གསུམ་ནི་དབུ་མ་མཐིང་ག་ཆོས་སྐུ དེའི་གཡས་སུ་རོ་མ་དཀར་མོ་ལོངས་སྐུ། གཡོན་དུ་རྐྱང་མ་དམར་མོ་སྤྲུལ་སྐུ་སྟེ་སྐུ་གསུམ་གྱི་མཚོན་བྱེད་དང་། སྤྱི་བོར་ཆོས་དབྱིངས་ཡེ་ཤེས་ཀྱི མདངས་རྩ་འདབ་སྔོ་སྐྱ་སོ་གཉིས། མགྲིན་པར་སོར་རྟོག་ཡེ་ཤེས་ཀྱི་མདངས་རྩ་འདབ་དམར་སྐྱ་བཅུ་དྲུག །སྙིང་གར་མེ་ལོང་ཡེ་ཤེས་ཀྱི་མདངས་རྩ་འདབ་དཀར་ལ་དྭངས་པ་བརྒྱད། ལྟེ་བར་མཉམ་ཉིད་ཡེ་ཤེས་ཀྱི་མདངས་རྩ་འདབ་སེར་གསལ་སོ་གཉིས། གསང་གནས་སུ་བྱ་གྲུབ་ཡེ་ཤེས་ཀྱི་མདངས་རྩ་འདབ་ལྗང་སྐྱ་དྲུག་ཅུ་རྩ་བཞི དེ་དག་གི་མཚོན་དོན་ནི་མཚན་བཟང་སོ་གཉིས། དགའ་བ་བཅུ་དྲུག །ཡེ་ཤེས་བརྒྱད། ཆོས་དབྱིངས། མེ་ལོང་། མཉམ་ཉིད། སོར་རྟོག །བྱ་གྲུབ། མཁྱེན་གཟིགས་གཉིས། རིག་པ་རང་བྱུང་གི་ཡེ་ཤེས་དང་བརྒྱད་དོ།། མཆན། དཔེབྱད་བརྒྱད་ཅུ། སྟོང་ཉིད་བཅུ་དྲུག་སོགས་ཀྱི་མཚོན་བྱེད་དོ། །རྩ་དེ་དག་འོད་རྩ་ཡེ་ཤེས་ཀྱི་རླུང་རང་བཞིན་གྱི་རྒྱུ་བའི་རྣམ་པར་གསལ་གདབ་པར་བྱའོ། །དེ་ལྟར་གསལ་བའི་སྤྱི་བོར་རིགས་བདག་པདྨ་སཾ་བྷ་ཝ ཧེ་རུ་ཀ་པ་དཀརགསལ་ཅང་ཏེའུ་བྷན་ཐོད་འཛིན་ཅིང་སྟག་ཤམ་རུས་པའི་རྒྱན་དྲུག་གིས་སྤྲས་པ་མཚན་དཔེ་འོད་ཟེར་གཟི་བརྗིད་འབར་བ་ཞིག་བསྒོམ། དེའི་སྤྱི་བོར་ཆེ་མཆོག་ཡབ་ཡུམ་ལ་བུདྡྷ་ཧེ་རུ་ཀ་སོགས་ཁྲག་འཐུང་ཁྲོ་བོའི་ལྷ་ཚོགས། མགྲིནཔར་བརྒྱུད་གསུམ་གྱི་བླ་མ་རིག་འཛིན་ལྷ་ཚོགས ཐུགས་ཀར་ཀུན་བཟང་ཡབ་ཡུམ་ལ་ཞི་བ་རྡོ་རྗེ་དབྱིངས་ཀྱི་ལྷ་ཚོགས་རྣམས་དང་། ལྟེ ༄༅། །བར་སྐུ་གསུམ་ཡེ་ཤེས་ཀྱི་ཌཱ་ཀྐི་རྣམས་ལ་འབུམ་ཕྲག་མཁའ་འགྲོ་བྱེ་བས་བསྐོར་བ། གསང་བར་ཕོ་རྒྱུད་མོ་རྒྱུད་བཀའ་སྲུང་གཏེར་བདག་རྒྱ་མཚོའི་ཚོགས་དང་གཞན་ཡང་གྲངས་ཅན་གྲངས་མེད་ཀྱི་རྩ་ཕྲན་ཐམས་ཅད་དཔའ་བོ་དང་དཔའ་མོའི་ཚོགས་ཀྱིས་གང་བར་བསམ། དེ་ནས་མ་དག་པའི་རླུང་རོ་ཕྱིར་བསལ་ནས། དག་པ་ཡེ་ཤེས་ཀྱི་རླུང་སྣ་བུག གཉིས་ནས་དལ་བུས་རྔུབས་ཏེ་རོ་རྐྱང་གི་ལམ་ནས་བརྒྱུད་སྤྲུལ་པའི་འཁོར་ལོའི་འོག་ནས་གྱེན་ལ་འཐེན་ནས་སྟེང་རླུང་མནན། བར་རླུང་དགང་ཞིང་ཡེ་ཤེས་ཀྱི་རླུང་བུམ་ཅན་ཁ་སྦྱར་དུ་བཟུང་། ཡེ་ཤེས་ཀྱི་རླུང་གི་མཐུས་བསྐུལ་ནས