Tibetan
རྫོགས༔ ཕྱོགས་བཞིའི་རྩ་ཡི་རྒྱབ་ནས་རེ་རེ་དང་༔ རྡུལ་བྲལ་མ་ཡི མདུན་རྒྱབ་གཡས་གཡོན་ནས༔ དག་པའི་རྩ་ཆེན་རེ་བཞི་གྱེས་པ་ལ༔ ཡུལ་ཆེན་སུམ་ཅུ་སོ་གཉིས་ཞིང་བཀོད་རྫོགས༔ ཡན་ལག་ཉིང་ལག་གྲངས་སུ་བགྲངས་བ་ལས༔ གནས་དང་ཉེ་གནས་ཞིང་དང་ཉེ་ཞིང་སོགས༔ དཔའ་བོ་མཁའ་འགྲོ་བརྟེན་པའི་དལ་དུ་རྫོགས༔ མདོར་ན་རྡོ་རྗེ་ཕུང་པོའི་གྲོང་ཁྱེར་དུ༔ ཕྱི་ནང་དཀྱིལ་འཁོར་ཡོངས་གྲུབ་ཆེན་པོར་གནས༔ རྩ་ལ་ལམ་བྱས་རླུང་གི་རྒྱུ་བ་ནི༔ གྲངས་ཅན་ཉི་ཁྲི་ཆིག་སྟོང་བདུན་བརྒྱ་དང་༔ གྲངས་མེད་ཀུན་རྟོག་བཞོན་པའི་གྲངས་སུ་འབྱུང་༔ བརྩོན་དུ་བཟུང་བས་ལས་རླུང་རྒྱུ་བ་འགགས༔ གསལ་སྟོང་ཡེ ཤེས་ཆེན་པོ་གསལ་བར་སྟོན༔ ངོ་བོ་ལོངས་སྤྱོད་རྫོགས་པའི་འཁོར་ལོ་སྟེ༔ རྒྱལ་ཀུན་གསུང་གི་རྡོ་རྗེ་ལྷུན་གྱིས་གྲུབ༔ ཐིག་ལེ་བྱང་ཆུབ་སེམས་ཀྱི་དཀྱིལ་འཁོར་ནི༔ སྐྱེད་བྱེད་བདེ་བ ཆེན་པོའི་འཁོར་ལོ་ན༔ དཔའ་བོ་ཡབ་ཡུམ་ཨ་ཧཾ་ཚུལ་དུ་བཞུགས༔ རྩ་གནས་དག་པ་དབྱིངས་ཀྱི་དཀྱིལ་འཁོར་ན༔ དཔའ་བོ་མཁའ་འགྲོ་ཐིག་ལེ་དཀར་དམར་ཚུལ༔ རང་རང་རྩ་ཡི ཀཊ྄ཀ །དེཿ མདུད་པའི་སྟེང་འོག་གནས༔ ཁམས་ནི་དཔལ་ཏེ་འདི་ཉིད་གནད་བསྣན་ན༔ སྐུ་དང་ཡེ་ཤེས་ཡོན་ཏན་བསམ་མི་ཁྱབ༔ འབད་མེད་རང་གསལ་ཆེན་པོར་མཐོང བར་འགྱུར༔ རྩ་གནས་དག་པ་རྒྱལ་བ་རྣམས་ཀྱི་སྐུ༔ རླུང་གི་འཇུག་ལྡང་གནས་དག་རྒྱལ་བའི་གསུང་༔ ཐིག་ལེ་དག་པ་བདེ་ཆེན་རྒྱལ་བའི་ཐུགས༔ སྐུ་གསུམ་དབྱེར་མེད་གཅིག་ཏུ གྱུར་པ་ལས༔ ཐུགས་ལས་ནང་གསལ་ཆོས་སྐུའི་ཡེ་ཤེས་གསུམ༔ གསུང་ལས་ཕྱིར་གསལ་ལོངས་སྐུའི་ཡེ་ཤེས་ལྔ༔ སྐུ་ལས་བྱ་བྱེད་སྤྲུལ་པའི་ཡེ་ཤེས་གཉིས༔ ད་ལྟ་ཉིད་ནས་གཞི རུ་ལྷུན་གྱིས་གྲུབ༔ དེ་ལྟར་དབྱིངས་དང་ཡེ་ཤེས་དབྱེར་མེད་ལས༔ ཟུང་འཇུག་སྤྲུལ་པའི་རྣམ་རོལ་མ་འགགས་པ༔ ཕྱི་ནང་འབྱུང་བ་སྣོད་བཅུད་ལུས་དང་ཡུལ༔ འདོད་ཡོན་ལྔ་ཡི་རྣམ་པར་ཡོངས་ཤར་ཀུན༔ ངོ་བོ་མཉམ་ཉིད་རིག་པ་བྱང་ཆུབ་སེམས༔ སྤྲོས་བྲལ་རྣམ་ཐར་གསུམ་ལྡན་སྟོང་པ་ཉིད༔ སྨྲ་བསམ་བརྗོད་བྲལ་དེ་བཞིན་ཉིད་ཀྱི་ངང་༔ སྐུ་དང་ཡེ་ཤེས་ཀུན་གྱི དབང་ཕྱུག་ཏུ༔ ངོ་བོ་ཉིད་དུ་ཡེ་ནས་རོ་གཅིག་ཅིང་༔ འཁོར་འདས་གཉིས་ཀྱིས་བསྡུས་པའི་ཆོས་རྣམས་ཀུན༔ ཀུན་གྱི་སྤྲོ་དང་བསྡུ་བའི་བྱེད་པོར་ཤར༔ དཔེར་ན་རྒྱ་མཚོའི་ནང་གི་གཟའ་རིམ སྐར་ཀུན༔ ཤར་དུས་ཉིད་ནས་རྒྱ་མཚོའི་ཆུ་རུ་མཉམ༔ ཆུ་ལས་གཞན་ན་གཟུགས་བརྙན་མ་གྲུབ་ལྟར༔ རིག་པའི་རྩལ་ལས་སེམས་དང་སེམས་བྱུང་ཆོས༔ སེམས་ཀྱི་ཆོ་འཕྲུལ་ལྟ བུར་ཕྱི་ནང་གི༔ སྣོད་བཅུད་གཉིས་ཀྱི་སྣང་བ་མ་འགགས་ཤར༔ སྟོང་གཟུགས་སྒྱུ་མའི་སྣང་བ་ཇི་བཞིན་དུ༔ སྣང་བ་སེམས་མིན་སེམས་ལས་གཞན་པའང་མིན༔ རྒྱུ་རྐྱེན་རྟེན་འབྲེལ ཙམ་དུ་སྣང་ན་ཡང་༔ གདོད་མའི་གཞི་ལ་རྒྱུ་རྐྱེན་ཤུགས་ཀྱིས་སྟོང་༔ གདོད་ནས་རྣམ་ཀུན་མཆོག་ལྡན་སྟོང་པ་ཉིད༔ དེ་བཞིན་ཉིད་དབྱིངས་འོད་གསལ་ཟུང་འཇུག་སྐུ༔ ཡེ་ཤེས་ལྔ་རྫོགས་ཉོན་མོངས་རྣམ་ཀུན་འཇོམས༔ གཟུང་བའི་ཡུལ་མེད་སེམས་ཀྱི་སྣང་བ་སྟོང་༔ ཟང་ཐལ་དྲི་མེད་མཁའ་དབྱིངས་དག་པ་བཞིན༔ འཛིན་པའི་སེམས་མེད་བྱེད་པའི་མཁན་པོ་སྟོང་༔ ཀུན་བྱེད་པོ་ནི་རིག་པ་བྱང་ཆུབ་སེམས༔ དེ་ནི་བློ་དང་ཡུལ་གྱི་ཆོས་ལས་འདས༔ གནས་ལུགས་མ་བཅོས་རྫོགས་པའི་དཀྱིལ་འཁོར་གྱི༔ ངོ་བོ་མ་འཁྲུལ་ཇི་བཞིན་རྟོགས་པ་ན༔ ནམ་མཁའི་ཁམས་ལ་ཉི་མའི་དཀྱིལ་འཁོར་བཞིན༔ མ་རིག་མུན་པ་འོད་གསལ་ངང་དུ་སྦྱང་༔ གསལ་ཁྱབ་སྣང་སྟོང་ཟུང་འཇུག་ཡེ་ཤེས་ཐུགས༔ བདེ་ཆེན་མི་འགྱུར་སྐུ་དང་མཉམ་སྦྱོར་བ༔ སར།དེ མ་ལུས་མི་ལུས་རྒྱལ་བའི་དཀྱིལ་འཁོར་ཀུན༔ རང་བྱུང་ཡེ་རྫོགས་ཆེན་པོར་ལྷུན་གྱིས་གྲུབ༔ ཨ་ལ་བརྟེན་ནས་ཡི་གེའི་ས་བོན་འབྱུང་༔ ཨ་དངོས་རང་བཞིན མ་གྲུབ་སྟོང་པ་ཉིད༔ ངོ་བོ་ཆོས་ཀྱི་སྐུ་རུ་རོ་གཅིག་གོ༔ དེ་ལ་ཨུ་བཏགས་འབྲེལ་པ་ཅན་དུ་འབྱུང་༔ སྟོང་པའི་ངང་ལས་གསལ་མདང་མ་འགགས་ཤར༔ ངོ་བོ་ལོངས་སྤྱོད་རྫོགས་པའི སྐུ་རུ་གྲུབ༔ ཨ་ཨུ་མ་གསུམ་འདུས་པས་ཨོ་དུ་འབྱུང་༔ སྣང་སྟོང་ཟུང་འཇུག་སྤྲུལ་པའི་སྐུ་རུ་ཤར༔ ཐུགས་རྗེ་མ་འགགས་སྐུ་གསུམ་ལྷུན་གྱིས་གྲུབ༔ དེ་བཞིན་སྟོང་ཉིད་དབྱིངས་ནི་མ་ངེས་པ༔ རང་བཞིན་ཤེས་རབ་རླུང་གིས་བསྐྱེད་པ་ལས༔ འོད་ལྔ་ལྷུན་གྱིས་གྲུབ་པའི་དཀྱིལ་འཁོར་ཤར༔ ཐུགས་རྗེའི་རྩལ་ལས་རྟོག་ཅིང་དཔྱོད་པའི་འཕྲུལ༔ རྒྱུ་ནི་བདག་ཉིད་རྐྱེན ནི་དེ་མ་ཐག༔ དེ་གཉིས་འདུས་པས་ཀུན་བརྟགས་འཁོར་ལོར་གྲུབ༔ རང་བཞིན་མཐོང་བའི་རྩལ་ལས་ཤེས་རབ་འབར༔ གཉིས་སྣང་རྟོག་གཅོད་རིག་པའི་རང་ཞལ་མཐོང་༔ རྒྱུ་ནི་རང་བྱུང་རྐྱེན་ནི་ཡེ་ཤེས་ཏེ༔ རྒྱུ་རྐྱེན་འདུས་པའི་ཡོངས་གྲུབ་དཀྱིལ་འཁོར་ཀུན༔ རིག་པ་རང་ངོ་རང་གསལ་འགྱུར་བ་མེད༔ གདོད་མའི་གཞི་ལ་ཀུན་ཏུ་བཟང་པོར་རྟོགས༔ འབྱུང་ལྔ་རྣམ་ དག་གདོད་ནས་ཡུམ་ཆེན་ལྔ་༔ ནམ་མཁར་སྣང་བ་རབ་རིབ་དྲི་མ་སྟེ༔ སྣང་འཛིན་དག་པའི་སྟོང་ཆེན་ཆོས་ཀྱི་དབྱིངས༔ ཀུན་ཁྱབ་འགྱུར་མེད་དབྱིངས་ཕྱུག་མ་རུ་གྲུབ༔ ཆུ་རུ་སྣང་བ་གཉིས་འཛིན་རྟོག་པ་ཙམ༔ གཉིས་མེད་ངང་མཐོང་གསལ་སྟོང་དབྱེར་མེད་པ༔ ཡུམ་ཆེན་མ་མ་ཀི་རུ་ལྷུན་གྱིས་གྲུབ༔ ས་རུ་སྣང་བ་ཀུན་ཏུ་རྟོག་པའི་འཕྲུལ༔ ཞེན་འཛིན་རྣམ་དག་བདེ བ་ཆེན་པོ་སྟེ༔ སྒྲིབ་པ་ཀུན་བྲལ་སངས་རྒྱས་སྤྱན་མར་གྲུབ༔ མེ་རུ་སྣང་བ་བག་ཆགས་གོམ་པ་ཙམ༔ འཛིན་ཞེན་ཁམས་སྟོང་སོར་རྟོགས་ཡེ་ཤེས་དབྱིངས༔ གདོད་ནས་རྣམ་དག་གོས དཀར་མ་རུ་གནས༔ རླུང་དུ་སྣང་བ་ཉེར་ལེན་འཛིན་པའི་མཐུ༔ བདག་གཞན་གཉིས་མེད་ངོ་བོ་ཉིད་མཐོང་ན༔ རླུང་ཁམས་རྣམ་དག་དམ་ཚིག་སྒྲོལ་མར་གྲུབ༔ དེ་ལ་དེར་བརྟེན་སྣོད་བཅུད་སྣང་བའི་ཡུལ༔ གཟུགས་སུ་སྣང་བ་མེ་ལོང་ཡེ་ཤེས་ངང་༔ སྒྲ་རུ་གྲགས་པ་མཉམ་ཉིད་ཡེ་ཤེས་ཏེ༔ དྲི་རུ་རྟོག་པ་སོར་རྟོགས་ཡེ་ཤེས་རྒྱན༔ རོ་རུ་སྣང་བ་བྱ་གྲུབ་ཡེ་ཤེས་ཀློང་༔ རེག་བྱར་སྣང་བ་ཆོས་དབྱིངས་ཡེ་ཤེས་ཆེ༔ འཛིན་ཞེན་གྱིས་བཅིང་མ་དག་འཁོར་བའི་ཡུལ༔ འཛིན་པ་རྣམ་དག་ཡེ་ཤེས་དཀྱིལ་འཁོར་ཏེ༔ འདི་ལ་བསལ་བཞགགྲུབ་བསལ་གང་ཡང ཀར །རྡོཿ མེད༔ ཕུང་པོ་ལྔ་ནི་བཅོམ་ལྡན་རིགས་ལྔ་ཡབ༔ གཟུགས་ཕུང་འཛིན་ཞེན་རྣམ་པར་དག་པ་ཉིད༔ རྣམ་པར་སྣང་མཛད་སྐུ་ཡི་དཀྱིལ་འཁོར་ཡིན༔ ཚོར་ཕུང་རྣམ་དག་བཅོམ་ལྡན་རིན་ཆེན་འབྱུང་༔ འདུ་ཤེས་རྣམ་དག་སྣང་བ་མཐའ་ཡས་དང་༔ འདུ་བྱེད་རྣམ་དག་བཅོམ་ལྡན་དོན་ཡོད་གྲུབ༔ རྣམ་ཤེས་རྣམ་དག་རྡོ་རྗེ་མི་བསྐྱོད་པ༔ འཁོར་འདས་ཆོས་ཀུན་ཕུང་པོ་ལྔ་ཡིས་བཅིང་༔ ཞེན་འཛིན་རྣམ་དག་སངས་རྒྱས་ཁོ་ནར་མཐོང་༔ ཀུན་གཞི་གནས་དག་ཆོས་སྐུ་ཀུན་ཏུ་བཟང་༔ ཆོས་ཁམས་རྣམ་དག་བདེ་ཆེན་ཀུན་བཟང་མོ༔ རྣམ་ཤེས་རྣམ་དག་ནམ་མཁའི་སྙིང་པོ་སྟེ༔ ཉོན་ཡིད་རྣམ་དག་སྒྲིབ་པ་རྣམ་པར་སེལ༔ ཡིད་ཡུལ་རྣམ་དག་ས་ཡི་སྙིང་པོ་སྟེ༔ མིག་དབང་གནས་དག་བྱམས་པ་ཀུན་ཏུ་གཟིགས༔ སྣ་དབང་གནས་དག་འཕགས་ཆེན་ཀུན་ཏུ་བཟང་༔ རྣ་དབང་གནས་དག་ཕྱག་ན་རྡོ་རྗེ་དང་༔ ལྕེ་དབང་གནས་དག་འཇམ་དཔལ་གཞོན་ནུའི་སྐུ༔ ལུས་དབང་གནས་དག་སྤྱན་རས་གཟིགས དབང་སྟེ༔ ཚོགས་བརྒྱད་གནས་དག་བྱང་ཆུབ་སེམས་དཔའ་བརྒྱད༔ ཡུལ་བརྒྱད་གནས་དགསྒེག་མོ་ཕྲེང་ཐོགས་མ༔ རྡོ་རྗེ་གླུ་གར་བདུག་པ་མེ་ཏོག་མ༔ ཨ་ལོ་ཀེ་དང་རྡོ་རྗེ་དྲི་ཆབ རིམ མ༔ སྟོང་ཆེན་སེམས་མ་བརྒྱད་དུ་ལྷུན་གྱིས་གྲུབ༔ མདོར་ན་སྣང་སྲིད་འཁོར་འདས་ཆོས་རྣམས་ཀུན༔ རྒྱལ་བའི་སྐུ་གསུང་ཐུགས་ཡོན་ཕྲིན་ལས་ལྔར༔ རང་བཞིན་ལྷུན་གྲུབ་རྫོགས པའི་འཁོར་ལོ་རུ༔ གདོད་ནས་རྣམ་དག་རབ་འབྱམས་རྒྱལ་བའི་ཞིང་༔ ངོ་བོ་ཆོས་ཀྱི་སྐུ་རུ་རོ་གཅིག་གོ༔ དེ་ལྟར་རྒྱུ་དང་ཡི་གེ་བྱིན་རླབས་ཀྱི༔ གཏན་ཚིག་ཆེན་པོ་གསུམ་གྱིས་མཐོང་བ ཡིས༔ དབྱིངས་དང་ཡེ་ཤེས་དབྱེར་མེད་དགོངས་པ་ཡང་༔ ལྐོག་ཏུ་མ་གྱུར་མངོན་སུམ་ཆེན་པོ་རུ༔ ཟབ་མོ་ལུས་ཀྱི་དཀྱིལ་འཁོར་འདི་རུ་རྫོགས༔ ཐབས་ལ་མཁས་པས་གནད་དུ་བསྣུན་བྱས་ན༔ སྲོག་དང་གྱེན་རྒྱུ་ཐུར་སེལ་མེ་མཉམ་དང་༔ ཁྱབ་བྱེད་རླུང་སྟེ་རྩ་བའི་རླུང་དང་ནི༔ ས་ཆུ་མེ་རླུང་འབྱུང་བ་ནམ་མཁའི་རླུང་༔ རླུང་བཅུ་དབུ་མའི་དབྱིངས་སུ་གསོད་པའི་མཐུས༔ དེས་བསྐྱེད་འཁོར་བའི་ཀུན་རྟོག་བག་ཆགས་དྲི༔ ཡོངས་བཅོམ་སྐུ་དང་ཡེ་ཤེས་མངོན་དུ་འགྱུར༔ སྲོག་གི་ནུས་པ་བཅུད་དུ་སྨིན་པ་ལས༔ མ་དག་རྩ་ལ་ཡེ་ཤེས་རླུང་ཞུགས ནས༔ དབུ་མར་རོ་རྐྱང་མདུད་པ་ཉེར་གཅིག་པོ༔ རིམ་ཞིག་ས་དང་ལམ་གྱི་ཡོན་ཏན་རྫོགས༔ མདུད་པའི་སྲོག་ནི་སྐྱེད་བྱེད་འཁོར་ལོ་སྟེ༔ དེ་ཞིག་པས་ནི་དང་པོའི་རྟོགས་པ་འཆར༔ ཀ༣ །རྡོ དེ་བཞིན་འཁོར་ལོ་ལྔ་ཡི་སྟེང་འོག་གི༔ མདུདཔ་རེ་གྲོལ་ས་རེའི་རྟོགས་པ་སྐྱེ༔ ཆོས་ཀྱི་འཁོར་ལོའི་རྒྱ་གྲོལ་ས་ལྔ་པ༔ ལོངས་སྤྱོད་འཁོར་ལོ་བརྒྱད་པ་མི་གཡོ བ༔ བདེ་ཆེན་འཁོར་ལོ་བཅུ་པ་ཆོས་ཀྱི་སྤྲིན༔ མདུད་པ་ཡོངས་གྲོལ་དཀར་དམར་གནས་གསུམ་གྱི༔ བག་ཆགས་བཅོམ་ནས་སྐུ་གསུམ་ཡེ་ཤེས་དང་༔ བཅས་པའི་ཡོན་ཏན་རབ རྫོགས་ཀུན་ཏུ་འོད༔ པདྨ་ཅན་དང་རྡོ་རྗེ་འཛིན་པའི་སར༔ དབང་བསྒྱུར་རྡོ་རྗེ་འཛིན་པ་ཆེན་པོར་འགྱུར༔ ས་མ་ཡ༔ གཉིས་པ་ལམ་གྱི་རིམ་པ་འདི་ལྟ་སྟེ༔ བདེ་བའི་སྟན་ལ་རྡོ་རྗེའི་སྐྱིལ་ཀྲུང་གིས༔ འདུག་ཅིང་བྱང་ཆུབ་མཆོག་ཏུ་སེམས་བསྐྱེད་དེ༔ བླ་མའི་རྣལ་འབྱོར་བསྒོམ་ཞིང་དབང་བཞི་བླངས༔ ཐུགས་ཡིད་གཅིག་འདྲེས་ཟབ་མོའི་ཉམས་ལེན་ལ༔ མཉམ་པར་བཞག་མཐར་ཕྱི་ནང་སྣོད་བཅུད་ཆོས༔ སྟོང་ཉིད་སྤྲོས་བྲལ་བདེ་ཆེན་ངང་དུ་བཤིག༔ ཆོས་ཉིད་མདངས་ལས་ཀུན་ཁྱབ་སྙིང་རྗེར་བརྡལ༔ སྙིང་རྗེའི་རྩལ་ལས་ཡི་གེ་བྃཿཡིག་དམར༔ མཁའ་ལ་འཇའ་ཚོན་ཤར་བ་བཞིན་དུ་གསལ༔ འོད་ཀྱི་ཕྱི་ནང་སྣོད་བཅུད་མ་དག་སྦྱངས༔ ཕྱི་སྣོད་མཁའ་སྤྱོད་བདེ་བ་ཅན་གྱི་ཞིང་༔ བཀོད་པ་ཕུན་སུམ་ཚོགས་པའི་དལ་དབུས་སུ༔ པདྨ་ཟླ་བ་ཉི་མའི་གདན་གྱི་སྟེང་༔ གཟུང་འཛིན་རཱུ་ཏྲ་བམ་གྱི་གདན་སྟེང་དུ༔ སྐད་ཅིག་བྃཿཡིག་ཡོངས་སུ་གྱུར་པ་ལས༔ གྲི་གུག་བྃ༔གྱིས་མཚན་པ་ཅན་དུ་གསལ༔ འོད་ཟེར་ཡར་འཕྲོས་རྒྱལ་བ་སྲས་བཅས་མཆོད༔ ཐུགས་རྗེ་བྱིན་རླབས་གཟི་བྱིན་དངོས་གྲུབ་བསྐུལ༔ མར་འཕྲོས་ཁམས་གསུམ་འཁོར་བ་དོང་ནས་སྤྲགས༔ སྣོད་བཅུད་འབྱུང་བའི་དྭངས་བཅུད དཔལ་ཡོན་བསྡུས༔ རྒྱལ་ཀུན་ཐུགས་ཀྱི་བསྐྱེད་ཡུམ་ཝ་ར་ཧི༔ རྣལ་འབྱོར་དམར་མོ་ཞལ་གཅིག་ཕྱག་གཉིས་པ༔ སྤྱན་གསུམ་ཞི་མ་ཁྲོ་འཛུམ་ཉམས་དང་ལྡན༔ དབུ་སྐྲ་ཐོར་ཅོག་ཟར་བུ་སྐུ་རྒྱབ་གྲོལ༔ ཕྱག་གཡས་སྣང་བ་དབང་སྡུད་གྲི་གུག་འཕྱར༔ ཕྱག་གཡོན་ཁམས་གསུམ་ཁྲག་རོལ་ཐོད་ཁྲག་བསྣམས༔ གཡས་བསྐུམ་གཡོན་བརྐྱང་པད་ཉི་བམ་གདན་བརྫིས༔ ནུ་འབུར་གསང་བའི་པདྨོ་རབ་ཏུ་རྒྱས༔ ཐོད་སྐམ་དབུ་བརྒྱན་དར་གྱི་ཅོད་པན་འཕུར༔ ཉི་མ་ཟླ་བའི་སྙན་རྒྱན་འོད་དུ་འབར༔ ཚོགས་དྲུག་གནས་དག་རུས་པའི་རྒྱན་དྲུག་དང་༔ ཡེ་ཤེས་ཡོན་ཏན་ལྷུན་རྫོགས་དར་དཔྱངས་གསོལ༔ ཡེ་ཤེས་མེ་དཔུང་རབ་ཏུ་འབར་བའི་ཀློང་༔ སྣང་སྟོང་ཡེ་ཤེས་སྒྱུ་མའི་སྐུ་རུ་བསྒོམ༔ སྐུ་དབུས་དབུ་མ་སྔོ་སྐྱ་མདའ་སྨྱུག་ཙམ༔ ཕྱི་དཀར་ ཀ༨ ནང་དམར་བར་སྔོ་འོད་ཟེར་འབར༔ ཡར་སྣེ་སྤྱི་བོ་བདེ་ཆེན་འཁོར་ལོར་ཕྱེས༔ མར་སྣ་བདེ་བ་སྐྱོང་བའི་ལྟེ་བར་ཟུག༔ གཡས་སུ་རོ་མ་དཀར་མོ་སྤྲུལ་པའི་སྐུ༔ གཡོན་དུ་རྐྱང་མ་དམར་མོ་ལོངས་སྤྱོད་རྫོགས༔ དཀར་དམར་མཐིང་གའི་ཁ་དོག་འོད་དུ་འབར༔ མར་སྣེ་ལྟེ་འོག་སོར་བཞི་དབུ་མར་ཆུབ༔ ཡར་སྣ་སྣ་ལྟག་གཉིས་གུག་སྣོམ་བྱེད་སྒོར༔ ཟུག་ཅིང་ཁ་ཕྱེ་རྩ་གསུམ་དག་གསལ་འཚེར༔ འཁོར་ལོ་ལྔ་རྫོག་ཡེ་ཤེས་བཅུད་ཐིག་འཁྱིལ༔ མདུན་མཁར་བྱིན་རླབས་ཡེ་ཤེས་སྤྲིན་ཕུང་འཁྲིགས༔ རོ་རྐྱང་ལམ་ནས་སྤོས་རེང་དུད་པ་བཞིན༔ དྲངས་ནས་ལྟེ་འོག་དབུ་མའི་ནང་དུ་ཞུགས༔ གཡས་དང་གཡོན་དུ་གསུམ་རེར་དལ་གྱིས་གཞིལ༔ ལྟེ་འོག་ཏིག་གིས་མནན་པའི་དྭངས་བཅུད་ནི༔ དབུ་མ་ནས་བརྒྱུད་དྲན་འདུས་འཁོར་ལོ་ན༔ རིག་པ་མི་འགྱུར་གཞི་འཛིན་ཐིག་ལེ་ནི༔ རྨ་བྱའི་ཕྲུ་གུ་ལྟ་བུ་འོད་ལྔར་འབར༔ དེར་ཐིམ་མཉམ་ཉིད་རིག་པའི་རང་ཞལ་བལྟ༔ རླུང་གི་རྗེས་ཤེས་ངད་དང་མ་འབྲལ་བར༔ འཇམ་ལ་རིང་བས་སྙིགས་མ་ཕྱི་རུ་འབུད༔ དེ་ལྟར་ཡང་ཡང་སྦྱངས་པ་མཐར་དོན་ཚེ༔ དབུགས་ཀྱི་རྒྱུ་བ་བརྒྱ་སྟོང་རླུང་ཁུག་པ༔ གཅིག་གིས་འདའ་བར་ནུས་པ་འབྱུང་བ་མིན༔ = དེ་ནས་རིམ་བཞིན་གནས་ལྔའི་འཁོར་ལོའི་དབུས༔ སྤྱི་བོར་ཆུ་རླུང་དཀར་པོ་ཟླུམ་ལ་འཁྱིལ༔ མགྲིན་པར་ས་རླུང་སེར་པོ་གྲུ་བཞི་པ༔ སྙིང་གར་ནམ་མཁའི་རླུང་མཐིང་ཟུར་བརྒྱད་པ༔ ལྟེ་བར་མེ་རླུང་དམར་པོ་གྲུ་གསུམ་དབྱིབས༔ གསང་བར་རླུང་གི་རླུང་ལྗང་གཞུ་ལྟ་བུ༔ འོད་ཀྱི་རྣམ་པ་རླུང་གི་གཡོ་བ་བཅས༔ གསལ་བའི་ནང་ཁོངས་བཾ་ལཾ་ཨེ་རཾ་ཡཾ༔ དེ་དག་རྣམས ལས་འོད་ཟེར་རབ་འཕྲོས་པས༔ འབྱུང་ལྔ་རང་རང་ཁ་དོག་དང་མཐུན་པའི༔ རྣམ་པར་འོད་ཞུ་སྲོག་བཅུད་ཐིག་ལེར་ཐིམ༔ རིགས་པ་ཐིག་སྦུབས་ཚུད་པའི་འདུན་པ་ཅན༔ རྔུབ་དགང་གཞིལ་བའི་གནས་ཀྱང་དེ་རུ་བྱ༔ དེ་དག་རྣམས་ལ་རང་བྱན་ཚུད་པའི་ཚེ༔ ས་ཆུ་མེ་རླུང་ནམ་མཁར་དབང་ཐོབ་ནས༔ མཁའ་ལ་འཕུར་དང་ཆུ་ནང་ཉ་ལྟར་འཕྱོ༔ ས་འོག་འཛུལ་དང་རི བྲག་ཟངས་ཐལ་འབིགས༔ སྣང་དང་མི་སྣང་དངོས་པོར་རང་དབང་བསྒྱུར༔ མངོན་པར་ཤེས་དང་མཁྱེན་པའི་ཡེ་ཤེས་རྒྱས༔ མེ་རླུང་སྟོབས་རྒྱས་གཏུམ་མོའི་བདེ་དྲོད་འབར༔ ཆུ་རླུང་སྟོབས་རྒྱས་བསམ་གཏན་ཟས་ཀྱིས་འཚོ༔ ས་རླུང་སྟོབས་རྒྱས་བཀྲག་དང་གཟི་མདངས་རྒྱས༔ ནམ་མཁའི་རླུང་སྟོབས་རབ་རྒྱས་རྫུ་འཕྲུལ་ཐོབ༔ རླུང་གི་སྟོབས་རྒྱས་གདོས་པ་དྭངས ཀར མར་སྨིན༔ ཟད་པར་སྐྱེ་མཆེད་རྣམས་ཀྱང་གྲུབ་པ་ཡིན༔ སྲོག་ལ་དབང་ཐོབ་རྣམ་པར་རྟོགས་ཚོགས་ཀུན༔ རང་ཤར་རང་སྒྲོལ་ཀློང་ཡངས་ཆེན་པོར་སངས༔ རིག་པ་རང་གསལ་བརྗེན་པའི་གཤིས་ཉིད་ལས༔ སྐད་ཅིག་ཀྱང་ནི་གཡོ་བར་མི་འགྱུར་བར༔ རིན་ཆེན་གསེར་གླིང་ཕྱིན་པ་ཇི་བཞིན་ནོ༔ གྱེན་རྒྱུའི་རླུང་ཉིད་ཡེ་ཤེས་རླུང་དུ་སྨིན༔ ཕྱི་ནང་དབུགས་ཀྱི་རྒྱུ་བ་མི་ཚོར་བར༔ ཞུགས་གནས་ཐིམ་པའི་རྟགས་རྣམས་རིམ་གྱིས་འཆར༔ མགྲིན་པའི་མདུད་གྲོལ་གདམས་པའི་མཛོད་བརྡོལ་ནས༔ མ་བསླབ་པར་ནི་ཆོས་ཀྱི་ཚིག་མཐའ་དག༔ གང་ཟག་དབང་པོའི་བློ་རིམ་དང་མཐུན་པར༔ སྟོན་པར་ནུས་ཤིང་ཚངས་པའི་གསུངས་དང་ལྡན༔ ཐུར་སེལ་རླུང་ལ་ཡེ་ཤེས་རྒྱས་ཐེབས་པས༔ སྲོག་ཐུར་གཅིག་འདྲེས་འཁོར་བའི་འཁྲུལ་སྣང་འགགས༔ འགྲོ་སྡོད་ལས་ཀྱི་འཕོ་བ་རང་སར་ཞི༔ དྲི་མི་སྣོམས་ཤིང་ཆུ་གཤང་མི་འགྱུར་བར༔ དངོས་པོ་ཕྱིར་ཐོན་ཡུལ་རྣམས་ཐམས་ཅད་ལ༔ རྫུ་འཕྲུལ་དབང་གིས ཐོགས་མེད་བྱ་བཞིན་བགྲོད༔ མེ་མཉམ་རླུང་ལ་ཡེ་ཤེས་རྒྱས་ཐེབས་པས༔ བདེ་དྲོད་འབར་ཞིང་གོས་ཀྱི་ཞེན་པ་ཆོད༔ བཀྲགས་མདངས་རབ་རྒྱས་ཉི་མ་འཆར་ཀ་བཞིན༔ འགྲོ་བའི - མོས་བློ་དབང་དུ་བསྒྱུར་བར་ངེས༔ ནང་གི་བདེ་དྲོད་ཕྱི་རུ་རྒྱས་པ་ཡིས༔ འབྱུང་བ་ཆེ་སྙོམས་གུན་ཡང་དྲོད་ཀྱིས་ཁྱབ༔ འདུན་པ་གར་གཏད་དམིགས་པ་དེ་རུ་འཕོ༔ གཞན་རྒྱུད་མཁྱེན པའི་མངོན་པར་ཤེས་པ་འཆར༔ ཁྱབ་བྱེད་རླུང་ལ་ཡེ་ཤེས་རྒྱས་ཐེབས་པས༔ ལུས་ཀྱི་སྟོབས་རྒྱས་གླང་པོ་ལྟ་བུར་འགྱུར༔ ཟིལ་གྱིས་མི་གནོན་སེང་གེའི་རྩལ་དང་ལྡན༔ གཡང་ལ་མི འཇིགས་ནམ་མཁའ་ལྡིང་ལ་འགྲན༔ དུས་གསུམ་མི་གཡོ་རྡོ་རྗེ་ལྟ་བུར་གནས༔ ཆགས་ཐོགས་མེད་པ་ཉི་ཟླའི་འོད་བཞིན་གསལ༔ སྣང་བར་དབང་བསྒྱུར་དམིགས་པ་དེ་རུ་ཚུད༔ སྟོང་པར་དབང་བསྒྱུར་འཁོར་བར་ཡ་མི་ང་༔ རྒྱུ་བ་རྒྱུ་བ་ཆེ་དང་རབ་ཏུ་རྒྱུ༔ ངེས་པར་རྒྱུ་དང་ཡང་དག་རྒྱུ་བ་སྟེ༔ དབང་པོ་ལྔ་ཡི་རླུང་ལ་མེ་རླུང་ཐེབས༔ གཟུགས་སུ་སྣང་བ་སྟོང་གཟུགས་ཆུ ཟླ་བཞིན༔ སྒྲ་རུ་གྲགས་པ་བྲག་ཆ་ལྟ་བུ་དང་༔ དྲི་རུ་ཚོར་བ་ཚོར་སྟོང་རྨི་ལམ་དྲི༔ རོ་རུ་སྣང་བ་མྱོང་སྟོང་རང་སར་གྲོལ༔ རེག་བྱར་སྣང་བ་རེག་སྟོང་བདེ་ཆེན་ངང་༔ གང་ལ་འཛིན་ཞེན་བློ་ཡི་འཁྲིས་བོར་ནས༔ གཟའ་གཏད་བྲལ་བ་ཆོས་ཉིད་ཕྱམ་བརྡལ་ཡངས༔ གཞན་ཡང་དག་དང་མ་དགརྩ་རླུང་དང་༔ ཐིག་ལེའི་ཁམས་རྣམས་གནས་སུ་དག་པ་ལས༔ སྐུ་ སར གསུམ་ཡེ་ཤེས་ཕྲིན་ལས་དང་བཅས་པ༔ མངོན་གྱུར་འབྲེལ་ཚད་དོན་ལྡན་རྣལ་འབྱོར་དུ༔ གྱུར་ནས་སྒྱུ་ལུས་ཟག་པ་འོད་དུ་གསལ༔ རགས་པའི་དྲི་བཅོམ་ཕྲ བའི་འོད་གསལ་ཁམས༔ གཉུག་མ་མི་ཤིགས་རྡོ་རྗེ་གསུམ་དུ་སྨིན༔ འབྱུང་བའི་གནོད་པས་མི་ཚུགས་རང་དབང་བསྒྱུར༔ སྣང་ཆ་ཡེ་ཤེས་ལྷ་ཡི་འཁོར་ལོར་རྫོགས༔ དེར་འཛིན་བྲལ བས་བསོད་ནམས་ཚོགས་རྫོགས་ཤིང་༔ རིག་པ་རང་བྱུང་དུས་གསུམ་འཕོ་འགྱུར་བྲལ༔ སྐྱེ་འགགས་མི་གནས་དབུ་མ་ཆེན་པོའི་དོན༔ མངོན་གྱུར་ཡེ་ཤེས་ཚོགས་ཀྱང་རྫོགས་པ་ཡིན༔ སངས་རྒྱས་ཡེ་ཤེས་རྗེས་འགྲོའི་ཡོན་ཏན་འཛིན༔ དེ་བཞིན་གནས་ལྔར་པདྨ་ཟླ་བ་དང་༔ ཉི་མའི་གདན་ནི་ཉུངས་འབྲུ་གླེབ་པ་ཙམ༔ དེ་སྟེང་རྡོ་རྗེ་རིན་ཆེན་འཁོར་ལོ་དང་༔ པདྨ་རྒྱ་གྲམ་རྣམས་བསྒོམ་ཁོང་གསེང་དུ༔ ཧཱུྃ་ཏྲཱྃཿཨོཾ་ཧྲཱིཿཨ་རྣམས་གསལ་བཏབ་ནས༔ རླུང་རིག་ཤེས་གསུམ་དམིགས་པ་དེ་རུ་བྱ༔ ཐུགས་སྲོག་དབུས་སུ་རིག་པ་ཐིམ་འགྲོ་བའི༔ ཤིན་ཏུ་ཕྲ་བའི་ངང་དུ་མཉམ་པར་བཞག༔ བར་རླུང་བུམ་པ་ཅན་ལ་གནད་དུ་བསྣུན༔ དེ་ལྟར་ཡང་ཡང་སྦྱངས་པ་མཐར་སོན་ན༔ གནས་ལྔའི་མདུད་པ་མ་ལུས་རབ་ཏུ་གྲོལ༔ ཤེས་རབ་ཡེ་ཤེས རིམ གོ༤ ཕྱོགས་མེད་སྣང་བ་ཤར༔ ཕྱི་རུ་དབྱིངས་ཐིག་འཇའ་འོད་ཕྱག་མཚན་དང་༔ དུ་བ་སྨིག་རྒྱུ་མེ་ཁྱེར་མར་མེ་སོགས༔ འོད་གསལ་རྟགས་ཀྱི་སྣང་བ་མ་ངེས་འཆར༔ ནང་དུ་སྣང་མཆེད་ཐོབ དང་ཉེ་བར་ཐོབ༔ དཀར་དམར་གནག་གསུམ་བག་ཆགས་ཀུན་བཅོམ་ནས༔ ལུགས་སུ་ལྡོག་སྟེ་བརྗོད་མེད་འོད་གསལ་ཉམས༔ མཐའ་དབུས་མེདཔར་ཁྱབ་བརྡལ་ཀུན་ཏུ་འཆར༔ ལུགས་འབྱུང་རིགས་ལྔ་གང་རུང་སྐུར་ལྡང་ནས༔ སྣོད་བཅུད་འཛིན་ཞེན་ཞིང་དང་གཞལ་ཡས་དང་༔ ལྷ་དང་ལྷ་མོའི་རང་བཞིན་རྩལ་འབྱོངས་ནས༔ མ་དག་འཁོར་ལོ་དག་པ་རབ་འབྱམས་སུ༔ ཡོངས་ཤར་འཁྲུལ་སྣང་གདོད་མའི་གཞི་རུ་ཞིག༔ རྗེས་ཐོབ་འཇུག་ལྡང་མ་དག་སྒྱུ་ལུས་སུ༔ སྣང་ཡང་འོད་གསལ་རིག་པ་ཕུག་བཙན་པས༔ སྒྱུ་མ་རྨི་ལམ་དྲི་ཟའི་གྲོང་ཁྱེར་ལྟར༔ དཔེ་བརྒྱད་དག་པའི་སྣང་བ་ཡུད་ཙམ་ལས༔ བློ་ཡི་བདེན་ཞེན་དམིགས་པ་རང་ལོག་འགྲོ༔ ས་མ་ཡ༔ གསུམ་པ་སྲོག་གི་ཤུགས་ཀྱིས་རྩོལ་བར་བསླབ༔ རྩ་གསུམ་འདུས་མདོར་ཉི གདན་འོད་དམར་ཀློང་༔ བདེ་ཆེན་སྟོང་པའི་རང་གཟུགས་འབར་བ་ནི༔ གཏུམ་མོ་མཚན་ཉིད་བཞི་ལྡན་ལམ་གྱིས་བསྒོམ༔ སྤྱི་བོར་ཟླ་གདན་འོད་ཐིག་དཀར་པོའི་སྦུབས༔ ཐབས་ ༢༨ །དཿ མཆོག་ཧེ་རུ་ཧཾ་ཡིག་རྣམ་པར་གསལ༔ ཕྱི་རྐྱེན་སྲོག་གིས་དྲངས་པའི་བྱིན་རླབས་བཅུད༔ འབར་བའི་གསོས་བྱས་ཡེ་ཤེས་མེ་སྦར་ནས༔ གནས་གཞི་