Tibetan
དང་སྙིང་ག་རུ༔ ནྲྀ་ཏྲི་ཛ་ཛ་ཞེས་དང་ནི༔ རྦད་སྔགས་བསད་སྔགས་དག་གིས་བསྐོར༔ ཕྱི་ལ་ཛ་ཁྲམ་དམར་ནག་ནི༔ ཉེར་གཅིག་དག་གིས་བསྐོར་བར་བྱ༔ རང་གི་དྲི་མ་སླར་བཀྲུས་ནས༔ རོ་ལྟེབས་བྱ་ཞིང་ཧོམ་དུ་བཅུག༔ འགུགས་བསྒྲལ་གདབ་རྫས་ལ་སོགས་བསགས༔ དེ་ནས་ལས་ལ་འཇུག་པ་ནི༔ རྣལ་འབྱོར་དེ་ཉིད་འདི་ཤེས་གནད༔ འཁོར་འདས་རང་སྣང་ཤེས་པ་དང་༔ ལྷ་ཡི་ཏིང་འཛིན་གསལ་བ་དང་༔ ཚེ་ཁྲུས་གནད་ལ་མཁས་པ་ཡིས༔ རྫོང་འཕྲང་སྲོག་གི་ཆིངས་གཅིག་ཡིན༔ རང་ཉིད་ཡི་དམ་སྐུར་གསལ་ནས༔ སྣང་སྲིད་ལྷ་ཡི་ཕྱག་རྒྱར་བསྒོམ༔ ཕྲིན་ལས་གང་བརྩམ་དམིགས་པ་ནི༔ རང་ལ་མི་ལྡོག་གནད་གཅིག་ཡིན༔ ཕུར་པ་སྲས་སུ་བྱིན་བརླབས་ནས༔ ཁམས་གསུམ་སྐུ་ གསུམ་ཀློང་ཉིད་དུ༔ སྐད་ཅིག་གྲོལ་ནུས་དབང་ཐོབ་པ༔ མི་རྡུགས་པ་ཡི་གནད་གཅིག་གོ༔ སྣོད་བཅུད་འཇིག་རྟེན་མ་ལུས་པ༔ དགྲ་བགེགས་བླ་ཚེའི་གཤེད་དུ་ཕབས༔ གང་ལ་དམིགས་པས་བརླག་ནུས་པ༔ དེ་ནི་གཞན་ལ་མི་འབྱམས་གནད༔ རང་ཉིད་ལྷར་གསལ་ཐུགས་ཀ་ནས༔ འོད་འཕྲོས་འཁོར་འདས་ཡོངས་ཁྱབ་ཅིང་༔ རྒྱལ་ཀུན་མཁྱེན་བརྩེའི་ཡོན་ཏན་དང་༔ མཐུ་དང་ནུས་པ་ཐམས་ཅད་ཀུན༔ ཚུར་འདུས་བདག་ལ་ཐིམ་པ་ཡིས༔ འཁོར་འདས་སྤྱི་དཔལ་ཆེན་པོར་བསྒོམ༔ ཕུར་པ་སྲས་མཆོག་གསལ་བ་ལས༔ འོད་འཕྲོས་སྲིད་ཞིའི་དྭངས་བཅུད་དང་༔ རྒྱལ་བ་རྣམས་ཀྱི་མཐུ་ནུས་རྩལ༔ ཁབ་ལེན་རྡོ་ཡིས་ལྕགས་བསྡུས་ལྟར༔ ཕུར་བུ་ཉིད་ལ་ཐིམ་པར་དམིགས༔ ལིང་ག་དགྲ་བགེགས་དངོས་གསལ་བའི༔ སྙིང་གའི་ས་བོན་ལས་འཕྲོས་པའི༔ འོད་ནག་འཇིག་རྟེན་ཁྱབ་པ་ཡིས༔ སྲིད་པར་གནས་པའི་དགྲ་བགེགས་ཀྱི༔ བླ་ཚེ་སྲོག་གསུམ་དབྱེར་མེད་བསྟིམས༔ དེ་ལྟར་གནད་དང་ལྡན་པ་ནི༔ གསོ་བ་གསུམ་གྱི་དམིགས་པའོ༔ ས་མ་ཡ༔ དེ་ནས་ཨེ་ཁང་བསྐྱེད་པ་དང་༔ དམིགས་བྱ་གསལ་བ་ནི༔ བདག་ཉིད་ལྷར་གསལ་བའི་ཐུགས་ཀ་ནས་ཨེ་ཡིག་ནག་པོ་འོད་འབར་བ་གཅིག་སྤྲོས་པ་ལས་མདུན་དུ་ལས་ཀྱི་གཤིན་རྗེའི་བཙོན་ཁང་ནག་པོ་རྒྱ་ཆེ་ལ་གཏིང་ཟབ་པ༔ དཔངས་མཐོ་ཞིང་གྲུགསུམ་བང་རིམ་གསུམ་དང་ལྡན་པའི་ནང་ནགཏི་མུག་གི་མུན་པ་འཐིབ་པ༔ འོག་ན་འདོད་ཆགས་ཀྱི་ཁྲག་མཚོ་རྦ་རླབས་རབ་ཏུ་འཁྲུགས་པ༔ ཨོཾཿ བར་ན་ཕྲག་དོག་གི་རླུང་ནག་འཚུབས་ཤིང་༔ ང་རྒྱལ་གྱི་བྲག་རི་ཚག་ལྡིར་དུ་བསྙིལ་བ༔ ཕྱི་ལ་ཞེ་སྡང་གི་མེ་དཔུང་དམར་ན་དྲག་ཏུ་འབར་བའི་མཐའ་སྐོར་དུ་དྲག པོའི་རྩང་གི་དྲྭ་མིག་རིས་སུ་བཀྲམ་པའི་ནང་དུ་ནྲྀ་ཏྲི་གསལ་བ་ལས་འོད་འཕྲོས་པས་གནོད་བྱེད་དགྲ་བགེགས་རྣམས་ཀྱི་བླ་ཚེ་སྲོག་གསུམ་མཐུ་དང་ནུས་པ་ཐམས་ཅད་སྟོང་གསུམ་སྲིད་པའི་ཁམས་གང་ན་གནས་ཀྱང་རང་དབང་མེད་པར་འདུས་ནས་དམིགས་རྟེན་སྲོག་ཡིག་དང་གཉིས་སུ་མེད་པར་ཐིམ་པར་བསམ༔ དེ་ཡོངས་སུ་གྱུར་པ་ལས་དགྲ་བགེགས་དེ་ཉིད་མདོག་སྔོ་ལ་ཧམ་པ་ཁ་ངུ་བ་མིག་ཤི་མིག༔ ལག་པ་མྱ་ངན་གྱི་ཕྱག་རྒྱ་ཅན་རྐང་ལག་རྣམས་ལྕགས་སྒྲོག་གིས་བསྡམས་པ༔ ལུས་ཀྱི་བུ་ག་ཐམས་ཅད་ནས་ཁྲག་འཛག་པ༔ བྱང་སེམས་དཀར་དམར་ཐུར་དུ་བབས་པ༔ མགོན་མེད་སྐྱབས་དང་བྲལ་ཞིང་གཅེར་བུ་ཉམ་ཐག་པ༔ རྒྱུ་བའི་དབུགས་དང་བྲལ་ལ་ཁད་པ་འདར་ཕྲི་ལི་ལི་བྱེད་པ་ཞིག་ཏུ་གྱུར༔ ཁོའི་སྙིང་གའི་ས་བོན་ལས་འོད་ནག་པོ་དཔག་ཏུ་མེད་པ འཕྲོས་པས་སྟོང་གསུམ་སྲིད་པའི་ཁམས་ཀྱི་དགྲ་བགེགས་གནོད་བྱེད་སྲི་ངན་ཐམས་ཅད་ཀྱི་བླ་ཚེ་སྲོག་གི་རྟེན་རྣམས་སྐད་ཅིག་རང་དབང་མེད་པར་ཆུ་ཐིག་ཧུབ་ཀྱིས་རྔུབས་པ་ལྟར་བསྡུས་ནས་ལིང་ག དང་གཉིས་སུ་མེད་པར་ཐིམ་པར་གྱུར༔ ཕོ་ཉ་བྲན་པ་ནི༔ རང་ཉིད་ཡི་དམ་གྱི་ཐུགས་ཀ་ནས་ལས་བྱེད་སྤྲུལ་པའི་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོག་པ་དཔག་ཏུ་མེད་པ་སྤྲོས་པས་གནོད་བྱེད་དགྲ་བགེགས་སྲི་ངན་རྣམས་ཀྱི་བླ་ཚེ་སྲོག་གསུམ་ཐམས་ཅད་ནམ་མཁའ་ནས་ཤོག་སྐྱ་རླུང་གིས་གཏོར་བ་དང་༔ བར་སྣང་ནས་སེར་བ་འཐོར་རླུང་གིས་དེད་པ་བཞིན་དང་༔ ས་གཞིའི་ཁམས་ནས་ར་ལུག་འཕར་སྤྱང་གིས་དེད་པ་ལྟར་རང་དབང་མེད་པར་བཀུག་ནས༔ ལྕགས་ཀྱུས་སྙིང་ནས་བཟུང་༔ ཞགས་པས་རྐེ་ནས་བཅིངས༔ ལྕགས་སྒྲོག་གིས་ཡན་ལག བསྡམས༔ དྲིལ་བུས་མྱོས་སུ་ཆུག་ལ་འཕར་ལྡངས་འགུལ་བསྐྱོད་མེད་པར་ལིང་ག་དང་གཉིས་མེད་དུ་ཐིམ་པར་གྱུར༔ དེ་ནས་འགུགས་པ་ནི༔ ན་མོ༔ དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་སངས་རྒྱས་ཀྱི་བཀའ་༔ ཆོས་ཀྱི་བཀའ དགེ་འདུན་གྱི་བཀའ་བླ་མ་ཡི་དམ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི༴ ཡི་དམ་རྡོ་རྗེ་གཞོན་ནུའི་དཀྱིལ་འཁོར་གྱི་ལྷ་ཚོགས་སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི དོན་དམ་ཆོས་ཉིད་ངོ་བོ་ཀ་ནས་དག་པའི་བཀའཿ ཨོཾཿ ཆོས་ཅན་རྒྱུ་འབྲས་བསླུ་བ་མེད་པའི་བཀའ༔ བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས་སྤྱིར་སངས་རྒྱས་ཀྱི་བསྟན་པ་བཤིག་པའི་ལག་དམར༔ དམ་པའི་ཆོས་ཁྲིམས་བཤིག་པའི་བདུད་སྡེ༔ དགེ་འདུན་གྱི་འདུ་སྒོ་བཅོམ་པའི་གཤེད་མ༔ ཏིང་འཛིན་སྒོམ་པའི་སེམས་དཀྲུགས་ཤིང་བཤེས་གཉེན་དམ་པའི་སྐུ་ལ་བསྡོ་བ༔ ཆོས་སྒྲུབ་ཡོངས་ལ་འཚེ་བར་བྱེད་པའི་དམ་སྲི་ཡ་མ་སྤུན་དགུ་དང་༔ ཁྱད་པར་དུ་བདག་ཅག་འཁོར་དང་བཅས་པ་ལ་སྔ་དགྲ་ལག་གིས་བྱས་པ༔ ཕྱི་དགྲ་ཡིད་ལ་བསམ་པ༔ ད་དགྲ་ཐད་ཀར་ལངས་པའི་གཟུགས་ཅན་གྱི་དགྲ༔ གཟུགས་མེད་ཀྱི་བགེགས༔ བར་ཆད་བྱེད་པའི་བདུད་བགེགས་དམ་སྲི་ལ་སོགས་པ་གནོད་ཅིང་འཚེ་བར་བྱེད་པའི་རིགས་སུ་གྱུར་པ་ཐམས་ཅད་ཀྱི་ཚེ་བླ་སྲོག་གསུམ་མཐུ་ནུས་རྩལ་ཤུགས་དང་བཅས་པ་ཐམས་ཅད་སྟོང་གསུམ་སྲིད་པའི་ཁམས་གང་ན་གནས་ཀྱང་སྐད་ཅིག་རང་དབང་མེད་པར་གཟུགས་ལིངྒ་འདི་ལ་ཁུག་ཅིག༔ ནྲྀ་ཨ་ཀརྵ་ཡ་ཛཿཛཿ ཏྲི་ཨ་ཀརྵ་ཡ་ཛཿཛཿ དེ་ལྟར་དགུ་རེའི་མཚམས་སུ་སྤུ་གྲིའི་སྔགས་མཐར༔ གནོད་བྱེད་དགྲ་བགེགས་སྲི་ངན་རྣམས་ཀྱི་བླ་ཚེ་སྲོག་གསུམ་ཁུག་ཛཿ ནྲྀ་ཏྲི་ཡཾ་ཛཿ ཛཿཧཱུྃ་བཾ་ཧོཿ ཞེས་པས་གནོད་བྱེད་གང་ཡིན་ པ༔ དམིགས་པས་གཅུན་ལ་ལིང་ག་རུ༔ ཡང་ཡང་བསྟིམ་པ་གནད་གཅེས་སོ༔ དེ་ནས་བཅིངས་པའི་ལས་ནི༔ ཧཱུྃ་བྷྱོཿ དཔལ་ཆེན་རྡོ་རྗེ་གཞོན་ནུའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་གནད་ནས་བསྐུལ༔ དམ་ཉམས་དགྲ་བགེགས་སྲི་ངན་ཐམས་ཅད་ཀྱི༔ སྒོ་གསུམ་མཐུ་སྟོབས་ནུས་རྩལ་མ་ལུས་པ༔ ཁྲོལ་མེད་ལས་ཀྱི་ཕྱག་རྒྱས་དམ་དུ་ཆིངས༔ བྱད་དུ་ཆུག་ལ་ནམ་ཡང་ལྡང་མེད་མཛོད༔ རྩ་སྔགས། རཱུ་ཏྲ་དུ་སྲི་ཨ་མུ་ཀ་མཱ་ར་ཡ་ཆིངས་ཆིངས་བྷནྡ་བྷནྡྷ་སྭཱ་ཧཱ༔ བཛྲ་པཱ་ཤ་ཧཱུྃ༔ ཞེས་བརྗོད། བདག་མདུན་གྱི་སྐུ་ལས་འོད་ཟེར་སྔོ་ལ་དམར་བའི་འོད་དང་ལྡན་པ་སྤྲོས་ནས་དགྲ་བགེགས་སྲི་ངན་རྣམས་ཀྱི་སྒོ་གསུམ་བླ་སྲོག་དང་བཅས་པ་གཡོ་འགུལ་འཕར་ལྡངས་མེད་པར་དམ་དུ་བཅིངས་ཤིང་དཀྲིས་པས་ནུས་མཐུ་རྩལ་ཤུགས་ཐམས་ཅད་ཉམས་ནས་རྡོ་ཐང་ལ་འཕང་བ་ལྟར་གྱུར་པར་བསམ༔ དེ་ནས་ལྷ་དབྱེ་ནི༔ ཧཱུྃ་བྷྱོཿ དཔལ་ཆེན་རྡོ་རྗེ་གཞོན་ནུའི་ལྷ་ཚོགས་རྣམས༔ མ་གཡེལ་དམ་ཚིག་ཐུགས་དམ་གནད་ནས་སྐུལ༔ ཉམས་པ་བདུན་ལྡན་དགྲ་བགེགས་འདི་རྣམས་ཀྱི༔ སྐྱོབ་པར་བྱེད་པའི་ལྷ་སྲུང་ཀུན་དང་ཕྱེས༔ མཉམ་པོར་འོང་བའི་གཤེད་བདུད་དང་སྤྲོད་ཅིག༔ ལོ་ཟླ་ཞག་ཏུ་མ་འགྱངས་མཐུ་རྩལ་ཕྱུངས༔ དགྲ་བགེགས་མགོན་སྐྱབས་བྱེད་པའི་ལྷ་དང་ཕྱེས༔ འགུགས་བསྒྲལ་ ྋ ཨོཾ་ཿ དྲག་པོའི་ལས་ཀྱི་དུས་ལ་བབས༔ རྩ་སྔགས། མ་མ་ཏྲཀ་རཀྴ་མཱ་ར་ཡ་ཕྱེས་ཕྱེས༔ དགྲ་བགེགས་གདུག་པ་ཅན་རྣམས་ཀྱི་མགོན་སྐྱབས་བྱེད་པའི་ལྷ་སྲུང་ཐམས་ཅད་དང་ཕྱེས་ཤིག་ཁྲོལ་ཅིག་མཱ་ར་ཡ་རྦད་ཛཿ ཞེས་བརྗོད། རང་ལས་སྤྲུལ་པའི་ལས་བྱེད་ཀྱི་ཕྲ་མེན་མ་རྣམས་ཀྱིས་བྲུབ་ཁུང་ཁར་འཛིན་འཐབ་བྱེད་ཅིང་ལུས་ཀྱི་བ་སྤུ་ཐམས་ཅད་ནས་དགྲ་བགེགས་ལྷ་སྲུང་དབྱེ་བར་བྱེད་པའི་དྲི་ངན་འཐུལ་བས་དགྲ་བགེགས་རྣམས་ཤུལ་དུ་བོར་ནས་མགོན་སྐྱབས་བྱེད་པའི་ལྷ་སྲུང་ཐམས་ཅད་དབྱེ་ཞིང་ཁོང་རྣམས་སྐྱབས་བྲལ་མགོན་མེད་དུ་གྱུར་པར་བསམ༔ དེ་ནས་སྨྱོ་རུ་ཞུགས་པ་ནི༔ ཧཱུྃ་བྷྱོཿ དཔལ་ཆེན་རྡོ་རྗེ་གཞོན་ནུའི་ལྷ་ཚོགས རྣམས༔ མ་གཡེལ་དམ་ཚིག་ཐུགས་དམ་གནད་ནས་སྐུལ༔ ཕྲིན་ལས་སྤྲུལ་པའི་ཕོ་ཉ་སྐར་ལྟར་འཁྲིགས༔ དགྲ་བགེགས་སྲི་ངན་འགུགས་བསྒྲལ་དུས་ལ་བབས༔ ལྕགས་ཀྱུ་འབར་བས་ཟུངས་ལ་ཞགས་པས་ཆིངས༔ ལྕགས་སྒྲོག་གིས་སྡོམ་དྲིལ་བུས་མྱོས་སུ་ཆུགས༔ དགྲ་བགེགས་མྱོས་ཤིང་བརྒྱལ་ནས་དྲན་པ་རྨུགས༔ བླ་སྲོག་རྣམ་ཤེས་དབྱེར་མེད་གཟུགས་ལ་སྟིམས༔ རྩ་སྔགས། ཛྭ་ལ་པ་ཡ་ཛྭ་ལ་པ་ཡ་ཨ་མུ་ཀ་ཐིབ་ཐིབ་མྱོས་མྱོས་མཱ་ར་ཡ་རྦད་ཛཿ ཞེས་བརྗོདཔ་ཙམ་གྱིས་ཁམས་གསུམ་གྱི་འཁྲུལ་པ་བག་ཆགས་ཐམས་ཅད་ལས་རླུང་ནག་པོའི་རྣམ་པར་བྱུང་སྟེ་དགྲ་བགེགས་ རྣམས་ཀྱི་སྲིན་ལག་བརྒྱུད་དེ་སྲོག་རྩར་བཞུགས པས་དགྲ་བགེགས་ཐམས་ཅད་རང་དབང་མེད་པར་དྲན་པ་མྱོས་ཤིང་ཐིབ་པར་བསམ༔ དེ་ནས་ལས་ཕུར་བསྐྱེད་བསྟིམ་ནི༔ བདག་ཉིད་དཔལ་ཆེན་རྡོ་རྗེ་གཞོན་ནུ་ཡབ་ཡུམ་དུ་གསལ བའི་ཕྱག་གཡས་ཟླ་བའི་དཀྱིལ་འཁོར་དང་གཡོན་ཉི་མའི་གདན་ལ་རིགས་ལྔ་ཡབ་ཡུམ་མཉམ་པར་སྦྱོར་བ་ལས་བྱང་ཆུབ་སེམས་ཀྱི་རྒྱུན་བབས་པ་ལས་སྲས་ཀྱི་རྣམ་པར་བྱུང་བ་ཡེ་ཤེས་ཀྱི་ཁྲོ་བོ་ཀཱི་ལ་ཡ་ལྗང་ནག་ཞལ་གསུམ་ཕྱག་དྲུག་དང་ལྡན་པ༔ དུར་ཁྲོད་ཀྱི་ཆས་རྫོགས་ཤིང་སྐུ་སྨད་གནམ་ལྕགས་ཀྱི་ཕུར་བུ་ཟུར་གསུམ་པ་ཆུ་སྲིན་གྱི་ཁ་ནས་སྦྲུལ་གྱི་ཆུན་པོ་སྐྱུགས་པ༔ མགར་གྱིསོ་མལ་ནས་ཐོན་པ་ལྟར་མེའི་ཚྭ་ཚྭ་འཕྲོ་ཞིང་དགྲ་བགེགས་འགུགས་བསྒྲལ་གྱི་ལས་ལ་མངའ་དབང་བསྒྱུར་བ༔ དེའི་རྒྱ་མདུད་གོང་མ་ན་བདེ་གཤེགས་ཞི་བའི་ཕོ་བྲང་༔ འཆང་ཟུང་ལ་ཁྲག་འཐུང་ཁྲོ་བོ་རོལ་པའི་དཀྱིལ་འཁོར་དང་བཅས་པ༔ རྒྱ་མདུད་འོག་མ་ལ་དཔལ་གྱི་བཀའ་སྲུང་གི་ཕོ་བྲང་དང་བཅས་པ་རྫོགས་པར་གྱུར༔ དེ་ལྟར་གསལ་བའི་གནས་གསུམ་ལས་འོད་ཟེར་འཕྲོས་པས་སྐུ་གསུམ་རྒྱལ་བ་སྲས་དང་བཅས་པའི་ཡེ་ཤེས་ཡོན་ཏན་མཁྱེན་བརྩེ་ནུས་པའི་དབང་བྱིན་དངོས་གྲུབ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་བྱུང་ནས་ཕུར་པ་ལ་ཐིམ་ ཨོཾཿ པས་དབངབྱིན་དངོས་གྲུབ་ཡེ་ཤེས་ཡོན་ཏན་ཐམས་ཅད་ཡོངས་སུ་རྫོགས་པར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཨ་བྷི་ཥེཉྩ་ཨོཾ༔ ཨོཾ་བཛྲ་ཿ སོགས། ཝཱཀྐ་ཨ་བྷི་ཥེཉྩ་ཨཱཿ ཨོཾ་བཛྲ་ཿ སོགས། ཙིཏྟ་ཨ་བྷི་ཥེཉྩ་ཧཱུྃ༔ ཨོཾ་བཛྲ་ཿ སོགས། སརྦ་ཨ་བྷི་ཥིཉྩ་སྟོ༔ ཏིཥྛ་བཛྲ༔ ཞེས་བརྗོད་པས་དུས་གསུམ་གྱི་རྒྱལ་བ་རྣམས་ཀྱིས་བྱིན་གྱིས་རླབས་ཤིང་མཐུ་དང་ནུས་པ་ཐམས་ཅད་ཡོངས་སུ་རྫོགས་པས་འཁོར་འདས་ཀྱི་སྤྱི་དཔལ་ཆེན་པོར་དབང་བསྒྱུར་ཞིང་སྐུ་འགྱིང་བ་ཙམ་གྱིས་སྲིད་པ་གཡོ་ནུས་ཤིང་༔ གསུང་བསྒྲགས་པ་ཙམ་གྱིས་གཟུགས་ཅན་གཟུགས་མེད་ཀྱི་དགྲ་བགེགས་དམ་སྲི་ཐམས་ཅད་དབང་དུ་བྱེད་ཅིང་དཔའ་ཟིལ་བཅོམ་པ༔ ཐུགས་གཡོ་བ་ཙམ་གྱིས་སྲིད་གསུམ་སྐད་ཅིག་ལ་སྒྲོལ་ནུས་པའི་མཐུ་སྟོབས དཔལ་ཡོན་ཐམས་ཅད་རྫོགས་པར་བསམ༔ དེ་ནས་ཚེ་ལུང་ནི༔ ངོ་བོ་སྐུ་གསུམ་ཡེ་ཤེས་འདུ་འབྲལ་མེད་པའི་ཀློང་ནས་རང་བྱུང་ལྷུན་གྲུབ་ཀྱི་ཕུར་པ་དེ་ཉིད་དགྲ་བགེགས་སྲི་ངན་རྣམས་ཀྱི་གཟུགས་ལ་ཚད་པ་ཙམ་གྱིས་ཕུང་ཁམས་སྐྱེ་མཆེད་ཐམས་ཅད་ཞོ་ལྟར་དཀྲུགས་པས་འོ་མ་ལས་མར་ཐོན་པ་བཞིན་དུ་དགྲ་བགེགས་རྣམས་ཀྱི་བླའི་ངོ་བོ་ནྲྀ་ཡིག་དཀར་པོ་འོད་དང་བཅས་པ་ཞིག་ཆུ་ཐིག་ཧུབཀྱིས་ དྲངས་པ་ལྟར་ཕུར་པའི་རྩེ་མོར་འདུས་ཏེ་ཕུར་པ་ལ་ཐིམ་པས་ཕུར་པ་དེ་ཉིད་ངང་མེར་གྱིས་སོང་ནས་གཟི་བརྗིད་རབ་ཏུ་འབར་ཞིང་རྒྱལ་བ་རྣམས་ཀྱི་ཕྲིན་ལས་ཡོངས་སུ་རྫོགས་པའི་མཐུ་དབང་དང་ལྡན་པར་བསམ༔ སླར་ཡང་ཕུར་པ་དེ་ཉིད་དགྲ་བགེགས་ཀྱི་སྙིང་གར་འདྲིལ་བ་ཙམ་གྱིས་ཁོའི་ཚེ་བསོད་རྣམས་ཀྱི་ངོ་བོ་ནྲྀ་ཡིག་ལྗང་གུའི་རྣམ་པ་ཞིག་ཏུ་གྱུར་པ་ཕུར་པའི་རྩེ་མོ་ནས་འུབ་ཀྱིས་འདུས་ཏེ་ཁོང་སེང་ནས་དྲི་མ་ཉེས་སྐྱོན་ཐམས་ཅད་སྦྱངས་ཤིང་དག་པར་བྱས༔ ཕུར་རྩེ་ནས་བརྒྱུད་དེ་རང་ཉིད་ལ་ཐིམ་པས་ཚེ་བསོད་དབང་ཐང་ཐམས་ཅད་རབ་ཏུ་རྒྱས་པར་བསམ་མོ༔ དེ་ནས་ཁྲུས་ལུང་ནི༔ སླར་ཡང་ཕུར་པའི་རྩེ་མོ་ནས་འོད་ཟེར་དཔག་ཏུ་མེད་པ་འཕྲོས་ནས་དགྲ་བགེགས་རྣམས་ལ་ཕོག་པ་ཙམ་གྱིས་ཁོའི་རྒྱུད་ཀྱི་ལས་དང་ཉོན་མོངས་སྡིག་སྒྲིབ་བག་ཆགས་ཐམས་ཅད་བ་མོ་ལ་ཉི་ཟེར་ཕོག་པ་ལྟར་སངས་ཀྱིས་དག་ནས་མེ་ལོང་དྲི་མ་མེད་པ་བཞིན་དུ་གྱུར་པར་བསམ་མོ༔ སརྦ་པཱ་པཾ་ཤུདྡྷེ་ཡེ་སྭཱ་ཧཱ༔ དེ་ནས་གནས་ལུང་ནི༔ ཡང་ཕུར་པ་དེ་ཉིད་དགྲ་བགེགས་སྲི་ངན་རྣམས་ཀྱི་སྙིང་གར་བཏབ་པས་རྣམ་པར་ཤེས་པ་སྦུབས་ཆུ་འདྲེན་པ་བཞིན་དུ་འོད་ཀྱིས་ཐིག་ལེ་དཀར་པོ་གསལ་ལ་དྭངས་པ་ཨ་ཡིག་གིས་མཚན་པ་ཅན་ཞིག་ཏུ་གྱུར་པ་ཕུར་པའི་ཁོང་སེང་ནས་ཡར་དྲངས་པའི་ཚེ་ན་ཁོའི་ ཨོཾཿ རྒྱུད་ཀྱི་ཉོན་ཤེས་ཀྱི་སྒྲིབ་པ་བག་ཆགས་ཐམས་ཅད་སངས་ཀྱིས་དག་པར་བསམ༔ ཕཊ༔ ཕཊ༔ ཕཊ༔ ཅེས་བརྗོད་པའི་དང་པོས་རྒྱ་མདུད་འོག་མ་ནས་སྤྲུལ་སྐུའི་དགོངས་པར་འཕོས་པར་བསམ༔ གཉིས་པས་འཆང་ཟུང་ནས་ལོངས་སྐུའི་དགོངས་པར་འདྲེས་པར་བསམ༔ གསུམ་པས་རྒྱ་མདུད་གོང་མ་ནས་ཆོས་སྐུའི་དགོངས་པའི་དོན་རྙེད་ནས་སླར་ཡང་སྐར་མདའ་མཆེད་པ་བཞིན་དུ་མདུན་བསྐྱེད་གཙོ་བོའི་ཐུགས་ཀར་ཐིམ་པས་སྐུ་བཞི་ཡེ་ཤེས་ལྔའི་ཀློང་དུ་སངས་རྒྱས་པར་བསམ་མོ༔ ཨ་ཨ་ཕཊ༔ ཅེས་བརྗོད་སྐུ་གསུམ་མཉམ་སྦྱོར་དབྱིངས༔ མི་དམིགས་ཁྱ་བརྡལ་ངང་དུ་བཞག༔ དེ་ལྟར་གནད་དང་ལྡན་པ་ན༔ མཐུ་སྟོབས་ནུས་པའི་དཔལ་ཐོབ་ནས༔ འཁྲུལ་པ་སྣང་ཞེན་འཕྱན་པ་ཡི༔ ལོག་འདྲེན་ཚོགས་རྣམས་རྡུལ་བརླག་ནས༔ འཁྲུལ་སྣང་རྨི་ལམ་བཞིན་དུ་སད༔ ཀ་དག་དབྱིངས་སུ་སྒྲོལ་བར་ངེས༔ དེ་ཡིས་འཁོར་བའི་ས་བོན་སྟོང་༔ དེ་ནས་གདབ་ལས་བྱ་བ་ནི༔ དང་པོ་ཕུར་ཐུན་ཐོགས་ལ༔ ཧཱུྃ་བྷྱོཿ ང་ནི་དཔལ་ཆེན་རྡོ་རྗེ་གཞོན་ནུའི་སྐུ༔ ལས་བྱེད་སྤྲུལ་པའི་ཕོ་ཉ་སྐར་ལྟར་འཕྲོལ༔ ཕུར་ཟོར་དྲག་པོ་དགྲ་བགེགས་སྙིང་ལ་ཐོབ༔ མ་རིག་ཉོན་མོངས་འཁྲུལ་འཁོར་དབྱིངས་སུ་ཤིགས༔ སྤུ་གྲིའི་སྔགས་མཐར༔ སྡང་བྱེད་དགྲ་དང་གནོད་བྱེད་བགེགས་ཀྱི་སྟེང་དུ་མཱ་ར་ཡ་ཕོབ་ཛ་ཕོབ་ཛཿ དེ་ནས་ཡུང་ཐུན་ནི༔ ཧཱུྃ་བྷྱོཿ ང་ནི་དཔལ་ལས་ བྱེད: ཡུངས་ཐུན་དྲག་པོ་ཆར་ལྟར་ཉི་ལི་ལི༔ གནོད་བྱེད་དགྲ་བགེགས་གཟུགས་ཕུང་སྟེང་དུ་ཐོབ༔ འཁྲུལ་སྣང་ཞེན་པའི་འཆིང་རྒྱ་དབྱིངས་སུ་ཁྲོལ༔ སྤུ་གྲིའི་སྔགས་མཐར༔ སྡང་བྱེད་དགྲ་དང་༴ སོགས། དེ་ནས་ཁྲག་ཐུན་ནི༔ ཧཱུྃ་བྷྱོཿ ང་ནི་དཔལ་ལས་བྱེད༴ དམར་ཆེན་ཁྲག་ཐུན་དྲག་པོ་ཤ་ར་ར༔ གནོད་བྱེད་དགྲ་བགེགས་ཚོར་ཕུང་སྟེང་དུ་ཐོབ༔ གཉིས་འཛིན་འཁྲུལ་པ་བདག་མེད་ཆེན་པོར་སྒྲོལ༔ སྤུ་གྲིའི་སྔགས་མཐར༔ སྡང་བྱེད་དགྲ་དང་སོགས། དེ་ནས་ཚེ་ཐུན་ནི༔ ཧཱུྃ་བྷྱོཿ ང་ནི་དཔལ་: ལས་བྱེད: མཚེ་ཐུན་དྲག་པོ་སྐར་ལྟར་ཧྲི་ལི་ལི༔ གནོད་བྱེད་དགྲ་བགེགས་འདུ་ཕུང་རྡུལ་དུ་རློགས༔ འཁོར་བའི་བག་ཆགས་སྐྱེ་མེད་དབྱིངས་སུ་ཤིགས༔ སྤུ་གྲིའི་སྔགས་ཐར༔ སྡང་བྱེད་དགྲ་དང་: སོགས༔ དེ་ནས་དུག་ཐུན་ནི༔ ཧཱུྃ་བྷྱོཿ ང་ནི་དཔལ་ལས་བྱེད༴ དུག་ཐུན་དྲག་པོ་དགྲ་དང་བགེགས་ལ་ཐོབ༔ ཉོན་མོངས་འཁྲུལ་སྣང་ཐལ་བ་རྡུལ་དུ་རློགས༔ ཞེན་མེད་རང་གྲོལ་ཆོས་སྐུའི་ཀློང་དུ་སྒྲོལ༔ སྤུ་གྲིའི་སྔགས་མཐར༔ སྡང་བྱེད་དགྲ་དང་ཿ སོགས། དེ་ནས་མཚོན་ཐུན་ནི༔ ཧཱུྃ་བྷྱོཿ ང་ནི་དཔལ་ལས་བྱེད༴ མཚོན་ཐུན་དྲག་པོ་དགྲ་དང་བགེགས་ལ་ཕོབས༔ གཉིས་སྣང་ ཨོཾ་ཿ འཁྲུལ་པའི་འཁོར་ལོ་དབྱིངས་སུ་ཤིགས༔ སྤུ་གྲིའི་སྔགས་མཐར། སྡང་བྱེད་དགྲ་དང་སོགས། དེ་ནས་མདའ་ཐུན་ནི༔ ཧཱུྃ་བྷྱོཿ ང་ནི་དཔལ་ལས་བྱེད༴ མདའ་ཐུན་དྲག་པོ་དགྲ་དང་བགེགས་ལ་ཕོབས༔ མ་རིག་གཟུང་འཛིན་འཆིང་བ་དབྱིངས་སུ་ཤིགས༔ སྤུ་གྲིའི་སྔགས་མཐར། སྡང་བྱེད་དགྲ་དང་: དེ་ནས་རྡོ་ཐུན་ནི༔ ཧཱུྃ་བྷྱོཿ ང་ནི་དཔལ་: ལས་བྱེད༔ རྡོ་ཐུན་དྲག་པོ་ཐོག་ལྟར་ཆི་ལི་ལི༔ གནོད་བྱེད་དགྲ་བགེགས་ཉོན་མོངས་རྡུལ་དུ་རློག༔ འཁྲུལ་མེད་ཡེ་ཤེས་ཆེན་པོའི་ངང་དུ་ཤིགས༔ སྤུ་གྲིའི་སྔགས་མཐར༔ སྡང་བྱེད་དགྲ་དང་སོགས། དེ་ནས་གཏོར་ཐུན་ནི༔ ཧཱུྃ་བྷྱོཿ ང་ནི་དཔལ་༴ ལས་བྱེད: གཏོར་ཟོར་ཐུན་གྱིས་དགྲ་བགེགས་ཕྱེ་མར་བརླག༔ སྲིད་པའི་རྩ་བ་བདག་མེད་ཆེན་པོར་སྒྲོལ༔ གཉིས་འཛིན་འཁོར་བའི་འཆིང་རྒྱ་དབྱིངས་སུ་བཅད༔ སྤུ་གྲིའི་སྔགས་མཐར༔ སྡང་བྱེད་དགྲ་དང་ཿ སོགས། དེ་ལྟར་ཉོན་མོངས་འཁོར་བའི་རྒྱུ༔ དགྲ་བགེགས་རྣམས་ཀྱི་གཟུགས་ཕུང་སྟེ༔ རྒྱལ་བའི་ཕྲིན་ལས་སྤྲུལ་པ་ནི༔ ཐུན་དང་མཚོན་ཆའི་རྣམ་པར་གདབ༔ དེ་ཡིས་འཁོར་བའི་རྒྱུན་བཅད་ནས༔ ཉོན་མོངས་བརྒྱད་ཁྲིའི་འཁྲུལ་འཁོར་རྣམས༔ ཡེ་ཤེས་ཆེན་པོའི་ཀློང་ཉིད་དུ༔ སྐད་ཅིག་ཉིད་དུ་བསྒྲལ་བ་ཡིས༔ འཁྲུལ་མེད་བདེ་ བའི་ས་ཐོབ་བསམ༔ དེ་ནས་གཏུན་དུ་བརྡུང་བ་ནི༔ ་བྷྱོཿ ཁྲོ་རྒྱལ་དཔལ་ཆེན་རྡོ་རྗེ་གཞོན་ནུའི་ལྷ༔ མ་གཡེལ་དམ་ཚིག་ཐུགས་དམ་ཆེན་པོས་དགོངས༔ ཉམས་པ་བདུན་ལྡན་དགྲ་བགེགས གཟུགས་ཕུང་རྣམས༔ ཤེས་རབ་སྒྱུ་འཕྲུལ་རོལ་པའི་མཁའ་དབྱིངས་སུ༔ ཐབས་མཆོག་རྡོ་རྗེ་འབར་བའི་གཏུན་བུས་བརྡུང་༔ དགྲ་བགེགས་གནོད་བྱེད་རྡུལ་ཕྲན་ཕྱེ་མར་རློགས༔ རྩ་སྔགས་མཐར༔ དགྲ་བགེགས་སྲི་ངན་ཐམས་ཅད་མཱ་ར་ཡ་ཕཊ༔ ཏ་ཐ་ཡ་ཏ་ཐ་ཡ་རྦད་སོད་སོད༔ ཅེས་བརྗོད་སྟོང་དབྱིངས་ཤེས་རབ་མོ༔ རོལ་བྱེད་ནག་མོའི་མཁའ་ཀློང་དུ༔ དགྲ་བགེགས་གཉིས་འཛིན་ཕུང་ཁམས་བསྡུས༔ ཐབས་མཆོག་ཁྲོ་བོ་ཐག་བྱེད་ཀྱི༔ ཡེ་ཤེས་རྡོ་རྗེ་འབར་བས་བརྡུང་༔ གཉིས་མེད་མཉམ་པའི་ཡེ་ཤེས་ཀྱིས༔ ཟག་མེད་བདེ་ཆེན་བདུད་རྩིར་བརླབས༔ ལྷ་ཚོགས་མཉེས་པའི་རྫས་སུ་དམིགས༔ དེ་ནས་ཞལ་དུ་བསྟབས་པ་ནི༔ ཧཱུྃ་བྷྱོཿ དཔལ་ཆེན་རྡོ་རྗེ་གཞོན་ནུའི་ལྷ་ཚོགས་ལ༔ དགྲ་བགེགས་བསྒྲལ་བའི་ཤ་ཁྲག་ཕུང་ཁམས་རུས༔ ཟག་མེད་ཡེ་ཤེས་བདུད་རྩིའི་རོལ་པར་འབུལ༔ གཉིས་མེད་བདེ་བ ཆེན་པོའི་དབྱིངས་སུ་རོལ༔ བརྡལ་ཁྱབ་ཡངས་པའི་ཀློང་ཆེན་ལྟོ་བར་བྲུབ༔ མཉེས་ཚིམས་ཚོགས་རྫོགས་སྲིད་མཚོར་སྒྲོལ་བ་དང་༔ ཀ་དག་འཁྲུལ་མི་ཤེས་པའི་ས་རུ་དྲོངས༔ རྩ་ ཨོཾཿ སྔགས། གནོད་བྱེད་དགྲ་བགེགས་ཀྱི་མ་ཧཱ་མཾ་ས་ལ་ཁཱ་ཧི༔ མ་ཧཱ་རཀྟ་ལ་ཁཱ་ཧི༔ མ་ཧཱ་ཙིཏྟ་ལ་ཁཱ་ཧི༔ མ་ཧཱ་ཀེ་ནི་རི་ཏི་ལ་ཁཱ་ཧི༔ མ་ཧཱ་བ་སུ་ཏ་ལ་ཁཱ་ཧི༔ སརྦ་མཱ་ར་ཡ་ཁ་ཁ་ཁཱ་ཧི༔ ཞེས་བརྗོད་ཤ་ཁྲག་བདུད་རྩི་ཡིས༔ ལྷ་ཚོགས་དགྱེས་པ་རབ་བསྐང་ནས༔ ཚོགས་གཉིས་འཇུག་པ་མཐར་སོན་ཏེ༔ མི་གནས་ཡེ་ཤེས་ཆེན་པོའི་ལམ༔ མངོན་གྱུར་གཏན་སྲིད་ཟིན་པར་བསམ༔ དེ་ལྟར་དམིགས་པའི་གནད་ལྡན་པ༔ འཚེང་བ་བཞི་ཡི་དགོངས་པའོ༔ ས་མ་ཡ༔ དེ་ལྟར་ཡི་དམ་དྲག་སྒྲུབ་ཟབ་མོ་འདི༔ ཕྱི་རབས་རྗེས་འཇུག་སྐྱེས་བུའི་ཆ་