Tibetan
པོའི་མཐར༔ རྩ་བའི་སྔགས་ཀྱིས་གཡོན་དུ་འཁོར༔ འོད་ཟེར་འཕྲོ་འདུས་དོན་གཉིས་བྱས༔ ཚུར་འདུས་སྲོག་གི་སྙིང་པོར་བསྟིམ༔ དཀྱིལ་འཁོར་གསུམ་གྱི་རོལ་པར་བཟླ༔ ཨོཾ་ཀུ་རུ་ཀུལླི་ཧྲཱིཿསྭཱ་ཧཱ༔ དེ་ནས་སྒྲུབ་པ་ནི༔ ཧཱུྃ༔ རང་ཉིད་རིག་བྱེད་ལྷ་མོ་ཡི༔ ཐུགས་ཀར་ཨུཏྤལ་འདབ་བརྒྱད་ལྟེར༔ ཉི་སྟེང་ཧྲཱིཿཡིག་དམར་པོའི་མཐར༔ སྔགས་ཕྲེང་གཡོན་དུ་འཁོར་བ་ལས༔ འོད་འཕྲོས་རྒྱལ་ཀུན་ཐུགས་རྒྱུད་ལ༔ ཐུགས་རྗེ་བྱིན་རླབས་ཡེ་ཤེས་དང་༔ ཡོན་ཏན་ནུས་མཐུ་མ་ལུས་པ༔ འོད་ཟེར་འཕྲོ་འདུས་དོན་གཉིས་བྱས༔ དེཾ༔ ཚུལ་འདུས་སྲོག་གི་སྙིང་པོར་ཐིམ༔ ཨོཾ་ཀུ་རུ་ཀུལླི་ཧྲཱིཿསྭཱ་ཧཱ༔ དེ་ནས་ལས་སྦྱོར་ནི༔ ཧྲཱིཿ རང་ཉིད་རིག་བྱེད་ལྷ་མོ་ཡི༔ ཐུགས་ཀར་ཨུཏྤལ་འདབ་བརྒྱད་ལྟེར༔ ཉི་ཟླའི་གྭའུ་ཁ་སྦྱོར་དབུས༔ ཧྲཱིཿཡིག་དམར་པོའི་མཐའ་མ་ལ༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་སྣོད་བཅུད་ཞིང་ལ་ཕོག༔ འགྲོ་བའི་ལས་སྒྲིབ་བག་ཆགས་བཅོམ༔ སྙན་གྲགས་ཚེ་བསོད་དཔལ་འབྱོར་དང་༔ དབང་ཐང་ལོངས་སྤྱོད་མ་ལུས་པ༔ བསྡུས་ཏེ་སྔགས་ཕྲེང་ཉིད་ལ་ཐིམ༔ སྣོད་བཅུད་དཀྱིལ་འཁོར་གསུམ་དུ་རོལ༔ ཨོཾ་ཀུ་ཀུལླི་ཧྲཱིཿ ནྲྀ་ཧྲིང་ཛཿ ལོ་ཀ་རཏྣ་སརྦཔ་ཤཾ་ཀུ་རུ་སྭཱ་ཧཱ༔ སྨྲ་བཅད་མི་ཚིག་མ་འདྲེས་པར༔ བསྙེན་པའི་ཚད་ནི་འབུམ་ཕྲག་བཅུ༔ སྒྲུབ་པའི་ཚད་ནི་དེ་གས་དཔོག༔ ལས་སྦྱོར་འབུམ་ཕྲག་གཅིག་གིས་འགྲུབ༔ བཟླས་ཚེ་དཀྱིལ་འཁོར་གསུམ་གི་ངང་༔ དམིགས་གནད་ལྡན་པ་ཟབ་རྒྱའི་ཆིངས༔ དཀྱིལ་འཁོར་སྒྲུབ་པའི་གྲོགས་ཡོ་བྱད༔ གསང་ཞིང་གསང་བ་དམ་བྱས་ཆིངས༔ འོད་གསལ་སྒྱུ་འཕྲུལ་དྲྭ་བའི་ཀློང་༔ འཁོར་འདས་ཆོས་ཀུན་གནད་ཀྱི་ཆིངས༔ དེ་ལྟར་དམིགས་གནད་ལྡན་པ་ཡིས༔ བདུན་ཕྲག་གསུམ་གྱིས་རྗེ་བཙུན་མ༔ ཞལ་གཟིགས་བྱིན་བརླབས་དངོས་གྲུབ་ཐོབ༔ སྣང་སེམས་དབང་འདུས་དོན་གཉིས་འགྲུབ༔ ཚེ་བསོད་དཔལ་འབྱོར་ལོངས་སྤྱོད་ལྡན༔ གང་འབྲེལ་མཁའ་སྤྱོད་ཞིང་ཁམས་སུ༔ སྐྱེ་བ་འདི་རུ་ལྷ་མོའི་ འཁོད་པར་ངེས༔ ས་མ་ཡ༔ དེ་ནས་རྗེས་ཀྱི་རིམ་པ་ལ༔ བཅོམ་ལྡན་ལྷ་མོའི་དཀྱིལ་འཁོར་དུ༔ རྣམ་གསུམ་དག་པ་ཆེན་པོ་ཡིས༔ ཉམས་ཆགས་བསྐང་དང་ཚོགས་རྫོགས་ཕྱིར༔ འདོད་ཡོན་ལོངས་སྤྱོད་མཆོད་པ་དང་༔ བཟའ་བཅའ་ལ་སོགས་འདུ་བའི་ཚོགས༔ ཤ་ཆང་མེད་དུ་མི་རུང་ཞིང་༔ འབྱོར་ཚད་ཐབས་ཤེས་རྫས་རྣམས་བཤམས༔ ལྷ་ཡི་ཏིང་འཛིན་ལྡན་པའི་ངང་༔ བྱིན་གྱིས་བརླབས་པ་འདི་སྐད་དོ༔ ཧྲཱིཿ བདག་ཉིད་ལྷ་ཡི་ཐུགས་ཀ་ནས༔ ཡེ་ཤེས་རང་རྩལ་ཆོ་འཕྲུལ་དུ༔ སྦྱོང་སྤེལ་བསྒྱུར་བའི་ཡི་གེ་འཕྲོས༔ ཐབས་ཤེས་འདོད་ཡོན་ལོངས་སྤྱོད་ཚོགས༔ དངོས་འབྱོར་ཡིད་སྤྲུལ་ལ་སོགས་པ༔ ནམ་མཁའ་མཛོད་ཀྱི་རང་བཞིན་དུ༔ མཁའ་འགྲོ་མཉེས་པའི་རྫས་སུ་གྱུར༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ལན་གསུམ་གྱིས་བརླབས༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ བདེ་ཆེན་དག་པའི་ཞིང་ཁམས་ནས༔ འོད་སྣང་མཐའ་ཡས་གཙོ་དང་འཁོར༔ འདུ་བ་ཚོགས་ཀྱི་འཁོར་ལོར་གཤེགས༔ རི་བོ་གྲུ་འཛིན་ཞིང་ཁམས་ནས༔ ཐུགས་རྗེའི་བདག་ཉིད་གཙོ་དང་འཁོར༔ འདུ་བ་ཚོགས་ཀྱི༴ རྔ་ཡབ་དཔལ་རིའི་ཞིང་ཁམས་ནས༔ པདྨ་ཐོད་ཕྲེང་: འདུ་བ་: བདེ་ཆེན་དབང་གི་ཞིངཿ པདྨ་གར་དབང་༔ འདུ་བ་: ལྷོ་ཕྱོགས་དབང་གི་ཞིང་: རིག་བྱེད་ལྷ་མོ་གཙོཿ འདུ་ ༒ཿ བ་དབུ་སྐྲ་ཟུར་ཕུད་ཏ་ལ་ལ༔ དར་གྱི་ཅོད་པན་པུ་རུ་རུ༔ རུས་རྒྱན་གཡེར་ཁ་སི་ལི་ལི༔ དྲི་ཞིམ་ངད་པ་ཐུ་ལུ་ལུ༔ ཕཊ་དང་ཕེཾ་སྒྲ་སངས་སེ་སང་༔ བྱིན་རླབས་ན་བུན་ཐིབས་སེ་ཐིབ༔ དངོས་གྲུབ་སྦྲང་ཆར་སི་ལི་ལི༔ རྡོ་རྗེའི་གླུ་གར་ཁྲིགས་སེ་ཁྲིག༔ ཞབས་གཉིས་གར་སྟབས་ཤིགས་སེ་ཤིག༔ ཡེ་ཤེས་སྒྱུ་མའི་ཆོ་འཕྲུལ་དུ༔ གནས་འདིར་སྤྱན་འདྲེན་གཤེགས་སུ་གསོལ༔ ཐབས་ཤེས་པད་ཟླའི་གདན་ལ་བཞུགས༔ དམ་ཚིག་རྟེན་དང་དབྱེར་མེད་དུ༔ ཡེ་ཤེས་ཆེན་པོར་གཉིས་མེད་བཞུགས༔ བཛྲ་ས་མ་ཡ་ཛ་ཛཿ པདྨ་མ་ལ་ཡེ་སྟྭཾ༔ དེ་ནས་བདུད་རྩི་འབུལ་བ་ནི༔ ཨོཾ༔ རང་བྱུང་ལྷུན་གྲུབ་བྱང་ཆུབ་སེམས༔ སྣང་སྟོང་ཡེ་ཤེས་གཉིས་མེད་སྦྱོར༔ ཐབས་ཤེསདྭངས་མ་བདུད་རྩིའི་བཅུད༔ དམ་ཚིག གསང་བའི་བདུད་རྩི་སྨན༔ བཅོམ་ལྡན་རིག་བྱེད་ལྷ་མོ་ཡི༔ དཀྱིལ་འཁོར་ཡོངས་རྫོགས་ལྷ་ལ་འབུལ༔ བདེ་སྟོང་ཞེན་བྲལ་ངང་དུ་བཞེས༔ དགའ་བཞི་མཐར་ཕྱིན་དངོས་གྲུབ་སྩོལ༔ མཧཱ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དེ་ནས་ཚོགས་ཀྱི་མཆོད་པ་ནི༔ ཨ༔ པདྨའི་སྣོད་བཅུད་ཐབས་ཤེས་བཅུད༔ འདོད་ཡོན་ལོངས་སྤྱོད་ཚོགས་ཀྱི་རྫས༔ བསམ་མི་ཁྱབ་པའི་མཆོད་པ་ལྷ་མོའི འདི༔ བཅོམ་ལྡན་དབང་གི་ལྷ་མོར་འབུལ༔ དགྱེས་བཞེས་མཆོག་ཐུན་དངོས་གྲུབ་སྩོལ༔ མ་ཧཱ་ག་ཎ་ཙཀྲ་པཱུ་ཛ་ལ་ཁཱ་ཧིཿ དེ་ནས་ཐུགས་དམ་བསྐང་བ་ནི༔ ཧཱུྃ་ཧྲཱིཿ ཆོས་ཉིད་གཞི་ལས་རང་ཤར་བའི༔ ཕྱི་ནང་གསང་བའི་མཆོད་པ་དང་༔ མཱཾ་ས་ཛ་གད་ཐོད་རྔའི་སྒྲ༔ གླིང་བུ་དབྱངས་སྙན་བཤུགས་གླུ་བཅས༔ རྣམ་གསུམ་དག་པ་ཆེན་པོ་ཡིས༔ བདེ་ཆེན་མགོན་པོ་སྣང་མཐའ ཡས༔ རིགས་བདག་བླ་མའི་ཐུགས་དམ་བསྐང་༔ སྙིང་རྗེའི་མངའ་བདག་པད་དཀར་འཆང་༔ སྤྱན་རས་གཟིགས་ཀྱིཿ རྣམ་འདྲེན་སངས་རྒྱས་ཀུན་གྱི་གཙོ༔ པདྨ་འབྱུང་གནས༴ གསང་སྔགས་སྙིང་པོའི་དྲོད་འཆང་བ༔ ཡེ་ཤེས་མཚོ་རྒྱལ་ལོག་རྟོགས་ཚར་གཅོད་ཧེ་རུ་ཀ༔ པདྨ་གར་དབང: ཁམས་གསུམ་དབང་སྡུད་འཕགས་མ་སྒྲོལ༔ རིག་བྱེད་ལྷ་མོའི སངས་རྒྱས་བསྟན་པ་སྲུང་བའི་གཉེར༔ གཏེར་སྲུང་དམ་ཅན༴ ཁྱེད་རྣམས་ཐུགས་དམ་བསྐང་ནས་ཀྱང་༔ ཉམས་ཆགས་མ་ལུས་ཀུན་བྱང་ནས༔ མཆོག་ཐུན་དངོས་གྲུབ་སྩལ་དུ་གསོལ༔ དེ་ནས་བཤགས་པ་ནི༔ ཧོཿ དབང་གི་ལྷ་མོའི་དཀྱིལ་འཁོར་དུ༔ སྒོ་གསུམ་བག་མེད་ཅི་བགྱིས་པ༔ ཞལ་ཟས་ཚོགས་ཀྱི་མཆོད་པས་བཤགས༔ དག་ཚངས་མཆོག་གི་དངོས་གྲུབ་སྩོལ༔ ག་༒ཿ ཨོཾ་ག་ཎ་ཙཀྲ་སཏྭ་ས་མ་ཡཿ སོགས་ནས་སཏྭ་ཨཱ༔ དེ་ནས་བསྒྲལ་བ་ནི༔ ཧཱུྃ་ཧྲཱིཿ བདག་མེད་རྟོགས་པའི་ཡེ་ཤེས་ཀྱིས༔ གཟུང་འཛིན་གཉིས་སྣང་དགྲ བགེགས་བཀུག༔ ཡེ་ཤེས་ལས་གྲུབ་ཀཱི་ལ་ཡས༔ མཚན་བཅས་མཚན་མེད་དབྱིངས་སུ་བསྒྲལ༔ གཉིས་སྣང་འཁྲུལ་འཁོར་དབྱིངས་སུ་ཤིག༔ སརྦ་ཤ་ཏྲུཾ་རུ་དྲ་མཱ་ར་ཡ་ཕཊ༔ དེ་ནས་བསྟབས་པ་ནི༔ ཧཱུྃ༔ བདག་མེད་རྟོགས་པའི་ཧེ་རུ་ཀ༔ དུག་ལྔའི་རུ་ཏྲ་བསྒྲལ་བའི་རྫས༔ དཀྱིལ་འཁོར་ལྷ་ཚོགས་ཞལ་དུ་བསྟབས༔ འཁྲུལ་མེད་ཡེ་ཤེས་ས་ཐོབ་ཤོག༔ མ་ཧཱ་མཱཾ་ས་རཀྟ་ཙིཏྟ་ལ་ཁཱ་ཧི༔ དེ་ནས་ཚོགས་ལ་རོལ་པ་ནི༔ ཀྱེེ༔ ལུས་གདན་གསུམ་ཚང་བའི་དཀྱིལ་འཁོར་དུ༔ ཁ་ཡ་རྐན་རྒྱལ་བ་འོད་དཔག་མེད༔ ལྕེ་ཡུམ་མཆོག་གསང་བ་གོས་དཀར་མོ༔ དེ་གཉིས་མེད་སྦྱོར་བའི་བདུད་རྩི་མྱོང་༔ གནས་མགྲིན་པ་ལོངས་སྤྱོད་འཁོར་ལོ་རུ༔ ལྷ་ཞི་ཁྲོ་དཀྱིལ་འཁོར་རབ་འབྱམས་ལ༔ ཐབས་ཤེས་རབ་བླ་མེད་གསང་བའི་རྫས༔ ལོངས་སྤྱོད་ཚོགས ཀྱི་མཆོད་པ་འདི༔ གཙང་རྨེ་ཡི་གཉིས་རྟོག་དང་བྲལ་བའི༔ དོན་ཚིམས་པ་དྲུག་ལྡན་ངང་དུ་རོལ༔ ཨེ་མ་ཧོཿ ཨ་ལ་ལ་ཧོཿ དེ་ནས་ལྷག་མ་ནི༔ ཨ་ཀཱ་རོ་ཡིས་བྱིན་བརླབ་ནས༔ ཕེཾ་བྷྱོཿ དཔལ་གྱི་བཀའ་ཉན་ལྷག་ལ་དབང་༔ དཔའ་བོ་གིང་དང་མཁའ་ལ་འགྲོ༔ དུར་ཁྲོད་གནས་ཉུལ་ལྷག་ལེན་རྣམས༔ འདིར་གཤེགས་ལྷག་གཏོར་བཤལ་ཆུ་བཞེས༔ སྒྲུབ་པའི་བར་ཆད་ཞི་བ་དང་༔ དབང་གི་ཕྲིན་ལས་འགྲུབ་པར་མཛོད༔ སརྦ་ཨུ་ཙིཥྞ་བྷ་ལིཾ་ཏ་ཁཱ་ཧི༔ དེ་ནས་ཐུགས་དམ་བསྐུལ་བ་ནི༔ ཧཱུྃ་ཧྲཱིཿ ལྷོ་ཕྱོགས་དབང་གི་ཕོ་བྲང་ནས༔ སོར་རྟོགས་ཡེ་ཤེས་བཅོམ་ལྡན་མ༔ རིག་བྱེད་ལྷ་མོ་གཙོ་དང་འཁོར༔ བཞེངས་ཤིག་ཆོས་དབྱིངས་ཀློང་ནས་བཞེངས༔ བསྐུལ་ལོ་ཐུགས་དམ་གནད་ནས་བསྐུལ༔ མཛོད་ཅིག་དབང་གི་ཕྲིན་ལས་མཛོད༔ དུག་ལྔ་དུག་གསུམ་དགྲ་བགེགས་སྒྲོལ༔ སྲིད་གསུམ་སྐྱེ་དགུའི་བློ་ཡིད་ཁུག༔ ཚེ་བསོད་དཔལ་འབྱོར་མངའ་ཐང་འཕེལ༔ བཤད་སྒྲུབ་བསྟན་པ་དར་བ་དང་༔ བསྟན་འཛིན་ཚེ་སྲིངས་དོན་གཉིས་འགྲུབ༔ དབང་གི་ལས་རྣམས་མྱུར་འགྲུབ་མཛོད༔ དེ་ནས་ཆད་ཐོ་ནི༔ ཧཱུྃ་ཧྲཱིཿ དུས་གསུམ་དུས་མེད་དུས་ཀྱི་ཚེ༔ སྐུ་གསུམ་རྒྱལ་བ་སྟོན་འཁོར་གྱིས༔ གསང་བའི་དཀྱིལ་འཁོར་ཞལ་ཕྱེས་ཚེ༔ རིག་རྩལ་བཀའ་སྲུང་དྲེགས་ཚོགས་ཀྱིས༔ སོ་སོའི་གཟུགས་བསྟན་ཁས་བླངས་བཞིན༔ དམར་གྱི་གཏོར་མ་འདི་བཞེས་ལ༔ དབང་གི་ཕྲིན་ལས་བསྒྲུབ་པ་དང་༔ གསང་སྔགས་བཤད་ ངོ༹ཾཿ སྒྲུབ་བསྟན་པ་སྐྱོང་༔ རྣལ་འབྱོར་འདོད་དོན་ལྷུན་གྲུབ་མཛོད༔ དེ་ནས་བརྟན་སྐྱོང་ནི༔ བྷྱོཿ པདྨ་ཐོད་ཕྲེང་བཀའ་དམ་བཞིན༔ གནས་པའི་བོད་སྐྱོང་བསྟན་མའི་ཚོགས༔ བཤལ་ཆུའི་གཏོར་མ་འདི་བཞེས་ལ༔ གསང་སྔགས་སྒྲུབ་པའི་བར་ཆད་སོལ༔ དམ་ལྡན་རྣལ་འབྱོར་སྡོང་གྲོགས་མཛོད༔ ལྟ་ལོག་བསྟན་པ་བསྣབས་ནས་ཀྱང་༔ གསང་སྔགས་བསྟན་པ་དར་ཞིང་རྒྱས༔ བསྟན་འཛིན་ཚེ་སྲིང་ཕྲིན་ལས་སྒྲབས༔ བཅོལ་བའི་ལས་རྣམས་ཀུན་འགྲུབ་མཛོད༔ མ་མ་ཧྲི་ཧྲིཾ་ཨི་དཾ་བྷ་ལིཾ་ཏ་ཁཱ་ཧི༔ དེ་ནས་བྲོ་མནན་ནི༔ ཧཱུྃ་ཧྲཱིཿ ཨེ་ལས་སྲིད་པའི་ཧོམ་ཁུང་དུ༔ གཉིས་སྣང་འཁྲུལ་པའི་དམ་སྲིད་རྣམས༔ གཉིས་མེད་ཡེ་ཤེས་ཆེན་པོས་མནན༔ བདག་མེད་ལྟ་བའི་ཧེ་རུ་ཀས༔ ཆོས་ཉིད་རོལ་པའི་བྲོ་བརྡུང་ཞིང་༔ དུག་གསུམ་ལས་བསྐྱེད་དགྲ་བགེགས་ཚོགས༔ རིག་པ་རི་རབ་ཆེན་པོའི་འོག༔ འཕོ་འགྱུར་མེད་པར་མནན་ནས་ཀྱང་༔ ཡེ་ཤེས་རོལ་པས་རྒྱས་གདབ་བོ༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སརྦ་ཤཱ་ཏྲུཾ་སྟྭཾ་བྷ་ཡ་ནན༔ མཆོད་བསྟོད་བྱ་ཞིང་དངོས་གྲུབ་བསྐུལ་བ་ནི༔ ཧཱུྃ་ཧྲཱིཿ རྗེ་བཙུན་བཅོམ་ལྡན་རིག་བྱེད་ལྷ་མོ་ཡི༔ གསང་གསུམ་བྱིན་རླབས་དངོས་གྲུབ་མ་ལུས་ཀུན༔ རྣལ་འབྱོར་སྒོ་ལྷ་མོའི གསུམ་བུམ་པའི་སྣོད་དུ་བསྐྱིལ༔ ཐུན་མོང་ཁམས་གསུམ་དབང་སྡུད་དངོས་གྲུབ་སྩོལ༔ སྐུ་གསུམ་ལྷུན་གྲུབ་མཆོག་གི་དངོས་གྲུབ་སྩོལ༔ བདེ་སྟོང་ཕྱག་རྒྱ་ཆེན་པོའི་དངོས་གྲུབ་སྩོལ༔ བཅུ་གསུམ་རྡོ་རྗེ་འཛིན་པའི་ས་ཐོབ་ཤོག༔ ནང་གསལ་གཞོན་ནུ་བུམ་སྐུའི་དངོས་གྲུབ་སྩོལ༔ རྩ་སྔགས་མཐར༔ ཀཱ་ཡ་སིདྡྷི་ཨོཾ༔ ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ དེ་ནས་ལྷག་ཆད་སྐང་བ་ནི༔ ཧོཿ བཅོམ་ལྡན་དབང་གི་ལྷ་མོའི་དཀྱིལ་འཁོར་དུ༔ བདག་ཅག་མ་རིག་སྒྲིབ་གསུམ་དབང་གིས་ནི༔ ཆོ་ག་བསྐྱེད་བཟླས་ཏིང་འཛིན་ཉམས་པ་དང་༔ སྐུ་གསུང་ཐུགས་དང་རྩ་བ་ཡན་ལག་གི༔ དམ་ཚིག་ཉམས་ཆགས་འགལ་འཁྲུལ་ཅི་བགྱིས་པ༔ བཟོད་གསོལ་དག་ཚངས་མཆོག་ཐུན་དངོས་གྲུབ་སྩོལ༔ དབྱངས་གསལ་ཡི་གེ་བརྒྱ་པ་བརྗོད༔ དེ་ནས་བསྔོ་བ་ནི༔ ཧོཿ གསང་བ་མཁའ་འགྲོའི་དཀྱིལ་འཁོར་དུ༔ བདག་གིས་ཅི་བསགས་དགེ་བ་ཀུན༔ སྲིད་པའི་འགྲོ་བ་ཡོངས་ལ་བསྔོ༔ ཀུན་ཀྱང་འཁྲུལ་མེད་ས་ཐོབ་ཤོག༔ དེ་ནས་སྨོན་ལམ་ནི༔ ཧྲཱིཿ སྐྱེ་དང་ཚེ་རབས་ཐམས་ཅད་དུ༔ རྗེ་བཙུན་ལྷ་མོའི་ཞལ་མཐོང་ནས༔ འབྲལ་མེད་བདེ་སྟོང་ཡེ་ཤེས་སྤེལ༔ དོན་གཉིས་དཔལ་སྤྱོད་འདོད་དགུ་དབང་༔ བདེ་ཆེན་ཡེ་ཤེས་རང་ཞལ་མཇལ༔ ཿ དང་པོའི་སངས་རྒྱས་མངོན་གྱུར་ནས༔ ཕྱིར་མི་ལྡོག་པའི་ས་ཐོབ་ཤོག༔ དེ་ནས་གཤེགས་བསྡུ་ནི༔ ཧཱུྃ་ཧྲཱིཿ ཆོས་དབྱིངས་སྟོང་པའི་ཀློང་ནས་བཞེངས་པའི་ལྷ༔ གཞི་དབྱིངས་ཀ་དག་ཆོས་སྐུའི་ངང་དུ་བསྡུ༔ བདག་སྣང་དམ་ཚིག་སེམས་དཔའ་འོད་གསལ་ཀློང་༔ སྣང་སྟོང་ལྷ་ཡི་ཕྱག་རྒྱའི་ས་མ་དྷི་ཨ༔ དེ་ནས་བཀྲ་ཤིས་ནི༔ ཧཱུྃ་ཧྲཱིཿ བྱིན་རླབས་དཔལ མངའ་བླ་མའི་བཀྲ་ཤིས་ཤོག༔ དངོས་གྲུབ་འབྱུང་གནས་ཡི་དམ༴ ཁམས་གསུམ་དབང་སྡུད་མཁའ་འགྲོའི: གཞི་གྲོལ་ཉོན་མོངས་དགྲ་ལས་རྒྱལ༔ ནད་གདོན་ཞི་དང་ཚེ་བསོད་རྒྱས༔ ཁམས་གསུམ་དབང་སྡུད་ལོག་འདྲེན་སྒྲོལ༔ ཕྲིན་ལས་མཐའ་རྒྱས་བཀྲ་ཤིས་གང་༔ དབང་གི་ལྷ་མོའི་བདེན་སྟོབས་ཀྱིས༔ བཀྲ་ཤིས་ཀུན་ལས་བཀྲ་ཤིས་པ༔ བདག་ཅག་སྒྲུབ་པའི་རྣལ་འབྱོར་ལ༔ སྲིད་མཐའི་བར་དུ་དར་རྒྱས་ཤོག༔ མེ་ཏོག་འཐོར་ཞིང་བཀྲ་ཤིས་ཅི་རིག་བརྗོད༔ འདི་ནི་སྒྲུབ་པ་ཀུན་གྱི་སྙིང་པོ་མཆོག༔ བསྐྱེད་པ་རྩོལ་བྲལ་ཆུ་ནང་ཉ་འཕར་བཞིན༔ གསལ་དག་བརྟན་གསུམ་ཚདཕེབས་ཆོས་ཀྱི་སྐུ༔ རྫོགས་པ་ཨ་དོན་བཅོ་བརྒྱད་དགོངས་པ་མཆོག༔ ཆོས་དབྱིངས་ངང་ལས་གཡོ་མེད་ལྷུན་གྲུབ་ཆེ༔ མི་གཡོ་སྤྲོས་བྲལ་ཆོས་སྐུའི་རང་ཞལ་མཇལ༔ ས་མ་ཡ༔ དེ་ནས་མདུན་བསྐྱེད་འབར་བའི་ཆོ་ག་ནི༔ བསྲེག་དཀྱིལ་ཟླ་གམ་དཀྱིལ་ འཁོར་རྫོགས་པའི་དབུས༔ དབང་ཤིང་ཙནྡན་དམར་པོས་ཟླ་གམ་བརྩིགས༔ བུད་ཤིང་ཤུག་དམར་དབང་གི་ཤིང་རིགས་དང་༔ མར་ཁུ་ཡམ་ཤིང་གསང་རྫས་རྣམ་པ་གསུམ༔ མེ་ཏོག་གླང་སྣ་དམར་པོ་ཨུག་ཆོས་ཨུཏྤལ་དབང་གི་མེ་ཏོག་རིགས་དང་འབྲུ་སྣ་མཛོད༔ ཅི་འབྱོར་དངོས་ཡིད་མཆོད་པ་དཔག་མེད་བསགས༔ རང་ཉིད་ལྷ་མོའི་ང་རྒྱལ་ལྡན་པའི་ངང་༔ དང་པོ་བསྲེགས་རྫས་བྱིན་གྱིས་བརླབས་པ་ནི༔ ཧཱུྃ་ཧྲཱིཿ བདག་ཉིད་ལྷ་ཡི་ཐུགས་ཀ་ནས༔ ར་ཡཾ་ཁཾ་གསུམ་འཕྲོས་པ་ཡིས༔ མཆོད་རྫས་མ་དག་བསྲེག་གཏོར་བཀྲུས༔ སྦྱངས་བསྒྱུར་སྤེལ་བས་བདུད་རྩི་ཆེ༔ ཡེ་ཤེས་ལྷ་ཚོགས་དགྱེས་པའི་རྫས༔ ཟག་མེད་མཆོད་སྤྲིན་ཆེན་པོར་རཾ་ཡཾ་ཁཾ༔ ཨོཾ་ཨཱཿཧཱུྃ་སརྦ་པཉྩ་ཛྙཱ་ན་པཱུ་ཛ་ཧོཿ དེ་ནས་མེ་སྦར་ལྷར་གསལ་ནི༔ ཧཱུྃ་ཧྲཱིཿ ཆོས་རྣམས་མི་དམིགས་སྟོང་པར་གྱུར༔ སྟོང་པའི་ངང་ལས་སྐད་ཅིག་གིས༔ ཡེ་ཤེས་མེ་འབར་དབང་གི་དལ༔ དེ་དབུས་འཇའ་ཟེར་འཁྲིགས་པའི་ཀློང་༔ མེ་ལྷ་ཨགྣེ་རཱ་ཛ་ནི༔ དམར་མོ་ཁྲོ་འཛུམ་གཟི་བརྗིད་འབར༔ ཕྱག་གཉིས་བགྲང་ཕྲེང་དགང་གཟར་འཛིན༔ དར་དང་རིན་ཆེན་རྒྱན་གྱིས་སྤྲས༔ ཞབས་གཉིས་ར་སྐྱེས་གདན་ལ་འགྱིང་༔ གནས་གསུམ་རྡོ་རྗེའི་ས་བོན་ལས༔ འོད་འཕྲོས་ཡེ་ཤེས་སྤྱན་དྲངས་ནས༔ དམ་ཡེ་དབྱེར་མེད་རོ་གཅིག་གྱུར༔ དེ་ནས་༦༦༷༷ ༒ཿ སྤྱན་འདྲེན་པ་ནི༔ ཧཱུྃ་ཧྲཱིཿ དད་པ་དང་ནི་དམ་ཚིག་གིས༔ འབྱུང་བ་ཆེན་པོ་མེ་ཡི་ལྷ༔ ཨགྣེ་རཱ་ཛ་འཁོར་དང་བཅས༔ འདིར་གཤེགས་འབར་བའི་གདན་ལ བཞུགས༔ ཕྲིན་ལས་རབ་འབྱམས་དངོས་གྲུབ་སྩོལ༔ བཛྲ་ས་མ་ཡ་ཛ་ཛཿ ཏིཥྛ་ལྷན༔ དེ་ནས་མཆོད་པ་འབུལ་བ་ནི༔ ཨོཾ རང་བྱུང་དབྱིངས་ནས་ལྷུན་གྲུབ་རྩལ༔ ཨཱཿ ཕྱི་ནང་གསང་མཛོད་བསམ་མི་ཁྱབ༔ ཧཱུྃ༔ དངོས་འབྱོར་ཡིད་སྤྲུལ་མཆོད་པ་འདི༔ ཨགྣེ་རཱ་ཛ་འཁོར་བཅས་ལ༔ འབུལ་ལོ་དགྱེས་བཞེས་དངོས་གྲུབ་སྩོལ༔ ཨོཾ་བཛྲ་ཨརྒྷཾ་ཿ སོགས། རཱུ་པ་ཤཔྡ་སོགས། སརྦ་པཉྩ་ཨ་མྲྀ་ཏ་བཱ་ལིཾ་ཏ་རཀྟ་སརྦ་པཱུ་ཛ་ཁཱ་ཧི༔ དེ་ནས་བསྟོད་པ་ནི༔ ཧཱུྃ་ཧྲཱིཿ ཚངས་པ་ཆེན་པོ་འབར་བའི་ལྷ༔ ལས་བཞིའི་ཕྲིན་ལས་ཀུན་གྱི་བདག༔ བསྲེག་ཅིང་ཟ་བའི་མཐུ་སྟོབས་ཅན༔ ཨགྣེ་རཱ་ཛར་ཕྱག་འཚལ་བསྟོད༔ ཨོ་ཨགྣ་ཡེ་སརྦ་པཉྩ་ཨ་མྲྀ་ཏ་ཁཱ་ཧི༔ བདུན་ནམ་ཉེར་གཅིག་གིས་བྱོན་སྐྱེམས་འབུལ༔ དེ་ནས་ཡམ་ཤིང་འབུལ་བ་ནི༔ ཨོཾ་ཨགྣ་ཡེ་བྷོ་དྷི བྲྀཀྵ་ཡེ་སྭཱཧཱ༔ སྣང་སྲིད་འཁོར་འདས་ཐམས་ཅད་སྡུས་སྡུས་ཝ་ཤཾ་ཀུ་རུ་ཡེ་སྭཱ་ཧཱ༔ ལན་བདུན་གྱིས་འབུལ༔ འདོད་གསོལ་ནི༔ ཧོཿ དྲང་སྲོང་ཨགྣེ་རཱ་ཛ་ཁྱེད་རྣམས་ལ་བདུད་རྩི་སྲེག་བླུག་གི མཆོད་པ་དམ་པ་འདི་འབུལ་བའི་མཐུས༔ རྣལ་འབྱོར་པ་བདག་གི་དབང་དུ་ཐུན་མོང་ཁམས་གསུམ་གྱི་སྐྱེ་འགྲོ་ཟས་ནོར་ལོངས་སྤྱོད་སྙན་གྲགས་ཚེ་བསོད་དཔལ་འབྱོར་བཙན་ཕྱུག་འཕན་དར་ཐམས་ཅད་དང་༔ མཆོག་ཏུ་རིག་འཛིན་བཞིའི་དགོངས་པ་མངོན་དུ་གྱུར་ནས་དོན་གཉིས་ལྷུན་གྲུབ་ཀྱི་དངོས་གྲུབ་མ་ལུས་པ་ཐམས་ཅད་དབང་དུ་འདུ་བའི་ཕྲིན་ལས་དམ་པ་མཛོད་ཅིག༔ དེ་ནས་མར་ཁུ་འབུལ་བ་ནི༔ ཨོཾ་གྷྲ་ཡེ་སརྦ་པཉྩ་ཨ་མྲྀ་ཏ་ཁཱ་ཧི༔ ཤམ་བཅས་ལན་བདུན་དང་འདོད་གསོལ་གོང་བཞིན་དང་༔ དེ་ནས་རྫས་རྣམས་འབུལ་བ་ནི༔ ཨོཾ་ཨགྷྲ་ཡེ་སརྦ་ཛྙཱ་ན་པཱུ་ཛ་ཁཱ་ཧིཿ ཤམ་བཅས་བདུན་འདོད་གསོལ་བཅས་རྫོགས་མཐར༔ དེ་ནས་སྲེག་ལྷ་བསྐྱེད་པ་ནི༔ ཧྲཱིཿ མེ་ལྷའི་ལྟོ་བ་ཡངས་ཤིང་རྒྱ་ཆེའི་ནང་༔ ཟླ་གམ་དམར་པོ་དབང་གི་གཞལ་མེད་ཁང་༔ ཚད་དང་མཚན་ཉིད་ཡོངས་སུ་རྫོགས་པའི་དབུས༔ པདྨ་ཉི་མ་བམ་རོའི་གདན་གྱི་སྟེང་༔ ཧྲཱིཿལས་སྐད་ཅིག་ཡོངས་གྱུར་བཅོམ་ལྡན་མ༔ རིག་བྱེད་ལྷ་མོ་ཞལ་གཅིག་ཕྱག་བཞི་པ༔ ཕྱག་བཞིའི་དང་པོས་ཐབསཤེས་མདའ་གཞུ་འགེངས༔ འོག་གཉིས་པདྨའི་ལྕགས་ཀྱུ་ཞགས་པ་འཛིན༔ སྤྱན་གསུམ་གཡོན་གཟིགས་འགྲོ་ཁམས་དབང་དུ་སྡུད༔ ཐོད་སྐམ་ལྔ་དང་དར་གྱི་ཅོད་པན་འཕུར༔ དར་དཔྱངས་རིན་ཆེན་རུས་རྒྱན་སྣ་ཚོགས་སྤྲས༔ པྟཾ ༒ཿ ཐོད་རློན་ལྔ་བཅུའི་དོ་ཤལ་རྔམས་བརྗིད་མཛེས༔ སྐུ་སྨད་སྟག་གི་པགས་པའི་ཤམས་ཐབ་བཀླུབས༔ འོད་འབར་ཉི་མ་ཟླ་བའི་རྒྱབ་ཡོལ་མཛད༔ སྲིད་གསུམ་དབང་སྡུད་སྣང་སྟོང་སྐུ་རུ་བསྒོམ༔ སྤྱི་བོར་རིགས་ཀྱི་བདག་པོ་བླ་མ་རྗེ༔ འོད་དཔག་མེད་མགོན་རྣམ་པར་ལྷན་ནེར་བཞུགས༔ སྤྱི་བོར་ཨོ་དཀར་མགྲིན་པར་ཨཱཿདམར་པོ༔ ཐུགས་ཀར་ཧཱུྃ་མཐིང་དེ་ལས་འོད་འཕྲོས་པས༔ རྒྱ་གར་ལྷོ་ཕྱོགས་དབང་གི་ཕུག་པ་ནས༔ མྱུར་མཛད་དཔལ་མོ་རྗེ་བཙུན་རིགས་བྱེད་མ༔ འཁོར་བཅས་སྤྱན་དྲངས་དམ་ཡེ་རོ་གཅིག་གྱུར༔ ཛཿ ཧཱུྃ་བཾ་ཧོཿ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ འོག་མིན་བདེ་ཆེན་ཞིང་ཁམས་དང་༔ ལྷོ་ཕྱོགས་དབང་གི་ཕུག་པ་ནས༔ མྱུར་མ་དཔལ་མོ་རིག་བྱེད་མ༔ ཁམས་གསུམ་དབང་སྡུད་འཁོར་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ མཆོག་དང་ཐུན་མོང་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿབཛྲ་ས་མ་ཡ་ཛ་ཛཿ དེ་ནས་བཞུགས་སུ་གསོལ་བ་ནི༔ ཧཱུྃ་ཧྲཱིཿ རང་བྱུང་ཆོས་དབྱིངས་ཀུན་བཟང་མོ༔ སྒྱུ་འཕྲུལ་སྣང་སྲིད་དབང་མཛད་མ༔ ལྷུནགྲུབ་དཀྱིལ་འཁོར་ཆེན་པོ་འདིར༔ པདྨ་ཉི་མའི་གདན་ལ་བཞུགས༔ གཉིས་མེད་ཡིད་ཀྱིས་ཕྱག་འཚལ་ལོ༔ བཛྲ་ས་མ་ཡ་ ཏིཥྛ་ལྷན༔ ན་མོ་པཱུ་རུ་ཤ་ཧོཿ དེ་ནས་བྱོན་སྐྱེམས་ནི༔ ཧཱུྃ༔ རྩ་བརྒྱད་སྟོང་སྦྱར་རྩི་བཅུད་སྨན༔ འབྱུང་བའི་བཅུད་དམར་ནུས་པར་ལྡན༔ དཀྱིལ་འཁོར་ལྷ་ཚོགས་རྣམས་ལ་འབུལ༔ བདེ་བ་ཆེན་པོའི་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿསརྦ་པཉྩ་ཨ་མྲྀ་ཏ་ཁཱ་ཧིཿ བདུན་ནམ་ཉེར་གཅིག་གིས་ཕུལ༔ དེ་ནས་མཆོད་པ་ནི༔ ཨོཾ་ཨཱཿཧཱུྃ༔ སྣང་སྲིད་ཡེ་དག་མཆོད་པའི་རྫས༔ ཕྱི་ནང་གསང་བའི་མཆོད་པ་འདི༔ བཅོམ་ལྡན་རིག་བྱེད་ལྷ་མོ་ལ༔ བདག་ཅག་ཚོགས་གཉིས་རྫོགས་ཕྱིར་འབུལ༔ དགྱེས་བཞེས་འདོད་དགུའི་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿབཛྲ་ཨརྒྷཾཿ སོགས། ཤཔྡ་རཱུ་པཿ སོགས། མ་ཧཱ་སརྦ་པཉྩ་ཨ་མྲྀ་ཏ་བ་ལིཾ་ཏ་རཀྟ་བོ་དྷི་ཙིཏྟ་གུ་ཧྱ་པཱུ་ཛ་ཁཱ་ཧིཿ དེ་ནས་མར་ཁུ་འབུལ་བ་ནི༔ ཧཱུྃ་ཧྲཱིཿ སྣང་སྟོང་གཉིས་མེད་ཡེ་ཤེས་སྦྱོར༔ བདེ་ཆེན་བདུད་རྩི་ཨ་མྲྀ་ཏ༔ དཀྱིལ་འཁོར་ལྷ་ཚོགས་རྣམས་ལ་འབུལ༔ དགྱེས་བཞེས་དགོས་འདོད་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿསརྦ་ཛྙཱ་ན་པཉྩ་ཨ་མྲྀ་ཏ་ཁཱ་ཧིཿ སྣང་སྲིད་མོས་བཞི་འདོད་དགུའི ལོངས་སྤྱོད་ཚེ་བསོད་དཔལ་འབྱོར་ཐམས་ཅད་ཝ་ཤཾ་ཀུ་རུ་ཡེ་སྭཱ་ཧཱ༔ བདུན་ནམ་ཉེར་གཅིག་གིས་ཕུལ༔ འདོད་གསོལ་ནི༔ ཧོཿ རྗེ་བཙུན་རིག་བྱེད་ལྷ་མོའི་དཀྱིལ་འཁོར་གྱི་ལྷ་ཚོགས་ཁྱེད་རྣམས་ལ ༒ཿ བདུད་རྩི་སྲེག་བླག་གི་མཆོད་པ་དམ་པ་འདི་ཕུལ་བའི་མཐུས་རྣལ་འབྱོར་པ་བདག་གི་ལྷ་སྔགས་ཏིང་ངེ་འཛིན་གཡེལ་བའི་ཉམས་ཆག་འགལ་འཁྲུལ་ཐམས་ཅད་བྱང་ཞིང་དག་པ་དང་༔ ཁྱད་པར་དུ་ཁམས་གསུམ་གྱི་སྐྱེ་འགྲོ་ཟས་ནོར་ལོངས་སྤྱོད་འདོད་དགུའི་