Tibetan
THE COLLECTED REVELATIONS(GTER CHOS)OF SE-RAMKHA'-'GRO BDE-CHEN-RDO-RJE VOLUMEII Published by Bartsham Chador LhakhangSangdag Gyepailing TI1396-001 CONTENTS The third volume of th collected revelatons of the Sera Mkha' gro begains the Chos nid Mkha' gro'ithugs thig, This group begins with the Phur pa preactice. Second we find the Mkha' 'gro teachings. The third group of teachings inchuded here is the sadhana for Rig-byed-ma. Fourth we find the Gsan ba ye practices. The volume finishes with a micelany of sadhana, reverentialpatitions. and instructions on Buddhist practice TI1396-002 ༄༅། །ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་ཐུགས་ཐིག་གི་གླེགས་བམ་གསུམ་པ་བཞུགས་སོ། TI1396-004 ༄༅། །ཨོཾ་སྭསྟི ཡེ་ཤེས་ཀྱིས་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་ཐུགས་ཐིག་གི་གླེགས་བམ་སྔ་མ། ག༽རྟགས་ཅན་འདིར། ཐོག་མར་ཕུར་པའི་སྐོར་ལ། གསོལ་འདེབས་བྱིན་རླབས་དཔལ་སྟེར་ལྡེབ ༡ ཕུར་སྒྲུབ་བདུད་ལས་རྣམ་རྒྱལ་མཚོ་རྒྱལ་ཐུགས་བཅུད་ལྡེབ་༡༠ རྩ་སྒྲུབ་བར་ཆད་ཀུན་སེལ་དངོས་གྲུབ བུམ་བཟང་ལྡེབ་༤ ཆེ་ཕུར་ཟུང་འབྲེལ་དུ་སྡེ་ཁ་བསྒྱུར་བ་ལྡེབ ༡ རྒྱུན་ཁྱེར་ཚེ་ཕུར་འདོན་འགྲིགས་ཕབ་བྱང་ལྡེབ་༡ ཚོགས་མཆོད་རྒྱུན་ཁྱེར་ཚོགས་གཉིས་མཐར་ཕྱིན་དང་། ༡ བསྡུ་ལྡང་བསྔོ་སྨོན་བཀྲ་ཤིས་བཅས་ལྡེབ་ཚོགས་མཆོད་ཡེ་ཤེས་སྤྲིན་ཕུང་ལྡེབ ༦ བསྐང་བ་ཤེལ་གྱི་མེ་ལོང་ལྡེབ ༢ ཚོགས་མཆོད་བསྡུས་པ་བསོད་ནམས་ཆུ་གཏེར་ལྡེབ་༢ མེ་ཚང་དངོས་གྲུབ་ལྕགས་ཀྱྱི་ལྡེབ་༢ དྲག་བསྐུལ་ཡེ་ཤེས་མེ་ཕྲེང་ལྡེབ་དྲག་སྒྲུབ་ཟབ་མོ་ལྡེབ ༩ དྲག་སྒྲུབ་ཀྱི་ཆ་ལག་སྔོན་འགྲོ་ལྡེབ ༣ དྲག་ཟླག་སྤུ་གྲིའི་འཁོར་ལོ་ལྡེབ་༥ གཏོར་ཟོར་གདབ་པ་ལྡེབ་༡ རྩ་དབང་དངོས་གྲུབ་སྙེ་མ་ལྡེབ ༡༠ བཅས། ༈ མཁའ་འགྲོའི་སྐོར་ལ་བརྒྱུད་པའི་གསོལ་འདེབས་བྱིན་རླབས་མཆོག་སྟེར་ལྡེབ་༡ ཌཱ་ཀིའི་ཐུགས་ཀྱི་སྒྲུབ་པ་དངོས་གྲུབ་བུམ་བཟང་དང་། སྐབས་སུ་མཆོད་པའི་ལས་རིམ་གབ་པ་བཞི་ལྡན་བཅས་ལྡེབ་༤ མཁའ་འགྲོའི་དོན་དབང་དངོས་གྲུབ་སྒོ་འབྱེད་བྱིན་རླབས་བཅུད སྟེར་ལྡེབ་༡༠ ཚེ་སྒྲུབ་ཡང་བཅུད་སྙིང་པོ་ལྡེབ ༢ མེ་མཆོད་དངོས་གྲུབ་བང་མཛོད་ལྡེབ་༥ མཁའ་འགྲོའི་དགོངས་པ་འདུས་པའི་སྒྲབ་ཐབས་རྒྱུན་ཁྱེར་ཡང་ཟབ་སྙིང་པོ་ལྡེབ་༡༥ མཁའ་འགྲོའི་གསང་བ་འདུས་པའི་དོན་དབང་སྐལ་ལྡན་རྗེས་འཛིན་ཟབ་རྒྱ་ཅན་ལྡེབ་༨ ཡེ་ཤེས་མཁའ་འགྲོའི་ལོ་རྒྱུས་མེ་ཏོག་ཆུན་པོ་མཛེས་པའི་ཕྲེང་བ་ལྡེབ་༢ ཡེ་ཤེས་མཁའ་འགྲོའི་སྒྲུབ་ཐབས་བདེ་ཆེན་མཆོག་སྩོལ་ལྡེབ ༧ ཌཱ་ཀིའི་ཚོགས་མཆོད་བདུད་རྩིའི་སྤྲིན་དཔུང་ལྡེབ་༥ མཚོ་རྒྱལ་སྒྲུབ་ཐབས་རླུང་སེམས་དབང་སྡུད་བདེ་དྲོད་རང་འབར་ལྡེབ ༤ ཚོགས་མཆོད་སྤྲོས་མེད་རྒྱུན་ཁྱེར་ཚོགས་གཉིས་མྱུར་རྫོགས་དང་། དངོས་གྲུབ་ལྷག་སྐྱོང་སྨོན་ལམ མེ་མཆོད་བསྡུས་པ་ཚོགས་གཉིས་མྱུར་རྫོགས་བཅས་ལྡེབ ༢ རྫོགས་ཆེན་གནད་མེ་ལོང་ལྡེབ་༢ མཚོ་རྒྱལ་གསང་དབང་སྤྲོས་མེད་དོན་གྱི་སྙིང་པོ་ཤེས་རབ་རྩ་འབྱེད་དང་། འཕོ་བ་ཡེ་ཤེས་སྒོ་འབྱེད ཕག་མོའི་ཡན་ལག་བདུན་པ སྤྲུལ་སྐུ་དྲི་མེད་ཀྱི་བརྟན ༄༅། །ཞུགས་གསོལ་འདེབས་དུས་གསུམ་སངས་རྒྱས་སོགས ཡང་ཀློང་ཆེན་རབ་འབྱམས་སོགས། དབང་མཛད་ལྷ་མོའི་རྒྱུན་བཟླས་བཅས་ལྡེབ ༣ གསང་དབང་ཤེས་རབ་རྩ་འབྱེད་ཀྱི་ངོ་སྤྲོད་གབ་པ་མངོན་ཕྱུངས་གསང་བའི་སྲོག་ཐིག་མཁའ་འགྲོའི་གསང་ཚིག་ལྡེབ་༣ མཁའ་འགྲོའི་གསོལ་འདེབས་བྱིན་རླབས་དཔལ་ཕྲེང་ལྡེབ་༡ ཌཱ་ཀི་མཚོ་རྒྱལ་ཐུགས་སྒྲུབ་དངོས་གྲུབ་སྙེ་མ་ལྡེབ ༡༡ རིག་འཛིན་མཁའ་འགྲོའི་སྤྱི་བསྐང་ཉམས་ཆག་རང་གྲོལ་དངོས་གྲུབ་ཆར་འབེབས་ལྡེབ་༣ མཁའ་འགྲོའི་སྲོག་སྒྲུབ་ཡང་བཅུད་སྙིང་པོ་བསྐྱེད་རིམ་ཟུར་གསལ་རྡོ་རྗེའི་རྒྱ་ཅན་ལྡེབ ༣ དགོངས་འདུས་གནང་བྱང་བསྡུས་པ་གསལ་བའི་སྒོ་འབྱེད་གསེར་གྱི་ལྡེ་མིག་གསང་བའི་རྒྱ་ཅན་ལྡེབ་༡༢ མཁའ་འགྲོའི་སྲོག་སྒྲུབ་ཡང་བཅུད་སྙིང་པོ་དང་། རྒྱུན་ཁྱེར་ཚོགས་མཆོད་བསྡུས་པ་བཅས་ལྡེབ ༡ ཉམས་ལེན་གནད་ཀྱི་མན་ངག་ཌཱ་ཀིའི་ཐུགས་བཅུདལྡེབ དཔལ་རིའི་སྨོན་ལམ་གསང་ལམ་མངོན་འབྱེད་ལྡེབ་༡ བཅས། ༈ རིག་བྱེད་མའི་སྐོར་ལ གསོལ་འདེབས་བྱིན་རླབས་དབྱིག་ཐོབ་ལྡེབ ༡ སྒྲུབ་ཐབས་དངོས་གྲུབ་མཆོག་སྩོལ་དབང་གི་ལྕགས་ཀྱུ་མེ་ཏོག་ཕྲེང་མཛེས་ལྡེབ་༡༧ སྒྲུབ ༤ ཐབས་བསྡུས་པ་དངོས་གྲུབ་སྙེ་མ་དང་། རྗེས་རིམ་མཆོད་བསྟོད་བཅས་ལྡེབ་༢ བརྒྱུད་འདེབས་དངོས་གྲུབ་ཆར་འབེབས་དང་། རང་ཉིད་སྐད་ཅིག་དྲན་རྫོགས་བཅས་ལྡེབ་༡ མངོན་རྟོགས་བསྡུས་པ་ལྡེབ ༡ བླ་རྡོ་སྲོག་གི་འཁོར་ལོ་ཡང་གསང་མཁའ་འགྲོའི་ཐུགས་བཅུད་རིན་ཆེན་སྙིང་པོ་ལྡེབ་༢ གསང་སྒྲུབ་ཟབ་མོ་དང་། གསང་སྒྲུབ་སྣང་སྲིད་དང་སྡུད། མཆོད་བསྟོད། སྐབས་ཀྱི་དབང་སྡུད་དམིགས་བསལ་བཅས་ལྡེབ ༢ སྒྲུབ་ཐབས་དང་། མཆོད་བསྟོད། འདོད་གསོལ། ཕྲིན་བཅོལ་བཅས་ལྡེབ ༣ ལས་ཚོགས་ཁམས་གསུམ་དབང་སྡུད་ཕྲིན་ལས་མྱུར་འགྲུབ་ལྡེབ ༤ ལྷ་མོས་རྗེས་སུ་འཛིན་པའི་སྨོན་ལམ་ཕན་བདེའི་འབྱུང་གནས་དང་། འདོད་གསོལ་སྨོན་ལམ་བཅས་ལྡེབ་༢ སྨིན་འབྱེད་དབང་གི་འཇུག ངོགས་དངོས་གྲུབ་སྙེ་མ་ལྡེབ་༨ བཅས། ༈ གསང་བ་ཡེ་ཤེས་ཀྱི་སྐོར་ལ མ་རྒྱུད་གསང་བ་ཡེ་ཤེས་ཀྱི་གསང་སྒྲུབ་རྒྱུན་ཁྱེར་ལམ་ཟབ་དངོས་གྲུབ་སྙིང་པོ་དང་། བསྟོད་བསྐུལ་བྱང་བུ་བཅས་ལྡེབ་༢ དེའི་མངོན་རྟོགས་དང་། མཆོད་བསྟོད་ཟུར་བྱང་བཅས་ལྡེབ ༡ ཚོགས་མཆོད་ལྡེབ་༡ སྒྲུབ་ཐབས་དབང་གི་རྒྱུད་སྨིན་ལྡེབ ༢ བཅས། ༈ སྒྲུབ་ ༄༅། །ཐབས་གསོལ་འདེབས་ཞལ་གདམས་སོགས་སྣ་ཚོགས་ཀྱི་སྐོར་ལ། འཇམ་དཔལ་མངོན་རྟོགས་ཤེས་རབ་བློ་འཕེལ་དང་། དེའི་རྗེས་རིམ་མཆོད་བསྟོད ཚོགས་མཆོད། མེ་མཆོད་བཅས་ལྡེབ་༧ དབྱངས་ཅན་ལྷ་མོའི་བསྒོམ་བཟླས་བསྡུས་པ་ལྡེབ་༡ ཚེ་འཕེལ་ཡིད་བཞིན་འཁོར་ལོའི་མངོན་རྟོགས་བསྡུས་པ་དང་། དེའི་མཆོད་བསྟོད། འཆི་བ་བསླུ་ཐབས་ཀུ་སུ་ལའི་མན་ངག་བཅས་ལྡེབ་༥ འཕགས་མའི་མངོན་རྟོགས་བསྡུས་པ་བྱིན་རླབས་ཆུ་གཏེར་ལྡེབ ༤ ཨོ་རྒྱན་ཚེ་དཔག་མེད་པའི་སྒྲུབ་ཐབས་ཚེས་བཅུད་བསྡུས་པ་འགྱུར་མེདགཡུང་དྲུང་ལྡེབ་༡ ཚེ་སྒྲུབ་རྡོ་རྗེ་ཕ་ལམ་ཉི་ཟླ་ཁ་སྦྱོར་ཤིན་ཏུ་གསང་བའི་རྒྱ་ཅན་ལྡེབ་༣ ཚེ་སྒྲུབ་བསྡུས་པ་ལྡེབ་༡ ས་ར་ཧའི་མངོན་རྟོགས་བྱིན་རླབས་སྤྲིན་ཕུང་དང་། དེའི་མཆོད་བསྟོད་བཅས་ལྡེབ་༡ བཅས་ལེ་ཚན་དྲུག་ཅུ་རེ་གསུམ་དང་༦༣ གླེགས་བམ་གྱི་དཀར་ཆག་རང་ཉིདལྡེབ ༣ བཅས་བསྡོམས་ལྡེབ་གྲངས ༤༩༨ བཞུགས། ༈ མཚུངས་མེད་ཌཱ་ཀི་བདེ་སྐྱོང་དབང་མོ་ཡི། །ཟབ་གཏེར་མཁའ་འགྲོའི་གསང་མཛོད་ཆོས་སྡེའི་གཞུང་།བར་མཚམས་སྒོམ་སྡེས་པར་དུ་བཏབ་སྤེལ་མཐུས །ཟབ་ཆོས་ཕྲིན་ལས་མི་8 ནུས་མཐར་རྒྱས་ཤོག ༈ གྲུབ་བརྙེས་རིག་འཛིན་ཌཱ་ཀིའི་འཁོར་ལོས་བསྒྱུར །སྔོན་མེད་གདམས་ཟབ་མཁའ་འགྲོའི་གསང་མཛོད་བདག །མཁའ་སྤྱོད་དབང་མོ་བདེ་བའི་རྡོ་རྗེས ཡི། །རིང་ལུགས་ཕྱོགས་མཐར་འཕེལ་རྒྱས་རྟག་ཁྱབ་ཤོག །ཛྙཱ་ནས་སོ།། །། སུ་ཁ་བཛྲ་TI1396-010 རྣྲོཾ་ཿ ཆོས་ཉིད་མཁའ་འགྲོའི་ཐུགས་ཐིག་ལས༔ ཕུར་སྒྲུབ་བདུད་ལས་རྣམ་རྒྱལ་གྱི་ཆ་ལག་གསོལ་འདེབས་བྱིན་རླབས་དཔལ་སྟེར་བཞུགས༔ ན་མོ་པདྨ་ཀ་ར་ཡེ༔ དད་དང་མོས་གུས་ལྡན་པ་ཡིས༔ བརྒྱུད་པའི་བླ་མར་གསོལ་འདེབས་ཐབས༔ བྱིན་རླབས་དཔལ་སྟེར་འདི་རུ་བཀོད༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ སྒོ་གསུམ་གཅིག་དྲིལ་དད་པ་ཡིས༔ སྙན་པའི་དབྱངས་ཀྱིས་འདི་ལྟར་བརྗོད༔ ཨེ་མ་ཧོཿ ཀུན་བཟང་རྡོར་འཆང་རྡོར་སེམས་དགའ་རབ་རྗེ༔ གསོལ་བ་འདེབས་སོ་བདག་རྒྱུད་སྨིན་གྲོལ་ཏེ༔ ཚེ་འདིར་ཕྱག་རྒྱ་ཆེན་པོ་མངོན་གྱུར་ནས༔ ཕྲིན་ལས་ཕུར་པ་འགྲུབ་པར་བྱིན་གྱིས་རློབས༔ པྲ་བྷ་ཧ་སྟི་པདྨ་ཐོད་ཕྲེང་རྩལ༔ ཡེ་ཤེས་མཚོ་རྒྱལ་རྗེ་འབངས་རིག་འཛིན་ཚོགས༔ བཀའ་དྲིན་མཚུངས་མེད་པདྨ་ལས་འབྲེལ་ལ༔ གསོལ་ཕྲིན་ལས་ཕུར་པ༴ མཐིང་ནག་གྲུ་གསུམ་འབར་བའི་གཞལ་ཡས་ནས༔ རྡོ་རྗེ་གཞོན་ནུ་ཡབ་ཡུམ་འཁོར་དང་བཅས༔ རྩ་གསུམ་དཔའ་བོ་མཁའ་འགྲོ་དམ་ཅན་ལ༔ གསོལ་བ༔ ཚེ་འདིར་ཕྲིན་ལས་ཕུར་པ་༔ ས་ལམ་མཐར་ཕྱིན་ཡང་དག་དོན་ལྡན་ཅིང་༔ བསྐྱེད་རིམ་རྣམ་དག་སྣོད་བཅུད་ལྷ་སྐུར་དག༔ རྫོགས་རིམ་ཕྱི་ནང་གཞན་གསུམ་བཅུད་དུ་སྨིན༔ རྫོགས་པ་ཆེན་པོ་སྲིད་ཞི་མཉམ་ཉིད་རྫོགས༔ ཚེ་འདིར་ གཞོན་ནུ་བུམ་སྐུར་སངས་རྒྱས་ཤོག༔ ཅེས་པ་མོས་གུས་དྲག་པོ་ཡིས༔ གསོལ་འདེབས་འདི་ལ་བརྩོན་གྱུར་ན༔ བྱིན་རླབས་རྒྱུད་ལ་འཇུག་པར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཅེས་བདེ་ཆེན་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ།། །། 1023 TI1396-012 TI1396-012 ལ་གྲོི་ལ་མས་ ལམ་ཚས་པོ་ལ་ས་ཐོས་གྱི་དང་ཨོཾ་ཿ ན་མོ་པདྨ་ཀཱ་ར་ཡེ༔ རང་རིག་སྐུ་གསུམ་དབྱེར་མེད་པ༔ ཐོད་ཕྲེང་རྩལ་ལ་གུས་པས་འདུད༔ ཕྱི་རབས་སྐལ་ལྡན་ལས་འཕྲོ་ཅན༔ ཟབ་མོ་གཏེར་ལ་སྤྱོད་པའི་ཚེ༔ དུས་ངན་དབང་གི་བར་ཆད་མང་༔ དེ་ཚེ་དེ་ཡི་ཆ་རྐྱེན་དུ༔ ཕུར་སྒྲུབ་བདུད་ལས་རྣམ་རྒྱལ་བསྟན༔ ས་མ་ཡ༔ རྐྱེན་བྲལ་ཡིད་དྭངས་འཚེ་བ་བྲལ༔ བྱིན་ཆགས་བཀོད་ལེགས་དབེན་པའི་གནས༔ གྲོགས་དང་མཁོ་བའི་ཡོ་བྱད་བསགས༔ རབ་ནི་རྡུལ་ཚོན་འབྲིང་རས་བྲིས༔ ཡང་ན་གཏོར་མ་ལྷ་གྲངས་སམ༔ ཕུར་སྒྲུབ་དག་ལ་བརྟེན་ཀྱང་རུང་༔ དེ་དག་ཕྱི་ནང་མཆོད་པས་བསྐོར༔ དཀར་དམར་གཉིས་ལྷར་ཕྲིན་ལས་བཅོལ༔ དེ་ནས་བདེ་བའི་སྟན་ལ་འཁོད༔ བརྒྱུད་པའི་བླ་མར་གསོལ་བཏབ་མཐར༔ དེ་དག་འོད་ཞུ་རང་ཉིད་ཀྱི༔ སྨིན་མཚམས་ནས་ཞུགས་རང་ ཨོཾ་ཿ ལ་ཐིམ༔ རང་ཉིད་རྡོ་རྗེ་སེམས་དཔར་གསལ༔ གནས་ཁང་ཡོ་བྱད་ཇི་སྙེད་ཀུན༔ བྱིན་བརླབས་རྣམ་དག་ཞིང་དུ་གྱུར༔ ཚོགས་ཞིང་སྤྱན་དྲངས་མདུན་མཁར་བསྐྱེད༔ སྒོ་གསུམ་དད་པས་ཚིག་འདི་བརྗོད༔ དང་པོ་སྐྱབས་སུ་འགྲོ་བ་ནི༔ ན་མོ༔ བླ་མེད་བླ་མ་ཡི་དམ་ལྷར༔ མཁའ་འགྲོ་ཆོས་སྐྱོང་ཡོངས་འདུས་དཔལ༔ རྡོ་རྗེ་ཕུར་པའི་དཀྱིལ་འཁོར་ལ༔ བྱང་ཆུབ་བར་དུ་སྐྱབས་སུ་མཆི༔ ལན་གསུམ་དང་སེམས་བསྐྱེད་ནི༔ ཧོཿ མ་གྱུར་མཁའ་མཉམ་སེམས་ཅན་ཀུན༔ རྣམ་མཁྱེན་རྫོགས་པའི་སངས་རྒྱས་ཕྱིར༔ བདག་གིས་རིམ་གཉིས་ལམ་བསྒོམ་ནས༔ འཁོར་བ་དོང་སྤྲུགས་དཔལ་ཐོབ་ཤོག༔ ལན་གསུམ་བརྗོད་མཐར༔ ཡན་ བདུན་ནི༔ ན་མོ༔ དཔལ་ཆེན་ལྷ་ཚོགས་དཀྱིལ་འཁོར་དུ༔ སྒོ་གསུམ་གུས་པས་ཕྱག་འཚལ་ལོ༔ དངོས་འབྱོར་ཡིད་སྤྲུལ་མཆོད་པ་འབུལ༔ དུས་གསུམ་བསགས་པའི་སྡིག་སྒྲིབ བཤགས༔ དགེ་ཚོག་ཀུན་ལ་རྗེས་ཡི་རངས༔ ཐེག་གསུམ་ཆོས་འཁོར་བསྐོར་བར་བསྐུལ༔ དམ་པ་མྱ་ངན་མི་འདའ་བཞུགས༔ དགེ་ཚོགས་འགྲོ་བ་ཡོངས་ལ་བསྔོ༔ བླ་མེད་བྱང་ཆུབ་མྱུར་ཐོབ་ཤོག༔ ཅེས་བརྗོད་བགེགས་འདུལ་དཔའ་བོའི་སྐུ༔ དཀར་ནག་ཞལ་གཅིག་ཕྱག་གཉིས་པ༔ དབྱུགས་ཏོ་དང་ནི་ཐོད་ཁྲག་འཛིན༔ ཁྲོ་བོའི་ཆས་རྫོགས་གར་དགུར་ལྡན༔ རྟ་མགོ་ལྗང་ཞུར་རྟ་སྐད་འཚེར༔ བགེགས་རྣམས་ཟིལ་གྱིས་གནོན་པར་བསྒོམ༔ དེ་ནས་བགེགས་ལ་བཀའ་བསྒོ་ནི༔ ཧཱུྃ་ཧཱུྃ་ཧཱུྃ༔ ང་ནི་དཔལ་ཆེན་པདྨ་ཧེ་རུ་ཀ༔ ང་ནི་ཡི་དམ་ཡོངས་འདུས་དྲག་པོའི་སྐུ༔ ཉོན་གཅིག་ལན་ཆགས་གདོན་བགེགས་འབྱུང་པོའི་ཚོགས༔ འདོད་ཡོན་ལྔ་ལྡན་གཏོར་མ་འདི་ལོངས་ལ༔ གསང་སྔགས་སྒྲུབ་པའི་གནས་འདིར་མ་འདུག་པར༔ སོ་སོ་རང་རང་གནས་སུ་ཕྱིར་དེངས་ཤིག༔ གལ་ཏེ་མི་འགྲོ་བཀའ་ལས་འདའ་བྱེད་ན༔ རྡོ་རྗེ་འབར་བའི་སྤྲུལ་པ་ཁྲོ་ཚོགས་དང་༔ མེ་དཔུང་མཚོན་ཆའི་ཕོ་ཉ་སྐར་ལྟར་འཁྲིགས༔ ལུས་ངག་རྡུལ་བརླག་རྡུལ་ཕྲན་བཞིན་དུ་བཤིག༔ གནས་འདིར་མ་འདུག་ད་ལྟ་ ༩༥ ཨོཾཿ ཕྱིར་དེངས་ཤིག༔ ཧཱུྃ་ཧཱུྃ་ཧཱུྃ༔ ཨུ་ཙ་ཏ་ཡཕཊ༔ ཅེས་དང་ཧཱུྃ་བཞི་དྲག་སྔགས་སོགས་ཀྱིས་བསྐྲད༔ དེ་ནས་སྲུང་འཁོར་བསྒོམ་པ་ནི༔ ཧཱུྃ་ཧྲཱིཿ རང་ཉིད་ཐུགས་ལས་འཕྲོས་པ་ཡི༔ སྤྲུལ་པ་ཐུན་མཚོན་ཕོ་ཉ་རྣམས༔ ཚུར་འདུས་སྲུང་བའི་གུར་ཁང་ནི༔ འཁོར་ལོ་རྡོ་རྗེ་རིན་པོ་ཆེ༔ པདྨ་རྒྱ་གྲམ་མེ་རླུང་མཚོ༔ སྲུང་བའི་འཁོར་ལོར་ལྷུན་གྱིས་གྲུབ༔ བྷྲུྃ་བཛྲ་རཀྵ རཀྵ་ཧཱུྃ༔ ཅེས་བརྗོད་ནས་སྲུང་བའི་འཁོར་ལོས་མཚམས་བཅད་པས་བགེགས་དང་ལོག་འདྲེན་ཐམས་ཅད་ཉེ་བར་མི་ནུས་པའི་ནང་དུ་བདག་དང་སྲུང་བྱ་ཐམས་ཅད་ཡི་དམ་ལྷ་ཡི་ང་རྒྱལ་གྱིས་གནས་པར་བསམ༔ དེ་ནས་བྱིན་ཆེན་དབབ་པ་ནི༔ ཧཱུྃ་ཧྲཱིཿ མི་གནས་ཆོས་སྐུའི་ཕོ་བྲང་ནས༔ ཆོས་སྐུ་ཀུན་བཟང་ཡབ་ཡུམ་ལ༔ དགོངས་བརྒྱུད་རིག་འཛིན་ཚོགས་ཀྱིས་བསྐོར༔ གནས་འདིར་སྤྱན་འདྲེན་བྱིན་ཆེན་ཕོབས༔ ལྷུན་གྲུབ་ལོངས་སྐུའི་ཞིང་ཁམས་ནས༔ བཅོམ་ལྡན་རྒྱལ་བ་རིགས་ལྔ་ལ༔ བརྡ་བརྒྱུད་རིག་འཛིན་ཚོགས་ཀྱིས་བསྐོར༔ གནས་འདིར་སྤྱན་མི་མཇེད་སྤྲུལ་པའི་ཞིང་ཁམས་ནས༔ དགའ་རབ་ཤྲཱི་སེང་པདྨ་འབྱུང་༔ སྙན་བརྒྱུད་རིག་འཛིན་ཚོགས་ཀྱིས་བསྐོར༔ གནས་འདིར་སྤྱན༴ འོད་གསལ་ལྷུན་གྲུབ་ཕོ་བྲང་ནས༔ རྒྱལ་ཡུམ་ཡེ་ཤེས་མཚོ་རྒྱལ་ལ༔ གནས་གསུམ་དཔའ་བོ་ མཁའ་འགྲོས་བསྐོར༔ གནས་འདིརཿ སྤྱི་གཙུག་བདེ་ཆེན་འཁོར་ལོ་ནས༔ རིག་འཛིན་པདྨ་ལས་འབྲེལ་ལ༔ རྩ་བརྒྱུད་བླ་མའི་ཚོགས་ཀྱིས་བསྐོར༔ གནས་འདིརཿ དཀྱིལ་འཁོར་མངའ་བདག་ཧེ་རུ་ཀ༔ རྡོ་རྗེ་གཞོན་ནུ་ཡབ་ཡུམ་ལ༔ རིགས་བཞི་ཁྲོ་བཅུ་ཟ་གསོད་དང་༔ ཡི་དམ་རྒྱ་མཚོའི་ཚོགས་ཀྱིས་བསྐོར༔ གནས་འདིརཿ གནས་ཡུལ་དུར་ཁྲོད་ལ་སོགས ནས༔ མཁའ་འགྲོ་ཆོས་སྐྱོང་དམ་ཅན་རྣམས༔ གནས་འདིརཿ གནས་དང་སྒྲུབ་ཁང་སྒྲུབ་པའི་རྫས༔ ཞིང་དང་གཞལ་ཡས་བདུད་རྩིར་རློབས༔ སྒྲུབ་པའི་རྣལ་འབྱོར་མཆེད་ལྕམ་དྲལ༔ དཔའ་བོ་དཔའ་མོར་བྱིན་གྱིས་རློབས༔ གནས་མཆོག་འདི་རུ་བྱིན་ཕོབས་ལ༔ སྒྲུབ་མཆོག་རྣམས་ལ་དངོས་གྲུབ་སྩོལ༔ མཆོག་དང་ཐུན་མོང་བྱིན་ཆེན་ཕོབས༔ བཛྲ་ས་མ་ཡ་ཛ་ཛཿ ཨེ་ཨ་རལླི་ཕེཾ་ཕེཾ༔ ཨ་བེ་ཤ་ཡ་ཨ་ཨ༔ ཅེས་བརྗོད་པས་རྒྱལ་བ་རྣམས་ཀྱི་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པའི་དབང་བྱིན་དངོས་གྲུབ་ཐམས་ཅད་འོད་ཕུང་ཁ་དོག་ལྔ་ལྡན་གྱི་རྣམ་པར་བྱུང་ནས་བདག་དང་སྒྲུབ་རྫས་རྣམསསུ་ཐིམ་པས་སྐུ་གསུམ་མཉམ་སྦྱོར་ཆེན་པོར་གྲོལ་བར་བསམ་མོ༔ དེ་ནས་མཆོད་རྫས་བྱིན་རླབས་ནི༔ ཨོཾ་ཨཱཿཧཱུྃ༔ སྣང་སྲིད་འདོད་ཡོན་མཆོད་པའི་སྤྲིན༔ མི་ཟད་ནམ་མཁའ་མཛོད་དུ་སྤེལ༔ ཏིང་འཛིན་ཡིད་ ཨོཾཿ སྤྲུལ་ལྷ་མོ་ཡིས༔ གར་སྟབས་འཇོ་སྒེག་རྣམ་འགྱུར་གྱིས༔ དཀྱིལ་འཁོར་ལྷ་ཚོགས་མཉེས་པའི་རྫས༔ རབ་འབྱམས་ཞིང་ཀུན་ཡོངས་ཁྱབ་སྤེལ༔ ཨོཾ་བཛྲ་ཨརྒྷཾ་སོགས ཤཔྟ་རཱུ་པ་སོགས། དྷརྨ་སརྦ་པཉྩ་ཨ་མྲྀ་ཏ་བ་ལིཾ་ཏ་རཀྟ་བོ་དྷི་ཙིཏྟ་ཨཱཿཧཱུྃ༔ ཞེས་བརྗོད་པས་རང་གི་ཐུགས་ཀ་ནས་ཡི་གེ་རཾ་ཡཾ་ཁཾ་དང་ཨོཾ་ཨཱཿཧཱུྃ་རྣམས་འཕྲོས་པས༔ མེས་གཉིས་འཛིན་གྱི་རྟོག་པ་སྲེགས༔ རླུང་གིས་དངོས་པོར་འཛིན་པའི་བག་ཆགས་གཏོར༔ ཆུས་དྲི་མ་ཐམས་ཅད་བཀྲུས་པར་བསམ༔ འབྲུ་གསུམ་གྱིས་དངོས་སུ་འབྱོར་པའི་མཆོད་པ་ཕྱི་ནང་གསང་བ་ཡང་གསང་དེ་ཁོ་ན་ཉིད་ཀྱི་མཆོད་པ་སོགས་ཀྱིས་འཕགས་པ་ཀུན་ཏུ་བཟང་པོའི་མཆོད་པའི་སྤྲིན་རྒྱ་མཚོར་སྤྲུལ་ནས་སྐུ་གསུང་ཐུགས་ཀྱི་བདུད་རྩིའི་རང་བཞིན་དུ་བརླབས་པར་བསམ་མོ༔ དེ་དག་སྔོན་འགྲོའི་ལས་རིམ་མོ༔ ས་མ་ཡ༔ དེ་ནས་དངོས་གཞི་བསྒོམ་པ་ནི༔ ཨ༔ ཆོས་རྣམས་སྟོང་པ་དེ་བཞིན་ཉིད༔ ཀུན་སྣང་འགྲོ་ལ་སྙིང་རྗེར་བརྡལ༔ རིག་པ་རྒྱུ་ཡི་ཡི་གེ་ཧཱུྃ༔ དེ་ལས་འོད་ཟེར་རབ་འཕྲོས་པས༔ འབྱུང་བ་རིམ་བརྩེགས་རི་རབ་དང་ཿ སྲ་མཁྲེགས་རྡོ་རྗེ་བྲག་ཆེན་སྟེང་༔ དུར་ཁྲོད་བརྒྱད་ཀྱིས་བསྐོར་བའིདབུས༔ ཧཱུྃ་ལས་_UNK་འཕྲོས་ཡོངས་གྱུར་པ༔ རབ་འཇིགས་དྲག་པོའི་གཞལ་ཡས་ཁང་༔ རྒྱན་དང་བཀོད་པ་ཡོངས་རྫོགས་ཤིང་༔ ཕྱི་ནང་རིམ་པ་གཉིས་སུ་གྲུབ༔ མཐིང་ནག་གྲུ་གསུམ་འབར་བའི་དབུས༔ གནམ་ལྕགས་འཁོར་ལོ་རྩི་བས་བཅུ་དང་༔ རྩིབས་བཞི་མུ་ཁྱུད་དང་བཅས་སྟེང་༔ བྱོལ་སོང་གཙོ་བརྒྱད་ཀྱིས་བཏེགས་ཁྲིར༔ པད་ཉི་བདུད་བཞི བསྣོལ་བའི་སྟེང་༔ དབྱིངས་ནས་ས་བོན་གདན་ལ་བབས༔ དེ་ལས་འོད་འཕྲོས་དོན་གཉིས་བྱས༔ ཚུར་འདུས་ཡོངས་སུ་གྱུར་པ་ལས༔ དཔལ་ཆེན་རྡོ་རྗེ་གཞོན་ནུའི་སྐུ༔ མཐིང་ནག ཞལ་གསུམ་ཕྱག་དྲུག་པ༔ གཡས་ཞལ་དཀར་ལ་གཡོན་ཞལ་དམར༔ སྤྱན་དགུ་སྡང་མིག་གཡོ་ཞིང་འཁྲུགས༔ ཞལ་གདངས་ལྗགས་འདྲིལ་མཆེ་བ་གཅིག༔ སྨ་ར་སྨིན་མར་མེ་འོད་འཕྲོ༔ ཕྱག་དྲུག་གཡས་གཉིས་གསེར་རྡོ་རྗེ༔ རྩེ་དགུ་དང་ནི་རྩེ་ལྔ་གདེངས༔ གཡོན་གཉིས་མེ་དཔུང་ཁ་ཊཾ་འཛིན༔ མཐའ་གཉིས་འོག་ཏུ་ཕུར་བུ་འདྲིལ༔ དབུ་སྐྲ་དམར་སེར་གྱེན་དུ་བརྫེས༔ ཐོད་སྐམ་ལྔ་ཡི་དབུ་རྒྱན་དང་༔ རིན་ཆེན་རྩེ་བྲན་འོད་དུ་འབར༔ སྙན་གཉིས་རང་བཞིན་ཝཾ་མིག་མཛེས༔ སྐུ་སྟོད་གླང་ཆེན་པགས་པ་དང་༔ རྡོ་རྗེ་རིན་ཆེན་གཤོག་པ་གདེངས༔ སྐེད་པར་ཞིང་ཆེན་གཡང་གཞི་དང་༔ སྐུ་སྨད་སྟག་པགས་ཤམ་ཐབས་བཀླུབས༔ མི་མགོ་ལྔ་བཅུའི་དོ་ཤལ་དང་༔ སྦྲུལ་རིགས་ལྔ་ཡིས་ཕྱག་ཞབས་སྤྲས༔ དཔལ་དང་དུར་ཁྲོད་ཆས་རྣམས་རྫོགས༔ ཨཱོཾ་ཿ སྒེག་དཔའ་འཇིགས་རུང་རྔམས་ཤིང་གཤེ༔ སྙིང་རྗེ་རྔམས་ཞིང་དཔལ་དང་ལྡན༔ ཞབས་བཞི་འདོར་སྟབས་བདུད་བཞི་མནན༔ ཡེ་ཤེས་མེ་དཔུང་འཁྱིལ་ཀློང་བཞུགས༔ བདེ་སྟོང་གཉིས་སུ་མེད་པའི་ཕྱིར༔ པང་གཡོན་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་པ༔ གཡས་པས་ཨུཏྤལ་ཡབ་མགུལ་འཁྱུད༔ གཡོན་པས ཐོད་ཁྲག་གཙོ་ལ་སྟོབས༔ གཟིགས་ཤམ་སྨད་དཀྲིས་རུས་རྒྱན་གསོལ༔ ཁྲོ་མོའི་ཆས་རྫོགས་ཞབས་གཉིས་ཀྱིས༔ བརྐྱང་བསྐུམ་ཡབ་ཀྱི་སྐུ་ལ་འཁྲིལ༔ བདེ་སྟོང་ཡེ་ཤེས་ཉམས་རྒྱས་གཡོ༔ ཕྱི་རིམ་འཁོར་ལོ་རྩིབས་བཞིའིསྟེང་༔ སྲས་མཆོག་ཀཱི་ལ་རིགས་བཞི་ནི༔ དཀར་སེར་དམར་ལྗང་ཞལ་གསུམ་པ༔ སྤྱན་དགུ་སྡང་མིག་ཕྱོགས་བཅུར་གཟིགས༔ ཞལ་གདངས་ལྗགས་འདྲིལ་སྨར་མེ་འཕྲོ༔ དབུ་སྐྲགྱེན་བརྫེས་ཐོད་སྦྲུལ་བརྒྱན༔ དུར་ཁྲོད་ཆས་རྫོགས་མེ་དཔུང་འབར༔ ཕྱག་དྲུག་རང་རྟགས་ཕྱག་མཚན་དང་༔ རྡོ་རྗེ་མེ་དཔུང་ཁ་ཊཾ་འཛིན༔ ཐ་གཉིས་གནམ་ལྕགས་ཕུར་པ་འདྲིལ༔ སྐུ་སྨད་ཕྱོགས་མདོག་ཕུར་དབལ་ནི༔ དགྲ་བགེགས་ལོག་འདྲེན་སྙིང་གར་གཟིར༔ ཡེ་ཤེས་མེ་དཔུང་ཀློང་དུ་བཞུགས༔ དེ་ཡི་ཕྱི་རིམ་གནམ་ལྕགས ཀྱི༔ འཁོར་ལོ་རྩིབས་བཅུར་པད་ཉི་དང་༔ ཕྱོགས་སྐྱོང་བཅུ་ཡི་གདན་སྟེང་དུ༔ དཔལ་ཆེན་ཁྲོ་བོ་ཆེན་པོ་བཅུ༔ ཧཱུྃ་ཀར་རྣམ་རྒྱལ་