Tibetan
THE COLLECTED REVELATIONS(GTER CHOS)OFSE-RAMKHA'-'GRO BDE-CHEN-RDO-RJE VOLUME II Published by Bartsham Chador Lhakhang Sangdag Gyepailing TI1395-001 TI1395-002 ༄༅། །ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་གསང་མཛོད་ཀྱི་གླེགས་བམ་གཉིས་པ་བཞུགས་སོ།། TI1395- 004 ༄༅། །ཨོཾ་སྭསྟི༔ ཡེ་ཤེས་ཀྱི་མཁའ་འགྲོ་མ་ཀུན་བཟང་བདེ་སྐྱོང་དབང་མོའི་ཟབ་གཏེར་ཆོས་ཉིད་མཁའ་འགྲོའི་གསང་མཛོད་ཀྱི་གླེགས་བམ། ཁ༽ རྟགས་ཅན་འདིར་སྙན་བརྒྱུད་རྡོ་རྗེ་ཕག་མོའི་ཟབ་བརྒྱུད་ལྡེབ ༣ རྡོ་རྗེ་ཕག་མོའི་རྫོགས་རིམ་གསང་བ་ཐུགས་ཀྱི་རྒྱ་ཅན་ཤིན་ཏུ་ཟབ་པ་མཁའ་སྤྱོད་མྱུར་ལམའོདགསལ་མངོན་གྱུར་ལྡེབ་༡༨ ཡང་གསང་བླ་མེད་སྔགས་ལམ་ཕྱག་རྒྱ་གཉིས་ལྡན་མཁའ་འགྲོའི་ཐུགས་བཅུད་ཟབ་ལམ་སྙིང་པོ་ལྡེབ་༡༦ སྦྱོར་གྲོལ་དགོངས་པའི་ཟབ་གནད་ལྡེབ ༤ རྫོགས་ཆེན་མཐའ་གྲོལ་ཀློང་ཡངས་ཀྱི་དགོངས་པ་འོད་གསལ་སྒྲོན་མེ་ལྡེབ ༢ ཐོད་རྒལ་གྱི་གདམ་པ་འཇའ་ལུས་མངོན་གྲུབ་ལྡེབ ༢ འོད་གསལ་དོན་གྱི་སྙིང་པོ་ནམ་མཁའ་གློང་ཡངས་ལྡེབ་༣ ཐོད་རྒལ་འཇའ་ལུས་མངོན་འགྲུབ་ཀྱི་པྲ་ཁྲིད་སངས་རྒྱས་མཉམ་སྦྱོར་འོད་གསལ་སྙིང་པོ་ལྡེབ ༤༡ བཅས། ༈ མཚོ་རྒྱལ་སྐོར་ལ། ཡེ་ཤེས་མཁའ་འགྲོའི་གསོལ་འདེབས་རྨོངས་པ་ཀུན སེལ་ཤེས་རབ་གསལ་བྱེད་ལྡེབ ༡ བརྒྱུད་པའི་གསོལ་འདེབས་བསྡུས་པ་ལྡེབ ༡ སྔོན་འགྲོའི་ལས་རིམ་དངོས་གྲུབ་སྒོ་འབྱེད་དང་བླ་རྡོ་སྲོག་འཁོར་དངོས་གྲུབ་བུམ་བཟང་བླ་ རྡོ་གསང་རྒྱ་ཅན་དངོས་གྲུབ་གཏེར་བུམ་བཅས་ལ་ལྡེབ ༦ སྒྲུབ་ཐབས་དངོས་གྲུབ་དཔལ་སྟེར་ལྡེབ་༈ གསང་སྒྲུབ་རྒྱུན་ཁྱེར་སྙིང་པོ་ལྡེབ ༢ ཚོགས་མཆོད་དངོས་གྲུབ་ཆར་འབེབས་ལྡེབ ༢ མེ་མཆོད་གསང་བའི་རྒྱ་ཅན་ལྡེབ ༡ ཚོགས་བསྐང་སུན་ཟློག་ལྡེབ་༡ སྒྲུབ་ཐབས་བྱིན་རླབས་མྱུར་ཐོབ་གསང་རྒྱ་ཅན་དང་ཚོགས་མཆོད་རྒྱུན་ཁྱེར་སྙིང་པོ བཅས་ལྡེབ་༢ སྒྲུབ་ཐབས་ཡང་བཅུད་སྙིང་པོ་ཤིན་ཏུ་ལྡེབ་༥ མཚོ་རྒྱལ་གསང་དབང་འདོད་འཇོའི་བུམ་བཟང་ལྡེབ་༥ གསང་མཛོད་ཆ་ལག་གནད་ཡིག་བསྡུས་པ་ལྡེབ ༥ བཅས། ༈ རྩ་གསུམ་སྤྱི་བོར་གཅོས་པའི་སྐོར་ལ་ཆོ་ག་སྤྱིའི་མཚམས་སྦྱོར་བསྡུས་པ་དངོས་གྲུབ་བུམ་བཟང་ལྡེབ ༨ རྩ་གསུམ་སྤྱིའི་དཀར་གཏོར་འདོད་དགུ་ཀུན་འབྱུང་དང་སྔོན་འགྲོའི་འཇུག་སྒོ་ཟབ་མོ་མཆོད་རྫས་བྱིན་རླབས་བསྡུས་པ མཚམས་ལྷ་བསྐྱེད་པ་གནམ་ཕུད་བདུད་རྩི་ཀུན་ཁྱབ་བཅས་ལ་ལྡེབ་༣ གསང་མཛོད་ཆ་ལག་ས་ཆོག སྔོན་འགྲོ། བུམ་སྒྲུབ། གསང་དབང་སྒོ་འབྱེད། སྔོན་འགྲོའི་སྤྱི་གཅོས་བཅས་ལ་ལྡེབ ༦ བསྙེན་སྒྲུབ་ཡན་ལག་བཞིའི་དམིགས་རིམ་དངོས་གྲུབ་སྙེ་མ་ལྡེབ་༥ རྩ་གསུམ་སྤྱིའི ༄༅། །དབང་བཞི་འབྲེལ་ཚད་དོན་ལྡན་མཁའ་འགྲོའི་ཐུགས་བཅུད་ལྡེབ ༦ རྩ་གསུམ་སྤྱིའི་མེ་མཆོད་ལས་བཞི་ལྷུན་གྲུབ་རིན་ཆེན་དབང་མཛོད་ལྡེབ་༥ ལས་བཞིའི་ཐིག་ཡིག་ཨ་དརྕ་ལྡེབ་༣ དངོས་གྲུབ་ལེན་ཆོག་འདོད་རྒུའི་ཆར་འབེབས་ལྡེབ་༢ བཅས། འཇམ་དབྱངས་སྐོར་ལ་བི་མས་ཞལ་གཟིགས་འཇམ་དབྱངས་སྒྲུབ་ཐབས ཟབ་རྒྱ་ཅན་ལྡེབ ༣ སྒྲུབ་ཐབས་ཤེས་རབ་ཉི་མ་དང་ཨ་ཏིའི་ལུང་སྤྲོས་མེད་རྒྱུན་ཁྱེར་མངོན་རྟོགས་བསྡུས་པ་བཅས་ལ་ལྡེབ ༥ རྩ་སྒྲུབ་ཤེས་རབ་བློ་འཕེལ་ལྡེབ་༣ རྒྱུན་ཁྱེར་མཆོད་བསྡུས་པ་ལྡེབ ༡ གཏོར་འབུལ་དངོས་གྲུབ་བུམ་བཟང་ལྡེབ་༡ བཅས་༈ སྒྲུབ་ཐབས་སྣ་ཚོགས་དང་ཞལ་གདམས་རྟོགས་བརྗོད་དྲིས་ལན་བརྟན་བཞུགས་སོགས་ཉེར་མཁོ་སྣ་ཚོགས་སྐོར་ལ རྡོ་རྗེ་སེམས་དཔའི་བསྒོམ་བཟླས་བསྡུས་པ་ཡེ་ཤེས་ལམ་བཟང་ལྡེབ་༢ གུ་རུའི་སྒྲུབ་པ་བྱིན་རླབས་བུམ་བཟང་ལྡེབ་༦ གྲོ་ལོད་སྒྲུབ་ཐབས་བྱིན་རླབས་མཆོག་སྟེར་ལྡེབ་༣ རྡོ་རྗེ་གཞོན་ནུའི་གསང་སྒྲུབ་ཟབ་མོ་ལྡེབ ༡ འཕོ་བ་བདེ་ཆེན་ལམ་བཟང་དང་དེའི་གསོལ་འདེབས་ཡེ་ཤེས་ལམ་བཟང་བཅས་ལྡེབ་༥ བླ་ མའི་རྣལ་འབྱོར་བྱིན་རླབས་མྱུར་འཇུག་བདུད་རྩིའི་ཐིག་པ་ལྡེབ ༢ ཨེ་མ་ཧོཿ རང་བྱུང་རིགས་པ་སོགས་གཏེར་སྟོན་ཡབ་ཡུམ་གྱི་གསོལ་འདེབས་ཚན་པ་ལྔ་དང་བསམ་ལྷུན་ཚོགས་བསྡུས་སྨོན་ལམ་བཅས་ལྡེབ ༢ བླ་མ་རྒྱང་འབོད་བྱིན་རླབས་བཅུད་བུམ་ལྡེབ་གསོལ་འདེབས་བྱིན་རླབས་སྤྲིན་ཕུང་ལྡེབ ༡ ཐོད་རྒལ་གྱི་ཟིན་བྲིས་དོན་གསལ་མེ་ལོང་ལྡེབ་( ལྷུན་གྲུབ་རང་མལ་གྱི་དོན་འབྲེལ་ཚན་པ་གཉིས་ལ་ལྡེབ་༣ སྟག་ལུང་མཁན་པོ་སད་དཔལ་གྱི་དྲིས་ལན་བརྒྱུད་ལྡན་བླ་མསོགས་ལྡེབ་༢ སྨྲ་བསམ་བརྗོད་མེད་སོགས བརྟན་བཞུགས་གསོལ་འདེབས་ཞུ་བ་ཞུས་མཁན་ལན་སྐོར་ཅན་ལྡེབ་༦ ཨ་ཧོཿ གྲུབ་པའི་དབང་ཕྱུག་སོགས་སྤྲུལ་སྐུ་དྲི་མེད་མ་ཕུལ་པའི་ཉམས་སྣང་རྟོགས་བརྗོད་སྣ་ཚོགས་སྐོར་ཚན་པ་དགུ་ཅན་ལ་ལྡེབ ༦ བརྡ་དོན་འབྲེལ་བ་རྡོ་རྗེའི་གད་མོ་ཞེས་ནང་གསོས་ཚན་པ་བདུན་ཅན་ཉམས་སྣང་སོགས་ཀྱི་སྐོར་ལ་ལྡེབ་༨ ཨེ་མ་སྐལ་ལྡན་རིག་པ་སོགས་སྤྲོས་མེད་དོན་དབང་ངོ་སྤྲོད་དང་༔ ཉམས་བསླངས་མཚར་སྒྲུབ་བཅས་ལྡེབ ༤ ཤེས་རབ་དབང་མོས་བདེ་བའི་རྡོ་རྗེ་ལ་སྨྲས་པ་སོགས་ཞལ་གདམས་རྟོགས་བརྗོད་གསོལ་འདེབས རྒྱུད་བསྐུལ་སྨོན ༄༅། །ཚིག་བཅས་ནང་གསོས་ཚན་པ་བཞི་ལ་ཨ་པ་ལྡེབ ༤ གསོལ་འདེབས་བྱིན་རླབས་སྤྲིན་ཕུང་དང་། བར་དོའི་མཐོང་སྣང་ངེས་འབྱུང་གསལ་སྒྲོན ཤེས་རབ་ལྷ་མོ་དང་བུ་སློབ་རྣམས་ལ་གདམས་པའི་ཞལ་གདམས་བསླབ་བྱ་དཔེ་ཚན་གཉིས་བཅས་ལ་ལྡེབ་ཐོད་རྒལ་འཇའ་ལུས་མངོན་འགྲུབ་ཀྱི་སྐབས་དོན་ལས་འཕྲོས་དོགས་སེལ་ཚུལ་ཁྲིམས་རྡོ་རྗེ་ཟིན་བྲིས་ཅན་ལྡེབ ༣ དཔལ་རིའི་སྨོན་ལམ་བསྡུས་པ་ཐུགས་རྗེའི་ལྕགས་ཀྱུ་ལྡེབ་༢ མཁའ་འགྲོ་ཞིང་བགྲོད་སྨོན་ལམ་བྱང་ཆུབ་ལམ་བཟང་ལྡེབ་༢ སྨོན་ལམ་དཔག་བསམ་རྒྱས་པ་ཡིད་བཞིན་དཔལ་སྟེར་ལྡེབ་༢ རྫོགས་ཆེན་གསང་ལམ་སྨོན་ལམ་ཀུན་བཟང་ཐུགས་ཐིག་ལྡེབ་༢ སེང་ཆེན་གསོལ་འདེབས་བྱིན་རླབས་འོད་དཀར་ལྡེབ ༡ བཅས། ༈ སྲུང་མའི་སྐོར་ལ དྲེགས་པ་རྣམས་པ་གསུམ་གསོལ་བསྡུས་དངོས་གྲུབ་ཀུན་འབྱུང་ལྡེབ ༣ སྲོག་གི་སྤུ་གྲིའི་རྩ་སྒྲུབ་ཕྲིན་ལས་མྱུར་མགྱོགས་དང་བཀའ་སྲུངསྣ་ཚོགས་ཀྱི་གསོལ་བསྡུས་ནང་གསེས་ཚན་པ་ཉི་ཤུ་ཅན་ལ་ལྡེབ ༡༠ གཏེར་སྲུང་ལྷ་རབས་གཡུལ་རྒྱལ་གྱི་གསོལ་མཆོད་ཕྲིན་ལས་ལྷུན་གྲུབ་ལྡེབ་༡ ཀླུ་བསང་འདོད་རྒུའི་དཔལ་སྟེར དང་གཏེར་གནས་ངོས་འཛིན་བཅས་ལྡེབ ༣ རིགས་འདུས་ཚོགས་མཆོད་འདོན་འགྲིགས་ལྡེབ ༧ མཁའ་འགྲོའི་གསང་མཛོད་སྒྲུབ་སྐོར་རྣམས་ཀྱི་ཆོ་གའི་ཕྱག་རྒྱའི་ཟིན་བྲིས་ལྡེབ་༣ བཅས་ལེ་ཚན་དྲུག་བཅུ་རེ་བདུན་དང་༦༧ གླེགས་བམ་གྱི་དཀར་ཆག་རང་ཉིད་ལྡེབ་༣ བཅས་བསྡོམས་ལྡེབ་གྲངས་༥༦༢ བཞུགས། ༈ མཚུངས་མེད་ཌཱ་ཀི་བདེ སྐྱོང་དབང་མོ་ཡི། །ཟབ་གཏེར་མཁའ་འགྲོའི་གསང་མཛོད་ཆོས་སྡེའི་གཞུང་། །བར་མཚམས་སྒོམ་སྡེས་པར་དུ་བཏབ་སྤེལ་མཐུས །ཟབ་ཆོས་ཕྲིན་ལས་མི་ནུས་མཐར་རྒྱས ཤོག ༈ སྒྲུབ་བརྙེས་རིག་འཛིན་ཌཱ་ཀིའི་འཁོར་ལོས་སྒྱུར༔ སྔོན་མེད་གདམས་ཟབ་མཁའ་འགྲོའི་གསང་མཛོད་བདག །མཁའ་སྤྱོད་དབང་མོ་བདེ་བའི་རྡོ་རྗེ་ཡི། །རིང་ལུགས་ཕྱོགས་མཐར་འཕེལ་རྒྱས་རྟག་ཁྱབ་ཤོག །ཛྙཱ་ནས་སོ།། །། 一 骛 ཆུང་། 0 །༈ ན་མོ་གུ་རུ་པདྨ་ཀཱ་ར་ཡེ༔ པོ་གགི་དབྱིངས་ཡེ་མཉམ་བརྡལ་ཀློང་ཆེན་ཡངས་པའི་ངང་༔ ཤར་གྲོལ་རིས་མེད་བྱང་ཆུབ་སེམས་ཀྱི་འཕྲུལ༔ ཀུན་སྣང་ཟུང་འཇུག་བདེ་ཆེན་སྒྱུ་མའི་གཤིས༔ རྣམ་རོལ་མ་འགགས་ཐམས་ཅད་སྟོང་ཉིད་ལས༔ གསལ་དང་མ་འགགས སྙིང་རྗེ་ཆེན་པོར་ཤར༔ གདངས་ལས་ཐུགས་རྗེའི་རྩལ་སྣང་བྃཿཡིག་ཤར༔ ཀུན་བརྟགས་སྣང་ཆོས་ཞིང་གི་བཀོད་པ་རྫོགས༔ ཕུང་ཁམས་སྐྱེ་མཆེད་ལྷ དང་གཞལ་ཡས་ཁང་༔ གཟུགས་ཁམས་མི་ཤིགས་སྐུ་ཡི་རྡོ་རྗེ་ཤར༔ རྣལ་འབྱོར་དམར་མོ་ཞི་འཛུམ་སྒེག་པའི་ཉམས༔ གྲི་གུག་ཐོད་འཛིན་གར་སྟབས སྙན་#་རུས་རྒྱན་གསོལ༔ དབུ་སྐྲ་ཐོར་ཅོག་སྤྱི་བོར་ཕག་ཞལ་ངུར༔ ཟར་བུ་ཐུར་འཕྱང་ནུ་འབུར་པདྨོ་རྒྱས༔ རིགས་ཀྱི་བདག་པོ་སྣང་བ་མཐའ་ཡས་ཤར༔ ཡེ་ཤེས་རང་རྩལ་མཁའ་འགྲོ་སྡེ་བཞི་དང་༔ འབུམ་ཕྲག་ཡངས་པའི་ཌཱ་ཀིའི་ཚོགས་ཀྱིས་བསྐོར༔ སྣང་སྟོང་ཟུང་འཇུག་སྒྱུ མའི་སྐུ་རུ་བསྒོམ༔ འདོད་ཁམས་མ་འགགས་གསུང་གི་རྡོ་རྗེ་ཤར༔ ཐུགས་ཀར་ཡེ་ཤེས་སེམས་མགྲི་ཐོད་འཛིན༔ གཅེར་བུ་རྒྱན་མེད་སྒེག་པའི་ཉམས དང་ལྡན༔ དེ་ཡི་ཐུགས་ཀར་པདྨ་ཉི་གདན་ལ༔ བྃཿཡིག་མཐའ་མར་སྔགས་ཀྱི་ཕྲེང་བས་བསྐོར༔ ནཱ་ད་བྱ་གྲུབ་ཐིག་ལེ་མེ་ལོང་སྟེ༔ ཟླ་ཚེས་མཉམ = ཉིད་བཿཡིག་ཆོས་ཀྱི་དབྱིངས༔ རྣམ་བཅད་སོ་སོར་རྟོགས་པའི་ཡེ་ཤེས་ཏེ༔ ཨོཾ་ནི་སྐུ་ལྔ་ཡེ་ཤེས་ལྔ་དང་ལྡན༔ བཛྲ་མི་འགྱུར་གཞོམ་བྲལ་རྡོ་རྗེ་སྟེ༔ བྷ་ར་ཧི་ནི་ཕག་མོ་རྣལ་འབྱོར་མ༔ བྷ་ནི་ཐབས་མཆོག་ཧེ་རུ་ཀ་དང་ནི༔ ར་ནི་ཤེས་རབ་སྐྱེ་མེད་ཡུམ་ཡིན་ཏེ༔ ཧི་ནི་ཟུང་འཇུག་དག་པ་དབྱིངས་ཀྱི་འཕྲུལ༔ ཧ་ཡིག་རྡོ་རྗེ་རཾ་ཡིག་རིན་ཆེན་དང་༔ ནི་ཡིག་པདྨ་ས་ཡིག་ལས ཀྱི་རིགས༔ སྐུ་གསུམ་དབྱིངས་དང་དབྱིངས་བཞུགས་རྒྱལ་བ་རྣམས༔ ཀུན་གྱི་སྤྲོ་བསྡུའི་བྱེད་པོ་རྡོ་རྗེ་འཆང་༔ མ་སྲིང་མཁའ་འགྲོ་རྒྱ་མཚོའི་སྤྱི་གཟུགས་མཆོག༔ འདས་དང་མ་བྱོན་ད་ལྟ་དུས་གསུམ་གྱི༔ ཕྱོགས་བཅུའི་སངས་རྒྱས་མ་ལུས་བསྐྱེད་པའི་ཡུམ༔ ཕྱི་ལྟར་འབྱུང་ལྔ་གནས་དག་ཡུམ་ཆེན་ལྔ༔ ནང་ལྟར་རྩ་ཁམས་དག་པ་དབྱིངས་ཀྱི་ལྷ༔ གསང་བ་རིག་སྟོང་དོན་གྱི་ལྷ་མཆོག་གི༔ སརྦ་མཆོག་དང་ཐུན་མོང་གིས་བསྡུས་པའི༔ སིདྡྷི་དངོས་གྲུབ་མ་ལུས་ཇི་སྙེད་ཀུན༔ ཕ་ལ་ཕྲིན་ལས་བཟང་པོའི་དཔལ་དུ་སྩོལ༔ ཧཱུྃ་ནི་སེམས་ཉིད་མི་འགྱུར་དབྱིངས་སུ་བསྟིམ༔ སྙིང་པོ་འདི་བཟླས་ལས་དང་བག་ཆགས་བྱང་༔ གསང་སྔགས་རིགས་སྔགས་ཀུན་གྱི་དངོས་གྲུབ་བསྐུལ༔ སྐུ་གསུམ་རྒྱལ་བ་སྲས་དང་བཅས་རྣམས་ཀྱིས༔ །དེཿ དབང་བསྐུར་ལུང་སྟོན་དབུགས་དབྱུངས་ཐོབ་པར་འགྱུར༔ ཚེ་འདིར་ལེགས་ཡོན་མཐའ་དག་ཀུན་འགྲུབ་ཅིང་༔ ཕྱི་མའི་མུ་ལ་མི་ལྟོས་མཁའ་སྤྱོད་གླིང་༔ དཔའ་བོ་མཁའ་འགྲོའི་ཚོགས་ཀྱི་བདག་པོར་གྱུར༔ གང་ལ་དམིགས་པའི་ཞི་རྒྱས་དབང་དྲག་གི༔ ལས་ཀུན་ཐོགས་མེད་ཡིད་བཞིན་འགྲུབ་འགྱུར་རོ༔ གཟུགས་མེད་མ་འགགས་ཐུགས ཀྱི་རྡོ་རྗེར་ཤར༔ ངོ་བོ་སྟོང་གསལ་འདུས་མ་བྱས་པའི་སྐུ༔ རང་བཞིན་གསལ་སྟོང་བརྗོད་པ་བྲལ་བའི་གསུང་༔ ཐུགས་རྗེ་ཀུན་ཁྱབ་མཁྱེན་གཉིས་ཡེ་ཤེས་ཐུགས༔ ངོ་བོ་མི་འགྱུར་ཆོས་དབྱིངས་ཡེ་ཤེས་ཆེཿ རང་བཞིན་གསལ་སྟོང་མེ་ལོང་ཡེ་ཤེས་ངང་༔ འཁོར་འདས་མཉམ་རྫོགས་མཉམ་ཉིད་ཡེ་ཤེས་སུ༔ སོར་རྟོགས་ཡེ་ཤེས་དུས་གསུམ་འཕོ་འགྱུར་བྲལ༔ བྱགྲུབ་ཡེ་ཤེས་ཕྲིན་ལས་ལྷུན་གྱིས་གྲུབ༔ མཛད་པ་ཕྲིན་ལས་ནམ་མཁའི་མཐར་ཁྱབ་ཅིང་༔ གང་འདུལ་སྤྲུལ་པས་འགྲོ་བ་ཐབས་ཀྱིས་འདྲེན༔ ཟབ་པ་མི་འགྱུར་ཆོས་དབྱིངས་རྡོ་རྗེའི་ཐུགས༔ རྒྱ་ཆེན་འོད་གསལ་མཐའ་དབུས་ཕྱོགས་མཐའ་བྲལ༔ སྐུ་དང་ཡེ་ཤེས་ཡོན་ཏན་རྫོགས་པའི་དཔལ༔ འཁོར་འདས་ཆོས་རྣམས་ཀུན་གྱི་འབྱུང་གནས་ཡིན༔ ས་མ་ཡ༔ རྒྱལ་བ་ཀུན་གྱི སྐུ་གསུང་ཐུགས་ཡོན་ཏན༔ ཕྲིན་ལས་མ་ལུས་གཅིག་ཏུ་འདུས་པའི་རྒྱུད༔ སྙིང་མིག་སྲོག་ལས་ཕོངས་པར་གྱུར་ན་ཡང་༔ རྗེས་འཇུག་འགྲོ་བ་སྐྱོབས་པའི་དཔལ་ཉིད་དུ༔ སེམས་ཉིད་མི་འགྱུར་དབྱིངས་ལ་གཏེར་རྒྱས་བཏབ༔ མ་འོངས་སྙིགས་མ་སུམ་ཅུ་ཁ་རལ་དུས༔ རྣལ་འབྱོར་སུ་ཁ་བཛྲ་རྩལ་ཉིད་ཀྱིས༔ འདི་བཏོན་རྩ་བའི་ཆོས་ཀྱི་བདག་པོ་སོགས༔ བུ་ཆེན་ཉེར ལྔས་ཐོག་དྲངས་ལས་ཅན་ཀུན༔ སྒྱུ་ལུས་མ་སྤངས་འོད་གསལ་སྦུབས་སུ་འཇུག༔ ཟུང་འཇུག་རྡོ་རྗེ་འཛིན་པའི་ས་ཐོབ་ཤོག༔ བཀའ་འདི་སྔགས་ཀྱི་བདག་མོར་གཉེར་རོ་རྒྱ༔ ཐུབ་པར་སྲུང་ཤིག་བཛྲ་ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ༔ དབྱིངས་སྣང་མཁའ་འགྲོའི་རྒྱ༔ ཞེས་པ་འདི་ཡང་གཏེར་ཆེན་པདྨ་ལས་འབྲེལ་རྩལ་གྱིས་རིན་ཆེན་དང་པོའི་གནང་སྐྱེས་བཅས་བཀའ་སྩལ་སྤྱི་བོར་ཕེབས་པས་མཚམས་སྦྱར་ཏེ་ཁོ་མོ་བདེ་བའི་རྡོ་རྗེས་མཁའ་འགྲོ་གསང་བའི་ཤོག་སེར་ལས་དག་པར་ཕབས་པའི་ཡི་གེ་པ་ནི་བི་མའི་མཚན་ཅན་གྱིས་བགྱིས་པའོ། །དགེའོ།། #་& ཆོས་ཉིད་མཁའ་འགྲོའི་གསང་མཛོད་ལས༔ སྙན་བརྒྱུད་ཟབ་རྒྱ་ཟབ་རྒྱ་ཟབ་རྒྱ༔ ཕག་མོའི་རྫོགས་རིམ་གསང་བ་ཐུགས་ཀྱི་རྒྱ་ཅན་ཤིནྟུ་ཟབ་པ་མཁའ་སྤྱོད་བགྲོད་པའི་མྱུར་ལམ་དོན་གྱི་སྙིང་པོ་ཟབ་པའི་མཐར་ཐུག་འོད་གསལ་མངོན་གྱུར་བཞུགས༔ ༠ །༈། ཐཱ་བྷ།ལྦ།ཿ།ཀཱ ན་མོ་གུ་རུ་པདྨ་ཛྙཱ་ན་ཌཱ་ཀི་ཡེ༔ གདོད་ནས་རྣམ་དག་སྤྲོས་པ་བྲལ་བའི་དབྱིངས༔ ལྷུན་གྲུབ་སྐུ་དང་ཡེ་ཤེས་ཡོན་ཏན་རྫོགས༔ ཐུགས་རྗེ་ཀུན་ཁྱབ་རང་བྱུང་སྤྲུལ་པའི་སྐུ༔ ལྷན་སྐྱེས་ཡེ་ཤེས་མཁའ་འགྲོའི་ཚོགས་ལ་འདུད༔ གསང་ཆེན་མྱུར་ལམ་བླ་ན མེད་པའི་ཆོས༔ ཚེ་གཅིག་ཡང་དག་རྫོགས་པའི་སངས་རྒྱས་སུ༔ སྐད་ཅིག་གཅིག་གིས་གྲོལ་བར་བྱེད་པ་ཡིས༔ མཐར་ཐུག་གནད་ཀྱི་མན་ངག་འདི་རུ་འགོད༔ སྔོན་ཚེ་འོག་མིན་གསང་ཆེན་རོལ་པ་རུ༔ རྡོ་རྗེ་ཕག་མོའི་ཐུགས་ནས་ཐུགས་བརྒྱུད་དེ༔ དགའ་རབ་ཤྲཱི་སེང་ཧར་དགོངས་པ་བབས༔ པད་ ཀ སྙ་།དེ།ཿ འབྱུང་རིག་འཛིན་ལོ་པཎ་ཚོགས་རྣམས་ཀྱིས༔ སྙན་ནས་སྙན་བརྒྱུད་དགོངས་པའི་གཏད་རྒྱས་ཐེབས༔ མཁར་ཆེན་བཟའ་དང་ཤེལ་དཀར་རྡོ་རྗེ་འཚོ༔ ཀ་ལ་སིདྡྷི་ལ་སོགས་ཇོ་མོ་ལྔར༔ གསང་ཆེན་ཐེག་པ་མཆོག་འདིའི་བཀའ་བབ་ནས༔ ཟག་བཅས་ཕུང་པོ་འཇའ་ལུས་འོད་སྐུར་གྲོལ༔ ཕྱི་རབས་རྗེས་འཇུག་གདུལ་བྱ་སྐྱོབས་པའི་ཕྱིར༔ རིག་པ་འོད་གསལ་དབྱིངས་སུ་གཏེར་རྒྱས་བཏབ༔ མ་འོངས་སྙིགས་མ་སུམ་ཅུ་ཁ་རལ་དུས༔ མཐིང་འོད་འབར་མའི་ཐུགས་སྤྲུལ་སུ་ཁའི་མཚན༔ པདྨོ་ཡོ་གའི་བརྟུལ་ཞུགས་མཆོག་བཟུང་ནས༔ གདུལ་བྱ་ལས་ཅན་འགྲོ་བ་ཐབས་ཀྱིས་སྐྱོབས༔ མ་ ངེས་གང་འདུལ་མཛད་པ་ཅིར་ཡང་སྟོན༔ དགོངས་པ་ཀློང་བརྡོལ་གཏེར་བཅུད་ཡུལ་དུ་འདོམས༔ བརྒྱུད་གསུམ་ཆུ་བོ་གཅིག་ཏུ་འདྲེས་པ་ཡི༔ རིག་པ་མི་འགྱུར་སྒྲོམ་ནས་ཆོས་འདི་བཏོན༔ བྱེ་མའི་གྲངས་ཀྱི་འགྲོ་བ་སྐྱོབ་པར་འགྱུར༔ ས་མ་ཡ༔ ཕྱི་ནང་རྒྱུ་རྐྱེན་ཕུན་སུམ་ཚོགས་པ་ཡིས༔ ཟབ་མོ་ལུས་ཀྱི་དཀྱིལ་འཁོར་རིམ་བཞིན་ཆགས༔ འབྱུང་ལྔ་རྣམ་དག་བདེ་གཤེགས ཡུམ་ལྔ་སྟེ༔ ཕུང་ལྔ་རྣམ་དག་རྒྱལ་བ་རིགས་ལྔར་སྦྱོར༔ ཚོགས་ཡུལ་རྣམ་དག་སེམས་དཔའ་སེམས་མ་སྟེ༔ ཡིད་ཆེས་རྣམ་དག་བདེ་སྟོང་ཀུན་ཏུ་བཟང་༔ རྩ་ཁམས་རྣམ་དག་ཡེ་ཤེས་བདུད་རྩིའི་སྤྲིན༔ དབུ་རྐྱང་རོ་གསུམ་སྐུ་གསུམ་རྫོགས་པའི་དབྱིངས༔ འཁོར་ལོ་ལྔ་པོ་དབྱིངས་ཀྱི་ཞིང་ཁམས་ལྔ༔ དཀར་དམར་ཐིག་ལེ་དཔའ་བོ་མཁའ་འགྲོ་སྟེ༔ དེ་ཡང་བདེ བའི་ངོ་བོ་རོ་མ་སྟེ༔ ཟས་ཀྱི་བཅུད་ལེན་དྲི་གཤང་འདོར་སྡོམ་བྱེད༔ གནད་དུ་བསྣུན་པས་བདེ་སྟོང་མངོན་དུ་འགྱུར༔ ཐབས་མཆོག་མི་འགྱུར་བདེ་ཆེན་ཡེ་ཤེས་སུ༔ སྣོད་བཅུད་འཁྲུལ པའི་ཆོས་ཁམས་འཇིག་པར་བྱེད༔ སྟོང་པའི་ངོ་བོ་རྐྱང་མ་འགྲེང་བུར་གནས༔ ཡན་ལག་མེད་པ་རང་བཞིན་བཞག་པ་ན༔ རྣམ་པར་རྟོག་ཚོགས་འཆར་ནུབ་ལས་བྱེད་ཅིང་༔ ཁྲག་དང་ཆུ་ 賀སེར་རླུང་གི་འབེབས་ལྡོག་བྱེད༔ གནད་དུ་བསྣན་པས་རྟོག་པའི་འཁོར་ལོ་འཇིག༔ ཤེས་རབ་རྣམ་ཀུན་མཆོག་ལྡན་སྟོང་པ་ཉིད༔ གསལ་སྟོང་ཟུང་འཇུག་ཡེ ཤེས་མངོན་དུ་འགྱུར༔ བདེ་སྟོང་གཉིས་མེད་ངོ་བོ་དབུ་མ་སྟེ༔ རླུང་གིས་འདར་ཞིང་ཟླ་ཉི་དབྱིངས་སུ་སྡུད༔ དུས་སྦྱོར་བཅུ་གཉིས་རླུང་གིས་འཕོ་བ་དང་༔ རྟེན་འབྲེལ་བཅུ་གཉིས་ཀུན གྱི་དྲོད་འཛིན་ཅིང་༔ གནད་དུ་བསྣུན་པས་རིག་སྟོང་ཟུང་འཇུག་གི༔ ཁྱད་པར་ཀུན་མཁྱེན་ཡེ་ཤེས་མངོན་དུ་བྱེད༔ སྤྱི་བོ་བདེ་བ་ཆེན་པོའི་འཁོར་ལོ་ན༔ དཀར་ལ་འཚེར་བའི་རྩ་འདབ སུམ་བཅུ་གཉིས༔ ངོ་བོ་མེ་ལོང་ལྟ་བུའི་ཡེ་ཤེས་ལ༔ རྣམ་པ་ཐིག་ལེ་རོལ་པ་མཁའ་འགྲོར་ཤར༔ གཞོམ་ཞིག་བྲལ་བ་རྡོ་རྗེའི་ཆོས་དང་ལྡན༔ ཆོས་ཉིད་མཁའ་ལ་ཐོགས་མེད་ཤུགས་ཀྱིས་འགྲོ༔ རྒྱལ་བའི་མཚན་གྱི་གྲངས་ཀྱི་རྣམ་པར་གནས༔ མགྲིན་པ་ལོངས་སྤྱོད་རྫོགས་པའི་འཁོར་ལོ་ན༔ དམར་ལ་འཚེར་བའི་རྩ་འདབ་བཅུ་དྲུག་པོ༔ ངོ་བོ་སོ་སོར་རྟོགས་པའི་ཡེ་ཤེས་ལ༔ རྣམ་པ་ཐིག་ལེ་རོལ་པ་མཁའ་འགྲོར་ཤར༔ མཁྱེན་གཉིས་མ་འགགས་སོ་སོ་རང་རིག་པའི༔ ཡེ་ཤེས་ངང་དུ་འཁོར་འདས་རོ་གཅིག་རྟོགས༔ མ་ཆགས་ཆགས་བྲལ་པདྨ་ལྟ་ཡོགས་ བུར་གནས༔ འགྲོ་བའི་སེམས་མཁར་ཡེ་ཤེས་ཉི་མའི་གཟུགས༔ རྟག་ཏུ་མི་འགགས་འགྲོ་འོང་བྲལ་བར་གནས༔ སྙིང་ག་དྲན་པ་འདུས་པའི་འཁོར་ལོ་ན༔ མཐིང་འོད་བཀྲག་ཏུ་འབར་བའི་རྩ་འདབ་བརྒྱད༔ ངོ་བོ་ཆོས་ཀྱི་དབྱིངས་ཀྱི་ཡེ་ཤེས་ལ༔ རྣམ་པ་ཐིག་ལེ་རོལ་པ་མཁའ་འགྲོར་གནས༔ མ་རིག་འཁྲུལ་པའི་འཁོར་ལོ་མ་ལུས་པ༔ ཡེ་ཤེས་ཉིད་དབྱིངས་མངོན་དུ གྱུར་བའི་ཚེ༔ སྐད་ཅིག་ཉིད་བཅོམ་རྫོགས་སངས་རྒྱས་པའི་ལམ༔ མཐར་ཕྱིན་ནང་གསལ་གཞོན་ནུ་བུམ་པའི་སྐུར༔ བདེ་ཆེན་ཉིད་དབྱིངས་ཟུང་འཇུག་དག་པའི་མཁར༔ དོན་གཉིས་མཛད་པ་རྒྱ་ཆེན་མཐར་ཕྱིན་ནས༔ རྟག་ཁྱབ་ལྷུན་གྲུབ་བཀོད་པ་འགྲོ་ལ་སྟོན༔ ལྟེ་བ་སྐྱེད་བྱེད་སྤྲུལ་པའི་འཁོར་ལོ་ན༔ སེར་ལ་སྣུམ་པའི་རྩ་འདབ་སུམ་ཅུ་གཉིས༔ ངོ་བོ་མཉམ་པ་ཉིད་ཀྱིས་ཡེ་ཤེས་ལ༔ རྣམ་པ་ཐིག་ལེ་རོལ་པ་མཁའ་འགྲོར་བཞུགས༔ མ་དག་འཁོར་དང་དག་པ་མྱང་འདས་ཀུན༔ སྐྱེད་སྡུད་ཡོན་ཏན་ཀུན་གྱི་གཞི་འཛིན་པ༔ རིན་ཆེན་འདོད་འབྱུང་ནོར་བུ ཇི་བཞིན་དུ༔ ཆོས་ཉིད་མཁའ་ལ་ཆོས་ཅན་འཁོར་ལོར་ངོམས༔ དབྱེར་མེད་མཉམ་ཉིད་ངང་དུ་འགྲོ་ལྡོག་བྱེད༔ གསང་གནས་བདེ་བ་སྐྱོང་བའི་འཁོར་ལོ་ན༔ ལྗང་ལ་འབར་བའི་རྩ་ ༡ །དེཿ འདབ་དྲུག་ཅུ་བཞི༔ ངོ་བོ་བྱ་བ་གྲུབ་པའི་ཡེ་ཤེས་ལ༔ རྣམ་པ་ཐིག་ལེ་རོལ་པ་མཁའ་འགྲོར་སྟོན༔ མ་དག་འགྲོ་བའི་སྐྱེ་གནས་འཇུག་ལེན་བསྐྱེད༔ ཡང་དག་བདེ་ཆེན་གསང་ལམ་མཐར་ཕྱིན་གནས༔ ལས་རྣམས་ཀུན་གྱི་སྤྲོ་བསྡུའི་བྱེད་པོར་གནས༔ རྟེན་འབྲེལ་བཅུ་གཉིས་ཡེ་ཤེས་ངང་དུ་ལྡོག༔ ནམ་མཁའ་ལྟ་བུའི་དགོངས་པ་མངོན་དུ འགྱུར༔ ཆོས་ཅན་སྣང་བ་ཆོས་ཉིད་རྗེས་སུ་འགྲོ༔ བསམ་གྱིས་མི་ཁྱབ་ལྷན་སྐྱེས་ཡེ་ཤེས་ངང་༔ འཁྲུལ་པའི་སྣང་བ་མ་ལུས་འཇིག་པར་བྱེད༔ དེ་ལས་ཡན་ལག་དང་ནི་ཉིང་ལག་ཚུལ༔ རྩ་ཆེན་རྩ་ཕྲན་དབྱེ་བ་མ་ངེས་ཀྱང་༔ གྲངས་ཅན་རྩ་ནི་དྲུག་བརྒྱ་བདུན་བཅུར་གནས༔ ཡེ་ཤེས་འཆར་བའི་རྩ་ནི་དྲུག་ཅུ་སྟེ༔ གནས་ཡུལ་དུར་ཁྲོད་ཧེ་རུའི་ཞིང་དང་སྦྱོར༔ རྩ་གསུམ་དྲན་འདུས་འཁོར་ལོའི་ཤར་གྱི་རྩ༔ སུམ་སྐོར་ལྷོ་རུ་ཁྱམ་ལ་ནུབ་གཏུམ་མ༔ བྱང་དུ་འདོད་མ་ཤར་ལྷོ་རྡུལ་བྲལ་མ༔ རྩ་ཆེན་བརྒྱད་པོ་ཉོན་མོངས་དབྱིངས་འཇོམས་ཡུམ༔ ཡེ་ཤེས་ཆེན་པོས་ཀུན་རྟོག་གདོན་ལ་རོལ༔ དུར་ཁྲོད་བརྒྱད་དུ་ཡེ་ནས་ལྷུན་གྱིས་གྲུབ༔ རྡུལ་བྲལ་མ་ལས་གཉིས་གྱེས་ཧེ་རུའི་གནས༔ ཕྱོགས་བཞིའི་རྩ་ཡི་གཡས་གཡོན་གཉིས་དང་ནི༔ མདུན་ ནས་རེ་རེ་རྡུལ་བྲལ་མ་ལས་གཉིས༔ གནས་ཆེན་ཉི་ཤུ་རྩ་བཞིའི་རྟེན་དང་ནི༔ བརྟེན་པའི་འཁོར་ལོ་མ་ལུས་རབ་ཏུ་