Tibetan
ས་པ༔ རྒྱ་མདུད་འོག་མ་ལ་དཔལ་གྱི་བཀའ་སྲུང་གི་ཕོ་བྲང་དང་བཅས་པ་རྫོགས་པར་གྱུར༔ དེ་ལྟར་གསལ་བའི་གནས་གསུམ་ལས་འོད་ཟེར་འཕྲོས་པས་སྐུ་གསུམ་རྒྱལ་བ་སྲས་དང་བཅས་པའི་ཡེ་ཤེས་ཡོན་ཏན་མཁྱེན་བརྩེ་ནུས་པའི་དབང་བྱིན་དངོས་གྲུབ་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་བྱུང་ནས་ཕུར་པ་ལ་ཐིམ་ ཨོཾཿ པས་དབངབྱིན་དངོས་གྲུབ་ཡེ་ཤེས་ཡོན་ཏན་ཐམས་ཅད་ཡོངས་སུ་རྫོགས་པར་གྱུར༔ ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཨ་བྷི་ཥེཉྩ་ཨོཾ༔ ཨོཾ་བཛྲ་ཿ སོགས། ཝཱཀྐ་ཨ་བྷི་ཥེཉྩ་ཨཱཿ ཨོཾ་བཛྲ་ཿ སོགས། ཙིཏྟ་ཨ་བྷི་ཥེཉྩ་ཧཱུྃ༔ ཨོཾ་བཛྲ་ཿ སོགས། སརྦ་ཨ་བྷི་ཥིཉྩ་སྟོ༔ ཏིཥྛ་བཛྲ༔ ཞེས་བརྗོད་པས་དུས་གསུམ་གྱི་རྒྱལ་བ་རྣམས་ཀྱིས་བྱིན་གྱིས་རླབས་ཤིང་མཐུ་དང་ནུས་པ་ཐམས་ཅད་ཡོངས་སུ་རྫོགས་པས་འཁོར་འདས་ཀྱི་སྤྱི་དཔལ་ཆེན་པོར་དབང་བསྒྱུར་ཞིང་སྐུ་འགྱིང་བ་ཙམ་གྱིས་སྲིད་པ་གཡོ་ནུས་ཤིང་༔ གསུང་བསྒྲགས་པ་ཙམ་གྱིས་གཟུགས་ཅན་གཟུགས་མེད་ཀྱི་དགྲ་བགེགས་དམ་སྲི་ཐམས་ཅད་དབང་དུ་བྱེད་ཅིང་དཔའ་ཟིལ་བཅོམ་པ༔ ཐུགས་གཡོ་བ་ཙམ་གྱིས་སྲིད་གསུམ་སྐད་ཅིག་ལ་སྒྲོལ་ནུས་པའི་མཐུ་སྟོབས དཔལ་ཡོན་ཐམས་ཅད་རྫོགས་པར་བསམ༔ དེ་ནས་ཚེ་ལུང་ནི༔ ངོ་བོ་སྐུ་གསུམ་ཡེ་ཤེས་འདུ་འབྲལ་མེད་པའི་ཀློང་ནས་རང་བྱུང་ལྷུན་གྲུབ་ཀྱི་ཕུར་པ་དེ་ཉིད་དགྲ་བགེགས་སྲི་ངན་རྣམས་ཀྱི་གཟུགས་ལ་ཚད་པ་ཙམ་གྱིས་ཕུང་ཁམས་སྐྱེ་མཆེད་ཐམས་ཅད་ཞོ་ལྟར་དཀྲུགས་པས་འོ་མ་ལས་མར་ཐོན་པ་བཞིན་དུ་དགྲ་བགེགས་རྣམས་ཀྱི་བླའི་ངོ་བོ་ནྲྀ་ཡིག་དཀར་པོ་འོད་དང་བཅས་པ་ཞིག་ཆུ་ཐིག་ཧུབཀྱིས་ དྲངས་པ་ལྟར་ཕུར་པའི་རྩེ་མོར་འདུས་ཏེ་ཕུར་པ་ལ་ཐིམ་པས་ཕུར་པ་དེ་ཉིད་ངང་མེར་གྱིས་སོང་ནས་གཟི་བརྗིད་རབ་ཏུ་འབར་ཞིང་རྒྱལ་བ་རྣམས་ཀྱི་ཕྲིན་ལས་ཡོངས་སུ་རྫོགས་པའི་མཐུ་དབང་དང་ལྡན་པར་བསམ༔ སླར་ཡང་ཕུར་པ་དེ་ཉིད་དགྲ་བགེགས་ཀྱི་སྙིང་གར་འདྲིལ་བ་ཙམ་གྱིས་ཁོའི་ཚེ་བསོད་རྣམས་ཀྱི་ངོ་བོ་ནྲྀ་ཡིག་ལྗང་གུའི་རྣམ་པ་ཞིག་ཏུ་གྱུར་པ་ཕུར་པའི་རྩེ་མོ་ནས་འུབ་ཀྱིས་འདུས་ཏེ་ཁོང་སེང་ནས་དྲི་མ་ཉེས་སྐྱོན་ཐམས་ཅད་སྦྱངས་ཤིང་དག་པར་བྱས༔ ཕུར་རྩེ་ནས་བརྒྱུད་དེ་རང་ཉིད་ལ་ཐིམ་པས་ཚེ་བསོད་དབང་ཐང་ཐམས་ཅད་རབ་ཏུ་རྒྱས་པར་བསམ་མོ༔ དེ་ནས་ཁྲུས་ལུང་ནི༔ སླར་ཡང་ཕུར་པའི་རྩེ་མོ་ནས་འོད་ཟེར་དཔག་ཏུ་མེད་པ་འཕྲོས་ནས་དགྲ་བགེགས་རྣམས་ལ་ཕོག་པ་ཙམ་གྱིས་ཁོའི་རྒྱུད་ཀྱི་ལས་དང་ཉོན་མོངས་སྡིག་སྒྲིབ་བག་ཆགས་ཐམས་ཅད་བ་མོ་
Chinese
萨！下部结界处，连同具足威严的护法宫殿圆满成就。如是，从明亮的三处（指身、语、意三处）放射光芒，三身佛陀连同佛子的一切智慧功德、知识慈悲、能力加持、成就，都化为白、红、蓝三色的光芒，融入金刚橛。
English
Sa! The lower knot place, together with the palace of the glorious Dharma protectors, is completely accomplished. Thus, from the three bright places (referring to the three places of body, speech, and mind), rays of light emanate, and all the wisdom, qualities, knowledge, compassion, power, blessings, and accomplishments of the three kayas of the Buddhas, together with their sons, appear in the form of white, red, and blue rays of light and dissolve into the phurba.