Tibetan
གསོལ་ནས༔ དག་ཚངས་མཆོག་གི་དངོས་གྲུབ་བསྩལ་དུ་གསོལ༔ གཞན་ཕན་ཆུང་ཞིང་ཞེ་སྡང་རྐྱེན་གྱུར་པའི༔ འགྲོ་དྲུག་སེམས་ཅན་དོན་ལ་བློ་ཞན་པས༔ སྙིང་རྗེ་ཆུང་ཞིང་དོན་མ་བགྱིས་པ་སོགས༔ འདོད་ཡོན་ཞལ་ཟས་ཚོགས་ཀྱིས་བསྐང་ཞིང་བཤགས༔ ལེ་ལོ་ཡེ་ཤེས་ཀློང་དུ་བཟོད དག་ཚངས་༴ ཉོན་མོངས་ང་རྒྱལ་དབང་དུ་གྱུར་པ་ཡིས༔ རྡོ་རྗེ་སློབ་དཔོན་མཆེད་དང་ལྕམ་དྲལ་གྱི༔ སྐུ་གསུང་ཐུགས་དང་འགལ་བའི་ལས་ཅི་བསགས༔ འདོད་ ཡོན། མཉམ་ཉིད་ཡེ་ཤེས་ཀློང་དག་ཚངསཿ ཉོན་མོངས་འདོད་ཆགས་དབང་དུ་གྱུར་པས་ན༔ གཏོང་ཕོད་ཆུང་ཞིང་སེར་སྣ་འཇུར་གེགས་ཀྱིས༔ ལོ་དང་ཟླ་བ་ཉ་སྟོང་དུས་མཆོད ཆགས༔ འདོད་ཡོན༴ སྐྱོན་བྲལ་དྲི་མེད་ངང་དུ་བཟོད དག་ཚངས་ཉོན་མོངས་ཕྲག་དོག་དབང་དུ༔ རང་རྒྱལ་ཕྱོགས་རིས་བཟུང་བའི་ཀུན་སློང་གིས༔ གྲོགས་མཆེད་ཐུགས་དང་འགལ་བའི་ལས་ཅི་བགྱིས༔ འདོད་ཡོན༴ བྱ་གྲུབ་ཡེ་ཤེས་ཀློང་དུཿ དག་ཚངས་ཐབས་ལ་མ་མཁས་དབང་དུ་གྱུར་པས་ན༔ ཕུད་ལྷག་ཉམས་དང་ཁ་ཚར་ཤོར་བ་དང་༔ ཚོར་དང་མ་ཚོར་ཉམས་ཆག་ཅི་བསགས་པ༔ འདོད་ཡོན༴ དག་ཆེན་ཆོས་དབྱིངས་ཀློང་དུཿ སྐུ་གསུང་ཐུགས་ཀྱི་དངོས་གྲུབ་བསྩལ་དུ་གསོལ༔ ཨོཾ་བཛྲ་སཏྭ་ས་མ་ཡ༴ སོགས། ཨཱཿ ཡིག་བརྒྱ་ལན་གསུམ་དང་༔ བསྒྲལ་བསྟབས་ནི༔ ཧཱུྃ་ཧྲཱིཿ བདག་མེད་ལྟ་བའི་ཧེ་རུ་ཀས༔ བདག་ལྟའི་རུ་ཏྲ་བསྒྲལ་བའི་ཕྱིར༔ དབྱིངས་ནས་སྐུར་བཞེངས་ཉམས་པའི་དགྲ༔ དམིགས་པའི་རྟེན་དང་གཉིས་མེད་ཁུག༔ དུག་གསུམ་རྩ་གཅོད་ཕུར་བུ་ཡིས༔ གཟས་པོའི་ལུས་ངག་ཡིད་ལ་གདབ༔ རྣམ་ཤེས་སྐྱེ་མེད་དབྱིངས་སུ་ཕཊ༔ ཟག་ཕུང་ཡེ་ཤེས་བདུད་རྩིར་བསྒྱུར༔ རྩ་ ལ༣m གསུམ་ལྷ་ཡི་ཞལ་དུ་བསྟབ༔ འཁྲུལ་སྣང་ཡེ་ཤེས་ས་རུ་སྒྲོལ༔ སརྦ་ཤཱ་ཏྲུཾ་མཱ་ར་ཡ་ཁཱ་ཧི༔ དེ་ནས་དངོས་གྲུབ་རོལ་པ་ནི༔ ཧོཿ ཐབས་ཤེས་གཉིས་མེད་གསང་བའི་རྫས༔ མཆོག་གི་དངོས་གྲུབ་བླ་ན་མེད༔ གཙང་རྨེ་གཉིས་འཛིན་རྟོག་པ་བྲལ༔ ཚིམས་པ་དྲུག་ལྡན་ངང་དུ་རོལ༔ ཨ་ལ་ལ་ཧོཿ དེ་ནས་ལྷག་མ་འབུལ་བ་ནི༔ ཕེཾ་བྷྱོཿ དཔལ་ཆེན་བཀའ་ཉན་དཀྱིལ་འཁོར་མུ་རན་སྐྱོང་༔ དབང་ཕྱུག་མཁའ་འགྲོ་སུམ་ཅུ་རྩ་གཉིས་དང་༔ གིང་དང་ལང་ཀ་ཤུགས་འགྲོ་གནས་ཉུལ་སྡེ༔ ལྷག་ལ་དབང་བའི་ཕོ་ཉ་རྒྱ་མཚོའི་ཚོགས༔ ལྷག་གཏོར་ཕ་ཕོག་བཟང་པོ་འདི་བཞེས་ལ༔ ཕྱི་ནང་བར་ཆད་མི་མཐུན་རྒུད་པ་སེལ༔ རྣམ་བཞིའི་བཅོལ་བའིཕྲིན་ལས་འགྲུབ་པར་མཛོད༔ ཨུ་ཙིཥྞ་བ་ལི་ཏ་ཁཱ་ཧི༔ ལྷག་གཏོར་གཙང་སར་ཕྱི་རོལ་དུ་འབུལ༔ དེ་ནས་ཐུགས་དམ་བསྐུལ་བ་ནི༔ ཧཱུྃ༔ བཞེངས་ཤིག་མཁའ་འགྲོ་འདུས་པའི་ལྷ༔ མ་གཡེལ་ཐུགས་དམ་གནད་ནས་བསྐུལ༔ ཆོས་ཀྱི་དབྱིངས་ནས་སྐུར་བཞེངས་ལ༔ སྒྱུ་འཕྲུལ་རོལ་རྩལ་སྣ་ཚོགས་ཀྱིས༔ བསྟན་དང་བསྟན་འཛིན་ལ་གནོད་པའི༔ ལོག་འདྲེན་འབྱུང་པོ་བདུད་ཀྱི་རིགས༔ བྱང་ཆུབ་སྒྲུབ་པའི་བར་ཆད་རྣམས༔ ཐལ་བ་རྡུལ་དུ་བརླག་པར་མཛོད༔ དུས་ལས་མ་འདའ་ས་མ་ཡ༔ དེ་ནས་ཆད་ཐོ་ནི༔ ཧཱུྃ་བྷྱོཿ དུས་གསུམ་ལས་འདས་ཀ་དག་ཀུན་ཏུ་བཟང་༔ སྤྱི་དཔལ་ཆེ་མཆོག་ཧེ་རུ་ཀ་དཔལ་གྱི༔ སྤྱན་སྔར་ཐ་ཚིག་ཁས་བླང་དམ་བཅས་པའི༔ བཀའ་སྡོད་དམ་ཅན་སྟོབས་ལྡན་སྲུང་མའི་ཚོགས༔ རང་རང་ལས་བྱེད་ཕོ་ཉ་སྤྲུལ་པ་བཅས༔ འདིར་གཤེགས་ཆད་མདོ་དམར་གྱི་གཏོར་མ་ལོངས༔ གསང་སྔགས་བསྟན་སྲུངས་བསྟན་འཛིན་སྐུ་ཚེ་བསྲིང་༔ མཐའ་འདྲེའི་ཆོ་འཕྲུལ་རྫས་ངན་ནུས་པ་ཆོམས༔ རྒྱ་འདྲེ་བདུད་བགེགས་ཀླ་ཀློའི་གནོད་པ་བཟློག༔ སངས་རྒྱས་བསྟན་པ་དར་རྒྱས་ཕྲིན་ལས་མཛོད༔ གཞན་ཡང་རིག་འཛིན་རྡོ་རྗེ་ཐོདཕྲེང་དང་༔ བརྒྱུད་ལྡན་རིག་འཛིན་བླ་མ་ཡན་ཆད་ཀྱི༔ བཀའ་དང་ཐ་ཚིག་ལ་གནས་དྲེགས་པའི་ཚོགས༔ འཁོར་དང་བཅས་པ་མ་ལུས་འདིར་གཤེགས་ལ༔ ཆད་མདོ་དམར་གྱི་གཏོར་མ་འདི་བཞེས་ལ༔ སྔོན་གྱི་ཐ་ཚིག་གཡར་དམ་ཇི་བཞིན་དུ༔ ཕྱི་ནང་གསང་བའི་བར་ཆད་རྐྱེན་ངན་བཟློག༔ ཞི་རྒྱས་དབང་དང་དྲག་པོའི་ལས་རབ་འབྱམས༔ རྟེན་འབྲེལ་བཞིན་དུ་ཡོངས་འགྲུབ་ཕྲིན་ལས་མཛོད༔ དེ་ནས་བརྟན་མ་སྐྱོང་བ་ནི༔ བྷྱོཿ དཔལ་གྱི་བཀའ་ཉན་བོད་ཁམས་སྐྱོང་བའི་མ༔ བརྟན་མ་བཅུ་གཉིས་ཡ་མ་སྐྱོང་མའི་ཚོགས༔ འདིར་ ལ༣ཧོཿ གཤེགས་བཤལ་ཆུའི་གཏོར་མ་འདི་ལོངས་ལ༔ སྔོན་གྱི་གཡར་དམ་གཉན་པོའི་ཐ་ཚིག་བཞིན༔ སངས་རྒྱས་བསྟན་སྲུང་དཀོན་མཆོག་དབུ་འཕང་བསྟོད༔ མཐའ་མི་ཧ་ར་ནག་པོའི་བསྟན་པ་སྣུབས༔ རྒྱལ་བསྟན་དར་ཞིང་རྒྱས་པའིཕྲིན་ལས་མཛོད༔ མ་མ་ཧྲིང་ཧྲིང་ལ་ལ་ལིང་ལིང་ཏ་ཏ་ཏིང་ཏིང་བ་ལིཾ་ཏ་ཁཱ་ཧི༔ དེ་ནས་རྟ་བྲོ་བརྡུང་བ་ནི༔ ཧཱུྃ་ཧྲཱིཿ གསང་བ་མཁའ་འགྲོའི་དཀྱིལ་འཁོར་ཆེན་པོ་འདིར༔ བར་དུ་གཅོད་པའི་བདུད་བགེགས་དམ་སྲི་ཀུན༔ འགྱུར་མེད་རི་རབ་ཆེན་པོའི་འོག་ཏུ་མནན༔ རྩལ་སྣང་ཡེ་ཤེས་རོལ་པའི་བྲོ་བརྡུངས་ཏེ༔ འཆོར་མེད་ལས་ཀྱི་ཕྱག་རྒྱ་བཞི་ཡིས་བཅིང་༔ ཉམས་པ་ནམ་ཡང་ལྡང་བར་མ་གྱུར་ཅིག༔ ཨོཾ་ལཾ༔ ཨཱཿལཾ༔ ཧཱུྃ་ལཾ༔ སྟྭཾ་བྷ་ཡ་ནན༔ དེ་ནས་མཆོད་བསྟོད་བྱ་ཞིང་དངོས་གྲུབ་ནི༔ ཧོཿ ཡེ་ཤེས་མཁའ་འགྲོ་སྒྲུབ་པའི་དམ་ཚིག་ཐེམས༔ གསང་གསུམ་དངོས་གྲུབ་བསྩོལ་བའི་དུས་ལ་བབས༔ མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནས༔ ནད་གདོན་འཇིགས་བརྒྱད་ཞི་བའི་དངོས་གྲུབ་སྩོལ༔ ཚེ་བསོད་དཔལ་འབྱོར་རྒྱས་པའི༴ ཁམས་གསུམ་སྣང་བ་དབང་སྡུད་དགྲ་བགེགས་ཚར་གཅོད་དྲག་པོའིཿ མཆོག་དང་ཐུན་མོང་དངོས་གྲུབ་མ་ལུས་ཀུན༔ དེང་ འདིར་སྒྲུབ་མཆོག་བདག་ལ་བསྩལ་དུ་གསོལ༔ ཨོཾ་ཛྙཱ་ན་ཌཱ་ཀི་ནི་བྷ་ར་ཀ་ལི་ཧེ་ཧཱུྃ་བྃ་ཧ་རི་ནི་ས་ཀཱ་ཡ་སིདྡྷི་ཨོཾ༔ ཝཱཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ ཞེས་བརྗོད་སྒྲུབ་རྫས་གནས་གསུམ་ལ་གཏུག་ནས་རོལ་ཞིང་དངོས་གྲུབ་ཐམས་ཅད་ཐོབ་པར་བསམ༔ དེ་ནས་ནོངས་བཤགས་ནི༔ ཧོཿ ཡེ་ཤེས་མཁའ་འགྲོའི་དཀྱིལ་འཁོར་དུ༔ རྟེན་དང་བརྟེན་པར་བཅས་པ་དགོངས༔ བདག་ནི་མ་རིག་བག་མེད་པས༔ བསྐྱེད་བཟླས་ཏིང་འཛིན་གཡེལ་བ་དང་༔ སྒོ་གསུམ་དམ་ཉམས་ཅི་བསགས་པ༔ འགལ་འཁྲུལ་ཅི་མཆིས་བཟོད་པར་གསོལ༔ ཨོཾ་བཛྲ་སཏྭཿ སོགས། ཨཱཿ ལན་གསུམ་བརྗོད་ནས་རྫོགས་རིམ་ནི༔ ཧཱུྃ༔ ཐབས་ཀྱིས་བསྐྱེད་པའི་དཀྱིལ་འཁོར་ལྷ༔ ཆོས་དབྱིངས་སྟོང་པའི་ངང་དུ་མུ༔ རྗེས་ཐོབ་མཁའ་ལས་གློག་འགྱུ་བཞིན༔ སྣང་རྟོག་ལྷ་ཡི་ཕྱག་རྒྱར་ཤར༔ ཧཱུྃ་ཧཱུྃ་ཧཱུྃ༔ དེ་ནས་བསྔོ་སྨོན་ནི༔ ཧོཿ ཡེ་ཤེས་མཁའ་འགྲོའི་དཀྱིལ་འཁོར་དུ༔ རིམ་གཉིས་ལམ་མཆོག་བསྒོམས་པ་དང་༔ དུས་གསུམ་དགེ་རྩ་ཅི་བསགས་པ༔ མགྱུར་འགྲོ་བ་ཡོངས་ལ་བསྔོ༔ ཀུན་ཀྱང་བྱང་ཆུབ་སངས་རྒྱས་ཤོག༔ བདག་ཅག་སྒྲུབ་པའི་མཆེད་ལྕམ་རྣམས༔ མི་འབྲལ་ཚོམ་བུ་གཅིག་ཏུ་ནི༔ མཁའ་འགྲོ་མ་ཡིས་རྗེས་བཟུང་ནས༔ མི་གནས་གཏན་སྲིད་ ༦༣། དཿ ཟིན་པར་ཤོག༔ དེ་ནས་བཀྲ་ཤིས་ནི༔ ཧཱུྃ་ཧྲཱིཿ བླ་མའི་བྱིན་རླབས་མཁའ་ལ་སྤྲིན་ལྟར་འཁྲིགས༔ ཡི་དམ་ལྷ་ཡི་དངོས་གྲུབ་ཆར་ལྟར་བསྙིལ༔ མཁའ་འགྲོ་རྒྱ་མཚོའི་ཕྲིན་ལས་གློག་ལྟར་མྱུར༔ གསང་སྔགས་ཟབ་མོའི་བསྟན་པ་ཕྱོགས་མཐར་རྒྱས༔ རྩ་གསུམ་ལྷ་ཡི་བཀྲ་ཤིས་དམ་པ་འདི༔ དེང་འདིར་སྒྲུབ་མཆོག་རྣམས་ལ་ལེགས་བསྩལ་ནས༔ སྣང་རྟོག་ཐམས་ཅད་ལྷ་ཡི་ཕྱག་རྒྱར་རྫོགས༔ སྒྲ་གྲགས་ཐམས་ཅད་བདེ་ཆེན་སྔགས་སུ་དག༔ དྲན་རྟོག་འོད་གསལ་མི་འགྱུར་ཐུགས་སུ་སྨིན༔ འཇའ་ལུས་གཞོན་ནུ་བུམ་སྐུའི་བཀྲ་ཤིས་ཤོག༔ གཞན་ཡང་བཀྲ་ཤིས་ཅི་རིགས་བརྗོད༔ མེ་ཏོག་འཐོར་ནས་རྒྱས་གདབ་བྱ༔ ལས་རྗེས་མི་མངོན་གསང་བ་གནད༔ ས་མ་ཡ༔ ཨེ་མ༔ གསང་བ་ལས་ཀྱང་ཆེས་གསང་བ༔ མན་ངག་ཟབ་ཆོས་ཀུན་གྱི་མཆོག༔ ཡང་གསང་མཁའ་འགྲོ་སྒྲུབ་པའི་ཐབས༔ པདྨ་སམྦྷའི་ཐུགས་དམ་མཐིལ༔ མ་རྒྱུདཌཱ་ཀིའི་སྲོག་གི་བཅུད༔ སྙིང་མིག་སྲོག་ལས་ཕངས་ན་ཡང་༔ ཕྱི་རབས་ལས་ཅན་སྐྱེས་བུའི་དོན༔ ཡེ་ཤེས་མཚོ་རྒྱལ་ཁྱོད་ལ་གཏད༔ རིན་ཆེན་འཕྲུལ་གྱི་གཏེར་དུ་སྦོས༔ མ་འོངས་དུས་ཀྱི་མར་གཤམ་ལ༔ མི་རྣམས་ལོག་ལམ་བདུད་ཀྱིས་བརླབས༔ ནད་མུག་མཚོན་གྱི་བསྐལ་པ་དར༔ མཐའ་མི་ཧ་རས་གནོད་པ་བརྩམས༔ རྫས་ངན་ཆོ་འཕྲུལ་ས་སྟེང་གང་༔ གསང་སྔགས་བསྟན་པ་དར་རྒུད་མང་༔ ཆོས་ བཞིན་སྤྱོད་པ་ཉིན་སྐར་ཙམ༔ ཆོས་མིན་ལོག་ལམ་རང་གིས་བསྒྲུབ༔ འབྱུང་བ་དགྲར་ལངས་སྲོག་ལ་འཚེ༔ ང་ཡི་ཐུགས་རྗེས་མ་སྐྱོབ་ན༔ དུས་ངན་རང་མཚང་རང་གིས་སྟོན༔ དེ་དུས་ཁྱོད་སྤྲུལ་ཀུན་དགའ་དང་༔ ཏཱ་རེ་སུ་ཁ་དི་པཾ སོགས༔ ང་སྤྲུལ་གྲོགས་དང་འཕྲད་ནས་ཀྱང་༔ ཆོས་འདིས་དོན་གཉིས་འབྱུང་བར་ངེས༔ བཀའ་སྲུང་ཤ་ཟ་ཌཱ་ཀིས་སྲུངས༔ སྐལ་ལྡན་བུ་དང་འཕྲད་པར་ཤོག༔ སྐལ་མེད་རྣམས་ལ་འདི་མ་སྤྲོད༔ དྲེགས་པ་རྣམ་གསུམ་གཉེར་གྱིས་ཤིག༔ མ་འོངས་སྙིགས་མ་ལྔ་ཡི་དུས༔ གཏེར་སྤྱོད་ཐ་མལ་གཟུགས་སུ་འོང་༔ གཅེས་པའི་ནོར་བཞིན་དེ་ལ་སྤྲོད༔ དུས་ལ་བབས་ཚེ་གཏད་རྒྱ་ཁྲོལ༔ དམ་ཉམས་ལག་ཏུ་མ་ཤོར་བར༔ ཐུབ་པར་སྲུངས་ཤིག་ས་མ་ཡ༔ སྐུ་རྒྱ༔ གསུང་རྒྱ༔ ཐུགས་རྒྱ༔ ཟབ་རྒྱ༔ གསང་རྒྱ༔ གུ་ཧྱ༔ བརྡ་ཐིམ༔ ༔ ཅེས་རིག་འཛིན་མཁའ་འགྲོ་ཡོངས་འདུས་སྒྲུབ་ཐབས་འདི་ཡང་ཨོ་རྒྱན་མཚོ་སྐྱེས་རྡོ་རྗེ་དང་རྣམ་དབྱེར་མ་མཆིས་པ་མཚན་བརྗོད་པར་དཀའ་ནའང་དོན་གྱི་སླདདུ་རིག་འཛིན་འགྲོ་འདུལ་དཔའ་བོ་རྡོ་རྗེས་བཀའ་གནང་བསྩལ་བ་ལ་བརྟེན་ནས༔ ཞག་ཆ་ཤས་ཙམ་སོང་སྐབས་སྦས་གནས་རྡོ་རྗེ་ཡང་རྫོང་ཕུག་མོ་ཆེ་ནས་འོང་བ་ཡིན་ཟེར་བའི་བུདམེད་མཛེས་མ་ཞིག་གིས་མཁའ་འགྲོ་ཟབ་སྒྲུབ་ཀྱི་བརྡ་རེད། འཚུབས་སློང་ཆེ་རུང་རྟེན་འབྲེལ་ཐོག་མ་ཡིན་པས་གོའམ་ཟེར་ནས་ཐལ། གཏད་རྒྱ་བཙན་ཐབས་སུ་སད་པའི་རྟེན་འབྲེལ་དུས་ལ་བབས་ཚེ་རིག་སྲས་དམ་པ་རིག་འཛིན་འགྱུར་མེད་རྡོ་རྗེ་དང་། ཀུན་བཟང་འཆི་མེད་དབང་མོ་ཟུང་གིས་བཀའ་བསྐུལ་ནན་ཆེར་ཕེབས་ཚེ་འཁོར་ ༦༣ ཧོཿ འབངས་ཡོངས་ཀྱི་ཐ་ཤལ་བ་སུ་ཁ་བཛྲ་གྱིས་མཁའ་འགྲོའི་བརྡ་ལས་དག་པར་བྲིས་པ་ཡོངས་སུ་དགེ་བར་གྱུར་ཅིག། །། 2 26 ཁོ བཅོ་ལྔ་བྱོན TI1396-207 TI1396-207 TI1396-208 岁 F№E.√FK ལ་ཅུ་el་ཐོ་△ ཨོཾ་ཿ ན་མོ་གུ་རུ་དྷེ་ཝ་ཌཱ་ཀི་ནི་ཡེ༔ ཤྭསྟ།ཥྚཤཿ རང་རིག་རྩ་གསུམ་ལྷ་ལ་འདུད༔ བདག་ཉིད་པདྨ་ཐོད་ཕྲེང་གིས༔ མ་འོངས་རྗེས་འཇུག སྐྱེས་བུ་ཀུན༔ གསང་སྔགས་ལམ་ལ་འཇུག་པའི་ཐབས༔ མཁའ་འགྲོའི་དབང་ཆོག་ཟབ་མོ་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ དེ་ཡང་སྟ་གོན་རིམ་པ་ནི༔ དཀྱིལ་འཁོར་བུམ་པ་བྷནྡྷ་དང་༔ རིག་མ་ཤེལ་རྡོ་ཨ་དཪྴ༔ སྐུ་ཙཀ་གཏོར་མ་ལ་སོགས་པ༔ རིམ་པ་ལེགས་པར་བཤམས་ནས་ཀྱང་༔ སློབ་དཔོན་ཆས་གསོལ་བདག་དབང་བླངས༔ སྐལ་ལྡན་སློབ་བུ་མདུན་དུ་འཁོད༔ ཁྲུས་བྱས་བགེགས་བསྐྲད་སྲུང་འཁོར་བསྒོམ༔ ལོ་རྒྱུས་འཆད་ཅིང་དབང་ཡོན་ཕུལ༔ དེ་ནས་གསོལ་བ་གདབ་པ་ནི༔ ཀྱེེ༔ གསང་སྔགས་འཆང་བ་རྡོ་རྗེ་ རདཿ འཆང་༔ དབང་ལྡན་རྒྱལ་པོ་བླ་མ་རྗེས༔ བདག་ཅག་སྐལ་ལྡན་བུ་རྣམས་ལ༔ སྨིན་བྱེད་དབང་གི་བཀའ་དྲིན་སྩོལ༔ ལན་གསུམ་བརྗོད༔ སློབ་དཔོན་གྱིས༔ ཨེ་མ༔ རིགས་ལྡན་སྐྱེས་བུ་རྣམས༔ གསང་སྔགས་སྨིན་བྱེད་ངས་བསྐུར་གྱི༔ དམ་ཚིག་ཆེན་པོ་སྲོག་ལྟར་ཟུངས༔ ཚུལ་བཞིན་བསྲུང་བ་ཐ་ཚིག་གོ༔ དམ་མི་ལྡན་རྣམས་ཕྱིར་དེངས་ཤིག༔ དེ་ནས་སྐྱབས་སེམས་འབོགས་ནས་སྡོམས་བཟུང་ནི༔ ཧོཿ རྡོ་རྗེ་སློབ་དཔོན་མཆོག་ཉིད་དགོངས༔ བདག་ཅག་སྐལ་ལྡན་བུ་རྣམས་ལ༔ ཐུན་མོང་དང་ནི་ཐུན་མིན་གྱི༔ བསླབ་གསུམ་བདག་ལ་སྩལ་དུ་གསོལ༔ བསྒོ་བའི་བཀའ་བཞིན མི་ཉམས་པར༔ སྲོག་གི་ཕྱིར་དུ་མི་གཏོང་ངོ་༔ ཚུལ་བཞིན་བདག་གིས་བསྲུང་ནུས་སམ༔ ལན་གསུམ་བརྗོད་ནས་དམ་ཆུ་ཐོགས༔ ཀྱེེ༔ སྐལ་ལྡན་རིགས་ཀྱི་བུ་རྣམས་ལ༔ རྡོ་རྗེའི་དམ་ཚིག་ཆུ་འདི་བླུད༔ འདི་འཐུང་དམ་ཚིག་ཚུལ་བཞིན་སྲུངས༔ ཚེ་འདིར་སངས་རྒྱས་ཐོབ་པར་འགྱུར༔ ཉམས་ན་རྡོ་རྗེའི་དམྱལ་བར་ལྟུང་༔ དེ་ཕྱིར་མ་འདའ་ས་མ་ཡ༔ ན་ར་ཀན༔ དེ་ནས་མིག་རས་མེ་ཏོག་སྦྱིན་པ་ནི༔ ཁྱེད་རང་རྣམས་ཀྱི་མ་རིག་པའི་ལིང་ཐོག་བསལ་བའི་ཕྱིར་རས་ཡུག་དམར་པོ་རེས་གདོང་བཅིང་བའི་མོས་པ་མཛོད༔ ཙཀྵུ་བྷནྟ་ཝཱ་ར་མ་ཎ་ཡེ་སྭཱ་ཧཱ༔ ལྷག་པའི་ལྷ་དང་མཇལ་བའི་ཕྱིར༔ མེ་ཏོག་གི་ཕྲེང་བ་རེ་འཛིན་པའི་མོས་པ་མཛོད༔ ཨ་ཁཾ་ཝི་ར་ཧཱུྃ༔ དེ་ནས་སློབ་མ་ལྷར་གསལ་བ་ནི༔ ཨོཾ་མ་ཧཱ་ཤུ་ནྱ་ཏ༔ སོགས། ཀོ྅ཧཾ༔ སྐད་ཅིག་སློབ་མའི་མ་དག་གདོས་བཅས་སྦྱངས༔ དག་པ་འོད་ལུས་རིག་པ་བྃ་ཡིག་མཐིང་༔ འོད་ཟེར་འཕྲོ་འདུས་དོན་གཉིས་བྱས་ཚུར་འདུས༔ ཡོངས་གྱུར་སྐད་ཅིག་སློབ་མ་རྣམས༔ རྡོ་རྗེ་ཕག་མོ༔ སོགས་ནས་ལས་གཞུང་སྤྱན་འདྲེན་བཅས་བྱ༔ དེ་ནས་ཡེ་ཤེས་དབབ་པ་ནི༔ ཧཱུྃ་ཧྲཱིཿ ཡུལ་གྱི་མིང་ནི་འོག་མིན་ཆེན་པོའི་ཞིང་༔ གནས་ཀྱི་མིང་ནི་དུར་ཁྲོད་གསང་ཆེན་རོལ༔ འབུམ་ཕྲག་ཡངས་པའི་མཁའ་ རདེཾ༔ འགྲོའི་གྲོང་ཁྱེར་ནས༔ རྡོ་རྗེ་ཕག་མོ་རྒྱལ་ཀུན་དགྱེས་པའི་ཡུམ༔ གདུལ་དཀའ་འདུལ་ཕྱིར་དྲག་མོའི་སྐུ་རུ་བཞེངས༔ འཁོར་དུ་དཔའ་བོ་མཁའ་འགྲོ་མང་པོས་བསྐོར༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ རྣལ་འབྱོར་བྱིན་གྱིས་རླབས་ཕྱིར་གཤེགས་སུ་གསོལ༔ ལུས་ལ་མི་འགྱུར་སྐུ་ཡི་བྱིན་ཆེན་ཕོབས༔ ངག་ལ་འགགས་མེད་གསུང་གི་བྱིན་ཆེན་ཕོབས༔ སེམས་ལ་འཁྲུལ་མེད་ཐུགས་ཀྱི་བྱིན་ཆེན་ཕོབས༔ སྒོ་གསུམ་མི་འགྱུར་རྡོ་རྗེ་གསུམ་དུ་རློབས༔ མཆོག་དང་ཐུན་མོང་དངོས་གྲུབ་བྱིན་ཆེན་ཕོབས༔ གནས་ཡུལ་དུར་ཁྲོད་ཧེ་རུའི་གནས་བཅུ་སོགས༔ རང་བཞིན་རྣམ་དག་ཞིང་མཆོག་ན༔ བཞུགས་པའི་དཔའ་བོ་དཔའ་མོའི་ཚོགས༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ རྣལ་འབྱོར་བྱིན་གྱིས་སོགས། བྱིན་ཆེན་ཕོབས༔ ཀུན་ཏུ་བཟང་མོའི་སྒྱུ་འཕྲུལ་དབྱིངས་ཀྱི་ཡུམ༔ འཇིག་འདས་སྲུང་མ་དམ་ཅན་ཚོགས་ཀྱིས་བསྐོར༔ ཆོས་ཀྱི་དབྱིངས་ནས་གཟུགས་ཀྱི་སྐུར་བཞེངས་ལ༔ རྣལ་འབྱོར་བྱིན་གྱིས་བརླབ་ཕྱིར་གཤེགས་སུ་གསོལ༔ བགེགས་དང་ལོག་འདྲེན་བར་ཆད་མ་ལུས་སེལ༔ མཆོག་དང་ཐུན་མོང་དངོས་གྲུབ་བྱིན་ཆེན་ཕོབས༔ བྱིན་ རླབས་ཡེ་ཤེས་སྤྲིན་ཕུང་ཐིབས་སེ་ཐིབ༔ གསང་གསུམ་དངོས་གྲུབ་ཆར་རྒྱུན་སི་ལི་ལི༔ ཕཊ་དང་ཕོ་སྒྲ་མང་པོ་སངས་སེ་སང་༔ ཌཱ་ཀིའི་སྙན་པའི་བཤུག་གླུ་དབྱངས་དང་བཅས༔ སྒྲུབ་མཆོག་བུ་ཡི་སྒོ་གསུམ་སྨིན་པ་དང་༔ སྐུ་གསུང་ཐུགས་དང་ཡོན་ཏན་ཕྲིན་ལས་ཀྱི༔ དབང་སྩོལ་རྟོགས་གྲོལ་དུས་མཉམ་བྱིན་ཆེན་ཕོབས༔ མཆོག་དང་ཐུན་མོང་དངོས་གྲུབ་མ་ལུས་སྩོལ༔ ཨོཾ་གུ་རུ་བཛྲ་བྷ་ར་ཀ་ལི་ཧཱུྃ་ཧ་རིནི་ས་ར་ཙ་ཧྲཱིཿཡ་ཨེ་ཨ་ར་ལི་ཕེཾ་ཕེཾ་ཨ་བེ་ཤ་ཡ་ཨ་ཨ༔ མེ་ཏོག་འཐོར་ནས་བརྟན་པར་བྱ༔ དེ་ནས༔ ཧོཿ རིག་པའི་མེ་ཏོག་ལྷ་ལ་འབུལ༔ སྔོན་གྱི་ཡི་དམ་ལྷར་བབས་ནས༔ ལྷ་དེའི་རྗེས་སུ་བཟུང་ནས་ཀྱང་༔ དངོས་གྲུབ་རྣམ་གཉིས་ཐོབ་པར་ཤོག༔ ཨོཾ་བཛྲ་པུཥྤེ་སིདྡྷི་ཏྲཱྃ༔ དེ་ནས་མིག་དར་བསལ་བ་ནི༔ ཧོཿ རིག་པ་ཡེ་ཤེས་སངས་རྒྱས་དངོས༔ སྒྲིབ་གཉིས་བག་ཆགས་མུན་པས་བསྒྲིབས༔ གློ་བུར་དྲི་མའི་སྐྱོན་གྱིས་གོས༔ རྡོ་རྗེསློབ་དཔོན་ཐབས་ལྡན་ངས༔ རིག་པ་གསེར་གྱི་ཐུར་མ་ཡིས༔ ཡེ་ཤེས་གསལ་བའི་སྤྱན་དུ་དབྱེ༔ ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ དེ་ནས་དཀྱིལ་འཁོར་བསྟན་པ་ནི༔ ཨེ་མ་སྐལ་ལྡན་རིགས་ཀྱི་བུ༔ རང་བྱུང་རིག་པ་བྱང་ཆུབ་སེམས༔ ངོ་བོ་རང་བཞིན་ཐུགས་རྗེའི་བདག༔ དབྱེར་མེད་ཆེན་པོར་ ར ཨོཾཿ ལྷུན་གྱིས་གྲུབ༔ འབད་རྩོལ་བྲལ་བར་རིག་པའི་གཤིས༔ འདུ་བྲལ་མེད་དོ་རང་ལ་རྫོགས༔ ངོ་ཤེས་རྩལ་རྫོགས་བརྟན་ཐོབ་ཀྱིས༔ འབྲས་བུ་བླ་མེད་སངས་རྒྱས་ཐོབ༔ དཀྱིལ་འཁོར་ཆེན་པོ་གཞན་ན་མེད༔ ཤེས་པར་མཛོད་ཅིག་རིགས་ཀྱི་བུ༔ ཨ་ཨ་ཛྙཱ་ན་བྷྲཾ་མཎྜ་ལ་ཧཱུྃ༔ དེ་ནས་དངོས་གཞིའི་དབང་ཞུ་བ་ལ་མཎྜལ་ཕུལ༔ གསོལ་བ་གདབ་པ་ནི༔ ཀྱེེ༔ རྡོ་རྗེ་སློབ་དཔོན་དགོངས་སུ་གསོལ༔ བདག་ཅག་སྐལ་ལྡན་བུ་རྣམས་ལ༔ ཡེ་ཤེས་མཁའ་འགྲོའི་དངོས་གཞིའི་དབང་༔ ཡོངས་རྫོགས་དམ་པ་སྩལ་དུ་གསོལ༔ ལན་གསུམ་བརྗོད་ནས་བུམ་པ་ཐོགས་ལ༔ ཧཱུྃ་ཧྲཱིཿ ཕྱི་ནི་བུམ་པ་ནང་ནི་བདུད་རྩིས་བཀང་༔ གསང་བར་མཁའ་འགྲོའི་སྐུ་ཡི་བཀོད་པ་རྫོགས༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ འགྱུར་མེད་སྐུ་ཡི་དབང་མཆོག་ཐོབ་པར་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་བདུད་རྩི་ཐོགས་ལ༔ ཧཱུྃ༔ རང་བྱུང་མཚན་ལྡན་བྷནྡྷ་བདུད་རྩིས་བཀང་༔ རང་གསལ་གསུངས་དབྱངས་ཨ་ལི་ཀ་ལི་འཕྲོ༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ འགགས་མེད་གསུང་གསང་རྒྱན་འཁོར་དབང་ཐོབ་ཤོག༔ རྩ་སྔགས༔ ཝཱཀྐ་ཨ་བྷི་ཥིཉྩ་ཨཱཿ དེ་ནས་ཆོས་འབྱུང་བྃ་མཐིང་ཐོགས་ལ༔ ཧཱུྃ་ཧྲཱིཿ སྤྲོས་མཐའ་བརྒྱད་བྲལ་ཀུན་ཟླུམ་ཐིག་ལེའི་ཀློང་༔ མི་ཤིགས་དགའ་བཞིའི་ཆོས་འབྱུང་ཟུར་བཞི་མཛེས༔ ཏིང་འཛིན་སེམས་དཔའ་བྃ་ཡིག་མཚན་པ་ཡིས༔ སྐལ་ལྡན་རིགས་ཀྱི་བུ་ལ དབང་བསྐུར་རོ༔ ཡེ་ཤེས་མཁའ་འགྲོའི་ཐུགས་གསང་མི་ཟད་པ༔ རྒྱན་གྱིས་འཁོར་ལོའི་དབང་མཆོག་ཐོབ་པར་ཤོག༔ རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་རིག་མ་གཏད་པ་ལ་ཡོན་ཕུལ༔ གསོལ་བ་གདབ་པ་ནི༔ ཧོཿ གསང་སྔགས་བདག་པོ་བླ་མ་དགོངས༔ བདག་ཅག་སྐལ་ལྡན་བུ་རྣམས་ལ༔ ཡེ་ཤེས་མཁའ་འགྲོའི་ཤེས་རབ་དབང་༔ གསང་སྔགས་དཀྱིལ་འཁོར་འཇུག་པའི་ལམ༔ ཡོངས་རྫོགས་བཀའ་དྲིན་སྩལ་དུ་གསོལ༔ ལན་གསུམ་བརྗོད་ནས་སློབ་དཔོན་གྱིས༔ ཨེ་མ་རིགས་བཟང་སྐལ་བར་ལྡན་པའི་བུ༔ ཐབས་མང་དཀའ་བ་མེད་པ་ཡི༔ གསང་སྔགས་ལམ་ལ་འཇུག་སྤྲོ་ན༔ སྐལ་ལྡན་ཁྱོད་ལ་བདག་གིས་སྩལ༔ ང་བསྒོའི་བཀའ་ལས་མི་འདའ་བར༔ རིགས་ལྔའི་མཁའ་འགྲོའི་དམ་ཚིག་རྣམས༔ མཉམས་ཚུལ་བཞིན་བསྲུང་བར་གྱིས༔ བུད་མེད་མི་སྨད་སྤང་མི་བྱ༔ མཚན་ལྡན་མུ་དྲ་བཀུར་ཞིང་མཆོད༔ ཐབས་ཤེས་སྙིང་པོའི་མྱུར་ལམ་བགྲོད༔ དེ་ཕྱིར་དམ་ཚིག་མ་འདའ་སྲུངས༔ བཛྲ་ས་མ་ཡ་ན་ར་ཀན༔ དེ་ནས་རིག་མ་ ཨོཾཿ སྦྱིན་པ་ནི༔ ཨེ་མ་རིགས་བཟང་སྐལ་ལྡན་སེམས་ཀྱི་བུ༔ ཆོས་དབྱིངས་ངང་ལས་རང་བྱུང་སྒྱུ་འཕྲུལ་གར༔ བཅུ་དྲུག་དགའ་སྟེར་མཆོག་གི་ཕོ་ཉ་མོ༔ ཡིད་འོང་མཚན་བཟང་ལྡན་པའི་མཛའ་ན་མོ༔ སྐལ་ལྡན་རིགས་ཀྱི་བུ་ལ་དབང་བསྐུར་རོ༔ འཁོར་ལོ་ལྔ་ཡི་མདུད་པ་རང་གྲོལ་ནས༔ དགའ་བཞིས་ཉེར་དྲངས་སྟོང་བཞིའི་འོད་གསལ་མཐོང་༔ ལུས་དང་རྩ་ཡི་ཁམས་དག་སྤྲུལ་པའི་སྐུ༔ ངག་རླུང་ཁམས་དག་ལོངས་སྤྱོད་རྫོགས་སྐུར་སྨིན༔ ཡིད་དང་ཐིག་ལེ་གནས་དག་ཆོས་སྐུར་རྫོགས༔ བདེ་སྟོང་ཟུང་འཇུག་ཆེན་པོའི་དབང་ཐོབ་ཤོག༔ རྩ་སྔགས༔ མ་ཧཱ་མུ་དྲ་བྷོ་དྷི་ཙིཏྟ་ཨ་ཧཾ་སུ་ཁ་སིདྡྷི་ཨ་བྷི་ཥིཉྩ་ཨོཾ༔ དེ་ནས་མེ་ལོང་ཤེལ་རྡོ་མདོངས་ལྔ་ཐོགས་ལ༔ ཨ༔ རིག་པ་གདོད་ནས་སྤྲོས་བྲལ་ཆོས་ཀྱི་སྐུ༔ སྐྱེ་འགགས་འགྱུར་མེད་ཡེ་ཤེས་ལྷུན་གྱིས་གྲུབ༔ ཆོས་ཀུན་མ་འདྲེས་རང་གསལ་བརྡ་ཡི་དབང་༔ ཤེལ་རྡོ་མེ་ལོང་འོད་ལྔ་འདི་གཏད་པས༔ ཀ་དག་ཚིག་གི་དབང་