ལྟེ་བའི་ཨ་ཤད་ངོ་བོ་དགའ་བའི་ཡེ་ཤེས རྣམ་པ་མེ། རེག་བྱ་ཚ་བ། བྱེད་ལས་སྤྱི་བོའི་བ་བྱུང་བཞུ་བའི་ནུས་པ་ཅན་ཡེ་ཤེས་ཀྱི་མེ་ཉུག་ཉུག་ཏུ་འབར་བ། དབུ་མའི་ལམ་བརྒྱུད་ནས་སྤྱི་བོར་ཧཾ་ཡིག་ལ་རེག་པ་འཕྲོད་པས་ཧཾ་ཡིག་ལས་བདུད་རྩིའིངོ་བོ་བདེ་བ། རྣམ་པ་ཆུ། རེག་བྱ་བསིལ་བ། བྱེད་ལས་རྣམ་གསུམ་བག་ཆགས་བཅོམ་ནས་ལྷན་སྐྱེས་འོད་གསལ་མངོན་དུ་བྱེད་པ དེ་ལས་བདེ་བ་ཆེན་པོའི་ཡེ་ཤེས་ཟག་མེད་བདུད་རྩིའི་སྤྲིན་བསམ་གྱིས་མི་ཁྱབ་པར་སྤྲོས་ཏེ་རིགས་བདག་བླ་མའི་སྐུ་གསུང་ཐུགས་དང་གནས་C ལྔའི་རྩ་གསུམ་རྒྱལ་བའི་དཀྱིལ་འཁོར་ཐམས་ཅད་ལ་མཆོད་པ་ཕུལ་བས། རང་གཞན་སེམས་ཅན་ཐམས་ཅད་ཀྱི་ལས་དང་བག་ཆགས་ངན་པ་ཐམས་ཅད་སྦྱངས་ཤིང་དག་ནས་ལྷ་ཚོགས་ཐམས ཅད་ཀྱི་ཐུགས་བདེ་སྟོང་ཟག་པ་མེད་པའི་ཡེ་ཤེས་ཆེན་པོའི་རོས་ཚིམས་ནས་ཐུགས་རྗེ་བྱིན་རླབས་ཡེ་ཤེས་ཡོན་ཏན་ཐམས་ཅད་འོད་ཟེར་དཀར་པོའི་རྣམ་པར་རང་གི་ཚངས་བུག་ནས་ཞུགས། སྤྱི་བོའི་ཧཾ་ལ་ཐིམ་པས་བདེ་ཆེན་མཆོག་ཏུ་མི་འགྱུར་བའི་ཡེ་ཤེས་གོང་འཕེལ་དུ་འགྱུར་པར་བསམ། ཧཾ་ཡིག་ལས་བདུད་རྩི་དངུལ་ཆུའི་ཐིག་པ་ལྟར་དཀར་ལ་སྔོ་མདངས་ཆགས་པ་བདེ་བའི་རོ་དང་ལྡན་པ་བཅུ་དྲུག་མགྲིན་པར་བབས་པས་དགའ་བའི་ཡེ་ཤེས་མངོན་དུ་བྱས། ཐིག་ལེ་བརྒྱད་སྙིང་གར་བབས་པས་མཆོག་དགའི་ཡེ་ཤེས་མངོན་དུ་བྱས། ཐིག་ལེ་བཞི་ལྟེ་བར་བབས་པས་ཁྱད་དགའི་ཡེ་ཤེས་མངོན་དུ་བྱས། ཐིག་ལེ་གཉིས་གསང་བར་བབས་པས་ལྷན་ཅིག་སྐྱེས་དགའི་ཡེ་ཤེས་མངོན་དུ་གྱུར་པར་བསམ་ལ་བདེ་བ་ཆེན་པོའི་ཡེ་ཤེས་ཉམས་སུ་མྱོང་ནས་རིག་སྟོང་བསམ་བརྗོད་དང་བྲལ་བར་མཉམ་པར་བཞག་གོ། །དེ་ནས་འོག་རླུང་དལ་བུས་དྲངས་ཏེ་རླུང་དང་ཐིག་ལེ་བྲོས་དེད་ཀྱི་ཚུལ་དུ་མས་རིམ་གྱིས་སྤྱི་བོའི་ཧཾ་དང་གཉིས་སུ་མེད་པར་བཅིངས་ནས་རིག་པ་ངལ་ ༢ ༄༅། །གསོས་ལ་ལྷན་སྐྱེས་བདེ་སྟོང་ཆེན་པོར་ལ་བཟླའོ །དེས་སྟོང་བཞིའི་འོད་གསལ་མངོན་དུ་གྱུར་ཅིང་དག་རྫོགས་སྨིན་གསུམ་མཐར་ཕྱིན་ནས་རྩ་གནས་ཐམས་ཅད་གཞལ་ཡས་ཁང་དང་། དཀར་ཆ་དག་པ་སྐུ་རྡོ་རྗེ། དམར་ཆ་དག་པ་གསུང་རྡོ་རྗེ རླུང་སེམས་དག་པ་ཐུགས་རྡོ་རྗེའི་རང་བཞིན་དུ་གྱུར་པར་བསམ། སླར་ཡང་སྤྱི་བོའི་བླ་མ་འོད་དུ་ཞུ་ནས་ཧཾ་ལ་ཐིམ རང་ཉིད་ཐིག་ལེ་དམར་པོའི་རྣམ་པར་གྱུར་ནས་ཧཾ་ལ་ཐིམ་པས སྐད་ཅིག་གིས་གུ་རུ་རྡོ་རྗེ་འཆང་ཆེན་པོའི་སྐུར་ལམ་གྱིས་གསལ་ནས་སྤྱོད་ལམ་ལ་འཇུག་གོ། །དེ་ལྟར་མ་དག་པའི་སྒྱུ་ལུས་སྦྱངས་ནས་དག་པ་རྒྱལ་བའི་སྐུ་གསུང་ཐུགས་རྡོ་རྗེ་གསུམ་གྱི་རང་བཞིན་དུ་གོ་འཕོས་ནས་ཁ་སྦྱོར་ཡན་ལག་བདུན་ལྡན་ཀུན་བཟང་འོད་མི་འགྱུར་བ་རྡོ་རྗེ་འཆང་ཆེན་པོའིགོ་འཕང་མངོན་དུ་འགྱུར་བའི་མྱུར་ལམ་གྱི་གནད་བསྡུས་ལགས་སོ །ངོ་མཚར་ལམ་མཆོག་སྙིང་པོ་འདི། །ཉམས་ལེན་སྒྲུབ་ལ་སུས་བརྩོན་ན༔ མཆོག་ཐུན་དངོས་གྲུབ་དཔལ་ཐོབ་ནས༔ དོན་གཉིས་འབྱུང་བར་ཐེ་ཚོམ་མེད༔ ཐབས་མཁས་ཤེས་རབ་བློ་ལྡན་ལ༔ ཟབ་ལམ་དངོས་གྲུབ་ཤིན་ཏུ་མྱུར༔ མ་དང་མཁའ་འགྲོས་བུ་བཞིན་བརྩེ༔ ནང་དོན་འོད་གསལ་མངོན་གྱུར་ ནས༔ རྡོ་རྗེ་འཛིན་པའི་ས་ཐོབ་ངེས༔ སྐལ་མེད་རྣམས་ལ་གུ་ཧྱ་རྒྱ༔ དེ་སྐད་ཆོས་མིན་ཆོས་མཆོག་འདི༔ མདོ་མེད་གཏེར་མིན་གཏེར་འཛིན་པ༔ སྔགས་སྨྱོན་བདེ་སྐྱོང་དབང་མོ ཡིས༔ ཉེ་ལམ་ཟབ་མོའི་ཆོས་ཚིག་འདི༔ སྙིང་མིག་སྲོག་དང་འདྲ་མཚུངས་ཀྱང་༔ རྗེས་འཇུག་སྐལ་ལྡན་རིགས་ཀྱི་བུ༔ གག་ཧྲི་དའི་སྒྱུ་འཕྲུལ་གར༔ རཏྣ་པཱ་ཤཾ་བཞེད་སྐོང་དུ༔ མན་ངག་ཚིག་ནག་ཚུལ་དུ་བཀོད༔ ཡལ་བར་མ་དོར་ཉམས་སུ་ལོངས༔ དོན་གཉིས་ཨེ་འགྲུབ་རང་ལ་རག༔ ཐེ་ཚོམ་མེད་ན་མོས་པས་འགྲུབ༔ དམ་ཚིག་གཅིག་བརྒྱུད་སྲོག་ལྟར་སྲུངས༔ ཟབ་གཏེར་སྲུང་མས་གཉེར་གྱིས་ཤིག༔ ས་མ་ཡ༔ དགེའོ།། T1397 - 236 ༄༅། །བསྐྱེད་རྫོགས་གཏུམ་མོའི་གེགས་སེལ་འོད་གསལ་སྤྱི་དོན་བསྡུས་པ་སློབ་བུ་ལ་གདམས་པ་ཞར་བྱུང་རྫུན་གྱི་རི་མོ་སྣང་བའི་སྒོ་འབྱེད་ཅེས་བྱ་བ་ཡོད་དོ། །འོད་གསལ་དེ་ལ་གཞིའི་འོད་གསལ། ལམ་གྱི་འོད་གསལ། འབྲས་བུའི་འོད་གསལ་དང་གསུམ་དུ་ཡོད་པ་ལ གཞི་དུས་ཀྱི་འོད་གསལ་ཞེས་པ་ནི། ངོ་བོའི་རིག་གདངས་རྡོ་རྗེ་ལུ་གུ་བརྒྱུད་ལ་སོགས། གདངས། རྣམ་པའི་ཁ་དོག་དཀར་དམར་སོགས། གདངས། ཉམས་ཀྱི་མྱོང་མཐོང་སྣང་ལ་སོགས་པ་ཉམས་རྩལ་ལ་མ་ངེས་པ་ཤར་བ། ཞེན་དང་གསུམ། ལམ་དུས་ཀྱི་འོད་གསལ་ནི ཐབས་བསྐྱེད་རིམ། རྫོགས་རིམ་གཏུམ་མོ། རྨི་ཁྲིད་འོདགསལ་རྣམས་ཀྱི་སྐབས། རྗེས་ཤེས་གསལ་སྟོང་མྱོང་ཞེན་ཅན་གདངས། རྩལ་འཕྲོ་འདུ་མེད་པ་ཐོམ་ཡོ་རེ་བའི་སྟོང་པ གསལ་སང་ངེ་བ་ལས་ཉམས་སྣང་ངེས་པ་མེད་པ་འབྱུང་བ་དང་། ཤེས་པ་དྭངས་སྙིགས་འབྱེད་མི་ནུས་པ་སོགས་འབྱུང་དེ་གསུམ་གང་ལ་ཞེན་ན་བདེ་གསལ་མི་རྟོག་པའི་ཉམས་ཤས་ཆེ་བ་ཡིནཔས། འདོད་གཟུགས་ཀྱི་ལྷའི་འབྲས་བུ་ཙམ་མ་གཏོགས་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་ཐོབ་པ་ལ་ལམ་ཅུང་ཟད་བུལ་བ་ཡིན་ནོ། །དེ་དག་གི་སྐབས་སུ་རང་གི་ལུས་རྡོ་རྗེ སྔོན་པོ་རྩེ་གསུམ་དུ་བསྒོམ་ནས་དྲན་པ་འདུས་པའི་འཁོར་ལོར་ཨ་དཀར་དམར་མཐིང་གསུམ་བརྩེགས་མར་ཡོད་པ་ལ་སེམས་བཟུང་ཞིང་ངག་ནས་ཨ་ཨ་ཞེས་བརྗོད་མཐར་མིག་ནམ་མཁའ་ལ་གཏད་ནས་ཤེས་པ་བཟོ་བཅོས་མེད་པར་ཀ་དག་ཆོས་སྐུ་ཆེན་པོར་མཉམ་པར་བཞག་པས་མཐར་ཆོས་ཉིད་བསམ་བརྗོད་དང་བྲལ་བའི་གཤིས་ཐོག་དེ་ཀར་ཕེབས་པར་འགྱུར་རོ། །རྡོ་རྗེ་ཡང་དངོས་མཚན་བདེན་གྲུབ་ཏུ་མ་ཡིན་པར་གཞི་ལས་གཞིར་བཞེངས་ཀྱི་ཚུལ་དུ་ཤེས་པ་ནི་གནདགལ་པོ་ཆེའོ། །ཡར་གྱི་རྭ་གསུམ་ངོ་བོ་རང་བཞིན་ཐུགས་རྗེ་གསུམ མར་གྱི་རྭ་གསུམ་ཆོས་སྐུ་ལོངས་སྐུ་སྤྲུལ་སྐུ་གསུམ། ལྟེ་བ་གཅིག་ཏུ་ཟླུམ་ཞིང་འཁྱིལ་བ་ནི་གཞི་ཀ་དག་དང་ལམ་སྣང་ལྷུན་གྲུབ་གཉིས་ཟུང་དུ་འཇུག་པའི་བརྡ་དང་། ཨ་དཀར་ཨ་དམར་ཨ་མཐིང་གསུམ་ནི་གཞི་ལམ་འབྲས གསུམ་གྱི་མཚོན་ཙམ་ཡིན་པས་ཨ་དཀར་པོ་ཁོ་ནར་སེམས་བཟུང་ཡང་ཆོག་པར་སྣང་། འབྲས་བུའི་འོད་གསལ་ནི། ཇི་ལྟ་བ་མཁྱེན་པའི་ཡེ་ཤེས་ཀྱིས་གཞིའི་བཞུགས་ཚུལ་གཟིགས་པས་འཁོར་འདས་མཉམ་ཉིད་དུ་རྟོགས་པའི་གདིང་རྙེད། ཇི་སྙེད་པ་གཟིགས་པའི་ཡེ་ཤེས་ཀྱིས་སྐུ་དང་ཡེ་ཤེས་ལམ་དང་འབྲས་བུའི་ཆོས་སུ་གཏོགས་པ་ཐམས་ཅད་ཆོས་ཉིད་དག་པའི་ཡེ་གདངས་སུ་ ༄༅། །མངོན་དུ་གྱུར། མཁྱེན་གཟིགས་གཉིས་ལྡན་གྱི་ཡེ་ཤེས་ཀྱིས་མཉམ་ཉིད་ཆོས་སྐུའི་ཡོ་ལང་ལ་མངའ་བརྙེས་ཤིང་སྐུ་གསུམ་ལྷུན་གྲུབ་ཆེན་པོའི་ས་ལ་སྦྱོར་ནས་འཁོར་བ་ཆོས་ཀྱི་སྐུ་རུ་གྲོལ་བར་བྱེད་དོ། །འོད་གསལ་ཞེས་པའི་ངེས་ཚིག་ནི། འོད་ནི་རྣམ་པ་དངོས་ཅན་དུ་མ་གྲུབ་པར་མི་འགྱུར་རྡོ་རྗེའི་ཆོས་བདུན་དང་ལྡན་པའི་གནས་ལུགས་ཆོས་སྐུ་སྤྲོས་པ་དང་བྲལ་བ་དང་། གསལ་ནི་མཐའ་གཉིས་ཀྱི་དྲི་མ་དང་བྲལ་ཞིང་སྣ་ཚོགས་ཆོས་ཁམས་རྒྱ་མཚོའི་ཆོ་འཕྲུལ་ཐམས་ཅད་རང་བྱུང་ལྷུན་གྲུབ་ཆེན་པོར་འགགས་པ་མེད་པར་ཡེ་ཤེས་སུ་འུབ་ཆུབ་པ་ལ་བརྗོད་པ་ཡིན་ནོ། །དེ་ལྟར་ཆོས་མིན་ཆོས་ཀྱི་མན་ངག་འདི། །ཇོ་མིན་ནག་མིན་འཁྲུལ་ཞིག་སྙོམས་ལས་པས། །འཁོར་མིན་གནས་མིན་སེར་དགོན་དབེན་ཁྲོད་ནས། །ཡིག་མིན་རིས་མིན་འབུ་ནག་ནུར་འགྲོས་བྲིས། །བུ་མིན་བུ་འདྲའི་ཐུགས་ཀྱི་སྲས་པོ་ལ། །ཉམས་ལེན་གེགས་སེལ་གསལ་འདེབས་ཚུལ་དུ་ཕུལ། །ཡིག་མིན་ཡིག་རིས་བྱེད་མཁན་སྙིང་གི་བུ། །ཚུལ ཁྲིམས་རྡོ་རྗེ་དག་ཐེར་ལེགས་མཛད་ནས །འབུ་མིན་འབུ་རྒན་ནག་རའི་ལྟོ་བ་བཞིན ཤོག་དཀར་ངོས་ལ་དམར་ནག་ཕྱག་བྲིས་མཛོད། །ཨ་ལ་ཀུ་རེ་ཡིན་ནོ་རིགས་ལྡན་གཉིས། །ཨ་ མཚར་ཡིག་རིས་བཀོད་མཁན་མདོ་ཤོར་མ །ཨ་དོན་མན་ངག་ཟབ་མོ་མི་སྲིད་ཀྱང་། །ཨ་ལི་ཀ་ལིའི་སྒྱུ་འཕྲུལ་དྲྭ་བ་ལས། །ཨ་བྲའི་དུང་པོ་ལྟ་བུའི་དཀོན་པའི་ཆོས །ཨཱཪྻའི་སྒྱུ་འཕྲུལ་བདེ་བའི་རྡོ་རྗེས་བཀོད།། །། བཅོམ་ལྡན་རྡོ་རྗེ་ཕག་མོ་དབྱིངས་ཀྱི་ཡུམ །ལྷན་སྐྱེས་རིག་པ་བདེ་ཆེན་གར་གྱི་དབང་། །དབྱེར་མེད་རིག་སྐུ་མངོན་གྱུར་ཧེ་རུ་ཀ །པདྨ་ལས་འབྲེལ་བདེ ཆེན་འཁོར་ལོར་རོལ། །མྱུར་ལམ་གསང་ཆེན་ཨ་ནུ་ཡོ་ག་ཡི །ལམ་གྱི་ཡོན་ཏན་ཟུར་ཙམ་བྲི་བར་བརྩོན །དེ་ལ་འདིར་མྱུར་ལམ་འོག་སྒོ་ཁམས་གསུམ་རོལ་པའི་ལམ་གྱི་ཡོན་ཏན་ཅུང་ཟད་བརྗོད་ན། རང་ལུས་ནུས་ལྡན་དུ་བྱས་ནས་རླུང་བཅུ་ལས་སུ་རུང་བའི་རྣལ་འབྱོར་པས་གཞན་ལུས་ཕྱག་རྒྱའི་གྲོལ་ལམ་ལ་བརྟེན་ནས་ས་ལམ་གྱི་རིམ་པར་མི་ལྟོས་པར་གཅིག་ཅར་དུ་རྫོགས་ཚུལ་ནི། ཡབ་ཡུམ་ལྷར་གསལ་བའི་སྦྱོར་མཚམས་ནས་ཡེ་ཤེས་ཀྱི་རླུང་སྟོང་ཉིད་ལ་མཉམ་པར་བཞག་ནས་འོག་རླུང་ཅུང་ཟད་འཐེན དལ་བུས་དྲངས་ནས་ལྟེ་བའི་ཨ་ཤད་ལ་ཕོག་པས་མེ་ཆེར་མཆེད་ནས་དབུ་མའི་ལམ་བརྒྱུད་དེ་སྤྱི་བོའི་ཧཾ་ལ་ཕོག །འོད་ཟེར་ཕྱོགས་བཅུར་འཕྲོས་པས་རྒྱལ་བ་རྣམས་ཀྱི་སྐུ་གསུང་ཐུགས་ལ་མཉེས་པའི་མཆོད་པ་ཕུལ། ཐུགས་ཀྱི་དགྱེས་པ་བསྐང་། ཐུགས་རྗེ་བྱིན་རླབས་ ༄༅། །ཡེ་ཤེས་ཡོན་ཏན་དབང་དང་དངོས་གྲུབ་ཐམས་ཅད་འོད་ཟེར་དཀར་པོའི་རྣམ་པར་ཚུར་བསྡུས་ནས་སྤྱི་བོའི་ཧཾ་ལ་ཐིམ་པར་བསམ། ཡུམ་གྱི་གྷནྡེའི་རླབས་ཤུགས་ཀྱིས ཡབ་ཀྱི་བདེ་བ་བསྐུལ་ནས་ཧཾ་ཡིག་ལས་བདུད་རྩིའི་རྒྱུན་བབས་ཏེ་སྤྱི་བོའི་རྩ་འཁོར་ཐམས་ཅད་ཁྱབ་པས། རྡོ་རྗེ་རིགས་ཀྱི་ཧེ་རུ་ཀ་རྣམས་ཀྱི་ཐུགས་བདེ་སྟོང་གི་རོས་ཚིམ་པར་དམིགས་པས་རང་གཞན་སེམས་ཅན་ཐམས་ཅད་ཀྱི་ཚོགས་རྫོགས་སྒྲིབ་པ་དག །དགའ་བའི་ཡེ་ཤེས་མངོན་དུ་གྱུར་ནས་སྣང་སྟོང་གཉིས་སུ་མེད་པའི་ཡེ་ཤེས་ཆེན་པོ་མངོན་དུ་གྱུར་ཅིང་བུམ་དབང་གི་ངོ་བོ་རྫོགས། མགྲིན་པར་ཁྱབ་པས་པདྨ་རིགས་ཀྱི་ཧེ་རུ་ཀ་རྣམས་ཀྱི་ཐུགས་བདེ་སྟོང་གི་རོས་ཚིམས་ནས་རང་གཞན་རྣམས་ཀྱི་ཚོགས་རྫོགས་སྒྲིབ་པ་དག །མཆོག་དགའི་ཡེ་ཤེས་གོང་འཕེལ་དུ་གྱུར་ནས གསལ་སྟོང་བདེ་བ་ཆེན་པོའི་ཡེ་ཤེས་མངོན་དུ་གྱུར་ཅིང་གསང་དབང་གི་ངོ་བོ་རྫོགས། ཐིག་ལེ་སྙིང་གར་བབས་པས་བུདྡྷ་རིགས་ཀྱི་ཧེ་རུ་ཀ་རྣམས་ཀྱི་ཐུགས་མཉེས་པས་ཚོགས་རྫོགས་སྒྲིབ་པ་དག །ཁྱད་པར་གྱི་དགའ་བ་གོང་འཕེལ་དུ་གྱུར་ནས་བདེ་སྟོང་གི་ཡེ་ཤེས་མངོན་དུ་གྱུར་ཅིང་ཤེར་དབང་གི་ངོ་བོ་རྫོགས། ཐིག་ལེ་ལྟེ་བར་བབས་པས་རཏྣ་རིགས་ཀྱི་ཧེ་རུ་ཀ་རྣམས་ཀྱི་ཐུགས བདེ་སྟོང་གིས་རོས་ཚིམས་པར་བསམ་པས་རང་གཞན་གྱི་ཚོགས་རྫོགས་སྒྲིབ་པ་དག །ལྷན་སྐྱེས་ཀྱི་དགའ་བ་གོང་འཕེལ་དུ་གྱུར་ཅིང་རིག་སྟོང་དབྱེར་མེད་ཀྱི་ཡེ་ཤེས་མངོན་དུ་གྱུར་ནས་ཚིག དབང་གི་ངོ་བོ་རྫོགས ཐིག་ལེ་གསང་གནས་སུ་བབས་པས་ཀརྨ་རིགས་ཀྱི་ཧེ་རུ་ཀ་ཐམས་ཅད་ཀྱི་ཐུགས་བདེ་སྟོང་གི་བདུད་རྩིས་མཉེས་ཤིང་རང་གཞན་སེམས་ཅན་ཐམས་ཅད་ཀྱི་ཚོགས་རྫོགས་སྒྲིབ་པ་དག །དགའ་བྲལ་གྱི་ཡེ་ཤེས་མངོན་དུ་གྱུར། ཡུམ་གྱི་པདྨོར་སིམ་ཚེ་དཀར་དམར་ཞལ་མཇལ་བས་བསམགྱིས་མི་ཁྱབ་པ་ཡེ་སྟོང་བདེ་བ་ཆེན་པོའི་ཡེ་ཤེས་ཀྱིས་ཀུན་རྟོག་བརྒྱད་ཅུའི་རྟོག་པ་བཅོམ་ནས་སྐུ་གསུམ་མཉམ་རྫོགས་ཀྱི་དགོངས་པ་སྨྲ་བསམ་བརྗོད་པ་དང་བྲལ་བའི་ཆོས་ཀྱི་སྐུ་མངོན་དུ་གྱུར་ནས་མི་སློབ་པ་ཟུང་འཇུག་གི་སྐུ་ཐོབ་པའོ། །ཡང་ས་ལམ་དང་སྦྱར་ན་ཡུམ་གྱི་པདྨ་ནས་ཐིག་ལེ་ནོར་བུའི་རྩེར་དྲངས་པས་དུས་སྦྱོར་དང་པོའི་རླུང་འགགས་པས་ས་དང་པོའི་ཡོན་ཏན་ཐོབ། གསང་གནས་སུ་ཐོན་པས་དུས་སྦྱོར་གཉིས་པའི་རླུང་འགགས་པས་ས་གཉིས་པའི་ཡོན་ཏན་ཐོབ ལྟེ་གསང་གི་བར་ལ་ཐོན་པས་དུས་སྦྱོར་གསུམ་པའི་རླུང་འགགས་པས་ས་གསུམ་པའི་ཡོན་ཏན་ཐོབ། ལྟེ་བར་ཐོན་པས་དུས་སྦྱོར་བཞི་པའི་རླུང་འགགས་པས་ས་བཞི་པའི་ཡོན ༄༅། །ཏན་ཐོབ། སྙིང་ག་དང་ལྟེ་བའི་བར་ལ་ཐོན་པས་དུས་སྦྱོར་ལྔ་པའི་རླུང་འགགས་པས་ས་ལྔ་པའི་ཡོན་ཏན་ཐོབ། སྙིང་གར་ཐོན་པས་དུས་སྦྱོར་དྲུག་པའི་རླུང་འགགས པས་ས་དྲུག་པའི་ཡོན་ཏན་ཐོབ། མགྲིན་པ་དང་སྙིང་གའི་བར་དུ་ཐོན་པས་དུས་སྦྱོར་བདུན་པའི་རླུང་འགགས་པས་ས་བདུན་པའི་ཡོན་ཏན་ཐོབ། མགྲིན་པར་ཐོན་པས་དུས་སྦྱོར་བརྒྱད་པའི་རླུང་འགགས་པས་ས་བརྒྱད་པའི་ཡོན་ཏན་ཐོབ མགྲིན་པ་དང་སྨིན་མཚམས་བར་དུ་ཐོན་པས་དུས་སྦྱོར་དགུ་པའི་རླུང་འགགས་པས་ས་དགུ་པའི་ཡོན་ཏན་ཐོབ། སྨིན་མཚམས་ལ་ཐོན་པས་དུས་སྦྱོར་བཅུ་པའི་རླུང་འགགས་པས་ས་བཅུ་པའི་ཡོན་ཏན་ཐོབ། སྨིན་མཚམས་དང་གཙུག་ཏོར་གྱི་བར་ལ་ཐོན་པས་དུས་སྦྱོར་བཅུ་གཅིག་གི་རླུང་འགགས་པས་ས་བཅུ་གཅིག་གི་ཡོན་ཏན་ཐོབ། གཙུག་ཏོར་ལ་ཐོན་པས་དུས་སྦྱོར་བཅུ་གཉིས་པའི་རླུང་འགགས་པས་ས་བཅུ་གཉིས་ཀྱི་ཡོན་ཏན་ཐོབ། དྭངས་མ་ཧཾ་ཡིག་དང་གཉིས་མེད་དུ་བཅིངས་པས་དུས་སྦྱོར་བཅུ་གསུམ་གྱི་རླུང་འགགས