Tibetan
གླུ་གྱེར་བའི་ཚེ། ཇི་ཞིག་ན་སྣང་བ་ཐམས་ཅད་ཡད་ཡུད་དུ་སྣང་བ་ཧཱུྃ་གི་རྣམ་པར་སྣང་བའི་ཉམས་འཆར་རོ། །དེས་དངོས་གཞིའི་དུས་ཕྱི་སྣང་བ་དངོས་པོར་མི་གོལ་བའི་དགོས་པ་ཡོད་དོ། །གཉིས་པ་ནང་རང་ལུས་ལ་རྒྱས་གདབ་པ་ནི ཡང་སྔར་ལྟར་ཧཱུྃ་བརྗོད་པའི་ཚེ་ན། ཕྱིའི་ཧཱུྃ་ཐམས་ཅད་གཅིག་བྱུང་གཉིས་བྱུང་བྱས་ནས་སྣ་བུག་གཡོན་ནས་བྱུང་སྟེ་ལུས་ཀྱི་ནང་ཐམས་ཅད་ཁེངས་པར་བསམ་པ་དང་། རང་ལུས་ཧཱུྃ་ཡིག་རྡུལ་ཕྲ་རབ་ཀྱི་ཆ་ཙམ་ཚོགས་པ་ལ་སེམས་ སྐར འ༔ བཟུང་ནས་ཕྱག་ན་རྡོ་རྗེ་ཡང་དེ་གྲངས་དང་མཉམ་པར་བསྒོམ་ནས་ཧཱུྃགླུ་གྱེར་ཞིང་སེམས་ཧཱུྃ་ལ་གཏད་པའི་ཚེ་ན་ལྟོ་བ་མི་བདེ་ཞིང་ཧཱུྃ་གིས་གང་བའི་ཉམས་འབྱུང་ངོ་། དེས་ཕུང་པོའི་གཅེས་འཛིན་བོར་ཞིང་དངོས་གཞིའི་དུས་ལུས་གདོས་བཅས་ཟག་མེད་དུ་གྲོལ་བའི་དགོས་པ་ཡོད་དོ། །མཐར་བསྐྱེད་གཞི་ཐམས་ཅད་འཇའ་ཚོན་ནམ་མཁའ་ལ་ཡལ་བ་ལྟར་ཆོས་ཉིད བསམ་ངོ་དང་བྲལ་བའི་དབྱིངས་སུ་བསྡུའོ །གཉིས་པ་རྩལ་སྦྱོང་བ་ལ། ཕྱི་སྣང་བ་ལ་རྩལ་སྦྱོང་བ་དང་། ནང་རང་ལུས་ལ་རྩ་ལ་སྦྱོང་བ་གཉིས་ལས དང་པོ་ནི། རང་གི་ཐུགས་ཀ་ནས་ཧཱུྃ་ཡིག་རྣོ་མྱུར་གྱི་ཤུགས་དང་ལྡན་པ་ཁྲུ་གང་གི་ཚད་ཙམ་ཞིག་འཕྲོས་པས་འཇིག་རྟེན་ཁམས་ཀྱི་དངོས་པོ་ཡོད་དོ་ཅོག་ཐམས་ཅད་ཧཱུྃ་ཡིག་གི་ཤུགས་ཀྱིས་ཕར་ཐལ་ཚུར་ཐལ་ཟང་མ་ཐལ་དུ་ཕུག་པར་བསམ་ཞིང་ཧཱུྃ་སྒྲ་དྲག་ལ་བཅད་ཐོན་པར་བརྗོད་པའི་ཚེ་སྣང་བ་ཐམས་ཅད་བདེན་མེད་སྟོང་པའི་རང་བཞིན་དུ་མཐོང་སྟེ། དངོས་གཞིའི་དུས་ཕྱི་སྣང་བ་ལ་དེར་འཛིན་མེད་པ་སྣང་དུས་ཉིད་ནས་ཡུལ མེད་དུ་ཤེས་པའི་དགོས་པ་ཡོད་དོ། །གཉིས་པ་ནི། རང་གི་ལུས་ལ་རྩལ་སྦྱོང་བ་སྔར་གྱི་ཧཱུྃ་དེ་ཚུར་འདུས་ནས་ལུས་ཀྱི་ཕྱི་ནང་ཐམས་ཅད་ཁོལ་རྩེ་མེད་པར་ཕར་ཐལ་ཚུར་ཐལ་དུ་ཕུག་ནས་རྡུལ་ཕྲན་ དུ་ཞིག་པར་བསམ་ནས་སྔར་བཞིན་ཧཱུྃ་བརྗོད་པས་ན། གནས་སྐབས་སུ་ལུས་ཀྱི་ནད་གདོན་བགེགས་ཚོགས་ཞི་བ་དང་། དངོས་གཞིའི་དུས་ལུས་སྟོང་གཟུགས་འོད་ཀྱི་ཕུང་པོར་སྣང་ནས་མཐར ལུས་འོད་གསལ་དུ་གྲོལ་བའི་དགོས་པ་ཡོད་དོ། །གསུམ་པ་མཉན་བཙལ་བ་ལ། རང་གི་སྙིང་ག་ནས་ཧཱུྃ་མང་པོ་ཕྲེང་བ་བརྒྱུས་པ་ལྟར་ཁ་ནས་ཕྱིར་ཐོན་ཏེ། དམིགས་རྟེན་ཤིང་སོར་བཅུ གཉིས་ཡོད་པ་ཞིག་རང་གི་མདུན་དུ་བཙུག་ལ། དེའི་རྩ་བ་ནས་རིམ་གྱིས་རྩེ་མོའི་བར་དུ་ཧཱུྃ་ཡིག་རྣམས་ཀྱིས་གཡས་དཀྲིས་ཀྱི་ཚུལ་དུ་དཀྲིས་ནས་སྔ་མའི་ཧཱུྃ་རྩེ་མོར་འགྲེང་ངེར་གནས་པ་ལ་སེམས་གཏད་ནས་ངག་ནས་ཀྱང་ཧཱུྃ་གླུ་དལ་ལ་སྙན་པ་གྱེར་བཞིན་སེམས་ཧཱུྃ་ལ་གཏད་ནས་ཅི་གནས་ཀྱི་བར་དུ་ཧཱུྃ་བརྗོད ཡང་སེམས་ཅུང་ཟད་བསྒྲིམ་ཧུར་ཕྱུངས་ནས་ཧཱུྃ་ཡིག་རྣམས་ཕྱིར་སྦྲུལ འཁྱིལ་ཞིག་པ་ལྟར་རིམ་གྱིས་བཤིག །ཡང་སྔར་ལྟར་རིམ་གྱིས་དཀྲི་བ་སོགས་སྤེལ་མར་བྱེད་ཅིང་བརྟན་པ་མ་ཐོབ་ཀྱི་བར་དུ་བརྩོན་པརབྱའོ། །དེས་དངོས་གཞིའི་དུས་དམིགས་པ་གང་ཡང་བསྒྱུར་དུ་བཏུབ་པ་དང་། སེམས་གར་གཏད་དུ་ཟིན་པའི་དགོས་པ་ཡོད་དོ། །མཐར་ཧཱུྃ་རྣམས་རིམ་གྱིས་ལུགས་ལྡོག་བྱས་ནས་སྙིང་གའི་ཧཱུྃ་ལ་ཐིམ་པར་བསམ་ཞིང་ངལ་གསོ་བར་བྱའོ། ། སྐར འ༔ བཞི་པ་ལམ་དུ་བཞུག་པ་ནི། རང་ལུས་ཧཱུྃ་མཐིང་ནག་ཁྲུ་གང་གི་ཚད་ཙམ་ཞིག་ཏུ་གསལ་ནས་རི་མོ་སྲིན་བུའི་འགྲོས་ལྟ་བུར་མིག་མཐོང་གི་ཚད་ཙམ་དུ་སོང་བར་དམིགས་ནས་ཧཱུྃ་གླུ་བརྗོད། དེ་ནས་མཐོང་ཚད་ཀྱི་ཡུལ་དང་། མི་མཐོང་བའི་སར་རླུང་ཤེས་པ་ཧཱུྃ་གསུམ་སྲིན་བུའི་འགྲོས་ཀྱིས་སྔར་ལྟར་འགྲོ་བར་བྱས་ལ་དག་པའི་ཞིང་ལྔ་དང་མ་དག་པའི་རིགས་དྲུག་གི་སྐྱེ་གནས་ལ་སོགས་པར་རྩ་ལ་སྦྱངས་ནས་སོང་བར་དམིགས་པ་ནི་གནད་དམ་པའོ། །དེས་ངག་གི་སྒྲིབ་པ་དག་ནས་མངོན་ཞེན་ལྡོག །ངག་འཁོར་བར་མི་འཇུག་ཅིང་ལོངས་སྐུར་གྲོལ་བ་དང་། མཐར་ཐུག་རྒྱལ་བ་རྣམས་ཀྱི་གསུང་རྡོ་རྗེ་དང་གཉིས་སུ་མེད་པར་འགྱུར་རོ། །གསུམ་པ་སེམས་ཀྱི་སྔོན་འགྲོ་ནི། སེམས་དང་སེམས་བྱུང་རྟོག་པ་ཀུན༔ དང་པོ་བྱུང་དང་བར དུ་གནས༔ ཐ་མ་འགྲོ་བའི་ཡུལ་ལ་སོགས༔ ཕྱི་ནང་སྣོད་བཅུད་ཀུན་ལ་བརྟག༔ ཅེས་གསུངས་པས། དེ་ལ་རང་གི་སེམས་འདི་དང་པོ་བྱུང་ས བར་དུ་གནས་ས། ཐ་མ་འགྲོས གསུམ་ལ་བརྟག་སྟེ་སེམས་དེ་ཕྱི་སྣང་བ་ལས་བྱུང་ངམ དེ་བྱུང་ན་ས་ལས་བྱུང་ངམ། ཆུ་ལས་བྱུང་ངམ། མེ་ལས་བྱུང་ངམ། རླུང་ལས་བྱུང་ངམ། ནམ་མཁའ་ལས་བྱུང་ངམ་བརྟགས ནས་ཕྱི་བྱུང་བ་ལྔའི་ཁམས་ནས་སེམས་བྱུང་ས་མ་རྙེད་ཚེ། ནང་ཕུང་པོའི་ཁམས་མགོའི་སྐྲ་རྩེ་མན་ཆད་དང་། རྐང་གི་སེན་རྩེ་ཡན་ཆད་ཀྱི་བར་ལ་བརྟག་ནའང་བདེན་གྲུབ་ཏུ་མི་སྣང་ཡང་ན