Tibetan
རྒྱའོ ༈ གཟུགས་ནི། ལག་གཡས་ཐལ་མོ་གྱེན་དུ་བསྟན་ཅིང་། ལག་གཡོན་རྡོ་རྗེའི་ཁུ་ཚུར་བཅའ་ཞིང་མཐེ་བོང་གི་ཕྱོགས། གཡས་པའི་འཆང་མཐིལ་དུ་བཞག་པ་རཱུ་པའི་རྒྱ་དང་། སྒྲ་ནི ལག་གཉིས་སྔིགས་མཛུབ་བྱེད་ཅིང་གཡོན་བཀན་ནས གཡས་ནང་བསྐོར་གྱི་ཚུལ་བཞིནསྦུབ ཕྲལ་གྱེན་དུ་བསྟན་ཞིང་། ནང་དུ་སྦྲེང་ཚུལ་དང་། ཕྱིར་སྦྲེངས་ཚུལ་བྱེད་པ་ཤཔྡའི་རྒྱ་དང་། དྲི་ནི། ལག་གཉིས་ཀྱི་གཡས་པའི་མཐེ་བོང་ཅུང་ཟད་རིང་བར་བྱ་ཞིང་གཡོན་པའི་མཐེ བོང་གི་རྩེ་དང་སྦྱར་ཏེ གཡས་པའི་སོར་མོ་རྣམས་བརྐྱངས གཡོན་པའི་མཛུབ་མོ་ནང་དུ་ཅུང་ཟད་བཀུག་ནས་ལྷག་མ་རྣམས་བརྐྱངས་ཤིང་། གཡས་སོར་རྣམས་དང་རྩེ་སྦྱར་བ་གནྡྷེའི་རྒྱ 公”དང་༏ རོ་ནི། ལག་གཉིས་ཀྱི་སོར་མོ་རྣམས་བརྐྱངས་བཞིན་ཁ་གྱེན་དུ་བསྟན་ཞིང་། མཐེ་བོང་གཉིས་སྲིན་ལག་གི་རྩ་སོ་སོའི་སྟེང་དུ་བཞགས་པ་ར་སའི་རྒྱ་དང་། རེག་བྱ་ནི ལག་། གཉིས་ཀྱི་མཐེ་བོང་ཅུང་ཟད་ནང་དུ་བཀུག་པའི་རྩེ་དང་། གཡས་གཡོན་གྱི་མཛུབ་མོ་དང་གུང་མོ་གཉིས་རྩེ་སྦྱར སྲིན་ལག་གཉིས་དེའི་ཐད་དུ་བསྐུམས། མཐེའུ་ཆུང་གཉིས་བསྒྲེངས་ནས ནང་སྐོར་གྱི་ཕྱིར་བསྟན་པ་སྤཪྙེའི་རྒྱ་དང་། ཆོས་ནི། ལག་གཉིས་ཀྱི་གུང་མོ་གཉིས་རྩེ་སྦྱར དེའི་རྒྱབ་ཏུ་མཛུབ་མོ་དང་སྲིན་ལག་གཉིས་རང་རང་གི་ཕྱོགས་དང་རྩེ་སྦྱར། མཐེའུ་ཅུང་གཉིས་བརྐྱངས། མཐེ་བོང་གཉིས་ཆོས་འབྱུང་གི་བར་ནས་གཤིབ་ཤིང་བསྐྱངས་པ་དྷརྨའི་བྱའོ།། ༈ སྨན་རྒྱ་ནི། ལག་གཉིས་ཀྱི་ཐལ་མོ་སྣོད་སྟོང་ལྟར་གྱེན་བསྟན་གྱི་ཚུལ་དུ་ཁ་སྦྱར་ཞིང་མཐེ་བོང་གཉིས་ལྷན་དུ་གཤིབས་ཤིང་ཐལ་བཀན་གྱི་སྟེང་དུ་བརྐྱངས་པ་ཨ་མྲྀ་ཏའི་རྒྱ་དང་། རཀྟ་ནི། ལག་གཉིས་ཀྱི་མཐེ་བོང་གཉིས་དང་། མཛུབ་མོ་དང་རང་རང་གཉིས་རྩེ སྦྱར་ནས་གཡོན་པའི་མཐེ་བོང་གི་ཚིགས་མཚམས་སུ་གཡས་པའི་མཐེ་མཛུབ་གཉིས་ཀྱི་རྩེ་གཏུགས། གཡས་གཡོན་གྱི་སོར་མོ་གཞན་རྣམས་རྩེ་སྦྱར་བ་རཀྟའི་རྒྱ་དང་། གཏོར་མ་ནི། གོང་གི་ནེེ་ཝིདྱའི་རྒྱ་དང་མཚུངས། ༈ །སྦྱོར་བ་ནི། ལག་གཡོན་པའི་སོར་མོ་རྣམས་བརྐྱངས་བཀན་བྱེད་ཅིང་གཡས་སོར་རྣམས་བརྐྱངས་བཞིན་སྦུབ་ནས་གཡོན་པའི་ཐོག་ཏུ་རྒྱ་གྲམ་ལྟར་དུ་ ༄༅། །བསྣོལ། མཐེ་བོང་གཉིས་ནང་དུ་བསྐུམས་པ་ཏ་ནའི་རྒྱ་དང་། སྒྲོལ་བ་ནི། ལག་གཉིས་ཀྱི་སྡིགས་མཛུབ་བྱེད་ཅིང་གཡོན་པའི་སྡིགས་མཛུབ་གུང་ཁར། གཡས་པའི་སྡིགས་མཛུབ་ཀྱིས་མཐེའུ་ཆུང་གི་ཕྱོགས་རྒྱ་གྲམ་ལྟར་བསྣོལ་བ་ག་ཎའི་ཕྱག་རྒྱའོ། །ཕྱི་ནང་གསང་མཆོད་རྣམས་ཀྱི་སྔགས་མགོར་པད་སྐོར་སྔོན་དུ་སོང་བར་བྱས་ཏེ། མཆོད་སྔགས་རང་རང་གི་རྒྱ་བཅའ་ཞིང་སྔགས་མཇུག་ཏུ་བསྡུ་རྒྱ་སེ་གོལ་བྱེད་པ་ཀུན་ལ་འགྲེས་སོ།། ཕྱི་མཆོད། ནང་མཆོད། གསང་མཆོད་རྣམས་ཀྱི་རང་རང་གི་མཇུག་ཏུ་མཆོད་རོལ་ཌཱ་འུར་ཆེམ་རིང་ཐུང་གཉིས་ཅན་བྱ་དགོས་སོ། །ཕྱག་རྒྱའི་ཟིནབྲིས་འདི་ཉིད་སྐྱབས་རྗེ་མཁའ་འགྲོ་རིན་པོ་ཆེའི་ཞལ་ཁྲིད་ལྟར་ཟབ་ཆོས་ཀྱི་ཆ་རྐྱེན་དུ་ཤཱི་ལ་བཛྲ་ཀྱིས་ནག་འགྲོས་སུ་བྲིས་པའོ།། TI1395-597