Tibetan
ཐུགས་ཐིག་ཡང་ཟབ་སྙིང་པོ་འདི༔ དུས་གསུམ་ཀུན་མཁྱེན་རྒྱལ་སྲས་སྤྲུལ་པའི་སྐུ༔ དངོས་གྲུབ་མཆོག་བརྙེས་པདྨ་ཐོད་ཕྲེང་ལ༔ ཁོ་མོ་མཚོ་རྒྱལ་བདག་གིས་གུས་བཏུད་དེ༔ ཕྱི་རབས་རྗེས་འཇུག་སྨིན་གྲོལ་ལམ་འགོད་ཕྱིར༔ དབང་བཞིའི་ཆུ་བོ་བདག་ལ་སྩོལ་དུ་གསོལ༔ ཞེས་གསོལ་གསེར་གྱི་མཎྜལ་གཡུ་ཚོམ་བཀོད༔ ག་ཎའི་མཆོད་པ་འབྱོར་ཚོགས་ཡིད་འོང་དང་༔ ལུས་དབང་རི་རབ་གླིང་བཞིའི་ཚུལ་དུ་ཕུལ༔ མ་ཧཱ་གུ་རུ་དགྱེས་བཞིན་འདི་སྐད་བསྩལ༔ སྣོད་ལྡན་ཌཱ་ཀི་ཡེ་ཤེས་མཚོ་རྒྱལ་མ༔ ཕྱི་རབས་དོན་དུ་འདི་ལྟར་བསྐུལ་བ་ལེགས༔ བིཏྟོ་མའི་བཅུད་ཕྱུངས་སྙིང་པོ་འདི༔ ཨ་ཙརྻ་དང་ཌཱ་ཀི་ཁྱོད་ལ་གདམས༔ རང་ཉམས་ལོངས་ལ་སྒྲུབ་རྟགས་ཐོན་པར་མཛོད༔ ཕྱི་རབས་དོན་དུ་རིན་ཆེན་གཏེར་དུ་སྦོས༔ མ་འོངས་ལས་འཕྲོ་ཅན་དང་འཕྲད་པར་སྨོན༔ ཞེས་གསུང་གུ་རུའི་ཐུགས་བཅུད་གདམས་པ་འདི༔ ཨ་ཙརྻ་ཡིས་ཡི་གེའི་རིས་སུ་བཀོད༔ མདོ་ཁམས་འབྲི་རྫོང་མཁའ་འགྲོའི་གསང་ཕུག་ཏུ༔ སེང་གེ་གནམ་མཆོང་བྲག་གི་མགུལ་དུ་སྦས༔ མ་འོངས་ལས་ཅན་གཅིག་དང་འཕྲད་པར་ཤོག༔ འཕྲད་ནས་འགྲོ་དོན་དཔག་མེད་བྱུང་བར་ཤོག༔ བཀའ་སྲུང་དྲེགས་པའི་ཚོགས་ཀྱིས་གཉེར་གྱིས་ཤིག༔ དམ་ཉམས་ལག་ཏུ་མ་ཤོར་ཐུབ་པར་སྲུངས༔ ས་མ་ཡ༔ ཟབ་རྒྱ༔ གསང་རྒྱ༔ གཏེར་རྒྱ༔ གཏད་རྒྱ༔ སྦས་རྒྱ༔ བརྡ་ཐིམ༔ ༔ ཅེས་པའང་རྟེན་འབྲེལ་བརྡས་བསྐུལ་ཚེ་ཀུན་བཟང་ཆོས་ཉིད་བདེ་སྐྱོང་དབང་མོས་སེར་དགོན་དབེན་གནས་མཚམས་ཁྲོད་ འོད་གསལ་ལྗོངས་ནས་ཉམས་ཆོས་ཡིག་རིས་སུ་བགྱིས་པའོ། །དགེའོ། །དགེའོ།། །། 30 སུ་ཁ་བཛྲ་ཕུར་སྒྲུབ་སྐོར་TI1396-134 TI1396-134 ༦༤༡ ཧོཿ ཆོས་ཉིད་མཁའ་འགྲོའི་ཐུགས་ཏིག་ལས༔ བརྒྱུད་པའི་གསོལ་འདེབས་བྱིན་རླབས་མཆོག་སྟེར་བཞུགས༔ ན་མོ་གུ་རུ་དྷེ་ཝ་ཌཱ་ཀི་ཡེ༔ དད་དང་མོས་གུས་ལྡན་པ་ཡི༔ རིགས་ཅན་སྐྱེས་བུ་གང་སུ་དག༔ རིམ་གཉིས་གྲུབ་འབྲས་མངོན་འགྱུར་ཕྱིར༔ སྒོ་གསུམ་མི་ཕྱེད་དད་པ་ཡིས༔ སྐུ་གསུམ་བརྒྱུད་པའི་བླ་མ་ལ༔ གསོལ་འདེབས་དབང་བྱིན་བསྐུལ་བ་ནི༔ གདུང་བའི་དབྱངས་ཀྱིས་འདི་སྐད་བརྗོད༔ ཨེ་མ་ཧོཿ ཀ་དག་སྤྲོས་པ་བྲལ་བའི་ཕོ་བྲང་ནས༔ ཆོས་སྐུའི་སྟོན་པ་ཀུན་བཟང་ཡབ་ཡུམ་ལ༔ གསོལ་བ་འདེབས་སོ་བདག་རྒྱུད་སྨིན་གྲོལ་ནས༔ གཞོན་ནུ་བུམ་སྐུར་གྲོལ་བར་བྱིན་གྱིས་རློབས༔ ངེས་པ་ལྔ་ལྡན་ལྷུན་གྲུབ་གཞལ་ཡས་ནས༔ ལོངས་སྐུའི་སྟོན་པ་རིགས་ལྔ་ཡབ་ཡུམ་ལ༔ གསོལ་བ༴ མཐའ་བྲལ་ལོངས་སྤྱོད་རྫོགས་སྐུར་བྱིནཿ མི་མཇེད་འཇིག་རྟེན་དག་པའི་ཞིང་ཁམས་ནས༔ སྤྲུལ་སྐུའི་སྟོན་པ་རིགས་གསུམ་འགྲོ་བའི་མགོན༔ གསོལ་བ༴ གང་འདུལ་སྤྲུལ་པའི་སྐུ་རུ་བྱིནཿ རྔ་ཡབ་ཟངས་མདོག་དཔལ་རིའི་གཞལ་ཡས་ནས༔ བརྒྱུད་གསུམ་ཆུ་བོ་གཅིག་འདྲེས་པདྨ་འབྱུང་༔ གསོལ་བ༴ དགོངས་བརྒྱུད་བྱིན་རླབས་འཕོ་བར་བྱིན་གྱིས༴ གནས་ཡུལ་དུར་ཁྲོད་མཁའ་སྤྱོད་ཡོངས་ཀྱི་གཙོ༔ ཌཱ་ཀིའི་རྗེ་མོ་ཡེ་ཤེས་མཚོ་རྒྱལ་ལ༔ གསོལ་བ༴ སྒྱུ་ ལུས་འོད་སྐུར་གྲོལ་བར༔ གདན་གསུམ་རྣམ་དག་སྐུ་ཡི་དཀྱིལ་འཁོར་ནས༔ ཡེ་ཤེས་ལྔ་རྫོགས་ཐོད་ཕྲེང་སྡེ་ལྔ་ལ༔ གསོལ་བཟ བདེ་སྟོང་ཕྱག་རྒྱ་ཆེན་པོར་བྱིན་དབྱིངས་དང་ཡེ་ཤེས་མཉམ་སྦྱོར་ཀློང་ཡངས་ནས༔ སྒྱུ་འཕྲུལ་ཌཱཀི་འབུམ་ཕྲག་མཁའ་འགྲོའི་ཚོགས༔ གསོལ་བ༴ སྐུ་གསུམ་ཡེ་ཤེས་འཆར་བར་བྱིན་ཕྲིན་ལས་རྣམ་བཞི་ལྷུན་གྲུབ་གཞལ་ཡས་ནས༔ སྒོ་སྐྱོང་སྡེ་བཞི་བཀའ་སྲུང་དམ་ཅན་ལ༔ གསོལ་བ་འདེབས་སོ་ཕྱི་ནང་བར་ཆད་སེལ༔ ཚེ་སྒྲུབ་མཐར་ཕྱིན་ཡང་དག་དོན་ལྡན་ཅིང་༔ འཁོར་བ་དོང་སྤྲུགས་ནུས་པའི་དཔལ་ཐོབ་ནས༔ དོན་གཉིས་ལྷུན་གྲུབ་སྐུ་གཉིས་ཐོབ་པར་ཤོག༔ དེ་ལྟར་མོས་གུས་དྲག་པོ་ཡིས༔ གསོལ་འདེབས་འདི་ལ་བརྩོན་གྱུར་ན༔ བྱིན་རླབས་རྒྱུད་ལ་འཇུག་པར་ངེས༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ གཏེར་རྒྱ༔ སྦས་རྒྱ༔ བརྡ་ཐིམ༔ ༔ ཅེས་པ་འདི་ཡང་ཐབས་གྲོགས་པདྨ་གར་གྱི་དབང་ཕྱུག་གི་བཞེད་སྐོང་དུ་ཀུན་བཟང་བདེ་སྐྱོང་དབང་མོས་ཉམས་ཆོས་ཡིག་རིས་སུ་བྲིས་པའོ། །དགེའོ།། །། ་010 ཆོས་ཉིད་མཁའ་འགྲོའི་ཐུགས་ཏིག་ལས༔ ཌཱ་ཀིའི་ཐུགས་ཀྱི་སྒྲུབ་པ་དངོས་གྲུབ་བུམ་བཟང་བཞུགས༔ ལ་ཐོས་ཀྱི་ཧཱུྃ།ཿ ན་མོ་པདྨ་ཀཱ་ར་ཡེ༔ དུས་གསུམ་རྒྱལ་དང་རྒྱལ་སྲས་ཡོངས་འདུས་དཔལ༔ ཆེ་བའི་ཆེ་མཆོག་རྡོ་རྗེ་ཐོད་ཕྲེང་རྩལ༔ དངོས་གྲུབ་ཀུན་དག་བདེ་ཆེན་མཆོག་གི་སྐུ༔ མཐོང་བ་དོན་ལྡན་གུ་རུ་པདྨར་འདུད༔ གང་གི་ཐུགས་ཀྱི་གསང་འཛིན་ཁོ་མོ་ངས༔ ཕྱི་རབས་རྗེས་འཇུག་སྐལ་ལྡན་དོན་ཆེད་དུ༔ རང་གི་སྒྲུབ་པ་དངོས་གྲུབ་བུམ་བཟང་བསྟན༔ ཚུལ་བཞིན་ཉམས་སུ་ལེན་ཀུན་གྲོལ་བར་ངེས༔ ས་མ་ཡ༔ སྣང་ཆ་ཐབས་ཀྱི་དཀྱིལ་འཁོར་དུ༔ སྟོང་ཉིད་ཤེས་རབ་ཡོངས་འགྲུབ་ལྟར༔ ཤེས་ཤིང་རྟོགས་པའི་རྣལ་འབྱོར་གྱིས༔ བསྒོམ་བཟླས མཆོག་ཏུ་འདི་ཟབ་བོ༔ ས་མ་ཡ༔ དང་པོ་སྐྱབས་འགྲོ་སེམས་བསྐྱེད་ནི༔ ན་མོ༔ སྐུ་གསུམ་ཡེ་ཤེས་མཁའ་འགྲོའི་སྐུར༔ འདུ་འབྲལ་མེད་པར་སྐྱབས་སུ་མཆི༔ 5H47 #་ད ཧཱུྃ།ཿ ཕྱོགས་རིས་བྲལ་བའི་སེམས་ཅན་ཀུན༔ ཡང་དག་སར་འགོད་སེམས་བསྐྱེད་དོ༔ ལན་གསུམ་བརྗོད༔ མཐར་དངོས་གཞི་ནི༔ ཨཱཿ བསམ་བརྗོད་བྲལ་བ་གདོད་མའི་གཞི༔ ཀུན་སྣང་འགྲོ་ལ་ཁྱབ་པར་བརྡལ༔ རིག་པ་རྒྱུ་ཡི་ཡི་གེ་བྃ༔ དེ་ལས་འོད་ཟེར་འཕྲོ་འདུས་བྱས༔ དོན་གཉིས བསྒྲུབ་ཅིང་དྭངས་བཅུད་བསྡུས༔ ཡོངས་གྱུར་དབྱིངས་ཕྱུག་ཡུམ་ལྔའི་ཀློང་༔ ཡེ་ཤེས་རང་སྣང་ལས་གྲུབ་པའི༔ ཞིང་དང་གཞལ་ཡས་ལྷུན་གྲུབ་དབུས༔ སྐྱོན་བྲལ་པད་ཉི་རྒྱས་པའི་སྟེང་༔ རང་ཉིད་སྐད་ཅིག་དྲན་རྫོགས་སུ༔ རིག་པ་ཆོས་ཉིད་དོན་གྱི་ལྷ༔ བདེ་ཆེན་ཡེ་ཤེས་མཚོ་རྒྱལ་མ༔ སོར་རྟོགས་རང་ མདངས་སྐུ་མདོག་དམར༔ ཉག་གཅིག་ཞལ་གྱི་དཀྱིལ་འཁོར་མཛེས༔ སྐུ་གསུམ་ཡེ་ཤེས་སྤྱན་གསུམ་ལྡན༔ ལོངས་སྐུ་འགགས་མེད་ལྗགས་པད་སྲབ༔ མཚན་བཟང་ཚེམས་ཕྲེང་རབ་ཏུ མཛེས༔ བདེན་གཉིས་ཤངས་དང་དོན་གཉིས་སྙན༔ ཐབས་ཤེས་ཕྱག་གཉིས་གཡས་པ་ཡིས༔ བདེ་ཆེན་མཆོག་སྟེར་ཅང་ཏེའུ་འཁྲོལ༔ གཡོན་པ་སྟོང་ཉིད་དྲིལ་བུ་འཛིན༔ མཆོག་ཏུ་མི་འགྱུར་བདེ་བའི་ཕྱིར༔ དབུ་སྐྲ་ཐོར་ཅོག་ཟར་བུ་གྲོལ༔ ཡེ་ཤེས་ལྔ་རྫོགས་རྩེ་བྲན་དང་༔ སྣང་བ་རང་གྲོལ་དར་སྣས་བརྒྱན༔ ཚོགས་དྲུག་གནས་དག་རུས་རྒྱན་དང་༔ སེམས་བྱུང་དག པའི་ཨུཏྤལ་ལ༔ དམར་པོའི་ཕྲེང་བ་དོ་ཤལ་མཛེས༔ སྲིད་ཞི་དག་མཉམ་ཞབས་གཉིས་ཀྱིས༔ ཟུང་འཇུག་མཉམ་པའི་སྟབས་ཀྱིས་བཞེངས༔ མཆོག་ཐུན་དངོས་གྲུབ་ཀུན་སྩོལ་ཕྱིར༔ ཆུ་སྐྱེས་འོ་འཛིན་རབ་ཏུ་རྒྱས༔ དབྱིངས་དང་ཡེ་ཤེས་དབྱེར་མེདཔའི༔ གནས་ལྔར་ཐོད་ཕྲེང་རིགས་ལྔ་དང་༔ རྩ་ཁམས་སྒྱུ་འཕྲུལ་དཀྱིལ་འཁོར་རྫོགས༔ རིགས་བདག་པདྨ་ཐོད་ཕྲེང་རྩལ༔ ཨ་ཙརྻ་གཞོན་ཅང་དྲིལ་འཁྲོལ༔ རང་སྣང་བདེ་ཆེན་ཡུམ་དང་སྦྱོར༔ ཡེ་ཤེས་བཞི་ཡི་ཕྱག་རྒྱ་མོ༔ རང་རྟགས་ཕྱག་མཚན་རྒྱན་ཆས་རྫོགས༔ སྣང་སྟོང་གཉིས་མེད་ཡེ་ཤེས་ལྷ༔ ཆུ་ཟླ་ ཧཱུྃ།ཿ འཇའ་ཚོན་བཞིན་དུ་གསལ༔ དེ་ལྟར་གསལ་བའི་གནས་གསུམ་ལས༔ འོད་འཕྲོས་དབྱིངས་བཞུགས་རྒྱལ་བ་རྣམས༔ ཡེ་ཤེས་མཁའ་འགྲོའི་རྣམ་པ་རུ༔ གནས་འདིར་སྤྱན་འདྲེན་གཤེགས་སུ་གསོལ༔ གདན་གསུམ་འཁོར་ལོའི་དལ་དུ་བཞུགས༔ གཉིས་མེད་མཉམ་པའི་ཡེ་ཕྱག་འཚལ༔ ཀུན་སྣང་བཀོད་པའི་རྒྱན་གྱིས་མཆོད༔ ཆོས་ཉིད་བརྡལ་བ་ཆེན་པོར་བསྟོད༔ ས་མ་ཡ་ཤུདྡྷེ་ཨ༔ ཧཱུྃ༔ སྟོང་གསལ་མ་འགགས་མཁའ་འགྲོའི་ཐུགས་ཀ་རུ༔ ཡེ་ཤེས་སེམས་མ་ཕག་མོ་མཐིང་གསལ་མཛེས༔ དེ་ཡི་ཐུགས་ཀློང་ཐབས་ཤེས་གྭའུའི་དབུས༔ བྃ་དམར་མཐའ་མར་སྔགས་ཕྲེང་གཡོན་དུ་འཁོར༔ དེ་ལས་འོད་འཕྲོས་རིགས་བདག་ཐུགས་རྒྱུད་བསྐུལ༔ རྒྱལ་ཀུན་གསང་གསུམ་ཡོན་ཏན་དབང་བྱིན་ཀུན༔ འོད་དམར་རྣམ་པར་བསྡུས་ཏེ་རང་ལ་བསྟིམ༔ སྒོ་གསུམ་རྡོ་རྗེ་གསུམ་དུ་དག་མཉམ་རོལ༔ ཨོཾ་པདྨ་ཛྙཱ་ན་ཌཱ་ཀི་ནི་ས་ར་ཛ་ཡ་སརྦ་སིདྡྷི་ཕ་ལ་ཧཱུྃ༔ ཅེས་རྩ་སྔགས་བཟླས་པ་བྱེ་བ་དང་༔ སྒྲུབ་པ་ལ་སོགས་དམིགས་པས་དབྱེ༔ ལུས་དཀྱིལ་སྙིང་པོ་སྤྱི་དྲིལ་ནི༔ ཨོཾ་ཨཱཿཧཱུྃ་སྭཱ་ཧཱ་པྲཛྙཱ་ཛྙཱ་ན་སིདྡྷི་ཧཱུྃ༔ འབུམ་བཟླས་དངོས་གྲུབ་ཐོབ་པར་ངེས༔ བསྒོམ་ཚེ་ལྷར་སྣང་འབྲལ་མི་བྱ༔ བཟླས་ཚེ་སྒྲ་བཅད་འཁྱལ་ཚིག་སྤོང་༔ གབ་པ་བཞི་ལྡན་ གནད་གཅུན་པས༔ གསལ་དག་བརྟན་པ་རབ་ཐོབ་ནས༔ ཟུང་འཇུག་ཕྱག་རྒྱའི་སྐུ་ཐོབ་ངེས༔ ས་མ་ཡ༔ དེ་ལྟར་ཌཱ་ཀིའི་ཐུགས་སྒྲུབ་ཟབ་མོ་འདི༔ རྡོ་རྗེ་ཞི་བ་མཚོ་ལ་གཅེས་ནོར་གདམས༔ ད་དུང་མ་སྤེལ་རིན་ཆེན་གཏེར་རྒྱས་ཐོབ༔ མ་འོངས་སྙིགས་མ་སྙིགས་དུས་ངོམས་པའི་ཚེ༔ ང་སྤྲུལ་ང་དང་གཉིས་མེད་ཐུགས་ཀྱི་མིང་༔ གཙུག་ཕུད་ལྕང་ལོ་དུང་གི་ཟུར་ཕུད་ཅན༔ ཨ་ཏིའི་བསྟན་པས་ཡུལ་གསུམ་ཁྱབ་པར་འཛིན༔ ཐ་མལ་ཚུལ་འཆང་མ་ངེས་ཡུལ་ཀུན་ཏུ༔ བཻ་རོ་ནམ་སྙིང་གཡུ་སྒྲ་ཟུང་ལྡན་སྤྲུལ༔ གསང་གྲོགས ༦། དང་འཕྲད་གྱུར་ན༔ མཁའ་འགྲོའི་ཐུགས་སྒྲུབ་རྣམ་གསུམ་གཏེར་གྱི་བཅུད༔ འདིར་འཕྲད་འགྲོ་དོན་དཔག་མེད་འབྱུང་བར་ངེས༔ སྐལ་ལྡན་ལས་འཕྲོ་ཅན་དང་འཕྲད་པར་ཤོག༔ སྐལ་མེད་ལོག་ལྟ་ཅན་ལ་འདི་མ་འཕྲད༔ བཀའ་སྲུང་ཚེ་རིང་མཆེད་ལྔས་གཉེར་གྱིས་ཤིག༔ ལས་ཅན་པདྨ་དྷྭ་ཛའི་དཔལ་དུ་སྤྲོད༔ ས་མ་ཡ༔ རྒྱ་རྒྱ་རྒྱ༔ ཟབ་རྒྱ༔ གསང་རྒྱ༔ གཏད་རྒྱ༔ བརྡ་ཐིམ༔ ༔ ཅེས་པ་འདི་ཡང་དདལྡན་སྐྱེས་བུ་ཤཱཀྱའི་དགེ་བཙུན་དོན་མིང་འཛིན་པས་ཁ་དོག་བཀྲ་བའི་མདངས་འཛིན་རེག་བྱའི་སྐྱེ་བཅས་ནན་ཆེར་བསྐུལ་ངོར་སྙོམས་ལས་པ་སུ་ཁ་ཛྙཱ་ནའི་མིང་གིས་ཉམས་ཆོས་ཡིག་རིས་སུ་བྲིས་པའོ།། ༈ སྐབས་སུ་མཆོད་པའི་ལས་རིམ་ནི༔ ཨོཾ༔ ཀ་དག་དབྱིངས་ལས་ཤར་བ་ཡི༔ བདེ་ཆེན་ཟག་མེད་མཆོད་པའི་སྤྲིན༔ དཀྱིལ་འཁོར་ལྷ་ཚོགས་དགྱེས་ཕྱིར་འབུལ༔ བཞེས་ནས་མཆོག་གི་དངོས་གྲུབ་སྩོལ༔ མ་ཧཱ་སུ་ཁ་བཛྲ་ ཧཱུྃ།ཿ ཨརྒྷཾཿ སོགས། ཤཔྡ་རཱུ་པཿ སོགས། སྤརྙེ་མ་ཧཱ་སརྦ་པཉྩ་ཨ་མྲྀ་ཏ་བྷ་ལིཾ་ཏ་རཀྟ་ལ་ཁཱ་ཧི༔ ཞེས་མཆོད་ཅིང་བསྟོད་པ་ནི༔ ཧཱུྃ༔ སྐུ་ནི་མི་འགྱུར་བདེ་ཆེན་ཀུན བཟང་མོ༔ གསུང་ནི་མི་འགགས་མཉམ་ཉིད་རིག་པའི་གསུང་༔ ཐུགས་ནི་མི་གཡོ་ཁྱབ་བརྡལ་སྤྲོས་དང་བྲལ༔ སྐུ་གསུང་ཐུགས་ལྡན་ཌཱཀིའི་རྗེ་མོར་བསྟོད༔ ཚེ་རབས་ཀུན་ཏུ་འབྲལ་མེད རྗེས་བཟུང་ནས༔ ཟུང་འཇུག་རྡོ་རྗེ་འཛིན་པའི་ས་ཐོབ་ཤོག༔ ཅེས་པའང་སུ་ཁ་ཛྙཱ་ནས་ཉམས་ཆོས་ཡིག་རིས་སུ་བྲིས་པའོ།། ༈ གབ་པ་བཞི་ལྡན་ནི༔ བདག་སྣང་དམ་ཚིག་སེམས་པར་གབ། དམ་ཚིག་སེམས་དཔའ་ཡེ་ཤེས་སེམས་དཔར་གབ༔ ཡེ་ཤེས་སེམས་དཔའ་ཏིང་འཛིན་སེམས་པར་གབ། ཏིང་འཛིན་སེམས་དཔའ་ཆོས་ཉིད་ཀྱི་ཀློང་དུ་གབ་པའོ། དེ་ལྟར་དགོངས་པ་མི་འགྱུར་བའི་གནད་གཅུན་པས། གསལ་བ་ཏིང་ངེ་འཛིན་གྱི་གཟེར། དག་པ་ལྷའི་རྣམ་དག་དྲན་པ། བརྟན་པ་ཡིད་ཀྱི་ཡུལ་དུ་གསལ་བར་བརྟན་པ། དབང་པོའི་ཡུལ་དུ་སྣང་ཞིང་མི་འགྱུར་བ། མངོན་གྱུར་རེག་པའི་ཡུལ་དུ་བརྟན་པ་ཐོབ་པའོ།། མཆན། ཧ་ཧ། ཀ་དག་གི་རིག་པ་ཐད་གྲོལ་དུ་བསྐྱང་ཚེ། ། ཁ་དོག་ལ་མི་ལྟོས་ཆོས་ཉིད་ཀྱི་བཞུགས་ཚུལ། །ག་ལེ་རུ་མཇལ་ཚེ་རྩལ་སྣང་གི་བརྡ་རིས། །ང་བདག་གིས་བཅས་བཅོས་དག་ཐེར་ནི་མ་བྱས། །ཤེས་རབ་ཀྱི་མིག་ལྡན་མཁྱེན་ཡང་ཚོས་གཟིགས་དང་། །ཚིག་རོ་དང་མཐུན་པའི་ཡིག་སྐྱོན་རེ་ཡོད་ ཐང་། །ལུས་དམན་གྱི་བུ་མོ་ཤེས་རབ་དེ་ཆུང་བས། །རྗོད་ཚིག་གི་སྤྲོས་པའི་མཐའ་དཔྱོད་ནི་མི་ཤེས། །ཡིག་མཁན་གྱི་བཀའ་བབས་པདབྱུང་གི་ཕོ་ཉ། །ཚུལ་རྡོར་དང་དོན་མིང་འཛིན་པ་ཡིས་དཔྱད་མཛོད། ཅེས་སུ་ཁ་བཛྲ་ནས་སོ།། མ ་△ང& TI1396-144 "vTU 010 ཆོས་ཉིད་མཁའ་འགྲོའི་ཐུགས་ཏིག་ལས༔ མཁའ་འགྲོའི་དོན་དབང་དངོས་གྲུབ་སྒོ་འབྱེད་བྱིན་རླབས་བཅུད་སྟེར་བཞུགས༔ % ལ་ཚ་ལ་ཁྱེ་ལ་ཐོས་ཀྱི་ང་ཧཱུྃ།ཿ ན་མོ་གུ་རུ་པདྨ་ཀཱ་ར་ཡེ༔ དུས་གསུམ་ཀུན་མཁྱེན་རྒྱལ་སྲས་སྤྲུལ་པའི་སྐུ༔ འཆི་མེད་དབང་པོ་ལྷུན་གྲུབ་རིག་པ་འཛིན༔ གངས་ཅན་བསྟན་འགྲོ་ཡོངས་ཀྱི་མགོན་གཅིག་པུ༔ མཚོ་སྐྱེས་རྡོ་རྗེ་འཆང་ལ་གུས་པས་འདུད༔ བདག་འདྲ་བུད་མེད་ཡེ་ཤེས་མཚོ་རྒྱལ་ངས༔ བཅུ་དྲུག་ནས་བཟུང་བརྒྱདཅུ་རྩ་བཞིའི་བར༔ གུ་རུའི་དྲུང་དུ་ཆོས་ཀྱི་བཀས་བསྡུ མཛད༔ མན་ངག་ཐམས་ཅད་འཕྲུལ་གྱི་བརྡ་རུ་བཏབ༔ རིན་ཆེན་སྣ་ཚོགས་ལ་སོགས་སྒྲོམ་དུ་བཅུག༔ མ་ངེས་གནས་སོགས་མི་དང་མི་མིན་གྱི༔ ཡུལ་རྣམས་ཀུན་ཏུ་མི་འགྱུར་གཏེར་དུ་སྦས༔ མ་འོངས་སྙིགས་མའི་འགྲོ་བའི་དཔལ་དུ་ཡང་༔ གཏེར་བདག་སྐྱེས་བུར་འཕྲད་པའི་སྨོན་ལམ་བཏབ༔ གཏད་རྒྱ་དུས་སྨིན་འགྲོ་དོན་ངང་གིས་འབྱུང་༔ གུ་རུའི་ཐུགས་ཀྱི་བཞེད་པ་བདག་གིས ཧཱུྃ།ཿ བསྒྲུབས༔ སྙིགས་དུས་གདུལ་བྱ་གཏེར་གྱིས་མ་འདྲེན་ན༔ འདྲེན་པའི་དེད་དཔོན་སུ་ཡང་ལུང་མ་ཐོབ༔ དེ་ཕྱིར་མ་འོངས་འབྱོན་དང་འབྱོན་འགྱུར་གྱི༔ སྐལ་ལྡན་ལས་འཕྲོ་ལྡན་པ་རེ་མཆིས་ན༔ དོན་གཉིས་འགྲུབ་ཕྱིར་གཏེར་ཆོས་ཉམས་སུ་ལོངས༔ ཚེ་འདིར་མངོན་སངས་རྒྱས་པར་གདོན་མི་ཟ༔ གལ་ཏེ་ལེ་ལོ་རྣམ་པར་གཡེང་བ་ཡིས༔ ཚེ་འདིར་གྲོལ་བའི་གནད་ལ་མ་ཕེབས་ན༔ ནམ་ཞིག་ཚེ་ཡི་འདུ་བྱེད་བསྟུང་བའི་ཚེ༔ དཔའ་བོ་མཁའ་འགྲོས་རྗེས་བཟུང་རྔ་ཡབ་གླིང་༔ དཔལ་རི་པདྨ་འོད་དུ་སྐྱེ་བར་འགྱུར༔ དེ་ཕྱིར་ཁོ་མོ་བདག་གི་རྗེས་འཇུག་རྣམས༔ གསང་སྔགས་ཚུལ་བཞིན་ཉམས་སུ་ལེན་པ་ལ༔ དབང་མ་ཐོབ་པར་དངོས་གྲུབ་འབྱུང་མི་སྲིད༔ བསྐྱེད་རྫོགས་གྲུབ་འབྲས་མངོན་དུ་མི་འགྱུར་ཞིང་༔ དངོས་གྲུབ་བར་ཆད་དབང་དུ་འགྲོ་ ངེས་པས༔ དང་པོ་སྒོ་གསུམ་སྨིན་ཕྱིར་དབང་སྒོ་རུ༔ འཇུག་པའི་ལམ་མཆོག་དམ་པ་འདི་རུ་བསྟན༔ ས་མ་ཡ༔ དེ་ཡང་སྤྲོས་བཅས་གནས་ཀྱི་སྟ་གོན་ནི༔ རང་བཞིན་མཁའ་འགྲོ་འདུ་བའི་གནས་མཆོག་གམ༔ ཡང་ན་སྒྲུབ་ཁང་བྱིན་ཅན དག་ཀྱང་རུང་༔ རྐྱེན་བྲལ་འཚེ་བ་མེད་པའི་གནས་ཉིད་དུ༔ བསྒྲུབ་གཞི་དཀྱིལ་འཁོར་སྟ་གོན་སྤྱིར་ལྟར་བྱ༔ དེ་ནས་གཏོར་མ་བུམ་པ་བྷན་ཆང་དང་༔ གསང་རྟེན་དང་ནི་ཤེལ་རྡོ་མེ་ལོང་དང་༔ སྐུ་ཙག་ལ་སོགས་དབང་རྫས་ལེགས་བསགས་ནས༔ ཉེར་སྤྱོད་དང་ནི་ཐབས་ཤེས་ཚོགས་རྣམས་བཤམས༔ མཁའ་འགྲོའི་གཞུང་བསྲང་བདག་མདུན་བུམ་ལས་མཐར༔ དབང་བླང་དབང་ལྡན་སློབ་དཔོན་ཆས་གོས་གསོལ༔ སྐལ་ལྡན་སློབ་མས་སྙན་གསན་ཕུལ༔ བླ་མས་ལེགས་སྦྱིན་བརྡ་སྤྲད་ནས༔ ཁྲུས་དང་བགེགས་བསལ་སྲུང་འཁོར་བསྒོམ༔ སློབ་མ་གྲལ་འཁོད་མཎྜལ་ཕུལ༔ དེ་ནས་གསོལ་བ་གདབ་པ་ནི༔ ཀྱེེ༔ སྟོན་པ་རྡོ་རྗེ་རྒྱལ་པོ་དགོངས༔ བདག་ཅག་སྐལ་ལྡན་བུ་མཆོག་ལ༔ གསང་སྔགས་དབང་གི་བཀའ་འདྲིན་སྩོལ༔ ལན་གསུམ་རྗེས་ཟློས་བྱ༔ བླ་མས་བཀའ་བསྒོ་བ་ནི༔ ཨེ་མ་སྐལ་ལྡན་རིགས་ཀྱི་བུ༔ ཁྱེད་ཅག་ལས་ལྡན་སྐལ་བ་བཟང་༔ གསང་སྔགས་དབང་གི དཀྱིལ་འཁོར་དུ༔ འཇུག་པར་སྤྲོ་བ་ལས་འཕྲོ་ལྡན༔ དབང་མཆོག་བདག་གིས་ཁྱོད་ལ་བསྩལ༔ ངས་བསྒོའི་བཀའ་བཞིན་བསྒྲུབ་ནུསསམ༔ ཕྱི་ནང་གསང་བའི་དམ་ཚིག་གི༔ གནད་ རྣམས་ཚུལ་བཞིན་བསྲུང་ནུས་སམ༔ བསྐྱེད་རྫོགས་སྙིང་པོ་བསྒྲུབ་ནུས་སམ༔ ནུས་ན་དངོས་གྲུབ་ཐོབ་པའི་ལམ༔ དབང་རྣམས་ལེགས་པར་བསྩལ་བར་བགྱི༔ སློབ་བུས་དམ་ཁས་བླང་བ་ནི༔ ཀྱེེ༔ བླ་མ་རྡོ་རྗེ་འཛིན་ཁྱོད་ཀྱིས༔ ཅི་བསྒོའི་བཀའ་ལས་འདའ་མི་བྱ༔ ཕྱི་ནང་གསང་བ་ཡང་གསང་གི༔ དབང་མཆོག་བདག་ལ་སྩལ་དུ་གསོལ༔ ཞེས་གསོལ༔ བླ་མས་གནང་བ་སྦྱིན་པ་ནི༔ ཨེ་མ་ཨེ་མ་སྐལ་ལྡན་སེམས་ཀྱི་བུ༔ ཁྱེད་ཅག་རིག་བཟང་ལས་སྨོན་རྟེན་འབྲེལ་གྱིས༔ ཐོབ་པར་དཀའ་བའི་རིན་ཆནེ་ལུས་རྟེན་རྙེད༔ འཕྲད་པར་དཀའ་བའི་གསང་སྔགས་ཆོས་དང་འཕྲད༔ འདི་ལ་མ་བརྟེན་ཐེག་ཆེན་འབྲས་མི་འབྱིན༔ སྔོན་འབྱོན་གྲུབ་བརྙེས་པཎ་སྒྲུབ་ཐམས་ཅད་ཀྱང་༔ ལམ་གྱི་ལམ་མཆོག་གསང་སྔགས་སྨིན་བྱེད དབང་༔ འདིར་རྟེན་རྡོ་རྗེ་གསུམ་དུ་དག་སྨིན་གྲོལ༔ ཡང་དག་ངེས་པའི་དོན་མཆོག་བརྙེས་པ་ཡིན༔ དེ་ཕྱིར་རིག་ཅན་སྐྱེས་བུ་ཁྱེད་ཅག་ཀྱང་༔ རྣམ་གསུམ་དད་པས་ཚུལ་བཞིན་འཇུག སྤྲོ་བས༔ དབང་རྣམས་མ་ལུས་བདག་གིས་བསྩལ་བར་བགྱི༔ སྤྲོ་བ་བསྐྱེད་ལགུས་པ་ཆེན་པོས་ལོངས༔ དེ་ནས་སྐྱབས་སུ་འགྲོ་བ་ལ༔ ཧོཿ སྐལ་ལྡན་རིགས་ཀྱི་བུ་རྣམས་ཁྱེད་རང་bབ ཧྥག་ རྣམས་ཀྱི་མདུན་གྱི་ནམ་མཁར་བླ་མ་དང་ཐ་མི་དད་པ་རྒྱལ་ཡུམ་ཡེ་ཤེས་མཚོ་རྒྱལ་གྱི་ལྷ་ཚོགས་རྣམས་མངོན་སུམ་དུ་བཞུགས་པར་མོས་ལ་བདག་སོགས་སེམས་ཅན་ཐམས་ཅད་ཀྱིས་སྐྱབས་ཀྱི་དམ་པར་འཛིན་ནོ་སྙམ་པས་འདིའི་རྗེས་བཟློས་མཛོད༔ ན་མོ༔ དཀོན་མཆོག་གསུམ་དང་བདེ་གཤེགས་རྩ་བ་གསུམ༔ ངོ་བོ་རང་བཞིན་ཐུགས་རྗེའི་བདག་ཉིད་དཔལ༔ ཡོངས་འདུས་ཡེ་ཤེས་མཁའ་འགྲོའི་ལྷ་ཚོགས་ལ༔ བྱང་ཆུབ་སྙིང་པོའི་བར་དུ་སྐྱབས་སུ་མཆི༔ ལན་གསུམ་བརྗོད་མཐར་སེམས་བསྐྱེད་པ་ནི༔ ཧོཿ རིགས་ཀྱི་བུ་རྣམས་གསན་འཚལ༔ འདི་ལྟར་ནམ་མཁའ་ལ་མཐའ་མེད་པ་བཞིན་སེམས་ཅན་གྱི་ལས་སྣང་དང་སྡུག་བསྔལ་ལ་མཐའ་ཡོད་པ་མ་ཡིན་ཏེ༔ མཐའ་མེད་འཁོར་བར་འཁྱམས་པའི་སེམས་ཅན་རྣམས་ཡང་དག་པའི་ལམ་ལ་འགོད་པར་བྱའོ་སྙམ་སྟེ་སེམས་བསྐྱེད་པའི་ཕྱིར་འདིའི་རྗེས་བཟློས་མཛོད༔ ཧོཿ མ་གྱུར་མཁའ་མཉམ་སེམས་ཅན་ཀུན༔ རྣམ་གྲོལ་ས་ལ་འགོད་པའི་ཕྱིར༔ བདག་གིས་སྨིན་གྲོལ་ལམ་ཞུགས་ནས༔ རིམ་གཉིས་དགོངས་པའི་དོན་རྟོགས་བྱ༔ ཞེས་ལན་གསུམ་བརྗོད༔ ཡན་བདུན་ནི༔ ཧོཿ རིགས་ཀྱི་བུ་རང་གི་ལུས་ཞིང་གི་རྡུལ་རྙེད་དུ་སྤྲུལ་ནས་བླ་མ་དང་དཀྱིལ་འཁོར་ཐ་མི་དད་པའི་དྲུང་དུ་ཕྱག་འཚལ་བ་ 已H\佰 ཧཱུྃ།ཿ དང་༔ དངོས་སུ་འབྱོར་པ་དང་ཡིད་ཀྱིས་སྣོད་བཅུད་ལྷ་མིའི་དཔལ་ཡོན་ཐམས་ཅད་བློ་ཡིས་བླངས་ཏེ་མཆོད་པར་དམིགས་ཏེ་འབུལ་བ་དང་༔ རང་གཞན་སེམས་ཅན ཐམས་ཅད་ཀྱིས་ཚེ་རབས་ནས་བསགས་པའི་ལས་ཉོན་བག་ཆགས་སྡོམ་བསླབ་དམ་ཚིག་ཉམས་པ་ཐམས་ཅད་དཀྱིལ་འཁོར་གྱི་ལྷ་ཚོགས་རྣམས་ཀྱི་སྤྱན་སྔར་གནོང་འགྱོད་དྲག་པོའི་སྒོ་ནས་བཤགས་པ་དང་༔ བདག་གཞན་དུས་གསུམ་དུ་བསགས་དང་བསགས་འགྱུར་གྱི་དགེ་བའི་དངོས་པོ་ཅི་མཆིས་པ་ཐམས་ཅད་ལ་རྗེས་སུ་ཡི་རངས་བ་དང་༔ རྒྱལ་བ་རྣམས་ཀྱིས་འགྲོ་བའི་ཁམས་དབང་དང་མཐུན་པའི་ཆོས་ཀྱི་འཁོར་ལོ་བསྐོར་བར་བསྐུལ་བ་དང་༔ དེ་རྣམས་ཇི་སྲིད་སེམས་ཅན་མ་སྟོངས་ཀྱི་བར་དུ་དེ་སྲིད་སྐུ་མྱ་ངན་ལས་མི་འདའ་བ་བསྐལ་བརྒྱའི་བར་དུ་བཞུགས་པར་གསོལ་བ་འདེབས་པ༔ དུས་གསུམ་དུ་བསགས་པའི་དགེ་རྩ་ཐམས་ཅད་མ་གྱུར་སེས་ཅན་ཐམ་ཅད་ལ་ཉེ་རིང་ཕྱོགས་རིས་མེད་པར་བསྔོ་བར་བགྱིའོ་སྙམ་ཞིང་༔ འགྲོ་ཀུན་ཕྱམས་གཅིག་གདོད་མའི་མགོན་པོའི་གོ འཕང་ལ་འགོད་པར་བྱའོ་སྙམ་པས་འདིའི་རྗེས་བཟློས་མཛོད༔ ན་མོ༔ སྐུ་གསུམ་མཁའ་འགྲོའི་དཀྱིལ་འཁོར་དུ༔ བདག་སོགས་གུས་པས་ཕྱག་འཚལ་ལོ༔ དངོས་འབྱོར་ཡིད་ཀྱིས་སྤྲུལ་ པ་ཡི༔ ཕྱི་ནང་གསང་