དངོས་པོ་ཡོད་པ་ལས་འབྱུང་ངམ། མེད་པ་ལས་འབྱུང་ངམ་སྙམ་དུ་རྡུལ་ཕྲན་དུ་སོ་སོར་ཕྱེ་ལ་བརྟགས་པས་ན་བྱུང་ས་དང་བྱུང་མཁན་མེད་པར་གཏན་ལ་ཕབ་ནས། སེམས་ཀྱི་ངོ་བོ་ངོས་བཟུང་དང་བྲལ་བ་སྟོང་ཉིད་བསམ་བརྗོད་ལས་འདས་པའི་དོན་མངོན་དུ་བྱས་ཏེ། གདོད་མའི་ཆོས་སྐུ་ཆེན་པོར་ངོ་འཕྲོད་པའི་དགོས་པ་ཡོད་དོ། །བར་དུ་གནས་མཁན་གྱི་ངོ་བོར་བརྟག་ནའང་ཕྱི་སྣང་བ་སྣོད་ཀྱི་འཇིག་རྟེན། ནང་ཕུང་པོའི་མགོ་ལུས་བར་གསུམ་ལ་སྔར་ལྟར་བརྟག་དཔྱད་བཏང་ཚེ་གནས་མཁན་དང་གནས་ས་བརྗོད་པ་བྲལ་ཞིང་གསལ་སྟོང་ནམ་མཁའི་རང་བཞིན་དུ་ཤར་བ་ནི། ངོ་བོ་འཛིན་མེད་རང་གསལ་ལོངས་སྐུར་ངོ་འཕྲོད་པའི་དགོས་པ་ཡོད་དོ། །ཐ་མ་འགྲོ་བའི་ཡུལ་དང་བདག་པོ་རྣམས་ལ་བརྟག་དཔྱད་བྱས་ཚེ། རྟོག་ཚོགས་ཐམས་ཅད་ཤར་བ་དང་ཡལ་བ་དུས་མཉམ་དུ་འགྲོ་བ་ལས་འགྲོ་ས་དང་འགྲོ་མཁན་གཉིས་སུ་མེད་པར་ཤེས་པའི་ཚེ། རིག་སྟོང་རྗེས་མེད་སྤྲུལ་སྐུར་ངོ་འཕྲོད་པའི་དགོས་པ་ཡོད་དོ། །བདེན་པར་མ་གྲུབ་ཆོས་ཉིད་ཀྱི༔ གནས་ ཚ འ༔ ལུགས་རིག་པ་ཇི་བཞིན་མངོན༔ སྐུ་གསུམ་ཡེ་ཤེས་ཡོན་ཏན་རྫོགས༔ ཞེས་གསུངས་པས། དེ་ལྟ་བུར་སེམས་བྱུང་གནས་དང་བྲལ་ཚེ་འཁོར་འདས་ཀྱི་ཆོས ཐམས་ཅད་ཡེ་ནས་བདེན་པར་གྲུབ་པ་རྡུལ་ཕྲ་རབ་ཀྱི་ཆ་ཙམ་ཡང་མེད་ཅིང་། དཔེར་ན་ནམ་མཁར་འཇའ་ཚོན་གྱི་སྣང་བ་རྒྱ་ཆེ་ལ་གྲངས་མང་བ་ཇི་ལྟར་དུ་སྣང་ཡང་ཐམས་ཅད་ནམ་མཁའ་ལས་མ་འདས་ཞིང་ནམ་མཁའི་རོལ་པ་དང་རྒྱ་མཚོ་ལ་གཟའ་སྐར་དང་གཟུགས་བརྙན་གྱི་རྣམ་པ་ཇི་ལྟར་མང་ཡང་རྒྱ་མཚོའི་རོལ་པ་དང་རྒྱ་མཚོ་ལས་མ་འདས་པ་ལྟར། འཁོར་འདས་ཀྱི་སྣང་བ་རྒྱ་ཆེ ལ་གྲངས་མང་བ་ཇི་ལྟར་ཤར་ཡང་ཐམས་ཅད་གཞིའི་ཆོས་ཉིད་དུ་ཐག་ཆོད་པའི་ཚེ་ན། རང་བྱུང་ཡེ་ཤེས་ཀྱི་གནས་ལུགས་དང་ཡིན་ལུགས་ཐམས་ཅད་སོ་སོར་རྟོགས་པའི་ཤེས་རབ་ཀྱིས་གཞིའི བཞུགས་ཚུལ་མཁྱེན། བདག་མེད་རྟོགས་པའི་ཤེས་རབ་ཀྱིས་ལམ་དང་འབྲས་བུའི་ཡོན་ཏན་ཐམས་ཅད་ཀྱི་གནས་ཚུལ་མཁྱེན་ཅིང་། རང་བྱུང་གི་རིག་པ་སྨྲ་བསམ་བརྗོད་པ་དང་བྲལ་བའི དགོངས་པ་ཇི་བཞིན་པ་མངོན་དུ་གྱུར་པ་ཡིན་ནོ །དེ་ལྟ་བུའི་སེམས་ཡེ་སྟོང་རྩ་བྲལ་ཀ་དག་སྤྲོས་པ་དང་བྲལ་བ་དེ་ཀ་ཆོས་ཀྱི་སྐུ་དང་རང་མདངས་འགགས་པ་མེད་པ་ཡེ་ཤེས་འོད་གསལ་ལྷུན་གྱིས་ གྲུབ་ཅིང་བྱ་རྩོལ་ལས་འདས་པ་ལོངས་སྤྱོད་རྫོགས་སྐུ། ཐུགས་རྗེ་ཡེ་ཤེས་ཆེན་པོ་ཀུན་ཁྱབ་ཏུ་བརྡལ་བ་དེ་ཀ་སྤྲུལ་པའི་སྐུ་དང་། དེ་ལྟ་བུའི་སྐུ་གསུམ་དབྱེར་མེད་ཆེན་པོར་ལྷུན་གྱིས་གྲུབ་པའི དབྱིངས་ལས་མ་གཡོས་པ་ལ་ངོ་བོ་ཉིད་སྐུ་སྟེ སྐུ་བཞི་ཡེ་ཤེས་ལྔའི་ཡོན་ཏན་ཐམས་ཅད་ཡེ་ནས་གཞི་ལ་རང་ཆས་སུ་རྫོགས་པས་ན་རིག་དང་མ་རིག་གི་བྱེ་བྲག་ཙམ་ལས་སྐུ་དང་ཡེ་ཤེས་ལམ་དང་འབྲས་བུའི་ཡོན་ཏན་ཐམས་ཅད་གཞན་ལས་མབྱུང་བར་གཞིའི་ཆོས་ཉིད་དུ་ལ་བཟླ་དགོས་པ་ཡིན་ནོ། །དེའི་ཕྱིར་ན་དང་པོ་སེམས་ཀྱི་བྱུང་ཚུལ་བཙལ་ནས་སེམས་གཞི་མེད་རྩ་བྲལ་དུ་ཤེས་པ་དང་། བར་དུ་གནས་ས་དང་གནས་མཁན་གཉིས་སུ་མེད་པར་འཁོར་འདས་རང་སྣང་དུ་ངོ་ཤེས་པ་དང་། ཐ་མའང་འགྲོ་བའི་ཡུལ་བདག་པོ་ཐམས་ཅད་དང་བྲལ་བ་རང་རིག་གཞི་མེད་རྩ་བྲལ་འཁོར་འདས ཀུན་ཁྱབ་ཀྱི་བདག་ཉིད། ཡེ་ནས་སྐྱོན་ཡོན་གང་གིས་ཀྱང་བསྒྱུར་དུ་མི་བཏུབ་ཅིང་། སྤྲོས་པའི་མཐའ་བརྒྱད་དང་བྲལ་ཞིང་རྣམ་པར་ཐར་པའི་སྒོ་གསུམ་དང་ལྡན་ཅིང་སྐྱེ་འགགས་གནས་གསུམ་དང་བྲལ་བར་རང་བྱུང་གི་ཡེ་ཤེས་ཆེན་པོ་མངོན་དུ་གྱུར་པའི་ཚེ་ན། རྫོགས་ཆེན་ལམ་གྱི་རིག་པ་ཆོས་ཉིད་མངོན་གསུམ་གྱི་དགོངས་པ་ཞེས་རང་རིག་ལས་གཞན་ན་སངས་རྒྱས་ཞེས་འབད་རྩོལ་མེད་ པའི་དོན་མཐོང་བ་ཡིན་ནོ། །དེའི་ཕྱིར་ན་རང་རིག་མ་བཅོས་མ་བསྒྱུར་བའི་ངོ་བོ་དེ་ཀ་སངས་རྒྱས་ཐམས་ཅད་ཀྱི་ཐུགས་དང་གཉིས་སུ་ཡོད་པ་མ་ཡིན་ནོ། །ཇི་སྐད་དུ། ཕྱོགས་བཅུ་དུས་བཞི་གང་ནས་ཀྱང་། །རྫོགས་པའི་སངས་རྒྱས་རྙེད་མི་འགྱུར །སེམས་ཉིད་རྫོགས་པའི་སངས་རྒྱས་པས། །སངས་རྒྱས་གཞན་དུ་མ་ཚོལ་ཅིག །ཅེས་གསུངས་པ་ཡིན་ནོ། །མདོར་ན་ཕྱི་སྣང་བ་སྣོད་ཀྱི་འཇིག་རྟེན ནང་བདག་ལུས་ཕུང་པོ་ཁམས་དང་སྐྱེ་མཆེད་ཐམས་ཅད་ལའང་སོ་སོར་རྟོགས་པའི་ཤེས་རབ་ཀྱིས་གཏན་ལ་ཕབས་ནས། བདག་མེད་རྟོགས་པའི་ཤེས་རབ་ཀྱིས་མེད་དང་མགྲུབ་པའི་གནས་ཚུལ་ཇི་བཞིན་པར་ཤེས་པར་བྱེད་པ་ནི་གནད་གལ་པོ་ཆེ་ཡིན་ནོ། །དེ་ལྟར་གཏན་ལ་དབབ་པའི་དགོས་པ་ནི