Tibetan
འདུལ་སྤྲུལ་འཁོར་དཔུང་༔ མ་ལུས་འཁོར་དང་བཅས་པ་ཐམས་ཅད་ལ༔ གསོལ་ལོ་མཆོད་དོ་ཐུགས་དམ་གཉན་པོ་བསྐང་༔ བདག་གི་འདོད་དན་མ་ལུས་ཀུན་འགྲུབ་མཛོད༔ ཁྱད་པར་ཚེ་ཆོས་བསོད་ནམས་དབང་ཐང་ལ༔ བར་དུ་གཅོད་པའི་གནོད་བྱེད་དགྲ་བགེགས་རྣམས༔ མིང་ཙམ་མེད་པར་ཐལ་བའི་རྡུལ་དུ་རློག༔ བཀའ་དང་དམ་ལས་མ་འདས་ས་མ་ཡ༔ ཅི་བཅོལ་ཕྲིན་ལས་མ་ལུས་འགྲུབ་པར་མཛོད༔ ཅེས་བརྗོད་གང་བསམ་འགྲུབ་པར་ངེས༔ ས་མ་ཡ༔ ཅེས་དད་ལྡན་མི་དབང་ལྡན་མིང་འཛིན་པས་རིན་ཆེན་གཉིས་པའི་སྐྱེས་བཅས་བསྐུལ་ངོར་མི་ལྡོག་ཙམ་དུ་སུ་ཁ་བཛྲ་གྱིས་བྲིས་པའོ།། དགེའོ།། །། ཧཱུཾ་དག་སྣང་ལས་གེ་སར་གསོལ་མཆོད་བསྡུས་པ་བཞུགས༔ ན་མོ་པདྨ་ཀྲོ་ཏ་ཡེ༔ དཀར་གསུམ་གསེར་སྐྱེམས་ཕུད་བཤམས་ལ༔ ཏིང་ངེ་འཛིན་གྱིས་བདུད་རྩིར་བསྒྱུར༔ ལྷ་ཡི་ས་མ་ཏི་ཡི་ངང་༔ ཧཱུྃ༔ རིགས་གསུམ་པདྨའི་སྒྱུ་འཕྲུལ་སེང་ཆེན་རྒྱལ༔ དགྲ་བླ་བཅུ་གསུམ་ཝེར་མའི་ཚོགས་དང་བཅས༔ འདིར་གཤེགས་དམ་ཚིག་གསང་བའི གནས་འདིར་བཞུགས༔ ཕྱི་ནང་གསང་མཆོད་འདོད་ཡོན་མཆོད་པ་བཞེས༔ རྣལ་འབྱོར་ལས་ཀུན་ཐོག་མེད་འགྲུབ་པ་དང་༔ ཟབ་གཏེར་བསྟན་པ་མཐའ་རྒྱས་ཕྲིན་ལས་མཛོད༔ uMvE7 གློ ཐུགས་དམ་དུས་ལ་བབ་བོ་ས་མ་ཡ༔ ཅེས་བརྗོད་གྲངས་ལྡན་བརྩོན་ནུས་ན༔ གང་བསམ་མྱུར་དུ་འགྲུབ་པར་ངེས༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་བདེ་བའི་གོ་ཆས་གདམས་བཞིན་བདེ་ཆེན་བདེ་བའི་རྡོ་རྗེས་ཉམས ཆོས་ཡིག་རིས་སུ་བྲིས་པའོ།། ཉེར་སྤྱོད་ཀྱི་མཆོད་ལ་བསྟོད་པ་ནི༔ ཧཱུྃ༔ ཐོག་མེད་སྔོན་ནས་སངས་རྒྱས་ཀྱང་༔ འགྲོ་བའི་དོན་དུ་གཟུགས་སྐུར་བཞེངས༔ བདུད་ཀྱི་དཔུང་འཇོམས་དགྲ་བླའི་རྒྱལ༔ སེང་ཆེན་སྤྲུལ་འཁོར་བཅས་ལ་བསྟོད༔ བདེ་བའི་འབྱུང་གནས་ཀྱི་ཉམས་རིས་སོ།། དགེའོ།། །། ༈ ཆོས་ཉིད་མཁའ་འགྲོའི་གསང་མཛོད་ལས༔ དྲེགས་པ་ཡོངས་འདུས་ཟ་ངུ་དགྲ་བོ་ཕུང་བྱེད་གནམ་ལྕགས་ཐོག་མདའ་ཟབ་མོ་བཞུགས༔ ན་མོ་པདྨ་ཀྲོ་ཏ་ཡེ༔ ཕྱི་རབས་རྣལ་འབྱོར་གང་དག་གིས༔ ངེས་མེད་དབེན་ཁྲོད་ལ་གནས་ཚེ༔ མ་ཉེས་པ་ལ་དགྲ་བྱུང་ན༔ དམར་གཏོར་སྐྱེམས་བཅས་ཕུད་རྒོད་བྲན༔ ལྟ་བའི་གདིང་བསྐྱེད་ངང་གིས་ཁྲོས༔ ལྷ་ཡི་ཏིང་འཛིན་ལྡན་པའི་ངང་༔ ཧཱུྃ་བྷྱོཿ ཕོ་རྒྱུད་ཆེ་བཙན་ཚོགས་ཀྱི་བདག༔ མགོན་པོའི་དམག་དཔུང་དགྲ་ལ་རྒྱུགས༔ དགྲ་བོའི་ཡུལ་ཁམས་ཆོམས་ལ་ཕོབས༔ དགྲ་ཤ་ཟ་བའི་ཟ་ངུ་གྱིས༔ དགྲ་ཁྲག་འཐུང་བའི་ཟ་ངུ་གྱིས༔ དགྲ་རུས་མུར་བའི༴ དགྲ་ལྤགས་གྱོན་པའི༴ མིང་ནས་འབོད་པའི༴ ཟས་ནོར་བརླག་པའི༴ ཆེ་བརྒྱུད་བརླག་པའི༴ ཆུང་ བརྒྱུད་བཅད་པའི༴ དམ་ཉམས་དགྲ་བོ་སྡིག་ཅན་ནི༔ བདུན་བརྒྱུད་ཚུན་ཆད་མ་བཞག་པར༔ ཟ་ངུ་གྱིས་ལ་ལྷག་མེད་མཛོད༔ དབྱིངས་ཀྱི་རྗེ་མོ་ཨེ་ཀ་ཙ༔ མཆེད་སྡེ་ལྔ་དང་གཡུ་སྒྲོན་མ༔ ངེས་ནུས་ཤ་ཟ་ཁ་མོ་ཆེ༔ མ་མོའི་དམག་དཔུང་དགྲ་ལ་བྷྱོཿ དགྲ་བོའི་ཡུལ་ཁམས༴ དགྲ་ཤ་ཟ་བའི་ཟ་ངུ་གྱིས༔ དགྲ་ཁྲག་འཐུང་བའི་ཟ་ངུ་གྱིས༔ དགྲ་རུས་མུར་བའི: དགྲ་ལྤགས་གྱོན་པའིཿ མིང་ནས་འབོད་པའི༴ ཟས་ནོར་བརླག་པའི༴ ཆེ་བརྒྱུད་བརླག་པའི ཆུང་བརྒྱུད་བཅད་པའི༴ དམ་ཉམས་དགྲ་བོ་སྡིག་ཅན་ནི༔ བདུན་བརྒྱུད་ཚུན་ཆད་མ་བཞག་པར༔ ཟངུ་གྱིས་ལ་ལྷག་མེད་མཛོད༔ གནོད་སྦྱིན་ཤན་དམར་རྡོ་རྗེ་ལེགས༔ གཟའ་བདུད་དུག་གི་སྤུ་གྲི་ཆེ༔ དྲེགས་པ་རྣམ་གསུམ་དགྲ་ལ་བྷྱོཿ དགྲ་བོའི་ཡུལ་ཁམས་ཆོམ་ལ་ཕོབས༔ དགྲ་ཤ་ཟ་བའི་ཟ་ངུ་གྱིས༔ དགྲ་ཁྲག་འཐུང་བའི་ཟ་ངུ་གྱིས༔ དགྲ་རུས་མུར་བའི༴ དགྲ་ལྤགས་གྱོན་པའི: མིང་ནས་འབོད་པའི ཟས་ནོར་བརླག་པའི༴ ཆེ་བརྒྱུད་བརླག་པའི༴ ཆུང་བརྒྱུད་བཅད་པའི: དམ་ཉམས་དགྲ་བོ་སྡིག་ཅན་ནི༔ བདུན་བརྒྱུད་ཚུན་ཆད་མ་བཞག་པར༔ ཟ་ངུ་གྱིས་ལ་ལྷག་མེད་མཛོད༔ ལྷ་2 ཆེན་དབང་ཕྱུག་སྲིད་པའི་བདག༔ བཙན་རྒོད་ཆེན་པོ་སྲོག་གི་གཤེད༔ ཞིང་སྐྱོང་མགོན་དཀར་ཨ་པ་ར༔ འཁོར་བཅས་དམག་དཔུང་དགྲ་ལ་བྷྱོཿ དགྲ་བོའི་ཡུལ་ཁམས༴ དགྲ་ཤ་ཟ་བའི་ཟ་ངུ་གྱིས༔ དགྲ་ཁྲག་འཐུང་བའི་ཟ་ངུ་གྱིས༔ དགྲ་རུས་མུར་བའི༴ དགྲ་ལྤགས་གྱོན་པའི མིང་ནས་འབོད་པའི༴ ཟས་ནོར་བརླག་པའི༴ ཆེ་བརྒྱུད་བརླག་པའི་ཆུང་བརྒྱུད་བཅད་པའིཿ དམ་ཉམས་དགྲ་བོ་སྡིག་ཅན་ནི༔ བདུན་བརྒྱུད་ཚུན་ཆད་མ་བཞག་པར༔ ཟ་ངུ་གྱིས་ལ་ལྷག་མེད་མཛོད༔ འཇིག་འདས་སྲུང་མ་རྒྱ་མཚོ་དང་༔ སྡེ་བརྒྱད་དམག་དཔུང་དགྲ་ལ་བྷྱོཿ དགྲ་བོའི་ཡུལ་ཁམས༴ དགྲ་ཤ་ཟ་བའི་ཟ་ངུ་གྱིས༔ དགྲ་ཁྲག་འཐུང་བའི་ཟ་ངུ་གྱིས༔ དགྲ་རུས་མུར་བའི་དགྲ་ལྤགས་གྱོན་པའིཿ མིང་ནས་འབོད་པའི༴ ཟས་ནོར་བརླག་པའི༴ ཆེ་བརྒྱུད་བརླག་པའི ཆུང་བརྒྱུད་བཅད་པའི༴ དམ་ཉམས་དགྲ་བོ་སྡིག་ཅན་ནི༔ བདུན་བརྒྱུད་ཚུན་ཆད་མ་བཞག་པར༔ ཟ་ངུ་གྱིས་ལ་ལྷག་མེད་མཛོད༔ བཀའ་སྲུང་གཏེར་སྲུང་དྲེགས་པའི་ཚོགས༔ གཏོང་རག་ཡིན་ནོ་ཟངུ་མཛོད༔ ཟ་སྐལ་གཏད་དོ་ལྷག་མེད་ཐོངས༔ བཀའ་སྲུང་མི་བཙན་ཁོ་རེ་བཙན༔ དམ་ཉམས་དགྲ་བོ་ ། ཟས་སུ་གསོལ༔ རྣལ་འབྱོར་རྣམས་ནི་བརྙས་ཤིང་འཕྲོག༔ དམ་ཉམས་དགྲ་བོ་ཟས་སུ་གསོལ༔ དཀོར་ནོར་ལོངས་སྤྱོད་བརྐུ་ཞིང་བཅོམ༔ དམ་ཉམས་དགྲ་བོ་ཟས་སུ་གསོལ༔ ཟ་སྐལ་ཡིན་ནོ་ཁམ་མ་ཆུང་༔ དགྲ་བོའི་ཕུང་ཁམས་སྐྱེ་མཆེད་དང་༔ མངའ་ཐང་ལོངས་སྤྱོད་བསོད་ནམས་དཔལ༔ བཀའ་སྲུང་དམ་ཅན་གཏོང་རག་མཛོད༔ ནད་ཁ་རིམས་ཁ་དགྲ་ལ་བསྒྱུར༔ ལྟས་ངན་སྣ་ཚོགས་དགྲ་ལ་བསྒྱུར༔ མཚོན་ཁ་ཟོར་ཁ་དགྲ་ལ་བསྒྱུར༔ སྲི་ངན་བྱད་ཁ་དགྲ་ལ་བསྒྱུར༔ བདུད་ཀྱི་བར་ཆད་དགྲ་ལ་བསྒྱུར༔ བཟློག་གོ་སྡང་བའི་དགྲ་ལ་བཟློག༔ ཐམས་ཅད་བྷྱོ་བཟློག་ས་མ་ཡ༔ བཅོལ་བའི་ལས་ལ་མཐུ་མ་ཞན༔ དམ་ཚིག་གཉེན་པོ་ལས་མ་འདའ༔ སངས་རྒྱས་བསྟན་སྲུངས་བསྟན་འཛིན་སྐྱོངས༔ མ་གཡེལ་ཕྲིན་ལས་མྱུར་འགྲུབ་མཛོད༔ ཅེས་གཏོར་སྐྱེམས་དགྲ་བོའི་ཕྱོགས་སུ་མཆོད༔ དགྲ་བོ་ཤུལ་མེད་བརླག་པར་ངེས༔ དུས་ལ་མ་བབས་བསྐུལ་མི་རུང་༔ ཟ་སྐལ་དུསལ་བབས་པའི་ཚེ༔ མྱུར་མགྱོགས་ནམ་མཁའི་གློག་དང་འདྲ༔ དྲག་ཤུལ་གནམ་ལྕགས་ཐོག་ལས་འཕགས༔ ཟབ་བོ་གསང་བར་ཉམས་སུ་ལོངས༔ དམ་ཉམས་པ་ལ་ཨ་ཐཾ་རྒྱ༔ རྣལ་འབྱོར་བསྟན་པའི་བཙས་སུ་ཤོག༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ ཨི་ ཅེས་པའང་འཁྲུལ་སྣང་ལ་སྲིད་པ་གསལ་བྱེད་ཡིན་ཟེར་བ་ཞིག་གིས་བརྡས་བསྐུལ་ཚེ་དྲག་སྔགས་སྤུ་གྲིའི་རྒྱུད་ལས་ཟོབ་བརྫུན་སུ་ཁ་བཛྲ་གྱིས་ཡིད་བཞིན་ནོར་བུའི་བཞེད་སྐོང་དུ་དགོས་གལ་དང་བསྟུན་ཏེ་ཁོལ་དུ་ཕྱུང་བའོ།། དགེའོ།། ༈ ས་སྐྱོང་ལྷ་རེག་གཉན་རྩེའི་གསོལ་མཆོད་འདོད་དགུའི་དཔལ་སྟེར་བཞུགས༔ རིན་ཆེན་སྣོད་དུ་དཀར་གསུམ་དང་༔ དམར་གཏོར་ལ་སོགས་འབྱོར་རྫས་བསགས༔ སྐྱེམས་ཕུད་གཙང་སྦྱར་ནུས་པས་བརླབས༔ ལྷ་ཡི་ཏིང་འཛིན་ལྡན་པའི་ངང་༔ རྃ་ཡྃ་ཁྃ༔ ཨོཾ་ཨཱཿཧཱུྃ༔ ཀྱེེ༔ རྒྱལ་དབང་པདྨའི་ཐ་ཚིག་ལ་གནས་པའི༔ དྲག་ཤུལ་སྟོབས་ལྡན་ལྷ་རེག་གཉན་རྩེ་དང་༔ སྤྲུལ་འཁོར་དཔུང་དང་ཡུམ་སྲས་བཀའ་སྡོད་བཅས༔ འདིར་གཤེགས་བསངས་དང་མཆོད་པའི་གནས་འདིར་གཤེགས༔ རང་རང་དགྱེས་པའི་གདན་ལ་བཞུགས་སུ་གསོལ༔ ཕྱི་ནང་གསང་བའི་མཆོད་པ་སྣ་ཚོགས དང་༔ ཁྱད་པར་ཐུགས་མཐུན་རྫས་དང་བསང་གིས་བརྔན༔ འཁོར་བཅས་གསོལ་ལོ་མཆོད་དོ་ཐུགས་དམ་བསྐང་༔ གནས་མགྲོན་དམ་ཚིག་གཉེན་པོ་དཔང་བཙུག་ལ༔ ལས་གང་བཅོལ་བའི་ཕྲིན་ལས་མྱུར་འགྲུབ་མཛོད༔ ཕྱི་ཡི་མཐའ་དམག་དུས་འཁྲུགས་མཚོན་ཁ་བཟློག༔ ནང་དུ་ཆགས་ཆེ་འཐབ་རྩོད་མི་མཐུན་སེལ༔ ཁྱད་པར་ཡུལ་གཞི་སྲུང་ཞིང་སྡོང་གྲོགས་<B དང་༔ ཁ་རྗེ་དབང་ཐང་རླུང་རྟ་གོང་འཕེལ་མཛོད༔ བརྒྱུད་གསུམ་རིག་འཛིན་རྣམས་ཀྱི་བཀའ་དམ་བཞིན༔ ལས་བཞིའི་ཕྲིན་ལས་མ་ལུས་བསྒྲུབ་པ་དང་༔ དུས་རྣམས་རྟག་ཏུ་ལུས་དང་གྲིབ་བཞིན་དུ༔ དབྱེར་མེད་གང་བསམ་འདོད་དོན་ལྷུན་གྲུབ་མཛོད༔ མ་གཡེལ་རྡོ་རྗེའི་དམ་ཚིག་དཔང་བཙུག་གོ༔ ཐུགས་དམ་དུས་ལ་བབ་བོ་ས་མ་ཡ༔ ཅེས་པའང་དུས་འཛིན་ཤིང་གླང་ལོའི་ཟླ་༩ ཚེས་༡༥ ནམ་གུང་སྟག་གི་དུས་གཏེར་སྲུང་ལྷ་རེག་གཉན་རྩེ་ཡིན་སྐད་པའི་མི་དཀར་རྟ་དཀར་ཅན་ཞིག་གིས་སྨྲས་པ་བདེ་བའི་རྡོ་རྗེས་འཁྲུལ་སྣང་ཡིག་རིས་སུ་བགྱིས་པའོ།། རྃ་ཡྃ་ཁྃ༔ ཨོཾ་ཨཱཿ ཧཱུྃ༔ ཧ་ཧོ་ཧྲཱིཿ ཀྱེེ༔ དད་པ་དང་ནི་དམ་ཚིག་གིས༔ ཡུལ་གཞི་སྲུང་མཛད་དྲག་ཤུལ་ཅན༔ ལྷ་རེག་གཉན་རྩེ་ཡུམ་སྲས་འཁོར༔ ཕྱི་ནང་གསང་བ་ཡང་གསང་གི༔ སྤྲུལ་འཁོར་བཀའ་སྡོད་བཅས་པ་ལ༔ གསོལ་ལོ་མཆོད་དོ་ཐུགས་དམ་བསྐངས༔ བདག་ཅག་འཁོར་དང་བཅས་པ་ལ༔ སྲུང་སྐྱོབས་བསམ་དོན་ལྷུན་གྲུབ་མཛོད༔ ཁྱད་པར་ཟབ་གཏེར་སྒོ་འཕར་འབྱེད༔ མཐའ་རྒྱས་ཡུན་བརྟན་ཕྲིན་ལས་མཛོད༔ མ་འདའ་བཛྲ་ས་མ་ཡ༔ ཅེས་པ་འདི་ཡང་དགོས་གལ་དང་བསྟུན་ཏེ་བདེ་བའི་རྡོ་རྗེས་བྲིས་པའོ།། དགེའོ།། །། ། .vMvE -༧ སྲུང་མ་སྤྱི་ལ་གཅེས་པའི་ཕྲིན་བཅོལ་དཔག་བསམ་སྙེ་མ་བཞུགས༔ ན་མོ་པདྨ་ཀཱ་ར་ཡེ༔ རྣལ་འབྱོར་དམ་ཚིག་ལྡན་པ་ཡིས༔ སྲུང་མ་གསོལ་མཆོད་བྱས་པའི་མཐར༔ འདོད་དོན་ཕྲིན་ལས་བཅོལ་བ་ནི༔ ཧཱུྃ་བྷྱོཿ དུས་གསུམ་རྒྱལ་བའི་བཀའ་དམ་ལ་གནས་པའི༔ ཟབ་གཏེར་ཡོངས་རྫོགས་བཀའ་ཡི་གཉེར་འཛིན་པ༔ གནོད་སྦྱིན་ཆེན་པོ་ཤན་པ་ཡབ་ཡུམ་དང་༔ སྤྲུལ་འཁོར་ལས་བྱེད་ཕོ་ཉའི་ཚོགས་དང་བཅས༔ མ་ལུས་བདག་ལ་གསན་ཅིང་དགོངས་སུ་གསོལ༔ ཁྱེད་རྣམས་བསྟེན་ཅིང་སྒྲུབ་མཆོད་བྱས་པ་ཡིས༔ རྣལ་འབྱོར་བདག་གི་འདོད་དོན་ཡོངས་འགྲུབ་མཛོད༔ ཁྱད་པར་དམིགས་པའི་ཡུལ་གྱུར་སྐྱེས་བུ་ཡི༔ བློ་ཡིད་མོས་པ་བདག་དབང་བསྒྱུར་བ་དང་༔ འགལ་རྐྱེན་མི་མཐུན་བར་ཆད་དབྱིངས་སུ་བཟློག༔ སྐུ་ཚེ་མཛད་ཕྲིན་ཡར་ངོའི་ཟླ་བཞིན་སྤེལ༔ དོན་གཉིས་ལྷུན་གྲུབ་ཕྲིན་ལས་མཐའ་རྒྱས་མཛོད༔ བཀའ་དང་དམ་ལས་མ་མདའ་ས་མ་ཡ༔ བཅོལ་བའི་ལས་འདི་མ་འགྱང་མྱུར་འགྲུབ་མཛོད༔ ཅེས་བརྗོད་གང་བསམ་འདོད་དོན་འགྲུབ༔ ཐེ་ཚོམ་མེད་དོ་ས་མ་ཡ༔ རྒྱ་རྒྱ་རྒྱ༔ ཅེས་པའང་བསོད་སྤྲུལ་རིན་པོ་ཆེའི་ཐུགས་བཞེད་འགྲུབ་ཕྱིར་དགོས་གལ་དང་བསྟུན་ཏེ་དབྱིངས་སྣང་ཌཱ་ཀྐིའི་བརྡ་ལས་ཀུན་བཟང་བདེ་སྐྱོང་ཆོས་ཉིད་དབང་མོས་དག་པར་ཕབ་པའོ།། །། འ༔ གཏེར་སྲུང་ལྷ་རབས་གཉེན་པོ་གཡུལ་རྒྱལ་གྱི་གསོལ་མཆོད་ཕྲིན་ལས་ལྷུན་གྲུབ་བཞུགས༔ གུ་རུ་ཧེ་རུ་ཀ་ལ་འདུད༔ ཇ་ཆང་སྐྱེམས་ཕུདགཙང་སྦྱར་དང་༔ འབྲུ་ཟན་ལ་སོགས་ཅི་འབྱོར་བསགས༔ སྭ་བྷཱ་ཝ་ཡིས་སྟོང་པར་སྦྱངས༔ ནམ་མཁའ་མཛོད་ཀྱི་འདོད་དགུར་སྤེལ༔ ས་མ་ཡ༔ ཀྱེེ༔ སྔོན་ཚེ་རྒྱལ་བའི་སྤྱན་སྔ་རུ༔ ཁས་བླངས་དམ་བཅས་སྲོག་སྙིང་ཕུལ༔ སྲིད་པའི་ལྷ་རབས གཉེན་པོ་ཡི༔ སྤྲུལ་པ་དམག་དཔོན་ཆེན་པོ་ནི༔ དབྱི་ཤོད་ས་འཛིན་དགྲ་བླའི་གཙོ༔ རཱུ་འདྲེན་སྤྲུལ་འཁོར་དཔུང་ཚོགས་བཅས༔ བཀའ་དང་དམ་ཚིག་གཉན་གྱིས་འབོད༔ མ་ཐོགས་གནས་འདིར་གཤེགས་སུ་གསོལ༔ དངོས་འབྱོར་ཡིད་ལས་སྤྲུལ་པ་ཡི༔ ཐུགས་མཐུན་ཕྱི་ནང་གསང་མཆོད་བཞེས༔ ཁྱད་པར་དམ་ཉམས་བསྟན་དགྲའི་སྡེ༔ ཉེ་ལ་རིང་བ་གར་གནས་ཀྱང་༔ ཁྱོད་ཀྱིས་མི་མཐོང་གང་ཡང་མེད༔ སྲོག་གི་མར་མེ་དབྱིངས་སུ་སྣུབས༔ ཤ་ཁྲག་སྲོག་སྙིང་ལྷག་མེད་རོལ༔ ཟབ་གཏེར་བསྟན་པ་རྒྱས་པ་དང་༔ བསྟན་འཛིན ཚེ་སྲིངས་བར་ཆད་སོལ༔ རབ་འབྱམས་ཕྲིན་ལས་ལྷུན་གྲུབ་མཛོད༔ ཁྱད་པར་ཡུལ་འདིའི་དགོན་གནས་དང་༔ བླ་མ་དགེ་འདུན་གྲྭ་ཚང་དང་༔ དཔོན་སྡེ་འབངས་འཁོར་ཐམས་ཅད་uMYCE ཀྱི༔ ཚེ་དཔལ་འབྱོར་པ་རྒྱས་པ་དང་༔ ལོ་ལེགས་འབྲུ་འཕེལ་རྟཕྱུགས་སྤེལ༔ རིགས་རྒྱུད་བུ་དང་དཔལ་གཡང་སྩོལ༔ ཕན་ཚུན་མཐུན་ཅིང་འཁྲུགས་རྩོད་ཞི༔ རྫོགས་ལྡན་དུས་ཀྱི་བསྐལ་པ་བཞིན༔ འཇིག་རྟེན་བདེ་བའི་ཕྲིན་ལས་མཛོད༔ བཀའ་དང་དམ་ལ་མ་འདའ་བར༔ གང་བསམ་འདོད་པའི་དོན་ཀུན་སྒྲུབས༔ ཐུགས་དམ་མ་གཡེལ་ས་མ་ཡ༔ ཅེས་ཡུལ་སྐྱོང་ཁོ་རང་གི་ངོར་གནས་མགྲོན་གྱི་དམ་ཚིག་ལ་བསམ་ནས་བདེ་བའི་མིང་གིས་ཉམས་སྣང་ལས་བྲིས་པའོ།། དགེའོ།། །། 302 TI1395-568 ཧཱུཾ་དག་སྣང་ཡེ་ཤེས་དྲྭ་བ་ལས༔ ཀླུ་བསངས་འདོད་དགུའི་དཔལ་སྟེར་བཞུགས༔ ན་མོ་པདྨ་ཀཱ་ར་ཡེ༔ སྐྱེ་དགུའི་བསོད་ནམས་སྤེལ་བ་དང་༔ རྐྱེན་སེལ་དངོས་གྲུབ་འབྱུང་བའི་ཐབས༔ བསང་མཆོད་རིམ་པ་འདི་རུ་བཀོད༔ བཟང་ཤིང་ཙནྡན་དཀར་དམར་དང་༔ སྤང་སྤོས་སྦ་སྨྱུག་ཉ་སྦྲིད་དང་༔ ཀླུ་ཤིང་ཀླུ་སྨན་དཀར་གསུམ་རིགས༔ མངར་གསུམ་ཛ་ཏི་ཕ་ལ་སོགས༔ བ་དམར་འོ་མའི་བཅུད་ཀྱིས་གཏམས༔ རང་ཉིད་ཀླུ་དབང་རྒྱལ་པོ་ཡི༔ ཏིང་འཛིན་ངང་ལྡན་འདི་སྐད་དོ༔ ཨོཾ་ཨཱཿཧཱུྃ༔ ཆོས་རྣམས་རང་བཞིན་སྟོང་པར་གྱུར༔ སྟོང་པའི་ངང་ལས་རང་མདུན་དུ༔ རིན་ཆེན་སྣ་ཚོགས་ས་གཞིའི་དབུས༔ ར་ལས་ཡེ་ཤེས་མེ་དཔུང་ཀློང་༔ ཏིང་འཛིན་ལས་སྤྲུལ་མཆོད་པའི་རྫས༔ དཀར་གསུམ་མངར་གསུམ་འབྲུ་བཅུད་དང་༔ ཀླུ་ཤིང་སྨན་དང་དར་ཟབ་རིགས༔ རིན་ཆེན་གསུམ་དང་གོས་དར་ནོར༔ ཉེར་སྤྱོད་བདུན་དང་འདོད་ཡོན་ལྔ༔ བཀྲ་ཤིས་རྫས་རྟགས་རིན་ཆེན་བདུན༔ རྒྱལ་སྲིད་སྣ་བདུན་མཁོ་དགུའི་དཔལ༔ མ་ཚང་མེད་པའི་གཏེར་ཆེན་པོ༔ ནམ་མཁའ་མཛོད་དུ་བྱིན་བརླབས་པའི༔ ཟག་མེད་ཡེ་ཤེས་བདུད་རྩིར་བསྒྱུར༔ རྃ་ཡྃ་ཁྃ༔ ནམ་མཁའ་མཛོད་སྔགས་ལན་གསུམ་གྱིས་སྤེལ༔ དེ་ནས་བསང་མགྲོན་སྤྱན་འདྲེན་པ་ནི༔ ཧཱུྃ༔ རང་བཞིན་རྣམ་དག་ཞིང་ཁམས་ནས༔ བརྒྱུད་ གསུམ་བླ་མ་ཡི་དམ་དང་༔ གནས་གསུམ་དཔའ་བོ་མཁའ་འགྲོའི་ཚོགས༔ བསང་མཆོད་གནས་འདིར་གཤེགས་སུ་གསོལ༔ བཀའ་སྲུང་ཕོ་རྒྱུད་མོ་རྒྱུད་དང་༔ ནོར་ལྷ་གཏེར་བདག རྒྱ་མཚོའི་ཚོགས༔ བསང་མཆོད་གནས་འདིར་གཤེགས་སུ་གསོལ༔ ཁྱད་པར་ཀླུ་མཚོ་ཕྱུགས་མོ་ལ༔ གནས་པའི་སྐྱེ་དགུའི་དཔལ་གྱི་བདག༔ ཀླུ་རྒྱལ་དུང་སྐྱོང་དཀར་པོ་ནི༔ ཕྱག་གཉིས་པདྨ་ནོར་བུ་འཛིན༔ གང་འདོད་དངོས་གྲུབ་སྩོལ་བའི་ལྷ༔ སྤྲུལ་འཁོར་མ་ལུས་ཐམས་ཅད་ཀུན༔ བསང་མཆོད་གནས་འདིར་གཤེགས་སུ་གསོལ༔ བྱང་ཆུབ་སེམས་དཔའི་ཕྲིན་ལས་གར༔ ཀླུ་ཆེན་བརྒྱད་དང་ཡང་འཁོར་དང་༔ རང་རང་དགྱེས་སྡེ་བཙུན་མོ་སྲས༔ མ་ལུས་བསང་མཆོད་གནས་འདིར་གཤེགས༔ པདྨ་ཉི་ཟླའི་གདན་སྟེང་དུ༔ འཛིན་མེད་རང་གསལ་ཆེན་པོར་བཞུགས༔ སྒོ་གསུམ་དང་བ་ཆེན་པོ་ཡིས༔ བསྟན་པ་བསྲུང་ཕྱིར་ཕྱག་འཚལ་ལོ༔ ཏིང་ངེ་འཛིན་ལས་རབ་སྤྲུལ་པའི༔ རྩི་བཅུད་ཤིང་རྩི་ཀླུ་སྨན་དང་༔ དར་ཟབ་འབྲུ་ནོར་ལོངས་སྤྱོད་དང་༔ དཀར་གསུམ་མངར་གསུམ་རིན་ཆེན་རིགས༔ ཉེར་སྤྱོད་འདོད་ཡོན་སྣ་ཚོགས་དང་༔ བཀྲ་ཤིས་རྫས་རྟགས་རྒྱལ་སྲིད་བདུན༔ འདོད་དགུའི་ 62དཔལ་ཡོན་ཕུན་ཚོགས་གཏེར༔ དངོས་འབྱོར་ཡིད་ཀྱིས་རྣམ་སྤྲུལ་ཏེ༔ གོས་དཀར་མོ་ཡི་ཀློང་དུ་འབུལ༔ དམ་ཚིག་སྒྲོལ་མས་རབ་བསྐྱོད་ཅིང་༔ ཟག་མེད་དུད་སྤྲིན་བསམ་མི་ཁྱབ༔ ཡེ་ཤེས་བདུད་རྩིའི་བསང་མཆོད་འདིས༔ བརྒྱུད་གསུམ་རིག་འཛིན་བླ་མ་བསངས༔ ཡི་དམ་རྒྱུད་སྡེ་བཞི་དྲུག་བསངས༔ གནས་གསུམ་དཔའ་བོ་མཁའ་འགྲོ་བསངས༔ བྱིན་རླབས་ཡེ་ཤེས་དངོས་གྲུབ་སྩོལ༔ ཆོས་སྐྱོང་བསྟན་སྲུང་དམ་ཅན་བསངས༔ མཆོག་ཐུན་དངོས་གྲུབ་འབད་མེད་སྩོལ༔ སྐྱེ་དགུའི་བསོད་ནམས་དཔལ་ཡོན་བདག༔ ཀླུ་རྒྱལ་དུང་སྐྱོང་འཁོར་བཅས་བསངས༔ དགྱེས་སྡེ་ཡུམ་དང་སྤྲུལ་འཁོར་བསངས༔ ཀླུ་རྒྱལ་མི་མགོན་རིགས་ལྡན་དང་༔ མཐའ་ཡས་འཇོག་པོ་དགའ་བོ་བསངས༔ ནོར་རྒྱས་པདྨ་ཆེན་པོ་དང་༔ པདྨ་རྒྱལ་སོགས་འཁོར་བཅས་བསངས༔ ཡང་འཁོར་གཉན་དང་ས་བདག་དང་༔ ཀླུ་ཕྲན་མ་ལུས་འཁོར་བཅས་བསངས༔ སྐྱེས་པའི་ཤིང་དང་འབབས་པའི་ཆུ༔ བརྟན་པའི་ས་རྡོ་རི་བྲག་ལ༔ གནས་པའི་བསོད་ནམས་ནོར་གྱི་བདག༔ མ་ལུས་འཁོར་དང་བཅས་པ་བསངས༔ ཟག་མེད་བདུད་རྩིའི་བསང་མཆོད་འདིས༔ རྨུག་གྲིབ 210 འཁོན་དང་དམེ་གྲིབ་སོགས༔ ཐམས་ཅད་བྱང་ཞིང་བསངས་གྱུར་ཅིག༔ ཟག་མེད་བདུད་རྩིའི་བསང་མཆོད་འདིས༔ ཐུགས་དམ་བསྐང་ལ་ཉམས་ཆག་བཤགས༔ བདག་ཅག་ཡོན་མཆོད་འཁོར་བཅས་ལ༔ ནད་མེད་བདེ་དང་ཚེ་བསོད་རྒྱས༔ འབྲུ་ནོར་ལོངས་སྤྱོད་མངའ་ཐང་འཕེལ༔ གནག་ལུག་རྟ་དར་ཟས་དགུའི་བཅུད༔ རིགས་བརྒྱུད་སྙན་གྲགས་བཙན ཕྱུགས་སོགས༔ འདོད་དགུའི་དངོས་གྲུབ་ཆར་ལྟར་སྩོལ༔ འཇིག་རྟེན་བདེ་དང་ལོ་ལེགས་ཤིང་༔ ཕྱུགས་རྣམས་འཕེལ་ཞིང་དོན་འགྲུབ་པ༔ ཡིད་ལ་བསམ་པ་ཀུན་འགྲུབ་ཅིང་༔ བདེ་སྐྱིད་ཆོས་འཕེལ་བཀྲ་ཤིས་ཤོག༔ བསང་མཆོད་མགྲོན་རྣམས་རང་གནས་གཤེགས༔ རྗེས་སུ་མཐུན་པའི་དངོས་གྲུབ་སྩོལ༔ བསོད་ནམས་ལོངས་སྤྱོད་སྤེལ་བའི་ཕྱིར༔ སླར་ཡང་འབྱོན་པར་མཛད་དུ་གསོལ༔ བསང་མཆོད་ཕུལ་བའི་བསོད་ནམས་ཀྱིས༔ སངས་རྒྱས་བསྟན་པ་དར་རྒྱས་ཤིང་༔ དེར་འཛིན་སྐྱེས་བུའི་སྐུ་ཚེ་བརྟན༔ བསྟན་པའི་སྦྱིན་བདག མངའ་ཐང་རྒྱས༔ འགྲོ་ཁམས་བདེ་བའི་དཔལ་ཐོབ་ཤོག༔ ཅེས་དང་། གཞན་ཡང་བཀྲ་ཤིས་ཅི་རིགས་བརྗོད༔ འདིར་བརྩོན་སྐལ་ལྡན་གང་སུ་དག༔ བསོད་ནམས་ལོངས་སྤྱོད་གོང་འཕེལ་ནས༔ བཀྲ་ཤིས་བདེ་ ༦2 ལེགས་འབྱུང་བར་ངེས༔ ས་མ་ཡ༔ རྒྱ་རྒྱ་རྒྱ༔ ཅེས་པ་འདི་ཡང་སྐྱབས་རྗེ་ཐམས་ཅད་མཁྱེན་པ་མཆོག་སྤྲུལ་སྣ་ཚོགས་རང་གྲོལ་གྱི་བཀའ་བསྐུལ་སྤྱི་བོར་སོན་ཚེ་འཁོར་འབང་ཐཤལ་བ་བདེ་སྐྱོང་དབང་མོས་སེར་དགོན་དབེན་ཁྲོད་ནས་ཡར་ཚེས་དགེ་བར་དག་པར་བྲིས་པའོ།། དགེའོ།། །། ༈ གཏེར་གནས་ནི། དབུས་ཕྱོགས་སུ་གནས་ཆེན་ཐམས་ཅད་ཀྱི་གཙོ་བོ༔ གངས་ཏི་སེ། གངས་རི་ཐོད་དཀར༔ བྲག་ཡེར་པ་དང་གསུམ༔ ཟལ་མོ་སྒང་དུ་གནས་ཆེན་གསུམ་ནི། རྨ་རྒྱལ། སྤྲེལ་རྫོང་། མཚོ་སྔོན་ནོ། རྫོང་གསུམ་ནི། པདྨ་རྫོང་། གསེར་རྫོང་། མཁའ་འགྲོ་རྫོང་། འཛི་སྨད། རྡོ་རྗེ་རྫོང་ངོ་། ནེ་གྲོ། གནས་ཕྲན་གསུམ་ནི། ཀོང་ར་བྲག་དཀར། ཁྲོམ་སྟོད། ཤང་ལ་བྲག་དཀར། ཉག་སྟོད། ཡ་ཤར་བྲག་དཀར་རོ། ཉག་ཁོག སྐུ་གསུང་ཐུགས་ཀྱི་གནས་གསུམ་ནི། སྐུའི་གནས་རྡོ་རྗེ་རྫོང་། གསུང་གི་གནས་པདྨ་རྫོང་། ཐུགས་ཀྱི་གནས་ཡར་ཀླུང་ཤེལ་བྲག་གོ། ཞེས་པའང་ཤཱི་ལ་བཛྲའི་ངོར་བདེ་བའི་རྡོ་རྗེས་སོ།། །། ZUZK 02 TI1395-573 TI1395-574 མ 郭 EU །ཆོས་ཉིད་མཁའ་འགྲོའི་གསང་མཛོད་སྐོར་གྱི་རིག་འཛིན་འདུས་པའི་ཚོགས་མཆོད་ཀྱི་འདོན་འགྲིགས་གསལ་བར་བཀོད་པ་བཞུགས།། ༄༅། །བླ་མ་ལ་ཕྱག་འཚལ་ལོ། །དེ་ལ་འདིར་རིག་འཛིན་འདུས་པའི་སྒྲུབ་ཐབས་ཡིད་བཞིན་ནོར་བུའི་སྒོ་ནས་ཚོགས་མཆོད་ཇི་ལྟརབྱ་བའི་ཚུལ་ལག་འགྲིགས་སུ་བཀོད་པ་ལ། ཐོག་མར་དཀྱིལ་འཁོར་བཤམ་བཀོད་སོགས་ཀྱི་རིམ་པ་སྤྱི་ལྟར་གྲུབ་མཐར། ཧཱུྃ་ཧྲཱིཿ མ་ལུས་སེམས་ཅན སོགས། གཤེགས་སུ་གསོལ༔ ཧཱུྃ་ཧྲཱིཿ སྔོན་གྱི་བསྐལ་པའི་སོགས། སིདྡྷི་ཧཱུྃ༔ གནས་མཆོག་འདི་རུ་སོགས། བཅོམ་ལྡན་