Tibetan
དབྱུག་སྔོན་དང་༔ གཤིན་རྗེ་ཤེད་དང་མི་གཡོ་བ༔ རྟ་མགྲིན་འདོད་རྒྱལ་བདུད་རྩི་འཁྱིལ༔ ཁམས་གསུམ་རྒྱལ་དང་སྟོབས་པོ་ཆེ༔ ཀུན་ཀྱང་ཞལ་གསུམ་ཕྱག་དྲུག་པ༔ དང་པོས་རྡོ་རྗེ་ཐོད་ཁྲག་འཛིན༔ འོག་གཉིས་རང་རྟགས་ཕྱག་མཚན བསྣམས༔ ཐ་མས་རི་རབ་ཕུར་པ་འདྲིལ༔ ཞབས་བཞི་གྱད་ཀྱི་འདོར་སྟབས་བསྒྲད༔ དུར་ཁྲོད་ཆས་དང་དཔལ་ཆས་རྫོགས༔ རང་རང་ཡུམ་དང་གཉིས་མེད་འཁྲིལ༔ ཡེ་ཤེས་མེ་དཔུང་འཁྱིལ་ཀློང་བཞུགས༔ ཕྱོགས་མཚམས་ཁྲ་ཐབས་ཟ་གསོད་རྣམས༔ རང་ལས་སྤྲུལ་པའི་ཕོ་ཉ་ནི༔ མགོ་བརྙན་སྣ་ཚོགས་ཕྱག་གཉིས་པ༔ གདུག་པའི་མཚོན་ཆ་སྣ་ཚོགས་ཐོགས༔ སྐུ་མདོག་ཡབ་ཡུམ་ཆ་འཛིན་ཅིང་༔ འགུགས་འདྲེན་གསོད་གཅོད་ལས་ལ་རྔམས༔ སྒོ་བཞིར་སྒོ་བ་ཆེན་མོ་བཞི༔ རང་རྟགས་ཕྱག་མཚན་ཕུར་བུ་འདྲིལ༔ ཡང་སྤྲུལ་ཤྭ་ན་མ་བཞི་དང་༔ སྐྱེས་བུ་གིང་བཞི་བཤན་པ་བཅས༔ རང་རང་སྐུ་མདོག་ཕྱག་མཚན་རྣམས༔ མ་འདྲེས་ཡོངས་རྫོགས་ཆེན་པོ་རུ༔ སྣང་སྟོང་སྒྱུ་མའི་སྐུ་རུ་བསྒོམ༔ དེ་ལྟར་གསལ་བའི་སྤྱི་བོར་ཨོ༔ ཨོཾ་ཿ མགྲིན་པར་ཨཱཿདང་ཐུགས་ཀར་ཧཱུྃ༔ དེ་ལས་འོད་ཟེར་རབ་འཕྲོས་པས༔ དུས་གསུམ་རྒྱལ་བ་སྲས་བཅས་ཀུན༔ འབྲུ་གསུམ་རྣམ་པར་སྤྱན་དྲངས་ནས༔ རང་གི་གནས་གསུམ་ཐིམ་པ་ཡིས༔ རྡོ་རྗེ་གསུམ་གྱི་རོལ་པར་སྨིན༔ སླར་ཡང་འོད་འཕྲོས་རྒྱལ་བ་རྣམས༔ རིགས་ལྔའི་རྣམ་པར་སྤྱན་དྲངས་བསྟིམ༔ དབང་བསྐུར་སྐུ་གང་དྲི་མ་དག༔ ཆུ་ཡི་ལྷག་མ་ཡར་ལུད་པ༔ རིགས་ཀྱི་བདག་པོས་དབུ་བརྒྱན་གྱུར༔ ཨོཾ་སརྦ་ཏ་ཐཱ་ག་ཏ་ཀཱ་ཡ་ཨ་བྷི་ཥིཉྩ་ཨོཾ༔ ཨོཾ་སརྦ་ཏ་ཐཱ་ག་ཏ་ཝཱཀྐ་ཨ་བྷི་ཥེཉྩ་ཨཱཿ ཨོཾ་སརྦ་ཏ་ཐཱག་ཏཙིཏྟ་ཨ་བྷི་ཥིཉྩ་ཧཱུྃ༔ ཨོཾ་ཧཱུྃ་ཏྲཱྃ་ཧྲཱིཿཨཱཿ མཱུྃ་ལཱྃ་མཱྃ་པཱྃ་ཏཱྃ༔ ཨ་བྷི་ཥེཉྩ་ཧྲཱིཿ ཅེས་བརྗོད་གནས་གསུམ་བྱིན་བརླབས་ནས༔ དབང་ལྷ་སྤྱན་དྲང་རིགས་བདག་བསྟིམ༔ སྐུ་གསུམ་མཉམ་སྦྱོར་ཆེན་པོའི་དབྱིངས༔ ཡེ་ཤེས་ལྷ་ཚོགས་སྤྱན་དྲངས་ཕྱིར༔ སྤོས་བསྲེགས་དར་གཡབ་རོལ་མོ་དང་༔ ཐོད་རྔ་རྐང་གླིང་སྙན་དབྱངས་བཅས༔ དང་པོ་སྤྱན་འདྲེན་བྱ་བ་ནི༔ ཧཱུྃ་ཧྲཱིཿ ཆོས་དབྱིངས་འགྱུར་བ་མེད་པའི་ཀློང་དཀྱིལ་ནས༔ ཆོས་སྐུ་ཀུན་བཟང་རིག་རྩལ་རྫོགས་པའི་ལྷ༔ ལོག་འདྲེན་བདུད་བགེགས་འཇོམས་མཛད་ཁྲོ་བོའི་སྐུ༔ དཔལ་ཆེན་རྡོ་རྗེ་གཞོན་ནུ་ཡབ་ཡུམ་སྲས༔ ཁྲོ་བཅུ་ཡབ་ཡུམ་ཟ་གསོད་ཕོ་ཉ་དང་༔ སྒོ་བཞི་ཕུར་སྲུང་དམ་ཅན་རྒྱ་མཚོའི་ ཚོགས༔ གནས་འདིར་སྤྱན་འདྲེན་འཁོར་བཅས་གཤེགས་སུ་གསོལ༔ དམ་སྲི་རྒྱལ་འགོང་འདུལ་ཕྱིར་གཤེགས༴ སྒྲྀབ་པོའི་ཚེ་སྲོག་བསྲིང་ཕྱིར དངོས་གྲུབ་རྣམ་གཉིས་སྩོལ་ཕྱིརཿ དྲག་པོའི་ཕྲིན་ལས་བསྒྲུབ་ཕྱིར༴ དུས་ཀྱི་གཡོ་འཁྲུགས་བཟློག་ཕྱིརཿ རྔམས་བརྗིད་དྲག་པོའི་སྐུ་རུ་ད་བཞེངས་ལ༔ མ་ཐོགས་སྒྲུབ་པའི་གནས་འདིར་གཤེགས་སུ་གསོལ༔ དྲག་པོ་མཐུ་ཡི དངོས་གྲུབ་བསྩལ་དུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་ས་མ་ཡ་ཛ་ཛཿ ཅེས་བརྗོད་ཡེ་ཤེས་ལྷ་ཚོགས་རྣམས༔ གར་དགུའི་ཉམས་རྫོགས་འོད་ཕུང་འབར༔ ཁ་བ་བུ་ཡུག་འཚུབ་བཞིན་བྱོན༔ སྣང་བའི་ཡུལ་ཀུན་གང་བར་བསམ༔ གཉིས་པ་བཞུགས་སུ་གསོལ་བ་ནི༔ ཧཱུྃ་ཧྲཱིཿ དབྱིངས་ནས་དྲངས་པའི་དཀྱིལ་འཁོར་ལྷ་ཚོགས་རྣམས༔ དམ་ཚིག་འཁོར་ལོའི་རྟེན་དང་དབྱེར་མེད་པར༔ ཆུ་ལ་ཆུ་བཞག་ཇི་བཞིན རོ་གཅིག་ཏུ། པད་ཉི་བམ་གྱི་གདན་ལ་གཉིས་མེད་བཞུགས༔ བཛྲ་ས་མ་ཡ་ཛཿ ཏིཥྛ་ལྷན༔ ཅེས་བརྗོད་དམ་ཚིག་ཡེ་ཤེས་གཉིས༔ ཆུ་ལ་ཆུ་བུར་ཐིམ་པ་བཞིན༔ གཉིས་མེད་གསང་གསུམ་རོ་གཅིག་བསམ༔ གསུམ་པ་ཕྱག་འཚལ་ནི༔ ན་མོ༔ རང་བྱུང་ཡེ་ཤེས་བྱང་ཆུབ་སེམས༔ དཀྱིལ་འཁོར་ཀུན་གྱི་ངོ་བོར་གནས༔ ལྷ་དང་རང་སྣང་གཉིས་མེད་པའི་༔ རང་ངོར་རང་ཞལ་མཇལ་ཕྱག་འཚལ༔ ཨོཾ་ཿ ན་མོ་པཱུ་རུ་ཤ་ཡ་ཧོཿ བཞི་པ་མཆོད་པ་བྱ་བ་ནི༔ ཧཱུྃ་ཧྲཱིཿ ཀ་ལས་རིན་ཆེན་བྷནྭྷ་ཡངས་པའི་ནང་༔ ཟག་མེད་འདོད་ཡོན་ལྔ་ལྡན་མཆོད་པ་ནི༔ གཟུང་འཛིན་བདག ལྟའི་རུ་དྲའི་དབང་ཡུལ་དང་༔ ཕུང་ཁམས་སྐྱེ་མཆེད་ལོངས་སྤྱོད་སྣང་ཡུལ་ཀུན༔ རྡོ་རྗེ་ཕུར་པའི་དཀྱིལ་འཁོར་ལྷ་ལ་འབུལ༔ བཞེས་ནས་སྒྲུབ་པའི་རྣལ་འབྱོར་བདག་ཅག་ལ༔ དྲག་པོ་མཐུ་ཡི་དངོས་གྲུབ་སྩོལ་བ་དང་༔ ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ༔ ཨོཾ་བཛྲ་ཀུ་མཱ་ར་ས་པཱ་རི་ཝ་ར་བཛྲ་ཨརྒྷཾ་སོགས ཤཔྡ་རཱུ་པ། ངྷརྨ་པྲ་ཏཱིཙྪ་ཡེ་སྭཱཧཱ༔ མ་ཧཱ་སརྦ་པཉྩ་བ་ལིཾ་ཏ རཀྟ་གུ་ཧྱ་པཱུ་ཛ་ཁཱ་ཧིཿ ཞེས་བརྗོད་རང་ལས་སྤྲུལ་པའི་ལྷ་མོ་རྣམས་ཀྱིས་མཆོད་སྤྲིན་བསམ་གྱིས་མི་ཁྱབ་པ་སྤྲོས་ནས་དཀྱིལ་འཁོར་གྱི་ལྷ་རྣམས་བདེ་སྟོང་ཡེ་ཤེས་ཀྱི་བདུདརྩིས་མཉེས་ནས་གཟི་བྱིན་མཆོག་ཏུ་རྒྱས་པར་བསམ༔ ལྔ་པ་བསྟོད་པ་ནི༔ ཧཱུྃ་ཧྲཱིཿ ཆོས་དབྱིངས་འགྱུར་བ་མེད་པའི་ངང་ཉིད་ལས༔ སངས་རྒྱས་ཀུན་གྱི་སྐུ་གསུང་ཐུགས་ཀྱི་བདག༔ ཆེ་བའི་ཆེ་མཆོག་བཛྲ་ཀུ་མཱ་ར༔ ཕྲིན་ལས་ཡོངས་རྫོགས་དཔལ་ལ་ཕྱག་འཚལ་བསྟོད༔ སྒེག་དཔའ་འཇིགས་སུ་རུང་བ་སྐུ་ཡི་གར༔ རྒོད་གཤེ་དྲག་ཤུལ་ལྡན་པ་གསུང་གི་གར༔ སྙིང་རྗེའི་རྔམས་ཞི་རྫོགས་པ་ཐུགས་ཀྱི་གར༔ གར་དགུའི་ཉམས་རྫོགས་རྡོ་རྗེ གཞོན་ནུར་བསྟོད༔ སྟོང་ཉིད་གདངས་ལས་གང་འདུལ་སྐུར་སྤྲུལ་པ༔ སྣ་ཚོགས་ཐབས་ཀྱིས་འཁོར་འདས་རྒྱས་འདེབས་ཤིང་༔ རྣམ་ཀུན་མཆོག་ལྡན་དོན་གྱི་རྣལ་འབྱོར་མ༔ ཡུམ་ཆེན་འཁོར་ལོ་རྒྱས་འདེབས་ཉིད་ལ་བསྟོད༔ དཔལ་ཆེན་ཡབ་ཡུམ་ཐུགས་ལས་སྤྲུལ་པའི་སྲས༔ ཀཱི་ལ་རིགས་བཞི་ཁྲོ་བཅུ་ཁྲ་ཐབས་དང་༔ སྒོ་མ་བཞི་དང་ཕུར་སྲུང་རྒྱ་མཚོའི་ཚོགས༔ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ ཅེས་བརྗོད་སྐུ་གསུང་ཐུགས་ཀྱི་ལྷ་མོ་ཡིས༔ སྙན་དབྱངས་རོལ་མོ་སོགས་ཀྱིས་བསྟོད་པར་བསམ༔ མཐར་ནི་དེ་དག་རང་གི་ཐུགས་ཀར་བསྡུ༔ རྒྱལ་ཀུན་ཕྲིན་ལས་དབང་རྣམས་རྫོགས་པར་བསམ༔ དྲུག་པ་བཤགས་པ་ནི༔ ཧོཿ རྩ་གསུམ་རྡོ་རྗེ་ཕུར་པའི་ལྷ་ཚོགས་དགོངས༔ བདག་ཅག་མ་རིག་འཁྲུལ་པའི་དབང་འགྱུར་པས༔ སྒོ་གསུམ་མི་དགེའི་ལས་ཀུན་བཟོད་པར་གསོལ༔ མི་སྒྲིབ་ཚངས་པ་མཆོག་གི་དངོས་གྲུབ་སྩོལ༔ ཨོཾ་བཛྲ་སཏྭ་ས་མ་ཡ༔ སོགས། ཨཱཿ ཞེས་བརྗོད་བསྐྱེད་བཟླས་གཡེལ་བ་དང་༔ སྒོ་གསུམ་བག་མེད་ཉེས་ཚོགས་ཀུན༔ བ་མོར་ཉི་ཟེར་ཕོག་པ་ལྟར༔ མ་ལུས་བྱང་ཞིང་དག་སངས་ནས༔ སྒོ་གསུམ་དཀྱིལ་འཁོར་གསུམ་དུ་བསྲེ༔ ལྟ་བ་ལྷ་ཡི་གདིང་ལྡན་བྱ༔ བདུན་པ་འཛམ་དམིགས་གསལ་བ་ནི༔ ཧཱུྃ༔ གཙོ་བོའི་ཐུགས་ཀར་པདྨ་ཉི་མའི་སྟེང་༔ ཡེ་ཤེས་ (ཨོཾ་ཿ སེམས་དཔའ་རྒྱན་མེད་ཚོན་གང་པའི༔ ཐུགས་ཀློང་ཉི་སྟེང་གནམ་ལྕགས་རྡོ་རྗེའི་ལྟེར༔ ཐབས་ཤེས་ཉི་ཟླའི་གྭའུ་ཁ་སྦྱོར་ནང་༔ ཧཱུྃ་མཐིང་ཉིད་ལ་རྩ་བའི་སྔགས ཀྱིས་བསྐོར༔ བཟླས་པས་སྒོ་གསུམ་རྡོ་རྗེ་གསུམ་དུ་སྨིན༔ རྒྱལ་ཀུན་ཕྲིན་ལས་གསང་གསུམ་ཡོངས་འདུས་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ༔ འདི་ནི་རྩ་བའི་བསྙེན་པའོ༔ སྔགས་ཕྲེངགཡས་སུ་མགལ་མེ་ལྟར་འཁོར་ལས༔ འོད་ཟེར་ཁ་དོག་སྣ་ལྔ་ཕྱོགས་བཅུར་འཕྲོས༔ དབྱིངས་བཞུགས་བདེ་གཤེགས་སྲས་བཅས་མཆོད་པས་མཉེས༔ ཐུགས་རྗེ་བྱིན་རླབས་གཟི་བྱིན དབང་དངོས་གྲུབ༔ འོད་ལྔའི་རྣམ་པར་ཚུར་འདུས་རང་ལ་ཐིམ༔ སྒོ་གསུམ་དག་རྫོགས་སྨིན་གསུམ་མཐར་ཕྱིན་ཏེ༔ མཐུ་ནུས་གཟི་བྱིན་རབ་ཏུ་རྒྱས་པ་དང་༔ སྣང་གྲགས་ལྷ་སྔགས་ཆོས ཉིད་ཆེན་པོར་སངས༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ་ཛཿཧཱུྃ་ཨཱཿ འདི་ནི་ཉེ་བར་བསྙེན་པ་སྒྲུབ་པའོ༔ སླར་ཡང་སྔགས་ཕྲེང་མགལ་མེ་ལུག་བརྒྱུད་ལྟར༔ ཡབ་ཡུམ་ཞལ་གསང་བར་བརྒྱུད་མདུན་བསྐྱེད་བསྐུལ༔ དེ་ལས་འོད་འཕྲོསཕྱོགས་བཅུའི་རྒྱལ་རྣམས་ཀྱི༔ ཐུགས་རྗེ་བྱིན་རླབས་ཞིང་དང་གཞལ་ཡས་དང་༔ སྣང་སྲིད་བཅུད་དང་དཔལ་ཡོན་མ་ལུས་པ༔ འོད་ཀྱི་རྣམ་ པར་བསྡུས་ཏེ་བདག་མདུན་ལ༔ ཆུ་ལ་ཆུ་བཞག་ཇི་བཞིན་གཉིས་མེད་གྱུར༔ སྣང་སྲིད་དག་མཉམ་འོད་གསལ་ཆོས་སྐུའི་ངང་༔ ལྷུན་གྲུབ་མི་གནས་བདེ་བ་ཆེན་པོར་ཨ༔ ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀ་ཏཾ་ཀ་ཡེ༔ ཛ་ཡེ་བི་ཛ་ཡེ༔ ཨ་ཛི་ཏེ༔ ཨ་པ་ར་ཛི་ཏེ༔ མཱ་ར་སེ་ན་པྲ་མརྡྡྷ་ན་ཡེ་སརྦ་བིགྷྣན་བཾ་ཧཱུྃ་ཕཊ༔ འདི་ནི་སྒྲུབ་པ་ཆེན་པོའོ༔ བདག་མདུན་རྡོ་རྗེ་གཞོན ནུ་ཡབ་ཡུམ་གྱིས༔ སྐུ་ལས་འོད་དང་འོདཕུང་རབ་འཕྲོས་པས༔ ལས་བྱེད་ཕོ་ཉ་བྱ་ཁྱུང་ལྕགས་སྡིག་སོགས༔ སྐར་ལྟར་འཁྲིགས་ནས་སྣང་སྲིད་བར་མེདགང་༔ གཟུགས་ཅན་གཟུགས་མེད་དགྲ་བགེགས་གནོད་བྱེད་དང་༔ ཚེ་བསོད་བར་གཅོད་གདོན་བགེགས་མ་ལུས་ཀུན༔ ཐལ་བའི་རྡུལ་བཞིན་རྗེས་ཤུལ་མེད་པར་བརླག༔ ཤ་ཁྲག་སྲོག་དབུགས་ནང་རོལ་བཅས་པ་ཀུན༔ བྲ་བྱེད་ཕོ་ཉའི་ཚོགས་ཀྱིས་ལྷག་མེད་རོལ༔ འཁྲུལ་མི་ཤེས་པའི་དབྱིངས་སུ་གྲོལ་ཐོབ་ནས༔ ཕྲིན་ལས་རྣམ་བཞི་ལྷུན་གྱིས་གྲུབ་པར་བསམ༔ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣན་བཾ་ཧཱུྃ་ཕཊ༔ གནོད་བྱེད་སརྦ་ཤ་ཏྲུཾ་མཱ་ར་ཡ་ཕཊ༔ འདི་ནི་ལས་སྦྱོར་རིམ་པའོ༔ མན་ངག་སྤུ་གྲིའི་སྔགས་གཟེར་གདབ༔ འདི་ཡིས་ལྷ་སྲིན་བྲན་ཁོལ་ནས༔ བར་ཆད་གཡུལ་ལས་རྒྱལ་བར་འགྱུར༔ ཟླ་བ་དྲུག་ཏུ་བཟླས་བསྒྲུབ་བྱ༔ མཆོག་གི་ ཨོཾ་ཿ རིག་འཛིན་སར་གཤེགས་ནས༔ དངོས་གྲུབ་རྣམ་གཉིས་ཐོབ་པར་ངེས༔ སྲོག་གི་རིག་པ་བྱང་ཆུབ་སེམས༔ འགྱུར་བ་མེད་པ་ཆོས་ཀྱི་སྐུ༔ སྡོམ་ནི་འཁོར་དང་བཅས་པ་སྟེ༔ མཐའ་གྲོལ་ཀློང་ཡང་ལྟ་བའོ༔ སྡོམ་བྱེད་གཟེར་བཞིའི་མན་ངག་ནི༔ སྣང་རྟོག་ལྷ་ཡི་ཕྱག་རྒྱ་རུ༔ ཤེས་པ་གསལ་བའི་གཟེར་དང་ནི༔ སྒྲ་གྲགས་ཐམས་ཅད་སྔགས་ཀྱི་སྒྲ༔ རླུང་སྔགས་དབྱེར་མེད་སྔགས་ཀྱི་གཟེར༔ དྲན་རྟོག་འོད་གསལ་ཆོས་སྐུའི་ངང་༔ འགྱུ་འཕྲོ་ཡེ་ཤེས་ཕྲིན་ལས་གཟེར༔ ཡེ་ནས་མ་བཙལ་ལྷུན་གྱིས་འགྲུབ༔ འདི་དོན་ཚུལ་བཞིན་ཤེས་གྱུར་ན༔ བསྐྱེད་རྫོགས་རྣམ་གྲངས་མང་མི་དགོངས༔ འདི་ཡིས་དངོས་གྲུབ་མ་ལུས་ཐོབ༔ ཐེ་ཚོམ་མེད་དོ་ས་མ་ཡ༔ ཨེ་མ་གསང་བ་ལས་ཀྱང་ཆེས་གསང་བ༔ ཡང་ཟབ་སྒྲུབ་པ་ཀུན་གྱི་སྙིང་པོ་མཆོག༔ པྲ་བྷ་ཧསྟིའི་ཐུགས་ཀྱི་ཡང་སྙིང་འདི༔ པདྨ་སཾ་བྷས་གཅེས་པའི་ནོར་བཞིན་དུ༔ ཁོ་མོ་མཚོ་རྒྱལ་བདག་ལ་གནང་བ་ཡི༔ སྙིང་མིག་སྲོག་ལས་ཕོང་བ་ཆེར་ཟབ་ཀྱང་༔ ཞི་བ་རྡོ་རྗེ་མཚོ་ཡི་ཐུགས་དམ་མཛོད༔ ད་དུང་མ་སྤེལ་རིན་ཆེན་གཏེར་དུ་སྦོས༔ མ་འོངས་སྙིགས་དུས་ཉི་ཤུ་ཁ་རལ་དུས༔ ཆོས་སྒྲུབ་ཉུང་ཞིང་དམ་མེད་ལུང་པ་གང་༔ མདོ་སྔགས་གཉིས་ཀྱི་ཆོས་ལ་རྩོད་གཞི་བྱེད༔ ཆོས་སྤང་ལས་ངན་སཔྟའི་དབང་སོང་ནས༔ སྔགས་ལ་གཤེ་ཞིང་དཀོར་ལ་རྩི་བཞིན་མཐོང་༔ སྒྲུབ་པའི་དབེན་གནས་བྱ་མུ་ཏོ སྤྱང་རྔོན་པ་ཕག་བུད་མེད་གིས་འཛིན༔ དགེ་སློང་ཁྲིམས་ཉམས་ཁྱིམ་པའི་ཁྲོད་དུ་འགྲིམ༔ སྔགས་པས་དམ་ཉམས་བསྐྱེད་རྫོགས་རླུང་ལ་√MZZ བསྐུར༔ སྐྱེ་བོས་མནའ་ཟ་རྫུན་ཇག་ལས་ལ་བརྩོན༔ ཡུལ་མི་རྣམས་ཀྱི་ཆ་ལུགས་མ་ངེས་པ༔ ཧོར་ཉག་རྒྱ་དང་སྲིན་པོའི་ཆས་གོས་བྱེད༔ དགོན་མཆོག་རྒྱབ་སྟོན་ཕུང་རྫས་སྐྱབས་སུ་འཚོལ༔ རང་བྱ་ལས་ཀྱི་རྣམ་སྨིན་དུ་སྨིན་ནས༔ ས་ལ་འབྲུ་མེད་ནམ་ཟླའི་དྲོད་མི་སྙོམས༔ དབྱར་དགུན་གོ་ལྡོག་བཟའ་ཤིང་བཅུད་མི་འཕེལ༔ འགྲོ་རྣམས་འབུལ་ཞིང་རོང་ཚོ་སྤྱང་ལྟར་འཁྱམས༔ སྟོད་ཀྱི་ཁུ་འཕང་སྨད་དུ་ངོམས་པའི་ཚེ༔ མི་བདེའི་སྡུག་བསྔལ་རིན་གྱིས་ཉོས་འདྲ་འོང་༔ དེ་དུས་ཆོས་སྒྲུབ་བུ་ལ་བར་ཆད་མང་༔ རང་ཉིད་བདུད་ཀྱིས་བསླུས་ནས་ཆོས་ལས་ལོག༔ ཉེ་འབྲེལ་བདུད་དུ་བབས་ནས་ཆོས་ལས་ལོག༔ བུད་མེད་བདུད་དུ་བབས་ནས་ཆོས་ལས་ལོག༔ ཕ་མ་བདུད་དུ་བབས་ནས་ཆོས་ལས་ལོག༔ ལོངས་སྤྱོད་བདུད་དུ་བབས་ནས་ཆོས་ལས་ལོག༔ གནས་ཁང་བདུད་དུ་བབས་ནས་ཆོས་ལས་ལོག༔ ཡུལ་སྤྱོད་བདུད་དུ་བབས་ནས་ཆོས་ལས་ལོག༔ ལོག་པ་བདུད་ཀྱི་བསྟན་པ་དར་བའི་ཚེ༔ ཟབ་ཆོས་འདི་ཉིད་ཡིད་བཞིན་ནོར་ལས་ལྷག༔ དེ་དུས་ང་སྤྲུལ་ང་དང་གཉིས་མེད་པ༔ ཞི་བ་རྡོ་རྗེ་མཚོ་ཡིས་ཆོས་འདི་བཏོན༔ འདིར་འཕྲདཆོས་སྒྲུབ་སྐྱེས་བུའི་བར་ཆད་སེལ༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ བཀའ་སྲུང་དྲེགས་པ་རྣམ་གསུམ་གཉེར་གྱིས་ཤིག༔ དམ་ཉམས་ལག་ཏུ་མ་ཤོར་ཨ་ཐཾ་རྒྱ༔ ས་མ་ཡ༔ ཟབ་རྒྱ༔ གསང་རྒྱ༔ གཏེར་རྒྱ༔ སྦས་རྒྱ༔ གཏད་རྒྱ༔ བརྡ་ཐིམ༔ ཅེས་པ་འདི་ཡང་རང་ལོ་ཞེ་གཅིག་ལོར་མཁའ་འགྲོ་རལ་གྲི་འབར་མས་8 ཨོཾ་ཿ གཏེར་དཔེ་དངོས་སུ་གནང་བ་ལ་བརྟེན་ནས་བརྡ་ཇི་བཞིན་པར་མ་ཁྲོལ་ཡང་རྟེན་འབྲེལ་གྱི་ཆེད་དུ་ཉེ་གནས་ཤཱི་ལ་བཛྲ་གྱིས་གཙོས་བུ་སློབ་ཆོས་བདག་རྣམས་ཀྱི་ཚེ་འཕྲང་སེལ་བའི་ཕྱིར་དུ་སེར་དགོན་དབེན་ཁྲོད་འོད་གསལ་དགའ་བའི་ལྗོངས་ཤོད་ནས་སྐྱེས་དམན་བདེ་བའི་རྡོ་རྗེས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། TI1396-031 TI1396-032 ་ལ་ཚས་ཚེ་སྨོལ་ཐོས་གྱི་ང་ཨོཾ་ན་མོ་པདྨ་ཀཱ་ར་ཡེ༔ གདོད་ནས་རྣམ་དག་ཆོས་ཀྱི་སྐུ༔ ལྷུན་གྲུབ་སྐུ་དང་ཡེ་ཤེས་རྫོགས༔ གང་འདུལ་ཐུགས་རྗེས་འགྲོ་རྣམས་འདུལ༔ མཚོ་སྐྱེས་རྡོ་རྗེ་འཆང་ལ་འདུད༔ མ་འོངས་སྙིགས་མ་སྙིགས་མའི་དུས༔ ཆོས་སྒྲུབ་དམན་ཅིང་བདུད་བསྟན་དར༔ དུ་རུ་ཀ་ཡིས་བོད་འབང་འཕུང་༔ ཆོས་བཞིན་སྤྱོད་པ་ཉིན་སྐར་ཙམ༔ དེ་ཕྱིར་ཁོ་མོ་མཚོ་རྒྱལ་ངས༔ རྗེས་འཇུག་སྐྱེས་བུའི་དོན་ཆེད་དུ༔ ཟབ་སྒྲུབ་བར་ཆད་ཀུན་སེལ་བསྟན༔ སྐལ་ལྡན་བུ་ཡིས་ཉམས་སུ་ལོངས༔ ས་མ་ཡ༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ རྩ་གསུམ་ཀུན་འདུས་རྡོ་རྗེ་ཕུར་པའི་ལྷར༔ བདག་སོགས་འགྲོ་ཀུན་གུས་པས་སྐྱབས་སུ་མཆི༔ མ་གྱུར་འགྲོ་རྣམས་སངས་རྒྱས་ལ་འགོད་ཕྱིར༔ བདག་གིས་སྨོན་འཇུག་བྱང་ཆུབ་ རྒྱ༥& ༡་O ༧2༡ ཨོཾཿ སེམས་བསྐྱེད་དོ༔ ལན་གསུམ་བརྗོད༔ ཧཱུྃ༔ ང་ནི་རིག་པ་དོན་གྱི་ལྷ༔ གཉིས་སྣང་འཁྲུལ་པ་དབྱིངས་སུ་བཤིག༔ མི་ཤིགས་རྡོ་རྗེ་སྲུང བའི་གུར༔ ཡོངས་གྲུབ་ཆེན་པོར་ལྷུན་གྱིས་གྲུབ༔ ཨུ་ཙ་ཏ་ཡ་ཕཊ༔ བཛྲ་རཀྵ་རཀྵ་བྷྲཾ༔ ཧཱུྃ༔ སྐུ་གསུམ་ཡེ་ཤེས་དཀྱིལ་འཁོར་ལྷའི༔ དབང་བྱིན་དངོས་གྲུབ བྱིན་ཆེན་ཕོབས༔ སྣོད་བཅུད་དག་པ་རབ་འབྱམས་སུ༔ མཆོད་པའི་རྫས་སུ་བྱིན་གྱིས་རློབས༔ ཕེཾ་ཛ་ཨ་བེ་ཤ་ཡ་ཨ༔ མ་ཧཱ་སརྦ་པཱུ་ཛ་ཧོཿ ས་མ་ཡ༔ ཤུདྡྷེ ཨ༔ གཉིས་པ་དངོས་གཞི་ལྷ་བསྐྱེད་ནི༔ ཨ༔ ཆོས་རྣམས་རང་བཞིན་རྣམ་པར་དག༔ སྟོང་ཞིང་བདག་མེད་དེ་བཞིན་ཉིད༔ འགགས་མེད་རང་གསལ་ཀུན་ཏུ་སྣང་༔ ཐུགས་རྗེའི་ཡེ་ཤེས་སྙིང་རྗེའི་རྩལ༔ རིག་པ་རྒྱུ་ཡི་ཡི་གེར་ཤར༔ དེ་ལས་འོད་ཟེར་རབ་འཕྲོས་པས༔ འབྱུང་ལྔ་རིམ་བརྩེགས་རི་རབ་དང་༔ མི་འཇིག་རྡོ་རྗེའི་བྲག་ཆེན་སྟེང་༔ ཡེ་ཤེས་ལས་གྲུབ་སྲུང་གུར་དབུས༔ ཧཱུྃ་ལས་བྷྲཾ་འཕྲོས་ཡོངས་གྱུར་པ༔ རབ་འཇིགས་དྲག་པོའི་གཞལ་ཡས་ཁང་༔ ཚད་དང་མཚན་ཉིད་ཡོངས་རྫོགས་པ༔ རང་བྱུང་ལྷུན་གྲུབ་ཆེན་པོར་རྫོགས༔ དེ་དབུས་འཁོར་ལོ་རྩིབས་བརྒྱད་སྟེང་༔ བྱོལ་སོང་གཙོ་བརྒྱད་ཀྱིས་བཏེགས་ཁྲིར༔ སྐྱོན་བྲལ་པད་ཟླ་ཉི་མ་དང་༔ ལོག་འདྲེན་བདུད་བགེགས་བསྣོལ་བའི་སྟེང་༔ དབྱིངས་ནས་ས་བོན་གདན་ལ་བབས༔ འོད་ཟེར་འཕྲོ་འདུས་དོན་གཉིས་བྱས༔ ཚུར་འདུས་ཡོངས་སུ་གྱུར་པ་ལས༔ རིག་པ་ཆོས་ཉིད་དོན་གྱི་ལྷ༔ དཔལ་ཆེན་རྡོ་རྗེ་གཞོན་ནུའི་སྐུ༔ ཞལ་གསུམ་ཕྱག་དྲུག་ཞབས་བཞི་བགྲད༔ གཡས་དཀར་དབུས་མཐིང་གཡོན་ཞལ་དམར༔ སྤྱན་དགུ་སྡང་མིག་གཡོ་ཞིང་འཁྲུགས༔ ཞལ་གདངས་ལྗགས་འདྲིལ་མཆེ་བ་གཅིག༔ སྨ་ར་སྨིན་མར་མེ་འོད་འཕྲོ༔ དབུ་སྐྲ་ཁམ་ནག་གྱེན་དུ་འཁྱིལ༔ ཐོད་སྐམ་ལྔ་ཡི་དབུ་རྒྱན་དང་༔ སྙན་གཉིས་ཉི་མ་ཟླ་བས་བརྒྱན༔ ཕྱག་དྲུག་གཡས་གཉིས་གསེར་རྡོ་རྗེ༔ རྩེ་དགུ་དང་ནི་རྩེ་ལྔ་གདེང་༔ གཡོན་གཉིས་མེ་དཔུང་ཁ་ཊཱཾ་འཛིན༔ ཐ་གཉིས་གནམ་ལྕགས་ཕུར་བུ་འདྲིལ༔ ཞབས་བཞི་གྱད་ཀྱི་ ཨཱོཾཿ འདོར་སྟབས་མཛད༔ དུར་ཁྲོད་དཔལ་ཆས་སྐུ་ལ་རྫོགས༔ ཡེ་ཤེས་མེ་དཔུང་འཁྲིགས་པའི་ཀློང་༔ སྣང་ལ་རང་བཞིན་མེད་པའོ༔ སྦྱོར་ཡུམ་འཁོར་ལོ་རྒྱས་འདེབས་མ༔ མཐིང་སྐྱ་ཞལ་གཅིག་ཕྱག་གཉིས་པ༔ ཁ་ཊཱཾ་དང་ནི་ཐོད་ཁྲག་འཛིན༔ སྤྱན་གསུམ་སྐུ་གསུམ་དབྱིངས་སུ་གཟིགས༔ ཞལ་གདངས་ལྗགས་འདྲིལ་སྨར་སྨིན་འཁྱིལ༔ སྐུ་ལ་ཁྲོ་མོའི་ཆས་ཀུན་རྫོགས༔ ཞབས་གཡོན་ཡབ་ཀྱི་སྐུ་ལ་འཁྲིལ༔ གཡས་བརྐྱངས་ཏི་རའི་གདན་ལ་བརྫིས༔ ཞལ་སྦྱོར་དྲག་པོའི་གད་རྒྱངས་སྒྲོགས༔ གཙོ་བོའི་སྤྱི་བོར་བྱ་ཁྱུང་གི༔ རྭ་བར་མི་བསྐྱོད་ཡབ་ཡུམ་ཤར༔ གནས་ལྔ་རྩ་ཡི་འཁོར་ལོ་རུ༔ ཁྲག་འཐུང་ཀཱི་ལ་རིགས་ལྔ་ནི༔ ཞལ་གསུམ་ཕྱག་དྲུག་ཁྲོ་ཆས་རྫོགས༔ སྐུ་སྨད་ཕུར་བུའི་དབལ་དང་ལྡན༔ ཕྱི་རིམ་གནམ་ལྕགས་རྩིབས་འཁོར་དང་༔ གཉིས་སྣང་བདུད་བགེགས་བསྣོལ་བའི་སྟེང་༔ སྐུ་གསུང་ཐུགས་ལས་སྤྲུལ་པ་ཡི༔ སྲས་དང་ཁྲོ་བཅུ་ཟ་གསོད་དང་༔ དབང་ཕྱུག་བསྟན་མ་མིང་སྲིང་ཚོགས༔ ཕུར་སྲུང་དམ་ཅན་རྒྱ་མཚོ་བཅས༔ མ་འདྲེས་ཡོངས་རྫོགས་ཆེན་པོ་བསྐྱེད༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་རྒྱལ་བ་རྣམས༔ རྡོ་རྗེ་གཞོན་ནུའི་རྣམ་པ་རུ༔ གནས་འདིར་སྤྱན་འདྲེན་གཤེགས་སུ་གསོལ༔ དམ་ཚིག་ཡེ་ཤེས་གཉིས་ མེད་པར༔ རོ་གཅིག་ཆོས་སྐུའི་ཀློང་དུ་བཞུགས༔ ལྷ་ཉིད་རང་ལ་རང་ཉིད་ལྷ༔ མངོན་གྱུར་ཆེན་པོར་ཡེ་ཕྱག་འཚལ༔ བཛྲ་ས་མ་ཡ་ཛཿ ཏིཥྛ་ལྷན༔ ན་མོ་ཧོཿ ཨོཾ༔ དབྱིངས་དང་ཡེ་ཤེས་གཉིས་མེད་རྩལ༔ བཀོད་པ་རབ་འབྱམས་མཆོད་པའི་རྫས༔ ཡོངས་གྲུབ་རིག་པའི་རྒྱན་དུ་ཤར༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ བཞེས་ནས་མཆོག་གི་དངོས་གྲུབ་སྩོལ༔ ཛྙཱ་ན་མ་ཧཱ་སརྦ པཉྩ་པཱུ་ཛ་ཁཱ་ཧི༔ ཨོཾ་ཨརྒྷཾ་ཿ སོགས་ཕྱི་ནང་གསང་མཆོད་སྦྱོར་སྒྲོལ་སྔགས་ཀྱིས་མཆོད༔ ཧཱུྃ༔ ཆེ་བའི་ཆེ་མཆོག་འཇིགས་བྱེད་ཧེ་རུ་ཀ༔ གར་དགུའི་ཉམས་རྫོགས་གཏུམ་དྲག་འབར་བའི་སྐུ༔ བདུད་བགེགས་ལོག་འདྲེན་མ་ལུས་འདུལ་མཛད་པ༔ ཁྲོ་རྒྱལ་རྡོ་རྗེ་གཞོན་ནུ་ཡབ་ཡུམ་དང་༔ ཀཱི་ལ་རིགས་ལྔ་སྐུ་གསུང་ཐུགས་ཀྱི་སྲས༔ ཁྲོ་བཅུ་ཡབ་ཡུམ་ཟ་གསོད་ཕོ་ཉ་དང་༔ དབང་ཕྱུག་བསྟན་མ་ཕུར་སྲུང་དམ་ཅན་སོགས༔ དཀྱིལ་འཁོར་ཡོངས་རྫོགས་ལྷ་ལ་ཕྱག་འཚལ་བསྟོད༔ བདག་ཉིད་ཕུར་པ་སྒྲབ་པའི་རྣལ་འབྱོར་ལ༔ བགེགས་དང་ལོག་འདྲེན་བར་ཆད་མི་འབྱུང་ཞིང་༔ བསྐྱེད་རྫོགས་རིམ་གཉིས་འབྲས བུ་མཐར་སོན་ནས༔ འཕོ་མེད་ཕྱག་རྒྱ་ཆེན་པོའི་སྐུ་འགྲུབ་ཤོག༔ གཙོ་བོའི་ཐུགས་ཀར་པད་ཉིའི་གདན་ལ་ཡེ་ཤེས་སེམས་དཔའ་ཚོན་གང་བ་ཞལ་གཅིག་ཕྱག་གཉིས་རྡོར་དྲིལ་བསྣོལ་སྟབས་སུ་འཛིན་ཅིང་ཞབས་རྡོ་རྗེ་སྐྱིལ་མོ་ཀྲུང་དུ་ ཨོཾ་ཿ བཞུགས་པའི་ཐུགས་ཀར་ཉི་མའི་གདན་ལ་གནམ་ལྕགས་ཀྱི་རྡོ་རྗེ་རྩེ་དགུ་པ་གྱེན་བསླང་དུ་ཡོད་པའི་ལྟེ་བར་ཉི་ཟླའི་གྭའུ་ཁ་སྦྱོར་གྱི་ནང་དུ་ཐུགས་སྲོག་ཧཱུྃ་ཡིག་མཐིང་ནག་གི་མཐར་གསང་བའི་སྙིང་པོ་འབྲུ་དགུ་པ་གཡས་སུ་བསྐོར་བར་བསྒོམས་ལ༔ ཧཱུྃ༔ བདག་ཉིད་རྡོ་རྗེ་གཞོན་ནུའི་ཐུགས་ཀ་རུ༔ ཡེ་ཤེས་སེམས་དཔའ་རྒྱན་མེད་འོད་ཕུང་འབར༔ ཐུགས་ཀར་ཉི་སྟེང་གནམ་ལྕགས་ཀྱི༔ རྡོ་རྗེ་རྩེ་དགུའི་ལྟེ་བ་རུ༔ ཉི་ཟླའི་གའུ་ཁ་སྦྱོར་དབུས༔ ཐུགས་སྲོག་ཧཱུྃ་ཡིག་མཐའ་བསྐོར་དུ༔ རྩ་བའི་སྔགས་ཀྱིས་གཡས་སུ་འཁོར༔ འོད་ཟེར་འཕྲོ་