སེམས་ཀྱི་མངོན་ཞེན་ལྡོག་ཅིང་འཁོར་བར་མི་འཇུག་ཅིང་ཆོས་སྐུའི་གཏན་སྲིད་ཟིན་ནས་རྒྱལ་བ་རྣམས་ཀྱི་ཐུགས་རྡོ་རྗེ་དང་གཉིས་སུ་མེད་པར་འགྱུར་རོ། །བཞི་པ་རྣལ་དུ་དབབ་པ་ནི རྣལ་དབབ་སོར་གཞུག་མཉམ་རྗེས་བསྲེ༔ ཞེས་གསུངས་པས་དེ་ལ་ལུས་སེམས་སྔར་ལྟར་སྤྲོས་པ་ལ་མི་བརྩོན་པར་ཆམས་སེ་བཞག་ལ། ལུས་སེང་གེ་ཉལ་སྟབས་བྱས་ཏེ་དུར་ཁྲོད་ཀྱི་མི་རོ་ལྟར་ལུས་གཡོ་མེད་དུ་གནས ངག་པི་ཝྃ་གི 89 རྒྱུན་ཐག་ཆད་པ་ལྟར་སྨྲ་བརྗོད་དང་བྲལ་བར་གནས སེམས་ལྟག་ཆུ་ཆད་པའི་རང་ཐག་ལྟར་དྲན་བསམ་འཕྲོ་འདུའི་སྤྲོས་པ་ཐམས་ཅད་ལ་བླང་དོར་མེད་པར་མི་རྟོག་པའི་ངང་དུ་ངལ་བསོ་བར་བྱས ཚེ་ཆོས་ཉིད་བསམ་ངོ་དང་བྲལ་བའི་དོན་ལ་རྣལ་དུ་དབབ་ཅིང་རིག་པ་ཡེ་ཤེས་ཆེན་པོའི་གཤིས་ཐོག་ལ་ཕེབས་པར་བྱེད་དོ། །དེས་ལུས་རྣལ་དུ་ཕབས་པས་གཅེས་འཛིན་གྱི་ཁུར་བོར་ནས་སྟོང་ཉིད་ཀྱི དོན་མཐོང་། ངག་རྣལ་དུ་ཕབ་པས་བརྗོད་དུ་མེད་པའི་ཡེ་ཤེས་རྒྱུད་ལ་སྐྱེ། སེམས་རྣལ་དུ་ཕབས་པས་རིག་པ་གཤིས་ཐོག་ལ་གནས་ཤིང་སྐུ་གསུམ་མངོན་དུ་འགྱུར་བ་ཡིནནོ། །ལྔཔ་སོར་དུ་གཞུག་པ་ནི། ལུས་གནད་རྐང་གཡོན་ནང་དང་གཡས་པ་ཕྱི་ནས་བརླ་སྟེང་ལ་བཞག་ནས་རྡོ་རྗེའི་སྐྱིལ་ཀྲུང་བཅའ། ལག་གཉིས་ཀྱི་མཐེ་བོང་གིས་སྲིན་སོར་གྱི་འཕར་རྩ་མནན་ནས རྡོ་རྗེའི་ཁུ་ཚུར་དཀུ་གཉིས་ལ་བཞག ལུས་གཟེངས་བསྟོད་ནས་སྒལ་ཚིགས་མདའ་ལྟར་བསྲངས ཕོ་བ་མི་ཉམས་པར་ཡེ་ཤེས་ཀྱི་རླུང་གིས་དགང་དཔུང་པ་མི་ཞོམ་པར་བྱ་གཤོག་ལྟར་བརྒྱངས། མགྲིན་པ་ལྕགས་ཀྱུ་ལྟར་ཅུང་ཟད་བཀུག །ལྕེ་ཡ་རྐན་ལ་སྦྱར་བ་སྟེ་རྣམ་སྣང་ཆོས་བདུན་དང་ལྡན་པའི་ངང་ནས་མིག་གཉིས་བྱང་ཆུབ་སེམས་དཔའི་ལྟ་སྟངས་ཀྱིས་བར་སྣང་ལ་ཧ་རེར་ སྐར འ༔ བལྟ་ཞིང་བྱུང་ཚོར་གྱི་རྟོག་པ་ཐམས་ཅད་བཟོ་མི་འཆོས་པར་བཞག་པའི་ཚེ་ན་མཉམ་བཞག་ལ་བརྟན་པ་ཐོབ་པའི་དགོས་པ་ཡོད་དོ། །ཡང་ལུས་གནད་ཁྲོ་བོའི་རྣམ་པར་གསལ་ལ་རྐང་པ་གྱད་ཀྱི་འདོར་སྟབས་སུ་བགྲད་ཅིང་སྡིག་མཛུབ་ཀྱང་གཡས་དང་གཡོན་དུ་གོ་ལྡོག་ནས་འཕེན་པ་དང་། ཧ་ཧེ་དང་རུ་ལུའི་སྒྲ་བརྗོད་བཞིན་མིག་འབྲུ་ཚུགས་སུ་བལྟ་ཞིང་། གོམ པ་མྱུར་བ་དང་དལ་བ་རེས་མོས་བྱ་སྟེ་བརྟུལ་ཞུགས་ལ་རྩལ་སྦྱངས་པས་ན། རྗེས་ཐོབ་ལ་རིག་པ་ངང་བརྟན་ཅིང་མཐར་ཕྱིན་པའི་དགོས་པ་ཡོད་དོ། དེ་ལྟར་སྔོན་འགྲོའི་སྤྱོད་པ་ཐམས་ཅད་ཞག