Tibetan
འོད་འཕྲོས་པས༔ རྒྱལ་ཀུན་གསང་གསུམ་མཉེས་མཆོད་འབུལ༔ མཁྱེན་བརྩེ་ནུས་བྱིན་དཔལ་ཡོན་ཏན༔ འོད་ལྔའི་རྣམ་པར་རང་ལ་ཐིམ༔ གཟུངས་སྤོབས་བློ་གྲོས་དབང་ཐོབ་ནས༔ ཤེས་རབ་སྣང་བ་རྒྱས་པར་བསམ༔ ཨོཾ་ཨ་ར་པ་ཙ་ན་དྷཱིཿ ཞེས་བཟླ་སྒྲུབ་པའི་ལས་རིམ་མོ༔ ཨོཾ་ནི་རྒྱལ་ཀུན་གསང་གསུམ་རྫོགས༔ སྐུ་དང་ཡེ་ཤེས་ཡོན་ཏན་དཔལ༔ དབང་དང་བྱིན་རླབས་ཀུན་གྱི་མཛོད༔ ཨ་ནི་ཆོས་ཀུན་སྙིང་པོར་དྲིལ༔ སྐྱེ་འགགས་འགྱུར་མེད་ སྤྲོས་བྲལ་དབྱིངས༔ ཆོས་རྣམས་ཀུན་གྱི་འབྱུང་གནས་ཆེ༔ ར་ཡིས་མ་རིག་དྲྭ་བ་གཅོད༔ སྨྲ་ངན་རྒོལ་བ་ཚར་བཅད་ནས༔ སྤོབས་པའི་གཏེར་བརྒྱད་ཀུན་ཐོབ་འགྱུར༔ པ་ཡིས་མཁྱེན་བརྩེའི་ཡེ་ཤེས་དང་༔ ཤེས་རབ་སྣང་བ་མཆོག་ཐོབ་ནས༔ མ་རིག་བློ་ཡི་མུན་པ་སེལ༔ ཙ་ཡིས་གཟུངས་ཀྱི་སྒོ་འཕར་འབྱེད༔ ཤེས་བྱའི་ཆོས་ཀུན་རབ་ཏུ་གསལ༔ བདེ་དོན་མངོན་པར་མཁྱེན་པའོ༔ ན་ཡིས་སྲིད་པའི་རྩ་བ་གཅོད༔ སྒྲིབ་གཉིས་དྲི་མ་དབྱིངས་སུ་སངས༔ ཤེས་རབ་གསུམ་གྱི་སྣང་བ་ཐོབ༔ དྷཱིཿནི་སྲིད་ཞི་ཀུན་གྱི་སྲོག༔ ཇི་ལྟ་ཇི་སྙེད་མཁྱེན་ཅིང་གཟིགས༔ སྙིང་པོ་བཅུད་དྲིལ་འདི་ཁོ་ན༔ རྣམ་གཉིས་དངོས་གྲུབ་འབྱུང་བའི་གནས༔ འདི་ཉིད་གཅིག་གྱུར་གནད་དྲིལ་ན༔ མགོན་པོ་ཀུན་གཟིགས་གོ་འཕང་ལཿ རིང་པོར་མི་ལོན་ཚེ་འདིར་གྲོལ༔ གསང་བ་ཤེས་རབ་རྩ་འབྱེད་ཐབས༔ མན་ངག་ཟུང་འཇུག་ཡིག་འབྲུ་ནི༔ དྷཱིཿསེར་ཁོང་སེང་ཧྲཱིཿ ཡིག་སྔོ༔ དྭངས་གསལ་སྤུ་ཡིས་བྲིས་ལྟར་གསལ༔ བཟླས་དམིགས་གནད་ལ་གཟིར་བ་ལ༔ སྲོག་གི་ཡང་སྙིང་འབྲུ་གཅིག་ནི༔ རང་ཉིད་ལྷར་གསལ་ཐུགས་ཀ་རུ༔ དྷཱིཿཡིག་ཏྲཱྃ་གིས་མཚན་པ་བསྒོམ༔ དེ་ལས་འོད་འཕྲོས་རྒྱལ་རྣམས་དང་༔ པཎྚི་ཏ་དང་མཁས་གྲུབ་སོགས༔ སྨྲ་བའི་དབང་པོ་ཐམས་ཅད་ཀྱི༔ ཤེས་རབ་གཟུངས་སྤོབས་བློ་གྲོས་ཀུན༔ སེར་གསལ་འོད་ཀྱི་རྣམ་པ་རུ༔ ཚུར་འདུས་རང་གི་ཐུགས་སྲོག་ལ༔ ཆུ་ལ་ཆུ་ཞགས་ཇི་བཞིན་དུ༔ གཉིས་མེད་རོ་གཅིག་འདྲེས་བསམ་ཞིང་༔ ཡེངས་མེད་སྙིང་པོ་འདི་བཟླས་བྱ༔ ་ཧྲཱི༔ ཞེས་པ་དུས་དྲུག་ ༒ཿ ཆག་མེད་བྱ༔ དེ་ཡིས་དབུ་མགྲིན་རྩ་སྐྱོན་སེལ༔ ཤེས་རབ་ཆེ་ཞིང་གཟུངས་སྤོབས་ཐོབ༔ སྐབས་སུ་ཉ་སྟོང་དུས་དྲུག་གམ༔ ཉི་ཟླ་སྒྲ་གཅན་དང་འཕྲད་དུས༔ ལྷག་པའི་ལྷ་ལ་འདོད་གསོལ་ནི༔ ཧོཿ འཇམ་དཔལ་སྨྲ་བའི་དབང་ཕྱུག་ཁྱོད་ཀྱིས་བདག་ལ་དོན་རབ་མཁྱེན་པའི་ཡེ་ཤེས༔ མི་བརྗེད་པའི་གཟུངས༔ ཆགས་ཐོགས་མེད་པའི་ཤེས་རབ༔ ཟིལ་གྱིས་མི་ནོན་པའི་སྤོབས་པ༔ འཆད་རྩོད་རྩོམ་པའི་བློ་གྲོས༔ འགྲོ་བའི་མུན་སེལ་གྱི་ཐུགས་རྗེ༔ མདོར་ན་རིག་པའི་གནས་ལྔ་ལ་དབང་འབྱོར་ཞིང་༔ ལུང་དང་རྟོགས་པའི་གཞུང་དོན་མ་ལུས་པ་བདག་གིས་ཁོང་དུ་ཆུད་ནས་ཚེ་འདི་ཉིད་ལ་དོན་གཉིས་ཀྱི་མཛད་པ་མཐར་ཕྱིན་ཏེ་ནང་གསལ་འཇམ་དཔལ་དཔའ་བོའི་གོ་འཕང་ཐོབ་པར་མཛད་དུ་གསོལ༔ ཅེས་དང་༔ རྩ་སྔགས་སྙིང་པོ་ཅི་འགྲུབ་དང་༔ ལྕེ་ཟླ་གདན་ལ་བསྒོམ་པའི་སྟེང་དུ་དྷཱིཿཧྲཱི་གསལ་ལ༔ ངག་ནས་བརྗོད་བཞིན་དམིགས་གནད་ལ་ཡེངས་མེད་བྱའོ༔ དེ་ནི་ལས་སྦྱོར་རིམ་པའོ༔ ས་མ་ཡ༔ གསུམ་པ་རྗེས་རིམ་ནི༔ ཉེར་སྤྱོད་ཀྱིས་མཆོད་ལ་བསྟོད་པ་ནི༔ དྷཱིཿ དམར་སེར་ཉི་མ་འཆར་ཀའི་མདང་བཀྲ་བ༔ ཨུཏྤལ་སྟེང་ན་རལ་གྲི་པོསྟི་འཛིན༔ བཅུ་ཕྲག་བཅུ་དང་བཅུ་གཉིས་རྒྱན་གྱིས་སྤྲས༔ འཇམ་དཔལ་སྨྲ་བའི་དབང་པོ་ཁྱོད་ལ་བསྟོད༔ དགེ་བ་འདི་ཡིས་འཇམ་ དཔལ་དབྱངས་འགྲུབ་ནས༔ ཤེས་རབ་མཆོག་གི་སྤོབས་པ་རབ་ཐོབ་ཅིང་༔ མགོན་པོ་ཀུན་གཟིགས་མཆོག་གི་གོ་འཕང་ལ༔ རང་གཞན་འགྲོ་ཀུན་མ་ལུས་སྤྱོད་གྱུར་ཅིག༔ དེ་ལྟར་ཚུལ་བཞིན་ཉམས་བླངས་ན༔ ཤེས་རབ་སྣང་བ་རབ་རྒྱས་ནས༔ གཟུངས་སྤོབས་བློ་གྲོས་ཐོབ་པར་ངེས༔ ཚེ་འདིར་དོན་གཉིས་ངང་གིས་འབྱུང་༔ ཐེ་ཚོམ་མེད་དོ་ས་མ་ཡ༔ དེ་ལ་བརྟེན་ནས་ཚོགས་མཆོད་ནི༔ ཅི་འབྱོར་པ་ཡི་ཟས་སྣ་བསགས༔ ཡང་ན་བཟའ་ཚོགས་བྱེད་ཀྱང་རུང་༔ རཾ་ཡཾ་ཁཾ་གིས་མི་གཙང་སྦྱངས༔ ཨོཾ་ཨཱཿཧཱུྃ་གིས་བདུད་རྩིར་བསྒྱུར༔ རང་ཉིད་ལྷ་ཡི་ཏིང་འཛིན་གྱིས༔ རྃ་ཡ་ཁྃ༔ ཨོཾ་ཨཱཿཧཱུྃ༔ སྣང་བ་སྣོདཀྱི་ཀ་པཱ་ལར༔ སྣོད་བཅུད་འདོད་ཡོན་ཚོགས་སུ་བཤམས༔ ཡེ་ཤེས་བདུད་རྩིར་བྱིན་གྱིས་བརླབས༔ ཟག་མེད་བདེ་སྟོང་བསྐྱེད་པའི་རྫས༔ རྩ་གསུམ་རྒྱལ་བ་རྒྱ་མཚོ་དང་༔ འཇམ་དཔལ་དཀྱིལ་འཁོར་ལྷ་ལ་འབུལ༔ བདག་ཅག་བསོད་ནམས་རྫོགས་ཕྱིར་བཞེས༔ ཐུགས་དམ་བསྐང་ལ་ཉམས་ཆགས་བཤགས༔ གཟུང་འཛིན་དབྱིངས་བསྒྲལ་ལྷག་མེད་རོལ༔ གསང་བ་མཆོག་གི་དངོས་གྲུབ་སྩོལ༔ ལྷག་སྐྱོང་མགྲོན་རྣམས་ལྷག་གཏོར་བཞེས༔ ཕྱི་ནང་བར་ཆད་དབྱིངས་སུ་བཟློག༔ ཨུ་ཙིཥྞ་བཱ་ལི་ཏ་ཁཱ་ཧི༔ ཆད་དོན་ལ་གནས་སྲུང་མ་དང་༔ མ་ཡམ་བསྟན་མ་ཡ་ དེཾཿ མའི་ཚོགས༔ དམ་ཚིག་གསང་བའི་གཏོར་མ་ལོངས༔ ཕྲིན་ལས་རབ་འབྱམས་ལྷུན་གྲུབ་མཛོད༔ མ་རིག་གཉིས་སྣང་རུ་ཏྲ་བྲུབ༔ ལྡངས་མེད་ཡེ་ཤེས་རོལ་པས་མནན༔ ཕྱི་ནང་གསང་བའི་མཆོད་པའི་ཚོགས༔ འཇམ་དཔལ་དཀྱིལ་འཁོར་དགྱེས་ཕྱིར་མཆོད༔ རང་བྱུང་ལྷན་སྐྱེས་ཡེ་ཤེས་ལྷ༔ རྒྱལ་བའི་སྐུ་གསུང་ཐུགས་ལ་བསྟོད༔ མཆོག་ཐུན་དངོས་གྲུབ་དེང་འདིར་སྩོལ༔ སརྦ་སིདྡྷི་ཕ་ལ་ཧོཿ ལྷ་སྔགས་ཏིང་འཛིན་གཡེལ་བ་བཤགས༔ ས་མ་ཡ་ཤུདྡྷེ་ཨ༔ དགེ་འདི་འགྲོ་བ་ཡོངས་ལ་བསྔོ༔ ཀུན་ཀྱང་སངས་རྒྱས་ས་ཐོབ་ཤོག༔ ཐབས་ཀྱིས་བསྐྱེད་པའི་དཀྱིལ་འཁོར་ལྷ༔ ཤེས་རབ་རིག་པའི་ཀློང་དུ་ཨ༔ སླར་ཡང་རྗེས་ཐོབ་ལྷ་སྐུར་གསལ༔ དྷཱིཿདྷཱིཿདྷཱིཿ ས་གསུམ་དགེ་བའི་བཀྲ་ཤིས གང་༔ བདག་ཅག་རྣམས་ལ་བདེ་ལེགས་ཤོག༔ ཚོགས་མཆོད་ཕུལ་བའི་བསོད་ནམས་ཀྱིས༔ བདག་གཞན་འགྲོ་བ་མ་ལུས་པ༔ དམ་པ་སྐུ་གཉིས་ཐོབ་པ་དང་༔ མངོན་གྱུར་དང་པོའི་ས་ཐོབ་ཤོག༔ དེ་ཡི་ཚོགས་རྫོགས་སྒྲིབ་དག་ནས༔ ཚེ་འདིར་དོན་གཉིས་དཔལ་ཐོབ་ངེས༔ ས་མ་ཡ༔ དེ་ལ་བརྟེན་ནས་མེ་ཚོགས་ནི༔ དུ་བ་མེད་པའི་མེ་དཀྱིལ་དུ༔ དཀར་གསུམ་དང་ནི་མངར་གསུམ་དང་༔ འདབ་ལྡན་མེ་ ཏོག་སེར་པོའི་རིགས༔ སྨན་སྣ་ལ་སོགས་རྫས་སུ་བསགས༔ ཡང་ན་མེ་ཏོག་སེར་པོ་དང་༔ ཅི་འབྱོར་པ་ཡི་རྫས་བསགས་ནས༔ མེ་ཐབ་དམིགས་མེད་སྟོང་པར་གྱུར༔ སྟོང་པའི་ངང་ལས་སྐད་ཅིག་གིས༔ མཁའ་ལ་འཇའ་ཚོན་ཤར་བ་བཞིན༔ བདེ་ཆེན་འགྱུར་མེད་ཞིང་ཁམས་སུ༔ བཀོད་པ་རབ་རྫོགས་གཞལ་ཡས་དབུས༔ པདྨ་ཟླ་བ་རྒྱས་པའི་སྟེང་༔ མདུན་བསྐྱེད་ཡེ་ཤེས་སེམས དཔའ་ནི༔ འཇམ་དཔལ་དམར་སེར་གུར་གུམ་མདོག༔ ཕྱག་གཉིས་རལ་གྲི་པོ་སྟི་འཛིན༔ ཞལ་གཅིག་འཛུམ་པའི་མདངས་དང་ལྡན༔ སྤྱན་གཉིས་འགྲོ་ལ་བརྩེ་བར་གཟིགས༔ དབུ་སྐྲ་ཐོད་བཅིང་ཟར་བུ་གྲོལ༔ ལོངས་སྤྱོད་རྒྱན་རྫོགས་ཞི་ཚུལ་ལྡན༔ ཡེ་ཤེས་འོད་ལྔའི་ཀློང་དཀྱིལ་དུ༔ ཞབས་གཉིས་རྡོ་རྗེའི་སྐྱིལ་ཀྲུང་བཞུགས༔ སྣང་སྟོང་སྒྱུ་མའི་སྐུ་རུ་གསལ༔ ལྗགས་སྟེང་རཾ་ལས་འོད་བྱུང་བས༔ སྲེག་རྫས་ཡེ་ཤེས་བདུད་རྩིའི་བཅུད༔ ཟག་མེད་བདེ་བ་ཆེན་པོར་རོལ༔ དགྱེས་ཚིམས་ཚོགས་རྫོགས་སྒྲིབ་ཀུན་སྦྱངས༔ མི་ཤེས་རྨོངས་པ་རབ་བསལ་ནས༔ བློ་གྲོས་སྤོབས་པའི་དངོས་གྲུབ་སྩོལ༔ ཨོཾ་གུ་རུ་ཨཱཪྻ་མཉྫུ་ཤྲཱི་མ་ཧཱ་སརྦ་པཉྩ་པཱུ་ཛ་ལ་ཁཱ་ཧིཿ རྣལ་འབྱོར་པ་བདག་ལ་ཤེས་རབ་ཕུན་སུམ་ཚོགས་པ་སྩལ་དུ་གསོལ༔ ཅེས་ ༒ཿ གྲངས་ལྡན་ཕུལ་མཐར་བསྔོ་སྨོན་ནི༔ བླ་མ་འཇམ་དཔལ་དཀྱིལ་འཁོར་དུ༔ སྲེག་བླུགས་མཆོད་པ་ཕུལ་བའི་དགེ༔ འགྲོ་ཀུན་སངས་རྒྱས་ཐོབ་ཕྱིར་བསྔོ༔ བདག་ཅག་སེམས་ཅན་མ་ལུས་པ༔ མཁྱེན་གཟིགས་ཡེ་ཤེས་མངོན་གྱུར་ནས༔ གཞོན་ནུ་བུམ་སྐུར་སངས་རྒྱས་ཤོགཿ ལྷ་ཉིད་འོད་ཞུ་རང་ལ་ཐིམ༔ དམིགས་མེད་ཆོས་ཀྱི་དབྱིངས་སུ་ཨ༔ བདག་སྣང་དམ་ཚིག་སེམས་དཔའ་ནི༔ རྗེས་ཐོབ་སྒྱུ་མའི་ལྷ་རུ་ལྡང་༔ སྲིད་ལས་རྣམ་རྒྱལ་ཉོན་མོངས་མེད༔ སྐུ་གསུམ་ལྷུན་གྲུབ་བཀྲ་ཤིས་ཤོག༔ ཅེས་དང་༔ གཞན་ཡང་བཀྲ་ཤིས་སྨོན་ལམ་བརྗོད༔ དེ་ཡིས་ལས་རྣམ་གང་འདོད་ཀྱི༔ དམིགས་པའི་ལྡེ་ཁ་བསྒྱུར་མཁས་ན༔ མདའ་ལ་མདེའུ་གདགས་པ་བཞིན༔ འདོད་དོན་ཕྲིན་ལས་ངང་གིས་འགྲུབ༔ མན་ངག་ཟབ་གནད་ཀུན་གྱི་བཅུད༔ པད་འབྱུང་ཐུགས་བཅུད་ཟབ་མོ་འདི༔ གཅེས་ནོར་ཚུལ་དུ་བརྡ་རུ་བཏབ༔ མ་འོངས་སྙིགས་མ་སྙིགས་མའི་དུས༔ གཏེར་མིན་ཟོབ་བརྫུས་ས་སྟེང་ཁྱབ༔ ཆོས་དང་ཆོས་མིན་འབྱེད་པར་དཀའ༔ འགྲོ་བའི་བློ་སེམས་བདུད་ཀྱིས་བསྒྱུར༔ པད་འབྱུང་སྤྲུལ་པས་གདུལ་དཀའ་འབྱུང་༔ ཆོས་བཞིན་སྤྱོད་པ་ཉིན་སྐར་ཙམ༔ བསྐྱེད་རྫོགས་གདེང་དང་ལྡན་པར་དཀའ༔ ཟབ་མོའི་དོན་རྣམས་ཁྱིམ་པར་འཆད༔ རྩ་རླུང་ལྟད་མོའི་གནས་སུ་མངོན༔ བདུད་སྤྲུལ་སྨོན་ལམ་མཐུ་བཙན་པས༔ བསྟན་གཉིས་ཡ་མ་ཟུང་ དུ་གྲུབ༔ མི་རྣམས་བློ་སེམས་བདུད་ཀྱིས་བསླུས༔ མཐའ་མི་འབོད་པ་རང་གིས་བྱེད༔ མི་འདོད་ནད་མཚོན་མུ་གེ་དར༔ དམག་འཁྲུག་དུས་ངན་རང་རྟགས་ངོམས༔ སྨད་ཀྱི་དུ་བ་སྟོད་དུ་འཕྱུར༔ ནུབ་ཀྱི་ཁུ་འཕང་ཕྱོགས་ཕྱོགས་འཐོར༔ སྡིག་སྤྱོད་སྐྱེ་བུས་དབེན་ཁྲོད་འཛིན༔ སྒྲུབ་བརྒྱུད་བསྟན་པ་དབང་གཞུར་འགྲན༔ དེ་འདྲའི་དུས་ངན་ཤར་བའི་ཚེ༔ པད་འབྱུང་ཐུགས་རྗེས་མ་སྐྱོབ་ན༔ བོད་ཁམས་སེང་ཁོག་སྲིན་ཞུགས་འདྲ༔ དེ་ཕྱིར་མཚོ་རྒྱལ་བདག་གཉིས་ཀྱི༔ ཐུགས་དམ་སྤྲོས་མེད་ཟབ་གནད་འདི༔ ཨ་ཙར་སཱ་ལེ་ཁྱོད་ལ་གདམས༔ ད་དུང་མ་སྤེལ་གཏེར་རྒྱས་ཐོབ༔ མ་འོངས་སྙིགས་མའི་དུས་ཀྱི་ཚེ༔ ང་མིན་ང་ཡི་སྤྲུལ་པ་ནི༔ ཐུགས་ཀྱི་མིང་ཅན་སྦས་ཚུལ་འཛིན༔ ནུབ་ནས་ཤར་དུ་རྒྱུ་བ་འབྱུང་༔ ཐབས་གྲོགས་ནམ་སྙིང་བི་མ་ལ༔ སྭནྟ་ཤཿ ཆོས་བདག་བཅུ་གསུམ་དུས་སུ་འཕྲད༔ ༢༠.