Tibetan
ཆད་སོལ༔ འཆི་མེད་ 0། ཧོཿ ཚེ་དབང་མཆོག་གི་དངོས་གྲུབ་སྩོལ༔ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཨཱ་ཡུརྡྡྷ་ན་ཧཱུྃ་བྷྲཾ་ནྲྀ་ཛཿསརྦ་སིདྡྷི་ཕ་ལ་ཧཱུྃ༔ ཞེས་པ་རླུང་སེམས་གཅིག་དྲིལ་གྱིས༔ རྒྱུན་དུ་འདི་ལ་བརྩོན་གྱུར་ན༔ སྐྱེ་འཆི་མེད་པའི་ཚེ་ཐོབ་ངེས༔ ས་མ་ཡ༔ རྒྱ་རྒྱ་རྒྱ༔ ཞེས་དགོས་གལ་དང་བསྟུན་ཏེ་སུ་ཁ་བཛྲས་མཁའ་འགྲོའི་གསང་མཛོད་ལས་བསྒྱུར་བའོ། །དགེའོ།། །། ༡ མ ༧2༡ M1NE ༡ TI1396-501 TI1396-502 ༔ དག་སྣང་ལས་ས་ར་ཧ་པའི་མངོན་རྟོགས་བྱིན་བརླབས་སྤྲིན་ཕུང་བཞུགས༔ ན་མོ་གུ་རུ་པདྨ་ཀཱ་ར་ཡེ༔ སྐྱབས་སུ་འགྲོ་དང་སེམས་བསྐྱེད་ནི༔ ན་མོ༔ རང་རིག་དོན་གྱི་བླ་མ་ལ༔ བྱང་ཆུབ་བར་དུ་སྐྱབས་སུ་མཆི༔ མ་གྱུར་འགྲོ་བ་ཀུན་དོན་དུ༔ བྱང་ཆུབ་མཆོག་ཏུ་སེམས་བསྐྱེད་དོ༔ ལན་གསུམ་བརྗོད་ནས་དངོས་གཞི་ནི༔ ཨ༔ དམིགས་མེད་དེ་བཞིན་ཉིད་ཀྱི་ངང་༔ སྐད་ཅིག་དྲན་རྫོགས་ཆེན་པོ་རུ༔ རང་ཉིད་རིགས་འདུས་ཧེ་རུ་ཀ༔ ས་ར་ཧ་པ་དམར་སྨུག་བརྗིད༔ ཞལ་གཅིག་ཕྱག་གཉིས་གཡས་པ་ཡིས༔ ཤེས་རབ་རལ་གྲི་མེ་འབར་དང་༔ གཡོན་པས་བྷན་ཐོད་ལྟེ་བར་འཛིན༔ ཞབས་གཉིས་དཔའ་བོ་རོལ་སྟབས་བཞུགས༔ དབུ་སྐྲ་ཐོར་ཅོག་ཟར་བུ་ཁྲོལ༔ སྟག་ཤམ་དར་ལྗང་སྟོད་གཡོག་དཔྱངས༔ ཡེ་ཤེས་འཇའ་འོད་འཁྱིལ་ཀློང་དུ༔ སྣང་ལ་རང་བཞིན་མེད་པར་བསྒོམ༔ གནས་གསུམ་འབྲུ་གསུམ་ས་བོན་ལས༔ འོད་འཕྲོས་ཡེ་ཤེས་ལྷ་ཚོགས་རྣམས༔ སྤྱན་དྲངས་དམ་ཡེ་དབྱེར་མེད་རོ་གཅིག་གྱུར༔ ཐུགས་ཀར་པད་ཉི་ཟླ་གདན་ལ༔ ཨ་ཡིག་མཐའ་མར་སྔགས་ཀྱིས་བསྐོར༔ འཁོར་འདས་དག་མཉམ་བདེ་བ་ཆེ༔ ཨོཾ་གུ་རུ་ས་ར་ཧ་ཛ་མི་ཏྲི་དྷཱིཿཧྲཱིཿ སིདྡྷི་ཧཱུྃ༔ ཅེས་པ་བརྒྱ་སྟོང་ཁྲི་འབུམ་བཟླ༔ དམིགས་པའི་གཟེར་ གསུམ་གནད་ལྡན་ན༔ དོན་གཉིས་དངོས་གྲུབ་ཚེ་འདིར་ལོན༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཨོཾ་ཅེས་པ་འདི་ཡང་རང་སློབ་བྱ་བྲལ་ཤེས་རབ་འོདཟེར་ནས་རིན་ཆེན་སྣ་ཚོགས་ཀྱི་ཕྲེང་བ་བཅས་ནན་ཆེར་བསྐུལ་ངོར་སུ་ཁ་བཛྲ་གྱིས་འཁྲུལ་ཉམས་ཡིག་རིས་སུ་བྲིས་པའོ།། ཉེར་སྤྱོད་ཀྱིས་མཆོད་ལ་བསྟོད་པ་ནི༔ ཧཱུྃ་ཧྲཱིཿ རྒྱལ་བ་ཀུན་འདུས་ཡེ་ཤེས་སྐུ༔ འདྲེན་པ་མཆོག་གྱུར་ཧེ་རུ་ཀའི༔ སྐུ་གསུང་ཐུགས་ཡོན་ཕྲིན་ལས་ལྔར༔ སྒོ་གསུམ་གུས་པས་རབ་ཏུ་བསྟོད༔ ཚེ་འདིར་ཟུང་འཇུག་སྐུ་ཐོབ་ནས༔ དག་པ་མཁའ་སྤྱོད་ཞིང་ཁམས་སུ༔ དཔའ་བོ་ཁྱོད་དང་དབྱེར་མེད་པར༔ མི་གནས་གཏན་སྲིད་ཟིན་པར་ཤོག༔ ཅེས་བདེ་བའི་རྡོ་རྗེས་བྲིས། །དགེའོ།། །། TI1396-504