Tibetan
བའི་མཆོད་པ་འབུལ༔ གཟུང་འཛིན་གཉིས་སྣང་འཁྲུལ་དབང་གིས༔ སྒོ་གསུམ་མི་དགེའི་ལས་ཀུན་བཤགས༔ བདེན་པ་གཉིས་ཀྱིས་བསྡུས་པ་ཡི༔ དགེ་ཚོགས་ཀུན་ལ་རྗེས་ཡི་རངས༔ འགྲོ་བའི་ཁམས་དབང་དང་མཐུན་པའི༔ ཆོས་ཀྱི་འཁོར་ལོ་བསྐོར་བར་བསྐུལ༔ ཇི་སྲིད་འཁོར་བ་གནས་ཀྱི་བར༔ རྒྱལ་ཀུན་མྱ་ངན་མི་འདར་བཞུགས༔ དུས་གསུམ་དགེ་རྩ་ཅི་བསགས་པ༔ མགྱུར་འགྲོ་བ་ཡོངས་ལ་བསྔོ༔ ཀུན་ཀྱང་བྱང་ཆུབ་མྱུར་ཐོབ་ནས༔ གདོད་མའི་གཞི་རུ་སངས་རྒྱས་ཤོག༔ དེ་ནས་དམ་གཟུང་ནི༔ ཧོཿ རིགས་ཀྱི་བུ་དབང་ཐོབ་ཀྱི་རྟེན་དམ་ཚིག་ཡིན་པས་དེ་ཚུལ་བཞིན་དུ་བསྲུང་དགོས་ཏེ་དམ་ཚིག་ལ་ཡང་སྤྱི་དང་བྱེ་བྲག་དང་ཕྱི་ནང་གསང་བ་བསམ་གྱིས་མི་ཁྱབ་པ་དུ་མ་ཡོད་ཀྱང་འདིར་རྩ་བ་གཙོ་བོར་སྐུ་གསུང་ཐུགས་དང་རིགས་ལྔའི་དམ་ཚིག་རྣམས་མི་ཉམས་པར་ཚུལ་བཞིན་དུ་བསྲུང་བར་བྱ་སྙམ་པས་འདིའི་རྗེས་བཟློས་མཛོད༔ ཧོཿ དེང་བཟུངབྱང་ཆུབ་སྙིང་པོའི་བར༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་བྱར་རབ་གནས་ཤིང་༔ སངས་རྒྱས་ཆོས་དང་དགེ་འདུན་ཏེ༔ བླ་ན་མེད་པའི་དཀོན་མཆོག་གསུམ༔ དེང་ནས་བརྩམས་ཏེ་གཟུང་བར་བགྱི༔ ༒།ཿ སྒོ་གསུམ་མི་དགེའི་ལས་སྤངས་ཏེ༔ ཚུལ་ཁྲིམས་གསུམ་བསླབ་དགེ་ཆོས་སྒྲུབ༔ བླ་མ་རྡོ་རྗེ་སློབ་དཔོན་ཡང་༔ སྲོག་གི་ཕྱིར་ཡང་མི་སྤོང་ངོ་༔ བདག་ཉིད་ལྷ་ཡི་ཕྱག་རྒྱར་བསྒོམ༔ རྡོ་རྗེ་དྲིལ་བུ་ལ་སོགས་པ༔ དམ་ཚིག་རྫས་རྣམས་བཟུང་བར་བགྱི༔ དུས་དྲུག་སྦྱིན་པ་རྣམ་བཞིར་བརྩོན༔ ཕྱི་ནང་གསང་བ་ཐེག་གསུམ་གྱི༔ དམ་ཆོས་ཚུལ་བཞིན་བཟུང་བར་བགྱི༔ བྱང་ཆུབ་སེམས་ནི་མི་སྤོང་ཞིང་༔ སྡོམ་པ་ལ་ནི་རབ་ཏུ་གནས༔ ཕྱི་ནང་གསང་བའི་མཆོད་པར་བརྩོན༔ རྩ་བ་སྐུ་གསུང་ཐུགས་མཆོག་དང་༔ ཡན་ལག་དམ་ཚིག་སྤྱི་བྱེ་བྲག༔ དེང་ནས་བརྩམས་སྟེ་བདག་གིས་བསྲུང་༔ ལྷ་དང་བླ་མའི་ཚོགས་རྣམས་ཀྱིས༔ ཚུལ་བཞིན་ནུས་པར་མཛད་དུ་གསོལ༔ དེ་ནས་དམ་ཆུ་སྦྱིན་པ་ནི༔ ཧོཿ འདི་ནི་ཕྱག་ན་རྡོ་རྗེ་ཡིས༔ བྱིན་གྱིས་བརླབས་པའི་དམ་ཚིག་ཆུ༔ སྐལ་ལྡན་ཁྱེད་ཀྱི་ངག་ཏུ་བླུད༔ དམ་བསྲུང་དངོས་གྲུབ་ཀུན་ཐོབ་ཅིང་༔ ཚེ་འདིར་རིག་འཛིན་ས་ཐོབ་འགྱུར༔ ཉམས་ན དམྱལ་བར་ལྟུང་ཏ་རེ༔ དེ་ཕྱིར་དམ་ཚིག་འདའ་མ་བྱེད༔ སྲོག་གི་གཏའ་རུ་གཟུང་བར་བགྱི༔ བཛྲ་ས་མ་ཡ་ན་ར་ཀན༔ ཞེས་བརྗོད་ནས་བདུད་རྩི་ཧུབ་གསུམ་བྱས་ལ་སྐུ་གསུང་ཐུགས་ཀྱི་དངོས་གྲུབ་ཐམས་ཅད་མཚོ་། ཐོབ་པར་བསམ༔ ལྷག་མ་གཡོན་རྒྱབ་ཏུ་དོར་ལ་ཉམས་ཆག་བྱང་བར་བསམ་མོ༔ དེ་ནས་མིག་རས་སྦྱིན་པ་ནི༔ ཁྱེད་རང་རྣམས་ཀྱི་མ་རིག་པའི་མིག་སྒྲིབ་བསལ་བའི་ཕྱིར་མིག་དར་རེ་བཅིང་བའི་མོས་པ་མཛོད༔ ཨོཾ་ཙཀྵུ་བྷནྟ་ཝ་ར་མ་ཎ་ཡེ་སྭཱ་ཧཱ༔ དེ་ནས་མེ་ཏོག་སྦྱིན་པ་ནི༔ ཁྱེད་ཅག་རྣམས་ཡི་དམ་གྱི་ལྷ་དང་མཇལ་བའི་ཕྱིར་མེ་ཏོག་པདྨ་འདབ་བརྒྱད་ཀྱི་ཕྲེང་བ་རེ་འཛིན་པའི་མོས་པ་མཛོད༔ ཨོཾ་ཨ་ཁཾ་ཝི་ར་ཧཱུྃ༔ དེ་ནས་ཡེ་ཤེས་དབབ་པ་ལ༔ སློབ་མ་ལྷར་བསྐྱེད་པ་ནི༔ ཨོཾ་མ་ཧཱ་ཤཱུ་ནྱ་ཏ༔ སོགས། ཧཾ༔ གཟུང་འཛིན་གཉིས་སྣང་གིས་བསྡུས་པའི་ཆོས་ཐམས་ཅད་སྟོང་ཞིང་བདག་མེད་པ་ཆོས་དབྱིངས་དབུས་མཐའ་བྲལ་བའི་རང་བཞིན་ཅན་དུ་རིགས་ཏེ་སྟོང་པར་གྱུར༔ སྟོང་པའི་ངང་ལས་སྐད་ཅིག་གིས་བདག་མདུན་སྒྱུ་མ་ལྟ་བུའི་ཏིང་ངེ་འཛིན་གྱི་མཐུས་སློབ་མའི་རྒྱུད་ཀྱི་ནད་གདོན་སྡིག་སྒྲིབ་བག་ཆགས་གདོད་བཅས་ཤ་ཁྲག་གི་ཕུང་པོ་དང་བཅས་པ་ཐམས་ཅད་སྒྱུ་མའི་འཁྲུལ་འཁོར་དབྱིངས་སུ་ཞིག་པ་ལྟར་ཆོས་དབྱིངས་སྤྲོས་པ་དང་བྲལ་བའི་ངང་དུ་ཞིག་པར་གྱུར༔ སྟོང་པའི་ངང་ལས༔ སྐྱོན་བྲལ་པད་ཟླ་ཉི་མ་དང་༔ བདེ་ཆེན་ཆོས་ཀྱི་འབྱུང་གནས་དབུས༔ སློབ་མ་སྐད་ཅིག་དྲན་རྫོགས་སུ༔ ཌཱ་ཀི་རྒྱ་མཚོའི: སོགས་གཞུང་བཞིན་འགྲུབ་རྗེས་སྤྱན་འདྲེན་མཇུག་ཏུ༔ ཨོཾ་བཛྲ་ཛྙཱ་ན་ཌཱ་ཀི་ནི་ས་ར་ཛ 乳ཧཱུྃ།ཿ ཡ་བྃ་ཧ་རི་ནི་ས་ར་ཙ་ཧྲཱིཿཡ་སརྦ་ས་མ་ཡ་ཛ་ཛཿ ཨ་བེ་ཤ་ཡ་ཕེཾ་ཕེཾ་ཛ་ཛཿ ལན་གསུམ་གྱིས༔ ཡེ་ཤེས་དབབ་པའི་ལྷ་ཚོགས་ཐམས་ཅད་སློབ་མའི་སྒོ་གསུམ་ལ་རབ་ཏུ་བརྟན པར་གྱུར་ཅིག༔ ཏིཥྛ་བཛྲ་ཏིཥྛ་བཛྲ༔ དེ་ནས་མིག་དར་བསལ་བ་ནི༔ ཧོཿ ཡེ་ཤེས་རྡོ་རྗེས་སྒྲིབ་གཉིས་བཅོམ༔ སྒྲིབ་བྲལ་འོད་གསལ་འཆར་སྒོ་དབྱེ༔ ཁྱོད་ཀྱི་མ་རིག་སྒྲིབ་པའི་བག༔ ཡེ་ཤེས་གསེར་གྱི་ཐུར་མས་དབྱེ༔ རང་སྣང་ལྷུན་གྲུབ་མངོན་གྱུར་ནས༔ སྐུ་གསུམ་ཡེ་ཤེས་ཞལ་མཐོང་ཤོག༔ བཛྲ་ཙཀྵུ་པྲ་བེ་ཤ་ཡ་ཕཊ༔ དེ་ནས་རིག་མེ་དོར་བ་ནི༔ སློབ་མས༔ ཧོཿ རྡོ་རྗེ་སློབ་དཔོན་མཆོག་ཉིད་དང་༔ དཀྱིལ་འཁོར་ལྷ་ཚོགས་དགོངས་སུ་གསོལ༔ བདག་གི་རིག་པའི་མེ་ཏོག་འདི༔ སྔོན་ནས་ལས་འབྲེལ་གང་ཡོད་པའི༔ ལྷག་པའི་ལྷ་རུ་འབབས་པར་མཛོད༔ བཛྲ་ཛྙཱ་ན་པུཥྤེ་སིདྡྷི་ཏྲཱྃ༔ ཞེས་བརྗོདདེ་མིག་བཙུམ་ནས་འདབ་བཞིའི་དལ་དུ་དོར་རོ༔ སློབ་དཔོན་གྱིས༔ ཀྱེེ༔ རིགས་ཀྱི་བུ་རྣམས་ཁྱེད་ཅག་གི་མེ་ཏོག་ཕྱོགས་གང་དུ་བབས་པ་དེ་མ་བརྗེད་པར་ཡིད་ལ་ཟུངས་ཤིག༔ ཕྱོགས་དེ་དང་ཉེ་བའི་ལྷ་དེ་ཁྱོད་ཀྱི་ལྷག་ལྷར་བབས་པ་ཡིན་པས་དེ་ལ་བརྟེན་ནས་སྒོམ་སྒྲུབ་ལྷུར་ལེན་དུ་བྱས་ན་ཐུན་མོང་གྲུབ་པ་བརྒྱད་དང་མཆོག་གི་རིག་འཛིན་རྣམ་པ་བཞི་ལ་ སོགས་པའི་དངོས་གྲུབ་དམ་པ་ཐོབ་པར་ངེས་སོ༔ ལྷག་ལྷ་སྤྱི་བོར་ཐིམ་པའི་མོས་པ་མཛོད༔ པྲ་ཏི་གྷྲྀ་ཧ་ན་ཨེ་མཾ༔ ཞེས་མེ་ཏོག་འཐོར༔ དེ་ནས་དངོས་གཞིའི་ལྷ་དབང་ཞུ་བའི་ཕྱིར་མཎྜལ་ཕུལ༔ གསོལ་བ་འདེབས་པ་ནི༔ ཀྱེེ༔ དཀྱིལ་འཁོར་གཙོ་བོ་སློབ་དཔོན་དགོངས༔ བདག་ཅག་སྐལ་ལྡན་བུ་རྣམས་ལ༔ གསང་ཆེན་མཁའ་འགྲོའི་དངོས་གཞིའི་དབང་༔ གནང་བའི་བཀའ་དྲིན་བདག་ལ་སྩོལ༔ ཞེས་རྗེས་སུ་ཟློས༔ སློབ་དཔོན་གྱིས༔ ཧོཿ སྐལ་ལྡན་རིགས་ཀྱི་བུ་ཁྱེད་ཅག་དངོས་གཞིའི་ཟབ་དབང་ཞུ་བ་ལ༔ སྣང་རྟོག་ལྷའི་ཕྱག་རྒྱ་རུ་གསལ་བའི་ངང་ནས་དམིགས་པ་འདི་བཞིན་མཛོད༔ རྡོ་རྗེ་སློབ་དཔོན་དང་དཀྱིལ་འཁོར་ཐ་མི་དད་པའི་ཐུགས་གསང་ནས་དབང་རྫས་རྣམས་རིམ་པར་བྱུང་ནས་རང་གི་གནས་བཞིར་ཐིམ་པས་སྐུ་གསུང་ཐུགས་རྡོ་རྗེ་བཞིའི་ཡེ་ཤེས་མངོན་དུ་གྱུར་པར་མོས་ལ༔ དེ་ནས་བུམ་པ་ཐོགས་ལ༔ ཧཱུྃ༔ ཕྱི་ནི་བུམ་པ་ནང་ནི་གཞལ་ཡས་ཁང་༔ གསང་བ་རིག་སྟོང་མཁའ་འགྲོའི་དཀྱིལ་འཁོར་རྫོགས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ བུམ་དབང་ཐོབ་ཅིང་སྤྲུལ་སྐུར་སྨིན་གྲོལ་ཤོག༔ རྩ་སྔགས་མཐར༔ ཨོཾ་ཀཱ་ཡ་ཨ་བྷི་ཥིཉྩ་ཨོ༔ དེ་ནས་རིགས་བདག་གི་སྐུ་ཐོགས་ལ༔ ཧཱུྃ༔ སངས་རྒྱས་ཀུན་གྱི་ཡེ་ཤེས་སྐུ༔ སྐྱོན་ ཧཱུྃ།ཿ བྲལ་མཚན་དཔེ་རབ་རྫོགས་པ༔ མཚོ་སྐྱེས་རྡོ་རྗེ་ཧེ་རུ་ཀས༔ སྐལ་ལྡན་བུ་ལ་དབང་བསྐུར་བས༔ རིགས་དང་དཀྱིལ་འཁོར་ཐམས་ཅད་ལ༔ དབང་བསྒྱུར་དབང་མཆོག་ཐོབ་པར་ཤོག༔ རྩ་སྔགས་མཐར༔ ཨོཾ་ཀཱ་ཡ་༔ སོགས། དེ་ནས་མཚོ་རྒྱལ་གྱི་སྐུ་གཏད་ལ༔ ཧཱུྃ༔ གསལ་ཁྱབ་ནམ་མཁའ་ལྟ་བུའི་སྐུ༔ རྣམ་ཀུན་མཆོག་ལྡན་རྣལ་འབྱོར་མ༔ ཌཱ་ཀི་ཡེ་ཤེས་མཚོ་རྒྱལ་གྱིས༔ སྐལ་ལྡན་བུ་ལ་དབང་བསྐུར་རོ༔ སྐུ་གསུམ་ཡེ་ཤེས་མངོན་གྱུར་ཤོག༔ རྩ་སྔགས་མཐར༔ ཨོཾ་ཀཱ་ཡ༴ སོགས་། དེ་ནས་ཐོད་ཕྲེང་སྡེ་ལྔའི་སྐུ་ཐོགས་ལ༔ ཧཱུྃ༔ དབྱིངས་དང་ཡེ་ཤེས་གཉིས་མེད་ལྷ༔ ཟུང་འཇུག་བདེ་བ་ཆེན་པོའི་སྐུ༔ གུ་རུ་ཐོད་ཕྲེང་སྡེ་ལྔ་ཡིས༔ སྐལ་ལྡན་བུ་ལ་དབང་བསྐུར་རོ༔ སྐུ་ལྔ་ལྷུན་གྲུབ་དབང་ཐོབ་ཤོག༔ རྩ་སྔགས་མཐར༔ ཨོཾ་ཀཱ་ཡ༴ སོགས། དེ་ནས་མཁའ་འགྲོ་ལྔའི་སྐུ་ཐོགས་ལ༔ ཧཱུྃ༔ རྗེ་མོའི་སྐུ་གསུང་ཐུགས་ཡོན་ཏན༔ ཕྲིན་ལས་ལྔ་ཡི་ཕྱག་རྒྱའི་གར༔ ཌཱ་ཀི་སྡེ་ལྔས་དབང་བསྐུར་རོ༔ ཡེ་ཤེས་རང་སྣང་མངོན་གྱུར་ཤོག༔ རྩ་སྔགས་མཐར༔ ཨོཾ་ཀཱ་ཡཿ སོགས། དེ་ནས་སྒོ་སྐྱོང་མ་བཞིའི་སྐུ་ཐོགས་ལ༔ ༔ ཐུགས་རྗེའི་ཡེ་ཤེས་རོལ་པའི་རྩལ༔ གང་འདུལ་ཕྲིན་ལས་བསྒྲུབ་པ་མོ༔ སྒོ་སྐྱོང་已闭4佰 མ་བཞིས་དབང་བསྐུར་རོ༔ རབ་འབྱམས་ལས་ཀུན་འགྲུབ་པར་ཤོག༔ རྩ་སྔགས་མཐར༔ ཨོཾ་ཀཱ་ཡ་ཨ་བྷི་ཥིཉྩ་ཨོཾ༔ དེས་ལུས་དང་རྩའི་སྒྲིབ་པ་དག༔ ལུས་ལྷ་སྐུ་བསྒོམ་པ་ལ་དབང་ཐོབ༔ སྣོད་བཅུད་ལྷའི་ཕྱག་རྒྱ་རུ་གནས་དག་ནས་ལུས་རྡོ་རྗེའི་སྐུར་སྨིན་ཏེ་སྣང་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེ་བར་འགྱུར་རོ༔ དེ་ནས་བྷནྡྷ་བདུད་རྩི་ཐོགས་ལ༔ ཧཱུྃ༔ བདེ་ཆེན་བྷནྡྲའི་སྣོད མཆོག་ཏུ ཡེ་ཤེས་མཁའ་འགྲོའི་གསུང་གི་བཅུད༔ ཟག་མེད་ཡེ་ཤེས་བདུད་རྩིས་བཀང་༔ སྐལ་ལྡན་བུ་ལ་དབང་བསྐུར་བས༔ ངག་སྒྲིབ་ཀུན་བདག་གསུང་དབང་ཐོབ༔ ལོངས་སྤྱོད་རྫོགས་སྐུར་སྨིན་གྲོལ་ཤོག༔ རྩ་སྔགས༔ ཨཱཿཝཀྐ་ཨ་བྷི་ཥིཉྩ་ཨཱཿ དེ་ནས་སྔགས་འཁོར་གཏདལ༔ ཧཱུྃ༔ ཡེ་ཤེས་མཁའ་འགྲོ་སྒྲུབ་པའི་རྟེན༔ གསུང་གསང་འདུས་པའི་འཁོར་ལོ་འདིས༔ སྐལ་ལྡན་བུ་ལ་དབང་བསྐུར་རོ༔ བཟླས་པ་སྔགས་ཀྱི་དབང་ཐོབ་ནས༔ ལས་རྣམས་ཐོགས་མེད་འགྲུབ་པར་ཤོག༔ རྩ་སྔགས་མཐར༔ ཨཱཿཝཱཀྐ་ཨ་བྷི་ཥིཉྩ་ཨཱཿ དེ་ནས་ཕྲེང་བ་གཏད་ལ༔ ཧཱུྃ༔ རིན་ཆེན་ཕྲེང་བ་བརྒྱ་རྩ་འདི༔ སྐལ་ལྡན་བུ་ལ་གཏད་པ་ཡིས༔ གསང་སྔགས་རིག་སྔགས་གཟུངས་སྔགས་ཀྱི༔ སྙིང་པོ་བཟླས་པར་དབང་ཐོབ་ནས༔ འགྲོ་བ་འདྲེན་པའི་དཔལ་ ཧཱུྃ།ཿ ཐོབ་ཤོག༔ རྩ་སྔགས་མཐར༔ ཨཱཿཝཱཀྐ་ཨ་བྷི་ཥིཉྩ་ཨཱཿ དེས་ངག་དང་རླུང་གི་སྒྲིབ་པ་དག༔ ངག་སྔགས་བཟླས་པ་ལ་དབང་ཐོབ༔ ངག་གྲགས་སྟོང་སྔགས་ཀྱི་རོལ་པར་སྨིན་ནས་གསུང་རྡོ་རྗེའི་བྱིན་རླབས་བཞུགས༔ གསལ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེ་བར་འགྱུར་རོ༔ དེ་ནས་དངོས་རིག་གམ་བརྡ་རྟ་གཏད་ལ༔ སློབ་དཔོན་གྱིས༔ ཀྱེེ༔ རིགས་ཀྱི་བུ་ཤེས་རིག་འགྱུར་བ་མེད་པའི་ངང་ལས་སྐདཅིག་གིས་ཆུ་ལས་ཆུ་བུར་རྡོལ་བ་བཞིན་དུ་རང་ཉིད་གཞིའི་ཧེ་རུ་ཀ་དཀར་ལ་དམར་འོད་འབར་བ་བདེ་བའི་ཉམས་རྒྱས་ཤིང་གཅེར་བུ་བརྟུལ་ཞུགས་རོལ་པའི་ཆས་ཀྱིས་སྤྲས་པ་ཞིག་ཏུ་བསྒོམ་ལ༔ དེ་ནས་རིག་མ་གཏད་ལ༔ ཧཱུྃ༔ བདེ་ཆེན་ཡེ་ཤེས་སྟོང་པའི་ཡུམ༔ ལྷན་སྐྱེས་སྒྱུ་འཕྲུལ་ཕྱག་རྒྱ་མོ༔ རིགས་ཀྱི་བུ་ལ་སྦྱིན་པ་ཡིས༔ རླུང་བཅུར་དབང་འབྱོར་ཞུ་བདེའི་ལམ༔ དབབ་བསྐྱིལ་འདྲེན་བཀྲམ་བཞི་ལྡན་གྱིས༔ དགའ་བ་བཅུ་དྲུག་ཉེར་དྲངས་པའི༔ མཆོག་ཏུ་མི་འགྱུར་བདེ་བ་ཆེས༔ རྣམ་གསུམ་བག་ཆགས་གཞི་རུ་བཅོམ༔ ནང་གསལ་ཐིམ་ལ་མ་རྨོངས་པའི༔ ལྷན་སྐྱེས་དགའ་བྲལ་ཉམས་སུ་ལོངས༔ ཟུང་འཇུག་ཕྱག་རྒྱ་ཆེར་སྨིན་ནས༔ མི་སློབ་འབྲས་བུ་ཐོབ་པར་ཤོག༔ རྩ་སྔགས་མཐར༔ ཧཱུྃ་བཛྲ་ ཙིཏྟ་པྲཛྙཱ་ཛྙཱ་ན་མ་ཧཱ་སུ་ཁ་སིདྡྷི་ཨ་བྷི་ཥིཉྩ་ཧཱུྃ༔ ཞུ་བདེའི་རྣལ་འབྱོར་ལ་སྤྲོ་ན་གབ་ཐིག་ལྟར་བརྡ་སྤྲོད༔ དེ་ནས་རིལ་བུ་གཏད་ལ༔ ཧཱུྃ༔ རྒྱལ་ཀུན་གསང་གསུམ་འདུས་པའི་བཅུད་༔ རྩ་བརྒྱད་སྟོང་སྦྱར་ཨ་མྲྀ་ཏ༔ སྐལ་ལྡན་བུ་ལ་སྦྱིན་པ་ཡིས༔ རྩ་ཐིག་རླུང་གསུམ་བཅུད་སྨིན་ནས༔ གང་འདུལ་ཐབས་མང་སྣ་ཚོགས་ཀྱིས༔ འགྲོ་བ་འདུལ་བའི་དབང་ཐོབ་ཤོག༔ རྩ་སྔགས་མཐར༔ ཧཱུྃ་ཙིཏྟ ཨ་བྷི་ཥིཉྩ་ཧཱུྃ༔ དེ་ནས་རྡོ་རྗེ་དྲིལ་བུ་གཏད་ལ༔ ཧཱུྃ༔ དབྱིངས་དང་ཡེ་ཤེས་གཉིས་མེད་མཚོན༔ ཐབས་ཤེས་རྫས་མཆོག་འདི་གཏད་པས༔ རྒྱལ་བའི་སྐུ་གསུང་ཐུགས་ཡོན་ཏན༔ ཕྲིན་ལས་རྫོགས་པའི་དབང་ཐོབ་ཤོག༔ རྩ་སྔགས་མཐར༔ ཧཱུྃ་ཙིཏྟ་ཨ་བྷི་ཥིཉྩ་ཧཱུྃ༔ དེས་ཡིད་དང་ཐིག་ལེའི་སྒྲིབ་པ་དག་ནས་ཤེས་རབ་ཡེ་ཤེས་ཀྱི་དབང་ཐོབ་སྟེ༔ བདེ་སྟོང་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་ཏེ་ཡིད་ཐུགས་རྡོ་རྗེ་སྨིན་པར་འགྱུར་རོ༔ དེ་ནས་ཚིག་དབང་བསྐུར་བ་ལ༔ སློབ་དཔོན་གྱིས༔ ཀྱེེ༔ རིགས་ཀྱི་བུ༔ ལུས་རྣམ་སྣང་ཆོས་བདུན་གྱི་ངང་ནས་སེམས་མ་བཅོས་པར་རང་བབས་སུ་ཀློད་ལ༔ ཞེས་བརྗོད་མཐར་མེ་ལོང་དང་ཤེལ་རྡོ་ཐོགས་ལ༔ ཨེ་མ་ཨེ་མ་སེམས་ཀྱི་བུ༔ བརྗོད་པ་བྲལ་བ་སེམས་ཀྱི་གསང་༔ རྣམ་པར་མི་རྟོག་ཡེ་ཤེས་ཉིད༔ སྐུ་གསུམ་དག་མཉམ་ཆེན་ ཐ ཧཱུྃ།ཿ པོའི་དབྱིངས༔ ཇི་བཞིན་ཉིད་དེ་བདག་གིས་བསྩལ༔ མ་ཡེངས་མཚོན་དཔེ་འདི་ལ་ལྟོས༔ མེ་ལོང་གསལ་བ་འོད་གསལ་དབྱིངས༔ ཆོས་ཉིད་གཏིང་བསལ་སྤྲོས་དང་བྲལ༔ འཇའ་ཤེལ་འོད་ལྔའི་མདངས་དང་ལྡན༔ སྐུ་དང་ཡེ་ཤེས་གཞི་ལ་རྫོགས༔ དེ་བཞིན་མཚོན་བྱ་རིགས་པའི་བབ༔ གནས་ལུགས་མ་བཅོས་དེ་ཀའོ༔ གཞན་དུ་གྲུབ་པ་རྡུལ་ཙམ་མེད༔ རྒྱལ་ཀུན་ཐུགས་གསང་དབང་བསྐུར་རོ༔ དོན་གྱི་དབང་མཆོག་ཐོབ་པར་ཤོག༔ རྩ་སྔགས་མཐར༔ ཧཱུྃ་ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་འོད་ལྔའི་ཐིག་ལེ་གཏད་ལ༔ ཧཱུྃ༔ ཨེ་མ་སྐལ་ལྡན་སེམས་ཀྱི་བུ༔ ཆོས་ཉིད་ཡེ་གདངས་ཡེ་ཤེས་མཚོན༔ ཉག་གཅིག་ཐིག་ལེ་འདི་གཏད་པས༔ སྣང་བཞི་མཐར་ཕྱིན་བུམ་སྐུའི་དབྱིངས༔ འཇའ་ལུས་ཟངས་ཐལ་སྐུ་འགྲུབ་པའི༔ རིག་པ་རྩལ་གྱི་དབང་ཐོབ་ཤོག༔ རྩ་སྔགས་མཐར༔ ཧཱུྃ་ཙིཏྟ་ཨ་བྷི་ཥིཉྩ་ཧཱུྃ༔ དེས་ཉོན་མོངས་པ་དང་ཤེས་བྱའི་སྒྲིབ་པ་བག་ཆགས་ཐམས་ཅད་སངས་ཀྱིས་དག་ནས་ཆོས་ཉིད་དེ་བཞིན་ཉིད་ཀྱི་གནས་ལུགས་ལ་དབང་ཐོབ༔ རིག་སྟོང་རྣམ་པར་མི་རྟོག་པའི་དོན་རྒྱུད་ལ་སྐྱེས་ཏེ་གཉུག་སེམས་ཡེ་ཤེས་རྡོ་རྗེའི་རང་བཞིན་དུ་སྨིན་ཅིང་གྲོལ་བར་འགྱུར་རོ༔ དེ་ནས་གཏོར་མ་གཏད་ལ༔ ཧཱུྃ༔ བརྡལ་ཁྱབ་སྤྲོས་བྲལ་གཞོང་པ་རུ༔ ལྷུན་གྲུབ་རང་གསལ་གཏོར་མ་བཤམས༔ རིག་རྩལ་ཡེ་ཤེས་གཏོར་རྒྱན་སྤྲས༔ སྐུ་གསུམ་མཁའ་འགྲོ་སྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་རོ༔ རིགས་དང་དཀྱིལ་འཁོར་ཐམས་ཅད་ལ༔ དབང་བསྒྱུར་དབང་མཆོག་ཐོབ་པར་ཤོག༔ རྩ་སྔགས་མཐར༔ སརྦ་མ་ཧཱ་བ་ལིཾ་ཏ་མཎྜ་ལ་གུ་ཧྱ་ཨ་བྷི་ཥིཉྩ་ཧྲཱིཿ དེ་ནས་བཀྲ་ཤིས་རྟགས་བརྒྱད་གཏད་ལ༔ ཧཱུྃ༔ རྒྱལ་བའི་མཚན་དཔེ་ལས་བྱུང་བའི༔ བཀྲ་ཤིས་རྟགས་བརྒྱད་དབང་བསྐུར་རོ༔ མཚན་དཔེས་བརྒྱན་པའི་སྐུ་ཐོབ་ནས༔ དོན་གཉིས་མཐར་ཕྱིན་དབང་ཐོབ་ཤོག༔ མངྒ་ལ་ཨ་བྷི་ཥིཉྩ་ཧཱུྃ༔ དེ་ནས་བཀྲ་ཤིས་རྫས་བརྒྱད་བཏད་ལ༔ ཧཱུྃ༔ བཀྲ་ཤིས་ལྡན་པའི་རྫས་མཆོག་བརྒྱད༔ སྐལ་ལྡན་བུ་ལ་གཏད་པ་ཡིས༔ ཡོན་ཏན་མ་ལུས་ཀུན་ཐོབ་ནས༔ རྒྱལ་བསྟན་འཛིན་པའི་དབང་ཐོབ་ཤོག༔ ཨཥྚ་མངྒ་ལཾ་ཨ་བྷི་ཥིཉྩ་ཧཱུྃ༔ དེ་ནས་རྒྱལ་སྲིད་སྣ་བདུན་གཏད་ལ༔ ཧཱུྃ༔ བསོད་ནམས་མཐུ་ལས་གྲུབ་པ་ཡི༔ རྒྱལ་སྲིད་སྣ་བདུན་འདི་གཏད་པས༔ གང་ལ་གང་འདུལ་འཕྲིན་ལས་ཀྱིས༔ འགྲོ་ཀུན་འདྲེན་པའི་དབང་ཐོབ་ཤོག༔ མ་ཎི་རཏྣ་སི་དྡྷི་ཨ་བྷི་ཥིཉྩ་ཧཱུྃ༔ དེ་ནས་དམ་ཚིག་ཁས་བླང་དང་༔ བཀའ་འདྲིན་གསོ་ཕྱིར་ལུས་ལོངས་སྤྱོད༔ བླ་མའི་ཕྱོགས་སུ་དམིགས་ཏེ་ཕུལ༔ ཧཱུྃ།ཿ མེ་ཏོག་འཐོར་བཞིན་ཤིས་པ་བརྗོད༔ བསྔོན་སྨོན་ལ་སོགས་མཐའ་རྒྱས་བྱ༔ དེ་ཡིས་དབང་གི་ལས་རིམ་རྫོགས༔ ལས་རྗེས་མི་མངོན་གསང་བ་གནད༔ དབང་འདི་ལན་གཅིག་ཐོབ་ནས་སླར༔ རིམ་གཉིས་གནད་དང་ལྡན་གྱུར་ན༔ ཚེ་འདིར་ཟུང་འཇུག་སྐུ་ཐོབ་ནས༔ གང་འབྲེལ་པདྨ་འོད་དུ་འདྲེན༔ ཐེ་ཚོམ་མེད་དོ་ས་མ་ཡ༔ དེ་ལྟར་མཁའ་འགྲོའི་དཀྱིལ་འཁོར་ལ་བརྟེན་ནས༔ རྗེས་འཇུག་འདུལ་བྱའི་སྒོ་གསུམ་སྨིན་པའི་ཐབས༔ དོན་དབང་དངོས་གྲུབ་སྒོ་འབྱེད་ཟབ་མོ་འདི༔ གཅེས་ནོར་བཞིན་དུ་རྡོ་རྗེ་མཚོ་ལ་གདམས༔ ད་དུང་མ་སྤེལ་རིན་ཆེན་གཏེར་དུ་སྦོས༔ མ་འོངས་སྙིགས་མ་ཉི་ཤུ་ཁ་རལ་དུས༔ ང་མིན་ང་ཡི་བྱིན་ཐོབ་ཐུགས་ཀྱི་མིང་༔ ཁྱིམ་པའི་ཚུལ་འཛིན་ལྷ་ལྡན་ཕྱོགས་ནས་འབྱུང་༔ ཨ་ཙརྻ་དང་འབྲོག་མི་ཁྱེའུ་ཆུང་གསུམ༔ སྤྲུལ་པ་གསུམ་འདུས་དཔའ་བོ་པདྨའི་རིགས༔ རྡོ་རྗེའི་མིང་འཛིན་དུས་སུ་གྲོགས་དང་འཕྲད༔ བདུད་དབང་སཔྟའི་རྐྱེན་གྱིས་མ་བསྒྱུར་ན༔ འདི་ཡི་བསྟན་པའི་ལྷག་མ་དེ་རུ་གནས༔ ཆོས་བདག་བཀའ་བབ་བུ་ལྔ་རིམ་གྱིས་འབྱུང་༔ དུ་རུ་ཀ་ཡི་དམག་དཔུང་ལོ་ལྔར་གཞོམ༔ གཏེར་གཉིས་བསྟན་པ་ལྷོ་ནས་ལྷོ་རུ་དར༔ སྐལ་ལྡན་ལས་ཅན་བུ་དང་འཕྲད་པར་ཤོག༔ སྐལ་མེད་ལོག་ལྟ་ཅན་དང་འདི་མ་འཕྲད་༔ བཀའ་སྲུང་གནོད་སྦྱིན་གཟའ་དང་མ་མོར་གཉེར༔ དམ་ཉམས་ལག་ཏུ་མ་ཤོར་ཐུབ་པར་སྲུངས༔ ལས་ཅན་ཆོས་བརྒྱུད་འཛིན་པའི་དཔལ་དུ་སྤྲོད༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཨྠི༔ ཞེས་པ་འདི་ཡང་སྤྲུལ་པའི་གཏེར་ཆེན་གསང་བདག་མི་འགྱུར་རྡོ་རྗེའི་ཞལ་སྔ་ནས་བཀྲ་ཤིས་ལྷ་རེག་དང་རྟེན་འབྲེལ་ཕུན་སུམ་ཚོགས་པའི་དངོས་རྫས་བཅས་བཀའ་བསྐུལ་སྤྱི་བོར་ཕེབས་པ་དང་། རང་སློབ་དམ་པ་དོན་ལི་ནས་ཀྱང་དུས་རིང་མོ་ནས་འདི་ལྟར་དགོས་ཞེས་ལྷ་རྫས་ཏིང་ཏིང་ཤག་བཅས་ནན་ཆེར་བསྐུལ་ངོར་མི་ལྡོག་ཙམ་དུ་སྤྲང་མ་ནུས་པ་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། 60 TI1396-164 TI1396-164 9K ཧོཿ ཆོས་ཉིད་མཁའ་འགྲོའི་ཐུགས་ཐིག་ལས༔ ཚེ་སྒྲུབ་ཡང་བཅུད་སྙིང་པོ་བཞུགས་སོ༔ ན་མོ་པདྨ་ཀཱ་ར་ཡེ༔ རྣལ་འབྱོར་ལྟ་སྤྱོད་ལྡན་པ་ཡིས༔ ཚེ་སྒྲུབ་ཡང་བཅུད་སྙིང་པོ་འདི༔ སྤྲོས་མེད་རྒྱུན་ཁྱེར་ཟབ་མོ་བསྟན༔ ཡལ་བར་མ་དོར་ས་མ་ཡ༔ མཁའ་འགྲོའི་བསྐྱེད་བཟླས་འཇུག་པའི་མཐར༔ རྡོ་རྗེ་ཚེ་ཡི་སྒྲུབ་པ་ནི༔ ཨ༔ རང་ཉིད་མཁའ་འགྲོའི་སྤྱི་བོ་རུ༔ པདྨ་ཉི་ཟླའི་གདན་གྱི་སྟེང་༔ རིགས་བདག་མགོན་པོ་ཚེ་དཔག་མེད༔ དམར་གསལ་ལོངས་སྐུའི་རྒྱན་ཆས་རྫོགས༔ ཞལ་གཅིག་ཕྱག་གཉིས་མཉམ་གཞག་སྟེང་༔ འཆི་མེད་ཚེ་ཡི་བུམ་པ་འཛིན༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྣང་ལ་རང་བཞིན་མེད་པར་གསལ༔ ཕྱོགས་བཞིར་ཚེ་བདག་རིགས་ལྔ་དང་༔ ཚེ་ཡི་ལྷ་མོ་མགྱོགས་མ་བཞི༔ གཞན་ཡང་ཚེ་དབང་རིག་འཛིན་ཚོགས༔ མ་འདྲེས་རང་བྱུང་ཆེན་པོར་བསྐྱེད༔ ཡེ་ཤེས་འཇའ་འོད་འཁྲིགས་པའི་ཀློང་༔ སྒྱུ་མ་ཆུ་ཟླ་ཇི་བཞིན་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་རྒྱལ་བ་རྣམས༔ སྤྱན་དྲངས་བསྐྱེད་པའི་ལྷ་ལ་ཐིམ༔ དམ་ཡེ་དབྱེར་མེད་རོ་གཅིག་གྱུར༔ ཐུགས་ཀར་པདྨ་རཱ་ག་ཡི༔ བུམ་ཀློང་ཐུགས་སྲོག་ཧྲཱིཿཡིག་ལས༔ འོད་འཕྲོས་དོན་གཉིས་བྱས་ཚུར་ འདུས༔ བྱིན་རླབས་ཡེ་ཤེས་བདུད་རྩི་ཡིས༔ བུམ་པ་མེར་གྱིས་གང་བར་བསམ༔ རྩ་སྔགས་མཐར༔ ཨོཾ་ཨཱཿཧཱུྃ་གུ་རུ་ཨཱ་ཡུ་སིདྡྷི་ཧཱུྃ་ཧྲཱིཿ ཨ་མ་ར་ཎི་ཛི་ཝནྟི་ཡེ་སྭཱ་ཧཱ༔ ཞེས་གྲངས་འཁྱོལ་མཐར༔ རིགས་བདག་ཚེ་དཔག་མེད་ཀྱི་ཕྱག་གི་བུམ་པ་དང་གནས་ལྔ་ལས་འཆི་མེད་ཚེ་ཡི་བདུད་རྩི་ཨ་ནྲྀ་ཧཱུྃ་གསུམ་གྱི་རྣམ་པར་རང་གི་ཚངས་བུག་ནས་ཞུགས༔ གནས་ལྔའི་འཁོར་ལོ་ལྔར་ཐིམ པས་འཆི་མེད་རྡོ་རྗེའི་ཚེ་ལ་དབང་ཐོབ་ཅིང་སྐྱེ་འཆི་བགྲེས་རྒུད་ཐམས་ཅད་དང་བྲལ་བ་མི་འགྱུར་རྡོ་རྗེའི་སྲོག་ཐོབ་པར་བསམ༔ རྩ་སྔགས་མཐར༔ ཨོཾ་གུ་རུ་ཨཱ་ཡུརྡྷ་ན་ཚེ་བྷྲཾ་གཡུ་བྷྲཾ་གཡུ་ཚེ་བྷྲཾ་ཨཱ་ཡུཛྙ་ནགཡུ་ཚེ་ནྲྀ་ཛཿབྷྲུྃ་སྭཱ་ཧཱ༔ ཅི་འགྲུབ་མཐར༔ ཡང་ཚེ་བདག་རིགས་ལྔ་ཚེ་ལྷ་མགྱོགས་མ་རྣམས་ཀྱི་ཐུགས་རྗེའི་འོད་ཟེར་གྱིས་བདག་གི་བླ་ཚེ་ཡར་བ་དང་༔ ཆད་པ་དང་༔ གས་པ་དང་༔ ཉམས་པ་དང་༔ ལྷ་འདྲེས་བརྐུས་ཤིང་འཁྱམས་པ་དང་༔ གདོན་དང་བགེགས་ཀྱིས་འཕྲོག་པ་ཐམས་ཅད་ཨ་ནྲྀ་ཧཱུྃ་གསུམ་གྱི་རྣམ་པར་བསྡུས་ནས་རང་གི་ཐུགས་ཀའི་སྲོག་ཡིག་ལ་ཐིམ་པས་བླ་ཚེ་ཆད་ཉམས་ཡར་བ་ཐམས་ཅད་སོར་ཆུད་པར་བསམ༔ རྩ་སྔགས་ཅི་འགྲུབ་མཐར༔ ཚེ་འགུགས་