༠ འགྲོ་དོན་བསྟན་པ་རིམ་གྱིས་དར༔ གཅིག་བརྒྱུད་གྱིས་ལ་ཉམས་སུ་ལོངས༔ ཤེས་རབ་ཡེ་ཤེས་རྩལ་འབར་ཞིང་༔ དབུ་མགྲིན་རྩ་མདུད་རང་གྲོལ་ནས༔ སྣང་སྲིད་བརྡ་དཔེར་འཆར་བ་དང་༔ ལྷག་པའི་ལྷ་ཡིས་རྗེས་བཟུངས་ངེས༔ བདེན་བརྫུན་ལག་ཏུ་ལོངས་དང་གསལ༔ སྐལ་ལྡན་བུ་དང་འཕྲད་པར་ཤོག༔ ལོག་ལྟ་ཅན་ལ་འདི་མ་འཕྲད༔ བཀའ་སྲུང་དྲེགས་པའི་ཚོགས་ཀྱིས་གཉེར༔ ཐེ་ཚོམ་ཅན་གྱི་དབང་པོ་སྣུབས༔ དམ་ཉམས་ལག་ཏུ་མ་ཤོར་བར༔ ཐུབ་པར་སྲུངས་ཤིག་ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ བརྡ་ཐིམ༔ ཞེས་པ་འདི་ཡང་མཆོག་གི་རིག་པ་འཛིན་པ་ཆེན་པོ་སྔ་འགྱུར་ དཿ བསྟན་པའི་ཉི་མ་ཞབས་དྲུང་སྐྱབས་མགོན་རིན་པོ་ཆེའི་ཞལ་སྔ་ནས་འདི་ལྟར་དགོས་ཞེས་སྲིད་དུ་རིང་བའི་བཀྲ་ཤིས་ལྷ་རེག་དཀར་པོ་དང་། ས་བཅུ་ལམ་ལྔའི་མཚོན་དོན་རྟེན་འབྲེལ་གྱི་རྫས་དང་༔ ནང་དོན་ཡེ་ཤེས མཚོན་ཕྱིར་རིན་ཆེན་རྣམ་གསུམ་བཅས་བཀས་བསྐུལ་སྤྱི་བོར་ཕེབས་ཚེ་བཟློག་མ་ནུས་པར་དབྱིངས་སྣང་མཁའ་འགྲོའི་བརྡ་རིས་ལས་དབྱི་ཤོད་རི་ཆེའི་གདན་ས་ཆེན་པོའི་ཉེ་ཆར༔ ལྷ་བྲག་རིན་ཆེན་རྫོང་གི་ཉེ་འདབ་ཨོ་རྒྱན་ཕུག་ནས་བདེ་ཆེན་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ།། དགེའོ།། །། 55 ་TI1396-473 TI1396-474 ཿ ཆོས་ཉིད་མཁའ་འགྲོའི་ཐུགས་ཐིག་ལས༔ དབྱངས་ཅན་ལྷ་མོའི་བསྒོམ་བཟླས་བསྡུས་པ་བཞུགས་སོ༔ དབྱངས་ཅན་ལྷ་མོའི་བསྒོམ་བཟླས་ནི༔ དང་པོ་སྐྱབས་སུ་འགྲོ་བ་ནི༔ ན་མོ༔ བདག་གཞན་འགྲོ་དྲུག་སེམས་ཅན་རྣམས༔ མཆོག་གསུམ་ཀུན་འདུས་ངོ་བོ་ཉིད༔ དབྱངས་ཅན་ལྷ་མོར་སྐྱབས་སུ་མཆི༔ ངན་འགྲོའི་འཇིགས་ལས་བསྐྱབ་ཏུ་གསོལ༔ ལན་གསུམ་དང་དེ་ནས་སེམས་བསྐྱེད་ནི༔ ཧོཿ མར་གྱུར་འགྲོ་བ་ཀུན་དོན་དུ༔ སྨོན་པ་བྱང་ཆུབ་སེམས་དང་ནི༔ འཇུག་པ་ཕ་རོལ་ཕྱིན་པ་དྲུག༔ དེ་ནས་བརྩམས་ཏེ་བསྒྲུབ་པར་བགྱི༔ ལན་གསུམ་དང་༔ ལྷ་བསྐྱེད་ནི༔ ཧྲཱིཿ རང་ཉིད་སྐད་ཅིག་དབྱངས་ཅན་ལྷ་མོའི་སྐུ༔ དཀར་གསལ་མདངས་ལྡན་ཞི་འཛུམ་མཚན་དཔེས་བརྒྱན༔ ཞལ་གཅིག་ཕྱག་གཉིས་པི་ཝ་མཉམ་པས་འཛིན༔ རྩེ་བྲན་དར་དཔྱངས་རིན་ཆེན་རྒྱན་ཆས་མཛེས༔ ཞབས་གཉིས་པད་ཟླར་བརྐྱང་བསྐུམ་ཚུལ་དུ་བཞུགས༔ དེ་ལྟར་གསལ་བའི་གནས་གསུམ་འབྲུ་གསུམ་ལས༔ འོད་འཕྲོས་སྐུ་གསུམ་རྒྱལ་བའི་ཞིང་ལ་ཕོག༔ རྒྱལ་ཀུན་དབྱངས་ཅན་ལྷ་མོའི་རྣམ་པ་རུ༔ སྤྱན་དྲངས་དམ་ཡེ་དབྱེར་མེད་རོ་གཅིག་གྱུར༔ རིག་སྟོང་བརྗོད་མེད་ལྷ་མོའི་རང་ཞལ་མཇལ༔ གསལ་སྟོང་འགགས་པ་མེད་པའི་ངང་དུ་བཟླ༔ ཨོཾ་ཧྲཱི་དེ་ཝི་ པྲཛྙཱ་ཝཱརྡྷ་ནི་ཡེ་སྭཱ་ཧཱ༔ ཞེས་པར་རྒྱུན་དུ་བརྩོན་གྱུར་ན༔ དབྱངས་ཅན་ལྷ་མོ་འགྲུབ་ནས་ཀྱང་༔ ཚེ་རབ་ཀུན་ཏུ་རྗེས་བཟུང་ནས༔ ཤེས་རབ་གཟུངས་ཐོབ་བློ་གྲོས་འཕེལ༔ ཐེ་ཚོམ་མེདདོ་ས་མ་ཡ༔ ཐུན་མཐར་ཉེར་སྤྱོད་ཀྱིས་མཆོད ནས་བསྟོད་པ་ནི༔ ཧཱུྃ༔ དཀརགསལ་སྟོན་ཟླའི་དཔལ་ལས་ལྷག་པར་མཛེས༔ ཤེས་རབ་བློ་གྲོས་གཟུངས་དང་སྤོབས་པ་འཆང་༔ ཡོན་ཏན་རབ་རྫོགས་མཁྱེན་བརྩེའི་གཏེར་མངའ་བ༔ དབྱངས་ཅན་ལྷ་མོའི་སྐུ་གསུང་ཐུགས་ལ་བསྟོད༔ དགེ་བས་བདག་སོགས་སེམས་ཅན་མ་ལུས་པ༔ འོག་མིན་དག་པའི་ཞིང་ལ་སྤྱོད་པར་ཤོག༔ ཅེས་ལྷ་མོའི་བསྒོམ་བཟླས་བསྡུས་པ་འདི་ཡང་སྔགས་བཙུན ཙྪེ་ད་ཀས་དར་བཅས་བསྐུལ་ངོར། སུ་ཁའི་མིང་གིས་བྲིས་པའོ།། དགེའོ།། །། 1上矣e B21e 0 ས་ཆོས་ལ་ཆོས་ཀྱི་ཧཱུྃ།ཿ ན་མོ་པདྨ་ཀཱ་ར་ཡེ༔ གང་ཞིག་རྣལ་འབྱོར་ལྡན་པ་ཡིས༔ སྣང་རྟོག་ལྷ་ཡིས་ཕྱག་རྒྱ་རུ༔ བསྒོམ་ཞིང་ཚེ་བཅུད་ལོན་པའི་ཐབས༔ ཡིད་བཞིན་འཁོར་ལོའི་སྒྲུབས་པ་བསྟན༔ ས་མ་ཡ༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ རྒྱལ་བ་ཀུན་ཡུམ་འཕགས་མ་སྒྲོལ༔ བྱང་ཆུབ་བར་དུ་སྐྱབས་སུ་མཆི༔ འགྲོ་རྣམས་སངས་རྒྱས་སར་འགོད་ཕྱིར༔ སྨོན་དང་འཇུག་པའི་བྱང་སེམས་བསྐྱེད༔ ལན་གསུམ་བརྗོད་མཐར་ཚོགས་བསགས་ནི༔ ཧོཿ རྒྱལ་ཡུམ་འཕགས་མའི དཀྱིལ་འཁོར་ལྷ༔ སྒོ་གསུམ་དད་པས་ཕྱག་འཚལ་ལོ༔ དངོས་འབྱོར་ཡིད་སྤྲུལ་མཆོད་ཚོགས་འབུལ༔ སྡོམ་གསུམ་བསྲུང་མཚམས་འགལ་འདས N上2116ཆོམས་ཡོ་ད་ཧཱུྃ།ཿ བཤགས༔ དུས་གསུམ་དགེ་ལ་རྗེས་ཡི་རངས༔ ཆོས་ཀྱི་འཁོར་ལོ་བསྐོར་དུ་གསོལ༔ རྒྱལ་རྣམས་མྱ་ངན་མི་འདའ་བཞུགས༔ དགེ་ཚོགས་འགྲོ་བ་ཡོངས་ལ་བསྔོ༔ བླ་མེད་བྱང་ཆུབ་མྱུར་ཐོབ་ཤོག༔ ཅེས་བརྗོདདེ་ནས་དངོས་གཞི་ནི༔ ཨ༔ ཆོས་རྣམས་རང་བཞིན་སྟོང་པ་ཆེ༔ སྟོང་ཉིད་གདངས་ལས་སྙིང་རྗེའི་རྩལ༔ རིག་པ་རྒྱུ་ཡིག་ཏཱཾ་དཀར་གསལ༔ དེ་ལས་འོད་ཟེར་རབ་འཕྲོས་པས༔ སྣང་བ་དག་པ་སྟོང་ཆེན་མཁའ༔ སྲིདཔ་སྒྱུ་འཕྲུལ་རོལ་པའི་ཞིང་༔ བཀོད་པ་རབ་རྫོགས་གཞལ་ཡས་དབུས༔ ཆུ་སྐྱེས་གེ་སར་བཞད་པའི་སྟེང་༔ ཟླ་བའི་གདན་ལ་རང་རིག ཆོམས་ལོས་པོ་ཆོས་སྤྱི་དང་ཏྲཾ༔ དེ་ལས་འོད་འཕྲོས་དོན་གཉིས་རྒྱས༔ ཚུར་འདུས་ཡོངས་སུ་གྱུར་པ་ལས༔ རང་ཉིད་ཡིད་བཞིན་འཁོར་ལོའི་སྐུ༔ དཀར་གསལ་ཞི་འཛུམ་མཚན འ་དཔེ་ལྡན༔ ཞལ་གཅིག་སྤྱན་གསུམ་བཞད་པའི་ཞལ༔ ཕྱག་གཉིས་གཡས་པས་མཆོད་སྦྱིན་དང་༔ གཡོན་པས་དཀོན་མཆོག་གསུམ་མཚོན་རྒྱས༔ ཨུཏྤལ་སྟེང་ན་ཚེ་བུམ་འཛིན༔ ཞབས་གཉིས་རྡོ་རྗེ་སྐྱིལ་ཀྲུང་བཞུགས༔ ཕྱག་ཞབས་མཐིལ་བཞིར་ཡེ་ཤེས་སྤྱན༔ འོད་འབར་ཟླ་བའི་རྒྱབ་ཡོལ་མཛད༔ སྐུ་ལ་ལོངས་སྤྱོད་རྒྱན་ཆས་རྫོགས༔ སྣང་སྟོང་ཡེ་ཤེས་སྒྱུ་མའི་སྐུར༔ འཇའ་ཚོན་བཞིན་དུ་ཝ་ལེར་བསྒོམ༔ སྤྱི་བོར་རིགས་ཀྱི་བདག་པོ་ནི༔ འོད་སྣང་ ༣ NU1eཆོས་མ་པ། ཧཱུྃ།ཿ མཐའ་ཡས་ཚེ་དཔག་མེད༔ ལོངས་སྤྱོད་རྒྱན་རྫོགས་ཚེ་བུམ་འཛིན༔ ཡེ་ཤེས་འཇའ་འོད་ཀློང་དུ་གསལ༔ ཐུགས་ཀར་པདྨ་ཟླ རྒྱས་སྟེང་༔ ཏཱཾ་ཡིག་དཀར་པོའི་མཐའ་བསྐོར་དུ༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་ཡར་འཕྲོས་རྒྱལ་རྣམས་མཆོད༔ ཐུགས་རྗེ་བྱིན རླབས་ནུས་པ་བསྡུས༔ མར་འཕྲོས་འགྲོ་བའི་ལས་ཉོན་སྦྱངས༔ ཚེ་བསོད་དཔལ་འབྱོར་ཐམས་ཅད་དང་༔ འབྱུང་ལྔའི་དྭངས་བཅུད་མ་ལུས་ཀུན༔ འོད་ཀྱི་རྣམ་པར་ཚུར་འདུས་བསྟིམ༔ སྲོག་གི་སྙིང་པོར་རོ་གཅིག་འདྲེས༔ སྣང་བ་ལྷ་ལ་གྲགས་པ་སྔགས༔ དྲན་རྟོག་ཆོས་ཉིད་འཁོར་ལོ་ཆེ༔ གདན་ གསུམ་དཀྱིལ་འཁོར་གསུམ་ལྡན་ངང་༔ མ་བཅོས་རང་བྱུང་བདེ་བ་ཆེ༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྡྡྷ་ན་སིདྡྷི་ཧཱུྃ༔ ཤེས་པ་གཞན་དུ་མ་ཡེངས་པར༔ ལྷ་ཡི་ཏིང་འཛིན་ལྡན་པའི་ངང་༔ མི་ཚིག་དག་གིས་བར་མ་ཅད༔ འབུམ་ཕྲག་བདུན་གྱིས་དངོས་གྲུབ་ཐོབ༔ བར་སྐབས་ཚེ་དམིགས་འདི་ལྟར་བྱ༔ ཐུགས་སྲོག་ས་བོན་ཁོང་སེང་དུ༔ གཡས་སུ་ཨ་དཀར་བླ་ཡི་རྟེན༔ གཡོན་དུ་ཧཱུྃ་སྔོན་ཚེ་ཡི་རྟེན༔ དབུས་སུ་ནྲྀཿལྗང་སྲོག་གི་རྟེན༔ རང་མདོག་འོད་ཐིག་ཀློང་དུ་གསལ༔ ཐུགས་སྲོག་ཏཱྃ་ལས་འོད་འཕྲོས་པས༔ འཁོར་འདས་གཉིས་ཀྱི་ཚེ་བསོད་དཔལ༔ ཡེ་ཤེས་ཡོན་ཏན་མ་ལུས་པ༔ འོད་ཟེར་དཀར་ལྗང་མཐིང་གསུམ་གྱི༔ རྣམ་པར་བསྡུས་ཏེ་ཚངས་བུག་དང་༔ ཤངས་སྒྲོམ་ནས་ཞུགས་ལུས་ལ་ཐིམ༔ ས་བོན་རྣམས་དང་དབྱེར་མེད་བསྲེ༔ སླར་ཡང་འབྱུང་ལྔའི་དྭངས་བཅུད་རྣམས༔ ལྔ་ལྡན་འོད་ཀྱི་རྣམ་པར་བསྡུས༔ ཤ་ཁྲག་དྲོད་དབུགས་སེམས་ཁམས་རྣམས༔ གསོ་ཞིང་ཡེ་ཤེས་ལྔ་ཡི་སྒྲོམ༔ མི་འགྱུར་རྡོ་རྗེའི་ཚེ་རྒྱས་ཐོབས༔ དམིགས་གནད་འདི་ལྟར་ལྡན་པའིངང༔ བུམ་ཅན་རླུང་གི་གཞུར་དྲངས་ལ༔ ཡིད་བཟླས་སྙིང་པོ་འདི་བརྗོད་བྱ༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷྲཱུྃ་ནྲྀ་ཛཿསརྦ་སིདྡྷི་ཕ་ལ་ཧཱུྃ༔ ཞེས་བཟླས་ཕྱི་ནང་གཞན་གསུམ་ཀུན༔ སྔགས་ཀྱི་འོད་དང་སྒྲ་ཡིས་ཁྱབ༔ འབྱིན་འཇུག་རླུང་གི་གནད ཧཱུྃ།ཿ གཅུན་ན༔ མི་འགྱུར་རྡོ་རྗེའི་ཚེ་ཐོབ་ངེས༔ ས་མ་ཡ༔ ཨེ་མ༔ དེ་ལྟར་ཚེ་འཕེལ་ཡིད་བཞིན་འཁོར་ལོ་ཡི༔ སྒྲུབ་ཐབས་རྒྱུན་ཁྱེར་གནད་ཀྱི་གདམས་པ་འདི༔ ཁོ་མོ་མཚོ་རྒྱལ་བདག་གི་གཅེས་པའི་ནོར༔ ཞི་བ་རྡོ་རྗེ་མཚོ་ཉིད་ཁྱོད་ལ་གཏད༔ མ་འོངས་ལས་ཅན་གཅིག་དང་འདི་འཕྲད་ཤོག༔ བཀའ་ཡི་གཉེར་འཛིན་ཚེ་རིང་མ་ལ་བཅོལ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་ཨ་ཐཾ་རྒྱ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཞེས་པ་འདི་ཡང་མཁས་མཆོག་གྲུབ་པའི་དབང་ཕྱུག་བླ་མ་ཚེ་མཆོག་རིན་པོ་ཆེའི་ཞལ་སྔ་ནས་འདི་ལྟར་དགོས་ཞེས་ནན་ཆེར་བཀའ་གནང་སྤྱི་བོར་ཕེབས་པ་དང་༔ གྲོགས་དམ་པའི་དུས་ཐབས་རྟེན་འབྲེལ་གྱི་མཐུས་གཏད་རྒྱ་ཅུང་ཟད་སད་པ་ལ་བརྟེན་ནས་གང་གི་ཞལ་ངོ་མི་བཟློག་ཙམ་དུ་ཡིག་མེད་མཁའ་འགྲོའི་འཕྲུལ་བརྡ་ལས་སློབ་འབངས་ཐ་ཤལ་བ་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ།། ཐུན་མཐར་ཉེར་སྤྱོད་ཀྱིས་མཆོད་ལ་བསྟོད་པ་ནི༔ ཧཱུྃ༔ འཕགས་པའི་ཐུགས་རྗེ་ལས་སྤྲུལ་རྗེ་བཙུན་མ༔ དུས་གསུམ་རྒྱལ་བའི་ཡུམ་གྱུར་ཚེ་ཡི་ལྷ༔ དཀར་གསལ་མདངས་ལྡན་མཚན་དཔེའི་གཟི་བརྗིད་འབར༔ སྒྲུབ་པ་པོ་ལ་མཆོག་གི དངོས་གྲུབ་སྟེར༔ འཕགས་མ་ཡི་བཞིན་འཁོར་ལོར་ཕྱག་འཚལ་བསྟོད༔ ཚེ་རབ་ཀུན་ཏུ་འབྲལ་མེད་རྗེས་བཟུང་ནས༔ བདེ་ཆེན་གཡུ་ལོ་བཀོད་དུ་སྐྱེ་བར་ཤོག༔ ཅེས་པའང་བདེ་བའི་རྡོ་རྗེས་སོ།། དགེའོ།། །། ༈ འཆི་བ་བསླུ་ཐབས་ཀུ་ས་ལའི་མན་ངག་ལ༔ བསྲུང་བྱ་ཕོ་མོ་གང་ཡིན་ཀྱི་སྐུ་གླུད་རྒྱན་ལྡན་ཞིག་དང་༔ བཤལ་ཆུ་འོ་ཆབ༔ ཆང་བུ། ཤ་དུམ།