Tibetan
བྱེད། །ད་ནི་འཁོར་འདས་ཆོས་ཀུན་སྒྱུ་མ་ཡི་འཕྲུལ་འདྲ། །ཐམས་ཅད་མི་རྟག་སྡུག བསྔལ་སྣ་ཚོགས་ཀྱི་གཞི་མ། །དེ་ལ་ཞེན་འཛིན་འཆིང་བའི་ངལ་བ་དེས་ཅི་བྱེད། །གྲོགས་ཀྱང་མི་བསམ་བརྩེ་གདུང་ཡིད་རྟེན་ནི་མི་མོས །ཟས་ཀྱང་མི་བསམ་ལུས་རྟེན་འཚོ་བྱེད་ནི་མི བསམ། །གོས་ཀྱང་མི་བསམ་དྲོ་འཇམ་བྱེད་པ་ནི་མི་གདའ །གནས་ཀྱང་མི་བསམ་ཡིད་ཀྱི་འཁྲི་ཤིང་དེ་མེད་པས །འདུག་པའི་གནས་ལ་ངེས་མེད་དབེན་རི་དེ་འགྲིམ་ནས། །ཕ་གཅིག རྟོགས་ལྡན་བླ་མའི་གདམས་པ་དེ་ཉམས་བླངས །རྟོག་མེད་ངང་དུ་བསམ་མེད་གནས་ལུགས་དེ་བསྐྱང་ན །བསྒོམ་མེད་སྒོམ་པའི་ཆོས་སྐུའི་རང་ཞལ་དེ་མཇལ་ཡོང་། །གནས་ལུགས་མ་བཅོས་གཏད་མེད་རང་གྲོལ་གྱི་སྤྱོད་པའི། །དམ་བཅའ་བརྟན་པོས་དབེན་རིར་སྒྲུབ་ཚུགས་ཞིག་བཟུངནས །རང་རིག་མ་བཅོས་གཉུག་མའི་དགོངས་པ་དེ་བསྐྱང་ན །རང་སྣང་དོན་གྱི་བླ མའི་རང་ཞལ་དེ་མཇལ་བྱུང་། །རང་སྣང་ཟངས་མདོག་དཔལ་རི་ཐག་རིང་ན་མི་བཞུགས། །རང་བྱུང་ལྷུན་གྲུབ་ཆེན་པོའི་དགོངས་པ་ལ་འུབ་ཆུབ །རང་ཅག་བླ་མ་མཇལ་འདོད་མཆེད གྲོགས་ཤིག་ཡོད་ན། །རང་རིག་གདོད་མའི་བཙན་ས་ཟིན་པ་རང་མཛོད་ཅིག །རང་བྱུང་པདྨ་ལས་འཁྲུངས་མཚོ་སྐྱེས་ཀྱི་རྡོ་རྗེ། །ལས་ཅན་འགྲོ་བའི་དཔལ་ཤར་མཚན་ལྡན་གྱི་བླ་མས གང་འབྲེལ་པདྨ་འོད་དུ་འདྲེན་སྟོན་ཀྱང་མཛད་འདུག །རང་རྩལ་དཔའ་བོ་མཁའ་འགྲོའི་བསུ་མ་དང་བཅས་ཏེ། །གླུ་དབྱངས་སྒྲ་དང་མེ་ཏོག་བདུད་རྩི་ཡིས་ཁྲུས་ནས། །མི་གནས་འོག་མིན ཞིང་དུ་སྟོན་འཁོར་གྱི་ཚུལ་དུ། །ཟབ་རྒྱས་གདམས་པའི་ཆོས་ལ་དཔལ་ལོངས་སུ་སྤྱད་ནས། །པད་འབྱུང་ཡབ་ཡུམ་ཐུགས་བཞེད་ད་ལྟ་ཡང་འགྲུབ་འདུག །གང་འབྲེལ་པདྨ་འོད་དུ་སངས་རྒྱས་སུ་སྨོན་ནོ། །དེ་སྐད་སྙིང་མེད་སྤྲང་མོ་ཨ་ནནྡའི་མིང་ཅན། །སེམས་རྩ་སྡུག་གིས་ཟིན་ནས་ཅི་ཆ་དང་བྲལ་སྐབས། །སྙིང་གི་བུ་མཆོག་ཤཱི་ལ་བཛྲ་གྱི་དྲུང་དུ། སུག་རྩེ་རླུང་གིས་བསྐྱོད ནས་བྲིས་པ་དེ་ཕུལ་ལོ །སྒྱུ་མའི་བུ་མོ་སྒྱུ་མའི་ལྟད་མོ་ལ་མཚར་ནས །ད་ནི་མི་འགྱུར་གཏན་སྲིད་ཟིན་པ་ལ་སྨོན་ནོ། །ཅེས་སུ་ཁ་བཛྲ་གྱིས་སོ། དགེའོ།། །། ༄༅། །དུས་གསུམ་རྒྱལ་ཀུན་འདུས་ཞལ་འཁོར་ལོའི་མགོན། །བཀའ་དྲིན་མཚུངས་མེད་པདྨ་ལས་འབྲེལ་ལ །གསོལ་བ་འདེབས་སོ་བདག་རྒྱུད་བྱིན་གྱིས་རློབས ། སེར་དགོན་དབེན་རིའི་གཡས་ཟུར་ན། །ཉམ་ཐག་མགོན་མེད་གཅིག་པུར་ལུས །སྐྱོ་ཆད་དེ་བ་ལ་དྭངས་དུས་མེད །གྲོགས་ཡིད་བཞིན་ནོར་བུ་དབྱིངས་སུ་ཡིབས །ཡིད་དུང་ངེ་བ་ལ བརྗེད་དུས་མེད། །ད་བསམ་ཞིང་བསམ་ན་སྐྱོ་བ་སྐྱེས །ཁོང་དཔྱིད་ཀྱི་རྒྱལ་མོ་གསུང་ངག་སྙན །དེས་ཀྱང་རྗེ་བཙུན་བླ་མ་དྲན། །ཆར་ཟ་ཟི་བབས་ནས་གཡུ་འབྲུག་གྲགས། །འབྲི་བེའུ་ཁྱུ་ཁྲིད་རྩེད་འཇོ་བྱེད །དེས་ཀྱང་རྗེ་བཙུན་བླ་མ་དྲན། །རི་སེར་པོ་ལྗང་མདངས་འོད་དུ་འབར། །དཀར་དམར་གྱི་མེ་ཏོག་རབ་ཏུ་རྒྱས། །དེས་ཀྱང་རྗེ་བཙུན་བླ་མ་དྲན །དཀར་འོ་ཞོ་རྒྱ་མཚོ་ལྟ་བུ་འཁྱིལ། །བྱ་བྱིའུ་མ་བུའི་རང་སྐད་སྙན །དེས་ཀྱང་རྗེ་བཙུན་བླ་མ་དྲན། །དགང་ལ་བསམས་ཀྱང་སྐྱོ་བ་སྐྱེས། །གནས་གང་དུ་བསྡད་ཀྱང་བླ་མ་དྲན། །ཕ་དུས་གསུམ་སངས་རྒྱས་འགྲོ་བའི་མགོན། །གཏེར་ཆེན་པདྨ་ལས་འབྲེལ་རྩལ། །ཐུགས་ཞི་བའི་དབྱིངས་སུ་མི་གཟིམས་པར། །མགོན་མེད་པ་བདག་ལ་ཐུགས་རྗེས་གཟིགས །དུས་འབྲལ་མེད ཞལ་བཟང་མ་ངོམས་ན །སྔར་ཞལ་བཞེས་ཐམས་ཅད་དོར་ལ་ཉེ། །ད་མ་འགྱངས་མྱུར་དུ་ཐུགས་རྗེས་ཟུངས །ཉམ་ཐག་པའི་བདེ་བའི་རྡོ་རྗེ་ཡིས། །སེམས་སྡུག་པའི་རླབས་གཡོས་མ བཟོད་ནས། །གནས་ཚུལ་རྣམས་འགོགས་མེད་ཁ་ནས་ཤོར། །ཁོང་སེམས་སྐྱིད་ཚོས་གཟིགས་ན་ཐུགས་ཁྲེལ་ཡང་།ང་སྤྲང་མོའི་སེམས་སྣང་བཅོས་ཐབས་མེད། །ཅེས་པ་འདིའང་ཁུ་བྱུག་གིས་གསུང་སྙན་སྒྲོགས་པའི་རྐྱེན་ལ་ལྟོས་ནས་བདེ་སྐྱོང་དབང་མོས་བྲིས་པའོ། །དགེའོ།། །། ཀ་ཡེ་གསོན་དང་ཤྲཱི་ལ་བཛྲ་ལགས། །བདེ་སྐྱོང་དབང་མོའི་གནས་ཚུལ་ཟུར་ཙམ་བརྗོད། །ཕ་བཀའ་དྲིན་ཅན་གྱི་ཐུགས་རྗེ་ཡིས། །རང་རིག་པ་འོད་གསལ་གཞི་རུ་གྲོལ། །ད་མཉམ་ཉིད་ཆོས་སྐུའི་དགོངས་པ་རྟོགས །མི་སྟོང་སྐད་ཅན་དང་ཅུང་མ་འདྲ། །ངས་ཕ་ཡུལ་བདུད་ཀྱི་བཙོན་ར་དོར། །མ་མཁའ་འགྲོའི་བཀའ་བཞིན་ངེས་མེད་འགྲིམས །བློ་རྣམ་བཞིས་འཁོར་བའི་མཚང་ལས་གྲོལ །མི་ཡུལ་ཕུད་ཞིག་དང་ཅུང་མ་འདྲ། །ཆོས་དམ་པ་གསུམ་དང་མ་བྲལ་བས། །མ་འགྲོ་དྲུག་ཐབས་ཀྱིས་བདེ་ལ་བཀོད། །གཤིན་རོ་དོམ་ཁུར་དང་ཅུང་མ་འདྲ། །བློ་ལུས་ངག་དཀོན་མཆོག་གསུམ་ལ་གཏད། །བསླབ་གསུམ་གྱི་དམ་ཚིག ༄༅། །མིག་ལྟར་བསྲུངས། །མི་མདོ་ཤོར་ཞིག་དང་ཅུང་མ་འདྲ། །ངས་བསྐྱེད་རིམ་ལྷ་སྐུའི་ཏིང་འཛིན་བསྒོམ། །སྣང་རྟོག་ཀུན་ལྷ་ཡི་ཕྱག་རྒྱར་རྟོགས། །མི་ཐེར་ཟུག ཞིག་དང་ཅུང་མ་དྲ། །ངས་རྩ་རླུང་འཁྲུལ་འཁོར་གནད་ལ་བསླབ། །རྩ་རླུང་ཐིག་དག་རྫོགས་སྨིན་པར་གྲོལ། །གྲོགས་རླུང་བཅུ་ལ་རང་དབང་ཐོབ་པར་གྱུར། །མི་བཙུན་ཆུང་ཞིག་དང་ཅུང་མ་འདྲ། །ཐབས་ཤེས་རབ་གཉིས་མེད་མཁའ་རུ་སྦྱོར །དབབ་འདྲེན་ལྡོག་ཁྱབ་སྤེལ་གནད་ལ་མཁས། །བདེ་གཤེགས་ཀུན་ཟག་མེད་མཆོད་པས་མཉེས །ཚོགས་ཡེ་རྫོགས་འབྲས་བུ་བླ་ན་མེད། །ཐབས་གཉིས་སྦྱོར་ལག་པས་འདུ་བྱེད་བྱེད། །བཅུད་ཉམས་པའི་མི་དང་ཅུང་མ་འདྲ། །དགའ་བཞི་ཡི་འགྲོས་ཀྱིས་སྟོང་བཞི་རྙེད །ཀུན་རྟོག་གི་བག་ཆགས་དབྱིངས་སུ་བཅོམ། །དོན་འོད་གསལ་རིག་པའི་རང་ཞལ་མཐོང་།མི་ཆགས་ཅན་ཞིག་དང་ཅུང་མ་འདྲ། །ངས་ཡི་དམ་གསང་ཐབས་ཚུལ་དུ་བསྒྲུབས །དོན་གཉིས་ཀྱི་དངོས་གྲུབ་འབད་མེད་ཐོབ། །ཐེར་ཟུག་གི་དོན་གཉེར་དགོས་པ་ཆུང་། །མི་ཚུལ་འཆོས་ཅན་དང་ཅུང་མ་འདྲ། །དཔའ་བོ་ཡིད་བཞིན་ནོར་བུ་གྲོགས་སུ་རྙེད །ལམ་རིམ་པར་མི་ལྟོས་ཟུང་འཇུག་ཐོབ །སྡིག གྲོགས་ཀྱི་ཕལ་པར་འགྲོགས་མ་དགོས །འཁོར་འཛིན་གྱི་མོ་དང་ཅུང་མ་འདྲ། །སྔོན་སྨོན་ལམ་ལས་འཕྲོ་དག་པའི་མཐུས །ཆོས་ཟབ་པ་ས་ཡི་གཏེར་ལ་དབང་། །ཆོས་ཉིད་ཀྱི་དགོངས པའི་གསང་མཛོད་རྙེད། །མི་རྟོག་གེ་མཁན་དང་ཅུང་མ་འདྲ། །ཉམས་གསལ་བའི་མེ་ལོང་ཐོད་དུ་བཅིངས །དུས་མ་འོངས་མངོན་པར་ཤེས་པ་གསལ །མི་བློ་འཁྲུལ་ཅན་དང་ཅུང་མ འདྲ། །ཕ་བླ་མའི་ཐུགས་རྗེའི་བཀའ་དྲིན་གྱིས །ངས་ཚོགས་དྲུག་རང་གྲོལ་གྱི་གདམས་པ་ལོན། །ཉོན་མོངས་རྟོག་ཚོགས་ཀྱི་གནས་ལས་དབེན། །མི་རི་ཉལ་བྱེད་དང་ཅུང་མ་འདྲ། སྔོན་ལས་འཕྲོ་དག་པས་གཏེར་ལ་དབང་། །ལམ་སྦྱང་བགྲོད་རིམ་པར་ལྟོས་མི་དགོས །ཤེས་རབ་ཀྱི་བློ་གྲོས་ནང་ནས་རྙེད །མི་ཐོས་ཆུང་ཞིག་དང་ཅུང་མ་འདྲ། །གཞི་ཚུལ་ཁྲིམས གཙང་མའི་ས་གཞི་ལ །རྟེན་བསླབ་གསུམ་ལྗོན་པ་འབྲས་བཟང་རྒྱས། །མོ་མདོ་ཤོར་ཞིག་དང་ཅུང་མ་འདྲ། །ཀ་དག་དང་ལྷུན་གྲུབ་མཐར་ཕྱིན་བྱས། །འཆི་འཕོ་ཡི་གནས་ལ་ཡ་ང་མེད། །རང་སྣང་འདི་ལྷུན་གྲུབ་ཞིང་དུ་ཤར །མི་རྟག་འཛིན་ཅན་དང་ཅུང་མ་འདྲ། །ངས་རང་དོན་ཆོས་སྐུའི་གདིང་ཞིག་རྙེད །གཞན་དོན་འབད་མེད་ངང་གིས་འབྱུང་།ཆོས་བརྒྱད་ ༄༅། །ཀྱིས་འགྲོ་དོན་བྱེད་པ་ཡི། །དལ་མེད་ཀྱི་མི་དང་ཅུང་མ་འདྲ། །ངའི་བླ་མ་ཀུན་བཟང་ཧེ་རུ་ཀ །གྲོགས་དཔའ་བོ་དང་དཔའ་མོ་ཌཱ་ཀྐིའི་ཚོགས །ཆོས་སྐུ་གསུམ་མཉམ་ཉིད་རྫོགས་པ་ཆེ། །དོན་འདི་གསུམ་འཛོམས་པའི་རྣལ་འབྱོར་མ །གཞན་ཕྲག་པ་དོག་ཀྱང་བྱ་ཐབས་བྲལ །མོ་ང་ལ་ཡོན་ཏན་ཅང་མེད་ཀྱང་། །ཕ་བཀའ་དྲིན་ཅན་གྱི ཐུགས་རྗེ་ཡིས། །རྒྱུ་རླུང་གིས་བསྐུལ་ནས་འཆོལ་ཚིག་ཤོར། །འདི་ཡིག་རིས་བྲིས་པ་དགོས་མེདཀྱང་། །དམ་ལྡན་པའི་ཤཱི་ལ་བཛྲ་གྱིས། །གསུང་བསྐལ་བ་ནན་ཆགས་ཆེ་བའི་ངོར། །མདོ་ཤོར་གྱི་ཆོས་མེད་སྤྲང་འཁྱམས་པ། །མིང་དཱི་པཾ་ཏཱ་རེས་བྲིས་པ་དགེ །དགེའོ།། །། ངས་ལྟ་བ་རང་སེམས་ཀློང་དུ་བལྟས །ལྟ་ཡུལ་གཉིས་འཛིན་ངང་གིས་གྲོལ། །སྒོམ་པ་བླ་མའི་མན་ངག་བསྒོམ །ད་རྩོལ་བྲལ་གཉུག་མའི་ངང་དུ་བསྲེས །ངས་སྤྱོད་པ་སྤང་བླང་ཡུལ་ལས་འདས། །འཁོར་འདས་རིག་པའི་རྒྱན་དུ་ཤར །ངས་འབྲས་བུ་རང་རིག་བཙན་ས་ཟིན། །སྤང་ཐོབ་བྲལ་བའི་གདིང་ཞིག་རྙེད། །ད་འདི་ཕྱི་སྐྱིད་ཉལ་བྱེད་ལགས་བསམ །ལྟ་བ་གཏད་མེད་ནམ་མཁའ་ལ། །བལྟ་བྱ་ཡོད་ན་འཛིན་པ་ལགས། །སྒོམ་པ་ བློ་འདས་འོད་གསལ་ལ། །བསྒོམ་བྱ་ཡོད་ན་གཉིས་འཛིན་ལགས། །སྤྱོད་པ་སྤང་བླང་བྲལ་བ་ལ། །སྤྱོད་མཁན་ཡོད་ན་རེ་དོགས་ལགས། །འབྲས་བུ་སྐུ་གསུམ་མཉམ་ཉིད་དབྱིངས། ཐོབ་བྱ་ཡོད་ན་གཉིས་སྣང་ལགས། །བདེ་བའི་རྡོ་རྗེས་ཤཱི་ལ་བཛྲ་ལ་རྩེད་མཚར་དུ་ཕུལ། །ཧ་ཧ། རང་ལ་ཡོན་ཏན་མེད་པས་གཏེར་ཆོས་ཀྱི་བྲི་སྤེལ །མི་ཆོས་བླ་མའི་རྫུན་ཆེན་རང་གཞན གཉིས་ཕུང་བྱེད། །སྣག་དང་ཤོག་གུ་འདྲེན་ཅིང་ལེ་ལོ་ཡི་བསྐལ་མ །ད་ནི་མི་བྱེད་རང་ཚོད་རང་གིས་ནི་ལོས་འཛིན། །ཨ་ལ་ཀུ་རེ་ཡིན་ནོ་སྐལ་ལྡན་གྱི་བུ་མཆོག །ཟག་བཅས་ཉེར་ལེན་ཕུང་པོ་ལུས་དམན་ཙམ་སྣང་ཡང་། །ཐབས་གྲོགས་ཡིད་བཞིན་ནོར་བུའི་བཀའ་དྲིནགྱིས་བསྐྱངས་ཏེ །ནང་དོན་ཡེ་ཤེས་ཆེན་པོའི་མྱུར་ལམ་དེ་མངོན་གྱུར། །རྩལ་སྣང་དག་པ་རབ་འབྱམས་དཔེ་ཆ་རུ་ཤར་བས། །འཛད་མེད་ནམ་མཁའ་མཛོད་ཀྱི་ཆོས་སྡེ་ལ་དབང་བས། །གང་ཤར་ཡི་གེའི་རིས་སུ་འདྲི་ཚོད་ནི་མ་བྱུང་། །དབུ་མགྲིན་རྩ་མདུད་གྲོལ་བའི་ལག་རྗེས་ལ་ལྟོས་ནས། །ཐོས་གོག་ཤིང་ཁ་ཤོག་ལྕེའི་བསླབ་སྦྱང་ནི་མ་དགོས །དག་མཉམ་ཆོས་སྐུའི་ཡེ་ཤེས་སྙིང་པོ་དེ་ལོན་པའི །གནང་བཀག་བྱིས་པའི་རྩེད་མོའི་འབྲས་བུ་ལ་མི་རེ །ཧ་ཧ་དེ་ ༄༅། །སྐད་མདོ་མེད་བཙུན་མ་ལུས་མེད་ཀྱི་ཌཱ་ཀྐིས །ཧེ་ཧེ རང་ལུགས་མ་བཅོས་མ་གསང་ཐད་ཀ་རུ་སྨྲས་པ། །ཧོ་ཧོ་མཁྱེན་གཉིས་བློ་གྲོས་ལྡན་པའི་མཁས་པ ཡིས་གཟིགས་ན ཨ་ཁུ་ང་རྒྱལ་འགོང་པོའི་དབུ་འཕང་དེ་མཐོ་ཡོང་། །གོས་དཀར་མཁའ་འགྲོའི་ཀློང་དུ་གཉིས་མེད་དུ་བསྟིམ་མཛོད། །རང་གཞན་ཆགས་སྡང་མི་དགོས་གང་དགའ་རུ་སྐྱུར་ཆོག །དགེའོ།། །། ཀ་དག་རིག་པ་ཟང་ཐལ་ཕྱོགས་ལྷུང་དང་བྲལ་བ། །ཁ་དོག་མི་མངའ་འཁོར་འདས་གཉིས་མེད་ཀྱི་གཞི་དབྱིངས། །ག་ལེར་མ་བཅོས་རང་བབས་སོ་མ་རུ་སྐྱོངས་དང་། །ང་བདག་རྩ་བ་ཆོས་ཉིད་ཆེན་པོ་རུ་འདྲེས་ནས །ཅ་ཙོའི་ཚིག་གི་སྦུན་པའི་སྤྲོས་པ་དང་བྲལ་བའི། །ཆ་ལུགས་གཅིག་ཏུ་མ་ངེས་ཡོན་ཏན་ཀུན་ལྷུན་གྲུབ །ཇ་ཆང་ལོངས་སྤྱོད་ལ་སོགས་འཁོར་འདས་ཀུན་རྒྱན་ཤར། །ཉ་མོ་གསེར་མིག་ལྡན་བཞིན་རང་བྱུང་གི་ཡེ་ཤེས །ཏ་ཐ་ག་ཏའི་གསང་བཅུད་འོད་གསལ་གྱི་གནས་ལུགས། །ད་ནི་རང་རིག་མངོན་གྱུར་གདོད་མ་ཡི་གཏན་སྲིད། །ན་མོ་དད་བརྒྱའི་གཙུག་བཞིན་ཀུན་བཟང་གི་རྒྱལ་སར །པ་སངས་ལྟར་དཀར་ཇི་བཞིན་གཉིས་མེད་དུ་སྒྲོལ་ཐལ། །ཕ་གཅིག་ཡིད་བཞིན་ནོར་བུའི་ཐུགས་རྗེ་ཡི་ དྲིན་གྱིས། །བ་གམ་ལྟ་བུ་ཟབ་ལམ་དཀའ་ཚེགས་ནི་མ་དགོས། །མ་དང་མཁའ་འགྲོས་ཡུན་རིང་གཅེས་པ་རུ་བསྐྱངས་ནས། །ཙཱ་རི་ཏྲ་སོགས་གནས་ནས་རང་སྐལ་གྱི་ཕ་ཕོག །ས་གཏེར་རྣམ་གསུམ། ཚ་མངར་དཀར་གསུམ་ནང་གཏེར་གནས། ཆོས་བདག ཐབས་གྲོགས། བཅུད་དྭངས་མ་ཡི་སྟོབས་ཀྱིས། །ཛ་ཡའི་ཐ་ཚིག་བཞིན་དུ་འཆུགས་མེད་དུ་རྙེད་ཟབ་གཏེར། ནས། །ཝ་ལེར་དགའ་བའི་གླུ་དབྱངས་ལྷ་མི་ཡི་རོལ་ཐབས་ཤེས་འཛོམས་པ། མོ། །ཞྭ་དམར་བསྟན་ལ་སྨན་པའི་གསུང་བརྡ་ཁྲོལ། སྙན་ཞིག་ཐོབ་པས། །ཟ་འོག་པཉྩའི་བ་དན་གཏན་ལ་ཕབ་ནས་བསྟན་འགྲོར་སྨན་པ། དྲི་བཞོན་ལ་བསྐྱོན་ན །འའུར་མང་པོའི་ཆོས་བརྒྱད སྙན་གྲགས་ཕུན་ཚོགས་ཀྱི་ཕྱིར་མི་འབྲང། བྱ་བ་འདིས་ཅི་བྱེད། །ཡ་རབས་རྒྱལ་བ་གོང་མའི་མཛད་སྤྱོད