པས་ས་བཅུ་གསུམ་གྱི་ཡོན་ཏན་ཐོབ་པ་ཡིན་ནོ །ནང་གི་ཡོན་ཏན་རྣམས་རང་ཆས་སུ་རྫོགས་པའི་རྟགས་ཕྱིར་ཤར་བ་ཡང་མཚན་བཟང་སོ་གཉིས། དཔེ་བྱད་བརྒྱད་ཅུ། ཡེ་ཤེས་བཅུ་དྲུག་ལ་ སོགས་པ་ཐམས་ཅད་ཡེ་ནས་ཡར་ལྡན་དུ་གནས་པའི་ལམ་ཇི་བཞིན་པར་ཉམས་སུ་བླངས་ན་ཁ་སྦྱོར་ཡན་ལག་བདུན་ལྡན་གྱི་སངས་རྒྱས་མངོན་དུ་གྱུར་པ་ཡིན་ནོ། །དེ་ལྟར་ལྡན་པའི་རྣལ་འབྱོར པས་དམ་ཚིག་གི་རིམ་པ་རྣམས་མི་ཉམས་པར་བསྲུང་བ་གལ་ཆེ། སྤྱིར་སྔགས་ཀྱི་དམ་ཚིག་གྲངས་མང་ཡང་མདོར་བསྡུ་ན་འདི་ལ་ཚང་སྟེ། སྐུའི་དམ་ཚིག་ཏུ་སྣང་སྲིད་ཐ་མལ་དུ་མི་འཛིན་པར་སྣང་རྟོག་ལྷའི་ཕྱག་རྒྱར་བསྒོམ་ནས་སྐུའི་འཁོར་ལོ་དང་གཉིས་མེད་དུ་བཅིངས། གསུང་གི་དམ་ཚིག་ཏུ་རླུང་སེམས་དབུ་དམར་བཙུད་ནས་རྩ་གནས་ཡི་གེའི་སྤྲིན་དུ་བསྒོམ་ཞིང་གསུང་གི་འཁོར་ལོར་བཅིངས ཐུགས་ཀྱི་དམ་ཚིག་ཏུ་ཐིག་ལེ་ཡུངས་འབྲུ་ཙམ་ཡང་མི་ཉམས་ཞིང་བདེ་སྟོང་ཟག་པ་མེད་པའི་ཡེ་ཤེས་ཐུགས་ཀྱི་འཁོར་ལོར་བཅིངས། ཡོན་ཏན་གྱི་དམ་ཚིག་ཏུ་བུད་མེད་རྣམས་ལ་སྨདཔར་མི་བྱ་ཞིང་དམ་ཚིག་གཅིག་པའི་རྡོ་རྗེའི་སྤུན་ལྟར་བརྩེ་ཞིང་མཐོང་ཐོས་མྱང་ཚོར་ལ་སོགས་པའི་འདོད་ཡོན་ཐམས་ཅད་ཟག་མེད་ཀྱི་བདུད་རྩིའི་རང་བཞིན་དུ་ལོངས་སྤྱོད་ཚོགས་གཉིས་ཀྱི་འཁོར་ལོར་ཤེས་པ་དང་ཕྲིན་ལས་ཀྱི་དམ་ཚིག་ཏུ་དྷུ་ཏི་མེ་དང་བདུད་རྩིའི་སྦྱོར་བ་ལ་བརྟེན་ནས་ཁམས་གསུམ་སེམས་ཅན་ཐམས་ཅད་ཀྱི་གནས་ཡུལ་སྡིག་སྒྲིབ་བག་ཆགས་ལས་ཉོན་ཐམས་ཅད་ ༄༅། །དབུ་མ་ཆོས་ཉིད་ཀྱི་ཀློང་དུ་བསྲེག་ནས་ཐམས་ཅད་དག་མཉམ་ཆོས་སྐུའི་དབྱིངས་སུ་ཆུབ་པར་བྱེད་པའོ། །དེ་ལྟར་མི་ལྡན་པར་ཡུལ་གྱི་ཆགས་སྲེད་ལ་ལྟོས་ནས་སྔགས ལ་ཁ་ཁྱེར་ཏེ་སྔགས་པའི་དམ་ཚིག་ཉམས་པ་དང་། བཙུན་པའི་ཚུལ་ཁྲིམས་རལ་བ་ནི་ཤི་མ་ཐག་ཏུ་ལས་ཀྱི་མཁའ་འགྲོས་དམ་ཚིག་གི་རྗེས་གཅོད་ནས་རྡོ་རྗེའི་དམྱལ་བར་ལྟུང་བ་གདོན་མི་ཟ་བ་ཡིནཔས། མཚན་ལྡན་གྱི་བླ་མ་ལ་བརྟེན་ནས་བླ་མའི་སྐུ་གསུང་ཐུགས་ཀྱི་དམ་ཚིག་ཚུལ་བཞིན་དུ་བསྲུངས་ཏེ་ལམ་མནོར་བར་རིམ་པ་བཞིན་དུ་བརྟག་དཔྱད་གོམས་