བདུན་ནམ། ལྔ། གསུམ་ལས་མི་ཉུང་བར་བྱ་བ་ནི། གནས་སྐབས་ཐར་པ་བྱང་ཆུབ་སྒྲུབ་པ་ལ་བགེགས་དང་བར་ཆད་མི་འབྱུང་ཞིང་། མཐར་ཐུག་སྒོ་གསུམ་རྡོ་རྗེ་གསུམ་གྱི་རང་བཞིན་དུ སྨིན་ཅིང་ཕྱིར་མི་ལྡོག་པའི་གཏན་སྲིད་ཟིན་པར་འགྱུར་རོ །དེ་ཡན་ཆད་ཀྱིས་སྔོན་དུ་འགྲོ་བའི་ཐབས་བསྟན་ཟིན་ཏོ །གཉིས་པ་གཞུང་དོན་དངོས་བཤད་པ་ལ། སྒོ་གསུམ་གྱི་གནད་གཟིར་བ། གནད་གསུམ་ལ་བརྟེན་ནས་མངོན་སུམ་རང་ཐོག་ཏུ་ཕེབས་པ། ཉམས་སུ་བླང་བའི་གཞི་དང་ལམ་གྱི་སྒྲོན་མའི་འཆར་ཚུལ་བསྟན་པ། འབྱུང་བ་སྙིགས་མ་དྭངས་མར་འཕོས་ནས་ཕྱི་ནང་གི་སྒྲོན མར་སྣང་བ། སྣང་བ་བཞིའི་འཆར་ཚུལ་དང་མཐའ་བརྟེན་གྱི་མན་ངག་རྣམས་བསྟན་པ་དང་ལྔ་ལས། དང་པོ་སྒོ་གསུམ་གྱི་གནད་གཟིར་བ་ནི ལུས་གནད་སྐུ་གསུམ་ཞུགས་སྟངས་བྱ༔ རྩ་དྲང་རླུང་གཅུན་རིག་གནད་འབྱེད༔ ཅེས་གསུངས་པས། དེ་ལ་དང་པོ་བརྟེན་པ་ལུས་ཀྱི་སྒོ་གནད་མ་གཅུན་ན་རྩ་ལས་སུ་མི་རུང་རྩ་གནད་མ་གཅུན་ན་རླུང་དང་རིག་པའི་གནད་མི་འཆུན དེ་མ་འཆུན་ན་འོད་གསལ་གྱི་སྣང་བ་མངོན་སུམ་དུ་མི་གསལ་བས་ན། ཐོག་མར་ལུས་བཞུགས་སྟངས་ལ་བསླབ་པ་གལ་ཆེ་སྟེ། དང་པོ་ཆོས་སྐུའི་བཞུགས་སྟངས་ནི། རྐང་མཐིལ་གཉིས་ཁ སྦྱར་བས་འབྱུང་བ་དྲོད་ཀྱི་ཆ་སྙོམས ལུས་འགྱིང་ཚུགས་སུ་བསྡད་པས་གཡོ་བྱེད་ཀྱི་རླུང་གནོན་ནས་ཡེ་ཤེས་ཀྱི་རླུང་འཕེལ། ལག་པའི་སོར་མོ་བསྐུམ་སྟེ་རྡོ་རྗེའི་ཁུ་ཚུར་ས་ལ་གཏད་པས་འཕྲོ་བ་ལས་ཀྱི་རླུང་གནོན། སྒལ་རྒྱུད་དྲང་ཞིང་མགོ་རྩལ་མཇིང་པར་བསྐུམ་པས་ཉམས་སྣང་མྱུར་དུ་འཆར་བའི་གནད་ཡོད་དོ། །གཉིས་པ་ལོངས་སྐུའི་བཞུགས་སྟངས་ནི རྐང་མཐིལ་གཉིས ཕྱིར་ཕུད་དེ་ཁ་སྦུབས་ལ་ཉལ་བས་གཡོ་བ་ལས་ཀྱི་རླུང་གནོན་ནས་ཚ་གྲང་གི་ནད་སེལ། པུས་བྲང་སྦྱར་བས་དྲོད་སྙོམས། ལག་པའི་གྲུ་མོ་ས་ལ་བཙུགས་པས་དབྱིངས་ལ་རིག་པ་འདྲེན་ནུས ༄འ༔ པའི་གནད། ཚིགས་ཆེན་བཞི་ས་ལ་གཏད་པས་མ་དག་པའི་ལས་རླུང་གི་སྒོ་གནོན་པའོ །གསུམ་པ་སྤྲུལ་སྐུའི་བཞུགས་སྟངས་ནི། རྐང་མཐིལ་ས་ལ་ཕབ་པས ཉོན་མོངས་པ་དང་ལས་རླུང་གནོན་པས་འབྱུང་བ་སྙོམས་པའི་དྲོད་འབེབས། ལོང་བུ་གཉིས་གཤིབས་པས་དབྱིངས་རིག་འདུ་འབྲལ་མེད་པའི་གནད་དང་། པུས་བྲང་སྦྱར་བས་ལས་རླུང་གི