Tibetan
སྤྲུལ་པས༔ ཕྱི་ནང་གསང་མཆོད་བསམ་མི་ཁྱབ༔ ཀུན་བཟང་མཆོད་སྤྲིན་ལྟ་བུ་རུ༔ ཡེ་ཤེས་བདུད་རྩིར་བྱིན་བརླབས་ཏེ༔ དཀྱིལ་འཁོར་ལྷ་ཚོགས་མཉེས་པའི་རྫས༔ རབ་འབྱམས་ནམ་མཁའ་གང་བར་གྱུར༔ ཨོཾ་བཛྲ་ཨརྒྷཾ་སོགས། ཤཔྡ་རཱུ་པ་སོགས། སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སུ་ཁ་བྷོ་དྷི་ཙིཏྟ་སརྦ་པཱུ་ཛ་ཨཱཿཧཱུྃ༔ དེ་ནས་དངོས་གཞི་ལྷ་ཡི་ཏིང་ངེ་འཛིན་ནི༔ ཨ༔ སྤྲོས་བྲལ་རིག་པ་ཆོས་ཀྱི་སྐུ༔ སྐྱེ་འགགས་འགྱུར་མེད་གདོད་ནས་དག༔ རྣམ་ཀུན་མཆོག་ལྡན་ངོ་བོ་ཉིད༔ ངང་གནས་ཆེན་པོ་དེ་བཞིན་ཉིད༔ ཧཱུྃ༔ ཁོ་ལྷུན་གྲུབ་སྣང་བ་མ་འགགས་པའི༔ སྣང་སྲིད་རང་བྱུང་ཆེན་པོར་རྫོགས༔ ཀུན་ཁྱབ་ཡེ་ཤེས་བྱང་ཆུབ་སེམས༔ མ་བསྒོམ་རང་གསལ་སྙིང་རྗེ་ཤར༔ ཧྲཱིཿ རང་བྱུང་ཡེ་ཤེས་རོལ་པའི་ རྩལ༔ རྒྱུ་ཡི་ས་བོན་ཡི་གེ་བྃ༔ དཀྱིལ་འཁོར་རྟེན་དང་བརྟེན་པའི་ལྷ༔ རྒྱུ་རུ་རང་བྱུང་ལྷུན་གྱིས་གྲུབ༔ ཧཱུྃ་བཛྲ་ཙིཏྟ་ཨ༔ བྃཿལས་འོད་འཕྲོས་སྣོད་བཅུད་སྦྱངས༔ འབྱུང་ལྔ་རྣམ་དག་ཡུམ་ལྔའི་ཀློང་༔ བྷྲཾ་ལས་རིན་ཆེན་གཞལ་ཡས་ཁང་༔ ཚད་དང་མཚན་ཉིད་མ་ལུས་ཀུན༔ ཡོངས་གྲུབ་ཆེན་པོར་ལྷུན་གྱིས་གྲུབ༔ བརྡ་དོན་རྟགས་གསུམ་རྫོགས་པའི་དབུས༔ པད་ཉིད་ཟླ་གདན་བྃ་གྱི་སྟེང་༔ རང་རིག་བྃ་ལས་འོད་ཟེར་འཕྲོས༔ རྒྱལ་མཆོད་འགྲོ་བའི་ཉེས་སྐྱོན་སྦྱངས༔ ཚུར་འདུས་ཡོངས་གྱུར་སྐད་ཅིག་གིས༔ རང་ཉིད་གསང་བ་ཡེ་ཤེས་མ༔ རྡོ་རྗེ་ཕག་མོ་སྐུ་མདོག་མཐིང་༔ ཞལ་གཅིག་སྤྱན་གསུམ་དབྱིངས་སུ་གཟིགས༔ ཕྱག་བཞི་དང་པོ་གཉིས་ཀྱིས་ནི༔ རལ་གྲི་རྩེ་གསུམ་གཡས་གཡོན་གདེངས༔ འོག་གཉིས་ཐུགས་ཀར་གྲི་ཐོད་འཛིན༔ དབུ་སྐྲ་དམར་སེར་གྱེན་དུ་འཁྱིལ༔ ཐོད་སྐམ་རིན་ཆེན་རྩེ་བྲན་མཛེས༔ ཉི་ཟླའི་སྙན་བརྒྱན་འོད་དུ་འབར༔ སྤྱི་བོར་ཕག་ཞལ་ནག་པོ་ངུར༔ སྐུ་ལ་དུར་ཁྲོད་ཆས་ཀུན་རྫོགས༔ ཞབས་གཉིས་གཡས་བསྐུམས་གཡོན་བརྐྱངས་བ༔ པདཉི་བེེ་རོའི་གདན་ལ་འགྱིང་༔ ཡེ་ཤེས་མེ་ཕུང་འཁྱིལ་བའི་ཀློང་༔ སྣང་ལ་རང་བཞིན་མེད་པར་བསྒོམས༔ སྤྱི་བོར་རྡོ་རྗེ་མཁའ་འགྲོ་མ༔ ༣༒ཿ དཀར་མོ་ཞལ་གཅིག་སྤྱན་གསུམ་ལྡན༔ ཕྱག་གཉིས་གྲི་གུག་ཐོད་ཁྲག་འཛིན༔ སྐུ་ལ་མཁའ་འགྲོའི་ཆས་ཀུན་རྫོགས༔ ཞབས་གཉིས་བརྐྱངས་བསྐུམས་ཚུལ་དུ་ནི༔ རང་སྣང་ཡབ་དང་གཉིས་མེད་འཁྲིལ༔ རྒྱ་གྲམ་བྃ་རོའི་གདན་ལ་བཞུགས༔ རྡོ་རྗེ་རིགས་ཀྱི་འཁོར་གྱིས་བསྐོར༔ མགྲིན་པར་པདྨ་མཁའ་འགྲོ་མ༔ དམར་གསལ་ཞལ་ཕྱག་གཉིས་སྐུ་ལ་ཁྲོ་མོའི་རྒྱན་ཆས་རྫོགས༔ ཞབས་གཉིས་གཡས་བསྐུམས་གཡོན་བརྐྱངས་པས༔ རང་སྣང་ཡབ༔ པདྨ་བྃ་རོའིཿ པདྨ་རིགས་ཀྱིཿ སྙིང་གར་སངས་རྒྱས་མཐིང་སྐྱ་ཞལཿ ཕྱག་གཉིས་སྐུ་ལ་མཁའ་འགྲོའི༴ ཞབས་གཉིས་བརྐྱངས་བསྐུམས་ཡབ་དང་འཁྲིལ༔ འཁོར་ལོ་བྃ་རོའི་གདན༴ འཁོར་དུ་སྒྱུ་འཕྲུལ་དྲྭ་བའི་སྲས༔ སངས་རྒྱས་རིགས་ཀྱི་འཁོར་གྱིས་བསྐོར༔ ལྟེ་བར་རིན་ཆེན༴ སེར་གསལ་ཞལ ཕྱག་གཉིས་གྲིཿ ཞབས་གཉིས་བརྐྱངས་བསྐུམས་ཚུལ་དུ་ནི༔ རང་སྣང་ཡབ་རཏྣ་བཾ་རོའི༴ རིན་ཆེན་རིགས་ཀྱི༴ གསང་བར་ལས་ཀྱི༴ ལྗང་གསལ་ཞལ་གཅིག་ཕྱག་གཉིས་པ༔ གཡས་པས་གྲི་གུག་ནམ་མཁར་འཕྱར༔ ཕྱག་གཡོན་ཐོད་ཁྲག་ཐུགས་ཀར་འཛིན༔ སྐུ་ལ་ཁྲོ་མོའི་ཆས་ཀུན རྫོགས༔ ཞབས་གཉིས་བརྐྱངས་བསྐུམས་ཚུལ་དུ་ནི༔ རང་སྣང་ཡབ་དང་གཉིས་མེད་རོལ༔ རལ་གྲི་བྃ་རོའི་གདན་ལ་བཞུགས༔ ལས་ཀྱི་རིགས་ཀྱི་འཁོར་གྱིས་བསྐོར༔ ཡེ་ཤེས་འོད་ཀྱི་རྩ་བཞིའི་དབུས༔ པདྨ་ཉི་ཟླ་བམ་རོའི་སྟེང་༔ འབྱུང་བཞི་དག་པའི་མཁའ་འགྲོ་བཞི༔ རང་སྣང་ཡབ་དང་གཉིས་མེད་པར༔ སྐུ་མདོག་ཕྱག་མཚན་རྣམ་འགྱུར་ནི༔ རང་གསལ་དེར་འཛིན་བྲལ་བ་ཡི༔ སྒྱུ་མ་ཆུ་ཟླ་ཇི་བཞིན་གསལ༔ ཡན་ལག་སྒོ་བ་ཡབ་ཡུམ་དང་༔ གཞན་ཡང་གྲངས་ཅན་གྲངས་མེད་ཀྱི༔ རྩ་ཁམས་རླུང་ཐིག་རྡོ་རྗེའི་གྲོངས༔ གནས་ཡུལ་ཉེར་བཞི་སུམ་ཅུ་དང་༔ དུར་ཁྲོད་བརྒྱད་དང་ཧེ་རུའི་གནས༔ རང་བྱུང་རྣམ་དག་ཕོ་བྲང་ན༔ བཞུགས་པའི་དཔའ་བོ་མཁའ་འགྲོའི་ཚོགས༔ དཀྱིལ་དང་འཁོར་གྱི་རྣམ་པ་རུ༔ རྩ་གནས་དག་པའི་གྲོང་ཁྱེར་དུ༔ སྒྱུ་འཕྲུལ་དྲྭ་བའི་སྤྲིན་དུ་ཤར༔ སྐུ་མདོག་ཕྱག་མཚན་རྒྱན་ཆ་ལུགས༔ མ་ངེས་རྣམ་འགྱུར་སྣ་ཚོགས་གར༔ སྒྱུ་མའི་ཆོ་འཕྲུལ་ཇི་བཞིན་དུ༔ མ་འདྲེས་ཡོངས་རྫོགས་ཆེན པོའོ༔ དེ་ལྟར་གསལ་བའི་གནས་གསུམ་ལས༔ འོད་ཟེར་དཀར་དམར་མཐིང་གསུམ་འཕྲོས༔ རབ་འབྱམས་རྒྱལ་བའི་ཞིང་ལ་ཕོག༔ རྒྱལ་ཀུན་ཐུགས་རྒྱུད་རབ་བསྐུལ་ནས༔ ཡེ་ཤེས་ ༣དཿ སེམས་དཔའི་རྣམ་པ་རུ༔ སྤྱན་དྲངས་གཉིས་སུ་མེད་པར་བསྟིམ༔ དེ་ནས་སྤྱན་འདྲེན་པ་ནི༔ ཧཱུྃ་ཧྲཱིཿ འོག་མིན་ཆོས་དབྱིངས་གསང་ཆེན་རོལ་པ་ནས༔ འབུམ་ཕྲག་མཁའ་འགྲོ་ཡོངས་ཀྱི་སྤྱི་དཔལ་མོ༔ རྡོ་རྗེ་ཕག་མོའི་དཀྱིལ་འཁོར་ལྷ་ཚོགས་རྣམས༔ སྐྱེ་མེད་ཆོས་སྐུའི་ཀློང་ནས་མ་གཡོས་ཀྱང་༔ ལོག་འདྲེན་འདུལ་ཕྱིར་ཁྲོ་མོའི་སྐུར་བཞེངས་ལྷ༔ དཀྱིལ་དང་འཁོར་གྱི་རྣམ་པར་ཤར་བ་ཀུན༔ མ་ལུས་གནས་འདིར་སྤྱན་འདྲེན་གཤེགས་སུ་གསོལ༔ འཁོར་འདས་དབང་དུ་སྡུད་ཕྱིར: ལོག་འདྲེན་བདུད་དཔུང་འདུལ་ཕྱིར: རྣལ་འབྱོར་བྱིན་གྱིས་བརླབ་ཕྱིར༴ མཆོག་ཐུན་དངོས་གྲུབ་སྩོལ་ཕྱིར༴ ཨོཾ་གུ་རུ་བཛྲ་ཛྙཱ་ན་ཌཱ་ཀི་ནི་བྷ་ར་ཀ་ལི་ཧེ་ཧཱུྃ་བྃ་ཧ་རི་ནི་ས་སརྦ་བཛྲ་ས་མ་ཡ་ཛཿཛཿ དེ་ནས་བཞུགས་གསོལ་ནི༔ ཧཱུྃ་ཧྲཱིཿ ཡེ་ཤེས་དབྱིངས་ནས་གཤེགས་པའི་ལྷ་ཚོགས་རྣམས༔ དམ་ཚིག་དང་ནི་ཡེ་ཤེས་དབྱེར་མེད་པ༔ སྣང་བ་ཐབས་ཀྱིས་བསྐྱེད་པའི་དཀྱིལ་འཁོར་འདིར༔ སྟོང་ཉིད་ཤེས་རབ་རྩལ་ལས་རང་བྱུང་བའི༔ ཟུང་འཇུག་ཉི་ཟླ་པདྨའི་གདན་སྟེང་དུ༔ གཉིས་མེད་རོ་གཅིག་ངང་དུ་བཞུགས་སུ་གསོལ༔ བཛྲ་ས་མ་ཡ་ཛཿ ཏིཥྛ་ལྷན༔ དེ་ནས་ལྷ་ཕྱག་འཚལ་བ་ནི༔ ན་མོ༔ ཆོས་སྐུ་སྐྱེ་བ་མེད་པའི་ངང་ ཉིད་ལས༔ རང་བཞིན་མ་འགགས་ལྷུན་གྲུབ་ལོངས་སྐུར་ཤར༔ ཐུགས་རྗེས་གང་འདུལ་མཛད་པའི་སྐུར་སྟོན་པ༔ ལྷན་སྐྱེས་ཡེ་ཤེས་མཁའ་འགྲོའི་དཀྱིལ་འཁོར་ལ༔ བརྡ་དང་བརྡ་ལན་ཚུལ་གྱིས་ཡེ་ཕྱག་འཚལ༔ ན་མོ་ན་མ་ཧོཿ དེ་ནས་མཆོད་པ་འབུལ་བ་ནི༔ ཨོཾ་ཨཱཿཧཱུྃ༔ ཏིང་འཛིན་ཡིད་ལས་རབ་སྤྲུལ་པའི༔ སྣང་སྲིད་ཡོངས་བཀང་མཆོད་པའི་སྤྲིན༔ སེམས་ཀྱི་རང་བཞིན་གཏེར་ཆེན་པོ༔ ཀུན་བརྟགས་སྣང་བའི་དབང་ལྔའི་ཡུལ༔ གཞན་དབང་སྲིད་པའི་འདོད་ཡོན་ནི༔ ཕྱི་ནང་གསང་བ་དེ་ཉིད་ཀྱི༔ མཆོད་པའི་བྱེ་བྲག་བསམ་མི་ཁྱབ༔ བཀྲ་ཤིས་རྫས་རྟགས་རིན་ཆེན་བདུན༔ ལྷ་ཀླུ་མི་ཡི་དཔལ་འབྱོར་ཀུན༔ ཡོངས་གྲུབ་རིག་པའི་རྒྱན་དུ་ཤར༔ མཁའ་འགྲོ་མ་ཡི་དཀྱིལ་འཁོར་དུ༔ བླང་དོར་མེད་པའི་མཉེས་མཆོད་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ ཨོཾ་བཛྲ་ཨརྒྷཾཿ སོགས། ཤཔྡ་རཱུ་པ་ཤཔྡ་གནྡྷེ་ར་ས་སྤཪྵི་སརྦ་པཉྩ་ཨ་མྲྀ་ཏ་རཀྟ་བ་ལིཾ་ཏ་མ་ཧཱ་སརྦ་ཏ་ན་གྷ་ཎ་བྷོ་དྷི་ཙིཏྟ་མ་ཧཱ་སུ་ཁ་སརྦ་པཱུ་ཛ་ཁཱ་ཧི༔ དེ་ནས་བསྟོད་པ་ནི༔ ཧཱུྃ་ཧྲཱིཿ མ་བཅོས་སྤྲོས་བྲལ་ཀུན་བཟང་ཆོས་ཀྱི་སྐུ༔ འགགས་མེད་རང་བྱུང་ལྷུན་གྲུབ་ལོངས་སྤྱོད་རྫོགས༔ ཐུགས་རྗེ་སྒྱུ་མའི་སྐུར་བཞེངས་རྣལ་འབྱོར་མ༔ གར་དགུའི་ ༣ཤོཿ ཉམས་ལྡན་བདུད་དཔུང་ཟིལ་གྱིས་གནོན༔ རྡོ་རྗེ་ཕག་མོའི་སྐུ་གསུང་ཐུགས་ཡོན་ཏན༔ ཕྲིན་ལས་ལྔ་ལ་སྒོ་གསུམ་གུས་པས་བསྟོད༔ གཞན་ཡང་ཡེ་ཤེས་མཁའ་འགྲོའི་དཀྱིལ་འཁོར་དུ༔ འཁོད་ཅིང་གང་འདུལ་མཛད་པའི་སྐུར་སྟོན་པ༔ དཀྱིལ་དང་འཁོར་གྱི་རྣམ་པར་ཤར་བའི་ལྷ༔ རབ་འབྱམས་ཕྲིན་ལས་མཆོག་ལ་མངའ་བརྙེས་པ༔ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ དེ་ནས་བཤགས་པ་ནི༔ ཧོཿ ཡེ་ཤེས་མཁའ་འགྲོའི་དཀྱིལ་འཁོར་དུ༔ བདག་ནི་མ་རིག་སྐྱོན་དབང་གིས༔ བསྐྱེད་བཟླས་ཏིང་འཛིན་གཡེལ་བ་དང་༔ སྒོ་གསུམ་བག་མེད་ལས་ཅི་བགྱིས༔ གནོང་འགྱོད་དྲག་པོས་མཐོལ་ཞིང་བཤགས༔ དག་ཅིང་ཚངས་པར་མཛད་དུ་གསོལ༔ ཨོཾ་བཛྲ་སཏྭ་ས་མ་ཡ་སོགས། ཨཱཿ དེ་ནས་ཡང་སྙིང་འཛབ་དགོངས་ནི༔ ཧཱུྃ༔ རང་ཉིད་མཁའ་འགྲོའི་ཐུགས་ཀ་རུ༔ ཆོས་འབྱུང་དགའ་འཁྱིལ་དབུས་སུ་ནི༔ དྭངས་མ་ལྔ་ཡི་འོད་ཀློང་དུ༔ ཐུགས་སྲོག་བྃ་ཡིག་མཐིང་གའི་མཐར༔ སྔགས་ཕྲེང་གཡོན་དུ་འཁོར་བ་ལས༔ འོད་ཟེར་ཡར་འཕྲོས་རྒྱལ་ཀུན་མཆོད༔ ཐུགས་རྗེ་གཟི་བྱིན་ནུས་མཐུ་བསྡུས༔ མར་འཕྲོས་འགྲོ་བའི་ཉེས་སྐྱོན་སྦྱངས༔ ཚེ་བསོད་དབང་བསྡུས བདེ་ལ་འགོད༔ འཁོར་འདས་སྲོག་བཅུད་མ་ལུས་ཀུན༔ ཚུར་འདུས་སྲོག་གི་སྙིང་པོར་བསྟིམ༔ སྣང་གྲགས་རིག་པ་ཆོས་སྐུའི་ངང་༔ རྣམ་དག་ལྷ་ཡི་དལ་དུ་རྫོགས༔ གཙོ་འཁོར་སྲོག་སྔགས་རོ་གཅིག་བཟླས༔ ཨོཾ་ཨཱཿཧཱུྃ་ཧྲཱིཿགུ་རུ་བཛྲ་ཌཱ་ཀི་ནི་བྷ་ར་ཀ་ལི་ཧེ་ཧཱུྃ་བྃ་ཧ་རི་ནི་ས་སརྦ་སིདྡྷི་ཕ་ལ་ཧཱུྃ་ཨཱཿ སྨྲ་བཅད་མི་ཚིག་མ་འདྲེས་པར༔ བཟླས་ཚེ་གཟེར་གསུམ་དང་ལྡན་ན༔ བྱེ་བ་གཅིག་གིས་འགྲུབ་པར་འགྱུར༔ རྟགས་མཚན་ལག་ཏུ་ལོངས་དང་གསལ༔ མེ་ཏོག་ཚལ་ཕྱིན་དུང་འགྲོན་རྙེད༔ དཀར་གསུམ་མངར་གསུམ་ལོངས་སུ་སྤྱོད༔ དངུལ་དཀར་མེ་ལོང་རྙེད་པ་ནི༔ རྡོ་རྗེ་མཁའ་འགྲོ་གྲུབ་པའི་རྟགས༔ དུང་འབུདརྒྱལ་མཚན་འཛུགས་པ་དང་༔ བ་དན་འཕྱར་དང་རི་རྩེར་འགྲིམ༔ རིན་ཆེན་སྣ་ཚོགས་རྙེད་པ་སོགས༔ རིན་ཆེན་མཁའ་འགྲོ་གྲུབ་པའི་རྟགས༔ ཨུཏྤལ་དམར་པོའི་ཚལ་དུ་ཕྱིན༔ གཞོན་ནུ་མ་ཡིས་བཀུར་བསྟི་བྱེད༔ མཚན་ལྡན་བྷནྡྷ་ཆང་གིས་བཀང་༔ ནུས་ལྡན་རོ་མཆོག་སྟེར་བ་དང་༔ བདེ་བའི་གར་དང་སྒྱུ་རྩལ་ངོམས༔ བརྡ་ཆོས་མ་ངེས་སྣ་ཚོགས་ཤར༔ པདྨ་མཁའ་འགྲོ་འགྲུབ་པའི་རྟགས༔ བྲག་ཤིང་བཅོམ་དང་གཞན་བྲན་བཀོལ༔ མི་མིན་ལྷ་འདྲེ་འབངས་སུ་གྱུར༔ མཚན་ལྡན་བམ་རོ་རྙེད་པ་ནི༔ ཀརྨ་མཁའ་འགྲོ་འགྲུབ་པའི་རྟགས༔ ལྷ་ཞལ་མཇལ་དང་མཁའ་ལ་འཕུར༔ སྐུ་གསུང་ཐུགས་ཀྱི་རྟེན་གང་རུང་༔ རྙེད་ནས་བྱིན་བརླབ་གསུང་འབྱོན་དང་༔ རང་འབྱུང་དགོངས་པ་ཀློང་རྡོལ་སོགས༔ སངས་ ༦ལདཿ རྒྱས་མཁའ་འགྲོ་འགྲུབ་པའི་རྟགས༔ རང་ལུས་གནས་དག་འོད་དུ་ཤར༔ རྩ་གནས་ཐམས་ཅད་ཡི་གེ་དང་༔ སྒྲ་གྲགས་རྩ་བའི་སྔགས་ཀྱི་སྒྲ༔ བར་མེད་རང་བཞིན་ངང་དུ་གྲགས༔ རིག་པ་མི་འགྱུར་ཐུགས་སུ་སྨིན༔ ཆོས་ཉིད་དོན་ལ་སོམ་ཉི་བྲལ༔ ཆོས་ཀུན་མཉམ་ཉིད་ཆེན་པོར་རྫོགས༔ གདེངས་ཀྱི་དྲོད་ཚད་མངོན་དུ་གྱུར༔ མཆོག་གི་མཁའ་འགྲོ་འགྲུབ་པའི་རྟགས༔ དེ་ནས་རབ་འབྲིང་ཐ་མ་གང་༔ རྣལ་འབྱོར་རང་རང་དཔལ་དུ་ཤར༔ གང་ལ་ཞེན་པའི་འཕྲི་བ་སྤོངས༔ གཉིས་འཛིན་རེ་དོགས་མ་བྱེད་པར༔ རིག་པའི་རྩལ་དུ་ཤེས་པར་གྱིས༔ མཆོག་ཐུན་དངོས་གྲུབ་ཐོབ་པར་ངེས༔ འདི་ནི་མཁའ་འགྲོ་ཐམས་ཅད་ཀྱི༔ སྲོག་སྒྲུབ་ཡང་ཟབ་སྙིང་པོ་མཆོག༔ གང་འབྲེལ་རྣམ་གྲོལ་ལམ་འགོད་ངེས༔ ཐེ་ཚོམ་མེད་དོ་ས་མ་ཡ༔ གབ་པ་གནས་ཀྱི་བྱང་གཅིག་ནི༔ རང་ཉིད་མཁའ་འགྲོའི་ཐུགས་ཀ་ནས༔ མེ་དཔུང་མཚོན་ཐུན་ཕོ་ཉ་འཕྲོས༔ མཐའ་ཡི་དུ་རུ་སྡེ་བཞི་སྟོད་ཧོར་འཇང་ཀླ་ཀློ་མཐའ་དམག་དང་༔ ལོག་འདྲེན་འབྱུང་པོ་ཐམས་ཅད་ཀུན༔ མེ་དཔུང་མཚོན་ཆ་སྣ་ཚོགས་ཀྱིས༔ རྗེས་ཤུལ་ཙམ་ཡང་མེད་པར་བརླག༔ རྣམ་པར་ཤེས་པ་དབྱིངས་སུ་བསྒྲལ༔ འཁྲུལ་མི་ཤེས་པའི་ས་རུ་ཕཊ༔ རྩ་སྔགས་མཐར༔ དུ་རུ་ཙ་ཀ་ཚིནྡྷ་ཀེ་མཱ་རི་དགྲ་བགེགས་སརྦ་ཤཱ་ཧུྃ་མཱ་ར་ཡ་ཧཱུྃ་ཧཱུྃ་ཕཊ༔ ཁྲི་ཕྲག་བཅུ་ཡིས་འགྲུབ་པར་འགྱུར༔ མན་ངག་ཟབ་མོ་ཨི་ཐི་རྒྱ༔ ཤིན་ཏུ་གསང་ཆེན་སྙིང་པོའི་དོན༔ བཅུད་བསྡུས་རྒྱས་གདབ་བཞི་ཡི་གནད༔ འཇའ་ལུས་གདམས་པའི་བཅུད་བསྡུས་ནི༔ སྐད་ཅིག་ཕག་མོ་མཐིང་ག་བསྒོམ༔ འཁོར་ལོ་ལྔ་དབུས་རིགས་ལྔ་ཡི༔ ཡབ་ཡུམ་གསལ་གདབ་རྩ་གསུམ་དབུས༔ སྐུ་གསུམ་མཚོན་བྱེད་འབྲུ་གསུམ་ནི༔ དཀར་དམར་མཐིང་གའི་རྣམ་པར་གསལ༔ སྤྲུལ་པའི་འཁོར་ལོའི་ཨ་ཤད་ལ༔ ཡེ་ཤེས་རླུང་གི་ནུས་པའི་མཐུས༔ མེ་མཆོད་སྤྱི་བོར་ཟླ་བའི་རྒྱུན༔ འོད་ཞུ་རིམ་བཞིན་གནས་ལྔ་ཡི༔ དཀྱིལ་འཁོར་རྩ་གནས་ཐམས་ཅད་མཆོད༔ དགའ་བ་གསུམ་གྱི་འོད་གསལ་ལ༔ བརྟེན་ནས་བཞི་པའི་ཡེ་ཤེས་མཐོང་༔ རྡོ་རྗེ་འོད་ཀྱི་རྩ་སྦྱངས་ནས༔ དྭངས་མའི་རང་བཞིན་སྐུ་རུ་འཕོ༔ ཕྲ་རགས་རྩ་མདུད་ཐམས་ཅད་གྲོལ༔ འབྱུང་འཇུག་རྡོ་རྗེ་གསུམ་དུ་འགྱུར༔ རླུང་སྔགས་དབྱེར་མེད་བདེ་བ་ཆེ༔ གསལ་ལ་རྟོག་མེད་ཡེ་ཤེས་ལྔ༔ དེ་ལ་རིམ་བཞིན་གནད་གོམས་པས༔ དྲོད་རྟགས་ཐམས་ཅད་ངང་གིས་འཆར༔ རླུང་སེམས་དབྱེར་མེད་དབུ་མར་ཞུགས༔ གང་ཡང་ཆོས་ཉིད་འདུས་མ་བྱས༔ ཡེ་ཤེས་འཁོར་ལོར་འབྱམ་ཀླས་པས༔ འཁོར་བ་མ་སྤངས་གཞི་ལ་སངས༔ འདས་པ་སྒྲུབ་མེད་ངོ་བོར་སད༔ འགྱུ་འཕྲོའི་རྟོག་ཚོགས་རྒྱུན་ཆད་ནས༔ རང་བྱུང་ལྷ་ཡི་ཕྱག་རྒྱར་འཕོས༔ གནས་གསུམ་འོད་ཐིག་དཀར་དམར་མཐིང་༔ སྒྲིབ་བྲལ་ཤིན་ཏུ་དྭངས་པའི་དབུས༔ རྡོ་རྗེའི་ཡི་གེ་འབྲུ་གསུམ་ནི༔ འོད་དང་འོད་ཟེར་ཚུལ་དུ་བསྒོམ༔ ལུས་ངག་སེམས་ཀྱིས་སྒྲིབ་པ་ནི༔ འབྲུ་གསུམ་ནུས་པས་རབ་ཏུ་སྦྱངས༔ སླར་ཡང་ཨོཾ་ཡིག་ཐིག་ལེ་བཅས༔ ཨཱཿལ་ ༦ ཿ བསྡུ་ཞིང་ཨཱཿཡིག་ནི༔ ཐིག་ལེ་རྣམ་པར་ཧཱུྃ་ལ་བསྡུས༔ དེ་དག་དཀར་དམར་མཐིང་ག་ཡི༔ འོད་ཐིག་ཉུངས་འབྲུ་ཙམ་དུ་གྱུར༔ དེ་ཡི་ཁོང་སེང་འབྲུ་གསུམ་ནི༔ ཤིན་ཏུ་ཕྲ་བའི་རྣམ་པར་གསལ༔ གཅིག་འདྲིལ་ཧཱུྃ་ལ་སེམས་གཏད་ནས༔ ཡེངས་མེད་འཛིན་མེད་ངང་དུ་ཞོག༔ དེ་ལ་ཤིན་ཏུ་གོམ་པས་ན༔ མ་དག་རྩ་ཐིག་རླུང་གསུམ་དག༔ མི་ཤིག་རྡོ་རྗེ་གསུམ་དང་འདྲེས༔ ལྷ་ཡི་སྐུ་གསུང་ཐུགས་སུ་སྨིན༔ སླར་ཡང་བཅུད་འདུས་ཐིག་ལེ་རྣམས༔ འོད་ཞུ་འོད་ཀྱི་ཕྱི་ནང་གི༔ སྣོད་བཅུད་རྒྱུ་རྐྱེན་མ་ལུས་སྦྱངས༔ ཐམས་ཅད་སྟོང་ཉིད་ཆེན་པོར་གྱུར༔ རྟོག་པའི་རང་གདངས་མ་འགགས་པའི༔ འོད་གསལ་ཆེན་པོའི་ཡེ་ཤེས་ངང་༔ མངོན་གྱུར་དབྱིངས་དང་རིག་པ་གཉིས༔ དབྱེར་མེད་ཆོས་སྐུའི་ཉམས་ལེན་ལ༔ རྩེ་གཅིག་གནད་དུ་བསྣུན་པས་ན༔ ཟག་བཅས་སྒྱུ་མའི་ཕུང་པོ་འདི༔ ཟག་མེད་འོད་ཀྱི་སྐུ་རུ་སྨིན༔ ཕུང་པོ་མི་སྣང་འོད་དུ་མཐོང་༔ ཉོན་མོངས་ཡུལ་ཟད་ཡེ་ཤེས་ངང་༔ རྐྱེན་སྣང་ཐམས་ཅད་ཆོས་སྐུར་གྲོལ༔ ལས་རླུང་གཡོ་བའི་ཆོ་འཕྲུལ་རྣམས༔ སྟོབས་ཆེན་ཡེ་ཤེས་རླུང་དུ་གྱུར༔ སེམས་དང་སེམས་བྱུང་རྟོག་ཚོགས་ཀུན༔ རང་གྲོལ་རིག་པ་ཆོས་སྐུའི་ངང་༔ གདོད་མའི་མགོན་པོ་ཀུན་ཏུ་བཟང་༔ མངོན་གྱུར་དང་པོའི་སངས་རྒྱས་ཏེ༔ ཇི་སྲིདའཁོར་བ་གནས་ཀྱི་བར༔ དེ་སྲིད་ཕྲིན་ལས་རྒྱུན་མི་ཆད༔ ས་མ་ཡ༔ འདི་ནི་འོད་ལུས་སྒྲུབ་པའི་ཐབས༔ ཌཱ་ཀི་རྒྱ་མཚོའི་ཐུགས་བཅུད་འདི༔ རྫོགས་རིམ་མང་པོའི་དོ་ཟླ་མིན༔ ཉུང་བསྡུས་གཅིག་དྲིལ་གདམས་པ་ཟབ༔ གང་ ཟག་སྐལ་ལྡན་སེམས་ཀྱི་བུས༔ རྩེ་གཅིག་ཉམས་སུ་ལེན་ནུས་ན༔ པད་འབྱུང་བདག་གི་བཀའ་མི་བསླུ༔ འཇའ་ལུས་འགྲུབ་པར་ཐེ་ཚོམ་མེད༔ བསྐྱེད་རྫོགས་གྲངས་ལ་ལྟོས་མི་དགོས༔ འདི་ཉིད་གཅིག་པུ་ཉམས་བླང་ན༔ མཆོག་ཐུན་དངོས་གྲུབ་ཐོབ་པར་འགྱུར༔ ཐེ་ཚོམ་མེད་དོ་ས་མ་ཡ༔ རྗེས་རིམ་བསོད་ནམས་བསག་པའི་ཐབས༔ བཟའ་དང་བཅའ་བ་བཏུང་བའི་རིགས༔ འབྱོར་ཚོགས་མཆོད་པའི་རྫས་ཇི་སྙེད༔ ཤ་ཆང་ལ་སོགས་ཚད་ལྡན་བཤམས༔ དེ་ནས་བྱིན་གྱིས་བརླབ་པ་ནི༔ རང་ཉིད་ལྷ་ཡི་ཏིང་འཛིན་གྱིས༔ བྱིན་གྱིས་བརླབས་པ་འདི་སྐད་དོ༔ ཨོཾ༔ བདེ་ཆེན་པདྨ་བྷནྡྷའི་སྣོད༔ ཡངས་ཤིང་རྒྱ་ཆེའི་ནང་དུ་ནི༔ ཨཱཿལས་སྣང་དང་སྲིད་པའི་ཆོས༔ འདོད་ཡོན་ལོངས་སྤྱོད་བསམ་མི་ཁྱབ༔ ཧཱུྃ་གིས་ཡེ་ཤེས་བདུད་རྩིའི་སྤྲིན༔ རྒྱལ་ཀུན་མཉེས་པའི་རྫས་སུ་སྤེལ༔ རྃ་ཡྃ་ཁྃ༔ ཨོཾ་ཨཱཿཧཱུྃ་ཧ་ཧོ་ཧྲཱིཿ ལན་གསུམ་དང་མཆོད་པའི་སྤྲིན་གཟུངས་ནམ་མཁའ་མཛོད་སྔགས་བརྗོད༔ དེ་ནས་ཚོགས་ཕུད་རིམ་པ་མདུན་དུ་བཀོད༔ ཧཱུྃ་ཧྲཱིཿ རང་སྣང་རྣམ་དག་འོག་མིན་ཞིང་༔ དཔའ་བོ་དཔའ་མོ་འདུ་བའི་གནས༔ གསང་ཆེན་རོལ་པའི་གནས་མཆོག་ནས༔ སྐུ་གསུམ་མཁའ་འགྲོ་ཡོངས་ཀྱི་རྗེ༔ རྡོ་རྗེ་ཕག་མོ་རྒྱལ་བའི་ཡུམ༔ དཀྱིལ་དང་འཁོར་གྱི་རྣམ་པ་རུ༔ འདུ་བ་ཚོགས་ཀྱི་འཁོར་ལོར་གཤེགས༔ དབུ་སྐྲ་ཐོར་ཅོག་ལྡེམས་སེ་ལྡེམ༔ དར་ ལ༣། དེཾཿ དཔྱངས་དྲིལ་གཡེར་པུ་རུ་རུ༔ མེ་ལོང་རུས་པའི་རྒྱན་གྱིས་མཛེས༔ དཔའ་བོས་བྲོ་བརྡུང་ཁྲབས་སེ་ཁྲབ༔ དཔའ་མོས་གླུ་གར་ཆེམས་སེ་ཆེམ༔ ཕཊ་དང་ཕེཾ་སྒྲ་སངས་སེ་སང་༔ མཁའ་འགྲོའི་བརྡ་སྐད་དི་རི་རི༔ ཞབས་གཉིས་གར་སྟབས་ཤིགས་སེ་ཤིག༔ བྱིན་རླབས་ན་བུན་ཐིབས་སེ་ཐིབ༔ དངོས་གྲུབ་བདུད་རྩི་ཉི་ལི་ལི༔ འདོད་ཡོན་གསང་རྫས་ཚོགས་ལ་རོལ༔ དམ་རྫས་བཱ་ལིཾ་མཱཾ་ས་དང་༔ ཛགད་དཔའ་བོ་ཐོད་རྔའི་སྒྲ༔ རོལ་མོ་སྙན་དབྱངས་བཤུག་པའི་གླུ༔ པི་ཝཾ་གླིང་བུ་སྒྲ་སྙན་བཅས༔ རྣམ་གསུམ་དག་པའི་མཆོད་པ འདི༔ རྒྱལ་ཡུམ་མཁའ་འགྲོའི་ཚོགས་ལ་འབུལ༔ སྐུ་གསུང་ཐུགས་ཀྱི་དམ་ཉམས་བཤགས༔ དབྱིངས་འཛིན་ལམ་གོལ་དབྱིངས་སུ་སྒྲོལ༔ མཆོག་ཐུན་སུ་ཁའི་དངོས་གྲུབ་སྩོལ༔ ནང་ལྟར་རྡོ་རྗེ་ལུས་ཀྱི་གྲོང་༔ དཔའ་བོ་དཔའ་མོ་འདུ་བའི་གནས༔ སྤྱི་བོ་བདེ་ཆེན་འཁོར་ལོའི་དབུས༔ མེ་ལོང་ཡེ་ཤེས་ངོ་བོ་ཉིད༔ རང་བཞིན་ཡེ་ཤེས་སྤྱོད་པའི་མ༔ རྡོ་རྗེ་མཁའ་འགྲོ་རྒྱལ་བའི་ཡུམ༔ རྡོ་རྗེ་རིགས་ཀྱི་འཁོར་དང་བཅས༔ འདུ་བ་ཚོགས་ཀྱི་འཁོར་ལོར་གཤེགས༔ དབུ་སྐྲ་ཐོར་ཅོག: སོགས། དངོས་གྲུབ་སྩོལ༔ མགྲིན་པ་ལོངས་སྤྱོད་འཁོར་ལོ་ན༔ སོར་རྟོགས་ཡེ་ཤེས་ངོ་བོ་ཉིད༔ རང་བཞིན་ཡེ་ཤེས་སྤྱོད་པའི་མ༔ པདྨ་མཁའ་འགྲོ་རྒྱལ་བའི་ཡུམ༔ པདྨ་རིགས་ཀྱི་འཁོར་དང་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས༔ དབུ་སྐྲ་ཐོར་ཅོགཿ སོགས། དངོས་གྲུབ་སྩོལ༔ སྙིང་ག་ཆོས་ཀྱི་འཁོར་ལོ་ན༔ ཆོས་དབྱིངས་ཡེ་ཤེས་ངོ་བོ་ཉིད༔ རང་བཞིན་ཡེ་ཤེས་སྤྱོད་པའི་མ༔ སངས་རྒྱས་མཁའ་འགྲོ་རྒྱལ་བའི་ཡུམ༔ སངས་རྒྱས་རིགས་ཀྱི་འཁོར་དང་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས༔ དབུ་སྐྲ་ཐོར་ཅོག སོགས། དངོས་གྲུབ་སྩོལ༔ ལྟེ་བ་སྤྲུལ་པའི་འཁོར་ལོ་ན༔ མཉམ་ཉིད་ཡེ་ཤེས་ངོ་བོ་ཉིད༔ རང་བཞིན་ཡེ་ཤེས་སྤྱོད་པའི་མ༔ རིན་ཆེན་མཁའ་འགྲོ་རྒྱལ་བའི་ཡུམ༔ རིན་ཆེན་རིགས་ཀྱི་འཁོར་དང་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས༔ དབུ་སྐྲ་ཐོར་ཅོགཿ སོགས། དངོས་གྲུབ་སྩོལ༔ གསང་བ་བདེ་སྐྱོང་འཁོར་ལོ་ན༔ བྱ་གྲུབ་ཡེ་ཤེས་ངོ་བོ་ཉིད༔ རང་བཞིན་ཡེ་ཤེས་སྤྱོད་པའི་མ༔ ལས་ཀྱི་མཁའ་འགྲོ་རྒྱལ་བའི་ཡུམ༔ ལས་ཀྱི་རིགས་ཀྱི་འཁོར་དང་བཅས༔ འདོད་ཡོན་ཚོགས་ལ་སྤྱན་འདྲེན་གཤེགས༔ དབུ་སྐྲ་ཐོར་ཅོགཿ སོགས། དངོས་གྲུབ་སྩོལ༔ གཞན་ཡང་རྡོ་རྗེ་རྩ་ཡི་གྲོང་༔ ལ༣། དེཾཿ ཉི་ཤུ་རྩ་བཞི་ཡུལ་སུམ་ཅུ༔ ཧེ་རུ་ཀ་ཡི་གནས་བཅུ་སོགས༔ རང་བཞིན་བཞུགས་པའི་རྣལ་འབྱོར་མ༔ དཔའ་བོ་དཔའ་མོ་མཁའ་འགྲོའི་ཚོགས༔ སྒོ་སྐྱོང་ཕོ་ཉ་ལས་བྱེད་བཅས༔ དཀྱིལ་དང་འཁོར་གྱི་རྣམ་པ་རུ༔ འདུ་བ་ཚོགས་ཀྱི་འཁོར་ལོར་གཤེགས༔ དབུ་སྐྲ་ཐོར་ཅོགཿ སོགས། དངོས་གྲུབ་སྩོལ༔ དེ་ནས་བསྐང་བཤགས་ནི༔ ཧོཿ ཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལ༔ བདག་ནི་མ་རིག་གཏི་མུག་རྐྱེན་དབང་གིས༔ གཟུང་འཛིན་གཉིས་སྣང་འཁོར་བར་འཁྱམས་པ་ཡིས༔ བདག་མེད་བདག་ཏུ་བཟུང་བའི་སྒྲིབ་པ་ཀུན༔ འདོད་ཡོན་ཞལ་ཟས་ཚོགས་ཀྱིས་བསྐང་ཞིང་བཤགས༔ སྐྱེ་མེད་ཆོས་དབྱིངས་ངང་དུ་བཟོད་