Tibetan
པོ་ཆེ་དང་པོའི་མདངས་འཛིན་གྱི་རིན་ཆེན་དང་ལྷ་རེག་དྲི་བྲལ་བཅས་གནང་འབྱོར་ཕེབས་ནས་བསྐུལ་ངོར་གཏེར་ཆེན་ཐམས་ཅད་མཁྱེན་པའི་འཁོར་འབངས་ཡོངས་ཀྱི་ཐ་ཤལ་བ་གཟུངས་མའི་ཆ་ཙམ་འཛིན་པ་ཀུན་བཟང་བདེ་སྐྱོང་དབང་མོས་བླ་མའི་གདན་ས་སེར་དགོན་དབེན།ཁྲོད་ནས་ཌཱ་ཀྐིའི་བརྡ་ལས་དག་པར་ཕབས་པའོ།། །། ལྷ་མོའི TI1396-428 ག་ཧོཿ བཅོམ་ལྡན་དབང་གི་ལྷ་མོས་རྗེས་སུ་འཛིན་པའི་སྨོན་ལམ་ཕན་བདེའི་འབྱུང་གནས་བཞུགས༔ ཧོཿ མཆོག་གསུམ་རྩ་གསུམ་ཀུན་འདུས་བཅོམ་ལྡན་འདས་མ༔ དོན་དམ་ལྷན་སྐྱེས་གཉིས་མེད་དབང་གི་ལྷ༔ རྗེ་བཙུན་རིག་བྱེད་ལྷ་མོ་རྒྱ་སྐྱེགས་མདངས༔ ཏིང་འཛིན་གསུམ་ལ་གཞོལ་བའི་རྣལ་འབྱོར་གྱིས༔ བཅོམ་ལྡན་འདས་མའི་གསང་གསུམ་རྒྱན་འཁོར་ནས༔ ཡོན་ཏན་ཡོངས་རྫོགས་བསྐྱེད་པ་མཐར་ཕྱིན་ཤོག༔ གནས་ལྔའི་འཁོར་ལོ་ལྔ་ཡི་མདུད་རྒྱ་ཁྲོལ༔ རླུང་སེམས་དབང་ཐོབ་ཁ་སྦྱོར་དབུ་མར་ཐིམ༔ གཏུམ་མོའི་མེ་ཡིས་ཀུན་རྟོག་བག་ཆགས་བསྲེགས༔ རྩ་རླུང་ཐིག་ལེ་གནས་དག་ལས་སུ་རུང་༔ ཕོ་ཉའི་ལམ་གྱིས་བདེ་སྟོང་ཡེ་ཤེས་སྦར༔ དགའ་བཞིའི་ཉེར་དྲངས་སྟོང་བཞིའི་འོད་གསལ་མངོན༔ མི་སློབ་ཤེས་རབ་མཆོག་ཐོབ་ཡེ་ཤེས་ཀྱིས༔ གདོད་ནས་མ་འཁྲུལ་སངས་རྒྱས་མངོན་འགྱུར་ཤོག༔ ལམ་གྱི་ཡོན་ཏན་མཐའ་དག་ཡོངས་རྫོགས་ནས༔ ཁམས་གསུམ་དབང་འདུས་མཐོང་ཐོས་དྲན་རེག གི༔ སྐྱེ་འགྲོ་མ་ལུས་བདག་གིས་འདུལ་ནས་ཀྱང་༔ རླབས་ཆེན་ཚོགས་གཉིས་ལམ་ལ་འགོད་ནུས་ཤོག༔ ཆགས་མེད་ཆགས་བྲལ་སོར་རྟོགས་ཡེ་ཤེས་ལྷ༔ མཚན་ཐོས་ཙམ་གྱིས བདེ་སྟོང་ཡེ་ཤེས་བསྐྱེད༔ མཐོང་བསགསལ་སྟོང་ལྷན་སྐྱེས་ཡེ་ཤེས་མཇལ༔ བསམ་པས་རིག་སྟོང་ཏིང་འཛིན་ཡེ་ཤེས་རྒྱས༔ བསྒོམས་པས་ཡེ་སྟོང་སྤྲོས་བྲལ་མངོན་དུ་གྱུར༔ འཁོར་འདས་དབང་བསྒྱུར་ཡེ་ཤེས་དབང་མོ་ཡི༔ ཐུགས་རྗེ་ལྕགས་ཀྱུས་དུས་ཀུན་རྗེས་འཛིན་ཤོག༔ སྐྱེ་བ་ཀུན་ཏུ་རྗེ་བཙུན་ལྷ་མོ་དང་༔ འབྲལ་མེད་འཁོར་འདས་དཔལ་ལ་ལོངས་སྤྱོད་ནས༔ ས་དང་ལམ་བགྲོད་རིམ་པར་མི་ལྟོས་པར༔ ལྷན་སྐྱེས་བདེ་སྟོང་ཡེ་ཤེས་དབང་འབྱོར་ཞིང་༔ བཅུ་གསུམ་རྡོ་རྗེ་འཛིན་པའི་ས་ཐོབ་ནས༔ མངོན་གྱུར་དང་པོའི་སངས་རྒྱས་རབ་ཐོབ་ཤོག༔ མཆོག་སུམ་རྩ་གསུམ་བདེན་པ་བསླུ་མེད་དང་༔ རིག་བྱེད་ལྷ་མོའི་ཐུགས་རྗེའི་ནུས་པ་དང་༔ བདག་གི་ལྷག་བསམ་རྣམ་དཀར་དགེ་བའི་མཐུས༔ སྨོན་ལམ་འདི་བཏབ་ཡོངས་སུ་འགྲུབ་གྱུར་ཅིག༔ གང་གི་རང་བཞིན་འདུས་མ་བྱས༔ ཆོས་དབྱིངས་ངང་ལས་གཡོ་བ་མེད༔ ལྷུན་གྲུབ་རོལ་རྩལ་སྒྱུ་མའི་འཕྲུལ༔ ཐུགས་རྗེ་ཚད་མེད་ཡེ་ཤེས་ཀྱི༔ རྣམ་ཀུན་མཆོག་ལྡན་བཙུན་མོ་ཆེ༔ ཀུན་བཟང་དབང་གི་ལྷ་མོར་བཞེངས༔ བདག་གིས་སྒྲིབ་གཉིས་མཐར་བྱས་མཐུས༔ རང་བྱུང་ཀློང་ནས་རང་ཞལ་མཇལ༔ སྐུ་གསུམ་ངོ་བོ་ཉིད་ཀྱི་དབྱིངས༔ གཉིས་མེད་གཅིག་གིས་ངང་དུ་སྒྲོལ༔ རྗེས་འཇུག་མོས་པའི་བུའི་དོན་ཕྱིར༔ ལྷ་མོ་རྗེས ༒༔ འཛིན་སྨོན་ལམ་འདི༔ ཀུན་བཟང་བདེ་སྐྱོང་དབང་མོ་ཞེས༔ སྨྱོན་མ་གང་ཤར་རང་གྲོལ་གྱིས༔ རང་བྱུང་རིན་ཆེན་ཤོག་སྐྱལ༔ སུག་རྩེ་རླུང་ལ་བསྐྱོན་ཏེ་བྲིས༔ དོན་དམ་ལག་ཏུ་ལོངས་དང་གསལ༔ རྗེས་འཇུག་བསྟན་འགྲོའི་བཙས་སུ་ཤོག༔ དམ་ཉམས་ལོག་ལྟ་ཅན་ལ་ནི༔ མཁའ་འགྲོ་གསང་བའི་བཀའ་རྒྱ་ཡོད༔ སྣང་བ་དྲག་རྩལ་ར་ཧུ་ལ༔ སྟོང་དབྱིངས་དྲག་མོ་ཨེ་ཀ་ཛཿ ཟུང་འཇུག་ཐིག་ལེ་བཛྲ་རྩལ༔ བདག་གི་བསྟན་པའི་བྱ་ར་མཛོད༔ དམ་ཉམས་རྣམས་ལ་ལྟོ་ཞལ་ངོམས༔ དམ་ལྡན་བུ་ལ་སྟོང་གྲོགས་མཛོད༔ བདེ་ཆེན་པདྨ་ལས་འབྲེལ་དང་༔ མི་དམིགས་རྡོ་རྗེ་རྣལ་འབྱོར་མའི༔ ཟུང་འཇུག་མཐར་ཕྱིན་བསྟན་པ་རྒྱས༔ ཕྱོགས་ལས་རྣམ་རྒྱལ་ཕྲིན་ལས་མཛོད༔ རྡོ་རྗེའི་དམ་ལས་མ་འདའ་ཞིག༔ ས་མ་ཡ༔ རྒྱ་རྒྱ་རྒྱ༔ ཡིད་བཞིན་ནོར་བུའི་བཞེད་སྐོང་དུ་སུ་ཁ་བཛྲ་གྱིས་སོ༔ ཧྲཱིཿ བཅོམ་ལྡན་དབང་གི་ལྷ་མོ་ཁྱོད་བསྒྲུབ་ན༔ གསང་སྔགས་རྟེན་འབྲེལ་ཟབ་མོའི་ནུས་པའི་མཐུས༔ བདག་ཅག་བྱང་ཆུབ་སྒྲུབ་པའི་བར་ཆད་སོལ༔ རིམ་གཉིས་མཐའ་རུ་ཕྱིན་པར་མཛད་དུ་གསོལ༔ མཁྱེན་རབ་སྣང་བའི་སྒོ་བརྒྱ་རབ་ཕྱེ་ནས༔ ཐེག་པའི་ཆོས་ཀུན་མ་ལུས་ཁོང་ཆུད་དེ༔ དགེ་འདུན་སྡེ་འཕེལ་བཤད་སྒྲུབ་མཐར་རྒྱས་ཤིང་༔ རིམ་གཉིས་སྒྲུབ་པའི་རྒྱལ་མཚན་དར་བར་མཛོད༔ དམིགས་པའི་འོད་ཟེར་དབང་གི་ལྕགས་ཀྱུ་ཡིས༔ སྲིད་པའི་སྐྱེ་དགུའི་བློ་ཡིད་ལྷ་མོའི་ དབང་དུ་སྡུས༔ མཐུན་རྐྱེན་ལེགས་ཚོགས་གང་བརྩམ་ཡོངས་འགྲུབ་ནས༔ ཚེ་བསོད་དཔལ་འབྱོར་རབ་རྒྱས་གོང་འཕེལ་མཛོད༔ མ་རིག་རྐྱེན་སྣང་དགྲ་བགེགས་དབང་བསྡུས་ནས༔ བསམ་པའི་དོན་ལ་བར་ཆད་མི་འབྱུང་ཞིང་༔ ལོག་འདྲེན་རྡུལ་བརླག་དབང་དྲག་ཕྲིན་ལས་ཀུན༔ མ་ཁྱོད་ཐུགས་རྗེའི་ནུས་པས་འགྲུབ་པར་མཛོད༔ རིག་པ་ཡེ་ཤེས་ཆེན་པོའི་དོན་རྟོགས་པས༔ མངོན་པར་རྫོགས་པའི་སངས་རྒྱས་ཐོབ་པར་མཛོད༔ ཐབས་ཤེས་སྤྱོད་པ་རླབས་ཆེན་མཐར་ཕྱིན་ཏེ༔ འབྲས་བུ་ཆོས་ཉིད་གཞི་ལ་སད་པར་མཛོད༔ ཐུན་མོང་ཁམས་གསུམ་མ་ལུས་དབང་སྡུད་ནས༔ ལས་གང་དམིགས་པ་བདག་གིས་དབང་སྡུད་མཛོད༔ མཐའ་ཡས་འགྲོ་ཀུན་མ་ལུས་འདུལ་ནས་ཀྱང་༔ ཁམས་གསུམ་འཁོར་བའི་འཁྲུལ་འཁོར་དབྱིངས་སུ་ཞིག༔ བདེ་ཆེན་རྣམ་དག་ཞིང་དུ་འཁོད་ནས་ཀྱང་༔ འཁོར་བ་དོང་ནས་སྤྲུགས་པར་མཛད་དུ་གསོལ༔ བཅོམ་ལྡན་དབང་གི་ལྷ་མོའི་ཐུགས་རྗེ་དང་༔ བདག་གི་བསྐྱེད་རྫོགས་ཟབ་མོའི་བདེན་འབྲས་མཐུས༔ འདོད་དོན་མ་ལུས་མྱུར་དུ་འགྲུབ་པ་དང་༔ བཀྲ་ཤིས་བདེ་ལེགས་ཕུན་ཚོགས་དཔལ་ཐོབ་མཛོད༔ ཅེས་པ་འཁོར་འབངས་ཐ་ཤལ་བ་སུ་ཁ་བཛྲ་གྱིས་ཉམས་ཆོས་ཡིག་གཟུགས་སུ་བཀོད་པའོ།། །། 辈 EE.√7 010 ཆོས་ཉིད་མཁའ་འགྲོའི་ཐུགས་ཐིག་ལས༔ རིག་བྱེད་ལྷ་མོའི་སྨིན་བྱེད་དབང་གི་འཇུག་ངོགས་དངོས་གྲུབ་སྙེ་མ་བཞུགས༔ སརྦ་མངྒ་ལམ༔ 0)0 ལམ་ས་ཡུ་ལ་ལམ་པོ་ཐོས་གྱི་ང་ཨོཾ་ཿ ན་མོ་པདྨ་ཀཱ་ར་ཡེ༔ ཐ་སྐ་།༔ རང་རིག་སྐུ་གསུམ་མཁའ་འགྲོར་འདུད༔ མ་འོངས་པདྨའི་རྗེས་འཇུག་གིས༔ གསང་བ་མཁའ་འགྲོའི་དཀྱིལ་འཁོར་དུ༔ འཇུག་ཅིང་སྒོ་གསུམ་སྨིན་པ་དང་༔ སྲིད་བཞི་དབང་སྡུས་ལས་འགྲུབ་ཕྱིར༔ སྨིན་བྱེད་ཟབ་དབང་འདི་རུ་བསྟན༔ ས་མ་ཡ༔ དེ་ནས་དབང་གི་སྟ་གོན་ནི༔ རབ་འབྲིང་ཐ་མ་གང་འོས་ཀྱི༔ རྟེན་འབྲེལ་དཀྱིལ་འཁོར་ལེགས་པར་བཀོད༔ དེའི་དབུས་བུམ་པ་བྷན་ཐོད་དང་༔ རིག་མ་ཤེལ་རྡོ་མེ་ལོང་དང་༔ གསང་བའི་དབང་རྫས་རྣམ་གསུམ་ལི་ཁྲི་པདྨ་རཀྟ་སིནྡྷུ་ར་མཆན་བཤམས༔ བདག་མདུན་བུམ་ལྷ་བསྐྱེད་བསྟིམ་བྱ༔ དབང་བླང་སློབ་དཔོན་ཆས་གསོལ་ནས༔ སློབ་བུ་མདུན་འཁོད་དྲི་མ་བཀྲུས༔ བགེགས་བསྐྲད་སྲུང་འཁོར་ རཨོཾཿ བསྒོམས་པ་དང་༔ ཡིད་ཆེས་དང་བ་འདྲེན་པའི་ཕྱིར༔ ལོ་རྒྱུས་བཤད་ཅིང་མཎྜལ་ཕུལ༔ དེ་ནས་གསོལ་བ་འདེབས་པ་ནི༔ ཀྱེེ༔ བདེ་ཆེན་ཐར་པའི་ལམ་སྟོན་མཆོག༔ དབང་ལྡན་རྒྱལ་པོའི་བླ་མ་དགོངས༔ བདག་ཅག་སྐལ་ལྡན་བུ་རྣམས་ལ༔ གསང་བ་ཡེ་ཤེས་མཁའ་འགྲོ་མའི༔ སྨིན་བྱེད་དབང་གིས་བཀའ་དྲིན་སྩོལ༔ ཅེས་ལན་གསུམ་བསྐུལ༔ དེ་ནས་སློབ་དཔོན་གྱིས༔ ཧོཿ རིགས་ལྡན་བུ་རྣམས་ལས་འཕྲོ་ལྡན༔ གསང་བ་སྔགས་ཀྱི་དཀྱིལ་འཁོར་དུ༔༷ འཇུག་པར་སྤྲོ་ན་ངས་སྟོན་གྱིས༔ གསང་སྔགས་ཚུལ་བཞིན་སྒྲུབ་ནུས་སམ༔ ངས་བསྒོའི་བཀའ་ལས་མི་འདའ་བར༔ དམ་ཚིག་ཇི་བཞིན བསྲུང་ནུས་སམ༔ ནུས་ན་གསང་སྔགས་དཀྱིལ་འཁོར་འཇུག༔ བསྲུང་དུ་མི་ནུས་ཕྱིར་དེངས་ཤིག༔ སློབ་བུས་གདབ་ལན་ནི༔ ཀྱེེ༔ རྡོ་རྗེ་སློབ་དཔོན་མཆོག་ཉིད་དགོངས༔ བདག ཅག་སྐལ་ལྡན་དམ་དང་ལྡན༔ ཅི་བསྒོའི་བཀའ་ལས་འདའ་མི་བྱ༔ གསང་སྔགས་ཕྱི་ནང་གསང་གསུམ་གྱི༔ དམ་ཚིག་སྲོག་གི་གཏའ་རུ་བཟུང་༔ དེ་ནས་སྐྱབས་སེམས་སྡོམ་པ་འབོགས༔ ན་མོ༔ རྒྱལ་ཀུན་ཡུམ་གྱུར་རྗེ་བཙུན་མ༔ ཀུ་རུ་ཀུལླེར་སྐྱབས་སུ་མཆི༔ བདག་གཞན་གཉིས་སྣང་དབང་བསྡུས་ནས༔ འཁོར་བའི་འཇིགས་ལས་བསྐྱབ་ཏུ་གསོལ༔ ལན་གསུམ་དང་སེམས་བསྐྱེད་ནི༔ ཧོཿ བཅོམ་ལྡན་ལྷ་མོའི་དཀྱིལ་འཁོར་དུ༔ བསྐྱེད་རྫོགས་རིམ་གཉིས་ལ་འཇུག་ནས༔ གཉིས་འཛིན་འཁྲུལ་པའི་སེམས་ཅན་ཀུན༔ བདེ་ཆེན་ཞིང་ལ་འགོད་སེམས་བསྐྱེད༔ ལན་གསུམ་དང་དམ་ཆུ་སྦྱིན་པ་ནི༔ ཧོཿ འདི་ནི་དམ་ཚིག་རྡོ་རྗེའི་ཆུ༔ སྐལ་ལྡན་བུ་ལ་སྦྱིན་པ་ཡིན༔ བསྲུངས་ན་ཚེ་འདིར་སངས་རྒྱས་ཐོབ༔ ཉམས་ན་དམྱལ་བར་ལྟུང་ཏ་རེ༔ དེ་ཕྱིར་དམ་ཚིག་མ་འདའ་ཞིག༔ བཛྲ་ས་མ་ཡ་ན་ར་ཀན༔ དེ་ནས་མིག་དར་སྦྱིན་པ་ནི༔ ཨོཾ་ཙཀྵུ་བྷནྡྷ་ཝ་ར་མ་ཎ་ཡེ་སྭཱ་ཧཱ༔ མེ་ཏོག་སྦྱིན་པ་ནི༔ ཨོ་པདྨ་པུཥྤེ་སིདྡྷི་ཏྲཱྃ༔ དེ་ནས་སློབ་མ་ལྷར་བསྐྱེད་པ་ནི༔ ཨོཾ་མ་ རཨོཾ་ཧཱ་ཤུ་ནྱ་ཏཱཿ ཧྃ༔ སློབ་མའི་མ་དག་པའི་ཕུང་ཁམས་ཐམས་ཅད་སྟོང་པར་སྦྱངས༔ སྟོང་པའི་ངང་ལས༔ སྐད་ཅིག་པདྨ་ཉི་ཟླའི་སྟེང་༔ སློབ་མའི་རིག་པ་ཧྲཱིཿ དམར་པོ༔ ཡོངས་གྱུར་དོན་གཉིས་བྱས་ཚུར་འདུས༔ བཅོམ་ལྡན་མྱུར་དཔལ་ལྷ་མོ་ནི༔ རིག་བྱེད་དམར་མོ་རྒྱ་སྐྱེགས་མདངས༔ ཞལ་གཅིག་སྤྱན་གསུམ་དབྱིངས་སུ་གཟིགས༔ ཕྱག་བཞི་དང་པོས་མདའ་གཞུ་འགེངས༔ འོག་གཉིས་ལྕགས་ཀྱུ་ཞགས་པ་འཛིན༔ དར་དང་རཏྣ་རུས་རྒྱན་གསོལ༔ ཐོད་རློན་ལྔ་བཅུའི་དོ་ཤལ་བྱས༔ སྟག་ཤམ་སྨད་དཀྲིས་དར་སྣས་སྤྲས༔ ཞབས་གཉིས་བརྐྱང་བསྐུམ་བཾ་རོར་བརྫིས༔ དབུ་སྐྲ་དམར་སེར་གྱེན་དུ་འཁྱིལ༔ སྤྱི་བོར་རིག་བདག་སྣང་མཐའ་ཡས༔ དམར་པོ་མཉམ་བཞག་མཚན་དཔེ་རྫོགས༔ རིགས་ཀུན་ཡོངས་འདུས་ངོ་བོར་གསལ༔ ཡེ་ཤེས་འཇའ་འོད་འཁྱིལ་བའི་ཀློང་༔ སྣང་ལ་རང་བཞིན་མེད་པར་བཞུགས༔ དེ་ལྟར་གསལ་བའི་གནས་གསུམ་ལས༔ འབྲུ་གསུམ་སྙིང་པོའི་འོད་འཕྲོས་པས༔ ནུབ་ཕྱོགས་བདེ་ཆེན་ཞིང་ཁམས་དང་༔ ལྷོ་ཕྱོགས་དབང་གི་ཕུག་པ་ནས༔ བཅོམ་ལྡན་མྱུར་མཛད་རྒྱལ་བའི་ཡུམ༔ ཡེ་ཤེས་སྒྱུ་མའི་སྐུར་བཞེངས་ལ༔ དབང་གི་ལྷ་མོའི་རྣམ་པ་རུ༔ གནས་འདིར་གཤེགས་ལ་བསྐྱེད་པའི་ལྷར༔ དམ་ཡེ་དབྱེར་མེད་རོ་གཅིག་གྱུར༔ དེ་ནས་བྱིན་ཆེན་དབབ་པ་ནི༔ ཧཱུྃ་ཧྲཱིཿ ནུབ་ཕྱོགས་བདེ་ཆེན་དག་པའི་གནས༔ པདྨ་དབང་གི་གཞལ་ཡས ནས༔ ཁམས་གསུམ་དབང་སྡུད་ཌཱ་ཀྐི་མ༔ བཅོམ་ལྡན་རིག་བྱེད་རྒྱལ་བའི་ཡུམ༔ ལས་མཛད་ཌཱ་ཀྐི་འཁོར་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དབུ་སྐྲ་ཟུར་ཕུད་ཏལ་ལ༔ རིན་ཆེན་རྒྱན་ཆ་སི་ལི་ལི༔ མཁའ་འགྲོའི་བརྡ་སྐད་ལྷངས་སེ་ལྷང་༔ བྱིན་རླབས་ན་བུན་ཐིབས་སེ་ཐིབ༔ དངོས་གྲུབ་ཆར་ཆེན་ཐུ་ལུ་ལུ༔ མི་གནས་ཡེ་ཤེས་དཀྱིལ་འཁོར་ནས༔ སྐལ་ལྡན་སྒོ་གསུམ་བྱིན་གྱིས་རློབས༔ སྲིད་གསུམ་དབང་སྡུད་བྱིན་ཆེན་ཕོབས༔ སྣང་རྟོགས་ལྷ་ཡི་ཕྱག་རྒྱར་རྫོགས༔ སྒྲ་གྲགས་བདེ་ཆེན་སྔགས་སུ་དག༔ དྲན་རྟོག་ཡེ་ཤེས་ཆེན་པོར་སྨིན༔ འཇའ་ལུས་ཆེན་པོར་བྱིན་ཆེན་ཕོབས༔ སྒོ་གསུམ་རྡོ་རྗེར་བྱིན་གྱིས་རློབས༔ གནས་མཆོག་འདི་རུ་བྱིན་ཕོབས་ལ༔ སྒྲུབ་མཆོག་བདག་ལ་དབང་བཞི་བསྐུར༔ བགེགས་དང་ལོག་འདྲེན་བར་ཆད་སོལ༔ མཆོག་ཐུན་སུ་ཁའི་དངོས་གྲུབ་སྩོལ༔ ཨོཾ་ཀུ་རུ་ཀུལླི་ཧྲཱིཿ སརྦ་ས་མ་ཡ་ཕེཾ་ཕེཾ་ཨ་བེ་ཤ་ཡ་ཨ་ཨ༔ ཞེས་བརྗོད་མེ་ཏོག་འཐོར་བཞིན༔ ཡེ་ཤེས་དབབ རཨོཾ་ཿ པ་དེ་ཉིད་སློབ་མའི་སྒོ་གསུམ་ལ་རབ་ཏུ་གནས་ཤིང་བརྟན་པར་གྱུར་ཅིག༔ ཏིཥྛ་བཛྲ་ཏིཥྛ་བཛྲ༔ དེ་ནས་མེ་ཏོག་དོར་བ་ནི༔ ཧོཿ ཁྱེད་ཅག་སྐལ་ལྡན་རིགས་ཀྱི་བུ༔ སྔོན་གྱི་ཡི་དམ་གང་ཡིན་པ༔ རྡོ་རྗེ་རྒྱལ་པོའི་ཏིང་འཛིན་གྱིས༔ མེ་ཏོག་དེ་རུ་དབབ་པར་བྱེད༔ ལྷ་དེ་མ་བརྗེད་ཡིད་ལ་ཟུངས༔ གསང་མཚན་འཛིན་ཅིང་དངོས་གྲུབ་ཐོབ༔ ཨོཾ་བཛྲ་ཛྙཱ་ན པུཥྤེ་སིདྡྷི་ཏྲཱྃ༔ དེ་ནས་དབང་སྟེགས་བསྟན་པ་ནི༔ ཁྱེད་རང་རྣམས་ཀྱིས་དཀྱིལ་འཁོརགྱི་ལྷ་ལ་མེ་ཏོག་དོར་བ༔ ཤར་དུ་བབས་ན་རྡོ་རྗེ་དབང་ཆེན༔ ལྷོ་རུ་བབས་ན་རིན་ཆེན་དབང་རྒྱལ༔ ནུབ་ཏུ་བབས་ན་པདྨ་རིག་འཛིན༔ བྱང་དུ་བབས་ན་ཀརྨ་དབང་ཕྱུག༔ དབུས་སུ་བབས་ན་སངས་རྒྱས་དབང་པོ༔ ཤར་ལྷོར་བབས་ན་ཚེ་དབང་དོན་གྲུབ༔ ལྷོ་ནུབ་ཏུ་བབས་ན་འཇམ་དཔལ་དབང་ཕྱུག༔ ནུབ་བྱང་དུ་བབས་ན་རྟ་མགྲིན་དབང་རྒྱལ༔ བྱང་ཤར་དུ་བབས་ན་རྣམ་དག་ཀུན་དབང་ལ་སོགས་པ་རང་རང་གི་རིགས་ཀྱི་གསང་མཚན་རྣམས་མ་བརྗེད་པར་མཛོདཅིག༔ དེ་ནས་མིག་དར་བསལ་བ་ནི༔ ཀྱེེ་ཧོཿ ཐབས་མཆོག་རྡོ་རྗེ་རྒྱལ་པོ་ཡིས༔ ཁྱེད་ཀྱི་མ་རིག་སྒྲིབ་པའི་བག༔ ཡེ་ཤེས་གསེར་གྱི་ཐུར་མས་དབྱེ༔ ཆོས་ཉིད་སྤྱན་དང་ལྡན་ནས་ཀྱང་༔ རང་བྱུང་ཡེ་ཤེས་ མཐོང་བར་ཤོག༔ ཨོཾ་བཛྲ་ཙཀྵུ་པྲ་བེ་ཤ་ཡ་ཕཊ༔ དེ་ནས་མཐོང་བ་བསྟན་པ་ནི༔ ཨེ་མ་སྐལ་ལྡན་རིགས་ཀྱི་བུ༔ ཆོས་སྐུ་ཡེ་ཤེས་སྤྲོས་དང་བྲལ༔ རང་བྱུང་ལྷུན་གྲུབ་རོལ་པའི་རྩལ༔ སོར་རྟོགས་ཡེ་ཤེས་དཀྱིལ་འཁོར་བཀོད༔ རིག་བྱེད་ལྷ་མོའི་རྟེན་བརྟེན་པ༔ སྐལ་ལྡན་ཁྱོད་ལ་བསྟན་པ་འདིས༔ ལྷ་དང་སྣང་བ་ཆོས་ཉིད་གསུམ༔ གཞན་ན་མེད་དོ་རང་རིག་ཀློང་༔ ངོ་ཤེས་གདིང་ཐོབ་རྩལ་རྫོགས་མཛོད༔ འདི་ཉིད་མཐོང་བས་བག་ཆགས་དག༔ དངོས་གྲུབ་མ་ལུས་ཐོབ་པར་འགྱུར༔ _UNK་ཛྙཱ་ན་མཎྜ་ལ་པྲ་བེ་ཤ་ཡ་ཨ་ཨ༔ དེ་ནས་དངོས་གཞིའི་དབང་ཞུ་བའི་ཕྱིར་མཎྜལ་ཕུལ་ནས་གསོལ་བ་གདབས་པ་འདི་རྗེས་ཟློས་མཛོད༔ ཀྱེ་ཧོ་མགོན་པོ་ཐུགས་རྗེ་ཅན༔ བདག་ཅག་སྐལ་ལྡན་བུ་མཆོག་ལ༔ དབང་གི་ལྷ་མོའི་དངོས་གཞིའི་དབང་༔ ཡོངས་རྫོགས་གནང་བའི་བཀའ་དྲིན་སྩོལ༔ ལན་གསུམ་མཐར་གདབ་ལན་ནི༔ ཨེ་མ་སྐལ་ལྡན་རིགས་ཀྱི་བུ༔ རྡོ་རྗེ་སློབ་དཔོན་ཐབས་མཁས་པས༔ དབང་རྣམས་ཁྱོད་ལ་བདག་གིས་སྩལ༔ དམ་ཚིག་ཚུལ་བཞིན་བསྲུང་ནུས་སམ༔ བསྒོ་བའི་བཀའ་ལས་མ་འདའ་བར༔ བསྲུངས་ན་ཚེ་འདིར་སངས་རྒྱས་ཐོབ༔ ཉམས་ན་དམྱལ་བར་ལྟུང་ཏ་རེ༔ དེ་བས་དམ་ཚིག་མ་འདའ་སྲུངས༔ བཛྲ་ས་མ་ཡ་ན་ར་ ཨོཾ་ཿ ཀན་ཞེས་བརྗོད་དམ་ཆུ་བླུད༔ དེ་ནས་བུམ་པ་ཐོགས་ལ༔ ཧཱུྃ་ཧྲཱིཿ ཆོས་དབྱིངས་རོལ་པའི་བུམ་པའི་ནང་༔ ཡེ་ཤེས་བདུད་རྩི་བླ་ན་མེད༔ སྐལ་ལྡན་བུ་ལ་དབང་བསྐུར་བས༔ བུམ་པ་སྐུ་ཡི་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་སྐུ་གཟུགས་ཐོགས་ལ༔ ཧཱུྃ་ཧྲཱིཿ ཆོས་སྐུ་སྐྱེ་མེད་ཀུན་བཟང་མོ༔ འགགས་མེད་རང་གདངས་དབང་གི་ལྷ༔ རིག་བྱེད་ཌཱ་ཀྐིའི་དབང་བསྐུར་རོ༔ དངོས་གྲུབ་རྣམ་གཉིས་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨཱཿ དེ་ནས་བདུད་རྩིའི་ཐོགས་ལ༔ ཧཱུྃ་ཧྲཱིཿ གསལ་སྟོང་འགགས་མེད་བྷནྡྷའི་ནང་༔ བརྗོད་བྲལ་རང་གྲོལ་བདུད་རྩིས་བཀང་༔ དབང་གི་ལྷ་མོའི་གསུང་གི་བཅུད༔ སྐལ་ལྡན་བུ་ལ་དབང་བསྐུར་བས༔ བཟླས་པ་ངག་གི་སྒྲིབ་དག་ནས༔ གྲགས་སྟོང་བརྗོད་མེད་དབང་ཐོབ་ཤོག༔ རྩ་སྔགས༔ ཝཱཀྐ་ཨ་བྷི་ཥིཉྩ་ཧཱུྃ༔ དེ་ནས་རིག་མ་ཐོགས་ལ༔ ཧཱུྃ་ཧྲཱིཿ བཅུ་དྲུག་དགའ་སྟེར་མཆོག་གི་ཕོ་ཉ་མོ༔ བདེ་སྟོང་ཡེ་ཤེས་ཆེན་པོ་བསྐྱེད་པའི་གྲོགས༔ སྐལ་ལྡན་རིགས་ཀྱི་བུ་ལ་གཏདཔ་ཡིས༔ འབར་འཛག་དགྲམ་འདྲེན་ཐབས་ལ་དབང་ཐོབ་ནས༔ རྩ་རླུང་ཐིག་ལེའི་སྒྲིབ་པ་ཀུན་དག་ནས༔ བདེ་སྟོང་དགའ་བཞིའི་ཡེ་ཤེས་ སྨིན་པ་དང་༔ འོད་གསལ་སྒྱུ་ལུས་ཟུང་འཇུག་སྐུར་རྫོགས་ནས༔ ཤེས་རབ་ཡེ་ཤེས་དབང་མཆོག་ཐོབ་པར་ཤོག༔ རྩ་སྔགས༔ ཨ་ཧཾ་མ་ཧཱ་སུ་ཁ་བོ་དྷི་ཙིཏྟ་ཨ་བྷི་ཥིཉྩ་ཧྲཱིཿ དེ་ནས་ཤེལ་རྡོ་མེ་ལོང་ཐོགས་ལ༔ ཨ༔ རིགས་པའི་རང་བཞིན་བརྗོད་པ་བྲལ༔ རྣམ་ཐར་གསུམ་ལྡན་སྟོང་པ་ཉིད༔ སྤོས་མཐའ་བརྗོད་བྲལ་འོད་གསལ་ཆེ༔ རང་གསལ་སྐུ་དང་ཡེ་ཤེས་ནི༔ ཆོས་ཉིད་དག་པའི་ཡེ་གདངས་རྫོགས༔ མན་ཤེལ་མེ་ལོང་སྟོང་པའི་མཚོན༔ གསལ་ལ་སྒྲིབ་མེད་བརྡ་ཡི་དབང་༔ སྐལ་ལྡན་བུ་ལ་བསྐུར་བ་ཡིས༔ ལས་རླུང་སེམས་གསུམ་གནས་དག་ནས༔ འོད་གསལ་ཆོས་སྐུར་སྨིན་གྲོལ་ཤོག རྩ་སྔགས༔ ཙིཏྟ་ཨ་བྷི་ཥིཉྩ་ཧཱུྃ༔ ཨ་ཨ་ཨ་ཕཊ༔ དེ་ནས་སྤྲོ་བ་བསྐྱེད་པ་ནི༔ སློབ་བུ་རྡོ་རྗེ་ཆོས་བདུན་གྱིས་བཞུགས་ལ༔ སློབ་དཔོན་གྱིས་འདི་སྐད་གདབ༔ ཨ་ཨ་ཨ༔ དྲག་མ་བཅད་ཐོན་པར་བྱས་ནས་སློབ་བུ་ལ་རྟོག་མེད་དུ་ངོ་སྤྲོད་པ་ནི༔ ཨེ་མ་སྐལ་ལྡན་རིགས་ཀྱི་བུ༔ མ་ཡེངས་མ་ཡེངས་ངང་ལ་ཀློད༔ རང་སེམས་ཆོས་སྐུའི་ངོ་བོར་ལྟོས༔ བལྟ་བྱ་ལྟ་བྱེད་གཉིས་མེད་པ༔ གསལ་སྟོང་ཡེ་རིག་ངང་དུ་སྐྱོངས༔ བློ་འདས་ཆོས་སྐུ་ཆེནཔོ་ནི༔ ནམ་མཁའི་རང་བཞིན་མཐའ་དབུས་མེད༔ གང་ལ་མི་འཇུག་ཡུལ་མི་འཛིན༔ མི་ ཨོཾཿ གནས་མི་འཁྲུལ་མ་རིག་བྲལ༔ དགགྲོལ་གཉིས་ལྡན་རྫོགས་སངས་རྒྱས༔ རང་བྱུང་རིག་པ་དེ་ཀའོ༔ གཞན་ན་མེད་དོ་རིགས་ཀྱི་བུ༔ སྤྲོ་བ་བསྐྱེད་ལ མཉམ་པར་ཞོག༔ ཞེས་བརྗོད་ནས་ཐུགས་ཡིད་བསྲེ༔ དེ་ནས་དབང་རྫས་རྣམ་གསུམ་ཐོགས་ལ༔ ཧཱུྃ་ཧྲཱིཿ བཅོམ་ལྡན་འདས་མ་དབང་གི་ལྷའི༔ ཡོན་ཏན་གསང་རྫས་རིག་གསུམ་གྱིས༔ སྐལ་ལྡན་བུ་ལ་བྱུགས་པ་ཡིས༔ ཁམས་གསུམ་དབང་སྡུད་ཌཱ་ཀྐིའི་རྟེན༔ གང་འདོད་དབང་སྡུད་དབང་ཐོབ་ཤོག༔ ཅེས་བརྗོད་ནས༔ ཧཱུྃ༔ སིནྡྷུ་ར༔ ཨཱཿ མཚལ༔ ཨོཾ༔ ལི་ཁྲི༔ ཡས་རིམ་ནས་ཐིག་ལེ་གནས་གསུམ་དུ་བྱུགས༔ དེ་ནས་མདའ་གཞུ་ཐོགས་ལ༔ ཧཱུྃ་ཧྲཱིཿ ཐབས་ཤེས་བརྡ་མཚོན་ཨུཏྤལ་མདའ་དང་གཞུ༔ སྐལ་ལྡན་རིགས་ཀྱི་བུ་ལ་གཏད་པ་ཡིས༔ བཅོམ་ལྡན འདས་མའི་ཕྲིན་ལས་དབང་ཐོབ་ནས༔ རབ་འབྱམས་ཤེས་བྱའི་ཆོས་ལ་དབང་ཐོབ་ཤོག༔ རྩ་སྔགས༔ སརྦགུ་ཎ་ཨ་བྷི་ཥིཉྩ་ཏྲཱྃ༔ དེ་ནས་ལྕགས་ཞགས་ཐོགས་ལ༔ ཧཱུྃ་ཧྲཱིཿ ཁམས་གསུམ་དབང་སྡུད་ལྕགས་ཀྱི་ཞགས་པ་འདི༔ སྐལ་ལྡན་རིགས་ཀྱི་བུ་ལ་གཏད་པ་ཡིས༔ སྣང་སྲིད་མོས་པ་རྣམ་བཞི་དབང་སྡུས་ནས༔ ཆོས་སྲིད་དཔལ་ལ་རོལ་པའི་དབང་ཐོབ་ཤོག༔ རྩ་སྔགས༔ སརྦགུ་ཎ་ཨ་བྷི་ཥིཉྩ་ཧཱུྃ༔ དེ་ནས་གཏོར་མ་ཐོགས་ལ༔ ཧཱུྃ་ཧྲཱིཿ ཀ་དག་སྤྲོས་བྲལ་གཏོར་གཞོང་དུ༔ ལྷུན་གྲུབ་རང་བྱུང་བ་ལིཾ་ཏ༔ དབང་གི་ལྷ་མོ་སྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་རོ༔ སྒོ་འདིར་འཇུག་པའི་དབང་ཐོབ་ནས༔ དོན་གཉིས་མཛད་པ་མཐར་ཕྱིན་ཤོག༔ རྩ་སྔགས༔ མ་ཧཱ་བ་ལིཾ་ཏ་ཨ་བྷི་ཥིཉྩ་ཧཱུྃ༔ དེ་ནས་བཀའ་དབང་ནི༔ ཧོཿ ཆོས་སྐུ་ཀུན་ཏུ་བཟང་པོ༔ དྲུག་པ་རྡོ་རྗེ་འཆང་ཆེན༔ སྟོན་པ་རྡོ་རྗེ་སེམས་དཔའ༔ གུ་རུ་དགའ་རབ་རྡོ་རྗེ༔ རིག་འཛིན་པདྨ་འབྱུང་གནས༔ གར་དབང་ཀླུ་སྒྲུབ་སྙིང་པོ༔ པཎ་ཆེན་བཞདཔ་རྡོ་རྗེ༔ མཁའ་འགྲོ་ཡེ་ཤེས་མཚོ་རྒྱལ༔ ཀུན་དགའ་སུ་ཁ་སིདྡྷི་ལ་སོགས་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱིས་རྡོ་རྗེའི་སློབ་མ་འདི་རྣམས་ལ་དབང་བསྐུར་བར་མཛད་དུ་གསོལ༔ ཡེ་ཤེས་དང་ཡོན་ཏན་ཐམས་ཅད་རྒྱུད་ལ་བརྟན་པར་མཛད་དུ་གསོལ༔ རིམ་པ་གཉིས་ཀྱི་ལམ་མཐར་ཕྱིན་ནས་སྒྱུ་ལུས་འོད་སྐུར་སྨིན་པར་མཛད་དུ་གསོལ༔ ཚེ་འདིར་བཅོམ་ལྡན་འདས་རིག་བྱེད་ལྷ་མོ་མངོན་སུམ་དུ་འགྲུབ་ནས་ཁམས་གསུམ་སྲིད་གསུམ་འཁོར་འདས་ཐམས་ཅད་དབང་དུ་བསྡུས་ནས་བསྟེན་འགྲོའི་དོན་རླབས་པོ་ཆེ་འགྲུབ་ ཕོུཾ་ཿ ནས་མཐར་ཐུག་གདོད་མའི་མགོན་པོ་འོད་མི་འགྱུར་བའི་གོ་འཕང་ཐོབ་པརགྱུར་ཅིག༔ ཅེས་བརྗོད་གཏོར་མ་གནས་གསུམ་དུ་གཏུག་