Tibetan
འདུལ་ཁྲིམས་ཉམས་ནས་སྐྱ་ཆས་བྱེད༔ ཆོས་བརྒྱད་མདུན་བསུ་དཀར་པོའི་དགེ་ཆོས་བོར༔ མི་རྣམས་ཀུན་ཀྱང་ཤེས་རྒྱུདརྒྱ་འདྲེས་བརླམས༔ རང་གཞན་ཕུང་བྱེད་མི་དགེ་སྣ་ཚོགས་བསགས༔ ནང་འཁྲུག་འཐབ་རྩོད་སྡུག་བསྔལ་རིན་གྱིས་ཉོ༔ ཆོས་སྒྲུབ་སྨད་ཅིང་བདུད་སྤྲུལ་སྐྱབས་སུ་བརྟེན༔ ཆ་ལུགས་མ་ངེས་དུས་ངན་རང་རྟགས་ངོམས༔ ཆོས་བཞིན་སྤྱོད་པ་ཉིན་མོའི་སྐར་ཙམ་འབྱུང་༔ སྤྱོད་ངན་རང་གིས་བསྒྲུབ་ཅིང་དུས་ངན་ཟེར༔ དུས་ནི་མི་འགྱུར་མི་རྣམས་འགྱུར་བའི་ཚེ༔ བོད་འབངས་མཚོ་རྒྱལ་བདག་གིས་མ་སྐྱོབ་ན༔ བོད་འདི་སེང་ཁོག་སྲིན་བུས་གཡེངས་དང་མཚུངས༔ དེ་ཕྱིར་ཁོ་མོའི་ཐུགས་སྒྲུབ་སྙིང་པོ་འདི༔ ང་སྤྲུལ་ང་དང་གཉིས་མེད་ཐུགས་ཀྱི་མིང་༔ དམན་པའི་ཚུལ་འཛིན་དབང་རིགས་བྱང་སེམས་ལྡན༔ དེར་འཕྲད་ཡུལ་གསུམ་བསྟན་པའི་སྒྲོན་མེ་གསལ༔ ཨ་ཙཪྻ་དང་ དཔལ་གཡང་ཟུང་ལྡན་སྤྲུལ༔ མི་འགྱུར་རྡོ་རྗེ་གསང་བའི་གཏེར་སྒོ་འབྱེད༔ ཆོས་ཀྱི་བདག་པོ་དྷརྨ་ཀིརྟི་དང་༔ བིདྱ་བཛྲ་པྲ་བ་མ་ཏི་ཤྲཱི༔ ཤི་ཏྲ་ཛྙཱ་ན་ཛ་ཡ་ཀརྨ་སོགས༔ རིམ་འཕྲད་ཆོས་འདི་ཤར་དང་ལྷོ་ནས་དར༔ དུ་རུ་ཀ་ཡི་བསྟན་པ་རེ་ཞིག་ཉམས༔ གཏེར་གཉིས་འཕྲད་པས་རྒྱ་བོད་མུན་པ་སེལ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ བཀའ་སྲུང་མཆེད་གསུམ་གནོད་སྦྱིན་ཚོགས་ལ་གཏད༔ དམ་ཉམས་ལག་ཏུ་མ་ཤོར་ཐུབ པར་སྲུངས༔ གཏེར་བདག་ཌཱ་ཀིའི་ཚོགས་ཀྱིས་གཉེར་མཛོད་ཅིག༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ༔ ཞེས་པ་འདི་ཡང་བླ་མ་མཁའ་འགྲོའི་ཚོགས་ཀྱི་རྡོ་རྗེའི་ཞལ་ལུང་དུ་མར་གྲོགས་སུ་བསྔགས་པ་སྤྲུལ་པའི་གཏེར་ཆེན་རིན་པོ་ཆེ་གསང་བདག་མི་འགྱུར་རྡོ་རྗེའི་ཞལ་སྔ་ནས་དྲི་བྲལ་ཀ་ཤིའི་མདང་འཛིན་གྱི་ལྷ་རེག་སྲིད་དུ་རིང་བ་དང་རྟེན་འབྲེལ་ཕུན་སུམ་ཚོགས་པའི་དངོས་རྫས་དུ་མ་དང་བཅས་བཀའ་གསུངས་སྤྱི་བོར་ཕེབས་པ་ལྡོག་ཏུ་མ་ནུས་པར་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ།།དགེའོ།། །། TI1396 - 304 དཿ ཆོས་ཉིད་མཁའ་འགྲོའི་ཐུགས་ཏིག་ལས༔ རིག་འཛིན་མཁའ་འགྲོའི་སྤྱི་བསྐང་ཉམས་ཆག་རང་གྲོལ་དངོས་གྲུབ་ཆར་འབེབས་བཞུགས༔ ན་མོ་གུ་རུ་པདྨ་ཀཱ་ར་ཡེ༔ སྔོན་སྨོན་ལས་འཕྲོ་དུས་འཛོམས་པའི༔ སྐལ་བཟང་སྐྱེས་བུ་མི་མཆོག་རྣམས༔ ཡེ་ཤེས་མཁའ་འགྲོའི་དཀྱིལ་འཁོར་ལ༔ བརྟེན་ནས་ཉམས་ཆག་བསྐང་བ་དང་༔ རིམ་གཉིས་དངོས་གྲུབ་ཐོབ་པའི་ཐབས༔ སྤྱི་བསྐང་དངོས་གྲུབ་ཆར་འབེབས་བསྟན༔ ས་མ་ཡ༔ དང་པོ་བྱིན་གྱིས་བརླབས་པ་ནི༔ ཨོཾ་ཨཱཿཧཱུྃ༔ སྣང་སྲིད་སྣོད་བཅུད་རང་བྱུང་ཕྱི་ཡི་ཚོགས༔ འབྱོར་ཚོགས་འདོད་ཡོན་ལོངས་སྤྱོད་ནང་གི་ཚོགས༔ མཉམ་སྦྱོར་ཟག་མེད་བདེ་ཆེན་གསང་བའི་ཚོགས༔ མི་ཟད་ནམ་མཁའ་མཛོད་ཀྱི་འཁོར་ལོར་སྤེལ༔ སྐུ་གསུམ་ཞིང་ཁམས་རྒྱ་མཚོ་ཁྱབ་པ་ཡི༔ བླ་མེད་ཀུན་བཟང་མཆོད་པའི་སྤྲིན་དུ་གྱུར༔ ནམ་མཁའ་མཛོད་སྔགས་ལན་བདུན་གྱིས་བརླབས༔ དེ་ནས་བསྐང་བ་དངོས་ནི༔ ཧཱུྃ་ཧྲཱིཿ མ་སྐྱེས་རྣམ་དག་ཆོས་དབྱིངས་ཞིང་ཁམས་ནས༔ དགོངས་བརྒྱུད་རིག་འཛིན་བླ་མའི་ཐུགས་དམ་བསྐང་༔ ངེས་པ་ལྔ་ལྡན་ལྷུན་གྲུབ་གཞལ་ཡས་ནས༔ བརྡ་བརྒྱུད་རིག་འཛིན་བླ་མའི༴ མི་མཇེད་འཇིག་རྟེན་དག་པའི་ཞིང་ཁམས་ནས༔ སྙན་བརྒྱུད་རིག་འཛིན སྤྱི་གཙུག་ཉི་ཟླ་པདྨའི་གདན་སྟེང་ནས༔ དྲིན་ཅན་རྩ་བའི་བླ་མའི༴ དབང་དང་དངོས་གྲུབ་གདམས་པའི་ཀློང་མཛོད་ནས༔ བཀའ་བརྒྱུད་རིག་འཛིན་བླ་མའི: མཆོག་ཐུན་དངོས་གྲུབ་མ་ལུས་འབྱུང་བའི་གནས༔ ཡི་དམ་རྒྱུད་སྡེ་བཞི་དྲུག་ཐུགས་དམ་བསྐང་བའི་དམ་རྫས་ནི༔ ལྟ་བ་མཐའ་བྲལ་ཡངས་པས་བསྐང་༔ སྒོམ་པ་ཟང་ཐལ་ཆེན་པོས་བསྐང་༔ སྤྱོད་པ་སྤང་བླངས་བྲལ་བས་བསྐང་༔ འབྲས་བུ་ཡེ་གྲོལ་ཆེན་པོས་བསྐང་༔ མཉམ་ཉིད་མཉམ་རྫོགས་ཀློང་དུ་བསྐང་༔ བསྐང་གྱུར་དབང་དང་དངོས་གྲུབ་སྩོལ༔ ཧཱུྃ་ཧྲཱིཿ དཀྱིལ་འཁོར་གཙོ་མཆོག་ཁྱབ་བདག་ཀུན་བཟང་མོ༔ ཆོས་སྐུའི་མཁའ་འགྲོའི་ལྷ་ཚོགས་ཐུགས་དམ་བསྐང་༔ ལྷུན་གྲུབ་ལོངས་སྤྱོད་རྫོགས་མཛད་རྣལ་འབྱོར་མ༔ ལོངས་སྐུའི་མཁའ་འགྲོའི་ལྷ་ཚོགས གནས་གསུམ་དཔའ་བོ་མཁའ་འགྲོའི་སྤྱི་རྗེ་མོ༔ རྒྱལ་ཡུམ་ཡེ་ཤེས་མཚོ་རྒྱལ་བརྒྱུད་གསུམ་ཆུ་བོ་གཅིག་འདྲེས་པདྨ་འབྱུང་༔ རིགས་བདག་མཚོ་སྐྱེས་རྡོ་རྗེའི༴ སྐུ་གསུང་ཐུགས་ཡོན་ཕྲིན་ལས་རྫོགས་པའི་དཔལ༔ གུ་རུ་ཐོད་ཕྲེང་སྡེ་ལྔའི་ཡེ་ཤེས་ལྔའི་སྒྱུ་འཕྲུལ་ཕྱག་རྒྱའི་གར༔ དབྱིངས་ཀྱི་ཡུམ་ཆེན་ལྔ་ཡི་༴ གང་འདུལ་ཐབས་ཀྱི་མཛད་པ་སྣ་ཚོགས་སྟོན༔ འབུམ་ཕྲག་ཡངས་པའི་མཁའ་འགྲོའི༴ ཚད་མེད་བཞི་ཡིས་འགྲོ་རྣམས་བདེ་ལ དཿ སྦྱོར༔ སྒོ་སྐྱོང་ཌཱ་ཀྐིའི་སྡེ་བཞིའི: བཀའ་དང་དམ་ཚིག་གཉན་པོས་བསྡུས་པ་ཡི༔ གནས་ཡུལ་ཞིང་སྐྱོང་དམ་ཅན༴ ཐུགས་དམ་བསྐང་བའི་དམ་རྫས་ནི༔ ཕྱི་མཆོད་ཡིད་འོང་རྣམ་ལྔས་བསྐང་༔ ནང་མཆོད་འདོད་ཡོན་དྲུག་གིས་བསྐང༔ གསང་མཆོད་སྨན་གཏོར་རཀྟས ཡང་གསང་སྦྱོར་སྒྲོལ་མཆོད་པས་དགའ་བཞི་བདེ་ཆེན་རོལ་པས༔ ཐུགས་དམ་དགྱེས་བསྐང་དངོས་གྲུབ་སྩོལ༔ གཞན་ཡང་ལྷ་མིའི་འདོད་ཡོན་དཔལ༔ ཟག་མེད་བདེ་ཆེན་བསྐྱེད་པའི་རྫས༔ ཛ་གད་སྐྱེམས་དང་མཱཾ་ས་ཏ༔ འབྱོར་ཚོགས་ལོངས་སྤྱོད་ཚོགས་ཀྱིས༔ བཟའ་བཅའ་བཏུང་སོགས་བལྡག་གཞིབ་ཟས༔ དཀར་གསུམ་མངར་གསུམ་རོ་མཆོག་དང་༔ བཀྲ་ཤིས་རྫས་རྟགས་རྒྱལ་སྲིད་བདུན༔ དངོས་ཡིད་ཏིང་འཛིན་དག་པའི་རྫས༔ བསྐང་བའི་མཆོད་པ་བླ་ན་མེད༔ དཀྱིལ་འཁོར་ལྷ་ཚོགས་ཐུགས་དམ་བསྐང་༔ བསྐང་གྱུར་དབང་དང་དངོས་གྲུབ་སྩོལ༔ ཧོཿ ཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལ༔ བདག་ཅག་མ་རིག་ཉོན་ཤེས་སྒྲིབ་དབང་གིས༔ དོན་དམ་སྤྲོས་བྲལ་ཆོས་སྐུའི་ཞལ་མ་མཐོང་༔ སྐུ་གསུམ་མཁའ་འགྲོའི་ཀློང་དུ་བཟོད་པར་གསོལ༔ སེམས་ཀྱི་རང་བཞིན་ཡེ་ནས་སྟོང་པ་ཆེ༔ མཐའ་བྲལ་ལྟ་བ་ཀློང་ཆེན་ཡངས་པའི་མཁའ༔ མ་རིག་དབང་གིས་སྟོང་ཉིད་དོན་མ་རྟོགས༔ སངས་རྒྱས་མཁའ་འགྲོའི་ཐུགས་དང་གང་འགལ་བ༔ སྤྲུལ་པ་མཁའ་འགྲོའི་ཚོགས་ལ་བཟོད་པར་གསོལ༔ མི་འགྱུར་མི་འགགས་རང་གསལ་དགོངས་པའི་བབས༔ རིག་སྟོང་བརྗོད་བྲལ་བློ་འདས་འོད་གསལ་ངང་༔ མ་རིག་དབང་གིས་གཉུག་མའི་དོན་མ་རྟོགས༔ རྡོ་རྗེ་མཁའ་འགྲོའི་ཐུགས་དང་གང་འགལ་བ༔ སྤྲུལ་པ་འཁའ་འགྲོའིཿ རང་བྱུང་རང་ཤར་ཡེ་གྲོལ་ཆོས་ཉིད་ཀློང་༔ བླང་དོར་རིས་མེད་ཀུན་བཟང་ཆོས་ཀྱི་དབྱིངས༔ གནས་ལུགས་དོན་གྱི་སྤྱོད་པའི་གནས་ཚུལ་རྣམས༔ མ་རིག་དབང་གིས་གཉིས་འཛིན་འཁྲུལ་པས་སྒྲིབ༔ རིན་ཆེན་མཁའ་འགྲོའི་ཐུགསཿ སྤྲུལ་པ་མཁའ་འགྲོའི་འཁོར་འདས་གཉིས་མེད་རིག་པ་བྱང་ཆུབ་སེམས༔ སྐུ་དང་ཡེ་ཤེས་ཡོན་ཏན་ལྷུན་གྱིས་གྲུབ༔ སྐུ་གསུམ་རིག་པ་གཞིར་རྫོགས་འབྲས་བུའི་དོན༔ མ་རིག་དབང་གིས་ཇི་བཞིན་དོན་མ་རྟོགས༔ པདྨ་མཁའ་འགྲོའིཐུགས༴ སྤྲུལ་པ་མཁའ་འགྲོའི༴ དགགྲོལ་གཉིས་ལྡན་འགྱུར་མེད་ཆོས་སྐུའི་དབྱིངས༔ སྐུ་ལྔ་གསུང་ལྔ་ཐུགས་ལྔ་ཡོན་ཏན་ལྔ༔ ཕྲིན་ལས་ལྔ་སོགས་ཡེ་ཤེས་ལྷུན་གྲུབ་དབྱིངས༔ མ་རིག་དབང་གིས་གཞན་བཟུང་ ཧོཿ ནོངས་པ་ཀུན༔ ལས་ཀྱི་མཁའ་འགྲོའི་ཐུགས སྤྲུལ་པ་མཁའ་འགྲོའི༔ གཞན་ཡང་སྒོ་གསུམ་བག་མེད་འཁྲུལ་དབང་གིས༔ སོ་ཐར་བྱང་སེམས་གསང་སྔགས་གཉན་པོ་ཡི༔ སྡོམ་དང་སླབ་པ་དམ་ཚིག་ལ་སོགས་པ༔ འགལ་ཞིང་ཉམས་པ་ཐམས་ཅད་མཐོལ་ལོ་བཤགས༔ མི་འཆབ་མི་སྦེད་སླན་ཆད་སྡོམ་པར་བགྱི༔ ལེགས་ཉེས་སྟངས་འཛིན་དམ་ཚིག་རྗེས་གཅོད་པའི༔ སྤྲུལ་པ་མཁའ་འགྲོའི་ཐུགས་དང་འགལ་བ་གང་༔ རབ་གནོངས་འགྱོད་པའི་སེམས་ཀྱིས་མཐོལ་ལོ་བཤགས༔ མི་སྒྲིབ་ཚངས་པ་མཆོག་གི་དངོས་གྲུབ་སྩོལ༔ ཨོ་བཛྲ་སཏྭ་ས་མ་ཡ༴ སོགས། ཨཱཿ འདིར་བརྩོན་སྐྱེས་བུ་གང་སུ་དག༔ ཉམས་ཆགས་ཀུན་སྦྱང་སོར་ཆུདནས༔ ཚེ་འདིའི་རྐྱེན་ཞི་ཉམས་རྟོགས་འཕེལ༔ དགོངས་པ་མི་འགྱུར་གནད་རྟོགས་ནས༔ རིམ་གཉིས་དངོས་གྲུབ་འབད་མེད་ཐོབ༔ ཚེ་འདིར་རིག་འཛིན་མཁའ་འགྲོ་ཡིས༔ རྗེས་བཟུང་དོན་གཉིས་འབྱུང་བར་ངེས༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏེར་རྒྱ༔ སྦས་རྒྱ༔ བརྡ་ཐིམ༔ ༔ ཞེས་པ་འདི་ཡང་གཏེར་གྲོགས་མི་འགྱུར་རྡོ་རྗེས་བཀའ་བསྐུལ་མི་ལྡོག་ཙམ་དུ་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ།། དགེའོ།། །། U.UEl TI1396-310 氫 ཟུར་ ལ་△་དཿ དཔལ་རྡོ་རྗེཕག་མོ་ལ་ཕྱག་འཚལ་ལོ༔ གང་གི་རང་བཞིན་སྐྱེ་འགགས་སྤྲོས་དང་བྲལ༔ ལྷུན་གྲུབ་སྐུ་དང་ཡེ་ཤེས་འདུ་བྲལ་མེད༔ ཐུགས་རྗེའི་མཛད་པ་སྒྱུ་འཕྲུལ་དཀྱིལ་འཁོར་གྱི༔ མངོན་གྱུར་ལམ་མཆོག་མྱུར་ལམ་འདི་རུ་བསྟན༔ སྐལ་བཟང་ལས་འཕྲོ་ལྡན་པའི་དཔལ་དུ་ཤོག༔ ས་མ་ཡ༔ རང་རིག་སེམས་ཀྱི་རྡོ་རྗེ་ཡེ་ནས་ཆོས་ཀྱི་སྐུ་འགྱུར་བ་མེད་པ་རྣམ་ཀུན་མཆོག་ལྡན་དོན་དམ་པ་དེ་བཞིན་ཉིད་དུ་ཡེ་སངས་རྒྱས་པའི་བདག་ཉིད་ཡིན་པར་རྟོགས་པ་བདག་དོན་ཆོས་སྐུར་སྣང་བའི་ཞེན་པ་དང་༔ སྐད་ཅིག་གིས་རང་ལུས་འོད་ཀྱི་གོང་བུ་ཕྱི་ནང་སྒྲིབ་མེད་གསལ་བའི་རྩ་གསུམ་དྷཱུ་ཏིའི་དབུས་སུ་ཙིཏྟ་རིན་པོ་ z@Y? རྒྱོ༹ཾཿ ཆེའི་གཞལ་ཡས་ཁང་མཚན་ཉིད་རབ་ཏུ་རྫོགས་པའི་ཀློང་དུ༔ རྒྱུ་དུས་སུ་འབྱུང་ལྔ་དང་འབྱུང་ལྔའི་བཅུད་དྭངས་མ་ལྔས་སྲོག་གི་རྟ བྱེད༔ ལམ་དུས་སུ་འོད་ལྔའི་ཐིག་ལེ་ཕྱི་ནང་གསལ་སྒྲིབ་དང་བྲལ་བའི་དབུས་སུ༔ ཆོས་ཉིད་དག་པའི་ཡེ་གདངས་འགགས་པ་མེད་པར་རང་བྱུང་གི་ཡེ་ཤེས་དེ་ཀ་རྣམ་ཀུན་མཆོག་ལྡན་རྡོ་རྗེ་ཕག་མོ་དམར་གསལ་གྲི་ཐོད་འཛིན་པ་དར་དང་རིན་པོ་ཆེ་དང་རུས་པའི་རྒྱན་དྲུག་གིས་སྤྲས་པ༔ མེ་ལོང་དང་དྲིལ་གཡེར་ལ་སོགས་པ་མཁའ་འགྲོའི་རྒྱན་ཡོངས་སུ་རྫོགས་པ༔ ཡབ་ཧེ་རུ་ཀ་སྦས་ཚུལ་རྩེ་གསུམ་མཆན་དུ་བརྟེན་པ༔ པད་ཉི་བམ་གྱི་གདན་ལ་གར་སྟབས་སུ་འགྱིང་ཞིང་ཡེ་ཤེས་ཀྱི་ མེ་དཔུང་འབར་བའི་ཀློང་དུ་བཞུགས་པར་བསྒོམ༔ སྙིང་པདྨ་འདབ་བཞིའི་དབུས་སུ་རྩ་འདབ་བརྒྱད་ཡོད་པ་ལ༔ ཤར་དུ་ཆུའི་རྩ་འདབ་དཀར་པོ་གཅིག༔ ལྷོ་རུ་སའི་རྩ་འདབ་སེར་པོ་རྩ་གཉིས༔ ནུབ་ཏུ་མེའི་རྩ་འདབ་དམར་པོ་རྩ་ལྔ༔ བྱང་དུ་རླུང་གི་རྩ་འདབ་ལྗང་སྐྱ་རྩ་གཉིས༔ རྒྱུ་དུས་སུ་ཤར་དུ་ཆོས་ཉིད་ཀྱི་རྩ༔ ལྷོ་རུ་ཡེ་ཤེས་ཀྱི་རྩ༔ ནུབ་ཏུ་རང་རྒྱུད་ཀྱི་རྩ༔ བྱང་དུ་ཡོན་ཏན་གྱི་རྩ༔ ལམ་དུས་སུ་ཤར་དུ་ཀུན་གཞི༔ ལྷོ་རུ་ཀུན་གཞི་རྣམ་ཤེས༔ ནུབ་ཏུ་སྒོ་ལྔའི་རྣམ་ཤེས༔ བྱང་དུ་ཉོན་ཤེས༔ དག་པའི་གནས་སྐབས་སུ་ཤར་དུ་ཀ་ཏི་གསེར་གྱི་རྩ་ཆེན༔ ལྷོར་ཤེལ་སྦུག༔ ནུབ་ཏུ་དར་དཀར་རྣལ་མ་དངཕྲ་ལ་འཁྲིལ་མ༔ བྱང་དུ་སྟོང་པ་རང་གྲོལ་རྣམས་ཀྱིས་ཡེ་ཤེས་ཀྱི་འཆར་ནུབ་བྱེད་པའོ༔ ཤར་དུ་རྡོ་རྗེ་མཁའ་འགྲོ་འཁོར་ཐམས་ཅད་ཀྱི་ཞལ་གཙོ་མོ་ལ་ཕྱོགས་པ དཀར་གསལ་རུས་པའི་རྒྱན་དྲུག་དང་དར་དང་རིན་པོ་ཆེས་སྤྲས་པ༔ ཕྱག་གཡས་རྡོ་རྗེ་མཚན་པའི་གྲི་གུག་དང་གཡོན་བྷན་ཁྲག་འཛིན་པ༔ སྤྱི་བོར་ཕག་ཞལ་དཀར་པོས་མཛེས་པ༔ ཡེ་ཤེས་འོད་ལྔ་འཁྱིལ་བའི་ཀློང་དུ་རང་རང་རིགས་ཀྱི་མཁའ་འགྲོ་བྱེ་བས་བསྐོར་བར་བསྒོམ༔ ལྷོ་རུ་རིན་ཆེན་མཁའ་འགྲོ ཕྱག་མཚན་རིན་ཆེན་པདྨ་རྒྱ་གྲམ་དང་ཕག་ཞལ་སེར་དམར་ལྗང་བ་མ་ ཧོ༔ གཏོགས་རྒྱན་རྣམས་རྡོ་རྗེ་མཁའ་འགྲོ་དང་གཅིག་གོ་མཆན༔ ནུབ་ཏུ་པདྨ་མཁའ་འགྲོ༔ བྱང་དུ་ལས་ཀྱི་མཁའ་འགྲོ་རང་རང་རིགས་ཀྱི་མཁའ་འགྲོ་བྱེ་བས་བསྐོར་བར་བསྒོམ༔ གཞན་ཡང་གྲངས་ཅན་གྲངས་མེད་ཀྱི་རྩ་གནས་ཐམས་ཅད་གདན་གསུམ་ཚང་བའི་དཀྱིལ་འཁོར་མ་ལུས་ཤིང་ལུས་པ་མེད་པ་ཐམས་ཅད་གདོད་ནས་རྣམ་དག་སྐུ་གསུམ་འདུ་འབྲལ་མེད་པ་མཁའ་མཉམ་ཀློང་གི་དཀྱིལ་འཁོར་དུ་སྣང་ལ་རང་བཞིན་མེད་པ་གསལ་ལ་དེར་འཛིན་དང་བྲལ་བ་མཁའ་ལ་འཇའ་ཚོན་བཀྲ་བ་བཞིན་དུ་བསྒོམས་པས་གཞན་དོན་ཐུགས་རྗེའི་སྒྱུ་འཕྲུལ་གྱིས་སྟོང་པར་འཛིན་པའི་ཡུལ་དག་ནས་ཟུང་འཇུག་དག་པ་གཉིས་ལྡན་ཆོས་ཀྱི་སྐུ་མངོན་སུམ་དུ་འགྲུབ་པར་བྱེད་པའོ༔ དེའི་གདངས་ལས་བརྗོད་མེད་རང་གསལ་སྔགས་ཀྱི་འཕྲོ་འདུ་བཞི་ལྡན་རླུང་སྦྱོར་བ་བཞི་ལྡན གྱི་རླུང་ལ་བརྟེན་ནས་འབྱིན་འཇུག་སྔགས་ཀྱི་འཁོར་ལོ་ནི༔ གཙོ་མོའི་ཐུགས་ཀར་པདྨ་དམར་པོ་འདབ་བཞིའི་དབུས་སུ་མཿདམར་པོ༔ ཤར་དུ་ཧཿདཀར་པོ༔ ལྷོ་རུ་རིཿསེར་པོ༔ ནུབ་ཏུ་ནིཿ དམར་པོ༔ བྱང་དུ་སཿལྗང་གུ་རྣམས་ལུ་གུ་བརྒྱུད་དུ་འཁོར་བ་ལས་འོད་ཟེར་འཕྲོ་འདུས་དོན་གཉིས་བྱས་ཏེ་ཚུར་འདུས་པ་ལས་སྣང་སྲིད་འཁོར་འདས་ཐམས་ཅད་དག་པ་རབ་འབྱམས་ཆེན་པོ་རྒྱལ་བའི་ དཀྱིལ་འཁོར་དུ་མངོན་པར་སངས་རྒྱས་པར་བསམ་པས་སྣང་གྲགས་རིག་པ་འོད་གསལ་ཆོས་ཉིད་ཀྱི་རོལ་པར་རྫོགས་ནས་ཟུང་འཇུག་ཕྱག་རྒྱ་ཆེན་པོར་གྲོལ་བཐོབ་པར་ངེས་སོ༔ ཅེས་པའང་འདིའང་དུས་རིང་མོ་ནས་ཆོས་ཀྱི་བདག་པོར་ངེས་ཀྱང་སྙོམས་ལས་སུ་ལུས་ཚེས་སྔོན་སྨོན་གྱི་མཐུས་གློ་བུར་དུ་སད་པ་ལ་རྐྱེན་བྱས་ཏེ་ཆོས་འདིའི་བདག་པོ་ཤྲཱི་ལ་བཛྲ་གྱི་བཞེད་དོན་དུ་འཆོལ་མོ་ཀུན་བཟང་བདེ་སྐྱོང་དབང་མོས་བྲིས་པའོ། །དགེའོ།། །། 32 TI1396-316 E%.T.UMU ཆོས་ཉིད་མཁའ་འགྲོའི་ཐུགས་ཏིག་ལས༔ དགོངས་འདུས་གནད་བྱང་བསྡུས་པ་གསལ་བའི་སྒོ་འབྱེད་གསེར་གྱི་ལྡེ་མིག་གསང་བའི་རྒྱ་ཅན་བཞུགས་སོ༔ 010 ཡ་ལོ་ད་སུ་དུ་སྤྱི་ལ་ཐམས་ཀྱི་དང་དཿ ཐུན་སྐབས་ཞིག་ལ་མཁའ་འགྲོ་གྲུབ་པ་རྒྱལ་མོ་ཤ་ཟ་ཁ་མོ་ཆེ་ཡིན་ཟེར་བ་ཞིག་གིས་སྐུས་གར་བསྒྱུར་ཏེ་འདི་སྐད་གསུངས༔ ཧེ་ཧེ༔ ང་ཡེ་ཤེས་དབྱིངས་ཀྱི་མཁའ་འགྲོ་མ༔ སྒྲུབ་པའི་རྒྱལ་མོ་དབང་མོ་ཆེ༔ ང་འཁོས་འདས་གཉིས་ཀྱི་སྤྱི་གཞི་མོ༔ འཇིག་རྟེན་འདས་ཀྱང་འཁོར་བའི་ཚུལ༔ པདྨ་ཐོད་ཕྲེང་བཀའ་དམ་བཞིན༔ གསང་སྔགས་བཀའ་ཡི་གཉེར་འཛིན་ཅིང་༔ གསང་འཛིན་མཆོག་ལ་དངོས་གྲུབ་སྟེར༔ དམ་ཉམས་རྣམས་ཀྱི་སྲོག་ཏུ་བབས༔ ལེགས་ཉེས་སྟངས་འཛིན་མ་མོ་རྗེ༔ མཁྱེན་གཉིས་ལྡན་པའི་མེ་ལོང་ཡོད༔ མགོནཔད་འབྱུང་སྤྲུལ་པ་བསམ་མི་ཁྱབ༔ རང་སྐལ་ཆོས་གཏེར་ ༡༡ UMUkE ་བྱུ་ཤུ ཧོཿ སྣ་ཚོགས་འབྱེད༔ དོན་གཉིས་མཛད་པ་མཐའ་རུ་ཕྱིན༔ ཡང་གཏེར་སྤྲུལ་པ་དཔག་ཏུ་མེད༔ ཁྱེད་ནི་མཚོ་རྒྱལ་ཤེལ་དཀར་མཚོའི༔ གསུང་ཐུགས་སྤྲུལ་པ་མཆོག་ཏུ་བསྔགས༔ རང་སྐལ་བརྡ་དོན་གོ་བར་གྱིས༔ ཞེས་ཟེར་ནས་ཀུན་དགའ་དབང་མོའི་ཆོས་སྐོར་མ་རྒྱུདགསང་བ སྙིང་པོའི་ཤོག་དྲིལ་ལྔ་པའི་ནང་ཚན་པདྨ་མཁའ་འགྲོའི་གདམས་སྐོར་རེད༔ ཁྱོད་ལ་བདག་གིས་གཏད་པ་ཡིན་ཟེར་ནས་རིན་པོ་ཆེའི་གཡུ་སྒྲོམ་ཆུང་ངུ་ཞིག་གི་ནང་ན་མཐིང་ཤོག་སྔོན་པོའི་ངོས་ལ་རྒྱུ་མ་ངེས་པ་ཞིག་གིས་བྲིས་པའི་བརྡ་འདི་སྣང་༔ ནུནརྦ།བྷཱ་བསྒོ།བྷཊ་ན་མོ་ཛྙཱ་ན་ཌཱ་ཀི་ཡེ༔ སྐུ་གསུམ་མཁའ་འགྲོའི་ ཚོགས་ལ་གུས་པས་འདུད༔ ཟབ་ལམ་མཁའ་འགྲོའི་ཐུགས་ཏིག་གནད་བྱང་འདི༔ པདྨ་བདག་གིས་མཚོ་རྒྱལ་ཁྱོད་ལ་གདམས༔ མ་འོངས་ལས་ཅན་དོན་དུ་གཏེར་དུ་སྦོས༔ དེ་སྤྱོད་སྐལ་ལྡན གཏེར་སྟོན ཀུན་དགའ ཐབས་གྲོགས་ཚུལ་རྡོར་འབྱུང་༔ བརྡ་བྱང་ཇི་བཞིན་མ་ནོར་ཉམས་ལེན་མཛོད༔ གཏེར་གནས་གནས་ཆེན་གསུམ་སྐུ་གསུང་ཐུགས་ཀྱི་གནས་གསུམ་དང་གནས་ཕྲན་ལྔ༔ གྲོགས་ལྔ་ཆོས་བདག་མཆོག་དང་ཡན་ལག་ཚུལ༔ ལས་འཕྲོའི་དབང་གིས་དུས་དངདུས་སུ་འཕྲད༔ ཐུགས་ཏིག་ཟབ་པའི་ཆོས་འབྱུང་ཟབ་མོ་ནི༔ རིག་འཛིན་དགོངས་པའི་བྱིན་ཐོབ་དགོངས་གཏེར་དང་༔ མཁའ་འགྲོས་རྒྱས་གདབ་དབང་ཐོབ་ཐུགས་ཀྱི་གཏེར༔ ཡང་གཏེར་བརྡ་སྤྲད་གསང་བསྙན་བརྒྱུད་དང་༔ བཀའ་བབས་དག་སྣང་རིག་གཏེར་དབང་གཏེར་སོགས༔ གཏེར་རིགས་མི་འདྲགསང་གཏེར་དུ་མ་དབང་༔ མཁའ་འགྲོའི་ཐུགས་ཏིག་ཟབ་མོའི་ཆོས་སྡེ་ནི༔ ཕྲིན་ལས་ཟབ་པ་ཚངས་པའི་སྒྲ་དབྱངས་དང་༔ ནང་སྒྲུབ་རིན་ཆེན་སྙིང་པོ་པདྨའི་རྒྱ༔ གསང་སྒྲུབ་འོདགསལ་སྒྲོན་མེ་ཐིག་ལེའི་བྱ༔ ཕྱག་རྒྱ་བསྡུས་པ་འཁོར་འདས་ཟིལ་གནོན་དང་༔ རྒྱུན་ཁྱེར་སྤྲོས་མེད་ཡང་གསང་སྙིང་པོ་སོགས༔ ལས་མཐའ་མན་ངག་ UMU6E ཿ ལས་སྦྱོར་ལག་ལེན་དང་༔ ཕྱི་སྒྲུབ་དབང་ཆུས་སྐལ་ལྡན་རྗེས་འཛིན་དང་༔ གསང་དབང་སྤྲོས་མེད་རལ་གྲི་འབར་བའི་རྒྱ༔ སྤྲོ་བསྐྱེདགཏེར་འབྱུང་ལོ་རྒྱུས་པདྨའི་ཕྲེང་༔ ཐུན་མོང་ཐུན་མིན་དབང་ཆུ་ཡོངས་རྫོགས་དང་༔ ལག་ལེན་གསལ་སྒྲོན་ཐེམ་མེད་རྡོ་རྗེའི་རྒྱ༔ སྐུ་རྒྱུད་ཤེལ་གྱི་རི་བོ་བུམ་པའི་རྒྱ༔ གསུང་རྒྱུད་རླུང་ངག་རང་གྲོལ་པདྨའི་རྒྱ༔ ཐུགས་རྒྱུད་རྡོ་རྗེའི་རྒྱ་དང་ནོར་བུའི་རྒྱ༔ ཡོན་ཏན་རྒྱུད་ཀུན་འདུས་རིན་ཆེན་སྙིང་པོ་གསང་བའི་རྒྱུད༔ བསྐྱེད་རིམ་རྒྱས་པ་ཉི་ཟླ་ཁ་སྦྱོར་དང་༔ འབྲིང་བསྡུས་ཡང་གསང་ཟུང་འཇུག་ཉི་མའི་སྙིང་༔ རྫོགས་རིམ་འོདགསལ་ཀུན་བཟང་འཇའ་ཐིག་དང་༔ དོན་ཁྲིད་མན་ངག་གསང་བཅུད་སྙིང་པོའི་སྐོར༔ ཀློང་ཆེན་བུམ་པའི་རྒྱ་དང་གནདགསུམ་དོན༔ གསང་ཁྲིད་ཡ་བཞི་འཆི་སྲིད་གདམས་སྐོར་དང་༔ རླུང་ཁྲིད་མན་ངག་སྐོར་དང་དེའི་རྒྱབ་ཆོས༔ འཇའ་ལུས་མངོན་བྱེད་འོད་གསལ་ཐིག་ལེའི་ཁྲིད༔ ཐེག་དགུའི་གནད་བསྡུས་འོད་གསལ་དོན་ཁྲིད་སོགས༔ ཐེམ་མེད་ཤོག་དྲིལ་ལྔ་པའི་གནད་དུ་ཆིང་༔ དངོས་གྲུབ་འབྱུང་གནས་བདུད་རྩིའི་སྒྲུབ་པ་དང་༔ ཚེ་གཡང་ནོར་སྒྲུབ་རིན་ཆེན་ཟ་མ་ཏོག༔ སྒོས་སྒྲུབ་སྒོས་དབང་ལས་ཆེན་ལས་ཕྲན་དང་༔ དྲེགས་པའི་ཆོས་སྐོར་སྤུ་གྲིའི རྒྱུད་ལ་སོགས༔ གབ་བྱང་དཀར་ཆག་ཆེན་མོ་ཇི་བཞིན་གསལ༔ དེ་དག་དུས་དབང་བདུད་ཀྱིས་མ་བསྒྱུར་ན༔ དམག་འཁྲུགས་སྐལ་ངན་ལྔ་བཅུའི་བར་དུ་བཟློག༔ ཟབ་གཏེར་སྒོ་འབྱེད་གསང་སྒྲོགས་ལྡེ་མིག་ནི༔ ང་སྤྲུལ་ང་དང་གཉིས་མེད་པདྨའི་རིགས༔ སྤྲོ་ཐུང་རིག་པ་ཧུར་ཞིང་ཆོས་ཉིད་མཐོང་༔ ནམ་སྙིང་བི་མ་ཟུང་སྤྲུལ་རསྨིའི་མིང་༔ གསང་སྦུག་སྨེ་བ་ལྷ་ཡི་སྤྱན་འདྲ་ཡོད༔ འབྲོག་མིའི་སྤྲུལ་པ་བརྟུལ་ཞུགས་མ་ངེས་སྤྱོད༔ ལས་རིགས་ཤསྟའི་མིང་ཅན་ཉམས་རྟོགས་ལྡན༔ སྙན་གཡས་སྨེ་བ་ནོར་བུའི་དབྱིབས་ཅན་མཛེས༔ ཨ་ཙར་ས་ལེའི་སྤྲུལ་པ་རིན་ཆེན་རིགས༔ བི་མའི་བྱིན་ཐོབ་ཏིཥྛ་བཛྲ་རྩལ༔ བརླ་གཡོན་རྡོ་རྗེའི་མདུད་བརྒྱའི་རི་མོ་ཡོད༔ གཡུ་སྒྲའི་སྤྲུལ་པ་རྟོགས་པ་ཕུལ་དུ་ཕྱིན༔ རྡོ་རྗེའི་རིགས་ཅན་མཁའ་འགྲོའི་གསང་མཛོད་དབང་༔ འགྲོ་འདུལ་མིང་ཅན་ལུས་ཐུང་དཔྲལ་སྨེ་མཛེས༔ སངས་རྒྱས་ཡེ་ཤེས་སྤྲུལ་པ་ཤེས་བྱ་མཁས༔ མཚོ་རྒྱལ་བྱིན་ཐོབ་པྲ་ཝ་མ་ཏི་རྩལ༔ གནས་གསུམ་སྨེ་བ་པདྨའི་དབྱིབས་འདྲ་ཡོད༔ དེ་དག་རེས་དགའ་མི་རིང་ཉེ་བའི་གནས༔ སྔགས་རིགས་རྩིངས་སྤྱོད་ཚུལ་བཟུང་རིག་པ་འཛིན༔ རེས་འགའ་གནས་སྐྱེས་སྨོན་ལམ་དབང་གིས་འཕྲད༔ དུས་དབང་ལེ་ལོའི་རྐྱེན་ ༒ཿ དབང་མ་གཏོང་བར༔ ཕ་ཡིས་གདམས་པ་ཚུལ་བཞིན་གཅེས་སྤས་མཛོད༔ ཡལ་བར་མ་དོར་སྙིང་གི་དཀྱིལ་དུ་ཟུངས༔ བདག་གི་རྡོ་རྗེ་ཚིག་ལ་བསླུ་མེད་ཀྱང་༔ སྨོན་ལོག་སྡིག་ཅན་བདུད་ཀྱི་ཆོ་འཕྲུལ་གྱིས༔ ང་ཡི་བསྟན་པ་རེས་དར་རེས་མི་དར༔ གཏེར་སྤྱོད་བུ་ཡི་ཐབས་