Tibetan
ངར་གླུད། འབྲུ་སྣ་སོགས་གཞུང་བཞིན་དང་། བདག་བསྐྱེད་ཆོ་ག་སྒྲོལ་དཀར་བསྡུས་ཙམ་མཐར། གཞན་ཡང་གླུད་གཏོར་བྱིན་རླབས་དང་འགུགས་པ་བྱ༔ གཞུང་ལས། ཨོཾ་ཨཱཿཧཱུྃ་དང་སཾ་བྷ་ར་བདུན་གྱིས་ཆང་བུ་ཤ་དུམ་ངར་མི་སོགས་བསྔོ་ཞིང་མཚན་བཞི་བརྗོད་མཐར། ཀྱེེ༔ འཁྲུལ་སྣང་ལས་ཀྱི་སོགས། དཔལ་ཐོབ་ཤོག༔ ཡང་ཨོཾ་ཨཱཿཧཱུྃ་དང་སཾ་བྷ་ར་གོང་བཞིན། ཀྱེེ༔ ་འཁྲུལ་སྣང་ལས་ཀྱི་སོགས། དེའི་འགྲེས་ཀྱིས་ལན་གྲངས་ཅི་རིགས་པར་བསྔོ་ཞིང་། སྤྲོ་ན་རྫོང་འདེབས། གཤེགས་གསོལ་གཞན་ནས་འཛུད། མིན་ཀྱང་བགེགས་བསྐྲད་བྱས་ཏེ་གླུད་སྦྲ་ཁང་མི་མཐོང་སར་ཆུ་ཀླུང་དུ་བསྐྱལ་ནས་སྲུང་གུར་བཀྲ་ཤིས་སོགས་བྱའོ།། གཏེར་སྟོན་ཉིད་ཀྱི་ཞལ་གསུངས་བཞིན་ཚུལ་རྡོར་པས་བྲིས་པའོ།། དགེའོ།། །། 之འཕྲུལ་ཡིག་ལས༔ རྗེ་བཙུན་སྒྲོལ་མའི་གསོལ་འདེབས་དཔག་བསམ་སྙེ་མ་བཞུགས༔ ཨེ་མ་ཧོཿ སྐྱབས་གནས་བསླུ་མེད་དཀོན་མཆོག་རྣམ་པ་གསུམ༔ ཐུགས་རྗེ་བྱིན་རླབས་གཅིག་བསྡུས་བཅོམ་ལྡན་མ༔ འཕགས་མ་ཉེར་གཅིག་ཞབས་ལ་གུས་ཕྱག་འཚལ༔ བདག་སོགས་འདི་ནས་ཚེ་རབས་ཐམས་ཅད་དུ༔ འཕགས་མ་ཁྱེད་ཀྱིས་བརྩེ་བས་རྗེས་བཟུང་སྟེ༔ བདག་མཐོང་ཐོས་དང་དྲན་རེག་འགྲོ་བ་ ༄༅། ཀུན༔ རླབས་ཆེན་བྱང་ཆུབ་སེམས་མཆོག་རྒྱུད་སྐྱེས་ནས༔ མྱུར་དུ་རྫོགས་པའི་སངས་རྒྱས་ཐོབ་པར་ཤོག༔ འདི་ལ་རྟག་ཏུ་བརྩོན་གྱུར་ན༔ འཕགས་མས་རྗེས་བཟུང་ཐེ་ཚོམ་མེད༔ ས་མ་ཡ༔ ཅེས་པ་འདི་ཡང་དགེ་བཙུན་དམ་པ་ལྷ་རྗེ་བསམ་གཏན་གྱིས་འདི་ལྟར་དགོས་ཞེས་ནན་ཆེར་བསྐུལ་ངོར་མདོ་མེད་བདེ་བའི་རྡོ་རྗེས་སེར་དགོན་དབེན་ཁྲོད་ནས་བྲིས་པའོ།། དགེའོ།། །། ༈ ཆོས་ཉིད་མཁའ་འགྲོའི་གསང་མཛོད་ལས༔ འཕགས་མའི་གསོལ་འདེབས་འཇིགས་པ་ཀུན་སྐྱོབ་བཞུགས༔ ཨེ་མ་ཧོཿ ཀ་དག་སྤྲོས་བྲལ་འོད་གསལ་རིག་པའི་དབྱིངས༔ ལྷུན་གྲུབ་སྣང་ཆ་མ་འགགས་སྒྱུ་འཕྲུལ་གར༔ ཐུགས་རྗེ་རྒྱལ་བ་ཀུན་གྱི་ཡུམ་གཅིག་མ༔ རྗེ་བཙུན་ཨཱཪྻ་ཏཱ་ཚེ་སྦྱིན་དཔལ༔ གསོལ་བ་འདེབས་སོ་རླུང་སེམས་དབང་བསྡུས་ནས༔ ཚེ་དང་བསོད་ནམས་འཕེལ་བར་མཛད་དུ་གསོལ༔ ཨོཾ་ཏཱ་རེ་ཏུཏྟ་རེ་ཏུ་རེ་མ་མ་ཨ་ཡུརྡྡྷ་ན་སིདྡྷི་བྷྲཾ་སྭཱ་ཧཱ༔ ཁྱེད་ལ་བསྟོད་ཅིང་གསོལ་བ་བཏབ་པའི་མཐུས༔ བདག་གི་ཚེ་བསོད་དཔལ་འབྱོར་རྒྱས་པ་དང་༔ འཇིགས་པ་བཅུ་དྲུག་རྐྱེན་ངན་བར་ཆད་སེལ༔ འགྲོ་ལ་གནོད་པའི་གདོན་བགེགས་འབྱུང་པོ་ཐུལ༔ བསྟན་ལ་འཚེ་བྱེད་དམ་སྲི་མ་ལུས་པ༔ མ་ཁྱེད་ཐུགས་རྗེའི་ནུས་མཐུའི་སྟོབས་རྩལ་གྱིས༔ མ་ལུས་ཞི་ཞིང་བསྟན་པ་རྒྱས་པར་མཛོད༔ བསྟན་འཛིན་དམ་པའི་སྐུ་ཚེ་བསྲིང་བ་དང་༔ དགེ་འདུན་སྡེ་ཚོགས་འཕེལ་བར་བྱིན་གྱིས་རློབས༔ ཅེས་པ་འདི་ཡང་སྤྲུལ་སྐུ་རིན་པོ་ཆེའི་བཀའ་ཕེབས་མ་བཅག་ཙམ་དུ་སྤྲང་མོ་སྐལ་བཟང་སྒྲོན་མའི་མིང་གིས་བྲིས་ནས་ཕུལ་བའོ། །དགེའོ།། །།དགེའོ། །། 18080 TI1396-486 ལ༣དཿ ཆོས་ཉིད་མཁའ་འགྲོའི་གསང་མཛོད་ལས༔ འཕགས་མའི་མངོན་རྟོགས་བསྡུས་པ་བྱིན་རླབས་ཆུ་གཏེར་བཞུགས༔ ན་མོ༔ རྒྱལ་བ་ཀུན་ཡུམ་འཕགས་མ་སྒྲོལ༔ བདག་སོགས་འགྲོ་ཀུན་སྐྱབས་སུ་མཆི༔ མགྱུར་སེམས་ཅན་ཀུན་དོན་དུ༔ སྨོན་འཇུག་དོན་དམ་སེམས་བསྐྱེད་དོ༔ ལན་གསུམ༔ ཨ༔ སྨྲ་བསམ་བརྗོད་བྲལ་དེ་བཞིན་ཉིད༔ རྩལ་སྣང་སྙིང་རྗེའི་རོལ་པ་ལས༔ རང་རིག་ཏཱཾ་དཀར་ཡོངས་གྱུར་པས༔ རང་ཉིད་ཡིད་བཞིན་འཁོར་ལོའི་སྐུ༔ དཀར་གསལ་ཞལ་གཅིག་མཛེས་པའི་སྤྱན༔ ཕྱག་གཉིས་གཡས་པས་མཆོག སྦྱིན་དང་༔ གཡོན་པས་ཨུཏྤལ་རྒྱས་པའི་སྟེང་༔ འཆི་མེད་བཅུད་དབང་བུམ་པ་འཛིན༔ ཞབས་གཉིས་སྐྱིལ་སྐུང་པད་ཟླར་བཞུགས༔ དར་དང་རིན་ཆེན་རྒྱན་ཆ་སྤྲས༔ ཞི་བའི་ཚུལ་དགུ་ལྡན་པ་ཡི༔ སྒྱུ་མའི་ཆོ་འཕྲུལ་ཇི་བཞིན་བསྒོམ༔ དེ་ལྟར་གསལ་བའི་ཐུགས་སྲོག་ཏཱྃ༔ དཀར་པོ་གཡོན་འཁོར་འོད་ཟེར་འཕྲོས༔ པོ་ཊ་ལ་དང་གཡུ་ལོ་བཀོད༔ པདྨ་འོད་སོགས་ཞིང་ཁམས་ནས༔ རྗེ་བཙུན་སྒྲོལ་མའི་ལྷ་ཚོགས་རྣམས༔ གནས་འདིར་སྤྱན་འདྲེན་གཤེགས་སུ་གསོལ༔ དམ་ཡེ་དབྱེར་མེད་རོ་གཅིག་བཞུགས༔ སྒོ་གསུམ་དད་པས་ཕྱག་བགྱིའོ༔ ཟག་མེད་ཏིང་འཛིན་མཆོད་པ་འབུལ༔ སྐུ་གསུང་ཐུགས་ཡོན་ཕྱག་འཚལ་བསྟོད༔ སྡོམ་གསུམ་འགལ་བ་མཐོལ་ལོ་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ རང་ཉིད་ཡིད་བཞིན་འཁོར་ལོ་ཡི༔ ཐུགས་ཀར་ཏཱྃ་ཡིག་དཀར་པོའི་མཐར༔ སྔགས་ཕྲེང་གཡོན་འཁོར་འོད་ཟེར་འཕྲོས༔ རབ་འབྱམས་རྒྱལ་བའི་ཞིང་ལ་ཕོགས༔ རྒྱལ་ཀུན་ཐུགས་རྗེའི་ནུས་པ་བསྡུས༔ ཐུགས་ཀའི་སྔགས་ཕྲེང་ཉིད་ལ་ཐིམ༔ ཡེ་ཤེས་ཡོན་ཏན་མ་ལུས་རྒྱས༔ འོད་ཟེར་སྣོད་བཅུད་ཀུན་ལ་ཕོག༔ འགྲོ་ཀུན་སྒྲིབ་བསལ་བདེ་བར་ལྡན༔ ཕྱི་སྣོད་གཡུ་ལོ་བཀོད་པའི་ཞིང་༔ ནང་བཅུད་ལྷ་དང་ལྷ་མོའི་གར༔ སྒྲ་གྲགས་གསང་སྔགས་འབྲུ་བཅུའི་སྒྲ༔ དྲན་རྟོག་འཕགས་མའི་ཐུགས་དབྱེར་མེད༔ མ་བཅོས་བློ་འདས་སོ་མའི་ངང་༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྡྷ་ན་བྷྲཾ་སྭཱ་ཧཱ༔ ཅེས་བཟླས་ནད་གདོན་འཇིགས་བརྒྱད་ཞི་བར་འགྱུར༔ རང་ཉིད་ཡིད་བཞིན་འཁོར་ལོ་ཡི༔ ཐུགས་ཀའི་སྲོག་ཡིག་ས་བོན་ལས༔ འོད་ཟེར་སྣ་ཚོགས་ཕྱོགས་བཅུར་འཕྲོས༔ སྣང་རྩལ་སྲིད་པའི་ལྷ་འདྲེ་ཡིས༔ བླ་ཚེ་བརྐུས་དང་འཁྱམས་པ་དང་༔ ཆདགས་ཉམས་པ་འཐོར་བ་སོགས༔ མ་ལུས་བསྡུས་ནས་རང་ལ་བསྟིམ༔ རང་ཉིད་ཚེ་ དེཾཿ བསོད་དབང་ཐང་རྒྱས༔ སྣང་བ་ལྷ་དང་ལྷ་མོར་ཤར༔ སྒྲ་གྲགས་སྔགས་ཀྱི་རང་བཞིན་ཅན༔ དྲན་རྟོག་ཆོས་སྐུའི་རོལ་པ་ལས༔ མ་ཡེངས་མི་བསྒོམ་བློ་བྲལ་ཀློང་༔ ཐམས་ཅད་དག་པ་རབ་འབྱམས་ངང་༔ བཟླས་པས་སྣོད་བཅུད་དག་མཉམ་རོལ༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྫྙཱ་ན་མ་ཧཱ་པུཎྱེ་པུཥྚིཾ་སརྦ་སིདྡྷི་བྷྲཾ་སྭཱ་ཧཱ༔ ཅེས་བཟླས་ཚེ་བསོད་དཔལ་འབྱོར་རྒྱས༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་སྤྲུལ་སྐུ་རིན་པོ་ཆེ་དང་ཐུབ་བསྟན་བཟང་པོ་གཉིས་ཀྱི་བཀའ་ཕེབས་མ་བཅག་ཙམ་དུ་སྤྲང་མོ་དུད་འགྲོ་ལྟ་བུའི་བློ་དམན་ཏཱ་རེའི་མིང་གིས་ཕུལ་བ་སྐུ་ཚེཞབས་པད་སྐལ་བརྒྱར་བརྟན་པར་གྱུར་ཅིག། དགེའོ།། ༈ ཉམས་སྣང་ལས༔ ཡིད་བཞིན་འཁོར་ལོའི་རྩ་སྒྲུབ་རྡོ་རྗེའི་སྙིང་པོ་བཞུགས༔ ན་མོ་པདྨ་ཀཱ་ར་ཡེ༔ སྣང་བ་བདེ་ཆེན་ཡངས་པ་རུ༔ སྟོང་ཉིད་མཉམ་སྦྱོར་ཡེ་ཤེས་ཀྱི༔ སྒྱུ་འཕྲུལ་དྲྭ་བའི་རོལ་པ་རུ༔ སྣང་རྟོག་ལྷ་ཡི་ཕྱག་རྒྱ་ཤར༔ ལྷ་དང་སྣང་བ་ཆོས་ཉིད་གསུམ༔ དབྱེར་མེད་ངང་ནས་འདི་སྐད་བརྗོད༔ ན་མོ༔ རང་བྱུང་རིག་པ་བྱང་ཆུབ་སེམས༔ འདུ་བྲལ་མེད་པར་སྐྱབས་སུ་མཆི༔ གཉིས་སྣང་འཁྲུལ་པའི་འགྲོ་བ་ཀུན༔ རང་གྲོལ་ཆེན་པོར་སེམས་བསྐྱེད་དོ༔ ཨ༔ བསམ་བརྗོད་བྲལ་བ་འོད་གསལ་ཀློང་༔ མཐའ་གཉིས་ལས་འདས་བྱང་ཆུབ་སེམས༔ རྣམ་ཀུན་མཆོག ལྡན་དོན་གྱི་དབྱིངས༔ མཆོག་ཏུ་མི་འགྱུར་བདེ་བ་ཆེ༔ དབྱིངས་དང་ཡེ་ཤེས་གཉིས་མེད་པའི༔ རིག་པ་ཆོས་ཉིད་དོན་གྱི་ལྷ༔ ཡིད་བཞིན་འཁོར་ལོ་ཞི་འཛུམ་མཛེས༔ དཀར་གསལ་ཞལ་གཅིག་སྤྱན་གསུམ་ལྡན༔ ཕྱག་གཡས་མཆོག་སྦྱིན་གཡོན་པ་ཡིས༔ ཨུཏྤལ་སྟེང་ན་ཚེ་བུམ་འཛིན༔ ཞབས་གཉིས་པད་ཟླར་ཕྱེད་དཀྱིལ་བཞུགས༔ དར་སྣ་རིན་ཆེན་རྒྱན་རྣམས་རྫོགས༔ དབུ་སྐྲ་ཟུརཕུད་རྩེ་བྲན་མཛེས༔ ཕྱག་ཞབས་མཐིལ་བཞིར་སྤྱན་དང་ལྡན༔ འོད་འབར་ཟླ་བའི་རྒྱབ་ཡོལ་དང་༔ ཡེ་ཤེས་འཇའ་ཟེར་འཁྲིགས་ཀློང་དུ༔ རིག་སྟོང་གཉིས་མེད་ཡེ་ཤེས་ལྷ༔ སྣང་ལ་རང་བཞིན་མེད་པར་བསྒོམ༔ དེ་ལྟར་གསལ་བའི་ཐུགས་ཀློང་དུ༔ གསེར་འཁོར་རྩིབས་བརྒྱདཔད་ཟླའི་སྟེང་༔ ཐུགས་སྲོགས་བོན་ཏཱྃ་དཀར་པོ༔ ཆུ་ཤེལ་མདོག་འདྲའི་མཐའ་བསྐོར་དུ༔ རྩ་བའི་སྔགས་ཀྱིས་གཡོན་དུ་འཁོར༔ རྡོ་རྗེ་གསུམ་གྱི་ངོ་བོར་གནས༔ དེ་ལས་འོད་འཕྲོས་དོན་གཉིས་བྱས༔ ཚུར་འདུས་སྲོག་གི་སྙིང་པོར་བསྟིམ༔ རྡོ་རྗེའི་ཚེ་ལ་དབང་ཐོབ་ནས༔ མི་འགྱུར་མི་ཤིགས་སྲོག་ཐོབ་བསམ༔ ཨོཾ་ཏཱ་རེ་ཏུཏྟཱ་རེ་ཏུ་རེ་མ་མ་ཨཱ་ཡུརྫྙཱ་ན་སིདྡྷི་བྷྲུྃ༔ ཅེས་པ་བརྒྱ་སྟོང་ཁྲི་འབུམ་སོགས༔ རླུང་དང་བསྲེ་ལ་ཡིད་བཟླས་ ༈ཿ སམ༔ ཡང་ན་སྒྲ་དག་སྨྲ་བཅད་ནས༔ ཚུལ་བཞིན་བཟླས་པས་དངོས་གྲུབ་ཐོབ༔ འཆི་བདག་གཤིན་རྗེའི་ཁར་ཚུད་ཀྱང་༔ ལོ་གསུམ་ཚེ་འཕྲང་སེལ་བར་ངེས༔ བདེན་རྫུན་ལག་ཏུ་ལོངས་དང་གསལ༔ སྐལ་ལྡན་བུ་ཡི་དཔལ་དུ་ཤོག༔ སྐལ་མེད་རྣམས་ལ་ཨ་ཐཾ་རྒྱ༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་སྐལ་ལྡན་སྐྱེས་བུ་ཤྲཱིའི་མིང་འཛིན་གྱིས་རིན་ཆེན་གཉིས་པའི་སྐྱེས་བཅས་བཀའ་བསྐུལ་ཟབ་ཕྱིར་མི་ལྡོག་ཙམ་དུ་སུ་ཁ་བཛྲ་མིང་གིས་རིག་པའི་གབ་སྒྲོམ་ལས་རྗེས་སྣང་ཡིག་རིས་སུ་བྲིས་པའོ།། དགེའོ།། །།རྗེས་རིམ་མཆོད་བསྟོད་ནི༔ ཨོཾ༔ མཁའ་དབྱིངས་རྣམ་དག་ཀློང་ཡངས་ནས༔ ཟག་མེད་བདེ་སྟོང་མཆོད་པའི་སྤྲིན༔ རིག་སྟོང་དཀྱིལ་འཁོར་ལྷ་ལ་འབུལ༔ གསང་བ་མཆོག་གི་དངོས་གྲུབ་སྩོལ༔ མ་ཧཱ་བཛྲ་ཨརྒྷཾཿ སོགས། ཤཔྡ་རཱུ་པ་སོགས། མ་ཧཱ་སརྦ་པཉྩ་ཨ་མྲྀ་ཏ་རཀྟ་བཱ་ལིཾ་ཏ་ཁཱ་ཧི༔ ཧཱུྃ༔ སྐྱེ་མེད་ཡེ་ཤེས་མཁའ་འགྲོའི་སྐུ༔ འགགས་མེད་རང་བྱུང་ལོངས་སྤྱོད་རྫོགས༔ ཐུགས་རྗེས་ཚེ་དང་ཡེ་ཤེས་སྩོལ༔ བཅོམ་ལྡན་ཡིད་བཞིན་འཁོར་ལོར་བསྟོད༔ སྐྱེ་དང་ཚེ་རབས་ཐམས་ཅད་དུ༔ འཕགས་མ་ཁྱེད་ཀྱིས་རྗེས་བཟུང་ནས༔ བཟང་ངན་འབྲེལ་བཅས་འགྲོ་བ་ཀུན༔ མི་གནས་གཏན་སྲིད་ཟིན་པར་ཤོག༔ ཅེས་པ་འདི་ཡང་སུ་ཁ་བཛྲ་གྱིས་སོ།། ༈ ཆོས་ ཉིད་མཁའ་འགྲོའི་ཐུགས་ཐིག་ལས༔ འཆི་བ་བསླུ་བའི་ཐབས་ཀུ་སཱ་ལིའི་མན་ངག་བཞུགས༔ ན་མོ་གུ་རུ་པདྨ་ཀཱ་ར་ཡེ༔ པདྨ་བདག་གི་རྗེས་འཇུག་སྐྱེས་བུ་རྣམས༔ ངེས་མེད་དབེན་རིར་སྒྲུབ་པ་ལྷུར་ལེན་ཚེ༔ སྔོན་གྱི་ལས་དང་འཕྲལ་རྐྱེན་ལས་བྱུང་བས༔ དུས་མིན་འཆི་བའི་བར་ཆད་བཟློག་པའི་ཐབས༔ གབ་བྱང་མན་ངག་ཟབ་མོ་འདི་རུ་བསྟན༔ ས་མ་ཡ༔ དེ་ནས་ལག་ལེན་རིམ་པ་འདི་ལྟར་བྱ༔ ཆང་བུ་དང་ནི་ཤ་དུམ་ངར་གླུད་རྣམས༔ རབ་ན་ཅི་འགྲུབ་འབྲིང་དུ་བརྒྱ་རྩ་དང་༔ ཐ་ན་རང་ལོའི་གྲངས་དང་མཉམ་པར་བསགས༔ བདག་བསྐྱེད་བསྡུས་ཙམ་སྔོན་སོང་མཆོད་བསྟོད་མཐར༔ སྔོན་ལས་འཕྲལ་རྐྱེན་ལས་བྱུང་གདོན་བགེགས་ཚོགས༔ སྐད་ཅིག་ཉིད་དུ་རང་མདུན་འཁོད་པར་བསམ༔ སྙིང་རྗེས་ཀུན་ནས་བསླངས་ཏེ་འདི་ལྟར་བརྗོད༔ ཨོཾ་ཨཱཿཧཱུྃ༔ ན་མཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུྃ༔ ལན་བདུན་རེས་ཆང་བུ་བསྔོས་ལ་མཚན་བཞི་བརྗོད་མཐར༔ ཀྱེེ༔ འཁྲུལ་སྣང་ལས་ཀྱི་དབང་སོང་བས༔ ཚེ་ལ་བརྐུ་ཞིང་བླ་མ་འཇབ༔ སྲོག་ལ་རྔམས་པའི་གདོན་བགེགས་ལ༔ ངར་མི་ཤ་དུམ་ཆང་བུ་དང་༔ ཟས་སྣ་ལ་སོགས་ལོངས་སྤྱོད་རྣམས༔ དངོས་ཡིད་ཏིང་འཛིན་ལས་སྤྲུལ་པའི༔ མི་ཟད་རིན་ཆེན་གཏེར་དུ་བསྔོ༔ ཡིད་ལ་ཅི་འདོད་ཐོབ་གྱུར་ནས༔ བྱང་ཆུབ་སེམས་དང་ལྡན་གྱུར་ཅིག༔ རིན་ཆེན་མང་དང་གཟུགས་མཛེས་དང་༔ འབྱམས་ཀླས་ དཿ འཇིགས་སྒྲོལ་ལ་སོགས་པས༔ བསྔོས་པ་བཞིན་དུ་ཡོངས་ཐོབ་ནས༔ ཀེགས་དང་ཕུང་སྲི་ངན་པ་བཟློག༔ བཞི་བརྒྱ་རྩ་བཞིའི་ནད་རྣམས་བཟློག༔ སྟོང་ཕྲག་བརྒྱད་བཅུའི་བགེགས་རྣམས: དུས་མིན་འཆི་བ་རྣམ་བརྒྱད༴ ཕ་ཚན་རྒབ་འདྲེས་རྒོལ་བཿ བྱང་ཆུབ་སྒྲུབ་པའི་བར་ཆད༴ གེགས་ཞི་བསམ་དོན་ལྷུན་གྲུབ་ཤོག༔ རྩ་གསུམ་སྲུང་མའི་མཐུ་བྱིན་གྱིས༔ ཚེ་སྒྲུབ་མཐའ་རུ་ཕྱིན་པ་དང་༔ གང་བསམ་འདོད་དོན་ཡོངས་འགྲུབ་ནས༔ ཚེ་འདིར་དོན་གཉིས་དཔལ་ཐོབ་ཤོག༔ ཅེས་བརྗོད་འཁོར་གསུམ་དམིགས་རྒྱས་ཐོབ༔ དེ་ལྟར་གྲངས་ལྡན་བསྔོས་པ་ཡིས༔ བར་ཆད་རྐྱེན་རྣམས་མ་ལུས་སེལ༔ བདེན་བརྫུན་ལག་ཏུ་ལོངས་དང་གསལ༔ དྲེགས་པ་རྣམ་གསུམ་གཉེར་གྱིས་ཤིག༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་ཨ་ཐཾ་རྒྱ༔ ཆོས་བདག་བུ་ཡི་དཔལ་དུ་སྤྲོད༔ ས་མ་ཡ༔ རྒྱ་རྒྱ་རྒྱ༔ ༔ ཞེས་པ་འདི་ཡང་རང་སློབ་དམ་པ་བྱ་བྲལ་ནམ་མཁའི་རྣལ་འབྱོར་ཀརྨ་དོན་ཡོད་རྒྱ་མཚོའི་ཚེ་འཕྲང་སེལ་བའི་ཕྱིར་དུ་མ་ནུས་སྤྲང་མོ་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ།། T1396 - 493 TI1396-494 ཏཾཿ ཆོས་ཉིད་མཁའ་འགྲོའི་ཐུགས་ཐིག་ལས༔ ཨོ་རྒྱན་ཚེ་དཔག་མེད་ཀྱི་སྒྲུབ་ཐབས་ཚེ་བཅུད་བསྡུས་པ་འགྱུར་མེད་གཡུང་དྲུང་བཞུགས་སོ༔ ན་མོ༔ སྐུ་གསུམ་རིགས་འདུས་པད་འབྱུང་ཚེ་ཡི་ལྷ༔ བདག་ནི་གུས་པའི་ཡིད་ཀྱིས་སྐྱབས་སུ་མཆི༔ མར་གྱུར་འགྲོ་བ་འཆི་བདག་ལས་གྲོལ་ཕྱིར༔ བདག་གིས་བྱང་ཆུབ་སེམས་མཆོག་བསྐྱེད་པར་བགྱི༔ ཨ༔ སྣང་བ་དག་པ་སྟོང་ཆེན་མཁའ སྲིད་པ་སྒྱུ་མའི་རོལ་པ་ལས༔ རང་བྱུང་ལྷུན་གྲུབ་གཞལ་ཡས་དབུས༔ ཆུ་སྐྱེས་འདབ་བཞད་ཟེའུ་འབྲུའི་སྟེང་༔ རང་ཉིད་རྗེ་བཙུན་སྒྲོལ་མ་དཀར༔ ཞི་འཛུམ་མཚན་དཔེ་ལྡན་པར་གསལ༔ སྤྱི་བོར་པདྨ་ཉི་ཟླའི་སྟེང་༔ ཨོ་རྒྱན་པདྨ་ཚེ་དཔག་མེད༔ དམར་གསལ་མཉམ་བཞག་ཚེ་བུམ་འཛིན༔ དར་དང་རིན་ཆེན་རྒྱན་གྱིས་སྤྲས༔ ཞབས་གཉིས་རྡོ་རྗེའི་སྐྱིལ ཀྲུང་བཞུགས༔ འཁོར་དུ་ཚེ་ལྷ་མགྱོགས་མས་བསྐོར༔ མཆོག་གསུམ་ཀུན་འདུས་ངོ་བོར་གསལ༔ གསོལ་བ་འདེབས་སོ་བྱིན་གྱིས་རློབས༔ བདག་ཅག་རྣལ་འབྱོར་སྒྲུབ་པ་པོའི༔ ཚེ་ཡི་བར་ཆད་ཀུན་བསལ་ནས༔ བླ་ཚེ་ཉམས་པ་སོར་ཆུད་དེ༔ ཚེ་བཅུད་བྱིན་རླབས་ཐམས་ཅད་ཀུན༔ འོད་ཟེར་རྣམ་པར་རང་ལ་བསྟིམ༔ སྐྱེ་འཆི་མེད་པའི་དངོས་གྲུབ་སྩོལ༔ ཨོཾ་གུ་རུ་ཨ་S་ ཡུ་སིདྡྷི་ཧཱུྃ་ཧྲཱིཿ ཨ་མ་ར་ཎི་ཛི་བནྟི་ཡེ་སྭཱ་ཧཱ༔ ཅི་ནུས་བཟླས༔ མདོ་ལས་བྱུང་བའི་གཟུངས་སྔགས་ཀྱང་བརྗོད༔ ཅེས་པ་བརྒྱ་སྟོང་ལ་སོགས་བཟླས༔ འཆི་བདག་གཤིན་རྗེའི་ཁར་ཚུད་ཀྱང་༔ འདི་སྒྲུབ་ཀེགས་ལས་ཐར་བར་གྱུར༔ ཐེ་ཚོམ་མེད་དོ་ས་མ་ཡ༔ ཟབ་རྒྱ༔ གསང་རྒྱ༔ གཏད་རྒྱ༔ གུ་ཧྱ༔ བརྡ་ཐིམ༔ ཅེས་པའང་མཁའ་འགྲོའི་ཞལ་ལུང་ལས་སུ་ཁ་བཛྲ་གྱིས་ཞལ་བཤུས་པའོ།། དགེའོ།། །། ན √6E7hⅧTr7 TI1396-496 √6E7hⅧTr7 TI1396-496 &། ཧོཿ སྙན་བརྒྱུད་ཟབ་མོའི་ཆོས་སྐོར་ལས༔ ཚེ་སྒྲུབ་རྡོ་རྗེ་ཕ་ལམ་ཉི་ཟླ་ཁ་སྦྱོར་ཤིན་ཏུ་གསང་བའི་རྒྱ་ཅན་བཞུགས་སོ༔ ན་མོ་གུ་རུ་པདྨ་ཀཱ་ར་ཡེ༔ རང་རིག་ཚེ་བདག་ལྷ་ལ་འདུད༔ བདག་འདྲ་པདྨ་སམ་བྷ་ཝས༔ འཆི་མེད་སྲོག་ཐོབ་ཟབ་མོའི་ཆོས༔ རྒྱལ་བ་འོད་མཚན་སྟོང་འབར་ཞུས༔ རྡོ་རྗེ་ཚེ་ཡི་སྒྲུབ་པའི་སྐོར༔ ཕྱི་རབས་རྗེ་འཇུག་སྐྱེས་བུའི་དོན༔ བསམ་གྱིས་མི་ཁྱབ་གཏེར་དུ་སྦས༔ སྤྲོས་བཅས་སྤྲོས་མེད་ཚུལ་དུ་ནི༔ གཏེར་བདག་རང་རང་དཔལ་དུ་སྤྱོད༔ འདི་ནི་ཡང་ཟབ་ཚེ་སྒྲུབ་མཆོག༔ ནམ་མཁའི་སྙིང་པོའི་ཐུགས་དམ་མཐིལ༔ ལས་ལྡན་རྡོ་རྗེ་མཚོ་ལ་གདམས༔ སྙིང་མིག་སྲོག་དང་མཚུངས་པའི་ཆོས༔ མ་འོངས་སྐལ་ལྡན་ལས་འཕྲོ་ཅན༔ བླ་མེད་སྔགས་ཀྱི་རྣལ་འབྱོར་པའི༔ སྲོག་མཐུད་རྡོ་རྗེ་ཚེའི་སྒྲུབ་པ༔ ཐབས་མཆོག་ཡང་གསང་སྙིང་པོ་འདི༔ སྙན་བརྒྱུད་གབ་པའི་བརྡ་རུ་ཐོབ༔ དུས་བབས་རྟེན་འབྲེལ་གནད་ལྡན་ན༔ སྐལ་ལྡན་བུ་ཡི་དོན་དུ་བསྟན༔ ས་མ་ཡ༔ དེ་ཡང་སྦྱོར་བ་དངོས་ལ་ནི༔ དུག་གསུམ་རླུང་རོ་ཕྱིར་བསལ་ནས༔ ཡེ་ཤེས་རླུང་ལྔ་དབྱིངས་ནས་དྲངས༔ དབུ་མའི་ལམ་བརྒྱུད་གནས་རྣམས་གང་༔ བསྐྱེད་རྫོགས་གཉིས་མེད་རང་བྱུང་ཚེ༔ ཡེ་ཤེས་ལྔ་རུ་ལྷུན་གྱིས་གྲུབ༔ ཡེ་གྲོལ་ཀློང་ཆེན་དགོངས་པའི་ངང་༔ མཉམ་སྦྱོར་རིམ་པ་འདི་ལྟར་རོ༔ རང་ཉིད་སྐད་ཅིག་དྲན་རྫོགས་སུ་བཅོམ་ལྡན་འདས་མགོན་པོ་ཚེ་དཔག་ཏུ་མེད་པ་ལོངས སྤྱོད་རྫོགས་པའི་རྒྱན་ཐམས་ཅད་ཀྱིས་རྣམ་པར་བརྒྱན་པ་མཚན་དང་དཔེ་བྱད་འབར་བའི་སྐུར་གསལ་བའི་སྤྱི་བོར་རིགས་བདག་ཨོ་རྒྱན་པདྨ་མི་ཏྲ་དམར་གསལ་ཞལ་གཅིག་ཕྱག་གཉིས་མཉམ་བཞག་གི་སྟེང་ན་བྷན་ཐོད་ཚེ་བུམ་བདུད་རྩིས་གང་བ་བསྣབས་པ༔ དར་དང་རིན་ཆེན་རུས་པའི་རྒྱན་དྲུག་གསོལ་བ༔ སྤྱན་གཉིས་འབྲུ་ཚུགས་དབྱིངས་སུ་གཟིགས་པ༔ ཞབས་གཉིས་རྡོ་རྗེ་སྐྱིལ་མོ་ཀྲུང་གིས་བཞུགས་པ༔ དེ་ཡི་འཁོར་དུ་ཚེ་བདག་རྒྱལ་བ་རིགས་ལྔ་ཚེ་ལྷ་མགྱོགས་མ་དང་སྒོ་མ་བཞི་སོགས་ཚེ་ལ་དབང་བའི་རིག་འཛིན་ཐམས་ཅད་ཁྲོམ་ཚོགས་པ་ལྟར་མ་འདྲེས་ཡོངས་རྫོགས་ཆེན་པོར་འཇའ་ཟེར་འོད་ཕུང་འཁྲིགས་པའི་ཀློང་དུ་གསལ་གདབ༔ གསང་ཡུམ་བདེ་སྟོངགོས་དཀར་མོ་དང་གཉིས་མེད་དུ་འཁྲུལ་བའི་སྦྱོར་མཚམས་ལས་ཡེ་ཤེས་ཀྱི་རླུང་གིས་བསྐུལ་ནས་འདུས་པའི་འཁོར་ལོའི་ཨ་ཤད་ལས་མེ་འབར་ཏེ་དབུ་མའི་ལམ་དྲངས་ནས་བདེ་ཆེན་འཁོར་ལོའི་ཧཾ་ལ་ཕོག༔ དེ་ལས་བདུད་རྩིའི་འོད་ཟེར་གྱི་རྣམ་པར་རིགས་བདག་ཚེ་ལྷ་འཁོར་བཅས་ལ་ཟག་མེད་བདེ་བ་ཆེན་པོའི་ 9K ཿ མཆོད་པ་ཕུལ༔ ཐུགས་ཀྱི་དགྱེས་པ་བསྐང་ནས་ལྷ་ཚོགས་རྣམས་ཀྱི་ཐུགས་ལས་འོད་ཟེར་དཔག་མེད་ཕྱོགས་བཅུར་འཕྲོས༔ རང་གི་བླ་ཚེ་ཉམས་པ་དང་ཆད་པ་གས་པ་དང་གདོན་གྱིས་ཁྱེར་བ་ཐམས་ཅད་འོད་ཟེར་གྱི་རྣམ་པར་བསྡུས་ནས་སྲོག་རྟེན་ཡི་གེ་ནྲྀཿཡི་ངོ་བོ་རང་གི་སྤྱི་བོ་ནས་བཞུགས་སྙིང་དབུས་སུ་ཐིམ་པས་བླ་ཚེ་ཆད་པ་མཐུད་གས་པ་སྦྱོར་ཉམས་པ་གསོས་ནས་བླ་ཚེ་སྲོག་གསུམ་བཀྲག་མདངས་གཟི་བརྗིད་དང་ལྡན་པར་བསམ༔ སླར་ཡང་ཚེ་བདག་རྒྱལ་བ་རིགས་ལྔ་ཡབ་ཡུམ་གྱི་སྦྱོར་མཚམས་ནས་བདུད་རྩི་དཀར་དམར་གྱི་རྒྱུན་བབས་ཏེ་རང་གི་སྤྱི་བོ་ནས་སྐུའི་དབྱིབས་བརྒྱུད༔ ཡུམ་གྱི་གསང་བའི་པདྨོར་བབ་པ་ལས་མཐུན་གྱི་འོད་ཟེར་ཕྱོགས་བཅུར་འཕྲོས༔ སྣང་སྲིད་སྣོད་བཅུད་ལྷ་འདྲེ་མི་གསུམ་གྱི་ཚེ་བསོད་དཔལ་འབྱོར་ཐམས་ཅད་འོད་ཟེར་གྱི་རྣམ་པར་དྲངས་ནས་སྲོག་རྟེན་ནྲྀཿལ་བསྟིམ་པས༔ འགྱུར་བ་མེད་པའི་རྡོ་རྗེ་ཚེའི་སྐུ་མཆོག་ལ་མངའ་བརྙེས་པར་བསམ༔ སླར་ཡང་ཆོས་དབྱིངས་འོད་གསལ་བདེ་བ་ཆེན་པོའི་ངང་དུ་ལྷ་ཚོགས་རྣམས་འོད་དུ་ཞུ་ནས་རང་ལ་ཐིམ་པས་བརྗོད་བྲལ་རངབྱུང་གི་ཡེ་ཤེས་ལ་བཟླ་བ་ནི་བསྐྱེད་རྫོགས་རྣམ་པར་དྲིལ་གྱི་དགོངས་པའི་གནད་ཟབ་མོའི་ཁྱད་ཆོས་སོ༔ ས་མ་ཡ༔ ཟབ་པ་ལས་ཀྱང་ཆེས་ཟབ་པ༔ ཡང་གསང་ཚེ་ཡི་སྒྲུབ་པ་འདི༔ ནམ་མཁའི་སྙིང་པོའི་ཐུགས་བཅུད་མཆོག༔ སྙིང་མིག་སྲོག་ལས་ཕངས་ན་ཡང་༔ ངེས་དོན་བསྟན་པའི་སྲོག་འཛིན་མཆོག༔ མ་འོངས་རྣལ་འབྱོར་དོན་ཆེད་དུ༔ མཚོ་རྒྱལ་སྤྲུལ་པས་ཆོས་འདི་རྙེད༔ གཅིག་བརྒྱུད་བུ་ལ་གཏད་རྒྱ་ཁྲོལ༔ དམ་ཉམས་རྣམས་ལ་གུ་ཧྱ་རྒྱ༔ སྐལ་ལྡན་རྣལ་འབྱོར་སྲོག་གི་བཅུད༔ གསང་བར་ཉམས་སུ་བླངས་ནུས་ན༔ སྐྱེ་འཆི་མེད་པའི་སྐུ་ཐོབ་ངེས༔ ཚེ་རིང་མཆེད་ལྔས་གཉེར་གྱིས་ཤིག༔ སྐལ་མེད་ལག་ཏུ་མ་ཤོར་བར༔ ཐུབ་པར་སྲུངས་ཤིག་ས་མ་ཡ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ ཀོ་རྐ།༔ ༔ ཅེས་པ་འདི་ཡང་ཐབས་གྲོགས་མཆོག་གྱུར་ཨོ་རྒྱན་དངོས་སྣང་ལས་འབྲེལ་རྩལ་གྱི་བཞེད་སྐོང་དུ་ཡང་ཟབ་མཁའ་འགྲོའི་སྙན་བརྒྱུད་ལས་ཀུན་བཟང་བདེ་སྐྱོང་དབང་མོས་དག་པར་ཕབས་པའོ། །དགེའོ།། །། ཚེ་སྒྲུབ་བསྡུས་པ་ནི༔ ཧྲཱི༔ རང་སྣང་ཤེས་རིག་མ་འགགས་གསལ་བའི་སྐུ༔ འཆི་མེད་པདྨ་ཟུང་འཇུག་ཡུམ་དང་སྦྱོར༔ སྤྲུལ་པའི་ཕོ་ཉ་ཚེ་ལྷ་རིགས་ལྔ་དང་༔ མགྱོགས་མ་བཞི་སོགས་ཚེ་དབང་རིག་འཛིན་ཚོགས༔ གསོལ་བ་འདེབས་སོ་ཚེ་ཡི་བར་