Tibetan
མཁས་ཐུགས་རྗེ་ཡིས༔ ལས་ལྡན་བུ་ལ་རང་སྐལ་ཕ་ཕོག་གཏོད༔ ཆོས་བརྒྱད་བློས་ཐོང་དབེན་རིར་བཙན་ས་ཟུངས༔ བྲག་ཕུག་གནས་བཅས་སློང་མོའི་ཁ་ཟས་མཆོག༔ གཤིན་པོའི་རོ་དོམ་མ་ཁུར་དམན་ས་བཟུངས༔ ཐུགས་བསྐྱེད་སྨོན་ལམ་འགྲོ་བའི་དོན་ལ་བརྩོན༔ བཀའ་བབས་ལས་ཅན་མཆོག་གི་བུ་ཆེན་ནི༔ གུ་ཧྱའི་མིང་དང་བཛྲ་ཤསྟྭའི་མིང་༔ མ་ཏིའི་མིང་དང་སིདྡྷིའི་བྷོ་དྲའི་མིང་༔ མཆོག་གི་བུ་ལྔ་སྨོན་ལམ་དབང་གིས་འཛོམས༔ གཙོ་བོ་བུ་ཆེན་ཆོས་བདག་ཉེར་ལྔ་ནི༔ རྨ་ཐོག་སྤྲུལ་པ་ཤར་གྱི་ཕྱོགས་ནས་འབྱུང་༔ སྟག་ལོ་འགྲོ་འདུལ་མིང་ཅན་སྨེ་ཞལ་མཛེས༔ རོང་ཆེན་གཡས་ནས་ནམ་སྙིང་སྤྲུལ་པ་ནི༔ དངོས་གྲུབ་མིང་ཅན་བརླ་གཡོན་ཤ་མཚན་ཡོད༔ ཀ་ནམ་ཕྱོགས་སུ་ཁྱེའུ་ཆུང་སྤྲུལ་པ་ནི༔ རྡོ་རྗེའི་མིང་ཅན་རྣ་གཡས་ཕག་དབུས་མཚན༔ གསེར་སྨད་ཕྱོགས་སུ་གཡུ་སྒྲའི་སྤྲུལ་པ་ནི༔ ཀུན་བཟང་མིང་ཅན་UMU6Ek ལྟེ་གསང་ཐིག་ལེ་མཛེས༔ ཤར་གྱི་རོང་ཆེན་གཉིས་ཀྱི་ས་མཚམས་ན༔ བི་མའི་ཐུགས་སྤྲུལ་ནམ་མཁའི་མིང་ཅན་ནི༔ ཤ་ཁྲག་སྟག་གི་རི་མོ་ལྟེ་འོག་འཁྱིལ༔ ཤར་སྨད་སྦས་རྫོང་ཕྱོགས་ནས རྡོ་རྗེའི་མིང་༔ ལུས་ཐུང་བརླ་ངོས་དཔལ་བེའི་རི་མོ་ཡོད༔ གནས་འདི་ནས་མི་རིང་ཉེ་བའི་སར༔ དཔལ་ཡེ་ཤེས་སྤྲུལ་པ་རང་གྲོལ་མིང་༔ མགུལ་འཁོར་ལོའི་རིས་མཛེས་ཉམས་རྟོགས་ལྡན༔ ཁམས་ཆབ་མདོར་བདུད་འཇོམས་སྤྲུལ་པ་ནི༔ གཏེར་སྤྱོད་མཁན་ཡོན་ཏན་རིག་འཛིན་གྲགས༔ མཆན་གཡོན་དུ་རལ་གྲིའི་རི་མོ་ཡོད༔ སྟོད་མངའ་རིས་རྡོ་རྗེའི་སྦས་རྫོང་ན༔ མགོན་པད་འབྱུང་ཐུགས་སྤྲུལ་འོད་ཟེར་མིང་༔ སྙིང་ཐད་ན་སྨེ་བ་གསུམ་འཛོམས་ཡོད༔ སྤོ་རོང་དུ་བེེ་རོའི་སྤྲུལ་པ་ནི༔ ཁོང་སྦས་པའི་རྣལ་འབྱོར་རིན་ཆེན་མིང་༔ མཆན་སྨེ་བ་ལྷ་ཡི་སྤྱན་འདྲ་ཡོད༔ ལྷ་འཇམ་དཔལ་སྤྲུལ་པ་རིག་འཛིན་དང་༔ དཔལ་ཁྲོ་ལོད་སྤྲུལ་པ་རིགས་ལས་འབྱུང་༔ དུས་ངན་པའི་རྐྱེན་དུ་མ་ཤོར་ན༔ གཏེར་གསུམ་གྱི་འགྲོ་དོན་མཐའ་ནས་རྒྱས༔ འགྲོ་ཡོངས་ལ་བདེ་སྐྱིད་ཉི་མ་ཤར༔ ལས་ཅན་གྱི་ཆོས་བདག་དེ་དག་ནི༔ དུས་དུས་སུ་སྨོན་ལམ་དབང་གིས་འཕྲད༔ རང་སྐལ་གྱི་གདམས་པ་ལ་སྤྱོད་ནས༔ དོན་གཉིས་ཀྱི་མཛད་པ་མཐར་ཕྱིན་ ཿ ངེས༔ གོས་དཀར་ལྕང་ལོའི་སྡེ་ཚན་བཅུ་དང་ནི༔ སུམ་ཅུ་རྩ་ལྔ་ཡན་ལག་ཚུལ་དུ་འབྱུང་༔ བྱ་རྒྱལ་བྲག་རི་འཛིན་པའི་རྣལ་འབྱོར་བདུན༔ སྟག་མོ་རི་སུལ་འགྲིམ་པ་བཅོ་ལྔ་འབྱུང་༔ ས་ཆེན་དང་པོ་ཐོབ་པ་ཉེར་ལྔ་ཙམ༔ ཁྱུང་ཆེན་རྩལ་རྫོགས་ལྔ་ལྔ་རིམ་གྱིས་འབྱུང་༔ སྒྱུ་ལུས་ཟག་ཟད་ཟག་མེད་འོད་སྐུར་སྒྲོལ༔ འཇའ་ལུས་ཆེན་པོའི་སྐུ་བརྙེས་ལྔ་འབྱུང་ངོ་༔ དགེ་སྦྱོང་བཙུན་མའི་སྡེ་ཚན་མ་ངེས་སོ༔ དེ་ལྟར་ཆོས་བདག་སྐྱེས་བུ་དེ་དག་ནི༔ ཆོས་ཉིད་དོན་མཐོང་འཕགས་ནོར་མཆོག་ཏུ་བརྟེན༔ དམའ་བའི་ས་འཛིན་འགྲོ་དོན་ཁོ་ནར་བརྩོན༔ ཆ་ལུགས་མི་དང་མི་བསྟུན་བརྟུལ་ཞུགས་སྤྱོད༔ བསྟན་ལ་དད་ཅིང་གདམས་པ་ཉམས་ལེན་གཟབ༔ རྡོ་རྗེའི་ཚིག་ལ་ཐེ་ཚོམ་ཡིད་གཉིས་མེད༔ གདམས་པ་ཚུལ་བཞིན་ཉམས་ལེན་སྐལ་ལྡན་རྣམས༔ ཆོས་བདག་སྐྱེས་བུའི་མཚན་ཉིད་ཤེས་པར་གྱིས༔ དེ་དག་སྨོན་ལམ་དབང་གིས་འཕྲད་ནས་ཀྱང་༔ རང་སྐལ་ཆོས་ཀྱི་རྟེན་འབྲེལ་སྒོ་འཕར་འབྱེད༔ གཏེར་རིགས་མི་འདྲ་དུ་མ་ཁྱོད་ལ་དབང་༔ ཐམས་ཅད་རྟེན་འབྲེལ་ཁོ་ནར་རག་ལས་པས༔ ཐབས་གྲོགས་ཆོས་བདག་རྣམས་ཀྱིས་གཟབ་གལ་ཆེ༔ དེ་ལྟར་རིམ་བཞིནགནད་དང་ལྡན་གྱུར་ན༔ བདུན་ཅུར་དཔལ་ རི་པདྨ་འོད་དུ་ཡིབས༔ འགྲོ་དོན་སྤྲུལ་པ་ལྔ་ཙམ་སླར་ཡང་འབྱུང་༔ ཐུགས་ཀྱི་སྤྲུལ་པ་འདོང་ཆུའི་ཉེ་ཆ་རུ༔ སྦས་ཚུལ་རྣལ་འབྱོརཔདྨ་བདེ་ཆེན་རྩལ༔ འཇའ་ལུས་དབང་ཕྱུག་བསྟན་འགྲོའི་དོན་དུ་སྨིན༔ བདུད་སྤྲུལ་སྨོན་ལོག་ཀླུ་གོང་སྤྲུལ་པ་ནི༔ ཤྲཱིའི་མིང་ཅན་མི་རིང་ཉེ་བའི་སར༔ ཡ་ག་སྒྲོ་སྐུར་མི་འདོད་སྣ་འདྲེན་བྱེད༔ ཨ་ཝ་གླང་མགོ་དགེ་བཙུན་གཟུགས་སུ་སྤྲུལ༔ ཆ་ལུགས་ཡ་མ་ཟུང་གིས་འགྲོ་བློ་བསྒྱུར༔ ཚེ་སྤོང་སྤྲུལ་པའི་མི་མོའི་ཆོ་འཕྲུལ་གྱིས༔ དུས་དང་དུས་སུ་བསྟན་ལ་གདུག་རྩུབ་སྟོན༔ སྨོན་ལོག་དམ་སྲི་བཙུན་གཟུགས་སྤྲེལ་ལ་འཕྱོ༔ ཐབས་ཤེས་ཉི་ཟླའི་དཀྱིལ་འཁོར་སྨག་ལ་ཁྲིད༔ དམར་པོ་ལྷ་གསུམ་ཕྲིན་ལས་གཟེར་གདབ་ན༔ དེ་དག་རྣམས་ནི་རིམ་བཞིན་སྤོང་བར་ནུས༔ ཚེ་དང་སྒྲུབ་པ་དབེན་རིར་བཙན་ས་ཟུངས༔ ཆོས་བརྒྱད་དུག་གིས་བདུད་རྩི་རུལ་ཡང་སྲིད༔ འཕགས་ནོར་མཆོག་བརྟེན་ཟབ་ཆོས་རང་ཉམས་ལོངས༔ ཟབ་པའི་གདམས་པ་ཟོག་པོའི་ནོར་མ་བརྗེ༔ གཅེས་སྤྲས་གྱིས་ལ་སྐལ་ལྡན་རེས་འགར་སྤེལ༔ སྐལ་མེད་རྣམས་ལ་རླུང་ཕྱོགས་ཙམ་མ་བསྒྲགས༔ དམན་པའི་ས་བཟུང་གདམས་པ་ཙིཏྟར་སྦོས༔ དམ་ཆོས་རིང་བསྲེལ་ཡིད་བཞིན་ནོར་ལས་ལྷག༔ འདི་ཕྱིའི་རེ་བསྐང་མཆོག་ཐུན UMUkE ༒༔ དངོས་གྲུབ་རྙེད༔ འཆི་སྲིད་དང་པོ་ཀ་དག་རང་དབང་ཐོབ༔ ལྷུན་གྲུབ་པདྨ་འོད་ཀྱི་ཞིང་ཁམས་སུ༔ རིགས་བདག་པད་འབྱུང་རྗེ་དང་དབྱེར་མེད་གྲོལ༔ གསེར་དང་ར་གན་མ་ནོར་རིག་པས་དཔྱོད༔ སྙིགས་དུས་འགྲོ་རྣམས་བདུད་ཀྱི་དབང་གྱུར་ནས༔ གྲུབ་བརྫུན་གཏེར་མིན་བདུད་སྤྲུལ་གཙུག་ཏུ་ཁུར༔ ཆོས་མིན་ཆོས་ཀྱིས་འགྲོ་བའི་བློ་སེམས་བསྒྱུར༔ ངེས་དོན་ཡང་དག་ལམ་བསྒྲུབ་ཉིན་སྐར་ཙམ༔ དལ་འབྱོར་སྟོང་ཟད་ཆོས་སྤངས་ལས་འགའ་བསགས༔ འདི་ཕྱི་གཉིས་ཕུང་མི་འདོད་སྣ་ཚོགས་འབྱུང་༔ དུཿཁའི་གནས་སུ་ཡུན་རིང་སྡུག་བསྔལ་མྱོང་༔ དེ་དག་ལས་སྤྱོད་རང་ལ་རག་ལས་པས༔ པད་འབྱུང་བདག་ལ་གསོལ་བ་རྒྱུན་དུ་ཐོབ༔ ང་ཡིས་སྦས་པའི་གཏེར་གྱིས་མ་སྐྱོབ་ན༔ གང་གིས་སྐྱོབ་པར་མི་ནུས་རྡོ་རྗེའི་ཚིག༔ པདྨའི་ཕོ་ཉ་ལས་ཅན་གཏེར་སྤྱོད་རྣམས༔ སྨོན་ལོག་བདུད་དབང་དུས་ཀྱིས་མ་བསྒྱུར་ན༔ མི་འདོད་བཞིན་དུ་བསྟན་འགྲོའི་གསོས་སུ་སྨིན༔ ནོར་བུ་རིན་ཆེན་འདམ་གྱིས་གོས་མི་སྲིད༔ སྐྱིད་སྡུག་ཅི་འབྱུང་གང་སྣང་ལམ་དུ་ཁྱེར༔ ཉིན་མཚན་དུས་ཀུན་པད་འབྱུང་གསོལ་བ་ཐོབ༔ ཡར་མར་ཚེས་བཅུའི་དུས་ཀྱི་ཚོགས་མ་བཅག༔ ཆོས་སྐྱོང་དྲེགས་པ་བརྔན་མཆོད་ཕྲིན་ལས་ བརྩོན༔ རང་བློ་གཞན་དུ་ཤོར་ན་བདུད་དབང་གྱུར༔ སྙིགས་དུས་ཕ་བུ་ཡིན་ཡང་བློ་ཕུག་མེད༔ ཁ་བྱང་ཇི་བཞིན་མ་ནོར་ཉམས་སུ་ལོངས༔ དུས་བབས་ཆོས་བདག་ཆོས་གཏེར་འབྱེད་པའི་ཐབས༔ རང་རང་བརྡ་བྱང་གསལ་བ་རིག་པས་དཔྱོད༔ བདུད་ཀྱི་བར་ཆད་བཟང་པོའི་ལམ་ནས་བསླུ༔ བརྟུལ་ཞུགས་སྤྱོད་པས་རང་བློ་ཐད་ཀར་ཆོད༔ གདུལ་བྱ་སྙན་གྲགས་དམར་པོ་ལྷ་ཡིས་འགུགས༔ གཏེར་གསུམ།བདུདའཇོམས་རྡོ་རྗེ་ལས་འབྲེལ་རྩལ་རང་གཏེར་དང་གསུམ་འགྲོ་དོན་ཤར་ལྷོ་ནུབ་ནས་འབྱུང་༔ ངེས་མེདགནས་སུ་སྒྲུབ་པཕ་མཐར་སྐྱོལ༔ ལུས་དམན་དབང་གིས་ཆོས་བརྒྱད་མདུན་མ་བསུ༔ ཐབས་ཀྱི་དཔའ་བོ་སྙིང་འཛིན་ལྕགས་ཀྱུས་འགུགས༔ ཡིད་གཉིས་མ་བྱེད་པདྨའི་བཀའ་བཞིན་སྒྲུབས༔ རྡོ་རྗེའི་ཚིག་ལ་བསླུ་བ་ནམ་ཡང་མེད༔ གཏེར་སྟོན་ཨེ་འོང་གཏེར་སྤྱོད་རང་ལ་རག༔ ང་ཡི་བཀའ་བཞིན་བསྒྲུབ་ན་བསླུ་བ་མེད༔ དུས་དབང་བདུད་ཀྱི་གློ་བུར་བར་ཆད་ཀྱིས༔ རྟེན་འབྲེལ་གནད་ལ་གཟབ་གལ་ཤིན་ཏུ་ཆེ༔ དེ་དག་དུས་བབས་བརྡ་བྱང་རིམ་བཞིན་གསལ༔ རིག་པས་དཔྱོད་ལ་རང་གཏེར་གཅེས་སྤྲས་མཛོད༔ ཚུལ་བཞིན་ལྡན་ན་དོན་གཉིས་མཐའ་རུ་ཕྱིན༔ མཐའ་དམག་དུས་འཁྲུགས་བརྒྱད་ཅུའི་བར་དུ UMU6E འེིཿ བཟློག༔ ས་མ་ཡ༔ ཆུ་ལ་འཕྱོ་བའི་རྒྱ་སྟག་ངོམས་པའི་ཚེ༔ ཤར་ལྷོའི་ཆུ་རྒྱ་ནག་པོ་ནུབ་ཏུ་བགྲོད༔ ནུབ་ཀྱི་རྨ་བྱའི་རང་མདངས་འགྲན་ཟླ་བྲལ༔ ཆུ་བྱའི་ངུ་འབོད་ས་གསུམ་གཡོ་བར་བྱེད༔ ས་ཐེལ་སྤྲུལ་པས་དགོན་གསུམ་བསྟན་པ་ཉམས༔ དམར་པོ་ལྷ་གསུམ་བྲན་དུ་འཁོད་གྱུར་ན༔ ཤུད་བུའི་སྤྲུལ་པས་ཤར་གྱི་བསྟན་པ་འཛིན༔ ལོག་སྤྱོད་རང་གི་བྱ་བས་རྐྱེན་བསྐུལ་ནས༔ ཡུལ་གཞི་སྐྱོང་བའི་སྲུང་མ་ཡུལ་གཞན་བགྲོད༔ རྐྱེན་དེས་མི་འདོད་སྣ་ཚོགས་རླུང་ལྟར་འཚུབས༔ ཁྱད་པར་དམག་འཁྲུག་ནད་ཡམ་མུ་གེ་དང་༔ ཉེ་བ་རུ་ལོག་ནང་འཁྲུགས་དམེ་སྲི་དར༔ བསོད་ནམས་ལོངས་སྤྱོད་པྲེ་ཏཔུ་རིར་འགྲན༔ ཆོས་བཞིན་སྤྱོད་པའི་སྐྱེས་བུ་ཉིན་སྐར་ཙམ༔ སྒྲུབ་པ་ལྷུར་ལེནགང་ཟག་སྲིད་མཐའ་ཞིག༔ འབྱུང་ཞིང་མདོ་སྔགས་དམ་ཆོས་གཟུགས་བརྙན་འདྲ༔ དུས་ངན་དེ་ཤར་ཚེ་ན་པད་འབྱུང་གི༔ སྤྲུལ་པའི་སྐྱེས་བུ་སེང་གེ་སྒོམ་ཆུང་ན༔ སུརྻའི་མིང་འཛིན་ཟབ་མོ་གཏེར་ལ་དབང་༔ ནག་པོ་བདུད་ཀྱི་འབངས་སུ་མ་གྱུར་ན༔ གང་འབྲེལ་པདྨ་འོད་དུ་འདྲེན་པར་ངེས༔ ལྷ་རི་གཡོན་དུ་བདུད་འདུལ་སྤྲུལ་པ་ནི༔ བཛྲ་མིང་མཐའ་གསང་སྔགས་སྲོག་ཤིང་འཛིན༔ པདྨའི་ཐང་ལ་སྔར་མེད་བསྟན གཞི་དར༔ ཡུལ་ཕྱོགས་དེ་རུ་བདེ་སྐྱིད་ཉི་མ་འཆར༔ ཀ་ནམ་ཕྱོགས་ནས་མི་རིང་ཉེ་བའི་སར༔ ཚེ་སྤོང་སྤྲུལ་པ་བཛྲ་ཀཱིརྟི་དང་༔ བདུད་སྤྲུལ་བླ་གཟུགས་མི་དབང་བློ་འཕྲུལ་གྱིས༔ སྟོད་ཀྱིས་ཁུ་འཕང་སྨད་ཀྱི་ཕྱོགས་སུ་འགྱེད༔ ཡུལ་སྡེ་ཐམས་ཅད་དམག་ཇག་ལས་ལ་བརྩོན༔ མདོ་ཆེན་གསུམ་ལ་ཁྲག་གི་མཚོ་མོ་འཁྱིལ༔ ཕྱོགས་མིན་ཕྱོགས་ན་བེེ་རོ་ནམ་སྙིང་གི༔ སྤྲུལ་པའི་སྐྱེས་བུ་ཏིཥྛ་བཛྲ་མིང་༔ ཐ་མལ་ཚུལ་བཟུང་ཟབ་མོའི་དོན་སྤྱོད་པ༔ ཐབས་མཁས་ཐུགས་རྗེའི་སྟོབས་ཀྱིས་རྩལ་ཕྱུངས་ནས༔ བོད་ཁམས་རེ་ཞིག་བདེ་བའི་གོ་སྐབས་ཤར༔ ཉག་ལ་སྔར་མེད་གསེར་གྱི་མེ་ཏོག་ཤར༔ དུག་སྦྲུལ་སྔོན་མོའི་མེ་ལྕེ་ཕྱོགས་སུ་འཐོར༔ ནུབ་ཀྱི་རྒྱ་སྟག་ཁ་རུ་ཚུད་པ་ལ༔ ཅང་ཤེས་ངུར་མོའི་གདོང་གི་ལས་བརྩོན་ན༔ ཕ་རོལ་རྒོལ་བངན་པ་སེལ་བར་ངེས༔ ཨ་ཙར་སྤྲུལ་པ་ཡུལ་དེའི་ཉེ་ཆ་ལ༔ བསྟན་པའི་བདག་པོ་དགེ་བཙུན་གཟུགས་སུ་ངོམས༔ རང་སྐལ་གདམས་པའི་སྙིང་པོ་མ་བསྒྲུབ་ན༔ ཆུ་གཉིས་འདུས་སར་ཁྲག་གི་ཆར་པ་བབས༔ ལྷ་ལྡན་ཕྱོགས་སུ་གོས་སྔོན་འཚུབས་མ་ལྡང་༔ ར་ས་འཕྲུལ་གྱི་ལྷ་ཁང་འོད་དམར་ཁྱབ༔ བྱང་གི་འཕར་བ་ལྕེ་བརྒྱད་དབུས་སུ་འདུ༔ ལ་ལུང་ཐམས་ཅད་ཀི་ཅོའི་སྒྲ་ཡིས་གང་༔ m རྟེན་གསུམ་གཙོ་བོ་ཉམས་པའིགྲིབ་ཀྱིས་མནོལ༔ ལས་སུ་བྱས་ཚད་འདི་ཕྱི་གཉིས་ཕུང་བྱེད༔ དེ་དུས་ལྷ་སྲས་སྤྲུལ་པ་གྲོལ་གྱི་མིང་༔ གཡུ་སྒྲ་ནམ་སྙིང་བེེ་རོ་ལང་གྲོ་ཡི༔ སྤྲུལ་པ་ཛྙཱ་ནའི་མིང་དང་བློ་བཟང་མིང་༔ མཁས་པའི་མིང་དང་གྲགས་ཀྱི་མིང་འཛིན་པས༔ ལུགས་གཉིས་ཚུལ་གྱིས་རེ་ཞིག་སྐྱོབ་པར་ངེས༔ བྲག་དམར་མདའ་རུ་སྒྱུ་མའི་ལྟད་མོ་ངོམ༔ སེར་པོ་སོགས་ཀྱི་ལོངས་སྤྱོད་སྦ་ལ་འགྲན༔ གཡུ་ཡི་ནེ་ཙོའི་ཡུལ་གཞི་འཁྲུགས་པའི་དུས༔ རྟ་ཡི་མགོ་ལ་དུག་གི་པདྨོ་བཞད༔ ཕྱོགས་མིན་ཕྱོགས་ནས་སྨུག་པོ་གདོང་ལ་འཚེ༔ ཀྱ་དང་ཀླ་ཡི་བསྟན་པའི་ཁ་དར་དུས༔ ཉིན་རེ་བཞིན་དུ་མི་རྟག་དུས་རྣམ་འགྱུར༔ ལོ་རེ་བཞིན་དུ་མི་དང་ཡོ་བྱད་འགྱུར༔ དེ་དུས་པདྨའི་ཐུགས་རྗེས་མ་སྐྱོབས་ན༔ བོད་ཁམས་སུས་ཀྱང་སྐྱོབས་པར་ལུང་མ་བསྟན༔ ནངས་རེ་དགོང་རེར་པད་འབྱུང་གསོལ་བ་ཐོབས༔ དུས་རྣམས་ཀུན་ཏུ་མ་ཎི་སིདྡྷི་སྒྲོངས༔ རི་ཡི་ལྟོ་བར་ས་དཔལ་འཛོམ་པ་ལ༔ ས་བདག་གཏེར་གྱི་བུམ་པ་བཅུད་དུ་སྦོས༔ ལུས་ངག་དགེ་ལ་བསྐུལ་ཞིང་ཆོས་ལ་འབུངས༔ མི་དགེ་སྡིག་ལས་ཕྲ་མོ་ཙམ་ལ་འཛེམ༔ བོད་ཁམས་མི་བདེ་སྡུག་བསྔལ་རིན་གྱིས་ཉོ༔ ཧོར་སོག་མཐའ་མི་འབོད་པ་རང་L གིས་བྱེད༔ དུས་རྣམས་མི་འགྱུར་མི་རྣམས་འགྱུར་བ་ཡིན༔ དེ་དུས་མི་ལ་བསོད་ནམས་བདེ་སྐྱིད་མེད༔ པདྨའི་བཀའ་ལུང་བཞིན་དུ་མ་བསྒྲུབས་ན༔ བོད་ཁམས་བདེ་སྐྱིད་ཆུ་ཡི་རི་མོ་འདྲ༔ ཡུལ་གྲུ་གཅིག་མིན་ཀུན་གྱིས་འདི་བཞིན་མཛོད༔ འཇིགས་བྱེད་ནག་པོ་བདེ་མཆོག་མགོན་པོ་དཀར༔ གཤིན་རྗེ་འཆར་ཀའི་གཏོར་བཟློག་གནདགལ་ཆེ༔ དབུས་རྟ་མགྲིན་ནག་པོ་ཚེ་བདག་གཤིན་མར་གྱི༔ སྒྲུབ་མཆོད་ཆགས་མེད་བརྩོན་ན་བདེ་བར་གནས༔ ལྷོ་རྒྱུད་མི་གཡོ་གཤིན་རྗེ་ཐུགས་ཆེན་སྲོག་གི་རྟེན༔ ཆབ་མདོ་སེང་ཧ་ཡབ་ཡུམ་ཁྲོ་ལོད་རྟ་མགྲིན་ནག༔ གཤིན་སྔོན་གུ་རུ་དྲག་པོ་སྲོག་གི་རྟེན༔ ཉག་རོང་རྟ་མགྲིན་ཡངགསང་ཐུགས་ཀྱི་སྒྲུབ་པ་དང་༔ བདེ་གཤེགས་འདུས་པ་དང་ནི་སེང་ཧ་དམར༔ ལྷ་ཆེན་དམར་ནག་བཛྲ་ཀཱི་ལ་ཡའི༔ སྒྲུབ་སྒྲུབ་ཆེན་ཚོམ་བུ་ཚོགས་སྒྲུབ དང་དཀྱིལ་འཁོར་ཞལ་ཕྱེད་སྒྲུབ་ཕྲན་ལས་སྨད་ལས་དམག་བཟློག་ཟོར་བཅས་བྱ་རྫོགས་པར༔ ཀུན་གྱི་རེམ་ན་བདེ་བའི་སྐབས་མཆི་ངེས༔ སྒང་དུ་ཝ་ཡི་སེང་སྐད་འདོན༔ ཞྭ་དམར་བསྟན་པ་གསེར་གྱི་ཁ་དོག་བསྒྱུར༔ ཤར་གྱི་རྟ་བདུན་དམ་གྲིབ་གཡའ་ཡིས་བསྒྲིབས༔ སྲོག་གི་རྟེན་ཕུར་དབང་གཞུ་དབྱིངས་སུ་ཡལ༔ སྔ་འགྱུར་བསྟན་པའི་ཉི UMUkE ཿ ཞལ་ནུབ་ལ་ཉེ༔ རྣལ་འབྱོར་ཆས་རྣམས་ཁྱིམ་པའི་གནས་སུ་མཐོང་༔ འདུལ་བར་རློམས་ཤིང་ཆོས་མིན་སྣ་ཚོགས་དར༔ བཙུན་པའི་ཆས་ཞུགས་ཚོང་དང་སོ་ནམ བྱེད༔ དུག་ལྔར་ལོངས་སྤྱོད་དཀོན་མཆོག་རྒྱབ་ཏུ་བོར༔ ཤི་འདྲེན་གསོན་སྐྱབས་ནག་ཕྱོགས་གདོན་ལ་བཅའ༔ ཕ་མ་དང་ནི་དྲིན་ཅན་སློབ་དཔོན་ལ༔ བཟང་ལན་ངན་གྱིས་གསོ་ཞིང་རྒྱུན་དུ་སྡང་༔ ལོག་འཚོའི་ཟས་དང་ཕུང་བྱེད་ཆུང་མ་ནི༔ གཅེས་པའི་སྲོག་དང་བསྡོ་ཞིང་སྙིང་དུ་བཅངས༔ དུས་ངན་ཐ་མ་འདི་ལྟར་ཤར་བའི་དུས༔ པད་འབྱུང་མཚོ་རྒྱལ་འཇིགས་སྒྲོལ་ལྷ་མོ་དང་༔ རིག་གསུམ་མགོན་པོ་དང་ནི་མཆོག་གསུམ་ལ༔ གསོལ་འདེབས་སྐྱབས་འགྲོ་ཉིན་མཚན་དུས་རྒྱུན་དུ༔ ཆགས་མེད་བརྩོན་ཞིང་ལུས་ངག་ཆོས་བཞིན་སྤྱོད༔ དེ་ཡིས་མི་མཐུན་ཉེས་ཚོགས་ངང་གིས་ཞི༔ མཐུན་རྐྱེན་ཚེ་བསོད་ལོངས་སྤྱོད་འཕེལ་བར་ངེས༔ ས་མ་ཡ༔ ཟླ་ཟེ་རྣཿ བྱང་ཕྱོགས་ཕག་ནག་འཁུན་པས༔ ལྷོ་ཡི་རྨ་བྱའི་མདངས་བསུས༔ བྲག་གི་སྤྲེའུའི་བློ་སེམས༔ ངམ་ནག་སཔྟས་བསྒྲིབ་སྟེ༔ མི་འདོད་ཧ་ལའི་ཀུ་མུཏ༔ གཞན་མིན་རང་ལ་འགྱོད་ཚེ༔ ཚུལ་ཁྲིམས་ལྷ་ཡི་མེ་ཏོག༔ མི་མངོན་དབྱིངས་སུ་ཡིབས་འགྲོ༔ གཏེར་གཉིས་ བསྟན་པའི་བ་དན༔ རླུང་ལྷའི་དཔེ་བཞིན་མི་མངོན༔ ཟུང་འཇུག་ཤེས་རབ་ཟབ་མོ༔ མདའ་མོ་སྒྲོ་ལྡན་མེད་ཚེ༔ བསྟན་པའི་སྲོག་གི་དམར་པོ༔ དྲི་བཞོན་རྐྱེན་དང་འཕྲད་ལ༔ ཅི་ཆ་ཅིར་འགྱུར་མི་ཆོད༔ མཆེ་ལྡན་འཛུམ་མདངས་ངོམས་ཚེ༔ ཙནྡན་དྲི་བསུང་ངད་པ༔ ལྷོ་ནས་ལྷོ་རུ་ཆས་ན༔ སྔོན་འབྱུང་སྨོན་ལམ་མཐུ་ཡིས༔ རང་སྐལ་གྲོགས་དང་འཕྲད་ནས༔ གཏེར་གཉིས་བསྟན་འགྲོའི་གསོས་སུ༔ རིམ་གྱིས་གསལ་བ་ངེས་ཚིག༔ ཆོས་བདག་པྲ་ཛྙཱའི་མིང་འཛིན༔ སྨོན་ལམ་མཐུ་ཡི་བསྐུལ་ནས༔ ཁྱོད་དང་འཕྲད་པས་དབང་གིས་སྨིན་པ་སྨིན་ན༔ སྔོན་གྱི་ལས་འཕྲོ་སད་ཚེ༔ གཏེར་གཉིས་བསྟན་པའི་གསོས་སུ༔ རིམ་གྱིས་སྨན་པ་གསང་ཚིག༔ བཅུ་ཕྲག་ལྔ་ཡི་བར་དུ༔ མུ་ཏོའི་ཚུལ་གྱི་སྤྱོད་པས༔ ཟབ་ལམ་སྒོམ་སྒྲུབ་གནད་བསྐྱལ༔ མཆོད་སྦྱིན་ཚོགས་གཏོར་མ་བཅད༔ དབེན་རིང་སྒྲུབ་ཚུགས་བཟུང་ནས༔ ཆོས་བརྒྱདརིང་དུ་སྤངས་ན༔ དོན་གཉིས་རིམ་གྱིས་འབྱུང་ངེས༔ དེ་ལྟར་སྟབས་ལྡན་མེད་ཚེ༔ ཚེ་ཆོས་སཔྟས་རྐྱེན་བསྐུལ༔ འཕྲལ་འཕྲལ་བར་ཆད་ཉེ་བས༔ སྟབས་ཀ་གཟབ་པ་གཏན་ཚིག༔ ཁྱེའུ་ཆུང་སྤྲུལ་པའི་རིགས་ལྡན༔ ངུར་མོའི་ལོ་ཁུར་དཔའ་བོ༔ སྨོན་ལམ་ UMU6E ཧོཿ དབང་གིས་འཕྲད་ངེས༔ དེ་དང་རྟེན་འབྲེལ་འཛོམས་ན༔ ཚེ་ཆོས་གདུལ་བྱ་རྒྱས་ངེས༔ གཅིག་གྲོགས་གཅིག་གིས་མཐུན་རྐྱེན༔ མ་དང་མཁའ་འགྲོས་བྱེད་ལ༔ ཅི་འགྱུར་བརྡ་དོན་གསལ་ཡོང་༔ བྱང་གི་ངམ་ནག་ཁྲོད་དུ༔ སྐྱེས་བུ་རིགས་པའི་རལ་གྲིའི༔ རང་སྐལ་ནོར་བུ་འོད་འབར༔ མུ་ཏོའི་གནས་སུ་ལྷུང་བས༔ དྲི་བྲལ་ཤེལ་དཀར་བུམཔ༔ ཉེ་མིན་རིང་ནས་ལེན་ཚེ༔ སྣང་སྲིད་གསལ་བའི་མེ་ལོང་༔ མཐོན་མཐིང་རྩེ་རུ་བཅིང་ན༔ ཚེ་འཇུག་རང་ནོར་དང་འཕྲད༔ དོན་གཉིས་མཐར་ཕྱིན་འབྱུང་སྲིད༔ རང་གནས་མཁའ་འགྲོའི་འདུ་རར༔ མ་ཧེ་ཉལ་འདྲའི་རི་ཡི༔ ལྟོ་བར་མཁའ་འགྲོའི་གསང་གཏེར༔ དགོངས་འདུས་ཆོས་བཅུད་ཟབ་མོ༔ གཡུ་སྒྲོམ་སྣ་ལྔའི་རྒྱ་ཡོད༔ དཔའ་བོ་གྲོགས་དང་འཕྲད་ནས༔ རང་ནོར་ལེན་པ་ཐ་ཚིག༔ ཐབས་ཤེས་ཡུན་རིང་འགྲོགས་པའི༔ རྟེན་འབྲེལ་གཞན་དབང་མེད་ཚེ༔ གཏེར་གཉིས་བསྟན་པའི་བ་དན༔ ཕྱོགས་རྣམས་ཀུན་ཏུ་དར་ངེས༔ གྲོགས་དང་ཆོས་འཛིན་སྐྱེས་བུ༔ དུས་དང་དུས་སུ་འཛོམས་ཚེ༔ རྟེན་འབྲེལ་སཔྟའི་དབང་དུ༔ མ་གཏོང་རིགས་པས་དཔྱོད་དགོས༔ མཁའ་འགྲོའི་བཀའ་བཞིན་ཁྱོད་ཀྱིས༔ ལས་དང་བྱ་བར་བརྩོན་ན༔ རང་གཞན་དོན་གཉིས་ནོར་བུ༔ ཚེ་འདིར་མི་འགྱངས་ལེན་ངེས༔ སྔོན་སྨོན་འབྲེལ་བའི་སྐྱེས་བུ༔ རོལ་པའི་རྡོ་རྗེའི་སྤྲུལ་པ༔ སྒྲ་བརྒྱ་ལོ་འཛིན་ཤེས་ལྡན༔ གནས་མིན་གནས་ནས་འཕྲད་ཡོད༔ མཁའ་འགྲོའི་ཐུགས་བཅུད་སྐོར་གཉིས༔ ཡོངས་རྫོགས་གདམས་པ་དེར་གཏོད༔ ཆུ་འཛིན་ནག་པོའི་རྐྱེན་གྱིས༔ གསལ་བའི་འོད་སྒྲིབ་མེད་ན༔ རིམ་གྱིས་བསྟན་འགྲོར་སྨན་ངེས༔ ཆོས་འཛིན་སྐྱེས་བུ་རིགས་ཅན༔ དོན་དང་རིག་གི་མིང་ཅན༔ བཛྲ་ཛྙཱ་ན་ངྷརྨ༔ ལོ་ཀ་ཨཀྵ་བྷ་དྲ༔ ག་ག་ས་མན་དྷ་ར༔ ཀཱིརྟི་པྲཛྙཱ་རསྨི༔ བསོད་ནམས་མིང་ཅན་གྲོགས་བཅས༔ གླང་ནས་ཅང་ཤེས་བར་ལ༔ རིམ་གྱིས་སྨོན་ལམ་འཛོམས་ངེས༔ དེ་དང་དེ་སོགས་འབྱུང་འགྱུར༔ འཕྲལ་འཕྲལ་བརྡ་ཚིག་གསལ་འོང་༔ ཆོས་བརྒྱད་དུག་འདམ་ཁྲོད་དུ༔ སེང་དཀར་གཡུ་རལ་མ་ངོམས༔ ཌཱ་ཀྐིའི་བརྡ་ཡིས་བསྐལ་ཚེ༔ ལྷ་ལྡན་ཕྱོགས་སུ་དུས་ཡིན༔ མི་སེམས་བདུད་ཀྱིས་བསྒྱུར་ནས༔ ཁྱོད་ཀྱང་ཡུལ་གཞན་བགྲོད་སྲིད༔ ས་ག་ཟླ་བའི་འབོད་པ༔ རང་གི་ཕྱོགས་ནས་གསལ་འོང་༔ ཟབ་ཆོས་གསང་བ་སྐོར་བཞིའི༔ འགྲོ་དོན་དུས་ལ་བབས་ཚེ༔ མཐུན་རྐྱེན་ལུས་མེད་མཁའ་འགྲོས༔ དུས་སུ་བསྒྲིགས་པ་ཨེ་ནམ༔ དཿ ཁྭ་ཏ་རོག་པོའི་སྨོན་ངན༔ དུས་མིན་དུས་སུ་འགྱེད་ཚེ༔ ཟླ་བའི་འོད་དཀར་གཟི་མདངས༔ ངམ་གནག་སྨག་ལ་ཟབ་དགོས༔ སྟོད་ཀྱི་བྲག་གི་སྤྲེའུའི༔ སྒྱུ་རྩལ་ཁྱོད་ལ་ངོམས་ཚེ༔ སྟབས་གཟབ་རྟེན་འབྲེལ་གལ་ཆེ༔ མི་འདོད་འཁྲུལ་པའི་བརྫུ་བག༔ ངུར་མོའི་གདོང་གིས་བསུ་བས༔ དམར་པོ་ལྷ་གཉིས་ལས་ལ༔ བསྐུལ་བ་གནད་གལ་ཆེ ངེས༔ ས་མ་ར་ཐ་ན་མ༔ བྷ་དྲ་དྷ་རི་ནིར་མི༔ མུ་ཏྲ་ཐང་ཀར་ཨི་མ༔ བྷ་གུ་ལ་སྟེ་ཀུ་ར༔ ཨཀྵ་མ་ཝ་རི་མི༔ ཤ་ཟ་ཌཱ་ཀིའི་སྐད་རེད༔ འདི་དོན་ཁྲོལ་ན་རང་སྐལ༔ ཆོས་ཀྱི་བརྡ་བྱང་གསང་ཚིག༔ ཙིཏྟའི་ཀློང་དུ་སྦས་རྒྱ༔ ས་མ་ཡ༔ བརྡ་ཐིམ༔ དེ་དག་མདོར་བསྡུས་ཙམ་ཞིག་བརྗོད་པ་ཡིན༔ ང་ཡི་སྤྲུལ་པ་དེ་ཟེར་གྲངས་དང་མཉམ༔ སེམས་ཅན་མ་ཟད་འགྲོ་དོན་ག་མ་རྫོགས༔ མཁའ་འགྲོའི་སྒྲུབ་སྐོར་གནད་བྱང་ཟབ་མོ་འདི༔ མཚོ་རྒྱལ་ཁྱོད་ཀྱིས་རིན་ཆེན་གཏེར་དུ་སྦོས༔ མ་འོངས་ཁྱོད་སྤྲུལ་ཀུན་དགའ་ལ་སོགས་དང་༔ འཕྲད་ནས་འགྲོ་དོན་དཔག་མེད་རིམ་གྱིས་འབྱུང་༔ ང་སྤྲུལ་ང་དང་གཉིས་མེད་གྲོགས་དང་འཕྲད༔ ཆོས་བདག་བི་མོ་ཙ་དང་ལས་ཀྱིས་འབྲེལ༔ དམར་པོ་ལྷ་གསུམ་བྲན་ཁོལ་མཆོད་གསོལ་འབུངས༔ ཕན་VMUEL བདེའི་འོད་བརྒྱས་ས་གསུམ་ཁྱབ་པར་ངེས༔ ལས་ཅན་བུ་དང་འཕྲད་པའི་སྨོན་ལམ་བཅས༔ དྲག་མོ་མཐུ་མོ་ཆེ་ལ་གཉེར་དུ་གཏོད༔ ཕྱི་སྲུང་གནོད་སྦྱིན་གཟའ་དང་མ་མོས་སྲུངས༔ སྙིང་མིག སྲོག་ལས་ཕངས་པར་གྱུར་ན་ཡང་༔ ཕྱི་རབས་ལས་ཅན་དོན་དུ་བདག་གིས་