འཕེལ་གནོན ལུས་པོ་སྤྱི་དྲང་པོར་བསྲངས་ནས འདུག་པས་རྩ་གནད་འཆུན་པའི་གནད། ལག་པའི་སོར་མོ་བསྣོལ་ནས་པུས་སྟེང་ལ་བཞག་པས་དབྱིངས་དང་རིག་པ་འདྲེས་པའི་གནད། མཇིང་པ་ཐད་ཀར་བརྒྱངས་པས་སྒྲོན་མ་བཞིའི་འཆར་སྒོ་འཕེལ་བའི་གནད་ཡོད་དོ། །དེ་ལྟ་བུའི་ལུས་བཞུགས་སྟངས་གསུམ་ལ་སྦྱངས་པས་རྩ་གཅུས་པ་དྲང་། ཉམས་པ་འཕེལ་ནས་རླུང་གནད ལས་སུ་རུང་བ་དང་། ལས་རླུང་རང་མལ་དུ་གཅུན་ནས་རིག་གདངས་བཅུད་ཀྱི་སྒྲོན་མའི་གནད་མངོན་དུ་འབྱེད་པར་འགྱུར་རོ། །ཇི་སྐད་དུ། ཆོས་སྐུའི་བཞུགས་སྟངས་སེང་གེ་ཡིས། འཁྲུལ་པའི་འཇིགས་པ་ཀུན་བྲལ་ནས རྡོ་རྗེའི་མིག་གིས་མཐོང་བར་འགྱུར ལོངས་སྤྱོད་རྫོགས་སྐུའི་བཞུགས་སྟངས་ཀྱིས། གླང་ཆེན་ཉལ་བ་ལ་བརྟེན་ནས ཆོས་ཉིད་དོན་ལ་ལོངས་ སྤྱོད་དེ། པདྨའི་སྤྱན་གྱིས་མཐོང་བར་འགྱུར། སྤྲུལ་པའི་སྐུ་ཡི་བཞུགས་སྟངས་ནི། དྲང་སྲོང་ཙོག་པུ་ལ་བརྟེན་ནས། ཆོས་སྐུའི་སྣང་བ་རང་སྤྲུལ་ནས། ཆོས་ཀྱི་མིག་གིས་མཐོང་བར འགྱུར། ཞེས་སོ། །གཉིས་པ་ངག་གི་སྒོ་གནད་སྦྱང་བ་ནི ངག་གནད་སྨྲ་བཅད་བརྗོད་པ་སྤངས༔ ལས་རླུང་རང་སོར་འཕེན་པའི་གནད༔ གསུངས་པས་ན། ངག་གནད་སྨྲ་བ་མ་བཅད་ན་བརྗོད་པ་རླུང་གི་སྒོ་ངག་ཡིན་པས་དེ་ལ་བརྟེན་ནས་རྣམ་པར་རྟོག་པའི་སྣ་དྲངས་ནས་འཁྲུལ་གཏམ་སྣ་ཚོགས་བརྗོད་པའི་གཞིར་གྱུར་པས་ངག་གནད་སྨྲ་བ་བཅད་པ་ལ་བརྩོན་པར་བྱ་བས་ན། ལས་རླུང་གི་འཕེལ་ཟད་ནས་ཡེ་ཤེས་ཀྱི་རླུང་ངང་བརྟན་པ་དང་ཟིན་སླ་བས་ཉམས་སྣང་གོང་འཕེལ་དུ་འགྲོ་བའི་དགོས་པ་ཡོད་དོ། །དེའི་ཕྱིར་ན་ཇི་སྐད་དུ། དེ་ལྟར་ངག་གནད་སུས་གཟིར་བ ངག་གི་སྐྱོན་ཟད་མྱ་ངན་འདས། ཞེས་སོ། །གསུམ་པ་སེམས་ཀྱི་གནད་ནི སེམས་གནས་འཕྲོ་འདུའི་སྤྲོས་པ་གཅོད༔ སེམས་རིག་ཤན་འབྱེད་འོད་གསལ་མངོན༔ ཞེས་གསུངས པས། དེ་ལ་འཕྲོ་འདུའི་རྟོག་ཚོགས་ཀྱི་སྒོ་སེམས་ཡིན་པས་ན་དེ་ཀ་མ་བཅོས་པར་རང་བབས་སུ་བཞག་སྟེ། གང་ཤར་ལ་ངོས་བཟུང་མེད་པར་འབད་རྩོལ་སྤྲོས་པ་དང་བྲལ་བར་མ་བཅོས་རྣལ་ སྐར