Tibetan
གཏད༔ སྐལ་ལྡན་ཆོས་བརྒྱུད་འཛིན་པས་འདི་སྤྱོད་ཤོག༔ སྐལ་མེད་འགྲོ་ལ་རླུང་ཕྱོགས་ཙམ་མ་འཕྲད༔ ཐུབ་པར་སྲུངས་ཤིག་གསང་བའི་བཀའ་སྲུང་རྣམས༔ དམ་ཉམས་ཁ་གསག་ཅན་གྱི་དབང་པོ་སྣུབས༔ དམ་ལྡན་སྐྱེས་བུའི་ཕྲིན་ལས་མ་ལུས་སྒྲུབས༔ གཏད་དོ་སྲུངས་ཤིག་བཛྲ་ས་མ་ཡ༔ སྐུ་གསུང་ཐུགས་ཀྱི་རྒྱ་ཡོད་དོ༔ ཟབ་རྒྱ༔ གསང་རྒྱ༔ གཏད་རྒྱ༔ སྦས་རྒྱ༔ གཏེར་རྒྱ༔ གུཧྱ༔ བརྡཐིམ༔ ༔ ཞེས་པ་འདི་ཉིད་སྐྱེ་ཕྲེང་དུ་མར་གསང་གཏེར་རྒྱ་མཚོའི་ལྡེ་མིག་ཐབས་གྲོགས་མཆོག་ཏུ་གྱུར་པ་མཚན་བརྗོད་པར་དཀའ་ཡང་དོན་གྱི་སླད་དུ༔ མཚན་ནས་བརྗོད་ན་ཨོ་རྒྱན་དངོས་སྣང་པདྨ་འགྲོ་འདུལ་གསང་སྔགས་གླིང་པས་རྟེན་འབྲེལ་ཕུན་སུམ་ཚོགས་པ་སྐུ་གསུང་ཐུགས་ཀྱི་རྟེན་བཅས་བཀའ་བཙན་སྤྱི་བོར་སོན་པ་དང་༔ ཉེ་ཆར་ཆོས་ཀྱི་བདག་པོ་སྤྲུལ་པའི་སྐུ་སྣ་ཚོགས་རང་གྲོལ་གྱིས་ཟའོག་མཐིང་གའི་སྐྱེས་བཅས་བསྐུལ་ངོར་དུས་མཐའི་གཏེར་མིང་ ཿ འཛིན་པ་ཀུན་བཟང་བདེ་སྐྱོང་དབང་མོས་མཁའ་འགྲོ་གསང་བའི་ཤོག་སེར་ལས་ཞལ་བཤུས་ཏེ་དག་པར་བྲིས་པའོ། །དགེའོ།། །།ཕྱོགས་དུས་གནས་སྐབས་ཀུན ཏུ་དགེ་ཞིང་བཀྲ་ཤིས་པར་གྱུར་ཅིག། །། 月35 ་—‰M7ΦFΦ¤.uML6F TI1396-339 TI1396-340 B Be Be ལམ་ལོ་ཆུང་དུ་དུ་སྤྱི་ལམ་ཐམས་སྤྱི་དང་བླ ཐཿ ན་མོ་གུ་རུ་པདྨ་ཀཱ་ར་ཡེ༔ སྐུ་གསུམ་མཁའ་འགྲོའི་ཚོགས་ལ་གུས་པས་འདུད༔ བདག་ཉིད་ཆེན་མོ་མཁར་ཆེན་མཚོ་རྒྱལ་མ༔ རང་དོན་མཐར་ཕྱིན་གཞན་དོན་རླབས་ཆེན་མཛད༔ མ་ཧཱ་གུ་རུས་ཐུགས་ཀྱི་བྱིན་གྱིས་རླབས༔ གསང་སྔགས་ཆོས་ཀྱི་བཀའ་ཡི་གཉེར་བྱང་འཛིན༔ སངས་རྒྱས་བསྟན་པ་ཕྱོགས་བཅུར་དར་ཞིང་རྒྱས༔ ཁྱད་པར་ཟབ་མོ་གཏེར་གྱི་བསྟན་པ་ནི༔ ཇི་སྲིད་འཁོར་བའི་གནས་ངན་མ་སྟོངས་པར༔ དེ་སྲིད་འགྲོ་འདུལ གཏེར་སྟོན་རྒྱུན་མི་འཆད༔ བོད་ཁམས་ལྷ་མི་ཟབ་མོ་གཏེར་གྱིས་འདྲེན༔ ལས་ཅན་རྗེས་འཇུག་ཟབ་མོའི་ལམ་འཇུག་ཕྱིར༔ ཉམས་ལེན་གནད་ཀྱི་མན་ངག 2.61e ཐང འདི་རུ་བསྟན༔ ས་མ་ཡ༔ དང་པོ་ལམ་གྱི་རྩ་བ་བླ་མ་བསྟེན༔ ཆོས་མིན་འཁོར་བའི་གནས་ངན་རྒྱང་སྤངས་ནས༔ ཡང་དག་ལམ་འཇུག་བློ་ལྡོག་རྣམ་པ་བཞིས༔ རྒྱུད་སྦྱངས་འཁོར་བ་སྡུག་བསྔལ་རང་བཞིན་ལ༔ བསམ་ནས་ཡང་ཡང་རང་བློ་ཆོས་ལ་བསྒྱུར༔ སེམས་ཅན་ཕ་མའི་རང་བཞིན་ངེས་མཐོང་ནས༔ ཀུན་ལ་གནོད་སེམས་སྤངས་ནས་བྱང་ཆུབ་སེམས༔ སྨོན་དང་འཇུག་པའི་སྒོ་ནས་རྒྱ་མཚོར་བསྐྱེད༔ ཚད་མེད་སྙིང་རྗེས རང་རྒྱུད་ལེགས་སྦྱངས་ནས༔ དང་པོ་ཡུལ་གྱི་ཞེན་པ་བཟློག་པའི་ཕྱིར༔ མི་ཡི་རྒྱུ་འགྲུལ་མེད་པའི་དབེན་གནས་སུ༔ དགྲ་ཇག་ལ་སོགས་འཚེ་བ་མེད་པའི སར༔ གཅིག་པུར་གནས་བཅའ་བདེ་བའི་མལ་དུ་ནི༔ ཀུ་སུ་ལུ་ཡི་དྲང་སྲོང་འདུག་སྟངས་ཀྱིས༔ མི་གཉིས་ཐད་ཀྱི་ནམ་མཁར་བལྟ་བཞིན་དུ༔ མ་དག་ཡུལ་སྣང་ཐམས་ཅད་སྟོང་པར་སྦྱངས༔ སྟོང་པའི་ངང་ལས་མེ་ལོང་གཟུགས་བརྙན་བཞིན༔ རང་བཞིན་རྣམ་དག་ཞིང་ཁམས་ཡིད་འོང་བ༔ རིན་ཆེན་ས་གཞི་སྨན་གྱི་སྤང་རི་ལ༔ བདུད་རྩིའི་ཆུ་མིག་ཤིང་སྣ་འབྲུ་ཡི་རིགས༔ ནམ་མཁའ་ས་གཞི་བར་སྣང་འཇའ་གུར་འཁྲིགས༔ མིག་མངས་རིས་དང་དྲྭ་བ་དྲྭ་ཕྱེད་ཚུལ༔ བལྟ་བས་མི་ངོམས་གསལ་འཚེར་ལྷུན་འཐུག་པར༔ གསལ་ཞིང་རང་ལུས་ཧཱུྃ་དཀར་ཞིག་ཏུ་བསྒོམ༔ ཧཱུྃ་ལས་འོད་དཀར་ཟླ་འོད་བཞིན་དུ་འཕྲོས༔ ཕྱི་ནང་མ་དག་སྣོད་བཅུད་ཀུན་ལ་ཁྱབ༔ ཡུལ་འཛིན་འཁྲུལ་པའི་སྣང་བ་དབྱིངས་སུ་ནུབ༔ དགཔ་རབ་འབྱམས་རྒྱལ བའི་ཞིང་དུ་བརླབས༔ དེ་ལྟར་དམིགས་པའི་གནད་དང་མ་བྲལ་བར༔ ཡང་ཡང་སྦྱངས་པས་ཡུལ་ཞེན་རང་གྲོལ་ནས༔ རང་བཞིན་དག་པའི་ཞིང་ཁམས་མངོན་དུ་འགྱུར༔ ས་མ་ཡ༔ གཉིས་པ་ལུས་ཀྱི་སྟོང་ར་སྦྱངས་པ་ནི༔ ཧཱུྃ་ཡིག་གནས་གྱུར་འོད་ཐིག་རྣམ་པར་གྱུར༔ ཐིག་ལེ་བྃ་ཡིག་དམར་པོ་ཆོས་འབྱུང་ཨེས་མཚན་པ༔ དེ་ལས་འོད་འཕྲོས་རྒྱལ་ཀུན་མཆོད་པས་ ག་༔ མཉེས༔ དབང་བྱིན་ནུས་པས་འོད་དམར་རྣམ་པར་བསྡུས༔ བྃ་ཡིག་ལ་ཐིམ་གཟི་བརྗིད་འོད་དུ་འབར༔ འོད་ཟེར་མར་འཕྲོ་འགྲོ་དྲུག་ལས་ཉོན་སྦྱངས༔ སྣོད་བཅུད་དྭངས་མའི་སྙིང་པོ་ཚུར་འདུས་ཐིམ༔ ཡོངས་གྱུར་རང་ཉིད་འོད་ལུས་དྭངས་མའི་སྐུ༔ ཌཱ་ཀྐིའི་གཙོ་མཆོག་མཁའ་སྤྱོད་རྣལ་འབྱོར་མ༔ དམར་གསལ་ཞལ་གཅིག་ཕྱག་གཉིས་སྤྱན་གསུམ པ༔ ཕྱག་གཡས་གྲི་གུག་ཕྱག་གཡོན་བྷནྡྷ་འཛིན༔ དབུ་སྐྲ་གྱེན་བརྫེས་ཐོད་སྐམ་རྩེ་བྲན་མཛེས༔ མཆན་གཡོན་ཁ་ཊཱཾ་ག་ནི་དར་སྣས་བརྒྱན༔ ཞབས་གཉིས་གར་སྟབས་པད་ཉི་བམ་གདན་འགྱིངས༔ སྐུ་ལ་དར་དང་རིན་ཆེན་རུསཔས་སྤྲས༔ ཞི་མ་ཁྲོ་འཛུམ་ཆགས་པའི་ཉམས་ལྡན་པ༔ ཡེ་ཤེས་འཇའ་སྐུ་སྟོང་གསལ་ཆེན་པོར་བསྒོམ༔ དེ་ལྟར་སྒྱུ་མ་ལུས་ཀྱི་སྟོང་ར་ནི༔ དམིགས་གནད་ལྡན་པས་ཡང་ཡང་ཉམས་བླངས་ན༔ མ་དག་སྒྱུ་ལུས་དག་པ་སྐུ་རུ་སྨིན༔ ས་མ་ཡ༔ གསུམ་པ་རྩའི་སྟོང་ར་སྦྱོང་བ་ནི༔ རང་ཉིད་མཁའ་སྤྱོད་དབང་མོའི་སྐུ་དབུས་སུ༔ རྩ་གསུམ་འཁོར་ལོའི་རིམ་པ་འདི་ལྟར་བསྒོམ༔ དབུས་སུ་དབུ་མ་དྲངས་སྲབ་སྣུམ་གསལ་བ༔ ཕྱི་དཀར་ནང་དམར་བར་སྔོ་མདའ་སྨྱུག་ཙམ༔ ཡར་སྣ་སྤྱི་བོར་ཧ་རེར་ཟུག་པ་དང་༔ མར་སྣ་ གསང་བར་ཚིགས་ཀྱིས་འགག་ལྟར་གནས༔ དེ་ཡི་གཡས་སུ་རོ་མ་མདའ་སྨྱུག་ཙམ༔ ཕྱི་དཀར་ནང་དམར་དྲང་སྲབ་སྣུམ་གསལ་འབར༔ གཡོན་དུ་རྐྱང་མ་ཕྱི་དམར་ནང་དཀར་བ༔ གསལ་འཚེར་འོད་འབར་མདའ་སྨྱུག་འབྲིང་པོ་ཙམ༔ རྩ་གསུམ་སྦ་ཕྲན་གཤིབ་ལྟར་ལུས་དབུས་སུ༔ ཀྭ་བ་བཙུག་བཞིན་འགྲེང་ངེར་གནས་པ་ལས༔ སྤྱི་བོ་ཆུ་ཡི་འཁོར་ལོ་རྣམ་པ་ནི༔ རྩ་འདབ་དཀར་གསལ་སྦྲུལ་ཆུན་གཤིབ་པ་ལྟར༔ དྲུག་ཅུ་རྩ་བཞི་དྭངས་གསལ་ཚུལ་དུ་བསྒོམ༔ མགྲིན་པ་མེ་ཡི་འཁོར་ལོ་རྣམ་པ་ནི༔ དམར་གསལ་རྩ་འདབ་སུམ་ཅུ་རྩ་གཉིས་ནི༔ གདུགས་རྩིབས་བཞིན་གྱིས་འབྲེལ་མར་གནས་པར་བསྒོམ༔ སྙིང་གར་ནམ་མཁའི་འཁོར་ལོ་རྣམ་པ་ནི༔ མཐིང་གསལ་འོད་འབར་རྩ་འདབ་ཉི་ཟེར་ལྟར༔ གནས་པ་བརྒྱད་ནི་དྭངས་གསལ་འོད་དུ་བསྒོམ༔ ལྟེ་བར་ས་ཡི་འཁོར་ལོ་རྣམ་པ་ནི༔ སེར་གསལ་རྩ་འདབ་བཅུ་དྲུག་འཁོར་ལོ་རླུང་འཁོར་ལྟར༔ གནས་པ་འོད་ཀྱི་རྩ་རུ་བསྒོམ་པར་བྱ༔ གསང་གནས་རླུང་གི་འཁོར་ལོ་རྣམ་པ་ནི༔ རྩ་འདབ་ཉི་ཤུ་རྩ་བརྒྱད་ལྗང་འོད་གསལ༔ ལྗོན་ཤིང་ལྟར་གྱེས་གོང་མའི་མར་སྣ་འབྲེལ༔ དེ་ལྟར་རྩ་གསུམ་འཁོར་ལོ་ལྔ་བསྒོམས་པས་༔ མ་དག་ལས་རླུང་དག་པ་བཅུད་དང་ གཾ སྨིན༔ ཐབས་མཆོག་ཟབ་མོའི་མྱུར་ལམ་འདི་ཀའོ༔ ས་མ་ཡ༔ དེ་ལྟར་ཕྱི་ནང་སྟོང་ར་སྦྱངས་པའི་མཐར༔ སྣང་རྟོག་ལྷ་ཡི་ཕྱག་རྒྱ་དང་ལྡན་ངང་༔ དྭངས་སྙིགས་འབྱེད་ཐབས་རླུང་གི་མན་ངག་ནི༔ རྣམ་པར་མཛད་ཀྱི་ཆོས་བདུན་འདུག་སྟངས་བཅས༔ དང་པོ་མ་དག་རླུང་དུག་སྦྱོང་བ་ལ༔ དུག་གསུམ་རྒྱུས་བསྐྱེད་ལས་རླུང་ཁ་དོག་ནི༔ ཁམས་ནག་མར་ནག་སྔོ་ནག་དུད་ཁུའི་མདོག༔ གསུམ་པོ་རོ་རྐྱང་ལམ་བརྒྱུད་སྣ་སྒོར་ཐོན༔ ཕྱིར་ཕུད་རྟེན་མེད་ནམ་མཁའི་དབྱིངས་དང་བསྲེས༔ ཚེ་རབས་ནས་བསགས་ལས་སྒྲིབ་བག་ཆགས རྣམས༔ གཅིག་འདུས་དུག་གསུམ་རླུང་དང་དབྱེར་མེད་དུ༔ ཕྱི་རོལ་ནམ་མཁའི་དབྱིངས་སུ་ཐིམ་པར་བསམ༔ དབུགས་ཐེངས་གཅིག་ལ་ཧ་སྒྲ་བཅད་ཐོན་པ༔ གསུམ་བྱས་མ་དག་ལས་རླུང་ཀུན་དག་ནས༔ དྭངས་མའི་རྩ་སྦུབས་སྐྱོན་དང་བྲལ་བར་བསམ༔ ཡང་ཡང་སྦྱངས་པས་ལས་རླུང་འཕེལ་ཟད་ནས༔ དག་པ་ཡེ་རླུང་ལས་སུ་འཆུན་པར་འགྱུར༔ དེ་ནས་མདུན་མཁར་གླན་སོར་བཅུའི་མཚམས་སུ༔ འོད་དཀར་ཀློང་དུ་ཨ་ཀར་དྲི་མ་མེད༔ གསལ་འཚེར་འོད་འབར་གཅིག་བསྒོམ་ཡུན་གཅིག་གནས༔ ཨ་ཡིག་ཡོངས་གྱུར་མདུན་མཁར་པད་ཟླའི་སྟེང་༔ སྐྱབས་ཀུན་ཡོངས་འདུས་དྲིན་ཅན་བླ་མ་དང་༔ དབྱེར་མེད་མཚོ་སྐྱེས་རྡོ་རྗེ་ཧེ་རུ་ཀ༔ དཀར་དམར་མདངས་ལྡན་གཅེར་མོ་རྒྱན་དྲུག་གསོལ༔ ཞལ་གཅིག་ཕྱག་གཉིས་ཅང་ཏེའུ་བྷན་ཐོད་འཛིན༔ དབུ་སྐྲ་ཐོར་ཅོག་ཟར་བུ་སྐུ་རྒྱབ་བཀྲམ༔ སྟག་ཤམས་སྨད་དཀྲིས་དར་ལྗང་དཔྱངས་པས་མཛེས༔ སྤྱན་གཉིས་འབྲུ་ཚུགས་ནམ་མཁའི་དབྱིངས་སུ་གཟིགས༔ ཐུགས་ཀྱི་དགོངས་པ་སྐལ་ལྡན་བུ་ལ་གཏད༔ ཡེ་ཤེས་འཇའ་འོད་ལྔ་ལྡན་འཁྱིལ་ཀློང་དུ༔ ཆུ་ཟླ་འཇའ་ཚོན་ལྟ་བུར་ལམ་མེར་བསྒོམ༔ དེ་ལྟར་གསལ་བའི་བླ་མའི་གནས་གསུམ་ལས༔ བྱིན་རླབ་ཡེ་ཤེས་འདུས་པའི་རླུང་བཅུད་ནི༔ སྤོས་རེང་དུད་པ་བཞིན་བྱུང་རང་ཉིད་ཀྱི༔ སྣ་བུག་ནས་ཞུགས་རོ་རྐྱང་ལམ་བརྒྱུད་ནས༔ ལུས་ནང་ཐམས་ཅད་ཡེ་ཤེས་རླུང་མཆོག་གིས༔ སྔོ་ལྟེམ་གྱིས་གང་བསམ་ཞིང་དར་གཅིག་ཏུ༔ ནང་རླུང་ཅི་ནུས་ཐུབ་ཙམ་བར་དུ་བཟུང་༔ མ་དག་རྩ་རླུང་ཐིག་ལེའི་དྲི་མ་རྣམས༔ ལུས་ཀྱི་བ་སྤུ་གསང་ལམ་རྐང་མཐིལ་ནས༔ ཐོན་ཏེ་འོག་གཞི་རླུང་གི་དཀྱིལ་འཁོར་དུ༔ ཐིམ་པར་བསམ་ཞིང་དྭངས་མ་ལྟེ་འོག་བཅག༔ ནང་རླུང་ཕྱིར་ཕུད་ཚེ་ན་དལ་བུས་བརྩོན༔ དེ་ལྟར་སྦྱངས་པས་ལས་སུ་མ་འཆུན་པར༔ དམིགས་གནད་དང་བཅས་ཡང་ཡང་བསྒོམ་པར་བྱ༔ ག་སླར་ཡང་འབྱིན་འཇུག་བསྐྱིལ་བ་གནད་གསུམ་ལ༔ བརྟེན་ནས་དབང་བྱིན་ཐུགས་རྒྱུད་བསྐུལ་བ་ནི༔ བླ་མའི་སྐུ་གསུང་ཐུགས་ཀྱི་ཡོན་ཏན་དང་༔ དབང་བྱིན་ནུས་པ་ཐམས་ཅད་ཨོཾ་ལ་བསྡུ༔ ཨོཾ་ཡིག་ཡེ་ཤེས་རླུང་གི་རྣམ་པ་རུ༔ རང་གི་སྣ་བུག་ནས་བརྒྱུད་རོ་རྐྱང་ནས༔ དབུ་མའི་ལམ་ཞུགས་ཨཱཿཡི་རྣམ་པར་བསྐྱིལ༔ རྩ་གནས་ཐམས་ཅད་ཡི་གེའི་འཁོར་ལོ་རུ༔ སྨིན་པར་བསམ་ཞིང་རླུང་བཅུད་ལྟེ་འོག་བཅག༔ ལྷག་མ་ཧཱུྃ་གི་རྣམ་པར་ཕྱིར་བསལ་ནས༔ བླ་མའི་སྐུ་གསུང་ཐུགས་དང་རང་སྒོ་གསུམ༔ ཐ་དད་མེད་པར་རོ་གཅིག་འདྲེས་པར་བསམ༔ རླུང་སེམས་དབྱེར་མེད་སྤྲོས་བྲལ་ངང་ཉིད་དུ༔ ངལ་བསོ་སྣོད་བཅུད་དག་མཉམ་ཀློང་དུ་བསྒོམ༔ དེ་ཡིས་སྒོ་གསུམ་ཐ་མལ་མངོན་ཞེན་ལྡོག༔ སྣང་སྲིད་དག་པ་སྐུ་གསུམ་འཁོར་ལོར་རྫོགས༔ ཐིམ་སྡུད་འོད་གསལ་རྟོགས་པ་ངང་གིས་འཆར༔ རྩོལ་བྲལ་ཡེ་ཤེས་རླུང་ལ་རང་དབང་འབྱོར༔ རྩ་ཐིག་རླུང་གི་རྐྱེན་རྣམས་ཀུན་བྲལ་ནས༔ ལྷན་སྐྱེས་ཡེ་ཤེས་མངོན་གྱུར་ཐབས་ཟབ་མོ༔ ལས་རླུང་ཀུན་རྟོག་དབྱིངས་སུ་ཞི་བར་འགྱུར༔ ས་མ་ཡ༔ དེ་ནས་གཏུམ་མོ་རླུང་ལྔ་བསྒོམ་པ་ནི༔ དབུ་མའི་ཡར་སྣེ་སྤྱི་བོར་ཟླ་གདན་ལ༔ ཐབས་ཀྱི་ཆ་འཛིན་ཧཾ་ ཡིག་དཀར་པོ་ནི༔ མགོ་བོ་གྱེན་བསྟན་ཟླ་ལྟར་གསལ་བར་བསྒོམ༔ མར་སྣ་ལྟེ་བར་ཉི་མའི་གདན་ལ་ནི༔ ཤེས་རབ་རྣམ་པ་ཨ་ཤད་དམར་གསལ་བསྒོམ༔ སྙིང་གར་ཡུངས་འབྲུ་ཙམ་གྱི་ཟླ་གདན་སྟེང་༔ ཧཱུྃ་ཡིག་མགོ་ཐུར་བསྟན སྔོན་པོ་བཀྲག་མདངས་འབར་བར་བསྒོམ༔ མགྲིན་པར་ཨོཾ་ཡིག་གྱེན་བསྟན་དམར་པོ་ལ༔ བདེ་བའི་རོ་བཅུད་ལྡན་པ་སྐྱེད་པར་བྱ༔ ས་བོན་དེ་དག་བསྒོམ་གནས་དྷཱུ་ཏིའི་ནང་༔ འཁོར་ལོའི་སོ་སོའི་ཐད་དྲང་རོ་རྐྱང་གཉིས༔ དབུ་མར་མདུད་པ་དཀྲིས་པའི་མཚམས་དབུས་སུ༔ དབུ་མའི་ནང་དུ་རྩ་འཁོར་དབུས་སུ་བསྒོམ༔ སྦྱངས་པའི་ཚད་ནི་རྩ་གསུམ་འཁོར་ལོ་ལྔ༔ ས་བོན་དང་བཅས་དག་གསལ་ཐོན་པ་གནད༔ བག་ཆགས་སྒྲིབ་པའི་དབང་གིས་སྐལ་ཞན་ན༔ རྩ་འདབ་གྲངས་དང་དབྱིབས་མདོག་གསལ་དཀའ་བས༔ གཙོ་བོའི་རྩ་གསུམ་དབུས་ཀྱི་ས་བོན་རྣམས༔ གསལ་ངར་ཐོན་པར་བྱ་བ་གནད་དུ་གཅེས༔ དེ་ནས་རླུང་ལྔའི་རྣམ་དབྱེ་བསྒོམས་པ་ནི༔ སྤྱི་བོར་ཆུ་རླུང་མགྲིན་པར་མེ་ཡི་རླུང་༔ སྙིང་གར་ནམ་མཁའི་རླུང་དང་ལྟེ་བ་རུ༔ རླུང་གི་རླུང་དང་གསང་གནས་ས་ཡི་རླུང་༔ དཀར་དམར་མཐིང་གསལ་ལྗང་སེར་ཁ་དོག་འབར༔ ཟླ་གམ་གྲུ་གསུམ་ཟླུམ་པོ་གཞུ་ཡི་དབྱིབས༔ གྲུ་བཞི་ལ གཾ་༔ སོགས་གོ་རིམ་མ་ནོར་བར༔ དུས་དང་ཁམས་དང་བསྟུན་ཏེ་བརྩོན་པར་བྱ༔ འཁོར་ལོ་ལྔ་ཡིས་ངོ་བོ་ཡེ་ཤེས་རྩ༔ རྣམ་པ་རྩ་འདབ་དགྲངས་སུ་ཤར་བ་ནི༔ སྦྱང་གཞི་མ་དག་སྒོ་གསུམ་དྲི་མ་རྣམས༔ སྦྱོང་བྱེད་རྩ་རླུང་ཐིག་ལེ་གནད་སྨིན་ན༔ སྦྱངས་འབྲས་རྣམ་སྨིན་རིག་འཛིན་ཉེར་ཐོབ་ནས༔ རྩ་དག་རླུང་སྨིན་ཐིག་ལེ་སྐུ་རུ་རྫོགས༔ མྱུར་ལམ་གསང་ཆེན་ལམ་མཆོག་ཐོབ་པར་གྱུར༔ ས་མ་ཡ༔ དེ་ནས་རླུང་བཅུའི་རྣམ་དབྱེ་བསྟན་པ་ནི༔ རྩ་བའི་རླུང་ལྔ་གྱེན་རྒྱུ་ཐུར་སེལ་དང་༔ མེ་མཉམ་སྲོག་འཛིན་ཁྱབ་བྱེད་རྣམ་པ་ལྔ༔ གྱེན་རྒྱུའི་ངོ་བོ་རྣམ་དག་སྣང་མཐའ་ཡས༔ རྣམ་པ་མེ་རླུང་མགྲིན་པར་གནས་པ་ཡིས༔ ཟས་ཀྱིས་རོ་ལེན་བརྗོད་པའི་རྟེན་བྱེད་དོ༔ ཐུར་སེལ་ངོ་བོ་དག་པ་དོན་ཡོད་གྲུབ༔ རྣམ་པ་རླུང་ཁམས་འཛིན་པ་གསང་བར་གནས༔ དྲི་གཤང་འདོར་ཞིང་དྭངས་སྙིགས་འབྱེད་པར་བྱེད༔ མེ་མཉམ་ངོ་བོ་དག་པ་རིན་ཆེན་འབྱུང་༔ རྣམ་པ་ས་རླུང་ལྟེ་བར་གནས་པ་ལ༔ ཟས་ཞུ་རླུང་གིས་དྭངས་སྙིགས འཛིན་པར་བྱེད༔ སྲོག་འཛིན་རྣམ་དག་ངོ་བོ་མི་བསྐྱོདཔ༔ རྣམ་པ་ཆུ་ཁམས་རླུང་སྟེ་སྙིང་གར་གནས༔ དྲན་དང་ཤེས་པའི་རྟེན་བྱེད་ཁྱབ་བྱེད་ནི༔ ངོ་བོ་རྣམ་སྣང་རྣམ་པ་ནམ་མཁའི་རླུང་༔ ནང་གི་ལྷ་ཚིགས་ལ་སོགས་ཀུན་ལ་ཁྱབ༔ ཡན་ལག་འཕེན་སྡུད་འགྲོ་ལྡངས་ལ་སོགས་བྱེད༔ ལམ་དུས་སྲོག་འཛིན་དང་ནི་ཐུར་སེལ་གཉིས༔ རོ་རྐྱང་ལམ་ནས་གཉིས་གཉིས་མཉམ་དུ་རྒྱུ༔ མེ་དང་མཉམ་པ་གཡས་དང་གྱེན་རྒྱུ་གཡོན༔ རོ་རྐྱང་གཉིས་ནས་རེ་རེ་བཞིན་དུ་རྒྱུ༔ དེ་དག་ལས་དགྱེས་ཕྲ་བའི་རླུང་རྣམས་ཀྱི༔ རྩ་བ་ཆོས་ཀྱི་འཁོར་ལོའི་རྩ་རུ་གནས༔ ཕོ་རླུང་གཡས་ནས་སྔ་དྲོའི་དུས་སུ་རྒྱུ༔ མོ་རླུང་གཡོན་ནས་ཕྱི་དྲོ་དགོང་མོར་རྒྱུ༔ མ་ནིང་ཡེ་ཤེས་རླུང་ནི་སྐབས་སྐབས་སུ༔ སྣ་བུག་གཉིས་ནས་མཉམ་དུ་རྒྱུ་བ་ཡིན༔ ཕོ་ལ་གཡས་རླུང་མོ་ལ་གཡོན་གྱི་རླུང་༔ ཆ་མཉམ་རྒྱུ་བ་མ་ནིང་རླུང་ལ་བསླབས༔ དེ་ལྟར་རྩ་བའི་རླུང་ལྔ་གནད་སྨིན་ཚེ༔ ཡན་ལག་རླུང་ལྔ་དེ་ཡི་གྲོགས་སུ་འབྱུང་༔ ཡན་ལག་ལ་ཡང་རྣམ་དབྱེ་འདི་ལྟ་སྟེ༔ རྒྱུ་བ་རྣམ་པར་རྒྱུ་དང་ཡང་དག་རྒྱུ༔ རབ་ཏུ་རྒྱུ་བ་དང་ནི་ངེས་པར་རྒྱུ༔ མེ་ཁམས་ནམ་མཁའི་ཁམས་དང་ས་ཁམས་པ༔ ཆུ་ཁམས་དང་ནི་རླུང་ཁམས་འཛིན་པ་ཡི༔ མཐོང་ཐོས་སྣོམ་བྱེད་མྱོང་དང་ལུས་དབང་གནས༔ རང་རང་སྒོ་ནས་འབྱིན་འཇུག་གཡོ་བར་བྱེད༔ དེ་ལྟར་རླུང་བཅུའི་ཉམས་ལེན་གནད་དྲིལ་ནས༔ ལེ་ལོ་མེད་པར་ཕྱི་ནང་སྟོང་རར་སྦྱངས༔ དེ་ཡི་ནུས་པ་རྩ་རླུང་སྨིན་པའི་ཚེ༔ རླུང་ གཾ་༔ ཞུགས་གནས་དང་ཐིམ་པའི་རྟགས་རྣམས་གསལ༔ ཞུགས་པའི་རྟགས་ནི་འབྱུང་བའི་རླུང་བཅུད་རྣམས༔ མི་མངོན་ཚུལ་དུ་རོ་རྐྱང་ལམ་ནས་རྒྱུ༔ སྣ་བུག་གཉིས་ནས་དབུགས་ཀྱི་རྒྱུ་བ་ནི༔ མི་མངོན་མི་ཚོར་མེ་རླུང་མཉམ་ཉིད་རྒྱུ༔ གནས་པ་ལྟོ་བ་མི་འགུལ་འགྲེང་ངེར་གནས༔ ཐིམ་པ་ཁམས་ལྔའི་རླུང་དག་རྟགས་བཅུ་དང་༔ ཐིག་ལེ་སྟོང་གཟུགས་མ ངེས་སྣ་ཚོགས་འཆར༔ དེ་དག་ལམ་རྟགས་མ་ནོར་ཐོན་པ་ལས༔ རེ་རློམས་འབྲས་བུར་འཆའ་བའི་གནས་མ་ཡིན༔ བརྟགས་དཔྱད་གོམས་འདྲིས་བླ་མའི་མན་ངག་བརྟེན༔ ས་མ་ཡ༔ བཞི་པ་གཏུམ་མོའི་མཐའ་ཁྲིད་མན་ངག་ནི༔ ཐིག་ལེ་བཅུད་དུ་སྨིན་པའི་ཐབས་ཟབ་མོ༔ རང་ཉིད་མཁའ་སྤྱོད་རྣལ་འབྱོར་སྔར་བཞིན་གསལ༔ སྐུ་དབུས་རྩ་གསུམ་འཁོར་ལོ་བདེ་ཆེན་དུ༔ རྡོ་རྗེ་རིགས་ཀྱི་དཔའ་བོ་ཡབ་ཡུམ་གྱི༔ ཐུགས་ཀློང་ཁྲག་འཐུང་ཁྲོ་བོའི་ལྷ་ཚོགས་དང་༔ ལོངས་སྤྱོད་འཁོར་ལོ་པདྨ་དཔའ་བོ་ཡབ་ཡུམ༔ ཐུགས་ཀློང་དགོངས་བརྡསྙན་བརྒྱུད་བླ་མ་སོགས༔ རིག་འཛིན་རྒྱ་མཚོའི་ཚོགས་ཀྱི་བསྐོར་བར་བསྒོམ༔ ཆོས་ཀྱི་འཁོར་ལོ་བུདྡྷ་ཡབ་ཡུམ་གྱི༔ ཐུགས་ཀློང་ཞི་བ་རྡོ་རྗེ་དབྱིངས་ཀྱི་ལྷ༔ མ་འདྲེས་ཆུ་ཟླ་འཇའ་ཚོན་ལྟ་བུར་བསྒོམ༔ སྤྲུལ་པའི་ འཁོར་ལོ་རཏྣ་ཡབ་ཡུམ་གྱི༔ ཐུགས་ཀློང་གནས་གསུམ་དཔའ་བོ་མཁའ་འགྲོའི་ཚོགས༔ ཏིལ་གོང་འཕྱུར་བཞིན་མངོན་འཛིན་བྲལ་བར་གསལ༔ བདེ་སྐྱོང་འཁོར་ལོ་ཀརྨ་དཔའ་བོ་ཡབ་ཡུམ༔ ཐུགས་ཀློང་འཇིགས་འདས་དམ་ཅན་ཚོགས་རྣམས་བསྒོམ༔ ཡན་ལག་སྒོ་སྐྱོང་བ་སྤུའི་བུ་ག་ཀུན༔ གནས་ཡུལ་དུར་ཁྲོད་ཞིང་སྐྱོང་ཌཱ་ཀིའི་ཚོགས༔ གསལ་ལ་མ་འདྲེས་ཡོངས་རྫོགས་ཆེན་པོར་བསྒོམ༔ དབུ་མ་འཁོར་ལོ་ལྔ་ཡི་སྲོག་ཤིང་ལྟར༔ གནས་པའི་སྤྱི་བོར་ཟླ་གདན་ཧཾ་ཡིག་བསྒོམ༔ མར་སྣ་ལྟེ་བར་ཉི་མའི་གདན་ལ་ནི༔ ཨ་ཤད་རེག་བྱ་ཚ་བ་ངོ་བོ་བདེ༔ རྣམ་པ་མེ་ལ་བྱེད་ལས་ཁམས་ཞུ་བ༔ རྩ་བ་བརྟན་པ་རྩེ་མོ་རྣོ་བར་བསྒོམ༔ རོ་རྐྱང་གཉིས་ནི་དབུ་མའི་གཡས་གཡོན་ནས༔ འཁོར་ལོ་ལྔ་ལ་འཁྱུད་པའི་ཚུལ་གྱིས་ནི༔ ཡར་སོང་ཀླད་པའི་སྟེང་ནས་ཚུར བྱུང་སྟེ༔ སྨིན་མཚམས་ནས་བརྒྱུད་སྣ་བུག་གཉིས་ལ་ཟུག༔ མར་སྣ་ལྟེ་འོག་གཉེར་མོ་ཆེ་ཐད་ནས༔ གོང་མའི་ནང་དུ་ཚུད་ལ་ཁད་པ་ནི༔ སྦྱངས་པ་ལམ་གྱི་སྟོབས་ཀྱིས་མཐར་ཚུད་ངེས༔ དེ་ནས་སྔར་ལྟར་རླུང་དུག་བསལ་བྱས་ནས༔ ཡེ་ཤེས་རླུང་ལྔ་སྣ་བུག་གཉིས་ནས་དྲངས༔ རོ་རྐྱང་ལམ་བརྒྱུད་ལྟེ་བའི་རླུང་ལ་ཕོག༔ དེས་བསྐུལ་ཨ་ཤད་རྩེ་ལས་ཡེ་ཤེས་མེ༔ མར་མཆེད་ གད་༔ གསང་གནས་རྩ་འཁོར་ཐམས་ཅད་ཁྱབ༔ ཉོན་མོངས་ཕྲག་དོག་རྒྱུ་དང་བག་ཆགས་རྣམས༔ ལྷག་མེད་བཙན་ཐབས་ཉིད་དུ་བསྲེགས་པར་བསམ༔ ལྟེ་བར་ཁྱབ་པས་ང་རྒྱལ་རྒྱུ་བག་ཆགས༔ ལྷག་མེད་ཡེ་ཤེས་མེ་ཡིས་བསྲེགས་པར་བསམ༔ སྙིང་གར་ཁྱབ་པས་གཏི་མུག་སྒྲིབ་པ་བཅོམ༔ རྒྱུ་དང་བག་ཆགས་ས་བོན་ལྷག་མེད་བསྲེགས༔ མགྲིན་པར་ཁྱབ་པས་འདོད་ཆགས་སྒྲིབ་པ་དང་༔ རྒྱུ་དང་བག་ཆགས་མ་ལུས་བསྲེགས་པར་བསམ༔ སྤྱི་བོར་ཁྱབ་པས་ཞེ་སྡང་བག་ཆགས་རྒྱུ༔ སྒྲིབ་པ་ལས་ཉོན་དང་བཅས་ལྷག་མེད་དུ༔ བསྲེག་པར་བསམ་ཞིང་མེ་དང་ཧཾ་ཡིག་གཉིས༔ རེག་པ་འཕྲོད་པས་ཧཾ་ལས་བདུད་རྩིའི་འོད༔ བདེ་སྟོང་རོ་ལྡན་རྒྱལ་བའི་ཞིང་ཀུན་ཁྱབ༔ བདེ་གཤེགས་དགྱེས་བསྐང་མཆོག་ཐུན་ཡོན་ཏན་ཀུན༔ འོད་དཀར་རྣམ་པར་བྱུང་ནས་ཧཾ་ལ་ཐིམ༔ ཧཾ་ཡིག་གཟི་བརྗིད་རབ་འབར་བདུད་རྩིའི་རྒྱུན༔ བབས་པས་བདེ་ཆེན་འཁོར་ལོའི་རྟེན་བརྟེན་པ༔ བདེ་སྟོང་རོས་མཉེས་ཚོགས་རྫོགས་སྒྲིབ་པ་སྦྱངས༔ བུམ་པའི་དབང་ཐོབ་དགའ་བའི་ཡེ་ཤེས་སྐྱེས༔ མེ་ལོང་ལྟ་བུའི་ཡེ་ཤེས་མངོན་གྱུར་བསམ༔ མེ་དང་བདུད་རྩིའི་བྲོས་དེད་ཚུལ་དུ་ནི༔ མགྲིན་པར་ཁྱབ་པས་ལོངས་སྤྱོད་འཁོར་ལོ་ ཡི༔ ལྷ་ཚོགས་ཐམས་ཅད་བདེ་སྟོང་བདུད་རྩིས་མཉེས༔ རང་གཞན་ཚོགས་རྫོགས་སྒྲིབ་པ་ཀུན་དག་ནས༔ གསང་དབང་ཐོབ་ཅིང་མཆོག་དགའ་རྒྱུད་ལ་སྐྱེས༔ སོ་སོར་རྟོགས་པའི་ཡེ་ཤེས་མངོན་གྱུར་བསམ༔ བདུད་རྩི་འོ་རྒྱུན་ལྟ་བུར་སྙིང་གར་ཁྱབ༔ ལྷ་ཚོགས་དགྱེས་ཚིམ་བདེ་སྟོང་ཡེ་ཤེས་འབར༔ བདག་གཞན་ཚོགས་རྫོགས་རྩ་རླུང་སྒྲིབ་པ་སྦྱངས༔ ཤེར་དབང་ཐོབ་ཅིང་ཁྱད་དགའ་རྒྱུད་ལ་སྐྱེས༔ ཆོས་དབྱིངས་ཡེ་ཤེས་ཆེན་པོའི་དོན་རྫོགས་བསམ༔ བདུད་རྩི་མར་བབས་ལྟེ་བར་ཁྱབ་ཅིང་སྤེལ༔ སྤྲུལ་པའི་འཁོར་ལོའི་རྟེན་དང་རྟེན་པར་བཅས༔ བདེ་སྟོང་རོས་མཉེས་ཚོགས་གཉིས་རབ་རྫོགས་ནས༔ ཚིག་དབང་ཐོབ་ཅིང་ལྷན་དགའ་རྒྱུད་ལ་སྐྱེས༔ མཉམ་པ་ཉིད་ཀྱི་ཡེ་ཤེས་མངོན་གྱུར་བསམ༔ བདུད་རྩི་གསང་བར་བབས་ནས་ཁྱབ་པ་ཡིས༔ དེར་བརྟེན་ལྷ་ཚོགས་བདེ་སྟོང་