Tibetan
སེམས་དབྱེར་མེད་ངང་དུ་མཉམ་པར་བཞག༔ ཨེ་མ༔ ཟབ་པའི་མན་ངག་མཁའ་འགྲོའི་གསང་བའི་དབང་༔ མཚོ་རྒྱལ་ང་ཡི་ཨ་ཙར་སཱ་ལེར་གཏད༔ མ་འོངས་སྙིགས་མ་ལྔ་བདོའི་དུས་ཀྱི་ཚེ༔ གསང་སྔགས་ལོངས་སྤྱོད་རྣལ་འབྱོར་དམ་པ་ཡིས༔ ཟུང་འཇུག་ཡེ་ཤེས་སྐུ་མཆོག་འགྲུབ་པའི་ཕྱིར༔ གསང་བའི་ཕྱག་རྒྱ་གསང་སྒོ་འབྱེད་པའི་ཐབས༔ མི་འགྱུར་བརྡ་ཡི་རི་མོར་བཀོད་ནས་ཀྱང་༔ ང་ཡི་གསུང་སྤྲུལ་ག་ག་ཏཱ་རེ་ཡིས༔ གསང་བའི་བརྡ་ལས་ཕབས་ཏེ་འགྲོ་དོན་འབྱུང་༔ བཀའ་སྲུང་ཚེ་རིང་མཆེད་ལྔས་གཉེར་དུ་ཟུངས༔ དམ་ཉམས་ལོག་ལྟ་ཅན་ལ་གསང་བར་སྦོས༔ ཐེག་དམན་བློ་ཆུང་རྣམས་ལ་ཁ་ཐཾ་རྒྱ༔ སྐལ་ལྡན་ལྟ་སྤྱོད་ལྡན་པས་ཉམས་སུ་ལོངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ རྐརྐ གུ་ཧྱ༔ བརྡ་ཐིམ༔ ཅེས་པ་མཚོ་རྒྱལ་གསང་དབང་སྤྲོས་མེད་དོན་གྱི་སྙིང་པོ་འདི་ཡང་བཀའ་འདྲིན་མཚུངས་མེད་རྒྱལ་བའི་སྲས་པོ་ ༧ཧོཿ པྲ་ཝ་མཱ་ཏིའི་བཀས་གནང་བ་ཐོབ་པ་དང་མཆོག་སྤྲུལ་བསྟན་པའི་ཉི་མ་འཇིགས་བྲལ་ཆོས་ཀྱི་བློ་གྲོས་ཀྱི་བཀའ་ཕེབས་མ་བཅག་ཙམ་དུ་སྐྱོན་ཀུན་ལྡན་པ་རྒྱལ་སྲས་ཀལྤ་བྷ་དྲའི་མིང་གི་བརྫུན་རིས་སོ།། ༈ འཕོ་བ་ཡེ་ཤེས་སྒོ་འབྱེད་བཞུགས༔ ཨེ་མ་ཧོཿ མགོན་སྣང་མཐའ་སྤྱན་གཟིགས་དབྱེར་མེད་པ༔ ཕ་བླ་མ་འཇིགས་བྲལ་ཆོས་ཀྱི་དབང་༔ བདག་གསོལ་བ་འདེབས་སོ་ཐུགས་རྗེས་ཟུངས༔ སེམས་ཡེ་ཤེས་དབུ་མའི་ལམ་དྲངས་ནས༔ མཁའ་བདེ་བ་ཆེན་པོའི་འོད་ཀློང་དུ༔ རྗེ་བླ་མའི་ཐུགས་དང་དབྱེར་མེད་པར༔ ཞིང་བདེ་བ་ཅན་དུ་འཕོ་བར་ཤོག༔ ཧིཀ་ཕཊ༔ ཅེས་བརྗོད་ནས་རང་སེམས་བླ་མའི་ཐུགས་དང་དབྱེར་མེདཔར་འོད་གསལ་ཆོས་སྐུའི་ཀློང་དུ་འཕོ་བར་བསམ༔ ཅེས་པའང་མཆོག་སྤྲུལ་རིན་པོ་ཆེའི་ཞལ་གཟིགས་གཉིས་པའི་དུས་སུ་བདེ་བའི་རྡོ་རྗེ་རང་ལ་གདམས་པ་གང་འབྲེལ་འོག་མིན་ཞིང་དུ་སྐྱེ་བར་ཐེ་ཚོམ་མེད་དོ༔ ས་མ་ཡ༔ རྒྱ་རྒྱ་རྒྱ༔ ཨྠི༔ ཨེ་མ་ཧོཿ ཆོས་དབྱིངས་མཁའ་ལྟར་དག་པའི་ཞིང་༔ མི་གཡོ་འོག་མིན་གནས་ཀྱི་མཆོག༔ དྷུ་མ་ཐ་ལ་མཁའ་འགྲོའི་གྲོང་༔ བཞུགས་པའི་དཔའ་བོ་རྣལ འབྱོར་མ༔ རྡོ་རྗེ་ཕག་མོ་རྒྱལ་བའི་ཡུམ༔ མཁའ་འགྲོ་བྱེ་བ་འབུམ་དང་བཅས༔ དཀྱིལ་དང་འཁོར་གྱི་རྣམ་པར་གསལ༔ མ་སྐྱེས་ཡེ་ནས་ལྷུན་གྱིས་གྲུབ༔ རང་བྱུང་བདེ་བ་ཆེན་པོའི་ ལྷར༔ མ་བཅོས་དད་པས་ཕྱག་འཚལ་ལོ༔ སྣང་སྲིད་རྣམ་དག་མཆོད་པ་འབུལ༔ སྒྲིབ་གཉིས་བག་ཆགས་དབྱིངས་སུ་བཤགས༔ དགེ་ཚོགས་ཀུན་ལ་ཡི་རང་ངོ་༔ ཟབ་རྒྱའི་ཆོས་འཁོར་བསྐོར་བ་བསྐུལ༔ དམ་པ་མྱ་ངན་མི་འདའ་བཞུགས༔ དགེ་ཚོགས་འགྲོ་བ་ཡོངས་ལ་བསྔོ༔ བདག་གཞན་ཚོགས་གཉིས་རབ་རྫོགས་ནས༔ ཐེག་པ་ཆེན་པོའི་ས་ཐོབ་ཤོག༔ ས་མ་ཡ༔ འཁྲུལ་ཞིག་སྤྲང་མོའི་རྫུན་རིས་འདི༔ པདྨ་ཐུབ་བསྟན་དཔལ་དུ་ཤོག༔ དགེའོ།། ཨོཾ་སྭསྟི། དུས་གསུམ་སངས་རྒྱས་ཀུན་ལས་བཀའ་དྲིན་ལྷག །འཁོར་ལོའི་མགོན་པོ་གཏེར་ཆེན་ཆོས་ཀྱི་རྗེ བདག་ཅག་རྗེས་འཇུག་སྐལ་ལྡན་སྐྱེས་བུ་ལ། །པདྨའི་ཟབ་ཏིག་མཁའ་འགྲོའི་སྙིང་གི་བཅུད། །ཟབ་ཆོས་གདམས་པའི་བདུད་རྩིའི་ཆོས་ཆར་འབེབས། །བཀའ་དྲིན་བརྗོད་ལས་འདས་སོ་འཁོར་ཐབས་བྲལ། །སངས་རྒྱས་བསྟན་པ་དར་ཞིང་རྒྱས་པ་དང་། །དམ་ཆོས་མི་ནུབ་རྟག་ཏུ་འཕེལ་བའི་ཕྱིར། །དུས་གསུམ་སངས་རྒྱས་ཡོངས་འདུས་ཤཱཀྱའི་ཏོག །སྐུ་ཚེ་མི་ནུབ་མཐའ་རུ་ཕྱིན་པ་དང་༏ །ཟུང་འཇུག་ཕྱག་རྒྱ་ཆེན་པོའི་མྱུར་ལམ་ལས །ཐབས་ཤེས་དབྱེར་མེད་རྟེན་འབྲེལ་ཚེ་མཐའ་ཡས །འགྲོ་བའི་ཕྲིན་ལས་དར་བའི་རྟེན་འབྲེལ་རྫས །ཐུགས་རྗེ་དགྱེས་པར་དགོངས་ཏེ ད ངོ༹ཾ༔ བཞེས་སུ་གསོལ། །བདག་ཀྱང་ཚེ་རབས་ཚེ་རྒྱུད་ཐམས་ཅད་དུ། །འབྲལ་མེད་རྗེས་བཟུང་ཟབ་ཆོས་དཔལ་སྤྱོད་ནས །ས་དང་ལམ་གྱི་ཡོན་ཏན་རབ་རྫོགས ཤིང་། །སྟོན་འཁོར་དགོངས་པ་དབྱེར་མེད་བཀའ་དྲིན་ཞུ། །ཅེས་འཁོར་འབངས་ཐ་ཤལ་བ་ཀུན་བཟང་བདེ་སྐྱོང་དབང་མོས་དད་པའི་ཕྱག་བཅས་རྟེན་འབྲེལ་ཕུན་སུམ་ཚོགས་པའི་མཐུལ་བརྟེན་ནས་གུས་ཕུལ་ཞུ་ཞུ། ཨོཾ་སྭསྟི། ཀློང་ཆེན་རབ་འབྱམས་ཡེ་ཤེས་སྒྱུ་མའི་གར། །བདེ་གཤེགས་རྒྱལ་བའི་ཐུགས་གསང་མཛོད་འཛིན་པ། །གཟུང་འཛིན་དྲི་བྲལ་འགགས་མེད་ཐུགས་རྗེའི་གཏེར། །མཁྱེན་བརྩེའི་འོད་ཟེར་འགྲོ་འདུལ་སྤྲུལ་པའི་སྐུ །མི་འགྱུར་སྐུ་ཚེ་ཞབས་པད་རབ་བརྟན་ནས། །དོན་གཉིས་མཛད་པ་མཐར་ཕྱིན་བཀྲ་ཤིས་ཤོག །ཅེས་མཁའ་འགྲོ་བདེ་བའི་གོ་ཆས་གདམས་པ་བཞིན་སུ་ཁ་བཛྲ་གྱིས་སོ།། 之 དུས་འཛིན་ཡོས་ཀྱི་ལོ་ཟླ་༦ཚེས་༣ལ་རིག་འཛིན་ཐུགས་ཐིག་གི་ཡེ་ཤེས་མཚོ་རྒྱལ་དམར་མོའི་བསྙེན་ཚད་འཁྱོལ་བའི་ནུབ་གཅིག་རྨི་ལམ་ན་བུད་མེད་མཛེས་མ་ཞིག་གིས་འདི་སྐད་ཟེར༔ ཨ༔ དགཔ་གཉིས་ལྡན་ཆོས་སྐུ་སྐྱེ་བ་མེད༔ ལྔ་ལྡན་བཀོད་པ་མཚན་དཔེ་རབ་རྫོགས་པའི༔ ཐུགས་རྗེ་རྩལ་སྣང་མ་འགགས་ལྷ་མོའི་སྐུ༔ སྣང་སྲིད་འཁོར་འདས་དབང་རོལ་བདེ་བ་ཆེ༔ མ་བཅོས་སོ་མ་སྣང་སྟོང་སྒྱུ་མའི་ངང་༔ རྩལ་ སྣང་སྲིད་པའི་ཚེ་བསོད་དབང་དུ་བསྡུས༔ མ་ཡེངས་མི་བསྒོམ་འཛིན་མེད་ངང་དུ་བཟླས༔ ཨོཾ་ཀུ་རུ་ཀུལླི་ཧྲཱིཿསརྦ་ལོ་ཀ་པ་ཤཾ་ཀུ་རུ་ཡེ་སྭཱ་ཧཱ༔ ཅེས་པ་བརྒྱ་སྟོང་ཁྲི་སོགས་བཟླས་པ་ཡིས༔ རང་སྣང་དབང་བསྡུས་གཞན་སྣང་ཟིལ་གྱིས་གནོན༔ སྣང་སྲིད་དཔལ་ཡོན་ཐམས་ཅད་མ་ལུས་པ༔ ཁབ་ལེན་རྡོ་ཡིས་ལྕགས་བླང་ལྟ་བུ་ཡིས༔ རང་དབང་མེད་པར་དབང་དུ་འདུས་པར་གྱུར༔ ཅེས་ཟེར་ནས། ཡང་མཚོ་ཆེན་གྱི་མཁའ་ལ་ཀུ་མུ་ད༔ ངམ་ནག་གི་སེར་བས་མ་བཅོམ་ན༔ རོ་བཅུད་ཀྱིས་བྱུང་བའི་ཁྱུ་ཚོགས་རྣམས༔ ཡུན་རིང་གི་བར་དུ་སྐྱོང་ནས་ཀྱང་༔ བསྟན་འགྲོ་ཡི་དོན་ཆེན་སྨིན་པར་ངེས༔ བུད་མེད་གཅིག་གིས་སྤྲང་མོ་རང་ལ་གདམས་པ་སུ་ཁ་བཛྲ་གྱིས་སོ། དགེའོ།། །། TI1396-274 ཀར 彝 སྙན་བརྒྱུད་ལས༔ མཁའ་འགྲོ་དགོངས་འདུས་ཆ་ལག་མཚོ་རྒྱལ་གསང་དབང་ཤེས་རབ་རྩ་འབྱེད་ཀྱི་ངོ་སྤྲོད་གབ་པ་མངོན་ཕྱུང་གསང་བའི་སྲོག་ཐིག་མཁའ་འགྲོའི་གསང་ཚིག་བཞུགས་སོ༔ 010 ལ་པ་བྲེ་ཐོ་ཀྱི་ང་དཿ ན་མོ་ཛྙཱ་ན་ཌཱ་ཀི་ཡེ༔ གསྐྱཾ།ཉཿ རང་རིག་སྐུ་གསུམ་མཁའ་འགྲོར་འདུད༔ བདག་འདྲ་མཁར་ཆེན་མཚོ་རྒྱལ་གྱིས༔ མ་འོངས་རྗེས་འཇུག་བུའི་དོན་དུ༔ ཟབ་ཆོས་སྣ་ཚོགས་གཏེར་དུ་སྦས༔ རྗེ་འབངས་སོ་སོར་སྨོན་ལམ་བཏབ༔ ལས་འཕྲོ་ཆེ་ཆུང་མཚམས་སྦྱར་ནས༔ མན་ངག་གདམས་པ་མང་དུ་གཏད༔ མ་འོངས་འགྲོ་བའི་དོན་དུ་ཡང་༔ སྨོན་ལམ་དབང་གིས་འཕྲད་པར་འགྱུར༔ ཁྱད་པར་མན་ངག་ཀུན་གྱི་བཅུད༔ གསང་བའི་ངོ་སྤྲོད་ཉམས་སུ་ལོངས༔ ས་མ་ཡ༔ ཨ་ལ་ལ་ཧོ་ངོ་མཚར་ཆེ༔ ཨེ་མ་གསོན་དང་སྐལ་ལྡན་རྣམས༔ སྔོན་སྨོན་ལས་འཕྲོ་དག་པ་ཡིས༔ ་& ཧོཿ མ་ཡུམ་ཆེན་ཌཱ་ཀིར་འཕྲད་ནས་ཀྱང་༔ ད་ལྟ་དབང་བཞིའི་རྐྱེན་གྱིས་བླངས༔ དགའ་བཞིའི་དོན་ལ་མ་ཡེངས་སུ༔ མ་ཡུམ་ཆེན་སྐུ་ཡི་མཚན་ཉིད་མཐོང་༔ དེའི་རྐྱེན་གྱིས་ཆགས་པ་ཏུར་གྱིས་སྐྱེས༔ སྐུའི་བུམ་དབང་ཐོབ་པའི་ནུས་པ་ཡིན༔ ཆགས་པའི་ངོ་བོ་ཉམས་སུ་ལོངས༔ བསྐྱེད་རིམ་ལྷ་དང་གཉིས་སུ་མེད༔ ཡི་དམ་ལྷ་ཞེས་གཞན་མེད་པས༔ ཆགས་སེམས་ལྷ་ཡི་སྐུ་རུ་བསྒོམས༔ མ་ཌཱ་ཀིའི་དཀྱིལ་འཁོར་མཁའ་ལ་སྦྱོར༔ བདེ་ཆེན་མཆོག་དགའ་རྩ་ནས བདེ་བའི་རང་བཞིན་མཐོང་བ་གཡོས༔ རྩོལ་འབད་རྩོལ་མེད་པར་བདེ་བ་ངང་གིས་སྐྱེ་ཞིང་ཞེ་སྡང་གི་རྟོག་ཚོགས་འགགས་པའོ།། བྲལ་བྱང་སེམས་ངང་གིས་སྐྱེ༔ གསང་དབང་ཐོབ་པའི་ནུས་པ་ཡིན༔ དགའ་བའི་ངོ་བོ་ཉམས་སུ་ལོངས་༔ རླུང་དང་རྡོ་རྗེས་མཁའ་གསང་སྦྱོར་མ་ཐག་སྲུབ་འབྱོར་མི་བྱེད་པར་སྟེང་འོག་གི་རླུང་ཁ་སྦྱོར་ལ་མཉམ་པར་འཇོག་དགོས་པ་ཡིན་བསྲེས་ལ་ཅུང་ཞིག་འདུག༔ ཕྱག་རྒྱ་ཆེན་པོ་བདེ་བའི་ངོ་བོ་ཕྱག་རྒྱ་ཆེན་པོ་གཞན་ན་མེད༔ བདེ་བ་ཕྱག་ཆེན་ཉམས་སུ་ལོངས༔ མ་ཌཱ་ཀིའི་བདེ་ཆེན་དབྱིངས་སུ་སྲུབ་སྦྱོར ་སྦྱོར༔ བརྩོན་འགྲུས་རང་དབང་མེད་པ རྩོལ་བ་མི་དགོས་པར་རང་བཞིན་གྱིས་བདེ་བར་ཤར་བའོ༔ ཡིས༔ ཁྱོད་དང་ང་གཉིས་ཐུགས་ཡིད་ཡབ་ཡུམ་མཉམ་དུ་བདེ་བ་སྐྱེ བསྲེས༔ ཤེར་དབང་ཐོབ་པའི་བྱིན་རླབས་ཡིན༔ བདེ་བའི་ངོ་བོ་ཉམས་སུ་ལོངས༔ བདེ་ཆེན་སྟོང་པ་ཉིད་དང་བསྲེ༔ བདེ་སྟོང་ཟག་མེད་ལོགས་ན་མེད༔ བདེ་ཆེན་མཆོག དགའ་ཉམས་སུ་ལོངས༔ ཌཱ་ཀིའི་སུ་ཁའི་རྩ་རྩ་གནད་རྡོ་རྗེ་ཡིན་ཕོའི་གཡས་སུ་དགའ་བའི་རྩ་མོའི་གཡོན་དུ་བདེ་བའི་རྩ་དེ་གཉིས་འཕྲད་པས་ལྷན་སྐྱེས་དགའ་བ་དང་སྦྱོར༔ བྱང་སེམས་གཅིག་བབས་གཉིས་པ་ཉམས༔ རླུང་དང་རིག་པའི་སྟོབས་ཀྱིས་འཕྲོ་བཅད་པའོ༔ བདག་གཞན་གཉིས་མེད་སྣང་བ་འགགས༔ རྩལ་དབང་ཐོབ་པའི་ཡེ་ཤེས་ཡིན༔ སྣང་བའི་ངང་དུ་རིག་པ་རིག་པ་ཟང་ འེིཿ ཐལ་སྐད་ཅིག་མ་དེ་ཀའོ། སྐྱོངས༔ རྗེས་ཕྱིས་ཀྱང་བདེ་བ་ཉམས་སུ་ལེན་འདོད་ཀྱི་སེམས་སྟོང་པ་ཉིད་དང་རོ་གཅིག་ཏུ་བསྲེ་བའོ༔ ཆགས་སྟོང་ཉིད་ངང་དུ་བསྲེས༔ རྫོགས་ཆེན་བྱ་བ་ལོགས་ན་མེད༔ ལྷན་སྐྱེས་ཡེ་དགའ་ཉམས་སུ་ལོངས༔ རླུང་སེམས་སྣང་བ་དབང་ཐོབ་ནས༔ འཇའ་ལུས་ཆོས་སྐུ་འགྲུབ་ནས་ཀྱང༔ མཆོག་གི་དངོས་གྲུབ་ཐོབ་པར་ངེས༔ འདི་ནི མན་ངག་ཁྱད་དུ་འཕགས༔ མཁའ་འགྲོ་ཡོངས་ཀྱི་ཐུགས་བཅུད་ཟབ༔ ཐུག་འགྱེལ་འཕྲད་ཡབ་ཡུམ་རེག་པ་འཕྲོད་པ་དང་གཅིག །རྩ་གསུམ་ཐིག་ལེ་འཁྱིལ་བ་དང་གཉིས། རིག་པའི་རང་ཞལ་མཐོང་བ་དང་གསུམ། བདག་གཞན་གཉིས་མེད་དུ་གྲོལ་བ་དང་བཞིའོ།། གྲོལ་ཁྱད་ཆོས་འདི༔ ངོ་མཚར་ཆེའོ་སྐལ་ལྡན་རྣམས༔ མ་ཡེངས་འདི་ལ་ནན་ཏན་བརྩོན༔ འཇའ་ལུས་ཆོས་སྐུའི་གདམས་པ་ཡིན༔ དབང་བཞི་གདན་ཐོག་གཅིག་ཏུ་ཐོབ༔ གྲུབ་པ་དགའ་བ་བཞི་ཡིས་སྨིན༔ སྟོང་བཞིའི་འོད་གསལ་ངང་གིས་འཆར༔ ཟུང་འཇུག་རྡོ་རྗེ་དངོས་གྲུབ་འགྲུབ༔ ཨེ་ཝྃ་བརྡ་ཐིམ་སྙིང་ལ་སྦོས༔ ཡོངས་ལ་མ་སྤེལ་ས་མ་ཡ༔ ཨེ་མ་མཁའ་འགྲོའི་ཐུགས་བཅུད་གསང་བའི་མན་ངག་འདི༔ མཚོ་རྒྱལ་ང་ཡིས་ཨ་ཙར་ས་ལེར་གཏད༔ ད་ལྟ་མ་སྤེལ་རིན་ཆེན་གཏེར་དུ་སྦོས༔ མ་འོངས་√F√√ZE སྙིགས་དུས་སུམ་ཅུ་ཁ་རལ་ཚེ༔ ང་ཡི་གསུང་སྤྲུལ་ཀུན་དགའི་མིང་ཅན་དང་༔ སུ་ཁ་དེ་ཝ་ལ་སོགས་རིམ་གྱིས་འབྱུང་༔ འདི་དང་འཕྲད་ནས་བསྟན་འགྲོའི་དོན་སྨིན་འགྱུར༔ སྐལ་ལྡན་ལས་ཅན་རྣམས་དང་འདི་འཕྲད་ཤོག༔ སྐལ་མེད་ཨོཾ་ཟོབ་ཅན་གྱི་དབང་པོ་བསྣུབས༔ རྣལ་འབྱོར་ལྟ་སྤྱོད་ལྡན་པས་ཉམས་སུ་ལོངས༔ ས་མ་ཡ༔ རྒྱ་རྒྱ་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ རྐརཿ གུཧྱ༔ བརྡཐིམ༔ ཞེས་མཚོ་རྒྱལ་གསང་དབང་ངོ་སྤྲོད་འདི་ཡང་དུས་ལ་བབས་ཚེ་བདེ་བའི་རྡོ་རྗེས་མཁའ་འགྲོའི་སྙན་བརྒྱུད་ལས་དག་པར་ཕབས་པའོ༔ ཨེ་མ༔ སྙིང་དང་འདྲ་བའི་སྐལ་ལྡན་ལ༔ སྙིང་བཅུད་ཟབ་མོའི་གདམས་པ་གཏད༔ སྙིང་ནས་སྒྲུབ་ལ་བརྩོན་ནུས་ན༔ སྙིང་བཞིན་མཁའ་འགྲོས་བརྩེ་བར་སྐྱོང་༔ དམ་དུ་ཟུངས་ཤིག་གཡུ་ཡི་སྒྲོན༔ སུ་ལ་མ་སྤེལ་ཚེ་རིང་མ༔ དམ་ཚིག་ཉམས་ན་སྲོག་དབུགས་སྡུད༔ བྱ་ར་གྱིས་ཤིག་ན་ར་ཀན༔ དགེའོ། །བཀྲ་ཤིས་བདེ་ལེགས་ཕུན་ཚོགས་ཤོག༔ ཧོཿ ཆོས་ཉིད་མཁའ་འགྲོའི་ཐུགས་ཏིག་ལས༔ མཁའ་འགྲོའི་གསོལ་འདེབས་བྱིན་རླབས་དཔལ་ཕྲེང་བཞུགས་སོ༔ ན་མོ་གུ་རུ་དྷེ་བ་ཌཱ་ཀི་ཡེ༔ ནབྱང་ཨེ་མ་ཧོཿ ཆོས་དབྱིངས་སྤྲོས་དང་བྲལ་བའི་གཞལ་ཡས་ནས༔ ཀུན་ཏུ་བཟང་པོ་ཡབ་ཡུམ་ལ་གསོལ་བ་འདེབས༔ དངོས་གྲུབ་རྣམ་གཉིས་ཐོབ་པར་བྱིན་གྱིས་རློབས༔ ལྔ་ལྡན་རང་བྱུང་ལྷུན་གྲུབ་གཞལ་ཡས་ནས༔ དྲུག་པ་རྡོར་འཆང་སྟོན་པ་རྡོ་རྗེ་སེམས༔ གསོལ་བ་འདེབས་སོ་བདག་རྒྱུད་སྨིན་གྲོལ་ནས༔ དངོས་གྲུབ་རྣམ་མི་མཇེད་འཇིག་རྟེན་དག་པའི་གཞལ་ཡས་ནས༔ དགའ་རབ་ཤྲཱི་སེང་པད་འབྱུང་བི་མ་ལར༔ གསོལ་དངོས་གྲུབ་གསང་སྔགས་ཟབ་མོའི་བཀའ་ཡི་བསྡུ་བ་མཛད༔ དབྱིངས་ཡུམ་ཡེ་ཤེས་མཁའ་འགྲོ་མཚོ་རྒྱལ་ལ༔ གསོལ དངོས་གྲུབ༴ གུ་རུ་པདྨའི་ཐུགས་སྲས་རྗེས་བཟུང་བ༔ གྲུབ་པའི་རྣལ་འབྱོར་དབང་ཕྱུག་རྗེ་འབངས་ཚོགས༔ གསོལ་བ་འདེབས་སོ༔ དངོས་གྲུབ༴ རིགས་ཀུན་ཡོངས་འདུས་འཁོར་ལོའི་མགོན་པོ་མཆོག༔ པདྨ་འགྲོ་འདུལ་གསང་སྔགས་གླིང་པ་ལ༔ གསོལ་བ་འདེབས༴ དངོས་གྲུབ༴ དཀྱིལ་འཁོར་ཀུན་གཙོ་རྡོ་རྗེ་ཕག་མོ་དང་༔ རིགས་ཀྱི་ཌཱ་ཀིའི་དཔའ་བོ་དཔའ་མོའི་ཚོགས༔ གསོལ་བཟ དངོས་གྲུབ༴ གནས་ཡུལ་མ་མོ་སྤྲུལ་དང་ཡང་སྤྲུལ་དང་༔ འཇིག་འདས་སྲུང་མ་དམ་ཅན་རྒྱ་མཚོའི་ཚོགས༔ གསོལ་བ་འདེབས་སོ་ཕྱི་ནང་རྐྱེན་ངན་སོལ༔ དངོས་གྲུབ་རྣམ་གཉིས་ཐོབ པར་བྱིན་གྱིས་རློབས༔ བསྐྱེད་རིམ་སྣང་རྟོག་སྣོད་བཅུད་ལྷ་སྐུར་དག༔ རྩ་རླུང་ཐིག་ལེ་གནས་དག་བཅུད་དུ་སྨིན༔ སྲིད་ཞི་དག་མཉམ་རང་བྱུང་ཆོས་སྐུར་རྫོགས༔ བློ་འདས་གཞོན་ནུ་བུམ་སྐུའི་ས་ལ་སྐྱོལ༔ དེ་ལྟར་མོས་གུ་གདུང་ཤུགས་དྲག་པོ་ཡིས༔ འདིར་བརྩོན་དགོངས་བརྒྱུད་བྱིན་རླབས་མྱུར་ཐོབ་ངེས༔ ཐེ་ཚོམ་མེད་དོ་སྐལ་ལྡན་ཉམས་སུ་ལོངས༔ སྐལ་མེད་ལོག་ལྟ་ཅན་ལ་ཁ་ཐཾ་རྒྱ༔ ས་མ་ཡ༔ ༔ ཅེས་པ་འདིཡང་ཡིད་བཞིན་ནོར་བུའི་བཞེད་སྐོང་དུ་འཁོར་འབངས་ཐ་ཤལ་བ་སུ་ཁ་བཛྲ་གྱིས་བྲིས་པའོ། །དགེའོ།། །། ་010 ཆོས་ཉིད་མཁའ་འགྲོའི་ཐུགས་ཐིག་ལས༔ ཌཱ་ཀི་མཚོ་རྒྱལ་ཐུགས་སྒྲུབ་དངོས་གྲུབ་སྙེ་མ་བཞུགས༔ % ལོ་△ང་དཿ ་ཤྭ།བྷ ན་མོ་པདྨ་ཀཱ་ར་ཡེ༔ སྐུ་གསུང་ཐུགས་ལྡན་འགྲོ་བའི་མགོན༔ སྒྲིབ་པ་ཀུན་སྤངས་ཡེ་ཤེས་སྐུ༔ ལྷུན་གྱིས་གྲུབ་པའི་རིག་འཛིན་བརྙེས༔ པདྨ་ཐོད་ཕྲེང་རྩལ་ལ་འདུད༔ མ་འོངས་སྙིགས་མ་ལྔ་བདོའི་དུས༔ ང་ཡི་རྗེས་འཇུག་བརྒྱུད་འཛིན་རྣམས༔ དངོས་གྲུབ་རྣམ་གཉིས་ཐོབ་པའི་ཕྱིར༔ ཁོ་མོ་ང་ཡི་ཐུགས་ཀྱི་བཅུད༔ སྒྲུབ་པ་དངོས་གྲུབ་སྙེ་མ་མཆོག༔ རང་གི་སྒྲུབ་པ་རང་གིས་བརྩམས༔ རྗེས་འཇུག་བུ་ཡི་དཔལ་དུ་བཀོད༔ ཚུལ་བཞིན་ཉམས་སུ་ལེན་པ་གནད༔ ས་མ་ཡ༔ ལག་ཏུ་ལེན་པའི་རིམ་པ་ནི༔ དབེན་ཞིང་ཉམས་དགའ་འཚེ་བྲལ་ལ༔ སྔོན་བྱོན་སྒྲུབ་བརྙེས་ཞབས་བཅག་པའི༔ གནས་སམ་དབེན་ཁྲོད་གངས་ཁྲོད་དམ༔ ཡང་ན་བྱིན་ཆགས་སྐྱེད་ཚལ་དུ༔ གནས་གཞིའི་སྟ་གོན་ རྐྱ་7E%7 ༒ཿ སྐབས་དང་བསྟུན༔ མཁའ་འགྲོའི་དུས་སྟོན་དབང་གི་དུས༔ ཚ་གསུམ་ལི་ཤི སུག་མེལ་ཛ་ཏི བསིལ་གསུམ་ཀ་ཀོ་ལ་ཅུ་གང་གུར་གུམ བཅུད་ཀྱིས་བསྒྱུར༔ གནས་ཁང་ཕྱི་ནང་ཡུལ་ཕྱོགས་ཀུན༔ བཅུད་ཀྱིས་བསང་ཞིང་བྱིན་གྱིས་བརླབས༔ བསང་རྫས་གསུམ་ལྷའི་སྤོས་སྒ་རྗེའི་ཤུག་དམར། དབང་སྡུད་ལྕགས་ཀྱུ་གླང་སྣ་དམར་པོ། གཟི་ལྡན་མེ་ཏོག་བ་ལུ་དཀར་པོ་གསུམ། མམ་བཞི སའི་བཅུད་ཏང་ཀུན་དང་བཞིའོ།། མཆན ཡིས་བདུག༔ ཉེས་སྐྱོན་དྲི་མ་དག་པར་རྒྱས༔ མཁོ་བའི་ཡོ་བྱད་རབ་འབྲིང་ཐ༔ རྣལ་འབྱོར་རང་གི་ཉམས་དང་སྦྱར༔ བདེ་བའི་སྟན་ལ་འཁོད་པར་བྱ༔ ས་མ་ཡ༔ གང་ཟག་བློ་རིམ་དང་མཐུན་པའི༔ སྒྲུབ་པ་ཉམས་སུ་ལེན་པ་ནི༔ རབ་ནི་རྟོགས་པ་གློ་བུར་བའི༔ སྐྱེས་བུ་རིག་པའི་བློ་ཅན་ གྱི༔ སྤྱོད་ཡུལ་གདམས་པ་འདི་ཁོ་ན༔ སྣང་ཆ་ཐབས་ཀྱི་དཀྱིལ་འཁོར་ལ༔ སྟོང་ཉིད་ཤེས་རབ་བཙུན་མོའི་མཁར༔ འཁོར་འདས་ཆོས་ཀུན་ཡོངས་རྫོགས་ཚེ༔ ལྷུན་གྲུབ་བདེ་བ་ཆེན་པོའི་དབྱིངས༔ སྐུ་དང་ཡེ་ཤེས་ཡོན་ཏན་ཀུན༔ མཉམ་ཉིད་ཡེ་རྫོགས་ཆེན་པོ་ནི༔ སྒྲུབ་དང་དཀྱིལ་འཁོར་ཀུན་གྱི་གཞིར༔ མངོན་གྱུར་འདིང་ཐོབ་གནད་རྟོགས་པ༔ ཁོ་མོ་མཚོ་རྒྱལ་ཐུགས་སྒྲུབ་ཡིན༔ དབང་པོ་ཡུལ་གྱི་བློ་ཅན་ལ༔ རྫས་དང་བརྡ་དོན་གཉིས་ལ་བརྟེན༔ རྫས་ནི་མ་ཆང་དཱ་བདུདརྩིས་ཆོས་སྨན་བསྒྱུར༔ གསང་རྫས་གཉིས་བྱང་སེམས་དཀར་དམར་ཀྱི་ནུས་པས་བསྐྱེད༔ བརྡ་དོན་ཚུལ་ལྡན་རྡོར་དྲིལ་དང་༔ རྡོ་རྗེ་སེམས་དཔའི་འཇའ་ཤེལ་མེ་ལོང་ངམ༔ ཡང་ན་རིན་ཆེན་ཨ་དརྨཱ༔ ཐབས་ལི་ཁྲི་ཀྱིས་བསྒྱུར་ནས་ཆོས་འབྱུང་བྲིས༔ དབུས་སུ་བྃ་དང་ར་བཞི་ལ༔ ཕྱོགས་དང་མཐུན་པའི་འབྲུ་བཞི་ཆོས་འབྱུང་ཟུར་བཞིར་སྒོ་བཞིའི་ཕྱག་མཚན་དང་། དབུས་ཀྱི་པད་འདབ་བཞི་རུ་ཧ་རི་ནི་ས་བྲིས། མཆན་ནི༔ དབུ་ཅན་འཕྲུལ་ཡིག་ལྟར་བཀོད་བྱ༔ གསང་མཆོད་དཀར་དམར་རོ་བཅུད་རྫས༔ ལེགས་པར་བཤམས་ན་ནུས་ལྡན་སྒྲུབ༔ རང་ཉིད་བདེ་བའི་མལ་དུ་འཁོད༔ ལྷ་དང་སྣང་བ་ཆོས་ཉིད་གསུམ༔ ཡེ་རྫོགས་ཆེན་པོའི་དགོངས་པར་བསྲེ༔ དྲན་བསམ་སྤྲོས་པ་ཀུན་སྤངས་ཏེ༔ གནས་ལུགས་ལྷུམ་ཞུགས་དགོངས་པའི་ངང་༔ ཡེ་ཤེས་རླུང་གིས་ནུས་བཅུད་བསྐུལ༔ སྦྱོར་བ་བཞི་ལྡན་གནད་ཟབ་མོ༔ རྩ་སྔགས་དང་ནི་རྡོར་བཟླས་བྱ༔ མཚན་ཉིད་གསུམ་ལྡན་རླུང་ལ་རླུང་བུམ་པ་ཅན་ ༒ཿ བརྩོན༔ དུས་དུས་བཞི་དང་བསྟུན་ནས་ཁ་དོག འབྱུང་བཞིའི་རླུང་དང་༔ ཁམས་ཀྱི་བྱེ་བྲག་ཁྱད་པར་གྱི༔ ཁམས་དང་གྲོགས་འཕྲད་མཐུན་པར་བསྒོམ༔ སྐབས་སྐབས་ཡས་མས་ཐབས་ཤེས་བསྐུལ༔ རླུང་གནད་བདེ་བར་སྦྱོར་ཤེས་གནད༔ དེ་ནི་གསུང་གི་སྒྲུབ་པའོ༔ སྤྲོས་པ་བརྩོལ་བཅས་བློ་རིམ་ལ༔ སྦྱོར་དངོས་རྗེས་ཀྱི་ཚུལ་དུ་བསྟན༔ དང་པོ་སྔོན་འགྲོའི་སྟ་གོན་ལ༔ གནས་གཞི་ལ་སོགས་སྤྱི་ལྟར་བྱ༔ བརྟེན་པ་རབ་ནི་རྡུལ་ཚོན་དང་༔ འབྲིང་ནི་རས་བྲིས་ཐ་མ་ཡང་༔ རིན་ཆེན་མཉྫི་སྐྱོན་བྲལ་ལ༔ དྲི་ལྡན་སྤོས་ཆུས་ལེགས་སྦྱར་ཏེ༔ སྙིང་པོའི་ཚོམ་བུ་ལྷ་གྲངས་དང་༔ རྩ་གསུམ་ནོར་ལྷ་སྲུང་མ་ཡི༔ གཏོར་མ་དང་ནི་སྒྲུབ་བརྟེན་དང་༔ གསང་རྟེན་མཁའ་འགྲོའི་བླ་རྡོ་འམ༔ སྲོག་འཁོར་སྐུ་བརྙན་ལ་སོགས་བཤམས༔ མཚན་ལྡན་བྷནྭྷ་བཅུད་ཀྱིས་གཏམས༔ བུམ་པ་མེ་ལོང་འཇའ་ཤེལ་དང་༔ གསང་སྨན་དག་གི་རིལ་བུ་སོགས༔ མཁོ་བའི་ཡོ་བྱད་སྟ་གོན་བསགས༔ གནས་གཞིའི་ཕྱི་ནང་གོང་བཞིན་བརླབས༔ མཆོད་པའི་ཡོ་བྱད་གྲོགས་སྒྲུབ་པའི་གྲོགས་མཆན་ལ་སོགས༔ སེལ་མེད་ཡོ་བྱད མཆན་གྲོང་པའི་སྐྱོན་ཅན་སྤོངས༔ གཞུང་བཞིན་ཚུལ་དང་ལྡན་པ་གནད༔ ས་མ་ཡ༔ གཉིས་པ་དངོས་གཞིའི་རིམ་པ་ནི༔ བདེ་བའི་སྟན་ལ་བག་ཕེབས་གནས༔ ནུབ་ཀྱི་ཕྱོགས་སུ་ཁ་གྱུ་ལ༔ བསྐྱེད་སྦྱང་སྨིན་པའི་མན་ངག་མཐར༔ སེམས་བསྐྱེད་པ་དང་རྡོར་སེམས་བསྒོམ་བཟླས། བླ་མའི་རྣལ་འབྱོར། མཆན་མདུན་མཁར་ཚོགས་ཞིང་5同27 གསལ་བཏབ་ནས༔ དང་པོ་སྐྱབས་སུ་འགྲོ་བ་ནི༔ ན་མོ༔ སྐྱེ་མེད་ཡེ་ཤེས་ཀུན་བཟང་མོ༔ བགགས་མེད་ཡེ་ཤེས་རྣལ་འབྱོར་མ༔ ཐུགས་རྗེ་སྤྲུལ་སྐུ་མཚོ་རྒྱལ་མར༔ འདུ་འབྲལ་མེད་པར་སྐྱབས་སུ་མཆི༔ ལན་གསུམ་བརྗོད་ནས་སེམས་བསྐྱེད་ནི༔ ཧོཿ མཁའ་མཉམ་སེམས་ཅན་མ་ལུས་ཀུན༔ རྣམ་གྲོལ་ས་ལ་འགོད་པའི་ཕྱིར༔ བདག་གིས་རིམ་གཉིས་ལམ་བསྒོམ་ནས༔ སྨོན་དང་འཇུག་པའིབྱང་སེམས་བསྐྱེད༔ ལན་གསུམ་བརྗོད་ནས་ཚོགས་བསགས་ནི༔ ན་མོ༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ བདག་ལུས་རྡུལ་རྙེད་གྲངས་སྤྲུལ་ནས༔ སྒོ་གསུམ་གུས་པས་ཕྱག་འཚལ་ལོ༔ ལུས་དང་ལོངས་སྤྱོད་བསོད་ནམས་དགེ༔ ཆགས་ཞེན་མེད་པར་མཆོད་པ་འབུལ༔ ཐོག་མེད་ནས་བསགས་ཉེས་ཚོགས་ཀུན༔ གནོང་འགྱོད་དྲག་པོའི་སེམས ཀྱིས་བཤགས༔ བདག་གཞན་དུས་གསུམ་བསགས་པ་ཡི༔ དགེ་ཚོགས་ཀུན་ལ་རྗེས་ཡི་རང་༔ འགྲོ་བ་གང་ལ་