Tibetan
རྒྱལ། འབྲས་བུའིགྲོལ་ས་ཀུན་གྱི་མཐར་ཐུག་ས མྱུར་ལམ་འཕོ་བ་ཆེན་པོའི་གདམས་པ་འདི་ཉིད་འཆད་པར་བྱེད་པ་ལ། ཐོག་མར་ཆོས ཉན་པའི་༴ སོགས། དགོས་སོ། །དེ་ལྟར་བཤད་བྱའི་ཡན་ལག་བཤད་པ་དེ་ཉིད་སྔོན་དུ་གྲུབ་ཟིན་པའི་དབང་དུ་བྱས་ཏེ། གཉིས་པ་བཤད་བྱ་གཞུང་དོན་དངོས་བཤད་པ་ལ། ཐོག་མར་དགེ་བ་ཀླད་ཀྱི་དོན། བར་དུ་དགེ་བ་གཞུང་གི་དོན ཐ་མར་དགེ་བ་མཇུག་གི་དོན་དང་ས་བཅད་རྣམ་པ་གསུམ་དུ་ཡོད་པ་ལས། ཐོག་མར་དགེ་བ་ཀླད་ཀྱི་དོན་དེ་ལ། མཚན་དོན་སྨོས་པ མཆོད་པར་བརྗོད་པ། བརྩམ་པར་དམ་བཅའ་དང་གསུམ་ལས། དང་པོ་མཚན་དོན་སྨོས་པ་ནི། ཆོས་ཉིད་མཁའ་འགྲོའི་གསང་མཛོད་ལས་མྱུར་ལམ་ཐོད་རྒལ་གྱི་གདམས་པ་འཇའ་ལུས་མངོན་འགྲུབ་བཞུགས་སོ །གསུངས་པས། དེ་ཡང་འདས་མ་འོངས་ད་ལྟ་དུས་གསུམ་ཀུན་ཏུ་ཆོས་ཉིད་རྒྱུ་འབྲས་ལས་འདས་པའི་མཁའ་དབྱིངས་སུ་འཁོར་འདས་ཀྱི་ཆོས་ཐམས་ཅད་འགྲོ་འོང་ འ༔ དང་བྲལ་ཞིང་ཡེ་ནས་སྐུ་གསུམ་མཉམ་པ་ཆེན་པོའི་ཀློང་དུ་འུབ་ཏུ་རོལ་ཞིང་། ཡེ་ཤེས་དང་ཡོན་ཏན་ཀུན་གྱི་འབྱུང་གནས་དམ་པར་གྱུར་ཅིང་གསང་ཆེན་གཉིས་དང་ལྡན པ་མ་རྒྱུད་དགོངས་པའི་ཀློང་བཛོད་ཟབ་མོ་དེ་ལས། ཐབས་བསྐྱེད་པའི་རིམ་པ་དང་ཤེས་རབ་རླུང་རྩོལ་གྱི་གནད་ལ་བརྟེན་མ་དགོས་པར་ཚེ་འདིར་གདོད་མའི་མགོན་པོའི་གོ་འཕང་མྱུར་དུ་བགྲོད པར་བྱེད་པའི་ལམ། འོད་གསལ་ཐོད་རྒལ་ཟབ་མོའི་མན་ངག་ཆོས་ཉིད་མངོན་སུམ་གྱི་སྣང་བ་མངོན་དུ་གྱུར་པའི་གདམས་པ། མ་དག་པའི་སྣང་བ་ཐམས་ཅད་དག་དབྱིངས་དྭངས་མར་འཕོས་ནས་འཇའ་ལུས་འཕོ་བ་ཆེན་པོའི་སྐུ་མངོན་སུམ་དུ་གྲུབ་པའི་ཐབས་ཁྱད་པར་ཅན་དུ་གྱུར་པས་ན་འཇའ་ལུས་མངོན་འགྲུབ། བཞུགས་སོ་ཞེས་པ་ནི་མྱུར་ལམ་གསང་བ་ཆེན་པོའི་དགོངས་པ་མངོན་དུ་གྱུར་པའི་ཐབས་ཟབ་མོ་འདི་ན་ཡོད་དོ་ཞེས་པའི་དོན་ནོ། །དགོས་པ་ནི། སྐྱེས་བུ་རབ་ཀྱི་དབུ་ནས་ཞབས་སུ་བསྡུ་བའི་དོན་ཁོང་དུ་ཆུད་པ་དང་། འབྲིང་གིས་ཐེག་པ་གང་གི་ཕྱོགས་སུ་གཏོགས ཤེས་པ་དང་། ཐ་མས་ཀྱང་གླེགས་བམ་བཙལ་སླ་བའི་དགོས་པ་ཡོད་དོ། །གཉིས་པ་མཆོད་པར་བརྗོད་པ་ལ། སྤྱི་དང་བྱེ་བྲག་གཉིས་ལས། དང་པོ་སྤྱིར་མཆོད་པར་བརྗོད་པ་ནི། ན་མོ་ ཛྙཱ་ན་ཌཱ་ཀི་ཡེ། གསུངས་པས། ན་མོ་ཞེས་པ་ཕྱག་འཚལ་བའི་ཚིག་དང་། ཛྙཱ་ན་ཌཱ་ཀི་ཡེ་ཞེས་པ་ནི་དབྱིངས་དང་དབྱིངས་བཞུགས་ཀྱི་ཡེ་ཤེས་མཁའ་འགྲོའི་ཚོགས་ལ་རྣམ་གསུམ་དད་པའི་སྒོ་ནས་ཕྱག་འཚལ་ལོ། །ཞེས་པའི་དོན་ནོ། །བྱེ་བྲག་ཏུ་མཆོད་པར་བརྗོད་པ་ནི། སྐྱེ་མེད་དབྱིངས་ཡུམ་ཀུན་བཟང་མོ༔ རང་བཞིན་མ་འགགས་རྣལ་འབྱོར་མ༔ ཀུན་ཁྱབ་རང་གསལ་རྒྱལ་བའི་ཡུམ༔ དཔལ་ལྡན་རྡོ་རྗེ་ཕག་མོར་འདུད༔ ཅེས་གསུངས་པ་ནི སྐྱེ་བ་མེད་པ་ཆོས་ཀྱི་དབྱིངས་ཀྱི་ཡེ་ཤེས་དུས་གསུམ་ཀུན་ཏུ་འགྱུར་བ་མེད་ཅིང་ཕྲིན་ལས་བཟང་པོས་ས་གསུམ་གྱི་འགྲོ་བ་རྣམས་ལ་གང་ལ་གང་འདུལ་གྱི་མཛད་པ་ཕྲིན་ལས་ཀྱི་མཁྱེན་བརྩེའི་ཡེ་ཤེས་ཀྱི་སྒོ་མ་འགགས་པར་གསལ་བ་དེ་ལ་ཡུམ་ཀུན་ཏུ་བཟང་མོ། རང་བཞིན་འགགས་པ་མེད་པའི་ཡེ་ཤེས་འོད གསལ་མཐའ་དབུས་དང་བྲལ་ཞིང་སྐུ་དང་ཡེ་ཤེས་ཡོན་ཏན་ཐམས་ཅད་བྱ་རྩོལ་ཕྱོགས་ལྷུང་མེད་པར་རང་གསལ་ལྷུན་གྲུབ་ཆེན་པོར་རོལ་པས་ན་ཡུམ་རྣལ་འབྱོར་མ། ཀུན་ཁྱབ་ཀྱི་ཡེ་ཤེས་གསལ ལ་སྒོ་མ་འགགས་པ། མཁྱེན་གཟིགས་ཀྱི་ཤེས་རབ་ཆེན་པོ་བློའི་ཡིད་དཔྱོད་ལས་འདས་པའི་དབྱིངས་དེ་ལ་རྒྱལ་ཀུན་བསྐྱེད་པའི་ཡུམ་དུ་བརྗོད་པའོ། དཔལ་ལྡན་རྡོ་རྗེ་ཕག་མོར་འདུད་ཅེས་པ་ནི ར དེ་ལྟ་བུའི་རང་གསལ་སྐུ་གསུམ་འདུ་འབྲལ་མེད་པའི་ཀློང་དུ་རང་དོན་ཆོས་སྐུའི་དཔལ་དང་། གཞན་དོན་ཕྲིན་ལས་ཀྱི་དཔལ་ལ་མངའ་བརྙེས་ཤིང་དག་པ ངོ་བོ་ཡེ་དག དང་། རང་བཞིན་རྣམ་དག་གོ། །ཉིས་ལྡན་གྱི་སངས་རྒྱས་ཀུན་ཏུ་བཟང་མོ་རྒྱལ་ཡུམ་རྡོ་རྗེ་བཙུན་མོ་མཆོག་དེ་ལ་འདུ་འབྲལ་མེད་ཅིང་། སྐུ་གསུམ་མཉམ་ཉིད་རྫོགས་པའི་དབྱིངས་ཆེན་པོ་དེ་ལ་འུབ ཏུ་ཆུབ་པ་ལ་འདུད་དོ་ཞེས་བརྗོད་པའོ། །དོན་གསུམ་པ་བརྩམ་པར་དམ་བཅའ་ཚུལ་ནི། ཤིན་ཏུ་རྟོགས་དཀའི་ལམ་ཟབ་མོ༔ བླ་མེད་རྡོ་རྗེ་ཐེག་པ་ཡི༔ འབྲས་བུའི་ཡེ་ཤེས་མངོན་གྱུར་ཐབས༔ འཇའ་ལུས་ཆོས་སྐུའི་གདམས་པ་བསྟན༔ གསུངས་པས། དེ་ལ་འདིར་ཚེ་རབས་ཐོག་མཐའ་མེད་པའི་དུས་ནས་ཚུལ་ཁྲིམས་རྣམ་པར་དག་པས་གཞི་བཟུང་། སྦྱིན་སོགས་ཕ རོལ་ཏུ་ཕྱིན་པ་དྲུག་གི་སྒོ་ནས་རྒྱུ་རྣམ་པར་དག་པ་བསོད་ནམས་ཀྱི་ཚོགས་དང་། ཡང་དག་པ་ངེས་པ་དོན་གྱི་ལྟ་བ་ཉམས་སུ་བླངས་ནས་ཚུལ་བཞིན་སྤྱོད་པ་ཡེ་ཤེས་ཀྱི་ཚོགས་ཏེ། ཚོགས་གཉིས་རྒྱ་མཚོ་ལྟ་བུར་བསགས་པ་དང་སྨོན་ལམ་བཟང་པོས་མཚམས་སྦྱར་བ་ལ་བརྟེན་ནས། བརྒྱུད་ལྡན་བླ་མ་དམ་པས་རྗེས་སུ་བཟུང་བའི་སྐྱེས་བུ་སྐལ་ལྡན་ལས་ཅན་རྣམས་ཀྱི་སྤྱོད་ཡུལ་ཁོ་ནར་གྱུར་8 ཅིང་། ཟབ་ལམ་དམ་པ་འདི་ལ་དད་བརྩོན་མེད་ཅིང་དབང་པོ་དམན་པའི་རིགས་རྣམས་ཀྱིས་བསྐལ་པར་འབད་ཀྱང་འདིའི་དོན་ཇི་བཞིན་པ་མཐོང་དཀའ་བས་ན། ཡིད་དཔྱོད་བློའི་སྦུན་པའི་སྐྱོན གང་གིས་ཀྱང་མ་བསླད་པར་རང་བྱུང་གི་ཡེ་ཤེས་ཆེན་པོ་ཡེ་སྟོང་རྩ་བྲལ་དུ་ངོ་སྤྲོད་པའི་མན་ངག་ལ་བརྟེན་ནས་ཡེ་ཤེས་འོད་གསལ་ལྷུན་གྲུབ་གཞིར་གནས་སུ་ངོ་སྤྲོད་པའི་མྱུར་ལམ་ཟབ་མོ། ཡང་གསང་བླ་ན་མེད་པ་གསང་སྔགས་རྡོ་རྗེ་ཐེག་པ ལམ་ཀུན་གྱི་རྩ་བ། ཆོས་བཅུད་ཀུན་གྱི་སྙིང་པོ།འབྲས་བུའི་གྲོལ་ས་ཀུན་གྱི་མཐར་ཐུག་པ །ཡེ་ཤེས་ལྷུན་གྲུབ་རིན་པོ་ཆེ་དགོངས་པ མངོན་དུ་གྱུར་པའི་ཐབས་སམ། མ་དག་པ་སྙིགས་མའི་སྣང་བ་ཐམས་ཅད་དྭངས་མ་འོད་གསལ་འཇའ་ལུས་འཕོ་བ་ཆེན་པོའི་དབྱིངས་སུ་བཙན་ཐབས་ཉིད་དུ་གྲོལ་བའི་གདམས་པ་འདི་ཉིད་བསྟན་པརབྱའོ། །དེ་ཡན་ཆད་ཀྱིས་ཀླད་དོན་སོང་བའི་དབང་དུ་བྱས་ཏེ། བར་དུ་དགེ་བ་གཞུང་གི་དོན་ལ་སྔོན་འགྲོ་དང་དངོས་གཞི་གཉིས་ལས དང་པོ་སྔོན་འགྲོ་ལའང་ཐུན་མོང་སྤྱི་དང་ཐུན་མིན་ནང་གི་སྔོན་འགྲོ་གཉིས་ལས ཐོག་མར་ཐུན་མོང་གི་སྔོན་འགྲོ་བློ་ལྡོག་རྣམ་པ་བཞིས་རང་རྒྱུད་ལེགས་པར་སྦྱངས་ནས། འཁོར་བ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན། སྡུག ཧཱུྃ༔ བསྔལ་གྱི་ཡོ་ལང་། སྡུག་བསྔལ་གྱི་འཁྲུལ་འཁོར་ལས་མ་འདས་ཤིང་བདེ་བའི་གོ་སྐབས་སྐད་ཅིག་ཙམ་ཡང་མེད་པ་ལ་ཡིད་གཞོལ་ནས་ད་ནི་གཏན་གྱི་བདེ་བ་ཐོབ་ཕྱིར་དམ་པའི་ཆོས་རྣམ་དག་ཞིག་སྒྲུབ་པར་དམ་བཅའ་སྟེ་ཚེ་དང་སྒྲུབ་པ་མཉམ་པ་ཞིག་བྱེད་སྙམ་པའི་དམ་བཅའ་བརྟན་པོས་རང་རྒྱུད་ཆོས་དང་འདྲེས་པ་ཞིག་གལ་ཆེ། གཉིས་པ་ཐུན་མིན་ནང་གི་སྔོན འགྲོ་འཁོར་འདས་རུ་ཤན་འབྱེད་པ་ལ་ཕྱི་ནང་གསང་བ་གསུམ་དུ་ཡོད་པ་ལས། དང་པོ་ཕྱི་ལྟར་རུ་ཤན་འབྱེདཔ་ནི སྒོ་འདི་ཉམས་སུ་ལེན་པའི་སྐྱེས་བུ་རྣམས་ཀྱིས་ཐོག་མར་བག་ཆགས་ཀྱི་སྒོ་གསུམ་མངོན་ཞེན་རང་འགགས་ལ་འགྲོ་བའི་ཕྱིར་དུ གནས་དབེན་པ་མིའི་རྒྱུ་འགྲུལ་དང་མཐོང་ཚོར་མེད་པ། དགྲ་ཇག་ལ་སོགས་པའི་འཇིགས་པ་དང་མི་མིན་གདོན་བགེགས་ཀྱི་འཚེ་བ མེད་པའི་སར་ཕྱིན་ནས་གཞི་བདག་དཀར་ཕྱོགས་ལ་དཀར་གཏོར་གཏོང་། ནག་ཕྱོགས་ལ་དམར་གཏོར་གཏོང་ནས་རུ་ང་དང་གདུག་རྩུབ་མེད་ཅིང་སྡོང་གྲོགས་དང་བར་ཆད་མི་འབྱུང་བའི་ཕྲིན་ལས་བཅོལ། དེ་ནས་རང་གཞན་སེམས་ཅན་ཐམས་ཅད་ཚེ་འདིར་མི་གནས་པའི་གཏན་སྲིད་ཟིན་པར་བྱའོ་སྙམ་ནས་བྱང་ཆུབ་མཆོག་ཏུ་སེམས་བསྐྱེད་ཅིང་བླ་མ་སྤྱི་བོར་བསྒོམ་ལ་གསོལ་བ་དུང་ངེ་ བ་ཞིག་བཏབ་མཐར། ཕྱི་ལུས་ཀྱི་རུ་ཤན་འགྲོ་བ་དང་། འདུག་པ་དང་། ཕར་ཚུར་དུ་གཅུས་པ་དང་། འཁྲུལ་འཁོར་སྣ་ཚོགས་བྱེད་ཅིང་ཡན་ལག་རྣམས་ཀྱང་ཕར་འཕེན་པ་ཚུར་སྡུད་པ སོགས་སེམས་ཀྱིས་གང་དྲན་བྱེད་པ་དང་། ཁྱད་པར་རིགས་དྲུག་གི་སྤྱོད་པ་དམྱལ་བ་ཚ་གྲང་། ཡི་དྭགས་བཀྲེས་སྐོམ་གྱི་སྡུག་བསྔལ དུད་འགྲོ་བཀོལ་སྤྱོད། ལྷ་མིན་འཐབ་རྩོད ལྷ་འཆི་འཕོ་ལྟུང་བ། མི་སྐྱེ་རྒན་འཆི་སོགས་ཀྱི་སྤྱོད་པ་ཐམས་ཅད་རང་རྒྱུད་ལ་བླངས་ནས། དེ་དག་གི་རྣམ་འགྱུར་སོགས་ལ་དཀའ་ཚེགས་དང་སྐྱོ་ངལ་མེད་པར་བྱེད་པ་དང་། ངག་རུ་ཤན་ཡང་དེ་དག་གི་སྐད་སེམས་ཀྱིས་དྲན་ཚད་དང་ཤེས་ཚད་ཐམས་ཅད་བླང་དོར་མེད་པར་བརྗོད་པ་དང་། སེམས་ཀྱི་རྟོག་ཚོགས་ཀྱང་རིགས་དྲུག་གི་སྡུག་བསྔལ་དང་ཉོན་མོངས་དུག་ལྔ་དུག་གསུམ་ལ་སོགས་པ་བཟང་ངན་གྱི་རྟོག་པ་གང་ཤར་ཡང་ཤར་ཐོག་དེ་ག་ནས་སྤང་བླང་བཅས་བཅོས་གང་ཡང་མི་བྱེདཔར་དཔེར་ན་སྨྱོན་པ་འུར་ལངས་པ་ལྟ་བུའི་སྤྱོད་པས་སྒོ་གསུམ་རང་གར་ཡན་པའི་ཚེ་ན། ཇི་ཞིག་ན་རྟོག་ཚོགས་ཐམས་ཅད་དཔེར་ན་ལྟག་ཆུ་ཆད་པ་བཞིན་དུ་སོང་ནས་སྒོ་གསུམ་ངལ་དུབ་ཀྱི་རྣམ་པས་འཁོར་བ་ལ་སྙེམས་ཐག་ཆོད་ཅིང་ཆོས་ཉིད་ཀྱི་དོན་ལ་བློ་འཆུན་པར་འགྱུར་རོ། མཐར་ རང་ཉིད་སྟོན་པ་ཤཱཀྱ་ཐུབ་པའི་སྐུར་བཀྲ་ལམ་མེར་གསལ་ནས་སྐུ་ལས་འོད་ཟེར་འཕྲོས་པས་རིག་དྲུག་གི་གནས་ཡུལ་བག་ཆགས་ཐམས་ཅད་ཉི་མས་མུན་པ་བཅོམ་པ་ལྟར་སོང་ནས་དེར་གནས་ཀྱི་འགྲོ་བ་རྣམས་ཀྱི་ལས་དང་བག་ཆགས་ཐམས་ཅད་དག་པར་བསམ་པ་དང་། ངག་གིས་ཀྱང་ཤེར་ཕྱིན་སྙིང་པོ་ལ་སོགས་པ་འདོན་ཅིང་འགྲོ་བ་དེ་དག་གི་རྣ་བར་ཆོས་ཀྱི་སྒྲ བསམ་གྱིས་མི་ཁྱབ་པ་ཐོས་པས་ཐམས་ཅད་ཀྱི་རྒྱུད་ལ་བྱང་ཆུབ་ཀྱི་སེམས་སྐྱེས་པར་བསམ་པ་སོགས་ལ་བརྩོན་པ་ཡིན་ནོ། །དེ་ལྟར་སྒོ་གསུམ་གྱི་མངོན་ཞེན་ལོག་ཕྱིར་ལུས་ངག་གི་རྣམ་འགྱུར་སྣ ཚོགས་ལ་རྩལ་སྦྱོང་བའི་ཚེ་ན གནས་སྐབས་སུ་སྒོ་གསུམ་བྱེད་པ་ལུས་བརྗོད་པ་ངག འཕྲོ་འདུ་སེམས། གྱི་ཞེན་པ་ལྡོག་པ་དང་། འཁོར་བའི་གནས་ཡུལ་ཐམས་ཅད་སྒྱུ་མ་དང་རྨི་ལམ་ཉིད་དུ་ཤེས་ནས་འཁོར་འདས་རུ་ཤན་འབྱེད་པར་འགྱུར་རོ་གསུངས གཉིས་པ་ནང་ལྟར་རུ་ཤན་འབྱེད་པ་ལ། བག་ཆགས་ཀྱི་ལུས་འདི་གྲུབ་ནས་བཟུང་སྟེ་རིགས་དྲུག་སོ་སོར་འཕེན་བྱེད་ཀྱི་རྒྱུ་ས་བོན་དྲུག་བག་ཆགས་ཀྱི་ཆ་དང་བཅས་པ་རྒྱུན་ཆགས་སུ་ཡོད་པའི་རྐྱེན་གྱིས་འཆི་བའི་ཚེ་ནའང་ས་བོན་དེ་རྣམས་ཀྱི་རྩ་ཁམས་གང་དུ་རླུང་སེམས་འདུས་པ་ལ་རྐྱེན་བྱས་ཏེ་སྐྱེ་གནས་དྲུག་གང་རུང་དུ་89 འཕེན་པར་བྱེད་པས། ད་ལྟའི་གནས་སྐབས་ནའང་ཐབས་མང་དཀའ་བ་མེད་པ་མྱུར་ལམ་ཟབ་མོ་འདིའི་ཁྱད་ཆོས་ཀྱི་གདམས་པ་བསྟན་པར་བྱ་བ་ལ། སྦྱང་ཞིང་འགྲོ་བའི་ཕུང་པོའི་གནས་དྲུག་ཏུ སྦྱང་བྱ་ཡི་གེ་དྲུག་གི་རྣམ་པར་གནས་པའི་ཚུལ་ནི སྤྱི་བོར་ལྷའི་ས་བོན་ཨཿདཀར་བག་ཆགས་ཀྱི་འོད་སྐྱ། མགྲིན་པར་ལྷ་མིན་གྱི་ས་བོན་སུཿལྗང་སྐྱ སྙིང་གར་མིའི་ས་བོ་ནྲྀཿསྔོ་སྐྱ་གསུམ་གྱི་ཡིག་མགོ་གྱེན་ཕྱོགས་ལ་བསྟན་པ། ལྟེ་བར་བྱོལ་སོང་གི་ས་བོན་ཏྲིཿདམར་སྐྱ་ཡིག་མགོ་འཕྲེད་བསྟན་དུ་གནས་པ། གསང་གནས་སུ་ཡི་དྭགས་གྱི་ས་བོན་པྲེཿཐལ་སྐྱ་ཡིག་མགོ མཐུར་དུ་ཕྱོགས་པ། རྐང་མཐིལ་གཡས་ཚ་དམྱལ་གཡོན་གྲང་དམྱལ་དུ་དམྱལ་བའི་ས་བོན་དུཿནག་པོ་མཐུར་བསྟན་དུ་གནས་པའོ། །དེ་ལྟ་བུའི་ས་བོན་དེ་དག་ལས་འོད་ཟེར་འཕྲོས་པས་རིགས་དྲུག་སོ་སོའི་སྡུག་བསྔལ་བག་ཆགས་ཐམས་ཅད་དང་། གནས་ཡུལ་ཐམས་ཅད་འོད་ཕུང་རང་རང་གི་ཁ་དོག་ལྟར་ཞུ་ནས་ས་བོན་རྣམས་ལ་ཐིམ་པར་བསམ་པའི་དམིགས་པ་ཡང་ཡང་བྱའོ། །སྦྱོང་བྱེད་ཀྱི་ས་བོན་རང་གི་གནས་གསུམ་དུ་རྒྱལ་བ་རྣམས་ཀྱི་སྐུ་མི་ཟད་པ་རྒྱན་གྱི་འཁོར་ལོའི་ངོ་བོ་ཡི་གེ་ཨོ་དཀར་པོ་གདན་ཟླ་བ་། གསུང་མི་ཟད་པ་རྒྱན་གྱི་འཁོར་ལོའི་ངོ་བོ་ཨཱཿ ༄ དམར་པོ་པདྨ། ཐུགས་མི་ཟད་པ་རྒྱན་གྱི་འཁོར་ལོའི་ངོ་བོ་ཧཱུྃ་ཉི་མ་མཐིང་ག་གསུམ་གསལ་ལ་དྭངས་པ སྣུམ་ལ་འདྲིལ་བ། གཟི་བརྗིད་བལྟར་མི་བཟོད་པ འོད་དང་འོད་ཟེར་འཕྲོ་བ་ཞིག་གསལ་གདབ་པར་བྱའོ །དེ་ལྟ་བུའི་མཚན་ཉིད་བཞི་དང་ལྡན་པའི་འབྲུགསུམ་དེ་ལས་འོད་ཟེར་དཀར་དམར་མཐིང་གསུམ་འཕྲོས་པས་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་ཐམས་ཅད་དང་། བརྒྱུད་གསུམ་བླ་མ་རིག་འཛིན་གནས་གསུམ་དཔའ་བོ་མཁའ་འགྲོ་དམ་ཅན་སྲུང་མར་བཅས་པ་ཐམས་ཅད་ཀྱི་སྐུ་གསུང་ཐུགས་མཉེས་པའི་མཆོད་པ་ཕུལ་བས་ཐུགས་བདེ་སྟོང་གི་རོས་ཚིམས། ཐུགས་རྗེ་བྱིན་རླབས་དབང་དང་དངོས་གྲུབ་ཡེ་ཤེས་ཡོན་ཏན་ཐམས་ཅད་འོད་ཟེར་དཀར་དམར་མཐིང་གསུམ་གྱི་རྣམ་པར་རང་གི་གནས་གསུམ་ལ་ཐིམ་པས་རྡོ་རྗེ་གསུམ་གྱི་དབང་བྱིན་དངོས་གྲུབ་ཐམས་ཅད་ཐོབ་པར་བསམ འབྲུ་གསུམ་དེ་ལས་འོད་ཟེར་འཕྲོས་པས་གནས་དྲུག་གི་ས་བོན་རྣམས་ལ་ཕོག་པའི་ཚེ་ན། དཔེར་ན་ག་བུར་ལ་རླུང་གིས་རྒྱས ཐེབས་པ་ལྟར་རིག་དྲུག་གི་ས་བོན་བག་ཆགས་དང་བཅས་པ་གཞོབ་ཐུལ་གྱིས་བསྲེགས་ཏེ་རྗེས་ཤུལ་མེད་པར་སོང་བར་ཡང་ཡང་བསམ་པ་དང་། གཞན་ཡང་ས་བོན་དེ་དག་གིས་བསྐྱེད་པའི་ཕྱི 89 ཡུལ་སྣོད་བཅུད་ཐམས་ཅད་ཀྱང་ལྷག་མེད་དུ་སོང་བར་བསམ་པའི་དམིགས་པ་གཞུར་དྲངས་ཏེ། འབྲུ་གསུམ་བཟླས་པ་འབུམ་བདུན་ཡང་བརྩོན་པར་བྱའོ། །དེས་ཁམས་གསུམ་སྐུ་གསུང ཐུགས་སུ་དག་ནས་ཆོས་དབྱིངས་འཁྲུལ་མི་ཤེས་པའི་དབྱིངས་མངོན་སུམ་དུ་མཐོང་བར་འགྱུར་རོ། །དེའི་ཕྱིར་ན་སྒོ་འདིའི་ཉམས་སུ་ལེན་པའི་རྣལ་འབྱོར་པ་རྣམས་ཀྱིས་ཕྱི་ནང་གི་རུ་ཤན་འདི་རབ་བཞག་བརྒྱད་ཅུ། འབྲིང་སུམ་ཅུ་རྩ་གཉིས། ཐ་ནའང་ཞག་བཅོ་ལྔ་ལས་མི་ཉུང་བར་བྱས་ཏེ། དེ་དག་གི་རྟགས་སྒོ་གསུམ་ལ་ཐོན་ངེས་བྱེད་པ་གནད་དམ་པ་ཡིན་ནོ། །སྒོ་གསུམ་གྱི་རྟགས་ཇི་ལྟར་འབྱུང་སྙམ་ན། ལུས་ཀྱིས་རྣམ་འགྱུར་སྣ་ཚོགས་ལ་འབདཔས་ལུས་བདེན་མེད་དུ་མཐོང་ནས་མངོན་ཞེན་ལྡོག་པ་དང་། ངག་སྒྲ་སྐད་སྣ་ཚོགས་སུ་བརྩོན་པས་བརྗོད་པ་རླུང་གི་སྒོ་ངག་ཡིན པར་ཤེས་ནས་སྒྲ་སྣང་ཐམས་ཅད་བྲག་ཅའི་རྣམ་པའི་དོན་མཐོང་སྦྱང་གཞི་འགྲོ་བའི་ལུས་ཀྱི་གནས་དྲུག་དང་། སྦྱང་བྱས་བོན་དྲུག་ལ་རྒྱུ་བྱས། སྦྱོང་བྱེད་གནས་གསུམ་གྱི་འབྲུ་གསུམ་ལ རྐྱེན་བྱས། དེ་གཉིས་དམིགས་པ་དུས་འཛོམ་པའི་ཚེ སྦྱངས་འབྲས་རྡོ་རྗེ་གསུམ་གྱི་རང་བཞིན་དུ་གནས་སུ་དག་སྟེ་སྨིན་པ་དང་། འཁོར་བ་ལ་ཕྱིར་མི་ལྡོག་པར་རྒྱལ་བའི་སྐུ་གསུང་ཐུགས ༄འ༔ དང་གཉིས་སུ་མེད་པའི་དོན་མངོན་དུ་གྱུར་ཅིང་ཤི་མཐར་ཐུག་གི་བར་དུ་ཡང་དག་པའི་གདམས་པ་འདི་ཉིད་ལ་བརྩོན་པར་བྱའོ་སྙམ་པའི་བློ་རྒྱ་བསྐྱེད་པ་སོགས་འབྱུང ངེས་སོ། །དེ་སྐབས་སུ་རྟགས་རྣམ་པ་བདུན་དུ་འབྱུང་སྟེ ལུས་ཀྱི་སྒྲིབ་པ་དག་པའི་ལྟས་ཁྲུས་ཀྱི་རྫིང་བུར་ཞུགས་པ་དང་། གོས་དཀར་པོ་གྱོན་པ། ངག་གི་སྒྲིབ་པ་དག་པའི་ལྟས་དུང་འབུད་པ། གླིང་བུ་དང་རོལ་མོ་དཀྲོལ་བ། སེམས་ཀྱི་སྒྲིབ་པ་དག་པའི་ལྟས་ནམ་མཁའ་གཡའ་དག་པ མེ་ཏོག་གི་ཆར་བབས་པ་དང་། འབྲུ་གསུམ་གྱི་ནུས་པས་ས་བོན་དྲུག་དྲུང་ནས འབྱིན་པའི་རྟགས་སུ་མཁའ་ལ་འཕུར་བ་དང་། བདེ་བར་གཤེགས་པའི་སྐུ་གཟུགས་མཐོང་བ ཆོས་སྤྱོད་འདོན་པ་དང་། གསུང་རབས་སྣ་ཚོགས་རྙེད་པ། ལྷ་དང་བླ་མའི་ཞལ་མཇལ་བ དང་། དཀྱིལ་འཁོར་འབྲི་བ་སོགས་དང་། ཁྱད་པར་ལུས་འཁོར་བའི་བྱ་བར་མི་འཇུག ངག་གཏམ་བརྗོད་པ་ལ་མི་དགའ། སེམས་ཁུར་བོར་བའི་སྐྱེས་བུ་ལྟར་འབྱུང་བ་རྣམས་ནི་རབ དངོས། འབྲིང་ཉམས ཐ་མ་རྨི་ལམ་རྣམས་སུ་འབྱུང་བར་ངེས་པའོ། །དོན་གསུམ་པ་གསང་བའི་རུ་ཤན་འབྱེད་པ་ལ། དང་པོ་ལུས་ཀྱི་སྔོན་འགྲོ་ནི། རྐང་མཐིལ་གཉིས་ཀྱི་རྩེ་སྤྲད ཅིང་༔ རྟིང་པ་གསང་བར་གཏད་ནས་ཀྱང་༔ ལུས་གནད་དྲང་པོར་བསྲངས་ཏེ་གནས༔ ལག་གཉིས་མགོ་ལ་མ་རེག་ཙམ༔ རྡོ་རྗེའི་ཕྱག་རྒྱ་ཐལ་སྦྱར་གནད༔ ལུས་ཀྱང་རྡོ་རྗེ་མེ འབར་བ༔ སྔོན་པོའི་རྣམ་པར་གསལ་བཏབ་ནས༔ ཉིན་ཞག་རབ་བདུན་འབྲིང་ལྔ་དང་༔ ཐ་མ་གསུམ་དུ་འབད་པར་བྱ༔ ཞེས་གསུངས་པས། དེ་ལ་ལུས་མི་འགྱུར་རྡོ་རྗེ་འདུག སྟངས་བྱ་བ་ལ། རྐང་མཐིལ་གཉིས་ཀྱི་རྩེ་སྤྲད༔ རྟིང་པ་གསང་གནས་སུ་གཏད་ལ་པུས་མོ་གཉིས་ཕྱིར་བགྲད། རྐང་སོར་རྣམས་སར་བཙུག ལུས་དྲང་པོར་བསྲངས་ཏེ་ལག་གཉིས་མགོ ལ་མ་རེག་ཙམ་དུ་ཐལ་མོ་སྦྱར དཔུང་པ་གཉིས་བྱ་གཤོག་ལྟར་ཕྱིར་བརྒྱངས མཇིང་པ་ཡུད་ཙམ་ནང་དུ་བཀུག་ལ་མིག་གཉིས་བྱང་སེམས་ཀྱི་ལྟ་བསམ་གཏན་བསྒོམ་པའི་སྐྱེ་བུའི་མིག་ལྟ་བུ་སྟངས་བྱ་ཞིང་། ལུས་རྡོ་རྗེའི་སྔོན་པོ་མེ་འབར་བ་ཞིག་ཏུ་བསྒོམ་པའི་ཚེ་ན། དང་པོ་ལུས་ན་ཞིང་ལྷ་ཚིགས་ཀྱི་ཤ་རྣམས་ཁོལ་རྩེ་འཕར་བ་དང་ཡན་ལག་རྣམས་ཀྱང་ཞིག་པ་ལྟ་བུའི་ཉམས་ཤར་ཞིང་། ལུས་ཚུགས་མི་ཐུབ་ཅིང་ཤིན་ཏུ་ངལ་དུབ་ཆེ་བ་འབྱུང་ཚེ མཉམ་པ་ཉིད་ཀྱི་འདུག་སྟངས མི་འགྱུར་རྡོ་རྗེའི་འདུག་སྟངས་གན་རྐྱལ་དུ་གནས་པ་ཀྱིས་ངལ་བསོས་ཚེ་ལུས་ཐམས་ཅད་འབོལ་ ༧་བྃ༔ ཤིག་གེར་འགྲོ་ཞིང་བདེ་དྲོད་བསྐྱེད་པ་འབྱུང་ངོ །བར་སྐབས་རྣམས་སུ་རྡོ་རྗེ་ལས་མེའི་ཚྭ་ཚྭ་འཕྲོས་པས་ཉོན་མོངས་དུག་ལྔ་ལས་བསྐྱེད་པའི་ནད་གདོན་བགེགས་ཚོགས་ཐམས་ཅད་མིང་མེད་དུ་བརླག་པར་བསམ་མོ །དེས་ལུས་ཀྱི་མངོན་ཞེན་ལྡོག་ཅིང་བར་ཆད་ཞི་བ་དང་། ལུས་ཀྱི་སྒྲིབ་པ་དག་ཅིང་མངལ་གྱི་གྲོང་ཁྱེར་དུ་མི་འཇུག་པ་དང་། མཐར་ཐུག ལུས་སྐུར་སྨིན་ཏེ་འགྱུར་བ་མེད་པ་རྡོ་རྗེའི་སྐུ་རུ་གྲོལ་བར་བྱེད་དོ། །གཉིས་པ་ངག་གི་སྔོན་འགྲོ་ནི རྒྱས་གདབ་རྩལ་སྦྱང་མཉན་བཙལ་དང་༔ ལམ་ཞུགས་ལ་སོགས་ངག་སྦྱོང་ནི༔ ཧཱུྃ ཞེས་ངག་དང་སེམས་ཀྱིས་སྦྱངས༔ དེ་ལ་རྒྱས་གདབ་པ་དང་། རྩལ་སྦྱང་བ། མཉན་བཙལ་བ། ལམ་དུ་ཞུགས་པ་དང་བཞི་ལས། དང་པོ་རྒྱས་གདབ་པ་ལ། ཕྱི་སྣང་བ་ལ་རྒྱས གདབ་པ་དང་། ནང་རང་ལུས་ལ་རྒྱས་གདབ་པ་དང་གཉིས་ལས དང་པོ་ནི། རང་ལུས་རྡོ་རྗེར་བསྒོམ་པ་དེ་ཀ་ཧཱུྃ་ཡིག་མཐིང་ནག་ཞིག་ཏུ་གསལ། དེ་ཡོངས་སུ་གྱུར་པ་ལས། མཐུ་སྟོབས་མངའ་བདག་དཔལ་ཆེནཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་རྡོ་རྗེ་ནམ་མཁར་འཕྱར་ཞིང་གཡོན་པས་སྦྲུལ་ཞགས་ཐུགས་ཀར་འཛིནཔ ཞལ་ གདངས་ཤིང་ལྗགས་འདྲིལ་བ། སྤྱན་སྡང་མིག་ཏུ་བསྒྲད་ཅིང་དབུ་སྐྲ་དམར་སེར་སྲིད་པའི་རྩེ་རུ་འཁྱིལ་བ། ཞབས་གཉིས་གྱད་ཀྱི་འདོར་སྟབས་སུ་པདྨ་དང་ཉི་ཟླའི་གདན་ལ་འགྱིང་བ། སྐུ་ལ་དུར་ཁྲོད་ཀྱི་ཆས་བརྒྱད་དང་དཔལ་གྱི་ཆས་བཅུ་ལ་སོགས་པས་བརྒྱན་པར་གསལ་བའི་ཐུགས་ཀར་པད་ཟླའི་གདན་ལ་གནམ་ལྕགས་ལས་གྲུབ་པའི་རྡོ་རྗེ་རྩེ་ལྔ་པའི་ལྟེ་བར་ཉི་ཟླའི་གྭའུ་ཁ་སྦྱོར་གྱི་དབུས་སུ་ཧཱུྃ་མཐིང་སྤུ་ཤད་ཀྱིས་བྲིས་པ་ལྟ་བུ་འོད་དང་འོད་ཟེར་གྱི་རྣམ་པརགསལ་གདབ། ཧཱུྃ་ཡིག་དེ་ལས་ཧཱུྃ་གྲངས་མེད་པ་སྣ་བུག་གཡས་ནས་གཅིག་འཕྲོ་གཉིས་འཕྲོ་བྱས་ཏེ་སྣང་བས་ཁྱབ་པའི་ཡུལ་ཐམས་ཅད་ཧཱུྃ་གིས་གང་བར་བསམ་ལ། སེམས་ཧཱུྃ་ལ་གཏད་ནས་རླུང་དལ་བུས་སྐད་སྙན་ལ་འཇམ་པའི་ཧཱུྃ་