Tibetan
བར་འཆང་༔ དེ་ཡིས་ལྷ་ཀླུ་མི་གསུམ་དང་༔ རང་གཞན་སྣང་བ་དབང་བསྡུས་ནས༔ ཟས་ནོར་ལོངས་སྤྱོད་སྤྲིན་བཞིན་དུ༔ སྙན་གྲགས་གདུལ་བྱ་མངའ་ཐང་རྒྱས༔ རྫས་ནི་ཆོས ཏཿ སྨན་དྲི་དྲུག་བྱུགས༔ སྐྱོན་བྲལ་རིན་ཆེན་སྣ་ལྔ་མེན་ཤེལ་མུ་མེན་བྱུ་རུ་གཡུ ས་ལེ་སྦྲམ་མཆན་དང་༔ མཁའ་འགྲོའི་བླ་རྡོར་ཤེས་པར་བྱ༔ འདི་ནི་ཡང་ཟབ་ཀུན་གྱི་བཅུད༔ རིན་འཛིན་པདྨ་ཐོད་ཕྲེང་ངས༔ སྙན་ནས་སྙན་དུ་བརྒྱུད་པ་ཡི༔ མཁར་ཆེན་བཟའ་ཡི་ཐུགས་དམ་མཛོད༔ ད་དུང་མ་སྤེལ་གཏེར་དུ་སྦོས༔ ཨ་ཙར་ས་ལེས་ཡི་གེར་ཐོབ༔ མ་འོངས་ཉི་ཤུ་ཁ་རལ་ཚེ༔ མི་སྲིན་བདུད་ཁམས་འདུལ་བའི་ཕྱིར༔ ཤེལ་དཀར་སྤྲུལ་པས་ཆོས་འདི་རྙེད༔ ང་སྤྲུལ་ཐབས་ཀྱི་གྲོགས་དང་འཕྲད༔ དུས་ཀྱི་རྒུད་པ་མཐའ་དག་སེལ༔ འགྲོ་དོན་ཤར་དང་ལྷོ་ནས་འབྱུང་༔ ཆོས་བདག་ཉེར་ལྔའི་དཔལ་སྤྱོད་ནས༔ ཆོས་འདིའི་བསྟན་པ་དར་བར་ངེས༔ བཀའ་སྲུང་དྲེགས་པ་རྣམ་གསུམ་དང་༔ ཚེ་རིང་མཆེད་ལྔས་གཉེར་གྱིས་ཤིག༔ དམ་ཉམས་འདོད་སྲེད་ཅན་རྣམས་ལ༔ ཐུབ་པར་སྲུངས་ཤིག་ས་མ་ཡ༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་གུཧྱ་རྒྱ༔ ས་མ་ཡ༔ སྐུའི་རྒྱ༔ གསུང་གི་རྒྱ༔ ཐུགས་ཀྱི་རྒྱ༔ སྦས་རྒྱ༔ གཏདརྒྱ༔ ༔ ཅེས་པ་འདི་ཡང་གཏེར་ཆེན་པདྨ་ལས་འབྲེལ་རྩལ་གྱི་བཞེད་སྐོང་དུ་ཡང་ཟབ་མཁའ་འགྲོའི་སྙན་བརྒྱུད་ལས་བདེ་ཆེན་རྡོ་རྗེས་དག་པར་ཕབས་པའོ། །སྐལ་པ་མ་སྟོང་གི་བར་དུ་ཆོས་འདི་ནུབ་པར་མ་གྱུར་ཅིག། །། བླ་རྡོ་ TI1396-408 ༧༒ཿ རིག་བྱེད་ལྷ་མོའི་གསང་སྒྲུབ་ཟབ་མོ་བཞུགས་སོ༔ ན་མོ༔ རང་རིག་ངོ་བོ་ལྷ་ལ་སྐྱབས༔ བདག་མེད་རྟོགས་པར་སེམས་བསྐྱེད་དོ༔ ཨ༔ རང་ཉིད་སྐད་ཅིག་དྲན རྫོགས་སུ༔ བཅོམ་ལྡན་དབང་གི་ལྷ་མོ་ནི༔ ཞལ་ཕྱག་མཚན་མ་ལས་འདས་པའི༔ སྟོང་གསལ་བརྗོད་མེད་རིག་པའི་གདངས༔ སྣང་རྩལ་ལྷུན་གྲུབ་ལྷའི་འཁོར་ལོ༔ ཡེ་ནས་རང་བྱུང་ཉིད་དུ་འགྲུབ༔ རྩལ་སྣང་མ་འགགས་ལྷ་མོའི་སྐུ༔ དགཔ་རབ་འབྱམས་ཉིད་དུ་གསལ༔ སྣང་སྟོང་ལྷ་ཡི་རྣམ་རོལ་གར༔ སྟོང་པ་ཤེས་རབ་བཙུན་མོའི་མཁའ༔ ཟུང་འཇུག་ཕྱག་རྒྱ་ཆེན པོ་ཡིས༔ མ་ཡེངས་འཛིན་མེད་རོལ་པ་རུ༔ ཁྱེར་སོ་གསུམ་ལྡན་ངང་དུ་བཟླས༔ ཨོཾ་ཀུ་རུ་ཀུལླི་ཧྲཱིཿསྭཱ་ཧཱ༔ ཅེས་པ་རླུང་སེམས་དབྱེར་མེད་ངང་༔ ཡིད་བཟླས་བྱ་ཞིང་དབྱིངས་རིག་བསྲེས༔ སྣང་བ་དབང་དུ་བསྡུས་ནས་ཀྱང་༔ རང་གཞན་དོན་གཉིས་འགྲུབ་པར་འགྱུར༔ ས་མ་ཡ༔ ཅེས་པ་འདི་ཡང་སུ་ཁའི་མིང་གིས་བྲིས་པའོ།། ༈ ཉམས་སྣང་ལས༔ རིག་བྱེད་ལྷ་མོའི་གསང་སྒྲུབ་སྣང་སྲིད་དབང་སྡུད་བཞུགས་སོ༔ ན་མོ༔ སྐྱེ་མེད་རྒྱལ་བ་ཀུན་གྱི་ཡུམ༔ དབང་གི་ལྷ་མོར་སྐྱབས་སུ་མཆི༔ གཉིས་སྣང་འཁྲུལ་པའི་སེམས་ཅན་ཀུན༔ རང་གྲོལ་ཆེན་པོར་སེམས་བསྐྱེད་དོ༔ ཨ༔ གཞི་སྣང་རིག་པ་བྱང་ཆུབ་ སེམས༔ ལམ་སྣང་རིག་བྱེད་ལྷ་མོའི་སྐུ༔ འབྲས་བུ་སྣང་སྲིད་ཚེ་དཔལ་འབྱོར༔ མ་ལུས་དབང་དུ་བསྡུས་ནས་ཀྱང་༔ རྒྱལ་བསྟན་ཕྱོགས་བཅུར་དར་བ་དང་༔ རླུང་སེམས་སྣང་བ་དབང་ཐོབ་ནས༔ ཀ་དག་ཟང་ཐལ་འགྱུར་མེད་ཀློང་༔ མཐའ་བརྒྱད་བྲལ་བའི་དབྱིངས་རིག་ངང་༔ དམ་ཡེ་དབྱེར་མེད་རོ་གཅིག་པར༔ མ་བཅོས་ཁྱབ་བརྡལ་ཆེན་པོ་རུ༔ དཀྱིལ་འཁོར་གསུམ་གྱི་ངང་དུ་བཟླ༔ ཨོཾ་ཀུ་རུ་ཀུལླི་ཧྲཱིཿསརྦ་ལོ་ཀ་པ་ཤཾ་ཀུ་རུ་ཡེ་སྭཱ་ཧཱ༔ བྱེ་བ་བཟླས་པས་མཁའ་འགྲོ་འགྲུབ༔ རྩལ་སྣང་སྲིད་པའི་ཆོས་ཐམས་ཅད༔ མ་ལུས་དབང་དུ་བསྡུས་ནས་ཀྱང་༔ རང་གཞན་དོན་གཉིས་འགྲུབ་པར་ངེས༔ ཅེས་ལྷ་མོའི་གསང་སྒྲུབ་འདི་ཡང་མཆོག་སྤྲུལ་བསྟན་པའི་ཉི་མ་བི་མ་ལ་རསྨིའི་མཚན་ཅན་གྱིས་བསྐུལ་ངོར་ཞལ་ངོ་མི་ལྡོག་ཙམ་དུ་ཀུ་ས་ལི་ཀལྤ་བྷ་དྲ་ཏཱ་རེ་འམ་སུ་ཁའི་མིང་གིས་བྲིས་པ་དགེ་ཞིང་བཀྲ་ཤིས་པར་གྱུར་ཅིག། ཨོཾ་ཨཱཿ ཧཱུྃ༔ མཆོད་ཡོན་ཞབས་བསིལ་མེ་ཏོག་དང་༔ བདུག་སྤོས་མར་མེ་དྲི་ཆབ་དང་༔ ཞལ་ཟས་རོལ་མོ་ལ་སོགས་པའི༔ འདོད་ཡོན་མཆོད་པའི་བྱེ་བྲག་རྣམས༔ དབང་གི་ལྷ་མོའི་ཚོགས་ལ་འབུལ༔ བཞེས་ནས་དོན་གཉིས་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿསརྦ་སཔཱ་རི་ཝ་ར་ཨརྒྷཾ་པཱདྱཾཿ སོགས། ཤཔྡ་རཱུ་པཿ སོགས། དྷརྨ་སརྦ་པཉྩ་རཀྟ་བཱ་ལིཾ་ཏ་ཁཱ་ཧི༔ ཧཱུྃ་ཧྲཱིཿ སྐ ༒ཿ པདྨའི་རིགས་འཆང་བཅོམ་ལྡན་དབང་གི་ལྷ༔ ཁམས་གསུམ་དབང་བསྡུས་འགྲོ་ཁམས་བདེ་ལ་བཀོད༔ རིག་བྱེད་ལྷ་མོའི་དཀྱིལ་འཁོར་ལྷ་ཚོགས་ལ༔ སྒོ་གསུམ གུས་པ་ཆེན་པོས་ཕྱག་འཚལ་བསྟོད༔ དགེ་བས་བདག་གཞན་སེམས་ཅན་མ་ལུས་པ༔ བདེ་ཆེན་དག་པའི་ཞིང་ལ་སྤྱོད་པར་ཤོག༔ ཅེས་པ་འདི་ཡང་རང་སློབ་རིག་འཛིན་གྲགས་པའི་ངོར་བདེ་བའི་རྡོ་རྗེས་བྲིས་པའོ།། དབང་གི་ལྷ་མོའི་མཆོད་བསྟོད་ནི༔ ཨོ་སྣང་སྲིད་གདོད་ནས་རྣམ་དག་པའི༔ མཆོད་པའི་རྫས་མཆོག་བླ་ན་མེད༔ དབང་གི་ལྷ་མོའི་ཚོགས་ལ་འབུལ༔ བཞེས་ནས་དབང་དང་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿསརྦ་སཔཱ་རིཝ་ར་ཨརྒྷཾ་སོགས། ཤཔྡ་སརྦ་པཉྩ་ཨ་མྲྀ་ཏ་རཀྟ་བཱ་ལིཾ་ཏ་ཁཱ་ཧི༔ ཧཱུྃ༔ བདེ་ཆེན་སོར་རྟོགས་ཡེ་ཤེས་དབྱིངས༔ ཁམས་གསུམ་དབང་མཛད་མྱུར་དཔལ་མོ༔ རིག་བྱེད་ལྷ་མོའི་སྐུ་གསུང་ཐུགས༔ ཡོན་ཏན་ཕྲིན་ལས་རྫོགས་ལ་བསྟོད༔ བདེ་ཆེན་རྟོགས་པ་མཐར་ཕྱིན་ནས༔ བདེ་ཆེན་ཞིང་ལ་སྤྱོད་པར་ཤོག༔ ཅེས་པའང་ཆོས་གསལ་གྱིས་བསྐུལ་ངོར་སུ་ཁ་བཛྲ་གྱིས་སོ།། །། སྐབས་ཀྱི་དབང་སྡུད་དམིགས་བསལ་ནི། རང་ཉིད་ལྷ་ཡི་ཏིང་འཛིན་དང་ལྡན་པའི་ཐུགས་ཀ་ནས་འོད་ཟེར་དམར་པོ་གློག་ཞགས་ལྟར་འཕྲོས་པས་ཕྱོགས་བཅུའི་ཞིང་རབ་འབྱམས་ཀྱི་རྒྱལ་བ་ རྣམས་ལ་མཉེས་པའི་མཆོད་པ་ཕུལ༔ དེ་རྣམས་ཀྱི་ཐུགས་རྗེ་བྱིན་རླབས་ཡེ་ཤེས་ཡོན་ཏན་ཐམས་ཅད་འོད་ཕུང་དམར་པོའི་རྣམ་པར་བདག་མདུན་གྱི་གནས་ལྔར་ཐིམ་པས་མཆོག་ཐུན་གྱི་དངོས་གྲུབ་མ་ལུས་པ་ཐོབ་པར་བསམ༔ ཡང་འོད་ཟེར་ལྕགས ཞགས་ཀྱི་རྣམ་པར་འཕྲོས་ནས་ལྷ་ཀླུ་མི་གསུམ་ཟས་ནོར་ལོངས་སྤྱོད་འདོད་དགུའི་དཔལ་འབྱོར་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བསྡུས་པ་བཞིན་དུ་འོདཟེར་ལྕགས་ཞགས་ཀྱི་རྣམ་པས་དྲངས་ནས་བདག་མདུན་དམིགས་པའི་རྟེན་ལ་ཡང་ཡང་ཐིམ་པར་དམིགས་ཤིང་དབང་གི་དྲ་བར་བཅིང་བས་གང་བསམ་གྱི་འདོད་དགུ་ལོངས་སྤྱོད་སྐྱེ་འགྲོ་ཕོ་མོ་ཐམས་ཅད་དབང་དུ་འདུ་བར་ཐེ་ཚོམ་མེད་དོ། །ཀུན་བཟང་རང་གྲོལ་གྱིས་བསྐུལ་ངོར་བདེ་བའི་རྡོ་རྗེས་བྲིས་པའོ།། །། ༈ TI1396-412 TI1396-412 ཿ ལ་ཡུ་བ་ཆུ་ཐོས་ཀྱི་ང་ཿ ན་མོ༔ དཀོན་མཆོག་རྩ་བ་གསུམ་ལ་སྐྱབས་སུ་མཆི༔ འགྲོ་བའི་དོན་དུ་བྱང་ཆུབ་སེམས་བསྐྱེད་དོ༔ ཨ༔ སྟོང་གསལ་ཀ་དག་དེ་བཞིན་ཉིད༔ འཛིན་མེད་བློ་འདས་སྙིང་རྗེའི་གདངས༔ མ་འགགས་རྩལ་སྣང་སྒྱུ་འཕྲུལ་གར༔ ཧྲཱིཿཡིག་དམར་པོ་གསལ་བ་ལས༔ ཡོངས་གྱུར་སྐད་ཅིག་རང་རིག་ནི༔ བཅོམ་ལྡན་རིག་བྱེད་དམར་མོའི་སྐུ༔ ཞལ་གཅིག་སྤྱན་གསུམ་དབྱིངས་སུ་གཟིགས༔ དབུ་སྐྲ་གྱེན་འཁྱིལ་ཐོད་སྐམ་མཛེས༔ ཕྱག་བཞི་དང་པོ་ལྕགས་ཞགས་དང་༔ འོག་གཉིས་ཨུཏྤལ་མདའ་གཞུ་འཛིན༔ དར་གྱི་སྟོད་གཡོགས་དར་དཔྱངས་སྤྲས༔ གཟིགས་ཤམ་སྨད་དཀྲིས་ དཿ ཞབས་གཉིས་ཀྱིས༔ གཡས་བསྐུམ་གཡོན་རྐྱངས་བམ་རོ་མནན༔ སྐུ་ལ་མཁའ་འགྲོའི་ཆས་ཀུན་རྫོགས༔ སྣང་ལ་རང་བཞིན་མེད་པར་བསྒོམ༔ ཡེ་ཤེས་འཇའ་འོད་ཀློང་ནས་འགྱིངས༔ དེ་ལྟར་གསལ་བའི་ཐུགས་ཀར་ཧྲཱིཿ དམར་པོ་གཡོན་དུ་འཁོར་བ་ལས༔ འོད་ཟེར་བདེ་ཆེན་ཞིང་ལ་ཕོག༔ རྒྱལ་ཀུན་ཐུགས་རྒྱུད་མ་ལུས་པ༔ དབང་གི་ལྷ་མོའི་རྣམ་པ་རུ༔ སྤྱན་དྲངས་དམ་ཚིག་ཡེ་ཤེས་གཉིས༔ དབྱེར་མེད་རོ་གཅིག བརྟན་པར་བཞུགས༔ རབ་གུས་དད་པས་ཕྱག་བགྱིའོ༔ དངོས་ཡིད་ཏིང་འཛིན་མཆོད་པ་འབུལ༔ སྒོ་གསུམ་གུས་པས་ཕྱག་འཚལ་བསྟོད༔ ཐུགས་ སྲོག་ཧྲཱིཿཡིག་དམར་པོའི་མཐར༔ སྔགས་ཕྲེང་གཡོན་འཁོར་འོད་ཟེར་གྱིས༔ ཡར་འཕྲོས་རྒྱལ་བ་ཐམས་ཅད་མཆོད༔ ཐུགས་རྗེ་བྱིན་རླབས་ནུས་པ་བསྡུས༔ མར་འཕྲོས་འགྲོ་བའི་ལམ་ཉོན སྦྱངས༔ ཚེ་བསོད་དཔལ་འབྱོར་མངའ་ཐང་དང་༔ གཟི་བརྗིད་ལོངས་སྤྱོད་མ་ལུས་པ༔ འོད་ཟེར་རྣམ་པར་རང་ལ་བསྟིམ༔ ཕྱི་སྣོད་བདེ་ཆེན་པདྨ་འོད༔ ནང་བཅུད་ཡེ་ཤེས་མཁའ་འགྲོའི་སྐུ༔ སྒྲ་གྲགས་སྔགས་ཀྱི་རང་བཞིན་ལ༔ དྲན་རྟོག་འོད་གསལ་རིག་པའི་དབྱིངས༔ འཛིན་མེད་ཆུ་བོའི་རྒྱུན་བཞིན་དུ༔ ཁྱེར་སོ་གསུམ་ལྡན་ངང་ནས་བཟླས༔ ཨོཾ་ཀུ་རུ་ཀུལླི་ཧྲཱིཿསརྦ་ལོ་ཀ་པ་ཤཾ་ཀུ་རུ་སྭཱ་ཧཱ༔ མ་ཡེངས་ཏིང་འཛིན་སོ་མའི་ངང་༔ བྱེ་བ་བཟླས་པ་ཉམས་རྟོག་འཕེལ༔ རང་གཞན་སྣང་བ་དབང་བསྡུས་ནས༔ བདེ་ཆེན་ཞིང་ཁམས་སྤྱོད་པར་ངེས༔ ཨེ་མ༔ ཆོས་སྐུ་ཡུམ་ཆེན་ཀུན་ཏུ་བཟང་མོ་ཡིས༔ ཐུགས་རྗེ་རྩལ་སྣང་མ་འགགས་རྒྱལ་བའི་ཡུམ༔ སྲིད་གསུམ་དབང་མཛད་རིག་བྱེད་ལྷ་མོར་སྤྲུལ༔ གང་གི་ཞལ་བཟང་ཅུང་ཞིག་ངོམས་པའི་ཚེ༔ གསོལ་འདེབས་ཚུལ་དུ་སྒྲུབ་ཐབས་བསྡུས་ཙམ་བྲིས༔ ནོར་འཁྲུལ་མཆིས་ན་མཁའ་འགྲོའི་ཚོགས་ལ་བཤགས༔ དགེ་བ་སྲིད་ན་བདག་གཞན་ཐར་ལམ་བཀོད༔ ཅེས་ལྷ་མོའི་སྒྲུབ་ཐབས་འདི་ཡང་སྤྲུལ་པའི་སྐུ་རིན་པོ་ཆེའི་དངོས་སློབ་བྷ་དྲ་དྷཱ་ཛ་ཟུང་གིས་ཡང་ཡང་བསྐུལ་ངོར་ཞལ་ངོ་མི་ལྡོག་ཙམ་དུ་འཁོར་བའི་ཁ་འཛིན་སྐྱོང་བ་སྐྱོན་ཀུན་ལྡན་པ་ ཿ ཏཱ་རེའི་མིང་གིས་བརྫུན་རིས་སུ་བྲིས་པའོ།། ཧྲཱིཿ ཀ་དག་ཀློང་ནས་ལྷུན་གྲུབ་རྩལ༔ ཕྱི་ནང་གསང་བའི་མཆོད་པའི་སྤྲིན༔ དབང་གི་ལྷ་མོའི་ཚོགས་ལ་འབུལ༔ བཞེས་ནས་དབང་དང་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿས་པཱ་རི་ཝ་ར་ཨརྒྷཾཿ སོགས། ཤཔྡ་སརྦ་པཱུ་ཛ་ཁཱ་ཧི༔ ཧཱུྃ་ཧྲཱིཿ པདྨའི་རིགས་འཆང་བཅོམ་ལྡན་དབང་གི་ལྷ༔ ཁམས་གསུམ་དབང་མཛད་འདོད་དོན་ལྷུན་གྱིས་གྲུབ༔ གཙོ་དང་འཁོར་གྱི་རྣམ་པར་ཡོངས་ཤར་བ༔ རིག་བྱེད་ལྷ་མོའི་སྐུ་གསུང་ཐུགས་ཡོན་ཏན༔ ཕྲིན་ལས་ལྔ་ལ་སྒོ་གསུམ་གུས་པས་བསྟོད༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ བདེ་བའི་རྡོ་རྗེའི་བརྫུན་རིས་སོ།། དབང་གི་ལྷ་མོའི་འདོད་གསོལ་ནི༔ བཅོམ་ལྡན་དབང་གི་ལྷ་མོ་ཁྱོད་བསྒྲུབས་པས༔ བདག་ཅག་བར་ཆད་ཀུན་ཞི་བསམ་པ་འགྲུབ༔ སྐྱེས་མཆོག་བླ་མ་རྣམས་ཀྱིས་རྗེས་བཟུང་ནས༔ སྨིན་གྲོལ་མཐའ་རུ་ཕྱིན་པར་མཛད་དུ་གསོལ༔ འདྲེན་མཆོག་དགེ་འདུན་སྡེ་ཚོགས་འཕེལ་བ་དང་༔ བཤད་སྒྲུབ་བསྟནཔ་དར་བར་མཛད་དུ་གསོལ༔ དམ་ཆོས་རྒྱུད་སྡེ་མ་ལུས་རྒྱས་ནས་ཀྱང་༔ སངས་རྒྱས་བསྟན་པ་མཐའ་རུ་ཕྱིན་པར་ཤོག༔ སྐྱེ་འགྲོ་ལོངས་སྤྱོད་ཚེ་བསོད་དབང་བསྡུས αTM√T√ ནས༔ འབྱོར་ལྡན་ཚེ་ལ་དབང་བར་མཛད་དུ་གསོལ༔ འདྲེ་བགེགས་གདུག་པ་ཅན་རྣམས་དབང་བསྡུས་ནས༔ ཆོས་ལ་བར་ཆད་མེད་པར་མཛོད་དུ་གསོལ༔ སྲིད་ཞི་མ་ལུས་དབང་དུ་བསྡུས་ནས་ཀྱང་༔ བཙན་ཕྱུགས་གཟི་བརྗིད་མངའ་ཐང་འཕེལ་བར་མཛོད༔ མདོར་ན་བདག་གི་ཡིད་ལ་བསམ་པ་ཡི༔ འདོད་དོན་མ་ལུས་མྱུར་དུ་འགྲུབ་པར་མཛོད༔ བསྡུ་དངོས་བཞི་ཡིས་འགྲོ་དོན་མཐར་ཕྱིན་ནས༔ སྲིད་གསུམ་དོང་ནས་སྤྲགས་པར་མཛད་དུ་གསོལ༔ ཅེས་པའི་གསོལ་འདེབས་འདི་ཡང་བདེ་བའི་རྡོ་རྗེས་བརྫུན་རིས་ཡིན། ༈ དབང་གི་ལྷ་མོ་ཁྱོད་ལ་ནི༔ གསོལ་བཏབ་ཕྲིན་ལས་བཅོལ་བ་ནི༔ རྣལ་འབྱོར་ཟབ་གཏེར་སྤེལ་བའི་གྲོགས༔ ཆེ་གེའི་བླ་ཡིད་སེམས་གསུམ་བསྡུས༔ རྣལ་འབྱོར་བདག་གི་དབང་གྱུར་ནས༔ ཚེ་བསྲིང་བསྟན་པ ཕྱོགས་ཀུན་རྒྱས༔ ཕྲིན་ལས་རྣམ་བཞི་འགྲུབ་པར་མཛོད༔ ཅེས་པའང་སུ་ཁའི་མིང་གིས་སོ། །། ཆུས་ལས ད།ཿ ཆོས་ཉིད་མཁའ་འགྲོའི་ཐུགས་ཐིག་ལས༔ དབང་གི་ལྷ་མོའི་ལས་ཚོགས་ཁམས་གསུམ་དབང་སྡུད་ཕྲིན་ལས་མྱུར་འགྲུབ་བཞུགས་སོ༔ ལམ་ཙེ་ཆུ་ལ་ལག་ས་ཚུ་ལོས་གྱི་ཅིང་ཨཱོཾཿ ངྷ་རྦྦ།ཝཱ།ཛཱ།ཿ ན་མོ་པདྨ་ཀཱ་ར་ཡེ༔ རང་རིག་རྩ་གསུམ་ལྷ་ལ་འདུད༔ རྣལ་འབྱོར་དམ་ཚིག་གནད་ལྡན་པས༔ ལྷ་མོའི་བསྒོམ་བཟླས་ཚད་རྫོགས་ནས༔ མདའ་ལ་མདེའུ་གདགས་པ་བཞིན༔ མན་ངག་གབ་ཡིག་ཟབ་མོ་བསྟན༔ ས་མ་ཡ༔ དེ་ལ་སྦྱོར་བའི་རིམ་པ་ནི༔ རྫས་དང་སྔགས་ཀྱི་རིམ་པ་ལ༔ བརྟེན་ནས་གང་འདོད་དབང་བསྡུས་ཐབས༔ ཤོག་དྲིལ་གཅིག་པའི་གནད་བསྟན་པ༔ དང་པོ་མཆོག་གསུམ་དབང་བསྡུས ཐབས༔ རྩ་སྔགས་སྭཱ་ཧཱ་མེད་པའི་མཇུག༔ བུདྡྷ་དྷརྨ་སཾ་ག་པཱ་ཤཾ་ཀུ་རུ་ཡེ་སྭཱ་ཧཱ༔ ཕུ་ལ་ཕུ་ལ་ཏ་ལ་ཏ་ལ་ཡེ་ཁུག་སྭཱ་ཧཱ༔ ཞེས་བཟླས་རྫས་ལ་གི་ཝང་ ༢༡ ལྷ་མོའི་ZRZZˇ ཨཱོཾ དང་༔ དམར་པོ་གསུམ་ཨུཏྤལ་དམར་པོ་ཨུག་ཆོས་གླང་སྣ་མཆན་དང་མངར་གསུམ་གྱིས༔ རིལ་བུ་བྱ་ཞིང་སྔགས ཀྱིས་བཏབ༔ དམར་སེར་ལི་ཁྲིས་རིལ་བུ་ཚོས་ཀྱིས་བསྒྱུར་མཆན་གུར་ཁྱིམ་ཆབ་ཀྱིས་བྲན༔ ཤེལ་ལམ་ཟངས་བུམ་ནང་དུ་བླུགས༔ ཉི་ཟླ་སྒྲ་གཅན འཕྲད་པའི་དུས༔ ལྷ་མོའི་བསྐྱེད་རྫོགས་གཞུང་བསྲང་ནས༔ ཛཔ་བཟླས་ལས་ལ་སྦྱོར་བའི་དུས༔ རིལ་བུ་བཟའ་ཞིང་དམིགས་གནད་གཅུན༔ དེ་ཡི་དགོངས་པ་ཀློང་བརྡོལ་ནས༔ འཆད་རྩོད་བརྩོམ་ལ་མངའ་དབང་ཐོབ༔ བསྟན་འཛིན་དགེ་འདུན་སྡེ་དབང་འབྱོར༔ ལུང་རྟོགས་ཆོས་ཀྱི་གཞི་ཚུགས་ངེས༔ ལམ་ལོ་ད་ལ་ལ་ཚུ་ལོས་གྱི་ཅིང་ས་མ་ཡ༔ གཉིས་པ་སྲིད་སྐྱོང་སྟོབས་ཆེན་དབང་དུ་བསྡུ་བའི་ཐབས༔ རྩ་སྔགས་སྭཱ་ཧཱ་མེདཔའི་མཇུག་དག་ཏུ༔ ལྷ་མཐུ་བོ་ཆེ་ཨ་ཀརྵ་ཡ་ཛ་པཱ་ཤཾ་ཀུ་རུ་ཧཱུྃ༔ ཀླུ་དཔལ་འབྱོར་ལོངས་སྤྱོད་ལྡན་པའི་རྟེན་དང་བརྟེན་པ་ཐམས་ཅད་པཱ་ཤཾ་ཀུ་རུ་ཡེ་སྭཱ་ཧཱ༔ མི་སྟོབས་པོ་ཆེ་ནྲྀ་ཨ་ཀརྵ་ཡ་ཛ་ཛ་པཱ་ཤཾ་ཀུ་རུ་སྭཱ་ཧཱ༔ ཞེས་བཟླས དམིགས་པས་གནད་གཅུན་ན༔ ཁྲི་བཟླས་གང་དམིགས་དབང་བསྡུས་ངེས༔ བཀའ་ཉན་བྲན་ཁོལ་ལས་གང་བཅོལ༔ ངེས་པར་འགྲུབ་པར་ཐེ་ཚོམ་མེད༔ ས་མ་ཡ༔ ཟས་ནོར་དབང་དུདསྡུད་པའི་ཐབས༔ རྩ་སྔགས་སྭཱ་ཧཱ་མེད་པའི་མཇུག༔ མ་མ་བཱ་སུ་རཏྣ་ན་ན་ཁ་དྷེ་སིདྡྷི་ཝ་ཤཾ་ཀུ་རུ་ཡེ་སྭཱ་ཧཱ༔ སརྦ་བྷྲུྃ་ Lདཿ འདུས་ཧཱུྃ༔ ཞེས་བཟླས་ཡང་ན་མེ་ཐབ་ཏུ༔ དབང་མེ་གསུམ་འོམ་བུའི་མེ་ཏོག་དམར་པོ་སྟག་གཟིགས་མེ་ཏོག་ཚབ་ཨུཏྤལ་དམར་པོ་སྒྲོན་མར་མེ་ཏོག་ཚབ་གུར་བུམ་མམ་གཟེར་འཇོམས༔ མཆན་དང་མངར་གསུམ་ལ༔ ཨ་མྲྀ་ཏ་ཡི་ངར་བཏབ་ནས༔ མེ་ཚོགས་གཏོང་བས་གང་འདོད་ཀྱི༔ ཟས་ནོར་ལོངས་སྤྱོད་འདུ་བར་ངེས༔ ས་མ་ཡ༔ རྟ་ཕྱུགས་ལ་སོགས་དབང་དུ་ཐབས༔ རྩ་སྔགས་སྭཱ་ཧཱ་མེད་པའི་མཇུག༔ རཏྣ་མངྒ་ལཾ་ཁུ་ཡ་ཁུ་ཡ་བཱ་སུ་སིདྡྷི་ཝ་ཤཾ་ཀུ་རུ་ཡེ་སྭཱ་ཧཱ༔ ཅེས་བཟླས་དམིགས་པའི་གནད་ལྡན་ན༔ ཕྱུགས་གཡང་འབད་མེད་འབྱུང་བར་ངེས༔ ས་མ་ཡ༔ མི་དབང་དབང་དུ་བསྡུ བ་ལ༔ རྩ་སྔགས་སྭཱ་ཧཱ་མེད་པའི་མཇུག༔ ནྲྀ་ཨ་ཀརྵ་ཡ་ཛ་ཛ་མི་སྙིང་འགུལ་འགུལ་བྲེང་བྲེང་དུང་དུང་མི་དབང་ཆེ་གེ་མོའི་བློ་ཡིད་སེམས་གསུམ་དབང་དུ་བསྡུས་ཤིག་ཕུ་ལ་ཕུ་ལ་ཏ་ལ་ཏ་ལ་ཏ་ལ་ཡེ་སྭཱ་ཧཱ༔ ཞེས་བཟླས་མངར་གསུམ་རིལ་བུ་ལ༔ ཕུས་བཏབ་ལྷ་མོའི་ང་རྒྱལ་གྱིས༔ སུ་ཁ་སྦྱིན་པས་ཡུལ་དབང་མི༔ དབང་བསྡུས་ཅི་བསྒོས་བཀའ་ཉན་ཅིང་༔ བསྟན་པའི་གཞི་མ་སྤེལ་བར་ངེས༔ ས་མ་ཡ༔ དགྲ་བགེགས་དབང་དུ་བསྡུ་འདོད་ན༔ རྩ་སྔགས་སྭཱ་ཧཱ་མེད་པའི་མཇུག༔ ནྲྀ་ཏྲི་ཨ་ཀརྵ་ཡ་ཛ་ཡིད་སྟྭཾ་བྷ་ཡ་ངག་སྟྭཾ་བྷ་ཡ་ལུས་སྟྭཾ་བྷ་ཡ་མཱ་ར་ཡ་ཧཱུྃཕཊ༔ ཅེས་བཟླས་དགྲ་བགེགས་དབང་བསྡུས་ནས༔ བར་ཆད་གཡུལ་ལས་རྒྱལ་བ་དང་༔ གང་བསམ་དོན་གཉིས་འབད་མེད་འགྲུབ༔ ས་མ་ཡ༔ ཕྱག་རྒྱ་དབང་དུ་བསྡུ་བའི་ཐབས༔ ཆགས་ཅན་མོ་ཡི་ཆུ་ཤུལ་ས༔ སྲིད་པའི་ཁུ་བ་རང་གི་བྱང་སེམས་མཆན་དང་བསྲེས་ནས༔ མི་མོའི་གཟུགས་བཅའ་གསང་བ་རུ༔ ཟངས་ཁབ་དག་ལ་སྔགས་འདི་བཏབ༔ ཨོཾ་ཀུ་རུ ཀུལླི་ཧྲཱིཿམུ་དྲ་ཙཀ་ཤུ་རྩེ་ལྡན་ཁུག་མངལ་སྲིན་སློང་སློང་སེམས་སེམས་གཡོས་གཡོས་ཨ་ཀརྵ་ཡ་ཛ་ཛ་ཝ་ཤཾ་ཀུ་རུ་ཡེ་སྭཱ་ཧཱ༔ ཅེས་བཟླས་ཟངས་ཁབ་ངར་བཏབ་ནས༔ བྷ་ག་དཀྲུག་པས་གང་ ཧོཿ དམིགས་ཀྱི༔ མི་མོ་དབང་མེད་ཆགས་པ་གཡོ༔ ཞག་གསུམ་ལས་ནི་མི་འགྱང་བར༔ དབང་དུ་འདུ་བར་ཐེ་ཚོམ་མེད༔ ས་མ་ཡ༔ ཡང་ན་མི་མིན་ཌཱ་ཀྐིའི་རིགས༔ དབང་དུ་འདུ་བའི་མན་ངག་ནི༔ དབང་ཤིང་ནི་ཙནྡན་དམར་པོ་མཆན་དྲི་བཟང་སྒ་ཇིའི་ཤུགས་དམར་མཆན་ངད་ལྡན་དང་༔ གསང་བའི་མེ་ཏོག་རྣམ་པ་ཨུཏྤལ་གླང་སྣ་ཨུག་ཆོས་མཆན་གསུམ༔ རྩི་བཅུད་སྦྲང་རྩི་འབྲི་མར་མར་ཁུ་རྟ་ལ་བསྐྱོན༔ མེ་ཚོགས་ལྡེ་ཁ་ལ་བརྟེན་ནས༔ སྔགས་དམིགས་གནད་ཟབ་འདི་ལྟར་བྱ༔ རྩ་སྔགས་སྭཱ་ཧཱ མེད་པའི་མཇུག༔ ཛྙཱ་ན་ཌཱ་ཀི་ས་མ་ཡ་ཧོ་མོ་ཧ་ཡ་ཏི༔ ར་ག་ཧོ་ཌཱ་ཀྐི་ནི་ཁུག་ཝ་ཤཾ་ཀུ་རུ་ཡེ་སྭཱ་ཧཱ༔ ཞེས་བཟླས་དམིགས་གནད་འདི་ལྟར་བྱ༔ རང་ཉིད་གསང་བ་མཁའ་འགྲོ་མའི༔ ཐུགས་ཀར་ཡེ་ཤེས་སེམས་དཔའ་ནི༔ དབང་ཆེན་པདྨ་ཧེ་རུ་ཀ༔ ཞལ་གཅིག་ཕྱག་གཉིས་གྲི་ཐོད་འཛིན༔ དམར་གསལ་གར་དགུའི་ཉམས་ལྡན་གསལ༔ དེ་ཡི་ཐུགས་ཀློང་ཧྲཱིཿདམར་ལས༔ འོད་ཟེར་ལྕགས་ཀྱུའི་རྣམ་པར་འཕྲོས༔ རིགས་ལྔའི་མཁའ་འགྲོའི་ཆར་གཏོགས་ཀྱི༔ རིགས་གང་དབང་བསྡུས་བྱེད་པ་ལ༔ ལས་མདོག་འོད་ཟེར་འཕྲོ་འདུ་བྱ༔ རང་སྲོག་ཉིད་ལ་ཡང་ཡང་ལྷ་མོའི བསྟིམ༔ དེ་ཡི་མི་མིན་གྲོགས་སུ་ཁུག༔ ས་མ་ཡ༔ སྣང་སྲིད་དབང་དུ་བྱེད་འདོད་ན༔ རྩ་སྔགས་སྭཱ་ཧཱ་མེད་པའི་མཇུག༔ ཁམས་གསུམ་སྲིད་གསུམ་ཟས་ནོར་ལོངས་སྤྱོད་ཐམས་ཅད་ཝ ཤཾ་ཀུ་རུ་ཡེ་སྭཱ་ཧཱ༔ ཅེས་བརྗོད་འཁོར་འདས་དབང་བསྡུས་ངེས༔ ས་མ་ཡ༔ དེ་ལྟར་སྔགས་ཀྱི་གབ་བྱང་འདི༔ དམིགས་གནད་ལྡན་པའི་སྐྱེས་བུ་ཡིས༔ གང་འདོད་ངེས་པར་འབྱུང་བར་ངེས༔ མན་ངག་ཡིད་བཞིན་ནོར་ལས་ལྷག༔ གསང་ཞིང་གསང་བར་ཉམས་སུ་ལོངས༔ ས་མ་ཡ༔ ཨེ་མ༔ མན་ངག་གབ་བྱང་ཀུན་གྱི་སྙིང་བཅུད་འདི༔ པདྨ་བདག་གིས་སྙན་ནས་སྙན་དུ་བརྒྱུད༔ ཟབ་པའི་ལས་ཚོགས་གདམས་པ་འདི་ཁྱད་འཕགས༔ མཚོ་རྒྱལ་ཁྱོད་ཀྱིས་ཐུགས་དམ་མཐིལ་དུ་ཟུངས༔ ད་དུང་མ་སྤེལ་རིན་ཆེན་གཏེར་དུ་སྦོས༔ མ་འོངས་སྙིགས་མ་ཉི་ཤུ་ཁ་རལ་དུས༔ ཁྱོད་སྤྲུལ་སྦས་པའི་ཚུལ་བཟུང་ཡོས་འབྲུག་ལོ༔ གནས་ལྔར་ཧ་རི་ནི་ས་ཏཱྃ་ཡིག་མཚན༔ ཤེས་རབ་དམིགས་ལྡན་རླུང་བཅུར་རང་དབང་ཐོབ༔ སྦས་པའི་ཐབས་མཆོག པདྨའི་རིགས་དང་འཕྲད༔ འགྲོ་དོན་ཞིང་ལྔ་སྨོན་ལམ་དབང་གིས་འཕྲད༔ དེ་དུས་ཆོས་འདིའི་གཏད་རྒྱ་དེ་ཡིས་ཁྲོལ༔ ཆོས་བདག་སྐྱེས་བུ་ཨ་ཙར་སྤྲུལ་པ་ནི༔ མཚོ་རྒྱལ་བྱིན་ཐོབ་ཤར་སྨད ༒༔ ཕྱོགས་ནས་འབྱུང་༔ ཕྱི་ནང་རྟེན་འབྲེལ་མཁས་པའི་གནད་བརྟེན་ན༔ བསྟན་འགྲོའི་བདེ་སྐྱིད་ལྔ་བཅུའི་བར་དུ་འབྱུང་༔ ཆོས་འདིའི་བསྟན་པ་ཡུལ་ལྔར་ཁྱབ་པར་ངེས༔ སྐལ་ལྡན་རིགས་ཀྱི་བུ་དང་འཕྲད་པར་ཤོག༔ སྐལ་མེད་འདོད་སྲེད་ཅན་གྱི་དབང་པོ་སྣུབས༔ བཀའསྲུང་གནོད་སྦྱིན་ཆེན་པོས་ཐུབ་པར་སྲུངས༔ དྲེགས་པ་རྣམ་གསུམ་གཉེར་གྱིས་ས མ་ཡ༔ རྒྱ་རྒྱ་རྒྱ༔ གསང་རྒྱ༔ ཟབ་རྒྱ༔ གཏད་རྒྱ༔ སྦས་རྒྱ༔ གུ་ཧྱ༔ བརྡཐིམ༔ ཨྠི༔ ཅེས་པ་འདི་ཡང་དུས་རིང་མོ་ནས་སྐྱབས་རྗེ་ཐམས་ཅད་མཁྱེན་པ་གཏེར་ཆེན་པདྨ་ལས་འབྲེལ་རྩལ་གྱི་བཀའ་བསྐུལ་ཕེབས་པ་དང་༔ བསྟན་པའི་བདག་པོ་མཆོག་སྤྲུལ་རིན་ཆེན་གཙང་མདའ་ཡང་སྤྲུལ་ཚང་ནས་རིན་