མར་བཞག་པས་ན་སེམས་དང་རིག་པའི་ལ་ཤན་འབྱེད་པ་དང་། འོད་གསལ་ནང་གི་སྒྲོན་མ་མངོན་དུ་སྣང་ཞིང་སྐུ་གསུམ་མཉམ་པ་ཉིད་ཀྱི་དབྱིངས་ཇི་ལྟ་བ་བཞིན་དུ་ཚད་ལ་ཕེབས་པའི་དགོས་པ་ཡོད་དོ། །ཇི་སྐད་དུ། དེ་ལྟར་སེམས་ཀྱི་གནད་གཟིར་བས སྐུ་གསུམ་རིག་པ་སྟོང་པར་འཆར། ཞེས་སོ། །དོན་གཉིས་པ་གནད་གསུམ་ལ་བརྟེན་ནས་མངོན གསུམ་རང་ཐོག་ཏུ་ཕེབས་པ་དེ་ལ་སྒོ་ཡུལ་རླུང་རིག་བཞི་ལས དང་པོ་ནི། སྒོ་གནད་མིག་ཟིམ་ལྟ་སྟངས་གཅུན༔ གསུངས་པས་ན། དབྱིངས་སྣང་འཆར་བྱེད་ཀྱི་སྒོ་ལྟ་བུ་དེ་ཀ་དབང་པོའི་དྭངས་མིག་འདི་ཡིན་པས་ན་དེ་གཟིགས་སྟངས་རྣམ་པ་གསུམ་ལ་བརྟེན་ནས་སྦྱང་དགོས་པས། དང་པོ་ཆོས་སྐུ་ལ་ཀུན་ཁྱབ་ཡེ་ཤེས་ཀྱི་སྤྱན་ཆོས་ཉིད མངའ་བས། གཟིགས་སྟངས་ཀྱང་གྱེན་དུ་བཟློག་ནས་བལྟ་བར་བྱེད་པ་ལ། མིག་འབྲས་གྱེན་ལ་ཅུང་ཟད་ལྡོག་ནས་ཟིམ་བུར་བལྟ་བ་དང་ལུས་གནད་ཀྱང་ཆོས་སྐུའི་བཞུགས་སྟངས་ལ་བསླབ། ཡང་ལོངས་སྐུ་ལ་ཀུན་མཁྱེན ཡེ་ཤེས་ཀྱི་སྤྱན་ཡེ་ཤེས་མངའ་བས་གཟིགས་སྟངས་ཀྱང་འཕྲེད་དང་ཟུར་ལ་ཟིམ་བུས་བལྟ་ཞིང་། བཞུགས་སྟངས་ཀྱང་གླང་ཆེན་འགྲིལ་སྟབས་ལ་བསླབ་པར་བྱ། ཡང་སྤྲུལ་སྐུ་ལ་ཀུན 89 གཟིགས་ཡེ་ཤེས་ཀྱི་ཤེས་རབ་སྤྱན་མངའ་བས། གཟིགས་སྟངས་ཀྱང་མིག་འབྲས་སྣ་རྩེའི་ཐད་ནས་སོར་བཞིའི་ཚད་ཙམ་དུ་ཐུར་དུ་ཕབ་པ་ལྟ་བུས་མིག་ཟིམ་བུར་ལྟ་ཞིང་། བལྟ་ཕྱོགས ཀྱང་སྔ་དྲོ་ནུབ་དང་། ཕྱི་དྲོ་ཤར་དུ་བལྟ་བ་གཅེས་སོ། །དེས་སྒོ་གནད་སྦྱོང་བའི་ཚད་དུ་ཕེབས་ནས་ཡུལ་ལ་ཇི་ཙམ་བལྟས་ཀྱང་ལྟ་ཚུགས་ཤིང་དབྱིངས་སྣང་འཆར་བར་བྱེད་པའི་དགོས་པའོ། གཉིས་པར། ཡུལ་གནད་ཁམས་དང་དབང་པོར་སྦྱར༔ སུརྻ་ཙནྡྲ་མན་ཤེལ་དང་༔ ཀུན་ལ་སྙོམས་པ་ཨ་ལོ་ཀེ༔ ཞེས་གསུངས་པས། འཆར་གཞི་ཡུལ་གྱི་གནད་བསྟན་པ་ལ ཆོས་སྐུའི་རྟེན་ཉི་མ་ཡིན་པས་ན་བཞུགས་སྟངས་སེང་གེའི་འདུག་སྟངས་དང་། གཟིགས་སྟངས་ཀྱང་གྱེན་ལ་གཙུག་ཏོར་ལ་བལྟ་བའི་ཚུལ་གྱིས་ཉི་མ་ལ་ཁྲུ་གང་མ་རེག་པའི་སར་བལྟ་བ་དང་། ལོངས་སྐུའི་རྟེན་ཟླ་བ་ཡིནཔས་ན་དེ་ཀར་གཟིགས་སྟངས་དང་། བཞུགས་སྟངས་གཅུན་ནས་ཟླ་བའི་བཞིན་ལ་བལྟ་བ་དང་། སྤྲུལ་སྐུའི་རྟེན་ཡུལ་གྱི་རྟེན་མན་ཤེལ་ཞེས་འོད་ལྔ་གྱེན་འགྲེང་དང་ཟླུམ་སྐོར་རང་ཆས་སུ་ཡོད་པའི་ཤེལ་དཀར་དྲི་མ་མེད་པ་དེ། ཉི་མའི་རྐྱེན་དང་འཕྲད་པ་ལ་བལྟ་བ་དང་གསུམ་ལ་ཡུན་བསྲིང་