Tibetan
བཀའ་ལས་འདའ་མི་བྱ༔ དམ་ཚིག་གནད་རྣམས་ཚུལ་བཞིན་བསྲུང་༔ སྨིན་བྱེད་དབང་གི་བཀའ་དྲིན་སྩོལ༔ དེ་ནས་སློབ་དཔོན་གྱིས༔ ཨེ་མ་ཨེ་མ་རིགས་ཀྱི་བུ༔ དབང་གིས་སྨིན་པར་བྱེད་པ་ལ༔ སོ་ཐར་བྱང་སེམས་གསང་སྔགས་ཀྱི༔ སྡོམ་དང་བསླབ་པ་དམ་ཚིག་རྣམས༔ སྲོག་གི་ཕྱིར་ཡང་འདའ་མི་བྱ༔ རིམ་གཉིས་ལམ་ལ་བརྩོན་པ་དང་༔ དམ་བསྲུང་དམ་ལས་མ་འདའ་ཞིག༔ ཅེས་བརྗོད༔ དེ་ནས་སྐྱབས་སུ་འགྲོ་བ་ལ༔ ཧོཿ རིགས་ཀྱི་བུ་ཁྱེད་རང་རྣམས་ཀྱི་མདུན་གྱི་ནམ་མཁར་པདྨ་དང་ཉི་ཟླའི་གདན་ལ་ངོ་བོ་རྩ་བའི་བླ་མ་དང་གཉིས་སུ་མེད་པ་དཔལ་ཆེན་པོ་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་རྣམས་མངོན་སུམ་དུ་བཞུགས་པར་མོས་ལ༔ དུས་འདི་ནས་བཟུང་སྟེ་ཇི་སྲིད་སངས་མ་རྒྱས་ཀྱི་བར་དུ་རང་གཞན་རྣམས་ཀྱིས་སྐྱབས་ཀྱི་དམ་པར་འཛིན་ནོ་སྙམ་པས་འདིའི་རྗེས་ཟློས་མཛོད༔ ན་མོ༔ བླ་མ་མཆོག་གསུམ་ཡོངས་འདུས་དཔལ༔ རྡོ་རྗེ་གཞོན་ནུའི་དཀྱིལ་འཁོར་ལ༔ སྒོ་གསུམ་དད་པས་སྐྱབས་སུ་མཆི༔ བྱང་ ཨོཾ་ཿ ཆུབ་བར་དུ་བསྐྱབ་ཏུ་གསོལ༔ ལན་གསུམ་བརྗོད༔ དེ་ནས་སེམས་བསྐྱེད་པ་ནི༔ འོ་འདི་ལྟར་ནམ་མཁའ་དང་མཉམ་པའི་སེམས་ཅན་ཐམས་ཅད་རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་ཀྱི་ས་ལ་འགོད་པའི་ཕྱིར་བདག་གིས་སྨོན་པ་དང་འཇུག་པ་བྱང་ཆུབ་ཀྱི་སེམས་རིན་པོ་ཆེ་བསྐྱེད་པར་བྱ་སྙམ་པས་འདིའི་རྗེས་ཟློས་མཛོད༔ ཧོཿ མ་གྱུར་མཁའ་མཉམ་སེམས་ཅན་ཀུན༔ རྣམ་མཁྱེན་སངས་རྒྱས་ས་ཐོབ་ཕྱིར༔ སྨོན་དང་འཇུག་པ་བྱང་ཆུབ་སེམས༔ དམ་པ་བདག་གིས་བསྐྱེད་པར་བགྱི༔ ལན་གསུམ་བརྗོད༔ དེ་ནས་ཡན་ལག་བདུན་པ་ནི༔ ཀྱེེ༔ རིགས་ཀྱི་བུ་ཚོགས་བསགས་པའི་སྒོ་ཐམས་ཅད་ཡན་ལག་བདུན་པར་འདུ་བ་ཡིན་པས་དེའི་དོན་དྲན་བཞིན༔ ལུས་ཞིང་གི་རྡུལ་སྙེད་དུ་སྤྲུལ་ནས་ཕྱག་འཚལ་བ་དང་༔ བླ་མ་དང་དཀྱིལ་འཁོར་ཐ མི་དད་པའི་དྲུང་དུ་མཆོད་པ་འབུལ་བ་དང་༔ དེ་དག་གི་སྤྱན་སྔར་ཉམས་ཆག་བཤགས་པ་དང་༔ རྣམ་པར་དཀར་བའི་དགེ་ཚོགས་བསགས་དང་བསགས་འགྱུར་ཀུན་ལ་རྗེས་སུ་ཡི་རངས་བ་དང་༔ རྒྱལ་བ་རྣམས་མྱ་ངན་ལས་མི་འདའ་བར་བཞུགས་པར་གསོལ་ཞིང་༔ ཐེག་གསུམ་ཆོས་ཀྱི་འཁོར་ལོ་བསྐོར་བར་བསྐུལ་བ་དང་༔ རང་གཞན་རྣམས་ཀྱིས་དུས་གསུམ་དུ་བསགས་པའི་དགེ་བའི་ དངོས་པོ་ཐམས་ཅད་སེམས་ཅན་ཐམས་ཅད་ལ་ཉེ་རིང་དང་ཕྱོགས་རིས་མེད་པར་བསྔོས་ནས་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་བར་བསམ་ལ་འདིའི་རྗེས་ཟློས་མཛོད༔ ཧོཿ དཔལ་ཆེན་དཀྱིལ་འཁོར་ལྷ་ཚོགས་ལ༔ བདག་ནི་གུས་པས་ཕྱག་འཚལ་ལོ༔ དངོས་འབྱོར་ཡིད་སྤྲུལ་མཆོད་པ་འབུལ༔ དུས་གསུམ་བསགས་པའི་སྡིགས་པ་བཤགས༔ དགེ་ཚོགས་རྒྱ་མཚོར་རྗེས་ཡི་རངས༔ ཐེག་གསུམ་ཆོས་ཀྱི་འཁོར་ལོ་བསྐུལ༔ རྒྱལ་རྣམས་མྱ་ངན་མི་འདར་བཞུགས༔ དགེ་བ་འགྲོ་ཀུན་ཡོངས་ལ་བསྔོ༔ བླ་མེད་བྱང་ཆུབ་ས་ཐོབ་ཤོག༔ ལན་གསུམ་བསྐུལ༔ དེ་ནས་ཡང་༔ འོ༔ རིགས་ཀྱི་བུ་རྣམས་ཉོན་ཅིག༔ གསང་སྔགས་ཀྱི་རྩ་བ་དབང་དང་༔ དབང་གི་སྲོག་དམ་ཚིག་ཡིན་པས་སློབ་དཔོན་གྱི་བཀས་བསྒོ་བ་བཞིན་དམ་ཚིག་གི་གནད་རྣམས་མི་ཉམས་པར་བསྲུང་སྙམ་པས་འདིའི་རྗེས་ཟློས་མཛོད༔ ཧོཿ རྡོ་རྗེ་སློབ་དཔོན་མཆོག་ཉིད་དང་༔ དཀྱིལ་འཁོར་ལྷ་ཚོགས་དགོངས་སུ་གསོལ༔ དེང་ནས་བྱང་ཆུབ་མ་ཐོབ་བར༔ རྩ་བ་སྐུ་གསུང་ཐུགས་མཆོག་དང་༔ ཡན་ལག་དམ་ཚིག་སྤྱི་བྱེ་བྲག༔ མ་ལུས་བདག་གིས་བསྲུང་ནུས་ཀྱི༔ མཆོག་གསུམ་བདེན་པའི་བྱིན་རླབས་ཀྱིས༔ ཚུལ་བཞིན་འབྱུང་བར་མཛད་དུ་ ཨོཾ་ཿ གསོལ༔ ཅེས་ལན་གསུམ་གསོལ་ནས་སློབ་དཔོན་གྱིས༔ ཧོཿ འདི་ནི་ཕྱག་ན་རྡོ་རྗེ་ཡི༔ བྱིན་གྱིས་བརླབ་པའི་དམ་ཚིག་ཆུ༔ དམ་བསྲུང་དངོས་གྲུབ་རྣམ་གཉིས ཐོབ༔ ཉམས་ན་དམྱལ་བར་ལྟུང་ཏ་རེ༔ དེ་ཕྱིར་དམ་ཚིག་མ་ཉམས་སྲུངས༔ བཛྲ་ས་མ་ཡ་ན་ར་ཀན༔ དེ་ནས་མིག་དར་བཀབ་པ་ནི༔ ཡང་སློབ་དཔོན་གྱིས༔ མ་རིག་པའི་སྒྲིབ་པ་བསལ་བའི ཕྱིར་མིག་དར་བཅིང་བའི་མོས་པ་མཛོད༔ ཨོཾ་ཙཀྵུ་བྷནྡྷ་ཝ་ར་མ་ཎ་ཡེ་སྭཱ་ཧཱ༔ ཡང་སློབ་དཔོན་གྱིས༔ དཀྱིལ་འཁོར་གྱི་ལྷ་རྣམས་མཇལ་བའི་ཕྱིརཕྱག་རྟེན་དུ་མེ་ཏོག་གི་ཆུན་པོ་རེ་འཛིན་པའི་མོས་པ་མཛོད༔ ཨོཾ་ཨཱཿཁཾ་ཝཱི་ར་ཧཱུྃ༔ དེ་ནས་སློབ་མ་ལྷར་གསལ་བ་ནི༔ ལས་ཆུ་འཐོར་བཞིན་པས༔ ཨོཾ་མ་ཧཱ་ཤུ་ནྱ་ཏཱཿ སོགས། ཧཾ༔ གཟུངས་འཛིན་གཉིས་སྣང་གིས་བསྡུས་པའི་ཆོས་ཐམས་ཅད་སྟོང་པ་ཉིད་དུགྱུར༔ སྟོང་པའི་ངང་ལས་བདག་མདུན་གསལ་སྣང་སྒྱུ་མ་ལྟ་བུའི་ཏིང་ངེ་འཛིན་གྱི་མཐུས་སློབ་མའི་རྒྱུད་ཀྱི་ནད་གདོན་སྡིག་སྒྲིབ་གདོས་བཅས་ཀྱི་ཕུང་པོ་དང་བཅས་པ་ཐམས་ཅད་སྟོང་པ་ཉིད་དུ་སྦྱངས༔ སྟོང་པའི་ངང་ལས༔ མ་ཆགས་པད་ཉི་བམ་གདན་སྟེང་༔ སློབ་མ་སྐད་ཅིག་དྲན་རྫོགས་སུ༔ དཔལ་ཆེན་རྡོ་རྗེ་གཞོན་ནུའི་སྐུ༔ མཐིང་ནག་ཞལ་གསུམ་ཕྱག་དྲུག་པ༔ གཡས་དཀར་གཡོན་དམར་སྤྱན་དགུ་ལྡན༔ ཞལ་གདངས་ལྗགས་འདྲིལ་མཆེ་བ་གཙིགས༔ རལ་པ་དམར་སེར་སྲིད་རྩེར་འཁྱིལ༔ ཐོད་སྐམ་དབུ་བརྒྱན་རྩེ་བྲན་མཛེས༔ ཕྱག་དྲུག་གཡས་གཉིས་གསེར་རྡོ་རྗེ༔ རྩེ་དགུ་དང་ནི་རྩེ་ལྔ་རྣམས༔ གཡོན་གཉིས་མེ་དཔུང་ཁ་ཊཱཾ་འཛིན༔ ཐ་གཉིས་ཕུར་དབལ་འོག་ཏུ་འདྲིལ༔ རྡོ་རྗེ་རིན་ཆེན་གཤོག་པ་དང་༔ དུར་ཁྲོད་ཆས་ཀུན་མ་ལུས་རྫོགས༔ ཞབས་བཞིས་འདོར་སྟབས་བདུད་བཞི་མནན༔ ཡེ་ཤེས་མེ་ཕུང་འབར་བའི་ཀློང་༔ གར་དགུའི་ཉམས་རྫོགས་དཔའ་གཟི་ལྡན༔ རྒྱས་འདེབས་ཁྲོ་མོ་སྐུ་ལ་འཁྲིལ༔ དེ་ལྟར་གསལ་བའི་གནས་གསུམ་དུ༔ སྤྱི་བོར་ཨོ་དཀར་མགྲིན་པ་རུ༔ ཨཱཿདམར་ཐུགས་ཀར་ཧཱུྃ་མཐིང་གསལ༔ དེ་ལས་འོད་འཕྲོས་དབྱིངས་བཞུགས་ཀྱི༔ སྐུ་གསུམ་རྒྱལ་བ་ཞི་དང་ཁྲོ༔ གནས་ཡུལ་དུར་ཁྲོད་ཧེ་རུའི་ཞིང་༔ དཔའ་བོ་ཌཱ་ཀི་དམ་ཅན་ཚོགས༔ ཡེ་ཤེས་ཕུར་པའི་རྣམ་པ་རུ༔ སྤྱན་དྲངས་སློབ་མའི་སྒོ་གསུམ་དང་༔ དབྱེར་མེད་རོ་གཅིག་ས་མ་ཡ་ཛ་ཛ་སྟྭཾ༔ དེ་ནས་བྱིན་ཆེན་དབབ་པ་ནི༔ ཧཱུྃ་ཧྲཱིཿ འོག་མིན་གསང་ཆེན་རོལ་པའི་དཀྱིལ་འཁོར་ནས༔ ལོག་འདྲེན་བདུད་བགེགས་འདུལ་མཛད་ཧེ་རུ་ཀ༔ རྡོ་རྗེ་གཞོན་ནུ་ཡབ་ཡུམ་སྲས་འཁོར་བཅས༔ ཨོཾཿ གནས་འདིར་སྤྱན་འདྲེན་དབང་བྱིན་དངོས་གྲུབ་ཕོབས༔ སྒྲུབ་མཆོག་སྒོ་གསུམ་དག་རྫོགས་སྨིན་པ་དང་༔ སྣང་རྟོག་ལྷ་སྔགས་ཆོས་ཉིད་ཆེན་པོར་རློབས༔ མཆོག དང་ཐུན་མོང་དངོས་གྲུབ་བསྩལ་དུ་གསོལ༔ ཨོཾ་བཛྲ་ཀཱི་ལི་ཀཱི་ལ་ཡ་ས་པཱ་རི་ཝཱ་ར་བཛྲ་ས་མ་ཡ་ཛཿ ཛཿ ཨ་བེ་ཤ་ཡ་ཨ་ཨཱཿ ཞེས་བརྗོད་མེ་ཏོག་འཐོར་བཞིན༔ ཡེ་ཤེས་པའི་ལྷ་ཚོགས་རྣམས་སློབ མའི་སྒོ་གསུམ་ལ་ཐིམ་པར་གྱུར༔ ཏིཥྛ་བཛྲ་ཏིཥྛ་བཛྲ༔ དེ་ནས་མིག་དར་བསལ་བ་ནི༔ ཧོཿ བདག་ཉིད་རྡོ་རྗེ་སློབ་དཔོན་གྱི༔ ཐུགས་ལས་སྤྲུལ་པའི་གསེར་ཐུར་གྱིས༔ ཁྱོད་ཉིད་མ་རིག སྒྲིབ་པའི་སྨག༔ བསལ་ནས་ཡེ་ཤེས་སྤྱན་དུ་དབྱེ༔ བཛྲ་ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ དེ་ནས་རིག་མེ་དོར་བ་ནི༔ སློབ་དཔོན་གྱིས༔ ཧོཿ སངས་རྒྱས་ཆོས་དང་དགེ་འདུན་དང་༔ བླ་མ་ཡི་དམ་མཁའ་འགྲོ་དགོངས༔ སློབ་མའི་རིག་པའི་མེ་ཏོག་འདི༔ སྔོན་ནས་འབྲེལ་བ་གང་ཡོད་པའི༔ ལྷ་དེར་མེ་ཏོག་བབས་པ་རུ༔ མཆོག་གསུམ་བདེན་པས་བྱིན་གྱིས་རློབས༔ ཞེས་བརྗོད༔ ཨོཾ་བཛྲ་པུཥྤེ་སིདྡྷི་ཏྲཱྃ༔ ལན་གསུམ་རྗེས་སུ་བཟློས༔ ཡང་སློབ་དཔོན་གྱིས༔ འོ༔ སྐལ་ལྡན་རིགས་ཀྱི་བུ་རྣམས་ཁྱོད་རང་རྣམས་ཀྱིས་མེ་ཏོག་དཀྱིལ་འཁོར་གྱི་ཕྱོགས་གང་དུ་བབས་པ་དེ་མ་ བརྗེདཔར་ཡིད་ལ་ཟུངས་ཤིག༔ ཤར་དུ་བབས་ན་རྡོ་རྗེའི་རིགས་ལ་དབང་ཞིང་ཞི་བའི་ལས་འགྲུབ༔ ལྷོར་བབས་ན་རྒྱས་པའི་ལས་འགྲུབ་ཅིང་རིགས་དེ་ལ་དབང་༔ ནུབ་ཏུ་བབས་ན་པདྨའི་རིགས་ལ་དབང་ཞིང་དབང་གི་ལས་འགྲུབ༔ བྱང་དུ་བབས་ན་ལས་ཀྱི་རིགས་དང་དྲག་པོའི་ལས་འགྲུབ༔ མཚམས་བཞིར་བབས་ན་ལས་མཐུན་གྱི་དངོས་གྲུབཕྲན་བུ་རེ་ཐོབ་པ་དང་༔ དབུས་སུ་བབ་ན་ལས་རབ་འབྱམས་ལ་དབང་ཞིང་འབྲས་བུ་མཆོག་གི་སར་ཕྱིན་ནོ༔ མེ་ཏོག་གང་དུ་བབས་པའི་ཕྱོགས་དེའི་རིགས་དང་ཉེ་བའི་ལྷ་གང་བསྒྲུབ་ཀྱང་འགྲུབ་སླ་ཞིང་དངོས་གྲུབཀྱང་མྱུར་བ་ཡིན་པས༔ འདི་ལྟ་བུ་གཞན་ལ་གསང་བར་འོས་པ་ཡིན་པས་ཤེས་པར་མཛོད་ཅིག༔ ལྷག་ལྷ་སྤྱི་བོར་ཐིམ་པའི་མོས་པ་མཛོད༔ པྲ་ཏི་གྷྲྀ་ཧ་ཎ་ཨེ་མཾ༔ ཞེས་བརྗོད་མེ་ཏོག་འཐོར༔ དེ་ནས་དངོས་གཞིའི་ལྷ་དབང་ཞུ་བའི་ཕྱིར་མཎྜལ་ཕུལ༔ དེ་ནས་གསོལ་བ་གདབ་པ་ནི༔ ཀྱེེ༔ དབང་ལྡན་རྒྱལ་པོ་བླ་མ་རྗེ༔ བདག་ཅག་སྐལ་ལྡན་བུ་རྣམས་ལ༔ རྡོ་རྗེ་གཞོན་ནུའི་དངོས་གཞིའི་དབང་༔ ཡོངས་རྫོགས་གནང་བའི་བཀའ་དྲིན་སྩོལ༔ ཅེས་དང་༔ སློབ་དཔོན་གྱིས༔ ཨེ་མ༔ སྐལ་ལྡན་ལས་འཕྲོ་ཅན༔ ཁྱེད་རྣམས་མོས་པ་བཞིན་དུ་དབང་༔ ཡོངས་རྫོགས་དམ་པ་བདག་གིས་བསྩལ༔ དམ་ ཨོཾཿ བསྲུང་དམ་ལས་མ་འདའ་ཞིག༔ ས་མ་ཡ་ན་ར་ཀན༔ ཅེས་བརྗོད་དམ་ཆུས་དམ་ལ་བཞག༔ དེ་ནས་བུམ་པ་ཐོགས་ལ༔ ཧཱུྃ༔ བརྡལ་ཁྱབ་སྤྲོས་བྲལ་བུམ་པ་རུ༔ རང་བྱུང་ལྷུན་གྲུབ་དཀྱིལ་འཁོར་རྫོགས༔ ཐུགས་རྗེའི་ཡེ་ཤེས་བདུད་རྩིའི་འཁྱིལ༔ སྐལ་ལྡན་བུ་ལ་དབང་བསྐུར་བས༔ སྐུ་མཆོག་འགྱུར་མེད་དབང་ཐོབ་ཤོག༔ རྩ་སྔགས༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་རྡོ་རྗེ་གཞོན་ནུ་ཡབ་ཡུམ་གྱི་སྐུ་ཐོགས་ལ༔ ཧཱུྃ༔ སངས་རྒྱས་ཀུན་གྱི་ཕྲིན་ལས་སྐུ༔ གཟུང་འཛིན་བདུད་དང་རུ་ཏྲའི་གཤེད༔ དཔལ་ཆེན་ཁྲག་འཐུང་ཧེ་རུ་ཀ༔ རྡོ་རྗེ་གཞོན་ནུ་ཡབ་ཡུམ་གྱིས༔ སྐལ་ལྡན་བུ་ལ་དབང་བསྐུར་རོ༔ ཟུང་འཇུག་ཡེ་ཤེས་སྐུ་ཐོབ་ཤོག༔ རྩ་སྔགས། ཀཱ་ཡཿ དེ་ནས་བཛྲ་ཀཱི་ལ་ཡའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ བཛྲ་ཀཱི་ལའི་དབང་བསྐུར་རོ༔ ཞེ་སྡང་མ་སྤང་རང་གྲོལ་ནས༔ མེ་ལོང་ཡེ་ཤེས་སྐུ་ཐོབ་ཤོག༔ རྩ་སྔགས། བཛྲ་ཀཱི་ལ་ཡ་ཀཱ་ཡ༴ དེ་ནས་རཏྣ་ཀཱི་ལ་ཡའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་རཏྣ་ཀཱིཿ ང་རྒྱལ་མ་སྤངས་མཉམ་ཉིད་ཡེ་ཤེས རྩ་སྔགས། རཏྣ་ཀཱི་ལ་ཡ་ཀཱ་ཡ༴ དེ་ནས་པདྨ་ཀཱི་ལ་ཡའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་པདྨ་ཀཱིཿ འདོད་ཆགས་མ་ སྤངས་སོར་རྟོགས་ཡེ་ཤེས༴ རྩ་སྔགས། པདྨ་ཀཱི་ལ་ཡ་ཨ་བྷིཿ དེ་ནས་ཀརྨ་ཀཱི་ལ་ཡའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་ཀརྨ་ཀཱི་ལའི༴ ཕྲག་དོག་མ་སྤངས༔ བྱ་གྲུབ་ཡེ་ཤེས༔ རྩ་སྔགས། ཀརྨ་ཀཱི་ལ་ཡ་ཨ་བྷིཿ དེ་ནས་སྟེང་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན་ཆེ་མཆོག་ཁྲོ་བོའི་རྒྱལ༔ ཧཱུྃ་དཀར་ཡབ་ཡུམ་དབང་བསྐུར་རོ༔ ལྷ་གདོན་ཟིལ་གནོན་དབང་ཐོབ་ཤོག༔ རྩ་སྔགས་མཐར༔ ཨོཾ་བཛྲ་ཀྲོ་ཏ་ཧཱུྃ་ཀཱ་ར་ཧཱུྃ་ཨ་བྷིཿ དེ་ནས་ཤར་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན༴ རྣམ་རྒྱལ་ཡབ་ཡུམ་དྲི་ཟ་ཟིལ་གནོན༔ རྩ་སྔགས་མཐར༔ ཨོཾ་བཛྲ་ཀྲོ་ཏ་བི་ཛ་ཡ་ཧཱུྃ་ཨ་བྷིཿ དེ་ནས་ཤར་ལྷོ་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན དབྱུགས་སྔོན་ཡབ་ཡུམ་མེ་ལྷ་ཟིལ་གནོན༔ རྩ་སྔགས་མཐར༔ ཨོཾ་བཛྲ་ཀྲོ་ཏཱ་ནཱི་ལ་དཎྜ་ཧཱུྃ་ཨ་བྷིཿ དེ་ནས་ལྷོ་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན༔ གཤིན་རྗེ་ཡབ་ཡུམ་ལྷོ་གདོན་འདུལ་བའི་དབང་༔ རྩ་སྔགས་མཐར༔ ཨོ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་ཨ་བྷིཿ དེ་ནས་ལྷོ་ནུབ་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན༴ མི་གཡོ་ 0། ཨོཾ་ཿ ཡབ་ཡུམ་སྲིན་པོ་ཟིལ རྩ་སྔགས་མཐར༔ ཨོཾ་བཛྲ་ཀྲོ་ཏ་ཨཱརྻ་ཨ་ཙ་ལ་ཧཱུྃ་ཨ་བྷི་ཥིཉྩ་ཨོཾ༔ དེ་ནས་ནུབ་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན རྟ་མགྲིན་ཡབ་ཡུམ་ཆུ་བདག་ཟིལ རྩ་སྔགས་མཐར༔ ཨོཾ་བཛྲ་ཀྲོ་ཏ་ཧྱ་གྲཱི་ཝ་ཧཱུྃ་ཨ་བྷིཿ དེ་ནས་ནུབ་བྱང་ཁྲོ་བོའི་སྐུ་ཐོགས་ལ༔ སྐལ་ལྡན་རིགས་དཔལ་ཆེན༴ འདོད་རྒྱལ་ཡབ་ཡུམ་རླུང་ལྷ་ཟིལཿ རྩ་སྔགས་མཐར༔ ཨོཾ་བཛྲ་ཀྲོ་ཏ་ཨ་པ་ར་ཙི་ཏ་ཧཱུྃ་ཨ་བྷིཿ དེ་ནས་བྱང་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན་བདུད་འཁྱིལ་ཡབ་ཡུམ་ཿ གནོད་སྦྱིན་ཟིལ༔ རྩ་སྔགས་མཐར༔ ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུྃ་ཨ་བྷིཿ དེ་ནས་བྱང་ཤར་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན༴ ཁམས་གསུམ་རྣམ་རྒྱལ་ཡབ་ཡུམ་༔ དབང་ལྡན་ཟིལཿ རྩ་སྔགས་མཐར༔ ཨོཾ་བཛྲ་ཀྲོ་ཏ་ཏྲེེ་ལོཀྱ་བི་ཛ་ཡ་ཧཱུྃ་ཨ་བྷིཿ དེ་ནས་འོག་ཕྱོགས་ཁྲོ་བོའི་སྐུ་ཐོགས་ལ༔ ཧཱུྃ༔ སྐལ་ལྡན་རིགས་དཔལ་ཆེན་སྟོབས་ཆེན་ཡབ་ཡུམ་ས་བདག་འདུལ་བའི་དབང་ཐོབ་ཤོག༔ རྩ་སྔགས་མཐར༔ ཨོཾ་བཛྲ་ཀྲོ་ཏ་མ་ཧཱ་བཱ་ལ་ཧཱུྃ་ཨ་བྷི་ཥིཉྩ་ཨོ༔ དེ་ནས་ཟ་གསོད་ཉི་ཤུའི་སྐུ་ ཐོགས་ལ༔ ཧཱུྃ༔ དཔལ་ཆེན་ཁྲོ་བཅུ་ཡབ་ཡུམ་གྱི༔ ཡེ་ཤེས་སྤྲུལ་པའི་གར་བསྒྱུར་བ༔ ཟ་བྱེད་གསོད་བྱེད་ཕོ་ཉ་ཡིས༔ སྐལ་ལྡན་བུ་ལ་དབང་བསྐུར་རོ༔ རྩ་སྔགས་མཐར༔ ཧཱུྃ་བྷྱོཿ སརྦ་ཨ་བྷི་ཥིཉྩ་ཨོཾ༔ དེ་ནས་ཁྲ་ཐབས་ཉེར་གཅིག་གི་སྐུ་ཐོགས་ལ༔ ཧཱུྃ༔ རྡོ་རྗེགཞོན་ནུ་ཡབ་ཡུམ་གྱི༔ སྐུ་གསུང་ཐུགས་ལས་སྤྲུལ་པ་ཡི༔ སྲས་མཆོག་ཁྲ་ཐབས་ཉེར་གཅིག་གིས༔ སྐལ་ལྡན་བུ་ལ་དབང་བསྐུར་རོ༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་སྒོ་མ་བཞིའི་སྐུ་ཐོགས་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡི༔ ཚད་མེད་ཐུགས་རྗེའི་ཕྲིན་ལས་གར༔ ཡེ་ཤེས་སྒོ་མ་རྣམ་བཞི་ཡིས༔ སྐལ་ལྡན་བུ་ལ་དབང་བསྐུར་རོ༔ རྩ་སྔགས་མཐར༔ ཛཿཧཱུྃ་བྃ་ཧོཿཨ་བྷི་ཥིཉྩ་ཨོཾ༔ དེ་ནས་ཕུར་སྲུང་བཅུ་གཉིས་ཀྱི་སྐུ་ཐོགས་ལ༔ ཧཱུྃ༔ དབྱིངས་ཀྱི་རྗེ་མོའི་སྤྲུལ་པ་མཆོག༔ ཞིང་བཅུ་འདུལ་ཕྱིར་དྲག་མོའི་སྐུ༔ ཕུར་སྲུང་བཅུ་གཉིས་དབང་བསྐུར་རོ༔ མ་མོའི་སྲོག་ལ་དབང་ཐོབ་ཤོག༔ རྩ་སྔགས་མཐར༔ མ་མ་ཛ་བྷྱོ་ཧྲིང་ཛ་ཨ་བྷི་ཥིཉྩ་ཨོ༔ དེ་ནས་སྐྱེས་བུ་བཞིའི་སྐུ་ཐོགས་ལ༔ ཧཱུྃ༔ དཔལ་ཆེན་ཕྲིན་ལས་སྤྲུལ་པ་ཆེ༔ མངོན་སྤྱོད་ལས་ཀྱི་ཕོ་ཉ་བ༔ སྐྱེས་བུ་ཆེན་པོ་སྡེ་བཞི་ཡིས༔ སྐལ་ལྡན་བུ་ལ་དབང་བསྐུར་རོ༔ རྩ་སྔགས་ ཨོཾཿ མཐར༔ རཀྵ་རཀྵ་གིང་ཀ་ར་ཏྲི་བཛྲ་ཀྲོ་ཏ་ཨ་བྷི་ཥིཉྩ་ཨོཾ༔ དེ་ནས་དབང་ཕྱུག་མ་ཉེར་བརྒྱད་ཀྱི་སྐུ་ཐོགས་ལ༔ ཧཱུྃ༔ སྦྱོར་ཡུམ་སྤྲུལ་པའི་ཕོ་ཉ་མོ༔ ལོག་འདྲེན་བདུད་བགེགས་འདུལ་མཛད་མ༔ བཀའ་སྡོད་དབང་ཕྱུག་ཉེར་བརྒྱད་ཀྱིས༔ སྐལ་ལྡན་བུ་ལ་དབང་བསྐུར་རོ༔ རྩ་སྔགས་མཐར༔ མ་ཏྲི་མ་བྷྱོ་ཛ་ཧྲིང་ཛ་ཨ་བྷི་ཥིཉྩ་ཨོཾ༔ དེ་ནས་དུར་ཁྲོད་ཆས་བརྒྱད་གཏད་ལཿ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ བྱུགས་པའི་རྫས་དང་བགོ་བའི་གོས༔ སྤྲས་པའི་རྒྱན་ཆས་འདི་གཏདཔས༔ ཧེ་རུ་ཀ་དཔལ་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཕྱག་མཚན་བཞི་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ རྡོ་རྗེ་རྩེ་དགུ་རྩེ་ལྔ་དང་༔ མེ་དཔུང་རྩེ་གསུམ་འདི་གཏད་པས༔ ཉོན་མོངས་ཚར་གཅོད་དབང་ཐོབ་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོ༔ དེ་ནས་གཟར་བླུགས་དང་མེ་ཧོམ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ གཟར་བླུགས་མེ་ཧོམ་འདི་གཏད་པས༔ ལས་བཞི་གང་བརྩམ་ཐོགས་མེད་དུ༔ འགྲུབ་པའི་དབང་མཆོག་ཐོབ་པར་ཤོག༔ རྩ་སྔགས་མཐར༔ ཀཱ་ཡ་ཨ་བྷི་ཥིཉྩ་ཨོཾ༔ དེ་ནས་ཐུན་མཚོན་སྣ་ཚོགས་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་བུ་ཁྱོད་ ལ་དྲག་པོའི་མཐུན་མཚོན་འདི་གཏད་པས༔ དགྲ་བགེགས་ཡ་མ་དམ་སྲིའི་ཚོགས༔ གསོད་གཅོད་བསྒྲལ་བའི་དབང་ཐོབ་ཤོག༔ རྩ་སྔགས་མཐར༔ ཀཱ་ཡཿ དེ་ནས་ཐུན་ཟོར་ཐོགས་ལ༔ ཧཱུྃ༔ སྐལ་ལྡན་རིགས་ཀྱི་དྲག་པོའི་ཟོར་ཐུན་འདི་གཏདཔས༔ འཕང་བ་ཙམ་གྱིས་དགྲ་གདོན་བགེགས༔ ཚར་གཅོད་བརླག་ནུས་དབང་ཐོབ་ཤོག༔ རྩ་སྔགས་མཐར༔ ཀཱ་ཡཿ དེ་ནས་རི་རབ་དང་བྲུབ་ཁུང་གཏད་ལ༔ ཧཱུྃ༔ སྐལ་ལྡན་རིགས་ཀྱིཿ རི་རབ་བྲུབ་ཁུང་འདི་གཏད་པས༔ ཡ་མ་དམ་སྲི་དགྲ་བགེགས་རྣམས༔ འགུགས་བསྒྲལ་མནན་གཟིར་དབང་ཐོབ ཤོག༔ རྩ་སྔགས་མཐར༔ ཀཱ་ཡ༔ དེ་ནས་བྷནྡྷ་བདུད་རྩི་ཐོགས་ལ༔ ཧཱུྃ༔ ཕྱི་ནི་རང་བྱུང་ཀ་པཱ་ལ༔ ནང་ན་ཡེ་ཤེས་བདུད་རྩི་འཁྱིལ༔ སྐལ་ལྡན་བུ་ལ་སྦྱིན་པ་ཡིས༔ གསུང་དབང་ཡོངས་སུ་རྫོགས་ཐོབ་ཤོག༔ རྩ་སྔགས་མཐར༔ ཝཱཀྐ་ཨ་བྷི་ཥིཉྩ་ཨཱཿ དེ་ནས་སྙིང་པོ་འབྲུ་དགུ་གཏད་ལ༔ ཧཱུྃ༔ དཔལ་ཆེན་རྡོ་རྗེ་གཞོན་ནུ་ཡི༔ གསུང་གསང་འདུས་པའི་སྙིང་པོ་འདིས༔ སྐལ་ལྡན་བུ་ལ་དབང་བསྐུར་བས༔ ལྷ་དང་རང་སྣང་དབྱེར་མེད་པའི༔ ཆོས་ཉིད་ཆེན་པོར་དབང་ཐོབ་ཤོག༔ རྩ་སྔགས་མཐར༔ ཝཱཀྐ་ཨ་བྷི་ཥིཉྩ་ཨཱཿ དེ་ནས་ཕྲེང་བ་གཏད་ལ༔ ཧཱུྃ༔ ཨོཾཿ རིན་ཆེན་ཕྲེང་བ་བརྒྱ་རྩ་འདི༔ སྐལ་ལྡན་བུ་ལ་གཏད་པ་ཡིས༔ བཟླས་པ་སྔགས་ལ་དབང་ཐོབ་ནས༔ འགྲོ་བ་འདྲེན་པའི་དཔལ་ཐོབ་ཤོག༔ རྩ་སྔགས་མཐར༔ ཝཱཀྐ་ཨ་བྷི་ཥིཉྩ་ཨཱཿ དེ་ནས་ཤེས་རབ་ཡེ་ཤེས་ཀྱི་དབང་བསྐུར་བ་ལ༔ སློབ་མ་རྣམས་སྐད་ཅིག་གིས་དཔལ་རྟ་མགྲིན་དམར་པོ་ཞལ་གཅིག་ཕྱག་གཉིས་གྲི་ཐོད་འཛིན་ཅིང་སྤྱན་གསུམ་སྡང་མིག་གཡོ་བ་ཞལ་གདངས་ལྗགས་འདྲིལ་རྣོ་དཀར་གྱི་མཆེ་བ་གཙིགས་པ་དབུ་སྐྲ་དམར་སེར་གྱེན་དུ་བརྫེས་ཤིང་སྤྱི་བོར་རྟ་མགོ་ལྗང་ཞུར་རྟ་སྐད་འཚེར་བས་ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པ་སྐུ་ལ་དུར་ཁྲོད་ཀྱི་ཆས་ཐམས་ཅད་རྫོགས་ཤིང་གར་དགུའི་ཉམས་དང་ལྡན་པ་ཡེ་ཤེས་ཀྱི་མེ་དཔུང་འཁྱིལ་བའི་ཀློང་ན་ཞབས་གཉིས་འདོར་སྟབས་ཀྱིས་པད་ཉི་བམ་གྱི་གདན་ལ་བཞུགས་པར་བསྒོམ་ལ༔ དེ་ནས་རིག་ཙཀ་གཏད་ལ༔ ཧཱུྃ༔ བདེ་ཆེན་ཡེ་ཤེས་སྟོང་པའི་གཟུགས༔ ཤེས་རབ་མཆོག་གི་ཕོ་ཉ་མོ༔ བཞིན་མཛེས་བཅུ་དྲུག་ལང་ཚོ་ལྡན༔ སྐལ་ལྡན་བུ་ལ་གཏད་པ་ཡིས༔ དབབ་བཟུང་བཀྲམ་འདྲེན་བརྟན་ཐོབ་ནས༔ མ་དག་རླུང་ལྔ་དབྱིངས་སུ་འཇིག༔ ཕྱི་ནང་གཞན་གསུམ་རྣམ་དག་ཅིང་༔ དག་རྫོགས་སྨིན་གསུམ་མཐར་སོན་ནས༔ འབྲས་བུ་ སྐུ་དང་ཡེ་ཤེས་དཔལ༔ མི་སློབ་ལམ་གྱི་འབྲས་ཐོབ་ཤོག༔ རྩ་སྔགས་མཐར༔ མ་ཧཱ་སུ་ཁ་ཛྙཱ་ན་པྲཛྙཱ་ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་འཇའ་ཤེལ་གཏད་ལ༔ ཧཱུྃ༔ སྐལ་ལྡན་རིགས་ཀྱི་བུ་རྣམས་ལ༔ མཚོན་བྱེད་བརྡ་ཡིས་དབང་བསྐུར་བས༔ མཚོན་བྱ་འོད་གསལ་དོན་རྟོགས་ནས༔ ཀ་དག་ཆོས་སྐུའི་ས་ཐོབ་ཤོག༔ རྩ་སྔགས་མཐར༔ ཙིཏྟ་ཨ་བྷི་ཥིཉྩ་ཧཱུྃ༔ དེ་ནས་གཏོར་མ་ཐོགས་ལ༔ ཧཱུྃ༔ ཆོས་དབྱིངས་བརྡལ་ཁྱབ་གཏོར་གཞོང་དུ༔ ལྷུན་གྲུབ་རྫོགས་པའི་གཏོར་མ་བཤམས༔ རིག་རྩལ་ཡེ་ཤེས་གཏོར་རྒྱན་སྤྲས༔ དཔལ་ཆེན་ལྷ་ཚོགས་སྒྲུབ་པའི་རྟེན༔ སྐལ་ལྡན་བུ་ལ་དབང་བསྐུར་རོ༔ རིགས་དང་དཀྱིལ་འཁོར་ཐམས་ཅད་ལ༔ དབང་བསྒྱུར་དབང་མཆོག་ཐོབ་པ་དང་༔ དོན་གཉིས་ལྷུན་གྲུབ་དཔལ་ཐོབ་ཤོག༔ རྩ་སྔགས་མཐར༔ མ་ཧཱ་བཱ་ལིཾ་ཏ་མཎྜལ་ལ་སརྦ་ཨ་བྷི་ཥིཉྩ་ཧྲཱིཿ ཅེས་བརྗོད་གཏོར་མ་གནས་གསུམ་དུ་གཏུག༔ དེ་ནས་མཐའ་བརྟེན་གཏད་ཅིང་དམ་ཁས་བླངས༔ སྐུ་དྲིན་གསོས་ཕྱིར་སྒོ་གསུམ་བླ་མར་འབུལ༔ བཀྲ་ཤིས་མེ་ཏོག་འཐོར་ཞིང་རྗེས་རིམ་བྱ༔ ལས་རྗེས་མི་མངོན་ཐེག་དམན་རིགས་ལ་གསང་༔ དབང་འདི་ལན་གཅིག་ཐོབ་པའི་སྐྱེས་བུ་གང་༔ རིམ་གཉིས་ལམ་འཇུག་ཚེ་འདིར་རིག་འཛིན་ཐོབ༔ ཐེ་ཚོམ་མེད་དོ་ཕྱི་རབས་ལས་འཕྲོ་ཅན༔ ས་མ་ཡ༔ ཨེ་མ་ཤིན་ཏུ་ཟབ་པ་ལས་ཀྱང་ཆེས་ ཨོཾ་ཿ ཟབ་པ༔ མཁའ་འགྲོའི་