Tibetan
མཆོག་ཐོབ་པར་ཤོག༔ རྩ་སྔགས༔ ཨ་ཨ་ཨ༔ ངོ་སྤྲོད་པ་ནི༔ ཨེ་མ་སྐལ་ལྡན་སེམས་ཀྱི་བུ་རྣམས་ཀུན༔ མ་ཡེངས་སེམས་ཉིད་མ་བཅོས་ངང་དུ་ལྟོས༔ བལྟ་བྱ་ལྟ་བྱེད་གཉིས་མེད་ནམ་མཁའི་ངང་༔ ངོ་བོ་སྟོང་པ་རང་གསལ་ཀུན་ཏུ་ཁྱབ༔ སྐུ་གསུམ་མཉམ་ཉིད་ཆོས་དབྱིངས་མཐའ་དབུས་བྲལ༔ སྟོང་གསལ་ནམ་མཁའ་འདི་ནི་སངས་རྒྱས་དངོས༔ དེ་ལས་གཞན་ན་སངས་རྒྱས་ཡོད་མ་ཡིན༔ གདོད་ནས་རང་བྱུང་རྣམ་དག་ཀུན་ཏུ་བཟང་༔ མཁའ་དབྱིངས་ཁྱབ་བརྡལ་སྟོང་པ་ཀུན་བཟང་མོ༔ གཉིས་སུ་མེད་པའི་རང་བྱུང་ཡེ་ཤེས་ནི༔ བསམ་དུ་མེད་ལ་བརྗོད་པ་ཀུན་དང་བྲལ༔ ཡེ་གྲོལ་བསྐྱར་གཞི་མེད་པའི་རང་གྲོལ་ཀློང་༔ སེམས་དང་ཆོས་ཉིད་ནམ་མཁའ་ཐ་དད་མེད༔ འཛིན་མེད་ཀློང་ཡངས་ནམ་མཁའི་ངང་དུ་ཞོག༔ ཀུན་བཟང་གདོད་མའི་མགོན་པོ་དེ་ཀའོ༔ ཚེ་གཅིག་དོན་གྱི་སངས་རྒྱས་ཨེ་མ་ཧོཿ དེ་ནས་གཙོ་མོའི་སྐུ་ཐོགས་ལ༔ ཧཱུྃ་ཧྲཱིཿ ཆོས་ཉིད་གཞི་ལས་མ་གཡོས་དྲག་མོའི་སྐུ༔ གདུལ་དཀའ་འདུལ་མཛད་རྡོ་རྗེཕག་མོ་ཡིས༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ སྐུ་ཡི་ཡོན ཏན་རྫོགས་པའི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ མཁའ་འགྲོ་ལྔའི་སྐུ་ཐོགས་ལ༔ ཧཱུྃ་ཧྲཱིཿ ཁྲོ་མོའི་རྡོ་རྗེ་ཕུང་པོའི་གྲོང་ཁྱེར་གནས་ལྔའི་རང་བྱུང་དཀྱིལ་འཁོར་དུ༔ ཆུ་ཁམས་རྣམ་དག་ཡུམ་ཆེན་མ་ཀི་མ༔ རྣམ་ཤེས་གནས་དག་སེམས་དཔའ་གཉིས་མེད་འཁྲིལ༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ མེ་ལོང་ཡེ་ཤེས་མངོན་གྱུར་དབང་ཐོབ་ཤོག༔ རཨོཾ་རྩ་སྔགས༔ ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ མེ་ཁམས་རྣམ་དག་ཡུམ་ཆེན་གོས་དཀར་མོ༔ འདུ་ཤེས་གནས་དག་སེམས་དཔའ་སྐལ་ལྡན་རིགས་སོར་1 རྟོགས་རྩ་སྔགས༔ ཀཱ་ཡཿ ཧཱུྃ་ཧྲཱིཿ ནམ་མཁའ་རྣམ་དག་ཡུམ་ཆེན་དབྱིངས་ཕྱུག་མ༔ གཟུགས་ཕུང་གནས་དག་སྐལ་ལྡན ཆོས་དབྱིངས་ཡེ་ཤེས༔ རྩ་སྔགས༔ ཀཱ་ཡ༴ ཧཱུྃ་ཧྲཱིཿ ས་ཁམས་རྣམ་དག་ཡུམ་ཆེན་སངས་རྒྱས་སྤྱན༔ ཚོར་ཕུང་གནས སྐལ་ལྡན་མཉམ་ཉིད་ཡེ་ཤེས རྩ་སྔགས༔ ཀཱ་ཡ༴ ཧཱུྃ་ཧྲཱིཿ རླུང་ཁམས་རྣམ་དག་ཡུམ་ཆེན་དམ་ཚིག་སྒྲོལ༔ འདུ་བྱེད་གནས་དག༴ སྐལ་ལྡན་བྱ་གྲུབ་ཡེ་ཤེས་རྩ་སྔགས༔ ཀཱ་ཡ་དེ་ནས་གསང་བའི་མཁའ་འགྲོ་བཞིའི་སྐུ་ཐོགས་ལ༔ ཧཱུྃ་ཧྲཱིཿ ཁྲོ་མོའི་ཐུགས་ཀློང་རང་བྱུང་ཙིཏྟའི དབུས༔ ཤར་དུ་ཤེས་རབ་འོད་རྩ་དྭངས་པའི་སྦུབས༔ དགའ་བའི་རང་གཟུགས་བདེ་ཆེན་མཆོག་གི་ཡུམ༔ དཀར་གསལ་ཁྲོ་འཛུམ་འོད་ཀྱི་ཕུང་པོ་ཅན༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ སྣང་སྟོང་དབྱེར་མེད་མཆོག་གི་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཧཱུྃ༔ ཧཱུྃ་ཧྲཱིཿ ལྷོ་རུ་ཡེ་ཤེས་འོད་རྩ་དྭངས་པའི་དབུས༔ མཆོག་དགའི་རང་གཟུགས་ བདེ་ཆེན་སྟོང་པའི་ཡུམ༔ ཁྲོ་འཛུམ་སེར་གསལ་འོད་ཀྱི་ཕུང་པོ་ཅན༔ སྐལ་ལྡན་གསལ་སྟོང་དབྱེར་མེད༴ རྩ་སྔགས། ཀཱ་ཡ༴ ཧཱུྃ་ཧྲཱིཿ ནུབ་ཏུ་རང་བྱུང་འོད་རྩ་དྭངས་པའི་དབུས༔ ལྷན་དགའི་རང་གཟུགས་བདེ་ཆེན་མཆོག་སྩོལ་མ༔ ཁྲོ་འཛུམ་དམར་གསལ་འོད་ཀྱི་ཕུང་པོ་ཅན༔ སྐལ་ལྡན བདེ་སྟོང་དབྱེར་མེདཿ རྩ་སྔགས། ཀཱ་ཡཿ ཧཱུྃ་ཧྲཱིཿ བྱང་དུ་འོད་གསལ་འོད་རྩ་དྭངས་པའི་དབུས༔ ཁྱད་དགའི་རང་གཟུགས་བདེ་བ་ཆེན་པོའི་ཡུམ༔ ཁྲོ་འཛུམ་མཐིང་གསལ་འོད་ཀྱི་ཕུང་པོ་ཅན༔ སྐལ་ལྡན རིག་སྟོང་དབྱེར་མེད་རྩ་སྔགས། ཀཱ་ཡ་དེ་ནས་ས་བོན་བརྒྱད་ཐོགས་ལ༔ ཧཱུྃ་ཧྲཱིཿ ཁྲོ་མོ་རྡོ་རྗེ་སྐུ་ཡི་དཀྱིལ་འཁོར་དུ༔ རང་བྱུང་སྒྱུ་མའི་ཆོ་འཕྲུལ་དྲྭ་བའི་སྤྲིན༔ གནས་ཡུལ་དུར་ཁྲོད་ཧེ་རུའི་ཞིང་གི་གཙོ༔ དཔའ་བོ་དང་ནི་དཔའ་མོ་རྣལ་འབྱོར་མ༔ གདན་གསུམ་ཚང་བའི་དཀྱིལ་འཁོར་ཡེ་ནས་རྫོགས༔ ཏིང་འཛིན་སེམས་དཔའ་ཐུགས་སྲོགས་བོན་འདིས༔ སྐལ་ལྡན སྣང་རྟོག་ལྷ་སྐུར་རྫོགས་པའི་དབང་ཐོབ་ཤོག༔ རྩ་སྔགས༔ ཀཱ་ཡ་དེ་ནས་སྒོ་མ་བཞིའི་སྐུ་ཐོགས་ལ༔ ཧཱུྃ་ཧྲཱིཿ ཚད་མེད་བཞི་ཡི་རང་གཟུགས་ཕྱག་རྒྱའི་གར༔ ལས་བཞིར་དབང་མཛད་ཡེ་ཤེས་སྒོ་མ་བཞི༔ སྐལ་ལྡན་རིགས 贫ཧོཿ ཀྱིཿ ལས་ཀུན་ཐོགས་མེད་བསྒྲུབ་པའི་དབང་ཐོབ་ཤོག༔ ཛཿཧཱུྃ་བྃ་ཧོཿཨ་བྷི་ཥིཉྩ་ཧཱུྃ༔ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ ཁྱབ་བརྡལ་ཡངས་པ་བྷནྡྷའི་སྣོད་ནང དུ༔ རང་བྱུང་ལྷུན་གྲུབ་དཔལ་གྱི་གཏོར་མ་བཤམས༔ ཡེ་ཤེས་འོད་ལྔ་རྒྱན་གྱིས་རྣམ་པར་སྤྲས༔ མ་མོ་མཁའ་འགྲོ་སྒྲུབ་པའི་དམ་ཚིག་རྟེན༔ སྐལ་ལྡན་རིགས་ཀྱི༴ དངོས་གྲུབ་རྣམ་གཉིས་ཐོབ་པའི་དབང་ཐོབ་ཤོག༔ རྩ་སྔགས༔ སརྦ་མ་ཧཱ་བ་ལིཾ་ཏ་ཨ་བྷི་ཥིཉྩ་ཧཱུྃ༔ བཀའ་དབང་ནི༔ ཧོཿ ཆོས་སྐུ་ཀུན་བཟང་ཡབ་ཡུམ༔ དྲུག་པ་རྡོ་རྗེ་འཆང་ཆེན༔ སྟོན་པ་རྡོ་རྗེ་སེམས་དཔའ༔ གུ་རུ་དགའ་རབ་རྡོ་རྗེ༔ པཎ་ཆེན་བི་མ་མི་ཏྲ༔ ཨོ་རྒྱན་པདྨ་འབྱུང་གནས༔ མཁའ་འགྲོ་ལས་ཀྱི་དབང་མོ༔ ནམ་སྙིང་རྒྱལ་མོ་གཡུ་སྒྲ༔ མཁའ་སྤྱོད་སུ་ཁ་སིདྡྷི༔ མཁའ་འགྲོ་རྡོ་རྗེ་ཞི་བ་མཚོ༔ མ་གནས་གསུམ་གྱི་དཔའ་བོ་མཁའ་འགྲོ༔ སྐུ་སྤྲུལ་དཀར་མོ་བཞད་མ༔ གསུང་སྤྲུལ་དམར་མོ་སྒྲ་སྒྲོགས༔ ཐུགས་སྤྲུལ་ནག་མོ་ཟིལ་གནོན༔ ཡོན་ཏན སེར་མོ་དོན་གྲུབ༔ ཕྲིན་ལས་སྣ་ཚོགས་མཐར་ཕྱིན༔ ཡང་སྤྲུལ་ཞིང་རྡུལ་གྲངས་མཉམ་གྱི་མཁའ་འགྲོ་བྱེ་བ་འབུམ་སྡེ་ཡེ་ཤེས་དང་ལས་ལས་གྲུབ་པའི་གནས་ཡུལ་ཞིང་སྐྱོང་གི་དམ་ཅན་རྒྱ་མཚོའི་ ཚོགས་དང་བཅས་པ་ཁྱེད་རྣམས་ཀྱིས་རྡོ་རྗེའི་སློབ་མ་རིག་པ་འཛིན་པ་འདི་རྣམས་ལ་དབང་བསྐུར་བར་མཛད་དུ་གསོལ༔ སྒྲིབ་གཉིས་བག་ཆགས་ཐམས་ཅད་ལྷག་མེད་དུ་དག་ནས་ཕྱི་ནང་གི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་སྣང་རྟོག་ལྷའི་ཕྱག་རྒྱར་རྟོགས་ནས་དག་མཉམ་ཆོས་སྐུ་ཆེན་པོ་ནང་གསལ་གཞོན་ནུ་བུམ་སྐུར་སངས་རྒྱས་པར་གྱུར་ཅིག༔ ཅེས་བརྗོད་ནས་མེ་ཏོག་འཐོར༔ དེ་ནས་བཀའ་དྲིན་གསོ་ཞིང་དམ་ཚིག་ཁས་བླང་བྱ༔ དགེ་བསྔོ་ལ་སོགས་བཀྲ་ཤིས་མེ་ཏོག་འཐོར༔ ལས་རྗེས་མི་མངོན་གསང་བར་བྱ༔ ས་མ་ཡ༔ ཨེ་མ་བདེ་ཆེན་ཡེ་ཤེས་མཁའ་འགྲོ་མའི༔ དོན་དབང་ཡང་ཟབ་སྙིང་པོ་འདི༔ སྙིང་མིག་སྲོག་ལས་ཕོངས་ན་ཡང་༔ མཁར་ཆེན་མཚོ་རྒྱལ་ཁྱོད་ལ་གདམས༔ མ་འོངས་རྗེས་འཇུག་བུའི་དོན་དུ༔ མི་འགྱུར་གསང་བའི་གཏེར་དུ་སྦོས༔ སྙིགས་དུས་འགྲོ་བའི་མུན་སེལ་དུ༔ ཁྱོད་སྤྲུལ་ཤར་གྱི་ཕྱོགས་ནས་འབྱུང་༔ སྨོན་ལམ་དབང་གིས་ཆོས་འདི་འཕྲད༔ ང་མིན་ང་ཉིད་གྲོགས་དང་ནི༔ ཆོས་འཛིན་སྐྱེས་བུའི་ཚུལ་དུ་འོངས༔ དེ་དུས་བསྟན་ལ་རིམ་བཞིན་སྨན༔ གཅིག་བརྒྱུད་མ་གཏོགས་སྤེལ་མི་རུང་༔ བཀའ་སྲུང་གཟའ་དང་མ་མོར་གཉེར༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་ནི༔ རླུང་ཕྱོགས་ཙམ་ཡང་སྤེལ་མི་རུང་༔ སྤེལ་ན་མཁའ་འགྲོས་ཆད་པ་འབེབས༔ གནོད་སྦྱིན་ཤན་པས་ཐུབ་པར་སྲུངས༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ བརྡ་ཐིམ༔ དཿ ཅེས་པ་འདི་ཡང་གཏེར་ཆེན་ཆོས་ཀྱི་རྒྱལ་པོ་མཚན་བརྗོད་པར་དཀའ་ནའང་དོན་གྱི་སླད་དུ་རིག་འཛིན་པདྨ་འགྲོ་འདུལ་གསང་སྔགས་གླིང་པས་བཀའ་བསྐུལ་སྤྱི་བོར་སོན་ཚེ་འཁོར་འབངས་ཀུན་གྱི་ཐ་ཤལ་བ་གཏེར་རྫུན་ཀུན་བཟང་བདེ་སྐྱོང་དབང་མོས་ནེེ་གྲོ་རྡོ་རྗེ་རྫོང་གི་གནས་འདབ་ཉི་མའི་དཀྱིལ་འཁོར་ནས་མཁའ་འགྲོའི་འཕྲུལ་བརྡ་གསང་བའི་ཤོག་སེར་ལས་ཞལ་བཤུས་པའོ། །དགེའོ།། །། 29 ཤུ་16MCPV.U[U TI1396-223 TI1396-224 ཨོཾ་ཆོས་ཉིད་མཁའ་འགྲོའི་ཐུགས་ཏིག་ལས༔ ཡེ་ཤེས་མཁའ་འགྲོའི་ལོ་རྒྱུས་མེ་ཏོག་ཆུན་པོ་མཛེས་པའི་ཕྲེང་བ་བཞུགས་སོ༔ ན་མོ་གུ་རུ་དྷེ་ཝ་ཌཱ་ཀི་ཡེ༔ ཤདྱ། དཔལ་མཆོག་དང་པོ་ཀུན་བཟང་རྡོ་རྗེ་འཆང་ལ་ཕྱག་འཚལ་ལོ༔ ཆོས་དབྱིངས་འདུས་མ་བྱས་པའི་རང་བཞིན་རྡོ་རྗེ་བཙུན་མོའི་བྷ་ག་ཡངས་པའི་མཁའ་ཀློང་༔ རང་བྱུང་རྣམ་པར་དག་པའི་ཞིང་མཆོག་འོག་མིན་བདེ་ཆེན་དྷུ་མ་ཐ་ལ་ཆོས་དབྱིངས་མཐའ་དབུས་དང་བྲལ་བའི་གནས་སུ༔ སྟོན་པ་ཀུན་ཏུ་བཟང་མོ་ལ་འཁོར་རང་བྱུང་ཡེ་ཤེས་ལྔའི་བདག་ཉིད་མཁའ་འགྲོ་མ་རིགས་ལྔར་རང་རང་གི་རིགས་ཀྱི་མཁའ་འགྲོ་མ་བྱེ་བ་འབུམ་དང་བཅས་པ་ལ༔ བརྗོད་བྲལ་བདེ་སྟོང་ཟག་པ་མེད་པའི་ཏིང་ངེ་འཛིན་གྱི་ངང་ལས་རང་བཞིན་སྒྱུ་འཕྲུལ་ངེས་པའི་ཆོས་ཀྱི་འཁོར་ལོ་རྒྱུན་མི་ཆདཔ་བསྐོར་ཞིང་༔ གདངས་སྣང་འགགས་པ་མེདཔའི་ཡེ་ཤེས་ཀྱི་རོལ་པ་ལས་གནས་ཀྱི་འོག་མིན་དུར་ཁྲོད་གསང་ཆེན་རོལ་པར་རྣམ་ཀུན་མཆོག་ལྡན་རྡོ་རྗེ་ཕག་མོའི་སྐུར་བཞེངས་ཤིང་༔ རཱུ་ཏྲ་ལ་སོགས་པ་མ་རུང་གདུལ་དཀའི་འགྲོ་བ་རྣམས་འདུལ་བའི་ཕྱིར་དུ་ཆོས་ཀྱི་དབྱིངས་ལས་དྲག་མོའི་སྐུར་བཞེངས༔ གཞན་ཡང་འོག་མིན་གྱི་གནས་ལྔ་དང་སྐུ་གསུམ་རང་བྱུང་གི་མཁའ་འགྲོའི་ཞིང་ལ་སོགས་པ་ནས་ གནས་ཡུལ་དུར་ཁྲོད་ཧེ་རུའི་གནས་རྣམས་སུ་མཁའ་འགྲོ་ཡོངས་འདུས་ཀྱི་ངོ་བོར་བཞུགས་ཤིང་༔ སྤྲུལ་པ་ཞིང་རྡུལ་གྲངས་མཉམ་གྱི་འགྲོ་བའི་དོན་རྒྱ་ཆེན་པོ་མཛད་དོ༔ ཁྱད་པར་བོད་གངས་ཅན དང་འཇིག་རྟེན་སྤྱིའི་བསྟན་འགྲོའི་དོན་དུ་ཉིད་ལས་མི་གཞན་པའི་སྤྲུལ་པ་དབྱིངས་ཡུམ་ལྷ་ལྕམ་སྒྲུབ་པའི་རྒྱལ་མོ་བདེ་ཆེན་མཐིང་འོད་འབར་མ་ལ་སོགས་པ་འགྲོ་བའི་དེད་དཔོན་ཆེན་པོ་འབྱུང་ངོ་༔ དེ་ལྟ་བུའི་གདམས་པ་ཁྱད་དུ་འཕགས་པ་མཁའ་འགྲོའི་ཐུགས་བཅུད་འདི་ནི་བདག་བདེ་ཆེན་ཞི་བ་མཚོས་ལུས་ལོངས་སྤྱོད་དང་རིན་པོ་ཆེ་སྣ་ཚོགས་ཐབས་ཤེས་ཚོགས་ཀྱི་འཁོར་ལོའི་མཎྜལ་ཕུལ་ནས་ཕྱི་རབས་ལས་ཅན་རྣམས་ཀྱི་དོན་དུ་ཞུས་ཤིང་༔ ཟབ་མོའི་གཏེར་དུ་རྒྱས་བཏབ་ནས་དུས་ལ་བབས་ཚེ་བརྡ་འགྲོལ་གྱི་སྨོན་ལམ་བཏབ་པ་མ་འོངས་སྙིགས་མ་ལྔ་བདོ་བའི་དུས་སུ་གསང་སྔགས་ཀྱི་དྲོད་རྟགས་ཆུང་ཞིང་ནུས་པ་ཉམས་པ་དང་༔ གྲུབ་གཉིས་ཀྱི་དངོས་གྲུབ་ཕྲ་ཞིང་རྩ་རླུང་ཁྲོམ་དུ་བསྒྲགས་པ༔ ཟབ་དོན་ཁྱིམ་པར་འཆད་ཅིང་རང་གཞན་ཕུང་ལ་སྦྱོར་བ་སོགས་སྙིགས་དུས་ཀྱི་རྟགས་མཚན་མ་ངེས་པ་འབྱུང་བའི་དུས་སུ༔ གཏེར་བདག་དབྱིངས་ཡུམ་སྒྱུ་འཕྲུལ་ཀུན་དགའ་དེ་ཝ་སུ་ཁ་པ་ཤཾ་སོགས་རིམ་བཞིན་འབྱུང་ཞིང་གཏེར་ནས་བཏོན་ཏེ་བསྟན་དང་འགྲོ་བའི་དོན་རླབས་པོ་ཆེ་ ཨོཾ་འབྱུང་བར་ངེས་སོ༔ འདི་ཉིད་ཉམས་སུ་ལེན་པའི་གང་ཟག་རྣམས་ནི་འབྲེལ་ཚད་དོན་དང་ལྡན་ཅིང་འཕྲལ་དུ་མཁའ་འགྲོས་རྗེས་སུ་བཟུང་ཞིང་བྱིན་གྱིས་རླབས་ནས་ཐུན་མོང་གི་དངོས་གྲུབ་གྲུབ་པ་བརྒྱད་དང་མཆོག་ཏུ་རིག་འཛིན་རྣམ་པ་བཞིའི་ས་ཐོབ་ནས་གང་འབྲེལ་དང་བཅས་པ་རང་སྣང་དོན་གྱི་འོག་མིན་ཆོས་དབྱིངས་ཆེན་པོར་ནང་གསལ་གཞོན་ནུ་བུམ་སྐུར་གྲོལ་བར་བྱེད་པའི་ཟབ་ལམ་ཁྱད་པར་ཅན་ནོ༔ སྐལ་ལྡན་སེམས་ཀྱི་བུ་དང་འཕྲད་པར་ཤོག༔ བཀའ་སྲུངས་གནོད་སྦྱིན་གཟའ་དང་མ་མོས་སྲུངས་ཤིག་གཉེར་རོ་དམ་རྒྱ༔ སྐལ་མེད་ལོག་ལྟའི་འགྲོ་ལ་སྐུ་གསུང་ཐུགས་ཀྱི་རྒྱ་ཡོད་དོ༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ ཅེས་པ་འདི་ཡང་འཁོར་ལོའི་མགོན་པོ་གཏེར་ཆེན་ཆོས་ཀྱི་རྒྱལ་པོའི་བཀའ་བསྐུལ་ཕེབས་ཚེ་འཁོར་འབངས་ཀུན་གྱི་ཐ་ཤལ་བ་མདོ་མེད་འཁྲུལ་ཞིག་སུ་ཁ་བཛྲ་གྱིས་དབེན་གནས་རྡོ་རྗེ་ཡང་རྫོང་གི་ཉེ་འདབ་ནས་མཁའ་འགྲོ་གསང་བའི་འཕྲུལ་བརྡ་ལས་ཞལ་བཤུས་པའོ། །ལོ་རྒྱུས་ཀྱི་མཇུག་ནི། ཟབ་ལམ་ཁྱད་པར་ཅན་可ཞེས་གསུངས་པས༔ ད་ལན་གྱི་སྐབས་སུ་བབ་པ་རྡོ་རྗེ་ཕག་མོའི་སྐུའི་གནས་དུང་རལ་བྲག་དཀར་ནས་རྟེན་འབྲེལ་ཕུན་སུམ་ཚོགས་པ་དང་བཅས་ཏེ་གདན་དྲངས་པའི་ཟབ་གཏེར་མཁའ་ འགྲོ་གསང་བ་འདུས་པའི་དོན་དབང་སྐལ་ལྡན་རྗེས་འཛིན་གྱི་དཀྱིལ་འཁོར་བསྒྲུབ་པ་ལ་སོགས་དབང་གི་ལྷན་ཐབས་ལྟར་རོ།། །། ལམ་ཆུང་སློསུ་རྒྱ་སྤྱི་དལ་ཐོས་ངེང་TI1396-228 TI1396-228 ༡མཁའ་འགྲོ་དགོངས་འདུས་ཆ་ལག༔ ཡེ་ཤེས་མཁའ་འགྲོའི་སྒྲུབ་ཐབས་བདེ་ཆེན་མཆོག་སྩོལ་བཞུགས་སོ༔ བཀྲ་ཤིས་སོ༔ ལ་པ་བྲེ་ཐོ་ཀྱི་ང་དཿ ན་མོ་ཛྙཱ་ན་ཌཱ་ཀི་ཡེ༔ སྐྱེ་མེད་དབྱིངས་ཡུམ་ཆོས་སྐུ་ཀུན་བཟང་མོ༔ རང་གདངས་མ་འགགས་འོད་ལྔའི་རང་བཞིན་དུ༔ ཐུགས་རྗེའི་རྩལ་སྣང་མཛད་པ་བསམ་མི་ཁྱབ༔ སྐུ་གསུམ་མཁའ་འགྲོའི་ཚོགས་ལ་གུས་པས་འདུད༔ དེ་ཡང་ཡེ་ཤེས་མཁའ་འགྲོ་སྒྲུབ་པའི་ཐབས༔ སྤྲོས་བཅས་སྐུ་ཙཀ་མཁའ་འགྲོའི་གཏོར་མ་དང་༔ བྷན་ཐོད་ཚད་ལྡན་དངུལ་དཀར་མེ་ལོང་ལ༔ སིནྡྷུ་ར་ཡིས་ཧ་རི་ནི་ས་བྃ༔ ཆོས་འབྱུང་ཟུར་ལྔའི་ནང་དུ་བྲིས་ནས་ཀྱང་༔ ད་ལའི་དབུས་བཞུགས་ཕྱི་ནང་གསང་མཆོད་མཆོད་རྫས་དཔག་མེད་བཀོད༔ སྤྲོས་མེད་རྣལ་འབྱོར་རང་གི་སྤྱོད་དང་བསྟུན༔ དང་པོ་སྦྱོར་བ་སྔོན་འགྲོ་སྐྱབས་སེམས་ནི༔ ན་མོ༔ སྐྱེ་མེད་ཀ་དག་ཀློང་ཆེན་པོར༔ འགགས་མེད་རང་གསལ་མཁའ་འགྲོའི་ཚོགས༔ རང་དང་ 0芻ཧོཿ གཉིས་མེད་འུབ་ཆུབ་ཀློང་༔ འདུལ་བྲལ་མེད་པར་སྐྱབས་སུ་མཆི༔ ཧོཿ གཉིས་སྣང་སྦུབས་སུ་འཕྱན་པའི་འགྲོ༔ རང་བྱུང་ཡེ་ཤེས་རྟོགས་པའི་ཕྱིར༔ སྨོན་འཇུག་དོན་དམ་བྱང་ཆུབ་སེམས༔ བསྐྱེད་ནས་སངས་རྒྱས་སར་འགོད་ཤོག༔ ལན་གསུམ་བྱ༔ ཡན་ལག་བདུན་པ་ནི༔ ཧྲཱིཿ སྣང་སྲིད་དག་པ་རབ་འབྱམས་ཀློང་༔ ཡེ་ཤེས་མཁའ་འགྲོའི་དཀྱིལ་འཁོར་དུ༔ སྒོ་གསུམ་དད་པས་ཕྱག་འཚལ་ལོ༔ ཕྱི་ནང་གསང་བའི་མཆོད་པ་འབུལ༔ གཉིས་སྣང་འཛིན་པ་དབྱིངས་སུ་བཤགས༔ དགེ་ཚོགས་ཀུན་ལ་རྗེས་ཡི་རངས༔ ཐེག་ཆེན་བླ་མེད་ཆོས་འཁོར་བསྐོར༔ རྒྱལ་ཀུན་མྱ་ངན་མི་འདའ བཞུགས༔ འཁོར་གསུམ་དམིགས་བྲལ་དབྱིངས་སུ་བསྔོ༔ ཏྲགུ་རུ་རཏྣ་མཎྜ་ལ་པཱུ་ཛ་ཧཱུྃ༔ བཀའ་བསྒོ་བ་ནི༔ ཧཱུྃ་ཧྲཱིཿ ང་ནི་དཔལ་ཆེན་ཧེ་རུ་ཀ༔ དྲག་གཏུམ་རྔམས་པའི་སྐུར་གསལ་ནས༔ འོད་དང་འོད་ཟེར་འཕྲོས་པ་ཡིས༔ གཉིས་སྣང་འཛིན་པའི་གདོན་བགེགས་རྣམས༔ ཆོས་དབྱིངས་ངང་དུ་མཚམས་བཅད་དོ༔ ཨོཾ་ཧྲཱིཿཔདྨ་ཏ་ཀྲྀཏ་སོགས༔ ཧཱུྃ་ཕཊ༔ ཧཱུྃ་བཞི་སོགས་ཀྱིས་བསྐྲད༔ སྲུང་འཁོར་ནི༔ ཧཱུྃ༔ རང་ཉིད་ལྷར་གསལ་ཐུགས་ཀ་ནས༔ ཡེ་ཤེས་ལྔ་ལྡན་འོད་ཟེར་འཕྲོས༔ རྡོ་རྗེ་རང་གཟུགས་འཁོར་ལོ་ལྔའི༔ གུར་ཁང་ཆེན་པོའི་རྭ་བས་བསྐོར༔ གཉིས་སྣང་གདོན་གྱིས་གླགས་མི་རྙེད༔ སྲུང་བའི་འཁོར་ལོ་རབ་ཏུ་བརྟན༔ _UNK་བཛྲ་རཀྵ་ཧཱུྃ༔ དམ་བཟུང་ནི༔ ཧྲཱིཿ རང་རིག་ཡེ་ནས་སངས་རྒྱས་ལ༔ རང་ཞལ་སོ་མར་མཇལ་བའི ཕྱིར༔ ཡེ་ཤེས་མཁའ་འགྲོའི་ལྷ་ཚོགས་རྣམས༔ རང་བཞིན་གཉུག་མར་དམ་བཅའ་འོ༔ བཛྲ་ཙིཏྟ་ཨ༔ བྱིན་འབེབས་ནི༔ ཧཱུྃ་ཧྲཱིཿ སྐུ་གསུམ་དག་པའི་ཞིང་ཁམས་ནས༔ བརྒྱུད་གསུམ་རིག་འཛིན་མཁའ་འགྲོའི་ཚོགས༔ གནས་འདིར་སྤྱན་འདྲེན་བྱིན་ཆེན་ཕོབས༔ རྣལ་འབྱོར་སྒོ་གསུམ་བྱིན་གྱིས་རློབས༔ དབང་བཞི་བསྐུར་ལ་རྒྱས་གདབ་མཛོད༔ མཆོག་ཐུན ༒ཿ དངོས་གྲུབ་མ་ལུས་པ༔ ད་ལྟ་ཉིད་དུ་སྩལ་དུ་གསོལ༔ ཨོཾ་ཛྙཱ་ན་ཌཱ་ཀི་ནི་ས་མ་ཡ་ཨ་བེ་ཤ་ཡ་ཨ་ཨ༔ མཆོད་རྫས་བྱིན་རླབས་ནི༔ ཧྲཱིཿ སྣང་སྲིད་རྣམ་དག་མཆོད་པའི་རྫས༔ ཕྱི་ནང་གསང་བའི་ཚོགས་རྣམས་ཀུན༔ ཆོས་ཉིད་རོལ་པས་རྒྱས་ཐེབ་ཅིང་༔ ཀུན་བཟང་མཆོད་སྤྲིན་ལྟ་བུར་གྱུར༔ ཨོཾ་མ་ཧཱ་སརྦ་པཱུ་ཛ་ཧོཿ བཤགས་པ་ནི༔ ཧོཿ རང་སེམས་ཡེ་ནས་སངས་རྒྱས་ལ༔ གློ་བུར་གཉིས་འཛིན་འཁྲུལ་པས་བསྒྲིབས༔ ལྷ་དང་གཉིས་སུ་འཛིན་པ་རྣམས༔ གཉིས་མེད་ཀློང་ཡངས་ཆེན་པོར་བཤགས༔ ས་མ་ཡ་ཤུདྡྷེ་ཨ༔ གཉིས་པ་དངོས་གཞི་ལྷ་གསལ་ནི༔ ཨ༔ ཀ་དག་ཟང་ཐལ་སྐྱེ་བ་མེད༔ ལྷུན་གྲུབ་རང་གདངས་སྙིང་རྗེར་ཤར༔ རྩལ་སྣང་སྒྱུ་འཕྲུལ་རོལ་པ་ལས༔ གཞལ་ཡས་ཁང་པའི་མཚན་ཉིད་རྫོགས༔ དེ་དབུས་པདྨ་ཉི་ཟླའི་སྟེང་༔ རང་རིག་ཐུགས་སྲོག་བྃ་ཡིག་ལས༔ འོད་ཟེར་འཕྲོ་འདུས་ཡོངས་གྱུར་པའི༔ སྐད་ཅིག་རང་ཉིད་གསང་བའི་མ༔ བདེ་ཆེན་དཀར་མོ་ཞལ་གཅིག་པ༔ བཞད་པའི་ཉམས་དང་སྤྱན་གསུམ་ལྡན༔ ཕྱག་གཉིས་གཡས་པས་ཅང་ཏེའུ་འཁྲོལ༔ དཔའ་བོ་དགྱེས་བསྐང་དངོས་གྲུབ་སྩོལ༔ གཡོན་པས་དངུལ་དཀར་དྲིལ་བུ་འཛིན༔ ཡེ་ཤེས་ལྷ་ཡི་ཐུགས་ རྒྱུད་བསྐུལ༔ བཅུ་དྲུག་དགའ་བའི་བཞིན་ངོམས་ཤིང་༔ ནུ་མ་འབུར་ཞིང་བྷ་ག་རྒྱས༔ གཅེར་བུ་རུས་པའི་རྒྱན་དྲུག་གསོལ༔ དར་དཔྱངས་རིན་ཆེན་མཛེས་པས་བརྒྱན༔ ཞབས་གཉིས་གར་སྟབས་པད་ཟླར་བཞུགས༔ རིན་ཆེན་དབུ་རྒྱན་སྙན་ཆ་སོགས༔ ཨུཏྤལ་དམར་པོའི་དོ་ཤལ་འཕྱངས༔ འཇའ་འོད་ལྔ་ལྡན་འོད་ཟེར་འཕྲོ༔ རྩ་གནས་རིགས་ལྔའི་མཁའ་འགྲོའི་ཚོགས༔ མ་འདྲེས་ཡོངས་སུ་རྫོགས་པར་གསལ༔ དམ་ཚིག་ཡེ་ཤེས་གཉིས་མེད་པར༔ འུབ་ཆུབ་ངང་དུ་དབྱིངས་ནས་བསྐུལ༔ ཛཿཧཱུྃ་བྃ་ཧོཿ སྤྱན་འདྲེན་ནི༔ ཧྲཱིཿ འོག་མིན་ཆོས་དབྱིངས་ཞིང་ཁམས་ནས༔ སྐྱེ་མེད་རྒྱལ་བ་ཀུན་གྱི་ཡུམ༔ ཡེ་ཤེས་མཁའ་འགྲོ་བདེ་ཆེན་དཀར༔ ཌཱ་ཀི་བྱེ་བའི་ཚོགས་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ སྒྲུབ་མཆོག་སྒོ གསུམ་སྨིན་པ་དང་༔ མཆོག་ཐུན་དངོས་གྲུབ་བདག་ཐོབ་མཛོད༔ ཨོཾ་ཛྙཱ་ན་ཌཱ་ཀི་ནི་བྃ་ཧ་རི་ནི་ས་བཛྲ་ས་མ་ཡ་ཛ་ཛཿ བཞུགས་གསོལ་ནི༔ ཧཱུྃ༔ དམ་ཚིག་ཡེ་ཤེས་གཉིས་མེད་པར༔ འོད་གསལ་ཏིང་འཛིན་དག་པ་ཡིས༔ ཡེ་ནས་དུ་མ་རོ་གཅིག་ངང་༔ གཉིས་མེད་མཉམ་ཉིད་ཡེ་ཤེས་ཀློང་༔ དག་པར་བཞུགས་ནས་དངོས་གྲུབ་སྩོལ༔ ཌཱ་ཀི་ནི་ཏིཥྛ་བཛྲ༔ ཕྱག་འཚལ་ནི༔ ཿ ན་མོ༔ ཀ་དག་རྩ་བྲལ་སྟོང་པའི་དབྱིངས༔ ཡེ་ཤེས་རང་གདངས་མ་འགགས་པ༔ རིག་འཛིན་རྣམ་བཞི་ལྷུན་གྲུབ་པའི༔ ཡེ་ཤེས་མཁའ་འགྲོའི་ལྷ་ཚོགས་ལ༔ སྒོ་གསུམ་གུས་པ་ཆེན་པོ་ཡིས༔ རང་ངོ་མཇལ་ཕྱིར་ཕྱག་བགྱིའོ༔ ན་མོ་པཱུ་རུ་ཤ་ཡ་ཧོཿ མཆོད་པ་ནི༔ ཧྲཱིཿ སྣང་དང་སྲིད་པའི་ཕུན་ཚོགས་ཀུན༔ ཀུན་བཟང་ནམ་མཁའ་མཛོད་དུ་འབུལ༔ ཕྱི་ནང་གསང་བའི་མཆོད་ཚོགས་དང་༔ དེ་བཞིན་ཉིད་མཆོད་མ་ལུས་པ༔ རྒྱལ་ཡུམ་མཁའ་འགྲོའི་ལྷ་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་ཛྙཱ་ན་ཌཱ་ཀི་ནི་ས་པཱ་རི་ཝ་ར་ཨརྒྷཾ་སོགས། ཤཔྡ་མ་ཧཱ་གུ་ཧྱ་སརྦ་པཱུ་ཛ་ཧོཿ བསྟོད་པ་ནི༔ ཧོཿ བདེ་སྟོང་ཡེ་ཤེས་བསྐྱེད་པའི་མ༔ འབུམ་ཕྲག་མཁའ་འགྲོའི་གཙོ་མོ་མཆོག༔ བདེ་ཆེན་དཀར་མོའི་ལྷ་ཚོགས་ལ༔ མི་ཕྱེད་དད་པ་ཆེན་པོ་ཡིས༔ སྐུ་གསུང་ཐུགས་ཡོན་ཕྲིན་ལས་ལྔ༔ མི་བཟད་རྒྱན་འཁོར་ཆེན་པོ་ལ༔ རབ་གུས་དད་པས་ཕྱག་འཚལ་བསྟོད༔ གྲུབ་གཉིས་དངོས་གྲུབ་དཔལ་ཐོབ་ཤོག༔ ཛཔ་དགོངས་ནི༔ ཧྲཱིཿ རང་ཉིད་མཁའ་འགྲོའི་ཐུགས་ཀ་རུ༔ ཐུགས་སྲོག་བྃམཐར་སྔགས་གཡོན་འཁོར༔ འོད་ཟེར་ཡར་འཕྲོས་རྒྱལ་ཀུན་མཆོད༔ ཐུགས་རྗེ་བྱིན་རླབས་ ནུས་པས་བསྡུས༔ འོད་ཟེར་མར་འཕྲོས་སྐྱེ་འགྲོ་ཡི༔ ལས་ཉོན་བག་ཆགས་མ་ལུས་བཅོམ༔ ཐམས་ཅད་བདེ་ལ་འགོད་པར་བསམ༔ སྣང་གྲགས་ལྷ་སྔགས་ཏིང་ངེ་འཛིན༔ མ་ཡེངས་མི་བསྒོམ་ཆོས་སྐུའི་ཀློང་༔ མ་བཅོསགཏད་མེད་རྒྱ་ཡན་ངང་༔ དཀྱིལ་འཁོར་གསུམ་གྱི་རོལ་པར་བཟླ༔ ཨོཾ་ཛྙཱ་ན་ཌཱ་ཀི་ནི་བྃ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ༔ དེ་ལྟར་ཏིང་འཛིན་སོ་མའི་ངང་༔ སྨྲ་བཅད་མི་ཚིག་མ་འདྲེས་པར༔ བྱེ་བ་བཟླས་པས་མཁའ་འགྲོ་འགྲུབ༔ རབ་དངོས་འབྲིང་ཉམས་རྨི་ལམ་དུ༔ ཤེལ་གཡུ་ཨུཏྤལ་དཀར་པོ་སོགས༔ གཞན་གྱིས་སྦྱིན་དང་རང་གིས་རྙེད༔ རྟགས་མཚན་མི་འདྲ་དུ་མ་ལོང་༔ གསང་བར་སྦོས་ལ་ཉམས་སུ་ལོངས༔ འགྲུབ་པར་འགྱུར་བ་ཐེ་མི་ཚོམ༔ ས་མ་ཡ༔ རྒྱ་རྒྱ་རྒྱ༔ དེ་ནས་གསུམ་པ་