Tibetan
གོ༔ དེ་ནས་མཐའ་རྟེན་གཏད་ཅིང་མེ་ཏོག་འཐོར༔ ཁས་བླངས་ཡོན་བུལ་བཀྲ་ཤིས་བརྗོད༔ དགེ་བསྔོ་དགའ་སྟོན་ཚོགས་འཁོར་བྱ༔ ས་མ་ཡ༔ ཨེ་མ་གསང་བའི་ཡང་བཅུད་ནི༔ པདྨ་ཅོད་པན་རྒྱུད་བཅུ་གསུམ༔ ཁོ་མོ་མཚོ་རྒྱལ་བདག་གིས་ཕུལ༔ སྙིང་མིག་སྲོག་ལས་ཕངས་ན་ཡང་༔ ནམ་སྙིང་ཤེལ་དཀར་གཉིས་ལ་གདམས༔ ད་དུང་མ་སྤེལ་ཐུགས་དམ་མཛོད༔ མ་འོངས་དུས་ཀྱི་མཐའ་མ་ལ༔ ང་སྤྲུལ་ཀུན་དགའ་དཱི་པཾ་དང་༔ སུ་ཁ་བཛྲ་ཡོས་འབྲུག་ལོ༔ ཐ་མལ་ཚུལ་འཛིན་གཏེར་ལ་དབང་༔ ནམ་སྙིང་གཡུ་སྒྲའི་གྲོགས་དང་འཕྲད༔ དེ་དུས་ཆོས་འདི་འཕྲད་ན་ཀྱང་༔ རིགས་ལྡན་བུ་སློབ་ལྔ་འབྱུང་ནས༔ ཆོས་འདིའི་བསྟན་པ་ཡུལ་ལྔར་རྒྱས༔ གཅིག་བརྒྱུད་གྱིས་ལ་རིམ་བཞིན་སྤེལ༔ འབྲེལ་བ་ཐོབ་ཚད་དོན་གཉིས་འགྲུབ༔ ཕྱི་མ་བདེ་ཆེན་ཞིང་ལ་སྤྱོད༔ ཐེ་ཚོམ་མེད་དོ་རྡོ་རྗེའི་ཚིག༔ བདུད་སྤྲུལ་པཱ་ཤཾ་མིང་འཛིན་པ༔ གཡོ་ཅན་གདོང་སྨེ་གཡས་ན་མཛེས༔ ཐབས་ཀྱི་སྤྱོད་ཅིང་གྲོལ་ལམ་ལ༔ འཇུག་ནུས་མཐུ་རྩལ་མ་ལྡན་ན༔ ཤར་གྱི་མེ་ཏོག་ལྷོ་རུ་འཕེན༔ ཟབ་གཏེར་ནམ་མཁའི་པདྨོར་གྱུར༔ ཐབས་ལྡན་གྲོལ་བ་ཐོབ་པས་ན༔ དྲུག་ཅུ་ལྔ་བར་རིམ་གྱིས་གདུལ་བྱ་རྫོགས༔ དེ་དུས་ང་དང་དབྱེར་མེད་དཔལ་རིར་ཡིབ༔ ས་མ་ཡ༔ ཆོས་འཛིན་རིགས་ཀྱི་བུ་ལྔ་ནི༔ གཡུ་སྒྲའི་སྤྲུལ་པ་གུ་ཧྱའི་མིང་༔ ལུས་ཐུང་སྨེ་བའི་ དགའ་འཁྱིལ་ནི༔ སྟོད་སྨད་མཚམས་སུ་རི་མོ་བཀྲ༔ ནམ་སྙིང་སྤྲུལ་པ་ལོ་ཀའི་མིང་༔ ཡོས་ལོ་ཤེས་རབ་མིག་དང་ལྡན༔ སྔགས་རིགས་འཛིན་པ་ཤར་ནས་འབྱུང་༔ ཨ་ཙར་སྤྲུལ་པ་བཛྲ་མིང་༔ བརླ་གཡས་གཡུང་དྲུང་རི་མོ་ཡོད༔ ཡལ་གམ་ལོ་འཛིན་གཏེར་ལ་དབང་༔ རྨ་ཐོག་སྤྲུལ་པ་ས་མནྟ༔ མཁལ་གཡོན་ཤ་ཁྲའི་རི་མོ་ཡོད༔ གསེར་གྱི་ལྟོ་འགྲོའི་ལྟེ་བར་འཁྱིལ༔ འབྲོག་མིའི་སྤྲུལ་པ་འདུལ་གྱི་མིང་༔ མཆན་གཡོན་སྨེ་བ་དམར་ནག་ནི༔ ལྷ་ཡི་སྤྱན་འདྲ་རབ་ཏུ་མཛེས༔ དེ་དག་རིང་དང་ཉེ་བའི་སར༔ རྟེན་འབྲེལ་དབང་གིས་འཛོམས་པར་གྱུར༔ སྔགས་རིགས་སམ་ནི་བཙུན་པའི་ཚུལ༔ ཆོས་འདི་དཔལ་དུ་སྤྱོད་པ་འབྱུང་༔ དྷརྨའི་མིང་དང་པཱ་ཤཾ་མིང་༔ ཝཱཀྐའི་མིང་དང་གུ་ཧྱའི་མིང་༔ པྲ་ཛྙཱའི་མིང་དང་སུ་ཁའི་མིང་༔ རསྨིའི་མིང་དང་པུ་ནྱཻའི་མིང་༔ བི་མོཀྵ་དང་ཀཱིརྟིའི་མིང་༔ དེ་ལ་སོགས་པའི་ཆོས་བདག་ནི༔ དུས་དང་དུས་སུ་འཕྲད་པར་གྱུར༔ ས་མ་ཡ༔ དྲུག་ཅུ་ལྔ་ནས་གདུལ་བྱ་རིམ་གྱིས་རྫོགས༔ ཤཾ་བྷ་ལ་རུ་སྨོན་ལམ་དབང་གིས་བགྲོད༔ དེ་ནས་འདོང་ཆུ་ལྷ་ཁང་ཞེས་པ་ན༔ བདེ་བའི་མིང་འཛིན་ཤེས་རབ་སྤྱན་ཅན་འབྱུང་༔ སྨོན་ལམ་དུས་སུ་སད་ནས་བསྟན་འགྲོར་སྨན༔ ཟབ་མོའི་ཆོས་སྒོ་སྣ་ཚོགས་དེ་དུས་འབྱེད༔ རྟེན་འབྲེལ་ལྡན་ཅིང་ས་གཏེར་ལྔ་ལ དབང་༔ གསང་གྲོགས་ཀློང་གི་མིང་འཛིན་བརྟུལ་ཞུགས་ལྡན༔ སྔགས་རིག་འཆང་བ་སྨོན་ལམ་དབང་གིས་འཕྲད༔ ཟབ་གཏེར་ཁྲོལ་སྡོམ་བསྟན་པ་དེ་ལ་རག༔ ཆོས་སྲིད་འདུ་སྒོ་བསམ་མི་ཁྱབ་པ་དང་༔ ཆོས་བརྒྱུད་འཛིན་པའི་སྐྱེས་བུ་ ཨོཾ་ཿ འགའ་ཡང་འབྱུང་༔ འབྲེལ་ཚད་རྣམ་པར་གྲོལ་བའི་ལམ་ལ་བཀོད༔ ཐེ་ཚོམ་མེད་དོ་བདག་གི་བཀའ་མི་བསླུ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ ལོག་ལྟ་འདོད་སྲེད་མཁན་གྱི་དབང་པོ་བསྣུབས༔ བཀའ་སྲུང་གནོད་སྦྱིན་གཟའ་དང་མ་མོས་སྲུངས༔ དམ་ཉམས་ལག་ཏུ་མ་ཤོར་ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ གུ་ཧྱ༔ བརྡ་ཐིམ༔ ༔ ཅེས་པ་འདི་ཡང་ཟབ་གཏེར་རྒྱ་མཚོའི་གྲོགས་ལྡན་གཏེར་ཆེན་ཆོས་ཀྱི་རྒྱལ་པོ་ཨོ་རྒྱན་དངོས་སྣང་པདྨ་ལས་འབྲེལ་རྩལ་གྱིས་སྐུ་གསུང་ཐུགས་ཀྱི་རྟེན་དང་། རིན་ཆེན་གཉིས་པ་དབང་མདོག་བཟང་པོའི་སྐྱེ་བཅས་ཡང་ཡང་ནན་ཆེར་གསུང་བསྐུལ་ཕེབས་པ་དང་ཉེ་ཆར་ཆོས་ཀྱི་བདག་པོ་སྤྲུལ་པའི་སྐུ་ས་མནྟ་སཱུརྻའི་མཚན་འཆང་དང་། སྐྱེ་བུ་ཤཱི་ལ་བཛྲ་རྣམས་ཀྱིས་ནན་ཏན་ཆེན་པོས་ཡང་ཡང་སྐུལ་ངོར། གང་གི་ཞབས་སུ་བསྡུས་པ་སློབ་འབངས་ཡོངས་ཀྱི་ཐ་ཤལ་མདོ་མེད་འཆོལ་མོ་དུས་མཐའི་གཏེར་མིང་འཛིན་པ་བདེ་ཆེན་བདེ་བའི་རྡོ་རྗེས་མཁའ་འགྲོ་གསང་བའི་ཤོག་སེར་ལས་དག་པར་ཕབ་པ་དགེའོ། །དགེའོ།། །། ༈ རིག་བྱེད་མའི་དབང་གི་སྐབས་སུ་ཁ་བསྒྱུར་ནི། ད་ལན་གྱི་སྐབས་སུ་བབས་པ་མཆོད་སྡོང་བྱ་རུང་ཁ་ཤོར་ནས་སྤྱན་དྲངས་པའི་ཟབ་གཏེར་བཅོམ་ལྡན་རིག་བྱེད་ལྷ་མོའི་སྨིན་བྱེད་དབང་གི་འཇུག་ངོགས་དངོས་གྲུབ་སྙེ་མའི་དཀྱིལ་འཁོར་བསྒྲུབ་པ སོགས་དབང་གི་ལྷན་ཐབས་ལྟར་རོ།། བདེ་བའི་རྡོ་རྗེས་སོ།། །། TI1396-448 ༒༔ ཆོས་ཉིད་མཁའ་འགྲོའི་ཐུགས་ཐིག་ལས༔ མ་རྒྱུད་གསང་བ་ཡེ་ཤེས་ཀྱི་གསང་སྒྲུབ་རྒྱུན་ཁྱེར་ལམ་ཟབ་དངོས་གྲུབ་སྙིང་པོ་བཞུགས༔ ཐགྷཛྲ་མོ།ས།་ཛཱྃ ན་མོ་བཛྲ་དྷ་ར་ཡེ༔ ཨོ་རྒྱན་རྡོ་རྗེ་འཆང་ལ་འདུད༔ མ་རྒྱུད་མཁའ་འགྲོའི་ཐུགས་ཀྱི་བཅུད༔ པཎ་ཆེན་ནཱ་རོའི་ཐུགས་དམ་མཐིལ༔ མཁའ་འགྲོའི་གསང་སྒྲུབ་ཟབ་མོ་འདི༔ སྐལ་ལྡན་སྐྱེས་བུའི་དོན་དུ་བསྟན༔ ཉམས་སུ་ལོངས་དང་དོན་གཉིས་འགྲུབ༔ ས་མ་ཡ༔ ན་མོ༔ ཁམས་གསུམ་རིགས་དྲུག་བདག་གཞན་སེམས་ཅན་ཀུན༔ མཆོག་གསུམ་ཀུན་འདུས་མཁའ་འགྲོར་སྐྱབས་སུ་མཆི༔ མ་གྱུར་འགྲོ་ཀུན་སངས་རྒྱས་ས་ཐོབ་ཕྱིར༔ རྡོ་རྗེའི་རྣལ་འབྱོར་རིམ་གཉིས་བསྒྲུབ་པར་བྱ༔ ལན་གསུམ་དང་དངོས་གཞི་ནི༔ ཨ༔ རྣམ་ཀུན་མཆོག་ལྡན་སྟོང་པའི་ངང་ཉིད་ལས༔ རང་གདངས་མ་འགགས་ཡེ་ཤེས་རོལ་པའི་རྩལ༔ སྣོད་བཅུད་རྣམ་དག་ཡུམ་ལྔའི་མཁའ་ཀློང་དུ༔ བྷྲཾ་ལས་རང་བྱུང་ཡོངས་གྲུབ་གཞལ་ཡས་ཁང་༔ ཚད་དང་མཚན་ཉིད་ཡོངས་སུ་རྫོགས་པའི་དབུས༔ ཆོས་འབྱུང་ཉིས་བརྩེགས་པདྨ་ཉི་ཟླའི་སྟེང་༔ རིག་པ་མི་འགྱུར་བ་ཡིག་འཕྲོ་འདུས་བྱས༔ ཡོངས་གྱུར་རང་ཉིད་རྡོ་རྗེ་རྣལ་འབྱོར་མ༔ དམར་གསལ་ཞལ་གཅིག་སྤྱན་གསུམ་དབྱིངས་སུ་གཟིགས༔ ཕྱག་གཉིས་གཡས་པས་ གྲི་གུག་ཐུར་དུ་འཕྱར༔ ཕྱག་གཡོན་བྷན་ཁྲག་ཕྲག་སྟེང་རྔུབས་ཚུལ་འཛིན༔ དབུ་སྐྲ་ཐོར་ཅོག་ཐོད་སྐམ་རྩེ་བྲན་མཛེས༔ ཐོད་རློན་དོ་ཤལ་པད་ཕྲེང་དར་དཔྱངས་གསོལ༔ ནུ་འབུར་པདྨ་རྒྱས་ཤིང་ལང་ཚོ་ལྡན༔ རྡོ་རྗེས་མཚན་པའི་ཁ་ཊཱཾ་མཆན་གཡོན་བརྟེན༔ ཞི་མ་ཁྲོ་འཛུམ་གཟི་བརྗིད་འོད་དུ་འབར༔ སྤྱི་བོར་སྙན་མགུལ་ལ་སོགས་ཕྱག་རྒྱ་ལྔས༔ རབ་སྤྲས་སྐུ་ལ་རུས་པའི་རྒྱན་དྲུག་གསོལ༔ ཞབས་གཉིས་བརྐྱངས་བསྐུམ་དུས་མཚན་ཕོ་མོ་བརྫིས༔ སྐུ་ལ་རྒྱུད་སྡེའི་དཀྱིལ་འཁོར་མ་ལུས་རྫོགས༔ ཡེ་ཤེས་འོད་ལྔའི་མེ་དཔུང་ཀློང་དུ་བཞུགས༔ སྤྱི་བོར་རིགས་ཀྱི་བདག་པོ་རྡོ་རྗེ་ཆོས༔ རྣལ་འབྱོར་དམར་པོ་ཧེ་རུའི་ཆས་ཀུན་རྫོགས༔ ཡེ་ཤེས་འཇའ་འོད་ལྔ་ལྡན་འཁྱིལ་ཀློང་བཞུགས༔ དེ་ལྟར་གསལ་བའི་གནས་གསུམ་འབྲུ་གསུམ་ལས༔ འོད་འཕྲོས་བདེ་གཤེགས་རྒྱལ་བ་སྲས་བཅས་དང་༔ ཕྱོགས་བཅུའི་དཔའ་བོ་དཔའ་མོ་རྣལ་འབྱོར་མ༔ སྤྱན་དྲངས་དམ་ཡེ་དབྱེར་མེད་རོ་གཅིག་གྱུར༔ ཐུགས་ཀར་ཆོས་འབྱུང་དགའ་འཁྱིལ་ཟླ་བའི་དབུས༔ བྃ་ལས་སྔགས་ཀྱི་ཕྲེང་བ་གཡོན་དུ་འཁོར༔ བཟླས་པས་སྣོད་བཅུད་དག་མཉམ་ཆེན་པོར་སྨིན༔ མི་འགྱུར་བདེ་བ་ཆེན་པོའི་ཀློང་དུ་ཨ༔ ཨོཾ་ཨོ་ཨཽ་སརྦ ཧོཿ བུདྡྷ་ཌཱ་ཀི་ནཱི་ཡེ༔ བཛྲ་ཝརྞ་ནཱི་ཡེ༔ བཛྲ་བེེ་རོ་ཙནཱི་ཡེ༔ ཧཱུྃ་ཧཱུྃ་ཧཱུྃ༔ ཕཊ་ཕཊཕཊ༔ སྭཱ་ཧཱ༔ དུས་རྣམས་ཀུན་ཏུ་མ་ཡེངས་པར༔ རླུང་སེམས་འཇུག་པ་གཅིག་དྲིལ་ངང་༔ བཟླས་པས་མཁའ་སྤྱོད་དབང་མོ་འགྲུབ༔ ཐེ་ཚོམ་མེད་དོ་ས་མ་ཡ༔ རྟགས་མཚན་ཉམས་སུ་ལོངས་དང་གསལ༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་གུ་ཧྱ་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ཀོ་རྐ། ཌཱ་ཀྐིའི་རྒྱ༔ ༔ ཞེས་པ་འདི་ཡང་ཨོ་རྒྱན་དངོས་སྣང་ཐབས་གྲོགས་ཡིད་བཞིན་ནོར་བུའི་བཀའ་བཙན་སྤྱི་བོར་སོན་ཚེ་ཀུན་བཟང་བདེ་སྐྱོང་དབང་མོས་སྙན་བརྒྱུདལས་ཞལ་བཤུས་ཏེ་དག་པར་ཕབས་པའོ།། ཉེར་སྤྱོད་ཀྱིས་མཆོད་ལ་བསྟོད་པ་ནི༔ བྃ༔ སོར་རྟོགས་ཡེ་ཤེས་པདྨ་རིགས་ཀྱིལྷ༔ ཆགས་པའི་སྐྱོན་བྲལ་བདེ་གཤེགས་གསང་བའི་ཡུམ༔ རྡོ་རྗེ་རྣལ་འབྱོར་སྐུ་གསུང་ཐུགས་ཡོན་ཏན༔ ཕྲིན་ལས་ལྔ་ལ་བདག་གིས་གུས་པས་བསྟོད༔ བདེ་ཆེན་བདེ་བའི་མཆོག་གི་དངོས་གྲུབ་སྩོལ༔ མ་གྱུར་འགྲོ་ཀུན་མཁའ་སྤྱོད་དག་ཞིང་དུ༔ མི་གནས་ཆོས་སྐུའི་གཏན་སྲིད་ཟིན་པར་ཤོག༔ སུ་ཁའི་མིང་α(√7E TI1396-452 ༒ཿ གསང་བ་ཡེ་ཤེས་མའི་མངོན་རྟོགས་བཞུགས༔ ན་མོ༔ བདག་དང་མཐའ་ཡས་སེམས་ཅན་ཀུན༔ སྐུ་གསུམ་མཁའ་འགྲོར་སྐྱབས་སུ་མཆི༔ མ་རྒན་འགྲོ་དྲུག་སེམས་ཅན་རྣམས་༔ ཡང་དག་སར་འགོད་སེམས་བསྐྱེད་དོ༔ ཨ༔ གཞི་སྣང་རིག་པ་ཟང་ཐལ་སྐྱེ་བ་མེད༔ ལམ་སྣང་མ་འགགས་མཁའ་སྤྱོད་རྣལ་འབྱོར་མ༔ འབྲས་བུ་རླུང་སེམས་དབྱེར་མེད་དབུ་མར་ཐིམ༔ སྟོང་ཉིད་རྡོ་རྗེ་བཙུན་མོའི་མཁའ་ཀློང་དུ༔ ཟུང་འཇུག་ཕྱག་རྒྱ་ཆེན་པོའི་ས་ཐོབ་ནས༔ རྡོ་རྗེ་འཆང་དངོས་རྣལ་འབྱོར་དབང་མོ་ཡི༔ གོ་འཕང་མྱུར་བ་ཉིད་དུ་འགྲུབ་གྱུར་ཅིག༔ ཨོཾ་ཨོཾ་ཨོཾ་སརྦ་བུདྡྷ་ཌཱ་ཀྐི་ནཱི་ཡེ་བཛྲ་ཝརྞ་ནཱི་ཡེ་བཛྲ་བེེ་རོ་ཙ་ན་ཡེ་ཧཱུྃ་ཧཱུྃ་ཧཱུྃཕཊ་ཕཊ་ཕཊ་སྭཱ་ཧཱ༔ ཅེས་བཟླས་མཁའ་སྤྱོད་ཞིང་བགྲོད་ངེས༔ དམ་པ་གང་གི་བཞེད་ངོར་བདེ་བའི་རྡོ་རྗེས་བྲིས་པའོ།། །། ༈ གསང་བ་ཡེ་ཤེས་མའི་མཆོད་བསྟོད་ནི༔ ཨོཾ་ཨཱཿཧཱུྃ༔ དབང་པོའི་ཡུལ་དུ་ཤར་བ་ཡི༔ སྣང་སྲིད་མཆོད་པའི་ཕྱག་རྒྱར་སྤྲུལ༔ ཡེ་ཤེས་མཁའ་འགྲོའི་ཚོགས་ལ་འབུལ༔ བཞེས་ནས་མཆོག་གི དངོས་གྲུབ་སྩོལ༔ ཨརྒྷཾཿ ཤཔྡ་སརྦཔཱུ་ཛ་ཁཱ་ཧིཿ བྃ༔ ཤེས་རབ་མཆོག་གི་སྒྱུ་འཕྲུལ་གར༔ རྣམ་ཀུན་མཆོག་ལྡན་རྣལ་འབྱོར་མའི༔ སྐུ་གསུང་ཐུགས་ལ་གུས་པས་བསྟོད༔ མི་ གནས་གཏན་སྲིད་ཟིན་པར་ཤོག༔ ཅེས་པ་འདི་ཡང་དད་ལྡན་དགེ་བཙུན་དམ་པ་ཆོས་གསལ་གྱིས་བསྐུལ་ངོ་མི་ལྡོག་ཙམ་དུ་འཆོལ་མོ་སུ་ཁ་བཛྲ་གྱིས་བྲིས་པའོ། །དགེའོ།། 军 མ་ཚས་པོམ་རམ་ཆོ་ལ་ཐམ་ཐོས་གྱི་ང་ྋ TI1396-454 TI1396-454 བཀ དེཾཿ ཡེ་ཤེས་མཁའ་འགྲོའི་དཀྱིལ་འཁོར་དུ༔ ཚོགས་བསག་དངོས་གྲུབ་འབྱུང་བའི་ཐབས༔ ཕྱི་ནང་གསང་བའི་རྫས་རྣམས་ཀུན༔ དངོས་ཡིད་ཏིང་འཛིན་དག་པས་སྤྲུལ༔ བྱིན་གྱིས་བརླབས་པ་འདི་སྐད་དོ༔ ཨོཾ༔ བདེ་སྟོང་ཡངས་པའི་བྷནྡྷ་རུ༔ ཨཱཿ སྣོད་བཅུད་འདོད་ཡོན་ཚོགས་སུ་བཤམས༔ ཧཱུྃ༔ མི་ཟད་ནམ་མཁའ་མཛོད་དུ་སྤེལ༔ ཧ་ཧོ་ཧྲཱིཿཡིས་བདུད་རྩིར་གྱུར༔ ཧཱུྃ་ཧྲཱིཿ སྐུ་གསུམ་རིག་པ་དོན་གྱི་ལྷ༔ རྒྱལ་ཀུན་གསང་བ་ཡེ་ཤེས་མ༔ རྡོ་རྗེ་རྣལ་འབྱོར་གཙོ་དང་འཁོར༔ གཤེགས་བྱོན་བྲལ་བ་ཡེ་རྫོགས་ཀློང་༔ སྣང་སྲིད་དག་མཉམ་མཆོད་པའི སྤྲིན༔ བདེ་སྟོང་ལྷ་མོའི་རོལ་གར་གྱིས༔ རིག་སྟོང་རྣལ་འབྱོར་མ་ལ་འབུལ༔ བདག་ཅག་ཚོགས་གཉིས་རྫོགས་ཕྱིར་བཞེས༔ གཟུང་འཛིན་སེམས་ཀྱི་སྒྲིབ་པ་བཤགས༔ བདེ་སྟོང་དགའ་བཞིའི་ཐུགས་དམ་བསྐང་༔ ཀུན་རྟོག་ཆོས་དབྱིངས་ཀློང་དུ་བསྒྲལ༔ བདག་མེད་སྟོང་པའི་ཞལ་དུ་བསྟབ༔ བདེ་ཆེན་ཡེ་ཤེས་དངོས་གྲུབ་བསྩོལ༔ ཨ་ལ་ལ་ཏེ་དགྱེས་པར་རོལ༔ རྩལ་སྣང་མགྲོན་ཀུན་ལྷག་མས་ཚིམས༔ རྣམ་གྲོལ་འབྲས་བུའི་ས་ཐོབ་ཤོག༔ སརྦ་ཛྙཱ་ན་མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧིཿ ཚོགས་མཆོད་ཕུལ་བའི་བསོད་ནམས་ཀྱིས༔ སྐུ་ གསུམ་འབྲས་བུ་མངོན་གྱུར་ནས༔ གཞོན་ནུ་བུམ་སྐུའི་ས་ཐོབ་ཤོག༔ འདི་ལ་རྒྱུན་དུ་སུས་བརྩོན་ན༔ ཚོགས་གཉིས་འབྲས་བུ་རབ་རྫོགས་ཏེ༔ གང་འདོད་དངོས་གྲུབ་ཐོབ་པར་ངེས༔ ས་མ་ཡ༔ རྒྱ་རྒྱ་རྒྱ༔ ཞེས་པའང་ཡིད་བཞིན་ནོར་བུའི་བཞེད་སྐོང་དུ་བདེ་སྐྱོང་དབང་མོས་བྲིས་པའོ།། དགེའོ། །། 字 ལ་སུམ་བུམ་ལ་ལམ་ཁམས་ཐོས་གྱི་ང་ལ་སུམ་བུམ་ལ་ལམ་ཁམས་ཐོས་གྱི་ང་TI1396-456 ༒ཿ ཡེ་ཤེས་མཁའ་འགྲོའི་སྒྲུབ་ཐབས་དབང་གི་རྒྱུད་སྨིན་བཞུགས༔ ན་མོ་ཛྙཱ་ན་ཌཱ་ཀི་ཡེ༔ རང་རིག་སྐུ་གསུམ་མཁའ་འགྲོར་འདུད༔ བདག་ཉིད་ཡེ་ཤེས་ཌཱ་ཀྐི་མས༔ རང་གི་སྒྲུབ་པ་རང་གིས་བརྩམས༔ མོས་ལྡན་བུ་ཡི་དོན་དུ་བསྟན༔ ཉམས་སུ་ལོངས་དང་རྟགས་མཚན་གསལ༔ སྐྱབས་སེམས་ནི༔ ན་མོ༔ བདེ་གཤེགས་ཀུན་འདུས་ཡེ་ཤེས་མཁའ་འགྲོའི་སྐུ༔ བྱང་ཆུབ་སྙིང་པོའི་བར་དུ་སྐྱབས་སུ་མཆི༔ འགྲོ་དྲུག་འཁོར་བར་འཁྱམས་པའི་སེམས་ཅན་ཀུན༔ རང་བྱུང་ཡེ་ཤེས་རྟོགས་པར་སེམས་བསྐྱེད་དོ༔ ལན་གསུམ་གྱིས་རང་རྒྱུད་སྦྱངས༔ ཨ༔ བདག་ཉིད་ཐ་མལ་གནས་པའི་མདུན་གྱི་མཁར༔ པདྨ་འདབ་སྟོང་ཉི་ཟླ་བམ་རོའི་སྟེང་༔ མཁའ་འགྲོའི་གཙོ་མོ་རྡོ་རྗེ་རྣལ་འབྱོར་མ༔ དམརགསལ་པདྨ་རཱ་གའི་མདོག་ལྟ་བུ༔ ཞལ་གཅིག་སྤྱན་གསུམ་སྐུ་གསུམ་དབྱིངས་སུ་གཟིགས༔ ཕྱག་གཉིས་གཡས་པས་གྲི་གུག་ནམ་མཁར་འཕྱར༔ མ་རིག་གཉིས་འཛིན་རཱུ་ཏྲ་དབྱིངས་སུ་བསྒྲལ༔ གཡོན་པས་ཐོད་ཁྲག་ཐུགས་ཀའི་སྟོད་དུ་འཛིན༔ མ་ཚོགས་ཌཱ་ཀྐི་རྣམས་ཀྱི་ཐུགས་རྒྱུད་བསྐུལ༔ ཡེ་ཤེས་ལྔ་ལྡན་དར་དཔྱངས་རུས་རྒྱན་གསོལ༔ ཞབས་གཉིས་གཡས་བསྐུམ་སྲིད་པ་དབྱིངས་སུ་ལྡོག༔ གཡོན་བརྐྱང་ལོག་རྟོག་གཅོད ཕྱིར་བམ་རོ་བརྫིས༔ ཡེ་ཤེས་འོད་ལྔ་འཁྱིལ་བའི་ཀློང་ན་བཞུགས༔ དེ་ཡི་དབུ་སྟེང་རིགས་ཀྱི་བདག་པོ་ནི༔ རྣལ་འབྱོར་ཧེ་རུ་ཀ་པ་ནམ་མཁའི་མདོག༔ ཞལ་གཅིག་ཕྱག་གཉིས་འབྲུ་ཚུགས་དབྱིངས་སུ་གཟིགས༔ ཕྱག་གཉིས་ཐབས་ཤེས་རྡོར་དྲིལ་བསྣོལ་སྟབས་འཛིན༔ དར་དཔྱངས་རིན་ཆེན་རུས་པའི་རྒྱན་གྱིས་སྤྲས༔ ཞབས་གཉིས་རྡོ་རྗེ་སྐྱིལ་ཀྲུང་པད་ཟླར་བཞུགས༔ སངས་རྒྱས་ཀུན་འདུས་ངོ་བོ་བླ་མར་གསལ༔ སྒོ་གསུམ་རྩེ་གཅིག་གུས་པས་ཕྱག་འཚལ་ལོ༔ སྣང་སྲིད་རྣམ་དག་ལོངས་སྤྱོད་མཆོད་པ་འབུལ༔ སྒོ་གསུམ་མི་དགེའི་སྒྲིབས་པ་མཐོལ་ལོ་བཤགས༔ རྣམ་དག་དགེ་བ་བསྒྲུབ་ལ་རྗེས་ཡི་རངས༔ བླ་མེད་ཡང་དག་ཆོས་འཁོར་བསྐོར་བར་བསྐུལ༔ རྒྱལ་ཀུན་མྱ་ངན་མི་འདའ་བཞུགས་གསོལ་འདེབས༔ དགེ་ཚོགས་མཁའ་སྤྱོད་ཞིང་དུ་བགྲོད་ཕྱིར་བསྔོ༔ ལྷ་རྣམས་གནས་གསུམ་འབྲུ་གསུམ་གསལ་བ་ལས༔ འོད་འཕྲོས་རང་གི་གནས་གསུམ་ཐིམ་པ་ཡིས༔ སྒོ་གསུམ་སྒྲིབ་དག་ལུས་སྣང་ལྷ་སྐུར་སྨིན༔ བླ་མེད་ཕྱག་རྒྱ་ཆེནཔོ་མཆོག་ཐོབ་གྱུར༔ ཨོཾ་ཨཱཿཧཱུྃ༔ ཅི་མང་ཡིད་བཟླས་བྱ༔ ཡེ་ཤེས་རླུང་གི་ངལ་བསོ་རིགས་པ་སྐྱོངས༔ དད་མོས་དྲག་པོས་གསོལ་བ་འདེབས་པ་ནི༔ ཀྱེ་མ༔ དུས་ 0 ད གསུམ་རྒྱལ་བའི་ཡུམ་གྱུར་ཡེ་ཤེས་མ༔ མཚན་དཔེར་རབ་མཛེས་ཡོན་ཏན་མ་ལུས་རྫོགས༔ སྐྱེ་མེད་ཆོས་སྐུའི་མཁའ་ལ་འགྱུར་བ་མེད༔ སྣང་རྩལ་འགྲོ་དྲུག་ཡོངས་ཀྱི་མགོན་གཅིག་པུ༔ བདག་ཅག་རྩེ་གཅིག་དད་པས་གསོལ་བ་འདེབས༔ ཐུགས་རྗེ་ཡེ་ཤེས་ཆེན་པོའི་བྱིན་རླབས་ཀྱིས༔ སྒྲིབ་བཞི་བག་ཆགས་དྲི་མ་དག་པ་དང་༔ བུམ་གསང་ཤེས་རབ་ཚིག་གི་དབང་རྣམས་ཐོབ༔ སྐུ་བཞི་མངོན་མྱུར་ཀུན་བཟང་གདོད་མའི་གཞིར༔ མཉམ་སྦྱོར་རིག་དབྱིངས་གཞོན་ནུ་བུམ་སྐུ་རུ༔ གྲོལ་ནས་ཕྱག་རྒྱ་ཆེན་པོའི་དངོས་གྲུབ སྩོལ༔ ཨོ་ཛྙཱ་ན་ཌཱ་ཀི་ནི་སུ་ཁ་བཛྲ་སརྦ་སིདྡྷི་ཕ་ལ་ཧཱུྃ༔ ཅི་མང་བཟླས་མཐར༔ ཨ༔ ཡེ་ཤེས་མཁའ་འགྲོའི་གནས་ལྔའི་འཁོར་ལོ་ལས༔ འོད་ཟེར་ཁ་དོག་སྣ་ལྔ་རང་ལ་ཐིམ༔ རང་གི དུག་ལྔའི་རྟོག་པ་ཀུན་དག་ནས༔ ཡེ་ཤེས་ལྔར་གྲོལ་སྐུ་ལྔ་མངོན་དུ་གྱུར༔ རྣམ་པར་མི་རྟོག་ཡེ་ཤེས་ཀློང་གྲོལ་ཤོག༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧཱུྃ་ཨ༔ སྤྱི་བོའི་བླ་མ་མཁའ་འགྲོ་འོད་ཞུ་ནས༔ རང་གི་སྙིང་དབུས་པདྨའི་ཟེའུ་འབྲུར་བཞུགས༔ སྒོ་གསུམ་ལྷར་སྨིན་མ་བཅོས་བདེ་བ་ཆེ༔ གཉུག་མའི་རང་གདངས་མངོན་གྱུར་ཨེ་མ་ཧོཿ ཅེས་རང་བྱུང་རིག་པའི་ངང་དུ་ སྐྱོངས༔ དོན་གྱི་ཕག་མོའི་རང་ཞལ་མཇལ༔ ས་མ་ཡ༔ རྒྱ་རྒྱ་རྒྱ༔ གུ་ཧྱ༔ ཅེས་པ་འདི་ཡང་དད་ལྡན་པདྨ་ལྷུན་གྲུབ་ཀྱིས་ཡང་ཡང་བསྐུལ་ངོར་བདེ་བའི་རྡོ་རྗེའི་བརྫུན་རིས་སོ།། །། ་≥་གྱིང& TI1396-460 TI1396-460 1 e B21e 010 ལམ་ས་པོ་ལ་བ་ཐ་དུ་ཐོས་གྱི་ང་དཿ ན་མོ་པདྨ་ཀཱ་ར་ཡེ༔ གང་དག་སྐལ་བར་ལྡན་པ་ཡིས༔ ཤེས་རབ་སྤོབས་པའི་གཏེར་འཆང་བ༔ འཇམ་དཔལ་ཡེ་ཤེས་སྒྲུབ་པའི་ཐབས༔ ཡང་ཟབ་སྙིང་པོ་འདིར་བསྟན་བྱ༔ ས་མ་ཡ༔ སྔོན་འགྲོ་དངོས་གཞི་རྗེས་གསུམ་ལས༔ དང་པོ་སྔོན་འགྲོ་སྐྱབས་སེམས་ནི༔ ན་མོ༔ བདག་དང་མཐའ་ཡས་སེམས་ཅན་ཀུན༔ དེང་བཟུང་བྱང་ཆུབ་མ་ཐོབ་པར༔ འཇམ་དཔལ་དབྱངས་ལ་སྐྱབས་སུ་མཆི༔ འགྲོ་རྣམས་མ་རིག་ལས་སྒྲོལ་ཕྱིར༔ སྨོན་དང་འཇུག་པ་བྱང་ཆུབ་སེམས༔ དམ་པ་བདག་གིས་བསྐྱེད་པར་བགྱི༔ ལན་གསུམ་བརྗོད་ཅིང་རང་རྒྱུད་སྦྱངས༔ གཉིས་པ་དངོས་གཞི་བསྒོམ་པ་ནི༔ ཨ༔ ཆོས་རྣམས་རང་བཞིན་སྟོང་པ་ཉིད༔ ་དཿ སྟོང་ཉིད་གདངས་ལས་སྙིང་རྗེའི་རྩལ༔ རྒྱུ་ཡི་ས་བོན་འཕྲོས་པ་ལས༔ བདེ་ཆེན་འགྱུར་མེད་ཞིང་གི་དབུས༔ ལྷུན་གྲུབ་གཞལ་ཡས་བཀོད་པ་ངོམས༔ དེ་དབུས་སྐྱོན་བྲལ་པད་ཟླའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ འཇམ་དཔལ་ཡེ་ཤེས་སེམས་དཔའི་སྐུ༔ མ་རིག་མུན་སེལ་སེར་གསལ་མཛེས༔ ཉག་གཅིག་ཞལ་དང་མཁྱེན་གཉིས་སྤྱན༔ ཟུང་འཇུག་ཕྱག་གཉིས་གཡས་པ་ཡིས༔ ཤེ་རབ་རལ་གྲི་སྙན་ཐད་འཛིན༔ གཡོན་པས་ཐུགས་ཀར་ཨུཏྤལ་ལ༔ འདབ་མ་སྙན་ཐད་གྱེས་པའི་སྟེང་༔ ཟབ་རྒྱའི་ཆོས་ཀྱི་གླེགས་བམ་འཛིན༔ དོན་གཉིས་སྙན་གྱི་པདྨོ རྒྱས༔ བདེན་གཉིས་ཤངས་ཀྱི་དབྱིབས་མཛེས་ཤིང་༔ མཚན་བཟང་སོ་གཉིས་ཚེམས་ཕྲེང་ངར༔ ལོངས་སྐུ་འགགས་མེད་ལྗགས་པད་སྲབ༔ ཡེ་ཤེས་ལྷུན་རྫོགས་དབུ་སྐྲ་བཅིང་༔ འགྲོ་ཀུན་རྗེས་འཛིན་ཟར་བུ་འཁྲོལ༔ སྲིད་ཞི་གཉིས་མེད་ཞབས་གཉིས་ཀྱིས༔ རྡོ་རྗེ་སྐྱིལ་ཀྲུང་པད་ཟླར་བཞུགས༔ ཕྱིན་དྲུག་མཐར་ཕྱིན་རིན་ཆེན་གྱི༔ དབུ་རྒྱན་སྙན་ཆ་མགུལ་རྒྱན་དང་༔ ལོངས་སྤྱོད་རྫོགས་པའི་ཆས་ཀྱིས་སྤྲས༔ ཡོན་ཏན་ཡོངས་རྫོགས་དར་སྣས་བརྒྱན༔ ཞི་འཛུམ་མཚན་དང་དཔེ་བརྒྱད་ལྡན༔ ཡེ་ཤེས་འཇའ་འོད་འཁྱིལ་བའི་ཀློང་༔ སྣང་སྟོང་སྒྱུ་མའི་སྐུ་རུ་བསྒོམ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་རྒྱལ་བ་དང་༔ བླ་མ་འཇམ་དཔལ་རྣམ་པ་རུ༔ སྤྱན་དྲངས་དམ་ཡེ་དབྱེར་མེད པར༔ གཉིས་མེད་རོ་གཅིག་བརྟན་པར་བཞུགས༔ ལྷ་དང་རང་སྣང་གཉིས་མེད་པའི༔ ཡོངས་གྲུབ་རིག་པས་ཕྱག་འཚལ་ལོ༔ ཕྱི་ནང་གསང་བའི་མཆོད་པའི་ཚོགས༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ ཇི་ལྟ་ཇི་སྙེད་མཁྱེན་ཅིང་གཟིགས༔ གཟུངས་སྤོབས་བློ་གྲོས་ཀུན་གྱི་མཛོད༔ རྒྱལ་ཀུན་མཁྱེན་བརྩེའི་ཡེ་ཤེས་འཆང་༔ འཇམ་དཔལ་ཡེ་ཤེས་ དེཾཿ སེམས་དཔར་བསྟོད༔ མ་རིག་འཁྲུལ་པའི་དབང་སོང་བས༔ གཉིས་འཛིན་སེམས་ཀྱི་སྒྲིབ་པ་བཤགས༔ བཛྲ་ས་མ་ཡ་ཤུདྡྷེ་ཨ༔ རང་ཉིད་འཇམ་དཔལ ཐུགས་ཀ་རུ༔ པདྨ་ཟླ་བའི་ལྟེ་བ་རུ༔ གསེར་གྱི་འཁོར་ལོ་རྩིབ་དྲུག་པའི༔ ལྟེ་བར་རལ་གྲིའི་ཁོང་སེང་དུ༔ དྷཱིཿ༔ཡིག་གསེར་གྱི་མདོག་ཅན་ལ༔ རྩ་བའི་སྔགས་ཀྱིས་གཡས་སུ བསྐོར༔ འོད་འཕྲོས་རྒྱལ་མཆོད་བྱིན་རླབས་བསྡུས༔ མར་འཕྲོས་འགྲོ་བའི་སྒྲིབ་པ་སྦྱངས༔ ཚེ་བསོད་དཔལ་ཡོན་ནུས་པ་དང་༔ འབྱུང་ལྔའི་དྭངས་བཅུད་མ་ལུས་པ༔ འོད་ཀྱི་རྣམ་པར་ཚུར་བསྡུས་བསྟིམས༔ འཁོར་འདས་ཡོངས་ཀྱི་སྲོག་ཐོབ་བསམ༔ ཨོ་ཨ་ར་པ་ཙ་ན་དྷིཿ ཅེས་པ་བསྙེན་པའི་མན་ངག་གོ༔ སླར་ཡང་དྷཱིཿལས་