ལ་བསམ་ནས། །ར་མེ་ཤྭ་རའི་གནས་སོགས་ངེས་མེད་ལ་ཆས་འགྲོ། །ལ་ལ་མ་གཏོགས་ཆོས་བཞིན་སྤྱོད་པ་ནི་དཀོན་པས། །ཤ་ཚའི་གཏམ་འདི་བཤད་ན་གོ་བར་ནི་མི་ནུས། །ས་སྟེང་འདི་ན་འགྲན་བྲལ་འོད་གསལ་གྱི་རྫོགས་ཆེན །ཧ་ཅང་བཤད་ན་གོ་ལོག་རྒྱུ་འབྲས་དང་འགལ་བྱེད། །ཨ་དོན་རྫོགས་ཆེན་དགོངས་པ་ཟང་ཐལ་གྱི་གནས་ལུགས། །མདོ་མེད་འཆོལ་མོ་ང་ཡི་ ༄༅། །གནས་ཚུལ་ཙམ་བཤད་ཀྱང་། །གོ་བ་མེད་པའི་ནེ་ཙོ་འུག་པ་ཡི་དཔེ་མཚུངས །དེ་ཕྱིར་ངེས་མེད་རི་ལ་སྒྲུབ་ཚུགས་ཤིག་ཟིན་ན། །ཕ་གཅིག་བླ་མའི་སྐུ་དྲིན་གསོ ཐབས་ཞིག་ཡིན་པས། །གཅིག་པུར་དབེན་པའི་རི་ངོགས་ཡང་ཡང་ནི་དྲན་ནས །ཐང་དཀར་དུས་ཚོད་བྱའི་སྐབས གནམ་འཕང་གཅོད་དུས་ལྷ་ལྡན་ལ་འགྲོ་སྙམ །ཨ་ལ་ཀུ་རེ་ཡིན་ནོ་དམ་ལྡན་གྱི་ལྷ་གྲོགས། །སྤྲང་མོས་སྨྱོ་ཁ་ལབ་ལ་ངེས་པ་ནི་མེད་པས །མདོ་སྔགས་ཆོས་དང་མི་མཐུན་འུག་པ་ཡི་དཔེར་མཚུངས །སྨྲ་མཁས་ལྡན་པ་ཚིག་གི་སྙན་སྙན་ནི་མེད་ཀྱང་། རང་ལུགས་གཡག་རྭ་འཕྲེད་བཅད་མདོ་མེད་ཀྱི་ཆོས་ལུགས །ཁྲིམས་ལྡན་སྨྲ་མཁས་ལྡན་པའི་གཟིགས་ངོ་ལ་མི་མཛའ། །རྟོགས་པའི་ཆང་གིས་མྱོས་པའི་རླུང་ཤུགས་ཀྱིས་དྲངས་ནས། པ་ར་མི་ཏའི་གསང་ཚིག་འགོག་མེད་དུ་འཆལ་སོང་།ད་ནི་རང་གར་སྡོད་ནས་དབེན་རི་ལ་ཆས་འགྲོ། །དེ་སྐད་ཇོ་མིན་ནག་མིན་ཆོས་མེད་ཀྱི་སྤྲང་མོ། །བདེ་ཆེན་བདེ་བའི་རྡོ་རྗེས་ཡིག་རིས་ལ་བགྱིས་ནས། །དམ་ཚིག་ལྡན་པའི་ལྷ་གྲོགས་ཀ་མ་དང་ཤཱི་ལར། །སོར་བཅུས་གུས་པས་བཏུད་དེ་ཨ་མཚར་དུ་ཕུལ་ལོ། དགེའོ།། ཕ་ཀུན་མཁྱེན་པདྨ་ལས་འབྲེལ་རྩལ། །བདག་གསོལ་བ་འདེབས་སོ་བྱིན་གྱིས་རློབས །བློ་ཆོས་ལ་བསྒྱུར་བར་མཛད་དུ་གསོལ། །ཡང་ཉོན་དང་བདེ་བའི་རྡོ་རྗེ་ཁྱོད། །འདི་ཕྱི་གཉིས་ཀྱི་གཅིག་བྱེད་སྙམ་ན། །ཡང་དག་ལྷ་ཆོས་ལ་རེམ་ཞིག་ཨང་། །འདི་མེད་ཕྱི་སྡུག་ཅི་བྱེད་སྙམ་ན །འཁོར་བའི་ཁ་འཛིན་ལ་བརྩོན་ཅིག་ཨང་། །དོན་གཉིས་དངོས་གྲུབ་ཅིག་ཐོབ་འདོད་ན །གསང་སྔགས་གནད་དོན་ལ་སྒོམས་ཤིག་ཨང་། །ཆོད་ཆུང་ལམ་རིང་ཞིག་བྱེད་སྙམ་ན །དྲང་དོན་བྱིས་ཆོས་ལ་བརྩོན་ཞིག་ཨང་།ཚེ་གཅིག་སངས་རྒྱས་ཤིག་ཐོབ་འདོད་ན །འོད་གསལ་རྫོགས་ཆེན་ལ་གདིང་ཆོས་ཨང་། །སྲིད་པར་ཁོར་ཡུག་ཏུ་སྤྱོད་སྙམ་ན། །ཐེག་དམན་མཚན་ཉིད་ལ་རེམ་ཞིག་ཨང་།ཉེ་བརྒྱུད་བྱིན་རླབས་ཤིག་ཞུ་སྙམ་ན། །པདྨའི་ཟབ་གཏེར་ལ་སྤྱོད་ཅིག་ཨང་།དཔལ་རིའི་ཕོ་བྲང་ལ་འགྲོ་སྙམ་ན། །གང་སྣང་ཡེ་ཤེས་སུ་ཤེས་མཛོད་ཨང་། །གཞན་དོན་འབད་མེད་ཅིག་བྱེད་སྙམ་ན །སྒྱུ་འཕྲུལ་རོལ་གར་དེ་བསྒྱུར་མཛོད་ཨང་། །དེ་སྐད་ཐེག་དགུའི་བརྡས མཚོན་པའི། །སྐྱེ་མེད་རང་བྱུང་གི་གླུུ་ཆུང་འདི། །དུས་འཛིན་མེ་སྟག་གི་སོ་ལྔའི་ལོར། །སྤང་ལྗོངས་ཡིད་འོང་གིས་སེམས་བསླངས་ནས། །ངེས་མེད་ངེས་པ་ཡི་གནས་དྲན་ཏེ། །དཔེ ༄༅། །མེད་ཡི་གེ་ཡི་རིས་སུ་ཤར། །འགག་མེད་ངག་རླུང་གིས་མཐུས་བསྐུལ་ནས། །མདོ་མེད་འཁྲུལ་ཞིག་གི་རྣལ་འབྱོར་མ། །བདེ་བའི་རྡོ་རྗེ་ཡིས་བྲིས་པ དགེ །། ཧེ་ཧེ། གཞི་དབྱིངས་ཆོས་སྐུའི་བླ་མ་ལ །ཀ་དག་དོན་གྱི་དབང་ཞིག་ཞུས། །རྩོལ་མེད་ངང་དུ་བྱིན་རླབས་ཐོབ། །གཟུང་འཛིན་གཉིས་སྣང་ཆོས་སྐུར་དག གསལ་གདངས་ལོངས་སྐུའི་བླ་མ་ལ། །ཡེ་ཤེས་ལྔ་ཡི་ཟབ་དབང་ཞུས །བློ་འདས་ངང་དུ་བྱིན་རླབས་ཐོབ། །གང་སྣང་ཡེ་ཤེས་འཁོར་ལོར་སྨིན །འཁྲུལ་བྲལ་དོན་གྱི་བླ་མ་ལ། འཛིན་མེད་རང་གསལ་དབང་ཞིག་ཞུས། །གཉུག་སེམས་རང་གྲོལ་བྱིན་རླབས་ཐོབ །སྣང་སྲིད་ཡེ་ཤེས་ཆེན་པོར་རྫོགས །སྐུ་བཞི་ཡེ་ཤེས་ལྔའི་བདག་ཉིད། །ངོ་བོ་མི་འགྱུར་རྡོ་རྗེའི་སྐུ། །རིག་སྟོང་པདྨ་ལས་འབྲེལ་ལ། །སྐུ་གསུམ་ཡེ་ཤེས་དབང་ཞིག་ཞུས །རྣམ་གསུམ་བག་ཆགས་གཞི་ལ་བཅོམ། །གཞོན་ནུ་བུམ་སྐུའི་གཏན་སྲིད་ཟིན། །འཁོར་བ་འོད་ཀྱི་སྐུ་རུ་གྲོལ། །དེ་སྐད་ངེས་དོན་ཟབ་དབང་འདི། །ཆོས་མེད་སྤྲང་མོའི་ཉེ་ལམ་ལགས །ལས་ལྡན་སྐྱེས་བུ་རྗེས་འཛིན་ཕྱིར། །སྙན་བརྒྱུད་གདམས་པ་དེ་བཞིན་ཐོབ། །སྣང་སྲིད་བླ་མའི དཀྱིལ་འཁོར་འདི། །མོས་གུས་དད་པས་སུས་མཐོང་ན། །ཚེ་འདིར་མི་གནས་གཏན་སྲིད་ཐོབ། །བདེ་བའི་རྡོ་རྗེའི་འཁྲུལ་ཉམས་འདི། །ཡི་གེའི་རིས་སུ་བཀོད་པ་དགེ། ཀ་ཡེ་གསོན་དང་སྐྱེས་བུ་ལགས །བདེ་ཆེན་བདེ་བའི་རྡོ་རྗེ་ང་། །གྲོགས་ཡིད་བཞིན་ནོར་བུའི་སྐུ་དྲིན་གྱིས །བདེ་སྟོང་ཟག་མེད་རོས་ཚིམས་པས །ཟག་བཅས་འོ་མས་དགོས་པ ཆུང་། །འོན་ཀྱང་ལྷག་བསམ་དཀར་བ་ཡིས། །མ་འགྲོ་བའི་བསོད་ནམས་རྫོགས་ཕྱིར་དུ། །དཀར་འོ་ཞོ་ལོངས་སྤྱོད་ཟས་ལ་རོལ །གཉིས་འཛིན་གྱི་འགྲོ་བའི་སེརསྣའི་གྲིབ། །ངས་ལུས་དཀྱིལ་མ་དང་མཁའ་འགྲོར་ཕོག །དེའི་རྐྱེན་གྱིས་བདེ་སྐྱོང་རྩ་འཁོར་འཁྲུགས །ཐབས་རྟེན་འབྲེལ་རྡུགས་པས་མ་ཡིན་བསམ། །སྔགས་བླ་མེད་མྱུར་ལམ་རང་ས་ཟིན། །དགའ་བཞི་ཡིས་སྟོང་བཞིའི་འོད་གསལ་དྲངས། །ཆགས་བྲལ་གྱི་ཡེ་ཤེས་འོད་ཟེར་གྱིས །མཐོང་ཐོས་ཀུན་བདེ་ཆེན་དབུ་མར་འདྲེན །བཅུད་ཉམས་པའི་གྲོགས་ཀྱིས་དགོས་པ་ཆུང་། གྲོགས་ཡིད་བཞིན་ནོར་བུའི་བཀའ་འདྲིན་གྱིས །རླུང་བཅུ་ལ་སྟོབས་རྒྱས་རང་དབང་ཐོབ། །གསང་སྤྱོད་ཀྱི་ལམ་ལ་གདིང་རྙེད་ནས། །ཟུང་འཇུག་གི་རིག་སྐུ་མངོན་དུ་གྱུར། །ཁོང་ན་སོ་ ༄༅། །གཞོན་ཀྱང་དོགས་མི་དགོས། །འཁོར་འདས་ལ་དབང་བའི་རྣལ་འབྱོར་ང་། །སྒྱུ་ལུས་ལ་ཉེར་ལེན་མེད་མོད་ཀྱང་། །རྐྱེན་ངན་པའི་སེར་སྣའི་གྲིབ་ཤུགས ཀྱིས། །ལྟར་སྣང་ལ་ནད་ཀྱིས་ཐེབས་པ་བྱུང་། །དོན་ནད་གདོན་དམིགས་སུ་མ་མཆིས་པས །སྐུ་གསུམ་གྱི་གསལ་འདེབས་ཚུལ་དུ་མཐོང་།ད་མདོ་ཙམ་བརྗོད་ན་དེ་ལྟར་ལགས ཆོས་འཁོར་བ་ཉམས་ལེན་བྱེད་མཁན་ང་། །དོན་དམ་གྱི་ཆོས་དོན་མི་ཤེས་ཀྱང་། །ཕ་རྟོགས་ལྡན་བླ་མའི་བཀའ་དྲིན་གྱིས །ཆོས་སེང་གེའི་འོ་མ་ཅུང་ཟད་འཐུང་། །ཟག་བཅས་ཀྱི་འོ་ཞོ་འཁོར་བའི་སྒྲོག །དེ་དོན་གཉེར་མཛད་ན་ཨ་ཐང་ཆད། །ཟག་མེད་ཀྱི་ཏིང་འཛིན་རོ་མཆོག་ལ། །རོལ་ཤེས་ན་རྨ་བྱས་དུག་ཟོས་བཞིན །མདངས་ལྔ་ལྡན་འོད་ཀྱི་གཟི་བརྗིད་འབར། དུས་མི་རིང་བདེ་ཆེན་ཡེ་ཤེས་མཐོང་། །དོན་གཉིས་ཀྱི་མཛད་པ་མཐར་ཕྱིན་ནས། །ཟུང་འཇུག་གི་གོ་འཕང་ཐོབ་པར་ངེས། །དེ་ལྟར་དུ་སྤྲང་མོའི་གནས་ཚུལ་རྣམས། །གང་དེ་ཡིས་དྲི་བར་བྱེད་པའི་ངོར། །འཕྲུལ་སུག་རྩེ་རླུང་གི་རྟས་བསྐུལ་ནས །ནུབ་སྣང་གསལ་མཐོང་ལ་བྲིས་པ་དགེ། དགེའོ།། །། སྐྱབས་འཁོར་ལོའི་མགོན་པོ་ལས་འབྲེལ་རྩལ། །དུས་ འབྲལ་མེད་བདེ་ཆེན་རྒྱན་དུ་རོལ། །ཀྱེ་གསོན་དང་མཆེད་གྲོགས་རྣམ་གཉིས་ལགས །སྤྲང་མདོ་མེད་བློ་ཆུང་ཤེས་ཆུང་བས། །དགེ་སྡིག་གི་བླང་དོར་བློ་རེ་རྨོངས །སྤང་བླང་གི་ཤན འབྱེད་མ་ཤེས་ནས། །ཚོགས་དྲུག་གི་སྣང་བ་རྒྱན་དུ་ཤར །ཀུན་བརྟགས་གི་འཛིན་ཞེན་གནས་གོལ་ནས། །རྣམ་ཤེས་