Tibetan
རྗེས་རིམ་ཚོགས་མཆོད་ལ༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ འདུ་བ་ཚོགས་གཉིས་བསགས་པའི་ཕྱིར༔ ཐབས་ཤེས་རྫས་དང་ཛ་གད་སྐྱེམས༔ བཟའ་བཅའ་བཏུང་སོགས་ཐོད་རྔའི་སྒྲ༔ རྐང་གླིང་རོལ་མོ་དབྱངས་དང་བཅས༔ ཚོགས་རྫས་ནམ་མཁའ་མཛོད་དུ་སྤེལ༔ ལྷ་ཡི་ཏིང་འཛིན་གསལ་བའི་ངང་༔ བྱིན་གྱིས་བརླབ་པ་འདི་ལྟར་བྱ༔ ཧཱུྃ་ཧྲཱིཿ སྣང་སྲིད་དག་པ་རབ་འབྱམས་ཀློང་༔ རང་བྱུང་མཚན་ལྡན་ཀ་པ་ལ༔ ཡངས་ཤིང་རྒྱ་ཆེའི་སྣོད་ནང་དུ༔ ཐབས་ཤེས་རྫས་ནི་ཕུན་སུམ་ཚོགས༔ ཟག་མེད་བདུད་རྩིའི་རྒྱ་མཚོར་སྤྲུལ༔ ཀུན་བཟང་ 2༈ ཿ མཆོད་སྤྲིན་ལྟ་བུར་གྱུར༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ཧ་ཧོ་ཧྲཱིཿ ལན་གསུམ་བརྗོད༔ སྤྱན་འདྲེན་ནི༔ ཧྲཱིཿ འོག་མིན་མཁའ་ལ་སྤྱོད་པའི་ཞིང་༔ རང་བྱུང་ལྷུན་གྲུབ་གཞལ་ཡས་ནས༔ ཡེ་ཤེས་མཁའ་འགྲོ་བདེ་ཆེན་དཀར༔ འབུམ་ཕྲག་མཁའ་འགྲོའི་ཚོགས་དང་བཅས༔ འདུ་བ་ཚོགས་ཀྱི་འཁོར་ལོ་རུ༔ སྒྱུ་མ་ཆུ་ཟླའི་ཟློས་གར་བཞིན༔ གནས་འདིར་སྤྱན་འདྲེན་གཤེགས་སུ་གསོལ༔ ཐབས་ཤེས་པད་ཟླའི་གདན་ལ་བཞུགས༔ གཉིས་མེད་ཡིད་ཀྱིས་མཆོད་པ་འབུལ༔ དམ་ཡེ་དབྱེར་མེད་རོ་གཅིག་གྱུར༔ ཨོཾ་ཛྙཱ་ན་ཌཱ་ཀི་ནི་བཛྲ་ས་མ་ཡ་ཛ་ཛཿ ས་མ་ཡ་ཏིཥྛ་ལྷན༔ ཚོགས་ཕུད་འབུལ་བ་ནི༔ ཨ༔ རང་བྱུང་བདེ་ཆེན་ཐོད་སྣོད་དུ༔ ཐབས་ཤེས་ལོངས་སྤྱོད་འདོད་ཡོན་ཚོགས༔ ཟག་མེད་ཀུན་བཟང་མཆོད་སྤྲིན་ལྟར༔ ཡེ་ཤེས་མཁའ་འགྲོའི་ལྷ་ལ་འབུལ༔ དགྱེས་བཞེས་བདེ་སྟོང་དངོས་གྲུབ་སྩོལ༔ ཨོཾ་ཛྙཱ་ན་ཌཱ་ཀི་ནི་ག་ཎ་ཙཀྲ་པཱུ་ཛ་ཁཱ་ཧི༔ བསྐང་བ་ནི༔ ཧྲཱིཿ སྣང་ཡུལ་དག་པ་མཆོད་པའི་རྫས༔ བདེ་སྟོང་ཡེ་ཤེས་ཆོ་འཕྲུལ་ལས༔ གཟུགས་སྒྲ་དྲི་རོ་རེག་བྱ་ཆོས༔ ཛ་གད་སྐྱེམས་དང་རོལ་མོ་སོགས༔ སྨན་གཏོར་རཀྟ་ལྷ་མོར་བཅས༔ ཀུན་བཟང་མཆོད་སྤྲིན་ཆེན་པོ་འདིས༔ ཡེ་ཤེས་ དབྱིངས་ཀྱི་མཁའ་འགྲོ་མ༔ བདེ་ཆེན་དཀར་མོའི་ཐུགས་དམ་བསྐང་༔ འབུམ་ཕྲག་མཁའ་འགྲོའི་ཡང་སྤྲུལ་བྱེ་བའི༴ ཉམས་ཆག་སྒྲིབ་པ་དག་པར་མཛོད༔ ཐུན་མོང་གྲུབ་པ་བརྒྱད་དང་ནི༔ མཆོག་ཏུ་རིག་འཛིན་རྣམ་པ་བཞི༔ འབད་མེད་ལྷུན་གྲུབ་ས་ཐོབ་ཤོག༔ བཤགས་པ་ནི༔ ཧོཿ རྒྱལ་ཡུམ་མཁའ་འགྲོའི་ལྷ་ཚོགས་དགོངས༔ བདག་ཅག་མ་རིག་ལས་དབང་གིས༔ གསང་བ་བླ་མེད་དཀྱིལ་འཁོར་དུ༔ བསྐྱེད་བཟླས་ཏིང་འཛིན་གཡེལ་བ་དང་༔ སྒོ་གསུམ་བག་མེད་ཅི་བསགས་པ༔ ཚོགས་ཀྱི་མཆོད་པས་བསྐང་ཞིང་བཤགས༔ དག་ཚངས་མཆོག་ཐུན་དངོས་གྲུབ་སྩོལ༔ ཨོཾ་ག་ཎ་ཙཀྲ་སཏྭ་སོགས། ཨཱཿ ཚོགས་རོལ་ནི༔ ཧོཿ བླ་མེད་གསང་བའི་དཀྱིལ་འཁོར་དུ༔ ཐབས་ཤེས་རྫས་ནི་ལོངས་སྤྱོད་ལྡན༔ ཚིམས་པ་དྲུག ལྡན་བླང་དོར་མེད༔ རོལ་པས་དངོས་གྲུབ་རྣམ་གཉིས་ཐོབ༔ ཨ་ལ་ལ་ཧོཿ ཞེས་རོལ༔ ལྷག་མ་ནི༔ ཕེཾ་བྷྱོཿ གནས་དང་ཡུལ་གྱི་ཞིང་ཁམས་ནས༔ ལྷག་ལ་དབང་བའི་ཚོགས་རྣམས་ཀུན༔ ལྷག་གཏོར་བཤལ་ཆུ་འདི་བཞེས་ལ༔ བར་ཆད་ཀུན་སེལ་ཕྲིན་ལས་སྒྲུབས༔ སརྦ་ཨུ་ཙིཥྚ་བ་ལི་ཏ་ཁཱ་ཧི༔ བསྐུལ་བ་ནི༔ ཧཱུྃ་བྷྱོཿ དབྱིངས་ནས་བཞེངས་ཤིག་མཁའ་འགྲོའི་ ༧2༈ ཧོཿ ཚོགས༔ བསྐུལ་ལོ་ཕྲིན་ལས་དྲག་པོ་བསྐུལ༔ གསང་བ་བླ་མེད་བསྟན་པ་ལ༔ གནོད་པའི་བདུད་བགེགས་ཐལ་བར་རློག༔ གསང་སྔགས་བསྟན་པ་དར་བ་དང་༔ བསྟན་འཛིན་ཚེ་བསྲིང་དངོས་གྲུབ་སྩོལ༔ ལས་བཞིའི་ཕྲིན་ལས་འགྲུབ་པར་མཛོད༔ ཆད་ཐོ་ནི༔ ཧཱུྃ༔ སྐུ་གསུམ་མཆོག་གི་དཀྱིལ་འཁོར་དུ༔ གསང་སྔགས་བསྲུང་བར་ཁས་བླངས་ཤིང་༔ རྣལ་འབྱོར་སྐྱོང་བར་ཞལ་བཞེས་ལྟར༔ བཀའ་སྲུང་གཏེར་སྲུང་དམ་ཅན་ཚོགས༔ གཏོར་མ་འདི་བཞེས་རྣལ་འབྱོར་པའི༔ འདོད་དོན་ཕྲིན་ལས་འགྲུབ་པ་དང་༔ མཐའ་འདྲེ་གདུག་པའི་བསམ་སྦྱོར་བཟློག༔ རྒྱལ་བསྟན་དར་རྒྱས་ཡུན་བརྟན་མཛོད༔ བརྟན་མ་ནི༔ བྷྱོཿ གངས་ཅན་བོད་ཡུལ་སྤྲུལ་པའི་ཞིང་༔ པདྨ་རྒྱལ་པོའི་དམ་གནས་པའི༔ བསྟན་མ་བཅུ་གཉིས་འཁོར་བཅས་ཀྱིས༔ ཟག་མེད་མཆོད་གཏོར་འདི་བཞེས་ལ༔ ལྟ་ལོག་བདུད་ཀྱི་བསྟན་པ་བསྣུབས༔ གསང་སྔགས་བསྟན་པ་དར་རྒྱས་མཛོད༔ མ་མ་ཧྲཱི་ཧྲཱི་བ་ལིཾ་ཏ་ཁཱ་ཧིཿ བྲོ་མནན་ནི༔ ཧཱུྃ༔ ཨེ་ལས་ཐར་མེད་ཧོམ་ཁུང་དུ༔ བདག་འཛིན་རུ་ཏྲ་དམ་ཉམས་སྲི༔ རིག་པ་ཡེ་ཤེས་ཆེན་པོས་མནན༔ སྟོང་ཉིད་ཀློང་ནས་བྲོ་བརྡུང་ཞིང་༔ སྤྲོས་བྲལ་དབྱིངས་སུ་རྒྱས གདབ་བོ༔ འོད་གསལ་ཀློང་དུ་སྟྭཾ་བྷ་ཡ༔ མཱ་ར་ཡ་ནན༔ ཅེས་མཆོད་བསྟོད་བྱ་ཞིང་ལྷག་ཆད་བསྐང་༔ དངོས་གྲུབ་ནི༔ ཧོཿ གསང་བ་ཡེ་ཤེས་དཀྱིལ་འཁོར་དུ༔ བདེ་ཆེན་དཀར་མོའི་གསང་བ་གསུམ༔ ཇི་བཞིན་བདག་གིས་བསྒྲུབས་པ་ཡི༔ མི་བཟད་རིན་ཆེན་ཡིད་བཞིན་གཏེར༔ མ་ལུས་སྒོ་ཕྱེས་དངོསགྲུབ་སྩོལ༔ ནད་མེད་བདེ་བའི་དངོསཿ འཆི་མེད་ཚེ་ཡིཿ བདེ་སྟོང་མཆོག་གི། མཆོག་ཐུན་ཕྲིན་ལས་ལྷུན་གྲུབ་ནས༔ རིག་འཛིན་རྣམ་བཞིའི་ས་ཐོབ་ཤོག༔ རྩ་སྔགས་མཐར༔ ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ གཤེགས་བསྡུ་ནི༔ ཧྲཱིཿ གདོད་ནས་དག་པའི་གཞི་ཀློང་ནས༔ ཡེ་ཤེས་དམ་ཚིག་གཉིས་མེད་པར༔ གཙོ་འཁོར་དག་མཉམ་ཆེན་པོ་རུ༔ ཆོས་ཉིད་དོན་ལ་གཤེགས་བཞུགས་བྲལ༔ དོན་དམ་གཞི་ཀློང་བཛྲ་མུ༔ རྗེས་ཐོབ་འཁོར་ལོ་གསུམ་གྱི་ངང་༔ སྐུ་གསུམ་རོལ་པའི་ངང་ཉིད་དུ༔ སྐད་ཅིག་སྣང་སྟོང་ཆུ་ཟླ་ལྟར༔ ཀ་དག་ཀློང་དུ་ས་མ་དྷི་ཧཱུྃ༔ བསྔོ་བ་ནི༔ ཧོཿ གསང་བ་བླ་མེད་དཀྱིལ་འཁོར་དུ༔ དམིགས་བཅས་དམིགས་མེད་དགེ་ཚོགས་ཀུན༔ མ་གྱུར་འགྲོ་བ་ཀུན་དོན་དུ༔ བྱང་ཆུབ་ཆེན་པོར་ཡོངས་བསྔོ་བྱ༔ ཀུན་ཀྱང་སྲིད་པའི་གནས་སྟོང་ནས༔ གདོད་མའི་རྒྱལ་ས་ཟིན་པར་ཤོག༔ སྨོན་ ༥ ཿ ལམ་ནི༔ ཀྱེ༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ བསོད་ནམས་ཚོགས་ཆེན་བསགས་པའི་མཐུས༔ བདག་གཞན་འགྲོ་བ་མ་ལུས་པ༔ རང་རིག་ཀ དག་དོན་རྟོགས་ནས༔ སྟོང་པ་ཆེན་པོའི་ཡེ་ཤེས་ཀྱི༔ ཟུང་འཇུག་འོད་གསལ་མངོན་གྱུར་ནས༔ ཟབ་མོ་བླ་མེད་དོན་དམ་མཆོག༔ རང་གྲོལ་ཆེན་པོར་སངས་རྒྱས་ཤོག༔ བཀྲ་ཤིས་ནི༔ སྲིད་བཞིའི་དཔལ་ཡོན་ཕུན་སུམ་ཚོགས༔ འདོད་དགུའི་བཀྲ་ཤིས་གང་ལགས་པ༔ ཡེ་ཤེས་མཁའ་འགྲོའི་མཐུ་སྟོབས་ཀྱིས༔ བདག་ཅག་རྣམས་ལ་བཀྲ་ཤིས་ཤོག༔ ཅེས་དང་བཀྲ་ཤིས་ཅི་རིགས་བྱ༔ ས་མ་ཡ༔ རྒྱ་རྒྱ་རྒྱ༔ ཨེ་མ༔ སྐྱེ་མེད་རང་བྱུང་རིག་པའི་རང་གདངས་ནས༔ མ་བཅོས་ལྷུན་གྲུབ་རང་རྩལ་དེ་རུ་ཤར༔ རེ་དོགས་བྲལ་བའི་ཀློང་ནས་ཡི་གེར་བྲིས༔ གཏེར་མིན་གཏེར་འདྲས་ས་སྟེང་བསུ་བའི་དུས༔ རང་གཞན་གཉིས་ཕུང་ཆོས་ལོག་མང་དུ་དར༔ དེ་ཚེ་དབྱིངས་ཀྱི་རྗེ་མོ་ཐུགས་ཁྲོས་ནས༔ སད་སེར་མུ་གེ་ནད་མཚོན་ལ་སོགས་དར༔ བསྟན་འཛིན་སྐྱེས་བུའི་སྐུ་ཚེ་བར་ཆད་མང་༔ དེ་ཕྱིར་བདག་ཅག་མ་རིག་དབང་གིས་ནི༔ ནོར་འཁྲུལ་ལྷག་ཆད་འགལ་བ་གང་མཆིས་པ༔ སྤྲུལ་པ་མཁའ་འགྲོའི་ཚོགས་ལ་བཟོདཔར་གསོལ༔ སྒྲིབ་མེད་དག་ཅིང་མཆོག་ཐུན་དངོས་གྲུབ་སྩོལ༔ དགེ་བས་འགྲོ་ཀུན་བྱང་ཆུབ་ས་ཐོབ་ཤོག༔ ཅེས་པ་མཁའ་འགྲོའི་སྒྲུབ་ཐབས་འདིའང་དུས ༦༩ བཟང་འབྲུག་གི་ལོར་དབྱར་ཟླ་བཞི་པའི་ཉེར་ལྔའི་ཉིན་སུ་ཁའི་མིང་གིས་བྲིས་པ་དགེ་ལེགས་འཕེལ། །བསྐུལ་བ་པོ་འཇིགས་མེད་ཕྲིན་ལས་རྣམ་རྒྱལ་ལོ།། །། 28 ལམ་ཁྱེན་ལ་ཐོས་TI1396-242 TI1396-242 登དེཾ༔ ཆོས་ཉིད་མཁའ་འགྲོའི་ཐུགས་ཏིག་ལས༔ ཌཱ་ཀིའི་ཚོགས་མཆོད་བདུད་རྩིའི་སྤྲིན་དཔུང་བཞུགས༔ ན་མོ་གུ་རུ་པདྨ་ཀཱ་ར་ཡེ༔ གསང་སྔགས་ལམ་ཞུགས་རྣལ་འབྱོར་ཕོ་མོ་རྣམས༔ ཡང་གསང་ཐུགས་སྒྲུབ་ཟབ་མོ་ལ་བརྟེན་ནས༔ ཉམས་ཆག་བསྐང་ཞིང་བསོད་ནམས་ཚོགས་རྫོགས་ཕྱིར༔ རྗེས་རིམ་རྣལ་འབྱོར་ཚོགས་ཀྱི་རིམ་པ་བསྟན༔ ས་མ་ཡ༔ སྦྱོར་བ་བཟའ་བཅའ་བཏུང་བ་ལ་སོགས་དང་༔ དཀར་གསུམ་མངར་གསུམ་ཟས་སྣ་ཤིང་ཏོག རིགས༔ སྤོས་ཀྱི་རིགས་བྱེད་ལ་སོགས་འབྱོར་ཚོགས་ཀུན༔ སེལ་མེད་གཙང་ཞིང་ཡིད་འོང་འདུ་བྱས་ཏེ༔ ཕུད་ཉམས་ཁ་ཚར་ལ་སོགས་སྐྱོན་སྤངས་ནས༔ དབུས་འབུར་མཐའ་མཉམ་རི་རབ་ཚུལ་དུ་བཀོད༔ ཁྱད་པར་བརྟུལ་ཞུགས་རྫས་གཉིས་མེད་མི་རུང་༔ རྫས་རྣམས་ཐབས་གཡས་ཤེས་རབ་གཡོན་དུ་བཤམས༔ འབྱོར་ཚོགས་འདོད་ཡོན་རོལ་མཚོའི་ཚུལ་དུ་ནི༔ མདུན་རྒྱབ་རྣམས་སུ་མ་འཆོལ་ལེགས་བཤམས་ནས༔ བཟང་ཤིང་སྤོས་ཀྱིས་བདུག་ཅིང་མི་གཙང་སྦྱང་༔ ས་མ་ཡ༔ དེ་ནས་ཚོགས་རྫས་བདུད་རྩིར་བྱིན་བརླབ་ནི༔ ཧཱུྃ་ཧྲཱིཿ རང་ཉིད་ཡེ་ཤེས་ལྷ་ཡི་ཐུགས་ཀ་ནས༔ རཾ་ཡཾ་ཁཾ་གསུམ་འཕྲོས་པའི་འོད་ཟེར་གྱིས༔ ཚོགས་ཀྱི་དངོས་འཛིན་ཉེས་སྐྱོན་འབག་བཙོག ཀུན༔ རྡོ་རྗེའི་མེས་བསྲེག་ཡེ་ཤེས་རླུང་གིས་གཏོར༔ ཆུ་ཡིས་གཟུང་འཛིན་དྲི་མ་དབྱིངས་སུ་སྦྱངས༔ རཾ་ཡ་ཁཾ༔ སླར་ཡང་སྙིང་པོ་འབྲུ་གསུམ་འཕྲོས་པ་ལས༔ རང་བྱུང་བདེ་ཆེན་མཆོད བྷནྡྷའི་སྣོད་མཆོག་ཏུ༔ ཨོཾ་གྱིས་དབྱིངས་ནས་འདོད་ཡོན་ཚོགས་སུ་སྤེལ༔ ཨཱཿཡིས་ཤ་ལྔ་བདུད་རྩི་ལྔ་རུ་བསྒྱུར༔ ཧཱུྃ་གིས་བདེ་སྟོང་ཟག་མེད་ཡེ་ཤེས་བསྐྱེད༔ སྐུ་གསུམ་མཁའ་འགྲོ མཉེས་ཚིམས་དགྱེས་པའི་རྫས༔ ཀུན་བཟང་ནམ་མཁའ་མཛོད་དུ་བྱིན་གྱིས་བརླབས༔ ཨོཾ་ཨཱཿཧཱུྃ༔ ལན་གསུམ་བརྗོད་ལ༔ ནམ་མཁའ་མཛོད་སྔགས་མཆོད་པའི་སྤྲིན་གཟུང་བརྗོད༔ དེ་ནས་ཚོགས་ལ་སྤྱན འདྲེན་པ་ནི༔ ཧཱུྃ༔ འོག་མིན་བདེ་བ་ཆེན་པོའི་ཞིང་༔ ལྷུན་གྲུབ་བཀོད་པ་རབ་རྫོགས་དབུས༔ བདེ་ཆེན་འགྱུར་མེད་གཞལ་ཡས་སུ༔ ཆོས་སྐུའི་ཞིང་ན་ཀུན་བཟང་མོ༔ ལོངས་སྐུ་རྣལ་འབྱོར་ཝ་ར་ཧིཿ སྤྲུལ་སྐུ་ཡེ་ཤེས་མཁའ་འགྲོ་མ༔ རྗེ་མོ་མཚོ་རྒྱལ་ཞེས་སུ་གྲགས༔ འཁོར་དུ་རིག་འཛིན་ལྷ་ཚོགས་དང་༔ རིགས་ལྔའི་མཁའ་འགྲོ་འབུམ་གྱིས་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཕྱིར༔ འཁོར་དང་བཅས་པ་མ་ལུས་ཀུན༔ ཚོགས་ཀྱི་འདུ་བར་གཤེགས་སུ་གསོལ༔ དབུ་སྐྲ་ཐོར་ཅོག་ལྡེམས་སེ་ལྡེམ༔ ལྷག་མ་ཟར་བུ་ཏ་ལ་ལ༔ རྒྱན་ཆ་མང་པོ་སི་ལི་ལི༔ རིག་འཛིན་གར་འཆམས་ཤིགས་སེ་ཤིག༔ དཔའ་བོ་དཔའ་མོ་སྤྲིན་ལྟར་གཏིབས༔ གིང་ཆེན་གླུ་བྲོ་ཁྲིགས་སེ་ཁྲིག༔ བརྒྱུད་འཛིན་བྱིན་གྱིས་བརླབ་པའི་ཕྱིར༔ གནས་འདིར་སྤྱན དཿ འདྲེན་གཤེགས་སུ་གསོལ༔ མཛེས་ཁྲི་པད་ཟླའི་གདན་ལ་བཞུགས༔ དགྱེས་དགོངས་མཆོག་གི་དངོས་གྲུབ་སྩོལ༔ བཛྲ་ཛྙཱ་ན་ཌཱ་ཀི་ནི་སཱ་ར་ཛ་ཡ་བཾ་ཧ་རི་ནི་ས་ར་ཙ་ཧྲཱིཿཡ་ཛཿབཛྲ་ས་མ་ཡ་ཛ་ཛཿ ཏིཥྛ་བཛྲ༔ དེ་ནས་བདུད་རྩི་འབུལ་བ་ནི༔ ཨོཾ་ཨཱཿཧཱུྃ༔ ཆོས་དབྱིངས་མཐའ་བྲལ་དབུ་མའི་དབྱིངས༔ སྣང་སྟོང་རོ་རྐྱང་ཟུང་འཇུག་ལམ༔ སྐུ་གསུམ་མཉམ་སྦྱོར་ཟག་མེད་བཅུད༔ བདེ་སྟོང་བདུད་རྩི་བླ་མེད་རྫས༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ བཞེས་ལ་མཆོག་ཐུན་དངོས་གྲུབ་སྩོལ༔ མ་ཧཱ་སརྦ་ཛྙཱ་ན་པཉྩ་ཨ་མྲྀ་ཏ་པཱུ་ཛ་ཁཱ་ཧིཿ དེ་ནས་ཚོགས་ཕུད་འབུལ་བ་ནི༔ ཨོཾ༔ བདེ་སྐྱོང་བྷནྡྷའི་སྣོད་ཡངས་པར༔ སྣང་སྲིད་བཅུད་བསྡུད་འདོད་ཡོན་དཔལ༔ ཡེ་ཤེས་བདུད་རྩི་བླ་ན་མེད༔ ཟག་མེད་ཡེ་ཤེས་བསྐྱེད་པའི་རྫས༔ ལོངས་སྤྱོད་ཚོགས་ཀྱི་མཆོད་པ་འདི༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ གུས་པས་འབུལ་ལོ་བཞེས་ནས་ཀྱང་༔ དགྱེས་སྐོང་དངོས་གྲུབ་མ་ལུས་སྩོལ༔ བཛྲ་ཛྙཱ་ན་ཌཱ་ཀི་ནི་སཱ་ར་ཛ་ཡ་བྃ་ཧ་རི་ནི་ས་ཧྲཱིཿཛ་སརྦ་མ་ཧཱ་ག་ཎ་ཙཀྲ་པཱུ་ཛ་ཁཱ་ཧིཿ དེ་ནས་བཤགས་པ་ནི༔ ཧོཿ ཡེ་ཤེས་མཁའ་འགྲོའི་ལྷ་ཚོགས་གསན་ཅིང་དགོངས༔ བདག་ཅག་མ་རིག་གཉིས་སྣང་འཁྲུལ་དབང་གིས༔ ཚོགས གསང་སྔགས་ཟབ་མོའི་གཞུང་དང་འགལ་བ་གང་༔ ཞལ་ཟས་ཚོགས་ཀྱི་མཆོད་པ་འདི་ཡིས་བཤགས༔ མི་བསྒྲིབ་ཚངས་པ་མཆོག་གི་དངོས་གྲུབ་སྩོལ༔ ཨོཾ་ག་ཎ་ཙཀྲ་ས་ཏྭ་ས་མ་ཡ༴སོགས། ཨཱཿ དེ་ནས་བསྒྲལ་བ་ནི༔ ཧཱུྃ་ཧྲཱིཿ བདག་རྟོག་མ་རིག་འཁྲུལ་པའི་དགྲ་དང་བགེགས༔ བདག་མེད་མཉམ་ཉིད་ཡངས་པའི་ཧོམ་དུ་ཁུག༔ ཡེ་ཤེས་རོལ་པའི་ཐུན་ཚོན་དྲག་པོས་བསྒྲལ༔ གཉིས་སྣང་འཁྲུལ་པའི་འཁོར་ལོ་དབྱིངས་སུ་ཤིག༔ ཨོཾ་བཛྲ་མ་ཧཱ་ཀྲོ་ཏཿ གནོད་བྱེད་དགྲ་བགེགས་སརྦ་ཤཱ་ཏྲུཾ་མཱ་ར་ཡ་རྦད་སོད་རྦད་ནན༔ དེ་ནས་བསྟབས་པ་ནི༔ ཧཱུྃ༔ དགྲ་བགེགས བསྒྲལ་བའི་ཤ་ཁྲག་ཕུང་ཁམས་ཀུན༔ རྩ་གསུམ་དམ་ཅན་དཀྱིལ་འཁོར་ལྷ་ལ་འབུལ༔ མཉམ་ཉིད་བདེ་བ་ཆེན་པོའི་ཞལ་དུ་བསྟབས༔ ཀ་དག་འཁྲུལ་མི་ཤེས་པའི་ས་རུ་སྒྲོལ༔ སརྦ་ཤཱ་ཏྲུཾ་རུ་ཏྲ་མཱ་ར་ཡ་ཁཱ་ཧིཿ དེ་ནས་དངོས་གྲུབ་ལ་རོལ་བ་ནི༔ ཨོཾ་ཨཱཿཧཱུྃ༔ ལུས་གདན་གསུམ་རྣམ་དག་དཀྱིལ་འཁོར་དུ༔ ཁ་ཡ་རྐན་ཐབས་མཆོག་དཔའ་བོ་དང་༔ ལྕེ་ཤེས་རབ་གསང་བ་ཡུམ་ཆེན མོ༔ དེ་མཉམ་སྦྱོར་ཟག་མེད་བདེ་བའི་བཅུད༔ གནས་སྒོ་གསུམ་བུམ་པའི་སྣོད་དུ་བསྐྱིལ༔ དབང་དངོས་གྲུབ་མ་ལུས་ཀུན་ཐོབ་རྫས༔ ད་ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ 登དཿ ཧོ༔ དེ་ནས་ལྷག་མ་ནི༔ ཧཱུྃ་བྷྱོཿ དཔལ་ཆེན་བཀའ་ཉན་ལྷག་སྡུད་མ༔ མཁའ་འགྲོ་སུམ་ཅུ་རྩ་གཉིས་དང་༔ འབར་མ་ལ་སོགས་ལྷག་མགྲོན་རྣམས༔ འདིར་གཤེགས་འདོད་ཡོན་ཚོགས་ལྷག་རོལ༔ ཕྱི་ནང་བར་ཆད་རྐྱེན་ངན་བཟློག༔ ཕྲིན་ལས་གང་བཅོལ་ཡོངས་གྲུབ་མཛོད༔ ས་མ་ཡ་ཨུཙིཥྞ་བཱ་ལིཾ་ཏ་ཁཱ་ཧི༔ དེ་ནས་བསྐུལ་བ་ནི༔ ཧཱུྃ་ཧྲཱིཿ རིག་འཛིན་དཔའ་བོ་མཁའ་འགྲོའི་ཚོགས༔ མ་གཡེལ་ཐུགས་དམ་གནད་ནས་བསྐུལ༔ ཆོས་ཀྱི་དབྱིངས་ལས་སྐུར་བཞེངས་ལ༔ གསང་སྔགས་བསྟན་དང་བསྟན་འཛིན་སྐྱོངས༔ རྣལ་འབྱོར་ཉམས་རྟོགས་ཡོན་ཏན་སྤེལ༔ མཐའ་མི་དབུས་སུ་མ་བཏང་ན༔ རྒྱལ་བསྟན་དར་རྒྱས་ཡུན་བརྟན་མཛོད༔ དུས་ལ་བབ་བོ་ས་མ་ཡ༔ མ་འདའ་མ་མོ་མཁའ་འགྲོའི་ཚོགས༔ སྒྲུབ་པའི་འབྲས་བུ་དུས་འདིར་སྩོལ༔ དེ་ནས་ཆད་དོན་བཏང་བ་ནི༔ ཧཱུྃ་བྷྱོཿ གཞི་དབྱིངས་འགྱུར་མེད་ཀ་དག་དུས་ཀྱི་ཚེ༔ གཞི་སྣང་ལྷུན་གྲུབ་དོན་གྱི་འོག་མིན་ནས༔ རྣམ་ཀུན་མཆོག་ལྡན་རྡོ་རྗེ་རྣལ་འབྱོར་མས༔ རང་གསལ་སྒྱུ་འཕྲུལ་འཁོར་ལ་བརྡ་སྟོན་ཚེ༔ རྩལ་སྣང་རོལ་པའི་དྲེགས་པ་ཕོ་མོ་ཡིས༔ རང་རྩལ་འཁོར་ལ་བཀའ་ནན་བསྟན་སྲུང་བ༔ ཁས་བླངས་དམ་བཅའ་ཐ་ ཚིག་གཏེར་གཏད་པའི༔ གསང་སྔགས་བཀའ་ཡི་སྲུང་མ་རྒྱ་མཚོའི་ཚོགས༔ འདིར་གཤེགས་ཆད་དོན་གཏོར་མ་འདི་ལོངས་ལ༔ སངས་རྒྱས་བསྟན་པ་བསྲུང་བར་མ་ཆད་དམ༔ བསྟན་འཛིན་སྐྱེས་བུའི་སྐུ་ཚེ་བསྲིང་བ་དང་༔ མཐའ་དམག་དུས་འཁྲུགས་བཟློག་པར་མ་ཆད་དམ༔ འགལ་རྐྱེན་ཀུན་ཞི་མཐུན་རྐྱེན་ལེགས་ཚོགས་སྒྲུབས༔ རབ་འབྱམས་ཕྲིན་ལས་བསྒྲུབ་པར་མ ཆད་དམ༔ ཤ་ཁྲག་དམར་གྱི་གཏོར་མ་འདི་བཞེས་ལ༔ སྔོན་གྱི་ཐ་ཚིག་གཡར་དམ་མ་འདོར་བར༔ རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད༔ དུས་ལས་མ་མདའ་བཛྲ་ས་མ་ཡ༔ དེ་ནས་བརྟན་མ་སྐྱོང་བ་ནི༔ མ་བྷྱོཿ སྔོན་ཚེ་རྒྱལ་དབང་པདྨ་ཐོང་ཕྲེང་གི༔ སྤྱན་སྔར་བསྟན་པ་སྲུང་བར་ཁས་བླངས་པའི༔ བོད་སྐྱོང་བསྟན་མ་ཡ་མ་སྐྱོང་མའི་ཚོགས༔ འཁོར་དང་ཡང་འཁོར་བཅས་པ་མ་ལུས་ཀུན༔ འདིར་གཤེགས་བདུད་རྩིའི་གཏོར་མ་འདི་བཞེས་ལ༔ སྔོན་གྱི་ཐ་ཚིག་གཉེན་པོ་མ་གཡེལ་བར༔ གསང་སྔགས་བསྟན་དང་བསྟན་འཛིན་སྡེ་སྐྱོངས་ལ༔ མི་མཐུན་དུས་ཀྱི་རྒུད་པ་མཐའ་དག་སོལ༔ མཐའ་མི་ཧ་རའི་གནོད་པ་རྡུལ་དུ་རློག༔ སངས་རྒྱས་བསྟན་པ་རྒྱས་སྲུངས་ཕྲིན་ལས་མཛོད༔ ཞི་རྒྱས་དབང་དང་མངོན་སྤྱོད་ལ་སོགས་པའི༔ མྦྷ དཿ རབ་འབྱམས་ལས་ཀུན་མ་ལུས་འགྲུབ་པར་མཛོད༔ བྷྱོ་མ་མ་བྷྱོ་ཛཿབ་ལི་ཏ་ཁ་ཁ་ཁཱ་ཧི་ཁཱ་ཧི༔ དེ་ནས་བྲོ་མནན་ནི༔ ཧཱུྃ༔ གསང་ཆེན་རོལ་པ་མཁའ་འགྲོའི་དཀྱིལ་འཁོར་འདིར༔ དངོས་གྲུབ་སྒྲབ་ལ་བར་གཅོད་དམ་སྲི་བགེགས༔ རྣམ་ཐར་གསུམ་ལྡན་གྲུ་གསུམ་མཁའ་རུ་བྲུབས༔ འཆོར་མེད་ཡེ་ཤེས་རོལ་པའི་ཕྱག་རྒྱས་མནན༔ ནམ་ཡང་ལྡང་མེད སྐུ་གསུམ་བྲོ་རྒྱས་གདབ༔ ཨོཾ་ལ༔ ཨཱཿལཾ༔ ཧཱུྃ་ལཾ༔ སྟྭ་བྷ་ཡ་ནན༔ མཱ་ར་ཡ་ནན༔ དེ་ནས་དངོས་གྲུབ་བླང་བ་ནི༔ ཧོཿ ཡེ་ཤེས་མཁའ་འགྲོའི་དཀྱིལ་འཁོར་གྱི༔ གསང་གསུམ་རྡོ་རྗེའི་ཀློང་མཛོད་ནས༔ བྱིན་རླབས་དབང་དང་དངོས་གྲུབ་ཀུན༔ འབྲུ་གསུམ་འོད་ཀྱི་རྣམ་པ་རུ༔ བདག་གི་གནས་གསུམ་ཐིམ་པ་ཡིས༔ སྐུ་གསུང་ཐུགས་ཀྱི་དབང་དངོས་གྲུབ༔ མ་ལུས་ཡོངས་སུ་རྫོགས་ཐོབ་ནས༔ དགའ་བཞིའི་ཡེ་ཤེས་མངོན་གྱུར་ཅིང་༔ མཆོག་ཏུ་མི་འགྱུར་བདེ་བ་ཆེའི༔ དངོས་གྲུབ་དམ་པ་དེངས་འདིར་སྩོལ༔ རྩ་སྔགས་མཐར༔ ཨོཾ་ཀཱ་ཡ་སིདྡྷི་ཨོཾ༔ ཨཱཿཝཱཀ་སིདྡྷི་ཨཱཿ ཧཱུྃ་ཙིཏྟ་སིདྡྷི་ཧཱུྃ༔ ཧྲཱིཿསརྦ་སིདྡྷི་ཕ་ལ་ཧཱུྃ་ཨཱ༔ དེ་ནས་ལྷག་ཆད་བསྐང་བ་ནི༔ ཧོཿ མཁའ་འགྲོ་མ་ཡི་དཀྱིལ་འཁོར་དུ༔ བདག་གི་སྒོ་གསུམ་འཁྲུལ་དབང་ གིས༔ བསྐྱེད་རིམ་ཏིང་འཛིནགཡེལ་བ་དང་༔ སྔགས་བཟླས་མ་དག་འཁྱལ་ཚིག་འདྲེས༔ ཆོག་གཞུང་བཞིན་མ་ལྡན་པས༔ འགལ་འཁྲུལ་ཅི་མཆིས་བཟོད་པར་གསོལ༔ མི་སྒྲིབ་ཚངས་པའི་དངོས་གྲུབ་སྩོལ༔ ཨོཾ་ས་མ་ཡ༔ ཨཱཿས་མ་ཡ༔ ཧཱུྃ་ས་མ་ཡ༔ ཨོཾ་བཛྲ་ས་ཏྭས་མ་ཡ༴ སོགས༔ ཨཱཿ ལན་གསུམ་བརྗོད། དེ་ནས་བསྔོ་བ་ནི༔ ཧོཿ བདག་གིས དུས་གསུམ་བསགས་པ་ཡི༔ རྣམ་དཀར་དགེ་ཚོགས་ཅི་མཆིས་ཀུན༔ མ་གྱུར་འགྲོ་བ་སེམས་ཅན་རྣམས༔ རྣམ་མཁྱེན་སངས་རྒྱས་ཐོབ་ཕྱིར་བསྔོ༔ ལན་གསུམ་བརྗོད་མཐར་སྨོན་ལམ་ནི༔ ཧཱུྃ༔ སྣང་སྲིད་དག་མཉམ་མཁའ་འགྲོའི་དཀྱིལ་འཁོར་དུ༔ མ་བཅོས་ཡོངས་གྲུབ་ཆེན་པོའི་མོས་གུས་ཀྱིས༔ སྐྱེ་ཞིང་སྐྱེ་བ་ཚེ་རབས་ཐམས་ཅད་དུ༔ ཌཱ་ཀིའི་རྗེ་མོ་ལྷག་པའི་ལྷར་བཟུང་ནས༔ རིམ་གཉིས་ཟབ་མོའི་ལམ་དང་མི་འབྲལ་ཞིང་༔ ས་ལམ་ཡོན་ཏན་རྟོགས་པ་མངོན་གྱུར་ནས༔ མཁའ་སྤྱོད་དྷུ་མ་ཐ་ལའི་གནས་མཆོག་ཏུ༔ རྣམ་ཀུན་མཆོག་ལྡན་དོན་གྱི་རྣལ་འབྱོར་མ༔ རྗེ་མོ་མཚོ་རྒྱལ་ཉིད་དང་དབྱེར་མེད་པར༔ ཟག་མེད་འཇའ་ལུས་རྡོ་རྗེའི་སྐུ་ཐོབ་ཤོག༔ དེ་ནས་བསྡུ་ལྡང་ནི༔ ཧཱུྃ༔ སྣང་ཆ་ཐབས་ཀྱིས་བསྐྱེད་པའི་དཀྱིལ་འཁོར་ལྷ༔ སྟོང་ཉིད་སྤྲོས་པ་བྲལ་བའི་ 巽དཿ དབྱིངས་སུ་ཨ༔ སླར་ཡང་ཆུ་ལས་ཆུ་བུར་རྡོལ་བ་བཞིན༔ རྗེས་ཐོབ་ཡེ་ཤེས་སྒྱུ་མའི་ལྷ་སྐུར་བཞེངས༔ རྩ་སྔགས་མཐར༔ བཛྲ་རཀྵ་རཀྵ་༔ དེ་ནས་བཀྲ་ཤིས་ནི༔ ཨ༔ སྐྱེ་མེད་སྤྲོས་པ་བྲལ་བའི་དབྱིངས༔ ཆོས་སྐུའི་མཁའ་འགྲོའི་བཀྲ་ཤིས་ཤོག༔ ལྷུན་གྲུབ་འགགས་མེད་ཡོན་ཏན་རྫོགས༔ ལོངས་སྐུའི་མཁའ་འགྲོ་མཁྱེན་གཉིས་ཤེས་རབ་ཡེ་ཤེས་དཔལ༔ སྤྲུལ་སྐུའི་མཁའ་འགྲོའི གཞི་གྲོལ་ཉོན་མོངས་དགྲ་རྒྱལ་བ༔ སྐུ་གསུམ་ལྷུན་གྲུབ་བཀྲ་ཤིས་གང་༔ དེང་འདིར་སྒྲུབ་མཆོག་རྣམས་ལ་སྩོལ༔ གཞོན་ནུ་བུམ་སྐུའི་བཀྲ་ཤིས་ཤོག༔ ཅེས་དང་གཞན་ཡང་བཀྲ་ཤིས་ཅི་རིགས་ཀྱིས་མཐའ་བརྒྱན་པར་བྱའོ༔ ས་མ་ཡ༔ དེ་ལྟར་ཡེ་ཤེས་མཁའ་འགྲོའི་དཀྱིལ་འཁོར་དུ༔ བརྟེན་ནས་དམ་བསྐང་མཆོག་འགྲུབ་ཐབས༔ བསོད་ནམས་ནང་ནས་ཚོགས་འཁོར་མཆོག༔ ཌཱ་ཀིའི་འདུ་བའི་ཐབས་ཆེན་པོ༔ འདི་ལ་རྒྱུན་དུ་བརྩོན་གྱུར་ན༔ ཕྱི་མ་རང་སྣང་དག་པའི་གནས༔ དཔལ་རི་པདྨ་འོད་གླིང་དུ༔ དཔའ་བོ་དཔའ་མོས་མདུན་བསུས་ཏེ༔ རིག་འཛིན་མཁའ་འགྲོའི་ཚོགས་གྲལ་དུ༔ འཁོད་དེ་དགོངས་ཟབ་གནད་ཐོབ་ནས༔ ཁམས་གསུམ་འཁོར་བ་མ་སྟོང་བར༔ དོན་གཉིས་ཕྲིན་ལས་འབྱུང་བར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏེར་རྒྱ༔ བརྡ་ཐིམ༔ ཨྠི༔ ཞེས་ཌཱ་ ཀིའི་ཚོགས་མཆོད་འདི་ཡང་སྐྱེས་བུ་རིག་པའི་རལ་གྲིའམ་རིག་འཛིན་མི་འགྱུར་རྡོ་རྗེའི་རྣམ་འཕྲུལ་